ஆடுக்கு பதிலாக ஆட்டைப் பிடித்து வந்தவரை வெட்டிய நபர்! - ஆந்திர சங்கராந்தி விழாவில் மதுபோதையால் சோகம்

தமிழ் நாட்டில் பொங்கல் விழா விமரிசையாக கொண்டாடுவது பொல இந்தியாவின் பல பகுதிகளில் இதே நாளில் வேறு வேறு பெயர்களில் பண்டிகைகள் கொண்டாடப்படுகிறது. இந்த விழா ஆந்திர மாநிலத்தில் சங்கராந்தி விழா என்ற பெயரில் கோலாகலமாக கொண்டாடப்படுகிறது. ஆந்திராவின் சித்தூர் மாவட்டத்தில் உள்ள வசலசபள்ளி எனும் ஊரில் எல்லம்மா கோயில் உள்ளது. சங்கராந்தி விழாவை கிடா வெட்டி கொண்டாடுவது அந்த உள்ளூர் மக்களின் வழக்கம். இந்த விழா கடந்த 16- ஆம் தேதி நடைபெற்றது.ஆந்திரா: கோவில் திருவிழாவில் மனித பலி கிடா வெட்டும் பொறுப்பில் இருந்த சலபதியும், ஆடுகளைப் பிடித்து வரும் பொறுப்பில் சுரேஷும் இருந்ததாக சொல்லப்படுகிறது. விழா நடைபெற்ற அன்று சலபதி மதுபோதையில் இருந்தாக காவல்துறை தெரிவித்துள்ளது. மதுபோதையில் இருந்த சலபதி, ஆட்டை வெட்டுவதற்கு பதிலாக ஆடுகளைப் பிடித்து வந்த சுரேஷ் என்பவரை வெட்டி விட்டார். இரத்த வெள்ளத்தில் துடிதுடித்த சுரேஷ், மருத்துவமனை கொண்டுசெல்லப்பட்டும், சிகிச்சை பலனின்றி இறந்துவிட்டார். இது தொடர்பாக வழக்கு பதிவு செய்த காவல்துறை சலபதியைக் கைது செய்து விசாரித்து வருகிறது. Also Read: ஆந்திரா: பெண் இன்ஜினீயர் கொலை; கொரோனா மரணம் என நாடகம்! - தீ வைத்து எரித்த கணவர் சிக்கியது எப்படி?
http://dlvr.it/SHKMjn

Read More

பழங்குடியின மாணவிகளுக்குப் பாலியல் வன்கொடுமை; 5 பேர் தற்கொலை; கேரளாவில் அதிர்ச்சி!

திருவனந்தபுரம் மாவட்டத்தில் மலைவாழ் பழங்குடியினர் செட்டில்மென்டுகள் பல உள்ளன. அதில் விதுரா, பாலோடு பகுதிகளில் மலைவாழ் பழங்குடியின மக்களின் 192 குடியிருப்புகள் உள்ளன. இங்கு சிறுமிகள் மற்றும் இளம் பெண்களின் தற்கொலை அதிகரித்துள்ளது. கடந்த ஐந்து மாதங்களில் மட்டும் சிறுமிகள் உள்பட ஐந்து பெண்கள் இங்கு தற்கொலை செய்துகொண்டதாக வெளியாகியிருக்கும் தகவல், மாநிலம் தாண்டியும் அதிர்ச்சியை ஏற்படுத்தியுள்ளது. மேலும் சில பெண்கள் தற்கொலைக்கு முயன்றதாகவும் கூறப்படுகிறது. இந்த தற்கொலைகள் குறித்து மகளிர் மற்றும் குழந்தைகள் நல முதன்மைச் செயலரிடம் அறிக்கை தாக்கல் செய்யும்படி கேரள சுகாதாரத்துறை அமைச்சர் வீணா ஜார்ஜ் உத்தரவிட்டுள்ளார். இந்த தற்கொலை வழக்குகளில் சிலர் கைது செய்யப்பட்டுள்ளனர். அவர்களிடம் விசாரணை நடத்தியதில் கஞ்சா சப்ளை செய்யும் கும்பலைச் சேர்ந்தவர்கள் மலைவாழ் பெண்களை காதல் வலையில் வீழ்த்தி பாலியல் வன்கொடுமை செய்வதாகத் தெரியவந்துள்ளது. Sexual Harassment (Representational Image) Also Read: `இதயம் உடைகிறது!' - கன்னியாஸ்திரி பாலியல் வழக்கு தீர்ப்பால் கொதிக்கும் மக்கள்; என்ன நடந்தது? இந்த மலை கிராமங்களைச் சேர்ந்த பெற்றோர் விவசாய கூலி வேலைக்காகப் பகலில் வெளியிடங்களுக்குச் சென்றுவிடுவார்கள். கொரோனா ஊரடங்கு காரணமாக சிறுமிகளும், பெண்களும் வீட்டில் தனியாக இருந்து ஆன்லைன் வகுப்பில் கலந்துகொள்வது வழக்கம். இந்த சமயத்தில்தான் கஞ்சா நபர்கள் இளம் பெண்களிடம் தவறாக நடந்துள்ளதாகத் தெரியவந்துள்ளது. கடந்த நவம்பர் மாதம் நடந்த தற்கொலை தொடர்பான புகாரில் இதுவரை குற்றவாளி யார் எனக் கண்டுபிடிக்கப்படவில்லை எனவும் இப்பகுதி மக்கள் குற்றம்சாட்டுகின்றனர். தற்கொலை செய்துகொண்ட ஐந்து பேரும் ப்ளஸ் ஒன் முதல் கல்லூரி வரை படித்து வந்த பெண்கள். இவர்கள் மிகவும் நன்றாகப் படித்து வந்தவர்கள் எனவும் தெரியவந்துள்ளது. இந்தத் தற்கொலை சம்பவங்கள் குறித்து காவல் நிலையங்களில் புகார் அளித்தாலும் முறையான நடவடிக்கை எடுக்கப்படவில்லை என்பதும் இந்தப் பகுதி மக்களின் குற்றச்சாட்டாக இருக்கிறது. இதையடுத்து திருவனந்தபுரம் ரூரல் எஸ்.பி திவ்யா கோபிநாத் இன்று இந்த கிராமங்களுக்கு நேரில் சென்று ஆய்வு செய்தார். இடிஞாறு பகுதியில் தற்கொலை செய்துகொண்ட பெண்களின் வீடுகளுக்குச் சென்று விசாரணை நடத்தினார்.எஸ்.பி திவ்யா கோபிநாத் விசாரணை Also Read: `பாலியல் வன்கொடுமை; பொய் வழக்கு; லாக்கப் சித்ரவதை' - 10 வருடங்களாக நீதிக்காகப் போராடும் பழங்குடிகள்! எஸ்.பி ஆய்வு செய்தபோது மதுவிலக்கு பிரிவு மற்றும் வனத்துறை அதிகாரிகள் உடன் இருந்தனர். வீட்டில் தனியாக இருக்கும் மாணவிகளுக்காக ஹெல்ப்லைன் எண் ஏற்படுத்துவது, கவுன்சலிங் போன்றவற்றின் மூலம் உதவ வேண்டும் என கேரள அரசு அறிவுறுத்தியுள்ளது. மேலும் போதை விழிப்புணர்வு போன்றவற்றை ஏற்படுத்தவும் நடவடிக்கை எடுக்கப்பட்டு வருகிறது.
http://dlvr.it/SHKMhQ

Read More

`ரிசல்ட்' தெரிந்துதான் அகிலேஷிடம் ஐக்கியம் ஆகிறார்களா உ.பி பாஜக தலைவர்கள்?!

உத்தரப்பிரதேச சட்டமன்ற தேர்தல் களத்தில், பா.ஜ.க-வுக்கும், சமாஜ்வாடி கட்சிக்கும் இடையே கடும் போட்டி நிலவிவருகிறது. கடந்த ஐந்து, ஆறு மாதங்களில் அங்கு அசுர வளர்ச்சி அடைந்திருக்கிறது அகிலேஷ் யாதவின் சமாஜ்வாடி கட்சி. ``யோகி ஆதித்யநாத் மீது உ.பி மக்கள் நம்பிக்கை இழந்துவிட்டனர். அகிலேஷ்தான் மாற்று என மக்கள் நினைக்கிறார்கள்'' என சமாஜ்வாடி கட்சியினர் பிரசாரம் செய்துவருகிறார்கள். ``சமாஜ்வாடி ஆட்சிக்கு வந்தால் ரெளடியிஸம் அதிகரித்துவிடும். மாநிலம் வளர்ச்சியடையாமல் போய்விடும்'' என பா.ஜ.க-வினர் வாக்குகளைச் சேகரித்துவருகிறார்கள்.சுவாமி பிரசாத் மெளரியா, அகிலேஷ் Also Read: உ.பி தேர்தல் 2022: `அகிலேஷ் தான் ஜெயிப்பார்!' - ராஜா நேர்காணல் இந்த நிலையில் கடந்த வாரம், பா.ஜ.க-வைச் சேர்ந்த முக்கியத் தலைவர்கள் சிலர் சமாஜ்வாடி கட்சிக்குத் தாவி, யோகி ஆதித்யநாத்துக்கு ஷாக் கொடுத்தனர். உத்தரப்பிரதேச அரசியலில் இதர பிற்படுத்தப்பட்ட (OBC) மக்களின் முகமாக விளங்கும் சுவாமி பிரசாத் மெளரியா தனது அமைச்சர் பதவியை ராஜினாமா செய்துவிட்டு, பா.ஜ.க-விலிருந்து விலகினார். அவருக்கு ஆதரவாக நான்கு பா.ஜ.க எம்.எல்.ஏ-க்களும் கட்சியிலிருந்து விலகினர். தொடர்ந்து, அமைச்சர் தரம்சிங் சைனியும் பா.ஜ.க-விலிருந்து விலகினார். கடந்த வெள்ளிக்கிழமை (ஜன. 14) அன்று, அகிலேஷ் யாதவ் முன்னிலையில் சுவாமி பிரசாத் மெளரியா, தரம்சிங் சைனி ஆகிய இருவரும் சமாஜ்வாடியில் இணைந்தனர். அவர்களோடு, கட்சியிலிருந்து விலகிய ஐந்து பா.ஜ.க எம்.எல்.ஏ-க்களும் சமாஜ்வாடியில் சேர்ந்தனர். சிவப்பு தலைப்பாகை அணிவித்து அவர்களைக் கட்சியில் இணைத்துக் கொண்டார் அகிலேஷ். இதையடுத்து, யோகி அமைச்சரவையின் மற்றொரு அமைச்சரான தாரா சிங் செளகானும் தனது பதவியை ராஜினாமா செய்துவிட்டு, பா.ஜ.க-விலிருந்து விலகினார். கடந்த ஞாயிற்றுக்கிழமை (ஜன. 16) அன்று அகிலேஷ் யாதவைச் சந்தித்த தாரா சிங், தன்னை சமாஜ்வாடி கட்சியில் இணைத்துக் கொண்டார். இது தவிர பா.ஜ.க கூட்டணியிலிருக்கும் அப்னா தளம் கட்சியின் இரண்டு எம்.எல்.ஏ-க்களும் சமாஜ்வாடியில் இணைந்திருப்பதாகத் தகவல்கள் வெளியாகியிருக்கின்றன.யோகி ஆதித்யநாத்பா.ஜ.க-விலிருந்து விலகி சமாஜ்வாடியில் ஐக்கியமான தலைவர்கள் அனைவரும், ``பா.ஜ.க-வை வீழ்த்தி, அகிலேஷை உ.பி-யின் முதல்வராக்குவோம்'' என்று ஒரே குரலில் பேசிவருகிறார்கள். அதோடு, `வரும் நாள்களில் மேலும் சில பா.ஜ.க எம்.எல்.ஏ-க்கள் சமாஜ்வாடியில் இணைவார்கள்' என்றும் சொல்லிவருகிறார்கள். சமாஜ்வாடி ஆதரவாளர்கள் பலரும், ``அகிலேஷ்தான் உ.பி-யின் அடுத்த முதல்வர் என்பதை முன்கூட்டியே தெரிந்துகொண்ட காரணத்தால்தான், பா.ஜ.க-வின் முக்கியத் தலைவர்கள் சமாஜ்வாடியில் இணைந்துவருகிறார்கள்'' என்று பிரசாரம் செய்துவருகின்றனர். சமாஜ்வாடி ஆதரவாளர்கள் சொல்லிவருவது குறித்துப் பேசும் அரசியல் பார்வையாளர்கள் சிலர், ``பா.ஜ.க-விலிருந்து தொடர்ச்சியாக ஓ.பி.சி தலைவர்கள் வெளியேறி, சமாஜ்வாடியில் இணைந்துவருகிறார்கள். யாதவ் சமூகத்தினரும், இஸ்லாமியர்களும்தான் சமாஜ்வாடி கட்சியின் வாக்கு வங்கிக்கு பலம் சேர்ப்பவர்கள். கடந்த முறை ஓ.பி.சி தலைவர்களை ஒன்று சேர்த்து, அதிக இடங்களைக் கைப்பற்றியது பா.ஜ.க. தற்போது ஓ.பி.சி தலைவர்கள் சமாஜ்வாடியில் இணைந்திருப்பதை அடுத்து, பலம்பெற்றிருக்கிறது அந்தக் கட்சி. இது பா.ஜ.க-வுக்கு பெரும் பின்னடைவை ஏற்படுத்தியிருக்கிறது.அகிலேஷ் யாதவ் Also Read: உ.பி: ஓர் அமைச்சர்; மூன்று எம்.எல்.ஏ-க்கள்! - பாஜக-விலிருந்து விலகி சமாஜ்வாடியில் இணைந்த பின்னணி `அகிலேஷ்தான் அடுத்த முதல்வர் என்று தெரிந்துகொண்டதால்தான், பா.ஜ.க-வினர் சமாஜ்வாடியில் இணைகிறார்கள்' என்று சொல்லிவிட முடியாது. பா.ஜ.க மீதும், குறிப்பாக யோகி ஆதித்யநாத்தின் தலைமை மீதும் இருந்த அதிருப்தியின் காரணமாகவே ஓ.பி.சி தலைவர்கள் கட்சியை விட்டு விலகினர். உ.பி-யில், பா.ஜ.க-வுக்கு இணையாக சமாஜ்வாடி கட்சி மட்டுமே தேர்தல் களத்தில் நின்று கொண்டிருப்பதால், யோகியை வீழ்த்த அந்தக் கட்சியில் இணைந்துவிட்டனர். இதுதான் பா.ஜ.க-விலிருந்து விலகியவர்கள், சமாஜ்வாடியில் தங்களை இணைத்துக் கொண்டதற்கான காரணமாக இருக்க முடியும். முடிவு எப்போதும் மக்கள் கையில் தான்'' என்கிறார்கள்.
http://dlvr.it/SHH3T7

Read More

குடியரசு தினவிழா அணிவகுப்பு: மேற்கு வங்க, தமிழக அலங்கார ஊர்திகள் நிராகரிப்பு! - என்ன காரணம்?

தென்மாநிலங்களில் கர்நாடகாவை தவிர அனைத்து மாநில அலங்கார ஊர்திகளுக்கும் நிராகரிக்கப்பட்டுள்ளதாக தகவல் வெளியாகியுள்ளது. தமிழகம் சார்ப்பில் அணிவகுப்பில் கப்பலோட்டிய தமிழன் வ.உ.சி, வீரமங்கை வேலுநாச்சியார், பாரதியார் உருவப்படங்கள் அந்த அலங்கார ஊர்தியில் இடம் பெற்றிருந்தது. தமிழக அரசின் அலங்கார ஊர்தி 4-வது சுற்று வரை சென்ற நிலையில், வ.உ.சி, வேலு நாச்சியார் ஆகியோர் சர்வதேச தேசிய அளவில் பிரபலமான சுதந்திர போராட்ட வீரர்கள் இல்லை எனக்கூறி நிராகரித்ததாகவும் கூறப்படுகிறது. மிகவும் பிரபலமான சுதந்திர போராட்ட வீரர்களை எதிர்பார்ப்பதாக மத்திய அரசு அதிகாரிகள் கூறியதாகவும் ஒரு தகவல் வெளியாகியுள்ளது. குடியரசுத் தின விழாவில் தமிழக ஊர்திகள் புறக்கணிக்கப்பட்டது தொடர்பாக முதல்வர் உயர் அதிகாரிகளுடன் ஆலோசனை நடைபெறுவதாகவும், இதை பற்றி மத்திய அரசுக்கு கடிதம் எழுத வாய்ப்பு இருப்பதாகவும் ஒரு தகவல் வெளியாககி உள்ளது. இந்த ஆண்டுக்கான அலங்கார ஊர்திகள் இறுது செய்யப்பட்டுவிட்டதாகவும் இதனால் நிராகரிக்கப்பட்ட மாநிலங்கள் சார்பில் அலங்கார ஊர்திகள் இந்த முறை கலந்து கொள்ள முடியாது எனவும் கூறப்படுகிறது. Remembering the brave Rani Velu Nachiyar on her birth anniversary. Her indomitable courage shall keep motivating the coming generations. Her strong commitment to fight colonialism was remarkable. She personifies the spirit of our Nari Shakti.— Narendra Modi (@narendramodi) January 3, 2022 வேலு நாச்சியாரின் பிறந்தநாள் அன்று பிரதமர் நரேந்திர மோடி தன்னுடைய ட்விட்டர் பதிவில், ``வீரமங்கை ராணி வேலுநாச்சியாரின் பிறந்தநாளில் அவரை நினைவு கூர்கிறேன். அவரது வீரமும் துணிச்சலும் எதிர்கால தலைமுறைக்கு எழுச்சியூட்டும். அடக்குமுறையை எதிர்த்துப் போராடிய அவரின் ஆளுமை வியப்பிற்குரியது. மகளிர் சக்தியின் மகிமையை உணர்த்திய அவரை வணங்கி மகிழ்கிறேன்” என்று பதிவிட்டிருந்தார். வேலு நாச்சியார் தேசிய அளவில் பிரபலமான சுதந்திர போராட்ட வீரர்கள் இல்லை எனக் கூறி மத்திய அரசு நிராகரித்தற்கு இணையவாசிகள் தங்களின் கடும் கண்டனத்தை தெரிவித்து வருகின்றனர். குடியரசு தினத்தன்று மேற்குவங்காளத்தின் சார்பில் பங்கேற்கும் அலங்கார ஊர்திக்கு மத்திய அரசு அனுமதி மறுத்திருப்பது அதிர்ச்சியளிப்பதாக மம்தா பானர்ஜி தெரிவித்துள்ளார். டெல்லியில் ஆண்டுதோறும் குடியரசு தின விழாவையொட்டி ஜனவரி 26-ம் தேதி அணி வகுப்பு நடைபெறும். அந்த வகையில் இந்த ஆண்டும் டெல்லியில் அணிவகுப்பும் நடைபெற இருந்தது. இந்த நிகழ்வில் நாட்டிலுள்ள ஒவ்வொரு மாநிலங்களும், அந்த மாநிலங்களின் பண்பாடு, கலாசாரத்தை பறைசாற்றும் விதமாக அலங்கார ஊர்திகளை அடையாளப்படுத்துவது வழக்கம். அந்தந்த மாநிலங்களின் முக்கிய தலைவர்களை நினைவுகூறும் விதமாக அலங்கார ஊர்திகள் அலங்காரம் செய்யப்படும். இந்த ஆண்டு டெல்லியில் குடியரசு தினவிழாவை முன்னிட்டு மேற்கு வங்காளத்தின் சார்பில் பங்கேற்கும் அலங்கார ஊர்திக்கு மட்டும் மத்திய அரசு அனுமதி மறுத்துள்ளதாக முதலில் தகவல் வெளியாக மேற்கு வங்க மக்களிடையே பெரும் அதிர்ச்சியை ஏற்படுத்தியது. மம்தா பானர்ஜி தற்போது மேற்கு வங்க ஊர்திக்கு அனுமதி மறுக்கப்பட்டதற்கு, மேற்கு வங்க முதல்வர் மம்தா பானர்ஜி கண்டனம் தெரிவித்து, பிரதமர் மோடிக்கு கடிதம் ஒன்றை எழுதியுள்ளார். அந்த கடிதத்தில், ``குடியரசு தின விழா அணிவகுப்பில் மேற்குவங்க அலங்கார ஊர்திக்கு அனுமதி மறுத்திருப்பது அதிர்ச்சி அளித்துள்ளது. இந்திய சுதந்திரப் போராட்டத்தில் மேற்குவங்கம் முன்னணியில் இருந்தது. அதுமட்டுமல்லாமல் பிரிவினையின் மூலம் நாட்டின் சுதந்திரத்திற்காக மிகப்பெரிய விலையை செலுத்தியுள்ளது. நேதாஜி சுபாஷ் சந்திரபோஸின் 125-ம் ஆண்டு பிறந்த நாளையொட்டி, மேற்கு வங்கத்தின் சார்பில் அவரின் வாழ்க்கை வரலாற்றை விளக்கும் வகையிலான அலங்கார ஊர்திகளில் சிறப்பாக தயார் செய்யப்பட்டுள்ளது.மத்திய அரசு மேலும் ஈஸ்வர் சந்திர வித்யாசாகர், ரவீந்திரநாத் தாகூர், சுவாமி விவேகானந்தர், மற்றும் பல தேச பக்தர்களின் உருவப்படங்களை ஊர்தி சுமந்து செல்ல இருக்கிறது. இதனால் மத்திய அரசு இது குறித்து மறுபரிசீலனை செய்து குடியரசு தினவிழாவில் மேற்கு வங்க அலங்கார ஊர்திகளுக்கு அனுமதியளிக்க வேண்டும்” என்று அந்த கடிதத்தில் மம்தா கோரிக்கை விடுத்துள்ளார். மேலும் குடியரசு தின விழா அணிவகுப்பில் மேற்குவங்காள அலங்கார ஊர்திகள் பங்கேற்க 2015, 2017 மற்றும் 2020 ஆம் ஆண்டுகளில் அனுமதி மறுக்கப்பட்டுள்ளதாகவும் கூறப்படுகிறது. Also Read: மேற்குவங்கம்: தேர்தல் முடிவுகளால் வெடித்த மோதல்; 14 பேர் பலி! - பதற்றமான சூழலில் பதவியேற்ற மம்தா
http://dlvr.it/SHGXmj

Read More

பழம்பெரும் மலையாள இசைக்கலைஞர் ஆலப்பி ரங்கநாத் கொரோனாவால் உயிரிழப்பு

பழம்பெரும் மலையாள இசையமைப்பாளரும் பாடகருமான ஆலப்பி ரங்கநாத் கொரோனாவால் உயிரிழந்தார். 2 தினங்களுக்கு முன் சபரிமலையில் ஹரிவராசனம் விருது பெற்ற ஆலப்பி ரங்கநாத்தின் மறைவு கேரள மக்களை சோகத்தில் ஆழ்த்தியுள்ளது. கேரள மாநிலம் ஆலப்புழாவில் பிறந்த ரங்கநாத், சொந்த ஊரின் பெயரிலேயே ஆலப்பி ரங்கநாத் என அழைக்கப்பட்டார். இசைக் குடும்பத்தில் பிறந்த அவர், இளம் வயதிலிருந்தே இசையின் மீது தணியாத ஆர்வத்தில் முறையாக இசையைக் கற்றவர். பரத நாட்டியமும் கற்றுள்ளார். மலையாளத்தில் மோகன்லால் உள்ளிட்ட பிரபலங்கள் நடித்த திரைப்படங்களுக்கு இசையமைத்துள்ளார். சபரிமலை ஐயப்பனைப் போற்றி, மலையாளத்திலும் தமிழிலும் ஏராளமான பக்திப் பாடல்களைப் பாடியுள்ளார். ஏராளமான பாடல்களை எழுதி, இசையமைத்து, பாடியுள்ளார். கடந்த வெள்ளியன்று சபரிமலையில் நடைபெற்ற மகரவிளக்கு விழாவில், ஆலப்பி ரங்கநாத்துக்கு பெருமை மிக்க 'ஹரிவராசனம்' விருது வழங்கி கௌரவிக்கப்பட்டது. 73 வயதான ஆலப்பி ரங்கநாத், கொரோனா தொற்று கண்டறியப்பட்ட நிலையில், கோட்டயம் அரசு மருத்துவக் கல்லூரி மருத்துவமனையில் சேர்க்கப்பட்டார். அங்கு தீவிர சிகிச்சை அளிக்கப்பட்டும் பலனின்றி, அவர் உயிரிழந்தார். இதையும் படிக்க: கேரளாவில் தொடர்ந்து அதிகரிக்கும் கொரோனா: ஒரே நாளில் 18 ஆயிரத்தை கடந்த கொரோனா பாதிப்பு
http://dlvr.it/SHG5Mf

Read More

`இதயம் உடைகிறது!' - கன்னியாஸ்திரி பாலியல் வழக்கு தீர்ப்பால் கொதிக்கும் மக்கள்; என்ன நடந்தது?

கன்னியாஸ்திரி ஒருவரை பாலியல் வன்கொடுமை செய்ததாக பிஷப் பிராங்கோ முல்லக்கல் மீது தொடரப்பட்ட வழக்கில் கடந்த 14-ம் தேதி தீர்ப்பு வெளியானது. இந்த வழக்கில் பிஷப் விடுவிக்கப்படுவதாக கோட்டயம் கூடுதல் செஷன்ஸ் நீதிமன்ற நீதிபதி ஜி.கோபகுமார் தீர்ப்பு வழங்கினார். பிஷப் மீதான குற்றத்தை நிரூபிப்பதில் அரசு தரப்பு தோற்றுவிட்டதாக நீதிபதி தனது தீர்ப்பில் சுட்டிக்காட்டியிருந்தார். இந்தத் தீர்ப்பு, பாதிக்கப்பட்ட கன்னியாஸ்திரிக்கு மட்டுமல்ல, அவருக்கு ஆதரவாகத் தெருவில் இறங்கிப் போராட்டம் நடத்திய சபையைச் சேர்ந்தவர்களையும் அதிர்ச்சிக்குள்ளாக்கியது. கன்னியாஸ்திரி பாலியல் வன்கொடுமை வழக்கின் தீர்ப்பு கேரளத்தில் பெரும் விவாதமாக மாறியுள்ளது. அந்த வழக்கு, தீர்ப்பு, அதன் பின்னர் நடந்த நிகழ்வுகள் இங்கே... நடிகைகள் ஷேர் செய்த கன்னியாஸ்த்ரீ போராட்ட புகைப்படம் Also Read: கன்னியாஸ்த்ரீ பாலியல் வன்கொடுமை வழக்கு; குற்றத்தை நிரூபிக்கத் தவறிய அரசு - விடுவிக்கப்பட்டார் பிஷப்! கோட்டயம் குருவிலங்காடு மடத்தில் பார்வையாளராகச் சென்ற ஜலந்தர் பிஷப் பிராங்கோ முல்லக்கல், கன்னியாஸ்திரி ஒருவரை பாலியல் பலாத்காரம் செய்ததாக 2018-ம் ஆண்டு புகார் எழுந்தது. 2014 முதல் 2016 வரை, தான் 13 முறை பாலியல் வன்கொடுமைக்கு ஆளானதாக பாதிக்கப்பட்ட கன்னியாஸ்திரி தெரிவித்திருந்தார். இந்தக் குற்றச்சாட்டு பூதாகரமாக வெடித்ததால் சீரோ மலபார் சபையின் உயர்ந்த பீடத்தில் இருந்தவர்கள் கலக்கம் அடைந்தனர். ஆரம்பத்தில் பிஷப் பிராங்கோ முல்லக்கல் மீது நடவடிக்கை எடுக்க சபை தயங்கியது. சக கன்னியாஸ்திரிகள் போராட்டங்களை முன்னெடுத்ததால் சபை வேறு வழியின்றி இறங்கிவந்தது. மேலும் போலீஸார் வழக்குப் பதிவு செய்ய, 2018 செப்டம்பர் 21-ம் தேதி பிஷப் பிராங்கோ முல்லக்கல் கைது செய்யப்பட்டு சிறையில் அடைக்கப்பட்டார். பின்னர் ஜாமினில் வெளியே வந்த பிஷப் பிராங்கோ முல்லக்கல் வழக்கு விசாரணையை எதிர்கொண்டார். நூற்றுக்கும் மேற்பட்ட கன்னியாஸ்திரிகளிடம் விசாரணை நடத்தப்பட்டது. பாதிக்கப்பட்ட கன்னியாஸ்திரியிடம் ரகசிய விசாரணை நடத்தப்பட்டது. இந்த நிலையில், இவ்வழக்கின் தீர்ப்பில் நீதிமன்றம் குறிப்பிட்டுள்ள சில வரிகள், காவல்துறையின் பலவீனமான விசாரணை குறித்து சுட்டியுள்ளது. ``மடத்தில் 20-ம் எண் கொண்ட அறையில் வைத்து கன்னியாஸ்திரியை பாலியல் வன்கொடுமை செய்ததாகச் சொல்கிறார்கள். அப்போது, கன்னியாஸ்திரி எதிர்த்துப் போராடவும் செய்திருக்கிறார். அது பக்கத்து அறையில் இருந்தவர்களுக்குத் தெரியவில்லை என்பது முரணாக இருக்கிறது. கன்னியாஸ்திரி இருந்த அறைக்கு ஜன்னல்கள் உண்டு. ஆனால் பக்கத்து அறைகளில் யாரும் இல்லை என அரசு தரப்பால் நிரூபிக்க முடியவில்லை. கன்னியாஸ்திரியின் மொபைல் போன், லேப்டாப் ஆகியவற்றை வாங்கி போலீஸார் பரிசோதிக்கவில்லை. இது போலீஸாரின் தோல்வி'' என கோர்ட் விமர்சித்துள்ளது. இதற்கிடையே, ``இது எதிர்பார்க்காத தீர்ப்பு'' என அரசு வழக்கறிஞர் கருத்துத் தெரிவித்திருக்கிறார். மேலும் உயர் நீதிமன்றத்துக்கு அப்பீலுக்குச் செல்வதாகவும் அரசுத் தரப்பு அறிவித்துள்ளது.பிஷப் பிராங்கோ முல்லக்கல் தீர்ப்பு குறித்து செய்தியாளர்களிடம் பேசிய பிஷப் பிராங்கோ முல்லக்கல், ``தெய்வத்தின் கோர்ட்டில் உள்ள தீர்ப்பு, பூமியில் உள்ள கோர்ட்டிலும் வரட்டும் என நான் பிரார்த்தித்தேன். தெய்வம் உண்டு என்றும், தெய்வத்தின் சக்தி என்னவென்றும் உலகத்துக்கு காட்டிக்கொடுக்கும் மிஷனரி நான். அதற்கு ஒரு வாய்ப்பு இது. பிரார்த்தனைக்கு சக்தி உண்டு என ஜாதி, மதத்திற்கு அப்பாற்பட்ட அனைவருக்கும் புரிந்துள்ளது. சத்தியத்தை நேசிப்பவர்களும், சத்தியத்தின் பக்கத்தில் நிற்பவர்களும் என்னுடன் இருந்தார்கள். பழம் காய்க்கும் மரத்தில் கல்லெறி விழும். தொடர்ந்து பிரார்த்தியுங்கள், தெய்வத்தை துதியுங்கள் என்று சபையினரை கேட்டுக்கொள்கிறேன்" என்றார்.பார்வதி Also Read: `ஆபாசமாகப் பேசி தவறாக நடக்க முயன்றார்!' -பிஷப் பிராங்கோ முளய்க்கல் மீது மற்றொரு பாலியல் புகார் இந்த விவகாரத்தில் பிஷப்புக்கு எதிராகவும், கன்னியாஸ்திரிக்கு ஆதரவாகவும் மலையாள நடிகைகள் களத்தில் இறங்கியுள்ளனர். நடிகை ரீமா கல்லிங்கல் தனது சமூக வலைதளத்தில் கன்னியாஸ்திரிகள் போராட்டம் நடத்தும் புகைப்படத்தை பகிர்ந்து, ``அவருடன் என்றும்" எனப் பதிவிட்டுள்ளார். ``இந்தத் தீர்ப்பு மிகவும் கொடூரமானது. நாங்கள் பின்வாங்கமாட்டோம். எது எங்களை தோற்கடித்தாலும் நாங்கள் பின்வாங்கமாட்டோம். இதயம் உடைகிறது" என உருக்கமாகக் கருத்துத் தெரிவித்துள்ளார் நடிகை பார்வதி திருவோத்து. கேரளாவையே உலுக்கிய இந்த வழக்கின் தீர்ப்பு, கேரளா தாண்டியும் சட்ட மற்றும் பெண்ணியச் செயற்பாட்டாளர்களிடம் விவாதமாகத் தொடர்ந்து வருகிறது.
http://dlvr.it/SHG5MR

Read More

உத்தர் அரசியல்: வெல்லப்போவது யோகியா... அகிலேஷா?! - மினி தொடர் | பகுதி 1

உத்தரப்பிரதேச மாநில சட்டமன்றத் தேர்தல் அறிவிக்கப்படுவதற்கு முன்பாகவே, பரபரப்புகளைப் பார்த்துவந்த உத்தரப்பிரதேசம், தற்போது அதிரடிக் காட்சிகளைத் தினந்தோறும் கண்டுவருகிறது. இந்தியாவின் ஒட்டுமொத்தப் பார்வையும் வடக்கு நோக்கித் திரும்பியிருக்கிறது. `உத்தர்’ என்றால் இந்தியில் `வடக்கு’. வட திசையில் அமைந்துள்ள மாநிலம் என்பதால் அது, `உத்தரப் பிரதேசம்.’ வரைபடம் பரப்பளவில் பெரிய மாநிலம். இந்தியாவிலேயே அதிக மக்கள்தொகைகொண்ட மாநிலமும்கூட. அதாவது, பாகிஸ்தான் மக்கள்தொகைக்கு இணையானது. உ.பி வாசிகளின் எண்ணிக்கை 20 கோடியைத் தாண்டுகிறது. அதனால், தேசிய அரசியலில் மிகப்பெரிய பங்கு வகிக்கிறது. இன்னொரு முக்கியத்துவமும் உண்டு. சுதந்திர இந்தியாவின் முதல் பிரதமர் ஜவஹர்லால் நேரு தொடங்கி, தற்போதைய மோடி வரை, ஒன்பது பிரதமர்களைத் தந்த மாநிலம் இது. அதாவது, அந்த ஒன்பது பேரும் இங்கிருந்து எம்.பி-யாகி பிரதமர் ஆனவர்கள். மக்கள்தொகை அடிப்படையில் தொகுதிகளின் எண்ணிக்கை முடிவுசெய்யப்படுவதால், உத்தரப்பிரதேச சட்டமன்றத் தொகுதிகளும், நாடாளுமன்றத் தொகுதிகளும் பிற மாநிலங்களைக் காட்டிலும் அதிகம். தமிழ்நாட்டுக்கும் உ.பி-க்குமான வித்தியாசத்தைப் பார்ப்போம். இந்தியாவில் பெரிய மாநிலங்களில் ஒன்றான தமிழ்நாடு, 234 சட்டமன்றத் தொகுதிகளைக்கொண்டது. உ.பி-யோ, 403 சட்டமன்றத் தொகுதிகளைக்கொண்டது. மோடி தமிழ்நாடு 39 நாடாளுமன்ற மக்களவைத் தொகுதிகளைக்கொண்டது என்றால், உ.பி-யின் நாடாளுமன்றத் தொகுதிகளின் எண்ணிக்கை, அதில் இரண்டு மடங்கு. உ.பி., 80 நாடாளுமன்றத் தொகுதிகளைக்கொண்டிருக்கிறது. எனவேதான், தேசிய அரசியலில் உத்தரப்பிரதேசம் பெரும் முக்கியத்துவம் பெறுகிறது. உ.பி சட்டமன்றத் தேர்தலில் எந்தக் கட்சி ஜெயிக்கிறதோ, அந்தக் கட்சிதான், அடுத்ததாக நடைபெறக்கூடிய நாடாளுமன்றத் தேர்தலில் வெற்றிபெறும் என்ற நிலையும், உ.பி-யின் அரசியல் முக்கியத்துவத்தை அதிகரிக்கச்செய்கிறது. அந்த வகையில், 2017 உ.பி சட்டமன்றத் தேர்தலில் வெற்றிபெற்ற பா.ஜ.க., அதையடுத்து 2019-ல் நடைபெற்ற நாடாளுமன்ற பொதுத்தேர்தலில் வெற்றிபெற்று மத்தியில் ஆட்சியமைத்தது. அது, சாதாரண வெற்றி அல்ல. 303 இடங்களைப் பிடித்து, அறுதிப் பெரும்பான்மையுடன் மத்தியில் பா.ஜ.க அமர்ந்தது. உ.பி-யில் 62 நாடாளுமன்றத் தொகுதிகளைப் பிடித்ததால்தான், அகில இந்திய அளவில் அவ்வளவு பெரிய வெற்றி பா.ஜ.க-வுக்கு கிடைத்தது. 2014, 2019 ஆகிய நாடாளுமன்றப் பொதுத் தேர்தல்களில் தொடர்ச்சியாகப் பெற்ற வெற்றியைத் தொடர்ந்து, 2024-ல் நடக்கப்போகும் நாடாளுமன்றத் தேர்தலிலும் வென்றுவிட வேண்டும் என்பது பா.ஜ.க-வின் கணக்கு.அமித் ஷா மத்தியில் ஹாட்ரிக் வெற்றியைப் பெற வேண்டும் என்று துடிக்கும் பா.ஜ.க., அதற்காக உ.பி சட்டமன்றத் தேர்தலில் படுதீவிரமாக இயங்குகிறது. தேர்தல் தேதி அதிகாரபூர்வமாக அறிவிப்பதற்கு பல வாரங்களுக்கு முன்பாகவே, பிரதமர் மோடியும், உள்துறை அமைச்சர் அமித் ஷாவும் உ.பி-யில் சூறாவளியாகச் சுழல ஆரம்பித்துவிட்டனர். அவர்கள் இருவரும் கடந்த மூன்று மாதங்களில் டெல்லிக்கும் உ.பி-க்கும் மாறி மாறிப் பறந்து, பரபரப்பை ஏற்படுத்திக்கொண்டிருந்தார்கள். பொதுவாகவே, சட்டமன்றத் தேர்தல் நடைபெறப்போகிற மாநிலங்களுக்கு அடிக்கடி விசிட் அடித்து வளர்ச்சித் திட்டங்களை அறிவிப்பதும், தொடங்கிவைப்பதும் பிரதமர் மோடியின் வழக்கம். அந்த வகையில், மேம்பாலம், நெடுஞ்சாலை, மெட்ரோ ரயில் போன்ற திட்டங்களை உ.பி-யில் திறந்தும் தொடங்கியும் வைத்திருக்கிறார். வாரணாசியில் புகழ்பெற்ற காசி விஸ்வநாதர் ஆலய வளாகத்தைப் பல கோடி ரூபய் செலவில் புதுப்பித்ததுடன், கோலாகலமான விழாவை எடுத்து அதை அவர் திறந்துவைத்தார் `பூர்வாஞ்சல்’ என்று அழைக்கப்படும் கிழக்கு உத்தரப்பிரதேசத்தில்தான், தற்போது பா.ஜ.க-வின் முழு கவனமும் இருக்கிறது. ஓ.பி.சி., தலித், முஸ்லிம்கள் அதிகம் வாழும் பகுதியான மேற்கு உத்தரப்பிரதேசத்தை, இம்முறை பா.ஜ.க அவ்வளவாகக் கண்டுகொள்ளவில்லை. அங்குதான், விவசாயிகள் போராட்டம் தீவிரமாக நடைபெற்றது என்பது ஒரு காரணமாக இருக்கலாம். முதல்வர் யோகி ஆதித்யநாத், கிழக்கு உத்தரப்பிரதேசத்தில் உள்ள கோரக்பூரைச் சேர்ந்தவர். அங்குதான், மெட்ரோ ரயில் திட்டத்தை பிரதமர் தொடங்கிவைத்தார். ரூ.4,672 கோடி செலவில் 27.84 கி.மீ தொலைவுக்கான மெட்ரோ ரயில் திட்டப் பணிக்கு மத்திய அரசு சமீபத்தில் ஒப்புதல் அளித்தது. திட்டப்பணி 2024-ல் நிறைவடையுமாம். 2024-ல்தான் நாடாளுமன்றத் தேர்தலும் வரப்போகிறது.யோகி ஆதித்யநாத் பல முறை கோரக்பூர் நாடாளுமன்றத் தொகுதியில் வெற்றிபெற்ற யோகி, முதன்முறையாக கோரக்பூர் சட்டமன்றத் தொகுதியில் போட்டியிடுகிறார். கோரக்பூரில் உரத்தொழிற்சாலை அமைப்பதற்கு பிரதமர் அடிக்கல் நாட்டியிருக்கிறார். மதுரையில் எய்ம்ஸ் மருத்துவமனைக்கு அடிக்கல் மட்டுமே நாட்டிவிட்டுச் சென்ற பிரதமர் மோடி, கோரக்பூரில் 750 படுக்கைகள் கொண்ட ‘எய்ம்ஸ்’ மருத்துவமனையைத் திறந்துள்ளார். கோரக்பூரில் மெட்ரோ ரயில் திட்டத்துக்கு ஒப்புதல் அளித்த மோடிக்கு நன்றி நவில்ந்தார் யோகி. எதிர்க்கட்சியினரோ,` வருகிற சட்டமன்றத் தேர்தலுக்குத்தான் நன்றி தெரிவிக்க வேண்டும். வளர்ச்சித் திட்ட அறிவிப்புகளும், தொடக்க விழாக்களும் கடைசி நேரத்தில் விறுவிறுப்படைந்ததற்கு, தேர்தல்தானே காரணம்’ என்கின்றனர் ஓர் உரத்தொழிற்சாலை வருவதாலும், ஓர் எய்ம்ஸ் வருவதாலும் ஓரிடத்தில் மெட்ரோ ரயில் திட்டம் வருவதாலும், சில நெடுஞ்சாலைத் திட்டங்கள் வருவதாலும் உ.பி சொர்க்கபுரியாகிறது என்று சொல்வதற்கில்லை. ஒன்பது பிரதமர்களைத் தந்த உத்தரப்பிரதேசம், இன்றைக்கும்கூட ஏழ்மையிலும் எழுத்தறிவின்மையிலும் இந்தியாவிலேயே `முதன்மை’ மாநிலமாகத்தான் இருக்கிறது. மோடி அரசு உருவாக்கிய நிதி ஆயோக் சமீபத்தில் வெளியிட்ட ஆய்வறிக்கையில், தமிழ்நாட்டில் மிகவும் பின்தங்கிய புதுக்கோட்டை மாவட்டத்தைக் காட்டிலும் ஏழைகள் அதிகம் நிறைந்த மாவட்டமாக பிரதமர் மோடியின் வாரணாசி இருப்பதாகப் புள்ளிவிவரங்களுடன் சொல்லப்பட்டுள்ளது.அகிலேஷ் யாதவ் ஆனால், உத்தரப்பிரதேசம் பின்தங்கிக் கிடப்பதற்கான உண்மைக் காரணங்களை ஆராய்ந்து, வளர்ச்சிக்கான பாதையை வகுப்பதில் இருக்கும் ஆர்வத்தைக் காட்டிலும், சமூகப் பதற்றத்தை ஏற்படுத்துவதில்தான் தலைவர்களுக்கு அதிக ஆர்வம் இருக்கிறது. பாபர் மசூதி - ராம ஜென்மபூமி வழக்கு உச்ச நீதிமன்றத்தால் முடித்துவைக்கப்பட்டு, அயோத்தியில் ராமர் கோயில் கட்டப்பட்டுவரும் சூழலில், `கரசேவகர்கள் மீது துப்பாக்கிச்சூடு நடத்த உத்தரவிட்டது யார்?’ என்றெல்லாம் உரையாற்றுவது, அமைதியைச் சீர்குலைத்துவிடாதா? உத்தரப்பிரதேசத்தின் இன்றைய நிலைக்கான காரணங்களை முழுமையாகப் புரிந்துகொள்ள வேண்டுமென்றால், அந்த மாநிலம் கடந்துவந்த 70 ஆண்டுக்கால அரசியலையும் அதில் கோலோச்சிய பெருந்தலைகளையும் திரும்பிப் பார்ப்பது முக்கியம்... அவர்களின் அரசியலை அலசுவதும் அவசியம்! (உத்தர் அரசியல்... அலசுவோம்)
http://dlvr.it/SHG5M1

Read More

காணும் பொங்கல்: 2வது ஆண்டாக கொண்டாட்டமின்றி களை இழந்த சாலைகள்

கொரோனா தொற்றை கட்டுப்படுத்தும் வகையில் இன்று முழு ஊரடங்கு அமல்படுத்தப்பட்டுள்ளதால் சென்னையில் காவல்துறை வாகன சோதனை தீவிரப்படுத்தப்பட்டுள்ளது. சென்னை பெருநகர காவல் சரக எல்லைக்குட்பட்ட பகுதியில் மொத்தம் 312 வாகன தணிக்கை சாவடிகள் அமைக்கப்பட்டு சட்டம் மற்றும் ஒழுங்கு, போக்குவரத்து மற்றும் ஆயுதப்படையைச் சேர்ந்த 10,000 காவல்துறையினர் தீவிர கண்காணிப்பில் ஈடுபட்டு வருகின்றனர். இதனால் சென்னையின் சாலைகள் வெறிச்சோடி காணப்படுகிறது. இன்று காணும் பொங்கல் என்பதால் சென்னையின் கடற்கரைகள், பொழுதுபோக்கு பூங்காக்கள் உள்பட பல பகுதிகளில் மக்களின் கூட்டம் நிரம்பி காணப்படும். ஆனால் கொரோனா தொற்று காரணமாக முழு ஊரடங்கால் ஆள்நடமாட்டமின்றி மெரினா கடற்கரை சாலை காணப்படுகிறது. 2-வது ஆண்டாக காணும் பொங்கல் கொண்டாட்டங்கள் இல்லாமல் களை இழந்து காணப்படுகிறது கடற்கரை சாலை. மெரினா கடற்கரை சர்வீஸ் சாலைக்குள் யாரும் செல்லாதபடி தடுப்புகள் அமைக்கப்பட்டுள்ளது. வாகன சோதனை தீவிரப்படுத்தப்பட்டுள்ளது. வாகன தணிக்கைக்கு பொதுமக்கள் ஒத்துழைப்பு வழங்க வேண்டும் என்று சென்னை காவல்துறை கேட்டு கொண்டுள்ளது. பொதுமக்கள் கொரோனா ஊரடங்கு குறித்து தகவல்கள் பெறவும், சந்தேகங்களை கேட்கவும், சென்னை பெருநகர காவல்துறையின் கொரோனா கட்டுப்பாட்டு அறை உதவி மையம் 9498181239 என்ற எண்ணை தொடர்பு கொள்ளலாம் என்று சென்னை காவல்துறை தெரிவித்துள்ளது. பொதுமக்கள் கொரோனா ஊரடங்கு குறித்த தகவல்கள் மற்றும் ஆலோசனைகள் பெற சென்னை பெருநகர காவல்துறையின் கொரோனா கட்டுப்பாட்டு அறையின் 9498181239 என்ற உதவி மைய எண்ணை 24 மணி நேரமும் தொடர்பு கொள்ளலாம். அவசர உதவி தேவைப்படுவோர் காவல்துறை உதவி எண் 100 மற்றும் 112 ஆகிய தொலைபேசி எண்களை தொடர்பு கொள்ளுமாறும், காவலன் SOS செயலியை பயன்படுத்துமாறு சென்னை காவல்துறை கேட்டு கொண்டுள்ளது. இதையும் படிக்க: கொரோனா தொற்றை கட்டுப்படுத்தும் வகையில் இன்று முழு ஊரடங்கு அமல்படுத்தப்பட்டுள்ளதால் சென்னையில் காவல்துறை வாகன சோதனை தீவிரப்படுத்தப்பட்டுள்ளது.
http://dlvr.it/SHDCmF

Read More

நேற்றைவிட சற்று உயர்வு: நாடு முழுவதும் புதிதாக 2.71 லட்சம் பேருக்கு கொரோனா

இந்தியாவில் நேற்று தினசரி கொரோனா பாதிப்பு 2,68,833 ஆக பதிவாகி இருந்த நிலையில், இன்றைய தொற்று பாதிப்பு 2,71,202 ஆக உயர்ந்துள்ளது. மத்திய சுகாதாரத்துறை இன்று வெளியிட்ட அறிக்கையில், கடந்த 24 மணி நேரத்தில் புதிதாக 2,71,202 பேருக்கு தொற்று உறுதி செய்யப்பட்டுள்ளதாக தெரிவித்துள்ளது. இதனால் மொத்த பாதிப்பு 3 கோடியே 71 லட்சத்து 22 ஆயிரத்து 131 ஆக உயர்ந்துள்ளது. கொரோனாவுக்கு நேற்று 314 பேர் உயிரிழந்துள்ளனர். இதன்மூலம் இந்தியாவில் கொரோனாவால் மரணமடைந்தவர்களின் மொத்த எண்ணிக்கை 4 லட்சத்து 86 ஆயிரத்து 66 ஆக உள்ளது. நேற்று ஒரே நாளில் 1 லட்சத்து 38 ஆயிரத்து 331 பேர் கொரோனாவில் இருந்து குணமடைந்து டிஸ்சார்ஜ் செய்யப்பட்டுள்ளனர். இந்தியாவில் தற்போது சிகிச்சை எடுத்துவருவோரின் எண்ணிக்கை 15 லட்சத்து 50 ஆயிரத்து 377-ஆக உள்ளது. இந்தியாவில் தினசரி தொற்று விகிதம் 16.66 சதவீதத்தில் இருந்து 16.28 சதவீதமாக குறைந்துள்ளது. இதையும் படிக்க: டெல்லி குடியரசு தின விழா - 24 ஆயிரம் பேர் பங்கேற்க அனுமதி
http://dlvr.it/SHCvFR

Read More

முழு ஊரடங்கு காரணமாக சென்னையில் மூடப்பட்ட மேம்பாலங்கள்

இன்றைய தினம் தமிழகத்தில் முழு ஊரடங்கு அமல்படுத்தப்பட்டு இருப்பதால் சென்னையின் முக்கியமான மேம்பாலம் கோயம்பேடு, ஜெமினி, கத்திப்பாரா தவிர பிற மேம்பாலங்கள் மூடப்பட்டுள்ளது. மேலும் தமிழகம் முழுவதும் காவல்துறையினர் தீவிர வாகன கண்காணிப்பில் ஈடுபட்டு வருகின்றனர். இதன்படி வடபழனி, தி.நகர், ஆழ்வார்பேட்டை, புரசைவாக்கம், பல்லாவரம், மீனம்பாக்கம் உள்ளிட்ட சில மேம்பாலங்கள் பாதுகாப்பு காரணமாக மூடப்பட்டுள்ளது. பணிக்கு செல்லும் மாநகராட்சி, சுகாதாரத்துறை, வருவாய்த்துறை உள்ளிட்ட முன்கள பணியாளர்களின் அடையாள அட்டை சோதனை செய்யப்பட்டது. அதேபோல் பொதுமக்கள் அவசர மருத்துவ தேவைக்கு செல்பவர்கள், குடும்ப நிகழ்வுக்கு செல்பவர்கள் ஆவணம் வைத்திருக்க வேண்டும். அதன்படி காவல்துறையினர் தீவிர வாகன சோதனையில் ஈடுபட்டு வருகின்றனர். சென்னை மற்றும் தாம்பரம், ஆவடி காவல் ஆணையர் எல்லைக்கு உட்பட்டு 372 இடத்தில் வாகன தணிக்கை நடந்துள்ளது. விதிகளை மீறும் வாகன ஒட்டிகளிடம் அபராதம், வாகனத்தை பறிமுதல் செய்யப்படும் என காவல்துறை அதிகாரிகள் தெரிவித்தனர். தொடர்புடைய செய்தி: மாடு பிடி வீரர்களுக்கு அரசு வேலை கோரிக்கை - பரிந்துரைப்பதாக அமைச்சர் தகவல்
http://dlvr.it/SHCblY

Read More

முடிவுக்கு வந்தது கோலியின் கேப்டன் சகாப்தம்: சாதித்தது என்ன?

ஏறக்குறைய 8 ஆண்டுகள் கேப்டன் பதவியில் இருந்த விராட் கோலி இந்தியாவிலேயே வெற்றிகரமான கேப்டன் என்ற பெருமையோடு வலம் வந்தார். சமீபத்தில் நடந்த தென் ஆப்பிரிக்காவுக்கு எதிராக 3 போட்டிகள் கொண்ட கிரிக்கெட் டெஸ்ட் தொடரில் இந்திய அணி 2-1 என்ற கணக்கில் தோல்வி அடைந்தது. இச்சூழலில் டெஸ்ட் கேப்டன் பதவியில் இருந்து விலகுவதாக விராட் கோலி வெளியிட்டுள்ள அறிவிப்பு அவரது ரசிகர்களை கவலைக்குள்ளாக்கியிருக்கிறது. இந்திய டி20 மற்றும், பெங்களூர் அணியின் கேப்டன்சியில் இருந்து விலகியது, ஒருநாள் போட்டிகளின் கேப்டசியில் இருந்து பிசிசிஐ-யால் தூக்கப்பட்டது என்று பல நிகழ்வுகள் தொடர்ந்து நடைபெற்று வந்த நிலையில், தற்போது மீதமுள்ள டெஸ்ட் கேப்டன் பதவியிலிருந்து தானாகவே முன்வந்து விலகியுள்ளார் கோலி. டெஸ்ட் கேப்டனாக விராட் கோலி செய்த சாதனைகள் இதோ.. மகேந்திரசிங் தோனி கடந்த 2014ம் ஆண்டு டெஸ்ட் கேப்டன் பதவியிலிருந்து விலகியபின், ஆஸ்திரேலியாவுக்கு எதிரான டெஸ்ட் தொடரில் இந்திய அணியை முதல்முறையாக வழி நடத்தினார் விராட் கோலி. ஏற்குறைய 8 ஆண்டுகள் கேப்டன் பதவியில் இருந்த கோலி இந்தியாவிலேயே வெற்றிகரமான கேப்டன் என்ற பெருமையோடு வலம் வந்தார். இதுவரை விராட் கோலி 68 டெஸ்ட் போட்டிகளுக்கு தலைமை வகித்துள்ளார். இதில் 40 வெற்றிகளையும், 17 தோல்விகளையும் சந்தித்துள்ளது இ்ந்திய அணி;11 போட்டிகளை டிரா செய்துள்ளது குறிப்பிடத்தக்கது. டெஸ்ட் போட்டியில் கேப்டனாக விராட் கோலி 5,864 ரன்கள் குவித்துள்ளார். இதில் 7 இரட்டை சதம், 20 சதம், 18 அரைசதம், 7 ஆட்டநாயகன் விருது, 3 தொடர் நாயகன் விருதை கேப்டன் கோலி வென்றுள்ளளார். இந்திய கேப்டனாக அதிக டெஸ்ட் சதங்கள் (20) அடித்தவர் என்ற சாதனையும் கோலிக்கு சொந்தமானதே. டெஸ்ட் அணி கேப்டனாக வெற்றி சதவிகிதத்தை 58.82 ஆக வைத்துள்ளார் விராட் கோலி. இந்திய கேப்டனாக அதிக டெஸ்ட் போட்டிகளில் விளையாடியவர் (68 போட்டிகள்) மற்றும் அதிக டெஸ்ட் வெற்றிகளை தந்தவர் என பல்வேறு சாதனைகளை தன்வசப்படுத்தி இருக்கிறார் கோலி. கிரேம் ஸ்மித் (53 வெற்றி), ரிக்கி பாண்டிங் (48 வெற்றி) மற்றும் ஸ்டீவ் வாக் (41 வெற்றி) ஆகியோருக்கு அடுத்து, டெஸ்ட் வரலாற்றில் நான்காவது வெற்றிகரமான கேப்டனாக விராட் கோலி உள்ளார். விராட் கோலி இந்திய டெஸ்ட் அணியின் கேப்டனாக இருந்த போது , இந்தியா தரவரிசையில் இருந்த இடம் 7. அவர் கேப்டன் பதவியில் இருந்து ராஜினாமா செய்துள்ள இப்போது, இந்தியா தரவரிசையில் உள்ள இடம் ஒன்று. டெஸ்ட் கேப்டனாக கோலியின் தலைமையின் கீழ் இந்திய அணி சொந்த மண்ணில் கிட்டத்தட்ட தோற்கடிக்கப்படவில்லை என்பதை மறந்துவிடக் கூடாது. டெஸ்ட் கேப்டன் பொறுப்பிலிருந்து விலகியது குறித்து விராட் கோலி வெளியிட்ட அறிக்கையில் கூறப்பட்டிருப்பதாவது: ‘’ஒரு குறிப்பிட்ட தருணத்தில் ஒவ்வொன்றும் நிறுத்தப்பட வேண்டும். என்னைப் பொறுத்தவரை டெஸ்ட் அணியின் கேப்டன் பதவிக் காலத்தையும் நிறுத்துகிறேன். என்னுடைய கேப்டன்ஷி பயணத்தில் பல்வேறு ஏற்ற இறக்கங்கள் இருந்தன. ஆனால், ஒருபோதும் என்னுடைய முயற்சியிலும், நம்பிக்கையிலும் தொய்வு வந்தது இல்லை. இந்திய அணியை சரியான திசையில் கொண்டு செல்ல ஒவ்வொரு நாளும் கடினமான உழைப்புடன், இடைவிடாத முயற்சியுடன் 7 ஆண்டுகள் கடினமாக உழைத்தேன். இந்தப் பணியை நான் முழு நேர்மையுடன் செய்தேன், எதையும் விட்டுவிடவில்லை. ஒவ்வொரு விஷயத்தை நான் செய்யும்போதும் 120 சதவீத உழைப்பை வழங்குவேன் என நான் நம்புகிறேன். ஆனால், என்னால் செய்யமுடியாவிட்டால், அதைச் செய்ய இது சரியான நேரம் இல்லை என எனக்குத் தெரியும். நான் என் மனதில் முழுத் தெளிவுடன் இருக்கிறேன். என்னுடைய அணிக்கு நேர்மையற்றவனாக இல்லை.இந்திய அணியை இத்தனை ஆண்டு காலம் தலைமை தாங்கி வழிநடத்த வாய்ப்பு வழங்கிய இந்திய கிரிக்கெட் வாரியத்திற்கு நன்றி. தொடக்க நாளிலில் இருந்து என்னுடைய நோக்கத்தோடு பயணித்த சக வீரர்களுக்கு நன்றி, எந்த சூழலிலும் யாரையும் கைவிட்டதில்லை. ரவி சாஸ்திரி, எம்எஸ் தோனியின் பங்களிப்பை நான் மறக்க முடியாது. டெஸ்ட் கிரிக்கெட்டில் இந்த எந்திரம் நகர்ந்து முன்நோக்கி செல்ல ரவி பாய் காரணமாக இருந்தார். என்னுடைய கேப்டன்ஷியில் நம்பிக்கை வைத்து, இந்திய அணியை முன்னோக்கி என்னால் கொண்டு செல்ல முடியும் என்று நம்பிக்கை வைத்து செயல்பட்ட தோனி சகோதரருக்கு மிகப்பெரிய நன்றி’’ என்று மிக உருக்கமாகத் தன் கடிதத்தில் குறிப்பிட்டுள்ளார் கோலி.
http://dlvr.it/SHCblL

Read More

பாலமேடு ஜல்லிக்கட்டு களத்தில் கெத்து காட்டிய சிறுமிகள்

பாலமேடு ஜல்லிக்கட்டு போட்டியின் போது, இரு பள்ளி மாணவிகள் அவிழ்த்துவிட்ட காளைகள், காளையர்களுக்கு தண்ணி காட்டின. பாலமேடு ஜல்லிட்டுப் போட்டியில் காளைகளை அடக்கிய வீரர்களுக்கும், பிடிபடாத காளைகளுக்கும் விதவிதமான பரிசுகள் வழங்கப்பட்டன. எல்.இ.டி TV , பிரிட்ஜ் , ஏசி, தங்க மற்றும் வெள்ளி காசுகள், இருசக்கர வாகனங்கள், கட்டில் மெத்தை , சைக்கிள் போன்ற எண்ணற்ற பரிசுகள் வழங்கப்பட்டன. 7 சுற்றுகளாக போட்டிகள் நடைபெற்ற நிலையில், 4-வது சுற்று போட்டியில் இரு பள்ளி மாணவிகள் அவிழ்த்துவிட்ட காளைகள், காளையர்களுக்கு தண்ணி காட்டின. அன்னலட்சுமி, நிஷா ஆகியோர் அவிழ்த்த காளைகள் வாடிவாசலில் இருந்து வெளியேறி வீரர்களுக்கு சவால் விடுத்து எளிதில் வெற்றி பெற்றன.
http://dlvr.it/SHCbk7

Read More

`ஷாப்பிங் மால்களில் பார்க்கிங் கட்டணம் வசூலிக்கக் கூடாது!’ - கேரள உயர் நீதிமன்றம் கருத்து

பாலி வடக்கன் எனும் மலையாள இயக்குநர், கடந்த டிசம்பர் 2-ம் தேதி பிரபல தனியார் மால் ஒன்றுக்கு சென்றுள்ளார். அப்போது அவரிடம் 20 ரூபாய் பார்க்கிங் கட்டணம் செலுத்துமாறு கேட்டுள்ளனர். ஆனால், இதற்கு பாலி மறுத்துள்ளார். பின்னர் அவர் வெளியே செல்லாதபடி கதவை மூடியுள்ளனர் அங்கிருந்த காவலர்கள். இதனையடுத்து 20 டிசம்பர் 2021 அன்று கேரள உயர் நீதிமன்றத்தில் வழக்கு பதிவு செய்தார் பாலி. அவர் தொடர்ந்த வழக்கில், ``மால்களில் உள்ள பார்க்கிங் பகுதி என்பது அங்கு வரும் பார்வையாளர்களுக்காக இருக்கும் ஒரு பொதுவான இடம். அதற்கென தனியாக பணம் வாங்க கூடாது. அப்படி பணம் வசூலிக்கலாம் என்று எந்தவொரு சட்டமோ விதிகளோ இல்லை. அப்படி குறிப்பிட்ட தனியார் மால் நிர்வாகம் பணம் வாங்குவது சட்டவிரோதமானது." என அவரின் வழக்கறிஞர் ஜோஸ் குறிப்பிட்டு வாதிட்டார்.நீதிமன்றம் இதனைத் தொடர்ந்து டிசம்பர் 21,2021 அன்று நீதிபதி நாகரேஷ் தலைமையிலான அமர்வு கேரள மாநில அரசு, கலமசேரி முனிசிப்பாலிடி, தனியார் மால் நிறுவனத்திற்கு நோட்டீஸ் அனுப்ப உத்தரவிட்டார். இதன் பொருட்டு ஆஜரான வழக்கறிஞர் ஶ்ரீகுமார் கேரள முனிசிப்பாலிடி சட்டத்தின் 447 பிரிவின் கீழ் தனியார் மால் நிறுவனத்திற்கு லைசென்ஸ் வழங்கப்பட்டுள்ளதாகத் தெரிவித்தார். பின்னர் 14 ஜனவரி 2022 அன்று மீண்டும் இது விசாரணைக்கு வந்தது. இம்முறை நீதிபதி பி. வி. குன்ஹிகிருஷ்ணன் (P.V. Kunhikrishnan) விசாரணை நடத்தினார். அவர் தனது உத்தரவில், "இந்த வழக்கில் கலமசேரி முனிசிப்பாலிடியின் நிலை என்பது உறுதியாகத் தெரிவிக்கப்படவில்லை. அதனால் அவர்கள் தெளிவான விளக்கம் மற்றும் நிலைப்பாட்டினை இரண்டு வாரத்தில் (28.01.2022) தெரிவிக்க வேண்டும்" எனக் குறிப்பிட்டுள்ளார். மேலும் அவர், "கட்டட விதிகளின்படி பார்க்கிங் பகுதி என்பது ஒரு கட்டடத்திற்குக் கட்டாயம் இருக்க வேண்டும். இப்போது கேள்வி என்னவென்றால், இப்படிக் கட்டப்படும் கட்டடத்தில் உள்ள பார்க்கிங்க்கு அதன் ஓனர் கட்டணம் வசூலிக்கலாமா என்பதே. என்னுடைய கருத்து அதற்குச் சாத்தியமில்லை என்பது தான். " என்றார். தனியார் மால் நிர்வாகம் அவர்களுடைய சொந்த ரிஸ்கில் வேண்டுமானால் பார்க்கிங் கட்டணம் வசூலிக்கலாம் என்றும் தெரிவித்துள்ளார். மேலும் அவர், தற்போதைய நிலையில் பார்க்கிங் கட்டணம் வசூலிக்க தடை இல்லை எனவும் தெரிவிக்கப்பட்டுள்ளது. வழக்கின் முடிவில் தான் அதற்கான உத்தரவு வரும்! ப்ளாஷ் பேக்: இதற்கு முன் நடந்த பார்க்கிங் கட்டண பற்றிய நிகழ்வுகளைப் பார்ப்போம். 1. போஸ்கா லூயிஸ் என்பவர் இதே நிறுவனத்திற்கு எதிராக இதே போன்ற வழக்கினை பதிவு செய்திருக்கிறார். 2. கடந்த 2019-ல் குஜராத் உயர் நீதிமன்றம் பார்க்கிங்க்கு கட்டணம் வசூலிக்க கூடாது என்றும், பார்க்கிங் பகுதி அங்கு வரும் மக்களுக்கான அடிப்படையான ஓர் பகுதி எனவும், அதனை இலவசமாக தான் தரவேண்டும். ஏனெனில் இது அவர்களின் சட்டரீதியான கடமை எனவும் தெரிவித்தது. 3. சென்ற வருடம் கர்நாடக உயர் நீதிமன்றம் பார்க்கிங் கட்டணம் வசூலிக்கப்படுவது நியாயம் தான் என்று தன் கருத்தை தெரிவித்தது என்பதையும் நாம் நினைவில் கொள்ள வேண்டும்.
http://dlvr.it/SH9q3J

Read More

விறுவிறுப்புடன் நடைபெறும் பாலமேடு ஜல்லிக்கட்டு - 2வது சுற்று நிலவரம்

பாலமேட்டில் ஜல்லிக்கட்டு போட்டிகள் விறுவிறுப்புடன் நடைபெற்று வருகின்றன. தற்போது வரை 2 சுற்றுகள் முடிவடைந்துள்ளன. பாலமேட்டு ஜல்லிக்கட்டு போட்டியின் முதல் சுற்று முடிவில் ( 1st Batch )வாடிவாசலில் இருந்து 81 காளைகள் அவிழ்த்து விடப்பட்டுள்ளன. முதல் சுற்றில் 22 காளைகள் பிடிபட்ட நிலையில் 59 காளைகள் பிடிபடவில்லை. இரண்டாம் சுற்று முடிவில் (2nd Batch) முடிவில் வாடிவாசலில் இருந்து இதுவரை மொத்தம் 176 காளைகள் அவிழ்த்து விடப்பட்டுள்ளன. 2 வது சுற்றில் 95 காளைகள் வெளியேறி உள்ள நிலையில் 25 காளைகள் பிடிபட்டுள்ள 70 காளைகள் பிடிபடவில்லை. முதல் இரண்டு சுற்று முடிவில் 47 காளைகள் பிடிபட்ட நிலையில் 129 காளைகள் பிடிபடவில்லை. முதல் இரண்டு வீரர்கள் தலா 5 காளைகள் பிடித்துள்ள நிலையில், இருவரும் சமநிலையில் தொடர்கின்றனர்.
http://dlvr.it/SH9SjX

Read More

`அரசியலையும் என் தொழிலையும் கலக்காதீர்கள்!’ - ஆடை விமர்சனம் குறித்து காங்கிரஸ் வேட்பாளர்

இந்தியாவில் உத்தரகாண்ட், உத்தரப்பிரதேசம், மணிப்பூர், கோவா, பஞ்சாப் ஆகிய 5 மாநிலங்களில் சட்டமன்ற தேர்தல் நடைபெற உள்ளது. பிரியங்கா காந்தி உத்தரப்பிரதேச மாநில தேர்தலில் காங்கிரஸ் சார்பில் போட்டியிடும் வேட்பாளர்களின் முதற்கட்ட பட்டியலை காணொளி காட்சி மூலம் வெளியிட்டார். இந்த வேட்பாளர் பட்டியலில் 125 பேர் இடம் பெற்றுள்ளனர். இவர்களில் 40 சதவீத பெண்களும் 40 சதவீத இளைஞர்களும் இடம் பெற்றுள்ளனர் என்பது குறிப்பிடத்தக்கது. Priyanka Gandhi இந்த சட்டமன்ற தேர்தலில் மீரட்டின் ஹஸ்தினாபூர் தொகுதியில் காங்கிரஸ் வேட்பாளராக அர்ச்சனா கௌதம் போட்டியிட உள்ளார். நடிகை அர்ச்சனா கௌதம் பல்வேறு மாடலிங் போட்டிகளில் கலந்து கொண்டு வெற்றி பெற்றவர். இவர் 2021 -ம் ஆண்டு காங்கிரஸ் கட்சியில் இணைந்தார். 2015-ம் ஆண்டு 'தி கிராண்ட் மஸ்தி' திரைப்படத்தின் மூலம் பாலிவுட்டில் நடிகையாக அறிமுகமானார். பிறகு `மிஸ் பிகினி இந்தியா 2018’ என்ற பட்டத்தை வென்று இந்தியாவை பிரதிநிதித்துவப்படுத்தினார். மேலும் 'ஹசீனா பார்க்கர்', 'பாரத் கம்பெனி' போன்ற படங்களிலும், தமிழ் மற்றும் தெலுங்கு படங்களிலும் நடித்துள்ளார் என்பது குறிப்பிடத்தக்கது. உத்தரப் பிரதேச தேர்தலில் காங்கிரஸ் சார்பில் போட்டியிடும் வேட்பாளர்களில் அர்ச்சனாவின் பெயர் அறிவிக்கப்பட்டதையொட்டி, நடிகை அர்ச்சனா பிகினி உடை அணிந்த புகைப்படங்கள் சமூக வலைத்தளங்களில் வைரலாகி, சர்ச்சையைக் கிளப்பி வருகிறது.அர்ச்சனா இது குறித்து ஏ.என்.ஐ-க்கு இவர் பேட்டி அளிக்கும் போது பேசுகையில், ``நான் மிஸ் பிகினி 2018 -ல் இந்தியாவைப் பிரதிநிதித்துவப்படுத்தினேன். மேலும் நான் 2014 மிஸ் உத்தரபிரதேசம், மிஸ் காஸ்மோ வேர்ல்ட் 2018-ல் பரிசு வென்றிருக்கிறேன் . ஊடகத் துறையில் எனது தொழிலை எனது அரசியல் வாழ்க்கையுடன் இணைக்க வேண்டாம் என்று மக்களைக் கேட்டுக்கொள்கிறேன்” எனத் தெரிவித்தார்.
http://dlvr.it/SH97sW

Read More

மகர சங்கராந்தி விழா: பட்டியலினத்தவர் வீட்டில் விருந்து! - அழைப்புக்கு நன்றி சொன்ன யோகி ஆதித்யநாத்

தமிழகத்தின் பொங்கல் பண்டிகையைப் போன்று இந்தியாவின் பிற பகுதிகளில் மகர சங்கராந்தி பண்டிகை கொண்டாடப்பட்டது. இந்நிலையில் உத்தரப்பிரதேச மாநிலத்தின் கோரக்பூர் பகுதியில் நடைபெற்ற மகர சங்கராந்தி விழாவில் கலந்துகொண்ட உ.பி முதல்வர் யோகி ஆதித்யநாத், அங்குள்ள பட்டியலின வகுப்பைச் சார்ந்த ஒருவரின் வீட்டில் உணவருந்தியுள்ளார். இது தொடர்பாக பேசிய யோகி ஆதித்யநாத், பட்டியலினத்தைச் சார்ந்த அமிர்தலால் பாரதி என்பவரின் அழைப்பின் பேரில் இந்த நிகழ்ச்சியில் கலந்துகொண்டதாகவும், அதற்காக நன்றி தெரிவிப்பதாகவும் கூறியுள்ளார்.மோடி, யோகி ஆதித்யநாத் அடுத்த மாதம் உ.பி-யில் சட்டமன்றத் தேர்தல் தொடங்கவிருக்கும் நிலையில் ஆளும் பா.ஜ.க-வைச் சேர்ந்த அமைச்சர்கள், எம்.எல்.ஏ-க்கள் எனப் பலர் சமாஜ்வாடி கட்சியில் இணைந்துவருகின்றனர். இந்நிலையில் முதல்வர் யோகி ஆதித்யநாத் பட்டியலினத்தவர் வீட்டில் உணவருந்தியிருப்பது அரசியலில் கவன ஈர்ப்புக்காக செய்வதாக எதிர்க்கட்சிகள் நிர்வாகிகள் விமர்சித்தும்வருகிறார்கள். Also Read: அமித் ஷா பிளானை வீழ்த்தும் அகிலேஷ் அட்டாக்! - மிரளும் யோகி | Elangovan Explains
http://dlvr.it/SH97rn

Read More

30 வயதுக்கு மேற்பட்ட பெண்கள் டார்கெட்! - நாசா விஞ்ஞானி என 14 பெண்களிடம் திருமணம் செய்வதாகப் பண மோசடி

திருமணத் தகவல் இணைய தளங்களில் கிடைக்கும் தகவல்களை எடுத்து பெண்களிடம் மோசடி செய்யும் சம்பவங்கள் நாளுக்கு நாள் அதிகரித்துவருகின்றன. மும்பை அருகிலுள்ள கல்யாண் என்ற இடத்தைச் சேர்ந்த 35 வயது பெண் திருமணத்துக்காக, தனது தகவல்களைத் திருமணத் தகவல் இணையதளத்தில் பதிவேற்றம் செய்திருந்தார். அதைப் பார்த்த ஆதித்யா மாத்ரே என்பவர் 35 வயது பெண்ணுடன் தொடர்புகொண்டு பேசினார். தான் இஸ்ரோவில் விஞ்ஞானியாக இருப்பதாகத் தெரிவித்தார். அதோடு தனக்கு இன்னும் திருமணமாகவில்லை என்றும், அவரைத் திருமணம் செய்துகொள்ள விரும்புவதாகவும் ஆசைவார்த்தை கூறினார். அந்தப் பெண்ணும் அவரை நம்பினார். அடிக்கடி அவர்கள் போனில் பேசிக்கொண்டனர். ஒருகட்டத்தில் தனக்கு சிறிய பணப் பிரச்னை ஏற்பட்டுள்ளது. பணம் கொடுத்து உதவினால் திருப்பிக் கொடுத்துவிடுவதாக ஆதித்யா அந்தப் பெண்ணிடம் தெரிவித்தார். அவரும்ம் தனது திருமணம் மற்றும் எதிர்காலத்துக்காகச் சேமித்துவைத்திருந்த 14.36 லட்சத்தை மாத்ரேயிடம் கொடுத்தார்.மோசடி ஆனால் மாத்ரே அதோடு நிறுத்தாமல் மேலும் 25 லட்சம் கேட்டார். இதனால் சந்தேகமடைந்த அந்தப் பெண் தனது பணத்தைத் திருப்பிக் கொடுக்கும்படி கேட்டார். ஆனால் அதன் பிறகு அந்த நபர் தலைமறைவாகிவிட்டார். இதனால் அதிர்ச்சியடைந்த அந்தப் பெண் இது குறித்து போலீஸில் புகார் செய்தார். போலீஸார் வழக்கு பதிவு செய்து மாத்ரேயைத் தேடிவந்தனர். மாத்ரே அடிக்கடி தனது இருப்பிடத்தை மாற்றிக்கொண்டேயிருந்தார். இதனால் போலீஸாருக்கு அவரைக் கைதுசெய்வது சிரமமாக இருந்தது. எனினும், அவரின் நடமாட்டத்தைத் தொடர்ந்து கண்காணித்துவந்தனர். கடைசியாக திருமண தகவல் இணையதளத்தில் கிடைத்த ஒரு பெண்ணிடம் திருமணம் குறித்துப் பேசுவதற்காக அவர் நவிமும்பை செல்லவிருப்பது தெரியவந்தது. உடனே போலீஸார் மாத்ரேயை மடக்கிப் பிடித்து கைதுசெய்தனர். அவரிடம் விசாரணை நடத்தியபோது அவர் நவுஸ் மாத்ரே, தன்மே மாத்ரே, ஆதித்ய மாத்ரே என வேறு வேறு பெயர்களில் பெண்களிடம் திருமணம் செய்துகொள்வதாகக் கூறி பண மோசடி செய்திருப்பது கண்டுபிடிக்கப்பட்டது. இந்த வழக்கை விசாரித்துவரும் மூத்த போலீஸ் அதிகாரி ஒருவர் கூறுகையில், ``திருமண தகவல் இணையதளத்தில் பதிவு செய்திருக்கும் 30 வயதுக்கு மேற்பட்ட பெண்களை மட்டுமே குறிவைத்து ஆதித்யா மாத்ரே செயல்பட்டுள்ளார். அந்தப் பெண்களிடம், தான் இஸ்ரோ மற்றும் அமெரிக்காவின் நாசாவில் விஞ்ஞானி என்று கூறி வேறு வேறு பெயர்களில் அறிமுகம் செய்துகொள்வார். கைது ஒரு பெண்ணின் நம்பிக்கையைப் பெற்ற பிறகு அந்தப் பெண்ணிடம் தனக்குத் தொழிலில் பிரச்னை அல்லது வேறு ஏதாவது பிரச்னை என்று கூறி பணம் கேட்பது அவர் வழக்கம். அப்படிப் பணம் கைக்கு வந்தவுடன் வேறு பெண்களைத் தேடிச் சென்றுவிடுவார். வேலையில்லாமல் இருக்கும் ஆதித்யாவுக்கு இதுதான் முழுநேர வேலை. ஆதித்யா எல்லோரிடமும் தனக்குத் திருமணமாகவில்லை என்று தெரிவித்துவந்தார். ஆனால் அவருக்குத் திருமணமாகி ஒரு மகன் இருக்கிறான். மும்பை, கல்யாண், ராய்கட், தானே போன்ற பகுதியில் இதுவரை 15 பெண்களிடம் இது போன்று ரூ.1 கோடிக்கும் அதிகமாக அவர் மோசடி செய்திருப்பது கண்டுபிடிக்கப்பட்டுள்ளது. வெளி மாநிலத்திலும் தனது கைவரிசையைக் காட்டியிருக்கிறார்” என்று தெரிவித்தார்.
http://dlvr.it/SH97qx

Read More

உ. பி: அகிலேஷ் கட்சிக்குத் தாவிய முக்கியப் புள்ளிகள் - தேர்தல் நெருக்கத்தில் ஆட்டம்காணும் பாஜக!

403 சட்டமன்றத் தொகுதிகளைக் கொண்ட உ.பி சட்டசபைக்கு பிப்ரவரி 10-ம் தேதி முதல் மார்ச் 7-ம் தேதி வரை 7 கட்டங்களாகத் தேர்தல் நடைபெறவிருக்கிறது. இந்தத் தேர்தலில் பதிவாகும் வாக்குகள் அனைத்தும் மார்ச் 10-ம் தேதி எண்ணப்படும். காங்கிரஸ், பகுஜன் சமாஜ் கட்சி என தேர்தல் களத்தில் பல்வேறு கட்சிகள் இருந்தாலும், பா.ஜ.க - சமாஜ்வாடி இடையேதான் அங்கே கடும் போட்டி நிலவி வருகிறது. இந்த நிலையில், உத்தரப்பிரதேச பாரதிய ஜனதா கட்சியின் முக்கிய அமைச்சர்கள் மற்றும் எம். எல்.ஏ-க்கள் தொடர்ந்து கட்சியை விட்டு வெளியேறிக் கொண்டிருப்பது அரசியல் அரங்கில் தற்போதைய ஹாட் டாபிக்காக இருக்கிறது.அகிலேஷ் யாதவ் 403 தொகுதிகளைக் கொண்ட உத்தரப்பிரதேசத்தில் தேர்தல் நெருங்கும் நேரத்தில், ஆளும் பா.ஜ.க-வை விட்டு அமைச்சர்களும், எம்.எல்.ஏ-க்களும் விலகி வருகின்றனர். கடந்த வியாழக்கிழமை உ.பி-யின் உணவு பாதுகாப்பு மற்றும் மருத்துவத்துறை அமைச்சர் தரம் சிங் சைனி தனது பதவியை ராஜினாமா செய்தார். அவருடன் எம்.எல்.ஏ-க்கள் முகேஷ் வர்மா மற்றும் வினய் ஷாக்யா ஆகியோரும் ராஜினாமா செய்தனர். மொத்தம் மூன்று அமைச்சர்கள், ஆறு சட்டமன்ற உறுப்பினர்கள் அந்தக் கட்சியை விட்டு வெளியேறியுள்ளனர். இந்த நிலையில், லக்னோவில் நடைபெற்ற பொதுக்கூட்டத்தில் பா.ஜ.க-விலிருந்து வெளியேறிய அமைச்சர்களான, சுவாமி பிரசாத் மௌரியா, தரன் சிங் சைனி, பகவதி சாகர், வினை ஷாக்யா ஆகியோரும், பா.ஜ.க-வின் சட்டமன்ற உறுப்பினர்களான ரோஷனால் வர்மா, முகேஷ் வர்மா, பிரஜேஷ் குமார் பிரஜாபதி, சவுத்ரி மற்றும் அமர்சிங் ஆகியோர் சமாஜ்வாடி கட்சியின் தலைவர் அகிலேஷ் யாதவ் முன்னிலையில் தங்களை அந்தக் கட்சியில் இணைத்துக் கொண்டனர்.காங்கிரஸ் காங்கிரஸ் கட்சியும் உத்தரப்பிரதேச தேர்தலுக்கான முதற்கட்ட வேட்பாளர் பட்டியலை அறிவித்துள்ள நிலையில், நெருக்கடியில் சிக்கித் தவிக்கும் பா.ஜ.க-வின் அடுத்தகட்ட நடவடிக்கை என்ன என்பதை அரசியல் நோக்கர்கள் உற்றுநோக்கிக் கொண்டிருக்கின்றனர். Also Read: உத்தரப்பிரதேசம்: பதவியை ராஜினாமா செய்த 3-வது பாஜக அமைச்சர்! - அகிலேஷ் யாதவ் உடன் சந்திப்பு
http://dlvr.it/SH6pBd

Read More

'புஷ்பா' பாடலை மராத்தி வெர்ஷனில் பாடி அசத்திய போக்குவரத்து காவலர்

புனேயை சேர்ந்த போக்குவரத்து காவலரான அதிஷ் காரடே, 'புஷ்பா' திரைப்படத்தில் வரும் ஸ்ரீவள்ளி பாடலை மராத்தி வெர்ஷனில் பாடி யூடியூப்பில் வெளியிட்டுள்ளார். சுகுமார் இயக்கத்தில் அல்லு அர்ஜுன், ஃபகத் ஃபாசில், ராஷ்மிகா மந்தனா உள்ளிட்டோர் நடிப்பில் வெளியான 'புஷ்பா' திரைப்படம் கலவையான விமர்சனங்களைப் பெற்றாலும் வசூல் ரீதியாக பெரும் வரவேற்பைப் பெற்று வருகிறது. தேவி ஸ்ரீ பிரசாத் இசையில் உருவான இப்படத்தின் பாடல்கள் 'சூப்பர் ஹிட்' ஆனதுடன், சமூக வலைத்தளங்களில் ட்ரெண்டிங் ஆகவும் பரவியது. மேலும் 'புஷ்பா' படப் பாடல்களை பலரும் 'கவர் சாங்'ஆக உருவாக்கி யூடியூப்பில் வெளியிட்டு வருகின்றனர். இந்த நிலையில் புனே காவல் துறையைச் சேர்ந்த போக்குவரத்து காவலரான அதிஷ் காரடே என்பவர் 'புஷ்பா' படத்தில் வரும் ஸ்ரீவள்ளி பாடலை மராத்தி வெர்ஷனில் பாடி, யூடியூப்பில் வெளியிட்டுள்ளார். பாடல் பாடுவதில் மிகுந்த ஆர்வம் உடையவரான போக்குவரத்து காவலர் அதிஷ் காரடே, தனது யூடியூப் சேனலில் திரைப்பட பாடல்களை 'கவர் சாங்'காக உருவாக்கி பகிர்ந்து வருகின்றனர். அதிஷ் காரடேவின் இசையார்வத்தையும், ஈடுபாட்டையும் கண்டு பலரும் அவருக்கு பாராட்டு தெரிவித்து வருகின்றனர்.  இதையும் படிக்கலாம்: "நாராயணசாமி போன்ற ஆசாமிகளுக்கு பதில் சொல்ல முடியாது" – ஆளுநர் தமிழிசை
http://dlvr.it/SH6Gm3

Read More

கன்னியாஸ்த்ரீ பாலியல் வன்கொடுமை வழக்கு; குற்றத்தை நிரூபிக்கத் தவறிய அரசு - விடுவிக்கப்பட்டார் பிஷப்!

கேரள சீரோ மலபார் சபையின் ஜலந்தர் பிஷப்பாக இருந்தவர் பிராங்கோ முளய்க்கல். கோட்டயம் குருவிலங்காடு மடத்தில் வைத்து 2014 முதல் 2016 வரை 13 முறை பிஷப் தன்னை பாலியல் வன்கொடுமை செய்ததாக கன்னியாஸ்த்ரீ ஒருவர், 2018-ம் ஆண்டு பரபரப்பு குற்றச்சாட்டைக் கூறினார். பிஷப் மீது காவல் துறையில் புகார் அளிக்கப்பட்டும் முதலில் நடவடிக்கை எடுக்கப்படவில்லை. இதையடுத்து கன்னியாஸ்த்ரீகள் தெருவில் இறங்கி போராட்டம் நடத்தினர். இதையடுத்து பிஷப் பிராங்கோ முளய்க்கல் 2018 செப்டம்பர் 21-ம் தேதி கைதுசெய்யப்பட்டர். பின்னர் அவர் ஜாமீனில் விடுவிக்கப்பட்டார். இந்த வழக்கில் பிஷப் பிராங்கோ முளய்க்கலுக்கு எதிராகச் சாட்சி சொன்ன பாதிரியார் குரியகோஸ் கட்டுத்தாரா என்பவர், 2018 அக்டோபரில் மர்மமான முறையில் இறந்துகிடந்தார். மேலும் அனுபமா உள்ளிட்ட கன்னியாஸ்த்ரீகள் இடமாற்றம் செய்யப்பட்ட சம்பவமும் நடைபெற்றது. Also Read: பாலியல் புகாரில் சிக்கிய பிஷப்புக்கு எதிராகப் போராடிய கன்னியாஸ்திரிகள் இடமாற்றம்!கன்னியாஸ்த்ரீகள் போராட்டம் 2018, 2019-ம் ஆண்டுகளில் பரபரப்பாக பேசப்பட்ட இந்த வழக்கு கோட்டயம் அடிஷனல் செசன்ஸ் கோர்ட்டில் நடைபெற்று வந்தது. இந்த வழக்கில் 105 நாள் ரகசிய விசாரணைக்குப் பிறகு இன்று தீர்ப்பு வழங்குவதாக அறிவிக்கப்பட்டது. தீர்ப்பை கேட்பதற்காக பிஷப் பிராங்கோ முளய்க்கல் காலை 9 மணிக்கு பின்வாசல் வழியாக கோர்ட்டுக்கு வந்தார். பிராங்கோ முளய்க்கலுடன் அவர் சகோதரனும், சகோதரியின் கணவரும் கோர்ட்டுக்கு வந்திருந்தனர். தீர்ப்பு கூறுவதைத் தொடர்ந்து கோர்ட் முழுவதும் பலத்த பாதுகாப்பு ஏற்பாடுகள் செய்யப்பட்டிருந்தன. அதிகாரத்தை பயன்படுத்தி பாலியல் வன்கொடுமை செய்தல் உள்ளிட்ட ஏழு பிரிவுகளில் பிஷப் மீது வழக்கு பதியப்பட்டிருந்தது. இன்று காலை நீதிபதி ஜி.கோபகுமார் அளித்த தீர்ப்பில், கன்னியாஸ்த்ரீ பாலியல் வன்கொடுமை செய்யப்பட்ட வழக்கில் பிஷப் பிராங்கோ முளய்க்கலை விடுவிப்பதாகவும். பிஷம் குற்றம் செய்ததாக தெளிவுபடுத்துவதில் அரசு தரப்பு தோற்றுவிட்டதாகவும் கூறினார்.பிஷப் பிராங்கோ முளய்க்கல் தீர்ப்பு வெளியானபின்பு கோர்ட்டில் இருந்து வெளியே வந்த பிஷப் பிராங்கோ முளய்க்கல் அழுதபடியே தனக்காக வாதாடிய வழக்கறிஞரை கட்டிப்பிடித்தார். அப்போது பிஷப் பிராங்கோ முளய்க்கலிடம் தீர்ப்புபற்றி கேட்டதற்கு, "தெய்வத்திற்கு ஸ்துதி" என்று மட்டும் கூறிவிட்டு கைகூப்பியபடி காரில் புறபட்டுச் சென்றார். Also Read: `ஆபாசமாகப் பேசி தவறாக நடக்க முயன்றார்!' -பிஷப் பிராங்கோ முளய்க்கல் மீது மற்றொரு பாலியல் புகார்
http://dlvr.it/SH5q9L

Read More

190 வயதான 'ஜோனாதன்' - கின்னஸ் சாதனை படைத்த உலகின் மிகவும் வயதான ஆமை

உலகில் வாழும் மிக பழமையான நில விலங்கு என 190 வயதான ஜொனாதன் ஆமை மற்றொரு கின்னஸ் உலக சாதனையை படைத்துள்ளது. "இந்த ஆண்டு தனது 190 வது பிறந்தநாளைக் கொண்டாடும் ஜொனாதன், இதுவரை வாழ்ந்த ஆமைகளிலேயே மிகவும் வயதான ஆமை" என்று கின்னஸ் உலக சாதனை புத்தகம் வெளியிட்ட செய்திக்குறிப்பில் தெரிவிக்கப்பட்டுள்ளது. இது அனைத்து வகையான கடல் ஆமைகள், ஆற்று நீர் ஆமைகள் மற்றும் நிலவாழ் ஆமைகளில் மிகவும் பழமையான ஆமை என தெரிவிக்கப்பட்டுள்ளது. முந்தைய பழமையான செலோனியன் ஆமை 188 ஆண்டுகள் உயிர்வாழ்ந்தது. இங்கிலாந்தின் ஆளுகைக்கு உட்பட்ட செயின்ட் ஹெலினாவில் தான் இந்த ஆமை வாழ்கிறது. அந்த அரசாங்கம் வெளியிட்டுள்ள தகவல்களின்படி, "ஜொனாதன் குளிர்காலத்தை நன்கு கடந்து வந்துள்ளது , இப்போது நன்றாக மேய்கிறது. வயது மூப்பினால் பார்வை மற்றும் வாசனை திறன் இல்லாமல் இருப்பதால் கலோரிகள், வைட்டமின்கள், தாதுக்கள் மற்றும் சுவடு கூறுகளை அதிகரிக்க கால்நடை மருத்துவப் பிரிவு அதற்கு வாரத்திற்கு ஒரு முறை உணவளிக்கிறது" என தெரிவித்துள்ளது. ஜொனாதன் ஆமை 1832ல் பிறந்ததாக நம்பப்படுகிறது, இதனால் அதற்கு 2022இல் 190 வயதாகிறது. இந்த ஆமை 1882 ஆம் ஆண்டு சீஷெல்ஸிலிருந்து செயின்ட் ஹெலினாவுக்கு வந்தபோது, முழுமையாக முதிர்ச்சியடைந்து, குறைந்தது 50 வயதுடையதாக இருந்தது என்ற அடிப்படையில் ஜொனாதனின் வயது மதிப்பிடப்பட்டுள்ளது. 1882 மற்றும் 1886 க்கு இடையில் எடுக்கப்பட்ட ஜெனோதனின் ஒரு பழைய புகைப்படம் வெளிப்பட்டபோது அதன் மதிப்பிடப்பட்ட வயது உண்மையானது என பலரும் ஆதரித்தனர். ஜோனதன் தனது வாழ்நாளின் பெரும்பகுதியைக் செயின்ட் ஹெலினாவின் ஆளுநரின் தோட்ட இல்லத்திலேயே வாழ்ந்தது. ஜொனாதன் 1882இல் சர் வில்லியம் கிரே-வில்சனுக்கு பரிசளிக்கப்பட்டதிலிருந்து, அந்த அரசிற்கும், மாளிகைக்கும் 31 ஆளுநர்கள் வந்து சென்றுள்ளனர். ஜொனாதன் இன்றும் அதே மைதானத்தில் சுற்றித் திரிகிறது, அங்கு அதோடு டேவிட், எம்மா மற்றும் ஃப்ரெட் ஆகிய மூன்று பெரிய ஆமைகளுடன் வாழ்கிறது.
http://dlvr.it/SH5T94

Read More

கேரளாவில் தமிழர்கள் அதிகம் வசிக்கும் 6 மாவட்டங்களுக்கு நாளை பொங்கல் விடுமுறை அறிவிப்பு

கேரளாவில் தமிழர்கள் அதிகம் வசிக்கும் 6 மாவட்டங்களுக்கு நாளை பொங்கல் விடுமுறை அறிவிக்கப்பட்டுள்ளது. கேரளாவில் தமிழர்கள் அதிகம் வசிக்கும் கொல்லம், இடுக்கி, வயநாடு, பத்தினம்திட்டா, திருவனந்தபுரம், பாலக்காடு ஆகிய 6 மாவட்டங்களுக்கு நாளை பொங்கல் விடுமுறை அறிவிக்க அம்மாநில முதலமைச்சர் பினராயி விஜயனுக்கு முதல்வர் ஸ்டாலின் கோரிக்கை விடுத்திருந்தார். தமிழக முதலமைச்சர் மு.க.ஸ்டாலினின் கோரிக்கையை ஏற்று 6 மாவட்டங்களுக்கு நாளை பொங்கல் விடுமுறை அறிவித்தது கேரள அரசு. முன்னதாக, கேரளாவில் ஜன.15ஆம் தேதி பொங்கல் விடுமுறை அறிவிக்கப்பட்டிருந்தது. தற்போது 6 மாவட்டங்களுக்கு ஜன.14ஆம் தேதி உள்ளூர் விடுமுறை அறிவிக்கப்பட்டுள்ளது.
http://dlvr.it/SH3sRq

Read More

உத்தரப்பிரதேசம்: பதவியை ராஜினாமா செய்த 3-வது பாஜக அமைச்சர்! - அகிலேஷ் யாதவ் உடன் சந்திப்பு

உத்தரப்பிரதேசத்தில் முதல்வர் யோகி ஆதித்யநாத் தலைமையில் நடைபெற்றுவரும் பா.ஜ.க ஆட்சியில், மூன்றாவது அமைச்சராக தரம் சிங் சைனி தனது பதவியை ராஜினாமா செய்துள்ளார். உத்தரப்பிரதேசம், உத்தரகாண்ட், கோவா, மணிப்பூர், பஞ்சாப் ஆகிய ஐந்து மாநிலங்களில் சட்டமன்றத் தேர்தல் அடுத்த மாதம் நடைபெறவிருப்பதாக அண்மையில் இந்தியத் தேர்தல் ஆணையம் அறிவித்திருந்தது.யோகி ஆதித்யநாத் உத்தரப்பிரதேசத்தில் பிப்ரவரி 10-ம் தேதி முதல் மார்ச் 7-ம் தேதி வரை ஏழு கட்டங்களாக சட்டப்பேரவைத் தேர்தல் நடைபெறவிருக்கிறது. அரசியல் கட்சிகள் விறுவிறுப்பாகத் தேர்தலுக்கு தயாராகிவரும் நிலையில், தற்போது வரை மூன்று அமைச்சர்கள் தங்களின் பதவிகளை ராஜினாமா செய்திருக்கின்றனர். முதலாவது நபராக பாஜக அமைச்சரவையில் இடம்பெற்றிருந்த சுவாமி பிரசாத் மௌரியா தனது பதவியை ராஜினாமா செய்தார். அதைத் தொடர்ந்து அவருடைய ஆதரவு எம்.எல்.ஏ-க்கள் ஐந்து பேரும் கட்சியிலிருந்து விலகுவதாக அறிவித்தனர். பிறகு சுவாமி பிரசாத் மௌரியா அகிலேஷ் யாதவின் சமாஜ்வாடி கட்சியில் சேர்ந்தார்.அமைச்சர் தரம் சிங் சைனி இதைத் தொடர்ந்து, தாரா சிங் சௌகான் தனது அமைச்சர் பதவியை ராஜினாமா செய்தார். தற்போது அமைச்சர் தரம் சிங் சைனி தனது பதவியை ராஜினாமா செய்திருக்கிறார். உத்தரப்பிரதேசத்தில், மூன்று அமைச்சர்கள் அடுத்தடுத்து ராஜினாமா செய்திருப்பது பா.ஜ.க-வுக்கு மிகப்பெரிய பின்னடைவாகக் கருதப்படுகிறது. அமைச்சர் தரம் சிங் சைனி தனது பதவியை ராஜினாமா செய்துவிட்டு, சமாஜ்வாடி கட்சியின் தலைவர் அகிலேஷ் யாதவைச் சந்தித்திருக்கிறார். இவரும் சமாஜ்வாடி கட்சியில் சேர வாய்ப்பிருப்பதாகவும் கூறப்படுகிறது. இதுவரை மூன்று அமைச்சர்கள், ஆறு சட்டமன்ற உறுப்பினர்கள் பாஜக-விலிருந்து விலகியுள்ளனர் என்பது குறிப்பிடத்தக்கது.
http://dlvr.it/SH3HhL

Read More

சேல்ஸ்மேன் டு போலி மருத்துவர்; 5 பெண்களுடன் திருமணம்! - மும்பையில் மோசடி நபர் சிக்கியது எப்படி?!

மும்பை அருகே போலி டாக்டர்கள் சிலர் கிளினிக் நடத்துவதாக மாநகராட்சி நிர்வாகத்துக்குத் தகவல் கிடைத்தது. அதைத் தொடர்ந்து `மாநகராட்சி எல்லைக்குள் இருக்கும் அனைத்து மருத்துவமனை டாக்டர்களும் தங்களது பதிவு எண், படித்த சான்றுகளைத் தாக்கல் செய்ய வேண்டும்’ என்று உத்தரவிடப்பட்டிருந்தது. அனைத்து மருத்துவமனை டாக்டர்களும் தங்களின் சான்று நகல்களை தாக்கல் செய்துவிட்ட நிலையில், எலும்பு சிகிச்சை நிபுணர் ஹேமந்த் பாட்டீல் என்பவர் மட்டும் தொடர்ந்து ஆவணங்களைத் தாக்கல் செய்யாமல் இழுத்தடித்துவந்தார். மாநகராட்சி சுகாதாரத்துறை அதிகாரி வசந்த் பாட்டீல், தனது ஊழியரை அனுப்பி ஹேமந்த் பாட்டீலிடம் நேரடியாக நோட்டீஸ் கொடுக்கச் செய்தார். மும்பை மாநகராட்சி அப்படியிருந்தும் ஹேமந்த் பாட்டீல் ஆவணங்களைத் தாக்கல் செய்யவில்லை. இதையடுத்து ஹேமந்த் பாட்டீல்மீது, டாக்டர் வசந்த் பாட்டீல் போலீஸில் புகார் செய்தார். புகார் செய்யப்பட்டதையடுத்து ஹேமந்த் பாட்டீல் தலைமறைவாகிவிட்டார். அவரை போலீஸார் தேடிவந்தனர். அவரோ அடிக்கடி தனது இடத்தை மாற்றிக்கொண்டே இருந்தார். போலீஸாரும் அவரது இருப்பிடத்தைத் தொடர்ந்து கண்காணித்து இறுதியில் தானேயில் கைதுசெய்தனர். மசாலா சேல்ஸ்மேன் டாக்டரானது எப்படி? ஹேமந்த்திடம் விசாரணை நடத்திய வசாய்ரோடு மூத்த இன்ஸ்பெக்டர் கல்யாண் ராவ் இது குறித்துக் கூறுகையில், ``ஹேமந்த் பாட்டீல் முதலில் மசாலா பொருள்கள் உற்பத்தி செய்யும் கம்பெனியில் சேல்ஸ்மேனாகச் சிறிது காலம் பணியாற்றியிருக்கிறார். அதன் பிறகு எலும்பு சிகிச்சைக்கு தேவைப்படும் பொருள்களை சப்ளை செய்யும் கம்பெனி ஒன்றிலும் சேல்ஸ்மேனாக வேலை செய்தார். இதில் மகாராஷ்டிரா முழுக்கச் சென்று வந்தார். அதில் கிடைத்த அனுபவங்களைக்கொண்டு நாமே ஏன் எலும்பு சிகிச்சை செய்யும் கிளினிக் தொடங்கக் கூடாது என்று நினைத்தார். ஆனால் இதற்கு சான்றிதழ் வேண்டும் என்று நினைத்த ஹேமந்த் பரோடாவிலிருந்து போலிச் சான்றிதழ் வாங்கி வந்து 2018-ம் ஆண்டு கிளினிக் நடத்தினார். அவர் பலருக்கு ஆபரேஷனும் செய்துள்ளார். அவர் ஆபரேஷன் செய்த பலர் நடக்க முடியாமல் படித்த படுக்கையாக இருக்கின்றனர்” என்றார். ஆபரேஷன் எப்படிச் செய்ய வேண்டும் என்பதை மாநகராட்சி முன்னாள் சுகாதாரத்துறை அதிகாரி டாக்டர் சுனில் வட்கரிடமிருந்து கற்றுக்கொண்டதாக விசாரணையில் தெரிவித்திருக்கிறார். அதோடு ஹேமந்த் பாட்டீல் பல மருத்துவமனைகளுக்குப் பகுதி நேரமாகவும் சென்று சிகிச்சையளித்துள்ளார். கைது திருமணத்திலும் மோசடி? ஹேமந்த் பாட்டீலிடம் விசாரித்தபோது இதுவரை ஐந்து பெண்களைத் திருமணம் செய்து மோசடி செய்திருக்கிறார் என்பதும் கண்டுபிடிக்கப்பட்டது. முதலில் தான் ஓர் எலும்பு சிகிச்சை நிபுணர் என்று கூறி அமராவதியைச் சேர்ந்த பல் டாக்டர் ஒருவரைத் திருமணம் செய்தார். ஆனால் அந்தப் பெண் டாக்டர், ஹேமந்த் உண்மையில் டாக்டர் இல்லை என்று தெரிந்தவுடன் அவர்மீது மோசடி வழக்கு பதிவுசெய்தார். இவ்வழக்கில் ஹேமந்த் கைதுசெய்யப்பட்டு பல மாதங்கள் சிறையில் அடைக்கப்பட்டார். சிறையிலிருந்து வெளியில் வந்தவுடன் தனது இடத்தை மாற்றிக்கொண்டு வேறு ஒரு பெண்ணைத் திருமணம் செய்துகொண்டு கிளினிக் நடத்த ஆரம்பித்தார். அவர் இதுவரை மொத்தம் ஐந்து பெண்களை திருமணம் செய்திருப்பதாக கூறும் போலீஸார், அவரது பெயரை மேட்ரிமோனியல் தளத்தில் இன்னும் பதிவு செய்துவைத்திருப்பதாகத் தெரிவித்தனர். தனக்கு இன்னும் திருமணமாகவில்லை என்றும், தனது ஆண்டு வருமானம் 10 லட்சம் என்றும் அதில் குறிப்பிட்டுள்ளார் என்று தெரிவித்தனர்.
http://dlvr.it/SH2l8l

Read More

’ஒமைக்ரானை சாதாரணமாக நினைக்க வேண்டாம்’- மத்திய சுகாதாரத்துறை செயலர் எச்சரிக்கை

ஒமைக்ரானை சாதாரணமாக எடுத்துக் கொள்ள வேண்டாம் என்றும், 300 மாவட்டங்களில் கொரோனா வேகமாக பரவி வருவதாகவும் மத்திய அரசு எச்சரிக்கை விடுத்துள்ளது. டெல்லியில் செய்தியாளர்களிடம் பேசிய மத்திய சுகாதாரத்துறை இணைச் செயலாளர் லாவ் அகர்வால், "மகாராஷ்டிரா, மேற்கு வங்கம், டெல்லி, தமிழ்நாடு, கர்நாடகா, உத்தரப்பிரதேசம், கேரளா, குஜராத் மாநிலங்களில் கொரோனா வேகமாக பரவி வருகிறது என்றார். மேலும், கொரோனா பரவும் வேகம் டிசம்பர் 30-ஆம் தேதி 1.1 சதவிகிதமாக இருந்தது, புதன்கிழமை 11.05 சதவிகிதமாக அதிகரித்துள்ளது" என்றார். நாடு முழுவதும் 500 மாவட்டங்களில் வாராந்திர பாதிப்பு விகிதம் 5 விழுக்காட்டுக்கு மேல் அதிகரித்துள்ளது என்றும் லாவ் அகர்வால் தெரிவித்தார். லேசான பாதிப்புகளை ஏற்படுத்தும் ஒமைக்ரானை, வழக்கமான சளி போன்று சாதாராணமாக எடுத்துக் கொள்ள வேண்டாம் என எச்சரிக்கை விடுத்தார். தொடர்புடைய செய்தி: இந்தியாவில் 2 லட்சத்தை நெருங்கும் தினசரி கொரோனா பாதிப்பு
http://dlvr.it/SH2JlM

Read More

நடிகர் திலீப்-க்கு வில்லனான இயக்குநர் நண்பர்! - நடிகைக்கு பாலியல் தொல்லை வழக்கில் நடப்பது என்ன?

கேரளாவைச் சேர்ந்த பிரபல நடிகை காரில் கடத்தப்பட்டு பாலியல் தொல்லைக்கு ஆளாக்கப்பட்ட சம்பவம் 2017-ல் பரபரப்பை ஏற்படுத்தியிருந்தது. அந்த வழக்கில் நடிகர் திலீப், பல்சர் சுனி உள்ளிட்டவர்கள் கைது செய்யப்பட்டனர். பல்சர் சுனி இப்போதும் சிறையில் உள்ளார். அதேசமயம் நடிகர் திலீப் 74 நாள்கள் சிறையில் இருந்துவிட்டு, ஜாமீனில் வெளியே வந்தார். நடிகையை கடத்தியதில் நேரடியாக தொடர்புடைய பல்சர் சுனியை தனக்கு தெரியாது என சாதித்து வந்தார் நடிகர் திலீப். திலீப்புக்கு எதிராக வலுவான ஆதாரங்கள் எதுவும் போலீஸாருக்கு சிக்கவில்லை. நடிகை வழக்கில் இருந்து எப்படியும் தப்பித்துவிடலாம் என மனக்கணக்கு போட்டிருந்தார் திலீப். ஆனால் அவரின் நெருங்கிய நண்பராக இருந்த சினிமா இயக்குநர் பாலசந்திரகுமார் ரூபத்தில் திலீபிற்கு எதிரான சாட்சிகள் உருவாகியுள்ளன. 2017-ல் இயக்குநர் பாலசந்திரகுமார் திலீபிற்கு நண்பராகத்தான் இருந்துள்ளார். இப்போது திடீரென திலீபிற்கு எதிரியாக மாறியுள்ளார். நடிகைக்கு பாலியல் தொல்லை கொடுத்த வழக்கில் தனது மனசாட்சி உறுத்துவதால் இதை வெளிப்படுத்துவதாக பாலசந்திரகுமார் கூறுகிறார். ஆனால், நடிகை தரப்பில் இருந்து வேண்டுகோள் வந்ததை அடுத்தே பாலசந்திரகுமார் திலீபிற்கு எதிராக திரும்பினார் எனவும் சொல்லப்படுகிறது.சினிமா இயக்குநர் பாலசந்திரகுமார் பாலசந்திரகுமார் ஒரு தனியார் தொலைக்காட்சியில் கடந்த மாதம் நேர்காணல் நிகழ்ச்சியில் கலந்துகொண்டபோதுதான் முதன் முதலாக திலீப் குறித்த சில தகவல்களை வெளியிட்டார். "பல்சர் சுனியை தனக்கு தெரியாது எனக்கூறித்தான் திலீப் ஜாமீன் பெற்றார். ஆனால், திலீபும், பல்சர் சுனியும் ஒன்றாக அமர்ந்து பேசியதை நான் பார்த்திருக்கிறேன். திலீபின் வீட்டில் வைத்துதான் நான் அவர்கள் இருவரையும் ஒன்றாக பார்த்தேன். நடிகையை கடத்தி பாலியல் தொல்லை கொடுத்தபோது எடுக்கப்பட்ட வீடியோவை ஒரு அதிகாரி திலீபிடம் கொண்டுவந்து கொடுத்தார். திலீப் அந்த வீடியோவை பார்த்தார். திலீப் கைது செய்யப்பட்டு சிறையில் இருந்த சமயத்தில் அவரின் சகோதரன் அனூப், மனைவி காவ்யா மாதவன் ஆகியோர் எனக்கு போன் செய்து, பல்சர் சுனியுடனான நட்பு பற்றி வெளியே சொல்லக்கூடாது. அப்படி சொன்னால் அவருக்கு ஜாமின் கிடைக்காது எனக் கேட்டுக்கொண்டனர். ஆலுவா சிறையில் இருந்த திலீப் என்னை பார்க்க வேண்டும் என கூறியதாக அவரின் சகோதரர் என்னிடம் சொன்னார். நான் சிறையில் சென்ற சமயத்தில் அங்கு திலீபிற்கு வி.ஐ.பி சலுகை கொடுக்கபப்ட்டிருந்தது. `பல்சர் சுனியுடனான தொடர்புபற்றி வெளியே சொல்லக்கூடாது’ என அப்போதும் திலீப் என்னிடம் கேட்டுக்கொண்டார். சிறையில் இருந்து வெளியே வந்தபிறகு தன்னை கைது செய்த போலீஸ் அதிகாரிகளை பழிவாங்க வேண்டும் என திலீப் தனது நண்பர்களுடன் சேர்ந்து பேசினார்" என பல தகவல்களை வெளிப்படுத்தினார் பாலசந்திரகுமார்.நடிகர் திலீப் இதற்கிடையே அதிகாரிகளை பழிவாங்கும் நோக்கில் ஆலோசனை நடத்தியதாக திலீப் மீது கிரைம் பிராஞ்ச் வழக்கு பதிவு செய்துள்ளது. இதில் முதல் குற்றவாளியாக கோபால கிருஷ்ணன் என்ற திலீப் சேர்க்கப்பட்டுள்ளார். வி.ஐ.பி எனக்கூறப்படும் ஒருவர் ஆறாவது குற்றவாளியாக சேர்க்கப்பட்டுள்ளார். அவர் யார் என தெரியவில்லை. இந்த வழக்கில் தன்னை கைது செய்யக்கூடாது என திலீப் கேரளா ஐகோர்ட்டில் மனுத்தாக்கல் செய்தார். அதை விசாரித்த கோர்ட் 14-ம் தேதிவரை திலீபை கைது செய்ய தடை விதித்துள்ளது. இந்த நிலையில் இயக்குநர் பாலசந்திரகுமார் நேற்று முன் தினம் கிரைம் பிராஞ்ச் போலீஸாரிடம் 4 மணி நேரம் வாக்குமூலம் அளித்துள்ளார். அப்போது 20 டிஜிட்டல் ஆதாரங்களை ஒப்படைத்துள்ளதாக கூறப்படுகிறது. திலீப் உள்ளிட்டவர்கள் பேசும் ஆடியோவை ஒரு டேபில் ரெக்கார்டு செய்து வைத்துள்ளார். அதில் திலீப், திலீபின் சகோதரன் அனூப், மனைவியின் தம்பி உள்ளிட்டவர்கள் பேசும் ஆடியோ உள்ளதாக கூறப்படுகிறது. இந்த நிலையில் நேற்று எர்ணாகுளம் ஜூடீசியல் மஜிஸ்திரேட் கோர்ட்டில் பாலசந்திரகுமார் ஆஜராகி 6.30 மணி நேரம் ரகசிய வாக்குமூலம் அளித்துள்ளார். இந்த வாக்குமூலங்கள் 51 பக்கத்துக்கு பதிவு செய்யப்பட்டுள்ளது.பாலியல் தொல்லை திலீபிடம் அறிமுகம் ஆனது முதல் அனைத்து விஷயங்களையும் வாக்குமூலத்தில் கூறியுள்ளதாகவும், இந்த விஷயங்களை வெளியே கூற காலதாமதம் ஆனதற்கான காரணம் குறித்தும் வாக்குமூலத்தில் கூறியதாக பாலச்சந்திரகுமார் தெரிவித்துள்ளார். வரும் 20-ம் தேதிக்கு முன் முதற்கட்ட விசாரணை அறிக்கை கோர்ட்டுக்கு சமர்ப்பிக்க வேண்டும் என போலீஸாருக்கு அறிவுறுத்தப்பட்டுள்ளதால், நடவடிக்கைகள் துரிதகதியில் நடந்துவருகின்றன.
http://dlvr.it/SH1yhT

Read More

கர்நாடகா: காங். பாதயாத்திரையை தடுத்து நிறுத்தாதது ஏன்? - பெங்களூரு உயர்நீதிமன்றம் கேள்வி

தடையை‌ மீறி கர்நாடக காங்கிரஸ் கட்சி சார்பில் நடைபெற்று வரும் யாத்திரையை தடுத்து நிறுத்தாது ஏன் என பெங்களூரு உயர்நீதிமன்றம் கர்நாடக அரசுக்கு கேள்வி எழுப்பியுள்ளது. இந்த பாதயாத்திரை மீது எடுக்கப்பட உள்ள நடவடிக்கை என்ன என்பது குறித்து நாளை பதில் மனு‌ தாக்கல் செய்யவும் நீதிமன்றம் உத்தரவிட்டுள்ளது. கர்நாடக மாநிலத்தில் மேகதாது அணையை கட்ட வலியுறுத்தி கர்நாடக காங்கிரஸ் கட்சி சார்பில் கடந்த ஞாயிற்றுக்கிழமை முதல் இன்று நான்காவது நாளாக மாநில அரசு விதித்த தடையை மீறி பாதயாத்திரை நடைபெற்று வருகிறது. இந்நிலையில் இந்த பாதயாத்திரைக்கு எதிராக பெங்களூரு உயர்நீதிமன்றத்தில் நாகேந்திரா என்பவர் நேற்று மனு தாக்கல் செய்தார். இந்த வழக்கு இன்று தலைமை நீதிபதி ரிட்டு ராஜ் அஸ்வதி மற்றும் நீதிபதி சூரஜ் கோவிந்த ராஜ் அமர்வு முன்பு விசாரணைக்கு வந்தது. அப்போது, கர்நாடக அரசின் அட்வகேட் ஜெனரல் பிரபுலிங்காவிடம் நீதிபதிகள் அடுக்கடுக்கான கேள்விகளை எழுப்பினர். தடையை மீறி காங்கிரஸ் கட்சி பாதயாத்திரையை நடத்தும்போது கர்நாடக அரசு அந்த நிகழ்ச்சியை தடுத்து நிறுத்தாதது ஏன் என கேள்வி எழுப்பினர். அதற்கு பதிலளித்து பேசிய, அட்வகேட் ஜெனரல், பாதையாத்திரைக்கு எதிராக மூன்று வழக்குகள் பதிவு செய்யப்பட்டுள்ளன என தனது வாதத்தை முன்வைத்தார். வழக்கு பதிவு செய்தால் மட்டும் போதுமா பாதயாத்திரையில் கொரானா வழிகாட்டு நெறிமுறைகள் ஒழுங்காக கடைபிடிக்கப்படுகின்றனவா? என நீதிபதிகள் கேள்வி எழுப்பினர். மேலும், மாநிலம் முழுவதும் வைரஸ் பாதிப்பு அதிகரித்து வரும் நிலையில், ஆயிரக்கணக்கானோர் ஒன்றுகூடி விதியை மீறுவது சரியானதா வழிகாட்டு நெறிமுறைகள் கடைபிடித்து காங்கிரஸ் கட்சி இந்த பாத யாத்திரையை நடத்துகிறதா எனவும் கேள்வி எழுப்பினர். கர்நாடக அரசு தடையை மீறி நடைபெற்றுவரும் பாதயாத்திரை மீது எடுக்க உள்ள நடவடிக்கை என்ன என்பது குறித்து நாளை பதில் மனு‌வாக அரசு தாக்கல் செய்ய வேண்டும் என உத்தரவு பிறப்பித்த நீதிபதிகள் வழக்கை 14ஆம் தேதிக்கு ஒத்தி வைத்தனர்.
http://dlvr.it/SH0Lym

Read More

விலகிய அமைச்சருக்கு எதிராகக் கைது வாரண்ட்; மேலும் ஒரு அமைச்சர் ராஜினாமா! - என்ன நடக்கிறது உ.பி-யில்?

உத்தரப்பிரதேச சட்டமன்றத்துக்கு அடுத்த மாதம் தேர்தல் அறிவிக்கப்பட்டுள்ளது. இந்தத் தேர்தலில் பா.ஜ.க-வுக்கும், சமாஜ்வாடி கட்சிக்கும் இடையே கடுமையான போட்டி நிலவுகிறது. நாட்டின் மிகப்பெரிய மாநிலமாகக் கருதப்படும் உத்தரப்பிரதேச சட்டமன்றத் தேர்தல், 2024-ம் ஆண்டு நடக்க இருக்கும் மக்களவை தேர்தலுக்கு மிகவும் முக்கியத்துவம் வாய்ந்ததாகக் கருதப்படுகிறது. இதனால் இந்தத் தேர்தலில் ஆட்சியைத் தக்கவைத்துக் கொள்ள பா.ஜ.க முனைப்புக் காட்டி வருகிறது. ஆனால், பா.ஜ.க-வைச் சேர்ந்த அமைச்சர்களும், எம்.எல்.ஏ-க்களும் அடுத்தடுத்து கட்சியிலிருந்து வெளியேறிக்கொண்டிருக்கின்றனர். ஏற்கெனவே, அமைச்சர் சுவாமி பிரசாத் மவுரியா தனது அமைச்சர் பதவியை ராஜினாமா செய்துவிட்டார். அவர் சமாஜ்வாடி கட்சியில் சேருகிறார். ஆனாலும், தனது அடுத்தகட்ட நடவடிக்கை குறித்து வெள்ளிக்கிழமை தெரிவிப்பேன் என்றும், தன்னுடன் பா.ஜ.க-வில் இருந்து மேலும் சில எம்.எல்.ஏ-க்கள் வெளியேறுவார்கள் என்றும் குறிப்பிட்டுள்ளார். சமாஜ்வாடி கட்சித் தலைவர் அகிலேஷ் யாதவ் சுவாமி பிரசாத் மவுரியாவுடன் இருக்கும் புகைப்படத்தை ட்விட்டரில் வெளியிட்டு இருந்தார்.யோகி ஆதித்யநாத் இந்தப் புகைப்படம் வெளியானதைத் தொடர்ந்து மவுரியாவுக்கு எதிராக உ.பி அரசு தரப்பில் கைது வாரண்ட் பிறப்பிக்கப்பட்டுள்ளது. 2014-ம் ஆண்டு மவுரியா இந்துக்களின் உணர்வுகளைப் புண்படுத்தும் வகையில் பேசியதாக ஒரு வழக்கு பதிவு செய்யப்பட்டிருந்தது. அப்போது மவுரியா பகுஜன் சமாஜ் கட்சியிலிருந்தார். கடந்த தேர்தலில் தான் அவர் பா.ஜ.க-வுக்கு வந்தார். இப்போது மவுரியா மீண்டும் பா.ஜ.க-வுக்கு வர வாய்ப்பு இல்லை என்று திட்டவட்டமாகத் தெரிவித்திருப்பதால், அவர் மீது 2014-ம் ஆண்டு பதிவு செய்யப்பட்ட வழக்கில் கைது வாரண்ட் பிறப்பிக்கப்பட்டுள்ளது. 24 மணி நேரத்தில் கோர்ட்டில் ஆஜராகவேண்டும் என்று அந்த உத்தரவில் குறிப்பிடப்பட்டுள்ளது. மற்றொரு புறம் மவுரியாவை சமாதானப்படுத்தும் வேலைகளும் பா.ஜ.க தரப்பில் மேற்கொள்ளப்பட்டு வருகின்றன. ஏற்கெனவே மவுரியா உட்பட 4 எம்.எல்.ஏ-க்கள் பா.ஜ.க-விலிருந்து விலகிவிட்டனர். இந்த நிலையில், புதிய திருப்பமாக மற்றொரு அமைச்சரும் தனது பதவியை ராஜினாமா செய்துள்ளார். தாராசிங் சவுகான் என்ற அந்த அமைச்சர் பிற்படுத்தப்பட்ட சமுதாய தலைவர்களில் ஒருவராகக் கருதப்படுகிறார். ஏற்கெனவே பதவி விலகிய சுவாமி பிரசாத் மவுரியாவும் பிற்படுத்தப்பட்ட சமுதாய தலைவர்களில் மிகவும் முக்கியமானவர் ஆவார். பிற்படுத்தப்பட்ட சமுதாய தலைவர்கள் அடுத்தடுத்து அமைச்சர் பதவியிலிருந்து விலகி வருவது பா.ஜ.க-வுக்கும், முதல்வர் யோகி ஆதித்யநாத்துக்கும் அதிர்ச்சியைக் கொடுத்துள்ளது. தாராசிங் அனுப்பியிருக்கும் ராஜினாமா கடிதத்தில், ``நான் முழு பங்களிப்புடன் தான் பணியாற்றினேன். ஆனால் பிற்படுத்தப்பட்டவர்கள், ஒடுக்கப்பட்டவர்கள், தாழ்த்தப்பட்டவர்களுக்கு எதிரான அரசின் அணுகுமுறை என்னைக் காயப்படுத்திவிட்டது. எனவேதான் அமைச்சர் பதவியிலிருந்து விலகுகிறேன். பிற்படுத்தப்பட்டோர் மற்றும் பட்டியலின சமுதாயத்திற்கான இட ஒதுக்கீடு விவகாரத்தில் அரசு அலட்சியமாகக் கொண்டது" என்று தனது கடிதத்தில் குறிப்பிட்டுள்ளார்.அகிலேஷ் யாதவை சந்தித்து பேசிய எஸ்.பி.மவுரியா இதே போன்று தேர்தலைச் சந்திக்கும் மற்றொரு மாநிலமான கோவாவிலும் பா.ஜ.க-விலிருந்து அமைச்சர் மிக்கேல் லோபோ மற்றும் எம்.எல்.ஏ பிரவின் ஆகியோர் விலகியுள்ளனர். கோவாவில் மீண்டும் தேர்தலைச் சந்திக்க இருக்கும் எம்.எல்.ஏ-க்கள் பெரும்பாலும் கிறிஸ்தவர்கள் அதிகமான பகுதியிலிருந்து தேர்ந்தெடுக்கப்பட்டவர்கள் ஆவர். அவர்கள் பா.ஜ.க சார்பாகப் போட்டியிட்டால் வெற்றி பெற முடியாது என்று கருதி கட்சியிலிருந்து விலகி வருவதாகக் கூறப்படுகிறது. Also Read: உ.பி: `அமைச்சர் உட்பட 5 பாஜக எம்.எல்.ஏ-க்கள் ராஜினாமா!' - வலுப்பெறுகிறதா அகிலேஷ் கட்சி?
http://dlvr.it/SGzn8J

Read More

``உ.பி தேர்தலில் மாயாவதி போட்டியிடமாட்டார்" - பகுஜன் சமாஜ் கட்சி அறிவிப்பு!

உத்தரப்பிரதேசத்தில் நான்கு முறை முதல்வராக இருந்த மாயாவதி கடந்த சில மாதங்களாகவே சமூக வலைதளங்களில் மிகத் தீவிரமாகச் செயல்பட்டு வருகிறார். சமீபத்தில் பிரதமர் மோடியின் பாதுகாப்புக் குறைபாடு தொடர்பாக மாயாவதி பஞ்சாப் காங்கிரஸ் அரசுக்குக் கண்டனம் தெரிவித்திருந்தார். இந்த நிலையில், உத்திரப்பிரதேச மாநிலத்தின் அகாலி தளம் கட்சியுடன் கூட்டணி அமைத்து, அவரின் பகுஜன் சமாஜ் கட்சி உ.பி-யில் நடைபெறவிருக்கும் சட்டமன்றத் தேர்தலைச் சந்திக்கவுள்ளது.அகிலேஷ் - மாயாவதி ஏழுகட்டங்களாக நடைபெறவுள்ள இந்த தேர்தலில், அனைத்து கட்சிகளும் தீவிரப் பிரசாரத்தில் ஈடுபட்டுவருகின்றன. இந்த நிலையில், முன்னாள் முதல்வரும், பகுஜன் சமாஜ் கட்சியின் தலைவருமான மாயாவதி, நடக்க இருக்கும் தேர்தலில் போட்டியிடப்போவதில்லை என்று அந்தக் கட்சியின் தலைமை அறிவித்திருப்பது அரசியல் அரங்கில் பேசுபொருளாகியிருக்கிறது. இது தொடர்பாக அந்தக் கட்சியின் மூத்த தலைவரும், நாடாளுமன்ற உறுப்பினருமான சதீஷ் சந்திரா மிஸ்ரா, மாயாவதி ``உ.பி-யில் நடைபெறவிருக்கும் சட்டமன்றத் தேர்தலில் போட்டியிடமாட்டார்" எனத் தெரிவித்திருக்கிறார். சதீஷ் சந்திரா மிஸ்ரா உத்தரப்பிரதேசத்தில் கடந்த 20 ஆண்டுகளில் முதல்வராகப் பதவியேற்ற தலைவர்கள் அனைவருமே தேர்தலைச் சந்தித்து சட்டப்பேரவைக்கு வராமல், சட்ட மேலவை உறுப்பினர்களாக அதாவது எம்.எல்.சி-யாக இருந்துவந்துள்ளனர் என்பது குறிப்பிடத்தக்கது. Also Read: `பா.ஜ.க, காங்கிரஸுக்கு ஒரே வழிதான்!’ - பிறந்தநாளில் கட்சிகளை விமர்சித்த மாயாவதி
http://dlvr.it/SGzF2F

Read More

கேரளா: மாணவரின் இதயத்தில் பாய்ந்த கத்தி... கொலையில் முடிந்த எஸ்.எஃப்.ஐ - கே.எஸ்.யூ மாணவர் சங்க மோதல்

கேரள மாநிலம் இடுக்கியில் உள்ள அரசு பொறியியல் கல்லூரி மாணவர் பேரவை தேர்தலில், சி.பி.எம் மாணவர் அமைப்பான எஸ்.எஃப்.ஐ, காங்கிரஸ் மாணவர் அமைப்பான கே.எஸ்.யூ ஆகியவை நேரடியாக மோதின. கடந்த 10-ம் தேதி தேர்தல் நடந்த சமயத்தில் எஸ்.எஃப்.ஐ மாணவர் அமைப்பு நிர்வாகிகள் மீது கே.எஸ்.யூ மாணவர் அமைப்பைச் சேர்ந்தவர்கள் திடீர் தாக்குதல் நடத்தினர். இதில் தீரஜ், அபிஜித், அமல் ஆகியோர் படுகாயம் அடைந்தனர். தீரஜ் மற்றும் மற்றொரு மாணவருக்கு கத்தி குத்து விழுந்தது. மூன்றுபேரும் இடுக்கி அரசு மருத்துவக்கல்லூரி மருத்துவமனையில் அனுமதிக்கப்பட்ட நிலையில் தீரஜ் சிகிச்சை பலனின்றி உயிரிழந்தார். மற்ற இரண்டு மாணவர்களுக்கும் மருத்துவமனையில் சிகிச்சை அளிக்கப்பட்டு வருகிறது. கண்ணூரைச் சேர்ந்த தீரஜின் உடல் நேற்று அடக்கம் செய்யப்பட்டது.தீரஜ் இறுதிச்சடங்கில் எஸ்.எஃப்.ஐ அமைப்பைச் சேர்ந்த தீரஜ் கொலைச் செய்யப்பட்டதைத் தொடர்ந்து கண்ணூர், கோழிக்கோடு பகுதிகளில் உள்ள காங்கிரஸ் அலுவலகங்கள் சூறையாடப்பட்டன. திருவனந்தபுரத்தில் எஸ்.எஃப்.ஐ, கே.எஸ்.யூ மாணவர் அமைப்பினரிடையே மோதல் ஏற்பட்டது. மாநிலம் முழுவதும் சிறு சிறு மோதல்கள் ஏற்பட்டுள்ளன. இதையடுத்து போலீஸ் கண்காணிப்பு தீவிரப்படுத்தப்பட்டுள்ளது. இந்த கொலை சம்பவம் குறித்து கருத்து தெரிவித்த முதல்வர் பினராயி விஜயன், ``மாணவன் தீரஜ் கொலைச் செய்யப்பட்ட சம்பவம் துக்ககரமானது. கல்லூரியில் கலவரம் செய்ய எக்காரணம் கொண்டும் அனுமதிக்க முடியாது. தீரஜ் கொலை வழக்கில் குற்றவாளிகள் விரைவில் சட்டத்தின் முன் நிறுத்தப்படுவார்கள்" என கூறியிருந்தார். தீரஜின் உடற்கூறு ஆய்வின் முதற்கட்ட அறிக்கையில் அவரின் மார்பு பகுதியில் மட்டுமே கத்தியால் குத்தப்பட்ட காயம் உள்ளதாகவும், இதயத்தில் கத்திப்பாய்ந்ததால் மரணம் ஏற்பட்டதாக தகவல் வெளியாகியுள்ளது. இந்த வழக்கில் இளைஞர் காங்கிரஸை சேர்ந்த நிகில் பைலி என்பவர் கைது செய்யப்பட்டுள்ளார். கல்லூரி மாணவர் பேரவை தேர்தலில் இளைஞர் காங்கிரஸை சேர்ந்தவர்களுக்கு என்ன வேலை என எஸ்.எஃப்.ஐ மாணவர்கள் கேள்வி எழுப்பியதால் முதலில் பிரச்னை தொடங்கியுள்ளது.கொலை செய்யப்பட்ட எஸ்.எஃப்.ஐ அமைப்பைச் சேர்ந்த மாணவர் தீரஜ் இதைத்தொடர்ந்து கல்லூரி நுழைவு வாயிலில் வைத்து மீண்டும் வாக்குவாதம் ஏற்பட்டு மோதல் வெடித்துள்ளது. தீரஜ் உள்ளிட்டவர்களை கத்தியால் குத்திவிட்டு ஓடி தப்பியதாகவும், ஓடும்போதே நிகில் பைலி கத்தியை வீசிவிட்டு வழியில் சென்று உடை மாற்றி பஸ்ஸில் ஏறிச் சென்றுள்ளதாகவும் கூறப்படுகிறது. ஏற்கனவே சில பிரச்னைகள் காரணமாக கையில் எப்போதும் கத்தி வைத்திருந்ததாக நிகில் பைலி போலீஸிடம் தெரிவித்துள்ளார். இந்த வழக்கில் மேலும் இருவரை பிடித்து போலீஸார் விசாரணை நடத்தி வருவதாக தகவல் வெளியாகியுள்ளது.
http://dlvr.it/SGynrl

Read More

பா.ஜ.க.விலிருந்து அடுத்தடுத்து விலகும் எம்.எல்.ஏக்கள், அமைச்சர் - உ.பி. தேர்தலில் பரபரப்பு

உத்தரப்பிரதேச மாநிலத்தில் அடுத்தடுத்து பா.ஜ.க.வில் இருந்து, அக்கட்சியின் சட்டப்பேரவை உறுப்பினர்கள் விலகி வருவதால், அங்கு தேர்தல் களம் சூடுபிடிக்கத் தொடங்கியுள்ளது. உத்தரப்பிரதேச மாநிலத்தில் யோகி ஆதித்யநாத் தலைமையிலான பா.ஜ.க. ஆட்சி நடைபெற்று வரும் நிலையில், அங்கு அடுத்த மாதம் சட்டப்பேரவை தேர்தல் நடைபெற உள்ளது. இந்த சட்டப்பேரவை தேர்தலில், பா.ஜ.க தனது ஆட்சியை 2-வது முறையாக தொடர்ந்து தக்கவைக்க கடும் முயற்சியில் இறங்கி உள்ளது. அதேபோல், மீண்டும் ஆட்சியை பிடிக்க, சமாஜ்வாதி கட்சியும் முனைப்பில் உள்ளது. இன்னும் தேர்தலுக்கு ஒரு மாதமே உள்ளநிலையில், உத்தரப்பிரதேசத்தில் பா.ஜ.க.வின் முக்கிய அமைச்சராக கருதப்படும் சுவாமி பிரசாத் மவுர்யா இன்று ராஜினாமா செய்துவிட்டு, சாமாஜ்வாதி கட்சியில் இணைந்திருந்தார். இதனால் உத்தரப்பிரதேச மாநிலத்தில் பெரும் பரபரப்பு நிலவி வரும்நிலையில், அவருடன் மேலும் 3 பா.ஜ.க. எம்எல்.ஏக்கள் தங்களது பதவிகளை ராஜினாமா செய்துள்ளனர். அதன்படி, பில்ஹார் தொகுதி எம்.எல்.ஏ. பாஹ்வதி சாகர், தில்ஹர் தொகுதியைச் சேர்ந்த ரோஷன் லால் வெர்மா மற்றும் பந்தா தொகுதியைச் சேர்ந்த பிரிஜேஷ் பிரஜபதி ஆகியோர் ராஜினாமா செய்துள்ளனர்.  மூத்த அமைச்சரான சுவாமி பிரசாத் மவுர்யா ராஜினாமா செய்தபோதே, அவருடன் சேர்ந்து இன்னும் சில எம்.எல்.ஏக்களும் ராஜினாமா செய்ய உள்ளதாக ஏற்கனவே கூறப்பட்ட நிலையில், தற்போது 3 எம்.எல்.ஏ.க்கள் பா.ஜ.க.வில் இருந்து விலகியுள்ளனர். உத்தரப்பிரதேச மாநிலத்தில் இதர பிற்படுத்தப்பட்டோர் பிரிவினரிடையே, மிகவும் சக்திவாய்ந்தவராக கருதப்படும் சுவாமி பிரசாத் மவுர்யா, பா.ஜ.க. கட்சியிலிருந்து விலகியது, அக்கட்சிக்கு பெரும் பின்னடைவாக பார்க்கப்படுகிறது. அதேநேரம், சாமாஜ்வாதி கட்சி இதன்மூலம் பலம் வாய்ந்த கட்சியாக மாறி வருகிறது. இதற்கிடையில் மேலும் 13 எம்.எல்.ஏக்கள் பதவி விலகுவார்கள் என்று தேசிய காங்கிரஸ் கட்சியின் தலைவர் சரத் பவார் தெரிவித்துள்ளார். உத்தரப்பிரதேசம் உள்பட 5 மாநிலங்களில் வரும் பிப்ரவரி மற்றும் மார்ச் மாதங்களில் சட்டப்பேரவை தேர்தல் நடைபெற உள்ளது. இதில் நாட்டில் அதிக தொகுதிகளை கொண்ட உத்தரப்பிரதேச மாநிலத்தில் 7 கட்டங்களாக தேர்தல் நடைபெற உள்ளதாக, தலைமை தேர்தல் ஆணையர் சுஷில் சந்திரா கடந்த சனிக்கிழமை அன்று அறிவித்தார். அதன்படி 403 தொகுதிகளை கொண்ட உத்தரப்பிரதேச மாநிலத்தில், பிப்ரவரி 10-ம் தேதி துவங்கி, மார்ச் 7-ம் தேதிவரை வாக்குப்பதிவு நடைபெற உள்ளது.
http://dlvr.it/SGxMj0

Read More

1,500 மக்களுக்கு விருந்து; குரங்குக்கு ஈமச்சடங்கு நடத்திய கிராம மக்கள்; போலீஸ் கைது செய்தது ஏன்?

மத்திய பிரதேச மாநிலம் ராஜ்கர் மாவட்டத்தில் உள்ளது தலுபுரா கிராமம். இந்த கிராமத்தில் ஒரு வினோதமான வழக்கம் உள்ளது. குரங்குகள் இறந்தால் அவற்றிற்கு மனிதர்களைப் போலவே ஈமச்சடங்கு செய்து வழியனுப்பி வைப்பர். கடந்த டிசம்பர் மாதம் 29-ம் தேதி அன்று இறந்த லங்கூர் வகை குரங்கு ஒன்றிற்கு கிராம மக்கள் அனைவரும் ஒன்றுகூடி 30-ம் தேதி அன்று இறுதி சடங்கு நடத்தினர். அவர்களின் பாரம்பரிய முறைப்படி பாடல்கள் பாடிக் கொண்டே குரங்கின் சடலத்தை எடுத்துக்கொண்டு இறுதி ஊர்வலம் சென்றுள்ளனர். குரங்கிற்கு ஈமச்சடங்கு செய்வதற்காக அந்த கிராமத்தைச் சேர்ந்த ஓர் சிங் என்பவர் இந்து முறைப்படி தலையில் மொட்டை அடித்துக் கொண்டார். மேலும், குரங்கின் ஆன்மா சாந்தியடைய வேண்டி இறுதிச் சடங்குகளை தொடர்ந்து மக்கள் பணம் சேகரித்து வரவேற்பு தாள்கள் அச்சிட்டு, 1500-க்கும் மேற்பட்ட மக்களுக்கு விருந்து ஏற்பாடு செய்துள்ளனர். இந்த விருந்தில் பங்கேற்ற மக்கள் பந்தலுக்கு கீழ் அமர்ந்து உணவு உண்ணும் வீடியோ ஒன்று தற்போது இணையத்தில் வெளியாகி வைரலாகியுள்ளது. இந்த சம்பவம் குறித்து கிராம தலைவர் அர்ஜுன் சிங் சவுகான் நேற்று பி.டி‌.ஐ அளித்த பேட்டியில்,"எங்கள் ஊரில் குரங்குகள் இறந்தால் அவற்றிற்கு மனிதர்களைப் போலவே ஊரே ஒன்று கூடி ஈமச்சடங்கு நடத்துவது வழக்கம். நாங்கள் குரங்குகளை அனுமனின் அவதாரமாக பார்க்கிறோம்" என்றார். குரங்குக்கு ஈமச்சடங்கு மேலும், இந்த குரங்கு அந்த கிராம மக்களால் வளர்க்கப்படவில்லை என்றும்; அடிக்கடி கிராமத்திற்கு வந்து செல்லும். அவ்வாறு தான் இருபத்தி ஒன்பதாம் தேதி அன்று குளிரால் நடுங்கி உடல்நிலை மோசமுற்று குரங்கு வந்ததாகவும், மருத்துவமனை கொண்டு சென்ற சிறிது நேரத்தில் குரங்கின் உயிர் பிரிந்ததாகவும் அவர் கூறியுள்ளார். நாடு முழுவதும் ஒமிகிரான் தொற்று பெருமளவில் பரவி வரும் இந்நிலையில் கொரோனா கட்டுப்பாடுகளை மீறி மக்கள் ஒன்றுகூடியதற்காக மத்திய பிரதேச போலீஸார் வழக்குப்பதிவு செய்து அந்த கிராமத்தைச் சேர்ந்த 2 பேரை கைது செய்துள்ளனர். மேலும் கிராமவாசிகள் பலர் போலீஸுக்கு பயந்து தலைமறைவாகி உள்ளனர்.
http://dlvr.it/SGwrCh

Read More

உ.பி தேர்தல் 2022: `அகிலேஷ் தான் ஜெயிப்பார்!' - ராஜா நேர்காணல்

http://dlvr.it/SGwHCC

Read More

மனிதருக்கு பொருத்தப்பட்ட பன்றி இதயம்: உறுப்பு மாற்று அறுவை சிகிச்சையில் பெரும் திருப்பம்

இதயம் பாதிக்கப்பட்டு மரணத்தை நெருங்கிவிட்ட நபருக்கு பன்றியின் மரபணு மாற்றம் செய்யப்பட்ட இதயம் பொருத்தப்பட்டு புது வாழ்வு தரப்பட்டுள்ளது. இது மருத்துவ உலகில் மிகப்பெரிய திருப்பமாக கருதப்படுகிறது. அமெரிக்காவின் மேரிலாந்தை சேர்ந்த டேவிட் பென்னட் என்ற 57 வயது நபருக்கு இதயம் பாதிக்கப்பட்டு உயிருக்கு போராடிக்கொண்டிருந்தார். வேறு இதயத்தை பொருத்தாவிட்டால் மரணம் நிச்சயம் என்ற நிலையில் அவர் இருந்தார். இந்நிலையில் பன்றியின் இதயத்தை அவருக்கு பொருத்த மேரிலாந்து மருத்துவ பல்கலைக்கழக மருத்துவர்கள் முடிவு செய்தனர். இதற்காக அமெரிக்க சுகாதாரத்துறையின் ஒப்புதலையும் அவர்கள் பெற்றனர். இதையடுத்து மனிதர்களின் உடலுக்கு பொருந்தும் வகையில் மரபணு மாற்றம் செய்யப்பட்ட பன்றியின் இதயம் டேவிட் பென்னட்டுக்கு பொருத்தப்பட்டது. இதய மாற்று அறுவை சிகிச்சைக்கு பின் பென்னட் ஆரோக்கியமாக இருப்பதாக மருத்துவர்கள் தெரிவித்துள்ளனர். மனிதர்களின் உடல் உறுப்புகளும் பன்றிகளின் உடல் உறுப்புகளும் ஏறத்தாழ ஒரே மாதிரியாக உள்ளன. இதனால் பன்றியின் இதயம் ஏற்கனவே மனிதர்களுக்கு பொருத்தப்பட்டுள்ளது. ஆனால் அந்த இதயங்கள் மனித உடலுக்கு முழுமையும் பொருந்ததால் அறுவை சிகிச்சைகளில் வெற்றி கிடைக்கவில்லை. எனவே மனிதர்களின் உடலுக்கு பொருந்தும் வகையில் பன்றியின் இதயத்தில் மரபணு ரீதியிலான மாற்றங்கள் செய்யப்பட்டு உலகிலேயே முதன்முறையாக உறுப்பு மாற்று அறுவை சிகிச்சை தற்போது செய்யப்பட்டுள்ளது. இதில் நம்பிக்கை தரும் முடிவு கிடைத்துள்ளதால் சிறுநீரகம் போன்ற பன்றியின் மற்ற உடலுறுப்புகளையும் மரபணு மாற்றம் செய்து மனிதர்களின் உடலில் பொருத்தும் சூழல் ஏற்படும். உலகெங்கும் உறுப்பு தானத்திற்காக காத்துள்ள கோடிக்கணக்கான நோயாளிகளுக்கு இது மிகப்பெரும் தீர்வாக இருக்கும் என மருத்துவர்கள் கூறுகின்றனர். இதையும் படிக்க: தமிழர் திருநாள்: உழவர்களின் வாழ்வுடன் பின்னிப்பிணைந்த பொங்கல் பண்டிகை - வரலாறு என்ன?
http://dlvr.it/SGvkSb

Read More

சென்னை: தடுப்பூசி போடாத 2,177 பயணிகளுக்கு ரயிலில் பயணிக்க அனுமதி மறுப்பு

2 டோஸ் கொரோனா தடுப்பூசி செலுத்தியதற்கான சான்றிதழ் இல்லாமல் வந்த 2,177 பயணிகளுக்கு ரயிலில் பயணம் செய்ய அனுமதி மறுக்கப்பட்டது. சென்னையில் புறநகர் ரயில்களில் பயணிக்க 2 டோஸ் கொரோனா தடுப்பூசி செலுத்தியதற்கான சான்றிதழை வைத்திருப்பது நேற்று முதல் கட்டாயமாக்கப்பட்டது. மேலும் பயணிகள் முகக்கவசம் அணிவது கட்டாயம் என்றும் அறிவிக்கப்பட்டது. இந்த கட்டுப்பாடுகள் வரும் 31 ஆம் தேதி வரை அமலில் இருக்கும் என தெற்கு ரயில்வே தெரிவித்துள்ளது. இந்த நிலையில் 2 டோஸ் கொரோனா தடுப்பூசி செலுத்தியதற்கான சான்றிதழ் இல்லாமல் வந்த 2,177 பயணிகளுக்கு ரயிலில் பயணம் செய்ய அனுமதி மறுக்கப்பட்டது. மேலும் முகக்கவசம் அணியாத 31 நபர்களிடம் ரூ.15,500 அபராதம் வசூலிக்கப்பட்டுள்ளதாகவும் தெற்கு ரயில்வே நிர்வாகம் தெரிவித்துள்ளது. Implementation of the double dose vaccination rule - 2177 passengers not having double vaccination certificate in Chennai Suburban area were denied travel in train. Total cases booked for not wearing mask - 31 cases & ₹15500/- was levied as fine. Please take your vaccine today.— DRM Chennai (@DrmChennai) January 10, 2022 இதையும் படிக்க: 60 வயதுக்கு மேற்பட்டோருக்கான இல்லம் தேடி தடுப்பூசி திட்டத்தை அறிவித்தது சென்னை மாநகராட்சி
http://dlvr.it/SGvHsm

Read More

காங்கிரஸ் கட்சியில் இணைந்தார் நடிகர் சோனு சூட் சகோதரி மாளவிகா சூட்!

இந்திய சினிமா நடிகர் சோனு சூட்டின் சகோதரி மாளவிகா சூட் அகில இந்திய காங்கிரஸ் கட்சியில் இணைந்துள்ளார். பஞ்சாப் மாநில முதல்வர் சரண்ஜித் சிங் மற்றும் பஞ்சாப் மாநில காங்கிரஸ் தலைவர் நவ்ஜோத் சிங் சித்து முன்னிலையில் அவர் கட்சியில் இணைந்துள்ளார். 117 தொகுதிகளை உள்ளடக்கிய பஞ்சாப் மாநில சட்டப்பேரவைக்கு வரும் பிப்ரவரி 14-ஆம் தேதி தேர்தல் நடைபெற உள்ளது.  மாளவிகா வரும் தேர்தலில் காங்கிரஸ் சார்பில் ‘மோகா’ தொகுதியிலிருந்து போட்டியிடுவார் என எதிர்பார்க்கப்படுகிறது. இந்த தொகுதியில் அவரை களம் இறக்குவதுதான் தங்களது விருப்பம் எனவும் பஞ்சாப் முதல்வர் தெரிவித்துள்ளார்.  “இளமையான பெண் ஒருவர் எங்களுடன் இணைந்திருப்பது மகிழ்ச்சி. தனது தன்னார்வ தொண்டு நிறுவனத்தின் மூலம் நற்பெயரை சம்பாதித்தவர் அவர். தற்போது அற்பணிப்புடன் மக்கள் பணி செய்ய களமிறங்கியுள்ளார்” என மாளவிகாவை புகழ்ந்துள்ளார் சித்து.  அண்மையில் பஞ்சாப் மாநில ஐகானாக செயல்பட்டு வந்த நடிகர் சோனு சூட் அந்த பொறுப்பிலிருந்து நீக்கியது இந்திய தேர்தல் ஆணையம். அவரது குடும்ப உறுப்பினர் தேர்தலில் போட்டியிடுவதால் அந்த பொறுப்பிலிருந்து சோனு சூட் விலகியதாக சொல்லப்படுகிறது. 
http://dlvr.it/SGsswG

Read More

ஜல்லிக்கட்டு: 150 பார்வையாளர்களுக்கு மட்டும்அனுமதி-2 டோஸ் தடுப்பூசி போட்டிருப்பது கட்டாயம்

ஜல்லிக்கட்டு போட்டியை காண வரும் பார்வையாளர்கள் 2 டோஸ் கொரோனா தடுப்பூசி போட்டிருப்பது கட்டாயம் என்று தமிழக அரசு தெரிவித்துள்ளது. பொங்கல் பண்டிகையை முன்னிட்டு தமிழகத்தில் அவனியாபுரம், அலங்காநல்லூர் உள்ளிட்டு பகுதிகளில் நடக்கும் ஜல்லிக்கட்டு உலக அளவில் பிரபலம். தற்போது கொரோனா காரணமாக பல்வேறு கட்டுப்பாடுகள் விதிக்கப்பட்டுள்ளதால், திட்டமிட்டப்படி ஜல்லிக்கட்டு போட்டி நடைபெறுமா என்று கேள்வி எழுந்தநிலையில், நிச்சயம் ஜல்லிக்கட்டு போட்டி, வழிகாட்டு நெறிமுறைகளுடன் நடைபெறும் என்று தமிழக அரசு சார்பில் தெரிவிக்கப்பட்டிருந்தது. இதற்கான வழிகாட்டு நெறிமுறைகளை முதல்வர் மு.க. ஸ்டாலின் இன்று வெளியிடுவார் என்றும் அமைச்சர் மூர்த்தி கூறியிருந்தார். இந்நிலையில், கொரோனா தடுப்பு நடவடிக்கையாக 150 பார்வையாளர்கள் மட்டுமே அனுமதிக்கப்படுவர் என்று தமிழக அரசு தெரிவித்துள்ளது. பார்வையாளர்கள் கட்டாயம் 2 டோஸ் கொரோனா தடுப்பூசி செலுத்தியிருக்க வேண்டும் என்றும் தமிழக அரசு கூறியுள்ளது. ஜல்லிக்கட்டு போட்டியில் பங்கேற்கும் காளையுடன், அதன் உரிமையாளர் மற்றும் ஒரு உதவியாளர் மட்டுமே பங்கேற்க அனுமதிக்கப்பட்டுள்ளது. அவர்கள் இருவரும் 2 டோஸ் தடுப்பூசி செலுத்தியுள்ளதுடன், கொரோனா நெகட்டிவ் சான்றிதழ் வைத்துள்ளது அவசியம் என்றும், தமிழக அரசு தெரிவித்துள்ளது. வெளியூரில் வசிப்பவர்கள் இணையவழியாக காணலாம் என கூறப்பட்டுள்ளது. மேலும் ஜல்லிக்கட்டு, மஞ்சுவிரட்டு, வடமாடு நிகழ்ச்சிகளில் 300 மாடுபிடி வீரர்கள் மட்டுமே அனுமதிக்கப்படுவார்கள் என்று தெரிவிக்கப்பட்டுள்ளது.
http://dlvr.it/SGsLxV

Read More

பிரதமரின் பாதுகாப்பு குறைபாடு - குழு அமைத்து விசாரிக்க உச்சநீதிமன்றம் முடிவு

பிரதமரின் பாதுகாப்பு குறைபாடு விவகாரம் தொடர்பாக குழு அமைத்து விசாரிக்க உச்ச நீதிமன்றம் முடிவு செய்துள்ளது. பஞ்சாபில் பிரதமரின் பாதுகாப்பில் ஏற்பட்ட குறைபாடு குறித்து ஓய்வுபெற்ற நீதிபதி தலைமையிலான குழு விசாரிக்கும் என்று உச்ச நீதிமன்ற தலைமை நீதிபதி அமர்வு தெரிவித்துள்ளது. இது தொடர்பாக உச்சநீதிமன்றத்தில் தாக்கல் செய்யப்பட்ட பொதுநல மனுவின் விசாரணை இன்று நடைபெற்றது. இதில் மத்திய அரசு மற்றும் பஞ்சாப் அரசின் தரப்பில் வாதங்கள் முன்வைக்கப்பட்டன. இதனைத்தொடர்ந்து இதுகுறித்து விசாரிக்க உச்ச நீதிமன்றம் குழு அமைக்கும் முடிவை எடுத்துள்ளது. பிரதமர் மோடி பஞ்சாப் சென்றிருந்தபோது பாதுகாப்பு குறைபாடு ஏற்பட்டிருந்த விவகாரம் நாடு முழுவதும் அதிர்வலைகளை உருவாக்கியது குறிப்பிடத்தக்கது.
http://dlvr.it/SGrnXG

Read More

`Sulli deals' ஆப் மூலம் முஸ்லிம் பெண்களை இழிவுபத்திய விவகாரம்; முக்கிய குற்றவாளி இந்தூரில் கைது!

`சுல்லி டீல்ஸ்' (Sulli deals) என்ற ஆப்பில் `டீல் ஆஃப் த டே' எனக் குறிப்பிட்டு முஸ்லிம் பெண்களின் புகைப்படங்கள் வெளியிடப்பட்டு ஆறு மாதங்கள் ஆகிவிட்டன. எஃப்.ஐ.ஆர் பதியப்பட்டும் அவ்வழக்கில் குற்றவாளிகள் கண்டுபிடிக்கப்படவில்லை. இந்நிலையில் இப்போது, அந்த ஆப்பை உருவாக்கிய 25 வயது பி.சி.ஏ பட்டதாரியான அம்கரேஷ்வரை டெல்லி போலீஸார் கைது செய்துள்ளனர். அம்கரேஷ்வர் முஸ்லிம் பெண்களை அவமதிக்கும் வகையில் சமீபத்தில் `புல்லி பாய்' என்ற ஆப்பில் 100-க்கும் மேற்பட்ட முஸ்லிம் பெண்களின் புகைப்படங்களை வெளியிட்டு ஏலம் விடப்படுவதாகக் குறிப்பிடப்பட்டு இருந்தது. இது தொடர்பாக மும்பை போலீஸார் வழக்குப் பதிவு செய்து பெங்களூரு மற்றும் உத்தரகாண்டில் மூன்று மாணவர்களைக் கைது செய்துள்ளனர். டெல்லி போலீஸார் வழக்குப் பதிவு செய்து அசாம் மாநிலத்தை சேர்ந்த நீரஜ் என்ற மாணவரை கைது செய்து விசாரித்து வருகின்றனர். Also Read: `புல்லி பாய்' ஆப் உருவாக்கியதற்காக நான் வருத்தப்படவில்லை!' - கைதான அசாம் மாணவர் நீரஜ் அவரிடம் நடத்தப்பட்ட விசாரணையில், மும்பை போலீஸார் கைது செய்த ஸ்வேதா சிங்கின் ட்விட்டர் கணக்கை தான் கையாண்டு வருவதை ஒப்புக்கொண்டார். ஸ்வேதாவின் ட்விட்டர் கணக்கை பயன்படுத்தி `புல்லி பாய்' ஆப்பில் பெண்களின் புகைப்படங்களை பதிவேற்றம் செய்ததையும் ஒப்புக்கொண்டுள்ளார். அதோடு போலீஸ் காவலில் இருந்தபோது நீரஜ் இரண்டு முறை தற்கொலைக்கும் முயன்றதாக டெல்லி போலீஸார் தெரிவித்துள்ளனர். நீரஜிடம் விசாரிக்க அவரை தங்களிடம் ஒப்படைக்கவேண்டும் என்று மும்பை போலீஸார் டெல்லி போலீஸாரிடம் கேட்டுக்கொண்டுள்ளனர். இதற்கிடையே, நீரஜிடம் விசாரணை நடத்தியதன் தொடர்ச்சியாக இந்தூரை சேர்ந்த அம்கரேஷ்வர் என்பவரை டெல்லி போலீஸார் கைது செய்துள்ளனர். `புல்லி பாய்' ஆப் போல, கடந்த வருடம் ஜூலை மாதம் `சுல்லி டீல்ஸ்' என்ற ஆப்பில் முஸ்லிம் பெண்களின் புகைப்படங்கள் பதிவேற்றப்பட்டு, ஏலம் விடப்படுவதாகக் குறிப்பிட்டு அவர்கள் இழிவுபடுத்தப்பட்டனர். Jail (Representational Image) Also Read: முஸ்லிம் பெண்களை இழுவுபடுத்திய `புல்லி பாய்' ஆப்; முக்கியக் குற்றவாளி அசாமில் கைது! அது தொடர்பாக வழக்குப் பதிவு செய்யப்பட்டு ஆறு மாதங்கள் கழித்துவிட்டன. இந்நிலையில், அந்த ஆப் உருவாக்கியதில் மூளையாக செயல்பட்ட அம்கரேஷ்வரை கைது செய்துள்ளதாக டெல்லி டிசிபி மல்கோத்ரா தெரிவித்துள்ளார். அம்கரேஷ்வர் ட்விட்டரில் உள்ள டிரேட் குரூப்பில் உறுப்பினராக இருக்கிறார். டிரேட் குரூப், முஸ்லிம் பெண்களை மோசமாக சித்திரிக்க உருவாக்கப்பட்ட குரூப். `சுல்லி டீல்ஸ்' மற்றும் `புல்லி பாய்' ஆகிய இரண்டு ஆப்களும் ஒரே நோக்கத்திற்காக உருவாக்கப்பட்டது என்பதால் கைது செய்யப்பட்டவர்கள் இணைந்துதான் இரண்டையும் உருவாக்கினார்களா என்பது குறித்தும் போலீஸார் விசாரித்து வருகின்றனர்.
http://dlvr.it/SGrFc9

Read More

`என்மீது கைவைத்த எஸ்.பி-யின் கையை வெட்ட வேண்டும்’ - திலீப்... எஃப்.ஐ.ஆரில் கூறப்பட்டுள்ளது என்ன?

கேரளாவைச் சேர்ந்த பிரபல நடிகையை 2017-ம் ஆண்டு காரில் கடத்தி, பாலியல் தொல்லை கொடுத்த வழக்கு இப்போது மீண்டும் தீவிரமடைந்துள்ளது. இந்த வழக்கில் நடிகர் திலீப், பல்சர் சுனி உள்ளிட்டவர்கள் கைதுசெய்யப்பட்டனர். 74 நாள்கள் சிறைவாசம் அனுபவித்த நடிகர் திலீப், பின்னர் ஜாமீனில் வெளியே வந்தார். இந்த நிலையில் நடிகர் திலீப்பின் நண்பராக இருந்தவரும், இயக்குநருமான பாலசந்திரகுமார் கடந்த மாதம் இறுதியில் ஒரு தனியார் தொலைக்காட்சி நிகழ்ச்சியில் கலந்துகொண்டு பேசும்போது திலீப் குறித்த சில தகவல்களை வெளியிட்டார். அதில், ``நடிகையைக் கடத்தி, பாலியல் தொல்லை கொடுத்த வழக்கில் இப்போது சிறையிலிருக்கும் பல்சர் சுனிக்கும், நடிகர் திலீப்புக்கும் ஏற்கெனவே நட்பு இருந்தது. நடிகர் திலீப்புடன் பல்சர் சுனியை நான் பார்த்திருக்கிறேன். அந்த நட்பு குறித்து வெளியே கூறினால் ஜாமீன் கிடைக்காது என்பதால், அது பற்றி வெளியே கூறக் கூடாது என திலீப் என்னிடம் கேட்டுக்கொண்டார். நடிகைக்குப் பாலியல் தொல்லை கொடுத்த வீடியோவை திலீப் பார்த்தார்" என வெளிப்படுத்தினார் இயக்குநர் பாலசந்திரகுமார்.சினிமா இயக்குநர் பாலசந்திரகுமார் மேலும், நடிகர் திலீப் தன்னைக் கைதுசெய்த போலீஸ் அதிகாரிகளைப் பழிவாங்குவது பற்றி ஆலோசனை நடத்தியதாகவும் தகவல் வெளியானது. அதுமட்டுமல்லாமல் நடிகர் திலீப் குறித்த விவரங்களை எங்கு வேண்டுமானாலும் சொல்வேன் எனவும், திலீப் மீது நடவடிக்கை எடுக்கக் கோரியும் முதல்வர் பினராயி விஜயனுக்குக் கடிதம் எழுதியதாகவும் பாலசந்திரகுமார் கூறியிருந்தார். இந்த நிலையில் நடிகர் திலீப் மீது நடவடிக்கை எடுக்க வேண்டும் என பாதிக்கப்பட்ட நடிகை முதல்வருக்குக் கோரிக்கை விடுத்திருந்தார். இதைத் தொடர்ந்து நடிகர் திலீபிடம் மீண்டும் விசாரணை நடத்தி அது குறித்த அறிக்கையை வரும் 20-ம் தேதிக்கு முன்பு கோர்ட்டில் ஒப்படைக்க க்ரைம் பிராஞ்ச் போலீஸார் முடிவு செய்துள்ளனர். வரும் புதன்கிழமை இயக்குநர் பாலசந்திரகுமாரின் வாக்குமூலத்தை கோர்ட்டில் பதிவு செய்ய க்ரைம் பிராஞ்ச் முடிவு செய்துள்ளது. இதற்கிடையே நடிகர் திலீப் மீது க்ரைம் பிராஞ்ச் போலீஸார் புதிய வழக்கு ஒன்றைப் பதிவு செய்துள்ளனர். தான் கைதுசெய்யப்பட்ட கோபத்தில் விசாரணை செய்த போலீஸ் அதிகாரிக்கு ஆபத்தை ஏற்படுத்த திலீப் உள்ளிட்டவர்கள் ஆலோசனையில் ஈடுபட்டதாக இந்த வழக்கு பதிவு செய்யப்பட்டுள்ளது.நடிகர் திலீப் திருவனந்தபுரம் க்ரைம் பிராஞ்ச் போலீஸ் ஸ்டேஷனின் 6/2022 என்ற எஃப்.ஐ.ஆர் நம்பரில் திலீப் மீது வழக்கு பதிவு செய்யப்பட்டுள்ளது. ஐ.பி.சி செக்‌ஷன் 116, 118, 120 பி, 506, 34 உள்ளிட்ட பிரிவுகளின் கீழ் வழக்கு பதிவு செய்யப்பட்டுள்ளது. 2017-ம் ஆண்டு, நவம்பர் 15-ம் தேதி இரவு 10:30-க்கும் 12:30-க்கும் இடைப்பட்ட சமயத்தில் ஆலுவா கொட்டாரக்கடவில் உள்ள திலீப்பின் வீட்டில் இந்த ஆலோசனை நடந்திருப்பதாகவும், அதில் முதல் குற்றவாளியாக கோபால கிருஷ்ணன் என்ற திலீப், இரண்டாம் குற்றவாளியாக திலீப்பின் சகோதரன் அனூப், திலீப் மனைவியின் சகோதரன் சூரஜ் மூன்றாம் குற்றவாளி, அப்பு, பாபு செங்கமனாடு மற்றும் கண்டால் தெரியும் ஒருவர் மீதும் வழக்கு பதிவு செய்யப்பட்டுள்ளது. Also Read: `மலையாள நடிகர் சங்க சர்ச்சை' - கடிதம் மூலம் முற்றுப்புள்ளி வைத்தார் திலீப் நடிகைக்குப் பாலியல் தொல்லை கொடுத்த வழக்கில் எட்டாம் பிரதியாக திலீப் சேர்க்கப்பட்டு கைதுசெய்த விசாரணை அதிகாரிகளுக்கு ஆபத்தை ஏற்படுத்த வேண்டும் என இவர்கள் ஆலோசனை நடத்தியதாக எஃப்.ஐ.ஆரில் கூறப்பட்டுள்ளது. ``என்மீது கைவைத்த எஸ்.பி சுதர்சனின் கையை வெட்ட வேண்டும்" என திலீப் கூறியதாகவும் எஃப்.ஐ.ஆரில் தெரிவிக்கப்பட்டுள்ளது. இயக்குநர் பாலசந்திர குமாரின் வாக்குமூலத்தின் அடிப்படையிலும், அவர் வெளியிட்ட ஆடியோவின் அடிப்படையிலும் இந்த வழக்கு பதிவு செய்யப்பட்டுள்ளதாகக் கூறப்படுகிறது.
http://dlvr.it/SGqrNT

Read More

சார், மேடம் வேண்டாம்; `டீச்சர்' போதும் கேரள பள்ளியின் அசத்தும் முயற்சி!

மாணவர்கள் ஆசிரியர்களை இனி சார் மேடம் என்று அழைக்கக்கூடாது! - கேரள பள்ளியின் அறிவிப்பு. கேரள மாநிலம் பாலக்காட்டில் உள்ள அரசு உதவி பெறும்‌ பள்ளி ஒன்றில், மாணவர்களிடம் ஆசிரியர்களை இனி சார் மேடம் என்று அழைக்கக்கூடாது! இரு பாலின ஆசிரியர்களையும் `டீச்சர்' என்றே அழைக்க வேண்டும் என்ற உத்தரவு பிறப்பிக்கப்பட்டுள்ளது. இந்த அறிவிப்பு குறித்து பள்ளியின் தலைமை ஆசிரியர் வேணுகோபாலன், தங்கள் பள்ளியில் பணிபுரியும் ஆசிரியர் சஞ்சீவ்குமார் இந்த கருத்தை முதன்முதலில் தெரிவித்ததாகவும்; சமூக ஆர்வலர் பூபன் மட்டுமன்தாவின் பிரசாரத்தைப் பார்த்து சஞ்ஜீவ் குமாருக்கு இந்த எண்ணம் தோன்றியதாகவும் அவர் குறிப்பிட்டார். மேலும் பள்ளியில் இருந்து 14 கிலோ மீட்டர் தொலைவில் உள்ளது மாத்தூர் பஞ்சாயத்து. பஞ்சாயத்து அலுவலக அதிகாரிகளை மக்கள் சார் மேடம் என்று அழைக்க வேண்டிய அவசியமில்லை; அவர்களின் பதவியை சொல்லி அழைத்தால் போதும் என்று கூறியுள்ளது மாத்தூர் பஞ்சாயத்து நிர்வாகம். கடந்த ஜூலை மாதம் முதல் பின்பற்றி வருகிறது. சமூக ஆர்வலர் பூபன்‌ மட்டுமந்தா இந்த சம்பவத்தின் தாக்கமும்கூட எங்கள் பள்ளியின் இந்த முடிவுக்கு காரணம் என்று வேணுகோபாலன் கூறியுள்ளார். இந்த உத்தரவிற்கு பெற்றோர்களிடம் இருந்தும் நல்ல வரவேற்பு கிடைக்கப் பெற்றதாகவும் அவர் கூறியுள்ளார். கடந்த டிசம்பர் 1 முதல் இந்த உத்தரவு நடைமுறைப்படுத்தப் பட்டதாகவும் தற்போது மாணவர்கள் சார், மேடம் என்ற வார்த்தைகள் பயன்படுத்துவதை அறவே நிறுத்தி விட்டதாகவும் தலைமையாசிரியர் வேணுகோபாலன் பெருமிதத்துடன் கூறியுள்ளார். பாலக்காட்டைச் சேர்ந்த சமூக ஆர்வலர் பூபன்‌ மட்டுமந்தா அனைத்து பள்ளிகளிலும், மாணவர்கள் ஆசிரியர்களை சார் மேடம் என்று அழைக்காமல் `டீச்சர்' என்ற பாலின நடுநிலையைக் குறிக்கும் வார்த்தையைக் கொண்டு அழைக்க வேண்டும் என்று வழக்கு தொடுத்திருந்தார். இந்த வழக்கில் அவர் குறிப்பிட்டுள்ளதாவது ,பள்ளிகளில் மாணவர்கள் சார் மேடம் என்று அழைப்பது பாலின வேறுபாடு உணர்வை நியாயப்படுத்தும் விதமாக இருப்பதாகவும், இது குடியுரிமை உணர்வை தடுப்பதாகவும் அவர் சுட்டிக்காட்டியுள்ளார். சார், மேடம் என்று அழைப்பதற்கு பதில் `டீச்சர்' என்று அழைப்பது பாலின சமநிலைக்கு வழிவகுக்கும் என்றும் அவர் குறிப்பிட்டுள்ளார். இந்த வழக்கைத் தொடர்ந்து கேரள பள்ளிக்கல்வித்துறை மற்றும் உயர்கல்வித் துறை பொதுமக்களிடம் இதுகுறித்து கருத்து கேட்க முடிவு செய்தது. கல்வித்துறை அமைச்சர் வி.சிவன் குட்டி தலைமையில் ஒரு குழுவை நியமித்து செயல்பட்டு வருகிறது. இது குறித்து பொதுமக்கள் மற்றும் ஆசிரியர்களிடம் கருத்துக்கள் கேட்ட பின்னர் ஆலோசித்து முடிவு எடுக்கப்படும் என்று கல்வி துறை கூறியுள்ளது. இந்நிலையில் ஒலசேரி (கொடும்பா) கிராமத்தில் உள்ள இந்த அரசு உதவி பெறும் பள்ளி தான் கேரள மாநிலத்திலேயே முதன்முதலில் ஆசிரியர்களை டீச்சர் என்று அழைக்கக்கூறி பாலின சமநிலையை ஊக்குவித்த முதல் பள்ளியாகும். பள்ளியின் இந்த செயல் வரவேற்கத்தக்கதாகும் பிற பள்ளிகளுக்கு முன்னுதாரணமாகவும் திகழ்கிறது. எந்த ஒரு பெரிய மாற்றத்தை சமூகத்தில் ஏற்படுத்த வேண்டுமெனில், அதை குழந்தை பருவத்திலேயே மனிதர்களிடம் புகட்ட வேண்டும் என்பதை நன்கு அறிந்து பாலின சமநிலையை ஊக்குவித்து வருகிறது கேரள மாநிலம். சமீபத்தில் கேரள அரசு, பள்ளிகளில் சென்டர் நியூட்ரல் யூனிஃபார்ம்களை அறிமுகப்படுத்தி பாலின சமத்துவத்தை ஊக்குவித்தது குறிப்பிடத்தக்கது.
http://dlvr.it/SGpj6c

Read More