மஹாராஷ்டிரா: 'ஜூலையில் கொரோனா 3-வது அலை; எதிர்கொள்ளத் தயாராவோம்!'- முதல்வர் உத்தவ் தாக்கரே

நாட்டிலேயே கொரோனா தாக்கம் அதிகமுள்ள மாநிலமாக மகாராஷ்டிரா இருந்து வருகிறது. ஆக்சிஜன் பற்றாக்குறை, தடுப்பூசி பற்றாக்குறை என்ற நிலை இருந்து வருகிறது. இந்த இடைவெளியில் பாஜக உள்ளே புகுந்து அரசியல் செய்து கொண்டிருக்கிறது. கொரோனாவை கட்டுப்படுத்த மகாராஷ்டிராவில் ஏற்கனவே விதித்திருந்த கட்டுப்பாடுகளை வரும் மே 15ம் தேதி வரை அரசு நீட்டித்து இருக்கிறது. மும்பையில் மட்டும் ஓரளவுக்கு கொரோனா கட்டுக்குள் வந்திருக்கிறது. மாநில அளவில் தினத்தொற்று 60 ஆயிரத்தில் இருந்து 70 ஆயிரம் வரை இருந்து கொண்டிருக்கிறது.ராஜேஷ் தோபே கொரோனாவை கட்டுப்படுத்துவது குறித்து மகாராஷ்டிரா முதல்வர் உத்தவ்தாக்கரே மாவட்ட ஆட்சித்தலைவர்கள், மாநகராட்சி கமிஷனர்களுடன் முக்கிய ஆலோசனை நடத்தினார். இந்த ஆலோசனைக்கூட்டத்தில் பேசிய உத்தவ்தாக்கரே, மாவட்ட நிர்வாகம் ஆக்சிஜன் உற்பத்தி திட்டங்களை உடனே தொடங்கவேண்டும். கொரோனா சிகிச்சைக்கு தேவையான மருந்துகளை தேவையான அளவு கையிருப்பு வைக்கவேண்டும். கட்டுப்பாடுகள் மூலம் கொரோனா பரவல் ஓரளவு கட்டுப்படுத்தப்பட்டுள்ளது. ஆனால் கொரோனாவின் மூன்றாவது அலையை எதிர்கொள்ள மிகவும் கவனத்துடன் மாவட்ட நிர்வாகம் திட்டமிட வேண்டும் என்று கேட்டுக்கொண்டுள்ளார். பின்னர் முதல்வர் அலுவலகம் அனைத்து மாவட்ட ஆட்சி தலைவர்களுக்கு பிறப்பித்துள்ள உத்தரவில் முதல்வரின் உத்தரவை முழுமையாக அமல்படுத்தவேண்டும் என்று கேட்டுக்கொள்ளப்பட்டுள்ளது. மகாராஷ்டிராவில் கொரோனாவின் முன்றாவது அலை ஜூலை மற்றும் ஆகஸ்ட் மாதங்களில் இருக்கும் என்று மாநில சுகாதாரத்துறை அமைச்சர் ராஜேஷ் தோபே தெரிவித்துள்ளார். இது தொடர்பாக அவர் அளித்த பேட்டியில், "மருத்துவ வல்லுநர்கள் மகாராஷ்டிராவில் ஜூலை மற்றும் ஆகஸ்ட் மாதங்களில் கொரோனாவின் மூன்றாவது அலை இருக்கும் என்று கணித்துள்ளனர். எனவே அதற்குள் அதனை எதிர்கொள்ள மருத்துவ ஆக்சிஜனில் தன்னிரைவு அடைய முயன்று வருகிறோம். தற்போது இருக்கும் கொரோனா பாதிப்பு மே இறுதியில் குறையும். மாநிலம் முழுவதும் 125 ஆக்சிஜன் உற்பத்தி மையம் அமைக்க முதல்வர் உத்தரவிட்டிருக்கிறார். ஆக்சிஜன் பற்றாக்குறை என்ற புகார் வராமல் பார்த்துக்கொள்ளும்படி முதல்வர் மாவட்ட ஆட்சித் தலைவர்களிடம் கேட்டுக்கொண்டுள்ளார். ஆக்சிஜன் உற்பத்தி மையங்களை அமைக்க முயற்சித்துக்கொண்டிருக்கிறோம். அதோடு மாவட்ட மருத்துவமனைகளில் சிடி ஸ்கேன், எம்.ஆர்.ஐ.மெஷின் போன்றவை இருப்பதை உறுதி செய்து வருகிறோம். 18 வயது முதல் 44 வயது வரையிலானவர்களுக்கு கொரோனா தடுப்பூசி போடும் திட்டம் உடனடியாக தொடங்க வாய்ப்பு இல்லை. ஐந்து நாட்களுக்கு தேவையான 30 லட்சம் டோஸ் கையிருப்பு இருந்தால் மட்டுமே அதனை தொடங்க முடியும். தடுப்பூசிக்கு தேவையான பணத்தை அரசு கொடுக்க தயாராக இருக்கிறது. ஆனால் தடுப்பூசி தடையில்லாமல் கிடைக்கவேண்டும். போதுமான தடுப்பூசி கிடைத்தால் தினமும் 8 லட்சம் பேருக்கு தடுப்பூசி போட தேவையான கட்டமைப்பு வசதி மகாராஷ்டிராவில் இருக்கிறது என்று தெரிவித்தார். இதனால் மே மாத இறுதியில்தான் மகாராஷ்டிராவில் உள்ள 18 வயது நிரம்பியவர்களுக்கு தடுப்பூசி போடும் பணி தொடங்கும் என்று எதிர்பார்க்கப்படுகிறது.இதற்கிடையே மும்பையில் மே 2ம் தேதி வரை கொரோனா தடுப்பூசி போடப்படுவது நிறுத்தி வைக்கப்பட்டுள்ளது. போதிய அளவு தடுப்பூசி இல்லாத காரணத்தால் இம்முடிவு எடுக்கப்பட்டுள்ளதாக மாநகராட்சி நிர்வாகம் தெரிவித்துள்ளது. இதனால் மக்கள் தேவையில்லாமல் வரவேண்டாம் என்றும் கேட்டுக்கொண்டுள்ளது.
http://dlvr.it/Rylz2F

Read More

கொரோனா பாதித்த ஏழை குடும்பங்களுக்கு இலவச ரேஷன் பொருட்கள் தொகுப்பு: பஞ்சாப் முதல்வர்

பஞ்சாப் மாநிலத்தில் கொரோனா பாதித்த ஏழை குடும்பங்களுக்கு இலவச ரேஷன் பொருட்கள் தொகுப்பு வழங்கப்படும் என்று பஞ்சாப் முதல்வர் அம்ரீந்தர் சிங் தெரிவித்தார் பஞ்சாபில் கொரோனா பாதித்த ஏழை குடும்பங்களுக்கு இலவச ரேஷன் பைகளை மாநில அரசு விநியோகிக்கத் தொடங்கியுள்ளது. இதுவரை ஒரு லட்சம் பைகள் தயாரிக்கப்பட்டுள்ளதாகவும், தேவைப்பட்டால் அரசு மேலும் தயார் செய்யும் என்றும் பஞ்சாப் மாநில முதல்வர் அம்ரீந்தர் சிங் கூறினார். "கொரோனா பாதித்த ஏழை குடும்பங்களுக்கு 10 கிலோ கோதுமை மாவு, இரண்டு கிலோ சர்க்கரை மற்றும் இரண்டு கிலோ கொண்டைகடலை அடங்கிய உணவு ரேஷன் பைகளை விநியோகிக்கத் தொடங்கியுள்ளோம். இப்போது ஒரு லட்சம் பைகள் தயாரிக்கப்பட்டுள்ளன. தேவைப்பட்டால் நாங்கள் இன்னும் தயார் செய்வோம். மக்கள் தங்களை கவனித்துக் கொண்டு வீட்டிலேயே இருக்கவேண்டும் "என்று முதல்வர் அமரீந்தர் சிங் ட்வீட் செய்துள்ளார். பஞ்சாபில் தற்போது  53,426 பேர் கொரோனாவால் பாதிக்கப்பட்டு சிகிச்சை பெற்று வருகிறார்கள். மாநிலத்தில் இதுவரை 8,772 இறப்புகள் பதிவாகியுள்ளன.
http://dlvr.it/RykJ3x

Read More

மே 1ல் ஊரடங்கு அவசியமில்லை; மே 2ல் வழக்கம்போல் ஊரடங்கு அமல்: ஐகோர்ட்டில் தமிழக அரசு தகவல்

மே 1ல் ஊரடங்கு அவசியமில்லை என்றும் மே 2ல் வழக்கம் போல் ஞாயிறு பொது ஊரடங்கு அமலில் இருக்கும் என்றும் சென்னை உயர்நீதிமன்றத்தில் தமிழக அரசு தெரிவித்துள்ளது.  சென்னை உயர்நீதிமன்றத்தில் இன்று தமிழக அரசு சார்பில் ஆஜரான வழக்கறிஞர், “மே 1 ஆம் தேதி தொழிலாளர் தினம் என்பதால், அன்றைய தினம் விடுமுறையாக அறிவிக்கப்பட்டுள்ளது. அதனால் பெரும்பான்மையான மக்கள் அன்றையதினம் வெளியே வரவாய்ப்பில்லை. இது மட்டுமன்றி அன்றைய தினம் 18 +க்கு மே 1 முதல் கொரோனா தடுப்பூசி போடுவதால் முழு ஊரடங்கு தேவையில்லை” என கூறினார். மே 2 ஆம் தேதி வாக்கு எண்ணிக்கை நடைபெறுவதால் அன்று வாக்குமையத்திற்கு வரும் நபர்களுக்கு மட்டும் தேர்தல் ஆணையம் அறிவுறுத்திய வழிகாட்டுதல்களின் படி அனுமதிக்கப்படுவர். ஆகையால் ஊரடங்கு குறித்த முடிவை கள நிலவரமே முடிவு செய்யும் என்றார். ஆகையால் இது குறித்த முடிவை இரண்டு மாநில அரசுகளும் நாளை நீதிமன்றத்தில் தெரிவிக்குமாறு கூறி வழக்கை நீதிபதிகள் ஒத்திவைத்தனர்.   மே 2 ஊரடங்கு நாளில் வேட்பாளர்கள் முகவர்களுக்கு எந்தக்கட்டுப்பாடும் இல்லை எனவும் அதன் பின்னர் ஊரடங்கு நீட்டிக்கப்படும் என்றும் தமிழக அரசு அறிவிப்பு வெளியிட்டுள்ளது.  முன்னதாக, கொரோனா பரவலை தடுக்க மே 1, 2 ஆகிய தேதிகளில் ஊரடங்கு விதிக்க முடியுமா என தமிழக மற்றும் புதுச்சேரி மாநில அரசுகளை சென்னை உயர்நீதிமன்றம் கேட்டிருந்தது குறிப்பிடத்தக்கது. 
http://dlvr.it/RykJ0L

Read More

இந்தியாவில் ஒரே நாளில் கொரோனாவுக்கு 3,645 பேர் பலி - உயிரிழப்பு விகிதம் 1.12% ஆக உயர்வு

இந்தியாவில் கொரோனா தொற்று பாதிப்பால் ஒரே நாளில் 3,645 பேர் உயிரிழந்துள்ளதாக மத்திய சுகாதாரத்துறை வெளியிட்டுள்ள தகவலில் தெரியவந்துள்ளது. இதனால், கொரோனாவுக்கு உயிரிழந்தோர் எண்ணிக்கை 2,04,000 ஆக உயர்ந்துள்ளது. கொரோனாவால் குணமடைந்தோர் விகிதம் 82.33% ஆகவும், உயிரிழப்பு விகிதம் 1.12% ஆகவும் உள்ளது. நாடு முழுவதும் கொரோனா பாதித்து சிகிச்சை பெறுவோர் எண்ணிக்கை 30,84,814 ஆக உயர்ந்துள்ளது. இந்தியாவில் குணமடைந்தோர் எண்ணிக்கை 1,48,17,371லிருந்து 1,50,86,878 ஆக உயர்ந்துள்ளது. கடந்த 24 மணி நேரத்தில் தொற்று எண்ணிக்கை முன் எப்போதும் இல்லாத அளவாக 3 லட்சத்து 79 ஆயிரத்தை தொட்டது. இதுவரை இல்லாத அளவாக ஒரே நாளில் 2.69 லட்சம் பேர் குணமடைந்தனர். India reports 3,79,257 new #COVID19 cases, 3645 deaths and 2,69,507 discharges in the last 24 hours, as per Union Health Ministry Total cases: 1,83,76,524 Total recoveries: 1,50,86,878 Death toll: 2,04,832 Active cases: 30,84,814 Total vaccination: 15,00,20,648 pic.twitter.com/ak1MKYUW7R— ANI (@ANI) April 29, 2021
http://dlvr.it/Ryh0td

Read More

மாநில அரசுகளுக்கான கோவிஷீல்டு தடுப்பூசி விலை ரூ.100 குறைப்பு

மாநிலங்களுக்கான கோவிஷீல்டு தடுப்பூசி விலை ரூ.400லிருந்து ரூ.300ஆக குறைக்கப்படுவதாக சீரம் நிறுவனம் தெரிவித்துள்ளது. கோவிஷீல்டு தடுப்பூசி விலை உயர்வுக்கு பல்வேறு மாநிலங்கள் அதிருப்தி தெரிவித்த நிலையில் தற்போது 100 ரூபாய் குறைக்கப்பட்டுள்ளது. இதுகுறித்து சீரம் நிறுவனத்தின் தலைவர் ஆதார் பூனவாலா, ‘’மக்களுக்கு சேவை செய்யும் நோக்கத்தில், மாநில அரசுகளுக்கு ஒரு 400 ரூபாய்க்கு கொடுப்பதாக சொல்லியிருந்த தடுப்பூசியை 300 ரூபாயாகக் குறைக்கிறோம். இது மாநில அரசுகளின் கோடிக்கணக்கான நிதியை மிச்சப்படுத்தும். மேலும் அதிக தடுப்பூசிகளை வாங்கவும், எண்ணற்ற உயிர்களை காப்பாற்றவும் உதவும்’’ என்று கூறியுள்ளார். As a philanthropic gesture on behalf of @SerumInstIndia, I hereby reduce the price to the states from Rs.400 to Rs.300 per dose, effective immediately; this will save thousands of crores of state funds going forward. This will enable more vaccinations and save countless lives. — Adar Poonawalla (@adarpoonawalla) April 28, 2021 தனியார் நிறுவனங்களுக்கு ஒரு தடுப்பூசி ரூ.600க்கும், மாநில அரசுகளுக்கு ரூ.400க்கும் வழங்கப்படும் என கூறியிருந்த நிலையில், தற்போது மாநில அரசுகளுக்கு மட்டும் ரூ.100 குறைக்கப்பட்டுள்ளது. இதனால் 2 டோஸ் தடுப்பூசி போட்டுக்கொள்ளும் மக்களுக்கு ரூ.200 மிச்சமாகும் என கூறப்பட்டுள்ளது. கோவிஷீல்டு தடுப்பூசி விலையைக் குறைக்க மத்திய அரசும் ஏற்கெனவே பேச்சுவார்த்தை நடத்தியதாக தகவல் வெளியாகியுள்ளது.
http://dlvr.it/RyfKZc

Read More

தமிழகம் டாப், கேரளா பூஜ்யம்... கோவிட் தடுப்பூசிகள் வீணாவதை கேரளா எப்படி தடுக்கிறது?

நமது அண்டை மாநிலமான கேரளாவில் கொரோனா தடுப்பூசி வீண் செய்யப்படும் சதவிகிதம் என்பது பூஜ்யமாக இருக்கிறது. ஆனால் தமிழ்நாடோ, இந்தியாவில் கொரோனா தடுப்பூசிகளை வீணாக்கும் மாநிலங்களில் முதன்மையாக இருக்கிறது. மக்களிடையே விழிப்புணர்வை ஏற்படுத்தி, தடுப்பூசியின் பயன்களை தெரியப்படுத்துவதன் மூலமும், தடுப்பூசி மேலாண்மை குறித்து அரசு மருத்துவ ஊழியர்களிடம் பயிற்சி அளிப்பது மற்றும் தடுப்பூசியை மக்களிடம் கொண்டுபோய் சேர்ப்பதன் முக்கியத்துவத்தை உணர்ந்து செயல்படுவதன் மூலமாகவும் மட்டுமே கொரோனா தடுப்பூசிகள் வீணாவதைத் தடுக்க முடியும். சுகாதாரத்துறை அளித்திருக்கும் தகவலின்படி மார்ச் 17-ம் தேதி வரை இந்தியாவில் 6.5% கொரோனா வைரஸ் தடுப்பூசிகள் வீணாக்கப்பட்டுள்ளன. இது 4.4 மில்லியன் டோசஸுக்குச் சமம். கிட்டத்தட்ட திரிபுரா மாநிலத்தின் மக்கள் தொகையைவிட அதிகம். என்டிடிவியின் செய்தியின் படி ஏப்ரல் 11 வரை 100 மில்லியன் டோஸ்கள் போடப்பட்டுள்ளன. அப்போது வீணாக்கப்பட்ட தடுப்பூசியின் சதவிகிதம் 4.4% ஆகும். தடுப்பூசியை வீண் செய்வதைத் தடுப்பதற்கு ஒரே வழி அவற்றைப் பயன்படுத்துவதுதான். ஒரு தடுப்பூசி செட்டை திறக்கும் பட்சத்தில் அவற்றை 10 பயனாளர்களுக்காவது பயன்படுத்த வேண்டும். ஆனால், அவ்வாறு 10 பயனாளர்களும் இல்லாதபட்சத்தில், குறிப்பிட்ட நேரத்துக்கு மேல் அவற்றைப் பயன்படுத்துவது என்பது இயலாது. எனவே, அந்தக் குப்பிகளை அதிலிருக்கும் தடுப்பூசி மருந்துடன் தூக்கியெறிகின்றனர். இது குறித்து கூறிய இந்திய பொது சுகாதாரத்துறை அமைப்பின் தெற்கு மண்டல அதிகாரி ஸ்ரீனிவாஸ், ``குறிப்பிட்ட நேரத்துக்குள் குறைந்த வெப்பநிலையில் இருந்து வெளியில் எடுக்கப்படும் தடுப்பூசி குப்பிகள், ஒன்று முழுவதுமாகப் போடப்பட வேண்டும், அல்லது குறைந்த வெப்பநிலையில் வைக்கப்பட வேண்டும். ஆனால், அவ்வாறு செய்ய முடியாத நேரத்தில் அவை வீணாக்கப்படுகின்றன'' என்றார். மேலும் சுகாதாரத் துறையில் பணியாற்றும் சிலர் கூறுகையில், ``மக்களில் சிலர்தான் தடுப்பூசி எடுத்துக்கொள்ள வருகிறேன் எனப் பதிவு செய்கின்றனர், அவர்களை நம்பி நாம் குப்பிகளைத் திறந்து வைத்திருப்போம். ஆனால், அவர்கள் தடுப்பூசியின் மேல் இருக்கும் நம்பிக்கையின்மை காரணத்தால் திடீரென வராமல் இருந்துவிடுகின்றனர். இதனால் தடுப்பூசிகள் வீணாகின்றன'' என்றார். அதுமட்டுமல்லாமல் அனுபவம் இல்லாத பணியாளர்களால் அளவுக்கு அதிகமான தடுப்பூசிகள் எடுக்கப்பட்டு பின் அவை தேவையில்லை என வீணாடிக்கப்படுவதாகவும் கூறுகின்றனர். அரசு, மார்ச் 17 வரை தெலங்கானா (17.6%) அதிக அளவில் தடுப்பூசி வீணாக்கியுள்ளதாக பதிவு செய்துள்ளது. அதற்கடுத்து ஆந்திரா (11.6%), உத்தரப்பிரதேசம் (9.4%) எனப் பதிவு செய்துள்ளது. ஆனால், அடுத்த ஒரு மாதத்துக்குப் பிறகு, தமிழ்நாட்டில் (12%), ஹரியானா (9.7%), பஞ்சாப் (8.1%), மணிப்பூர் (7.8%) மற்றும் தெலங்கானா (7.6%) ஆகிய மாநிலங்கள் அதிகளவு தடுப்பூசிகளை வீணடித்துள்ளதாக என்டிடிவி அறிக்கை தெரிவித்துள்ளது. மேலும் என்டிடிவி அறிக்கையின்படி கேரளா, மேற்கு வங்காளம், இமாசலப் பிரதேசம், மிசோரம், கோவா, டாமன் / டையு, அந்தமான் நிக்கோபார் தீவுகள் மற்றும் லட்சத்தீவு போன்ற மாநிலங்கள் மற்றும் யூனியன் பிரதேசங்கள் `பூஜ்ய சதவிகிதம்' தடுப்பூசியை வீணாக்குகின்றன எனவும் அறிவித்துள்ளது.கொரோனா தடுப்பூசி முகாம் இருப்பினும், மத்திய அரசாங்கத்தின் வழிகாட்டுதல்கள் அனுமதித்துள்ள 10% அளவுக்குள்தான் மேற்கண்ட மாநிலங்களில் தடுப்பூசிகள் வீணாகின்றன என்பது குறிப்பிடத்தக்கது. ஆனால், மே 1-ம் தேதி முதல் 18 வயதுக்கும் மேற்பட்ட அனைவருக்கும் தடுப்பூசி போடப்படும் என்பதால் வீணாகும் தடுப்பூசியின் அளவு ஒரு சதவிகிதத்திற்கும் கீழ் குறையும் என எதிர்பார்க்கப்படுகிறது. ஏப்ரல் 20-ம் தேதி வரை, இந்தியா 130 மில்லியன் கொரோனா தடுப்பூசிகளை வழங்கியுள்ளது. மே 1 முதல் அனைத்து பெரியவர்களும் தடுப்பூசிக்கு தகுதியுடையவர்களாக இருப்பதால், அனைவரும் தடுப்பூசி செலுத்திக்கொள்ள வலியுறுத்தப்படுவார்கள். இதன் மூலம் வீணாவதைத் தடுக்க முடியும். ஏப்ரல் மாதத்தில் தடுப்பூசி வீணாக்கும் அளவு 1% க்கும் குறைவாக இருக்குமாறு பார்த்துக்கொள்ளும்படி மாநிலங்களை மத்திய அரசு வலியுறுத்தியுள்ளதுடன், வீணாவதைக் குறைப்பதன் மூலம் அதிகம் பேருக்கு தடுப்பூசிகளை செலுத்தலாம் எனவும் கூறியுள்ளது. கேரள அரசின் தடுப்பூசி மேலாண்மை! தடுப்பூசிகளை வீணாகமல் தடுப்பதற்கு கேரள அரசு பின்பற்றும் வழிமுறைகள் அனைத்து மாநில அரசுகள் மற்றும் அரசுக்கு சிறந்த பாடமாக இருக்கும். கேரளாவில் நன்கு பயிற்சி பெற்ற பணியாளர்கள், சமூக சேவையாளர்கள் மற்றும் ஆஷா பணியாளர்கள் மூலம் தடுப்பூசி குறித்த விழிப்புணர்வை மக்களிடையே ஏற்படுத்துகின்றனர். ``தடுப்பூசியை மேலாண்மை செய்வதிலும் அவர்கள் சிறப்பாக செயல்படுகின்றனர்" என்கிறார் பத்தனம்திட்டா மாவட்ட சுகாதார திட்ட (என்.ஹெச்.எம்) மேலாளர் அபே சுஷன். மேலும், ``பணியாளர்களிடம் தடுப்பூசி என்பது இன்னும் பற்றாக்குறையில் இருக்கும் விஷயம். அதனால் மாநிலத்தில் உள்ள அனைவருக்கும் அதைக் கிடைக்க வைப்பதில் உறுதியாக இருக்க வேண்டும் எனக் கூறினேன். அதை அவர்கள் சிரமேற்கொண்டு செயல்படுத்துகிறார்கள்" என்கிறார். அங்கு உள்ள ஆஷா பணியாளர்கள் ஒரு தடுப்பூசி செட்டை திறந்து அதை முழுவதும் பயன்படுத்தும் வகையில் ஆரம்ப சுகாதார நிலையங்களில் பயனாளர்களையும் தயார் செய்கின்றனர். அதாவது, 10 பேருக்கு ஒரு செட்டில் உள்ள தடுப்பூசியைப் பயன்படுத்த வேண்டும் என்றால் தடுப்பூசி போட்டுக்கொள்ளும் பயனாளர்களை முதலில் ஒருங்கிணைக்கின்றனர். அதன் பின்னரே தடுப்பூசிகளைத் திறந்து பயன்படுத்துகின்றனர். கொரோனா தடுப்பூசி மேலும் மாவட்ட அளவில் குடும்ப சுகாதார கணக்கெடுப்பின் அடிப்படையில் மாவட்ட நிர்வாகம் தரவுகளைப் பதிவு செய்து வருகிறது. அதன் அடிப்படையில் உதவி செவிலியர்கள் மற்றும் மகப்பேறு உதவி செவிலியர்கள் இணைந்து எந்த வார்டில் எவ்வளவு தடுப்பூசி போட வேண்டும் என ஒவ்வொரு முறையும் சொல்வதால் தடுப்பூசி வீணாக்கப்படுவது குறைக்கப்படுகிறது. ஒரு தடுப்பூசி செட்டைத் திறந்தால் அதைக் குறிப்பிட்ட நேரத்துக்குள் பயன்படுத்த வேண்டும் என்பதால் தற்போது ஒரு செட் என்பது 20 டோஸ்கள் என்பதிலிருந்து 10 டோஸ்களாகக் குறைக்கப்பட்டுள்ளது. கடந்த சில நாள்களாகத் தடுப்பூசி போட்டுக் கொள்வோரின் எண்ணிக்கை இரு மடங்காக அதிகரித்துள்ளது. ஒரு நாளைக்கு 600 பயனாளர்களுக்கு தடுப்பூசி போட வேண்டியிருப்பதால் 10 மணி நேரம் வரை கேரள அரசின் பணியாளர்கள் வேலை பார்க்கின்றனர் என பத்தினம்திட்டா மாவட்ட பொது மருத்துவமனையின் பொது சுகாதார ஆய்வாளர் கீதா குமாரி டி கூறுகிறார். மேலும், அவர் ``ஆரம்பத்தில் அச்சங்கள் இருந்தபோதிலும் பொது மக்களிடம் தற்போது விழிப்புணர்வு அதிகமாகியிருக்கிறது" என்கிறார். பணியாளர்களின் நல்ல திட்டமிடல் மற்றும் அவர்களுக்கு அளிக்கப்பட்டுள்ள பயிற்சியானது இங்கு தடுப்பூசிகள் வீணாவதைத் தடுக்கிறது. தடுப்பூசி போட்டுக்கொள்வதற்கு ஆன்லைனில் பதிவு செய்ய முடியாத பின்தங்கிய பயனாளிகளுக்கு நேரடியாக பதிவு செய்யவும் ஊக்குவிக்கப்படுகிறது. மத்திய அரசால் வழங்கப்பட்ட தடுப்பூசிகளை இவ்வளவு சிறப்பாகக் கையாண்டிருந்தாலும்கூட, கேரள அரசு தற்போது தடுப்பூசி பற்றாக்குறையை எதிர்கொள்கிறது. 18 வயதுக்கு மேற்பட்டவர்களுக்கு தடுப்பூசி போடப்படும் என்று மத்திய அரசு அறிவித்திருக்கும் வேலையில் மாநில அரசு, ஏப்ரல் 20 அன்று, 5 மில்லியன் தடுப்பூசிகள் வேண்டும் என மத்திய அரசுக்கு கோரிக்கை வைத்தது. ஆனால், தங்களுக்கு 5,50,000 டோஸ் மட்டுமே வழங்கப்பட்டுள்ளதாக மறுபடியும் மத்திய அரசுக்கு கடிதம் எழுதியுள்ளது. இந்தப் பற்றாக்குறை பயனாளிகள் தடுப்பூசியைப் பெறுவதைத் தடுக்கிறது எனக் கூறுகின்றனர். ராஜஸ்தான், தமிழ்நாடு, ஆந்திரா போன்ற மாநிலங்களில் இவை அப்படியே வேறுபட்டு இருக்கின்றன. தடுப்பூசிகள் வீணாவதில் முக்கிய காரணமாக இருக்கும் குளிர்சாதன பாதுகாப்பு என்பது ராஜஸ்தான் மாநிலத்தில் சிரமேற்கொண்டு செய்ய வேண்டிய செயலாகவே உள்ளது. அங்கு கிராமங்களுக்கு தடுப்பூசியை குளிர்சாதன பெட்டியில் வைத்து செவிலியர்களின் கணவர்கள்தான் தங்களது இருசக்கர வாகனத்தில் கொண்டு செல்கின்றனர். அதற்கு அவர்களுக்கு ரூ.150 வழங்கப்படுகிறது. தமிழகத்தில் என்ன நிலை என்பது குறித்து தென்காசியில் பணிபுரியும் பெயர் வெளியிட விரும்பாத சுகாதாரத்துறை அதிகாரி ஒருவரிடம் பேசியபோது, ``என்னுடைய கட்டுப்பாட்டில் இருக்கும் மையங்களில் 10 பேர் வந்தால் மட்டுமே தடுப்பூசிகளைத் திறக்கிறோம். இதனால் இங்கு தடுப்பூசிகள் வீணாவதில்லை. ஆனால், பிற மாவட்டங்களில் இந்த முறை பின்பற்றப்படுவதில்லை. தடுப்பூசி குறித்து பரப்பப்படும் தவறான தகவல்களே இப்படி தடுப்பூசிகள் வீணாவதற்குக் காரணம்" என்றார். மேலும் தடுப்பூசி போட்டுக்கொள்பவர்களிடம் அவர்களின் அண்டை வீட்டார், சுற்றத்தாரையும் அழைத்து வர வலியுறுத்துவதாகவும், ஒருவேளை குறிப்பிட்ட அளவிலான மக்கள் சுகாதார மையத்திற்கு அருகிலேயே இருந்தால் அவர்களின் இடத்திற்கே சென்றும் தடுப்பூசிகளை வழங்குவதாகவும் குறிப்பிட்டார். இந்தியாவில் மட்டுமல்ல உலகின் பிற நாடுகளிலும் தடுப்பூசி வீணாகும் பிரச்னை நிகழ்ந்துகொண்டிருக்கிறது. எடுத்துக்காட்டாக, தடுப்பூசி வெளியான முதல் மாதத்தில் - டிசம்பர் 8, 2020 முதல் ஜனவரி 8, 2021 வரை - ஃபைஸர் / பயோஎன்டெக் தடுப்பூசியின் 1,56,262 டோஸ்கள் அளவுக்கு வீணாகிவிட்டதாக இங்கிலாந்து தெரிவித்துள்ளது. ஜனவரி 26 வேல்ஸ்ஆன்லைன் அறிக்கையின்படி, வேல்ஸ் 0.3% அளவை வீணாக்கியுள்ளதாக அறிவித்தது. தற்போது கொரோனாவை கட்டுக்குள் கொண்டு வந்துள்ள இஸ்ரேல் நாட்டில் இதுபோன்று வீணாவதைத் தடுக்க, வயதானவர்களுக்கு போடப்பட்டு மீதமிருக்கும் தடுப்பூசியை மாலை நேரத்தில் இளைஞர்கள் போட்டுக்கொள்ளலாம் என அறிவித்தது. இதனால் அங்கு வீணாவது குறைந்துள்ளது. தடுப்பூசி வீணாக குப்பைக்குச் செல்வதை எவ்வாறு குறைக்க முடியும்? சுகாதார நிபுணர்களின் அறிவுறுத்தலின் படி, 1. இன்றைக்கு எவ்வளவு மக்கள் வருவார்கள், எவ்வளவு டோஸ்கள் தேவைப்படும் என்ற அளவுக்குத் திட்டமிட்ட பின்னரே முகாம்களில் தினசரி தடுப்பூசி போடும் பணிகளைத் தொடங்க வேண்டும். 2. 10 பயனாளிகள் வந்த பின்னரே தடுப்பூசி குப்பிகளைத் திறக்க வேண்டும். 3. சுகாதாரப் பணியாளர்களுக்கு தடுப்பூசிகளை எவ்வாறு மேலாண்மை செய்ய வேண்டும் என்பது குறித்து போதுமான பயிற்சி அளிக்கப்பட வேண்டும். 4. தடுப்பூசிகள் பற்றிய வதந்திகள் மற்றும் தவறான தகவல்களைக் கண்டிப்பாக கையாள வேண்டும் 5. தடுப்பூசி விநியோகத்தை உறுதி செய்வதற்கு அதற்குத் தேவையான குளிர்பதன வலையமைப்புகளை முறையாகப் பராமரிக்க வேண்டும்.IndiaSpend Source: - Shreehari Paliath / Indiaspend.org (Indiaspend.org is a data-driven, public-interest journalism non-profit/FactChecker.in is fact-checking initiative, scrutinising for veracity and context statements made by individuals and organisations in public life.தமிழில்: கௌசல்யா
http://dlvr.it/RyfKXq

Read More

ரெம்டெசிவிர் மருந்து கொரோனாவை கட்டுப்படுத்துமா? - தொற்றுநோய் மருத்துவ நிபுணர் விளக்கம்

ரெம்டெசிவிர் மருந்து கொரோனாவை கட்டுப்படுத்துமா என்று விரிவாக விளக்குகிறார் தொற்றுநோய் மருத்துவ நிபுணர் சுப்பிரமணியன். இதுபற்றி புதிய தலைமுறையிடம் பேசிய தொற்றுநோய் மருத்துவ நிபுணர் சுப்பிரமணியன் “உலக சுகாதார மையமே ரெம்டெசிவிர் மருந்து கொரோனா சிகிச்சைக்கு மிக முக்கியமான மருந்து என்று சொல்லவில்லை. அதுபோல ரெம்டெசிவிர் மருந்து கொரோனா உயிர்சேதத்தை குறைக்கும் என்பதற்கு எந்த ஆதாரமும் இல்லை. நாங்கள் ரெம்டெசிவிர் இல்லாமலேயே கொரோனா நோயாளிகளை சிறப்பாக குணப்படுத்தி வருகிறோம். ரெம்டெசிவிர் நல்ல மருந்துதான், ஆனால் ஸ்டீராய்டு அளவுக்கு முக்கியமாக மருந்து இல்லை. இந்த மருந்துக்காக மக்களிடம் பீதியை உருவாக்கவேண்டிய தேவை இல்லை.   ரெம்டெசிவிர் மருந்து குறைந்த நோய் அறிகுறிகளுடன், ஆக்சிஜன் தேவைப்படாத நோயாளிகள் அல்லது வீட்டிலேயே தனிமைப்படுத்திக்கொண்ட கொரோனா நோயாளிகளுக்கு பயன் தராது. அதேபோல மிகவும்  அதிக பாதிப்புடன் வெண்டிலேட்டரில் உள்ள நோயாளிகளுக்கும் இந்த மருந்து தேவைப்படாது. ஆக்சிஜன் செலுத்தும்போது சிலருக்கும் மட்டுமே  தேவைப்படலாம். எனவே இது குறித்து மக்கள் பயப்படவே தேவையில்லை. மத்திய சுகாதார அமைச்சகம் தனது ரெம்டெசிவிர் மற்றும் கொரோனா மருந்துகள் பற்றிய வழிகாட்டுதல்களை ஜூலை 2020-க்கு பிறகு புதுப்பிக்கவே இல்லை. நாட்டில் இத்தனைப் பெரிய நெருக்கடி நிலவும் சூழலில் இந்த வழிகாட்டுதல்களைக்கூட அமைச்சகம் புதுப்பிக்கவில்லை என்பதால் மருத்துவர்களுக்கு ரெம்டெசிவர் பற்றிய புரிதல் இல்லை. எனவே இது அந்த அமைச்சகத்தின் குறைபாடுதான்” எனத் தெரிவித்தார்
http://dlvr.it/Ryc2pK

Read More

வாட்ஸ்அப்: `ஆட்சேபகரமான பதிவு; குரூப் அட்மின் பொறுப்பல்ல!’ - மும்பை உயர் நீதிமன்றம் சொல்வதென்ன?

வாட்ஸ்அப் குரூப்களில் வெளியாகும் ஆட்சேபகரமான பதிவுகளுக்கு குரூப் அட்மின்கள்தான் பொறுப்பு என்று கூறி அவர்கள் மீது போலீஸார் நடவடிக்கை எடுத்து வருகின்றனர். வாட்ஸ்அப் குரூப்களில் பதிவிடப்படும் தகவல்கள் பெரிய அளவில் சண்டையில் போய் முடிந்துவிடுவதும் உண்டு. வன்முறையை தூண்டும் மற்றும் ஆட்சேபகரமான பதிவுகள் வெளியிடப்படும் பட்சத்தில் குரூப் அட்மின் மீது போலீஸார் வழக்குப் பதிவு செய்து நடவடிக்கை எடுக்கின்றனர். அது போன்ற ஒரு வழக்கு மகாராஷ்டிரா மாநிலம் கோண்டியாவில் பதிவு செய்யப்பட்டது. கிஷோர்(33) என்பவர் ஒரு வாட்ஸ்அப் குரூப் உருவாக்கி இருந்தார். அக்குரூப்பில் இருந்த ஒரு உறுப்பினர் மற்றொரு பெண் உறுப்பினருக்கு எதிராக ஆட்சேபகரமான மற்றும் ஆபாசமான பதிவுகளை பதிவிட்டார். இதையடுத்து அந்த நபர் மீது நடவடிக்கை எடுக்கும்படி அப்பெண் குரூப் அட்மின் கிஷோரிடம் கேட்டுக்கொண்டார்.வாட்ஸ் அப் சித்தரிப்பு ஆனால் அவர் நடவடிக்கை எடுக்காமல் இருந்ததோடு குரூப்பில் இருந்து ஆட்சேபகரான தகவல்களை பதிவிட்ட நபரை நீக்கவும் இல்லை. இதையடுத்து சம்பந்தப்பட்ட பெண் போலீஸில் புகார் செய்தார். போலீஸார் குரூப் அட்மின் கிஷோர் மீது தகவல் தொழில் நுட்ப சட்டத்தின் கீழ் வழக்குப் பதிவு செய்தனர். இவ்வழக்கை ரத்து செய்யக்கோரி கிஷோர் மும்பை உயர் நீதிமன்றத்தின் நாக்பூர் கிளையில் வழக்கு தொடர்ந்தார். இவ்வழக்கு நீதிபதிகள் ஏ.ஹாக் மற்றும் பி.போர்கர் ஆகியோர் அடங்கிய அமர்வு முன்பு விசாரணைக்கு வந்தது. போலீஸார் தரப்பில் ஆஜரான வழக்கறிஞர், `வாட்ஸ்அப் குரூப் அட்மின் கிஷோர் பெண் உறுப்பினருக்கு எதிராக ஆட்சேபகரமான பதிவுகளை பதிவிட்ட உறுப்பினர் மீது நடவடிக்கை எடுக்க தவறிவிட்டார். அதோடு அந்த உறுப்பினரை குரூப்பில் இருந்து நீக்காமல் இருந்ததோடு, அவரை பெண் உறுப்பினரிடம் மன்னிப்பு கேட்கும்படி கேட்டுக்கொள்ள தவறிவிட்டார்’ என்று குறிப்பிட்டார். இதனையடுத்து இவ்வழக்கு விசாரணையின் இறுதியில் கிஷோர் மீதான வழக்கை தள்ளுபடி செய்து உத்தரவிட்ட நீதிபதிகள், `வாட்ஸ்அப் குரூபில் ஒரு உறுப்பினர் பதிவிடும் தகவல்களுக்கு குரூப் அட்மின் பொறுப்பாக முடியுமா என்பதுதான் இப்போது கேள்வியாக இருக்கிறது. மொபைல் ஆப்பில் இயங்கும் வாட்ஸ்அப் குரூப்பில் உறுப்பினரை நீக்கவும், சேர்க்கவும் அட்மினுக்கு குறிப்பிட்ட அதிகாரம் மட்டுமே இருக்கிறது. குரூப் தொடங்கப்பட்டு விட்டால் அதில் உள்ள உறுப்பினர்கள் தகவல்களை குரூப்பில் பகிர்ந்துகொள்ள முடிகிறது. அட்மினுக்கு உறுப்பினர்களை சேர்க்கவோ அல்லது நீக்கவோ மட்டுமே முடியும். ஆனால் அதில் வரக்கூடிய தகவல்களை பதிவிடுவதற்கு முன்பு தணிக்கை செய்யும் அதிகாரம் குரூப் அட்மினுக்கு கிடையாது. வாட்ஸ்அப் குரூப்பில் இது போன்ற ஆட்சேபகரமான தகவல்களை பதிவிடும் தகவல்களுக்கு அதனை பதிவிட்ட உறுப்பினர்தான் பொறுப்பாகும். அவர் மீது தான் நடவடிக்கை எடுக்க முடியும். குரூப் அட்மின் அதற்கு பொறுப்பாக முடியாது” என்று கூறி வழக்கை தள்ளுபடி செய்தனர். மும்பை உயர் நீதிமன்றத்தின் இத்தீர்ப்பு மிகவும் முக்கியத்துவம் வாய்ந்ததாக கருதப்படுகிறது. இத்தீர்ப்பு மூலம் வாட்ஸ்அப் குரூப் அட்மின்கள் மிகவும் மகிழ்ச்சி அடைந்துள்ளனர். தற்போது சமூக வலைத்தளங்களில் வெளியாகும் தகவல்களை தணிக்கை செய்ய எந்தவித வசதியும் இல்லை. ஆனால் இப்பதிவுகளை மத்திய அரசு தொடர்ந்து கண்காணித்து வருகிறது. அரசுக்கு எதிரான மற்றும் மத உணர்வுகளை தூண்டும் விதமான, வன்முறையை தூண்டும் விதமான பதிவுகள் வந்ததால் அதனை அரசு தடை செய்து வருகிறது.
http://dlvr.it/RyZLB4

Read More

`மொட்டை மாடியில காய்கறித் தோட்டம் போடலாம்!' - இயற்கை விவசாயத்திற்கு அழைக்கும் மோகன்லால்

மலையாள சூப்பர் ஸ்டார் மோகன்லால் கடந்த 25-ம் தேதி தனது முகநூல் பக்கத்தில் ஒரு வீடியோ பதிவிட்டுள்ளார். சுமார் 3.34 நிமிடங்கள் ஓடும் அந்த வீடியோவில் மோகன்லால் தலையில் வெள்ளை நிற துண்டை கட்டியும், இடுப்பில் கறுப்பு நிற வேட்டியை மடித்துக்கட்டிவிட்டுக்கொண்டு விவசாயியைப் போன்று மாஸ் எண்ட்ரி கொடுக்கிறார். பின்னர் பைப்பை எடுத்து காய்கறிச் செடிகளுக்குத் தண்ணீர் தெளிக்கிறார் மோகன்லால். அடுத்ததாக ட்ரே மற்றும் கத்தரிக்கோல் சகிதமாக தோட்டத்துக்குள் சென்று தக்காளி, கத்திரிக்காய், சுரைக்காய் எனக் காய்கறிகளைப் பறித்து ட்ரேயை நிரப்புகிறார். ``இது விதைக்காக விடப்பட்ட பாகற்காய். இதை நன்றாக உலர்த்தி அதன் விதையை எடுத்து நடவு செய்வோம்" எனக் கூறியபடி பழுத்த பாகற்காயைப் பறிக்கிறார் மோகன்லால்.இயற்கை முறையில் விளைவிளைந்த கத்திரிக்காய் பறிக்கும் மோகன்லால் பயிறு, பாகற்காய், சுரைக்காய், பூசணிக்காய், தக்காளி, வெண்டைக்காய், பச்சை மிளகு, மரவள்ளிக் கிழங்கு எனப் பலவகை காய்கறிகள் இயற்கை முறையில் விவசாயம் செய்துள்ளது குறித்து விவரித்துள்ளர் மோகன்லால். களைகள் வளருவதைத் தவிர்க்கும் விதமாகத் தரையில் ஷீட் விரிக்கப்பட்டு, தொட்டியில் பெரும்பாலான காய்கறி செடிகள் நடப்பட்டுள்ளன. அந்த வீடியோவில் பேசியிருக்கும் மோகன்லால், ``எர்ணாகுளம் எளமக்கரையில் உள்ள எனது வீடு இது. கடந்த நான்கைந்து ஆண்டுகளாக இந்த சிறிய இடத்திலிருந்து எங்களுக்கு தேவையான காய்கறிகளை விளைவித்து எடுக்கிறோம். பாவைக்காய், பயறு, வெண்டைக்காய், தக்காளி, பச்சை மிளகு, சுரைக்காய், பூசணிக்காய், பீர்க்கங்காய், சோளம் எல்லாம் உண்டு.விதைக்கு விட்ட பாகற்காயுடன் மோகன்லால் சிறிய இடத்தில் இருந்து நமக்கு அவசியமான எல்லா காய்கறிகளும் விளைவிளைவிக்கலாம். அதற்கு அனைவரும் தயாராக வேண்டும். இடம் இல்லாதவர்கள் மொட்டை மாடியில் காய்கறித் தோட்டம் அமைக்கலாம். நாங்கள் புதிதாக சைனீஸ் மிளகு போன்றவை நடவு செய்ய இருக்கிறோம். காலையில் செடிகளுக்குத் தண்ணீர் விடுவது மிகவும் சந்தோஷமாக இருக்கும். நான் இங்கு வரும்போது இந்தத் தோட்டத்தில் விளைவிக்கும் காய்கறிகளைப் பயன்படுத்துவேன்" எனக் கூறும் மோகன் லால் சில செடிகள் குறித்து அவரது தோட்டத்தைப் பராமரிக்கும் தாஸ் என்பவரிடம் சில செடிகள் குறித்து கேட்டு தெரிந்துகொள்கிறார். கடைசியாக ஒரு தக்காளிச் செடியை நட்டு வைக்கும் மோகன்லால், ``நாற்பது - நாற்பத்தி ஐந்து நாள்களில் இதிலிருந்து தக்காளி பறிக்கலாம்" எனக்கூறுவதுடன் அந்த வீடியோ நிறைவடைகிறது. Organic Farming during lockdown at my home. Thanks to my Team behind the lockdown videos. Introducing the team members...Posted by Mohanlal on Saturday, April 24, 2021 கேரள மாநிலத்தில் மாடித்தோட்டம் மற்றும் இயற்கை விவசாயத்துக்காக அம்மாநில அரசு முக்கியத்துவம் அளிக்கிறது. அதிலும் விவசாய விளைபொருள்களுக்கு குறைந்தபட்ச ஆதார விலை நிர்ணயம் செய்துள்ளது கேரள அரசு. மேலும் அரசு சார்பில் காய்கறி கொள்முதல் நிலையங்களும், விற்பனை நிலையங்களும் ஏற்படுத்தப்பட்டுள்ளன. இதற்காக ஆன்லைன் போர்ட்டல்கள் ஏற்படுத்தப்பட்டுள்ளன. அதிலும் கடந்த கொரோனா லாக்டெளன் சமயத்தில் இருந்தே கேரளம் முழுவதும் மாடித்தோட்டம் மற்றும் வீட்டுத்தோட்டம் அமைப்பது அதிகரித்து வருவது குறிப்பிடத்தக்கது.
http://dlvr.it/RyZL9X

Read More

"கொரோனா பரவலுக்கு தேர்தல் ஆணையமே காரணம்"-சென்னை உயர் நீதிமன்ற கருத்துக்கு மம்தா வரவேற்பு

கொரோனா பரவல் தொடர்பாக தேர்தல் ஆணையத்திற்கு கண்டனம் தெரிவித்த சென்னை உயர்நீதிமன்றத்தின் கருத்தை மம்தா பானர்ஜி வரவேற்றுள்ளார்.கரூர் தொகுதி வாக்கு எண்ணிக்கைக்கான ஏற்பாடுகள் தொடர்பாக அமைச்சர் எம்.ஆர்.விஜயபாஸ்கர் தாக்கல் செய்த பொதுநல வழக்கை சென்னை உயர்நீதிமன்றத்தின் தலைமை நீதிபதி சஞ்சிவ் பானர்ஜி, செந்தில்குமார் ராமமூர்த்தி அமர்வு நேற்று விசாரித்தது. அப்போது கொரோனா பரவல் தொடர்பாக தேர்தல் ஆணையத்திற்கு நீதிபதிகள் கடும் கண்டனம் தெரிவித்தனர். கொரோனா வேகமாக பரவிய நிலையில், அரசியல் கட்சிகள் பேரணிகள், கூட்டங்கள் நடத்துவதற்கு தேர்தல் ஆணையம் அனுமதித்ததை சுட்டிக்காட்டிய நீதிபதிகள், கொரோனா இரண்டாவது அலை பரவலுக்கு தேர்தல் ஆணையமே காரணம் என்றும் சாடினர். சென்னை உயர்நீதிமன்றத்தின் இந்த கருத்தை மேற்கு வங்காள முதலமைச்சர் மம்தா பானர்ஜி வரவேற்று உள்ளார். வடக்கு கொல்கத்தாவில் நேற்று நடந்த கட்சியின் செயல்வீரர்கள் கூட்டத்தில் மம்தா பேசுகையில், ''சென்னை உயர்நீதிமன்ற உத்தரவை நான் வரவேற்கிறேன். தேர்தல் ஆணையம் தனது பொறுப்பில் இருந்து தப்பிக்க முடியாது என்பதை மிகவும் தெளிவாக எடுத்துரைத்திருக்கிறது. மேற்கு வங்காளத்தில் தேர்தல் நடத்திய முறை குறித்து, வாக்குப்பதிவு அனைத்தும் முடிந்ததும் தேர்தல் ஆணையத்திற்கு எதிராக உச்ச நீதிமன்றத்தில் வழக்கு தொடருவோம். மாநிலத்தில் தொற்று அதிகரித்து இருக்கும் நிலையிலும் கடைசி சில கட்ட தேர்தல்களை இணைத்து நடத்துவதற்கு தேர்தல் ஆணையம் நடவடிக்கை எடுக்கவில்லை. மேற்கு வங்கத்தில் கொரோனாவால் ஏற்பட்டுள்ள தற்போதைய நெருக்கடியான சூழலுக்கு பிரதமர் மோடியும், தேர்தல் ஆணையமுமே காரணம்'' என்று கூறினார். 
http://dlvr.it/RyX8sx

Read More

“ஸ்டெர்லைட் ஆலை திறப்பு குறித்த முரணான முடிவை ஒவ்வாமையுடன் ஏற்கிறோம்” - திருமாவளவன்

ஸ்டெர்லைட் ஆலை திறப்பு குறித்த முரணான முடிவை ஒவ்வாமையுடன் ஏற்கிறோம் என விடுதலை சிறுத்தைகள் கட்சி தலைவர் திருமாவளவன் தெரிவித்துள்ளார்.  இந்தியாவில் நிலவும் ஆக்சிஜன் பற்றாக்குறையை போக்க, தூத்துக்குடியில் மூடப்பட்டுள்ள ஸ்டெர்லைட் ஆலையை திறந்து அதில் ஆக்சிஜன் உற்பத்தியை தொடங்கலாம் என தமிழக முதல்வர் தலைமையில் நடைபெற்ற அனைத்துக் கட்சி கூட்டத்தில் முடிவு செய்யப்பட்டுள்ளது. இது குறித்து ட்விட்டரில் அறிக்கை வெளியிட்டுள்ள விடுதலை சிறுத்தைகள் கட்சித் தலைவர் திருமாவளவன், அனைத்து கட்சிக் கூட்டம் என்ற பெயரில் அங்கீகரிக்கப்பட்ட கட்சிகளை மட்டும் அழைத்தது ஏன் என்று கேள்வி எழுப்பியுள்ளார். மேலும், “ஸ்டெர்லைட் ஆலையில் ஆக்சிஜன் உற்பத்திக்கு மட்டும் அனுமதிக்கலாம் என்ற முடிவு நெருடலாகவும் உறுத்தலாகவும் உள்ளது. எனினும் அனைத்துக் கட்சிகளின் முடிவு என்ற வகையில் அம்முடிவுக்கு உடன்படுகிறோம். பொதுமக்களின் உயிரை காக்க வேண்டும் என்ற நோக்கத்தில் மேற்கொள்ளப்பட்டிருக்கும் இந்த முரணான முடிவை ஒவ்வாமையுடன் ஏற்கும். அதே வேளையில் ஸ்டெர்லைட் ஆலையை நிரந்தரமாக திறப்பதற்கு இது வழிவகுத்துவிடக் கூடாது” என்று அதில் குறிப்பிட்டுள்ளார்.
http://dlvr.it/RyVXmp

Read More

பத்திரிகையாளரின் சிகிச்சை.. யோகி ஆதித்யநாத்துக்கு பினராயி விஜயன் கடிதம்!-யார் இந்த சித்திக் காப்பன்?

கேரளாவின் மலப்புரம் மாவட்டத்தில் உள்ள வெங்கரா என்ற ஊரைச் சேர்ந்தவர் சித்திக் காப்பன். பத்திரிகையாளரான இவர், கேரளா உழைக்கும் பத்திரிகையாளர் சங்கத்தின் செயலாளராக இருக்கிறார். உத்தரப் பிரதேச மாநிலம் ஹத்ராஸில் தலித் பெண் ஒருவர் கூட்டு வல்லுறவுக்கு ஆளாக்கப்பட்டு கொலை செய்யப்பட்ட சம்பவம் கடந்த ஆண்டு அக்டோபர் மாதம் தேசிய அளவில் பெரும் அதிர்ச்சியையும் பரபரப்பையும் ஏற்படுத்தியது. அந்த சம்பவம் தொடர்பாக செய்தி சேகரிக்க ஹத்ராஸ் சென்ற பத்திரிகையாளர் சித்திக் காப்பனை, உத்தரப் பிரதேச போலீஸார் கைது செய்தனர்.ஹத்ராஸில் கொல்லப்பட்ட பெண் அவருடன் மேலும் மூன்று பேர் கைது செய்யப்பட்டனர். அந்த மூன்று பேர் பாப்புலர் ஃபிரன்ட் ஆஃப் இந்தியா அமைப்பைச் சேர்ந்தவர்கள் என்றும், பாப்புலர் ஃபிரன்ட் ஆஃப் இந்தியா அமைப்புடன் சித்திக் காப்பனுக்கு தொடர்பு இருக்கிறது என்றும் குற்றம்சாட்டி அவரை மதுரா சிறையில் அடைத்தனர். அவர் மீது சட்டவிரோத நடவடிக்கைகள் தடுப்புச் சட்டம் (உபா) பாய்ந்தது. சித்திக் காப்பன் குற்றமற்றவர் என்றும் அவரை உடனடியாக விடுதலை செய்ய வேண்டும் என்றும் கேரளா உழைக்கும் பத்திரிகையாளர் சங்கம் கோரியது. அது தொடர்பாக, அந்த சங்கத்தின் சார்பில் உச்ச நீதிமன்றத்தில் மனு ஒன்றும் தாக்கல் செய்யப்பட்டது. அந்த வழக்கு கடந்த நவம்பரில் விசாரணைக்கு வந்தபோது, சித்திக்கை சிறையில் சந்திப்பதற்கு அவரின் வழக்கறிஞருக்கு அனுமதி வழங்கப்பட்டது. அதையடுத்து, சித்திக்கை அவரின் வழக்கறிஞர் சிறையில் சந்தித்தார். அப்போது, அவர்களுக்கு இடையிலான அரை மணி நேர உரையாடல் குறித்த பிரமாணப் பத்திரத்தில், “கடந்த அக்டோபர் 6,7 ஆகிய தேதிகளில் சித்திக் காப்பனை மூன்று முறை காவலர்கள் தாக்கினர். மூன்று முறை கண்ணத்தில் அறைந்து, அவரை இழுத்துச்சென்றனர். அவரை உளவியல் ரீதியாக சித்ரவதை செய்துள்ளனர்” என்று குறிப்பிடப்பட்டது.யோகி ஆதித்யநாத் உ.பி அரசு சார்பில் தாக்கல் செய்யப்பட்ட பிரமாணப் பத்திரத்தில், “சித்திக் காப்பான், பாப்புலர் ஃபிரன்ட் ஆஃப் இந்தியா அமைப்பின் அலுவலகச் செயலாளர். கேரளாவைச் சேர்ந்த தேஜஸ் என்ற பத்திரிகை நிறுவனத்தில் பணிபுரிவதாகக் கூறி அடையாள அட்டையை அவர் காண்பித்தார். ஆனால், அந்த நிறுவனம் 2018-ம் ஆண்டிலேயே மூடப்பட்டுவிட்டது” என்று குறிப்பிடப்பட்டது. கேரளா உழைக்கும் பத்திரிகையாளர் சங்கத்தின் தரப்பில் தாக்கல் செய்யப்பட்ட பிரமாணப் பத்திரத்தில், சித்திக் காப்பன் பாப்புலர் ஃபிரன்ட் ஆஃப் இந்தியா அமைப்பின் அலுவலகச் செயலாளர் என்ற குற்றச்சாட்டு மறுக்கப்பட்டது. சித்திக் காப்பனின் மனைவியான ரைஹாந்த் காப்பன். தன் கணவரை விடுதலை செய்ய கேரள அரசு நடவடிக்கை எடுக்க வேண்டும் என்றும், உ.பி முதல்வர் யோகி ஆதித்யநாத்திடம் இது தொடர்பாக கேரள முதல்வர் பினராயி விஜயன் பேச வேண்டும் என்றும் கோரிக்கை வைத்தார். மேலும், தன் கணவரை விடுதலை செய்ய நடவடிக்கை எடுக்க வேண்டும் என்று வலியுறுத்தி திருவனந்தபுரத்தில் தலைமைச்செயலகம் எதிரே தர்ணா போராட்டத்திலும் அவர் ஈடுபட்டார். அவருடன், சித்திக்கின் மூன்று பெண் குழந்தைகள், சித்திக்கின் சகோதரர் மற்றும் இரண்டு சகோதரிகள் உள்ளிட்ட குடும்பத்தினரும் உறவினர்களும் தர்ணாவில் ஈடுபட்டனர்.பினராயி விஜயன் “என் கணவர் எந்தத் தவறும் செய்யவில்லை. அவரை பல மாதங்களாக சிறையில் அடைத்துவைத்துள்ளனர். உத்தரப் பிரதேச முதல்வர் யோகி ஆதித்யநாத்திடம் பேசி, என் கணவரை விடுதலை செய்வதற்கான முயற்சியை கேரள முதல்வர் பினராயி விஜயன் மேற்கொள்ள வேண்டும்” என்று என்று ரைஹாந்த் தொடர்ந்து வலியுறுத்திவந்தார். இந்த நிலையில், சித்திக் காப்பன் கொரோனா தொற்றுக்கு ஆளாகி, மதுராவில் உள்ள ஒரு மருத்துவமனையில் அனுமதிக்கப்பட்டுள்ளார். அவரது உடல் நிலை மோசமாக இருப்பதாக அவரது குடும்பத்தினர் கவலையுடன் தெரிவித்துள்ளனர். மேலும், மருத்துவமனையில் இரும்பு சங்கிலியால் கட்டிலுடன் சித்திக் பிணைத்துவைக்கப்பட்டுள்ளார் என்ற அதிர்ச்சித் தகவலையும் அவர்கள் வெளியிட்டுள்ளனர். “என் கணவர் தவறு செய்திருந்தால், அதற்கான ஆதாரத்தை உ.பி போலீஸ் தாக்கல் செய்யப்பட்டும். எந்த ஓர் ஆதாரமும் இல்லாமல் அவரை சிறையில் அடைத்துவைத்திருக்கிறார்கள். என் கணவர், ஏப்ரல் 20-ம் தேதி சிறையில் மயங்கிவிழுந்திருக்கிறார். அதில் அவருக்கு முகத்திலும் தலையிலும் காயங்கள் ஏற்பட்டுள்ளன. மறுநாள் அவருக்கு கொரோனா தொற்று உறுதி செய்யப்பட்டிருக்கிறது. அதைடுத்து, மதுராவில் உள்ள கே.எம்.மருத்துவக் கல்லூரி மருத்துவமனையில் அவரை அனுமதித்துள்ளனர். சிறுநீர் கழிப்பதற்கு ஒரு பாட்டில் கொடுத்திருக்கிறார்கள். அவர் ஒரு மனிதர் இல்லையா. கழிப்பறைக்கு செல்லக்கூட அவர் அனுமதிக்கப்படவில்லை. அவரது உடல் நிலை குறித்து சிறை அதிகாரிகள் அவரது குடும்பத்தினருக்கு தெரிவிக்கவில்லை. கடந்த வாரம் ஒரு நாள் அவரிடம் தொலைபேசியில் பேசினேன். என்னால் அவரிடம் இரண்டு நிமிடங்கள்தான் பேச முடிந்தது. அதன் பிறகுதான், அவரது உடல்நிலை குறித்து தெரிந்துகொள்ள முடிந்தது. அவர் சாதாரண வார்டில் இருக்கிறாரா, ஐ.சி.யூ-வில் இருக்கிறாரா என்பதுகூட எனக்கத் தெரியவில்லை. அதைக் கேட்பதற்குள் இணைப்பு துண்டிக்கப்பட்டுவிட்டது” என்று ரைஹாந்த் காப்பன் கண்ணீருடன் தெரிவித்துள்ளார்.என்.வி.ரமணா இந்த விவகாரம் குறித்து உச்ச நீதிமன்ற தலைமை நீதிபதி என்.வி.ரமணாவுக்கு அவர் கடிதம் ஒன்றை எழுதியுள்ளார். அதில், “மருத்துவமனையில் என் கணவர் ஒரு மனிதராகவே நடத்தப்படவில்லை. ஒரு விலங்கைப் போல நடத்துகிறார்கள். கட்டிலுடன் அவரை ஒரு இரும்புச்சங்கிலியால் பிணைத்துவைத்துள்ளனர். அவரால் சாப்பிட முடியவில்லை... கழிப்பறைக்கு செல்ல முடியவில்லை. அவரது உடல்நிலை மிக மோசமான நிலையில் இருக்கிறது” என்று குறிப்பிட்டுள்ளார். தங்கள் குடும்பத்தினரால் உச்ச நீதிமன்றத்தில் தாக்கல் செய்யப்பட்ட மனு கடந்த ஆறு மாதங்களாக கிடப்பில் இருக்கிறது என்பதையும் அந்த கடிதத்தில் அவர் குறிப்பிட்டுள்ளார். Also Read: ஆக்ஸிஜன் அரசியல்... என்னதான் நடக்கிறது? தற்போது, உத்தரப் பிரதேச முதல்வர் யோகி ஆதித்யநாத்துக்கு கேரள முதல்வர் பினராயி விஜயன் கடிதம் ஒன்றை எழுதியுள்ளார். அதில், “சித்திக் காப்பனுக்கு நீரிழிவு நோயும் இதயக் கோளாறுகளும் இருப்பதாகச் சொல்லப்படுகிறது. அவர் கொரோனா தொற்றுக்கு ஆளான பிறகு, மதுராவில் உள்ள மருத்துவமனையில் அனுமதிக்கப்பட்டிருக்கிறார். அவரது உடல்நிலை மிக மோசமாக இருக்கும் நிலையிலும்கூட, அவர் கட்டிலுடன் சங்கிலியால் பிணைக்கப்பட்டிருக்கிறார் என்று சொல்லப்படுகிறது. அவருக்கு நிபுணத்துவத்துடன்கூடிய மருத்துவ சிகிச்சை அவசியப்படுகிறது.மேலும், உயிர் காக்கும் நவீன மருத்துவ வசதிகள் கொண்ட மற்றொரு பன்னோக்கு சிறப்பு மருத்துவமனைக்கு அவரை மாற்ற வேண்டிய அவசியமும் இருக்கிறது” என்று பினராயி விஜயன் குறிப்பிட்டிருக்கிறார்.உச்ச நீதிமன்றம் இந்த நிலையில், உபா சட்டத்தில் கைதுசெய்யப்பட்ட சித்திக் காப்பன் தொடர்பான வழக்கை விரைந்து விசாரிக்குமாறும், இடைக்கால நிவாரணம் வழங்குமாறும் உச்ச நீதிமன்ற தலைமை நீதிபதி என்.வி.ரமணாவுக்கு கேரளாவைச் சேர்ந்த 11 நாடாளுமன்ற உறுப்பினர்கள் கடிதம் எழுதியுள்ளனர். சித்திக் காப்பனுக்கு உடனடியாக தேவையான மருத்துவ சிகிச்சைகளை அளிக்கவில்லையென்றால், அவர் உயிரிழக்கும் ஆபத்து இருப்பதாக அவரின் குடும்பத்தினர் கண்ணீர் வடிக்கிறார்கள்.
http://dlvr.it/RyVXmY

Read More

93-வது ஆஸ்கர் விருது வழங்கும் விழா; சிறந்த இயக்குநர் விருது வென்றார் குளோயி சாவ்

ஆஸ்கர் விருது விழாவில் சிறந்த இயக்குநருக்கான விருதை 'Nomadland' படத்துக்காக சீன பெண் இயக்குனர் க்ளோயி சாவ் பெற்றார். திரைப்படத் துறையில் மிக உயரிய விருதாக கருதப்படும் ஆஸ்கர் விருதுகள் வழங்கும் விழா, கொரோனா பரவல் காரணமாக 2 மாதங்கள் தாமதமாக தொடங்கி நடைபெற்று வருகிறது. இந்திய நேரப்படி இன்று காலை 5.30 மணியளவில் துவங்கிய இந்த நிகழ்ச்சி, தொகுப்பாளர் இன்றி நடந்து வருகிறது. லாஸ் ஏஞ்சல்ஸின் யூனியன் ஸ்டேஷன் மற்றும் டால்பி தியேட்டர் ஆகிய 2 இடங்களில் ஆஸ்கர் விருது விழா நடைபெறுகிறது. இந்த விழாவில் விருந்தினர்களாக பங்கேற்க உள்ள அனைவருக்கும் கொரோனா பரிசோதனை செய்யப்பட்டுள்ளது. இதில் பல்வேறு பிரிவுகளில் விருதுகள் அறிவிக்கப்பட்டு வருகிறது.  சிறந்த இயக்குனர் விருதை 'Nomadland' படத்துக்காக சீன பெண் இயக்குனர் க்ளோயி சாவ் பெற்றார். சிறந்த துணை நடிகை Judas and the Black Messiah படத்துக்காக டேனியல் கல்லூயா பெற்றார். சிறந்த திரைக்கதைக்கான விருதை Promising Young Woman படத்துக்காக எமரால்டு பென்னல் பெற்றார். சிறந்த தழுவல் திரைக்கதைக்கான விருதை The Father படத்துக்காக கிறிஸ்டோபர் புளோரியன் பெற்றார். சிறந்த வெளிநாட்டு திரைப்படத்துக்கான விருதை Another Round பெற்றது. தொடர்ந்து பல்வேறு விருதுகள் அறிவிக்கப்பட்டு வருகின்றன.  இந்நிகழ்ச்சி ஆஸ்கார் அதிகாரபூர்வ இணையதளம் மற்றும் ஆஸ்கார் சமூக வலைதளங்களில்  நேரடி ஒளிபரப்பு செய்யப்பட்டு வருகிறது. 
http://dlvr.it/RySMFs

Read More

“இந்தியாவிற்கு உதவ உலக நாடுகள் முன்வர வேண்டும்” - கிரேட்டா தன்பெர்க்

இந்தியாவிற்கு உதவ உலக நாடுகள் முன்வர வேண்டும் என  இந்தியாவில் கொரோனா தொற்று பரவலின் தீவிரம் நாளுக்கு நாள் அதிகரித்த வண்ணம் உள்ளது. நாள் ஒன்றுக்கு சுமார் 3.5 லட்சம் பாதிக்கப்பட்டு வருகின்றனர். இந்நிலையில் கொரோனாவால் பாதிக்கப்பட்டுள்ள இந்தியாவுக்கு உதவ உலகின் ஒட்டுமொத்த சமுதாயமும் ஒன்றிணைய வேண்டும் என கிரேட்டா தன்பெர்க் தெரிவித்துள்ளார்.  இதுகுறித்து அவர் “இந்தியாவின் அண்மைய நிலையை கண்டு நெஞ்சு பொறுக்குதில்லையே. உலக சமுதாயம் ஒன்றுபட்டு இந்தியாவிற்கு தேவைப்படும் உதவியை கொடுக்க முன் வர வேண்டும்” என தெரிவித்துள்ளார்.  Heartbreaking to follow the recent developments in India. The global community must step up and immediately offer the assistance needed. #CovidIndia https://t.co/OaJVTNXa6R — Greta Thunberg (@GretaThunberg) April 24, 2021 இந்தியா குறித்து தன்பர்க் தனது மனதில் பட்ட கருத்துக்களை தெளிவாக வெளிப்படுத்துபவர். விவசாயிகள் போராட்டம் குறித்தும் தனது கருத்தை அவர் தெரிவித்திருந்தார் என்பதும் குறிப்பிடத்தக்கது.
http://dlvr.it/RyQp5n

Read More

நிழலுலக ராஜாக்கள்: ஒதுங்கிய வரதாபாயும், எழுந்த தாவூத் இப்ராஹிமும்! நாயகனின் கதை — பகுதி 6

தங்கக்கடத்தலில் தனிக்காட்டு ராஜாவாக இருந்த ஹாஜி மஸ்தானுக்கு பணம் பருவமழையாக கொட்டிக் கொண்டிருந்தது. தனது தொழிலை அடுத்து குஜராத்துக்கு மாற்ற திட்டமிட்டார். ஆனால் அதற்கு முன்பாக செய்யவென ஒரு ஆசை அவருக்கு இருந்தது. மும்பையின் பாட்ஷாவாக மாறவேண்டும் என்ற ஆசை! மும்பைக்கு பாட்ஷாவாக மாறுவது தனியொரு ஆளால் முடியக்கூடிய காரியம் அல்ல. இன்னொருவரின் துணையும் தேவை என்று கருதினார் ஹாஜி மஸ்தான். அவரது மனதில் ஒரே ஒருவர்தான் தோன்றினார். வரதாபாய்! ஹாஜி மஸ்தான் தென்மும்பையில் முடிசூடா மன்னனராக இருந்தது போல் மத்திய மும்பையில் வரதாபாய் இருந்தார். வரதாபாயுடன் நட்பை ஏற்படுத்திக்கொள்ள தக்க தருணம் பார்த்துக்கொண்டிருந்தார் ஹாஜி மஸ்தான். ஹாஜி மஸ்தான் - வரதாபாய் வரதாபாய் ஒரு முறை துறைமுகத்தில் சுங்கவரித்துறையின் கட்டுப்பாட்டில் இருந்த, மத்திய அமைச்சருக்கு சொந்தமான ஆண்டனா ஒன்றை திருடிவிட்டதாக போலீசார் கைது செய்திருந்தனர்.கடத்தல் பொருள் எங்கிருக்கிறது என சொல்லவில்லையெனில் போலீஸ் பாணியில் அடித்து விசாரிக்கவேண்டிய சூழ்நிலை ஏற்படும் என்று போலீசார் எச்சரித்தனர்.ஹாஜி மஸ்தான், வரதா பாய் ஆசாத் மைதான் போலீஸ் நிலையத்தில் தனியாளாக வரதாபாய் அடைக்கப்பட்டிருந்தார். இரவில் ஏதாவது நடக்கக்கூடும். அவர் அடைக்கப்பட்டிருந்த லாக்கப்பிற்கு வெள்ளை சட்டை அணிந்திருந்த ஒருவர் வந்தார். பணியில் இருந்த யாரும் வந்தவரை தடுக்கவில்லை. வந்தவர் 555 சிகரெட் புகைத்துக் கொண்டிருந்தார். வரதாபாயிடம், ``என்ன தலைவரே சவுக்கியமா ?” என புகைபிடித்துகொண்டே தமிழில் பேசினார். வரதாபாய்க்கு ஆச்சர்யம். வந்தவர் வேறு யாருமல்ல, ஹாஜி மஸ்தான்! ``ஆண்டனாவை திரும்ப கொடுத்தால் அதிக அளவில் பணம் சம்பாதிக்க நான் வழிகாட்டுகிறேன்” என்றார் மஸ்தான். சுங்க அதிகாரிகள் மற்றும் போலீசாரின் தூதராக மஸ்தான் வந்திருக்கிறார் என நினைத்து வரதாபாய் அதிர்ச்சி அடைந்தார். உடனே வரதாபாய், ``என்னிடம் ஆண்டனா இல்லை என்றும் உங்களுடன் சேர்ந்து தொழில் செய்ய விரும்பவில்லை என்றும் சொன்னால் என்ன செய்வீர்கள்”, என்று கேட்டார். உடனே மஸ்தான் மிகவும் அமைதியாக, ``எனக்கு இழப்புதான். உங்களது முடிவு தவறானது என்று நினைத்துக்கொள்வேன்,” என்றார். ``நான் தங்கம், வெள்ளியை கடத்துபவன். இது போன்று மதிப்பு குறைவான பொருட்கள் பக்கம் செல்வதே இல்லை. உங்களிடம் இருக்கும் பொருளை சோர் பஜாரில் தான் விற்பனை செய்ய முடியும். என்னுடன் வந்தால் தங்கம், வெள்ளி வியாபாரத்தில் உங்களையும் பங்குதாரராக சேர்த்துக்கொள்கிறேன்”. வரதாபாயால் நம்ப முடியவில்லை. ``இதனால் உங்களுக்கு என்ன லாபம்?” ``உங்களைப் போன்றவர்களை நண்பர்களாக்கிக் கொள்ள விரும்புகிறேன். உங்களது ஆள் பலத்தை பயன்படுத்திக்கொள்ள விரும்புகிறேன்”.ஹாஜி மஸ்தான் மஸ்தானிடம் அளவுக்கு அதிகமாக பணம் இருக்கிறது. அவரது வாய்ப்பை நிராகரிக்க முடியவில்லை. சிறையில் இருந்தாலும் போலீசாரின் சித்ரவதையை சந்திக்கவேண்டியிருக்கும். வேறு வழியிருக்கவில்லை. மஸ்தானின் வாய்ப்பை வரதாபாய் ஏற்றுக்கொண்டார். திருட்டு ஆண்டனா எங்கிருக்கிறது என்ற விபரத்தையும் தெரிவித்தார். இருவரும் சிறையில் ஒருவருக்கொருவர் கைகுலுக்கிக்கொண்டனர். மஸ்தான் கோட்சூட் அணிந்திருந்தார். விலை உயர்ந்த சிகரெட் புகைத்துக்கொண்டிருந்தார். மற்றொருவர் வேஷ்டி கட்டிக்கொண்டு நெற்றியில் பட்டை இட்டிருந்தார். இருவரும் கைகுலுக்குவதை பார்த்த போலீசாருக்கு ஆச்சரியம். வரதாபாய் ஆண்டனா இருக்கும் இடத்தை தெரிவித்ததால் சுங்க அதிகாரிகள் வரதாபாயை விடுதலை செய்தனர். சிறையிலிருந்து வெளியில் வந்ததும் வரதாபாய் ஆட்கள் அவரிடம் எதையும் துணிந்து பேச பயந்தனர். வரதாபாய் மனநிலை எப்படி இருக்கிறது என தெரியவில்லை. ஆனால் தான் விடுதலையானதை கொண்டாட விழாவுக்கு ஏற்பாடு செய்தார் வரதாபாய். நட்புன்னா என்னன்னு தெரியுமா? மஸ்தான் எப்படி வரதாபாயுடன் நட்பை ஏற்படுத்திக்கொள்ள வேண்டும் என்று நினைத்தாரோ அதே போல் வரதாபாயும் ஹாஜி மஸ்தானுடன் நட்பு வைத்துக்கொள்ள வேண்டும் என்று நீண்ட நாட்களாக நினைத்துக் கொண்டிருந்தார். அவரது நட்பு தானாக வந்து சேர்ந்திருப்பதோடு அவர் தன்னை தொழில் கூட்டாளியாகவும் சேர்த்துக்கொண்டதில் வரதாபாய் மகிழ்ச்சி கொண்டார். கடத்தல் தொழிலில் ஏற்கனவே கடுமையான போட்டி இருந்தது. ஆனால் மஸ்தானுடன் சேர்ந்த பிறகு துறைமுகத்தில் வரதாபாய்க்கு பிரச்னை இருக்கவில்லை. துறைமுகத்தில் இருந்து பொருட்களை கடத்தி வந்து வெளிநாட்டுப் பொருட்கள் என விற்பனை செய்யும் தொழிலில் வரதாபாய் கால் பதித்தார். துறைமுகத்தில் கூலித்தொழிலாளர்களாக வேலை பார்த்த தமிழர்கள் பொருட்களை வெளியில் கொண்டு வர அவர் பயன்படுத்தினார். வெளிநாட்டில் இருந்து வரும் பொருட்கள் கப்பலில் இருந்து இறக்கி வைக்கப்பட்டதும் காணாமல் போகும். பொருட்களை காணவில்லை என்றோ அல்லது தவறாக டெலிவரி செய்யப்பட்டுவிட்டதென்றோ அல்லது பொருட்கள் கப்பலில் வந்து சேரவில்லை என்றோ ஒரு காரணத்தை அதிகாரிகள் எழுதி பிரச்னையை முடித்துவிடுவர். பொருட்களை இறக்குமதி செய்ய வேண்டியவர் இன்சூரன்ஸ் மூலம் தனது பொருட்களுக்கான பணத்தை வசூலித்துக் கொள்வர். பின்னர் அவரை அழைத்து வரதாபாய் பேச்சுவார்த்தை நடத்துவார். இன்சூரன்ஸ் பணத்தை சமமாக பகிர்ந்து கொள்வதோடு இறக்குமதி செய்யப்பட்ட பொருட்களையும் அதை இறக்குமதி செய்ய வேண்டியவருக்கு பாதி விலையில் வரதாபாய் விற்றுவிடுவார்.ஹாஜி மஸ்தான் வரதாபாயின் இம்முறையில் பணத்தை இழப்பது இன்சூரன்ஸ் கம்பெனிகள்தான். ஆனால் இத்தகைய திருட்டுச் செயல்கள் தொடர்ந்ததையடுத்து துறைமுகத்தில் கண்காணிப்பு தீவிரப்படுத்தப்பட்டது. வரதாபாய் புதிய உத்திகளுக்கு மாறினார். துறைமுக அதிகாரிகள் மற்றும் சுங்க அதிகாரிகளுக்கு பணம் கொடுத்து பொருட்களை பாதுகாப்பாக வைத்திருக்கும்படி வரதாபாய் தெரிவித்து விடுவார். அவர்களும் இறக்குமதியாகும் பொருட்களை தங்களது பாதுகாப்பில் வைத்திருந்துவிட்டு இன்சூரன்ஸ் கம்பெனி இறக்குமதியாளருக்கு பணத்தை கொடுத்த பிறகு, உரிமை கோரப்படாத பொருட்கள் என்று கூறி சுங்கத்துறை அவற்றை வரதாபாயிடம் கொடுத்துவிடும். பல கோடி ரூபாய் இத்தகைய கடத்தலில் புழங்கினாலும் எந்தவித ரத்தக்களரியும் ஏற்படவில்லை. ஹாஜி மஸ்தான் தங்கம் கடத்துவதை குறைத்துக்கொள்ள ஆரம்பித்த பிறகு அந்த இடைவெளியை வரதாபாய் நிரப்பினார். ஆனால் அவர் தங்கத்தை தவிர்த்து இதர பொருட்களை கப்பல் மூலம் கடத்திக்கொண்டு வந்தார். யார் தலையும் உருளவில்லை. வரதாபாய் மும்பையில் ஆள் பலம் பொருந்திய தாதாவாக வலம் வந்தார். வரதாபாய் வீழ்ச்சியும், தாதாபாய் எழுச்சியும் எப்போதும் வரதாபாயை சுற்றி ஆட்கள் இருந்து கொண்டே இருப்பர். அவரது வீட்டிற்கு மக்கள் பிரச்னைகளோடு வந்து கொண்டே இருப்பர். தாராவி, செம்பூர், மாட்டுங்கா, அண்டாப்ஹில், கோலிவாடா போன்ற பகுதியில் வரதாபாய் மிகவும் பிரபலமாக இருந்ததால் அவர் மீது அரசியல்வாதிகளும் கைவைக்கத் தயங்கினர். வரதாபாய் மீது போலீசில் யாரும் புகார் செய்யவில்லை. வரதாபாயுடன் சேர்ந்து இருந்தவர்கள் அனைவரும் தங்களுக்கு தேவையானதை சேர்த்து வைத்துக்கொண்டனர். தாவூத் இப்ராஹிம் இப்போது கூட வரதாபாயுடன் இருந்த ஒருவர் மும்பையில் பிரபல அரசியல்வாதியாக இருக்கிறார். அவர் வரதாபாய் இருக்கும்போது சாராயக் கடத்தலில் திறமைசாலியாக இருந்தார். 1980-களில் கரீம் லாலா, ஹாஜி மஸ்தான் ஆகியோர் தங்களது செயல்களை குறைத்துக்கொண்ட நிலையில் வரதாபாய் மட்டுமே மும்பையின் முடிசூடா மாபியா மன்னனாக இருந்தார். ஆனால் அவரை ஒழிக்க துணை கமிஷனராக ஒய்.சி.பவார் வந்தார். 1982-ம் ஆண்டு பவார் துணை கமிஷனராக வந்தபோது வரதாபாய் ஆட்களை கைது செய்தார். இதனால் தனது தொழிலை கைவிட்டுவிட்டு 1985-ம் ஆண்டு வரதாபாய் சென்னை சென்று கடைசிக் காலத்தை கழித்தார். 1988-ம் ஆண்டு ஜனவரி மாதம் மாரடைப்பு ஏற்பட்டு சென்னையில் காலமானார் வரதாபாய். அவரின் கடைசி கால ஆசையை நிறைவேற்றும் பொருட்டு ஹாஜி மஸ்தான் வரதாபாய் உடலை மும்பைக்கு தனி விமானத்தில் கொண்டு வந்தார். மும்பையில் அவரது உடலுக்கு ஆயிரக்கணக்கான தமிழர்கள் இறுதி அஞ்சலி செலுத்தினர். வரதாபாய் இறந்த பிறகுதான் தாவூத் இப்ராஹிம் போன்ற தாதாக்கள் தலையெடுக்க ஆரம்பித்தனர். தாவூத் அப்போதே டோங்கிரி பகுதியில் சிறு சிறு குற்றங்களில் ஈடுபட்டுக் கொண்டிருந்தான். சிறுவனாக இருந்ததால் அப்போது பெரிய அளவில் அவனை யாரும் கண்டுகொள்ளவில்லை. பகுதி 5ஐ படிக்க.... Also Read: நிழலுலக ராஜாக்கள்: `நாயகன்’ வரதாபாய்க்காக உயிரையும் விடத் துணிந்த மும்பைத் தமிழர்கள் | பகுதி 5
http://dlvr.it/RyQp1s

Read More

”ஆக்ஸிஜன் தந்து உதவுங்கள்” - மாநில முதல்வர்களுக்கு டெல்லி முதல்வர் வேண்டுகோள்

டெல்லிக்கு ஆக்ஸிஜன் கொடுத்து உதவிடுமாறு அனைத்து மாநில முதலமைச்சர்களுக்கும் டெல்லி முதல்வர் அரவிந்த் கெஜ்ரிவால் கடிதம் எழுதியுள்ளார். இது குறித்து அவர் ட்விட்டர் பக்கத்தில் பதிவிட்டதாவது, “ அனைத்து மாநில முதவல்வர்களையும் கேட்டுக்கொள்கிறேன். மாநிலங்களில் உற்பத்தியாகும் ஆக்ஸிஜனில், உள்ளூர் தேவை போக எஞ்சியவற்றை டெல்லிக்கு கொடுத்து உதவிடுங்கள். மத்திய அரசு எங்களுக்கு உதவியபோதும், அந்த ஆக்ஸிஜன் எங்களுக்கு போதுமானதாக இல்லை.” என்று அவர் குறிப்பிட்டுள்ளார். I am writing to all CMs requesting them to provide oxygen to Delhi, if they have spare. Though Central govt. is also helping us, the severity of corona is such that all available resources are proving inadequate. — Arvind Kejriwal (@ArvindKejriwal) April 24, 2021 முன்னதாக, டெல்லி முதல்வர் அரவிந்த் கெஜ்ரிவால் தரப்பில் டெல்லி உயர்நீதிமன்றத்தில் கூறும்போது, “ டெல்லியில் சிகிச்சை பெறும் நோயாளிகளுக்கு ஆக்ஸிஜன் போதுமான அளவு இல்லை. தொடர்ந்து இதே நிலைமை நீடித்தால் நிலைமை சீரழிந்துவிடும். நாள் ஒன்றுக்கு 480 மெட்ரிக் டன் ஆக்ஸிஜன் தேவைப்படும் நிலையில் 280 மெட்ரிக் டன் ஆக்ஸிஜன் மட்டுமே கிடைக்கிறது” என அவர் கூறினார்.
http://dlvr.it/RyPHYw

Read More

தேசிய கல்விக்கொள்கையின் மாநில மொழிபெயர்ப்பில் தமிழ் மொழி புறக்கணிப்பு

தேசிய கல்விக்கொள்கையின் மாநில மொழிபெயர்ப்பில் தமிழ் மொழி புறக்கணிக்கப்பட்டுள்ளது. திருத்தம் செய்யப்பட்ட தேசிய கல்வி கொள்கை ஆங்கிலம் மற்றும் இந்தி ஆகிய மொழிகளில் மட்டும் வெளியிடப்பட்ட நிலையில், பிற மொழிகளிலும் தேசிய கல்விகொள்கை வெளியிடப்படும் என தெரிவிக்கப்பட்டது. அதன் படி தற்போது அசாம், மராத்தி உட்பட 17 மொழிகளில் தேசிய கல்வி கொள்கை மொழிப்பெயர்ப்பு செய்து வெளியிடப்பட்டுள்ளது. ஆனால் அதில் தமிழ் மொழிப்பெயர்ப்பு இடம் பெறவில்லை. முன்னதாக, 1968 ஆம் ஆண்டு தேசிய கல்விக்கொள்கை கொண்டுவரப்பட்டது. 1976 ஆம் ஆண்டு அரசியலைப்பு சட்டத்தின் 42 ஆவது திருத்தத்தின் படி கல்வி பொதுப்பட்டியலில் சேர்க்கப்பட்டது. அதனைத்தொடர்ந்து 1986, 1992 ஆண்டுகளில் கல்வி கொள்கையில் திருத்தம் கொண்டுவரபட்டது.  இதனிடையே 2019 ஆம் ஆண்டு கஸ்தூரி ரங்கன் தலைமையிலான கல்விக்குழு தாக்கல் செய்த கல்விக்கொள்கையை அடிப்படையாக வைத்து 2020 இல் புதிய கல்விக்கொள்கை உருவாக்கப்பட்டது. இதற்கு மத்திய அமைச்சரவை கடந்த ஜூலை மாதம் அன்று ஒப்புதல் அளித்துள்ளது. இந்தக்கல்விக்கொள்கையில் 6 வகுப்பு முதல் மாணவர்களுக்கு தொழிற்கல்வி, பல்கலைகழகங்கள் மற்றும் உயர்கல்வி பயில விரும்பும் மாணவர்களுக்கு பொது நுழைவுத் தேர்வு உள்ளிட்ட பல்வேறு அம்சங்கள் இதில் இடம் பெறும்.
http://dlvr.it/RyN4Dp

Read More

'நாடு செல்வது எங்கே?' - ஆக்சிஜன் தட்டுப்பாட்டால் பாஜக மூத்த தலைவர் தருண் விஜய் வேதனை

ஆக்சிஜன் பற்றாக்குறையை சுட்டிக்காட்டி பாரதிய ஜனதா கட்சியின் மூத்த தலைவரும், முன்னாள் நாடாளுமன்ற உறுப்பினருமான தருண்விஜய், "நாடு எங்கே சென்று கொண்டிருக்கிறது?" என்று கேள்வி எழுப்பியுள்ளார். தனது 91 வயது அண்ணனுக்கு உடல்நலம் பாதிக்கப்பட்டு, அதற்காக சிகிச்சை அளிக்க முடியாமல் தவித்து வருவதாகவும், எங்கு பார்த்தாலும் ஆக்சிஜன் பற்றாக்குறை நிலவுவதாகவும் அவர் வேதனை தெரிவித்துள்ளார். அனுமதிக்கப்பட்டுள்ள மருத்துவமனை கூட, "எங்களால் ஒன்றும் செய்ய இயலாது. வேண்டுமென்றால் உங்கள் அண்ணனை வீட்டிற்கு அழைத்துச் சென்றுவிடுங்கள்" என்று கூறுவதாக குறிப்பிட்டுள்ள தருண் விஜய், "நாடு எங்கு சென்று கொண்டிருக்கிறது என்பதே தெரியவில்லை" என கூறியுள்ளார். "பொதுமக்கள், எந்தவிதமான அதிகாரமோ வசதியும் இல்லாதவர்கள் என்ன செய்வார்கள்?" எனவும் அவர் தனது வேதனையை ட்விட்டர் பக்கத்தில் வெளிப்படுத்தியுள்ளார். அதன்பின்னர் வெளியிட்ட பதிவுகளில், கொரோனா 2-ம் அலையை எதிர்கொள்வதற்காக மத்திய அரசு மேற்கொண்டு வரும் முயற்சிகளை மேற்கோள்காட்டி, பிரதமர் மோடியை வெகுவாகப் பாராட்டியிருந்தார் தருண் விஜய். நாடு முழுவதும் கொரோனா இரண்டாவது அலை தீவிரமாக பாதிப்புகளை ஏற்படுத்தி வரும் நிலையில், பல மாநிலங்களில் ஆக்சிஜன் பற்றாக்குறையால் உயிரிழப்புகள் அதிகரித்து வருவது குறிப்பிடத்தக்கது.
http://dlvr.it/RyN4DK

Read More

”ஆக்சிஜன் இல்லையெனில் டெல்லி முழுமையாக சீரழிந்துவிடும்” - டெல்லி அரசு

ஆக்சிஜன் இல்லையெனில் டெல்லி முழுமையாக சீரழிந்து விடும் என மாநில அரசு உயர்நீதிமன்றத்தில் கூறியுள்ளது. இது குறித்து டெல்லி அரசு டெல்லி உயர்நீதிமன்றத்தில் கூறியதாவது, “டெல்லியில் உள்ள தனியார் மருத்துவமனைகளில் ஆக்ஸிஜன் குறைந்து வருவதன் காரணமாக சிகிச்சை எடுத்து வரும் நோயாளிகளை அவர்கள் வலுக்கட்டாயமாக டிஸ்சார்ஜ் செய்து வருகின்றனர். மத்திய அரசு தொகுப்பில் இருந்து டெல்லிக்கு வரும் ஆக்சிஜன் அளவு என்பது 480 மெட்ரிக் டன்னாக உயர்த்தப்பட்டது. ஆனால் அங்கிருந்து தற்போதுவரை 270, 280 மெட்ரிக் டன் ஆக்சிஜன் மட்டுமே கிடைக்கிறது. இந்த நிலைமை தொடர்ந்தால் டெல்லியின் நிலைமை முடுமையாக சீரழிந்துவிடும். டெல்லியின் ஆக்சிஜன் உற்பத்தி செய்ய முடியாத சூழல் காரணமாக நாங்கள் வெளிப்பகுதியில் இருந்துதான் ஆக்ஸிஜன் வாங்கி வருகிறோம். ஆனால் அந்த தனியார் நிறுவனங்களும் சில நேரங்களில் ஆக்சிஜன் கொடுப்பதில்லை. ஆகையால் டெல்லி மருத்துவமனைகளுக்கு தட்டுப்பாடின்றி ஆக்சிஜன் கிடைக்க மத்திய அரசு எழுத்துப்பூர்வமாக உறுதியளிக்க வேண்டும். குறைந்தது 10 ஐஏஎஸ் அதிகாரிகளையாவது ஆக்சிஜன் தட்டுப்பாடு பிரச்னையை கையாள அரசு நியமிக்க வேண்டும்” எனத் தெரிவித்துள்ளது. முன்னதாக நேற்றைய நிலவரப்படி டெல்லியில் 24,331 பேர் கொரோனா தொற்றால் பாதிக்கப்பட்ட நிலையில், 348 நபர்கள் உயிரிழந்தனர்.
http://dlvr.it/RyLVZk

Read More

நிழலுலக ராஜாக்கள்: `நாயகன்’ வரதாபாய்க்காக உயிரையும் விட துணிந்த மும்பை தமிழர்கள் | பகுதி 5

தமிழர்கள் உட்பட தென்னிந்தியர்கள் வரதாபாய்க்காக கண்ணை மூடிக்கொண்டு வேலை செய்தனர். கள்ளச்சாராயத் தொழிலில் மட்டும் ஆண்டுக்கு 12 கோடி வருமானம் வரதாபாய்க்கு கிடைத்தாக செய்திகள் கூறுகின்றன. கள்ளச்சாராயம் முக்கிய தொழிலாக இருந்தாலும் வரதாபாய் வேறு வேலைகளிலும் ஈடுபட்டார். அவரை எதிர்த்த எவரையும் வரதாபாய் விட்டு வைத்ததில்லை. மும்பையின் முக்கியமாக சக்தியாக மெல்ல மெல்ல வரதாபாய் வளர்ந்து வந்தார். கள்ளச்சாராய வியாபாரத்துக்கு தனி இலக்கணம் கள்ளச்சாராய வியாபாரத்துக்கென புது இலக்கணங்களை வகுத்தார் வரதாபாய். கள்ளச்சாராய வியாபாரத்தை அரசு நிர்வாகம் போல் நடத்தி வந்தார். கடத்தல் வேலைக்கு அதிக அளவில் ஆம்புலன்ஸ்களை பயன்படுத்தினார். ஒவ்வொரு பகுதியும் கள்ளச்சாராய விற்பனைக்கென ஒவ்வொருவரிடம் ஒப்படைக்கப்பட்டிருந்தது. ஒரு போலீஸ் நிலைய எல்லைக்குள் 75 முதல் 130 சட்டவிரோத சாராயக் கடைகள் இருக்கும். அவற்றின் மீது நடவடிக்கை எடுக்காமல் இருப்பதற்காக ஒவ்வொரு கடை சார்பாக போலீசாருக்கு 5 ஆயிரம் ரூபாய் கொடுக்கப்பட்டது. இதற்காகவே தனி பதிவேடு பராமரிக்கப்பட்டது. தண்ணீர் கலக்கப்பட்ட ஒரு கிளாஸ் சாராயம் 10 ரூபாய்க்கு விற்பனை செய்யப்பட்டது. ஒரு கடைக்கான குறிப்பிட்ட எல்லைக்குள் வேறு யாரும் கடை வைக்கக்கூடாது. எனவே ஒருவர் தொழிலில் மற்றவர் தலையீடு இல்லாமல் தொழில் நடந்தது. வியாபாரத்துக்கான இலக்கணத்தை உருவாக்கினாலும் அதை நிர்வகிப்பதற்கு நம்பிக்கையானவர்கள் வேண்டும். கள்ளச்சாராய வியாபாரத்தின் நிர்வாகத்தை கவனித்துக்கொள்ள தனது உதவியாளர்கள் தாமஸ் குரியன் மற்றும் படாசோமா ஆகிய இரண்டு பேரை நியமித்தார் வரதாபாய். வியாபாரத்தில் போட்டியென எவரும் நுழைய முடியவில்லை. எல்லா போட்டியாளர்களையும் வரதாபாய் அடியோடு ஒழித்தார். ஊரில் இருந்து அதிகமாக ஆட்களை அழைத்து வந்து அரசு நிலத்தை அபகரித்து தனியாருக்கு விற்பனை செய்யவும் வரதாபாய் தயங்கவில்லை. தமிழர்களிடையே ஏதாவது பிரச்சினை என்றால் நேரடியாக சம்பவ இடத்திற்கே சென்று பேசி பிரச்சினையை தீர்த்து வைப்பதில் வரதாபாய் முதல் ஆளாக இருந்தார். எனவேதான் தமிழர்கள் மத்தியில் முடிசூடா மன்னனாக அவரால் திகழ முடிந்தது. வரதாபாய் ஆட்கள் பாலியல் தொழிலும் ஈடுபட ஆரம்பித்தனர். இதில் வரதாபாய் நேரடியாக தொடர்பு கொண்டிருக்கவில்லை எனினும் அவரது ஆட்கள் அத்தொழிலில் ஈடுபட்டுள்ளனர் என்பது அவருக்கு தெரிந்தே இருந்தது என சொல்கிறார்கள். பிளாக் டீயும், வரதாபாயும் வரதாபாய்க்கு அனைத்து போலீஸ் அதிகாரிகள் மத்தியில் நல்ல செல்வாக்கு இருந்தது. வரதாபாய் போலீஸ் நிலையம் வருகிறார் என்றால் போலீஸ் நிலையமே பரபரப்பாகி விடும். வரதாபாய் போலீஸ் நிலையத்திற்கு வருவதன் அடையாளமாக, அருகிலுள்ள டீக்கடையிலிருந்து ஒருவர் பிளாக் டீ கொண்டு வந்து உயரதிகாரியின் டேபிளில் வைத்துவிட்டு சென்றுவிடுவார். பணம் வாங்க கூட நிற்க மாட்டார். பிளாக் டீ வந்துவிட்டால் உயரதிகாரி தனது அறையிலுள்ள அடுத்தக்கட்ட அதிகாரிகளை வெளியில் போகச்சொல்லிவிடுவார். செய்து கொண்டிருக்கும் வேலையை ஒதுக்கி வைத்து விட்டு வரதாபாய் வரவுக்காக போலீஸ் அதிகாரிகள் காத்திருப்பர். ‘உன்னை சந்திக்க வருகிறேன். தேவையான ஏற்பாட்டை செய்’ என அறிவுறுத்தும் விதமாகவே பிளாக் டீ நடைமுறை கொண்டு வரப்பட்டதாக போலீஸ் அதிகாரி ஒருவர் தெரிவித்தார். வரதாபாய் எத்தனையோ குற்றச்செயல்களில் ஈடுபட்ட போதிலும் ஒரு வழக்கில் கூட அவரை சிக்க வைக்க முடியவில்லை. 1974-77 வரை கைது செய்யப்பட்டு சிறையில் அடைக்கப்பட்டிருந்தார். அவருக்கு எதிராக ஒருவர் கூட சாட்சி சொல்ல முன்வரவில்லை. வேறு வழியில்லாமல் வரதாபாயை விடுதலை செய்ய வேண்டிய நிலை ஏற்பட்டது. போலீஸிலும் வரதாபாய்க்கு உளவாளிகள் இருந்தனர். வரதாபாய்க்கு அடிக்கடி தகவல்களை பரிமாறிக் கொண்டிருந்தனர். இதனால் வரதாபாயால் எளிதில் தப்பிக்க முடிந்தது. வழக்குகள் இல்லைவரதாபாய் 1984ம் ஆண்டு ஒரு திருப்பம் நேர்ந்தது. ரத்னகிரி மாவட்டத்தில் கடலில் ரூ.47 லட்சம் மதிப்புள்ள பொருட்களை கப்பலிலிருந்து இறக்கி ஆம்புலன்சில் கடத்தி கொண்டு வந்த போது தாமஸ் குரியன் மற்றும் சோனா ஆகியோர் டிரைவருடன் பிடிபட்டனர். இருவரும் வரதாபாய் வீட்டிற்கு ரத்னகிரியில் இருந்து அடிக்கடி போன் பேசியிருப்பது கண்டுபிடிக்கப்பட்டது. வரதாபாயை காஃபிபோசா (COFEPOSA) சட்டத்தில் கைது செய்ய பரிந்துரைக்கப்பட்டது. ஆனால் மாநில உள்துறை அமைச்சகம் போதிய ஆதாரம் இல்லை என்று கூறி காஃபிபோசா கமிட்டியின் பரிந்துரையினை ஏற்க மறுத்தது. அந்நியச் செலாவணி பாதுகாப்பு மற்றும் கடத்தல் தடுப்புச் சட்டம் என்பதன் ஆங்கிலச் சுருக்கமே காஃபிபோசா. 1983ம் ஆண்டிலும் ஒரு சம்பவம். வரதாபாய் ஆட்கள் நடுக்கடலில் போலந்து நாட்டு கப்பலிலிருந்து மீன்பிடி படகில் கடத்தல் பொருட்களை இறக்கிய போது சுங்க வரி அதிகாரிகள் கையும் களவுமாக பிடித்தனர். இரண்டு படகுகளையும் வரதாபாய்தான் வாடகைக்கு வாங்கினார் என்று விசாரணையில் தெரிய வந்தது. ஆனாலும் வரதாபாயை கைது செய்ய முடியவில்லை. 10 லட்சம் ரூபாய் அபராதமாக கட்டவேண்டிய நிலை மட்டும்தான் ஏற்பட்டது. மீண்டும் ஒரு முறை கடத்தல் வழக்கில் சிக்கிய போது சாட்சிகள் வரதாபாய்க்கு சாதகமாக இருந்ததால் போலீஸாரால் அவரை கைது செய்ய முடியவில்லை.மும்பை மாநகராட்சி கடத்தல், மிரட்டி பணம் பறித்தல் மற்றும் கட்டப்பஞ்சாயத்து போன்ற காரியங்களை செய்த போதிலும் மக்களுக்கு நன்மைகளை செய்ய வரதாபாய் தயங்கியதில்லை. மிகப்பெரிய முருக பக்தரான வரதாபாய், வி.டி.ரயில் நிலையம் அருகே உள்ள 230 ஆண்டுகள் பழமையான தர்காவிற்கு செல்லும் பழக்கத்தை கொண்டிருந்தார். மும்பைக்கு வந்ததிலிருந்து அடிக்கடி அங்கு சென்று அங்குள்ள ஏழைகளுக்கு தன்னால் இயன்ற அளவு சாப்பாடு வாங்கிக் கொடுத்தார். இப்போதும் அவரது குடும்பத்தினர் ஆண்டுக்கு ஒரு முறை இந்த தர்காவில் அன்னதானம் செய்கின்றனர். பாலிவுட் பிரபலங்களும், கணபதி சிலையும் மாட்டுங்காவில் ஒவ்வொரு ஆண்டும் கணபதி விழாவின் போது வரதாபாய் சார்பாக வைக்கப்படும் கணபதி சிலை மும்பையில் மிகவும் புகழ்பெற்றதாகும். இந்த கணபதியை தரிசிக்க பாலிவுட் பிரபலங்கள் அதிக அளவில் வருவதுண்டு. கூலி என்ற படத்தில் அமிதாப்பச்சன் நடித்த போது படப்பிடிப்பில் காயம் அடைந்தார். அவர் குணமடைவதற்காக ஜெயாபச்சன் வரதாபாயின் கணபதி பூஜையில் கலந்து கொண்டு வழிபட்டார். அதோடு கிருபானந்த வாரியாரும் இந்த கணபதியை தரிசிக்க வந்திருக்கிறார். அரசியல்வாதிகளிடமும் வரதாபாய்க்கு நல்ல தொடர்பு. ஒரு முறை சயான் கோலிவாடாவில் வரதாபாய் கட்டிய கோயிலை அப்போதைய முதல்வரின் மனைவி திறந்து வைத்தார். 1983ம் ஆண்டில் சென்னையில் தனது மகளுக்கு திருமணம் செய்து வைத்தார் வரதாபாய். இத்திருமணத்தில் அப்போதைய தமிழக முதல்வர் எம்.ஜி.ஆர் மற்றும் அவரது மனைவி ஆகியோர் கலந்து கொண்டார். பின்னர் மும்பை வந்து ஈழத்தமிழர்களுக்கு ஆதரவாக மும்பையில் பிரம்மாண்ட பேரணியை நடத்தினார். மும்பையின் அரசோ காவல்துறையோ வரதாபாயிடமிருந்து அப்படியொரு அரசியல் நடவடிக்கையை எதிர்பார்த்திருக்கவில்லை. அப்பேரணிக்காக மும்பைக்குள் சிறப்பு ரயிலை இயக்கியவர் என்ற பெயரை வரதாபாய் பெற்றார். பேரணியில் கலந்து கொண்டவர்கள் மும்பையிலுள்ள இலங்கை தூதரத்தை முற்றுகையிட்டனர். மும்பையே ஸ்தம்பித்தது. கூட்டம் அதிகமாகிக் கொண்டே சென்றதால் ரயிலில் தமிழர்கள் யாரையும் ஏறவிடாமல் போலீஸார் தடுத்தனர். அப்படியிருந்தும் தமிழர்களுக்காக மாபெரும் பேரணியை நடத்தி தனது செல்வாக்கை காட்டினார் வரதாபாய். தமிழர் பேரவை என்ற அமைப்பை ஏற்படுத்தி அதன் முலம் அப்பேரணியை நடத்தி ஈழத்தமிழர்களுக்காக நிதியும் வசூலித்து கொடுத்தார். கள்ளச்சாராயம் மூலம் கோடிக்கணக்கில் பணம் வந்தாலும், ஒரு முறை அவர் நிருபர்களுக்கு பேட்டியளிக்கும்போது தனக்கு மாதம் 18 ஆயிரம் மட்டுமே வருமானம் கிடைப்பதாக தெரிவித்தார். அது தனது செலவுக்கு போதுமானதாக இருக்கிறது என்றும் சேமிப்பில் இருக்கும் பணத்தை தேவைப்படும் நபர்களுக்கு கொடுத்து உதவுவதாகவும் தெரிவித்தார். அவர் மீதான சாராயக் கடத்தல் புகார்கள் குறித்து கேட்டதற்கு, அடியோடு அந்த குற்றச்சாட்டை மறுத்த வரதாபாய் பத்திரிகைகள் விற்பதற்காக தன்னைப்பற்றி அப்படி எழுதுவதாகக் கூறினார்.ஹாஜி மஸ்தான், வரதா பாய் கூலியாக வாழ்க்கையை தொடங்கி பணக்காரராகி அதிகாரத்துடனும் நெருங்கி அரசியலை தொட்டுப் பார்க்கும் நிலையை அடைந்தார் வரதாபாய். அதே நேரத்தில் அதே வகை உயரத்தை இன்னொரு தமிழரும் மும்பையில் பெற்றிருந்தார். ஹாஜி மஸ்தான்! ஹாஜி மஸ்தானும் வரதாபாயும் இரு வேறு பகுதிகளில் இருந்தாலும் ஒருவருக்கொருவர் நட்பை ஏற்படுத்திக்கொள்ள வேண்டும் என்கிற எண்ணத்தில் இருந்தனர். அதற்கான சந்தர்ப்பம் கிட்டாமலே இருந்தது. இறுதியில் அந்த சந்தர்ப்பமும் வாய்த்தது. வரதாபாய் கைது மூலம் அது சாத்தியமானது. தொடரும்.. முந்தைய பகுதிக்கு... Also Read: நிழலுலக ராஜாக்கள்: தூத்துக்குடி டூ மும்பை ‘நாயகன்’ - வரதராஜ முதலியாரின் கதை | பகுதி-4
http://dlvr.it/RyK7GT

Read More

கொரோனா பரவல்... காதலியை வெளியே அழைத்துச் செல்ல ஆலோசனைக் கேட்ட இளைஞர்... போலீஸின் பதில் என்ன?!

மும்பையில் கொரோனாவின் தாக்கம் அதிகமாக இருப்பதால் வாகன நெருக்கடியை கட்டுப்படுத்தவும் அத்தியாவசிய சேவையில் ஈடுபடும் ஊழியர்கள், போக்குவரத்து நெருக்கடியில் சிக்காமல் இருக்க போலீசார் வாகனங்களுக்கு மூன்று வகையான ஸ்டிக்கர்களை அறிமுகப்படுத்தியுள்ளனர். சிவப்பு, பச்சை மற்றும் மஞ்சள் கலர் ஸ்டிக்கர்கள் போலீசாரால் வாகன ஓட்டிகளுக்கு இலவசமாகக் கொடுக்கப்பட்டு வருகிறது. மஞ்சள் கலர் ஸ்டிக்கர் ஒட்டிய வாகனங்களில் டாக்டர்கள் செல்லலாம். பச்சை கலர் ஸ்டிக்கர் ஒட்டப்பட்ட வாகனத்தில் காய்கறிகள் எடுத்துச்செல்ல முடியும். மஞ்சள் கலர் ஸ்டிக்கர் ஒட்டிய வாகனத்தில் மாநகராட்சி ஊழியர்கள் செல்லலாம். Mumbai Police தெளிவாகச் சொல்லியிருந்தாலும் எந்த கலர் ஸ்டிக்கர் வாகனங்களுக்கு ஒட்டவேண்டும் என்ற சந்தேகம் பொதுமக்களுக்கு இருந்து கொண்டேதான் இருக்கிறது. இது தொடர்பாக அடிக்கடி போலீஸ் கட்டுப்பாட்டு அறைக்கு அழைப்புகள் வந்து கொண்டேதான் இருக்கின்றன. பொதுமக்கள் சமூக வலைதளத்திலும் இது தொடர்பாக சந்தேகங்களை கேட்டு வருகின்றனர். போலீசார் அனைத்து கேள்விகளுக்கும் பொறுமையாகப் பதிலளித்து வருகின்றனர். இதற்கிடையே அஷ்வின் வினோத் எனும் இளைஞர் ட்விட்டரில், ''எனது காதலியை சந்திக்க வெளியில் செல்ல. வாகனத்தில் என்ன மாதிரியான ஸ்டிக்கர் பயன்படுத்தவேண்டும். எனது காதலியை நான் மிகவும் மிஸ் பண்ணுகிறேன்'' என்று குறிப்பிட்டிருந்தார். இதற்கு பதிலளித்துள்ள போலீசார், ''இது உங்களுக்கு மிகவும் அத்தியாவசியமான ஒன்று என்று நாங்கள் புரிந்துள்ளோம் சார். ஆனால், இது அரசின் அத்தியாவசியம் அல்லது அவசர பிரிவின் கீழ் வராது. பிரிந்திருப்பது இதயங்கள் இடையேயான நெருக்கத்தை அதிகரிக்கும். நீங்கள் வாழ்நாள் முழுவதும் சேர்ந்திருக்க வாழ்த்துகிறோம். இது தற்காலிகமான ஒன்றுதான்'' என்று போலீசார் பதிலளித்துள்ளனர். மும்பை போலீசாரின் இந்த பதில் அனைவருக்கும் ஆச்சர்யமளிக்கும் வகையில் இருந்தது. அதோடு போலீசாரின் இந்தப் பதிலுக்கு 17 ஆயிரத்திற்கும் மேற்பட்டோர் லைக் செய்துள்ளனர்.மகாராஷ்டிராவில் கொரோனாவை கட்டுப்படுத்த புதிய கட்டுப்பாடுகள் தற்போது அமலுக்கு வந்துள்ளன. மகாராஷ்டிரா, உத்தரப்பிரதேசம், குஜராத் உட்பட 10 மாநிலங்களில்தான் கொரோனா தொற்று அதிகமாக இருக்கிறது.
http://dlvr.it/RyK7Dn

Read More

`105 கி.மீ.வேகத்தில் ரயில்; பாதி வழியில் பயம்.. ஆனாலும்!’ - சிறுவனை மீட்டது குறித்து ரயில்வே ஊழியர்

மும்பை அருகில் உள்ள வாங்கினி ரயில் நிலையத்தில் கடந்த சனிக்கிழமை ரயில்வே ஊழியர் தனது உயிரைப் பற்றிக் கவலைப்படாமல் 6 வயது சிறுவனை ரயிலில் அடிபடாமல் காப்பாற்றிய சம்பவம் இந்தியா முழுக்க பெரிய அளவில் பேசப்படுகிறது. சிறுவனை காப்பாற்றிய ரயில்வே ஊழியர் மயூர் ஷெல்கேயின் செயலை மத்திய ரயில்வே அமைச்சர் பியூஸ் கோயல், தொழிலதிபர் அதானி என்று அனைவரும் பாராட்டி வருகின்றனர். ரயில்வே அமைச்சகம் மயூர் ஷெல்கேயின் துணிச்சலான செயலை பாராட்டி ரூ.50 ஆயிரம் ஊக்கத்தொகை வழங்கி இருக்கிறது. அந்த பணத்தில் 50 சதவீதத்தை தான் காப்பாற்றிய சிறுவனுக்கும், கண் தெரியாத அவனது தாயாருக்கும் கொடுக்கப்போவதாக அறிவித்துள்ளார் மயூர். அவரின் இந்த துணிச்சலான செயல் குறித்து கேட்டு தெரிந்து கொள்வதற்காக வாங்கனி ரயில் நிலையத்தில் மயூர்ஷெல்கேயை சந்தித்து பேசினோம். அப்போது அவர் கூறுகையில், ``நான் சம்பவத்தன்று ரயில் நிலையத்தின் இரண்டாவது பிளாட்பாரத்திற்கு கீழே ரயிலுக்கு சிக்னல் கொடுப்பதற்காக நின்று கொண்டிருந்தேன். அந்த நேரம் கண்பார்வையற்ற பெண் தனது 6 வயது சிறுவனுடன் பிளாட்பாரத்தில் நடந்து சென்று கொண்டிருந்தார். அவர் பிளாட்பார ஓரத்தில் நடந்து சென்றதால் சிறுவன் கால் தவறி தண்டவாளத்தில் விழுந்துவிட்டான். அவன் தண்டவாளத்தில் இருந்து பிளாட்பாரத்தில் ஏற முயன்றான். ஆனால் அவன் மிகவும் சிறியவனாக இருந்ததால் முடியவில்லை. அந்நேரம் மெயில் ஒன்று அதே தண்டவாளத்தில் வேகமாக வந்து கொண்டிருந்தது. நான் நின்ற இடத்தில் இருந்து 60 மீட்டர் தூரத்தில் சிறுவன் ரயில் தண்டவாளத்தில் நின்று கொண்டிருந்தான். மயூரை பாராட்டும் அரசியல்வாதிகள் இந்த நேரத்தில் ரயிலுக்கு சிவப்பு சிக்னல் கொடுத்து வண்டியை நிறுத்தவும் முடியாது. எனவே என்ன விலை கொடுத்தேனும் சிறுவனை காப்பாற்றிவிட வேண்டும் என்று நினைத்து சிறுவனை நோக்கி ஓடினேன். ஆனால் பாதி வழியில் செல்லும் போது ரயில் மிகவும் நெருங்கிவிட்டதால் என்னை பயம் தொற்றிக்கொண்டது. ஆனாலும் துணிச்சலுடன் சிறுவனை தூக்கி பிளாட்பாரத்தில் போட்டுவிட்டு நானும் குதித்து பிளாட்பாரத்தில் ஏறிவிட்டேன். சில நொடிகள் தாமதித்து இருந்தாலும் நான் தப்பித்து இருக்க முடியாது. பிளாட்பாரத்தில் சிறிது நேரம் என்ன நடந்தது என்ற சுயநினைவுவே இல்லாமல் இருந்தேன். 15 நிமிடத்திற்கு பிறகுதான் ஓரளவு சுயநினைவுக்கு வந்தேன். சிறுவனை காப்பாற்றிவிட்டதாக எல்லோரும் என்னை பாராட்டினர். நான் சிறுவனை காப்பாற்றிவிட்டேன் என்று என்னால் நம்பவே முடியவில்லை. சிறுவனை காப்பாற்றவே நான் அங்கு நின்றதாக கருதுகிறேன். சிறுவனின் தாயார் கண்பார்வையற்றவர் என்பதால் எனக்கு ரயில்வே கொடுக்கும் பரிசுப்பணத்தில் 50 சதவீதத்தை சிறுவனுக்கும் அவனது தாயாருக்கும் கொடுக்க முடிவு செய்துள்ளேன்” என்று உணர்ச்சி பொங்க தெரிவித்தார். சிறுவன் சாஹிலை அவனது தாயார் ரயில் நிலையத்திற்கு மீண்டும் அழைத்து வந்திருந்தார். அச்சிறுவனுக்கு கடந்த சில நாட்களாக அரசியல் கட்சி தலைவர்கள் மற்றும் சமூக சேவகர்கள் நேரில் சந்தித்து பண உதவி மற்றும் பரிசுகளை வழங்கி வருகின்றனர். ராஜ் தாக்கரே கட்சியை சேர்ந்த ஒருவர் அச்சிறுவனின் படிப்பு செலவை ஏற்றுக்கொள்வதாக தெரிவித்தார். சிறுவனின் தாயார் சங்கீதாவிடம் இது குறித்து கேட்டதற்கு, ``எனது மகனுக்கு மறுபிறவி கிடைத்துள்ளது. இந்த மறுபிறவியை மயூர் சார்தான் கொடுத்துள்ளார். அவருக்கு எப்படி நன்றி சொல்வது என்றே தெரியவில்லை. எனது மகன் பிறந்த சில நாட்களில் எனது கணவர் என்னை விட்டுவிட்டு சென்றுவிட்டார். அதிலிருந்து எனது மகனுடன் நான் தனியாகத்தான் இருக்கிறேன். புறநகர் ரயில்களில் சிறுசிறு பொருட்களை விற்பனை செய்து அதில் கிடைக்கும் வருவாயில் குடும்பம் நடத்துகிறேன்” என கண்ணீர் மல்க தெரிவித்தார். காப்பாற்றிய சிறுவன், அவரின் தாயாருடன் மயூர் ரயில் நிலையத்திற்குள் ரயில் வரும் போது 105 கிலோமீட்டர் வேகத்தில் வந்து கொண்டிருந்தது. அந்த உதயன் எக்ஸ்பிரஸ் ரயிலை இயக்கிய வினோத் குமார் இது குறித்து கூறுகையில், ``ரயில் வாங்கினி ரயில் நிலையத்தை நெருங்கிய போது தண்டவாளத்தில் சிறுவன் ஒருவன் நிற்பதை கவனித்தேன். அதோடு அவனை காப்பாற்ற ஒருவர் ஓடி வந்தார். அதனை பார்த்தவுடன் ரயிலின் வேகத்திற்கு குறைக்க பிரேக் போட்டேன். இதனால் 105 கிலோமீட்டர் வேகத்தில் வந்த ரயில் ரயில் நிலையத்திற்குள் வரும் போது 85 கிலோமீட்டர் வேகத்திற்கு மாறியது. இதனால் சிறுவனை காப்பாற்றிய மயூருக்கு தன்னை காப்பாற்றிக்கொள்ள சில விநானடிகள் கூடுதலாக கிடைத்திருக்கும்” என்றார். அரசியல்வாதிகள் போட்டோ எடுக்கும் போது தெரிவிக்கும் வாக்குறுதிகளை நிறைவேற்றினால் சிறுவன் மூலம் அவனின் தாயாருக்கு விடிவுகாலம் பிறக்கும் என்பதில் சந்தேகம் இல்லை.
http://dlvr.it/RyGwrc

Read More

கேரளா: சரிதா நாயர் திடீர் கைது! - சோலார் பேனல் மோசடி வழக்கில் கோர்ட் அதிரடி

சோலார் பேனல் மோசடி வழக்கு மூலம் பிரபலமானவர் கேரளத்தின் சரிதா நாயார். கேரளாவில் கடந்த காங்கிரஸ் ஆட்சியில் முதல்வர் உம்மன் சாண்டியுடன் சரிதா நாயர் நெருங்கிய தொடர்பில் இருந்ததாகச் சர்ச்சைகள் எழுந்தன. கடந்த காங்கிரஸ் ஆட்சியின்போது சரிதா நாயர், பிஜூ ராதாகிருஷ்ணன் உள்ளிட்டவர்கள் சோலார் பேனல் மோசடியில் ஈடுபட்டதாகப் பரபரப்பு தகவல்கள் வெளியாகிவந்தன. அந்த மோசடிகள் குறித்த வழக்குகள் கேரளம், தமிழகம் உள்ளிட்ட பல்வேறு கோர்ட்டுகளில் நடைபெற்றுவருகின்றன. அதில், ஆலப்புழா, பத்தணம்திட்டா, கோழிக்கோடு கோர்ட்டுகளில் சரிதா நாயருக்கு எதிராக நடைபெற்றுவரும் சோலார் மோசடி வழக்குகளில் வாரன்ட்கள் நிலுவையில் உள்ளன. சோலார் பேனல் அமைத்துக்கொடுப்பதாகக் கூறி, கோழிக்கோட்டைச் சேர்ந்த அப்துல் மஜீத் என்பவரிடமிருந்து 42 லட்சம் ரூபாய் மோசடி செய்ததாக சரிதா நாயர் மீது புகார் எழுந்தது.பிஜூ ராதாகிருஷ்ணன் இது குறித்து அப்துல் மஜீத் கோழிக்கோடு கசபா காவல் நிலையத்தில் 2012-ம் ஆண்டு புகார் அளித்திருந்தார். அந்தப் புகாரில் தனது வீடு, அலுவலகம் ஆகிய இடங்களில் சோலார் பேனல் பொருத்துவதாக பிஜூ ராதாகிருஷ்ணன், சரிதா நாயர் ஆகியோர் தங்கள் பெயரை ஆர்.பி நாயர் மற்று லெட்சுமி நாயர் என மாற்றிக் கூறி, இந்த மோசடியில் ஈடுபட்டதாகப் புகாரில் கூறப்பட்டிருந்தது. அந்த வழக்கு கோழிக்கோடு ஜுடிஷியல் ஃபர்ஸ்ட் கிளாஸ் மாஜிஸ்ட்ரேட் கோர்டில் நடந்துவருகிறது. அந்த வழக்கில் பலமுறை நேரில் ஆஜராகக் கூறியும் முதல் குற்றவாளியாகச் சேர்க்கப்பட்ட பிஜூ ராதாகிருஷ்ணனும், இரண்டாவது குற்றவாளியாகச் சேர்க்கப்பட்ட சரிதா நாயரும் கோர்ட்டில் ஆஜராகவில்லை. கீமோ தெரபி சிகிச்சை காரணமாக சரிதா நாயர் கோர்ட்டில் ஆஜராக முடியவில்லை என அவரது வழக்கறிஞர் கோர்ட்டில் தெரிவித்தார். பிஜூ ராதாகிருஷ்ணனுக்கு ஆஞ்சியோ பிளாஸ்டி சிகிச்சை முடிந்து ஓய்வில் இருப்பதாகக் கூறப்பட்டது. ஆனால், சரிதா நாயர் கீமோ தெரபி எடுப்பதற்கான தெளிவான ஆவணங்கள் இல்லை என அரசுத் தரப்பு வழக்கறிஞர் தெரிவித்தார்சரிதா நாயர் இதையடுத்து சரிதா நாயர் மற்றும் பிஜூ ராதாகிருஷ்ணன் ஆகியோருக்கு ஏற்கெனவே வழங்கப்பட்டிருந்த ஜாமீனை, கோர்ட் கடந்த பிப்ரவரி மாதம் ரத்து செய்தது. சரிதா நாயரும் பிஜூ ராதாகிருஷ்ணனும் தாமாக முன்வந்து கோர்ட்டில் ஆஜராக வேண்டும் என்றும், அப்படி ஆஜராகாமல் இருந்தால் கைதுசெய்து ஆஜராக்க வேண்டும் எனவும் கோர்ட் தீர்ப்பளித்தது. மூன்று முறை பிடி ஆணை பிறப்பித்தும், சரிதா நாயர் கோர்ட்டில் ஆஜராகாததால் கடந்த மாதமே முடிந்திருக்க வேண்டிய வழக்கு முடியாமல் காலதாமதமானது. இந்தநிலையில், கோர்ட் உத்தரவுப்படி கோழிக்கோடு போலீஸார் இன்று திருவனந்தபுரத்துக்கு வந்து சரிதா நாயரைக் கைதுசெய்தனர். இன்றே அவரை கோர்ட்டில் ஆஜர்படுத்துவதாக போலீஸ் தரப்பில் தெரிவிக்கப்பட்டது. சோலார் பேனல் மோசடி வழக்கில் நீண்ட இடைவெளிக்குப் பிறகு சரிதா நாயர் கைதுசெய்யப்பட்டிருப்பது பரபரப்பை ஏற்படுத்தியுள்ளது.
http://dlvr.it/RyFFY0

Read More

கொரோனா மரணங்களால் காத்திருக்கும் சடலங்கள்... தற்காலிக இடுகாடுகளைத் தேடும் கர்நாடகா!

கொரோனா தொற்று பாதிப்பு அதிதீவிரம் அடைந்துள்ள நிலையில், கர்நாடகா மாநிலத்தில் புதுப்பிரச்னை ஒன்று உருவாகியுள்ளது. கொரோனா பாதிக்கப்பட்டோர் எண்ணிக்கை இந்த மாநிலத்தில் அதிகம் இருந்தாலும் அதனால் ஏற்பட்ட இறப்புகள் குறைவாகத் தான் உள்ளன. ஆனால், இந்தச் செய்தி பாதிக்கப்பட்ட குடும்பத்தாருக்கு ஆறுதல் கொடுக்கக்கூடியதாக இல்லை.கொரோனா உயிரிழப்பு காரணம் உடலை எரிப்பதற்கான அல்லது புதைப்பதற்கான நேரம். இறந்தவர்களின் சடலங்களை எரிக்கவோ, புதைக்கவோ டோக்கன்கள் பெற்றுக்கொண்டு பல மணி நேரம் காத்திருக்க வேண்டியிருப்பது பாதிக்கப்பட்ட குடும்பங்களைப் பெரும் அவதிக்குள்ளாக்கி வருகிறது. இதற்குத் தீர்வாக கர்நாடக மாநிலம் தற்காலிக இடுகாடுகளுக்கான இடங்களைத் தேடும் பணியில் ஈடுபட்டுள்ளது. இதுவரை கர்நாடக மாநிலம் கோவிட் தொற்றால் மிகவும் மோசமாகப் பாதிக்கப்பட்டிருக்கிறது. 21,794 புதிய தொற்றுகள் பதிவாகி உள்ளன. இதில் நேற்று மட்டுமே 149 மரணங்கள் பதிவாகி இருக்கின்றன. மற்ற மாநிலங்களைவிட மரண எண்ணிக்கை குறைவாக இருந்தாலும் இடுகாட்டுப் பிரச்னை அதிகரித்துள்ளது.அமைச்சர் ஆர்.அசோகா இது தொடர்பாக வருவாய்த்துறை அமைச்சர் ஆர்.அசோகா அறிக்கை ஒன்றை வெளியிட்டிருக்கிறார். கர்நாடக மாநிலம் இதற்குத் தேவையான தற்காலிக இடுகாடுகளை அமைத்து அதற்குத் தேவையான போர் கிணறு, தண்ணீர் வசதி, மின்சார இணைப்பு ஆகியவற்றை அமைக்கும் பணியில் ஈடுபட்டுள்ளதாகக் கூறி இருக்கிறார். இந்தத் தற்காலிக இடுகாடுகள், சடலங்களுடன் வரிசையில் காத்திருப்போருக்கென அமைக்கப்பட உள்ளதாகவும் கூறி இருக்கிறார். - லதா ரகுநாதன்
http://dlvr.it/RyFFW9

Read More

கேரளா டு கோவை: கட்டுக் கட்டாக 2,000 ரூபாய் கள்ள நோட்டுகள்! - அதிரவைக்கும் நெட்வொர்க்

கேரள மாநிலம் கொச்சி போலீஸாருக்கு கள்ள நோட்டு தொடர்பாக ஓர் ரகசிய தகவல் கிடைத்துள்ளது. அதன்படி, கேரளா மற்றும் தமிழ்நாட்டின் கோவைப் பகுதிகளில் சிலர் ரூ.2,000 கள்ள நோட்டைப் புழக்கத்தில்விடுவதாகத் தகவல் கிடைத்தது. இது குறித்து, இரண்டு மாநில போலீஸாரும் கடந்த சில வாரங்களாக தீவிரமாக விசாரித்துவந்தனர்.கோவை Also Read: காதல் ஜோடியைத் தேடிச் சென்றபோது சிக்கிய கள்ளநோட்டு கும்பல் - கோவை அதிர்ச்சி! இதில் சம்பந்தப்பட்ட ஒரு நபர் கோவையில் இருப்பதாகவும் தகவல் கிடைத்துள்ளது. இந்தநிலையில், கேரள போலீஸ் தனிப்படையினர் செவ்வாய்கிழமை கோவை வந்தனர். இதையடுத்து, கரும்புக்கடை வள்ளல் நகர் பகுதியிலுள்ள அஸ்ரஃப் அலி (24) என்பவரை மடக்கிப்பிடித்தனர். அஸ்ரஃப் கொடுத்த தகவலின் அடிப்படையில், உக்கடம் அல்-அமீன் காலனி பகுதியிலுள்ள சையது சுல்தான் (32) என்பவரிடம் விசாரணை நடத்த போலீஸார் முடிவு செய்தனர்.சுல்தான் வீடு தொடர்ந்து, சுல்தான் வீட்டில் கேரளா மற்றும் கோவை போலீஸார் இணைந்து தீவிர சோதனை நடத்தினார்கள். அந்தச் சோதனையில் ரூ. 1.8 கோடி மதிப்புள்ள, 2,000 ரூபாய் கள்ள நோட்டுகள் கத்தை கத்தையாகப் பறிமுதல் செய்யப்பட்டன. இந்தக் கள்ள நோட்டுகள் எங்கிருந்து வந்தது... யார் யாருக்கு புழக்கத்தில் விடப்பட்டன... இதில் யாரெல்லாம் சம்பந்தப்பட்டுள்ளனர் என்பது குறித்து போலீஸார் விசாரணை நடத்திவருகிறார்கள். மேலும், கைதான இரண்டு பேரையும் விசாரணைக்காக கேரளாவுக்கு அழைத்துச் சென்றனர். இன்று காலை இந்த கள்ள நோட்டு விவகாரத்தில் சுல்தானின் கூட்டாளிகளான மேலும் இருவர் கைதுசெய்யப்பட்டனர். சுல்தான், அஸ்ரஃப் முதற்கட்ட விசாரணையில், இவர்கள் அல்-அமீன் காலனி பகுதியிலுள்ள கடைகளில், கடந்த மூன்று மாதங்களாகக் கள்ள நோட்டுகளைப் புழக்கத்தில்விட்டதாகத் தகவல் வெளியாகியுள்ளது. கோவையில் ஏற்கெனவே, கடந்த 2018-ம் ஆண்டு 2,000 ரூபாய் பணத்தை கலர் ஜெராக்ஸ் எடுத்து கள்ளநோட்டாகப் புழக்கத்தில்விட்ட கும்பல் கைது செய்யப்பட்டது குறிப்பிடத்தக்கது.
http://dlvr.it/RyBxSl

Read More

ரயில் தண்டவாளத்தில் இருந்து குழந்தையைக் காப்பாற்றிய மயூர் ஷெல்கேவுக்கு ரூ.50 ஆயிரம் பரிசு!

மும்பை அருகில் உள்ள வாங்கனி என்ற இடத்தில் கடந்த இரண்டு தினங்களுக்கு முன்பு ரயில் தண்டவாளத்தில் 6 வயது குழந்தையுடன் பார்வையற்ற பெண் ஒருவர் நடந்து சென்று கொண்டிருந்தார். அந்நேரம் குழந்தை தவறி தண்டவாளத்தில் விழுந்துவிட்டது. இதனால் அப்பெண் என்ன செய்வது என்று தெரியாமல் திணறினார். அந்நேரம் வேகமாக ரயில் ஒன்று வந்து கொண்டிருந்தது. உடனே அருகில் வேலை செய்து கொண்டிருந்த ரயில்வே பாயிண்ட்மேன் மயூர் ஷெல்கே, தண்டவாளத்தில் குழந்தை இருப்பதை பார்த்து ஓடிச் சென்று சிறுவனை காப்பாற்றினார். சிறுவனை தூக்கி பிளாட்பாரத்தில் விட்டுவிட்டு தானும் கண்ணிமைக்கும் நேரத்தில் பிளாட்பாரத்தில் ஏறிவிட்டார். சில நொடிகள் தாமதித்து இருந்தாலும் மயூர் ஷெல்கே ரயில் மோதி இறந்திருக்கக்கூடும். குழந்தையை காப்பாற்றும் மயூர் ஆனால் தனது உயிரைப்பற்றி கவலைப்படாமல் துணிந்து குழந்தையை காப்பாற்றினார். இந்த காட்சி ரயில் நிலையத்தில் பொருத்தப்பட்டு இருந்த கண்காணிப்பு கேமராவில் பதிவாகி இருந்தது. அந்தக் காட்சிகள் வெளியாகி மயூரின் இந்த துணிச்சலான செயலை அனைவரும் பாராட்டி வருகின்றனர். மத்திய ரயில்வே அமைச்சர் பியூஷ் கோயல், மயூருக்கு போன் செய்து பாராட்டு தெரிவித்தார். ரயில்வே நிர்வாகமும் அவரது சேவையை பாராட்டியதோடு, அவர் குழந்தையை காப்பாற்றிய வீடியோவை சமூக வலைத்தளத்தில் வெளியிட்டு கவுரப்படுத்தி உண்மையான ஹீரோ என்று புகழாரம் சூட்டியிருந்தது குறிப்பிடத்தக்கது. இது குறித்து மயூர் கூறுகையில்,`` நான் குழந்தையை காப்பாற்ற ஓடிய போது அது எனக்கும் ஆபத்து என்று தெரியும். ஆனாலும் குழந்தையை காப்பாற்றவேண்டும் என்ற ஒரே எண்ணம்தான் என் மனதில் இருந்தது. எனவேதான் ஓடிச்சென்று குழந்தையை காப்பாற்றினேன். குழந்தையின் தாயார் மிகவும் உணர்ச்சி வசப்பட்டு நன்றி தெரிவித்தார். மத்திய அமைச்சர் பியூஷ் கோயல் எனக்கு போன்செய்து பாராட்டினார்" என்கிறார். Excellent work done by Central Railway Mumbai Division Mr Mayur Shelkhe (Pointsman) saved the life of a child who lost his balance while walking at plateform no. 2 at Vangani station. pic.twitter.com/91G0ClQtWG— DRM MUMBAI CR (@drmmumbaicr) April 19, 2021 இந்த நிலையில் மயூர் ஷெல்கேயின் துணிச்சலான சேவையைப் பாராட்டி ரயில்வே நிர்வாகம் ரூ50 ஆயிரம் பரிசுத் தொகை அறிவித்துள்ளது. இதனை ட்விட்டரில் தெரிவித்திருக்கும் ரயில்வே அமைச்சர் பியூஷ் கோயல், ``மயூர் ஷெல்கேயின் செயலுக்கு பணம் ஈடாகாது. ஆனால் அவரின் மனிதாபிமான செயலை ஊக்குவிக்கும் விதமாக இது வழங்கப்படுகிறது" என்று குறிப்பிட்டுள்ளார். தன் உயிரைப் பணயம் வைத்து குழந்தையைக் காப்பாற்றிய மயூருக்கு, பல்வேறு தரப்பில் இருந்தும் பாராட்டுகள் குவிகின்றன. 8 மாதங்களாகத்தான், மயூர் வாங்கனி ரயில் நிலையத்தில் பணியாற்றி வருகிறார் என்பது குறிப்பிடத்தக்கது.
http://dlvr.it/Ry9DdB

Read More

மூணாறு: நிலச்சரிவில் எஜமானர்களைத் தேடிய நாய்... உரியவர்களிடம் சேர்ந்துவிட்ட நெகிழ்ச்சிக் கதை!

இடுக்கி மாவட்டம் மூணாறு அருகே உள்ளது கண்ணன் தேவன் தேயிலை எஸ்டேட். பல ஆயிரம் ஏக்கர் பரப்பளவுகொண்ட இந்த தேயிலை எஸ்டேட்டில், நூற்றுக்கணக்கான தொழிலாளர்கள் வேலை பார்த்து வருகின்றனர். தேயிலைத் தோட்டங்களுக்கு நடுவே, அவர்களுக்கான குடியிருப்புகளைக் கட்டிக்கொடுத்துள்ளது எஸ்டேட் நிர்வாகம். 30 வீடுகளைக் கொண்ட அப்படியான ஒரு குடியிருப்புதான்... பெட்டிமுடி.பெட்டிமுடி Also Read: மூணாறு: மீட்கப்படாத நான்கு உடல்கள்... அதிர்ச்சியளித்த அறிக்கை! - துயரத்தில் பெட்டிமுடி மக்கள் கடந்த 2020-ம் ஆண்டு ஆகஸ்ட் மாதம் 6-ம் தேதி இரவு பெய்த கனமழை, பெட்டிமுடி மக்களை காவு வாங்கும் என யாரும் நினைத்திருக்கவில்லை. நாள் முழுவதும் தேயிலைத் தோட்டத்தில் கால் கடுக்க நின்று இலைபறித்துவிட்டு வீடு திரும்பியவர்கள், இரவு உணவு அருந்திய பின்னர் அனைவரும் உறங்கிக்கொண்டிருந்தனர். சுமார் 11.30 மணிக்கு, பெரிய சத்தம் ஒன்று கேட்க, உறக்கத்தில் இருந்த அனைவரும் கண்விழிப்பதற்குள், பெரிய பெரிய பாறைகள் உருண்டு வந்து வீடுகளை உடைத்து நொறுக்கியது. அதன் மீது மணல் சரிந்து குவிந்தது. தொடர்மழை, தேயிலை எஸ்டேட்டின் ஒரு பகுதியை வலுவிழக்கச் செய்து, நிலச்சரிவை ஏற்படுத்தியிருந்தது. பெட்டிமுடி 11 பேர் அதிஷ்டவசமாகப் பிழைத்தாலும், குழந்தைகள், கர்ப்பிணிகள், பெண்கள், முதியவர்கள் உட்பட 70 பேர் மண்ணில் புதைந்துபோயினர். தகவல் அறிந்து, மீட்புப்படை சம்பவ இடத்திற்கு வர மறுநாள் மதியம் ஆனது. வனத்துறை, வருவாய்த்துறை, பேரிடர் மீட்புப் படை, தன்னார்வலர்கள் என சுமார் 500 பேர், தொடர்ச்சியாக 1 மாதம் மீட்புப் பணியில் ஈடுபட்டனர். நாள்தோறும் உடல்கள் தோண்டி எடுக்கப்பட்டன. 4 பேரின் உடல்கள் இப்போதுவரை மீட்கப்படவில்லை. பெட்டிமுடி கோர சம்பவத்தில், மீட்புப்பணியின் போக்கை `குவி’ என்ற வளர்ப்பு நாய் மாற்றியது என்றே சொல்ல வேண்டும். சம்பவம் நடந்த மறுநாள் மீட்புப் பணி துவங்கப்பட்டது. மணல் குவியல்களுக்குள் இருந்த உடல்களை ஜே.சி.பி இயந்திரம் மூலம் தேடிக்கொண்டிருந்தது மீட்புப் படை. அவர்களுக்கு நடுவே, செந்நிற நாய் ஒன்று அங்கும் இங்கும் சுற்றிக்கொண்டிருந்தது. வரிசையாகத் தோண்டி எடுக்கப்படும் உடல்களால், அந்த இடமே பரபரப்பாக காட்சியளித்தது. இதில், அந்த நாயை யாரும் கண்டுகொள்ளவில்லை. பெட்டிமுடி ஒரு கட்டத்தில், அந்த நாயில் செயல்கள் அனைவரையும் கவனிக்க வைத்தன. தன் எஜமானரை அந்த நாய் தேடுவதை உணர்ந்த மீட்புப் படையினர், அதனை கண்காணிக்க ஆரம்பித்தனர். நீரோடை ஒன்றின் அருகே போய் நின்ற அந்த நாய், தொடர்ச்சியாகக் குரைக்க, அந்த இடத்தினை தோண்டியது மீட்புக் குழு. அங்கே இரண்டை வயதுக் குழந்தையின் உடல் இருந்தது. அக்குழந்தையின் பெயர் தனுஷ்கா. அக்குழந்தையின் வளர்ப்பு நாய்தான் குவி. இச்சம்பவம் மீட்புப் பணியில் இருந்த அனைவரையும் உலுக்கியது. உடனடியாக, திருச்சூரில் இருந்து மாயா, டோனா என்ற இரண்டு போலீஸ் மோப்ப நாய்கள் வரவழைக்கப்பட்டன. அவற்றின் உதவியுடன் மீட்புப் பணி மேற்கொள்ளப்பட்டது. தொடர் மழை மற்றும் குளிர் காரணமாக, போலீஸ் மோப்ப நாய்கள் நோய்வாய்ப்பட்டன. வேறு வழியின்றி போலீஸ் மோப்ப நாய்களைத் திருப்பு அனுப்பிய மீட்புக் குழு, குவியின் உதவியுடன் புதையுண்ட உடல்களைத் தேட ஆரம்பித்தது. அதன் பலனாக சிலரது உடல்கள் கண்டுபிடிக்கப்பட்டன.மீட்புக் குழுவினருடன் குவி குவியின் அதீத திறமையைக் கண்ட மோப்ப நாய் பயிற்சியாளர் அஜித், குவியுடன் நெருங்கிப் பழக ஆரம்பித்தார். தொடர்ந்து, மாநிலக் காவல்துறை, இடுக்கி மாவட்ட நிர்வாகம் மற்றும் கேரள வன விலங்கு வாரியமான வனசமரச சமிதி அமைப்பு ஆகியவற்றின் ஒப்புதலோடு, குவியை தத்தெடுத்துக் கொண்டார். முறையான பயிற்சிக்குப் பின்னர், குவி, இடுக்கி மாவட்ட காவல்துறையில் சேர்த்துக்கொள்ளப்பட்டது. விபத்தில் உயிரிழந்த தனுஷ்காவின் குடும்பத்தில், அக்குழந்தையின் பாட்டி பழனியம்மாள் (வயது 72) மற்றும் அவரது மகன் தீபன் ஆகியோர் மட்டும் பிழைத்து, படுகாயத்துடன் மருத்துவமனையில் சிகிச்சையில் இருந்தனர். சிகிச்சை முடிந்து வீடுதிரும்பிய பழனியம்மாள், குவி பற்றி விசாரிக்க ஆரம்பித்துள்ளார். பயிற்சி கொடுக்கப்பட்டு கேரள காவல்துறையில் குவி சேர்க்கப்பட்டிருப்பதாகத் தகவல் கிடைக்க, உள்ளூர் பத்திரிகைகள் மூலம், குவியை தன்னிடம் ஒப்படைக்கும்படி கேட்டுக்கொண்டார் பழனியம்மாள். பழனியம்மாளுடன் குவி. இந்தச் செய்தி, திருவனந்தபுரத்தில் உள்ள காவல்துறை தலைமையகத்திற்கு தெரியவர, பழனியம்மாளிடம் குவியை ஒப்படைக்கும்படி உத்தரவு பிறப்பிக்கப்பட்டது. அதன்படி, பழனியம்மாளை தேடி வந்த இடுக்கி மாவட்ட காவல்துறை அதிகாரிகள், குவியை அவரிடம் ஒப்படைத்தனர். சுமார் 8 மாதங்களுக்குப் பின்னர் பழனியம்மாளைக் கண்டதும், வாலை ஆட்டிக்கொண்டு, ஓடிச்சென்று அவருடைய காலைச் சுற்றி சுற்றி வந்தது குவி. இது அங்கிருந்த அனைவரையும் ஆச்சர்யத்தில் ஆழ்த்தியது. பழனியம்மாள் கூறும்போது, ``குவினு ஒரு தடவைதான் கூப்புட்டேன். ஓடி வந்துட்டா. என்னை மறக்காம ஞாபகம் வெச்சிருக்கா...” என சந்தோசத்துடன் சொன்ன பழனியம்மாள், ``என் குவியை எங்கிட்ட சேர்க்க உதவிய எல்லாருக்கும் நன்றி. இவ்வளவு மாசமா அவள பாதுகாப்பா வளர்த்த காவல்துறையினருக்கு நன்றி...'' என்றார் தழுதழுத்த குரலில்.
http://dlvr.it/Ry9Dcj

Read More

தேனி: கம்பம் வழியாக கேரளா செல்ல `கொரோனா நெகட்டிவ்’ சான்றிதழ் கட்டாயம்! - ஏலக்காய் விவசாயிகள் வேதனை

தமிழக கேரள எல்லையில் அமைந்துள்ள தேனி மாவட்டத்திலிருந்து, கேரளாவுக்குள் செல்ல, இ-பாஸுடன், கொரோனா நெகட்டிவ் சான்றிதழ் கட்டாயம் என்ற நடைமுறை நேற்று (20.04.2021) முதல் கடைபிடிக்கத் தொடங்கியுள்ளது கேரள அரசு. கேரளாவின் இடுக்கி மாவட்டத்திலுள்ள ஏலக்காய் தோட்டங்கள், தேனி மாவட்ட விவசாயிகளுக்குச் சொந்தமானதாக உள்ளன. மேலும், அந்த ஏலக்காய் தோட்டங்களுக்கு வேலைக்குச் செல்பவர்கள், தேனி மாவட்டத்திலிருந்தே தினமும் ஜீப் மூலம் சென்றுவருகின்றனர். இந்தநிலையில், தினமும் ஆயிரக்கணக்கான மக்கள், இரு மாநில எல்லையைக் கடந்து கேரளாவுக்கும், தமிழகத்துக்கும் பயணம் செய்துவருகின்றனர்.கம்பம் மெட்டு Also Read: கேரளா செல்ல கட்டாய இ-பாஸ்! - தளர்வுகள் இல்லை... தவிப்பில் ஏலக்காய் விவசாயிகள் கம்பம் மெட்டு, போடி மெட்டு, குமுளி ஆகிய மூன்று வழித்தடங்கள் மூலம், தேனி மாவட்டத்திலிருந்து, கேரளாவின் இடுக்கி மாவட்டத்துக்குள் செல்ல முடியும். இந்தநிலையில், தமிழகத்தில் கொரோனா பரவல் அதிகரித்துவரும் சூழலில், யார் யாரெல்லாம் தங்கள் மாநிலத்துக்குள் வருகிறார்கள் என்பதைக் கண்காணிக்க, இ-பாஸ் முறையைக் கொண்டுவந்தது கேரள அரசு. குமுளி மற்றும் போடிமெட்டு எல்லைப்பகுதிகளில் இ-பாஸ் நடைமுறை கடைபிடிக்கப்பட்டாலும், சில நேரங்களில், மக்கள் பாஸ் இல்லாமலும் அனுமதிக்கப்பட்டுவருகின்றனர்.கம்பம் மெட்டு இந்தநிலையில், கம்பம் மெட்டு எல்லைப்பகுதி வழியாக கேரளாவுக்குள் வருபவர்களுக்கு மட்டும் இ-பாஸுடன், கொரோனா நெகட்டிவ் சான்றிதழ் கட்டாயம் என உத்தரவு பிறப்பித்துள்ளது கேரள அரசு. இது தொடர்பாக, இடுக்கி மாவட்ட சுகாதாரத்துறை மற்றும் காவல்துறையினர், கொரோனா நெகட்டிவ் சான்றிதழ் வைத்திருந்தால் மட்டுமே எல்லை தாண்டி அனுமதிக்கின்றனர். இ-பாஸ் மட்டும் வைத்திருக்கும் நபர்கள் திருப்பி அனுப்பப்படுகின்றனர். இதனால், ஏலக்காய் தோட்டங்களுக்குச் செல்லும் விவசாயிகள் மற்றும் தினக்கூலித் தொழிலாளர்கள் கடுமையாக பாதிக்கப்பட்டுள்ளனர். Also Read: இடுக்கி கனமழை: `நீரில் மூழ்கிய ஏலக்காய் தோட்டங்கள்!’ - தவிக்கும் தமிழக விவசாயிகள்கொரோனா டெஸ்ட் இது தொடர்பாக, கேரள மாநில வருவாய்த்துறை அதிகாரிகள் கூறும்போது, ``கம்பம் மெட்டு மற்றும் அதைச் சுற்றியுள்ள பகுதிகளில் கொரோனா பரவல் அதிகமாக இருப்பதால், கட்டுப்பாட்டுப் பகுதியாக அறிவிக்கப்பட்டுள்ளது. எனவேதான், கொரோனா நெகட்டிவ் சான்றிதழ் கட்டாயமாக்கப்பட்டுள்ளது” என்கின்றனர்.
http://dlvr.it/Ry6wNs

Read More

ராகுல் காந்தி கொரோனா தொற்றிலிருந்து குணமடைய வேண்டும்: பிரதமர் மோடி, மு.க ஸ்டாலின் வாழ்த்து

கொரோனா தொற்றால் பாதிக்கப்பட்டுள்ள காங்கிரஸ் எம்.பி ராகுல் காந்தி விரைவில் குணமடைய பிரதமர் மோடி, மு.க ஸ்டாலின் உட்பட பலரும் வாழ்த்து தெரிவித்துள்ளனர்.   தற்போது இந்தியாவில் கொரோனா இரண்டாம் அலை அதிதீவிரமாக பரவிவருகிறது. அதில் பொதுமக்களுடன் பல சினிமா பிரபலங்கள் மற்றும் அரசியல் தலைவர்களுக்கும் கொரோனா தொற்றுக்கு ஆளாகி வருகின்றனர். இன்று காங்கிரஸ் எம்.பி ராகுல்காந்திக்கு கொரோனா தொற்று உறுதிசெய்யப்பட்டுள்ளது. இதுகுறித்து அவர் தனது டிவிட்டர் பக்கத்தில், ‘’லேசான கொரோனா அறிகுறிகள் தென்பட்ட காரணத்தால் பரிசோதனை செய்து கொண்டேன். அதில் எனக்கு தொற்று உறுதியாகியுள்ளது. சமீபத்தில் என்னுடன் தொடர்பிலிருந்த அனைவரும் பாதுகாப்பு நெறிமுறைகளை தயவு செய்து பின்பற்றுங்கள். பாதுகாப்பாக இருங்கள்’’ என்று குறிப்பிட்டிருந்தார். அவர் விரைவில் குணமடைந்து வர பிரதமர் மோடி வாழ்த்து தெரிவித்துள்ளார். இதுகுறித்து அவர் தனது ட்விட்டர் பக்கத்தில், “மக்களவை உறுப்பினர் ராகுல்காந்தியின் உடல் ஆரோக்யத்திற்காகவும், அவர் விரைவில் குணமடையவும் பிரார்த்திக்கிறேன்’’ என்று குறிப்பிட்டுள்ளார். I pray for the good health and quick recovery of Lok Sabha MP Shri @RahulGandhi Ji. — Narendra Modi (@narendramodi) April 20, 2021 திமுக கட்சியின் தலைவர் மு.க. ஸ்டாலின், “முன்னாள் காங்கிரஸ் தலைவரும், மக்களவை உறுப்பினருமான ராகுல்காந்திக்கு கொரோனா தொற்று உறுதியானது குறித்து கேள்விப்பட்டு கவலை கொள்கிறேன். விரைவில் முழுமையாக அவர் நலம்பெற வேண்டும் என வாழ்த்துகிறேன். அனைவரையும் பாதுகாப்பு நெறிமுறைகளை பின்பற்றி பாதுகாப்பாக இருக்க வலியுறுத்துகிறேன்’’ என்று குறிப்பிட்டுள்ளார். Deeply concerned to hear that former President of Indian National Congress and Member of Parliament, brother @RahulGandhi has tested positive for #COVID19. I wish him a quick recovery to full health.Urge everyone to take all precautions and stay safe. — M.K.Stalin (@mkstalin) April 20, 2021 ஸ்மிருதி இரானி தனது டிவிட்டர் பக்கத்தில், ‘’விரைவில் குணமடைய வாழ்த்துகிறேன்’’ என்று கூறியுள்ளார். Wishing you a quick and complete recovery ? — Smriti Z Irani (@smritiirani) April 20, 2021 பாஜகவின் குஷ்பு சுந்தர், ‘’எதிர்க்கட்சியின் வலுவான குரலாக தொனிப்பவர் ராகுல்காந்தி. விரைவில் குணமடைய டன் கணக்கான வாழ்த்துக்களை அனுப்புகிறேன். உடல்நலனில் அக்கறை செலுத்தி விரைவில் குணமடையுங்கள்’’ என்று குறிப்பிட்டுள்ளார். Someone who has been a strong voice of the opposition, @RahulGandhi ji, sending you tons of get well soon wishes. Pls take care and get well soon. ????? — KhushbuSundar ❤️ (@khushsundar) April 20, 2021
http://dlvr.it/Ry5CrQ

Read More

ஓட்டுநர்கள், நடத்துநர்கள் தடுப்பூசி போட்டுக் கொள்வது கட்டாயம் - மாநகர போக்குவரத்து கழகம்

சென்னை மாநகர பேருந்து ஓட்டுநர்கள், நடத்துநர்கள் கட்டாயம் கொரோனா தடுப்பூசி போட்டுக் கொள்ள வேண்டும் என மாநகராட்சி போக்குவரத்து கழக மேலாண்மை இயக்குனர் இளங்கோவன் சுற்றறிக்கை அனுப்பியுள்ளார். சென்னையில் 3000 பேருந்துகளில், 6,300 ஓட்டுநர்கள் மற்றும் நடத்துநர்கள் பணியாற்றி வருகின்றனர். கொரோனா பரவல் அதிகமாக உள்ள சூழலில், பொதுமக்களுடன் தினமும் நேரடியாக தொடர்பில் இருப்பதால், 45வயதிற்கு மேற்பட்ட ஓட்டுநர்கள் மற்றும் நடத்துநர்கள் தற்போது தடுப்பூசி போட்டுக் கொள்ள வேண்டும் என அறிவுறுத்தப்பட்டுள்ளது.
http://dlvr.it/Ry5Cmf

Read More

கேரளாவில் ஊரடங்கு: பள்ளி பொதுத்தேர்வுகள் நடக்கும்... திருச்சூர் பூரம் விழாவுக்குக் கட்டுப்பாடு!

கேரளத்தில் கொரோனா பரவல் அதிகரித்துவருகிறது. இதையடுத்து கடந்த வெள்ளி மற்றும் சனிக்கிழமைகளில் கொரோனா பரிசோதனை சிறப்பு முகாம்கள் மாநிலம் முழுவதும் நடத்தப்பட்டன. அதில் 3,00,971 பேரிடம் மாதிரிகள் சேகரிக்கப்பட்டன. முன்களப் பணியாளர்கள், மக்களிடம் அதிக தொடர்பில் இருப்பவர்களுக்கு முக்கியத்துவம் அளித்து சாம்பிள்கள் சேகரிக்கப்பட்டன. நேற்று 87,275 சாம்பிள்கள் பரிசோதிக்கப்பட்டன. அவற்றில் கொரோனா பாசிட்டிவ் 15.63 சதவிகிதம் என அறிவிக்கப்பட்டுள்ளது. நேற்று ஒரே நாளில் 13,644 பேருக்கு கொரோனா பாதிப்பு கண்டறியப்பட்டது. கேரளத்தில் 2,48,541 பேர் தனிமைப்படுத்தப்பட்டுள்ளனர். அவர்களில் 12,281 பேர் மருத்துவமனையில் சிகிச்சையில் உள்ளனர். 4,305 பேர் கொரோனா தொற்றிலிருந்து விடுபட்டுள்ளனர்.திருச்சூர் பூரம் கொரோனா இரண்டாவது அலை தடுப்பு நடவடிக்கையாக கேரளத்தில் இன்று (ஏப்ரல் 20-ம் தேதி) முதல் புதிய ஊரடங்கு கட்டுப்பாடுகள் அமலுக்குவருகின்றன. இரவு 9 மணி முதல் அதிகாலை 5 மணி வரை ஊரடங்கு அமலில் இருக்கும். இரண்டு வாரங்களுக்கு இந்த ஊரங்கு நீடிக்கும் என அறிவிக்கப்பட்டுள்ளது. பொதுப் போக்குவரத்துக்கு எந்தக் கட்டுப்பாடும் இல்லை. அதேசமயம் திரையரங்குகள் மற்றும் மால்கள் இரவு 7 மணி வரை மட்டுமே செயல்பட அனுமதிக்கப்பட்டுள்ளது. அரசு மற்றும் தனியார் நிறுவனங்களில் சாத்தியமுள்ள துறைகள் வீட்டிலிருந்தே பணி செய்ய அறிவுறுத்தப்பட்டுள்ளது. அதேசமயம் கேரளத்தில் நடந்துவரும் எஸ்.எஸ்.எல்.சி மற்றும் ப்ளஸ் டூ தேர்வுகள் தொடர்ந்து நடக்கும் என அறிவிக்கப்பட்டுள்ளது. லாக்டெளன் காரணமாக தேர்வை மாற்றிவைக்கும் திட்டம் இல்லை எனக் கேரள கல்வித்துறை அறிவித்துள்ளது. கொரோனா தடுப்பு முன்னெச்சரிக்கைகளைக் கடைப்பிடித்து மீதமுள்ள தேர்வு நடத்தப்படும் என அறிவிக்கப்பட்டுள்ளது. இந்த மாதம் 21, 27, 28 மற்றும் 29 ஆகிய தேதிகளில் எஸ்.எஸ்.எல்.சி தேர்வுகள் நடக்கவிருக்கின்றன. தேர்வு சமயத்தில் ஆசிரியர்களும் மாணவர்களும் ட்ரிபிள் லேயர் (மூன்றடுக்கு) மாஸ்க் அணிந்து வர வேண்டும் எனவும், வெப்ப சோதனைக்குப் பிறகே மாணவர்கள் வகுப்பறைக்குள் அனுமதிக்கப்படுவார்கள் எனவும் கல்வித்துறை அறிவித்துள்ளது.கொரோனா பரவல் இந்தநிலையில், பிரசித்திபெற்ற திருச்சூர் பூரம் விழாவில் பக்தர்களுக்கு அனுமதி இல்லை என அரசு அறிவித்துள்ளது. ஐம்பதுக்கும் மேற்பட்ட யானைகளும், லட்சக்கணக்கான மக்களும் கலந்துகொள்ளும் திருச்சூர் பூரம் விழாவுக்கு அரசு கட்டுப்பாடுகளை அறிவித்துள்ளது. பூரம் விழாவுக்கு ஏற்கெனவே கொடியேற்றப்பட்டுள்ளது. வரும் 23-ம் தேதி பூரம் நட்சத்திரத்தில் யானைகளில் சுவாமி எழுந்தருளுதல் நடக்கிறது. 24-ம் தேதி பகலில் நடக்க வேண்டிய பூரம் ரத்து செய்யப்பட்டுள்ளது.பினராயி விஜயன் விழாவில் நிர்வாகிகள் மட்டுமே கலந்துகொள்ள வேண்டும். பிரதான வாண வேடிக்கை மட்டுமே நடத்தப்படும். பூரத்தில் கலந்துகொள்ளும் நிர்வாகிகள் மற்றும் பத்திரிகையாளர்கள் கொரோனா நெகட்டிவ் சான்றிதழ் எடுக்க வேண்டும் அல்லது இரண்டு கோவிட் வேக்ஸின்களும் எடுத்தவர்களாக இருக்க வேண்டும் என அறிவிக்கப்பட்டுள்ளது. அதுபோல யானைப் பாகன்களும் கொரோனா நெகட்டிவ் சான்றிதழ் எடுக்க வேண்டும் என அரசு கட்டுப்பாடுகளை அறிவித்துள்ளது. அரசின் இந்த விதிமுறைகளைக் கடைப்பிடிக்க சம்மதம் என பாறமேக்காவு தேவசம் நிர்வாகிகள் அறிவித்துள்ளனர். அதேசமயம் நிர்வாகிகளைக் கலந்து ஆலோசித்து முடிவெடுப்பதாக திருவம்பாடி தேவஸ்தானம் கூறியுள்ளது.
http://dlvr.it/Ry2vld

Read More

இரவு நேர ஊரடங்கால் ஆம்னி பேருந்துகள் முடக்கம் - 2 லட்சம் தொழிலாளர்கள் பாதிப்பு

தமிழகத்தில் இரவு நேர ஊரடங்கால் ஆம்னி பேருந்தை சார்ந்துள்ள இரண்டு லட்சம் தொழிலாளர்கள் பாதிக்கப்படுவதாக ஆம்னி பேருந்து உரிமையாளர்கள் சங்கத்தினர் தெரிவித்துள்ளனர். கொரோனா பரவல் காரணமாக ஏற்கனவே ஆம்னி பேருந்துகள் சரிவர இயக்கப்படாததால் கடும் நஷ்டத்தில் இயங்குவதாக அச்சங்கத்தின் பொதுச்செயலாளர் அன்பழகன் தெரிவித்துள்ளார். தற்போது இரவு நேர ஊரடங்கு விதிக்கப்படும்போது, ஆம்னி பேருந்துகள் முற்றிலும் பாதிக்கப்படும் எனக் கூறுகின்றனர். 480 கோடி ரூபாய்வரை ஏற்கனவே இழப்பு ஏற்பட்டுள்ளதாகவும், இதில் 20 கோடி அளவுக்கு மட்டுமே சாலை வரியை அரசு தள்ளுபடி செய்துள்ளதாகத் தெரிவித்துள்ளனர். அரசின் நடவடிக்கைக்கு ஒத்துழைப்பு தரும் அதே வேளையில், ஆம்னி பேருந்து உரிமையாளர்களின் கோரிக்கைகளை நிறைவேற்ற வேண்டும் என கோரிக்கை வைத்துள்ளனர்.
http://dlvr.it/Ry1DPd

Read More

`இரவுப் பணியைக் காரணம் காட்டி பெண்களின் வாய்ப்பு மறுக்கப்படக் கூடாது!' - கேரள வழக்கும் தீர்ப்பும்

பெண்களுக்கான உரிமைகளை மீட்டெடுப்பதில் கேரளம் எப்போதும் ஒருபடி முன்னே எனக்கூறும் அளவுக்கு அம்மாநிலத்தில் பல நிகழ்வுகள் நடந்து வருகின்றன. துணிக்கடை, நகைக்கடைகளில் வேலைசெய்யும் பெண் ஊழியர்கள் உட்கார்ந்து பணி செய்வதற்காக இருக்கைகள் போடப்பட வேண்டும் எனச் சில வருடங்களுக்கு முன்பு கேரள அரசு உத்தரவிட்டிருந்தது. இப்போது, இரவு நேர வேலை என்பதை காரணம் காட்டி பெண்களுக்குப் பணிவாய்ப்பு மறுக்கப்படக் கூடாது என கேரள உயர் நீதிமன்றம் உத்தரவு வழங்கியுள்ளது பலராலும் வரவேற்கப்பட்டு வருகிறது. பெண்களுக்கான உரிமைகளில் மற்றொரு மைல் கல் என்று சொல்லும் அளவுக்கு இந்தத் தீர்ப்பு முக்கியத்துவம் வாய்ந்தது எனப் பெண்ணிய ஆர்வலர்கள் கூறுகின்றனர்.கேரள ஹைகோர்ட் கேரள மாநிலம் கொல்லத்தைச் சேர்ந்த 25 வயதுப் பெண்ணான திரேசா ஜோஸ்பின், பொதுத்துறை நிறுவனமான கேரள மினரல்ஸ் அண்ட் மெட்டல்ஸ் லிமிட்டெட் நிறுவனத்தில் ஃபயர் அண்ட் சேஃப்டி பிரிவில் தற்காலிகப் பணி செய்து வந்தார். அந்தப் பணியை நிரந்தரம் செய்ய வேண்டும் என ஃபயர் அண்ட் சேஃப்டி தலைமை இன்ஜினீயருக்கு மனு அளித்திருக்கிறார். அதற்கான அனைத்துத் தகுதிகளும் திரேசாவுக்கு உள்ளது. ஆனால், இரவு நேரப் பணி இருக்கும் என்று கூறி, பெண் என்பதால் பாதுகாப்பு காரணங்களை முன்வைத்து, அவருக்கு அந்தப் பணியை வழங்க நிறுவனம் மறுத்துள்ளது. பெண் எனக் கூறி வேலை வழங்காமல் இருப்பது தனக்கான வாய்ப்பை மறுக்கும் செயல் எனத் திரேசா கேரளா உயர் நீதிமன்றத்தில் மனுத்தாக்கல் செய்தார். மேலும் பெண் என்பதால் இரவு நேரத்தில் பாதுகாப்பு அளிக்க முடியாது என நிறுவனம் தரப்பில் தெரிவிக்கப்பட்ட தாகவும் அந்த மனுவில் திரேசா தெரிவித்திருந்தார்.Law (Representational Image) அந்த மனு மீதான விசாரணையின்போது, கேரளா தொழிற்சாலை சட்டத்தின்படி, இரவு 7 மணிக்கு மேல் பெண்களை பணிக்கு அமர்த்தக்கூடாது என்பதால் அவருக்குப் பணி மறுக்கப்பட்டது எனக் கேரள மினரல்ஸ் அண்ட் மெட்டல்ஸ் லிமிட்டெட் நிறுவனம் கோர்ட்டில் விளக்கம் அளித்தது. இந்த வழக்கை விசாரித்த கேரள உயர் நீதிமன்றம் தனது தீர்ப்பில், `இரவு நேரப் பணி எனக்கூறி பெண்களுக்கு வாய்ப்பை மறுக்கக் கூடாது. இரவுப் பணி செய்யும் பெண்களுக்குப் பாதுகாப்பு அளிக்க வேண்டியது அரசின் கடமை. பெண் என்பதால் பாகுபாடு பார்ப்பது அரசியலமைப்புக்கு விரோதமானது. தகுதி இருந்தால் இரவு நேரங்களில் பணி செய்வதற்கு பெண்களுக்கு வாய்ப்பு மறுக்கப்படக் கூடாது. சமூகம் மாறிக்கொண்டிருக்கிறது என்பதை உணர வேண்டும். பெண்களின் சமூகப் பங்களிப்பை எல்லோரும் உணர வேண்டும். மனுதாரரான பெண்ணின் விண்ணப்பத்தை நிறுவனம் பரிசீலிக்க வேண்டும். இந்த வழக்கில் ஃபேக்டரி ஆக்ட்டை கருத்தில் எடுக்க வேண்டாம்' என நீதிமன்றம் கூறியுள்ளது.பிந்து கிருஷ்ணா இதுபற்றி கேரள மாநில காங்கிரஸ் கட்சியின் ஒரே பெண் மாவட்டத் தலைவரான கொல்லம் மாவட்ட காங்கிரஸ் தலைவி பிந்து கிருஷ்ணாவிடம் பேசினோம். ``பெண்களுக்காக கோர்ட் வழங்கிய மிகவும் முக்கியமான உத்தரவாக இதைக் கருதுகிறேன். இமயமலை ஏறுவது, ராணுவத்தில் பணியாற்றுவது எனப் பெண்கள் அனைத்து துறைகளிலும் மிளிர்கின்றனர். பாலினப் பின்னடைவே இல்லாத அளவுக்குப் பெண்கள் அனைத்துத் துறைகளிலும் சாதிக்கிறார்கள். இந்த நிலையில் பெண் என்ற காரணத்தால், இரவில் பணி வழங்காமல் இருப்பது நியாயம் இல்லை. அரசு மற்றும் அரசு நிறுவனங்களில் மட்டுமல்லாது தனியார் நிறுவனங்களிலும் இந்தத் தீர்ப்பை அமல்படுத்த வேண்டும்" என்றார்.
http://dlvr.it/Ry1DKk

Read More

உதவி கேட்ட கொரோனா நோயாளி.. `செத்துப் போ’ என்று இணைப்பைத் துண்டித்த அரசு ஊழியர்! - உ.பி அதிர்ச்சி

இந்தியாவில் கொரோனா நோய்த் தொற்றின் தாக்கம் நாளுக்கு நாள் அதிகரித்துவருகிறது. நோய்த்தொற்று பாதிப்பை கட்டுக்குள் கொண்டுவர மத்திய, மாநில அரசுகள் போராடிக்கொண்டிருக்கின்றன. நோய்த் தொற்றின் தாக்கம் மிகவும் அதிகமாக இருக்கும் மாநிலங்களில் உத்தரப்பிரதேசமும் ஒன்று. உத்தரப்பிரதேசத்தில் நோய்த் தொற்று பாதிப்பு எண்ணிக்கை நாளுக்கு நாள் புது உச்சம் தொட்டுவருகிறது. நேற்றைய தினம் மட்டும் அந்த மாநிலத்தில் 30,000-க்கும் அதிகமானோருக்கு பாதிப்பு உறுதி செய்யப்பட்டுள்ளது. அதிலும், தலைநகர் லக்னோவில் உடல்களைத் தகனம் செய்யக் காத்திருக்கும் சூழல் நிலவிவருகிறது. கொரோனா நிலையைக் கட்டுக்குள் கொண்டுவர உத்தரப்பிரதேச அரசு கொரோனா கட்டுப்பாடுகளைக் கடுமையாக்கியிருக்கிறது. முதல்வர் யோகி ஆதித்யநாத், கொரோனா பாதிப்பு உறுதி செய்யப்பட்டு வீட்டுக் கண்காணிப்பில் உள்ளவர்களுக்கு உதவுவதற்காக, பிரத்யேகச் செயலி ஒன்றை வெளியிட்டிருக்கிறார். சுகாதாரத்துறை அதிகாரிகள் கொரோனா பாதிப்பு உறுதி செய்யப்படுபவர்களுக்கு அந்தச் செயலியை தங்கள் மொபைலில் பதிவிறக்கம் செய்துகொள்ளுமாறு அறிவுறுத்திவருகின்றனர். மேலும், மாநில அரசு தனிக்குழு ஒன்றை அமைத்து கொரோனா நோயாளிகளுக்குத் தேவையான வழிகாட்டுதல்களை வழங்கவும், அவர்களுக்கு மருந்துகள் சரியான நேரத்தில் வழங்கப்படுவதற்காகவும் 24 மணி நேர ஹெல்ப் லைன் நம்பர் ஒன்றையும் வெளியிட்டிருக்கிறது. இந்தநிலையில், தலைநகர் லக்னோவிலிருந்து இளைஞர் ஒருவர் மாநில அரசின் ஹெல்ப் லைன் எண்ணுக்குத் தொடர்புகொண்டு உதவி கேட்டிருக்கிறார். மறுமுனையில் பேசிய கொரோனா கட்டுப்பாட்டு அறை ஊழியரின் பதில் அனைவரையும் அதிர்ச்சிக்குள்ளாக்கியிருக்கிறது. நோயாளியிடம் அரசு ஊழியர் கூறிய அலட்சிய பதில் ஆடியோ பதிவாக வெளியாகி, தற்போது இணையத்தில் வைரலாகப் பகிரப்பட்டுவருகிறது. லக்னோவைச் சேர்ந்த சந்தோஷ் குமார் என்ற இளைஞருக்கும், அவரின் மனைவிக்கும் கடந்த சில தினங்களுக்கு முன் கொரோனா தொற்றின் அறிகுறிகள் தென்பட்டிருக்கின்றன. அதையடுத்து இருவரும் கடந்த 10-ம் தேதி கொரோனா பரிசோதனை மேற்கொண்டிருக்கின்றனர். கடுமையான காய்ச்சலும் தொண்டைவலியும் ஏற்பட்டதால் தம்பதியர் தாங்களாகவே தங்களைத் தனிமைப்படுத்திக் கொண்டிருந்திருக்கிறார்கள். 12-ம் தேதி வெளியான பரிசோதனை முடிவில் அவர்கள் இருவருக்கும் கொரோனா தொற்று பாதிப்பு இருப்பது உறுதி செய்யப்பட்டது. பெரிய குடும்பம் என்பதால், தம்பதியர் தங்களிடமிருந்து மற்றவர்களுக்கும் நோய்த் தொற்று பரவிவிடுமோ என்று அச்சமடைந்திருக்கின்றனர்.தொலைபேசி உரையாடல் இது தொடர்பாக சந்தோஷ், அரசின் கொரோனா ஹெல்ப் லைனுக்குத் தொடர்புகொண்டு நடந்ததைக் கூறி உதவி கேட்டிருக்கிறார். அப்போது, மறுமுனையில் சந்தோஷின் அழைப்புக்குப் பதிலளித்த ஹெல்ப் லைன் ஊழியர் சுசி என்பவர், சந்தோஷிடம் அரசின் கொரோனா செயலியை மொபைலில் பதிவிறக்கம் செய்துவிட்டீர்களா? என்று கேட்டிருக்கிறார். அதற்கு, சந்தோஷ் அப்படி ஒரு செயலி இருப்பதாக எனக்குத் தெரியாது என்றிருக்கிறார். அதற்கு ஹெல்ப் லைன் ஊழியர், மாவட்ட அதிகாரிகள் நிச்சயம் உங்களுக்கு இது பற்றிக் கூறியிருப்பார்கள் எனக் கூற சந்தோஷ், மருத்துவர்கள், சுகாதாரத்துறையினர் என யாரும் எங்களிடம் இந்தச் செயலி பற்றி எதுவும் கூறவில்லை என்று கூறியிருக்கிறார். சந்தோஷின் பதிலைக் கேட்டு ஆத்திரமடைந்த ஹெல்ப் லைன் ஊழியர் சுசி, `அப்படியானால் செத்துப் போ, கல்வியறிவற்ற முட்டாள்' என்று சந்தோஷைத் திட்டிவிட்டு இணைப்பைத் துண்டித்திருக்கிறார். அரசு ஊழியரின் பதிலைக் கேட்டு அதிர்ச்சியில் உறைந்துபோன சந்தோஷ், தன் மொபைலில் ஆட்டோமேட்டிக் கால் ரெக்கார்டர் மூலம் பதிவாகியிருந்த தொலைபேசி உரையாடலை சமூக வலைதளங்களில் அரசின் 'ஹெல்ப் லைன்' குறித்த விமர்சனங்களுடன் பதிவிட்டார். 54 நொடிகள் நீடிக்கும் அந்த உரையாடல் தற்போது சமூக வலைதளங்களில் அதிக அளவில் பகிரப்பட்டு வருகிறது. இந்த விவகாரம் பூதாகரமாக வெடித்ததை அடுத்து, சம்பந்தப்பட்ட அரசு அதிகாரிகள் சந்தோஷைத் தொடர்புகொண்டு தங்கள் தவறுக்கு மன்னிப்பு கோரியிருக்கின்றனர். ஆனால், மன்னிப்புக் கேட்ட அதிகாரிகள் சந்தோஷுக்கு எந்த உதவியையும் செய்யாததால், அவர் தற்போது முதல்வர் யோகி ஆதித்யநாத்துக்குத் தனக்கு நேர்ந்த கசப்பான அனுபவம் குறித்துக் கடிதம் எழுதியிருக்கிறார். முதல்வருக்குக் கடிதம் அனுப்பியுள்ள இளைஞர் சந்தோஷின் தந்தை பாரதிய ஜனதா கட்சியின் முன்னாள் மாவட்டத் தலைவர் என்பது குறிப்பிடத்தக்கது.யோகி ஆதித்யநாத்துக்கு சந்தோஷ் எழுதியுள்ள கடிதம் கொரோனா பாதிப்பு மிகுதியாக இருக்கும் நேரத்தில் அரசு அதிகாரிகளின் இத்தகைய செயல்பாடுகள் உத்தரப்பிரதேச மக்களைக் கடும் அதிருப்தியில் ஆழ்த்தியிருக்கின்றன.
http://dlvr.it/Rxyzwn

Read More

“தமிழகம் முழுவதும் ஏப்.20 முதல் இரவுநேர ஊரடங்கு அமல்” - தமிழக அரசு

இந்தியாவில் கொரோனா தொற்றின் இரண்டாவது அலை தீவிரம் அடைந்து வரும் நிலையில் தமிழகம் முழுவதும் இரவு நேர ஊரடங்கு அமல் செய்யப்படுவதாக தமிழக அரசு அறிவிப்பு வெளியிட்டுள்ளது. அதன்படி இரவு 10 மணி முதல் காலை 4 மணி வரை இரவு நேர ஊரடங்கு அமலில் இருக்கும் எனத் தெரிவிக்கபட்டுள்ளது. ஊரடங்கு அமலில் இருக்கும் நிலையில் அத்தியாவசிய பணிகள், மருத்துவம், ஊடகம் மாதிரியான துறையினருக்கும் இந்த ஊரடங்கு பொருந்தாது என்ற அறிவிப்பும் வெளியாகி உள்ளது.  அதுமட்டுமல்லாது ஞாயிற்றுக்கிழமைகளில் முழு ஊரடங்கு அமலுக்கு வருவதாகவும் அரசு தெரிவித்துள்ளது. இதனை மீறுபவர்கள் மீது நடவடிக்கை எடுக்கப்படும் எனவும் எச்சரிக்கை விடுக்கப்பட்டுள்ளது.  வரும் 20-ஆம் தேதி முதல் இந்த உத்தரவு அமலுக்கு வருவதாகவும் அரசு தெரிவித்துள்ளது. இரவுநேர ஊரடங்கின்போது போக்குவரத்துக்கு தடை என அறிவிப்பு வெளியாகியுள்ளது. முழு ஊரடங்கு அமலில் இருக்கும் நாட்களில் உணவகங்களில் பார்சல் சேவைக்கு மட்டும் அனுமதி எனவும் அரசு தெரிவித்துள்ளது. இரவு 9 மணி வரை மட்டுமே கடைகள் செயல்பட அனுமதி வழங்கப்பட்டுள்ளது.
http://dlvr.it/RxxSr3

Read More