இந்திய எல்லையான லடாக்கில் சீன ராணுவம் மீண்டும் அத்துமீறல்!

பான்காங் சோ ஏரி அருகே அத்துமீற முயன்ற சீன ராணுவத்தை விரட்டியடித்தது இந்திய படை! கடந்த ஜூன் 15 ம் தேதி கிழக்கு லடாக்கின் கல்வான் பள்ளத்தாக்கில்,  சீன துருப்புக்களுடன் ஏற்பட்ட மோதல்களில் 20 இந்திய வீரர்கள் கொல்லப்பட்டனர். அதற்கு பின் இந்தியா சீனா இடையிலான பதற்றம் அதிகரித்துக் கொண்டே வந்தது. பின்னர் ஒரு கட்டத்தில், இந்தியாவின் உறுதியான நிலைப்பாட்டை கண்டு சீனப் படைகள் பின் வாங்கின. படைகளை விலக்கிக் கொள்வதாக சீன அரசு கூறி வரும் போதிலும், சீனா அதை செயலில் முழுமையாக காட்டவில்லை.  இந்நிலையில் லடாக்கில் சீன ராணுவம் மீண்டும் அத்துமீறி நுழைய முயன்றுள்ளது. பான்காங் சோ ஏரி அருகே அத்துமீற நுழைய முயன்ற சீன ராணுவத்தை இந்திய ராணுவப் படை விரட்டியடித்துள்ளதாக ராணுவ செய்தித்தொடர்பாளர் தகவல் பான்காங் சோ தெரிவித்துள்ளார். கிழக்கு லடாக்கில் தற்போதுள்ள சூழலை சிதைக்கும் சில காரியங்களில் சீனா ராணுவம் ஈடுபட்டுள்ளதாக இந்திய ராணுவம் குற்றஞ்சாட்டியுள்ளது. இதனால் எல்லைப் பகுதியில் பதற்றம் நிலவி வருகிறது.
http://dlvr.it/RfhBlP

Read More

தொடரும் எல்லைப் பிரச்னை.. தென் சீனக் கடலுக்கு போர்க்கப்பலை அனுப்பிய இந்தியா..!

கடந்த ஜூன் மாதத்தில் லடாக்கின் கல்வான் பள்ளத்தாக்கு எல்லை பிரச்னை காரணமாக இந்தியா மற்றும் சீனாவுக்கு இடையே ஏற்பட்ட மோதலை அடுத்து, இந்தியக் கடற்படை தென் சீனக் கடல் பகுதிக்கு போர்க்கப்பலை அனுப்பியுள்ளது. இரு தரப்பினருக்கும் இடையிலான பேச்சுவார்த்தையின்போது கூட இந்திய கடற்படை, தென்  சீனக்கடல் பகுதியில் போர்க்கப்பலை  நிலைநிறுத்துவது தொடர்பதாக தனது அதிருப்தியை தெரிவித்திருந்தது சீனா. கடந்த  2009 முதலே இந்திய கடற்படைக்கு சொந்தமான கப்பலைகளை சீன கடலோர எல்லை பகுதியில் நிறுத்துவதற்கு சீனா ஆட்சேபனை தெரிவித்து வருகிறது.  கடல் மூலமாக  இந்தியாவுக்கு  எந்தவித  அச்சுறுத்தலும்  ஏற்படக் கூடாது என்பதை கண்காணிப்பதற்காக போர்க்கப்பலை தென் சீனக் கடல் பகுதியில் நிறுத்தியுள்ளதாக அரசாங்க வாட்டாரத்தில் தெரிவிக்கப்பட்டுள்ளது. தென் சீனக் கடல் பகுதியில் அமெரிக்க கடற்படை தனது போர்க்கப்பல்களையும் நிறுத்தியுள்ளது. நீர் மூழ்கி  கப்பல்கள் மற்றும் ஆளில்லா தானியங்கி முறை கப்பல்களையும் கொண்டு கண்காணிப்பு பணிகள் நடைபெற்று வருவதாகவும் தெரிவிக்கப்பட்டுள்ளது. அதே போல கப்பற் போக்குவரத்து அதிகமுள்ள மலாக்கா நீரிணை பகுதியையும் இந்தியா கண்காணித்து வருவதாகவும் தெரிவிக்கப்பட்டுள்ளது.
http://dlvr.it/RfgGXc

Read More

இந்திய-சீன எல்லையில் படைகள் குவிப்பால் பதற்றம்!

இந்திய, சீன எல்லையில் இரு நாடுகளும் தலா 3 ஆயிரம் படை வீரர்களுக்கு மேல் குவித்துள்ளன.
http://dlvr.it/RfgGXP

Read More

கொரோனா வார்டின் கழிப்பறையை சுத்தம் செய்த புதுச்சேரி சுகாதார அமைச்சர்..!

புதுச்சேரி இந்திரா காந்தி அரசு மருத்துவக் கல்லூரி மருத்துவமனையில் கோவிட் -19 வார்டில் உள்ள கழிப்பறையை புதுச்சேரி சுகாதார அமைச்சர் மல்லடி கிருஷ்ணராவ் நேற்று சுத்தம் செய்தார். மல்லாடி கிருஷ்ணராவ் மருத்துவமனையில் கோவிட்-19 வார்டுகளை பரிசோதித்தபோது, கழிப்பறைகள் அசுத்தமாக உள்ளது என்று நோயாளிகள் புகார் தெரிவித்தனர். உடனே அவர் துப்புரவு தூரிகை மற்றும் திரவத்தைக் எடுத்துக்கொண்டு கழிப்பறைக்குள் சென்று தானே சுத்தம் செய்யத் தொடங்கினார். 75 நோயாளிகள் கொண்ட வார்டில் ஒரு நாளைக்கு மூன்று முறை கழிப்பறைகள் சுத்தம் செய்யப்பட்டாலும், சுகாதாரப் பணியாளர்களின் பற்றாக்குறை இருப்பதால் பராமரிப்பு கடினமாகிறது. எனவே நோயாளிகள் அனைவரும் கழிவறைகளை சுத்தமாக பயன்படுத்துமாறு அறிவுறுத்தினார். மருத்துவர்கள், செவிலியர்கள், சுகாதாரப் பணியாளர்கள் மற்றும் பிற வகை ஊழியர்களை உள்ளடக்கிய 458 சுகாதார ஊழியர்களை ஒப்பந்த அடிப்படையில் பணியமர்த்த அரசாங்கம் முடிவெடுத்துள்ளது. அதனால் அடுத்த வார இறுதிக்குள் போதுமான பணியாளர்கள் இருப்பார்கள் என்று சுகாதார அமைச்சர் கூறினார்.
http://dlvr.it/RfdJKW

Read More

பாப் இசை மன்னன் மைக்கேல் ஜாக்சன் பிறந்தநாள் இன்று..!

இருபதாம் நூற்றாண்டின் ஆகச்சிறந்த கலைஞர்களில் ஒருவர் மைக்கல் ஜாக்சன். இசை, நடனம், பேஷன் மூலம் மக்களை என்டர்டெயின் செய்த மாமன்னன் என்று கூட மைக்கல் ஜாக்சனை சொல்லலாம்.  பாப் இசையின் மன்னன் என ரசிகர்களால் அன்போடு அழைக்கப்படும் அவருக்கு இன்று பிறந்த நாள்.  இதே நாளில் அமெரிக்காவின் இந்தியானா மாநிலத்தில் ஆப்ரிக்க - அமெரிக்க தம்பதியினருக்கு பிறந்தார் ஜாக்சன். அவரது குடும்பம் முழுவதும் இசைக் கலைஞர்களுக்கு பஞ்சமில்லை. எளிமையாக  சொன்னால் ஜாக்சனின் குடும்பம் ஒரு இசை குடும்பம். அவரது இசைப் பயணம் அங்கிருந்து தான் ஆரம்பமானது.  1964இல் தொழில்முறை இசை பயணத்தை அண்ணன்களோடு இணைந்து ஆரம்பித்தார்.  1971இல் சோலோவாக பர்பார்ம் செய்ய களத்தில் இறங்கினார் மைக்கல் ஜாக்சன். இருப்பினும் 1979இல் வெளிவந்த ‘ஆப் தி வால்’ ஆல்பம் அவரை நட்சத்திர அந்தஸ்த்துக்கு உயர்த்தியது.  பின்னர் 1982இல் வெளிவந்த திரில்லர் ஆல்பத்தில் இசை மூலம் தனது ரசிகர்களை என்டர்டெயின் செய்தது மட்டுமின்றி புரட்சியும் பேசினார். இனவெறிக்கு எதிராக வாய்ஸ் கொடுத்தார் மைக்கல் ஜாக்சன். அந்த ஆல்பத்திற்கு எட்டு கிராமி விருதுகளும் கிடைத்திருந்தது.  தொடர்ந்து பேட் (1987), டேஞ்சரஸ் (1991), ஹிஸ்டரி : பாஸ்ட், பிரசன்ட், பியூச்சர், புக் 1 (1995), இன்வின்சிபிள் (2001) மாதிரியான ஆல்பம் மூலமாக தெறிக்கவிட்டார் மைக்கல் ஜாக்சன். ‘மூன் வாக்’ மூவ்மெண்ட் மூலமாக பார்வையாளர்களை மெஸ்மெரிக்க செய்யும் கலைஞர்.  லைவ் கான்சர்ட் மூலம் ரசிகர்களுக்கு தொடர்ந்து உற்சாகம் கொடுத்து வந்தார். அதன் மூலம் புகழின் உச்சிக்கே சென்றிருந்தார்.  அதே நேரத்தில் அவரது வாழ்வில் புகழுக்கு எந்தளவு இடமிருந்ததோ அதே அளவிற்கு சர்ச்சைகளும் இருந்தன. அவரது தோற்றத்தில் அவர் மேகொண்ட மாற்றங்கள், வாழ்க்கை முறை மாதிரியான காரணங்களுக்காக அவர் மீது விமர்சனங்களும் எழுந்தன.  2009இல் மாரடைப்பு காரணமாக உயிரிழந்தார் மைக்கல் ஜாக்சன்.  அவர் இல்லை என்றாலும் இந்த நொடி கூட அவரது இசை ஒலியாக காற்றில் உலகின் ஏதோவொரு பகுதியில் ஒலித்துக் கொண்டிருக்கலாம்.    ஹேப்பி பெர்த் டே...
http://dlvr.it/RfbZdk

Read More

எல்லையில் தங்கிய கட்டாய விருந்தினர்கள்.. மூன்று மாதங்களாக தவித்த சிக்கிம் குடும்பம்

சிக்கிம் மாநிலத்தின் கிழக்குப் பகுதியில் உள்ள ரம்டக் பகுதியைச் சேர்ந்த ஒரு குடும்பத்தினருக்கு மாநிலத்தில் நுழைய அனுமதி மறுக்கப்பட்டது. மேங்குவங்கத்தில் இருந்து சிக்கிம் செல்வதற்கான தங்களுடைய குடியுரிமையை நிரூபிக்கும் அடையாள அட்டையை அவர்களால் காட்டமுடியவில்லை. மூன்று மாதப் போராட்டத்திற்குப் பிறகு, இந்த வாரம்தான் சொந்த ஊருக்குச் சென்றுள்ளனர். அனில் சுபா, அவரது மனைவி சங்கீதா, மகள் சுஷ்மிதா, மகன் அஜய் ஆகியோர் நேபாளத்தில் இருந்து திரும்பியவர்கள். ஜூன் 2 ஆம் தேதியன்று சிக்கிம் மாநிலத்திற்குள் நுழைய அனுமதி மறுக்கப்பட்டார்கள். பின்னர் அவர்கள் சமூக வலைதளத்தில் தங்களுடைய பிரச்னையைப் பற்றி பேசி உதவி கேட்கும் வீடியோ ஒன்றையும் வெளியிட்டார்கள். இதுபற்றி சிக்கிம் உயர்நீதிமன்றத்திலும் பலமுறை புகார்கள் தெரிவித்தனர். ஆனாலும் எந்த தீர்வும் கிடைக்கவில்லை. எல்லையிலேயே தங்க நேர்ந்துவிட்டது. சொந்த காரணங்களுக்காக நேபாளம் சென்றவர்கள், இரு நாடுகளிலும் கொரோனா காரணமாக ஊரடங்கு அமல்படுத்தப்பட்டதால், ஊருக்குத் திரும்பமுடியவில்லை. ஜூன் மாதம் எல்லைப்பகுதியான ராங்க்போ சென்றவர்கள் திருப்பி அனுப்பப்பட்டனர. பின்னர் சிக்கிம் காவல்துறை அதிகாரி உதவியால் எல்லையில் உள்ள ஒரு வீட்டில் கட்டாய விருந்தினராக மூன்று மாதங்கள் தங்கியிருந்தனர். "ஒரு நீண்ட போராட்டத்திற்குப் பிறகு சொந்த ஊர் திரும்பியதில் ரொம்பவும் மகிழ்ச்சியாக இருக்கிறேன். சொந்த வீட்டிற்குச் செல்வதற்காக ஒருவர் இத்தனை தடவை முறையிடவேண்டுமா என்பது கற்பனையில்கூட நினைக்கமுடியாதது. இதுவொரு வலிமிகுந்த பயணம். ஆனால் பாடமும்கூட. இனிமேல் என் ஆவணங்களை முறையாக பராமரிக்கவேண்டும் என நினைக்கிறேன்" என்கிறார் சுஷ்மிதா. Courtesy: https://theprint.in/neye/sikkim-family-forced-to-live-as-guests-in-west-bengal-for-3-months-finally-allowed-home/491450/  
http://dlvr.it/RfbZd4

Read More

"ஐபிஎல் தொடரில் விளையாட மாட்டார் சுரேஷ் ரெய்னா"-சிஎஸ்கே நிர்வாகம் அறிவிப்பு !

ஐக்கிய அரபு அமீரகத்தில் இருந்த சுரேஷ் ரெய்னா உடனடியாக நாடு திரும்பியதாக சிஎஸ்கே தலைமை செயல் அதிகாரி காசி விஸ்வநாதன் தெரிவித்துள்ளார். Suresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.KS ViswanathanCEO — Chennai Super Kings (@ChennaiIPL) August 29, 2020 இது குறித்து சென்னை சூப்பர் கிங்ஸ் தன்னுடைய ட்விட்டர் பக்கத்தில் "தனிப்பட்ட காரணங்களுக்காக சுரேஷ் ரெய்னா இந்தியா திரும்பினார். அவர் ஐபிஎல் தொடரில் பங்கேற்கமாட்டார். இதுபோன்ற தருணங்களில் சுரேஷ் ரெய்னா குடும்பத்துக்கு சென்னை சூப்பர் கிங்ஸ் துணை நிற்கும்" என்றும் காசி விஸ்வநாதன் தெரிவித்துள்ளார்.
http://dlvr.it/RfZnZS

Read More

துபாயில் நடந்த சோதனை.. சென்னை சூப்பர் கிங்ஸ் அணியில் 5 பேருக்கு கொரோனா

சென்னை சூப்பர் கிங்ஸ் அணி உதவி பணியாளர்கள் 5 பேருக்கு கொரோனா நோய் தொற்று உறுதியாகியுள்ளது. கடந்த ஆகஸ்ட் 21ஆம் சென்னை சூப்பர் கிங்ஸ் அணி துபாய் சென்றது. சென்னை அணி வீரர்கள், பயிற்சியாளர்கள், உதவி பணியாளர்கள் என 51 நபர்கள் குழுவாக சென்றிருந்தனர். அவர்கள் அனைவருக்கும் துபாயில் கொரோனா பரிசோதனை மேற்கொள்ளப்பட்டது. இதையடுத்து அனைவரும் 6 நாட்கள் கட்டாய தனிமைப்படுத்தலில் இருந்தனர். பின்னர் பயிற்சிகள் தொடங்கின. இந்நிலையில் சுழற்சி முறையில் மீண்டும் அனைவருக்கும் கொரோனா பரிசோதனை மேற்கொள்ளப்பட்டது. இதில் ஒரு உதவி பந்துவீச்சாளர் மற்றும் 4 பணியாளர்கள் என மொத்தம் 5 பேருக்கு கொரோனா நோய் தொற்று இருப்பது உறுதி செய்யப்பட்டுள்ளது . இதனால் அவர்கள் அனைவரும் தனிமைப்படுத்தப்பட்டுள்ளனர். மற்ற வீரர்கள் அனைவருக்கும் கொரோனா பரிசோதனை முடிவுகள் மேற்கொள்ளப்பட்டுள்ளன. முடிவுகளை பொறுத்து பயிற்சிகள் தொடரும் எனப்படுகிறது. எம்.பி வசந்தகுமார் மருத்துவமனையில் கவலைக்கிடம்
http://dlvr.it/RfXjTN

Read More

பாட்டு, நடனம் மூலம் ஆன்லைனில் பாடம் கற்பிக்கும் அரசு பள்ளி ஆசிரியர்!!

அரசு பள்ளியில் படிக்கும் மாணவ மாணவிகளுக்கு எளிதில் தமிழ் எழுத்துக்களை கற்கும் விதத்தில் அரசு பள்ளி ஆசிரியர் நடனம் மூலம் வெளியிட்டுள்ள வீடியோ சமூக வலைதளங்களில் வேகமாக பரவி மாணவ மாணவிகளிடையே பெரும் வரவேற்பை பெற்றுள்ளது. கொரோனா வைரஸ் தொற்றுக் காரணமாக பள்ளிகள் திறக்கப்படாமல் இருந்துவந்த நிலையில் தற்போது அரசு பள்ளி மற்றும் அரசு உதவி பெறும் பள்ளிகளில் மாணவர் சேர்க்கை நடைபெற்று வருகிறது. மாணவர் சேர்க்கை இரண்டு நாட்களுக்கு முன்பு தொடங்கிய நிலையில் 2 லட்சத்து 50 ஆயிரம் பேர் புதிதாக அரசு பள்ளி மற்றும் உதவி பெறும் பள்ளிகளில் சேர்ந்துள்ளனர். தமிழக அரசும் மாணவ-மாணவிகளுக்கு கல்வி பயில்வதற்காக கல்வித் தொலைக்காட்சி மற்றும் பல்வேறு தொலைக்காட்சிகள் மூலம் வகுப்புகளை தொடங்கியுள்ளனர். அதேபோல் வாட்ஸ் அப் மூலம் மாணவர்களுக்கு பாடங்கள் அனுப்பப்பட்டு வருகிறது. அதன் ஒரு பகுதியாக புதுக்கோட்டை மாவட்டம் விராலிமலை ஒன்றியத்துக்கு உட்பட்ட கவரப்பட்டியில் உள்ள ஊராட்சி ஒன்றிய தொடக்கப் பள்ளியில் ஆசிரியராக உள்ள மீனா என்ற ஆசிரியர், மாணவ மாணவிகளுக்கு தமிழ் எழுத்துக்களை பல்வேறு அசைவுகள் மூலம் நடனமாடி சமூக வலைதளங்களில் வெளியிட்டுள்ளார். தற்போது இவர் கற்பிக்கும் இந்தப் பாடங்கள் சமூக வலைதளங்கள் மற்றும் பள்ளி மாணவ மாணவிகளிடம் பெரும் வரவேற்பை பெற்றுள்ளது. இது பலதரப்பட்ட மக்களையும் கவர்ந்துள்ள நிலையில் தொடர்ந்து இதே போல நடன வடிவிலான பாடம் நடத்தும் திட்டங்களை பதிவேற்றம் செய்து அதனை மாணவர்கள் அறியும் வகையில் சமூகவலைதளங்களில் பதிவிட போவதாகவும் ஆசிரியர் மீனா கூறியுள்ளார். மேலும், ஆன்லைனில் பாடம் நடத்தும்போது சிறு குழந்தைகளை கவனிக்க வைப்பதில் சிரமம் உள்ளதாக பல பெற்றோர்கள் கூறியிருக்கின்றனர். சிறு குழந்தைகளை பெரிதும் கவர்வது இசை மற்றும் நடனம்தான் என்பதால் அதையே குழந்தைகளுக்கு கற்பிக்க பயன்படுத்தலாம் என முடிவு செய்ததாக மீனா கூறுகிறார். 
http://dlvr.it/RfXjQz

Read More

தனியார்மயமாகும் விமான நிலையங்கள்... லாபம் யாருக்கு?

இந்தியாவில் விமான நிலையங்களைத் தனியார்மயமாக்கும் நடவடிக்கையில் மத்திய பா.ஜ.க அரசு தீவிரமாக இறங்கியுள்ளது. முதற்கட்டமாக லக்னோ, அகமதாபாத், ஜெய்ப்பூர், மங்களூரு, திருவனந்தபுரம், கௌஹாத்தி ஆகிய விமான நிலையங்களைத் தனியாரிடம் ஒப்படைப்பதற்கு கடந்த பிப்ரவரி மாதம் மத்திய அரசு ஒப்புதல் வழங்கியது. அந்த விமான நிலையங்களை நிர்வகிக்கும் உரிமையை ஏலம்வழியாக அதானி நிறுவனம் பெற்றது. அரசு - தனியார் கூட்டு முயற்சி என்ற அடிப்படையில், இந்த விமான நிலையங்களைத் தனியாரிடம் மத்திய அரசு குத்ததைக்கு விடுகிறது.சென்னை விமான நிலையம் இதற்கு, கேரள அரசு கடும் எதிர்ப்பு தெரிவித்துவருகிறது. ஏலத்தில் கேரள அரசின் நிறுவனம் பங்கேற்றது. ஆனாலும், அரசு நிறுவனத்துக்கு குத்தகை உரிமை கிடைக்கவில்லை. இந்த நிலையில், திருவனந்தபுரம் விமான நிலையத்தைத் தனியாரிடம் குத்தகைக்குவிடும் முடிவைத் திரும்பப் பெறக் கோரி கேரள சட்டமன்றத்தில் ஒருமனதாகத் தீர்மானம் நிறைவேற்றப்பட்டது. ஏற்கெனவே, `திருவனந்தபுரம் விமான நிலையத்தைத் தனியாருக்கு குத்தகைக்கு விடக் கூடாது’ என்று பிரதமர் மோடிக்கு முதல்வர் பினராயி விஜயன் இரண்டு முறை கடிதம் எழுதியுள்ளார். கேரள அரசின் எதிர்ப்பு என்பது இந்திய அரசியல் அரங்கில் மிகப்பெரிய சர்ச்சையாக மாறியிருக்கிறது. `விமான நிலையங்களை எதற்காக தனியாரிடம் கொடுக்க வேண்டும்?’ என்பது முக்கியமான கேள்வி. விமானப் போக்குவரத்து, ரயில் போக்குவரத்து உள்ளிட்ட பொதுப் போக்குவரத்துகள் மக்களுக்கு சேவை வழங்குவதை நோக்கமாகக்கொண்டவை. `இது போன்ற சேவைத்துறைகளிலிருந்து அரசு விலகிக்கொள்ள வேண்டும்’ என்று ஒரு சாரார் நீண்டகாலமாக சொல்லிவருகிறார்கள். மேலும், அரசால் நியமிக்கப்பட்ட பல குழுக்களும் தனியார்மயத்துக்கு ஆதரவான பரிந்துரைகளை அளித்து, அவற்றின் அடிப்படையில் `மக்களுக்கான சேவை’ என்கிற பொறுப்பை அரசு கொஞ்சம் கொஞ்சமாகக் கைகழுவிவருகிறது. அப்படித்தான் முழுக்க முழுக்க அரசின் வசம் இருந்துவந்த ரயில்வேதுறையில் மிகப்பெரிய அளவுக்கு தனியார்மயத்தை மத்திய அரசு கொண்டுவருகிறது. ரயில் நிலையங்களையும், ரயில்களையும் தனியாரிடம் கொடுப்பதற்கான நடவடிக்கையை மோடி அரசு தீவிரமாக மேற்கொண்டுவருகிறது.விமானங்கள் அதுபோல இந்தியாவில் அனைத்து விமான நிலையங்களும் மத்திய அரசின் `இந்திய விமான நிலையங்கள் ஆணையம் (ஏ.ஏ.ஐ)’ மூலமாக நிர்வகிக்கப்பட்டுவரும் நிலையில், ஆறு விமான நிலையங்களைத் தனியார்மயமாக்க மத்திய அரசு முடிவுசெய்தது. அவற்றில், ஐந்து விமான நிலையங்களை நிர்வகிப்பற்கான குத்தகையை அதானி குழுமம் பெற்றுள்ளது. அடுத்தகட்டமாக 20 முதல் 25 விமான நிலையங்களைத் தனியார்மயமாக்குவதற்குத் திட்டமிடப்பட்டுள்ளதாக செய்திகள் வெளியாகியுள்ளன. விமான நிலையங்கள் தனியாரிடம் கொடுக்கப்படுவதை ஒரு சாரார் ஆதரிக்கிறார்கள். இது குறித்து பொருளாதார நிபுணர் ஷியாம் சேகரிடம் கேட்டபோது, ``அரசால் நிர்வகிக்கப்படும் விமான நிலையங்களில் வசதிகள் மிகவும் சுமாராகத்தான் இருக்கும். விமானப் போக்குவரத்தாக இருந்தாலும், ரயில் போக்குவரத்தாக இருந்தாலும் மக்களுக்குத் தேவையான வசதிகள் அனைத்தையும் செய்துதர வேண்டும். அந்த வசதிகளை அரசு சரியாகச் செய்யாது. ஏனென்றால், அதன் நோக்கம் லாபம் கிடையாது. லாபத்தை நோக்கமாகக்கொண்டிருந்தால்தான் `புதிய வசதிகளையும், புதிய தொழில்நுட்பங்களையும் உடனடியாகக் கொண்டு வர வேண்டும்’ என்ற உணர்வு ஏற்படும். ஆனால், அரசுக்கு லாப நோக்கம் கிடையாது என்பதால், பயணிகளுக்குத் தேவையான வசதிகள் பற்றி அரசு கவலைப்படுவதில்லை. அதானி, பினராயி விஜயன் தனியாரிடம் கொடுத்தால்தான் இந்தப் பிரச்னைகளெல்லாம் சரியாகும். டெண்டர், தணிக்கை, சி.ஏ.ஜி போன்ற நடைமுறைகள் தனியாரிடம் இருக்காது. எனவே, ஒரு விஷயத்தைச் செய்ய வேண்டுமென்று நினைத்தாலும், தனியாரால் உடனடியாகவும் சுதந்திரமாகவும் அதைச் செய்துவிட முடியும். தனியாரிடம் இருந்தால்தான் அனைத்துப் பணிகளும் விரைவாக நடைபெறும். வேகமும் விறுவிறுப்பும் இருக்கும். அரசிடம் அதை எதிர்பார்க்க முடியாது’’ என்றார். விமான நிலையங்களைத் தனியார்மயமாக்கும் நடவடிக்கையை ஏ.ஏ.ஐ ஊழியர்களின் கூட்டு நடவடிக்கைக்குழு கடுமையாக எதிர்க்கிறது. தற்போது தனியாரிடம் கொடுப்பதற்கு முடிவு செய்யப்பட்ட ஆறு விமான நிலையங்களும் லாபத்தில் இயங்கக்கூடியவை. `இவற்றை ஏன் தனியாரிடம் கொடுக்க வேண்டும்?’ என்று கேள்வி எழுப்பி, விமான போக்குவரத்துத்துறை அமைச்சருக்கு அந்த அமைப்பு கடிதம் எழுதியுள்ளது. `ஏற்கெனவே டெல்லி மற்றும் மும்பை விமான நிலையங்கள் தனியாரிடம் கொடுக்கப்பட்டும், அதன் மூலமாக உள்கட்டமைப்பு வசதிகள் மற்றும் வேலைவாய்ப்புகளில் மக்களுக்கோ, நாட்டுக்கோ பெரிதாக பலன் ஏதுமில்லை’ என்று கடிதத்தில் அந்த அமைப்பு குறிப்பிட்டுள்ளது. மேலும், `தனியார்மய நடவடிக்கையால் குறிப்பிட்ட ஒரு தனியார் நிறுவனத்தின் ஆதிக்கம் அதிகரித்து, ஊழியர்களின் உழைப்பு சுரண்டப்பட்டு, பொதுமக்களுக்கு கூடுதல் சுமைதான் ஏற்படும்’ என்ற அச்சத்தையும் கவலையையும் ஏ.ஏ.ஐ ஊழியர்களின் அமைப்பு தெரிவித்துள்ளது.அதானியுடன் மோடி `தனியார்மயத்தால் தங்கள் வேலைக்கு ஆபத்து ஏற்படும் என்ற அச்சம் காரணமாக, தனியார்மயத்தை விமான நிலைய ஊழியர்கள் எதிர்க்கிறார்கள்’ என்று சிலர் சொல்லலாம். அது உண்மைதான் என்று வைத்துக்கொள்வோம். ஆனால், அந்த அச்சம் நியாயமற்றது என்றும் சொல்லிவிட முடியாது. ஊழியர்களுக்கான ஊதியம், வேலை நேரம் போன்ற சட்ட விதிகளைக் கடைப்பிடிப்பதில் பொதுத்துறை நிறுவனங்கள் முன்மாதிரியாக இருக்கின்றன. தனியார் நிறுவனங்களில் அவற்றை எதிர்பார்க்க முடியாது. மேலும், பொதுத்துறை நிறுவனங்கள் இருப்பதால்தான், கட்டண உயர்வும் கட்டுக்குள் இருக்கிறது. முதன்முதலில் தனியார் நிறுவனம்தான் செல்போனை அறிமுகப்படுத்தியது. அப்போது, இன்கமிங், அவுட்கோயிங் என இரண்டுக்கும் கட்டணம் வசூலிக்கப்பட்டது. மத்திய அரசின் தொலைத் தொடர்பு நிறுவனம் செல்போன் சேவையை ஆரம்பித்த பிறகுதான் கட்டணம் குறைந்தது என்ற வாதத்தை தொழிற்சங்கத்தினர் முன்வைக்கிறார்கள். இது குறித்து சி.ஐ.டி.யு தொழிற்சங்கத்தின் மூத்த தலைவரான நரேந்திர ராவிடம் பேசினோம். ``ஏர்போர்ட் அதாரிட்டி ஆஃப் இந்தியா (ஏ.ஏ.ஐ) என்ற பொதுத்துறை நிறுவனத்தால், 18 சர்வதேச விமான நிலையங்களும் 78 உள்நாட்டு விமான நிலையங்களும் பராமரிக்கப்படுகின்றன. இவற்றில் லாபம் ஈட்டுபவை என்று 12 விமான நிலையங்கள் கண்டறியப்பட்டுள்ளன. அரசு - தனியார் கூட்டு முயற்சி அடிப்படையில் டெண்டர் மூலம் இவை தனியாருக்குக் கொடுக்கப்படுகின்றன. அரசுக்குச் சொந்தமான பொதுத்துறை நிறுவனங்களை தனியாருக்கு கொடுத்த பிறகு, அந்தத் தனியார் நிறுவனம் லாபத்தில் குறிப்பிட்ட சதவிகிதத்தை அரசுக்கு கொடுக்கும். இதில், அரசுக்கு எந்தப் பொறுப்பும் கிடையாது. பத்து வீடுகளைக் கட்டி வாடகைக்கு விட்டுவிட்டு, உட்கார்ந்துகொண்டு சாப்பிடுவது மாதிரி. எனவே, ‘லேண்டுலார்டு கான்செப்ட்’ என்று இதை நாங்கள் சொல்வோம்.சென்னை விமான நிலையம் திருவனந்தபுரம் விமான நிலையத்தைத் தனியாரிடம் கொடுப்பதற்கு டெண்டர் விடப்பட்டது. அதானி பங்கேற்ற அந்த டெண்டரில், கேரள அரசும் பங்கேற்றது. மத்திய அரசு விடும் டெண்டரில் ஒரு மாநில அரசு பங்கேற்றால், மாநில அரசுக்குத்தானே அந்த விமான நிலையத்தைக் கொடுக்க வேண்டும்..! மத்திய அரசோ, மாநில அரசையும் தனியார் நிறுவனத்தையும் ஒரே தராசில் வைத்துப் பார்க்கிறது. இது என்ன நியாயம்? கேரள அரசும், அந்த விமான நிலையத்தில் வரும் லாபத்தில் மத்திய அரசுக்கான பங்கைத் தருவதாகக் கூறுகிறது. எனவே, கேரள அரசுக்கு கொடுப்பதுதானே நியாயம்... ஆனால், மத்திய அரசு முடியாது என்கிறது. எனவேதான், கேரள அரசு நீதிமன்றம் சென்றிருக்கிறது. அதானி குழுமத்துக்கே அத்தனை விமான நிலையங்களையும் கொடுத்துவிட்டால், அவர்கள் வைப்பதுதான் சட்டம், அவர்கள் நிர்ணயிப்பதுதான் கட்டணம் என்ற நிலை உருவாகிவிடும். மத்திய அரசு இதற்கு உடந்தையாக இருக்கலாமா? மேலும், விமான நிலையங்கள் பராமரிப்பில் அதானி நிறுவனத்துக்கு முன்அனுபவமே கிடையாது. அப்படிப்பட்ட நிறுவனத்துக்குத்தான் இதுவரை ஐந்து விமான நிலையங்கள் குத்தகைக்குக் கொடுக்கப்பட்டுள்ளன. லாபத்தில் இயங்கும் விமான நிலையங்களை ஏன் தனியாரிடம் கொடுக்க வேண்டும்?” என்றார். Also Read: பய எலி பா.ஜ.க... தேசவிரோத தி.மு.க - பா.ஜ.க Vs தி.மு.க!கோவை விமான நிலையம் தனியாரிடம் விமான நிலையங்கள் ஒப்படைக்கப்பட்டால், விமானங்களுக்கு ரன்வே ஸ்லாட் கொடுப்பதில் மிகப்பெரிய அளவுக்கு பாரபட்சம் இருக்கும். அரசு நிறுவனங்களின் விமானங்களுக்கு முன்னுரிமை வழங்கப்படாது. விமானக் கட்டணங்களும் சேவைக் கட்டணங்களும் பல மடங்கு உயரும். இதனால், சாமானிய நடுத்தர மக்களால் விமானத்தில் செல்ல முடியாத நிலை உருவாகும். அரசு வேலைவாய்ப்புகள் இருக்காது. வேலைவாய்ப்புகளில் இடஒதுக்கீடு இருக்காது. சமூகநீதி பாதிக்கப்படும்’’ என்றார்.
http://dlvr.it/RfWZPt

Read More

"இ-பாஸ் முறை இருந்தால்தான் கண்காணிக்க முடியும்”- முதல்வர் பழனிசாமி

இ-பாஸ் முறை இருந்தால்தான் யார் எங்கு செல்கிறார்கள் என்பதை கண்டறிய முடியும் என முதல்வர் பழனிசாமி தெரிவித்துள்ளார்.  கடலூரில் செய்தியாளர்களைச் சந்தித்த அவர் "இ-பாஸ் முறை இருந்தால்தான் யார் எங்கு செல்கிறார்கள் என்பதை கண்டறிய முடியும். எனவே இ-பாஸ் அவசியம். தமிழகத்தில் கொரோனா தொற்றை தடுக்க தமிழக அரசு கடுமையான நடவடிக்கைகளை எடுத்து வருகிறது. கொரோனா தொற்றுக்கு ஆளாகும் நபர்கள் அச்சப்பட வேண்டாம். கொரோனாவால் பாதிக்கப்பட்டவர்களுக்கு தேவையான சிகிச்சை அளிக்கப்பட்டு வருகிறது" என்றார் பழனிசாமி.
http://dlvr.it/RfRwgQ

Read More

துபாயில் பயிற்சியை தொடங்குகிறது பெங்களூரு அணி !

ஐபிஎல் கிரிக்கெட் தொடருக்கான பயிற்சியை ராயல் சேலஞ்சர்ஸ் பெங்களூரு அணி துபாயில் தொடங்குகிறது. ஐபிஎல் கிரிக்கெட் தொடர் வரும் 19-ஆம் தேதி ஐக்கிய அரபு அமீரகத்தில் தொடங்குகிறது. இதில் பங்கேற்க உள்ள ராயல் சேலஞ்சர்ஸ் பெங்களூரு அணி தனது 6 நாள் தனிமைப்படுத்தல் காலத்தை நிறைவு செய்துள்ளது. இதையடுத்து விராட் கோலி தலைமையிலான பெங்களூரு அணி, துபாயில் 3 வார பயிற்சியை தொடங்கவுள்ளது. வீரர்களுக்கு கொரோனா தொற்று ஏற்படாமல் இருக்க சிறப்பு பாதுகாப்பும் அளிக்கப்பட்டுள்ளது. முன்னதாக கிங்ஸ் லெவன் ப‌ஞ்சாப், ராஜஸ்தான் ராயல் அணிகள் தங்கள் பயிற்சியை தொடங்கின. இவ்வணிகளை தொடர்ந்து கட்டாய தனிமைப்படுத்தல் காலத்தை நிறைவு செய்யும் பிற அணிகளும் பயிற்சியை அடுத்தடுத்த நாட்களில் தொடங்க உள்ளன.
http://dlvr.it/RfQz0G

Read More

கேரள தங்கம் கடத்தல் வழக்கு: லாக்கரில் இருந்த பணம், நகை... ஸ்வப்னாவுக்கு கிடைத்தது எப்படி?

திருவனந்தபுரம் யு.ஏ.இ தூதரக பார்சல் வழியாக தங்கம் கடத்தப்பட்ட வழக்கை என்.ஐ.ஏ, சுங்கத்துறை உள்ளிட்டவை விசாரணை நடத்தின. இப்போது அமலாக்கத்துறை விசாரணையை முடுக்கிவிட்டுள்ளது. அதில் பல திடுக்கிடும் தகவல்கள் வெளியாகியுள்ளன. சிலரது வாக்குமூலங்களால் குழப்பமும் ஏற்பட்டுள்ளது. தங்கம் கடத்தல் வழக்கில் கைது செய்யப்பட்ட்டுள்ள ஸ்வப்னா சுரேஷின் வங்கி லாக்கரில் இருந்து ஒரு கோடி ரூபாய்க்குமேல் பணம் மற்றும் ஒரு கிலோ தங்கம் ஆகியவை கண்டெடுக்கப்பட்டுள்ளன. ஸ்வப்னாவும் கேரள முதல்வரின் முன்னாள் முதன்மைச் செயலாளர் சிவசங்கரனின் சார்ட்டர்ட் அக்கவுண்டண்ட் வேணுகோபாலனும் சேர்ந்து ஒரு வங்கியில் லாக்கர் எடுத்துள்ளனர். அதில் இருந்து பணம் மற்றும் நகைகள் கண்டெடுக்கப்பட்டன. இதையடுத்து அமலாக்கத்துறை சார்ட்டர்ட் அக்கவுண்டண்ட் வேணுகோபாலனிடன் விசாரணை நடத்தியது. வேணுகோபாலன் அமலாக்கத்துறைக்கு அளித்த வாக்குமூலத்தில், "கேரள முதல்வரின் முதன்மைச் செயலாளராக இருந்த சிவசங்கரனின் உத்தரவின்பேரில்தான் ஸ்வப்னாவுடன் சேர்ந்து கூட்டாக லாக்கர் எடுக்க கையெழுத்து போட்டேன். இதனால் எனக்கு சட்டச்சிக்கல் வரும் என நான் எதிர்பார்க்கவில்லை. லாக்கரில் இருந்த பணம் மற்றும் நகைகள் எங்கிருந்து வந்தது என எனக்கு தெரியாது" என்றார்.சஸ்பெண்ட் செய்யப்பட்ட ஐ.ஏ.எஸ் அதிகாரி சிவசங்கரன் ஆனால் ஸ்வப்னா இதுபற்றி அளித்த வாக்குமூலத்தில், "கேரள அரசின் லைஃப் திட்டத்தின் கீழ் துபாய் நாட்டைச் சேர்ந்த ஒரு நிறுவனம் ஏழைகளுக்கு வீடுகட்டி கொடுத்தது. அதற்காக யு.ஏ.இ தூதரகம் மூலம் எனக்கு ஒரு கோடி ரூபாய் கமிஷன் கிடைத்தது. அந்தப் பணத்தை நான் வங்கியில் டெப்பாசிட் செய்யலாம் என நினைத்திருந்தேன். ஆனால் சார்ட்டர்ட் அக்கவுண்டண்ட் கூறியதன் பெயரிலேயே லாக்கரில் பணத்தை வைத்தேன்" என்றார். லைஃப் வீடுகள் கட்டும் திட்டத்தில் ஒப்பந்தம் எடுத்த நிறுவனம் ஸ்வப்னா, சிவசங்கரன் கோஷ்டிக்கு 4.25 கோடி கமிஷனாக வழப்க்கியதாக தகவல் வெளியாகியுள்ளது. அந்த பணத்தை இவர்கள் பங்கு வைத்து எடுத்துக்கொண்டதாக கூறப்படுகிறது. இதுகுறித்து விரிவான விசாரணை நடத்தப்படும் என அமலாக்கத்துறை கூறியுள்ளது. Also Read: பினராயி விஜயன் அலுவலக சிசிடிவி பதிவைக் கேட்கும் என்.ஐ.ஏ! - ஸ்வப்னா வழக்கில் திருப்பம் அமலாக்கத்துறைக்கு சிவசங்கரன் அளித்த வாக்குமூலத்தில், "நான் தலைமைச் செயலக அலுவலகத்தில் இல்லாத சமயத்திலும் ஸ்வப்னாவும், ஸரித்தும் அடிக்கடி வந்து சென்றுள்ளனர். நான் இல்லாதபோது யாரை பார்க்க அவர்கள் வந்தார்கள் என எனக்கு தெரியவில்லை" என கூறியுள்ளார். ஆனால் ஸ்வப்னா மற்றும் சந்தீப் ஆகியோர் சிவசங்கரனிடம் மட்டுமே நட்பில் இருந்ததாக கூறியுள்ளார். எனவே தலைமைச் செயலக சி.சி.டி.வி காட்சிகள் கிடைத்தால்தான் மேற்கொண்டு விசாரணை நடத்த முடியும் என இந்த வழக்கை விசாரிக்கும் என்.ஐ.ஏ, சுங்கத்துறை உள்ளிட்ட ஏஜென்சிகள் தங்களது உயர் அதிகாரிகளுக்கு தகவல் அனுப்பி உள்ளனர்.ஸ்வப்னா வழக்கு இந்த நிலையில் ஸ்வப்னாவை கஸ்டடியில் எடுத்து விசாரணை நடத்த கேரள போலீஸார் முயற்சித்து வருகின்றனர். ஏர் இந்தியா நிறுவனத்தில் பணியில் இருந்தபோது மேல் அதிகாரிகள் மீது பொய் புகார் கொடுத்தது குறித்து ஸ்வப்னாவிடம் விசாரணை நடத்துவதற்காக கேரள போலீஸார் இந்த முயற்சியைமேற்கொண்டு வருகின்றனர். தங்கம் கடத்தல் வழக்கில் 25 குற்றவாளிகளில் இதுவரை 20 பேர் கைது செய்யப்பட்டுள்ளது குறிப்பிடத்தக்கது. Also Read: கேரளா: `தூதரக அதிகாரியுடன் இணைந்து ரியல் எஸ்டேட்?’ - ஸ்வப்னா லாக்கரில் சிக்கிய பணம், தங்கம்
http://dlvr.it/RfQyzt

Read More

தனியார் பள்ளிகளில் 25% இடஒதுக்கீட்டில் ஏழை மாணவர்கள் சேர்க்கை: ஆன்லைனில் விண்ணப்பிக்கலாம்

கட்டாய கல்வி உரிமை சட்டத்தின்படி, தனியார் பள்ளிகளில் 25 சதவீத இட ஒதுக்கீட்டின் கீழ் ஏழை மாணவர்களுக்கு வழங்கப்படும் இலவச சேர்க்கை பெற நாளை (ஆகஸ்டு 27) முதல் இணையதளத்தில் விண்ணப்பிக்கலாம் என்று அறிவிக்கப்பட்டுள்ளது. குழந்தைகளுக்கான இலவச மற்றும் கட்டாய கல்வி உரிமைச் சட்டம் 2009 பிரிவு 12(1) (சி)-ன்படி, சிறுபான்மை அல்லாத அனைத்துத் தனியார் பள்ளிகளிலும் ஏழை குழந்தைகளுக்கு எல்கேஜி அல்லது 1-ம் வகுப்புகளில், குறைந்தபட்சம் 25 சதவீதம் இட ஒதுக்கீடு வழங்கப்பட்டு மாணவர் சேர்க்கை வழங்கப்பட வேண்டும். தமிழகத்தில் 10 ஆயிரத்துக்கும் மேற்பட்ட பள்ளிகளில் சுமார் 1.12 இலட்சம் இடங்கள் உள்ளன. வரும் 2020-21 ஆம் கல்வியாண்டில் தனியார் பள்ளிகளில் எல்கேஜி அல்லது முதல் வகுப்பில் 25 சதவீத ஒதுக்கீட்டில் சேர விரும்பும் மாணவர்கள் நாளை( ஆகஸ்டு-27) முதல் செப். 25-ம் தேதி வரை rte.tnschools.gov.in என்ற இணையதளம் வழியாக விண்ணப்பிக்கலாம் என்று அறிவிக்கப்பட்டுள்ளது. முதன்மைக் கல்வி அலுவலகம், மாவட்டக் கல்வி அலுவலகங்கள், வட்டாரக் கல்வி அலுவலகங்கள், அனைவருக்கும் கல்வி இயக்க வட்டார வள மைய அலுவலகங்களிலும் இணையதளம் வழியாக விண்ணப்பிக்க ஏற்பாடுகள் செய்யப்பட்டுள்ளன. விண்ணப்பிக்கும்போது புகைப்படம், பிறப்புச் சான்று அல்லது பிறப்புச் சான்றிதழுக்கான பிற ஆவணம், இருப்பிடச் சான்று, வருமானச் சான்று (ஆண்டு வருமானம் ரூ.2 லட்சத்திற்கும் கீழ்), வாய்ப்பு மறுக்கப்பட்ட பிரிவினரில் முன்னுரிமை கோரும் நபர்கள் உரிய அலுவலரிடம் பெறப்பட்ட நிரந்தர ஆவணங்களின் நகல், சாதிச் சான்றிதழ் ஆகிய ஆவணங்களுடன் பதிவேற்றம் செய்யவேண்டும். சட்டப்பிரிவு 12 (1) (சி) கீழ், சேர்க்கை வழங்க, தமிழ்நாடு குழந்தைகளுக்கான இலவச மற்றும் கட்டாயக் கல்வி உரிமை விதிகள் 2011, விதி எண் 4(1) படி எல்கேஜி அல்லது முதல் வகுப்பிற்கு மாணவரின் இருப்பிடம், சேர விரும்பும் தனியார் பள்ளிக்கு 1 கிலோ மீட்டருக்குள் இருக்க வேண்டும். சம்பந்தப்பட்ட பள்ளிகள் விண்ணப்பங்கள் வாங்கும்போது பெற்றோருக்கு ஒப்புகைச் சீட்டைத் தவறாமல் வழங்கவேண்டும். தனியார் பள்ளிகளில் நிர்ணயிக்கப்பட்ட இடங்களை விட அதிகமான விண்ணப்பங்கள் பெறப்பட்டால் வெளிப்படையான  குலுக்கல் முறையில் மாணவர்கள் தேர்வு செய்யப்படுவார்கள். பெற்றோர்கள் தங்கள் இருப்பிடத்திற்கு அருகில் உள்ள 5 பள்ளிகளில் விண்ணப்பிக்கலாம். இந்த திட்டத்தின் கீழ் சிறுபான்மை அந்தஸ்து பெறாத அனைத்து தனியார் நர்சரி, பிரைமரி, மெட்ரிக்,ஐசிஎஸ்இ மற்றும் சிபிஎஸ்இ பள்ளிகளிலும் இலவச மாணவர் சேர்க்கை பெறலாம்.
http://dlvr.it/RfNH8J

Read More

'அன்லாக் 4.0': எவற்றுக்கெல்லா‌ம் அனுமதி வழங்க வாய்ப்பு?

பொதுமுடக்க தளர்வுகள் 4.0 விரைவில் வெளியிடப்பட உள்ள நிலை‌யில் எவற்றுக்கெல்லா‌ம் அனுமதி வழங்க வாய்ப்பு உள்ளது என்பது குறித்த தகவல்கள் வெளியாகி உள்ளன. கொரோனா பரவல் காரணமாக ‌நாடு முழுவதும் அமல்படுத்தப்பட்ட பொ‌துமுடக்கத்திற்கான தளர்வுகள் ஜூலை மாதம் முதல் அறிவிக்கப்பட்டு வருகின்றன. அந்த வகையில் அன்லாக் 4.0 விரைவில் வெளியிடப்படும் என எதிர்பார்க்கப்படுகிறது. இந்தமுறை பெருநகரங்களில் மெட்ரோ ரயில் சேவை தொடங்கப்பட ‌வாய்ப்பு‌ இருப்பதாக தகவல் வெளியாகியுள்ளது. மும்பை உள்ளிட்ட சில முக்கிய மெட்ரோ ரயில் சேவை அமைப்புகள் இன்னும் தங்களது கருத்தினை உறுதிப்பட தெரிவிக்காததால் இது சம்பந்தமாக பேச்சுவார்த்தை நடைபெற்று வருவதாக தெரிகிறது. பள்ளி, கல்லூரி என அனைத்து கல்வி நிலையங்களும் மூடப்பட்டிருக்கும் என்றும், ஐஐடி, ஐஐஎம் போன்ற கல்வி நிறுவனங்களில் ஒரு சில செயல்பாடுகளுக்கு ‌அனுமதி வழங்க வாய்ப்பு உள்ளதாக கூறப்படுகிற‌து. ’கொரோனா காலத்தில் ஜேஇஇ மற்றும் நீட் தேர்வுகள் நியாயமற்றது’’ - கிரேட்டா தன்பெர்க்  மதுபான கடைகளுக்கு முழு அனுமதி வழங்கப்படலாம் என்று எதிர்பார்க்கப்படுகிறது. அதே வேளையில் திரையரங்குகள், ஆடிட்டோரியம் போன்றவை மேலும் ஒரு மாதத்திற்கு மூடப்பட்டிருக்கும் என்று சொல்லப்படுகிறது. சமூக இடைவெளியுடன், குறைந்தபட்ச பார்வையாளர்களை கொண்டு திரையரங்குகளை இயக்கலாம் என்ற யோசனை திரையரங்க உரிமையாளர்கள் சார்பில் இன்னும் உறுதிப்படுத்தப்படாததால் முடிவு எடுக்கப்படாமல் இருப்பதாக தெரிகிறது. ஒருவேளை நிபந்தனைகளுக்கு உடன்பட்டால் திரையரங்குகளை திறப்பது பற்றி ஆலோசிக்கப்படும் என்று கூற‌ப்படுகிறது. அரசியல், கலாசாரம், ஆன்மிகம், விளையாட்டு ‌போன்ற ஒன்று கூடுதலுக்கான த‌டை‌மேலும் ஒரு மாதத்திற்கு நீடிக்கும் என்றும், தடைசெய்யப்பட்ட பகுதிகளில் இருக்கக்கூடிய முழு அடைப்பு தொடர்ந்து அமலில் இருக்கும் என்றும் சொல்லப்படுகிறது. தற்போது இயக்கப்படும் சிறப்பு ரயில்கள், விமானங்களின் எண்ணிக்கை அதிகரிக்கப்பட வாய்ப்பு இருப்பதாகவும் தகவல் வெளியாகி உள்ளது.
http://dlvr.it/RfMHX3

Read More

கேரள தலைமைச் செயலகத்தில் தீ; தங்கம் கடத்தல் வழக்கு ஆவணங்கள் எரிந்ததா? - கொதிக்கும் எதிர்கட்சிகள்

கேரள மாநில தலைமைச் செயலகம் திருவனந்தபுரத்தில் அமைந்துள்ளது. தலைமைச் செயலகத்தின் நார்த் பிளாக்கில் உள்ள சீஃப் புரோட்டோக்கால் அதிகாரியின் அலுவலகத்தில் நேற்று மாலையில் திடீரென தீ விபத்து ஏற்பட்டது. தீயணைப்புத் துறையினர் விரைந்து சென்று தீயை அணைத்தனர். இருப்பினும் ஒரு கம்ப்யூட்டர் மற்றும் சில பைல்கள் எரிந்து நாசமானதாக தகவல் வெளியாகியுள்ளது. இது மின் கசிவால் ஏற்பட்ட தீ விபத்து என தெரிவிக்கப்பட்டுள்ளது. ஆனால் தூதரகம் வழியாக தங்கம் கடத்தல் வழக்கில் பினராயி விஜயனின் முதன்மைச் செயலாளராக இருந்த சிவசங்கரன் சிக்கியுள்ளதால் பைல்களை அழிப்பதற்காக அரசு செய்த சதி என எதிர்கட்சியான காங்கிரசும், பா.ஜ.க-வும் குற்றம்சாட்டியுள்ளன. தீ விபத்தைத் தொடர்ந்து தலைமைச் செயலகத்துக்குள் காங்கிரஸ் எம்.எல்.ஏ-க்கள் சிலர் செல்ல முயன்றனர். அவர்கள் உள்ளே அனுமதிக்கப்படவில்லை. இதையடுத்து தலைமைச் செயலகம் முன்பு காங்கிரஸ் எதிர்கட்சித் தலைவர் ரமேஷ் சென்னித்தலா தலைமையில் எம்.எல்.ஏ-க்கள் மற்றும் காங்கிரஸார் போராட்டத்தில் ஈடுபட்டனர். போராட்டத்துக்கு பின்னர் காங்கிரஸ் சட்டமன்ற உறும்மினர்களை அலுவலகத்துக்குள் அதிகாரிகள் அனுமதித்தனர். இந்த தீ விபத்து ஸ்வப்னா வழக்கில் ஆவணங்களை அழிக்கும் செயல் என காங்கிரஸார் தொடர்ந்து கூறி வருகின்றனர்.கேரள காங்கிரஸ் எதிர்கட்சி தலைவர் ரமேஷ் சென்னித்தலா இதுகுறித்து காங்கிரஸ் எதிர்கட்சித் தலைவர் ரமேஷ் சென்னித்தலா கூறுகையில், "பொது நிர்வாகத்துறை செயல்பட்டுவரும் கட்டடத்தில் தீ பிடித்ததில் பல பைல்கள் அழிந்துள்ளன. அனைத்து ஊழல்களையும் மறைக்கும் நடவடிக்கை இது. ஏற்கனவே இடி மின்னல் காரணமாக சி.சி.டி.வி கேமராக்கள் நாசமானதாக சொன்னார்கள். இப்போது தீ எரிந்த சம்பவம் நடந்துள்ளது. முதல்வர் சொன்னதன்பேரில் ஆதாரங்களை அழிக்க நடந்த செயல்கள்தான் இவை. தங்கம் கடத்தல் வழக்கில் இப்போது விசாரணை வளையத்தில் உள்ளது சீஃப் புரோட்டோக்கால் ஆப்பிசரின் அலுவலகமாகும். அங்குதான் இப்போது தீ எரிந்துள்ளது. இது திட்டமிட்டு நடத்தப்பட்ட சம்பவம் என தெளிவாக தெரிகிறது. இது அவமானகரமான செயல். தங்கம் கடத்தல் வழக்கில் குற்றவாளிகளை காப்பாற்றும் முதல்வரின் முயற்சி கண்டிக்கத்தக்கது. மேலும் தீ விபத்து குறித்து பார்வையிடச் சென்ற காங்கிரஸ் எம்.எல்.ஏ-க்கள் மற்றும் தலைவர்களை முதலில் அனுமதிக்காதது கண்டிக்கத்தக்கது" என்றார்.கேரள பி.ஜே.பி தலைவர் கே.சுரேந்திரன் இதுகுறித்து கேரள பா.ஜ.க தலைவர் கே.சுரேந்திரன் கூறுகையில்,``புரோட்டோக்கால் அலுவலகத்தில் சில அதிகாரிகளுக்கு கொரோனா என்பதால் நேற்று அலுவலகம் மூடப்பட்டிருந்தது. இன்று அங்கு யாரும் இல்லை. இந்த நிலையில் வழக்கு சம்பந்தமான ஆவணங்கள் விசாரணை நடத்தும் அதிகாரிகளுக்கு கிடைத்துவிடக்கூடாது என்பதற்காக அரசே தீவைத்துள்ளது. வழக்குக்கான ஆவணங்கள் புரோட்டோக்கால் அலுவலகத்தில் இருந்தது. எனவே விசாரணை நடத்தும் மத்திய அரசின் ஏஜென்சிகள் இதை கவனத்தில் எடுத்துக்கொள்ள வேண்டும்" என்றார். முன்னதாக கேரள பா.ஜ.க தலைவர் கே.சுரேந்திரன் தலைமையில் பா.ஜ.க வினரும் திரண்டு தலைமைச் செயலகத்துக்குள் நுழைய முயன்றனர். இதனால் அங்கு தள்ளுமுள்ளு ஏற்பட்டது. பின்னர், வஜ்ரா வாகனம் மூலம் பா.ஜ.வினரை அதிகாரிகள் கலைத்தனர். இதனால் அந்த பகுதியில் தொடர்ந்து பரபரப்பு நிலவியது.
http://dlvr.it/RfMHV4

Read More

`நோ குவாரன்டீன்; இ-பாஸ் வேண்டாம்!' - கட்டுப்பாடுகளை முழுமையாகத் தளர்த்திய கர்நாடகா

கர்நாடக மாநிலத்தில் கொரோனா ஊரடங்கு காரணமாக விதிக்கப்பட்டிருந்த பல்வேறு கட்டுப்பாடுகள் தளர்த்தப்படுவதாக அம்மாநிலக் கூடுதல் தலைமைச் செயலாளரும், சுகாதாரத்துறைச் செயலாளருமான ஜாவேத் அக்தர் அறிவித்திருக்கிறார். இதுவரை மற்ற மாநிலங்களிலிருந்து கர்நாடகா வரும் பயணிகளால் பின்பற்றப்பட்ட கட்டுப்பாடுகளான மாநிலத்துக்குள் நுழையும்போது பயணிகள் பதிவேட்டில் பதிவு செய்வது; எல்லைப் பகுதிகளில் மருத்துவப் பரிசோதனை; மாவட்ட அளவில் சோதனைகள்; கைரேகையைப் பதிவு செய்வது; 14 நாள்கள் கட்டாய தனிமைப்படுத்துதல்; பரிசோதனை செய்வது... என அனைத்தும் தற்போது மாநில அரசால் விலக்கிக்கொள்ளப்பட்டிருக்கின்றன. கர்நாடக அரசு, `மற்ற மாநிலங்களிலிருந்து வரும் பயணிகள் மேற்கண்ட கட்டுப்பாடுகளை இனிமேல் பின்பற்ற வேண்டியதில்லை’ என அறிவித்துள்ளது. கடந்த ஆகஸ்ட் 22-ம் தேதி அன்று மத்திய உள்துறைச் செயலாளர் அஜய் பல்லா, மூன்றாம்கட்ட ஊரடங்குத் தளர்வுகள் தொடர்பாக மாநில தலைமைச் செயலாளர்களுக்குக் கடிதம் எழுதியிருந்தார். அதில், `மாநிலங்களுக்கு இடையேயும் மாநிலத்துக்குள்ளேயும் பொதுமக்கள் மற்றும் தனிநபர் பயணம் செய்ய இ-பாஸ் போன்ற கட்டுப்பாடுகளை விதிக்கக் கூடாது’ என்று அறிவுறுத்தியிருந்தார். மேலும், `அரசின் இந்த வழிகாட்டுதலைப் பின்பற்றாதவர்கள் பேரிடர் மேலாண்மைச் சட்டத்தின்படி மத்திய அரசு அறிவித்த விதிமுறைகளை மீறுவதாகவே கருதப்படும்’ என்றும் அந்தக் கடிதத்தில் சுட்டிக்காட்டப்பட்டிருந்தது. கர்நாடகா சட்டமன்றம் இது விநியோகச் சங்கிலியைப் பாதிப்பதால், பொருளாதாரரீதியான பாதிப்புகளும், வேலைவாய்ப்பு தொடர்பான பிரச்னைகளும் ஏற்படுவதாக உள்துறை செயலாளர் குறிப்பிட்டிருந்தார். இதையடுத்தே, கர்நாடக அரசு கட்டுப்பாடுகளைத் தளர்த்தியிருப்பதாகத் தெரிகிறது. இது தொடர்பாக கர்நாடக அரசு வெளியிட்டிருக்கும் அறிக்கையில், ``மத்திய அரசு மற்றும் கர்நாடக அரசின் கடைசி அறிக்கையின்படி இனி மாநிலங்களுக்கு இடையிலான போக்குவரத்துக் கட்டுப்பாடுகள் நீக்கப்படுகின்றன. இதன்படி தற்போது நிலவிவரும் சூழலைக் கருத்தில்கொண்டு, கர்நாடகத்துக்கு வெளி மாநிலங்களிலிருந்து வரும் பயணிகளுக்கு புதிதாகத் திருத்தப்பட்ட வழிகாட்டுதல்கள் வழங்கப்பட்டுள்ளன. கொரோனா அறிகுறிகள் இல்லாத பயணிகள், தங்களது வேலையில் சேர்ந்து பணிபுரியலாம். அவர்களுக்கு இனி 14 நாள்கள் கட்டாயத் தனிமைப்படுத்துதல் (ஹோம் குவாரன்டீன்) தேவையில்லை. ஊரடங்கு Also Read: கர்நாடகா: `மாதவி மீண்டு வந்தது போல உள்ளது!’ - மனைவிக்குத் தத்ரூபமாக சிலை வைத்த கணவர் ஆனால், கர்நாடகாவுக்கு வந்த நாள் முதல் 14 நாள்களுக்கு கொரோனா அறிகுறிகள் தங்களுக்கு இருக்கின்றனவா என அவர்களே உடல்நிலையை கண்காணித்துக்கொள்ள வேண்டும். இந்தத் திருத்தப்பட்ட வழிகாட்டுதல்கள் மாணவர்கள், வர்த்தகரீதியாகப் பயணம் மேற்கொள்பவர்கள், தொழிலாளர்கள், பயணிகள் என அனைவருக்கும் பொருந்தும். அவர்கள் எந்தக் காரணத்துக்காக வந்தாலும் எவ்வளவு காலம் தங்கப் போகிறார்கள் போன்றவற்றைக் கருத்தில்கொள்ளாமல் இது பொருந்தும்'' என்று தெரிவிக்கப்பட்டிருக்கிறது.
http://dlvr.it/RfJXVl

Read More

சுஷாந்த் சிங் வழக்கில் 'பகீர்' கிளப்பும் சுப்பிரமணியன் சுவாமி!

சுஷாந்த் சிங் வழக்கில் சி.பி.ஐ.யின் விறுவிறுப்பான விசாரணைக்கு மத்தியில், பாஜக மூத்த தலைவர் சுப்பிரமணியன் சுவாமி பரபரப்பான கூற்று ஒன்றை வெளியிட்டுள்ளார்.   பாலிவுட் நடிகர் சுஷாந்த் சிங் ராஜ்புத்தின் மரணம் தற்கொலை அல்ல, கொலை என்றும் சுஷாந்த் மரண வழக்கை சிபிஐக்கு மாற்றக் கோரியும் சுப்பிரமணியன் சுவாமி சில வாரங்களுக்கு முன்பு பிரதமர் மோடிக்கு கடிதம் எழுதியிருந்தார்.   இந்நிலையில் சுஷாந்த் சிங் வழக்கில் சி.பி.ஐ. அதிகாரிகள் விசாரணையை தீவிரப்படுத்தி உள்ள நிலையில், பாஜகவின் மூத்த தலைவர் சுப்பிரமணியன் சுவாமி நேற்று பரபரப்பான கூற்று ஒன்றை வெளியிட்டுள்ளார்.   இறப்பதற்கு சில மணி நேரங்களுக்கு முன்னர், சுஷாந்த் சிங் ராஜ்புத் துபாயுடன் தொடர்புடைய போதைப்பொருள் வியாபாரியை சந்தித்தார் என்று  சுப்பிரமணியன் சுவாமி கூறியுள்ளார்.    “சுஷாந்த் கொலை செய்யப்பட்ட நாளில் துபாய் போதைப்பொருள் வியாபாரி அயாஷ் கான், சுஷாந்தை சந்தித்துள்ளார். அது ஏன்? ” என்று சுவாமி ஒரு ட்வீட்டில் கேட்டுள்ளார்.    மூத்த அரசியல்வாதியான சுவாமி ட்வீட்டில், “சுனந்தா புஷ்கர் உடல் எய்ம்ஸ் டாக்டர்களால் பிரேத பரிசோதனை செய்யப்பட்டபோது அவரது வயிற்றில் என்ன இருந்தது என்ற உண்மைநிலை வெளியானது. ஆனால் இது ஸ்ரீதேவி மற்றும் சுஷாந்திற்கு நிகழவில்லை.”   விசாரணையில், "ரியா சக்ரவர்த்தி மகேஷ் பட்டுடனான அவரது உரையாடலுக்கு முரணான ஆதாரங்களைத் தொடர்ந்து அளித்தால், சிபிஐ அவரை கைதுசெய்து உண்மையை அறிய காவலில் விசாரிப்பதைத் தவிர வேறு வழியில்லை." எனக் கூறியுள்ளார். Like in Sunanda Pushkar case the real give away was what was found in her stomach during post mortem by AIIMS doctors. This was not done for Sridevi or Sushant. In Sushant case a Dubai compliant drug dealer Ayash Khan had met Sushant on the day of Sushant’s murder. Why? — Subramanian Swamy (@Swamy39) August 24, 2020   இதற்கிடையில், சிபிஐ சுஷாந்தின் ரூம்மேட் சித்தார்த் பிதானி, சமையல்காரர் நீரஜ் சிங் மற்றும் ஹவுஸ்ஹெல்ப் தீபேஷ் சாவந்த் ஆகியோரும் விசாரணை வளையத்திற்குள் கொண்டுவரப்பட்டுள்ளனர்.
http://dlvr.it/RfHYqh

Read More

சாதிமல்லி பூச்சரமே... சங்கத் தமிழ் பாச்சரமே... எஸ்பிபி நலம்பெற மம்முட்டி வாழ்த்து

மலையாள மெகா ஸ்டார் மம்முட்டி, கே.பாலசந்தர் இயக்கிய அழகன் படப்பாடல்களை நினைவுகூர்ந்து, பாடகர் எஸ்பிபி நலம் பெற வாழ்த்துகளைத் தெரிவித்துள்ளார். இந்தியப் படவுலகமே எஸ்பிபி விரைவில் நலம்பெற வேண்டி சமூக வலைதளங்களில் வாழ்த்துச் செய்திகளையும் வீடியோக்களையும் பதிவிட்டு பிரார்த்தனை செய்து வருகின்றனர். அந்த வரிசையில் ட்விட்டரில் பதிவிட்டுள்ள மம்முட்டி, இரண்டு படப் பாடல்களைப் பற்றி கூறியுள்ளார். அதில் ஒரு படம் தெலுங்கில் கே. விஸ்வநாத் இயக்கிய ஸ்வாதி கிரணம். இசை கே.வி. மகாதேவன். 1992 ம் ஆண்டு வெளியாகி மிகப்பெரிய வெற்றியை அடைந்த அந்தப் படத்தில் பாடல்கள் பெரிதும் ரசிக்கப்பட்டவையாக இருந்தன. அதேபோல 1991ம் ஆண்டு வெளியான அழகன் படத்தில் வந்த ‘சாதி மல்லி பூச்சரமே சங்கத் தமிழ் பாச்சரமே’, 'மழையும் நீயே', 'சங்கீத ஸ்வரங்கள்' போன்ற பாடல்களை மம்முட்டி சிலாகித்துள்ளார். அந்தப் படத்தில் மம்முட்டியுன் பானுப்ரியா, கீதா, மதுபாலா ஆகியோர் நடித்திருந்தார்கள். மரகதமணி இசையில் எஸ்பிபி பாடிய பாடல்கள் இன்றும் ரசிகர்களின் விருப்பப் பட்டியலில் உள்ளன. இரண்டு படங்களின் பாடல்களையும் சுட்டிக்காட்டியுள்ள மம்முட்டி, விரைவில் நலம்பெறவேண்டும் என்று எஸ்பிபிக்கு வாழ்த்துகளைத் தெரிவித்துள்ளார்.
http://dlvr.it/RfHYpd

Read More

செப்டம்பர் மாதத்தில் நீட்,ஜேஇஇ தேர்வுகள்: ஒத்திவைக்க மம்தா பானர்ஜி கோரிக்கை

செப்டம்பர் மாதத்தில் நடத்த திட்டமிடப்பட்டுள்ள நீட்,ஜேஇஇ தேர்வுகளை ஒத்திவைக்க வேண்டுமென்று மேற்குவங்க முதல்வர் மம்தா பானர்ஜி கோரிக்கை வைத்துள்ளார் இது தொடர்பாக அவர் வெளியிட்டுள்ள டிவிட்டர் பதிவில் “ பிரதமருடன் நடந்த வீடியோ கான்பரன்சிங்கின் போதே பல்கலைக்கழக, கல்லூரி தேர்வுகளை செப்டம்பர் மாதத்துக்குள் நடத்த வேண்டுமென்ற யுஜிசியின் முடிவுக்கு எதிராக குரல்கொடுத்தேன். இப்போது செப்டம்பர் மாதம் நீட் மற்றும் ஜேஇஇ தேர்வுகளை நடத்த மத்திய அரசு திட்டமிட்டுள்ளது. அதனால் தற்போதைய நிலையை கவனத்தில் கொண்டு பாதுகாப்பான சூழல் திரும்பும்வரை  இந்த தேர்வுகளை ஒத்திவைக்கவேண்டும் என்று மீண்டும் வலியுறுத்துகிறேன். மாணவர்களுக்கு பாதுகாப்பான சூழலை உருவாக்குவது நமது கடமை” என்று தெரிவித்துள்ளார்
http://dlvr.it/RfDxLQ

Read More

பத்தாவது ஆண்டில் அடியெடுத்து வைத்தது புதிய தலைமுறை...!

தமிழர் இல்லங்களிலும் உள்ளங்களிலும் நீங்கா இடம் பெற்ற புதி‌ய தலைமுறை தொலைக்காட்சி இன்று பத்தாவது ஆண்டில் காலடி எடுத்து வைத்துள்ளது. புதிய தலைமுறை கடந்து வந்த இந்த ஒன்பது ஆண்டுகளிலும் எளிய மக்களின் பிரச்னைகளை வெளிக்கொண்டு வந்திருக்கிறது. பாதிக்கப்பட்டவர்களின் குரலாக எப்போதும் ஒலித்துக்கொண்டிருக்கிறது. இன்னும் ஒலிக்கும். பிறந்த நாள் கொண்டாடும் புதிய தலைமுறைக்கு பல்வேறு அரசியல் கட்சி தலைவர்களும், அரசு அதிகாரிகளும் பொது மக்களும் வாழ்த்து கூறியுள்ளனர். ஆளுநர் பன்வாரிலால் புரோஹித் வெளியிட்டுள்ள வாழ்த்து செய்தியில், தமிழ் சமூகத்திற்கு சுயநலமின்றி சேவையாற்றி பத்தாவது ஆண்டில் காலடி எடுத்து வைக்கும் புதிய தலைமுறை தொலைக்காட்சிக்கு வாழ்த்துகளை தெரிவித்துக்கொள்வதாக கூறியுள்ளார். உற்சாகம் மிகுந்த இந்நாளில் ஒட்டுமொத்த புதிய தலைமுறை குழுவினருக்கும் சமூகத்திற்கு மேலும் சிறப்பாக சேவையாற்றவும் தேசத்தை உருவாக்குவதில் நல்ல பங்களிப்பையும் வழங்க வாழ்த்துவதாக ஆளுநர் குறிப்பிட்டுள்ளார். இதுதவிரவும் பலரும் புதிய தலைமுறைக்கு வாழ்த்துகளை தெரிவித்து வருகின்றனர்.      
http://dlvr.it/RfD1k6

Read More

மூணாறு: நீரோடையில் தேடும் பணி; குறுக்கிட்ட புலி! - அதிர்ச்சியில் மீட்புக் குழுவினர்

கேரள மாநிலம் மூணாறு அருகே உள்ள ராஜமலை பெட்டிமுடி என்ற இடத்தில் கடந்த ஆகஸ்ட் 6ம் தேதி இரவு நிலச்சரிவு ஏற்பட்டது. இதில், தேயிலைத் தோட்டத் தொழிலாளர்கள் குடியிருப்பு மண்ணில் புதையுண்டது. இச்சம்பவத்தில் 70 பேர் மண்ணில் புதைந்து உயிரிழந்தனர். ஆகஸ்ட் 7ம் தேதி முதல் மீட்புப்பணிகள் தொடர்ந்து நடந்து வருகிறது. மழை, காற்று என மோசமான வானிலை மீட்புப் பணியில் குறுக்கிட்டாலும், மீட்புக் குழுவினர் தொடர்ந்து உடல்களை தேடி வருகின்றனர்.மீட்புக் குழு சம்பவம் நடந்த இடத்தின் அருகே இருக்கும் ஓடைப்பகுதியில் கடந்த சில நாட்களாக மீட்புக் குழுவினர் உடல்களை தேடி வந்தனர். சிறுமி உடல் உட்பட சிலரது உடல்கள் அந்த நீரோடையில் மீட்கப்பட்டது. இதுவரை 65 நபர்களின் உடல்கள் மீட்கப்பட்ட நிலையில், மேலும் 5 நபர்களின் உடல் பற்றிய எந்த தகவலும் இல்லை. சம்பவம் நடந்த இடத்தில் இருந்து சுமார் 10 கிலோமீட்டர் தூரம் கொண்ட நீரோடை வழியில் பூதக்குழி எனும் அடர் வனப்பகுதி உள்ளது. நேற்று முன் தினம் அப்பகுதியில் மீட்புக் குழுவினர் உடல்களை தேடிவந்த போது வனத்திற்குள் இருந்து திடீரென நீரோடையில் தண்ணீர் குடிக்க புலி ஒன்று வந்ததாக கூறப்படுகிறது. புலியைப் பார்த்த மீட்புக் குழுவினர் அச்சமடைந்துள்ளனர். Also Read: மூணாறு நிலச்சரிவு: `நீரோடையில் 12 உடல்கள்...’ - கைவிடப்படுகிறதா தேடுதல் பணி?பெட்டிமுடி வன விலங்குகள் நடமாட்டம் அதிகம் உள்ள பூதக்குழி வனப்பகுதியில் மீட்புப் பணியில் ஈடுபடுவது, மீட்புக் குழுவினரை ஆபத்தில் தள்ளுவது போல என விமர்சனங்கள் எழுந்தன. இதனை அடுத்து, தேவிகுளம் எம்.எல்.ஏ ராஜேந்திரன் தலைமையில், நேற்று மூணாறில் ஆலோசனைக் கூட்டம் நடைபெற்றது. இதில், மூணாறு கலெக்டர் தினேசன், டி.எஃப்.ஓ கண்ணன், மூணாறு பஞ்சாயத்து தலைவர் கருப்பசாமி, மீட்புக் குழுவினர் மற்றும் பெட்டிமுடி சம்பவத்தில் பாதிக்கப்பட்டவர்களின் உறவினர்கள் ஆகியோர் கலந்துகொண்டனர். வனப்பகுதியில் ஓடக்கூடிய நீரோடையில் பெரிய பாறைகள் இருப்பதாலும், அடிக்கடி புலி உட்பட வன விலங்குகள் நடமாட்டம் இருப்பதாலும், உடல்களை தேடும் பணியை கைவிடலாமா அல்லது தொடரலாமா என ஆலோசிக்கப்பட்டது. தகுந்த பாதுகாப்போடு தொடர்ந்து மீட்புப் பணியில் ஈடுபடலாம் என ஒருமனதாக முடிவெடுக்கப்பட்டது. மேலும், 5 நபர்களின் உடல்கள் கிடைக்கும் வரை மீட்புப் பணியை தொடர்வது எனவும் தீர்மானிக்கப்பட்டது.பெட்டிமுடி Also Read: மூணாறு: `சிதைந்துபோன உடல்கள்; டி.என்.ஏ பரிசோதனை’ - சர்ச்சையாகும் பூங்கா திறப்பு இந்நிலையில், குரங்கணி தீ விபத்தின் போது, சம்பவ இடத்திற்கு நேரடியாக வந்து காட்டுத்தீயில் சிக்கி உயிருக்குப் போராடிய நபர்களை மீட்ட, கேரளா அட்வென்சர்ஸ் குழுவினர், பூதக்குழி வனப்பகுதியில் களம் இறங்கியுள்ளனர். இவர்களோடு வனத்துறை, காவல்துறை, தீயணைப்புத்துறை என சுமார் 50 பேர் கொண்ட குழு, பூதக்குழி வனப்பகுதியில் உடல்களை தேடும் பணியில் ஈடுபட்டுள்ளனர்.
http://dlvr.it/RfD1h6

Read More

`கராச்சி ஒயிட் ஹவுஸில் தாவூத்; முதன்முறையாக ஒப்புக்கொண்ட பாகிஸ்தான்!’ - என்ன காரணம்?

இந்தியா உள்ளிட்ட உலக நாடுகளால் சர்வதேச பயங்கரவாதியாக அறிவிக்கப்பட்ட மும்பையைச் சேர்ந்த நிழல் உலக தாதா தாவூத் இப்ராஹிம், பாகிஸ்தானில் தலைமறைவு வாழ்க்கை நடத்திவருகிறார். பலமுறை பாகிஸ்தானிடம் இந்தியா இது குறித்துத் தகவல் அளித்தும், பாகிஸ்தான் தாவூத் இப்ராஹிம் தங்கள் நாட்டில் இல்லை என வாதம் செய்துவந்தது. இந்த நிலையில் தற்போது முதன்முறையாக கராச்சியில் தாவூத் இருக்கும் முகவரி வரை வெளியிட்டிருக்கிறது பாகிஸ்தான். பாதுகாப்புப் படை 1993-ம் ஆண்டு நாட்டையே உலுக்கிய மும்பை குண்டுவெடிப்பு சம்பவத்துக்கு மூளையாகச் செயல்பட்டவர் தாவூத் இப்ராஹிம். இந்தத் தாக்குதலில் 250-க்கும் மேற்பட்டவர்கள் உயிரிழந்த நிலையில், 700-க்கும் அதிகமானோர் காயமடைந்தனர். நாட்டையே உலுக்கிய இந்தச் சம்பவத்தால் சர்வதேச அளவில் பெரும் அச்சுறுத்தலுக்கான நபராக அறியப்பட்டார் தாவூத். இந்தியா உள்ளிட்ட சில உலக நாடுகளல் தேடப்படும் குற்றவாளியாக இருந்தாலும், பாகிஸ்தானில் இருந்தபடி பல்வேறு தொழில்களை நடத்திவந்தார். சூதாட்டம், கடத்தல் எனப் பல்வேறு சட்ட விரோதத் தொழில்களில் அவ்வப்போது தாவூத் பெயர் வந்து செல்லும். என்றாலும், தாவூத் இப்ராஹிமுக்கு தாங்கள் அடைக்கலம் கொடுக்கவில்லை என பாகிஸ்தான் தொடர்ந்து மறுத்துவந்தது.தாவூத் இப்ராஹிம் பிரான்ஸ் தலைநகர் பாரிஸிலிருந்து இயங்கும் `ஃபைனான்ஸியல் ஆக்‌ஷன் டாஸ்க் ஃபோர்ஸ்’ எனும் சர்வதேச அமைப்பு, `தீவிரவாத அமைப்புகளுக்கு எதிரான நடவடிக்கைகளின் திட்டத்தை 2019-ம் ஆண்டின் இறுதிக்குள் முடிவு செய்ய வேண்டும்’ என பாகிஸ்தானுக்கு காலக்கெடு விதித்திருந்தது. கொரோனா பரவல் காரணமாக இந்த விவகாரத்தில் பாகிஸ்தான் கூடுதல் கால அவகாசம் கேட்டது. இந்த நிலையில்தான் தற்போது, தாவூத் இப்ராஹிம், மசூத் அசார், ஹஃபீஸ் சயீத் உள்ளிட்ட தீவிரவாதிகள் குறித்தும், 88 தீவிரவாத அமைப்புகள் குறித்த தகவல்களையும் வெளியிட்டுள்ளது பாகிஸ்தான். அதன்படி, பாகிஸ்தானின் கராச்சி நகரிலுள்ள கிளிஃப்டன் பகுதியில், சௌதி மசூதிக்கு அருகே இருக்கும் 'ஒயிட் ஹவுஸ்’ வீட்டில் தாவூத் இருப்பதாக பாகிஸ்தான் அரசு தெரிவித்துள்ளது. இந்த முறையும் தீவிரவாதிகளுக்கு எதிரான நடவடிக்கைகளை மேற்கொள்ளாவிட்டால், ஃபைனான்ஸியல் ஆக்‌ஷன் டாஸ்க் ஃபோர்ஸ் அமைப்பால் பாகிஸ்தான் கறுப்புப் பட்டியலில் வைக்கப்படும் சூழல் ஏற்பட்டிருக்கும் என்பது குறிப்பிடத்தக்கது.பாகிஸ்தான் - இந்தியா தற்போது தாவூத் பாகிஸ்தானில் இருப்பதை அந்நாடு உறுதி செய்திருக்கும் நிலையில், இந்தியாவின் அடுத்தகட்ட நடவடிக்கை என்ன என்பதைப் பொறுத்திருந்து பார்ப்போம்!
http://dlvr.it/Rf9lNr

Read More

"ஜோ பைடன் அதிபரானால் அமெரிக்காவை சீனா சொந்தமாக்கிவிடும்" ட்ரம்ப் விமர்சனம் !

அமெரிக்க அதிபராக தேர்தலுக்கு பின் ஜோ பைடன் தேர்ந்தெடுக்கப்பட்டால் அமெரிக்காவை சீனா சொந்தமாக்கிவிடும் என்று அதிபர் டொனால்ட் ட்ரம்ப் கடுமையாக விமர்சித்துள்ளார். அமெரிக்க அதிபருக்கான தேர்தல் பரப்புரை இப்போது சூடுபிடித்திருக்கிறது. இந்தத் தேர்தல் நவம்பர் 3 ஆம் தேதி நடைபெற இருக்கிறது. இந்நிலையில் நேற்று கூட்டத்தில் பேசிய அதிபர் ட்ரம்ப் "ஜோ பைடன் அதிபரானால் சீனா நம் நாட்டை சொந்தமாக்கிக்கொள்ளும். அதை நாம் நடக்கவிடக் கூடாது. உளவுத்துறையின் அறிக்கையை பார்த்தால் நமக்கே தெரியும். ஜோ பைடன் அதிபராக சீனா மிகவும் விருப்புவதாக தெரிகிறது" என்றார். மேலும் தொடர்ந்த அவர் "நான் வெற்றிப்பெற்றால் சீனாவுக்கு மிகவும் அவமானகரமானதாக இருக்கும். அப்படி இருக்காது எனவும் நான் நினைக்கிறேன். ஜனநாயக கட்சியின் வெறுப்பு அரசியலை நாம் புறம் தள்ள வேண்டும். அமெரிக்காவையும் அமெரிக்கர்களையும் கண்ணீர் கடலில் மிதக்க வைத்த கட்சி மீண்டும் ஆட்சிக்கு வந்துவிடக் கூடாது" என்றார் டொனால்ட் ட்ரம்ப்.
http://dlvr.it/Rf9Sbb

Read More

சாதியால் எதிர்ப்பு : காதலித்து கைவிட்ட காதலனை போராடி சிறைக்கு அனுப்பிய இளம்பெண்

ஓமலூர் அருகே பட்டியலின வகுப்பை சேர்ந்த பட்டதாரி இளம்பெண்ணை காதலித்து ஏமாற்றியதாக கூறி காதலன் வீட்டு முன்பு இளம்பெண் தர்ணாபோராட்டத்தில் ஈடுபட்டார். காதலன் அவருடைய தாய் தந்தை உள்ளிட்ட மூன்று பேரை சாதிய வன்கொடுமை சட்டப் பிரிவின் கீழ் தீவட்டிப்பட்டி போலீசார் கைது செய்தனர். சேலம் மாவட்டம் ஓமலூர் அருகேயுள்ள நடுப்பட்டி ஊராட்சியில் உள்ள எலத்தூர் அண்ணாநகர் பகுதியை சேர்ந்தவர் செல்வம் என்பவரின் மகள் சசிபிரியா. பொறியியல் பட்டதாரியான இவரும் அதே பகுதியை சேர்ந்த ராஜா என்பவரது மகன் பொறியியல் பட்டதாரியான கிரிசங்கரும் கடந்த ஓராண்டாக காதலித்து வந்ததாக கூறப்படுகிறது. இதைத்தொடர்ந்து இவர்களின் திருமணத்திற்கு சசிபிரியாவின் வீட்டில் சம்மதம் தெரிவித்த நிலையில் கிரிவாசன் வீட்டில் கடுமையான எதிர்ப்பு தெரிவித்தனர். சசிபிரியா பட்டியலின சமூகத்தை சேர்ந்த பெண் என்பதால், வேறொரு வகுப்பை சேர்ந்த கிரிசங்கரின் குடும்பத்தார் மகனை இங்கிருந்து உறவினர் வீட்டிற்கு அனுப்பி வைத்துள்ளனர். மேலும், கிரிசங்கரின் தாய் கடந்த ஒரு வாரத்திற்கு முன்பு சசி பிரியாவின் வீட்டுக்கு சென்று தகராறில் ஈடுபட்டதாக கூறப்படுகிறது. இதனால், மனமுடைந்து தூக்கு மாட்டி தற்கொலைக்கு முயன்ற சசிபிரியாவை அக்கம் பக்கத்தினர் காப்பாற்றியுள்ளனர். இந்தநிலையில், காதலித்துவிட்டு திருமணம் செய்ய மறுத்து வரும் கிரிசங்கரின் வீட்டிற்கு சென்ற சசிபிரியா, வீட்டின் முன்பு அமர்ந்து தர்ணா போராட்டத்தில் ஈடுபட்டார். தனது காதலனை தன்னுடன் சேர்த்து வைக்க வேண்டும் என்று கோரிக்கை விடுத்தார். இதை அறிந்த தீவட்டிப்பட்டி போலீசார் சம்பவ இடத்திற்கு வந்து சசி பிரியாவிடம் பேச்சுவார்த்தை நடத்தினர். ஆனால், காதலனை சேர்த்து வைக்கும் வரை போராட்டத்தை கைவிடமாட்டேன் என்று கூறியுள்ளார். அதனால், போலீசார் புகார் கொடுக்குமாறு அறிவுறுத்தியதை தொடர்ந்து கிரிசங்கர் காதலித்து திருமணம் செய்ய மறுத்து ஏமாற்றியதாகவும், அவரது தாய் தந்தை இருவரும் தனது வீட்டிற்கு வந்து சாதிப்பெயரை சொல்லி திட்டியதாகவும், இவர்கள் 3 பேர் மீதும் நடவடிக்கை எடுக்க வேண்டும் என புகார் கொடுத்தார். புகாரின்பேரில் தீவட்டிப்பட்டி சப் இன்ஸ்பெக்டர் காமராஜ், வன்கொடுமை தடுப்பு சட்டத்தில் வழக்குப்பதிவு செய்து காதலன் கிரிசங்கர், மற்றம் அவரது தந்தை ராஜா, தாய் ரபிஷா ஆகிய 3 பேரையும் கைது செய்து நீதிமன்றத்தில் ஆஜர்படுத்தி சேலம் மத்திய சிறையில் அடைத்தனர்.
http://dlvr.it/Rf9SbL

Read More

இவர் தாங்க ட்ரைஃப்ரூட் பிள்ளையார் - சூரத் மருத்துவரின் வித்தியாச கலை முயற்சி

குஜராத் மாநிலம் சூரத் நகரைச் சேர்ந்த மருத்துவர் அதிதி மிட்டல் உலர் பழங்கள், தானியங்களைப் பயன்படுத்தி அழகிய பிள்ளையார் உருவத்தைச் செய்துள்ளார். நிலக்கடலை, பாதாம் பருப்பு, முந்திரி, ஃபைன் விதைகள் உள்ளிட்ட உலர்ந்த பழங்களுடன் காட்சியளிக்கும் இந்தப் பிள்ளையார் மக்களால் ஆச்சரியத்துடன் பார்க்கப்படுகிறது. கொரோனா பரவல் காரணமாக கடும் கட்டுப்பாடுகளுடன் விநாயகர் சதுர்த்தி நாடு முழுவதும் கொண்டாடப்படும் நிலையில், சுற்றுச்சூழலுக்குப் பாதிப்பில்லாத பிள்ளையார்கள் தயாரிக்கப்பட்டுள்ளன. அந்த வகையில் சூரத் மருத்துவரின் சாப்பிடும் பிள்ளையார் அனைவரது கவனத்தையும் ஈர்த்துள்ளது. சுற்றுச்சூழலுக்கு ஆபத்தில்லாத இந்தப் பிள்ளையார் சிலை 20 அங்குலம் உயரம் உடையது. மருத்துவர் அதிதி மிட்டல், அந்த உலர் பழங்களால் உருவாக்கப்பட்ட பிள்ளையாரை மருத்துவமனையில் வைத்திருக்கிறார். இந்த பிள்ளையாரில் உள்ள உலர் பழங்களும் தானியங்களும் மருத்துவமனைக்கு வரும் மக்களுக்கு வழங்கப்படவுள்ளன.
http://dlvr.it/Rf7CXy

Read More

பாலியல் வன்கொடுமை வழக்கு : ஆயுள் தண்டனையை 10 ஆண்டுகளாக குறைத்த உயர்நீதிமன்றம்

சேலத்தில் கென்யா நாட்டு மாணவியை பாலியல் வன்கொடுமை செய்த அதேநாட்டு இளைஞருக்கு விதிக்கப்பட்டிருந்த ஆயுள் தண்டனை 10 ஆண்டுகள் சிறைத்தண்டனையாக குறைக்கப்பட்டது. கென்யா நாட்டைச் சேர்ந்த எரிக் முலின் துலி என்பவரும், அதே நாட்டை சேர்ந்த பெண்ணும் சேலம் தனியார் கல்லூரியில் மேற்படிப்பு படித்தனர். 2016ல் மாணவியின் வீட்டுக்குள் நுழைந்த எரிக் முலின், பாலியல் வன்கொடுமை செய்துதுடன், கொலை செய்ய முயற்சித்தார். இச்சம்பவம் தொடர்பாக அம்மாபேட்டை காவல்நிலையத்தில் வழக்கு தொடரப்பட்டது. அத்துடன் சேலம் மகளிர் சிறப்பு நீதிமன்றம் முலின் துலிக்கு ஆயுள் தண்டனை விதித்து தீர்ப்பளித்தது. இந்த தீர்ப்பை எதிர்த்து சென்னை உயர்நீதிமன்றத்தில் எரிக் மேல்முறையீடு செய்தார். இந்த வழக்கை இன்று விசாரித்த நீதிபதிகள் சுப்பையா மற்றும் பொங்கியப்பன் ஆகியோர், ஆயுள் தண்டனையை 10 ஆண்டுகள் சிறை தண்டனையாக குறைத்து தீர்ப்பளித்தனர்.
http://dlvr.it/Rf6tyw

Read More

கொரோனாவுக்கு கசாயம்!!! நமக்கு கறிக்குழம்பு? - சித்த மருத்துவரை வாழ்த்திய நடிகர் சூரி

சித்த வைத்தியத்தால் கொரோனாவை குணமாக்கி வரும் வைத்தியர் வீரபாபுவை வாழ்த்தி நடிகர் சூரி அறிக்கை வெளியிட்டுள்ளார். கொரோனா என்றாலே எல்லோரும் ஓடி ஒளியும் இந்த காலகட்டத்தில் சென்னை சாலிகிராமத்தில் உள்ள சித்த மருத்துவர் வீரபாபு மட்டும், மூலிகை கசாயம் கொடுத்து நோயாளிகளை குணமாக்கி வருகிறார். அவரை பாராட்டிய நடிகர் சூரி, ‘’கொரோனா ஆறு மாதமாக அனைவரையும் முடக்கிப்போட்டு இருக்கிறது. குடும்பம், நண்பர்கள் என யாராக இருந்தாலும், உலகமே சமூக இடைவெளியை கடைபிடிக்கவேண்டிய கட்டாயத்தில் இருக்கிறோம். இந்த சூழலில், சென்னை சாலிகிராமம் ஜவஹர் வித்யாலயா கல்லூரியில் சித்த மருத்துவர் வீரபாபு, அவரது மூலிகை கசாயம் மூலமாய் கொரோனாவால் பாதிக்கப்பட்ட 3500க்கும் மேற்பட்டவர்களை குணப்படுத்தி வீட்டுக்கு அனுப்பி இருக்கிறாராம். ஆனால் ஒரு உயிரழப்பு கூட ஏற்படவில்லை. எல்லாருமே அருகில் வர பயப்படும்போது நோயாளியைத் தொட்டு பரிசோதிக்கும் இவர் கடவுளாகவே தெரிகிறார். மிகவும் மகிழ்ச்சியாய் இருக்கிறது. இத்தனைபேரை காப்பாற்றிய, காப்பாற்றிக்கொண்டிருக்கிற உங்களையும், உங்கள் உடன் இருப்பவர்களையும், அந்த மதுரை மீனாட்சி எப்போதும் காப்பாற்ற வேண்டிக்கொள்கிறேன்’’ என்று அறிக்கையை வெளியிட்டுள்ளார். முக்கியமாக அவர் கொடுக்கும் கசாயம், கறிக்குழம்பு மாதிரி இருப்பதாகக் குறிப்பிட்டிருக்கிறார்.
http://dlvr.it/Rf6twK

Read More

கேரளா: மோப்ப நாய் படை பிரிவுக்கு செல்லுமா நாய் குவி? அனுமதிக்காக காத்திருக்கும் நபர்!!

மூணாறில் நிலச்சரிவில் சிக்கி உயிரிழந்த தனது எஜமானை தேடி வந்த நாய் குவியினை  மோப்ப நாய் பயிற்சியாளர் தத்தெடுத்து வளர்க்க அனுமதி அளிக்கப்பட்டது.  கேரளா மாநிலம் மூணாறு பகுதியில் ஏற்பட்ட நிலச்சரிவில் சிக்கி 63 பேர் உயிர் இழந்த நிலையில் மேலும் பலரை தேடும் பணியானது நடைபெற்று வருகிறது. இதனிடையே தன்னை வளர்த்த எஜமானின் குடும்பத்தை தேடி அலையும் குவி என்ற நாய் தற்போது மிகவும் பிரபலமாகி உள்ளது. தன்னை வளர்த்த எஜமானின் குடும்பம் நிலச்சரிவில் சிக்கி ஆற்றில் அடித்து செல்லபட்ட நிலையில் அண்மையில் குவி என்ற நாய் தனது மோப்ப சக்தி மூலமாக, எஜமானின் 2 1/2 வயது குழந்தையை தனுஷ்காவின் சடலத்தை மீட்டது. இந்நிலையில் இந்த மீட்பு பணிக்காக பெட்டிமுடி வந்த கேரளா மாநில மோப்ப நாய் பயிற்சியாளரான அஜித் கடந்த 2 நாள்களாக குவியின் செயல்பாடுகளால் அதிகம் ஈர்க்கபட்டு அதற்கு உணவு அளித்து அதனோடு பழகி வந்துள்ளார்.  இரண்டு நாட்கள் பணி முடிந்து வீடு திரும்பிய அவர், குவியை தத்தெடுத்து வளர்க்க ஆசைப்பட்டு,  இடுக்கி மாவட்ட ஆட்சியர் மற்றும், கேரள வன விலங்கு வாரியமான வனசமரச சமீதி அமைப்பிடம் அது குறித்தான கோரிக்கையை வைத்தார். அவருக்கு குவியினை வளர்க்க தற்போது அனுமதி அளிக்கப்பட்டு உள்ளது. இது குறித்து அவர் கூறும் போது “ மீட்பு பணி நடைபெற்று வரும் சமயத்தில் குவியின் செயல்பாடுகள் பற்றிய செய்தியினால் ஈர்க்கப்பட்டு இந்த முடிவை எடுத்தேன். குவியை மோப்ப நாய் படை பிரிவில் சேர்க்கவும் உயர் அதிகாரிகளிடம் அனுமதி கேட்டுள்ளேன்.” என்றார்.அஜித் ஏற்கனவே தனது வீட்டில் இரு விலை உயர்ந்த வகை நாயினை வளர்த்து வருவது குறிப்பிடத்தக்கது.    
http://dlvr.it/Rf3S2N

Read More

’தேசிய விருது பெற்ற ஸ்டண்ட் மாஸ்டர்’ - விஜய்யின் ‘தளபதி 65’ புது அப்டேட்ஸ்

லோகேஷ் கனகராஜ் இயக்கத்தில் விஜய் நடித்திருக்கும் ‘மாஸ்டர்’ படத்துக்காக ரசிகர்கள் காத்திருக்கின்றனர். அதேநேரத்தில், தற்காலிகமாக ‘தளபதி 65’ என்று அழைக்கப்படும் விஜய்யின் அடுத்த படம் மிகப்பெரிய பரபரப்பை ஏற்படுத்தி உள்ளது. சன் பிக்சர்ஸ் தயாரிக்கும் என்பது ஏற்கனவே உறுதி செய்யப்பட்டிருந்தாலும், சமீபத்தில் விஜய் மற்றும் ஏ.ஆர். முருகதாஸுடன் முறையான ஒப்பந்தம் செய்யப்பட்டுள்ளது. துப்பாக்கி, கத்தி மற்றும் சர்க்கார் வரிசையில் நான்காவதாக இந்த நடிகர் - இயக்குநர் காம்போ ஜோடி சேருகிறது. ’தளபதி 65’இல் சந்தோஷ் சிவன் ஒளிப்பதிவாளராக பணிபுரிய இருக்கிறார். தமன் இசையமைக்கிறார். தேசிய விருது பெற்ற ஸ்டண்ட் நடன இயக்குநரான இரட்டையர் அன்பரிவ் இந்த படத்தில் இணையவுள்ளதாக தகவல்கள் வந்துள்ளது. இவர்கள் ‘கே.ஜி.எஃப்’ மற்றும் ‘கைதி’ போன்ற ஹிட் படங்களில் பணியாற்றியுள்ளனர். விஜய்யுடன் இவர்கள் இணையப்போவது இதுவே முதல்முறையாகும். மேலும், மடோனா செபாஸ்டியன் ஒரு முக்கிய கதாபாத்திரத்தில் நடிக்கவுள்ளார் என்பது ரசிகர்களை உற்சாகப்படுத்தியுள்ளது. நடிகர்கள் மற்றும் குழுவினர் குறித்த அதிகாரப்பூர்வ அறிவிப்புக்காக காத்திருக்கின்றனர்.  
http://dlvr.it/Rf1tby

Read More

கேரளா: `திருவனந்தபுரம் விமான நிலையத்தை அதானி குழுமத்திடம் ஒப்படைக்கக் கூடாது!’ - பினராயி விஜயன்

நாடு முழுவதுமுள்ள பல்வேறு விமான நிலையங்களை தனியார் ஒத்துழைப்புடன் மேம்படுத்தவிருப்பதாக மத்திய அரசு அறிவித்தது. இந்தத் திட்டத்தின்கீழ் முதற்கட்டமாக ராஜஸ்தான் மாநிலம் ஜெய்ப்பூர், அஸ்ஸாம் மாநிலம் கௌஹாத்தி மற்றும் கேரளாவின் திருவனந்தபுரம் விமான நிலையங்களை தனியார் ஒத்துழைப்புடன் மேம்படுத்தும் திட்டத்துக்கு மத்திய அமைச்சரவை நேற்று ஒப்புதல் வழங்கியது. அதன்படி, இந்த விமான நிலையங்களை நிர்வகிக்கும் பொறுப்பு அதானி குழுமத்திடம் ஒப்படைக்கப்படும் என்று தெரிகிறது. திருவனந்தபுரம் விமான நிலையம் திருவனந்தபுரம் தவிர்த்து லக்னோ, அகமதாபாத், ஜெய்ப்பூர், மங்களூரு மற்றும் கௌஹாத்தி விமான நிலையங்களைப் பராமரிக்கும் பொறுப்பையும் அதானி குழுமம் பெற்றிருப்பதாகத் தகவல் வெளியாகியிருக்கிறது. விமான நிலையங்களைத் தனியாரிடம் ஒப்படைக்கும் மத்திய அரசின் இந்த முடிவுக்கு பரவலாக எதிர்ப்பு குரலும் எழுந்திருக்கிறது. இந்தநிலையில், `திருவனந்தபுரம் விமான நிலையத்தை நிர்வகிக்கும் பொறுப்பை அதானி குழுமத்திடம் ஒப்படைப்பது கடினமானது’ என்றும் `மத்திய அரசின் முடிவை மறுபரிசீலனை செய்ய வேண்டும்’ எனவும் கேரள முதலமைச்சர் பினராயி விஜயன் வலியுறுத்தியிருக்கிறார். இதுதொடர்பாக அவர் பிரதமர் மோடிக்குக் கடிதம் ஒன்றையும் எழுதியிருக்கிறார். கேரள முதல்வர் பினராயி விஜயன் கடிதத்தில் என்ன இருக்கிறது? பிரதமர் மோடி Also Read: கேரளா: `நான் அவசியத்துக்கு மட்டும் சிரிக்கும் ஆளாக்கும்!’ - மனம் திறந்த முதல்வர் பினராயி விஜயன் ``மாநில அரசோடு கலந்தாலோசிக்காமல் மத்திய அரசு எடுத்துள்ள இந்த முடிவுக்கு ஒத்துழைப்பு கொடுப்பது கடினம். இது கேரள மக்களின் விருப்பத்துக்கு எதிரான முடிவு. இதனால், இந்த விவகாரத்தில் நீங்கள் (பிரதமர் மோடி), நேரடியாகத் தலையிட்டு, முடிவை மறுபரிசீலனை செய்ய வேண்டும் எனக் கேட்டுக்கொள்கிறேன்’’ என்று பினராயி விஜயன் தெரிவித்திருக்கிறார். திருவனந்தபுரம் ஸ்மார்ட்சிட்டி திட்டத்தின் கீழ் விமான நிலையத்தின் வளர்ச்சிப் பணிக்காக கேரள அரசு அமைத்துள்ள சிறப்புக்குழுவின் (SPV) பணியைக் குறிப்பிட்டுள்ள அவர், இது தொடர்பாக மாநில அரசு முன்வைத்த தொடர்ச்சியான கோரிக்கைகளுக்கு மத்திய அரசு செவிசாய்க்கவில்லை என்றும் குறிப்பிட்டிருக்கிறார். அதேபோல், கடந்த 2003-ம் ஆண்டு விமான நிலைய தனியார்மயமாக்கல் குறித்த பேச்சு எழுந்தபோது, `மாநில அரசின் கருத்துகள் கேட்கப்பட்ட பின்னரே முடிவெடுக்கப்படும்’ என மத்திய அரசு கொடுத்த உறுதிமொழியையும் நினைவுபடுத்துவதாக பினராயி விஜயன், தனது கடிதத்தில் குறிப்பிட்டிருக்கிறார். திருவனந்தபுரம் விமான நிலைய வளர்ச்சிப் பணியின் ஒரு பகுதியாக சர்வதேச முனையம் அமைக்க, மாநில அரசு 23.57 ஏக்கர் நிலத்தை இலவசமாக ஒதுக்கியிருந்ததையும் பினராயி விஜயன் சுட்டிக்காட்டியிருக்கிறார். எனவே,` தனியார் ஒத்துழைப்பு திட்டத்தின் கீழ் திருவனந்தபுரம் விமான நிலையத்தைக் கொண்டுவருவதை மத்திய அரசு கைவிட வேண்டும்’ எனவும் கேரள முதலமைச்சர் பிரதமரிடம் கோரிக்கை வைத்திருக்கிறார்.
http://dlvr.it/Rf0lml

Read More

கேரளா: `நான் அவசியத்துக்கு மட்டும் சிரிக்கும் ஆளாக்கும்!’ - மனம் திறந்த முதல்வர் பினராயி விஜயன்

கேரள அரசு சார்பில் "சபா டி.வி" என்ற தொலைக்காட்சி தொடங்கப்பட்டுள்ளது. நாட்டிலேயே முதன் முதலாக சட்டசபை நிகழ்வுகள் மற்றும் அரசு சார்ந்த நிகழ்ச்சிகளை ஒளிபரப்ப கேரள அரசு இந்த டி.வி-யை தொடங்கியுள்ளது. முதற்கட்டமாக சோதனை அடிப்படையில் நிகழ்ச்சிகள் ஒளிபரப்பப்பட்டு வருகிறது. ஆட்சிக்கு வந்த பிறகு டி.வி அல்லது பத்திரிகைகளுக்கு கூட்டாக மட்டுமே பேட்டி அளித்துவந்தார் பினராயி விஜயன். ஆனால் அவர் ஒரு செய்தி நிறுவனத்துக்காக பிரத்யேக பேட்டி அளித்தது இல்லை. இந்த நிலையில் சபா டி.வி-யில் நடந்த தனி நேர்காணலில் பினராயி விஜயன் கலந்துகொண்டார். காங்கிரஸ் கட்சியின் கேரள மாநில துணைத்தலைவரும் எம்.எல்.ஏ-வுமான வி.டி சதீசன் இந்த நேர்காணலை நடத்தினார். அதில் அரசியல், பொதுவாழ்வு உள்ளிட்ட பல்வேறு கேள்விகளுக்கு பினராயி விஜயன் பதிலளித்தார்.காங்கிரஸ் எம்.எல்.ஏ வீ.டி.சதீசன் வீ.டி.சதீசன் எம்.எல்.ஏ-வின் கேள்விகளுக்கு பதிலளித்து பேசிய பினராயி விஜயன் கூறுகையில், "நான் பொது வாழ்க்கையில் பல ஆண்டுகளாக உள்ளேன். நான் எம்.எல்.ஏ-வாக இருந்த சமயத்திலும் அதற்கு பிறகும் தனிக்கவனம் பெறவில்லை. ஆனால் மாநில அளவிலான நிலையை எட்டிய பிறகு மீடியாக்களை கையாள வேண்டிய நிலை ஏற்பட்டது. சில விஷயங்களில் நமக்கு கடுமையாக பேசவேண்டிய நிலை ஏற்படும். அப்படி பேசும் சமயத்தில் அதை மறைத்துவைத்துவிட்டு, ஒரு சிரிப்பு சிரித்து கூறும் வழக்கம் எனக்கு கிடையாது. காட்சி ஊடகங்கள் வந்ததை தொடந்து காட்சிகளில் மாற்றம் வந்தது. அதனால் கடுமையாக கூறுவதை தொடர்ந்து காட்சி ஊடகங்களில் ஒளிபரப்பினார்கள். என்னை அறிந்தவர்கள் நான் சிரிக்காதவன் என கூறமாட்டார்கள். ஆனால் புகைப்படங்களில் சிரிக்காதவர் போன்ற நிலை உருவாகிவிட்டது.சபா டி.வி நிகழ்ச்சியில் பினராயி விஜயன் இயற்கையாகவே சிரிக்காத எனது புகைப்படங்கள் குறைவாக உள்ளது. சிலர் எப்போதும் சிரித்துக்கொண்டே இருப்பார்கள். ஆனால் நான் அவசியத்துக்கு மட்டும் சிரிக்கும் ஆளாக்கும். எப்போதும் சிரிக்கும் வழக்கம் எனக்கு இல்லை. இதற்கு நான் வளர்ந்துவந்த முறையும் காரணமாக இருக்கலாம்" என்றார். சி.பி.எம் கட்சி முதல்வரை எதிர்கட்சியான காங்கிரஸை சேர்ந்த எம்.எல்.ஏ நேர்காணல் நடத்தும் ஆச்சர்ய நிகழ்வுகள் கேரளம் போன்ற மாநிலங்களில் மட்டுமே நடக்கும்.
http://dlvr.it/RdzqzG

Read More

கொரோனாவால் இறந்த காவல் அதிகாரியின் இறுதிச் சடங்கை வீடியோவில் பார்த்த குடும்பத்தினர்!

ஆகஸ்ட் 15ஆம் தேதி கொரோனா தொற்று உறுதியான டெல்லி போலீஸ் இன்ஸ்பெக்டர் செவ்வாய்க்கிழமை உயிரிழந்தார். அவரது மனைவி மற்றும் மகனுக்கும் கொரோனா தொற்று உறுதி செய்யப்பட்டிருந்த நிலையில் அவரின் இறுதிச் சடங்கை வீடியோகால் மூலம் பார்த்துள்ளனர் போலீஸ் கட்டுப்பாட்டு அறை பிரிவில் இன்ஸ்பெக்டராக இருந்தவர் சஞ்சய் சர்மா(51 வயது). சுதந்திர தினத்துக்கு முன்னதாக நகர ரோந்து பணியில் ஈடுபட்டிருக்கிறார். ஆகஸ்ட் 7ஆம் தேதி அவர் திரும்பி வந்து, சிவப்பு மண்டல பகுதியிலிருக்கும் சில அதிகாரிகளுடன் பேசிவிட்டு வீடு திரும்பி இருக்கிறார். அன்று இரவு தலைவலி மற்றும் உடல் அசௌகர்யம் ஏற்பட்டிருக்கிறது. அடுத்த இரண்டு நாட்கள் சனி மற்றும் ஞாயிறாக இருந்ததால் அவர்களால் மருத்துவமனைக்கு செல்லமுடியவில்லை. அதற்குபிறகு, திங்கள் முதல் வெள்ளி வரை சர்மா மூன்றுமுறை சோதனைக்குச் சென்றுள்ளார். ஆனால் மருத்துவமனையில் அவரை சோதனை செய்யாமல் விட்டுவிட்டனர். ஆகஸ்ட் 15ஆம் தேதி மூச்சுத் திணறல் ஏற்பட்டத்தை அடுத்து, வசந்த் குஞ்சில் உள்ள இந்தியன் ஸ்பைனல் இஞ்சுரீஸ் மையத்தில் ஐசியூவில் அனுமதிக்கப்பட்டார். கொரோனா சோதனை செய்ததில் தொற்று உறுதியானது. அடுத்த நாள் அவருக்கு பிளாஸ்மா சிகிச்சை அளிக்கப்பட்டது. இருந்தாலும் மருத்துவர்களால் அவரைக் காப்பாற்ற முடியவில்லை என்று அவருடைய மனைவி அருணா கூறியிருக்கிறார். கடைசியாக ஞாயிற்றுக்கிழமை இரவு வீடியோகால் பேசியிருக்கிறார். அப்போது நன்றாக பேசியதாகவும், தம்ஸ் அப் செய்ததாகவும் அவர் கூறியிருக்கிறார். சர்மாவுக்கு கொரோனா தொற்று உறுதியானதை அடுத்து, அவருடைய மனைவிக்கும், மகனுக்கும் தொற்று உறுதியானது. எனவே அவர்களால் கடைசியாக ஒருமுறை கூட சர்மாவைப் பார்க்கமுடியவில்லை என்று சர்மாவின் மனைவி வருத்தம் தெரிவித்துள்ளார். மேலும்,  சர்மாவின் இறுதிச் சடங்கை அவரது சகோதரர்கள் நடத்தியுள்ளனர். அவருடைய அஸ்தி பாதுகாக்கப்படுவதால், மகன் குணமானவுடன் இறுதிச் சடங்குகளை செய்யவுள்ளளோம் எனத் தெரிவித்துள்ளார்
http://dlvr.it/RdyLYX

Read More

பாதிக்கப்பட்டவர்களிடம் பாகுபாடு... பினராயி விஜயன் மீது குற்றச்சாட்டு!

கொரோனா வைரஸ் பரவலைக் கட்டுப்படுத்துவதற்கான நடவடிக்கைகள் மற்றும் கொரோனா தொற்றுக்கு ஆளானவர்களுக்கு அளிக்கப்பட்ட சிகிச்சைகள் எனப் பல காரணங்களுக்காக பினராயி விஜயன் தலைமையிலான இடது ஜனநாயக முன்னணி அரசு பாராட்டுகளைப் பெற்றது. கொரோனாவுக்கு முன்பாக, இரண்டு முறை பெருவெள்ளத்தில் மூழ்கியபோது கேரளா கடுமையான பாதிப்புகளைச் சந்தித்தது. அப்போதும் பினராயி விஜயன் அரசு மேற்கொண்ட நடவடிக்கைகள் பாராட்டப்பட்டன. நிபா வைரஸ் கேரளாவைத் தாக்கியபோதும், அதை பினராயி விஜயன் அரசு வெற்றிகரமாக எதிர்கொண்டது என்றும் பலரின் பாராட்டுகளைப் பெற்றது. மத்தியில் உள்ள நரேந்திர மோடி அரசின் திட்டங்களையும் செயல்பாடுகளையும் கடுமையாக விமர்சிக்கக்கூடிய முதல்வராகவும் பினராயி விஜயன் இருக்கிறார்.ஸ்வப்னா சுரேஷ் இந்த நிலையில் தங்கக்கடத்தல், விமான விபத்து மற்றும் நிலச்சரிவில் பாதிக்கப்பட்டவர்களிடம் பாகுபாடு என பினராயி விஜயனுக்கு எதிராக சமீபத்தில் குற்றச்சாட்டுகள் எழுந்துள்ளன. தங்கக் கடத்தல் விவகாரம் பினராயி விஜயன் அரசுக்கு எதிராகப் பெரும் புயலைக் கிளப்பியது. ஐக்கிய அரபு அமீரகத்தின் தூதரகத்தைப் பயன்படுத்தி கேரளாவுக்கு கடத்திவரப்பட்ட 30 கிலோ தங்கம் சுங்கத்துறையினரால் கடந்த ஜூலை 5-ம் தேதி பறிமுதல் செய்யப்பட்டது. அது தொடர்பாக, தூதரகத்தின் முன்னாள் ஊழியர் சரீத்குமார் கைதுசெய்யப்பட்டார். பின்னர், அந்த வழக்கில் முக்கியக் குற்றவாளி என்று கூறப்படும் ஸ்வப்னா சுரேஷ், சந்தீப் நாயர் ஆகியோரை என்.ஐ.ஏ கைதுசெய்தது. மேலும் முதல்வரின் தனிப்பிரிவு செயலாளராகவும் தகவல் தொழில்நுட்பத்துறை செயலாளராகவும் இருந்த சிவசங்கருக்கு தங்கக் கடத்தல் விவகாரத்தில் தொடர்பு இருப்பதாக எழுந்த குற்றச்சாட்டு கேரள அரசியலில் பெரும் பரபரப்பை ஏற்படுத்தியது. தங்கக் கடத்தலில் முதல்வர் அலுவலகத்துக்கு நேரடியாகத் தொடர்பு இருப்பதாக எதிர்க்கட்சிகள் குற்றம்சாட்டின. `தங்கக் கடத்தல் வழக்கில் முதல்வர் அலுவலகத்துக்குத் தொடர்பு உள்ளது. எனவே, முதல்வர் பதவியை ராஜினாமா செய்துவிட்டு, பினராயி விஜயன் விசாரணையைச் சந்திக்க வேண்டும்’ என்று காங்கிரஸ் கட்சியின் மூத்த தலைவரான ரமேஷ் சென்னிதலா வலியுறுத்தினார். ``தங்கக் கடத்தல் குறித்து தமக்கு எதுவுமே தெரியாது என்றார் முதல்வர் பினராயி விஜயன். தனது அலுவலகத்தில் என்ன நடக்கிறது என்பது தெரியாமலா முதல்வர் இருப்பார்? இந்த வழக்கில் தொடர்புடைய அனைவரையும் கைது செய்வோம், அவர்கள் மீது நடவடிக்கை எடுக்கப்படும் என்று முதல்வர் பினராயி கூறுகிறார். அப்படியென்றால், இந்த வழக்கில் பினராயி விஜயனையும் போலீஸ் விசாரிக்க வேண்டும்" என்றும் சென்னிதலா வேகம் காட்டினார்.ரமேஷ் சென்னிதலா இந்தக் குற்றச்சாட்டுகளை பினராயி விஜயன் மறுத்தார். ``விமான நிலையத்தில் தங்கத்தை சுங்கத்துறையினர் கண்டுபிடித்த செய்தி வந்தவுடன், ஓர் அரசியல் கட்சியைச் சேர்ந்த பொறுப்புள்ள பதவியில் இருக்கும் ஒருவர், அரசின் மீது குற்றம்சாட்டத் திட்டமிட்டார். மாநில அரசின் மீது பல்வேறு யூகக் குற்றச்சாட்டுகளை எதிர்க்கட்சிகள் உருவாக்குகிறார்கள். இடது ஜனநாயக முன்னணி அரசின் நற்பெயரைக் கெடுக்கும் பிரசாரம் இது" என்று பினராயி விஜயன் கூறினார். இந்த விவகாரத்தில் தீவிர விசாரணை நடைபெற்றுவருகிறது. தங்கக் கடத்தல் விவகாரத்தில் முதல்வருக்கு எதிராக முன்வைக்கப்பட்ட குற்றச்சாட்டின் பரபரப்பு அடங்குவதற்குள், ``பாதிக்கப்பட்டவர்களிடம் பாகுபாடு காட்டுகிறார்" என்ற குற்றசாட்டுக்கு பினராயி விஜயன் ஆளாகியிருக்கிறார். கேரளாவின் இடுக்கி மாவட்டத்தில் நிறைய தேயிலைத் தோட்டங்கள் அமைந்துள்ளன. அங்கு ஏராளமான தமிழர்கள் தோட்டத் தொழிலாளர்கள் வேலைசெய்துவருகிறார்கள். இம்மாதம் 7-ம் தேதி இடுக்கி மாவட்டத்தில் கனமழை பெய்தது. அப்போது மூணாறு அருகே பெட்டிமுடி என்ற இடத்தில் நிலச்சரிவு ஏற்பட்டது. மூணாறு நிலச்சரிவு அதில், பெட்டிமுடியில் உள்ள தேயிலைத் தோட்டம் ஒன்றில் பணியாற்றிவந்த தொழிலாளர்களின் வீடுகள் மண்ணுக்குள் புதைந்தன. அந்த வீடுகளில் உறங்கிக்கொண்டிருந்த தொழிலாளர்களின் குடும்பங்கள் மண்ணோடு மண்ணாக மடிந்துபோன பெரும் சோகம் நிகழ்ந்தது. 70 ஏழைத்தொழிலாளர்கள் மண்ணில் புதைந்து மரணடைந்தனர். மூணாறில் நிலச்சரிவு ஏற்பட்டு 70 பேர் மரணமடைந்த சம்பவம் நிகழ்ந்த அதே நாளில் துபாயிலிருந்து கேரளாவுக்கு வந்த ஏர் இந்தியா விமானம் ஒன்று, கோழிக்கோடு கரிப்பூர் விமானநிலையத்தில் தரையிறங்கியபோது விபத்துக்குள்ளானது. 190 பேரை ஏற்றிக்கொண்டுவந்த அந்த விமானம், ஓடு பாதையிலிருந்து விலகியதால், இரண்டு பாகங்களாக உடைந்தது. அதில், இரண்டு விமானிகள் உள்பட 18 பேர் மரணமடைந்தனர்.கோழிக்கோடு விமான விபத்து விமான விபத்து ஏற்பட்டவுடன் முதல்வர் பினராயி விஜயனும் அமைச்சர்களும் உயர் அதிகாரிகளும் உடனடியாக சம்பவ இடத்துக்கு விரைந்தனர். விமான விபத்தில் உயிரிழந்தவர்களின் குடும்பங்களுக்கு தலா ரூ.10 லட்சம் நிவாரணம் வழங்குவதாக முதல்வர் அறிவித்தார். நிலச்சரிவில் மரணமடைந்த தொழிலாளர்களின் குடும்பங்களுக்கு தலா ரூ.5 லட்சம் நிவாரணம் என்று பினராயி விஜயன் அறிவித்தார். அங்குதான் பிரச்னை எழுந்தது. விமான விபத்தில் இறந்தவர்களுக்கு ரூ.10 லட்சம், நிலச்சரியில் இறந்தவர்களுக்கு ரூ.5 லட்சமா என்ற கேள்வி எழுந்தது. காங்கிரஸ் கட்சியின் மூத்த தலைவரான ரமேஷ் சென்னிதலா, ``அனைத்து உயிர்களும் சமமானவை. உயிர்களில் உயர் தாழ்வு என்பது கிடையாது. ஏழை எஸ்டேட் தொழிலாளர்கள் மற்றும் விமானப் பயணிகள் இருவருக்கும் பாரபட்சம். எல்லா உயிர்களும் சமமான முக்கியத்துவம் கொண்டவை. இழப்பீட்டுத்தொகை என்பது இழந்த உயிருக்கு ஈடாகாது. கோழிக்கோடு சென்ற முதல்வர், மூணாறுக்கும் சென்றிருக்க வேண்டும். மூணாறில் உயிரிழந்தவர்களுக்கான நிவாரணமும் ரூ.10 லட்சமாக உயர்த்தப்பட வேண்டும்" என்றார்.மூணாறில் பினராயி விஜயன் ``பாதிக்கப்பட்டவர்களில் பாரபட்சம் பார்க்கக் கூடாது. விமான விபத்து, நிலச்சரிவு என இரண்டு சம்பவங்களிலும் முதல்வர் பாரபட்சத்துடன் நடந்துகொண்டிருக்கிறார். பாதிக்கப்பட்டவர்களில் பாகுபாடு காட்டக்கூடாது" என்று பா.ஜ.க தலைவரும் மத்திய அமைச்சருமான முரளிதரன் குற்றம்சாட்டினார். அரசின் நடவடிக்கைகள், ஆட்சியாளர்களின் செயல்பாடுகள் மீது எதிர்க் கட்சித் தலைவர்கள் முன்வைக்கும் வழக்கமாக விமர்சனங்களாக இதைப் பார்க்க முடியவில்லை. கோழிக்கோட்டில் விமான விபத்து நிகழ்ந்தவுடன் நேரில் சென்று பார்வையிட்ட முதல்வர், மூணாறுக்கு ஏன் உடனடியாக செல்லவில்லை என்று எழுப்பப்படும் கேள்வி நியாயமானது. விமான விபத்தில் இறந்தவர்களுக்கு ரூ.10 லட்சம், நிலச்சரிவில் இறந்தவர்களுக்கு ரூ.5 லட்சம் என்பது என்ன நியாயம்? `விபத்தில் இறந்தவர்களின் குடும்பங்களுக்கு நிவாரணம் வழங்குவதில், தமிழர்களுக்கு கேரள அரசு பாகுபாடு காட்டுகிறது’ என்று தமிழர் தேசிய முன்னணியின் தலைவர் பழ.நெடுமாறன் குற்றம்சாட்டியுள்ளார்.முதல்வர் காரை மறித்த பெண் எதிர்க்கட்சிகளின் விமர்சனங்களுக்குப் பிறகு, சம்பவம் நிகழ்ந்து ஏழு நாள்கள் கழித்துத்தான், நிலச்சரிவில் பாதிக்கப்பட்டவர்களைச் சந்தித்தார் முதல்வர் பினராயி விஜயன். அவருடன் கவர்னர் ஆரிஃப் முகமது கானும் சென்றிருந்தார். பாதிக்கப்பட்டவர்களைச் சந்தித்துவிட்டு பினராயி விஜயன் திரும்பினார். அப்போது, தேயிலைத் தோட்டப் பெண் தொழிலாளர்கள் சார்பில் ஏற்படுத்தப்பட்ட ஓர் அமைப்பின் தலைவியான கோமதி என்பவர் பினராயி விஜயனின் காரை மறித்தார். அது பெரும் பரபரப்பை ஏற்படுத்தியது. அவரை போலீஸார் கைதுசெய்து காவல்நிலையத்துக்கு அழைத்துச்சென்றனர். மூணாறில் அமைந்துள்ள தேயிலைத் தோட்டங்களில் வேலை செய்யும் தொழிலாளர்களின் இருப்பிடங்கள் மோசமான நிலையில் இருப்பதாகவும், அவர்களுக்கு நிலம் வழங்க வேண்டும் என்பதும், சொந்தமாக வீடு கட்டிக்கொள்ள நிதி உதவி வழங்க வேண்டும் என்பதும் கோமதியின் முக்கியக் கோரிக்கை. Also Read: `பிரசாந்த் பூஷண் குற்றவாளி’ என தீர்ப்பு... கருத்துரிமையை நெரிக்கிறதா உச்சநீதிமன்றம்? தன் மீதான குற்றச்சாட்டுகளை மறுத்ததுடன், தன் விளக்கத்தையும் பினராயி விஜயன் அளித்துள்ளார். ``மூணாறுக்கு ஹெலிகாப்டரில் செல்ல வேண்டும். ஆனால், அப்போதிருந்த காலநிலை காரணமாக உடனடியாக அங்கு செல்ல முடியவில்லை. மூணாறில் கவர்னருடன் பினராயி விஜயன் நிலச்சரிவில் உயிரிழந்தோரின் குடும்பத்தினருக்கு முதற்கட்ட நிதியுதவியை மட்டுமே அறிவித்துள்ளோம். மீட்புப்பணி நிறைவடைந்தவுடன் இழப்புகள் கணக்கிடப்பட்டு, அவர்களுக்குத் தேவையான உதவிகள் செய்யப்படும்" என்றார் பினராயி விஜயன்.
http://dlvr.it/RdxBf1

Read More

மூணாறு: `சிதைந்து போன உடல்கள்; டி.என்.ஏ பரிசோதனை’ - சர்ச்சையான பூங்கா திறப்பு

கேரள மாநிலம் மூணாறு அருகே உள்ள ராஜமலை பெட்டிமுடி பகுதியில் கடந்த ஆகஸ்ட் 6-ம் தேதி இரவு ஏற்பட்ட நிலச்சரிவில், சிக்கி 70 பேர் பரிதாபமாக உயிரிழந்தனர். ஆகஸ்ட் 7ம் தேதி முதல், இன்று வரை, மண்ணில் புதையுண்ட நபர்களின் உடல்களை தேடும் பணி தொடர்ந்து நடந்து வருகிறது. தேசிய பேரிடர் மீட்புக் குழு, கேரள காவல்துறை மற்றும் தீயணைப்புத்துறை, தன்னார்வ மீட்புக் குழுவினர்கள் என தொடர்ந்து 13 -வது நாளாக சம்பவ இடத்தில் உடல்களை தேடி வருகிறார்கள்.மீட்புக் குழுவினர் Also Read: மூணாறு நிலச்சரிவு: `நீரோடையில் 12 உடல்கள்...’ - கைவிடப்படுகிறதா தேடுதல் பணி? நிலச்சரிவு ஏற்பட்ட இடத்தின் அருகே ஓடக்கூடிய நீரோடையில், உடல்கள் அடித்துச் செல்லப்பட்டிருக்கலாம் என்ற சந்தேகத்தில் ஓடையில் கடந்த சில நாட்களாக நடத்தப்பட்ட தேடும் பணியில், சிறுமி ஒருவரின் உடல் உட்பட சிலரது உடல்கள் மீட்கப்பட்டது. தொடர்ந்து நீரோடையில் தேடும் பணிகள் நடந்துவந்தாலும், நிலச்சரிவு ஏற்பட்டு, வீடுகள் மண்ணில் புதைந்துபோன இடத்திலும் அதிநவீன ஆய்வுக் கருவிகள் கொண்டு சோதனை செய்யப்பட்டு வருகிறது. குறிப்பாக, திருச்சி பாரதிதாசன் பல்கலைக்கழகத்தில் இருந்து ரேடார் கருவி ஒன்று நேற்று கொண்டுவரப்பட்டது. இந்த ரேடார் கருவியானது, 6 மீட்டர் ஆழத்தில் இருக்கும் உடல்களைக் கூட கண்டுபிடிக்கக் கூடிய திறன் கொண்டது என தெரிவிக்கப்பட்டுள்ளது.ரேடார் கருவி கொண்டு ஆயுவு செய்யும் மீட்புக் குழு நேற்றைய தினம், சிறுவன் உடல் உட்பட மூவரின் உடல்கள் மீட்கப்பட்டது. இதன் மூலம் இதுவரை 61 உடல்கள் மீட்கப்பட்டுள்ளது. மேலும், 9 நபர்களின் உடல்கள் தேடும் பணி நடக்கிறது. நேற்று மீட்கப்பட்ட உடல்களில் இருவரது உடல்கள் அடையாளம் காணப்பட்டாலும், ஒரு நபரின் உடல் மிகவும் சிதைந்த நிலையில் இருந்ததால், டி.என்.ஏ சோதனைக்கு உட்படுத்த திட்டமிடப்பட்டுள்ளது. சம்பவம் நடந்து 13 நாட்கள் ஆன நிலையில், இனி மீட்கப்படும் உடல்கள் அனைத்தும் சிதைந்த நிலையிலேயே இருக்கக் கூடும் என கூறுகின்றனர் மீட்புக் குழுவினர்.மீட்புக் குழு Also Read: மூணாறு நிலச்சரிவு: காணாமல் போன 15 பேரின் உடல்கள்! - நீரோடையில் தேடும் பணியில் 500 பேர் நிலச்சரிவு ஏற்பட்ட இடத்தின் அருகே உள்ள ராஜமலை இரவிக்குளம் தேசியப் பூங்கா, 7 மாதங்களுக்குப் பிறகு இன்று திறக்கப்படுகிறது. வரையாடுகளுக்கு புகழ் பெற்ற இரவிக்குளம் தேசியப் பூங்காவிற்கு வரும் சுற்றுலாப்பயணிகளை, மூணாறில் இருந்து பேருந்து மூலம் அழைத்துவரவுள்ளது பூங்கா நிர்வாகம். மிக குறுகிய ஒருவழி மலைப்பாதையாக இருப்பதால், சுற்றுலாப்பயணிகள் பேருந்தும், மீட்புக் குழுவினர்களின் வாகனமும் மலைப்பாதையில் சிக்கிக்கொள்ள அதிக வாய்ப்பு உள்ளது என கூறப்படுகிறது. துயரச் சம்பவம் ஒன்று நடந்துள்ள பகுதியில், இன்னும் பலரது உடல்களின் நிலை என்னவென்று தெரியாத சூழலில், பூங்காவை திறப்பது, சர்ச்சையை ஏற்படுத்தியுள்ளது.
http://dlvr.it/RdwFGZ

Read More

ஒன்றிற்கும் மேற்பட்ட பான் கார்டு வைத்திருப்பவர்களா நீங்கள்?: காத்திருக்கும் அதிர்ச்சி!

ஒன்றுக்கு மேற்பட்ட பான் கார்டுகளை வைத்திருப்பது சட்டவிரோதமானது மற்றும் விதிமுறைகளைப் பின்பற்றத் தவறினால் வருமான வரித்துறை ரூ.10,000 அபராதம் விதிக்கலாம் எனக் கூறியுள்ளது. இந்தியாவின் மிக முக்கியமான நிதி, அடையாள ஆவணங்களில் ஒன்று பான் கார்டு. பான் அல்லது நிரந்தர கணக்கு எண் என்பது வருமான வரித்துறையால் ஒதுக்கப்பட்ட 10 இலக்க எண். வருமான வரி செலுத்துவோர் பான் அட்டை கண்டிப்பாக வைத்திருக்க வேண்டும். பலரிடம் ஒன்றுக்கும் மேற்பட்ட பான் கார்டுகள் உள்ளன. ஆனால் விதிகளின்படி, ஒன்றுக்கும் மேற்பட்ட பான் கார்களுக்கு அனுமதி கிடையாது. முதலில் வாங்கிய பான் எண்ணை வைத்து அதிக லோன் வாங்கியிருந்தால், சிலர் வேண்டுமென்றே ஒன்றுக்கு மேற்பட்ட பான் கார்டுகளுக்கு விண்ணப்பிக்கிறார்கள். சிலர் தங்கள் வருமான வரியைக் குறைக்க பல பான் கார்டுகளை வைத்திருக்கிறார்கள். ஆனால் வருமான வரி சட்டம் பிரிவு 272பி -இன் கீழ், ஒருவரிடம் இரண்டு பான் கார்டுகள் இருந்தால், ரூ.10,000 வரை அபராதம் விதிக்கப்படலாம். சில நேரங்களில் தற்செயலாக, ஒரு பான் கார்டு தொலையும்போது, அதன் நகலைப் பெறுவதற்கு பதிலாக, புது கார்டுக்கு விண்ணப்பிக்கிறார்கள். பெரும்பாலும் பெண்கள் திருமணம் செய்துகொள்ளும்போது, அசல் அட்டையில் பெயரை புதுபிப்பதற்கு பதிலாக, பெயரை மாற்றி புது கார்டுக்கு விண்ணப்பிக்கிறார்கள். பல பான் கார்டுகள் வைத்திருப்பதை கண்டறிவது இப்போது எளிது இப்போது பான் கார்டை ஆதார் எண்ணுடன் இணைப்பது கட்டாயமாக்கப் பட்டதால் ஒன்றுக்கு மேற்பட்ட கார்டுகளைக் கொண்டிருப்பவர்களைக் கண்டுபிடிப்பது எளிதாகிவிட்டது. எனவே பிரிவு 139ஏ இன் விதிகளுக்கு இணங்கத் தவறுபவர்களுக்கு வருமான வரித்துறை ரூ.10,000 அபராதம் விதிக்கலாம். ஒன்றுக்கு மேற்பட்ட பான் கார்டு இருந்தால் என்ன செய்வது? எந்தக் காரணத்திற்காகவும் ஒன்றுக்கு மேற்பட்ட பான் கார்டு வைத்திருந்தால், அதை ரத்து செய்துவிட்டு ஒன்றே ஒன்றை மட்டும் வைத்திருக்கவேண்டும். ஆன்லைன் மற்றும் நேரில் பான் கார்டை ரத்து செய்யலாம். ஆன்லைன் முறை: என்.எஸ்.டி.எல் வலைதளத்திற்குச் செல்லவும். ‘’Application Type’’ என்ற பகுதியில் இருக்கும், மாற்றங்கள் அல்லது திருத்தம்/ பான்கார்டு மறுபதிப்பு(இருக்கும் பான் தரவில் எந்த மாற்றமும் இல்லை) (Changes or Correction in existing PAN Data/Reprint of PAN Card (No changes in existing PAN Data)) என்பதைத் தேர்ந்தெடுக்கவும். படிவத்தை நிரப்பி, சமர்ப்பிக்கவும். இந்த படிவத்தை சமர்ப்பித்தபிறகு, உங்கள் கோரிக்கை பதிவு செய்யப்பட்டு, ஒரு டோக்கன் எண் உருவாக்கப்பட்டு விண்ணப்பத்தில் குறிப்பிட்டிருக்கும் மின்னஞ்சல் முகவரிக்கு அனுப்பப்படும். எதிர்காலக் குறிப்புகளுக்காக உங்கள் டோக்கன் எண்ணைக் குறிப்பிட்டு, பான் விண்ணப்பப் படிவத்துடன் (PAN Application Form) தொடரவும். அங்கிருந்து புதிய வலைபக்கத்துக்குச் செல்லும். புதிய வலைபக்கத்தின்மேல், ‘’ஸ்கேன் செய்யப்பட்ட படங்களை இ-சைன் மூலம் சமர்ப்பிக்கவும். விருப்பத்தைத் தேர்ந்தெடுத்து, நீங்கள் சமர்பிக்க விரும்வும் பான் எண்ணைக் குறிப்பிடவும். உங்கள் தனிப்பட்ட விவரங்கள், தொடர்பு மற்றும் பிற விவரங்களை நிரப்பவும். நீங்கள் திருப்பி செலுத்த விரும்பும் பான்களை குறிப்பிட்டு, ’அடுத்து’ பட்டனை அழுத்தவும். நீங்கள் சமர்பிக்க விரும்பும் அடையாளம், முகவரி மற்றும் பிறந்த தேதி ஆகியவற்றைத் தேர்ந்தெடுக்கவும். ஸ்கேன் செய்த உங்கள் புகைப்படம், கையொப்பம் மற்றும் தேவையான ஆவணங்களை பதிவேற்றவும். பான் கார்டை திருப்பிதரக் கோரினால், ஒப்புதல் ரசீதில் கையொப்பமிடவும். உங்கள் விவரங்களை சமர்பித்தபிறகு, விண்ணப்ப படிவத்தின் மாதிரிகாட்சி கிடைக்கும். உங்கள் விவரங்களை சரிபார்த்து, தேவையான இடங்களில் திருத்தம் செய்துகொள்ளலாம் அல்லது பணம் செலுத்த தொடரலாம். கோரிக்கை வரைவு, கிரெடிட் கார்டு, டெபிட் கார்டு அல்லது நெட் பேங்கிங் மூலம் கட்டணம் செலுத்தலாம். கட்டணம் செலுத்தி முடித்ததும், பதிவிறக்கம் செய்யக்கூடிய ஒப்புதலைக் காணலாம். எதிர்கால குறிப்புகளுக்காக ஒப்புதலின் நகலை ப்ரிண்ட் செய்துகொள்ளலாம். ப்ரிண்ட் செய்யப்பட்ட ஒப்புதலின் நகலை என்.எஸ்.டி.எல் e-Govக்கு இரண்டு புகைக்கடங்களுடன் அனுப்பவும். ஒப்புதலை அனுப்புவதற்கு முன், உறையின்மேல், பான் ரத்து செய்வதற்கான விண்ணப்பம் மற்றும் ஒப்புதல் எண்ணுடன் குறிப்பிடவும். கையொப்பமிட்ட ஒப்புதலுடன் கோரிக்கை வரைவு(தேவைப்பட்டால்) மற்றும் தேவையான ஆவணங்கள்(ஏற்கனவே உள்ள பான் சான்று ஏதேனும் இருந்தால்), அடையாளம், முகவரி மற்றும் பிறந்த தேதி உடன் அனுப்பவும். நேரில் சமர்ப்பிக்கும் முறை: பானில் மாற்றம் அல்லது திருத்தத்திற்கான படிவம் 46ஏவை நிரப்பி, கூடுதலாக இருக்கும் பான் அட்டை மற்றும் படிவத்தை அருகிலுள்ள UTI அல்லது NSDL TIN மையத்தில் சமர்ப்பிக்கலாம். மேலும் வருமான வரி தாக்கல் செய்யப்படும் மதிப்பீட்டு அதிகாரிக்கு ஒரு கடிதம் எழுதவேண்டும். பான் கார்டில் உள்ள பெயர், பிறந்த தேதி, திருப்பி கொடுக்க விரும்பும் பான் கார்டு எண்கள் போன்ற தனிப்பட்ட விவரங்களைக் குறிப்பிடவும். கடிதத்தை அருகிலுள்ள வரி அலுவலகத்திற்கு அனுப்பவும்.    
http://dlvr.it/RdtkwG

Read More

`நாட்டிலேயே முதல் முயற்சி; சட்டசபை நிகழ்வுகளை ஒளிபரப்ப சபா டி.வி!’- அசத்தும் கேரள அரசு

நாடாளுமன்றம் கூடும்போது அங்கு நடக்கும் நிகழ்ச்சிகளை ஒளிபரப்புவது உள்ளிட்டவைகளுக்காக மத்திய அரசுக்கு லோக்சபா டி.வி சானல் உள்ளது. ஆனால், மாநிலங்களில் உள்ள சட்டசபைகளில் நடக்கும் விவாதங்கள், உறுப்பினர்களின் பேச்சுக்களை ஒளிபரப்ப தனி தொலைகாட்சி சேனல் கிடையாது. இந்தநிலையில், நாட்டில் முதல்முறையாக சட்டசபை நிகழ்ச்சிகளை ஒளிபரப்ப கேரள அரசு `சபா டி.வி’ என்ற டி.வி சேனலை கேரள புத்தாண்டு தினமான நேற்று தொடங்கியுள்ளது. சபா டி.வி தொடக்க நிகழ்ச்சியில் கேரள முதல்வர் பினராயி விஜயன் பேசுகையில்,``கேரளம் இந்திய அளவில் பல சாதனைகளைப் புரிந்துள்ளது. அதன் ஒருபகுதியாக சட்டசபைக்கான தனித் தொலைகாட்சி ஒன்றை, நாம் தொடங்கியுள்ளோம். நாடாளுமன்றமும், மக்களாட்சியும் நிலைநிற்கும் ஒவ்வொரு நாட்டிலும் சபை நடவடிக்கைகள் மக்களுக்கு சென்று சேரவேண்டியது மிகவும் முக்கியமானதாகும்.கேரள முதல்வர் பினராயி விஜயன் மக்கள் பிரதிநிதிகள் சபையில் அமர்ந்திருப்பதால் சபை நடவடிக்கைகள் மக்களுக்கு சென்றுசேருவது அவசியம். அந்த மக்கள் பிரதிநிதிகள், எப்படி தங்களுக்கானக் கடமைகளை செயல்படுத்துகிறார்கள் என்பதை அறிந்துகொள்வது ஒவ்வொரு குடிமகனின் உரிமையாகும். முன்பு, சட்டசபை கூடும்போது செய்தித்தாள்களில் அதிகமான தகவல்கள் வெளியாகும். கேள்வி- பதில்களை அப்படியே பிரசுரிக்கும் செய்தித்தாள்கள் இருந்தன. ஒவ்வொருவருடைய பேச்சுக்களிலும் சிறிய பகுதிகளையாவது வெளியிடும் வழக்கம் இருந்தது. Also Read: கேரளா: கிரையோஜெனிக் இன்ஜின் பொய் வழக்கு - நம்பி நாராயணனுக்கு ரூ.1.3 கோடி இழப்பீடு! புதிய உறுப்பினராக நான் வந்தபோது, அதுபற்றியும் செய்தி வெளியானது. பத்திரிகை செய்திகளில் பின்னர் மாற்றம் வந்தது. மாற்றத்தின் நிலை குறித்து அனைவருக்கும் தெரியும். பின்னர் தொலைகாட்சி சேனல்கள் வந்தபிறகு அவர்களுக்கு அனுமதிக்கப்பட்ட சமயத்தில், கேள்வி-பதில்களை ஒளிபரப்பியதால், அது இன்னும் அதிகமாக மக்களை சென்றடைந்தது. அதன்பிறகு நல்லபடியான, விருப்பமுள்ள பகுதிகளைப் பதிவு செய்யும் நிலை ஏற்பட்டது. எனவே, இதில் நல்லபடியான மாற்றத்தை சபா டி.வி ஏற்படுத்தும்.சபா டி.வி தொடக்க நிகழ்ச்சியில் பேசிய பினராயி விஜயன் நம் நாட்டில் நாடாளுமன்ற நடவடிக்கைகள் முழுமையாக ஒளிபரப்பப்படுகிறது. இந்த சபா டி.வி மூலமாக நம் மாநில சட்டசபையின் நடவடிக்கள் முழுமையாக மக்களுக்கு சென்று சேரும் நிலை ஏற்படும். இது முதற்கட்டம் என்பதால் சட்டசபையின் வரலாறு, முக்கியஸ்தர்களின் நேர்காணல் போன்றவை ஒளிபரப்பப்படும். விரைவில் முழுமையான தொலைக்காட்சி சேனலாக மாறும். சட்டசபையில் நமது செயல்பாடுகளை மக்கள் தெரிந்துகொள்ள அதிக வாய்பு இதன்மூலம் ஏற்படும். இளைஞர்களும், மாணவர்களும் இந்த டி.வி மூலம் பயன்பெறுவார்கள்" என்றார்.
http://dlvr.it/RdsZqV

Read More

கேரளா: `தாய் கொரோனாவால் இறந்ததை மறைத்து இறுதிச்சடங்கு?’ - சர்ச்சையில் முன்னாள் மத்திய அமைச்சர்

கேரள மாநிலத்தைச் சேர்ந்தவர் பா.ஜ.க முன்னாள் மத்திய அமைச்சர் அல்ஃபோன்ஸ் கண்ணந்தானம். உடல்நலக்குறைவால் டெல்லி எய்ம்ஸ் மருத்துவமனையில் சிகிச்சையிலிருந்த அல்போன்ஸ் கண்ணந்தானத்தின் தாயார் கடந்த ஜூன் மாதம் 10-ம் தேதி மரணமடைந்தார். அவரது உடல் விமானம் மூலம் கேரளாவுக்கு எடுத்துவரப்பட்டது. பின்னர் கோட்டயத்தில் நடந்த இறுதிச் சடங்கில் பலர் கலந்துகொண்டு அஞ்சலி செலுத்தினார்கள். அப்போது அவர் உடல்நலம் சரியில்லாமல் இறந்ததாகக் கூறப்பட்டதாகவும். கொரோனாவால் இறந்ததாகச் சொல்லப்படவில்லை எனவும் கூறப்படுகிறது. இந்த நிலையில் `இண்டிபெண்டன்ஸ் டே. மதர்ஸ் மீல்’ (INDEPENDENCE DAY. Mother’s Meal) என்ற தலைப்பில் கடந்த 14-ம் தேதி ஒரு வீடியோ வெளியிட்டார் அல்ஃபோன்ஸ் கண்ணந்தானம். அதில், தனது தாய் இரண்டு மாதங்களுக்கு முன்னர் கொரோனாவால் இறந்ததாகக் குறிப்பிட்டிருந்தார். இதுதான் இப்போது சர்ச்சையைக் கிளப்பியுள்ளது.அல்ஃபோன்ஸ் கண்ணந்தானம் இது குறித்து சமூகச் செயற்பாட்டாளர் ஜோமோன் புத்தன் புரய்க்கல் தனது முகநூல் பக்கத்தில் சர்ச்சையைப் பற்றவைத்திருந்தார். அந்த முகநூல் பதிவில், ``பா.ஜ.க தலைவரும், முன்னாள் மத்திய அமைச்சருமான அல்ஃபோன்ஸ் கண்ணந்தானம், தனது தாய் கொரோனாவால் மரணமடைந்ததாக இப்போது வீடியோ மூலம் தெரிவித்துள்ளார். டெல்லியில் அல்ஃபோன்ஸ் கண்ணந்தானத்துடன் வசித்த அவரது தாய் , கடந்த ஜூன் 10-ம் தேதி மரணமடைந்தார். அப்போது அவர் கொரோனாவால் இறந்ததாக எந்தச் செய்தியும் வெளிவரவில்லை. கடந்த ஜூன் 14-ம் தேதி கோட்டயம் மணிமலையிலுள்ள அல்ஃபோன்ஸ் கண்ணந்தானத்தின் வீட்டிலும், சர்ச்சிலும் உடல் அஞ்சலிக்காக வைக்கப்பட்டு பின்னர் இறுதிச்சடங்கு செய்யப்பட்டது. நானும் திருவனந்தபுரத்திலிருந்து மணிமலைக்குச் சென்று இறுதிச்சடங்கில் கலந்துகொண்டேன். அப்போது அவர் கொரோனாவால் இறந்ததாகச் சிலர் கிசுகிசுத்தனர். கொரோனாவால் இறந்த ஒருவரின் உடலை எம்பாமிங் செய்து, டெல்லியிலிருந்து விமானம் மூலம் கேரளத்துக்குக் கொண்டு வரவேண்டுமானால் அவர் எவ்வளவு செல்வாக்காக இருக்க வேண்டும் என மாநில பா.ஜ.க பொதுச் செயலாளர் ஒருவர் அப்போதே என்னிடம் சொன்னார். கொரோனாவால் இறந்த ஒருவரின் உடலை விமானத்தில் எடுத்துவந்து, எந்த விதிமுறைகளையும் கடைப்பிடிக்காமல் இறுதிச் சடங்கு நடத்தியது என்னை ஆச்சர்யப்படவைத்துள்ளது. இது போன்று எந்தச் சரித்திரத்திலும் நடக்காது" எனக் குறிப்பிட்டிருந்தார்.பி.ஜே.பி முன்னாள் மத்திய அமைச்சர் அல்ஃபோன்ஸ் கண்ணந்தானம் இந்த குற்றச்சாட்டு குறித்து முன்னாள் மத்திய அமைச்சர் அல்ஃபோன்ஸ் கண்ணந்தானம் கூறுகையில்,``என் அம்மாவுக்கு கொரோனா தொற்று இருந்தது. ஆனால் அவரது மரணத்துக்கு முன்பே கொரோனா சரியாகிவிட்டது. கொரோனா குணமடைந்ததாக எய்ம்ஸ் மருத்துவமனை சான்றிதழ் வழங்கியது. ஆனால், கொரோனா நுரையீரல், இதயம் போன்ற முக்கிய உறுப்புகளை பாதித்ததால் அவர் மரணமடைந்தார். அவர் மரணத்துக்குப் பிறகு `கொரோனா நெகட்டிவ்’ என மருத்துவமனை சான்றிதழ் வழங்கியுள்ளது. கொரோனாவை மறைத்து அவரது இறுதிச் சடங்கை நடத்தியதாகக் கூறும் குற்றச்சாட்டு, பதிலளிக்கத் தகுதியற்றது" என்றார்.
http://dlvr.it/Rdq9sT

Read More

நீட், ஜே.இ.இ தேர்வுகளை நடத்துவது உறுதி - மத்திய அரசு

நீட், ஜே.இ.இ தேர்வுகளை ரத்து செய்ய வேண்டும் என்ற கோரிக்கையை உச்சநீதிமன்றம் நிராகரித்துள்ளது. செப்டம்பர் 13ஆம் தேதி நீட் தேர்வும் செப்டம்பர் 1முதல் 6 ஆம் தேதி வரை ஜே.இ.இ தேர்வும் நடைபெறும் என ஏற்கெனவே அறிவிக்கப்பட்டுள்ளது. இதை எதிர்த்து உச்சநீதிமன்றத்தில் மாணவர்கள் தரப்பில் மனுத்தாக்கல் செய்யப்பட்டது. அந்த மனுவில் கொரோனா அச்சுறுத்தல் அதிகம் உள்ள இந்த சமயத்தில் தேர்வுகள் நடத்துவது மாணவர்களுக்கு மிகுந்த பாதிப்பை ஏற்படுத்தும். எனவே தேர்வை ரத்து செய்ய வேண்டும் அல்லது வேறு தேதிக்கு ஒத்திவைக்க வேண்டும்” என கோரிக்கை விடுக்கப்பட்டிருந்தது. இந்த வழக்கில் பதில் அளித்த மத்திய அரசு பாதுகாப்பு ஏற்பாடுகளுடன் சமூக இடைவெளியோடு தேர்வுகளை நடத்த முடிவு செய்யப்பட்டுள்ளதாக தெரிவித்தது. இருதரப்பு வாதங்களையும் கேட்ட உச்சநீதிமன்றம் தேர்வு குறித்த முடிவுகளில் நீதிமன்றங்கள் தலையிடுவது எதிர்காலத்தின் மாணவர்களின் நலனை கேள்விக்குறியாக்கும் என தெரிவித்தது. வாழ்க்கையை அதன் போக்கில் வாழ கற்றுக்கொள்ள வேண்டும் என அறிவுறுத்திய உச்சநீதிமன்றம், தேர்வுகளை ரத்து செய்ய வேண்டும் என்ற கோரிக்கையை நிராகரித்தது.
http://dlvr.it/Rdp3hh

Read More

`கேரளாவில் தாக்கப்படும் தேனி லாரிகள்; இருமாநிலப் பிரச்னை அபாயம்!’ - கொதிக்கும் உரிமையாளர்கள்

Also Read: மூணாறு: `கண்டன கோஷத்துடன் பினராயி விஜயன் காரை மறித்த பெண்!’ - யார் இந்த கோமதி? தமிழக கேரள எல்லையில் அமைந்துள்ள தேனி மாவட்டத்தில் இருந்து, அரிசி, பருப்பு, முட்டை என உணவுப் பொருட்களில் ஆரம்பித்து, கட்டடம் கட்டத் தேவையான மணல், ஜல்லி, சிமெண்ட் உட்பட அனைத்து விதமானப் பொருள்களும் லாரிகளில் தினம்தோறும் இடுக்கி மாவட்டத்திற்கு கொண்டு செல்லப்படும். இந்நிலையில், தேனியில் இருந்து சமீபத்தில் கட்டப்பனை அருகே ஜல்லிக் கற்களை ஏற்றிச்சென்ற தேனி மாவட்டத்தைச் சேர்ந்த லாரி மீது கற்களை வீசித் தாக்கியுள்ளனர் கேரள லாரி உரிமையாளர்கள். டிப்பர் லாரி இச்சம்பவத்தில் ஈடுபட்டவர்கள் மீது நடவடிக்கை எடுக்கக் கோரி, கட்டபனை காவல்நிலையத்தில் புகார் தெரிவித்தும் இதுவரை நடவடிக்கை எடுக்கவில்லை எனக் கூறப்படுகிறது. இதனால், ஆத்திரமடைந்த, தேனி டிப்பர் லாரி உரிமையாளர்கள் சங்கம் சார்பில், கம்பம் மெட்டு அருகே, 20-க்கும் மேற்பட்ட லாரிகளை நிறுத்தி ஒருநாள் அடையாளப் போராட்டம் நடத்தினர். இதுகுறித்து நம்மிடம் பேசிய தேனி டிப்பர் லாரி உரிமையாளர்கள் சங்க ஒருங்கிணைப்பாளர் சுரேஷ், ``கேரளாவில் மணல் அள்ளுவதற்கும், மலைகளை உடைத்து ஜல்லிக் கற்கள் எடுப்பதற்கும் கடும் கட்டுப்பாடுகள் உள்ளது. அதனால், தமிழகத்தில் இருந்துதான் மணல், ஜல்லிக்கற்கள் போன்றவை கேரளாவுக்குக் கொண்டு செல்லப்படும். அவற்றை டிப்பர் லாரிகள் மூலம் நாங்கள் கேரளாவின் பல்வேறு பகுதிகளுக்குக் கொண்டு செல்வோம். கடந்த காலங்களில், பொருள்கள் தேவைப்படுவோரிடம் நேரடியாக டெலிவரி செய்து கொண்டிருந்தோம். கொரோனா ஊரடங்குக்குப் பிறகான தளர்வுகளில், எங்களுக்கு கேரளாவில் கட்டுப்பாடுகள் விதிக்கப்பட்டது. Also Read: மூணாறு நிலச்சரிவு: 7 நாள்களுக்குப் பிறகு பெட்டிமுடி சென்ற கேரள முதல்வர்!போராட்டத்தில் ஈடுபட்டுள்ள லாரி உரிமையாளர்கள் கேரளாவைச் சேர்ந்த டிப்பர் லாரி உரிமையாளர்கள், எல்லையைக் கடந்து எங்களிடம் பொருள்களை ஒப்படைக்குமாறும், நாங்கள் டெலிவரி செய்வதாகவும் கூறினர். அதற்கு நாங்களும் ஒப்புக்கொண்டு, ஸ்டாக் பாயிண்ட் அமைத்து, தேனியில் இருந்து செல்லும் லாரிகள், அங்கே உள்ள லாரிகளில் பொருள்களை மாற்றிவிட்டு திரும்பிக்கொண்டிருந்தன. சில நேரங்களில், பெரிய ஆர்டராக இருந்தால், நாங்களே நேரடியாக டெலிவரி செய்வோம். எங்களைப் போல, கேரளா டிப்பர் லாரிகள், தேனி குவாரிகளுக்கு வந்து நேரடியாக பொருள்களை ஏற்றிச் செல்லும். எனவே, இருதரப்பும் சுமூகமாக சென்றுகொண்டிருந்தது. சில வாடிக்கையாளர்களுக்கு நாங்கள் நேரடியாக சப்ளை செய்வது அவர்களுக்குப் பிடிக்கவில்லை. கடந்த சில வாரங்களாக, தேனி டிப்பர் லாரி ஓட்டுநர்களை மிரட்டிய வண்ணம் இருந்தனர். டிப்பர் லாரிகள் சில தினங்களுக்கு முன்னர், கட்டபனை அருகே உள்ள அணைக்கரைப்பட்டி எனும் ஊருக்கு, தேனியில் இருந்து சென்ற டிப்பர் லாரியை, அங்குள்ள லாரி உரிமையாளர்கள் கல்லால் அடித்து கண்ணாடியை சேதப்படுத்தி, ஓட்டுநரை அடித்து மிரட்டினர். உடனே, கட்டபனை டி.எஸ்.பி-யிடம் புகார் கொடுத்தோம். ஆனால், இப்போதுவரை எந்த நடவடிக்கையும் இல்லை. நாங்கள் சொல்வது ஒன்றே ஒன்றுதான். கேரளாவுக்குத் தேவையான கட்டுமானப் பொருள்கள் அனைத்தும் தேனி வழியாகச் சென்றுகொண்டிருக்கிறது. அதனை எங்களால் தடுக்க முடியும். அது எங்கள் நோக்கம் இல்லை. அதேபோல, கேரள லாரிகள் தமிழக எல்லைக்குள் வந்தால், எங்களாலும் அடிக்க முடியும். அவர்கள் செய்ததுபோல, நாங்கள் செய்ய மாட்டோம். Also Read: தேனி: `அழிக்கப்பட்ட படம்; சிக்க வைத்த செல்போன்!’ - கொலை வழக்கில் நீதிமன்றம் அதிரடி எதோ ஒரு வகையில், இந்தப் பிரச்னை பெரிதாக மாறினால், அது இருமாநில பிரச்னையாக உருமாறிவிடும். தேனி, இடுக்கி மாவட்ட உயர் அதிகாரிகள், இந்த விவகாரத்தில் பேசி, லாரியை கல்லால் அடித்தவர்களை உடனே கைது செய்ய வேண்டும்” என்றார் காட்டமாக. இது தொடர்பாக கலெக்டர் அலுவலக அதிகாரி ஒருவரிடம் பேசிய போது,``இந்த விவகாரம் தொடர்பாக விசாரித்து உரிய நடவடிக்கை எடுக்கப்படும்” என்பதோடு முடித்துக் கொண்டார்.
http://dlvr.it/Rdp3fM

Read More

"தலைவன் எவ்வழியோ தொண்டன் அவ்வழி" சுரேஷ் ரெய்னாவுக்கு குவியும் வாழ்த்துகள் !

"தலைவன் எவ்வழியோ தொண்டன் அவ்வழி" என்ற கூற்றுக்கு எடுத்துக்காட்டாக தோனி சர்வதேச கிரிக்கெட் போட்டியிலிருந்து ஓய்வுப் பெற்ற அடுத்த சில நிமிடங்களிலேயே தானும் ஓய்வை அறிவித்தார் சுரேஷ் ரெய்னா. தோனிக்கு 39 வயதாகிறது. ரெய்னாவுக்கு 33 வயதுதான் ஆகிறது. இந்திய அணிக்கு மீண்டும் திரும்ப இன்னமும் அவருக்கு வாய்ப்பு இருக்கிறது. ஆனால் ஏனோ அவர் கிரிக்கெட்டிலிருந்து ஓய்வை அறிவித்துவிட்டார். இந்தியாவின் பீல்டிங் தரத்தை உயர்த்திய முக்கிய வீரர்களில் ஒருவர் சுரேஷ் ரெய்னா என்றால் அது மிகையல்ல. இந்தியாவுக்காக 18 டெஸ்ட் போட்டிகள், 226 ஒருநாள் போட்டிகளில் விளையாடி 7,787 ரன்களை குவித்துள்ளார் சுரேஷ் ரெய்னா. தோனியின் ஓய்வு அறிவிப்பால் ரெய்னாவின் செய்தி ஓரமாக ஒதுங்கிவிடும் என்று அவருக்கு தெரியாமல் இல்லை. ஆனாலும் தன் முடிவை அறிவித்தார் ரெய்னா. இந்தியாவுக்கு பல ஒருநாள் போட்டிகளில் கடைசிக் கட்டத்தில் வெற்றித் தேடிக் கொடுத்தவர் ரெய்னா. கிரிக்கெட் ரசிகர்கள் ரெய்னாவை மறந்தாலும் சக வீரர்கள் அவருக்கு தொடர்ந்து வாழ்த்துகள் தெரிவித்து வருகின்றனர். A great fielder,brilliant aggressive batsman and a true friend @ImRaina well done on your career for our country. Wish you all the luck for your future #rainaretires pic.twitter.com/ZJJxImWS4X — Irfan Pathan (@IrfanPathan) August 15, 2020 இந்திய கிரிக்கெட் அணியின் முன்னாள் ஆல் ரவுண்டர் இர்பான் பதான் தன்னுடைய ட்விட்டர் பக்கத்தில் "பீல்டிங்கில் கெட்டிக்காரர், பிரமாதமான ஆக்ரோஷமான பேட்ஸ்மேன் மற்றும் உண்மையான நண்பன் சுரேஷ் ரெய்னா. இந்தியாவுக்காக விளையாடிய காலங்களில் பெருமை சேர்த்துள்ளீர்கள், சிறப்பான எதிர்காலம் அமைய வாழ்த்துகள்" என தெரிவித்துள்ளார். From sharing the dressing room with you, practicing with you in my backyard and having conversations over meals, I will miss all of that. Go well brother in your second innings #RainaRetires pic.twitter.com/vUeRjnRAPo — Mohammad Shami (@MdShami11) August 15, 2020 இந்திய வேகப்பந்துவீச்சாளர் முகமது ஷமி "உன்னுடன் ஓய்வு அறையை பகிர்ந்தது, மைதானத்தில் பயிற்சி மேற்கொண்டது, சாப்பிடும்போது உரையாடுவது என அனைத்தையும் நான் மிஸ் செய்வேன். இரண்டாவது இன்னிங்ஸ்க்கு வாழ்த்துகள் சகோதரா" என பதிவிட்டுள்ளார். One of the most passionate and vibrant guys I have ever played with. Good luck on the new innings Raina bhai @ImRaina pic.twitter.com/HQmIyfglJ1 — Yuzvendra Chahal (@yuzi_chahal) August 16, 2020 சுழற்பந்துவீச்சாளர் சாஹல் "நான் விளையாடியதில் மிகவும் துடிப்பான வேகமானவர் சுரேஷ் ரெய்னா. ரெய்னா பாய் இரண்டாவது இன்னிங்ஸ்க்கு வாழ்த்துகள்" என ட்விட்டரில் தெரிவித்துள்ளார். Congratulations @ImRaina on a splendid career . One of the best southpaw batters and a brilliant fielder . All the best for your life ahead #Raina pic.twitter.com/cEWV9YhwA1 — Mithali Raj (@M_Raj03) August 16, 2020 இந்திய மகளிர் கிரிக்கெட் அணியின் நட்சத்திரம் மிதாலி ராஜ் தன்னுடைய ட்விட்டர் பக்கத்தில் "சிறப்பான கிரிக்கெட் வாழ்க்கை அமைந்ததற்கு என் வாழ்த்துகள் ரெய்னா. மிகச்சிறந்த கடைநிலை பேட்ஸ்மன்களில் ஒருவர், மிகப் பிரமாதமான பீல்டரும் கூட. எதிர்காலம் சிறப்பாக அமைய என் வாழ்த்துகள்". Bit shocking but I guess you feel it when you feel it. Good career bro, have a great retirement, still remember the time when we came into the squad ? best wishes moving forward @ImRaina pic.twitter.com/63nmPkuiMM — Rohit Sharma (@ImRo45) August 16, 2020 இந்திய அணியின் துணைக் கேப்டன் ரோகித் சர்மா "எனக்கு இந்தச் செய்தி அதிர்ச்சியாகத்தான் இருக்கிறது. ஆனால் இது சரியான தருணம் என உணர்ந்ததால் இதை செய்திருக்கிறீர்கள். எதிர்கால வாழ்க்கைக்கு வாழ்த்துகள் சகோதரா. நாம் ஒன்றாக இந்திய அணிக்குள் நுழைந்தது இப்போதும் எனக்கு நன்றாக ஞாபகம் இருக்கிறது" என தெரிவித்துள்ளார். இவர்களை தவிர கவுதம் காம்பீர், குல்தீப் யாதவ், ஹர்பஜன் சிங், கே.எல்.ராகுல் என பலரும் ரெய்னாவுக்கு வாழ்த்து தெரிவித்து இருக்கின்றனர்.  
http://dlvr.it/Rdm2Q9

Read More

பிரதமரை தவிர எல்லோரும் ராணுவத்தின் திறனையும் வீரத்தையும் நம்புகிறார்கள்: ராகுல்காந்தி

பிரதமரைத் தவிர எல்லோரும் இந்திய ராணுவத்தின் திறனையும் வீரத்தையும் நம்புகிறார்கள் என்று காங்கிரஸ் எம்.பி ராகுல்காந்தி தெரிவித்துள்ளார். இது தொடர்பாக அவர் வெளியிட்டுள்ள ட்விட்டர் பதிவில் “எல்லோரும் இந்திய இராணுவத்தின் திறனையும் வீரத்தையும் நம்புகிறார்கள். பிரதமர் தவிர: யாருடைய  கோழைத்தனம் சீனா எங்கள் நிலத்தை எடுக்க அனுமதித்தது. யாருடைய பொய்கள் என்பது, அவர்கள் அதை வைத்திருப்பதை உறுதி செய்கிறது” என்று தெரிவித்துள்ளார். Everybody believes in the capability and valour of the Indian army. Except the PM: Whose cowardice allowed China to take our land. Whose lies will ensure they keep it.— Rahul Gandhi (@RahulGandhi) August 16, 2020
http://dlvr.it/RdlJX7

Read More

கொரோனாவுடன் போராடும் ஸ்மார்ட் பேருந்து நிறுத்தம் – தென்கொரியாவின் புது முயற்சி

கோடை வெப்பம், பருவமழை மற்றும் கொரோனா வைரஸை எதிர்த்து போராடும் வகையில் வடிவமைக்கப்பட்ட  ஸ்மார்ட் பேருந்து நிறுத்தம் தென் கொரிய தலைநகர் சியோலில் பயன்பாட்டுக்கு வந்துள்ளது. இப்பேருந்து நிறுத்தத்திலுள்ள கண்ணாடி சுவர் பலகைகள் காற்றை சுத்தம்செய்வதற்கும், குளிர்விப்பதற்குமான புறஊதா ஒளி ஸ்டெர்லைசர்களைக் கொண்டுள்ளது. இங்குள்ள கண்காணிப்பு கேமராக்கள் மற்றும் டிஜிட்டல் திரைகள் பேருந்து நெருங்கும்போது பயணிகளை எச்சரிக்கிறது. கைகளை சுத்தம்செய்யும் சானிடைசர், இலவச வைஃபை, லேப்டாப் அல்லது மொபைல் சார்ஜர் வசதிகள் இங்குள்ளது. இங்குள்ள கதவுகளில் பொருத்தப்பட்டுள்ள வெப்பத்தை அளவிடும் கேமரா 37.5 டிகிரி செல்சியஸ் (99.5 டிகிரி பாரன்ஹீட்) க்கும் குறைவான உடல் வெப்பநிலை உள்ளவர்களை மட்டுமே பேருந்து நிறுத்தத்திற்குள் நுழைய அனுமதிக்கிறது. குழந்தைகளுக்கு குறைந்த உயரத்தில் தனி கேமராவும் நிறுவப்பட்டுள்ளது. இந்த நிறுத்தத்தின் மேற்கூரையில் சோலார் பேனல் பொருத்தப்பட்டு அதன்மூலமாக மின்சாரம் பெறப்படுகிறது. தென் கொரியாவின் கிழக்கு சியோலில் சியோங்டாங் மாவட்டத்தில் இதுபோன்ற பத்து பேருந்து நிறுத்தங்கள் அமைக்கப்பட்டுள்ளன. எல்ஜி எலெக்ட்ரானிக்ஸ் மற்றும் உள்ளூர் மாவட்ட நிர்வாகத்தின் உதவியுடன் இந்த பேருந்து நிறுத்தங்கள் அமைக்கப்பட்டுள்ளன. ஆனால் இந்த ஒரு பேருந்து நிறுத்தத்தின் மதிப்பு 84,000 டாலர் ஆகும்.
http://dlvr.it/RdlJTr

Read More