திரையரங்குகளில் 100% இருக்கைகள்; 9 மற்றும் 11 ஆம் வகுப்புகள் இயங்க அனுமதி - தமிழக அரசு

பிப்ரவரி 8 ஆம் தேதி முதல் 9 மற்றும் 11 ஆம் வகுப்புகள் இயங்க பள்ளிகளுக்கு தமிழக அரசு அனுமதி வழங்கியுள்ளது. பிப்ரவரி மாதம் தளர்வுகளுடன் கூடிய பொது முடக்கத்தை நீட்டித்து தமிழக அரசு உத்தரவிட்டுள்ளது. அதன்படி, திரையரங்குகள் 100 சதவித இருக்கைகளுடன் இயங்கவும் அனுமதி வழங்கப்பட்டுள்ளது. மேலும் 9 மற்றும் 11 ஆம் வகுப்பு மாணவர்களுக்கு பள்ளிகள் திறக்கவும் அனுமதி வழங்கியுள்ளது.
http://dlvr.it/RrjkZx

Read More

தமிழ்நாட்டில் ஒரே பெரிய கட்சி நாம் தமிழர் கட்சிதான்: சீமான்

தமிழ்நாட்டில் ஒரே பெரிய கட்சி நாம் தமிழர் கட்சிதான் என அக்கட்சியின் தலைமை ஒருங்கிணைப்பாளர் சீமான் தெரிவித்துள்ளார். சென்னையில் நடைபெற்ற தேர்தல் பரப்புரையில் பேசிய சீமான், “நான் ஓட்டுக்கானவன் அல்ல. நான் நாட்டுக்கானவன். மக்களுக்கானவன். நாங்கள் வீதிக்கு வருவது வாக்கினை கேட்டு அல்ல. எதிர்கால சந்ததியினரின் வாழ்க்கையை கேட்டு. தமிழ்நாட்டில் ஒரே பெரிய கட்சி நாம் தமிழர் கட்சிதான். இதுகட்சி மட்டுமே 234 தொகுதியில் போட்டியிடக்கூடிய கட்சி.. மற்ற கட்சிகள் அனைத்தும் அப்படி அல்ல” என்றார்.
http://dlvr.it/Rrj169

Read More

மும்பை: `வன்கொடுமை வழக்கு; வலுவான ஆதாரம் தேவை!’ -10 ஆண்டு சிறை தண்டனையை நிறுத்தி வைத்த நீதிபதி

மும்பை உயர்நீதிமன்றத்தின் நாக்பூர் கிளை நீதிபதி புஷ்பா கனேடிவாலா அடுத்தடுத்து வழங்கிய தீர்ப்புகள் விவாதத்தை கிளப்பி வருகிறது. முன்னதாக, சிறுமியை தொட்டு மானபங்கம் செய்த வழக்கில் வழங்கப்பட்ட தீர்ப்பே விவாதபொருள் ஆன நிலையில், மற்றொரு வழக்கில் மைனர் பெண் முன்னிலையில் ஜிப்பை கழற்றுவது மற்றும் சிறுமியின் கையை பிடிப்பது பாலியல் வன்முறை என்றாகாது என்று கூறினார். இந்நிலையில் பாலியல் வன்கொடுமை வழக்கில், `பெண்ணின் வாயை பொத்தி, அவரது ஆடையை கழற்றி எந்த வித கைகலப்பும் இல்லாமல் குற்றவாளி வன்முறை செய்திருக்க முடியாது’ என்று நீதிபதி புஷ்பா தனது தீர்ப்பில் தெரிவித்துள்ளார். மகாராஷ்டிரா மாநிலம் யவத்மால் பகுதியை சேர்ந்த 15 வயது மைனர் பெண் இரவு வீட்டில் தனியாக இருந்த போது அங்கு அத்துமீறி நுழைந்த சூரஜ் காசர்கர் என்பவர், அப்பெண்ணின் வாயை மூடி, ஆடையை கழற்றி பாலியல் வன்கொடுமை செய்து விட்டு தப்பியோடிவிட்டார். நீதிபதி புஷ்பா இதனை தொடர்ந்து பாதிக்கப்பட்ட பெண்ணின் தாயார் அளித்துள்ள புகாரில், `இரவு 9.30 மணிக்கு நான் வெளியில் சென்று இருந்த போது, குடிபோதையில் வீட்டிற்குள் வந்த சூரஜ், எனது மகளின் வாயை பொத்தி, ஆடையை கழற்றி வன்கொடுமை செய்துவிட்டு தப்பிஓடிவிட்டார். நான் வீட்டிற்கு வந்த போது என்னிடம் எனது மகள் நடந்த சம்பவம் குறித்து தெரிவித்தார். அதன் அடிப்படையில் புகார் செய்துள்ளேன் என்று குறிப்பிட்டுள்ளார். வழக்கை விசாரித்த சிறப்பு நீதிமன்றம், பாதிக்கப்பட்ட பெண் 18 வயதை கடந்தவரா என்பது நிரூபிக்கப்படவில்லை. ஆனால் பாலியல் வன்கொடுமை உறுதி செய்யப்பட்டுள்ளதாக கூறி 10 ஆண்டுகள் சிறை தண்டனை விதித்தது. இந்த தண்டனையை எதிர்த்து சூரஜ் மும்பை உயர்நீதிமன்றத்தின் நாக்பூர் கிளையில் மேல் முறையீடு செய்தார். இம்மனு நிதிபதி புஷ்பா முன்பு விசாரணைக்கு வந்தது. குற்றம்சாட்டப்பட்டவர் தரப்பில் ஆஜரான வழக்கறிஞர், இச்சம்பவம் இருவரும் விருப்பப்பட்டு செய்தது என்றும், சம்பந்தப்பட்ட பெண்ணிற்கு சம்பவம் நடந்த போது 18 வயதை தண்டி விட்டதாகவும் குறிப்பிட்டார். பாதிக்கப்பட்ட பெண் கொடுத்துள்ள வாக்குமூலம் நீதிமன்றம் நம்பும்படியாக இல்லை. கட்டாய வன்கொடுமை செய்யப்பட்டு இருந்தால் இரு தரப்பினருக்கும் இடையே கைகலப்பு நடந்திருக்க வேண்டும். பாலியல் வன்கொடுமை ஆனால் மருத்துவ அறிக்கையில் கைகலப்பு நடந்ததற்கான அறிகுறியோ அல்லது காயமோ ஏற்பட்டதாக குறிப்பிடப்படவில்லை. குறுக்கு விசாரணையிலும் பாதிக்கப்பட்ட பெண் தனது தாயார் வராமல் இருந்திருந்தால் சம்பவம் குறித்து புகார் செய்திருக்கமாட்டேன் என்று குறிப்பிட்டுள்ளார். அதோடு கட்டாய வன்கொடுமை என்றால் வாயை பொத்தி, ஆடையை கழற்றி எந்த வித கைகலப்பும் இல்லாமல் ஒருவரால் வன்கொடுமை செய்திருக்க முடியாது என்றும் நீதிபதி தெரிவித்துள்ளார். கடுமையான தண்டனைக்கு வலுவான ஆதாரம் தேவை. வன்கொடுமை வழக்கில் பாதிக்கப்பட்ட பெண்ணின் வாக்குமூலம் போதுமானது என்பதில் எந்த வித சந்தேகமும் இல்லை. அதேசமயம் அரைகுறையான வாக்குமூலத்தால் குற்றம்சாட்டப்பட்டவருக்கு அநீதி இழைக்கப்பட்டுவிடக்கூடாது என்றும் கூறி கீழ் கோர்ட் வழங்கிய 10ஆண்டு சிறை தண்டனையை நிறுத்தி வைத்து விடுவித்தார். ஏற்கனவே சர்ச்சைக்குறிய தீர்ப்பு வழங்கியதால் நீதிபதி புஷ்பாவின் எதிர்கால பதவி உயர்வு ரத்து செய்யப்பட்டுள்ளது. தற்போது மேலும் ஒரு சர்ச்சைக்குறிய உத்தரவை பிறப்பித்துள்ளார். Also Read: நாக்பூர்: சர்ச்சை தீர்ப்பளித்த நீதிபதி...`நிரந்தர நீதிபதி' பரிந்துரையைத் திரும்பப் பெற்ற கொலீஜியம்!
http://dlvr.it/Rrj15t

Read More

கர்நாடகா: `மேலவைக் கூட்டத்தொடரில் ஆபாசப்படம் பார்த்தேனா?’ - மறுக்கும் காங்கிரஸ் உறுப்பினர்

கர்நாடக சட்ட மேலவை கூட்டத்தொடர் நேற்று காலை தொடங்கியது. அந்த அவையில் காங்கிரஸ் உறுப்பினர் பிரகாஷ் ரத்தோட் கலந்துகொண்டார். அவையில் பரபரப்பான விவாதம் நடைபெற்ற வேலையில் பிரகாஷ் ரத்தோட் தனது மொபைல்போனை பயன்படுத்திக்கொண்டிருந்தார். அவர், தனது மொபைல்போனில் ஆபாச வீடியோ மற்றும் புகைப்படம் பார்த்ததாக வீடியோக்கள் வெளியாகி பெரும் பரபரப்பை ஏற்படுத்தியது.வீடியோ பார்க்கும் பிரகாஷ் ரத்தோட் இந்தச் சம்பவத்தைத் தொடர்ந்து விளக்கமளித்த பிரகாஷ் ரத்தோட், ``நான் எந்த ஆபாசப்படமும் பார்க்கவில்லை. எனது மொபைல்போனில் மெமரி நிரம்பியிருந்ததால், சிலவற்றை அழித்துக்கொண்டிருந்தேன். எனக்கு யாரும் ஆபாசப்படம் அனுப்பவில்லை. நான் ஆபாசப்படம் பார்க்கவும் மாட்டேன். அவையில் நான் கேட்ட கேள்விக்கு என் மொபைலுக்கு பதில் அனுப்பியிருந்தனர். அதைத்தான் தேடிக்கொண்டிருந்தேன்" என்று கூறினார். கர்நாடக சட்டப்பேரவையில் இது போன்ற குற்றச்சாட்டு வருவது இது முதன்முறை கிடையாது. முதல்வர் எடியூரப்பாவின் அமைச்சரவையில் சி.சி.பாட்டீல், லஷ்மண் சவதி ஆகியோர் முக்கியப் பங்காற்றினர். இருவரும் சட்டப்பேரவையில் ஆபாசப்படம் பார்த்ததாக வீடியோ வெளியானதை அடுத்து கர்நாடகாவில் இந்த விஷயம் பெரும் பரபரப்பை ஏற்படுத்தியது. இதைத் தொடர்ந்து இருவரும் பதவி விலக நேர்ந்தது. தற்போது எடியூரப்பாவின் அமைச்சரவையில் லஷ்சுமண் சவதி துணை முதல்வராகவும், சி.சி.பாட்டீல் அமைச்சராகவும் பதவி வகிப்பது குறிப்பிடத்தக்கது.பிரகாஷ் ரத்தோட் இந்தச் சம்பவத்தை அடுத்து, கர்நாடக சட்டப்பேரவையில், சட்டமன்ற உறுப்பினர், பத்திரிகையாளர்கள் என்று யாருக்கும் மொபைல்போனை எடுத்துச் செல்ல அனுமதி மறுக்கப்பட்டது. சட்டப் பேரவையில் செல்போன் பயன்படுத்தத் தடை இருக்கும்போது பிரகாஷ் ரத்தோட் எப்படித் தனது செல்போனை எடுத்துச் சென்றார் என்ற கேள்வி எழுந்துள்ளது. பிரகாஷ் ரத்தோட் குற்றச்சாட்டை மறுத்து விளக்கம் கொடுத்திருந்த நிலையிலும், சமூக வலைதளங்களில் அவருக்கு எதிராகக் கடும் கண்டனங்கள் வலுத்துள்ளன.
http://dlvr.it/Rrg1dr

Read More

“நானும் சமைப்பேன்” - தமிழக கிராமத்தினருடன் இணைந்து காளான் பிரியாணி செய்த ராகுல் காந்தி!

அண்மையில் தமிழகம் வந்த காங்கிரஸ் முன்னாள் தலைவர் ராகுல் காந்தி, தேர்தல் பரப்புரை மட்டுமன்றி கிராமத்தினருடன் சேர்ந்து சமையலும் செய்து அசத்தினார். தமிழக சுற்றுப் பயணத்தின்போது, கரூர் மாவட்டம் அரவக்குறிச்சி அருகேயுள்ள தோட்டத்தில் ராகுலுக்கு மதிய உணவு ஏற்பாடு செய்யப்பட்டிருந்தது. புதுக்கோட்டை மாவட்டம் வீரமங்கலம் கிராமத்தைச் சேர்ந்த சமையல் கலைஞர்கள், காளான் பிரியாணி தயார் செய்துகொண்டிருந்தனர். செயற்கையான மசாலாப் பொருட்கள் எதுவுமின்றி, மண்மணம் மாறாமல் பிரியாணி தயாராகிக்கொண்டிருந்தபோது, ராகுல் காந்தி அங்கே சென்றார். சமையல் பணியில் இருந்தவர்களுடன் சில வார்த்தைகள் தமிழில் உரையாடிய, பின்னர் சமையலில் இறங்கினார் ராகுல். ரைத்தாவை ருசி பார்த்த ராகுல் காந்தி, நானும் சமைப்பேன் என்று கூறினார். காளான் பிரியாணி மணமாகவும், பார்க்க அருமையாகவும் இருக்கிறது என பாராட்டினார். ஓலைப் பாயில், கிராமத்து சமையல் கலைஞர்களுடன் அமர்ந்து சகஜமாகப் பேசிய ராகுல், அவர்கள் அமெரிக்கா சென்று சமைக்கத் தேவையான உதவிகளையும் செய்வதாகத் தெரிவித்தார். கமகமவென வாசனை வந்த காளான் பிரியாணியை சாப்பிட்டு, அதற்கு நற்சான்றும் அளித்தார். அண்ணனுடன் அமர்ந்து உணவருந்தியது உற்சாகமாக இருந்தது என இளம் சமையல் கலைஞர்கள் மனமகிழ்ச்சியை வெளிப்படுத்தினர். ராகுலுக்கு உணவு சமைத்து கொடுத்த கிராமத்து சமையல் கலைஞர்கள், வில்லேஜ் குக்கிங் சேனல் என்னும் YOUTUBE சேனலை 2 ஆண்டுகளாக நடத்தி வருகின்றனர். தாங்கள் சமைக்கும் உணவுகளை அருகில் உள்ள முதியோர் காப்பகத்திற்கு அளித்து பசியாற்றுகின்றனர். அவர்களிடம் என்னென்ன உணவு வகைகள் எல்லாம் சமைப்பீர்கள் என்று கேட்டறிந்த ராகுல் காந்தி, அடுத்தமுறை தமக்கு ஈசல் சமைத்து கொடுக்க வேண்டும் என கூறிவிட்டுச் சென்றார்.
http://dlvr.it/RrfF3C

Read More

“குழந்தையை பார்த்துக் கொள்வதில் எனக்கும் சம பங்குண்டு” மகப்பேறு விடுப்பு கேட்கும் எம்.பி

தெலுங்கு தேசம் கட்சியின் நாடாளுமன்ற உறுப்பினர் ராம் மோகன் நாயுடு கிஞ்சரப்பு தனக்கு நாடாளுமன்ற கூட்டத்தொடரிலிருந்து 9 நாட்கள் விடுப்பு வேண்டி மக்களவை தலைவர் ஓம் பிர்லாவிடம் கோரிக்கை வைத்துள்ளார். விடுப்புக்காக அவர் வைத்துள்ள காரணம் எல்லோரது மனதையும் கவர்ந்துள்ளது. பொறுப்புள்ள கணவனாகவும், தந்தையாகவும் நான் என் மனைவியுடனும், பிறக்க போகும் குழந்தையுடனும் இருக்கவே விரும்புகிறேன் என்பது தான் விடுப்புக்காக ராம் மோகன் நாயுடு முன்வைத்துள்ள கோரிக்கை.  “பிள்ளை பேற்றில் இருவருக்கும் பங்கிருப்பதால்.  குழந்தையை பார்த்துக் கொள்வதிலும் சம பங்கு வேண்டும் என்ற நோக்கில் இந்த விடுப்பை எடுத்துள்ளேன். ஜனவரி 29 முதல் பிப்ரவரி 10 வரை விடுப்பு கேட்டுள்ளேன். இதை நான் சொல்ல காரணமும் உண்டு. அவையில் நல்ல வருகை பதிவு கொண்டவன் நான். அதனால் எனது விடுப்புக்கான காரணம் பதிவில் இருப்பது நல்லது என நினைத்ததால் இதை செய்துள்ளேன்” என்கிறார் ஸ்ரீகாகுளம் தொகுதியின் நாடாளுன்ற உறுப்பினரான ராம் மோகன் நாயுடு.  அண்மையில் கோலியும் தனக்கு குழந்தை பிறக்க இருந்ததை காரணம் காட்டி பேறு கால விடுமுறை எடுத்துக் கொண்டார். தற்போது நாடாளுமன்ற உறுப்பினரும் விடுப்பு வேண்டியுள்ளது இந்தியாவில் நல்லதொரு மாற்றத்தை ஏற்படுத்துவதாக சொல்கின்றனர் சமூக ஆர்வலர்கள். 
http://dlvr.it/RrfDz1

Read More

கேரளா: `இளைஞர்களுக்கு வழிவிடுகிறேன்!' - 39 ஆண்டுகள் எம்.எல்.ஏ-வாக இருந்த கே.சி.ஜோசப்

கேரள மாநிலம் இரிக்கூர் சட்டமன்ற தொகுதியில் தொடர்ச்சியாக 39 ஆண்டுகளாக எம்.எல்.ஏ பதவியில் இருப்பவர் கே.சி ஜோசப். இவர் வரும் சட்டசபை தேர்தலில் போட்டியிட போவதில்லை எனவும், இளைஞர்களுக்கு வழிவிடுவதாகவும் அதிரடியாக அறிவித்து சீனியர்களுக்கு சிக்கலை ஏற்படுத்தியிருக்கிறார். கோட்டயம் மாவட்டம் சங்ஙனாசேரியில் பிறந்த கே.சி. ஜோசப்பிற்கு இப்போது 74 வயது ஆகிறது. அவர் கண்ணூர் மாவட்டத்தில் உள்ள இரில்கூர் சட்டமன்ற தொகுதியில் போட்டியிட்டு தொடர்ச்சியாக 39 வருடங்கள் எம்.எல்.ஏ-வாக இருந்துள்ளார். கேரள முன்னாள் முதல்வர் உம்மன் சாண்டி கோட்டயம் மாவட்டத்தில் உள்ள புதுப்பள்ளி தொகுதியில் 1970 முதல் போட்டியிட்டு 50 ஆண்டுகளாக தொடர்ந்து எம்.எல்.ஏ-வாக இருக்கிறார். இதற்காக கடந்த ஆண்டு உம்மன் சாண்டிக்கு பொன்விழா கொண்டாடப்பட்டது. உம்மன் சாண்டி வரும் தேர்தலிலும் போட்டியிட தயாராகி வருகிறார்.காங்கிரஸ் நிகழ்ச்சியில் பேசும் கே.சி.ஜோசப் எம்.எல்.ஏ உம்மன் சாண்டிக்கு அடுத்த படியாக காங்கிரஸ் கட்சியில் தொடர்ச்சியாக அதிக ஆண்டுகள் எம்.எல்.ஏ-வாக இருப்பவர் கே.சி.ஜோசப். இளைஞர்களுக்கு வழிவிட்டு வரும் சட்டசபை தேர்தலில் போட்டியிடபோவதில்லை என அறிவித்திருக்கிறார் கே.சி.ஜோசப். இதுபற்றி கே.சி.ஜோசப் கூறும்போது, "1982-ம் ஆண்டு முதல் எட்டு தேர்தல்களில் நான் போட்டியிட்டு வெற்றிபெற்றுள்ளேன். 39 ஆண்டுகள் நான் மக்களால் தேர்ந்தெடுக்கப்பட்டுள்ளேன். இனி வரப்போவது 9-வது பொதுத்தேர்தல். புதிய தலைமுறைக்கு வழிவிட்டு வரும் தேர்தலில் நான் போட்டியிடப் போவதில்லை என முடிவு செய்துள்ளேன். எனது முடிவை கட்சி தலைமைக்கும் அறிவித்துள்ளேன். காங்கிரஸ் போட்டியிடும் புதுப்பள்ளி தொகுதியில் உம்மன் சாண்டியையும், இரிக்கூர் தொகுதியில் என்னையும் தொடர்ச்சியாக மக்கள் வெற்றிபெற வைத்துள்ளனர். இதற்கு மக்களுக்குத்தான் நான் நன்றி சொல்ல வேண்டும். ஏனென்றால் காங்கிரஸ் கோட்டை எனக்கூறும் திருவாம்பாடி, சுல்த்தான் பத்தேரி போன்ற பிற சட்டமன்ற தொகுதிகளில் காங்கிரஸ் இடையில் தோல்வியடைந்தது, பின்னர் மறுபடியும் வெற்றிபெற்றது. இங்கு எட்டு தேர்தல்களிலும் தோல்வி இல்லாமல் வெற்றிபெற்றதற்கு மக்கள் காங்கிரஸ் மீதும் யு.டி.எஃப் கூட்டணி மீதும் கொண்ட நம்பிக்கைதான் காரணம்.உம்மன் சாண்டியுடன் டீ குடிக்கும் கே.சி.ஜோசப் எம்.எல்.ஏ இரண்டு தேர்தல்களில் என்னை எதிர்த்து சி.பி.எம் வேட்பாளர் போட்டியிட்டனர். அதில் ஒருமுறை சுமார் 1,800 வாக்கள் வித்தியாசத்தில் வெற்றிபெற்றேன். கடந்த தேர்தலில் 9,000 வாக்குகள் வித்தியாசத்தில் வெற்றிபெற்றேன். எனக்கும் என் தொகுதி மக்களுக்கும் நல்ல தொடர்பு இருந்தது. நான் முதலில் வெற்றிபெறும்போது இந்த தொகுதியை பற்றி முழுமையாக தெரியவில்லை. ஆனால் இன்று இந்த தொகுதியின் ஒவ்வொரு பகுதிகளும் எனக்கு அத்துப்படி. நான் ஆத்மார்த்தமாக மக்கள் பணி செய்ததன் பிரதிபலனாகத்தான் மக்கள் என்னிடம் நன்றியுடனும், பாசத்துடனும் இருக்கிறார்கள். கடந்த முறை என்னை தோற்கடிக்க ஒரு கூட்டமே தீவிரமாக வேலை செய்தது. சமூக வலைத்தளங்களில் தனித்தனி குழுக்களை ஏற்படுத்தி எனக்கு எதிராக பிரசாரம் நடந்தது. ஆனால் மக்களிடம் அது எடுபடவில்லை. அதற்காக இரிக்கூர் தொகுதி மக்களுக்கு நன்றி கூறிக்கொள்கிறேன்" என்றார்.
http://dlvr.it/Rrbfz7

Read More

அதிரவைத்த இரட்டை கொலை, நகை கொள்ளை: டைம் டூ டைம் போலீசாரின் அதிரடி நடவடிக்கை; நடந்தது என்ன?

சீர்காழியில், 2 பேரை கொன்று 17 கிலோ தங்க நகைகளை கொள்ளையடித்துவிட்டு தப்பியோடிய 3 பேரை நான்கு மணி நேரத்தில் காவல்துறையினர் கைது செய்தனர். பிடிபட்டபோது காவல்துறையினரை தாக்கிவிட்டு தப்ப முயன்ற ஒரு கொள்ளையன் என்கவுன்ட்டரில் சுட்டுக் கொல்லப்பட்டார். கொள்ளையில் தொடர்புடைய 4-ஆவது குற்றவாளியும் சிக்கியுள்ளார் மயிலாடுதுறை மாவட்டம் சீர்காழி ரயில்வே ரோட்டில் வசித்து வரும் தன்ராஜ் சவுத்ரி. தருமகுளத்தில் நகை அடகுக்கடை மற்றும் நகைக்கடை வைத்துள்ளார். தங்கம், வெள்ளி மொத்த வியாபாரம் செய்துவருகிறார். நேற்று காலை ஆறரை மணி அளவில் ஒரு கும்பல் தன்ராஜ் வீட்டுக்கதவை தட்டி இந்தியில் அழைத்துள்ளது. தெரிந்தவர்கள் என நினைத்து கதவை திறந்தபோது உள்ளே நுழைந்த கும்பல், தன்ராஜை தாக்கியது. இந்த கும்பலை கண்டவுடன் தன்ராஜின் மனைவி ஆஷா மற்றும் மகன் அகில் இருவரும் சப்தம் போட்டுள்ளனர். உடனே அந்த கும்பல், ஆஷா மற்றும் அகில் கழுத்தை அறுத்துக் கொலை செய்தது. படுக்கையறை கட்டிலின் அடியில் இருந்த 17 கிலோ தங்க நகைகளை கொள்ளையடித்த கும்பல், தன்ராஜ், மருமகள் நிக்கல் ஆகியோரை கத்தியால் குத்தி காயப்படுத்தியது. தொடர்ந்து வீட்டின் சிசிடிவி கேமராக்கள், ஹார்ட் டிஸ்க் ஆகியவற்றை எடுத்துக்கொண்டு, தன்ராஜின் காரை எடுத்துக்கொண்டு தப்பியது. படுகாயம் அடைந்த தன்ராஜூம், நிக்கலும், சீர்காழி அரசு மருத்துமனையில் சேர்க்கப்பட்டனர். சம்பவ இடத்தில் மயிலாடுதுறை மாவட்ட காவல் கண்காணிப்பாளர் ஸ்ரீ நாதா விசாரணை மேற்கொண்டார். அப்போது கொள்ளையர்கள் பயன்படுத்திய கார் ஓலையாம்புத்தூர் சாலையில் நின்று கொண்டிருப்பதாக காவல் கண்காணிப்பாளருக்கு தகவல் கிடைத்தது. அங்கு சென்று விசாரித்தபோது எருக்கூர் மேலத்தெரு என்ற இடத்தில் சந்தேகப்படும்படியான 3 பேர் வயல்வெளியில் இருப்பதாக கிராம மக்கள் காவல்துறையிடம் தெரிவித்தனர். அவர்களை சுற்றிவளைத்த காவல்துறையினர் விசாரித்தபோது இந்த 3 பேரும் கொள்ளையர்கள் என்பது உறுதியானது. வயல்வெளியில் அவர்கள் புதைத்த நகைப்பையை எடுக்க கொள்ளையன் மஹிபாலை அழைத்துச்சென்றனர். அப்போது, காவலர்களை தாக்கிவிட்டு மஹிபால் தப்ப முயன்றதையடுத்து அவரை காவல்துறையினர் என்கவுன்ட்டர் செய்தனர். மஹிபால் தாக்கியதில் காயமடைந்த 2 காவலர்கள் மருத்துவமனையில் சேர்க்கப்பட்டனர். கொள்ளையர்களிடம் இருந்து12 கிலோ 400 கிராம் தங்க நகைகள் மற்றும் 6 லட்சம் ரூபாய் ரொக்கம் பறிமுதல் செய்யப்பட்டது. பிடிபட்ட கொள்ளையர்களான ரமேஷ் பாட்டீல், மணிஷ் ஆகியோரிடம் காவல்துறையினர் விசாரித்து வருகிறார்கள். பிடிபட்ட ரமேஷ் பாட்டீல், 3 ஆண்டுகளுக்கு முன் தன்ராஜிடம் வேலை பார்த்தவர். தற்போது கும்பகோணத்தில் உதிரிப்பாக கடையில் வேலை பார்த்து வந்துள்ளார். மற்றொரு கொள்ளையன் மணிஷ், ஜெயங்கொண்டத்தில் பிளைவுட் கடையில் வேலைபார்த்துவந்துள்ளார். இந்நிலையில் கொள்ளையில் தொடர்புடைய கர்ணாராம் என்ற மற்றொரு நபரையும் காவல்துறையினர் சுற்றிவளைத்து கைதுசெய்துள்ளனர். இரட்டைக்கொலையும், கொள்ளையும் நடந்த 4 மணிநேரத்தில் காவல்துறையினர் கொள்ளைக் கும்பலை பிடித்துள்ளனர். இது எப்படி நடந்தது என்று பார்க்கலாம். 6.30 மணிக்கு சீர்காழியில் நகைக்கடை அதிபர் தன்ராஜின் மனைவி, மகனைக்கொன்று 17 கிலோ தங்க நகைகளை கொள்ளைக்கும்பல் கொள்ளையடித்துச் சென்றது. 7.20 மணிக்கு சீர்காழி காவல்துறையினருக்கு தகவல் தெரிவிக்கப்பட்டது சிசிடிவி காட்சிகள் உள்ளிட்டவற்றை கொண்டு விசாரித்தபோது 8 மணி அளவில், கொலை, கொள்ளையில் ஈடுபட்டது வடமாநில கொள்ளையர் என்பது உறுதியானது. 10 மணி அளவில், எருக்கூர் கிராமம் அருகே கொள்ளையர்கள் திருடிச்சென்ற தன்ராஜின் கார் இருப்பது பற்றி தகவல் கிடைத்தது 10.30 மணிக்கு எருக்கூர் சென்ற காவல்துறையினர் அங்கு வயல்வெளியில் இருந்த கொள்ளைகும்பலை சுற்றிவளைத்தது விசாரணைக்குப்பின், பதுக்கிய நகைகளை எடுக்க அழைத்துச்சென்றபோது கொள்ளையன் மஹிபால், காவலர்களை தாக்கிவிட்டு தப்ப முயன்றபோது என்கவுன்ட்டரில் சுட்டுக்கொல்லப்பட்டார். தகவல்கள் கிடைத்ததும் விரைந்து செயல்பட்டதால் 6.30 மணிக்கு நடந்த கொலை, கொள்ளையில் பத்தரை மணி அளவில் கொள்ளை கும்பலை காவல்துறையினர் சுற்றிவளைத்துள்ளனர்.
http://dlvr.it/RrXyzZ

Read More

டெல்லி டிராக்டர் பேரணி... வன்முறையைத் தடுக்க 'தவறிய' காரணங்கள்!

டெல்லியை மீண்டும் ஒரு வன்முறை சம்பவம் உலுக்கியுள்ளது.  குடியரசு தினத்தன்று விவசாயிகள் நடத்திய டெல்லி டிராக்டர் பேரணி வன்முறையில் முடிந்திருக்கிறது. சஞ்சய் காந்தி டிரான்ஸ்போர்ட் நகருக்குள் போலீசார் அமைத்த தடுப்புகளை மீறி நுழைய முயன்ற விவசாயிகளை தடுக்கும் வண்ணம் டெல்லி காவல்துறையினர் கண்ணீர் புகைக்குண்டு வீசி, தடியடி நடத்தினர். இருந்தபோதினும் முன்னேறி சென்ற விவசாயிகள் டெல்லி செங்கோட்டையை முற்றுகையிட்டு, கோட்டையின் வாசலில் இருந்த கொடிக்கம்பத்தில் கொடியை ஏற்றினர். போராட்டத்தில் ஏற்பட்ட வன்முறையில் படுகாயமடைந்த விவசாயி நவ்நீத்( 45வயது) உயிரிழந்தார். இதற்கிடையே வன்முறையை தடுக்க தவறியதற்கு 3 காரணங்கள் உள்ளன என்று அடுக்கின்றனர் டெல்லி காவல்துறையினர். மாற்றுப்பாதை சோகம்! குடியரசு தினம் என்பதால் நேற்று டெல்லியில் வழக்கத்தைவிட பாதுகாப்பு பலப்படுத்தப்பட்டிருந்தது. அதுவும் டெல்லியின் செங்கோட்டையில் கொடியேற்றத்தை முன்னிட்டு டெல்லி காவல்துறையைத் தவிர, மத்திய ரிசர்வ் போலீஸ் படையின் 50 நிறுவனங்களும், எல்லைப் பாதுகாப்புப் படையின் 28 நிறுவனங்களும், இந்தோ-திபெத்திய எல்லைக் காவல்துறையின் 17 நிறுவனங்களும் தலைநகர் முழுவதும், எல்லைகள் உட்பட பாதுகாப்பிற்கு நிறுத்தப்பட்டன. ஒவ்வொரு நிறுவனத்திலும் குறைந்தது 75 வீரர்கள் பாதுகாப்பு பணியில் இருந்தனர். இதற்கிடையே, முன்னதாக குடியரசு தினத்தன்று டெல்லியில் டிராக்டர் பேரணியை நடத்தப்போவதாக விவசாயிகள் அறிவித்தோடு அதற்கான அனுமதி வாங்கும்போது டெல்லி காவல்துறை எந்த இடம் வரை அனுமதிக்கிறதோ, அந்த இடத்தில் பேரணியை முடித்துக்கொள்வோம் என்றும், காவல்துறை அனுமதி தராதவரை டெல்லி நகருக்குள் நுழைய மாட்டோம் என்றும் விவசாய அமைப்புகளின் தலைவர்கள் போலீஸிடம் வாக்குறுதி கொடுத்திருந்தனர்.  ஆனால், விவசாயிகள் வாக்குறுதி கொடுத்தது =போல நடந்துகொள்ளவில்லை என்கிறது டெல்லி போலீஸ் தரப்பு.  டெல்லி காவல்துறை நேற்று ஒப்புதல் அளித்த பாதையில் இருந்து எதிர்ப்பாளர்கள் விலகி மாற்றுப்பாதையில் புகுந்தனர்.  டிராக்டர்களிலும் குதிரைகளிலும் டெல்லி நகருக்குள் நுழைந்த அவர்கள், செங்கோட்டையில் ஏறி கொடியேற்றினர். மேலும், அனுமதி அளித்த பகுதியைத் தாண்டி டிராக்டர்களில் விவசாயிகள் பலர் நகருக்குள் நுழைந்ததால், இருதரப்பும் மோதல் ஏற்பட்டது. அமைதியான வழியில், டிராக்டர் பேரணி நடக்கும் என்று விவசாய சங்கத் தலைவர்கள் வாக்குறுதி கொடுத்ததுக்கு மாறாக, போராட்டத்தில் பங்கேற்ற ஒரு தரப்பினர் அத்துமீறி நடந்துகொண்டனர் என்கிறது டெல்லி போலீஸ் தரப்பு. `நியமிக்கப்பட்ட அந்த மூன்று வழித்தடங்களில் பாதுகாப்பு பணியில் காவலர்கள் 40 கி.மீ தூரத்தில் பரவியிருந்தனர். ஆனால் விவசாயிகள் அங்கு ஒருபோதும் சென்றடையவில்லை, அதற்கு பதிலாக அவர்கள் மத்திய டெல்லிக்குச் சென்றனர் - இது முற்றிலும் மாறுபட்ட இடம், ஆளில்லாது - இது ஒரு பெரிய சவாலாக மாறியது. விவசாய தலைவர்களால் ஒப்புக் கொள்ளப்பட்ட பாதையில் அணிவகுப்புக்கு வசதியாக எங்கள் பெரும்பான்மையான காவலர்களை பணியில் அமர்த்தியிருந்தோம். ஆனால், அவர்கள் வழியிலிருந்து விலகி மத்திய டெல்லியை நோக்கி அணிவகுத்துச் சென்றபோது, அவர்களைத் தடுக்க முடியவில்லை. அவர்கள் எங்களை விட அதிகமாக இருந்தனர். அதுவும் டிராக்டர்களில் லட்ச கணக்கில் இருந்தபோது, நாங்கள் ஆயிரக்கணக்கில் மட்டுமே இருந்தோம். எனினும் உயிர் இழப்பு அல்லது கடுமையான காயங்கள் இல்லாமல் நிலைமையை நிர்வகித்தோம்" என்று மூத்த போலீஸ் அதிகாரிகள் இருவர் பேசியுள்ளனர். ‘உளவுத்துறை தோல்வி’ விவசாய பிரதிநிதிகளுக்கும் டெல்லி காவல்துறையினருக்கும் இடையிலான கலந்துரையாடலின் பின்னர் டிராக்டர் பேரணிக்கான வழிகள் ஞாயிற்றுக்கிழமை அறிவிக்கப்பட்டன. குடியரசு தின அணிவகுப்பு முடிந்ததும், காலை 11.30 மணிக்கு பேரணியைத் தொடங்குமாறு விவசாயிகளுக்கு, காவல்துறை வட்டாரங்கள் உத்தரவிட்டுள்ளது. ஆனால், காலை 8.30 மணியளவில், திக்ரி எல்லையில் முதல் தடுப்புகளை உடைத்து, குறிப்பிட்ட நேரத்திற்கு முன்பே பேரணியைத் தொடங்க வேண்டும் விவசாயிகள் கோரியதாக கூறப்படுகிறது. எதிர்ப்பாளர்கள் பாதைகளில் இருந்து விலக முயற்சிக்க முடியும் என்று அப்போது கூட எதிர்பார்க்கவில்லை என காவல்துறையினர் தெரிவிக்கின்றனர்.  ஆனால், சட்டம் மற்றும் ஒழுங்கை சீர்குலைக்க பேரணியைப் பயன்படுத்த சில கூறுகள் சாத்தியம் குறித்து உளவுத்துறை ஏற்கனவே எச்சரித்ததாக தகவல்கள் கூறுகின்றன. இதை டெல்லி காவல்துறைக்கும்  தெரிவிக்கப்பட்டதாகவும், ஆனால் நிலைமையைச் சமாளிக்க முன் ஏற்பாடுகளைச் செய்ய டெல்லி காவல்துறை தவறிவிட்டது என்றும் இந்த தகவலை அறிந்த வட்டாரங்கள் கூறுகின்றன. ஆனால், "மற்றவர்கள் என்ன திட்டமிடுகிறார்கள் என்பது பற்றி அவர்களுக்குத் தெரியாது" என்றும் கூறி இருக்கின்றனர்.  மேலும், 50 உழவர் அமைப்புகள் 90 சதவீதம் பேர் மட்டுமே ஆர்ப்பாட்டத்தில் ஈடுபட்டனர். மீதமுள்ள 10 சதவிகிதத்தினர் கருத்து வேறுபாட்டில் இருந்தனர். இந்த 10 சதவிகிதம்தான் சிக்கலை உருவாக்கியது மற்றும் மற்றவர்களைப் பின்பற்ற ஊக்குவித்தது. இவர்களே பேரணியை திசை மாற்றியது. ஆனால் இந்த தகவலை உளவுத்துறை சொல்லமறுத்துவிட்டதாக  கூறுகிறார்கள் டெல்லி காவல்துறையினர். மேலும், விவசாயிகள் பெரும்பாலானோர் தங்களின் சங்கத் தலைவர்களை உதறிவிட்டு தனியாக களத்தில் புகுந்தனர். இதுவும் சிக்கலுக்கு வழிவகுத்தது. ஆனால் இதுதொடர்பாக உளவுத்துறை எதுவும் தெரிவிக்கவில்லை என்பதால் முன்னேற்பாடுகள் செய்ய முடியவில்லை எனக் குற்றம் சுமத்தியுள்ளனர் டெல்லி காவலர்கள். ‘படைகளை பயன்படுத்த வேண்டாம் என்று உத்தரவு!’ காவல்துறையினரின் கூற்றுப்படி, நிலைமை கைவிடப்படுவதற்கு மற்றொரு காரணம் விவசாயிகளிடம் அவர்கள் கொண்டிருந்த “மென்மையான அணுகுமுறை”. போராட்டக்காரர்களை அடக்க படைகள், எதுவும் பயன்படுத்த கூடாது என்று ஏற்கனவே மேலிடத்தில் இருந்து உத்தரவு வந்ததாக காவல்துறை வட்டாரங்கள் கூறியுள்ளன. ``விவசாயிகள் மீது அதிகப்படியான சக்தியைப் பயன்படுத்த வேண்டாம் என்றும், எதிர்ப்பாளர்களுடன் மென்மையாக இருக்க வேண்டும் என்றும் டெல்லி காவல்துறைக்கு தெளிவான அறிவுறுத்தல்கள் இருந்தன. இதனால்தான் காவலர்கள் லத்தி சார்ஜ் மற்றும் கண்ணீர்ப்புகைக் குண்டு மட்டும் பயன்படுத்தி கூட்டத்தை கலைக்க முயன்றனர். அதுவும், அவர்கள் மத்திய டெல்லிக்குள் நுழைந்த பின்னரும், அவர்களில் பலர் எல்லைகளில் நுழைந்தபின்பே லத்தி சார்ஜ் தீவிரமாகத் தொடரப்பட்டது. வன்முறையை நாடக்கூடாது, எல்லைகளுக்குத் திரும்ப வேண்டாம் என்று விவசாயிகளிடம் முறையீடுகள் செய்யப்பட்டது" என்று தி பிரிண்ட்டிடம் டெல்லி காவல்துறையின் மூத்த போலீஸ் அதிகாரி ஒருவர் கூறியுள்ளார். - தகவல் உறுதுணை: The Print
http://dlvr.it/RrXyyG

Read More

தொடர் பாலியல் துன்புறுத்தல்... மன உளைச்சலால் உயிரை மாய்த்த சிறுமி! - உத்தரபிரதேசத்தில் அதிர்ச்சி

உத்தரபிரதேச மாநிலம் கான்பூர் தேஹாத் பகுதியில் உள்ள அசலட்கஞ்ச் நகரில் கடந்த சனிக்கிழமை அன்று இச்சம்பவம் நடைபெற்றுள்ளது. 10-ம் வகுப்பு படிக்கும் மாணவியான அந்த சிறுமி , கடந்த சில நாட்களாகத் தனது வீட்டின் அருகே வசித்து வரும் இரண்டு இளைஞர்களால் பாலியல் துன்புறுதலுக்கு ஆளாகி வந்திருக்கிறார். இதை வெளியில் சொன்னால் தனது குடும்பத்தினர் பாதிக்கப்படுவார்கள் என்று கருதி அமைதியாகவே இருந்துள்ளனர். எனினும் மிகுந்த மன உளைச்சலுக்கு ஆளான சிறுமி தனது வீட்டில் உள்ள அறையில் தூக்கிட்டு தற்கொலை செய்து கொண்டார்.மாணவி தற்கொலை அவரின் மரணத்தால் அதிர்ச்சி அடைந்த குடும்பத்தினர், காவல்துறையில் புகார் கொடுத்துள்ளனர். இந்நிலையில் காவல் துறையினர் சிறுமியின் அறையைச் சோதனையிட்டதில் சிறுமி எழுதிய ஒரு கடிதம் கிடைத்துள்ளது. அதில் இரண்டு இளைஞர்களின் பாலியல் துன்புறுதலால் தான் தான் இத்தகைய முடிவை எடுத்துள்ளதாக எழுதியுள்ளார். இதனடிப்படையில் இரண்டு இளைஞர்களையும் கைது செய்த, போலீஸார் விசாரணை நடத்தி வருகின்றனர். இதேபோன்ற மற்றொரு சம்பவமும் உத்தரபிரதேச பான்டா நகரில் நடந்துள்ளது. இதில் சிறுமியை 15 வயதுக்கும் குறைவான மூன்று சிறுவர்கள் ஆள் நடமாட்டம் இல்லாத பகுதிக்குக் கடத்தி சென்று பாலியல் வன்கொடுமை செய்துள்ளனர், இதில் ஒரு சிறுவன் கைது செய்யப்பட்டுள்ளார். மீதி இருவரைத் தேடி வருகின்றனர். மீட்கப்பட்ட சிறுமி சிகிச்சைக்காக மருத்துவமனையில் அனுமதிக்கப்பட்டுள்ளார்.
http://dlvr.it/RrWlRv

Read More

தமிழக அரசின் புதிய தலைமைச் செயலாளர் ராஜீவ் ரஞ்சன்?

தமிழக அரசின் புதிய தலைமைச் செயலாளராக ராஜீவ் ரஞ்சன் நியமிக்கப்பட வாய்ப்பு உள்ளதாக தகவல் வெளியாகி உள்ளது. தமிழகத்தின் 46-வது தலைமைச் செயலாளராக கே.சண்முகம் 2019-ம் ஆண்டு ஜூலை 1-ந்தேதி பதவி ஏற்றார். அவர் 60 வயதை எட்டியதால், கடந்த ஜூலை 31-ந் தேதியுடன் அவர் பணி ஓய்வு பெற்றிருக்க வேண்டும். ஆனால் அவருக்கு அக்டோபர் 31-ந் தேதி வரை 3 மாதங்களுக்கு பணிநீட்டிப்பு அளிக்கப்பட்டது. அதன்பின் இந்த ஆண்டு ஜனவரி 31-ந் தேதி வரை பதவிக் காலத்தை நீட்டித்து மத்திய அரசு உத்தரவிட்டது. இந்நிலையில் மத்திய அரசு பணியில் இருந்த ராஜீவ் ரஞ்சன் ஐஏஎஸ் தமிழக அரசு பணிக்கு மாற்றப்பட்டுள்ளார். எனவே அவர் தமிழக அரசின் புதிய தலைமைச் செயலாளராக நியமிக்கப்பட வாய்ப்பு உள்ளதாக தகவல் வெளியாகி உள்ளது.
http://dlvr.it/RrT1hR

Read More

`சோ வாட்..? என் வாழ்க்கை என் உரிமை!' - 69 வயது நடிகையின் `வைரல் போட்டோஷூட்'

சமீபத்தில் மலையாளத்தில் வெளிவந்த `தி கிரேட் இந்தியன் கிச்சன்’ திரைப்படம் அடுக்களைக்குள் அடைபட்டுத் திணறும் பெண்களின் வாழ்க்கையை உரக்கப் பேசியிருப்பது மொழி, இன பேதமின்றி நாடு முழுக்கவும் விவாதங்களை எழுப்பியுள்ளது. இந்நிலையில் அதே கேரள மண்ணிலிருந்து ரஜினி சாண்டி என்கிற 69 வயது நடிகை சமீபத்தில் வெளியிட்ட அவரது புகைப்படங்கள், மற்றுமொரு பேசுபொருளாகி இருக்கிறது. Also Read: `கிச்சன், ராஜ்ஜியம் அல்ல; சிறை!' - நம் குடும்பங்களுக்கு #TheGreatIndianKitchen சொல்வது என்ன? குடும்பத் தலைவியாக இருந்து நடிகையாக மாறிய ரஜினி சாண்டி, பொதுவாக வண்ண வண்ணப் புடவைகளில் வலம் வருவார். அவர் இந்தமுறை நீளமான மேற்கத்திய ஆடை, ஜம்ப்சூட் (Jump suit), ஜீன்ஸ், குட்டையான டெனிம் டிரெஸ் (Short denim dress) போன்ற ஆடைகளை அணிந்து போட்டோஷூட்டில் கலந்துகொண்டு அதை தனது பேஸ்புக் பக்கத்தில் சமீபத்தில் பதிவிட்டார். இந்தப் புகைப்படங்கள் அனைத்தும் ஆதிரா ஜாய் என்கிற 29 வயதுப் பெண் புகைப்படக் கலைஞரால் எடுக்கப்பட்டு வெளியாகியிருக்கிறது. ஆதிரா ஜாய் வித்தியாசமான ஒரு புகைப்படக் கலைஞர். காலம் காலமாகப் பின்பற்றப்பட்டு வரும் மரபுகளை உடைத்து புதுமையான புகைப்படங்களை எடுப்பதில் ஆர்வம் காட்டுபவர். ``இந்தியப் பெண்களைப் பொறுத்தவரையில் குடும்பம் என்கிற கூண்டுக்குள் அடைந்து குழந்தைகளை வளர்த்தெடுக்கின்றனர். அவர்களுக்கு 60 வயது ஆகும்போது அவர்களுடைய வாழ்க்கையே கிட்டத்தட்ட முடிந்துபோய்விடுகிறது. அடுத்து தங்களுடைய பேரப்பிள்ளைகளுக்குப் பாட்டிகளாக வாழ ஆரம்பித்துவிடுகின்றனர். என்னுடைய 65 வயது அம்மாவையே எடுத்துக் கொள்ளுங்களேன். வழக்கமாக அந்த வயதுகளில் இருக்கின்ற அம்மாக்களுக்கு என்னவெல்லாம் உடல் உபாதைகள் இருக்குமோ அவை அனைத்தும் என் அம்மாவுக்கும் இருக்கின்றன. ஆனால் ரஜினி சாண்டி அப்படியில்லை. அவர் தன்னை நன்கு கவனித்துக் கொள்கிறார். இந்த வயதிலும் மிகவும் ஃபிட்டாக இருக்கிறார். மிகுந்த தைரியசாலியாகவும், ஃபேஷன் குறித்த ஆர்வம் மிகுந்தவராகவும் காணப்படுகிறார். அவருடைய வயது 69 என்றாலும் அவர் மனதளவில் 29 வயதில்தான் இருக்கிறார். அதனாலேயே அவரை வைத்து இந்த போட்டோ ஷூட்டை நான் மேற்கொண்டேன்” என்கிறார் ஆதிரா ஜாய். ரஜினியின் இந்தப் புகைப்படங்களை உள்ளூர் ஊடகங்கள் மிகவும் பாராட்டியுள்ளன. `வயது என்பது வெறும் நம்பர்தான் என்பதை நீங்கள் நிரூபித்துவிட்டீர்கள்’ என்றும், `போல்ட்’, `பியூட்டிஃபுல்’, `ஸ்டன்னிங்’, `இப்புகைப்படங்கள் பெண்களுக்கு நம்பிக்கையை ஏற்படுத்தும்’ என்பதுபோன்ற பாசிட்டிவ் கமென்ட்களும் பலரிடமிருந்து வந்திருக்கின்றன. அதே நேரம், இந்தப் புகைப்படங்கள் குறித்து தரக்குறைவான விமர்சனங்களும் அதிக அளவில் வந்துள்ளன.Rajini Chandy Also Read: `சித்ராவின் ரசிகர்களுக்காகத்தான் அந்த போட்டோஷூட் பண்ணேன்!' - சித்ராவின் `லுக் அலைக்' கீர்த்தனா ஆனால் இவற்றை ரஜினி சாண்டி பொருட்படுத்தவில்லை. ``வயதாகிவிட்டால் வாழ்க்கையே முடிந்துவிட்டது என்கிற அர்த்தம் கிடையாது. ஒவ்வொரு பெண்ணுக்கும் அவள் வாழ்க்கையை மகிழ்ச்சியுடன் வாழ முழு உரிமை உள்ளது. இதை என் சக பெண்களுக்கு உணர்த்தவே இந்தப் போட்டோ ஷூட்டை மேற்கொண்டேன்” என்கிறார் ரஜினி சாண்டி அழுத்தமாக.
http://dlvr.it/RrRnXw

Read More

`அ.தி.மு.க-வை மீட்பதே எங்களின் நோக்கம்!’ -டி.டி.வி.தினகரன்

சசிகலா இன்று விடுதலை செய்யப்பட்டிருக்கும் சூழலில், அவரின் உடல்நிலை குறித்து மருத்துவர்களிடம் கேட்டுத் தெரிந்துகொள்வதற்காக அ.ம.மு.க பொதுச்செயலாளர் டி.டி.வி.தினகரன் பெங்களூரு விக்டோரியா அரசு மருத்துவமனைக்கு வந்தார். அப்போது, செய்தியாளர்களைச் சந்தித்த தினகரன்,``சின்னம்மா அதிகாரபூர்வமாக விடுதலை செய்யப்பட்டிருக்கிறார்.மருத்துவமனை முன் கூடியிருந்த அ.ம.மு.க-வினர் இந்த மகிழ்ச்சியான செய்தியைத் தொண்டர்களுக்கும், தமிழ்நாட்டு மக்களுக்கும் தெரிவித்துக்கொள்கிறேன். மருத்துவர்களைச் சந்தித்து, எப்போது அழைத்துச் செல்லலாம் என்று ஆலோசிக்கவிருக்கிறோம். ஓய்வு தேவைப்படும்பட்சத்தில், பெங்களூருவிலேயே சிகிச்சை அளிக்க முடிவு செய்திருக்கிறோம். தமிழ்நாட்டுக்கு அழைத்துச் செல்வது பற்றி மருத்துவர்களிடம் கேட்டறிந்த பின்னரே சொல்ல முடியும். Also Read: சசிகலா: முடிவுக்கு வந்தது 4 ஆண்டுகள் சிறை தண்டனை! - மருத்துவமனையில் இருந்து நேரடி விடுதலை சசிகலா விடுதலையாகும் நாளில் ஜெயலலிதாவின் நினைவிடம் திறக்கப்பட்டிருக்கிறது. இதைப் பார்க்கும்போது, சசிகலாவின் விடுதலையை அ.தி.மு.க-வினர் சென்னையிலிருந்தபடியே கொண்டாடுகிறார்கள் என்றுதான் சொல்ல வேண்டும்’’ என்றவரிடம்...சசிகலா ``அ.தி.மு.க - அ.ம.மு.க இணையுமா... அ.தி.மு.க-வுக்கு சசிகலா தலைமை ஏற்பாரா, இல்லையா என்று நீங்கள் இந்த நேரத்தில் நேரடியாக பதில் சொல்லுங்கள்?’’ என்று நிருபர்கள் கேள்வி கேட்டனர். இந்தக் கேள்விக்கு பதிலளிக்க மறுத்த தினகரன், ``இந்த நேரத்தில் அரசியல் பேச விரும்பவில்லை. சித்தி விடுதலையான மகிழ்ச்சியில் இருக்கிறோம். அம்மா மக்கள் முன்னேற்றக் கழகம் ஆரம்பிக்கப்பட்டதே அ.தி.மு.க-வை மீட்டெடுத்து அம்மாவின் உண்மையான ஆட்சியைக் கொடுக்கத்தான்’’ என்றார்.
http://dlvr.it/RrR8kq

Read More

டெல்லி போராட்டத்தில் விவசாயி ஒருவர் உயிரிழப்பு

டெல்லியில் நடைபெறும் டிராக்டர் பேரணியில் பங்கேற்று படுகாயமடைந்த விவசாயி ஒருவர் உயிரிழந்தார். டெல்லி ஐடிஓ பகுதியில் நடைபெற்று வரும் போராட்டத்தில் பங்குபெற்ற விவசாயிகள் மீது போலீசார் தடியடி நடத்தியுள்ளனர். டிராக்டர் பேரணியில் பங்கேற்றவர்களை கலைக்க முயன்றபோது விவசாயிகளுக்கும், காவல்துறையினருக்கும் இடையே தள்ளுமுள்ளு ஏற்பட்டது. அப்போது நடைபெற்ற போலீஸ் தடியடியில் படுகாயமடைந்த விவசாயி நவ்நீத் (45 வயது) உயிரிழந்தார். மூன்று வேளாண் சட்டங்களுக்கு எதிராக சுமார் இரண்டு மாதங்களாக டெல்லியில் போராட்டம் நீடித்து வருகின்றது. மத்திய அரசுக்கும், விவசாயிகள் சங்கத்தினருக்கும் இடையே நடந்த 12 கட்ட பேச்சுவார்த்தை தோல்வியடைந்த நிலையில், இன்று விவசாயிகள் மாபெரும் டிராக்டர் பேரணிக்கு அழைப்பு விடுத்திருந்தனர். இன்று டெல்லியில் ஆயிரக்கணக்கான டிராக்டர்களில் விவசாயிகள் போராட்டத்தில் கலந்துகொண்டு, செங்கோட்டையை முற்றுகையிட்டனர்.
http://dlvr.it/RrP4wJ

Read More

கதிகலங்கும் டெல்லி: வன்முறைக்குள் ஒரு மனிதாபிமானம்: வைரல் வீடியோ!

டெல்லி வன்முறையில் போராட்டக்காரர்களிடையே தனியாக சிக்கிய போலீசை விவசாயிகள் சிலர் பாதுகாத்து காப்பாற்றிய வீடியோ வைரலாகி வருகிறது டெல்லியில் வேளாண் சட்டங்களுக்கு எதிராக விவசாயிகள் நடத்திய டிராக்டர் பேரணி நடைபெற்று வருகிறது. 12 மணிக்கு முன்பே விவசாயிகள் போலீசார் அமைத்த தடுப்புகளை மீறி டெல்லிக்குள் நுழைய முயன்றதால் அங்கு பதற்றம் ஏற்பட்டது. மேலும் அனுமதிக்கப்பட்ட வழிகளை தவிர மற்ற வழிகளில் விவசாயிகள் செல்ல முயன்றதால் போலீசார் தடுத்ததாகவும் அதனால் தள்ளுமுள்ளுவில் தொடங்கிய வன்முறை பின்னர், தடியடி, கண்ணீர் குண்டு வீசி விவசாயிகளை போலீசார் அப்புறப்படுத்தி வருகின்றனர். இதனால் ஆத்திரமடைந்த போராட்டக்காரர்களும் போலீசார் மீது தாக்குதல் நடத்தி வருகின்றனர். இதனிடையே அனுமதிக்கப்பட்ட வழிகளிலேயே செல்வதாகவும் வேண்டுமென்றே வன்முறை தூண்டுவிடப்படுவதாகவும் விவசாயிகள் சங்கம் குற்றம் சாட்டியுள்ளன தொடர்ந்து வெடிக்கும் வன்முறையால் டெல்லியில் பதற்றம் நிலவி வருகிறது. விவசாயிகள் சிலர் போலீசார் அமைத்த தடுப்புகளை மீறி டிராக்டர் பேரணியில் ஈடுபட்டு வருகின்றனர். விவசாயிகளின் டிராக்டர் பேரணியை தடுக்க போலீஸ் அதிகாரிகள் நாங்லோயில் சாலையில் அமர்ந்திருக்கிறார்கள். Delhi: Police officials sit on road in Nangloi to block the area where farmers holding tractor parade have reached pic.twitter.com/Rjiz26K4dk — ANI (@ANI) January 26, 2021 மத்திய டெல்லியில் உள்ள ஐ.டி.ஓவில் வன்முறை தொடர்ந்து நடைபெற்று வருகிறது. போராட்டக்காரர்கள் டிராக்டர்களை போலீசார் மீது மோதும் விதமாக தாறுமாறாக ஓட்டிச்சென்று அச்சுறுத்தினர். #WATCH Violence continues at ITO in central Delhi, tractors being driven by protestors deliberately try to run over police personnel pic.twitter.com/xKIrqANFP4 — ANI (@ANI) January 26, 2021 போராட்டத்தில் ஈடுபட்ட எதிர்ப்பாளர்கள் தேசிய தலைநகரின் ஐ.டி.ஓ பகுதியில் டி.டி.சி பேருந்தை சேதப்படுத்தினர். #WATCH Delhi: Protesting farmers vandalise a DTC bus in ITO area of the national capital. pic.twitter.com/5yUiHQ4aZm — ANI (@ANI) January 26, 2021 இத்தகைய போராட்டங்களும் வன்முறைகள் நடைபெற்றாலும் இதற்கு மத்தியில் போலீஸ் அதிகாரி ஒருவர் போராட்டக்காரகள் மத்தியில் தனியாக சிக்கிக்கொண்டார். அவரை மீட்ட விவசாயிகள் சிலர் எதிர்ப்பாளர்கள் போலீஸ் மீது தாக்குதல் நடத்தா வண்ணம் பாதுகாத்து பத்திரமாக அனுப்பி வைத்தனர். இந்த வீடியோ இணையத்தில் வைரலாகி வருகிறது #WATCH: A Delhi Police personnel rescued by protesters as one section of protesters attempted to assault him at ITO in central Delhi. #FarmLaws pic.twitter.com/uigSLyVAGy — ANI (@ANI) January 26, 2021
http://dlvr.it/RrMqBr

Read More

மகாராஷ்டிரா: சரத் பவார் கலந்து கொண்ட விவசாயிகள் பேரணி; புறக்கணித்த உத்தவ் தாக்கரே! - என்ன நடந்தது?

மும்பையில் நேற்று விவசாயிகள் கலந்து கொண்ட பிரமாண்ட பேரணி நடந்தது. இப்பேரணிக்கு பிறகு பொதுக்கூட்டமும் நடத்தப்பட்டது. இதில் கலந்து கொள்வதற்காக மகாராஷ்டிராவின் பல்வேறு பகுதியில் இருந்து ஆயிரக்கணக்கான விவசாயிகள் வாகனங்களில் வந்து சேர்ந்திருந்தனர். டெல்லியில் போராடும் விவசாயிகளுக்கு ஆதரவு தெரிவித்து நடந்த இப்பேரணியில் தேசியவாத காங்கிரஸ் தலைவர் சரத்பவார், மகாராஷ்டிரா முதல்வர் உத்தவ் தாக்கரே மற்றும் காங்கிரஸ் தலைவர்கள் கலந்து கொள்வார்கள் என்று முன்பே அறிவிக்கப்பட்டது.மும்பையில் விவசாயிகள் பேரணி ஆனால் நேற்று நடந்த பேரணியில் முதல்வர் உத்தவ் தாக்கரே கலந்து கொள்ளவில்லை. சரத்பவார் , மாநில காங்கிரஸ் தலைவர் பாலாசாஹேப் தோரட் மற்றும் அமைச்சர்கள் கலந்து கொண்ட இக்கூட்டத்தில் கலந்து கொள்ள சிவசேனா தரப்பில் இளைஞரணி நிர்வாகி என்று கூறப்படும் ராகுல் லோண்டேயை உத்தவ் தாக்கரே அனுப்பி வைத்திருந்தார். உத்தவ் தாக்கரே நேற்று தனது வீட்டில் இருந்து கொண்டு கல்யாண் என்ற இடத்தில் கட்டப்பட்டுள்ள ரயில்வே மேம்பாலத்தை வீடியோ கான்பரன்ஸ் மூலம் தொடங்கி வைத்தார். விழா நடைபெறும் இடத்திற்கு தனது மகன் ஆதித்ய தாக்கரேயை அனுப்பி வைத்தார். டெல்லியில் போராடும் விவசாயிகளுக்கு ஆதரவு கொடுப்பதாக ஏற்கனவே தெரிவித்துள்ள சிவசேனா, நாசிக்கில் இருந்து மும்பை நோக்கி பேரணியாக வந்த விவசாயிகளுக்கும் ஆதரவு தெரிவித்தது. Also Read: Live Updates: டிராக்டர்களில் தேசியக் கொடி; கண்காணிப்பு பணியில் ட்ரோன்கள்! - விவசாயிகளின் மெகா பேரணி #TractorRally ஆனால் கடைசி நேரத்தில் விவசாயிகள் பேரணியில் கலந்து கொள்ளாமல் இருந்து, தான் இன்னும் பா.ஜ.க-வின் விசுவாசிதான் என்பதை மறைமுகமாக காட்டிவிட்டார் உத்தவ் என்கிறார்கள் சில மும்பைவாசிகள். விவசாய சட்டங்கள் மீது நாடாளுமன்றத்தின் மாநிலங்களவையில் வாக்கெடுப்பு நடந்த போது சிவசேனா வெளி நடப்பு செய்தது. மும்பையில் விவசாயிகள் பேரணியில் சிவசேனா பெரிய தலைவர்கள் யாரும் கலந்து கொள்ளாதது குறித்து கருத்து கேட்ட போது அக்கட்சியின் எம்.பி. அர்விந்த் சாவந்த், `நான் மும்பையில் இல்லை’ என்று கூறிவிட்டார். ஆதித்ய தாக்கரேயிடம் கேட்டதற்கு அவர் முன்னுக்கு பின் முரணாக பதிலளித்தார். ``விவசாயிகளுக்கு சிவசேனா முழு ஆதரவு கொடுக்கிறது. கடந்த 60 நாட்களாக போராடும் விவசாயிகள் கோரிக்கையை ஏன் ஏற்கவில்லை என்று மீடியா மத்திய அரசை கேள்வி கேட்கவேண்டும். போராட்டக்களத்திற்கு யார் சென்றார்கள் என்று பார்ப்பதை விட மத்திய அரசு மகாராஷ்டிரா விகாஷ் அகாடியின் கோரிக்கைக்கு செவி சாய்க்கிறதா என்று பார்க்கவேண்டும்” என்று கூறினார். உத்தவ் தாக்கரே சிவசேனாவின் செய்தித்தொடர்பாளர் இவ்விவகாரத்தில் வாயே திறக்கவில்லை. நேற்றைய மும்பை விவசாயிகள் கூட்டத்தில் பேசிய சரத்பவார், நடிகை கங்கனா ரணாவத்தை சந்திக்க ஆளுநருக்கு நேரம் இருக்கிறது. ஆனால் விவசாயிகளை சந்திக்க மட்டும் நேரம் இல்லை என்று சாடினார். ``விவசாயிகள் பேரணியின் இறுதியில் ஆளுநரை சந்தித்து மனுக்கொடுக்க திட்டமிட்டு இருந்தனர். ஆனால் ஆளுநர் கோவாவிற்கு சென்றுவிட்டதாக என்னிடம் சொல்கிறார்கள். மகாராஷ்டிரா வரலாற்றில் இது போன்ற ஒரு ஆளுநரை நான் பார்த்ததே இல்லை. அவருக்கு நடிகையை சந்திக்க நேரம் இருக்கிறது. ஆனால் விவசாய சகோதரர்களை சந்திக்க நேரம் இல்லை. நாட்டு மக்களுக்கு உணவை உற்பத்தி செய்யும் விவசாயிகளிடம் கோரிக்கையை பெறுவதற்காகவாவது ஆளுநர் இருந்திருக்க வேண்டியது தார்மீக கடமையாகும்” என்று சரத்பவார் சாடினார். நேற்றைய பேரணிக்கு பிறகு பெரும்பாலான விவசாயிகள் டெல்லிக்கு புறப்பட்டு சென்றனர்.
http://dlvr.it/RrMCCp

Read More

லாக்டவுனில் இந்திய டாப் செல்வந்தர்கள் வருவாய் 35% உயர்வு; வேலை இழப்போ பல லட்சம்: ஆக்ஸ்போம்

ஆக்ஸ்பாம் அமைப்பின் அறிக்கையின்படி, 2020-ஆம் ஆண்டு ஏப்ரல் மாதத்தில் மட்டும் பொதுமுடக்கத்தின்போது நாட்டில் பில்லியனர்களின் செல்வம் 35 சதவிகிதம் அதிகரித்தது. அதே நேரத்தில் 84 சதவீத குடும்பங்கள் பல்வேறு வகையான வருமான இழப்புகளை சந்தித்தன. ஒவ்வொரு மணி நேரத்திற்கும் 1.7 லட்சம் பேர் வேலை இழந்தனர் என தெரிவிக்கப்பட்டிருக்கிறது. கொரோனா வைரஸ் தொற்று இந்தியாவின் பெரும் செல்வந்தர்களுக்கும், கோடிக்கணக்கான  தொழிலாளர்களுக்கும் இடையில் இருக்கும் வருமான ஏற்றத்தாழ்வுகளை மோசமாக்கியுள்ளது. தற்போது மக்களில் பெரும்பாலானோர் நீண்ட காலமாக வேலையில்லாமல் இருக்கிறார்கள் மற்றும் அடிப்படை சுகாதார வசதிகளை பூர்த்திசெய்ய முடியாமல் போராடுகிறார்கள் என்று இலாப நோக்கமற்ற அமைப்பான  ஆக்ஸ்பாம், தனது அறிக்கையில் தெரிவித்துள்ளது. சுவிட்சர்லாந்தின் டாவோஸில் நடந்த உலக பொருளாதார மன்றத்தில் தாக்கல் செய்யப்பட்ட இந்த அறிக்கையில், 2020 ஆம் ஆண்டு ஏப்ரல் மாதத்தில் மட்டும் பொது முடக்கத்தின்போது நாட்டின் பில்லியனர்களின் செல்வம் 35 சதவிகிதம் அதிகரித்துள்ளது. அதே நேரத்தில் 84 சதவீத குடும்பங்கள் பல்வேறு வகையான வருமான இழப்புகளை சந்தித்தன. ஒவ்வொரு மணி நேரத்திற்கும் 1.7 லட்சம் பேர் வேலை இழந்தனர் என்று அறிக்கை கூறியுள்ளது. 2020 மார்ச் மாதத்திலிருந்து பொது முடக்கத்தின்போது இந்தியாவின் டாப் 100 பில்லியனர்களுக்கான வருமான அதிகரிப்பு, 138 மில்லியன் ஏழ்மையான மக்கள் ஒவ்வொருவருக்கும் 94,045 ரூபாய் காசோலையை வழங்க போதுமானது என்றும் அது கூறியுள்ளது. இந்தியாவின் முதல் 11 பில்லியனர்களுக்கு "தொற்றுநோய்களின்போது உயர்ந்த வருமான அதிகரிப்புக்கு ஒரு சதவீதம் மட்டுமே வரி விதிக்கப்பட்டால்" அரசுக்கு பல மடங்கு வருமானம் கிடைக்கும். இது மக்களுக்கு தரமான மருந்துகளை மலிவு விலையில் கிடைப்பதை 140 மடங்கு அதிகரிக்கும் என்று இந்த அறிக்கை தெரிவித்தது "உலகளவில், கோடீஸ்வரர்களின் செல்வம் மார்ச் 18 முதல் டிசம்பர் 31, 2020 வரை 3.9 டிரில்லியன் டாலர் அதிகரித்துள்ளது . அதே நேரத்தில் வறுமையில் வாடும் மொத்த மக்களின் எண்ணிக்கை 200 மில்லியனிலிருந்து 500 மில்லியன் வரை அதிகரித்திருக்கலாம் என்று மதிப்பிடப்பட்டுள்ளது. உலகின் 10 பணக்கார கோடீஸ்வரர்களில் செல்வத்தின் அதிகரிப்பு - பூமியில் உள்ள எவரும் வைரஸ் காரணமாக வறுமையில் விழுவதைத் தடுக்கவும், உலகில் உள்ள அனைவருக்கும் ஒரு கோவிட் -19 தடுப்பூசிக்கு பணம் செலுத்தவும் போதுமானது" என கூறியது. இத்தகைய ஏற்றத்தாழ்வுகளை நிவர்த்தி செய்ய இந்திய அரசுக்கு ஆக்ஸ்பாம் அளித்த பரிந்துரைகளில், குறைந்தபட்ச ஊதியங்களை திருத்தி, முறையான இடைவெளியில் ஊதியத்தை உயர்த்த பரிந்துரைத்துள்ளது. 50 லட்சத்துக்கு மேல் வருமானம் ஈட்டுபவர்களுக்கு இரண்டு சதவீத கூடுதல் கட்டணம் விதிக்கவும், தொற்றுநோய்களின்போது அதிக லாபம் ஈட்டும் நிறுவனங்களுக்கு தற்காலிக வரியை அறிமுகப்படுத்தவும் இது அரசாங்கத்தை கோரியது. "ஒரு சிறந்த எதிர்காலத்தை உருவாக்க இந்திய அரசு குறிப்பிட்ட மற்றும் உறுதியான நடவடிக்கைகளை எடுக்க வேண்டிய நேரம் இது . குடிமக்களின் குரல்கள் மிகவும் சமமான மற்றும் நியாயமான எதிர்காலத்தை நாடுகின்றன" என்று அறிக்கை கூறியுள்ளது.
http://dlvr.it/RrKCG0

Read More

ராமர் பாலம் எப்போது, எப்படி உருவானது? - கடலுக்கடியில் ஆய்வு செய்ய மத்திய அரசு ஒப்புதல்!

 ராமர் பாலத்தின் தோற்றம், வயது குறித்து தொல்லியல் ஆய்வு நடத்த மத்திய அரசு ஒப்புதல் வழங்கியுள்ளது.  ராமேஸ்வரத்திற்கும் இலங்கையின் மன்னார் தீவுகளுக்கும் இடையே ராமர் பாலம் அமைந்துள்ளது. 48 கிலோமீட்டர் நீளம் கொண்ட சுண்ணாம்பு கற்களால் ஆன இந்த பாலம், பல மர்மங்களை தன்னுள் உள்ளடக்கியது. ராமர் பாலம் எப்படி உருவானது என்பது குறித்து பல்வேறு கருத்துகள் நிலவி வருகின்றன இலங்கை அரசன் ராவணனால் சிறை வைக்கப்பட்டிருந்த சீதையை மீட்கச் சென்றபோது கடலை கடந்து செல்வதற்காக இந்த பாலம் அமைக்கப்பட்டது என்றும் ராமருக்காக வானர படையினர் அந்த பாலத்தை கட்டியதாகவும் புராணங்கள் தெரிவிக்கின்றன. இதன் காரணமாக ராமர் பாலத்தை இந்துக்கள் புனிதமாக கருதுகின்றனர். இந்துக்களின் அடையாளமாகவும், நம்பிக்கை சார்ந்த விஷயமாகவும் இருப்பதால் ராமர் பாலத்தை தேசிய பாரம்பரிய சின்னமாக அறிவிக்க வேண்டும் என சுப்ரமணியன் சுவாமி உச்சநீதிமன்றத்தில் கடந்த 2015 ஆம் ஆண்டு வழக்கு தொடர்ந்து குறிப்பிடத்தக்கது. இந்நிலையில் ராமர் பாலம் எப்போது உருவானது, எப்படி உருவானது என்பது குறித்த தொல்லியல் ஆய்வு நடத்த இந்திய தொல்லியல் ஆய்வு நிறுவனத்தின் கீழ் உள்ள தொல்பொருளியல் தொடர்பான மத்திய ஆலோசனைக் குழு ஒப்புதல் வழங்கியுள்ளது. அறிவியல் மற்றும் தொழில்துறை ஆராய்ச்சி கவுன்சில் (சி.எஸ்.ஐ.ஆர்) மற்றும் தேசிய கடல்சார் நிறுவனம் (என்.ஐ.ஓ) ஆகிய இரு அமைப்புகளும் அறிவியல் ஆராய்ச்சிக்காக ராமர் சேது பாலத்தை ஆய்வு செய்ய அனுமதி கோரியதன் அடிப்படையில் தொல்லியல் நிறுவனம் அனுமதி அளித்துள்ளது. இதற்காக கடல்சார் ஆய்வு நிறுவனத்தின் சிந்து சாதனா அல்லது சிந்து சங்கல்ப் ஆராய்ச்சிக் கப்பல்கள் பயன்படுத்தப்பட உள்ளன. நீருக்கடியில் வண்டல் மண் மாதிரிகள், பாலத்தில் உள்ள பழமையான கற்கள் உள்ளிட்டவற்றை சேகரித்து அவற்றின் வயதை ரேடியோமெட்ரிக் தொழில்நுட்ப முறையில் கணக்கிடப்பட உள்ளது இந்த ஆய்வு வெற்றியடைந்தால் ராமர் பாலம் தொடர்பான சந்தேகங்களுக்கு பதில் கிடைக்கும் என்று எதிர்பார்க்கப்படுகிறது.
http://dlvr.it/RrJ0gK

Read More

`முல்லைப்பெரியாறு அணை பராமரிப்பு விதிகள் பழைமையானவை!’ - உச்ச நீதிமன்றத்தில் கேரளா புதிய மனு

தென் தமிழகத்தின் ஐந்து மாவட்ட மக்களின் குடிநீர் மற்றும் பாசன ஆதாரமாக இருக்கிறது முல்லைப்பெரியாறு அணை. அதைக் கட்டிய ஆங்கிலேயப் பொறியாளர் கர்னல் ஜான் பென்னிகுவிக்கை இன்றளவும் நினைக்கும் தேனி மக்கள், அவரது பிறந்தநாளில், பொங்கல்வைத்து வழிபடுவது வழக்கம். அந்த வகையில், பென்னிகுவிக்கின் 180-வது பிறந்தநாள் 10 நாள்களுக்கு முன்னர் தேனியில் கோலாகலமாகக் கொண்டாடப்பட்டது. இந்தநிலையில், அணை விவகாரம் தொடர்பாக புதிய குழப்பத்தை ஏற்படுத்தும்விதத்தில், கேரளா அரசு, உச்ச நீதிமன்றத்தில் மனுத்தாக்கல் செய்திருப்பது விவசாயிகள், மக்களிடையே அதிருப்தியை ஏற்படுத்தியிருக்கிறது.முல்லைப்பெரியாறு அணை Also Read: பெருமைமிகு முல்லைப்பெரியாறு அணை - 125 வது ஆண்டு சிறப்புப் பகிர்வு முல்லைப்பெரியாறு அணையைப் பொறுத்தவரை, அணை அமைந்திருக்கும் இடம், கேரளாவின் பகுதியாக இருந்தாலும், அணையைப் பராமரிப்பது உள்ளிட்ட அனைத்து விவகாரங்களையும் தமிழக அரசு மற்றும் தமிழக பொதுப்பணித்துறை கவனித்துவருகின்றன. இந்தநிலையில், `அணையின் பராமரிப்பு தொடர்பான தமிழக அரசின் விதிகள் மிகவும் பழைமையானவை. அணை தொடர்பான முழு விவரங்களை எங்களிடம் கொடுக்க வேண்டும். மக்களின் பாதுகாப்பைக் கருதி, அணைப் பராமரிப்பு தொடர்பாக புதிய விதியை வகுக்க வேண்டும்’ என்று கேரளா அரசு, உச்ச நீதிமன்றத்தில் மனுத்தாக்கல் செய்திருக்கிறது. இந்த மனு விரைவில் விசாரணைக்கு வரவிருப்பது குறிப்பிடத்தக்கது. முல்லைப்பெரியாறு அணை Also Read: முல்லைப்பெரியாறு அணை அருகே புதிய அணை! - கேரளாவுக்கு எதிராகக் கொந்தளிக்கும் விவசாயிகள் இது தொடர்பாக பொதுப்பணித்துறை அதிகாரிகள் தரப்பில் கேட்டபோது, ``அணையின் பராமரிப்பில் எந்த மாற்றமும் செய்யத் தேவையில்லை. அணை பலமாகவும், நல்ல நிலையிலும் இருக்கிறது. புதிய விதிகள் வகுக்க வேண்டிய அவசியம் இல்லை” என்றனர். தேனி மாவட்ட விவசாயிகள் கூறும்போது, ``அணை விவகாரத்தில் ஏதாவது பிரச்னை செய்துகொண்டேஇருப்பதுதான் கேரளாவின் வேலை. தமிழக அரசு வலுவான பதிலை உச்ச நீதிமன்றத்தில் தெரிவிக்க வேண்டும். அணை உறுதியாக இருக்கிறது என உச்ச நீதிமன்றம் கொடுத்திருக்கும் இறுதித் தீர்ப்பை மீறும் செயலாக கேரளா அரசு நடந்துகொள்வதாகத் தங்களது கண்டனத்தை தமிழக அரசு நீதிமன்றத்தில் தெரிவிக்க வேண்டும்” என்றனர்.
http://dlvr.it/RrHPWm

Read More

கண்ணான கண்ணே.. மகள்களுடன் புகைப்படங்களை பகிரும் பிரபலங்கள்

இந்தியாவில் ஒவ்வொரு ஆண்டும் ஜனவரி 24ஆம் தேதி தேசிய பெண் குழந்தைகள் தினம் கொண்டாடப்படுகிறது. பெண் குழந்தைகளின் உரிமைகளை எடுத்துரைக்கவும், அவர்களின் சுதந்திரத்தை நிலைநாட்டவும் பெண்கள் மற்றும் குழந்தைகள் மேம்பாட்டு அமைச்சகத்தால் இத்தினம்  கொண்டுவரப்பட்டதாகும். இதனையொட்டி பல்வேறு பிரபலங்களும் தங்கள் மகளுடன் இருக்கும் புகைப்படங்களை  சமூக வலைத்தளங்களில் பகிர்ந்து வருகின்றனர்.  அவற்றின் தொகுப்பு இதோ… சச்சின் டெண்டுல்கர், முன்னாள் கிரிக்கெட் வீரர்     ஆண் குழந்தைகள், பெண் குழந்தைகள் இருவருக்கும் அன்பு, கவனிப்பு மற்றும் வாய்ப்புகள் எல்லா நேரங்களிலும் சமமாக இருக்க வேண்டும். நம் குழந்தைகள் நம்மிடமிருந்து கற்றுக்கொள்கிறார்கள் என்பதை நாம் நினைவில் கொள்ள வேண்டும். சரியான முன்மாதிரியை அமைத்து,  குழந்தைகளை ஒருசேர கொண்டாடுவோம்! Love, care and opportunities for our girls and boys have to be equal at all times.We have to remember that our children learn from us. Let’s set the right example and celebrate our girls & boys alike!#NationalGirlChildDay pic.twitter.com/TsXSEzB9eg — Sachin Tendulkar (@sachin_rt) January 24, 2021 சமீரா ரெட்டி, திரைப்பட நடிகை ஒரு பெற்றோராக பெண் குழந்தையைப் பாதுகாப்பதன் விழிப்புணர்வை ஏற்படுத்துவது முக்கியம். எனது மகளிடம், ‘நீ சமமானவள், திறமையானவள்’ என எப்போதுமே அவளை ஊக்கப்படுத்துகிறேன். பெண்களை மதிக்க வேண்டியதன் முக்கியத்துவத்தையும் என் மகனுக்குக் கற்றுக் கொடுக்கிறேன். View this post on Instagram A post shared by Sameera Reddy (@reddysameera) பெமா காண்டு, அருணாச்சலப் பிரதேச முதல்வர் எனது மகள்கள்; எனது பெருமை! My Daughters, My Pride..!#DeshKiBeti #NationalGirlChildDay pic.twitter.com/WBCNmnRNOs — Pema Khandu པདྨ་མཁའ་འགྲོ་། (@PemaKhanduBJP) January 24, 2021 பிரமோத் சாவந்த், கோவா முதல்வர் ஒவ்வொரு பெண் குழந்தையும் புதிய இந்தியாவின் ஒளிவிளக்கு. இத்தினத்தில் பெண் குழந்தைகளின் ஆரோக்கியம் மற்றும் சமமான சமுதாயத்திற்கான அடித்தளத்தை உறுதிபடுத்துவோம். Every girl child is the torchbearer of a #NewIndia. On #NationalGirlChildDay, we reaffirm our commitment towards empowerment of girls for healthy and equal society. #DeshKiBeti pic.twitter.com/gXqi0LZKl6 — Dr. Pramod Sawant (@DrPramodPSawant) January 24, 2021 பிரியங்கா சதுர்வேதி, ராஜ்யசபா எம்பி இந்த பிணைப்பை தினமும் கொண்டாடுங்கள். ஒரு மகள் இருப்பது ஒரு ஆசீர்வாதம். செல்ஃபி பாட்னர், சிறந்த தோழி, என் கஷ்டங்களை குணப்படுத்துபவர், எனது மகிழ்ச்சியின் ஆதாரம். Celebrate and cherish this bond everyday. Having a daughter is a blessing. Selfie partner, best friend, drama mate, healer of my troubles, source of my joy. ❤️#NationalGirlChildDay pic.twitter.com/t8rcQyjlk0 — Priyanka Chaturvedi (@priyankac19) January 24, 2021 சுதர்சன் பட்நாயக், பிரபல மணற்சிற்பி என் மகள் எனது உத்வேகம்! #CelebrateEveryDay #NationalGirlChildDay My daughter my inspiration . pic.twitter.com/oX67P76xFy — Sudarsan Pattnaik (@sudarsansand) January 24, 2021 ஜெய்சங்கர், மத்திய வெளியுறவுத்துறை அமைச்சர் மகள்கள், அதுவொரு சிறப்பு மகிழ்ச்சி, ஒரு தனித்துவமான பிணைப்பு. அவர்களின் சாதனைகள் எப்போதும் நம்மை பெருமைப்படுத்துகின்றன. Daughters - a special joy, a unique bond. Their accomplishments always make us proud. #NationalGirlChildDay #DeshkiBeti pic.twitter.com/ANQ8TEREwB — Dr. S. Jaishankar (@DrSJaishankar) January 24, 2021
http://dlvr.it/RrFYmy

Read More

“நான் தமிழன் இல்லை; ஆனால் தமிழை மதிக்கிறேன்” - ஈரோடு பரப்புரையில் ராகுல் காந்தி பேச்சு

நான் தமிழன் இல்லை, ஆனால் தமிழை மதிக்கிறேன். தமிழை மத்திய அரசும், மோடியும் அவமதிப்பதை ஏற்க முடியாது என்று காங்கிரஸ் எம்.பி ராகுல் காந்தி தெரிவித்தார். ஈரோடு அருகே தேர்தல் பரப்புரையில் ஈடுபட்டுள்ள காங்கிரஸ் எம்.பி ராகுல்காந்தி “ நான் உங்கள் குடும்பத்தில் ஒருவன், நான் தமிழன் இல்லை, ஆனால் தமிழை மதிக்கிறேன். தமிழை மத்திய அரசும், மோடியும் அவமதிப்பதை ஏற்க முடியாது. டெல்லியில் ஆட்சியில் இருப்பவர்கள் தமிழக கலாச்சாரத்தை மதிக்கவில்லை. இந்தியாவில் மற்ற மாநிலத்தில் உள்ளவர்கள் தமிழகத்தை பார்த்து கற்றுக்கொள்ளவேண்டும். மத்தியில் ஆட்சி செய்பவர்கள் தமிழில் பேசி ஏமாற்றலாம் என நினைக்கிறார்கள். ஜிஎஸ்டி, பெட்ரோல் விலை உயர்வு தமிழக மக்களை வெகுவாக பாதிப்படைய செய்துள்ளது” என தெரிவித்திருக்கிறார். முன்னதாக மூன்று நாள் பயணமாக தமிழகம் வந்துள்ள ராகுல் காந்தி கோவை, திருப்பூர், ஈரோடு உள்ளிட்ட கொங்கு மண்டலத்தின் பல்வேறு பகுதிகளில் பரப்புரையில் ஈடுபட்டு வருகிறார். தன்னுடைய பரப்புரையின் தமிழ், தமிழர் கலாசாரம் உள்ளிட்டவை குறித்து தொடர்ச்சியாக பேசி வருகிறார்.
http://dlvr.it/RrDnKV

Read More

`சசிகலா நடக்கிறார்; திட உணவு எடுத்துக்கொள்கிறார்!’- பெங்களூரு மருத்துவமனை

கொரோனா தொற்றால் பாதிக்கப்பட்டுள்ள வி.கே.சசிகலா பெங்களூரு விக்டோரியா அரசு மருத்துவமனையில் 4-வது நாளாக சிகிச்சைப் பெற்றுவருகிறார். மருத்துவர்களின் தீவிரக் கண்காணிப்பில் உள்ள அவரின் உடல்நிலையில் நல்ல முன்னேற்றம் காணப்படுகிறது.விக்டோரியா மருத்துவமனை இதுதொடர்பாக, விக்டோரியா மருத்துவமனை நிர்வாகம் இன்று வெளியிட்டுள்ள மருத்துவ அறிக்கையில்,``சசிகலா ஐ.சி.யூ வார்டில் தொடர் கண்காணிப்பில் இருக்கிறார். ரத்த அழுத்தம் நார்மலாக உள்ளது. சர்க்கரை அளவும் குறைந்துள்ளது. திட உணவு எடுத்துக்கொள்கிறார். உதவியுடன் எழுந்து நடக்கிறார். சிகிச்சைக்கும் தொடர்ந்து ஒத்துழைப்புத் தருகிறார்’’ என்று தெரிவிக்கப்பட்டுள்ளது. அதேநேரம், சசிகலாவின் வயதைக் கருத்தில் கொண்டுதான் தீவிர சிகிச்சைப் பிரிவில் அனுமதிக்கப்பட்டிருக்கிறார்.பரிசோதனை அறிக்கை நுரையீரலில் இருந்த தொற்றும் குறைந்துள்ளது. இதே நிலை நீடித்தால் விரைவில் அவர் குணமடைவார். 27-ம் தேதி விடுதலையாகும் பட்சத்தில், வேறு மருத்துவமனைக்கோ அல்லது வீட்டு தனிமைப்படுத்தலில் இருக்கவோ சசிகலா விருப்பம் தெரிவிக்கலாம் என்றும் மருத்துவமனை தரப்பிலிருந்து தகவல்கள் கிடைத்துள்ளன.
http://dlvr.it/RrDP1l

Read More

பிரதமர் நிகழ்ச்சியில் பேச எழுந்த போது ‘ஜெய் ஸ்ரீராம்’ என கோஷம்- கோபத்தில் பேச மறுத்த மம்தா

மேற்கு வங்க மாநிலம் கொல்கத்தாவில் பிரதமர் மோடி பங்கேற்றுள்ள நிகழ்ச்சியில் பேச அம்மாநில முதல்வர் மம்தா பானர்ஜி எழுந்தபோது "ஜெய் ஸ்ரீராம்" என கேஷம் எழுப்பப்பட்டதால் அவர் பேச மறுத்துவிட்டார். நேதாஜி சுபாஷ் சந்திரபோஸ் 125 ஆவது பிறந்ததினமான இன்று கொல்கத்தாவின் விக்டோரியா ஹால் வெளியே ஏற்பாடு செய்யப்பட்ட நிகழ்ச்சியில் பிரதமர் மோடி, அம்மாநில முதல்வர் மம்தா பானர்ஜி ஆகியோர் கலந்துக்கொண்டனர். இந்நிகழ்ச்சியில் பேசுவதற்கு மம்தா எழுந்தபோது கூட்டத்தில் சிலர் "ஜெய் ஸ்ரீராம்" என கோஷம் எழுப்பினர். இதனால் ஆத்திரமடைந்த மம்தா பேச மறுப்பு தெரிவித்தார். Responding to some members raising slogans of #JaiShriRam in the audience, CM #MamataBanerjee says its not a political programme, and noone should be insulted after being invited #NetajiSubhasChandraBose#ModiVsMamata#BreakingNewspic.twitter.com/VBBE4v8ZEU— Global.TV (@GlobalTelevsion) January 23, 2021 இது குறித்து பேசிய மம்தா "இது அரசியல் நிகழ்ச்சியல்ல, அரசு நிகழ்ச்சி. இந்நிகழ்ச்சிக்கு கண்ணியம் தேவை. நிகழ்ச்சிக்கு ஒருவரை அழைத்துவிட்டு அவரை அவமதிப்பது சரியல்ல" என தெரிவித்துள்ளார்.
http://dlvr.it/RrBp1r

Read More

கர்நாடகா: சிவமோகாவை அதிரவைத்த கல்குவாரி வெடிவிபத்து; 6 பேர் பலி! இருவரைக் கைது செய்த போலீஸ்

கர்நாடக மாநிலம் சிவமோகா மாவட்டத்தில் கடந்த 21-ம் தேதி இரவு சுமார் 10.20 அளவில் பலத்த சத்தத்துடன் குண்டுவெடித்தது. குண்டுவெடிப்பின் அதிர்வானது பூகம்பம் போல் உணரப்பட்டதாக அப்பகுதி மக்கள் தெரிவித்தனர். அதிர்வானது அருகில் உள்ள மாவட்டங்களான சிக்மங்களூர், தேவனகிரி மாவட்டங்களிலும் உணரப்பட்டுள்ளது. கர்நாடக மாநில முதலைச்சரின் சொந்த ஊரான சிவமோகாவில் அவரது வீட்டிலும் இந்த சத்தம் உணரப்பட்டுள்ளது. சம்பவ இடத்துக்கு விரைந்து வந்த போலிஸாரின் முதல்கட்ட விசாரணையில், கல்குவாரிக்கு கொண்டு சென்ற டைனமைட் வழியிலேயே வெடித்துச் சிதறியது தெரியவந்துள்ளது. இதில் வண்டியில் பயணம் செய்த 6 பேர் உடல் சிதறி இறந்துள்ளனர். இந்த சம்பவம் தொடர்பாக மேலும் சிலரிடம் போலீஸார் விசாரித்து வருகின்றனர் This had never happened before in Shivamogga. We are witnessing this for the first time here. Experts are coming from Bengaluru, they will give a report after which we will take action: KS Eshwarappa, Karnataka Minister on an explosion in #Shivamogga pic.twitter.com/cUYaD2o7N7— ANI (@ANI) January 22, 2021 சம்பவம் நிகழ்ந்த இடத்திற்கு அருகிலுள்ள கட்டடங்கள், ஜன்னல் கதவுகள் போன்றவை கடுமையாகச் சேதமடைந்தன. பல வீடுகள், சாலைகளில்கூட குண்டு வெடிப்பின் காரணமாக விரிசல்கள் உருவாகியுள்ளன. குண்டுவெடிப்பை பூகம்பம் என்று நினைத்த மக்கள் உடனடியாக புவியியலாளர்களிடம் விளக்கம் கோரப்பட்டது. அவர்கள் எந்தவொரு கண்காணிப்பகத்திலும் நிலநடுக்கம் பதிவாகவில்லை என்று விளக்கமளித்தனர். Also Read: நெல்லையில் பிடிபட்ட கர்நாடகா கொள்ளையர்கள்! - அட்ரஸ் கேட்பதுபோல வழிப்பறியில் ஈடுபட்டது அம்பலம் இச்சம்பவம் குறித்து பிரதமர் மோடி ட்விட்டரில், `சிவமோகாவில் நிகழ்ந்த சம்பத்தில் ஏற்பட்ட உயிரிழப்பால் வேதனை அடைந்தேன். உயிரிழந்தவர்களின் குடும்பங்களுக்கு எனது இரங்கல்கள். காயமடைந்தவர்கள் விரைவில் குணமடைய பிரார்த்தனை செய்கிறேன். பாதிக்கப்பட்டவர்களுக்கு மாநில அரசு அனைத்து உதவிகளையும் செய்யும்' என்று பதிவிட்டுள்ளார்.சிவமோகா குண்டுவெடிப்பு கர்நாடக முதலமைச்சர் பி.எஸ்.எடியூரப்பா கூறுகையில், ``இந்த துரதிர்ஷ்டவசமான சம்பவம் தொடர்பாக உயர்மட்ட விசாரணைக்கு உத்தரவிடப்பட்டுள்ளது. மேலும், குற்றவாளிகள் மீது கடுமையான நடவடிக்கை எடுக்கப்படும்" என்று ட்வீட் செய்துள்ளார். மேலும், உயிரிழந்தவர்களின் குடும்பங்களுக்குத் தலா ஐந்து லட்ச ரூபாய் நிதி வழங்கப்படும் என்றும் அறிவித்திருக்கிறார். "ஒரு பெரிய அளவிலான டைனமைட் வெடித்தது போல் தெரிகிறது மற்றும் குவாரி உரிமையாளர் மற்றும் ஆபரேட்டர்களால் அலட்சியத்தால் இந்த விபத்து நடந்திருக்கிறது. குவாரி உரிமையாளர் மற்றும் டைனமைட் சப்ளையரை போலீஸார் ஏற்கெனவே கைது செய்துள்ளனர். விசாரணை நடந்து வருகிறது ”என்று கர்நாடக உள்துறை அமைச்சர் பசவராஜ் பொம்மை கூறினார்.
http://dlvr.it/Rr9wTS

Read More

ஒரே நாளில் மாற்றியமைக்கப்பட்ட புதிய அமைச்சரவை! - என்ன நடக்கிறது கர்நாடகாவில்?

கர்நாடகாவில் எடியூரப்பா முதல்வராகக் காரணமாக இருந்த பதவி விலகிய எம்.எல்.ஏ-க்களான உமேஷ்கத்தி, எஸ்.அங்காரா, முருகேஷ் நிரானி, அரவிந்த் லிம்பாவளி, ஆா்.சங்கர், எம்.டி.பி.நாகராஜ், சி.பி.யோகேஷ்வா் ஏழு பேர் கடந்த ஜனவரி 13-ம் தேதி அமைச்சரவையில் சேர்க்கப்பட்டனர். அமைச்சரவை விரிவாக்கப்பட்டிருந்த போதிலும் அமைச்சர்கள் நியமனம் செய்யப்படாமல் இருந்தனர். எடியூரப்பா இந்நிலையில், புதிதாகப் பதவியேற்ற அமைச்சர்களுக்கு கடந்த 21-ம் தேதி துறைகள் ஒதுக்கப்பட்டன. அதுமட்டுமல்லாது, முன்பிருந்த சில அமைச்சர்களின் துறைகள் மாற்றி அமைக்கப்பட்டன. இதனால், அமைச்சர்கள் சிலர் கடும் அதிருப்தியில் இருந்ததாகச் சொல்லப்படுகிறது. இதைத் தொடர்ந்து நடைபெற்ற அமைச்சரவைக் கூட்டத்தில் கே.சுதாகா், கே.கோபாலையா, கே.சி.நாராயண கௌடா ஜே.சி.மாதுசாமி, எம்.டி.பி.நாகராஜ் போன்ற அதிருப்தி அமைச்சர்கள் பங்கேற்கவில்லை. இதுகுறித்து பேசிய எடியூரப்பா, ``அமைச்சரவை மாற்றத்தின்போது இதுபோன்ற அதிருப்தி ஏற்படுவது வழக்கம்தான். துறைகள் மாற்றி அமைப்பது குறித்து பரிசீலனை செய்யப்படும். அமைச்சர்கள் கூட்டத்துக்கு வராத காரணத்தை முன்கூட்டியே என்னிடம் கூறி அவர்கள் அனுமதி பெற்றிருந்தனர். அடுத்த கூட்டங்களில் அவர்கள் பங்கேற்பார்கள். தற்போதைய நிலையில் ஒதுக்கப்பட்ட துறைகளை மாற்ற இயலாது" என்று கூறியிருந்தார். All the ministers are together and will attend the Cabinet meeting. There is no difference of opinion among the new ministers, all are happy: Karnataka Chief Minister BS Yediyurappa pic.twitter.com/xNO6jIQcwl— ANI (@ANI) January 21, 2021 இந்தநிலையில், அமைச்சரவை பொறுப்புகள் ஒதுக்கப்பட்ட 24 மணி நேரத்துக்குள் மீண்டும் அமைச்சரவை மாற்றியமைத்திருப்பது கர்நாடகாவில் சலசலப்பை ஏற்படுத்தியுள்ளது. அதிருப்தி அமைச்சர்களைச் சாந்தப்படுத்த மீண்டும் அமைச்சரவை மாற்றப்பட்டதாகக் கூறப்படுகிறது. தங்களுக்கு வழங்கப்பட இலாக்காக்களை மாற்றித் தருமாறு முதல்வரிடம் புதிய அமைச்சர்கள் கோரிக்கை வைத்திருந்தனர். Also Read: `எடியூரப்பா நீண்டநாள் முதல்வராக இருக்க மாட்டார்!’- உட்கட்சிப் பூசலால் தள்ளாடும் கர்நாடக பா.ஜ.க தனக்குக் கலால் துறை வழங்கப்படத்தில் அதிருப்தியிலிருந்த எம்.டி.பி.நாகராஜனுக்கு தற்போது நகராட்சி நிர்வாகத் துறை மற்றும் கரும்பு மேம்பாடு, சர்க்கரை இயக்குநரகம் துறை ஒதுக்கப்பட்டுள்ளது. ஜே.சி.மதுசாமிக்கு வழங்கப்பட்டிருந்த கன்னடம் மற்றும் கலாசாரத் துறைக்குப் பதிலாக ஹஜ் மற்றும் வக்ஃபு துறை வழங்கப்பட்டுள்ளது. அரவிந்த் லிம்பாவலிக்கு கொடுக்கப்பட்ட வனத்துறையுடன், கன்னடம் மற்றும் கலாசாரத் துறையும் கூடுதல் பொறுப்பாக வழங்கப்பட்டுள்ளது.எடியூரப்பா முன்பு தோட்டக்கலைத் துறை ஒதுக்கப்பட்டிருந்த கே.கோபாலையாவுக்கு இப்போது கலால் துறை வழங்கப்பட்டிருக்கிறது. நகராட்சி நிர்வாகத் துறை அமைச்சராக இருந்த ஆர்.சங்கருக்குத் தற்போது தோட்டக்கலைத்துறை ஒதுக்கப்பட்டிருக்கிறது. ஹஜ் மற்றும் வக்ஃபு துறை வழங்கப்பட்டிருந்த கே.சி. நாராயண கௌடாவிடம் திட்டமிடல், திட்டக் கண்காணிப்பு மற்றும் புள்ளிவிவரத் துறையின் பொறுப்பு வழங்கப்பட்டுள்ளது. கே.சி.நாராயண கௌடா இளைஞர் நலம் மற்றும் விளையாட்டுத் துறை அமைச்சராக இருக்கிறார். எடியூரப்பாவின் அந்தரங்க சி.டி? எடியூரப்பாவின் அந்தரங்க சி.டி ஒன்று பா.ஜ.க மூத்த அமைச்சர்கள் கையில் இருப்பதாகவும், அதை வைத்து மிரட்டி தங்களுக்கான துறைகளைப் பெற்றுக்கொள்ள முயற்சி செய்வதாகவும் கர்நாடகாவில் சர்ச்சை எழுந்தது. எடியூரப்பாவின் சி.டி குறித்த இதுபோன்ற ஒரு சர்ச்சை மூன்று ஆண்டுகளுக்கு முன்னரும் எழுந்தது. சொந்தக் கட்சிக்காரர்கள் மட்டுமல்லாது காங்கிரஸ் கட்சி எம்.எல்.ஏ-க்கள் சிலரும் இந்த சி.டி-யை வைத்து மிரட்டி காரியம் சாதிப்பதாகவும் கூறப்படுகிறது.எடியூரப்பா இந்த குற்றச்சாட்டு குறித்து இதுவரை வாய்திறக்காத எடியூரப்பா, ``அப்படி ஒரு சி.டி-யே இல்லை. பா.ஜ.க-வில் 120 எம்.எல்.ஏ-க்கள் இருக்கிறார்கள். அவர்களில் சிலருக்குத் தான் அமைச்சரவையில் பதவி வழங்க முடியும். என் மீது குற்றச்சாட்டு இருந்தால் பா.ஜ.க தலைமையிடம் புகார் அளிக்கட்டும். இப்படி பொய்யான குற்றச்சாட்டை முன்வைப்பது சரியல்ல" என்று கூறியிருக்கிறார்.
http://dlvr.it/Rr95YY

Read More

ஜெயலலிதாவின் வேதா இல்லம் மக்கள் பார்வைக்கு ஜனவரி 28-இல் திறப்பு

ஜெயலலிதாவின் வேதா இல்லம் மக்கள் பார்வையிட அனுமதிக்கப்படும் என அமைச்சர் மாஃபா பாண்டியராஜன் அறிவித்துள்ளார். சென்னை போயஸ் கார்டனில் உள்ள ஜெயலலிதாவின் வேதா இல்லம் வருகிற 28ஆம் தேதி மக்கள் பார்வைக்கு திறக்கப்படும் என அமைச்சர் மாஃபா பாண்டியராஜன் அறிவித்துள்ளார். வேதா இல்லத்தில் ஜெயலலிதா விரும்பி படித்த புத்தகங்கள், பயன்படுத்திய பொருட்கள் போன்றவை மக்களுக்காக காட்சிப்படுத்தப்படும் என்றும் அவர் அறிவித்திருக்கிறார்.
http://dlvr.it/Rr73dB

Read More

100 அடி கட்அவுட், எங்கும் அரசியல் பேனர்கள்.. காஞ்சியில் காற்றில் பறக்கிறதா கோர்ட் உத்தரவு?

தேர்தல் பிரசாரத்திற்காக காஞ்சிபுரத்திற்கு வருகை தந்த முதல்வர் எடப்பாடி பழனிசாமிக்கு சாலையோரங்களில் பேனர்கள் வைத்து வரவேற்பு அளிக்கப்பட்டது. கட்-அவுட், பேனர் வைப்பதை தவிர்க்க வேண்டும் என்றும், அவை போக்குவரத்துக்கு இடையூறாக உள்ளதா என்பதை அதிகாரிகள் கண்காணிக்க வேண்டும் என்றும் சென்னை உயர் நீதிமன்றம் ஏற்கெனவே தடை விதித்துள்ளது. இந்நிலையில், தேர்தல் பிரசாரத்திற்காக காஞ்சிபுரத்திற்கு வருகை தந்த முதல்வர் எடப்பாடி பழனிசாமிக்கு சாலையோரங்களில் பேனர்கள் வைத்து வரவேற்பு அளிக்கப்பட்டது. அதேபோல சாலை ஓரங்களில் சுமார் 100 அடி உயரத்திற்கு எம்ஜிஆர், ஜெயலலிதா, ஓ.பன்னீர்செல்வம் மற்றும் தற்போதைய முதல்வர் எடப்பாடி பழனிசாமி ஆகியோருக்கு கட்- அவுட் வைக்கப்பட்டது. வாலாஜாபாத்தில் இருந்து காஞ்சிபுரம் வரை சாலைகளில் இருபுறமும் உள்ள மின்கம்பங்களை ஆக்கிரமித்து விதிகளை மீறி அதிமுகவினர் பேனர்களை கட்டி வைத்தனர். உத்திரமேரூர் செல்லும் சாலையில் உள்ள வெங்கச்சேரியில் முதல்வரை வரவேற்கும் வகையில் எம்ஜிஆர், ஜெயலலிதா, ஓபிஎஸ், எடப்பாடி பழனிசாமிக்கு சுமார் 100 அடி உயரத்தில் கட்-அவுட் வைக்கப்பட்டிருந்தது. அந்த கட்-அவுட் முதல்வர் பார்வைக்கு தெரிய வேண்டும்  என்பதால் சாலையில் இருந்த வேப்ப மரத்தை கட்சித் தொண்டர் வெட்டினார். இது குறித்த வீடியோ காட்சி ஒன்று தற்போது சமூக வலைத்தளத்தில் பரவி வருகிறது. பேனர் விவகாரத்தில் அரசியல் கட்சிகள் நீதிமன்ற உத்தரவுகளை கடைபிடிக்க வேண்டுமென்று பொதுமக்கள் தெரிவித்தனர்.
http://dlvr.it/Rr6RgY

Read More

கர்நாடகா: சக்திவாய்ந்த வெடிபொருட்கள் வெடித்து சிதறியதில் 8 பேர் உயிரிழப்பு!

கர்நாடகா மாநிலம் ஷிவமோகா மாவட்டத்தில் பயங்கர சத்தத்துடன் வெடிபொருட்கள் வெடித்ததில் 8 பேர் உயிரிழந்ததாக முதல் கட்ட தகவல்கள் தெரிவிக்கின்றன. கர்நாடகா மாநிலம் ஷிவமோகா மாவட்டத்தில் டைனமைட் என்ற வெடிபொருளை ஏற்றி சென்ற வாகனம் வெடித்து சிதறி உள்ளது. நேற்று இரவு நிகழ்ந்த இந்த வெடி விபத்தால் 15 முதல் 20 கிலோ மீட்டர் தூரத்திற்கு நில அதிர்வு உணரப்பட்டது. பயங்கர சத்தத்துடன் அதிர்வு ஏற்பட்டதால் வீடுகளின் ஜன்னல் கண்ணாடிகள் நொறுங்கி விழுந்தன. கட்டடங்கள் மற்றும் சாலைகளில் விரிசல்கள் ஏற்பட்டிருக்கின்றன. நில நடுக்கம்தான் ஏற்பட்டுவிட்டது என்ற அச்சத்தில் மக்கள் சாலைகளில் தஞ்சம் அடைந்ததால் பரபரப்பு நிலவியது. இதனை அடுத்து காவல்துறையினர் நடத்திய விசாரணையில் கல்குவாரிக்கு வெடிபொருட்களை ஏற்றிச் சென்ற வாகனம் வெடித்து சிதறியது தெரியவந்துள்ளது. வெடிவிபத்தில் 8 பேர் உயிரிழந்திருப்பதாக ஷிவமோகா மாவட்ட ஆட்சியர் சிவக்குமார் தெரிவித்துள்ளார். உயிரிழப்பு மேலும் அதிகரிக்க வாய்ப்பு உள்ளதாகவும் தகவல்கள் தெரிவிக்கின்றன.
http://dlvr.it/Rr5Nkk

Read More

தொண்டர்களை பார்த்து கைகளை அசைத்த சசிகலா - வீடியோ!

பெங்களூரு சிவாஜிநகர் அரசு மருத்துவமனையில் இருந்து, சக்கர நாற்காலியில் அழைத்து வரப்பட்ட சசிகலா மருத்துவமனையின் முன்பு இருந்த உறவினர்கள், தொண்டர்களை பார்த்து கைகளை அசைத்தார்.
http://dlvr.it/Rr3Bby

Read More

`குற்றச்சாட்டுக்கு பதில் சொல்லுங்க; அப்புறம் சவால் விடலாம்!’ - ஓ.பி.எஸ் மகனுக்கு தங்கம் பதில்

கடந்த ஆண்டு, டிசம்பர் மாதம் கேரள நாளிதழ் ஒன்று, தமிழக துணை முதல்வர் ஓ.பன்னீர்செல்வம் ரூ.2,000 கோடி மதிப்பிலான சொத்துகளை கேரளத்தில்வைத்திருப்பதாக செய்தி வெளியிட்டது. இது, தமிழக அரசியல் களத்தில் சலசலப்பை ஏற்படுத்தியது. ஓ.பன்னீர்செல்வம் இந்தநிலையில், தி.மு.க அலுவலகத்தில் பத்திரிகையாளர்களைச் சந்தித்த தேனி வடக்கு மாவட்டச் செயலாளர் தங்க தமிழ்ச்செல்வன்,``கேரள பத்திரிகை ஒன்று, ஓ.பி.எஸ் ரூ.2,000 கோடி மதிப்பிலான சொத்துகளை கேரளத்தில் வைத்திருப்பதாக செய்தி வெளியிட்டிருக்கிறார்கள். இந்த ஊழல் குற்றச்சாட்டு குறித்து வருமான வரித்துறையினர் உரிய நடவடிக்கை எடுக்க வேண்டும். ஓ.பன்னீர்செல்வத்தின் ஊழலை எடுத்துரைத்து, வரும் சட்டமன்றத் தேர்தலில் தி.மு.க பிரசாரம் மேற்கொள்ளும். தி.மு.க தலைவர் ஸ்டாலின், அ.தி.மு.க-வின் ஊழல் குறித்த பட்டியலை கடந்த சில நாள்களுக்கு முன்னர் ஆளுநரிடம் வழங்கியிருக்கிறார். இரண்டாம்கட்டப் பட்டியல் தயாராகிவருகிறது. அதில், ஓ.பி.எஸ் குறித்த ஊழல்கள் இடம் பெறும்” என்றார். Also Read: `ஐடியா' பிரஷாந்த் கிஷோர், `ஐ யம் வெயிட்டிங்' தங்க தமிழ்ச்செல்வன் - கழுகாரின் அரசியல் அப்டேட்ஸ்!ஜெய பிரதீப் இந்தநிலையில், ஓ.பன்னீர்செல்வத்தின் இளையமகன் ஜெயபிரதீப், `சவாலுக்குத் தயாரா?’ என்ற தலைப்பில் இன்று அறிக்கை ஒன்றை வெளியிட்டிருக்கிறார். அதில், ``நாங்கள், கேரள மாநிலத்தில் ஆயிரக்கணக்கான ஏக்கருக்கு மேல், கோடிக்கணக்கான ரூபாயில் சொத்துகளைச் சேர்த்துவைத்துள்ளோம் என்று, அங்கு வெளியான பத்திரிகை செய்தியைச் சுட்டிக்காட்டி, பொய்க் குற்றச்சாட்டுகளை பத்திரிகையாளர்கள் சந்திப்பில் தெரிவித்திருக்கிறார் தங்க தமிழ்ச்செல்வன். இதை நான் வன்மையாகக் கண்டிக்கிறேன். கேரள மாநிலத்துக்கு நான் வருவதற்குத் தயாராக இருக்கிறேன். நாங்கள் உண்மையாகவே சொத்து சேர்த்துவைத்திருக்கிறோம் என்று ஆதாரபூர்வமாக ஒரு சதுர அடி நிலம் இருக்கிறது என்று நிரூபித்தால்கூட, நான் எனது சொத்துகள் அனைத்தையும் அவரிடம் கொடுத்துவிடுகிறேன். அப்படி அவர் நிரூபிக்கத் தவறினால், இனி அவர் பத்திரிகையாளர் சந்திப்பைத் தவிர்க்க வேண்டும். அரசியலிலிருந்து ஓய்வு பெற வேண்டும். அவர் தயாராக இருக்கிறாரா என்று பத்திரிகை நண்பர்கள், கேட்டுச் சொல்லுங்கள்” என்று அந்த அறிக்கையில் குறிப்பிடப்பட்டிருந்தது.தங்க தமிழ்ச்செல்வன் Also Read: தேனி: ஓ.பி.எஸ்-ஸுடன் மோதும் தங்க தமிழ்ச்செல்வன்? - தி.மு.க-வில் புதிய பொறுப்பு இது தொடர்பாக தங்க தமிழ்ச்செல்வனிடம் போனில் பேசினோம். ``கேரளாவில் ஓ.பி.எஸ் அதிக சொத்துகள் வாங்கிக் குவிக்கிறார் என, அப்போதைய கேரள ஆளும் தரப்பு, ஜெயலலிதாவிடம் கூறியதாக ஒரு செய்தியை நான் கேள்விப்பட்டிருக்கிறேன். தற்போது கேரள பத்திரிகை ஒன்று, ரூ.2,000 கோடி அளவில் கேரளாவில் சொத்துகள் வைத்திருக்கிறார் ஓ.பி.எஸ் என செய்தி வெளியிட்டிருக்கிறது. அதை மேற்கோள் காட்டித்தான் நான் பேசினேன். எனக்கு சவால்விடுப்பதெல்லாம் இருக்கட்டும்... முதலில் கேரள பத்திரிகை சொன்ன குற்றசாட்டுக்கு பதில் சொல்லுங்கள். அப்புறம் சவால்விடலாம். சொன்ன குற்றச்சாட்டுக்கு இதுவரை எந்த பதிலும் சொல்லாமல், அதைச் சுட்டிக்காட்டி பேசிய எனக்கு சவால்விடுக்கிறாராம்” என்றார் சிரித்துக்கொண்டே.
http://dlvr.it/Rr2YXL

Read More

நெல்லையில் பிடிபட்ட கர்நாடகா கொள்ளையர்கள்! - அட்ரஸ் கேட்பதுபோல வழிப்பறியில் ஈடுபட்டது அம்பலம்

நெல்லை மாநகர எல்லைக்கு உள்பட்ட ரெட்டியார்பட்டி சாலையில் தனியாகச் செல்பவர்களை வழிமறித்து நகை, பணம் பறிக்கும் சம்பவங்கள் அண்மையில் அதிகரிக்கத் தொடங்கியிருக்கின்றன. அதுவும், காரில் வரும் டிப்டாப் ஆசாமிகள், இருசக்கர வாகனங்களில் செல்வோரை நிறுத்தி அட்ரஸ் கேட்பதுபோலப் பேசி கொள்ளையில் ஈடுபட்டிருக்கிறார்கள். கொள்ளையர் பயன்படுத்திய கார் சில தினங்களுக்கு முன்பு நெல்லையில் சி.பி.சி.ஐ.டி பிரிவில் பெண் சப்-இன்ஸ்பெக்டராகப் பணியாற்றுபவர் இருசக்கர வாகனத்தில் சென்றபோது, காரில் வந்த நபர்கள் வழிமறித்து நகையை பறித்துச் சென்றார்கள். அவர்களை பாளையங்கோட்டை குற்றப்பிரிவு காவல்துறையினர் சில மணி நேரத்திலேயே மடக்கிப் பிடித்தனர். இந்த நிலையில், தூத்துக்குடி மாவட்டம் சாயர்புரம் பகுதியைச் சேர்ந்த செந்தில்வேலன் என்பவர், தனது பைக்கில் நெல்லை புரநகர் பகுதியான ரெட்டியார்பட்டி பகுதிகுச் சென்றுள்ளார். அப்போது அந்த வழியாக காரில் நான்கு பேர் வந்திருக்கிறார்கள். பிடிபட்ட கொள்ளையர்கள் கர்நாடகா பதிவு எண் கொண்ட காரில் இருந்து இறங்கிய நால்வரும் செந்தில்வேலனை வழிமறித்து ஒரு பேப்பரைக் காட்டி அதில் இருந்த முகவரிக்கு எப்படிச் செல்ல வேண்டும் என்று கேட்டுள்ளனர். அவர் வழி சொல்லிக் கொண்டிருக்கும்போதே கத்தியைக் காட்டி மிரட்டி அவரிடம் இருந்து மூன்றரை சவரன் நகை, 5,000 ரூபாய் ரொக்கப் பணத்தைக் கொள்ளையடித்துச் சென்றனர். நான்கு வழிச் சாலையில் அந்த வாகனம் சென்றதைப் பார்த்த செந்தில்வேலன் உடனடியாக பாளையங்கோட்டை காவல் நிலையத்துக்குச் சென்று புகார் அளித்தார். போலீஸார் நான்கு வழிச் சாலையில் உள்ள சோதனைச் சாவடிகளை அலர்ட் செய்தனர். Also Read: நெல்லை: இரவில் போலீஸ்; பகலில் கொள்ளை!- வீடுகளை உடைத்து கைவரிசை காட்டிய ஏட்டு சிக்கிய பின்னணி போலீஸ் நடவடிக்கையை எதிர்பார்த்த கொள்ளையர், நான்கு வழிச் சாலையில் செல்லாமல் ஊருக்குள் காரில் வந்திருக்கிறார்கள். பின்னர் காரை மறைவான இடத்தில் நிறுத்திவிட்டு அங்கிருந்த ஹோட்டல் ஒன்றில் சாப்பிட்டுள்ளனர். பாளையங்கோட்டை குற்றப்பிரிவு போலீஸார், நகருக்குள்ளும் தீவிர ரோந்துப் பணியில் இருந்தபோது ஒதுக்குப்புறமாக நிறுத்தப்பட்டிருந்த காரைப் பார்த்ததும் அது கொள்ளையர்களுடையது என்பதைக் கண்டுபிடித்தனர். அதனால், அவர்கள் வரும் வரைக்கும் காத்திருந்த போலீஸார் , மீண்டும் காருக்கு வந்த கொள்ளையர்கள் நால்வரையும் கைது செய்தனர். கொள்ளையரை சிறையில் அடைக்க நடவடிக்கை அவர்களிடம் விசாரணை நடத்தியதில், கர்நாடக மாநிலம் பெங்களூரு மாண்டியா பகுதியைச் சேர்ந்த மனோஜ்குமார் (27), ரகுவரன் (31), அபிஷேக் (26), பிரவீன் (26) என்பது தெரியவந்தது. நான்கு பேரும் பெங்களூரு பகுதியில் இருந்து கிளம்பி தமிழகத்துக்குள் வரும் வழியில் ஆங்காங்கே கொள்ளையடித்து அந்தப் பணத்தில் உல்லாசமாக வாழ்க்கை நடத்தியதாக விசாரணையின்போது தெரிவித்துள்ளனர். பிடிபட்டவர்களிடம் இருந்து நகை, பணம் செல்போன்கள் மற்றும் கொள்ளைக்குப் பயன்படுத்திய கார் ஆகியவை பறிமுதல் செய்யப்பட்டன. நான்கு பேரையும் போலீஸார் நீதிமன்றத்தில் ஆஜர்படுத்தி நாங்குநேரி கிளைச் சிறையில் அடைத்தனர்.
http://dlvr.it/Rr1S4L

Read More

`கேரள போலீஸ் உடையில் ரூ.76 லட்சம் கொள்ளை; 15 மணி நேரத்தில் மீட்ட காவல் துறை’ - என்ன நடந்தது?

கேரள மாநிலம் நெய்யாற்றின்கரை பகுதியைச் சேர்ந்தவர் சம்பத். கேரளா ஃபேஷன் ஜுவல்லர்ஸின் உரிமையாளரான இவர் கேரள மற்றும் தமிழகத்தின் பல பகுதிகளில் உள்ள பிற நகைக் கடைகளுக்கும் மொத்தமாக  நகைகள் விற்பனை செய்து வருகிறார். இவர் நேற்று காலை கன்னியாகுமரி  மாவட்டம் நாகர்கோவில் பகுதியில் உள்ள சில கடைகளுக்கு நகைகளை  விற்பனை செய்துவிட்டு ரூ.76.40 லட்சம் பணத்துடன் காரில் கேரளாவுக்குப் புறப்பட்டுள்ளார். தக்கலை அருகே உள்ள காரவிளை தேசிய நெடுஞ்சாலை வழியாக சென்றுகொண்டிருக்கும்போது மற்றொரு சொகுசு காரில் கேரளா போலீஸின் உடையணிந்து நின்ற இருவர் மற்றும் அவர்களுடன் சாதாரண உடையில் இருந்த இருவர் என நான்கு பேர் சம்பத்தின் காரை நிறுத்தியுள்ளனர். பின்னர் வாகன சோதனை செய்வதாகக் கூறி சம்பத்திடம் இருந்த 76 லட்சம் ரூபாயை பறித்துச் சென்றுள்ளனர்.கைது செய்யப்பட்டவர்கள் இதனால் அதிர்ச்சியடைந்த சம்பத், தக்கலை காவல் நிலையத்தில் புகார் அளித்தார். கன்னியாகுமரி மாவட்ட எஸ்.பி பத்ரி நாராயணன் வழிகாட்டுதல்படி நான்கு தனிப்படைகள் அமைக்கப்பட்டு விசாரணை மேற்கொள்ளப்பட்டது. அதில் கேரள போலீஸ் உடையில் வந்தவர்கள் கொள்ளையர்கள் என தெரியவந்தது. இதையடுத்து தமிழக - கேரள எல்லையில் உள்ள சோதனைச் சாவடிகளில் உள்ள சி.சி.டி.வி கேமராக்கள் ஆய்வு செய்யப்பட்டன. அதில் சொகுசு காரில் கேரள போலீஸ் உடை அணிந்த நபர்கள் பயணித்தது தெரியவந்தது. இதையடுத்து திருவனந்தபுரம் சென்ற போலீஸார் கொள்ளையன் ஒருவரின் வீட்டுக்குச் சென்று அங்கு பதுங்கி இருந்த நான்கு பேரையும் கைது செய்தனர். மேலும், அவர்கள் கொள்ளையடித்துச் சென்ற பணம், போலீஸ் யூனிஃபார்ம், கார் ஆகியவை பறிமுதல் செய்யப்பட்டன. விசாரணையில் சம்பத்தின் டிரைவரான கோபகுமார் கொடுத்த ஆலோசனையின்படி அவரது நண்பர்கள் சுரேஷ்குமார், கண்ணன், ராஜேஷ்குமார், மனு என்ற சஜின்குமார் ஆகியோர் இந்த கொள்ளையில் ஈடுபட்டது தெரியவந்தது. இதையடுத்து ஐந்து பேரையும் கோர்ட்டில் ஆஜர்படுத்தி சிறையில் அடைத்தனர்.பறிமுதல்செய்யப்பட்ட போலீஸ் உடைகள் மற்றும் பணம் இதுகுறித்து கன்னியாகுமரி மாவட்ட எஸ்.பி. பத்ரி நாராயணன் கூறுகையில்,``இந்த வழக்கில் பெரிய அளவு பணம் கொள்ளையடிக்கப்பட்டிருப்பதும், அதுவும் போலீஸ் யூனிஃபார்மில் கொள்ளையடித்திருப்பதாலும் சீரியசாக விசாரணை நடத்தினோம். சி.சி.டி.வி கேமராதான் குற்றவாளிகளைப் பிடிக்க முக்கிய துருப்புச் சீட்டாக அமைந்தது. திருவனந்தபுரத்தில் உள்ள ஒரு குற்றவாளி வீட்டிலிருந்துதான் பணத்தைக் கைப்பற்றியிருக்கிறோம். பணத்துக்கு முறையாக வரி செலுத்தப்பட்டிருக்கிறதா என்பதுபற்றி ஐ.டி துறை முடிவு செய்யும். போலீஸார் எப்போதுமே பணத்தை மட்டும் வாங்கிக்கொண்டு போகமாட்டார்கள். பணத்துடன் இருக்கும் உரிமையாளரையும் அழைத்துக்கொண்டுதான் காவல் நிலையத்துக்குச் செல்வார்கள். இதை பொதுமக்கள் உணர்ந்துகொள்ள வேண்டும். இதுபோன்ற சம்பவம் நடந்தால் உடனே அருகில் உள்ள காவல் நிலையத்தில் புகார் அளிக்க வேண்டும். மேலும், வாகன சோதனையின்போது பொதுமக்கள் எங்களுக்கு சப்போர்ட் பண்ண வேண்டும். Also Read: சென்னை: `உங்க வீட்ல துப்பாக்கி இருக்கறதா புகார் வந்திருக்கு!' - தொழிலதிபரை அதிரவைத்த கொள்ளை இந்த சம்பவம் காலை 8 மணிக்கு நடந்தது. ஆனால் அவர்கள் காலை 11 மணிக்குத்தான் தகவல் கொடுத்தார்கள். அதனால்தான் கைது செய்ய 15 மணி நேரம் ஆனது. உடனே தகவல் கொடுத்திருந்தால் நாங்கள் சோதனைச் சாவடியிலேயே மடக்கிப் பிடித்திருப்போம். கன்னியாகுமரி மாவட்ட எல்லையில் 24 செக்போஸ்ட்டுகள் உள்ளன. அதில் 6 மெயின் செக்போஸ்ட்களில் சி.சி.டி.வி வைக்கப்பட்டுள்ளது. 24 செக்போஸ்டுகளும் அமைந்துள்ள 41 சாலைகளிலும் கண்காணிப்பு கேமரா வைக்க நடவடிக்கை எடுக்கப்பட்டுள்ளது" என்றார்.
http://dlvr.it/RqzCz2

Read More

வெளியானது வாக்காளர் பட்டியல்: ஆண்களை விட பெண் வாக்காளர்களே அதிகம்

தமிழகத்தில் இறுதி வாக்காளர் பட்டியலை தலைமை தேர்தல் அதிகாரி சத்யபிரதா சாகு வெளியிட்டார். தமிழகத்தில் சட்டமன்றத் தேர்தல் இன்னும் சில மாதங்களில் நடைபெற உள்ள நிலையில், தமிழ்நாடு தலைமை தேர்தல் ஆணைய அதிகாரி சத்யபிரதா சாகு, இறுதி வாக்காளர் பட்டியலை வெளியிட்டு உள்ளார். தமிழகத்தில் உள்ள மொத்த வாக்காளர்களின் எண்ணிக்கை 6.26 கோடியாக உள்ளது. அதில் 3.08 கோடி ஆண் வாக்காளர்களும், 3.18 கோடி பெண் வாக்காளர்களும், மூன்றாம் பாலினத்தவர்கள் 7,246 வாக்காளர்களும் உள்ளனர். 18 முதல் 19 வயதை சேர்ந்தவர்களில் 4.80 லட்சம் நபர்கள் ஆண்களாகவும், 4.16 லட்சம் நபர்கள் பெண்களாகவும் உள்ளனர். முதன் முறையாக வாக்களிக்க தகுதி பெற்றவர்களாக 8,97,694 நபர்கள் புதிதாக பட்டியலில் சேர்க்கப்பட்டுள்ளனர். தமிழகத்தில் அதிக வாக்காளர்களை கொண்ட தொகுதியாக சோழிங்கநல்லூர் உள்ளது. அங்கு 6,94,845 வாக்காளர்கள் உள்ளனர். குறைந்த வாக்காளர்களை கொண்ட தொகுதி துறைமுகம் உள்ளது. அங்கு 1,76,272 வாக்காளர்கள் உள்ளனர் கவுண்டம்பாளையம், மாதவரம், மதுரவாயல், ஆவடி, பல்லாவரம் உள்ளிட்ட தொகுதிகளில் தலா 4 லட்சத்திற்கும் மேற்பட்ட வாக்காளர்கள் உள்ளனர். 47 வெள்நாட்டு வாழ் தமிழர்களும் வாக்காளர் பட்டியலில் இணைக்கப்பட்டுள்ளனர்.
http://dlvr.it/Rqyb3J

Read More

மும்பை: வருமானம் இழப்பு; வாழ்வாதாரத்தைக் காக்க மாதம் ரூ.10,000! அரசிடம் கோரும் ஆட்டோ டிரைவர்கள்

கொரோனாவால் மும்பையில் இன்னும் புறநகர் ரயில் சேவை அனைவருக்கும் தொடங்கப்படவில்லை. அத்தியாவசியப் பணிகளில் இருக்கும் ஊழியர்கள், குறிப்பிட்ட நேரத்தில் பெண்கள் மட்டும் பயணிக்க அனுமதிக்கப்பட்டுள்ளனர். புறநகர் ரயில்களை நம்பித்தான் ஆயிரக்கணக்கான ஆட்டோக்கள் மும்பையில் ஓடுகின்றன. ஒவ்வொரு ரயில் நிலையத்தில் இருந்தும் இது போன்று இயக்கப்படும் ஆட்டோ டிரைவர்கள் இப்போது போதிய வருவாய் இல்லாமல் திண்டாடி வருகின்றனர். பொதுமக்களும் இப்போது அதிக அளவில் ஆட்டோவைப் பயன்படுத்துவதை தவிர்த்து பஸ்களில் பயணம் செய்ய தொடங்கியுள்ளனர். சஷாங்க் ராவ் இதனால் ஆட்டோ, டாக்சி டிரைவர்கள் வாங்கிய கடனை திரும்பச் செலுத்த முடியாமல் மிகவும் சிரமத்திற்கு உள்ளாகி இருக்கின்றனர். இந்த நிதி நெருக்கடியில் இருந்து மீள மாநில அரசு தங்களுக்கு மாதம் ரூ.10,000 நிதியுதவி செய்யவேண்டும் என்று ஆட்டோ ஓட்டுநர்கள் கோரிக்கை விடுத்துள்ளனர் . தங்களது கோரிக்கையை மாநில அரசிடம் கொடுப்பதற்காக ஆட்டோ டிரைவர்கள் ஒவ்வொரு டிரைவரிடமும் தனித்தனியாக விண்ணப்பத்தைப் பூர்த்தி செய்து வாங்குகின்றனர். இதுவரை மாநிலம் முழுவதும் 10,000-த்துக்கும் மேற்பட்ட விண்ணப்பங்களைப் பூர்த்தி செய்து வாங்கிவிட்டனர். Also Read: மும்பை: சட்டவிரோதமாக குழந்தைகள் விற்பனை! - மருத்துவர், 7 பெண்கள் உட்பட 9 பேர் கைது மும்பை மட்டுமல்லாது மாநிலம் முழுவதும் உள்ள ஆட்டோ டிரைவர்களுக்கு மாதம் 10,000 ரூபாய் கொடுக்கவேண்டும் என்று கோரிக்கை விடுத்துள்ளனர். இது குறித்து ஆட்டோ யூனியன் தலைவர் சஷாங்க் சரத் ராவிடம் கேட்டதற்கு, ``ஆட்டோ டிரைவர்கள் நிதி நெருக்கடியில் இருந்து மீள மாதம் ரூ.10,000 கொடுக்கும்படி மாநில அரசிடம் கேட்டுக்கொண்டோம். போக்குவரத்துத் துறை அமைச்சரையும் நேரில் சந்தித்து எங்களது கோரிக்கையைத் தெரிவித்துவிட்டோம். ஆனால் இதுவரை எந்தவித பதிலும் இல்லை. நிதியுதவி மட்டுமல்லாது வேலையில்லாத இளைஞர்களின் ஆட்டோ கடனை தள்ளுபடி செய்ய வேண்டும், ஆட்டோவை இயக்க கொரோனா காலத்தில் பிறப்பிக்கப்பட்ட அனைத்து கட்டுப்பாடுகளையும் நீக்க வேண்டும். மாதம் ரூ.10,000 கொடுக்கவேண்டும் என்ற எங்களது கோரிக்கையை மாநில அரசு கட்டாயம் பரிசீலிக்க வேண்டும் என்பதற்காகத்தான் எழுத்து மூலம் கொடுக்க ஆட்டோ டிரைவர்களிடம் விண்ணப்பங்களைப் பூர்த்தி செய்து வாங்குகிறோம்.மும்பை - ஆட்டோ இதற்கு நல்ல வரவேற்பு இருக்கிறது. ஆட்டோ கட்டணத்தை அதிகரிப்பதாக மாநில அரசு தெரிவித்தது. ஆனால், தொழில் பாதிக்கும் என்பதால், நாங்கள் வேண்டாம் என்று தெரிவித்துவிட்டோம். இப்போது தாக்குப்பிடித்து வாழ்வதுதான் முக்கியம். ஆட்டோ கட்டணத்தை அதிகரித்தால் வருவாய் இழப்பு அதிகரித்து ஆட்டோ டிரைவர்கள் மிகவும் பாதிக்கப்படுவர்’’ என்றார். கொரோனா தொடங்குவதற்கு சில மாதங்களுக்கு முன்புதான் மும்பையில் பெஸ்ட் நிர்வாகம் பஸ் கட்டணத்தை அதிரடியாக குறைத்தது. இதனால் அதிகமானோர் பஸ்களில் பயணம் செய்ய ஆரம்பித்துவிட்டனர். மும்பை மெட்ரோபாலிடன் பகுதியில் மட்டும் 2.50 லட்சம் ஆட்டோக்களும் மகாராஷ்டிரா முழுவதும் 9.75 லட்சம் ஆட்டோக்களும் இயக்கப்படுகின்றன. ஆனால், மும்பையில் 45 டாக்சிகள் மட்டுமே இயக்கப்படுகின்றன. மாநில அரசு போக்குவரத்து நெருக்கடியைக் கட்டுப்படுத்தும் நோக்கத்தில் 1996-ம் ஆண்டு புதிய ஆட்டோ பெர்மிட் கொடுப்பதை நிறுத்தியது. தேவை அதிகரித்ததால் 2017-ம் ஆண்டுதான் புதிய ஆட்டோ பெர்மிட் கொடுக்க ஆரம்பித்தது.
http://dlvr.it/RqxVCj

Read More

ஆஸி. மண்ணில் மூவர்ணக் கொடியுடன் வெற்றி நடைபோட்ட இந்தியா- ஆல்பம்

வெற்றிபெற்ற மகிழ்ச்சியில் மைதானத்தை மூவர்ணக் கொடியை தாங்கியபடி வலம் வரும் இந்திய அணி! முதல் இன்னிங்ஸில் இந்த ஆட்டத்தை உயிர்ப்பிக்க செய்த பேட்டிங் இணை! இரண்டாவது இன்னிங்ஸில் ஐந்து விக்கெட் வீழ்த்திய சிராஜ்! சதமடிக்க தவறியிருந்தாலும் ஆஸ்திரேலிய பந்து வீச்சை துவம்சம் செய்த சுப்மன் கில்! வில்லில் இருந்து புறப்பட்ட அம்புகளாக பந்துகள் தன்னை பதம் பார்த்தபோதும் வெற்றி மட்டுமே இலக்கு என்பதை உறுதி கொண்டிருந்த புஜாராவின் மன உறுதி! வெற்றி கூட்டணி! இந்தியாவின் புதிய மேட்ச் வின்னர் ரிஷப் பன்ட்! வெற்றிக் கொண்டாட்டம்! வெற்றி நடை! கோப்பையுடன் இந்திய அணி!
http://dlvr.it/RqvL4N

Read More

மும்பை: சட்டவிரோதமாக குழந்தைகள் விற்பனை! - மருத்துவர், 7 பெண்கள் உட்பட 9 பேர் கைது

குழந்தை பேறு இல்லா தம்பதிகள் குழந்தைகளை தத்து எடுத்து வளர்ப்பது வழக்கம். முறைப்படி குழந்தைகளை தத்து எடுக்கவேண்டுமானால் அதற்கு அதிகப்படியான நடைமுறை சிக்கல்கள் இருக்கிறது. இதனால் சிலர் குழந்தைகளை சட்டவிரோதாக தத்து எடுத்து விடுகின்றனர். இதற்காகவே சில ஏஜெண்டுகளும் வேலை செய்து வருகின்றனர். குழந்தை பொருளாதார ரீதியாக பிந்தங்கிய நிலையில் இருக்கும் குடும்பத்தில் பிறக்கும் குழந்தைகளை அடையாளம் கண்டு, அக்குழந்தைகளை தத்து கொடுத்துவிடலாம் என்றும் இதன் மூலம் பணமும் கிடைக்கும் என்று குழந்தையின் தாயிடம் பேசி சம்மதிக்க வைத்துவிடுகின்றனர். இதற்காக மகப்பேறு மருத்துவமனையில் பணியாற்றும் சில ஊழியர்கள் ஏஜெண்டுகளாக பணியாற்றுகின்றனர். சமீபத்தில் மும்பை பாந்த்ரா பகுதியில் சட்டவிரோதமாக குழந்தை ஒன்று விற்பனை செய்யப்படுதாக சப் இன்ஸ்பெக்டர் யோகேஷ் சவானுக்கு தகவல் கிடைத்தது. உடனே அவரும் மணீஷா பவாரும் இது குறித்து ரகசியமாக விசாரித்தனர். இதில் குழந்தையை விற்பனை செய்த பெண் ருக்‌ஷர் ஷேக் என்று தெரிய வந்தது. இந்த பெண் தனக்கு பிறந்த இரண்டு குழந்தைகளை சட்டவிரோதமாக ரூபாலி வர்மா என்ற பெண் மூலம் ஒரு பெண் குழந்தையை 60 ஆயிரம் ரூபாயிக்கும், ஆண்குழந்தையை 1.50 லட்சத்திற்கும் விற்பனை செய்திருப்பது தெரிய வந்தது. இதையடுத்து ஷேக், ஜோகில்கர், ரூபாலி வர்மா ஆகிய மூன்று பேரும் விசாரணைக்காக அழைத்து செல்லப்பட்டனர். விசாரணையில் ஜோகில்கர் தனது ஒரு குழந்தையை ரூ.1.50 லட்சத்திற்கு புனே தம்பதிக்கும், மற்றொரு ஆண் குழந்தையை தாராவியில் உள்ள தம்பதிக்கு ரூ.60 ஆயிரத்திற்கும் விற்பனை செய்திருந்தார். உடனே குழந்தையின் தாயை அழைத்துக்கொண்டு தாராவிக்கு சென்ற போலீசார் குழந்தையை மீட்டனர். குழந்தையை விலைக்கு வாங்கிய நபர் கைது செய்யப்பட்டுள்ளார். அவர்களிடம் மேற்கொண்டு விசாரணை நடத்தி இதில் தொடர்புடைய ஆர்த்தி சிங், நிஷாஅஹிரே, ஹீனாகான், ஜீதாஞ்சலி கெய்க்வாட், சஞ்சம் பதம் ஆகியோர் கைது செய்யப்பட்டனர். ஆர்த்தி லேப் டெக்னீசியனாக பணியாற்றுகிறார். ரூபாலி வர்மா, ஹீனா கான், நிஷா ஆகியோர் ஏஜெண்டாக பணியாற்றியுள்ளதோடு வாடகைத்தாய் மையத்திலும் பணியாற்றி வந்துள்ளனர். வாடகைத்தாய் கேட்டு வரும் தம்பதிகளை குறிவைத்து இவர்கள் தங்களது வேலையை காட்டியுள்ளனர்..மருத்துவமனையில் குழந்தைகள் இக்கும்பல் 7 குழந்தைகளை சட்டவிரோதமாக விற்பனை செய்துள்ளது ஆரம்பக்கட்ட விசாரணையில் தெரிய வந்துள்ளது. அதில் 6 குழந்தைகள் கண்டுபிடிக்கப்பட்டு அரசு குழந்தைகள் காப்பகத்திற்கு அனுப்பிவைக்கப்பட்டுள்ளது. மேலும் அதிகப்படியான குழந்தைகள் விற்பனை செய்யப்பட்டு இருக்கலாம் என்று சந்தேகப்படும் போலீசார் இதற்காக கைது செய்யப்பட்டவர்களின் போனை பறிமுதல் செய்து அவர்களின் வாட்ஸ்அப் பதிவுகளையும், போன் கால் விபரங்களையும் ஆய்வு செய்து வருகின்றனர். இம்மோசடியில் தொண்டு நிறுவனம் ஒன்றை நடத்தி வரும் பெண் ஒருவருக்கும் தொடர்பு இருப்பதாக தெரிய வந்துள்ளது. ஒர்லியில் கிளினிக் நடத்தி வரும் டாக்டர் தனஞ்சே என்பவரும் குழந்தை விற்பனை தொடர்பாக பிடிபட்டுள்ளார். இவர் குழந்தை விற்பனைக்காக கமிஷனாக 30 ஆயிரம் பெற்றுள்ளார். மொத்தம் கைது செய்யப்பட்டுள்ள 9 பேரில் 7 பேர் பெண்கள் ஆவர். மும்பையில் கடந்த மூன்று ஆண்டில் இது போன்று சட்டவிரோத குழந்தை விற்பனை பிடிபடுவது 3வது முறையாகும் என்று போலீசார் தெரிவித்தனர்.
http://dlvr.it/RqthqW

Read More

"பத்ம விருதுகளை திருப்பியளிக்கவில்லை!" - இளையராஜா விளக்கம்

மத்திய அரசின் பத்ம விருதுகளைத் திருப்பியளிக்க வாய்ப்புள்ளதாக வெளியான தகவலுக்கு இசையமைப்பாளர் இளையராஜா மறுப்பு தெரிவித்துள்ளார். பிரசாத் ஸ்டூடியோ விவகாரத்தில் அதிருப்தியில் இருப்பதால் இசையமைப்பாளர் இளையராஜா பத்ம விபூஷண் விருதை திருப்பி அளிக்கவுள்ளதாக தகவல்கள் பரவின. இதற்கு மறுப்பு தெரிவித்து விளக்கம் கொடுத்திருக்கிறார் இளையராஜா. இதுகுறித்த வீடியோ பதிவு ஒன்றையும் அவர் வெளியிட்டுள்ளார். அதில், ‘பேரன்புக்குரியவர்களே! நான் சொல்லாத ஒரு கருத்தை, ஒரு தனிப்பட்ட நபருடைய கருத்தை நான் சொன்னதாக ஊடகங்களில் பரவலாக பேசப்பட்டு வருகிறது. இது முற்றிலும் தவறு என்பதை நான் சொல்லிக்கொள்ள விரும்புகிறேன். அப்படியொரு கருத்தை நான் வெளியிடவே இல்லை என்பதையும் தெரிவித்துக்கொள்ளுகிறேன்’’ என்று கூறியிருக்கிறார். "நான் மத்திய, மாநில அரசு விருதுகளை திருப்பி அளிக்கவில்லை. அப்படி பரவுவது என் கருத்து இல்லை" - #இசைஞானி #இளையராஜா #ilayaraja #ilayarajafansclub pic.twitter.com/3K2Yl50Ayn — Actor Kayal Devaraj (@kayaldevaraj) January 18, 2021
http://dlvr.it/RqsFqn

Read More

`மோடி ஜி, பாகிஸ்தானிடமிருந்து எங்களுக்கு சுதந்திரம் வேண்டும்' - சிந்து மாகாணத்தில் பேரணி

பாகிஸ்தானின் சிந்து மாகாணத்தில் 'சிந்தி' என அழைக்கப்படும் சமூகத்தினர் வசித்து வருகின்றனர். இம்மக்களின் நீண்ட நாள் கோரிக்கை 'சிந்துதேஷ்' தனிநாடு. சிந்து என்பது சிந்து சமவெளி நாகரீகத்தின், வேத மதத்தின் பிறப்பிடமாக பாவிக்கப்படுகிறது. இதை ஆங்கிலேயர்கள் ஆக்கிரமித்திருந்தனர். பின்னர், இந்தியா - பாகிஸ்தான் பிரிவினையின்போது அவர்கள் இந்தப் பகுதியை இஸ்லாமியர்களிடம் 1947-ல் ஒப்படைத்தனர். அப்போது முதலே சிந்துதேஷ் தனிநாடு கோரிக்கை எழுந்த வண்ணம் உள்ளது. சிந்து மாகாணம், பாகிஸ்தான் அரசின் கட்டுப்பாட்டின் கீழ் ஆட்சி செய்யப்பட்டு வருகிறது. ஆனால், தங்கள் பகுதியை பாகிஸ்தானில் இருந்து பிரித்து தனி நாடாக சிந்துதேஷ் ஆக மாற்ற வேண்டும் என்று சிந்தி மக்கள் தொடர்ந்து போராட்டங்களை முன்னெடுத்து வருகின்றனர். இவர்களுக்கு சிந்துதேஷ் புரட்சிகர ராணுவப்படை உட்பட சில அமைப்புகள் ஆதரவாக செயல்படுகின்றன. 1967-ல் முதன் முதலாக தனி சிந்துதேஷ் கேட்டு சிந்து மாகாணத் தலைவர் ஜிஎம் சையது, பீர் முகமது அலி ரஷ்டி ஆகியோரது தலைமையில் போராட்டம் தொடங்கப்பட்டது. இந்த நிலையில், நேற்று ஜிஎம் சையதுவின் 117-வது பிறந்த தினத்தையொட்டி பாகிஸ்தானிடமிருந்து சுதந்திரம் கோரி சிந்ததேஷ் போராட்டக்காரர்கள், இந்தியப் பிரதமர் நரேந்திர மோடி உள்ளிட்ட உலகத் தலைவர்கள் அடங்கிய படம் கொண்ட பதாகைகளை ஏந்தியபடி பேரணி நடத்தியது கவனத்தை ஈர்த்துள்ளது. சிந்து பகுதியிலுள்ள சான் (Sann) நகரில் இந்தப் பேரணி நடந்தது. பேரணியில் பதாகைகளுடன் சுதந்திர கோஷங்களை எழுப்பியும் போராடினர். ஒருவர் தான் கையில் வைத்திருந்த பதாகையில் `மோடி - பாகிஸ்தானிடமிருந்து எங்களுக்கு சுதந்திரம் வேண்டும்' என்றும் கூறியிருந்தனர். பேரணியின்போது செய்தியாளர்களிடம் பேசிய ஜெய் சிந்து முத்தாஹிதா மஹாஸின் தலைவர் ஷாஃபி முஹம்மது, ``சிந்தி மக்களின் வளமான கலாச்சாரம் மீதும் வரலாற்றின் மீதும் காட்டுமிராண்டித்தனமான தாக்குதல்களுக்குப் பின்பும் அதன் தனித்துவத்தைக் காப்பாற்ற போராடி வருகிறோம்" என்றார்.
http://dlvr.it/RqqYNs

Read More

`லாட்டரி எண் XG 358753; ரூ.12 கோடி பரிசு விழுந்தது யாருக்கு?’ - அதிர்ஷ்டசாலியைத் தேடும் கேரளம்!

கேரள அரசு சார்பில் ஓணம் பண்டிகை, மலையாளப் புத்தாண்டு, கிறிஸ்துமஸ் மற்றும் புத்தாண்டு, கோடைக்காலம் என ஒவ்வொரு சீஸனுக்கு ஏற்றாற்போல லாட்டரிச் சீட்டுகள் விற்பனை நடத்தி, குலுக்கல் மூலம் பரிசு வழங்கப்பட்டுவருகிறது. கிறிஸ்துமஸ் மற்றும் புத்தாண்டுப் பண்டிகையை முன்னிட்டு 12 கோடி ரூபாய் முதல் பரிசுகொண்ட லாட்டரிகளை கேரள அரசு விற்பனை செய்தது. ஒரு லாட்டரிச் சீட்டு 300 ரூபாய் என்ற கணக்கில் மொத்தம் 33 லட்சம் லாட்டரிச் சீட்டுகளைக் கேரள அரசு அச்சிட்டு விற்பனை செய்தது. அத்தனை லாட்டரி சீட்டுகளும் விற்றுத் தீர்ந்தன. இந்த லாட்டரியில் முதல் பரிசு 12 கோடி ரூபாய், இரண்டாம் பரிசு மூன்று கோடி ரூபாய். அது ஆறு பேருக்கு தலா 50 லட்சம் ரூபாய் என அறிவிக்கப்படிருந்தது. மூன்றாம் பரிசு 60 லட்சம் ரூபாய், ஆறு பேருக்கு தலா 10 லட்சம் ரூபாய் வீதம் வழங்கப்படும் எனவும், நான்காம் பரிசான 30 லட்சம் ரூபாயை, ஆறு பேருக்கு தலா ஐந்து லட்சம் ரூபாய் என்ற வீதத்தில் பிரித்து வழங்கப்படும் எனவும் அறிவிக்கப்பட்டிருந்தது. ஐந்தாம் பரிசாக 108 பேருக்கு தலா ஒரு லட்சம் ரூபாய் வழங்கப்படுகிறது. இது தவிர 1,000 ரூபாய் முதல் 5,000 ரூபாய் வரையிலான பரிசுகளும் உண்டு.கேரள லாட்டரி கிறிஸ்துமஸ் மற்றும் புத்தாண்டு பம்பர் லாட்டரிக் குலுக்கல் மூலம் பரிசு பெறுபவர்களைத் தேர்ந்தெடுக்கும் நிகழ்ச்சி நேற்று (ஜன.17) நடந்தது. லாட்டரிக் குலுக்கலில் முதல் பரிசுக்கான சீட்டை திருவனந்தபுரம் மாநகராட்சி மேயர் ஆர்யா ராஜேந்திரன் எடுத்தார். மேலும் ஆறு கோடி ரூபாய் முதல் பரிசுக்கான சம்மர் லாட்டரி சீட்டையும் ஆர்யா ராஜேந்திரன் வெளியிட்டார். முதல் பரிசான 12 கோடி ரூபாய் X G 358753 என்ற எண்கொண்ட லாட்டரிச் சீட்டுக்கு விழுந்திருக்கிறது. Also Read: `எப்போதாவது லாட்டரி சீட்டு வாங்குவேன்!' - ரூ.12 கோடி கிறிஸ்துமஸ் பம்பர் பரிசு வென்ற கேரளப் பழங்குடி நேற்று மதியம் குலுக்கல் முடிந்த நிலையில், நேற்று இரவு தாண்டிய பின்னரும் 12 கோடி ரூபாய் பரிசு விழுந்த லாட்டரிச் சீட்டை வாங்கியவர் யார் என்பது தெரியவரவில்லை. இந்த லாட்டரிச் சீட்டு கொல்லம் மாவட்டம், ஆரியங்காவு பகுதியிலுள்ள பரணி ஏஜென்சீஸ் என்ற லாட்டரி விற்பனை நிலையத்திலிருந்து விற்பனை செய்யப்பட்டிருக்கிறது. ஆரியங்காவு தமிழக எல்லைப்பகுதியில் அமைந்திருப்பதால் தமிழ்நாட்டைச் சேர்ந்த யாராவது இந்த லாட்டரிச் சீட்டை வாங்கியிருக்கலாம் என்று கருதப்படுகிறது.கிறிஸ்துமஸ் - புத்தாண்டு லாட்டரி அதிலும் கடந்த இரண்டு நாள்களுக்கு முன்புதான் இந்த லாட்டரிச் சீட்டு விற்பனை ஆகியிருப்பதாக அந்த ஏஜென்சியில் பணிபுரியும் ஊழியர் ஒருவர் தெரிவித்திருக்கிறார். கேரள அரசின் கிறிஸ்துமஸ் - புத்தாண்டு பம்பர் லாட்டரிப் பரிசுச் சீட்டில் முதல் பரிசான 12 கோடி ரூபாய் பெற்ற அதிர்ஷ்டசாலி யார் என கேரளமே தேடிக்கொண்டிருக்கிறது.
http://dlvr.it/RqpyXP

Read More

செங்கல்பட்டு டோல்கேட்: கூட்ட நெரிசலால் வாகன ஓட்டிகள் அவதி

செங்கல்பட்டு பரனூர் சுங்கச்சாவடியில் நெரிசல் அதிகரிப்பால் கட்டணம் வசூலிக்காமல் வாகனங்கள் அனுமதிக்கப்பட்டு வருகின்றன. பொங்கல் விடுமுறை முடிந்து ஒரே நேரத்தில் சென்னைக்கு மக்கள் திரும்பி வருவதால் சுங்கச்சாவடிகளில் கடும் போக்குவரத்து நெரிசல் ஏற்பட்டுள்ளது.குறிப்பாக செங்கல்பட்டு அருகேயுள்ள பரனூர் சுங்கச்சாவடியில் வாகனங்கள் குவியும்போது கட்டணம் தவிர்க்கப்பட்டும், நெரிசல் சற்று சரியானதும் மீண்டும் கட்டணம் வசூலிக்கப்பட்டும் வருகிறது. மேலும் நூற்றுக்கும் மேற்பட்ட காவல்துறையினர் கிட்டத்தட்ட 1 கி.மீ தூரத்திற்கு வாகன நெரிசலை சரிபடுத்தும் பணியில் ஈடுபடுத்தப்பட்டுள்ளனர். பொதுவாகவே அனைத்து நாட்களிலும் சுங்கச்சாவடிகளில் கட்டணம் வசூலிக்கப்படுவது வழக்கம். ஆனால் இதுபோன்ற கூட்டநெரிசல் நேரங்களில் மக்கள் நலன்கருதி கட்டணம் வசூலிப்பதை சற்று நிறுத்திவைக்கலாம் என பொதுமக்கள் சார்பில் கோரிக்கை வைக்கப்பட்டிருந்தது. அதற்கு பலனாக, தற்போது கூட்ட நெரிசல் நேரங்களில் மட்டும் பரனூர் சுங்கச்சாவடியில் கட்டணமின்றி வாகனங்கள் அனுமதிக்கப்பட்டு வருகிறது.
http://dlvr.it/RqnbWB

Read More

"உங்கள் பிரைவஸிக்கு நாங்கள் பொறுப்பு"- ஸ்டேட்டஸ் மூலம் விளக்கம் கொடுத்த வாட்ஸ்அப்

வாட்ஸ்அப் நிறுவனம் அதன் பயனர்களின் தரவுகளை ஃபேஸ்புக் நிறுவனத்துடன் பகிரும் விதமாக அதன் தனியுரிமை கொள்கைகளில் சில மாற்றங்களை முன்னெடுத்தது. அந்த கொள்கைகளுக்கு சம்மதம் கொடுக்காத பயனர்களின் கணக்குகள் வரும் பிப்ரவரி 8 ஆம் தேதியோடு முடக்கப்படும் எனவும் தகவல் வெளியாகி இருந்தது. இதையடுத்து சிக்னல், டெலிகிராம் மாதிரியான அப்ளிகேஷன்களை பயன்படுத்துமாறும் நெட்டிசன்கள் கருத்து தெரிவித்திருந்தனர். இந்நிலையில் அதற்கு விளக்கம் கொடுத்து செய்தித்தாள்களில் முதற்பக்கத்தில் விளம்பரம் கொடுத்திருந்தது வாட்ஸ்அப். தொடர்ந்து தனியுரிமை கொள்கை குறித்து பயனர்களுக்கு ஸ்டேட்டஸ் மூலமாகவும் வாட்ஸ்அப் நிறுவனம் விளக்கம் கொடுத்து வருகிறது.  ‘உங்கள் பிரைவஸிக்கு நாங்கள் பொறுப்பு’, ‘வாட்ஸ் அப்பில் எண்ட் டூ எண்ட் என்க்ரிப்ஷன் இருப்பதால் நாங்கள் உங்களது சேட்களை வாசிக்கவோ, கவனிக்கவோ முடியாது’, ‘உங்களது லொகேஷனையும் எங்களால் பார்க்க முடியாது’, ‘உங்களது போன் காண்டாக்ட் விவரங்களை ஃபேஸ்புக்குடன் வாட்ஸ் அப் பகிறாது’ என அந்த ஸ்டேட்டஸில் வாட்ஸ் அப் நிறுவனம் தெரிவித்துள்ளது.  WhatsApp is sending some official status updates: details available in the article.If you have received those status updates, where are you from? https://t.co/iCk2cB2mpu pic.twitter.com/Gzc3VNkST6 — WABetaInfo (@WABetaInfo) January 17, 2021 பயனர்கள் மற்றும் போட்டியாளர்களிடம் இருந்து கிளம்பிய அழுத்தமே இதற்கு காரணம் என சொல்லப்படுகிறது. டெஸ்லா, டெலிகிராம் மற்றும் Paytm மாதிரியான நிறுவனங்களின் தலைமை செயல் அதிகாரிகள் நேரடியாக வாட்ஸ்அப்பை விமர்சித்திருந்தனர். சிக்னல் அப்ளிகேஷன் பிளே ஸ்டார் மற்றும் ஆப்பிள் ஐ போன் ஸ்டோரிலும் டிரெண்டிங்கில் உள்ளது வாட்ஸ் அப்பின் தன்னிலை விளக்கத்திற்கு காரணம். 
http://dlvr.it/RqmCWS

Read More

மலபார் எக்ஸ்பிரஸ் ரயிலில் தீ விபத்து!

கேரளாவில் மலபார் எக்ஸ்பிரஸ் ரயிலின் சரக்கு பெட்டியில் தீவிபத்து ஏற்பட்டது. திருவனந்தபுரம் மாவட்டம் வர்கலா பகுதியில் சென்று கொண்டிருந்த மலபார் எக்ஸ்பிரஸ் ரயிலில் திடீரென தீபற்றியது. அதனால் அப்பகுதி முழுவதும் புகை மண்டலமாக காட்சியளித்தது. இதுகுறித்து தகவலறிந்து நிகழ்விடத்திற்கு வந்த தீயணைப்புத்துறை மற்றும் ரயில்வே துறை அதிகாரிகள் தீயை கட்டுக்குள் கொண்டு வந்தனர். இந்த விபத்தில் யாருக்கும் காயம் ஏற்படவில்லை என அதிகாரிகள் தரப்பில் தெரிவிக்கப்பட்டுள்ளது. Minor fire in Malabar express, near Varkala #Trivandrum pic.twitter.com/mJbGXUp3oO — Aashish (@aash_tvm) January 17, 2021
http://dlvr.it/RqlqBK

Read More

திடீர் மழையால் 'கருப்பான' பொங்கல்: நீரில் மூழ்கிய பயிர்கள்... வேதனையில் விவசாயிகள்!

திடீர் மழையால் பயிர்கள் நீரில் மூழ்கியதால் விவசாயிகள் வேதனையில் உள்ளனர். உலகுக்கே உணவிடும் விவசாயிகள், ஒருபடி நெல்லைக்கூட வயலில் இருந்து எடுக்கமுடியாமல் போன சோகத்தை அனுபவித்துக் கொண்டிருக்கின்றனர். இதுவரை காணாத அளவுக்கு அறுவடை நேரத்தில் தொடர் கனமழையை எதிர்கொண்டு பெரும் சேதத்தை சந்தித்துள்ளனர். புதுக்கோட்டை புதுக்கோட்டை மாவட்டத்தில் இந்த ஆண்டு நல்ல பருவமழை பெய்ததாலும், மேட்டூர் அணை 8 ஆண்டுகளுக்கு பிறகு குறித்த நேரத்தில் திறக்கப்பட்டதாலும் சுமார் 2.20 லட்சம் ஏக்கர் பரப்பளவில் இந்த ஆண்டு சம்பா சாகுபடி பணிகள் மேற்கொள்ளப்பட்டன. பொங்கல் பண்டிகையையொட்டி அறுவடைக்கு தயாராக இருந்த விவசாயிகளுக்கு கடந்த சில தினங்களாக பெய்த தொடர் மழை கண்ணீராக மாறியுள்ளது. புதுக்கோட்டை மாவட்டத்தில் தொடர் மழையால் சுமார் 60 ஆயிரம் ஏக்கருக்கு மேல் பயிரிடப்பட்டிருந்த நெற்பயிர்கள் நீரில் மூழ்கி முளைக்கத் தொடங்கியதால் என்ன செய்வதென்றே தெரியாமல் அம்மாவட்ட விவசாயிகள் தவித்து வருகின்றனர். வெள்ளம் பாதித்த பகுதிகளை மாவட்ட ஆட்சியர் உமா மகேஸ்வரியுடன் ஆய்வு செய்தப் பிறகு செய்தியாளர்களை சந்தித்த சுகாதாரத்துறை அமைச்சர் விஜயபாஸ்கர், தொடர்மழை காரணமாக புதுக்கோட்டை மாவட்டத்தில் இதுவரை 74 ஆயிரம் ஏக்கர் பரப்பில் பாதிப்பு ஏற்பட்டுள்ளதாக தெரிவித்தார். காவிரி வைகை குண்டாறு இணைப்புத் திட்டம் செயல்படுத்துவதற்கான அரசாணை வெளியிடப்பட்டு முதல் கட்டமாக 700 கோடி ரூபாய் நிலம் கையகப்படுத்துவதற்கு ஒதுக்கீடு செய்யப்பட்டு அதற்கான பணிகள் தற்போது தொடங்கி நடைபெற்று வருகிறது. நாகை நாகை மாவட்டம் திருமருகல் ஒன்றிய கிராமங்களில் அறுவடைக்குத் தயாராக இருந்த 10 ஆயிரம் ஏக்கருக்கு மேலான நெற்பயிர்கள், மழைநீரில் மூழ்கி மீண்டும் முளைத்தன. இதனால் புத்தரிசிக்கும், விதைநெல்லுக்கும் வழியில்லை என்று கடைமடை விவசாயிகள் கண்ணீர் விடுகிறார்கள். புதுப்பானையில் புத்தரிசியிட்டு பொங்கலை கொண்டாடுவதுதான் வழக்கம். ஆனால் கண்ணுக்கெட்டிய தூரம்வரை தண்ணீருக்குள் மூழ்கியிருக்கும் நெற்கதிர்களால் கடைமடை விவசாயிகளின் வாழ்வே மூழ்கி போயிருக்கிற நிலையில் புத்தரிசிக்கு எங்கே போவது? திருமருகல் ஒன்றியத்திற்குட்பட்ட நெய்க்குப்பை, கரம்பை, வேலங்குடி உள்ளிட்ட பல்வேறு பகுதிகளில் மட்டும் 10,000 ஏக்கருக்கும் மேற்பட்ட பரப்பளவில் நெற்கதிர்கள் அனைத்தும் மழை நீரால் அழுகி வருவதுடன் முளைத்தும் வீணாகிவிட்டன. கதிர் அறுக்கலாம், அறுவடை முடிந்து புத்தரிசியில் பொங்கல் கொண்டாடலாம் என்று எண்ணியிருந்த கடைமடை விவசாயிகளுக்கு ரேசன் கடைகளில் தமிழக அரசு வழங்கிய அரிசி மட்டுமே பொங்கலுக்கு கையிலிருக்கிறது என்று வருத்தம் தெரிவிக்கின்றனர். விளை நிலங்களின் நிலையைக் கண்டு தண்ணீரை கட்டுப்படுத்த மட்டுமல்ல கடைமடை விவசாயிகளின் கண்ணீரை கட்டுப்படுத்தவும் அணை தேவைதான். தஞ்சை தஞ்சை மாவட்டத்தில் பெய்து வரும் கனமழையால் ஒரத்தநாடு மற்றும் சுற்று வட்டாரப் பகுதிகளில் பயிரிடப்பட்ட கடலை, உளுந்து உள்ளிட்ட பயிர்கள் நீரில் மூழ்கி சேதம் அடைந்துள்ளன. தஞ்சை மாவட்டத்தில் தொடர்ந்து 4 நாட்களாக பெய்துவரும் கனமழையால் பட்டுக்கோட்டை, பேராவூரணி, அம்மாபேட்டை, கும்பகோணம் உள்ளிட்ட பகுதிகளில் ஆயிரக்கணக்கான ஏக்கரிலான நெற்பயிர்கள் நீரில் மூழ்கியுள்ளன. அறுவடைக்கு தயாராக இருந்த பயிர்கள் நீரில் மூழ்கி சேதமடைந்துள்ளன. ஏக்கருக்கு 20 ஆயிரம் ரூபாய்க்கு மேல் செலவு செய்தநிலையில் பெரும் நஷ்டம் ஏற்பட்டுள்ளதாக விவசாயிகள் தெரிவித்தனர். திருச்சி திருச்சி மாவட்டத்தில் தொடர் மழையால் சுமார் 5 ஆயிரம் ஏக்கர் அளவிலான நெற்பயிர்களும், 500 ஏக்கர் பரப்பளவிலான மானாவாரி பயிர்களும் வெள்ளத்தில் மூழ்கிவிட்டதாக வேளாண்துறை அதிகாரிகள் கூறியுள்ளனர். இடைவிடாத மழை காரணமாக அறுவடைக்குத் தயாராக இருந்த சம்பா நெற்பயிர்கள் நீரில் சாய்ந்து முளைக்கத் தொடங்கிவிட்டன. பயிர்கள் மழைநீரில் அழுகியதால் மகசூல் பாதியாக குறைந்துவிடும் என்று விவசாயிகள் கவலை தெரிவித்துள்ளனர். ஆகவே, வீணான பயிர்கள் குறித்து கணக்கிட்டு அரசு உரிய இழப்பீடு வழங்கிட வேண்டும் என்று விவசாயிகள் கேட்டுக் கொண்டுள்ளனர். இதனை சாகுபடி செய்ய ஏக்கர் ஒன்றுக்கு கோடை உழவுக்கு ₹3 ஆயிரம், தொழு உரம் போட ₹3 ஆயிரம், விதை நெல்லுக்கு ₹1 ஆயிரம், உரம் உள்ளிட்ட நாற்றங்கால் பராமரிப்புக்கு செலவு ₹1 ஆயிரம், நடவு நேர உழவுக்கு ₹5 ஆயிரம், நடவு கூலி ₹5 ஆயிரம், அடிஉரம், மேல்உரம் மற்றும் பூச்சிமருந்து செலவு ₹7 ஆயிரம், உரம் தெளிக்க கூலி மற்றும் களையெடுக்க கூலி ₹5ஆயிரம், அறுவடை கூலி ₹3 ஆயிரம், இரண்டு நடை டிப்பர் லாரி வாடகை ₹1ஆயிரம், தண்ணீர் பாச்ச ₹1ஆயிரம், 40 சணல் சாக்கு ₹3 ஆயிரம் என சுமார் ₹38 ஆயிரம் செலவு செய்கிறார்கள். நெல் நன்கு விளைந்தால் 60 கிலோ எடையுள்ள 40 மூட்டைகள் நெல் கிடைக்கும். இந்த மூட்டை ஒன்றை ₹700 முதல் ₹1200 வரை விற்பனை செய்ய விவசாயிகள் போராட வேண்டியுள்ளது. அரசு கொள்முதல் நிலையங்களில் ஒரு கிலோ மோட்டா ரக நெல்லுக்கு மத்திய அரசு 18 ரூபாய் 38 பைசாவும், மாநில அரசு 70 பைசாவும் வழங்குகிறது. அதேபோல ஒரு கிலோ சன்ன ரக நெல்லுக்கு மத்திய அரசு 18 ரூபாய் 88 பைசாவும், மாநில அரசு 70 பைசாவும் வழங்குகிறது. இதில் 17 விழுக்காட்டிற்கு மேல் நெல் ஈரப்பதத்துடன் இருந்தால், அதனை அரசு கொள்முதல் செய்யாது. அதற்கு குறைவான ஈரப்பதத்துடன் நெல் இருந்தால் அதனை மட்டுமே அரசு கொள்முதல் செய்கிறது. தற்போது தொடர் மழையின் காரணமாக அறுவடைக்கு தயாராக இருந்த சம்பா நெல் பயிர்கள் நீரில் சாய்ந்து முளைக்கத் தொடங்கிவிட்டன. பயிர்கள் தண்ணீரில் அழுகியதால் மகசூல் பாதியாக குறைய வாய்ப்புள்ளது. பாதிக்கப்பட்ட பயிர்களை உடனடியாக கணக்கிட்டு அரசு இழப்பீடு வழங்க வேண்டும் என விவசாயிகள் கோரிக்கை விடுத்துள்ளனர். புதுச்சேரி புதுச்சேரியில் தொடர்மழையால் பாதிக்கப்பட்ட விளைநிலங்களை முதல்வர் மற்றும் விவசாயத்துறை அமைச்சர் ஆகியோர் நேரில் ஆய்வு செய்தனர். நிவர் மற்றும் புரெவி புயலிலிருந்து தப்பிய விளை நிலங்கள், அண்மையில் பெய்த பெருமழையால் முற்றிலும் வெள்ளத்தில் மூழ்கின. இதனை மத்தியக்குழுவினர் பார்வையிட்டு ஆய்வுசெய்த நிலையில், முதலமைச்சர் நாராயணசாமி, வேளாண்துறை அமைச்சர் கமலக்கண்ணன், மற்றும் அதிகாரிகள் வயலில் இறங்கி ஆய்வு நடத்தினர். பாதிக்கப்பட்ட நெற்பயிர்களுக்கு அரசு உரிய இழப்பீடு வழங்க வேண்டுமென்று விவசாயிகள் முதலமைச்சரிடம் கோரிக்கை விடுத்தனர். பாதிப்புகள் குறித்து கணக்கெடுப்பு முடித்த பின்னர் நிவாரணம் வழங்க நடவடிக்கை எடுக்கப்படும் என்று முதலமைச்சர் உறுதி அளித்தார்.
http://dlvr.it/RqkqFQ

Read More