இபிஎஸ்-ஸை வாழ்த்த முயன்ற அதிமுக-வினர்: அமளி செய்த திமுக-வினர்; நீலகிரி நகர்மன்ற கூட்டத்தில் சலசலப்பு

நீலகிரி மாவட்டம், ஊட்டி நகராட்சியின் மாதாந்திர கூட்டம் நகராட்சி அலுவலகத்தில் இன்று நடைபெற்றது. நகராட்சி உறுப்பினர்கள், நகராட்சி அதிகாரிகள் ஆகியோர் பங்கேற்றனர். நகரின் முக்கியப் பிரச்னைகள் குறித்து நகர்மன்ற உறுப்பினர்கள் விவாதித்தனர். மக்களின் அடிப்படைத் தேவைகளைப் பூர்த்தி செய்வது தொடர்பான விவாதங்களுக்கு முன்னுரிமை அளிக்கப்பட்டது. முக்கியப் பிரச்னைகளை உடனடியாகத் தீர்த்துவைக்க வேண்டும் என உறுப்பினர்கள் வலியுறுத்தினர்.ஊட்டி நகராட்சி கூட்டம் இந்த நிலையில், கூட்டத்தின்போது எழுந்து பேசிய அ.தி.மு.க கவுன்சிலர்கள் சிலர், அந்தக் கட்சியின் பொதுச்செயலாளராகப் பொறுப்பேற்றிருக்கும்‌ முன்னாள் முதல்வர் எடப்பாடி பழனிசாமிக்கு வாழ்த்து தெரிவிக்க முயற்சி செய்தனர். ஆனால், அதிருப்தியில் குறுக்கிட்டுத் தடுத்த தி.மு.க கவுன்சிலர்கள் முதல்வர் ஸ்டாலின் புகழை உரக்கப்‌ பேசி கவனத்தைத் திசைதிருப்பினர். மேலும் அ.தி.மு.க கவுன்சிலர்களுடன் அமளியில் ஈடுபட்டு எடப்பாடி பழனிசாமிக்கு வாழ்த்து தெரிவிக்க விடாமல் தடுத்தனர். இந்த நிகழ்வால் நகர்மன்றக் கூட்டத்தில் சலசலப்பு ஏற்பட்டது. உடனடியாகத் தலையிட்ட ஊட்டி நகராட்சித் தலைவர், துணைத் தலைவர் இரு தரப்பினரிடமும் பேச்சுவார்த்தை நடத்தி சமாதானம் செய்துவைத்தனர்.கோவை: கண்ணிமைக்கும் நேரத்தில் மோதிய கார் - சைக்கிள் ஓட்டி விளையாடிய சிறுவனுக்கு நேர்ந்த கொடூரம்!
http://dlvr.it/SlmK9v

Read More

`இன்பநிதி உடனும் நான் இருப்பேன்' - துரைமுருகன் `கலகல' | சட்டப்பேரவை ஹைலைட்ஸ்

இன்று தமிழக சட்டப்பேரவையில் நீர்வளத்துறை, தொழிலாளர் நலத்துறை, போக்குவரத்துத்துறைமீதான மானியக் கோரிக்கையின் விவாதம் நடந்தது. தொடக்கம் முதலே அ.தி.மு.க உறுப்பினர்கள் ’நல்ல புகழ்பாடும் ஃபார்மில்’ இருந்தனர். `நாங்கள் என்ன குறைவா...' என்பதாக தி.மு.க அமைச்சர்களும் ஸ்டாலின் தொடங்கி இன்பநிதி வரை அவையில் பேசினர். அ.தி.மு.க அவைக்குறிப்புகள்: கடந்த சட்டமன்றக் கூட்டத்தொடரில் தி.மு.க கட்சி உறுப்பினர்களின் துதிபாடல் கேட்டுக்கொண்டிருந்தது. ஆனால், நேற்று ’அ.தி.மு.க பொதுச்செயலாளரின் தீர்ப்பு’ வந்ததையொட்டி இன்று சட்டப்பேரவையில் அ.தி.மு.க உறுப்பினர்கள் கர்ஜிக்கத் தொடங்கினர். நேற்றே, ``அ.தி.மு.க பொதுக்குழு தீர்மானம் செல்லும்” எனத் தீர்ப்பு வெளியானதை அந்தக் கட்சி உறுப்பினர்கள் சட்டமன்றத்துக்குள்ளேயே கொண்டாடினர். இன்று அந்தத் தீர்ப்பின் மகிழ்ச்சி வெளிப்படையாகத் தெரிந்தது. எடப்பாடி பழனிசாமி மடத்துக்குளம் சட்டமன்ற உறுப்பினர் மகேந்திரன் சட்டமன்றத்தில் கேள்வி நேரத்தில் பேசியபோது, "மக்கள் நெஞ்சங்களில் வாழ்ந்துகொண்டிருக்கும் எம்.ஜி.ஆர், கழகத்தின் நிரந்தரப் பொதுச்செயலாளராகப் பொறுப்பேற்று, புகழ்பெற்ற தமிழக சட்டசபைக்கு வருகை தந்திருக்கும் கழகத்தின் மூன்றாம் தலைமுறை தலைவர், புரட்சித் தலைமகன், தமிழக சட்டசபை எதிர்க்கட்சித் தலைவர் மாண்புமிகு எடப்பாடியாரை வணங்கி...'' என்றவாறு தன் உரையைத் தொடங்கினார். அதேபோல் அ.தி.மு.க உறுப்பினர் ஜெயக்குமார், ``எங்களுக்கும் காலம் வரும். காலம் வந்தால் யோகம் வரும். நாங்களும் ஆட்சிக்கு வருவோம்’’ எனச் சொல்லி, ``தடைகளைத் தகர்த்தெரிந்திருக்கும் கழகப் பொதுச்செயலாளரை வணங்கி என் பேச்சைத் தொடங்குகிறேன்" எனக் கூறினார். ஆர்.பி. உதயகுமார் மானியக் கோரிக்கை விவாதத்தின்போது பேசிய முன்னாள் அமைச்சர் ஆர்.பி.உதயகுமார் , “காவிரி காப்பாளர், எதிர் வருகின்ற ஏச்சுகளையும் பேச்சுகளையும் தன் புன்னகையால் கடந்துவந்த சாமான்ய முதலமைச்சர், அனைத்திந்திய அண்ணா திராவிட முன்னேற்றக் கழகத்தின் ஒன்றரைக் கோடி தொண்டர்கள் ஒரு மனதாகத் தேர்ந்தெடுத்த மக்கள் கழகத்தின் பொதுச்செயலாளர், ஜனநாயகத்தின் காவலர், வருங்கால முதலமைச்சர்” என இரண்டரை நிமிடத்துக்கும் மேலாக பழனிசாமி பற்றி அவர் பேசிய, புகழுரை அவையில் இடம்பெற்றது. கேள்வி நேரத்தில் பேசிய அ.தி.மு.க உறுப்பினர் அக்ரி கிருஷ்ணமூர்த்தியோ, ”பாய்ந்துவரும் ஈட்டியைத் தாங்குற வீரத்தையும் விவேகத்தையும் அறிவையும் ஒருங்கே பெற்ற ஒப்பற்ற பொதுச்செயலாளர்... ஒரே பொதுச்செயலாளர், சூரியனால் உருக்க முடியாத எங்கள் தலைவரை வாழ்த்தி உரையைத் தொடங்குகிறேன்” என துதியை அள்ளித் தெளித்தார்.`எடப்பாடி கே பழனிசாமி’ தி.மு.க அவைக்குறிப்புகள்: மானியக் கோரிக்கை பதிலுரையின்போது தொழிலாளர் நலத்துறை அமைச்சர் சி.வி.கணேசன் பேசுகையில், “முப்பெரும் தலைவராக இருந்துவருகிறார் ஸ்டாலின். முத்துவேல் கருணாநிதி ஸ்டாலின் என அவர் பதவியேற்றதைப் பார்த்து ஒட்டுமொத்த தமிழகமே ஆனந்தக் கண்ணீரில் மிதந்தது. ’முத்துவேல் கருணாநிதி ஸ்டாலின் ஆட்சிக்காலத்தில் அமைச்சராக இருப்பது’ என் பெருமை. என் மாவட்டத்துக்குப் பெருமை. பூமிக்கு ஒரு சூரியன். ஆனால், தமிழகத்துக்கு இரண்டு சூரியன்கள். ஒன்று 'தலைமைச் சூரியன்', மற்றொன்று 'இளைய சூரியன்'. இளைஞர் நலன் மேம்பாட்டுத்துறை அமைச்சராக இருந்து சிறப்பான பணி செய்துவருகிறார். விளையாட்டுப் பிள்ளை என அனைவரும் சொன்னார்கள். ஆனால், விளையாட்டுத்துறை அமைச்சராக மாறி வியக்க வைக்கிறீர்கள்" எனக் கிடைத்த நேரத்தில், பதிலுரைக்கு பதிலாகப் புகழுரைகளை அள்ளி வீசினார். சட்டப்பேரவை: 'மக்களால் தேர்ந்தெடுக்கப்பட்ட ஆட்சி எது?' - அதிமுக-திமுக இடையே அனல் பறந்த விவாதம்! `இன்பநிதிக்கும் அமைச்சராக இருப்பேன்!' அடுத்ததாகத் தன் துறைக்கான பதிலுரையில் பேசிய நீர்வளத்துறை அமைச்சர் துரைமுருகன், கலைஞர் பற்றிய நினைவலைகள் குறித்துப் பேசினார். “நீண்ட நெடுங்காலம் தி.மு.க-வில் இருப்பவன். இனிவரும் நாள்களிலும் இருப்பேன். என்றாவது ஒருநாள் மறையப்போகிறவன் நான். அப்போது என் கல்லறையில் ஒரு வரி எழுதினால் போதும். `கோபாலபுரத்தின் விசுவாசி இங்கு உறங்குகிறான்' என எழுத வேண்டும்" என அவர் உணர்ச்சிபூர்வமாகப் பேசியதைக் கண்டு, மொத்த அவையும் அமைதியானது. உடனே அவைத்தலைவர் அப்பாவு, “100 ஆண்டுகள் நன்றாக இருப்பீர்கள் நீங்கள்” என்றார். கருணாநிதி - துரைமுருகன் ``ஆமா, இருப்பேன்.." என மீண்டும் ஒரு கதைக்குள் சென்றார் துரைமுருகன். ”சண்டைக்கு அப்பறம் ஆளுநர் அழைத்த தேநீர் விருந்தில் நானும் முதல்வரும் கலந்துகொண்டபோது, ஆளுநர் என்னோட வயசப்பத்தி கேட்டார். முதலமைச்சரோ, `அவர் என் அப்பாவோடு 53 ஆண்டுக்காலம் இருந்தவர், இப்போது என்னோடு இருக்கிறார், உதயாவோடும் இப்போது இருக்கிறார்’ என்றார். அதற்கு நான் சொன்னேன், `உதயாவுக்கு ஒரு பையன் இருக்கான், அவனோடவும் நான் இருப்பேன்' என்றேன்" என்றார்... துரைமுருகன் இப்படிச் சொன்னதும் அவையில் முதல்வர் உட்பட அனைத்து உறுப்பினர்களும் வெடித்துச் சிரித்தனர். மீண்டும் தொடர்ந்த அவர், ``நான் சொன்ன பதிலைக் கேட்டு ஆளுநர் அதிர்ச்சியாகி ’வாட் இஸ் யுவர் ஏஜ்’ எனக் கேட்டார். இப்போது 80 வயது, 100 வயதாகும்வரை நான் இருப்பேன். ஆமா... இந்த டெக்னிக் கலைஞர் சொன்னது. `எத்தனை வயதானாலும் வயசு குறைவா இருக்குனு நினைச்சுக்கிட்டு அப்படியே நிக்கணும்' எனச் சொல்லியிருக்கிறார்’’ என நினைவுகூர்ந்தார்.துரைமுருகன் அதேபோல், 60 செக் டேம்கள் கட்டுவது தொடர்பாக அ.தி.மு.க உறுப்பினர் கேட்டார்... ‘1,000’ கட்டுவீங்களா என்று... இப்போ தொடங்கினால் இன்னும் 20 ஆண்டுகளில் முடிக்க மாட்டோமா... நாங்கதான் ஆட்சியில இருக்கப்போறோம்’’ என்றது அவையில் இருப்போரை சிரிப்பலையில் ஆழ்த்தியது.ஆளுநர் சூதாட்டம்! - எங்கள் காதுகள் பாவமில்லையா? - சட்டசபை ‘மைக்ரோ’ பிட்ஸ்!
http://dlvr.it/SljHkZ

Read More

பிரான்ஸில் வெடித்த கலவரம் | ரஷ்யப் போருக்கு எதிராக ஓவியம் வரைந்த 12 வயது சிறுமி - உலகச் செய்திகள்

மியான்மரில் தேர்தலுக்கு முன்னதாக சூகியின் தேசிய ஜனாயக லீக் கட்சி கலைக்கப்பட்டிருக்கிறது. சுமார் இரண்டு ஆண்டுக்கால ஆட்சிக் கவிழ்ப்புக்குப் பிறகு, ராணுவ ஆட்சியால் நியமிக்கப்பட்ட மியான்மர் தேர்தல் ஆணையம், பதவி நீக்கப்பட்ட தலைவர் ஆங் சான் சூகியின் கட்சியைக் கலைப்பதாக அறிவித்தது. இதையடுத்து, ஆங் சான் சூகியின் கட்சி உட்பட 40 கட்சிகளை ராணுவ அரசாங்கம் கலைத்தது.எலோன் மஸ்க் ட்விட்டரில் பில் கேட்ஸ் குறித்த பயனாளரின் பதிவுக்கு பதிலளித்திருக்கும் எலான் மஸ்க், `பில் கேட்ஸுக்குச் செயற்கை நுண்ணறிவு (Artificial Intelligence) பற்றி குறைந்த அளவே புரிதல் இருக்கிறது' எனப் பதிவிட்டிருக்கிறார். அமெரிக்க முன்னாள் அதிபர் டொனால்டு ட்ரம்ப், ``நான் தற்போது அதிபராக இருந்திருந்தால், ரஷ்ய-உக்ரைன் இடையேயான போரை அமைதிப் பேச்சுவார்த்தை மூலம் தீர்த்திருப்பேன்'' எனத் தெரிவித்திருக்கிறார். மெக்ஸிகோ-அமெரிக்க எல்லைப் பகுதியில் குடியேற்றத் தடுப்பு மையத்தில், நாடு கடத்தப்படுவதற்கு எதிர்ப்பு தெரிவித்துப் புலம்பெயர்ந்தவர்களால், போராட்டம் நடத்தப்பட்டது. இந்த நிலையில், அங்கு தீ விபத்து ஏற்பட்டது. அதில் 39 பேர் உயிரிழந்தனர். கனடாவின் பிரிட்டிஷ் கொலம்பியாவிலுள்ள பல்கலைக்கழகத்தில் வைக்கப்பட்டிருக்கும் காந்தியின் மார்பளவுச் சிலை அடையாளம் தெரியாத நபர்களால் சேதப்படுத்தப்பட்டிருக்கிறது. இந்தச் சம்பவம் அடிக்கடி நிகழ்வதால், விசாரணை தீவிரப்படுத்தப்பட்டிருக்கிறது. ரஷ்யாவில் 12 வயது சிறுமி, போருக்கு எதிராக ஓவியம் வரைந்ததால், அவரின் தந்தைக்கு இரண்டு ஆண்டுகள் சிறைத் தண்டனை விதிக்கப்பட்டிருக்கிறது. அமெரிக்கப் பள்ளியில் நடத்தப்பட்ட துப்பாக்கிச்சூட்டில் கொலையாளி ஏழு துப்பாக்கிகளைச் சட்டபூர்வமாக வாங்கியது கண்டுபிடிக்கப்பட்டிருக்கிறது. இதில் மூன்று துப்பாக்கிகளைப் பயன்படுத்தி ஆறு பேர் கொல்லப்பட்டனர். கிரீஸ் நாட்டின் யூத உணவகத்தில் தீவிரவாதத் தாக்குதல் நடத்தியதாக இரண்டு பாகிஸ்தானியர்கள் கைதுசெய்யப்பட்டிருக்கின்றனர். இங்கிலாந்தில் போதைப்பொருள்களால் ஏற்படும் குற்றங்களைக் குறைக்கும் நோக்கில் நைட்ரஸ் ஆக்சைட் (Laughing Gas) தடைசெய்யப்படவிருக்கிறது. பிரான்ஸில் நீண்ட நாள்களாகப் புதிய ஓய்வூதியக் கொள்கைகளுக்கு எதிராக மக்கள் போராடி வருகின்றனர். இந்த நிலையில், நேற்று 7,40,000 பேர் பங்கேற்ற போராட்டத்தில், காவலர்களுக்கும், மக்களுக்குமிடையே மோதல் ஏற்பட்டு பல இடங்களில் வன்முறை வெடித்தது.
http://dlvr.it/SljHXS

Read More

பீலே, மரடோனா அருகில் அமைக்கப்படும் மெஸ்ஸியின் சிலை! - யாரால், எங்கு தெரியுமா?

அர்ஜெண்டினாவின் நட்சத்திர கால்பந்து வீரரான லியோனல் மெஸ்ஸிக்கு அவருடைய சிலை, கோப்பை, கமாண்ட் ஆஃப் புட்பால் போன்ற கவுரங்களை வழங்கி சிறப்பித்திருக்கும் CONMEBOL, அதன் அருங்காட்சியகத்தில் பீலே மற்றும் மரடோனாவுக்கு அருகில் லியோனல் மெஸ்ஸியின் சிலையும் வைக்கப்படும் என்று மிகப்பெரிய கவுரவத்தை வழங்கியுள்ளது. நடந்துமுடிந்த கால்பந்து உலகக்கோப்பையை அர்ஜெண்டினா 36 வருடங்கள் கழித்து வென்றதற்கான கொண்டாட்டங்கள் இன்னும் முடியவில்லை என்றே தோன்றுகிறது. அந்தளவுக்கு கொண்டாட்டங்கள் தொடர்ந்துக்கொண்டே இருக்கின்றன. இதில் முக்கிய பங்கு, அந்த அணியின் கேப்டனாக இருந்து வழிநடத்திய நட்சத்திர வீரர் லியோனல் மெஸ்ஸிக்கு உண்டு என சொல்லலாம். ஏனெனில் அவர்தான் அர்ஜெண்டினா அணியை இறுதிப்போட்டி வரை எடுத்துச் சென்றார். விறுவிறுப்பாக நடைபெற்ற அந்த இறுதிப்போட்டியில் பெனால்டி கிக் வரை சென்று, கடைசிக் கட்டத்தில் 4-2 என்ற கோல் கணக்கில் பிரான்ஸ் அணியை வீழ்த்தி வெற்றிபெற்றது அர்ஜெண்டினா அணி. 36 வருட கோப்பை கனவிற்கான காத்திருப்பிற்கு முற்றுப்புள்ளி வைத்த லியோனல் மெஸ்ஸிக்கு, 2022ஆம் ஆண்டு ஃபிஃபா உலகக்கோப்பையின் சிறந்த வீரர் என்ற விருதும், தங்கப்பந்து விருதும் வழங்கி கவுரவிக்கப்பட்டது. மேலும் கோப்பையை வென்றுவிட்டு நாடு திரும்பிய அர்ஜெண்டினா வீரர்களுக்கு கொண்டாட்டத்திற்கான உச்சியில் வரவேற்பு அளிக்கப்பட்டது. இந்நிலையில் இன்னும் கோப்பையை வென்றதற்கான கொண்டாட்டங்கள் முடிவுபெறாமல் தொடர்ந்து கொண்டே இருக்கின்றன. அந்தவகையில் CONMEBOL என சுருக்கமாக அழைக்கப்படும் தென் அமெரிக்க கால்பந்து கூட்டமைப்பு ஆனது, 35 வயதான மெஸ்ஸிக்கு அவரது சிலை, தலைமைக்கான கோல், கோப்பைக்கான பிரதி மற்றும் கமாண்ட் ஆஃப் புட்பால் போன்றவற்றை வழங்கி கவுரவித்துள்ளது. அதுமட்டுமல்லாமல் CONMEBOL அருங்காட்சியகத்தில் வைக்கப்பட்டுள்ள புகழ்பெற்ற வீரர்களான பீலே மற்றும் டியாகோ மரடோனாவின் சிலைகளுடன் இணைந்து மெஸ்ஸியின் சிலையும் வைக்கப்படும் என்று கூறி உயர்ந்தபட்ச கவுரத்தை மெஸ்ஸிக்கு வழங்கி பெருமைப்படுத்தியுள்ளது. உலகக்கோப்பையை வென்றதற்கு மட்டுமில்லாமல், இத்தாலியை வீழ்த்தி அர்ஜென்டினா வென்ற ஃபைனலிசிமா கோப்பைக்கான கவுரமும் மெஸ்ஸிக்கு வழங்கப்பட்டது. அதனைத்தொடர்ந்து மெஸ்ஸியின் அர்ஜென்டினா அணியினர் மற்றும் பயிற்சியாளர் லியோனல் ஸ்கலோனி அனைவரும், 2021 கோபா அமெரிக்கா டிரோபி முதலிய மினியேச்சர் கோப்பைகளை வென்றதற்கான பிரதிகளையும் பெற்றுக்கொண்டனர். நிகழ்வில் பங்கேற்ற மெஸ்ஸி பேசும் போது, “நாங்கள் மிகவும் ஸ்பெஷலான, அழகான தருணத்தில் வாழ்ந்து வருகிறோம். அதிகப்படியான அன்பைப் பெறுகிறோம்” என்று உணர்ச்சிபெருக்கில் கூறினார். மேலும், “இது தென் அமெரிக்க அணி மீண்டும் உலகக் கோப்பையை வெல்லும் நேரம்” என்று குறிப்பிட்டார். நிகழ்ச்சியில் முடிவில் தென் அமெரிக்க நாடுகள் பங்குபெற்று விளையாடும் கோபா லிபர்டடோர்ஸ் தொடரின் நேரம், அட்டவணை அறிவிக்கப்பட்டது.
http://dlvr.it/SlfKCX

Read More

மதுப்பழக்கமே இல்லாதவர் மது அருந்தியதாக ப்ரீத் அனலைசர் காட்டிய விவகாரம்: காவல்துறை விளக்கம்

மதுப்பழக்கமே இல்லாத ஒரு நபரை, மது அருந்தியதாக ப்ரீத் அனலைசர் காட்டியது தொடர்பாக விசாரணை நடத்த உள்ளதாக சென்னை போக்குவரத்து காவல்துறையின் கூடுதல் ஆணையர் தெரிவித்துள்ளார். சென்னை சாலிகிராமம் பகுதியைச் சேர்ந்தவர் தீபக். இவர் ராயப்பேட்டை பகுதிக்கு வேலை விஷயமாக சென்று விட்டு எல்டாம்ஸ் சாலை வழியாக சாலிகிராமம் நோக்கி தன்னுடைய காரில் சென்று கொண்டிருந்தார். அப்போது அங்கு பணியில் இருந்த தேனாம்பேட்டை சட்டம் - ஒழுங்கு காவலர்களான இளங்கோவன் உள்ளிட்டோர் தீபக்கின் வாகனத்தை மடக்கியுள்ளனர். அவர் மது அருந்தியுள்ளாரா என ப்ரீத் அனலைசர் இயந்திரத்தைக் கொண்டு சோதனை செய்தனர். அப்போது தீபக் மது அருந்தியிருப்பதாகவும், தீபக்கின் உடலில் 45 சதவிகிதம் ஆல்கஹால் இருப்பதாகவும் போலீசார் கூறியுள்ளனர். மது அருந்தும் பழக்கமே இல்லாத தீபக் இதை கேட்டு அதிர்ச்சியடைந்துள்ளார். காவலர்களிடம், தனக்கு மது அருந்தும் பழக்கமே இல்லை எனவும், உங்களுடைய இயந்திரம் கோளாறாக உள்ளது எனவும் வாக்குவாதத்தில் ஈடுபட்டார். அப்போது மது அருந்திவிட்டு வாகனம் ஓட்டுவது தொடர்பாக ரசீதில் கையெழுத்திடுங்கள் என போலீசார் வற்புறுத்தியுள்ளனர். தொடர்ந்து தீபக் தான் மது அருந்தவில்லை என வாக்குவாதம் செய்ததால் போலீசார் வாகனத்தில் இருந்த மற்றொரு ப்ரீத் அனலைசர் இயந்திரத்தை எடுத்து 2 முறை சோதனை செய்தபோது, 2 முறையும் தீபக் மது அருந்தவில்லை, அவருடைய உடலில் 0 அளவு ஆல்கஹால் இருப்பதாக வந்துள்ளது. அதன்பிறகு தீபக்கை போலீசார் விடுவித்துள்ளனர். இந்நிலையில் இதுதொடர்பாக போலீசார் வற்புறுத்தும் வகையிலான வீடியோ காட்சிகள் வெளியாகி, தற்போது வைரலாகி வருகிறது. இந்த நிலையில் இது குறித்து சென்னை போக்குவரத்து காவல்துறையின் கூடுதல் ஆணையர் கபில் குமார் சராட்கர், ‘இதுவரை இது போன்று நிகழ்வு நடந்ததில்லை. சென்னை காவல்துறையில் 320 ப்ரீத் அனலைசர் இயந்திரங்கள் உள்ளது. அதில் இதுபோன்று பிரச்னைகள் இருந்ததில்லை’ என்று கூறியுள்ளார். எனினும் இதுகுறித்து விசாரணை செய்ய உள்ளதாக அவர் தெரிவித்துள்ளார்.
http://dlvr.it/SlfK20

Read More

யாருக்கெல்லாம் உரிமைத் தொகை ரூ1000 கிடைக்கும்? - பேரவையில் முதல்வர் கொடுத்த விளக்கம்

மகளிர் உரிமைத் தொகை யார் யாருக்கு வழங்கப்படும் என்பது குறித்து சட்டப்பேரவையில் இன்று முதலமைச்சர் மு.க.ஸ்டாலின் விளக்கம் அளித்தார்.  தொடக்கத்திலேயே, ”இந்த மகளிர் உரிமைத் தொகை திட்டம் இரண்டு நோக்கங்களை கொண்டது. பிரதிபலன் பாராமல் வாழ்நாளெல்லாம் ஓயாமல் உழைத்துக் கொண்டிருக்கும் பெண்களின் உழைப்புக்கு கொடுக்கும் அங்கீகாரம் முதன்மையானது” என்று அழுத்தமாக தனது கருத்தினை அவர் பதிவு செய்தார். பின்னர் பேசிய முதல்வர், ”அடுத்து ஆண்டுக்கு 12 ஆயிரம் ரூபாய் உரிமை தொகை என்பது பெண்களை வாழ்வாதாரத்திற்கு உறுதுணையாக இருந்து வறுமையை ஒழித்து வாழ்க்கை தரத்தை உயர்த்தி சுயமரியாதையோடு சமூகத்தில் வாழ்வதற்கு உறுதுணையாக இருக்க வேண்டும் என்பதாகும். மகளிர் சமூக பங்களிப்பை அங்கீகரிக்கும் விதமாக அறிவிக்கப்பட்டு இருக்கக்கூடிய மாதம் ஆயிரம் ரூபாய் என்பது தேவைப்படும் குடும்பத் தலைவிகள் அனைவருக்கும் அவரவர் வங்கி கணக்கில் நேரடியாக செலுத்தப்படும்” என்றார். ”நடைபாதையில் வணிகம் செய்திடும் மகளிர், அதிகாலையில் கடற்கரை நோக்கி விரைந்திடும் மீனவ மகளிர், கட்டுமான தொழிலில் பணிபுரியும் மகளிர், சிறிய கடைகள் வணிகம் மற்றும் சிறு நிறுவனங்களில் சொற்ப ஊதியத்தில் பணிபுரியக்கூடிய மகளிர் ஒரே நாளில் ஒன்றுக்கு மேற்பட்ட இல்லங்களில் பணிபுரியக்கூடிய பெண்கள் என பல்வேறு வகைகளில் தங்கள் விலைமதிப்பில்லா உழைப்பே தொடர்ந்து வழங்கிவரும் பெண்கள் இந்தத் திட்டத்தால் பயன்பெறுவார்கள்..” என்று முதல்வர் கூறினார். அத்துடன், இந்த திட்டத்திற்கான வழிகாட்டு முறைகள் விரைவில் வெளியிடப்படும் என்றும் முதல்வர் மு.க.ஸ்டாலின் தெரிவித்தார். மேலும் விரிவாகத்தெரிந்துக்கொள்ள கீழே இருக்கும் லிங்கை கிளிக் செய்க.
http://dlvr.it/SlbKFh

Read More

எடியூரப்பா வீடு மீது கல்வீசி தாக்குதல்.. வீட்டில் இருந்த பாஜக கொடி அகற்றம் - பின்னணி என்ன?

கர்நாடக முன்னாள் முதல்வர் எடியூரப்பா வீடு மீது போராட்டக்காரர்கள் கல்வீசி தாக்குதல் நடத்திய சம்பவம் பரபரப்பை ஏற்படுத்தியுள்ளது. கர்நாடகா முன்னாள் முதல்வர் எடியூரப்பா வீட்டின் மீது கல்வீசி தாக்குதல் நடத்தப்பட்டுள்ளது. ஜன மனஷா மையத்தின் பரிந்துரையை எதிர்த்து ஷிகாரிபுரா தாலுகா பஞ்சாரா சமாஜ் சார்பில் போராட்டம் நடைபெற்றது. இந்தப் போராட்டம் தீவிரமடைந்ததால் போராட்டக்காரர்கள் எடியூரப்பா வீடு மீது கற்களை வீசி தாக்குதல் நடத்தினர். சமீபத்தில் கர்நாடக அமைச்சரவை இடஒதுக்கீடு தொடர்பாக எடுத்த முடிவுக்கு எதிராக போராட்டம் நடைபெற்றது. இடஒதுக்கீடு பிரிக்கப்பட்ட விதத்தில், தங்களின் பங்கு குறைக்கப்பட்டதாக பஞ்சாரா சமூகத்தினர் நடத்திய போராட்டத்தில் வன்முறை வெடித்தது. இதன் காரணமாக, கர்நாடகா முன்னாள் முதல்வர் எடியூரப்பா வீட்டின் மீது கல்வீசி தாக்குதல் நடத்தினர். மேலும் அவரது வீட்டில் இருந்த பாஜக கொடியை அகற்றிவிட்டு பஞ்சாரா சமூகத்தின் கொடியை ஏற்றினர். இந்த தாக்குதலில் வீட்டின் ஜன்னல் கண்ணாடிகள் உடைந்தன. போராட்டக்காரர்கள் தடுப்புகளை தள்ளி, போலீசார் மீதும் கற்களை வீசி தாக்குதல் நடத்தினர். இதனால் போலீசார் சிலருக்கு லேசான காயம் ஏற்பட்டது. போராட்டக்காரர்களை கட்டுப்படுத்த முடியாமல் போலீசார் திணறி வருகின்றனர். சம்பவ இடத்திற்கு கூடுதல் போலீசார் அனுப்பி வைக்கப்பட்டுள்ளனர். அங்கு சென்ற போலீசார் போராட்டத்தில் ஈடுபட்டவர்கள் மீது தடியடி நடத்தினர். மேலும், போலீஸ் சூப்பிரண்டு ஜி மிதுன் குமன், எடியூரப்பா வீட்டுக்குச் சென்று ஆய்வு நடத்தி வருகிறார். பஞ்சாரா சமூகத்தினர் பட்டியல் பழங்குடி சமூகத்தில் உள் இடஒதுக்கீடு கேட்டு போராடி வருகின்றனர். இந்த நிலையில், இடஒதுக்கீடு தொடர்பான ஏ.ஜே.சதாசிவ குழுவின் அறிக்கையை அமல்படுத்த மத்திய அரசுக்கு பரிந்துரை செய்த மாநில அரசின் முடிவுக்கு எதிராக பஞ்சாரா சமூகத்தினர் போராட்டம் நடத்தினர். இந்தப் போராட்டம்தான் தற்போது வன்முறையாக வெடித்துள்ளது. ”அரசின் இந்த நடவடிக்கை பஞ்சரா சமூகத்துக்கு அநீதி இழைக்கும். ஆகவே இந்த பரிந்துரையை உடனடியாக மாநில அரசு திரும்பப் பெற வேண்டும்” எனவும் பஞ்சாரா சமூக மக்கள் தெரிவித்துள்ளனர்.இதுகுறித்து கர்நாடக காங்கிரஸ் தலைவர் டி.கே.சிவகுமார், “இதன்மூலம் பாஜக, அனைத்து சமூக மக்களையும் பிளவுபடுத்த முயல்கிறது” என தெரிவித்துள்ளார். - ஜெ.பிரகாஷ்
http://dlvr.it/SlbK2b

Read More

“சிவாஜி கணேசன் இல்லைன்னா நான் இல்ல” - ‘முதல் மரியாதை’ ரீ-ரிலீஸில் பாரதிராஜா நெகிழ்ச்சி

“'முதல் மரியாதை'  போன்ற ஒரு படைப்பை நான் நினைத்தாலும் மறுபடியும் எடுக்க முடியாது” என்று கூறியிருக்கிறார் இயக்குநர் பாரதிராஜா. இயக்குநர் பாரதிராஜா இயக்கி நடிகர் திலகம் சிவாஜி கணேசன், நடிகை ராதா, சத்யராஜ், தீபன் நடித்து, இசைஞானி இளையராஜா இசையிலும் கவிஞர் வைரமுத்து வரிகளிலும் 1985ஆம் ஆண்டு வெளியானது 'முதல் மரியாதை' திரைப்படம். இப்படம் வெளியாகி 38 ஆண்டுகள் நிறைவடைந்துள்ளது. இந்நிலையில் தமிழ்நாடு முழுவதும் உள்ள 67 திரையரங்குகளில் டிஜிட்டல் முறையில் இப்படம் தற்போது ரீ-ரிலீஸ் செய்யப்பட்டுள்ளது. இதில் சென்னையில் 12 திரையரங்குகளில் முதல் மரியாதை திரைப்படம் திரையிடப்பட்டுள்ளது. இதனைக் காண படத்தின் இயக்குநர் பாரதிராஜா சென்னையில் உள்ள தனியார் திரையரங்கிற்கு நேற்று சென்றார். படத்தை காணும் முன் இயக்குநர் பாரதிராஜா செய்தியாளர்களை சந்தித்தார். அப்போது அவர் கூறுகையில், “சினிமாவில் நுழைந்தவர்கள் எல்லாம் ஜெயித்து விட முடியாது. நடிகர் திலகம் சிவாஜி கணேசன் இல்லை என்றால் இந்த பாரதிராஜா இல்லை. சிவாஜி போட்ட பிச்சை தான், இதுவரையில் நான் நடிக்க காரணம். இதுபோன்ற ஒரு படைப்பை நானே நினைத்தாலும் மறுபடியும் எடுக்க முடியாது. படத்தில் நடித்த கதாபாத்திரங்கள் ராதா, சத்யராஜ், தீபன் உள்ளிட்டோர் மிகவும் சிறப்பாக நடித்திருந்தனர். ஒளிப்பதிவாளர் கண்ணன், இசையமைப்பாளர் இளையராஜா, பாடலாசிரியர் வைரமுத்து ஆகியோர் இந்த படத்திற்கு மேலும் சிறப்பு சேர்த்தனர்” என்றார். இதைத்தொடர்ந்து செய்தியாளர்கள் தரப்பிலிருந்து பாரதிராஜாவிடம் ‘முதல் மரியாதை திரைப்படத்தில் நடிகை ராதா கதாபாத்திரம் பரிசல் ஓட்டும் பெண்ணாக இருப்பார். அதே வேலை செய்யும் கதாபாத்திரத்தில் பொன்னியின் செல்வனில் பூங்குழலி இருக்கிறார். இதை நீங்கள் எப்படி பார்க்கிறீர்கள்?’ என்று கேட்டனர். அதற்கு பதிலளித்த இயக்குநர் பாரதிராஜா, “இரண்டு கதாபாத்திரங்களும் வேறு வேறு. இரண்டையும் கலந்து பார்ப்பது தவறு. ஒரு கலைஞனின் படைப்பு மிகவும் முக்கியமானது. நான் இயக்குநர் மணிரத்னம் மீது மிகுந்த மரியாதை கொண்டிருக்கிறேன்'' என்றார்.
http://dlvr.it/SlXN5Y

Read More

”உங்களை போன்ற எதேச்சதிகாரிகளுக்கெல்லாம்...” - மு.க.ஸ்டாலினை கடுமையாக விமர்சித்த அண்ணாமலை!

ராகுல் காந்திக்கு விதிக்கப்பட்ட சிறை தண்டனையும், அவருடைய பதவியை பறித்ததும்தான் இந்தியா முழுவதும் தற்போது பெரும் பரபரப்பை ஏற்படுத்திக் கொண்டிருக்கிறது. 2019ம் ஆண்டு நாடாளுமன்ற தேர்தலுக்காக கர்நாடகாவின் கோலார் பகுதியில் நடத்தப்பட்ட பரப்புரையில், “எல்லா திருடர்களுக்கும் மோடி என்ற குடும்பப் பெயர் இருப்பது எப்படி?” என முன்னாள் காங்கிரஸ் தலைவர் ராகுல் காந்தி பேசியது, மறைமுகமாக பிரதமர் நரேந்திர மோடியை குறிப்பிடுவதை போல இருப்பதாகவும், மோடி என்ற சமூகத்தினரை அவமதிப்பதாகவும் சொல்லி குஜராத்தின் முன்னாள் பாஜக அமைச்சரும் எம்.எல்.ஏவுமான புர்னேஷ் மோடி என்பவர் அவதூறு வழக்கு தொடர்ந்திருந்தார். அது சூரத் நகரில் உள்ள chief judicial magistrate ஹெச்.ஹெச்.வர்மா தலைமையில் விசாரணைக்கு வந்தபோது அவர் ராகுல் காந்தியை குற்றவாளி என அறிவித்து அவருக்கு 2 ஆண்டுகள் சிறை தண்டனையும் விதித்தார். இதன் காரணமாக அவரது மக்களவை உறுப்பினர் பதவியை பறிக்கப்பட்டதாகவும் அடுத்த 8 ஆண்டுகளுக்கு அவர் தேர்தல்களில் போட்டியிட தடை விதிக்கப்பட்டதாகவும் தெரிவிக்கப்பட்டிருக்கிறது. இதனையடுத்து அரசியல் தலைவர்கள், சமூக ஆர்வலர்கள், அரசியல் விமர்சகர்கள் என பலரும் ராகுல் காந்தி மீதான நடவடிக்கைக்கு எதிர்ப்பும் கண்டனமும் தெரிவித்த வண்ணம் இருக்கிறார்கள். ALSO READ:  ‘2 ஆண்டு சிறை; 1 மாதம் ஜாமீன்...’ நீதிமன்ற தீர்ப்பும், ராகுல் காந்தியின் எதிர்வினையும்! அந்த வகையில், தமிழ்நாடு முதலமைச்சரான மு.க.ஸ்டாலின், “ராகுல் காந்தி மேல்முறையீடு செய்வதற்கு முன்பே அவரது எம்.பி. பதவியை பறித்ததாக அறிவித்திருப்பது ஜனநாயகத்தின் மீது அடிக்கப்பட்ட சாவு மணி” என்றும், “பாஜகவின் இந்த பழிவாங்கும் அரசியல் எதேச்சதிகாரமாக உருமாறி ஆபத்தான வேகத்தில் செல்கிறது.” என்றும் குறிப்பிட்டு நேற்று அறிக்கை வெளியிட்டார். இதனை ட்விட்டரில் இன்று ரீட்வீட் செய்த தமிழ்நாடு பாஜக தலைவர் அண்ணாமலை, “வரலாறு பேசும் திரு.மு.க.ஸ்டாலின். கடந்த 2013ம் ஆண்டு செப்டம்பர் 28ம் தேதி தகுதி நீக்கம் செய்யப்பட்ட எம்.எல்.ஏ., எம்.பிக்கள் தங்களது பதவியை மீட்க 3 மாத அவகாசம் கொடுக்கும் சட்டத் திருத்தத்தை கிழித்து எறிந்தவர் ராகுல் காந்தி. அது முழுக்க முழுக்க முட்டாள்தனம். ஓ.பி.சி. உட்பட சில சமுதாய மக்களை அவமதித்ததற்காகவும், அதற்கு மன்னிப்பு கேட்காததற்காகவும் நீதிமன்றத்தால் தகுதி நீக்கம் செய்யப்பட்டிருக்கிறார் ராகுல் காந்தி. மன்னிப்பு கேட்பதையே வழக்கமாக கொண்டிருந்தவர் ராகுல் காந்தி. பொது இடங்களில் பொய் பரப்பிவிட்டு பின்னர் மன்னிப்பு கேட்பார். ஆகையாலேயே இந்த தீர்ப்பு பொய் பேசுவதை பழக்கமாக கொண்டிருப்பவர்களை உலுக்கியிருக்கிறது. ரஃபேல் விவகாரம் குறித்து பிரதமர் மோடி மீது குற்றஞ்சாட்டியதற்காக உச்ச நீதிமன்றத்தில் நிபந்தனையற்ற மன்னிப்பு கேட்டு 3 பக்கத்திற்கு எழுதி கொடுத்தவர் இந்த ராகுல் காந்தி. உங்களது அரசையே கவிழ்த்தவர்களோடுதான் கூட்டணியில் இருக்கிறீர்கள் என்பதை வரலாறு உங்களுக்கு நினைவூட்டியிருக்க வேண்டும். ஜனநாயகத்தை ஆதரிக்கும் மக்களாக மாறுவேடத்தில் இருக்கும் உங்களைப் போன்ற எதேச்சதிகாரிகளுக்கு என்ன காத்திருக்கிறது என்பதை நாங்கள் நிச்சயமாக அறிவோம்.” என குறிப்பிட்டிருக்கிறார். In 2019, Rahul Gandhi submitted a 3-page unconditional apology to the Supreme Court for faking up corruption charges against Hon PM Thiru @narendramodi avl in the Rafale deal. (3/4) — K.Annamalai (@annamalai_k) March 25, 2023
http://dlvr.it/SlVFY4

Read More

ஐபிஎல் கோப்பையை வெல்லுமா சென்னை சூப்பர் கிங்ஸ்? அணியின் நிலை என்ன?

இன்னும் ஒரே வாரத்தில் 16வது ஐபிஎல் திருவிழா நடைபெற இருக்கிறது. இதற்கான பயிற்சியில் 10 அணி வீரர்களும் தீவிரமாக ஈடுபட்டு வருகின்றனர். இந்த நிலையில், சென்னை சூப்பர் கிங்ஸ் அணியின் நிலை குறித்து இங்கு அறிவோம். இந்தியாவின் மிகப்பெரிய விளையாட்டுத் திருவிழாவான ஐபிஎல் தொடரின் 16வது சீசன் வரும் மார்ச் 31 முதல் கோலாகலமாக தொடங்க இருக்கிறது. இந்த வருட சீசனின் முதல் போட்டியில் நடப்பு சாம்பியன் குஜராத்தை முன்னாள் சாம்பியன் சென்னை சூப்பர் கிங்ஸ் எதிர்கொள்கிறது. கடந்த 2008 ஐபிஎல் முதல் சென்னை சூப்பர் கிங்ஸ் அணியின் கேப்டனாக எம்.எஸ்.தோனி செயல்பட்டு வருகிறார். கடந்த ஆண்டு நடைபெற்ற 15வது சீசனில் தோனியுன் முழு ஆதரவுடன் கேப்டனாகப் பொறுப்பேற்ற ஆல்ரவுண்டர் ரவீந்திர ஜடேஜா, தொடக்க போட்டிகளில் சிறப்பாகச் செயல்படாததையடுத்து தன் பதவியிலிருந்து விலகினார். இதையடுத்து பிற்பகுதி ஆட்டங்களுக்காக மீண்டும் கேப்டன் பதவியை ஏற்றார், தோனி. ஆனாலும், கடந்த சீசன் சென்னை அணிக்கு ஏமாற்றமே மிஞ்சியது. 2022 சீசனில், 10 அணிகள் கொண்ட போட்டியில் வெறும் எட்டு புள்ளிகளுடன் ஒன்பதாவது இடத்தை மட்டுமே சென்னை அணி பிடித்தது. தொடக்க போட்டிகளின் தோல்வியே இந்த நிலையை எட்டுவதற்குக் காரணமாக அமைந்தது. ஆனால், இந்த முறை எப்படியும் கோப்பையை வெல்லும் முனைப்பில் சென்னை அணி உள்ளது. மேலும், இந்த தொடரே தோனிக்கு கடைசியாக இருக்கும் என்று சொல்லப்படுகிறது. இதனால் இந்தக் கோப்பையை வென்றுதரும் முயற்சியில் தோனி தீவிரமாக இருப்பதாகவும் சொல்லப்படுகிறது. இதற்காக தோனி தலைமையிலான சென்னை சூப்பர் கிங்ஸ் அணி, தற்போது சென்னையில் முகாமிட்டு பயிற்சி மேற்கொண்டு வருகிறது. இந்த சீசனில், சென்னை அணி, டெவோன் கான்வே மற்றும் ருதுராஜ் கெய்க்வாட் ஆகியோரை தொடக்க பேட்டர்களாய் களமிறக்கும் என்று கூறப்படுகிறது. மேலும், கடந்த ஆண்டு டிசம்பரில் நடைபெற்ற ஐபிஎல் ஏலத்தில் இங்கிலாந்து ஆல்ரவுண்டர் பென் ஸ்டோக்ஸை ரூ.16.25 கோடிக்கு சென்னை சூப்பர் கிங்ஸ் அணி வாங்கியுள்ளது. இவர் முக்கிய போட்டிகளில் சிறப்பான ஆட்டத்தை வெளிப்படுத்தும் மேட்ச் வின்னர். இவர், சென்னை அணியுடன் இணைந்திருப்பதால் அது அணிக்கு கூடுதல் பலம் சேர்க்கும் என்று சொல்லப்படுகிறது. தவிர, 4வது வரிசையில் களம் இறக்கப்படலாம் என்று தெரிகிறது. நடுவரிசையில் ஷிவம் துபே, மொயீன் அலி, ரவீந்திர ஜடேஜா ஆகிய ஆல்ரவுண்டர்கள் உள்ளனர். இதற்கிடையே நம்பிக்கை நட்சத்திரமாக கேப்டன் தோனி உள்ளார். ஆகையால் இந்த முறை சென்னை அணி, ஓர் சிறந்த படையை வைத்திருப்பதாகவும், 5வது முறையாக ஐபிஎல் கோப்பையை வெல்லும் அணியாக இருக்கும் எனவும் கிரிக்கெட் வல்லுநர்களால் கணிக்கப்பட்டுள்ளது. அதுபோல் பந்துவீச்சிலும் சிறந்த வீரர்களை சென்னை அணி கொண்டுள்ளது. தீபக் சாஹர் அணிக்கு மீண்டும் திரும்பியிருக்கிறார். முகேஷ் சவுத்ரி, மகேஷ் தீக்ஷனா ஆகியோரும் சிறந்த பங்களிப்பைக் கொடுக்கக்கூடியவர்கள். கடந்த சீசனில் சென்னை அணியின் பந்துவீச்சு சுமாராகவே இருந்தது. ஆனால், இந்த முறை அதை ஈடுகட்டும் எனத் தெரிகிறது. மேலும், தமிழக ரசிகர்களால் ’தல’ என அன்புடன் அழைக்கப்படும் தோனி, முதல் சீசனிலிருந்து சென்னையை மிகச் சிறப்பாக வழி நடத்தி வருகிறார். அவர் சென்னைக்காக 4 கோப்பைகளை (2010, 2011, 2018, 2021) வென்று கொடுத்து ஐபிஎல்லின் 2வது வெற்றிகரமான அணியாக திகழ்வதற்கு முக்கிய காரணமாகச் செயல்பட்டு வருகிறார். குறிப்பாக 13 சீசன்களில் 11 முறை பிளே ஆப் சுற்றுக்கு அழைத்துச் சென்றுள்ளார். அதே வீறுநடை இப்போதும் சென்னை அணியிடம் தொடரும் என எதிர்பார்க்கப்படுகிறது. 2023 ஐபிஎல் தொடரில் சென்னை சூப்பர் கிங்ஸ் அணியின் முழு அட்டவணை: 1. மார்ச் 31, இரவு 7.30 : குஜராத் டைட்டன்ஸ் V சென்னை சூப்பர் கிங்ஸ், அகமதாபாத் 2. ஏப்ரல் 3, இரவு 7.30 : சென்னை சூப்பர் கிங்ஸ் V லக்னோ சூப்பர் ஜெயின்ஸ், சென்னை 3. ஏப்ரல் 8, இரவு 7.30: மும்பை இந்தியன்ஸ் V சென்னை சூப்பர் கிங்ஸ், மும்பை 4. ஏப்ரல் 12, இரவு 7.30: சென்னை சூப்பர் கிங்ஸ் V ராஜஸ்தான் ராயல்ஸ், சென்னை 5. ஏப்ரல் 17, இரவு 7.30: ராயல் சேலஞ்சர்ஸ் பெங்களூரு V சென்னை சூப்பர் கிங்ஸ், பெங்களூரு 6. ஏப்ரல் 21, இரவு 7.30: சென்னை சூப்பர் கிங்ஸ் V சன் ரைசர்ஸ் ஹைதராபாத், சென்னை 7. ஏப்ரல் 23, இரவு 7.30: கொல்கத்தா நைட் ரைடர்ஸ் V சென்னை சூப்பர் கிங்ஸ், கொல்கத்தா 8. ஏப்ரல் 27, இரவு 7.30: ராஜஸ்தான் ராயல்ஸ் V சென்னை சூப்பர் கிங்ஸ், ஜெய்ப்பூர் 9. ஏப்ரல் 30, மதியம் 3.30: சென்னை சூப்பர் கிங்ஸ் V பஞ்சாப் கிங்ஸ், சென்னை 10. மே 4, மதியம் 3.30: லக்னோ சூப்பர் ஜெய்ன்ட்ஸ் V சென்னை சூப்பர் கிங்ஸ், லக்னோ 11. மே 6, மதியம் 3.30: சென்னை சூப்பர் கிங்ஸ் மும்பை இந்தியன்ஸ், சென்னை 12. மே 10, இரவு 7.30: சென்னை சூப்பர் கிங்ஸ் V டெல்லி கேப்பிடல்ஸ், சென்னை 13. மே 14, இரவு 7.30: சென்னை சூப்பர் கிங்ஸ் V கொல்கத்தா நைட் ரைடர்ஸ், சென்னை 14. மே 10, மதியம் 3.30: டெல்லி கேப்பிட்டல்ஸ் V சென்னை சூப்பர் கிங்ஸ், டெல்லி சென்னை அணி வீரர்கள் எம்எஸ் தோனி (கேப்டன்), டேவோன் கான்வே, ருதுராஜ் கைக்வாட், அம்படி ராயுடு, சுபிரான்ஷு சேனாபதி, மொயின் அலி, ஷிவம் துபே, ராஜ்வர்தன் ஹங்கர்கேகர் , டிவைன் பிரிடோரிஸ், மிட்செல் சாண்ட்னெர், ரவீந்திர ஜடேஜா, துஷார் தேஷ்பாண்டே, முகேஷ் சௌத்ரி, மதீஷா பதிரானா, சிமர்ஜீத் சிங், தீபக் சஹர், பிரஷாந்த் சோலங்கி, மஹீஸ் தீக்ஷனா, அஜிங்க்ய ரகானே, பென் ஸ்டோக்ஸ், ஷைக் ரஷீத், நிஷாந்த் சிந்து, கைல் ஜேமிசன் , அஜய் மண்டல், பகத் வர்மா. - ஜெ.பிரகாஷ்
http://dlvr.it/SlS5pz

Read More

“அப்ரிடிதான் எனக்காக 40-50 லட்சம் வரை செலவு செய்தார்”- பாக். முன்னாள் வீரர் நெகிழ்ச்சி

“என்னை விஷம் வைத்து கொல்ல முயன்றார்கள்” என பாகிஸ்தான் அணியின் முன்னாள் தொடக்க வீரரான இம்ரான் நசீர் தெரிவித்திருப்பது கிரிக்கெட் உலகில் பரபரப்பை ஏற்படுத்தி உள்ளது. இதுகுறித்து இம்ரான் நசீர் சமீபத்தில் அளித்த பேட்டி ஒன்றில், ”எனக்கு உடல்நலம் மிகவும் பாதிக்கப்பட்டு, அதற்காகச் சிகிச்சை எடுத்துக்கொண்டிருந்தபோது, என்னுடைய மருத்துவ அறிக்கையில் எனக்கு விஷம் கொடுக்கப்பட்டிருப்பதாகத் தெரிய வந்தது. என் உணவில் மெர்குரி என்ற திரவத்தை யாரோ சேர்த்திருக்கிறார்கள். இது கொஞ்சம் கொஞ்சமாக நமது உடல் உறுப்புகளைப் பாதிக்கவைக்கும். இதனால் எலும்பு மூட்டுகளும் தேய்மானம் அடையும். இந்த நோயால் நான் 6 ஆண்டுக்காலம் அவதிப்பட்டு வந்தேன். நான் படுக்கையிலேயே காலம் தள்ளிவிடக்கூடாது என கடவுளிடம் வேண்டிக்கொண்டேன். என்னுடைய பிரார்த்தனை நிறைவேறியது. தற்போது நடைப்பயிற்சி மேற்கொண்டு வருகிறேன். என்னை பார்க்கும் பலரும் நீங்கள் நன்றாக இருக்கிறீர்கள் என்று கூறுகிறார்கள். ஆனால் நான் சாப்பிடுவதில்தான் ஏதோ பிரச்னை இருக்கிறது. இந்த விஷம் உடனடியாக வேலை செய்யாது. பல ஆண்டுகள் கழித்துதான் பாதிக்கும். நான் யாருக்கும் தீங்கு செய்ய நினைத்ததில்லை. ஆனால் என்னை ஏன் கொல்ல முயன்றார்கள் என எனக்கு தெரியவில்லை. நான் சேமித்து வைத்திருந்த பணம் அனைத்தும் மருத்துவச் சிகிச்சைக்காக செலவானது. எனது பெரிய சிகிச்சை ஒன்றுக்கு கொஞ்சம்கூட காசு இல்லை. அப்போது என்னுடைய நிலையை அறிந்த சையது அப்ரிடி எனக்காக 40-50 லட்சம் வரை செலவு செய்தார். எனது மருத்துவருக்கு அப்ரிடி தினமும் பணத்தை அனுப்பிவிடுவார். ‘எவ்வளவு பணம் வேண்டுமானாலும் பரவாயில்லை, என் சகோதரன் பிழைக்க வேண்டும்’ என அவர் மேலாளரிடம் கூறியிருக்கிறார். அப்ரிடிக்கு நான் எந்த வகையில் உதவி செய்யப் போகிறேன் என்று எனக்கு தெரியவில்லை. இந்த பணம் குறித்து அவர் எதுவுமே கேட்டது கிடையாது. என்னுடைய மருத்துவரும் என்னை ஏமாற்றியதில்லை. சிகிச்சைக்குத் தேவையான பணத்தை மட்டுமே வாங்கி இருக்கிறார்” என இம்ரான் நசீர் கூறியிருக்கிறார். தனக்கு சிலர் விஷம் வைத்ததாக இவர் கூறியிருப்பது பாகிஸ்தானில் மட்டுமல்ல, கிரிக்கெட் உலகையே பரபரப்புக்குள்ளாக்கி இருக்கிறது. பாகிஸ்தான் அணியில் தொடக்க பேட்டராக களமிறங்கி விளையாடியவர் இமரான் நசீர். 8 டெஸ்ட் போட்டிகளில் விளையாடிய அவர் 2 சதம் மற்றும் 1 அரைசதத்துடன் 427 ரன்களையும், 79 ஒருநாள் போட்டிகளில் பங்கேற்று 2 சதம் மற்றும் 9 அரைசதங்களுடன் 1895 ரன்களையும் எடுத்துள்ளார். 1999ஆம் ஆண்டு இலங்கைக்கு எதிராக டெஸ்ட் மற்றும் ஒருநாள் போட்டிகளில் அறிமுகமானார். கடைசியாக 2002ஆம் ஆண்டு ஆஸ்திரேலியாவுக்கு எதிராக டெஸ்ட்டில் விளையாடி இருந்தார். அதுபோல் கடைசியாக 2009ஆம் ஆண்டு நியூசிலாந்துக்கு எதிராக ஒருநாள் போட்டியில் விளையாடி இருந்தார். 2007ஆம் ஆண்டு நடைபெற்ற டி20 தொடரின் உலகக்கோப்பையின் இறுதிப்போட்டியில் முதலில் விளையாடிய இந்திய அணி 20 ஓவர்களில் 5 விக்கெட் இழப்புக்கு 157 ரன்கள் எடுத்தது. பின்னர் ஆடிய பாகிஸ்தான் அணியில் தொடக்க பேட்டராய் களமிறங்கிய இந்த இம்ரான் நசீர் 14 பந்துகளில் 33 ரன்கள் எடுத்து இந்தியாவுக்கு அச்சுறுத்தலைத் தந்தார். என்றாலும், இந்த அறிமுகத் தொடரிலேயே இந்திய அணி மகுடம் சூடியது குறிப்பிடத்தக்கது. அதுபோல் 2007ஆம் ஆண்டு நடைபெற்ற 50 ஓவர் உலகக்கோப்பையிலும் பாகிஸ்தான் அணியில் இடம்பிடித்திருந்த நசீர், ஜிம்பாப்வேவுக்கு எதிரான போட்டியில் 121 பந்துகளில் 160 ரன்கள் எடுத்து மலைக்கவைத்தார். இது, அவருடைய அதிகபட்ச ரன்னாகவும் பதிவாகியதுடன், அந்தப் போட்டியில் பாகிஸ்தான் வெற்றிபெற்றது.
http://dlvr.it/SlPDC8

Read More

”திவாலான சிலிக்கான் வேலி வங்கியில் கோடிக்கணக்கான பணத்தை இழந்துவிட்டேன்” - அமெரிக்க நடிகை!

சிலிக்கான் வேலி வங்கியில் தான் முதலீடு செய்த பணத்தை இழந்ததாக அமெரிக்க நடிகை ஷரோன் ஸ்டோன் தெரிவித்திருப்பது உலக அளவில் அதிர்ச்சியை ஏற்படுத்தியுள்ளது. அமெரிக்காவின் 16ஆவது மிகப்பெரிய வங்கியான கலிபோர்னியாவைச் சேர்ந்த சிலிக்கான் வேலி வங்கி (Silicon Valley Bank), மற்றொரு வங்கியான ‘சிக்னேச்சர்’ வங்கி (signature bank) ஆகியன திவாலாகின. தற்போது ‘பர்ஸ்ட் ரிபப்ளிக்’ வங்கியும் (first republic bank) மூடப்பட்டதாக தகவல்கள் தெரிவிக்கின்றன. கடந்த ஒரு வாரத்தில் இப்படி பெரிய வங்கிகள் அடுத்தடுத்து மூடப்பட்டதால் அந்நாட்டின் பொருளாதாரத்தில் பெரும் தாக்கத்தை ஏற்படுத்தி உள்ளது. மேலும், அமெரிக்க வங்கிகள் ஒன்றன்பின் ஒன்றாக மூடப்பட்டு வருவதால், கடந்த 2008ம் ஆண்டில் ஏற்பட்ட பொருளாதார மந்தநிலையை அமெரிக்கா எதிர்கொள்ள வாய்ப்புள்ளதாக கூறப்படுகிறது. அமெரிக்காவில் 3 வங்கிகள் திவாலாகி இருக்கும் நிலையில், உலகளவில் மதிப்புமிகுந்த வங்கியாகக் கருதப்படும் சுவிட்சர்லாந்தைச் சேர்ந்த கிரெடிட் சூயிஸ் (credit suisse) வங்கியின் பங்கு மதிப்பும் மீண்டும் சரியத் தொடங்கியதை அடுத்து அவ்வங்கியை, போட்டி நிறுவனமான UBS வாங்க ஒப்புக்கொண்டுள்ளது. இந்த நிலையில், சிலிக்கான் வேலி வங்கியில் தான் முதலீடு செய்த பணத்தை இழந்ததாக அமெரிக்க நடிகை ஷரோன் ஸ்டோன் தெரிவித்துள்ளார். விழா ஒன்றில் கலந்துகொண்ட அவருக்கு, ’தைரியமான நட்சத்திரம்’ என்ற விருது கொடுத்து கெளரவிக்கப்பட்டது. அப்போது பெண்கள் புற்றுநோய் ஆராய்ச்சி நிதிக்கு சில லட்ச ரூபாயை நன்கொடையாக அளித்துப் பேசிய அவர், ”எவ்வளவு பணத்தை எங்கே செலவு செய்ய வேண்டும் என்பது எனக்கு தெரியும், ஆனாலும் நமக்கும் தெரியாமல் என்ன நடக்கிறது என்பதைப் புரிந்துகொள்வது கடினமாக இருக்கிறது. நான் முதலீடு செய்த பெரும் பகுதி பணத்தை சிலிக்கான் வேலி வங்கியால் இழந்துவிட்டேன். அதற்காக நான் நஷ்டம் அடைந்து ஓடி விடுவேன் என்று அர்த்தம் அல்ல. எனக்கு மார்பக புற்றுநோய் வந்தபோது எனது மார்பகங்களை அகற்ற வேண்டும் என்று மருத்துவர்களும் எனது குடும்பத்தினரும் கேட்டுக்கொண்டபோது நான் தாமதம் இன்றி எனது மார்பகங்களில் ஒன்றை அகற்றினேன். ஆனால் அது பலருக்கு தெரியாது. எனவேதான் பெண்கள் மார்பக புற்றுநோய் குறித்த விழிப்புணர்வு நிகழ்ச்சி எங்கு நடந்தாலும் அதனால் கலந்துகொள்வேன். என்னால் முடிந்த நிதி உதவி செய்து வருகிறேன்” எனத் தெரிவித்துள்ளார். - ஜெ.பிரகாஷ்
http://dlvr.it/SlLD3g

Read More

தி.மலை: உயிருக்கு போராடிய ஆட்டை காப்பாற்றச் சென்று தங்கள் உயிரையே இழந்த இருவர்!

சட்ட விரோதமாக போடப்பட்ட மீன் வலையில் சிக்கிய ஆட்டை காப்பாற்ற முயற்சித்த இருவர் பரிதாப உயிரிழந்த சோக சம்பவம் திருவண்ணாமலையில் நிகழ்ந்துள்ளது. திருவண்ணாமலை அடுத்த கருத்துவாம்பாடி கிராமத்தில் பொதுப்பணித்துறை சொந்தமான பெரிய ஏரி அமைந்துள்ளது. இந்த ஏரியில் அதே கிராமத்தில் ஒரே குடும்பத்தைச் சேர்ந்த அருண், சிவதாஸ் மற்றும் சங்கர் ஆகிய 3 பேரும் ஏரி கரையில் வீடு கட்டிக்கொண்டு சட்டவிரோதமாக மீன்பிடி தொழில் செய்து வருவதாக கூறப்படுகிறது.  மீன்வலையில் சிக்கி ஆடு! காப்பாற்றச் சென்றபோது சிக்கிய பரிதாபம் நேற்று பிற்பகல் சட்ட விரோதமாக மீன்பிடிப்பதற்காக ஏரியில் மீன் வலையை கிழக்கு மேற்காக விரித்துள்ளனர். அச்சமயம் அதே கிராமத்தைச் சேர்ந்த திருவேங்கடம் என்பவரின் ஆடு மீன் வலையில் சிக்கிக் கொண்டுவிட்டது. இதனை அறிந்த திருவேங்கடம், தனது ஆட்டை காப்பாற்றுவதற்காக ஏரியில் இறங்கி மீன் வலையிலிருந்து ஆட்டை காப்பாற்ற முயற்சித்த பொழுது எதிர்பாராத விதமாக திருவேங்கடம் மீன் வலையில் சிக்கிக் கொண்டார். பின்னர் தன்னை காப்பாறுமாறு கூச்சலிட்டுள்ளார். அலறல் சத்தம் கேட்டு காப்பாற்ற வந்த செங்கல் சூலை தொழிலாளி! ஏரிக்கு அருகாமையில் செங்கல் சூலையில் பணி செய்திருந்த ரமேஷ் என்பவர் கூச்சல் சத்தத்தை கேட்டு உடனடியாக ஏரி பகுதிக்கு விரைந்து வந்துள்ளார். அப்பொழுது திருவேங்கடம் மீன் வலையில் சிக்கித் தவித்துக் கொண்டிருப்பதை கண்டு அதிர்ச்சி அடைந்தார். உடனடியாக திருவேங்கடத்தை காப்பாற்றுவதற்காக ஏரியில் இறங்கி அவர் முயற்சித்துள்ளார். அப்பொழுது காப்பாற்றச் சென்ற ரமேஷும் திருவேங்கடமும் ஏரியில் மூழ்கி பரிதாபமாக உயிரிழந்தனர். ஆட்டை மீட்கப் போய் இருவர் உயிரிழந்த பரிதாபம் இதுகுறித்து தகவல் அறிந்த ஊர் மக்கள் நேற்று இரவு திருவேங்கடத்தின் உடலை மீட்ட நிலையில் இன்று அதிகாலை செங்கல் சூளை கூலித் தொழிலாளி ரமேஷ் உடலை மீட்டு பிரேத பரிசோதனைக்காக திருவண்ணாமலை அரசு மருத்துவக் கல்லூரி மருத்துவமனைக்கு அனுப்பி வைத்தனர். இது குறித்து வழக்கு பதிவு செய்த திருவண்ணாமலை கிராமிய காவல் நிலைய போலீசார் மீன் வலையை விரித்த மூன்று பேரை காவல் நிலையத்திற்கு அழைத்து வந்து விசாரணை மேற்கொண்டு வருகின்றனர். மேச்சலுக்குச் சென்ற ஆடு மீன் வலையில் சிக்கியதை காப்பாற்ற முயன்ற இருவர் ஏரியில் மூழ்கி பரிதாபமாக உயிரிழந்தது அந்த கிராமத்தையே சோகத்தில் ஆழ்த்தியுள்ளது.
http://dlvr.it/SlHCbl

Read More

”வெடிமருந்து உட்கொண்ட தடயங்கள்” - பெண் காட்டு யானையின் உடற்கூறாய்வில் அதிர்ச்சி தகவல்!

பொள்ளாச்சி அருகே சிகிச்சை பலனின்றி உயிரிழந்த பெண் யானையின் உடல் உடற்கூறாய்வு செய்யப்பட்டதில், யானை வெடிமருந்து உட்கொண்டதால் தான் இறந்துள்ளதாக முடிவு வந்துள்ளது அதிர்ச்சியை ஏற்படுத்தியுள்ளது. கோவை மாவட்டம் காரமடையில் உணவு உட்கொள்ள முடியாமல் உடல் மெலிந்த நிலையில் இருந்த பெண் காட்டு யானையை வனத்துறையினர், கும்கி யானை உதவியோடு மயக்க ஊசி செலுத்தி கடந்த 17ஆம் தேதி பிடித்தனர். பின்னர் பொள்ளாச்சி அருகே உள்ள டாப்ஸ்லிப் வனப்பகுதி வரகளியாறு முகாமில் உள்ள மரக்கூண்டில் அடைத்து யானைக்கு சிகிச்சை அளித்து வந்தனர். இந்த நிலையில் நேற்று இரவு சிகிச்சை பலனின்றி யானை உயிரிழந்தது. இதையடுத்து இன்று இறந்த யானையை கால்நடை மருத்துவக் குழுவினர் மற்றும் வனத்துறையினர் இணைந்து உடற்கூறு ஆய்வு செய்தனர். அப்போது இறந்த காட்டு யானை வெடிமருந்து உட்கொண்ட போது வெடித்ததில் பற்கள் மற்றும் தாடை உடைந்ததால் உண்ண முடியாமல் இறந்து இருப்பதாக உடற்கூறு ஆய்வில் தெரிய வந்துள்ளது. ஆண் காட்டு யானை தந்ததால் குத்தியதால் தான் உணவு உட்கொள்ள முடியவில்லை என வனத்துறையினர் தெரிவித்து வந்த நிலையில், உடற்கூறு ஆய்வில் வெடி மருந்து உட்கொண்டதால் தான் யானை இறந்துள்ளது என்ற தகவல் அதிர்ச்சியை ஏற்படுத்தியுள்ளது. இந்நிலையில் வெடி மருந்து யார் வைத்தது என்ற கோணத்தில் வனத்துறையினர் விசாரணை மேற்கொண்டு இருப்பதாக தகவல் தெரிவித்துள்ளனர்.
http://dlvr.it/SlD8RW

Read More

பாலியல் புகார்: தேடப்பட்டு வந்த பாதிரியார் பெனடிக்ட் ஆன்றோ கைது!

இளம் பெண் அளித்த பாலியல் புகாரின் பேரில் வழக்கு பதிவு செய்யப்பட்டு சைபர் கிரைம் போலீசாரால் தேடப்பட்டு வந்த கன்னியாகுமரி மாவட்டத்தை சேர்ந்த பாதிரியார் பெனடிக்ட் ஆன்றோ, தற்போது கைது செய்யப்பட்டுள்ளார். இவர்மீது பெண் துன்புறுத்தல் தடை சட்டம் உட்பட 5 பிரிவுகளின் கீழ் போலீசார் வழக்கு பதிவு செய்திருந்தனர். கன்னியாகுமரி மாவட்டம் கொல்லங்கோடு அருகே பாத்திமா நகர் பகுதியைச் சேர்ந்தவர் பெனடிக்ட் ஆன்றோ (29). இவர், குழித்துறையை தலைமையிடமாகக் கொண்ட சீரோ மலங்கரை கத்தோலிக்க சபையில் பாதிரியாராக இருந்த நிலையில், கடந்த ஓராண்டுக்கு முன்பு தக்கலை அருகே உள்ள பிலாங்காலை சர்ச் பாதிரியாராக பொறுப்புக்கு வந்துள்ளார். இவர்மீது பேச்சிப்பாறை பகுதியைச் சேர்ந்த 19 வயது பெண் ஒருவர் பாலியல் புகார் அளித்துள்ளார். அந்த புகாரில், “பெனடிக்ட் ஆன்றோ பேச்சிப்பாறை சர்ச்சில் பாதிரியாராக இருந்த சமயத்தில் நான் பிரார்த்தனைக்காக சென்றேன். அப்போது பாதிரியார் என்னை தவறான கண்ணோட்டத்துடன் பார்த்ததோடு, எனது உடலை மோசமாக தொட்டார். பின்னர் வாட்ஸ் அப் மூலம் ஆசையை தூண்டும் விதமாக மெசேஜ் அனுப்பினார். அவரது அந்தரங்க உறுப்புக்களை போட்டோ எடுத்து அந்த போட்டோக்களை வாட்ஸ் அப்பில் அனுப்பினார்” என அந்த இளம்பெண் குறிப்பிட்டிருந்தார். இதைத் தொடர்ந்து பேச்சிப்பாறையில் இருந்து பிலாங்காலை சர்ச்சுக்கு மாற்றலாகி சென்ற பிறகும் வாட்ஸ் அப்பில் மெசேஜ் அனுப்பும்படி வற்புறுத்தியதாகவும் அந்த பெண் புகாரில் கூறியுள்ளார். அந்த புகாரின் அடிப்படையில் பாதிரியார் பெனடிக்ட் ஆன்றோ மீது நாகர்கோவில் சைபர் கிரைம் போலீசார் 5 பிரிவுகளின்கீழ் வழக்குப்பதிவு செய்தனர். பாலியல் உணர்வை தூண்டுவது, பெண் வன்கொடுமை, சமூக வலைதளங்களில் ஆபாச போட்டோக்கள் அனுப்புதல் உள்ளிட்ட ஐந்து பிரிவுகளில் வழக்குப்பதிவு செய்து அவரை தேடி வந்தனர். தலைமறைவாக இருந்துவந்த ஆன்றோ, இன்று வெளியூருக்கு தப்பிச்செல்ல முயன்றுள்ளார். அப்போது நாகர்கோவில் அருகே பால்பண்ணை பகுதியில் வைத்து அவரை காவல்துறையினர் கைதுசெய்தனர்.
http://dlvr.it/Sl99jM

Read More

சூர்யகுமார் யாதவுக்கு இன்னொரு வாய்ப்பு வழங்கப்படுமா? - ரோகித் சர்மாவின் திட்டம் என்ன?

'சூரியகுமார் யாதவிற்கு ஏழெட்டு போட்டிகளில் தொடர்ந்து வாய்ப்புகள் கொடுத்தால் அவரிடம் ரன்களை எதிர்பார்க்க முடியும்' என்கிறார் கேப்டன் ரோகித் சர்மா.இந்திய அணிக்கெதிரான 2-வது ஒருநாள் போட்டியில் ஆஸ்திரேலிய அணி மிகப்பெரிய வெற்றியை பதிவு செய்தது. இப்போட்டியில் முதலில் பேட்டிங் செய்த இந்திய அணி 26 ஓவர்களில் அனைத்து விக்கெட்டுகளையும் இழந்து 117 ரன்களில் சுருண்டது. இதையடுத்து 118 ரன்கள் எடுத்தால் வெற்றி என்ற இலக்குடன் களமிறங்கிய ஆஸ்திரேலிய அணி எந்தவித விக்கெட் இழப்புமின்றி 11-வது ஓவரிலேயே ஆட்டத்தை வெற்றிகரமாக முடித்தது. டி20 போட்டியை விட ஆட்டம் சீக்கிரமாக முடிந்ததால் ரசிகர்கள் ஏமாற்றமடைந்தனர். இதன் மூலம் ஒருநாள் கிரிக்கெட் வரலாற்றில் அதிக பந்துகள் எஞ்சிய நிலையில் இந்தியா தோல்வியை தழுவியது இதுவே முதல் முறையாகும். முதல் போட்டியை போன்றே இரண்டாவது போட்டியிலும் சூர்யகுமார் யாதவ் வந்த வேகத்தில் விக்கெட்டை இழந்து வெளியேறியுள்ளது ரசிகர்கள் மத்தியில் விமர்சனத்தை ஏற்படுத்தியுள்ளது. தொடர்ந்து 2வது முறையாக கோல்டன் டக் ஆகியிருக்கிறார் அவர். டி20 போட்டிகளில் சிறப்பாக விளையாடினாலும் ஒருநாள் போட்டிகளில் பெரிதாக சோபிக்க முடியாமல் தவித்து வருகிறார் சூர்யகுமார் யாதவ். ஒருநாள் கிரிக்கெட் போட்டியில் இதுவரை 20 போட்டிகளில் விளையாடி 2 அரைசதம் மட்டுமே அடித்துள்ளார். அதுமட்டுமல்லாமல் அவரது சராசரியும் 25.47 மட்டுமே உள்ளது. ஸ்ரேயாஸ் ஐயர் காயம் காரணமாக விலகியுள்ள சூழலில், சூர்யகுமார் யாதவிற்கு வாய்ப்பு வழங்கப்பட்டுள்ளது.இரண்டாவது ஒருநாள் போட்டி முடிவுற்றவுடன் பத்திரிகையாளர் சந்திப்பில் பேசிய கேப்டன் ரோகித் சர்மாவிடம் சூரியகுமார் யாதவின் ஃபார்ம் குறித்து கேள்வி கேட்கப்பட்டது. அதற்குப் பதிலளித்த ரோகித் சர்மா, “ஷ்ரேயாஸ் ஐயர் எப்போது வருவார் என்று தெரியாது. மிடில்-ஆர்டரில் இடம் காலியாக இருக்கிறது. அதில் சூரியகுமார் யாதவை மட்டுமே விளையாட வைக்க முடியும். முந்தைய போட்டிகளில் தனது திறமையை சூரியகுமார் யாதவ் காட்டியுள்ளார். ஆகையால் அவரது திறமைக்கு ஏற்றவாறு இன்னும் கூடுதல் வாய்ப்புகள் கொடுக்கப்பட வேண்டும். அவருக்கும் நன்றாக தெரியும், மீண்டும் நல்ல மனநிலைக்கு வந்து சிறந்த ஆட்டத்தை வெளிப்படுத்த வேண்டும் என உணர்ந்திருப்பார். அவருக்கு முந்தைய தொடர்களில் உரிய வாய்ப்புகள் கொடுக்கப்படவில்லை. ஆகையால் கிடைக்கும் வாய்ப்புகளில் ஒரு சில தவறுகள் இருந்தாலும் இன்னும் கூடுதல் வாய்ப்பை கொடுக்க வேண்டும். சரியாக வாய்ப்புகள் கிடைக்கவில்லை என்று திறமையான வீரே ஒருபோதும் நினைத்து விடக்கூடாது.” சூரியகுமார் யாதவிற்கு 7-8 போட்டிகளில் தொடர்ந்து வாய்ப்புகள் கொடுத்தால் அவரிடம் ரன்களை எதிர்பார்க்கலாம். அவர் இப்போது நல்ல பார்மில் தான் இருக்கிறார். ஆனால் இப்போது மாற்றுவீராக மட்டுமே விளையாடி வருகிறார். ஆகையால் அவரிடம் இருந்து தொடர்ச்சியான ஆட்டத்தை அணி நிர்வாகம் எதிர்பார்க்கவில்லை. ஒருவேளை அடுத்தடுத்த தொடர்களில் நிறைய போட்டிகள் விளையானால், அவரிடம் இருந்து எதிர்பார்போம். இப்போதைக்கு ஷ்ரேயாஸின் நிலை தெரியும்வரை சூரியகுமார் அணியில் இருப்பார்” என்றார்.இந்த வெற்றியின் மூலம் 3 போட்டிகள் கொண்ட ஒருநாள் தொடரை 1-1 என்ற கணக்கில் சமன் செய்தது. தொடர் யாருக்கு என்பதை தீர்மானிக்கும் 3வது ஒருநாள் போட்டி சென்னையில் வரும் 22ம் தேதி நடைபெறுகிறது.
http://dlvr.it/Sl99Rw

Read More

வரலாறு காணாத உச்சம் தொட்ட தங்கம் விலை! விலை உயர்வுக்கு இதுதான் காரணமா?!

சென்னையில் ஆபரணத் தங்கத்தின் விலை சவரனுக்கு 880 ரூபாய் விலை உயர்ந்துள்ளது. இது, வரலாறு காணாத விலை ஏற்றமாக உள்ளது. கடந்த பிப்ரவரி மாதம் 2ம் தேதி சவரன் 44040 ரூபாய்க்கு விற்பனை ஆன தங்கமானது இன்று ஒரே நாளில் கிடுகிடுவென விலை உயர்ந்து உச்சம் தொட்டுள்ளது. இன்று 22 கிராட் தங்கமானது கிராம் ஒன்றுக்கு 110 ரூபாய் விலை உயர்ந்து, ரூபாய் 5560 க்கு விற்பனை ஆகிறது. அதேபோல் சவரன் ஒன்றுக்கு ரூபாய் 880 விலை உயர்ந்து ரூபாய் 44480க்கு விற்பனை ஆகிறது. இது இதுவரை இல்லாத விலையேற்றம்.  விலை உயர்வுக்கு காரணம் என்ன? ”தங்கமானது கடந்த பத்து நாட்களில் விலை ஏற்றம் கண்டு வருகிறது. இதற்கு காரணம் என்ன என்று பார்த்தால், அமெரிக்காவின் மைய வங்கியானது தொடர்ந்து வட்டி விகிதத்தை உயர்தியதன் விளைவாக இரண்டு பெரிய வங்கிகள் திவாலாகி விட்டது. இதனால், அமெரிக்கப் பொருளாதாரம் மந்த நிலைக்கு தள்ளப்பட்டது. முதலீட்டாளர்களை பொறுத்த வரையில் தனது முதலீடானது பாதுகாப்பானதாக இருப்பதை தான் விரும்புவார்கள். அதனால் முதலீட்டாளர்கள் தங்கத்தில் அதிக அளவு முதலீடு செய்வதின் தன் எதிரொலியாக தங்கத்தின் விலை உயர்ந்துள்ளது. இந்தியாவைப் பொருத்தவரையில் ரூபாயின் மதிப்பானது வீழ்ச்சி அடைந்துள்ளது. இதனாலும் இந்தியாவில் தங்கத்தின் விலை உயர்ந்துள்ளது.” என்றார்.
http://dlvr.it/Sl71DR

Read More

”சூட்கேஸில் என்னஇருக்கு?” திறந்துபார்த்த ரயில்வே ஆபிசர்களுக்கு ஷாக்! காட்பாடியில் பரபரப்பு

காட்பாடியில் உரிய ஆவணங்கள் இன்றி ரயிலில் கொண்டு செல்லப்பட்ட இரண்டு கிலோ 728 கிராம் தங்கம் மற்றும் 35 லட்சத்து 50 ஆயிரம் ரொக்கப்பணம் பறிமுதல் செய்யப்பட்டுள்ளது. வேலூர் மாவட்டம் காட்பாடி ரயில் நிலையத்தில் சென்னை ரயில்வே பாதுகாப்பு படை குற்றப்பிரிவு காவல் ஆய்வாளர் பூமிநாதன் தலைமையிலான காவலர்கள் (நேற்று இரவு) விசாகப்பட்டினத்தில் இருந்து கொல்லம் வரை செல்லும் பயணிகள் விரைவு ரயிலில் சோதனை மேற்கொண்டுள்ளனர். அப்போது பி3 கோச்சில் சந்தேகத்திற்கு இடமாக சூட்கேசுடன் இருந்த கோயம்புத்தூர் மாவட்டம் செல்வபுரம் பகுதியை சேர்ந்த அனந்த நாராயணனிடம் விசாரணை மேற்கொண்ட போது அவர் முன்னுக்கு பின் முரணாக பதில் அளித்துள்ளார். பின்னர் அவரிடம் இருந்த சூட்கேசை சோதனை செய்த போது அதில் உருக்கிய நிலையிலும், நகைகளாகவும் தங்கம் மற்றும் கட்டுக்கட்டாக பணம் இருப்பது தெரியவந்தது. இதற்க்கு எந்தவிதமான உரிய ஆவணமும் இல்லாததால் சுமார் 2 கிலோ 728 கிராம் தங்கம், 35 லட்சத்து 50 ஆயிரம் ரொக்கப்பணத்தை பறிமுதல் செய்த இரயில்வே காவலர்கள். அனந்த நாராயணனை பிடித்து விசாரணை மேற்கொண்டனர். அதில் அவர் நகை வியாபாரி என்பது தெரியவந்துள்ளது. இதனை அடுத்து பறிமுதல் செய்யப்பட்ட தங்கம் மற்றும் பணம், பிடிப்பட்ட அனந்த நாராயணனை ரயில்வே காவல்துறையினர் சென்னை நுங்கம்பாக்கம் பகுதியில் உள்ள வருமான வரித்துறை அதிகாரிகளிடம் ஒப்படைத்தனர். மேலும் தொடர்ந்து ஆனந்த நாராயணனிடம் வருமான வரி துறையினர் தொடர் விசாரணை மேற்கொண்டு வருகின்றனர். பிடிபட்ட தங்கத்தின் மதிப்பு சுமார் ஒரு கோடியே 34 லட்ச ரூபாய் என கூறப்படுகிறது. இந்த சம்பவத்தால் காட்பாடி ரயில் நிலையத்தில் சிரிது நேரம் பரபரப்பான சூழ்நிலை காணப்பட்டது.
http://dlvr.it/Sl4sbP

Read More

"கூடிய விரைவில் சசிகலாவை சந்திப்பேன்" - ஓ.பன்னீர்செல்வம் அதிரடி பேட்டி

வாய்ப்பு இருந்தால் உறுதியாக டிடிவி தினகரன் இணைந்து செயல்படுவேன் என்று முன்னாள் முதல்வர் ஓபிஎஸ் கூறியுள்ளார். சென்னை செல்வதற்காக மதுரை விமான நிலையம் வந்த முன்னாள் முதல்வர் ஓபிஎஸ் செய்தியாளர்களை சந்தித்தார். அப்போது அவர் கூறுகையில்: டிடிவி தினகரன், சசிகலாவை சந்திப்பது குறித்த கேள்விக்கு.. வாய்ப்பு இருந்தால் உறுதியாக டிடிவி தினகரன் இணைந்து செயல்படுவேன் உறுதியாக. கூடிய விரைவில் சசிகலாவை சந்திப்பேன். இபிஎஸ் குறித்த கேள்விக்கு.. எடப்பாடி பழனிசாமியின் நடவடிக்கை ஆரம்பத்தில் இருந்து இன்றுவரை சட்ட நியதிக்கு புறம்பாக நடைபெறுகிறது என்பது அனைவருக்கும் தெரியும். உச்ச நீதிமன்ற தீர்ப்பு குறித்த கேள்விக்கு.. மக்கள் தீர்ப்பை எதிர்நோக்கி சென்று கொண்டிருக்கிறோம். பட்ஜெட் குறித்த கேள்விக்கு.. தமிழக அரசு நிதிநிலை அறிக்கை வருகிற 20-ஆம் தேதி தாக்கல் செய்யப்படும் என்று அறிவிக்கப்பட்டுள்ளது. வெளிவந்தவுடன் என்னுடைய கருத்தை சொல்கிறேன்.
http://dlvr.it/Sl20nl

Read More

"பெரிய ஸ்கோரை அடிக்க..”- 4 வது போட்டிக்கு முன்னர் கோலியிடம் பேசிய அஸ்வின்! என்ன சொன்னார்?

விராட் கோலி டெஸ்ட்டில் சதத்தை பதிவு செய்ய தடுமாறி வந்த நிலையில், ஆஸ்திரேலியாவிற்கு எதிரான4ஆவது டெஸ்ட் போட்டியில் தன்னுடைய 28ஆவது டெஸ்ட் சதத்தை கொண்டுவந்து அசத்தினார். இந்நிலையில் இந்த போட்டியில் கலந்துகொள்ளும் முன் அஸ்வின் அவருடன் பேசியது தற்போது வைரலாகி வருகிறது. கொரோனா பரவலின் இடைப்பட்ட காலங்களில், கிரிக்கெட் விளையாடாமல் போன நிலையில், தன்னுடைய பேட்டிங் ஃபார்மை இழந்த விராட் கோலி, தொடர்ந்து ஒருநாள், டி20, டெஸ்ட் வடிவங்களில் சதங்களையே பதிவு செய்யாமல் தடுமாறி வந்தார். கிட்டத்தட்ட 3 வருட கடுமையான விமர்சனங்களுக்கு பிறகு, 2022ஆம் ஆண்டு ஆசியகோப்பை டி20 தொடரில் ஆப்கானிஸ்தான் அணிக்கு எதிராக தனது முதல் டி20 சதத்தையும் 71ஆவது சர்வதேச சதத்தையும் எடுத்தார் விராட் கோலி. 71ஆவது சதத்திற்கு பிறகு அடுத்தடுத்த 2 ஒருநாள் தொடர்களில் 72, 73, 74ஆவது சதங்கள் எடுத்து, தான் ஏன் எந்த காலத்திற்கும் சிறந்த பேட்ஸ்மேன் என்பதை நிரூபித்து காட்டினார். இருப்பினும் டெஸ்ட் போட்டிகளில் சொதப்பல் ஆட்டத்தையே வெளிக்காட்டி வந்த விராட் கோலி, விரைவில் டெஸ்ட்டிலும் சதத்தை பதிவுசெய்ய வேண்டும் என்ற ஆசை அனைத்து கிரிக்கெட் ரசிகர்களுக்கும் இடையே ஏற்பட்டது. முதல் 3 டெஸ்ட் போட்டிகளில் சுமாரான ஆட்டத்தை வெளிப்படுத்திய கோலி! இந்நிலையில் ஆஸ்திரேலியாவிற்கு எதிரான டெஸ்ட் தொடரின் முதல் 3 போட்டிகளிலும் சோபிக்க தவறிய விராட் கோலி, மீண்டும் விமர்சனத்திற்குள்ளானார். 2ஆவது டெஸ்ட் போட்டியில் 44 ரன்கள் எடுத்து நல்ல தொடக்கத்தை கொடுத்த போதிலும், ஒரு சர்ச்சைக்குரிய விக்கெட் மூலம் வெளியேறினார் கோலி. ஒருவேளை அந்த போட்டியில் விராட் கோலி அப்படி வெளியேறாமல் இருந்திருந்தால், அவர் சதத்தை எடுத்திருக்கலாம் என விமர்சிக்கப்பட்டது. 3.5 வருடங்களுக்கு பிறகு டெஸ்ட் சதத்தை கொண்டுவந்த விராட் கோலி! இப்படியாக கிட்டத்தட்ட 4 வருடங்களாக டெஸ்ட் போட்டிகளில் சதங்களையே பதிவுசெய்ய முடியாமல் தடுமாறி வந்த விராட் கோலி, அகமதாபாத்தில் நடைபெற்ற 4ஆவது டெஸ்ட் போட்டியில் தன்னுடைய 28ஆவது டெஸ்ட் சதத்தை எடுத்து அசத்தினார். 100, 150 என கடந்து ஆடிய விராட் கோலி, ஸ்ரேயாஸ் ஐயருக்கு ஏற்பட்ட காயத்தின் காரணமாக, இரட்டை சதம் அடிக்கும் வாய்ப்பை தவறவிட்டார். ”நான் இதைத்தான் விராட் கோலியிடம் பேசினேன்”-அஸ்வின் ஆஸ்திரேலியாவிற்கு எதிரான 4ஆவது டெஸ்ட் போட்டி சமன் செய்யப்பட்டு, தொடரை 2-1 என்ற கணக்கில் கைப்பற்றி அசத்தியது இந்திய அணி. 4ஆவது போட்டியின் முடிவுக்கு பிறகு ஸ்டார்ஸ் ஸ்போர்ட்ஸில் பேசியிருந்த ரவிச்சந்திரன் அஸ்வின், 4ஆவது போட்டிக்கு முன்னதாக விராட் கோலியிடம் தான் பேசியதை பகிர்ந்து கொண்டுள்ளார். விராட் கோலி குறித்து பேசிய அஸ்வின், “நான் விராட் கோலி இந்த தொடரில் சிறப்பாக விளையாடியதாகவே உணர்ந்தேன். அவர் களத்தில் நீண்ட நேரம் நிலைத்து நின்று விளையாடுகிறார். ஆனால் 30 ரன்கள், 40 ரன்கள் என நல்ல தொடக்கம் கிடைத்த பிறகும் துரதிஷ்டவசமாக வெளியேறினார். அப்போது நான் விராட் கோலியிடம் பேச நினைத்தேன். நாங்கள் பொதுவாக இப்படி பேசிக்கொண்டதில்லை. ஆனால் இந்த நேரத்தில் அவரிடம் எனக்கு பேச வேண்டும் போல் இருந்தது” என்று கூறியுள்ளார். மேலும், “ஒருவீரர் நன்றாக விளையாடியும் தோற்றுப்போகிறார் என்றால், அவரது தோள்களில் கைவைத்து நீங்கள் சிறப்பாக விளையாடினீர்கள் என்று கூறவேண்டும். இந்த அனுகுமுறை தான் என் வாழ்க்கையில் என்னை எனக்கே சில நேரங்களில் புரியவைத்தது. அதனால் தான் விராட் கோலியிடம், நீங்கள் சிறப்பாக விளையாடினீர்கள், கூடுதலான நேரம் இன்னும் களத்தில் இருக்க பாருங்கள், நிச்சயம் பெரிய ஸ்கோர் அடிக்கும் வாய்ப்பை பெறுவீர்கள்” என்று கூறியதாக தெரிவித்தார். விராட் கோலி மற்றும் புஜாரா இருவரும் இந்தியாவிற்கு கிடைத்த பிளஸ் பாய்ண்டுகள்! மேலும், “பல வருடங்களாக கிரிக்கெட் விளையாடிவரும் எனக்கு, இந்திய அணியை பொறுத்தவரையில் விராட் கோலி மற்றும் புஜாரா இருவரும் சிறப்பாக விளையாடுவது முக்கியமான ஒன்றாகும். அவர்கள் இருவரும் எங்கள் அணியின் சிறந்த வீரர்கள் ஆவர். கோலி மற்றும் புஜாரா இருவரும் இந்தியாவிற்கு கிடைத்த பிளஸ் பாய்ண்டுகள். இந்தியா ஒரு டெஸ்ட் போட்டியில் வெற்றிபெற வேண்டும் என்றால், கோலி மற்றும் புஜாராவின் பேட்டில் இருந்து ரன்கள் வரவேண்டும். அவர்கள் சிறப்பாக விளையாடுவதை அமர்ந்து பார்க்க நான் எதையும் செய்வேன்” என்று அஸ்வின் கூறியுள்ளார்.
http://dlvr.it/SkyxwJ

Read More

அஜித் ரசிகர் பகிர்ந்த விவேக், விஜயகாந்த் காமெடி வீடியோ - ரீட்வீட் செய்து ரஹ்மான் பதிவு

அஜித் ரசிகர் ஒருவர் ‘விஸ்வநாதன் ராமமூர்த்தி’ படத்தில் தமிழ் மொழி பற்றி விஜயகாந்த் - விவேக் பேசும் காமெடி வீடியோவை பகிர்ந்துள்ள நிலையில், அதனை இசையமைப்பாளர் ஏ.ஆர். ரஹ்மான் ரீ-ட்வீட் செய்து விவேக்கை மிஸ் செய்வதாக தெரிவித்துள்ளார். ராமநாரயணண் இயக்கத்தில் கடந்த 2001-ம் ஆண்டு வெளியான திரைப்படம் ‘விஸ்வநாதன் ராமமூர்த்தி’. இந்தப் படத்தில் மறைந்த நடிகர் விவேக், ராம்கி, ரோஜா, விந்தியா, கோவை சரளா, வெண்ணிற ஆடை மூர்த்தி ஆகியோர் முதன்மை கதாபாத்திரத்தில் நடித்திருந்தனர். முழு நகைச்சுவையுடன் உருவாகியிருந்த இந்தப் படத்தில், திரைப்பட இயக்குநராக முயற்சி செய்யும் கதாபாத்திரத்தில் நடித்திருப்பார் விவேக். மேலும், நடிகர் விஜயகாந்தை சந்தித்து கதை சொல்லப்போகும்போது, தமிழ் மொழி பற்றியும், தமிழர்கள் பற்றியும் பெருமை பொங்கும் வகையிலும், இளையதலைமுறையினருக்கு தமிழ் மொழி அவசியம் எனவும் விஜயகாந்த் -விவேக் பேசுவது போன்ற கருத்து நகைச்சுவை அமைக்கப்பட்டிருக்கும். இந்த வீடியோவை 'தல தீபன்' என்ற பெயரில் அஜித் ரசிகர் ஒருவர், ‘தமிழன் என்று சொல்லடா, தலை நிமிர்ந்து நில்லடா, கேப்டன்’ என்று பகிர்ந்திருந்தார். இதனை ரீட்வீட் செய்து இசையமைப்பாளர் ஏ.ஆர்.ரஹ்மான், காமெடி லெஜண்ட் விவேக்கை மிஸ் செய்வதாகவும், அவர் இல்லாதது பெரும் இழப்பு என்றும் கேப்ஷன் இட்டுள்ளார். ஆஸ்கர் விருது நேற்று அறிவிக்கப்பட்ட நிலையில், எதற்காக இதனை ஏ.ஆர். ரஹ்மான் பகிர்ந்தார் என்று தெரியவில்லை என்றாலும், மறைந்த நடிகர் விவேக்கை மிஸ் செய்வதாக ரசிகர்களும் கருத்து பதிவிட்டு வருகின்றனர். Missing comedy legend Vivek ..What a great loss https://t.co/RO4yPIGszB — A.R.Rahman (@arrahman) March 13, 2023
http://dlvr.it/SkvvDT

Read More

"சேப்பாக்கத்தில் கலைஞர் கருணாநிதி ஸ்டேண்ட்... இதான் காரணம்!”-கிரிக். சங்க தலைவர் விளக்கம்

சென்னை சேப்பாக்கம் கிரிக்கெட் மைதானத்தில் புதிதாக புணரமைக்கப்பட்டுள்ள இரண்டு பெவிலியன் ஸ்டேன்ட்களில், ஒன்றிற்கு தமிழ்நாட்டின் முன்னாள் முதலமைச்சர் கலைஞர் கருணாநிதியின் பெயர் சூட்டப்படவிருக்கிறது என தமிழ்நாடு கிரிக்கெட் சங்க தலைவர் அசோக் சிகாமணி, செய்தியாளர் சந்திப்பில் கூறியுள்ளார். அவர் பேசுகையில், “கிரிக்கெட் மீது ஆர்வம் கொண்டவராக மட்டும் இல்லாமல் முதன் முதலில் மைதானம் கட்ட 15 லட்சம் ரூபாய் நிதி வழங்கியதும் கலைஞர் கருணாநிதி தான்” என்று தெரிவித்துள்ளார். சென்னை சேப்பாக்கத்தில் தமிழ்நாடு கிரிக்கெட் சங்கத்தின் தலைவர் அசோக் சிகாமணி இன்று செய்தியாளர்களை சந்தித்து பேசினார். அப்போது பேசிய அவர், “சென்னை சேப்பாக்கம் மைதானத்தில் கடந்த 2 ஆண்டுகளாக செயல்பட்டுவந்த அண்ணா பெவிலியன் மற்றும் மெட்ராஸ் கிரிக்கெட் கிளப் ஆகிய இரண்டு பெவிலியன்களும் இடிக்கப்பட்டு, புதிதாக கட்டப்பட்டு வருகிறது. அதன் திறப்பு விழா, வருகின்ற 17ஆம் தேதி முதலமைச்சர் மு.க.ஸ்டாலின் தலைமையில் நடைபெறுகிறது. மைதானம் கட்ட தொடங்கிய நேரத்தில் நிதியுதவி அளித்து பெரிதும் பங்காற்றியவர் கலைஞர்! இதில் புதிதாக கட்டப்பட்டுள்ள ஒரு ஸ்டான்ட்டிற்கு மட்டும் முன்னாள் முதலமைச்சர் கருணாநிதி பெயர் சூட்டப்பட உள்ளது. கலைஞர் கருணாநிதி கிரிக்கெட் மீது அதிக ஆர்வம் கொண்டவர் என அனைவருக்கும் தெரியும். ஆனால் அதையும் தாண்டி முதன்முதலில் சேப்பாக்கம் மைதானம் கட்ட துவங்கிய நேரத்தில், 15 லட்சம் நிதியாக வழங்கினார் அவர். எனவே தான் அவர் பெயரை சூட்டியுள்ளோம். தமிழகத்தில் வேகப்பந்துவீச்சாளர்கள் குறைவாக உள்ளனர்! அதற்கான தேர்வு நடைபெற்றுவருகிறது! தமிழ்நாடு கிரிக்கெட் அணி ரஞ்சி கோப்பையில் மிக அருகில் சென்று தோல்வி அடைந்துள்ளது. இதனை மாற்றி தமிழ்நாடு கிரிக்கெட்டை மேலும் முன்னேற்றும் நோக்கில் புதிய பயிற்சியாளரை நியமனம் செய்துள்ளோம். தமிழகத்தில் வேகப்பந்து வீரர்கள் குறைவாக உள்ளதால் அவர்களை கண்டறிவதற்கான தேர்வுகள் அனைத்து இடங்களிலும் நடைபெற்று வருகிறது. ஏராளமான நபர்கள் இதில் பங்கேற்று உள்ளனர். விரைவில் மகளிருக்கான கிரிக்கெட் தொடர்கள் துவங்கப்படும்! தமிழகத்தில் முன்பை விட தற்போது பெரிய அளவில் மகளிர் கிரிக்கெட் விளையாடி வருகின்றனர். சென்னை மட்டுமல்லாமல் பல்வேறு மாவட்டங்களிலும் பெண்கள் கிரிக்கெட் விளையாடி வருகின்றனர். மகளிர் கிரிக்கெட் வீராங்கனைகள் அதிகரித்திருப்பதை ஊக்குவிக்கும் வகையில், நிச்சயம் அவர்களுக்கும் தனியாக கிரிக்கெட் தொடர்கள் துவங்கப்படும். எப்போதும் மக்கள் வந்துசெல்லும் வகையில் மைதானத்தில் அருங்காட்சியகம் இடம்பெறும்! சேப்பாக்கம் மைதானத்தில் புதிதாக இரண்டு அருங்காட்சியகம் அமைக்கவும், மைதானத்தை பொதுமக்கள் வந்து சுற்றி பார்க்கவும் நடவடிக்கை எடுத்து வருகிறோம். மைதானம் என்றால் பெரிதாக மக்கள் நினைத்து வரும் நிலையில், வெளிநாடுகளை போலவே போட்டி நடைபெறாத நேரங்களில் மைதானத்தை சுற்றி பார்க்கும் வசதி, இந்தியாவில் முதன் முதலில் சென்னையில் ஏற்பாடு செய்யப்பட்டு வருகிறது. அதுமட்டுமில்லாமல் மாற்றுத்திறனாளிகளும் போட்டியை நேரில் பார்க்க கூடுதல் வசதிகளும் ஏற்பாடு செய்யப்பட்டு உள்ளது” என தெரிவித்தார்.
http://dlvr.it/Skrqys

Read More

அடுத்தடுத்து 6 முறை மாரடைப்பு! ஆசிரியரை போராடி உயிர்பிழைக்க வைத்த அரசு மருத்துவர்கள்!

அடுத்தடுத்து 6 முறை மாரடைப்பு ஏற்பட்ட நபரை காப்பாற்றி சென்னை ராஜீவ் காந்தி அரசு மருத்துவமனை மருத்துவர்கள் சாதனை படைத்துள்ளனர். மனம் தளராத போராட்டத்தால் தவிர்க்கப்பட்ட மரணம் குறித்து இந்த தொகுப்பில் காணலாம். விழுப்புரம் மாவட்டம் அரும்பட்டு கிராமத்தைச் சேர்ந்தவர் ராஜேஷ். 36 வயதான இவர் சென்னை மடுவங்கரையில் உள்ள சைதாப்பேட்டை மாநகராட்சி பள்ளியில் ஆசிரியராக பணியாற்றி வந்தார். சில நாட்களுக்கு முன் ராஜேஷ் பள்ளிக்கு சென்றபோது , லேசான நெஞ்சுவலி ஏற்பட்டுள்ளது. நொடியும் தாமதிக்காமல் ராஜேஷை சைதாப்பேட்டை அரசு மருத்துவமனைக்கு அழைத்து சென்றபோது, அவருக்கு மாரடைப்பு ஏற்பட்டது உறுதியானது. உடனடியாக 108 ஆம்புலன்ஸ் மூலம் அவர் ராஜீவ் காந்தி அரசு மருத்துவமனைக்கு கொண்டு செல்லப்பட்டார். அங்கு இதயத் துடிப்பு முற்றிலும் நின்று, ராஜேஷ் நிலை குலைந்துள்ளார். அவசர சிகிச்சை பிரிவு மருத்துவர்களும், நெஞ்சுவலி சிகிச்சை மைய மருத்துவர்களும் இணைந்து நோயாளி மீண்டும் உயிர்பெறத் தேவையான சிகிச்சையையும், DEFIBRILLATORS மூலம் சிறிது இடைவெளிகளில் 5 முறை ஷாக்கும் கொடுத்துள்ளனர். இதனிடையே சிபிஆர் சிகிச்சையும் அளிக்கப்பட்டுள்ளது. 6 முறை மாரடைப்பு ஏற்பட்டும் மருத்துவர்கள் மனம் தளராமல் போராடி ராஜேஷின் உயிரை காப்பாற்றியுள்ளனர். இளையோருக்கு மாரடைப்புகள் அதிகரித்து விட்டதால், சிறிது நெஞ்சுவலி ஏற்பட்டால் கூட இதய பரிசோதனைகளை கட்டாயம் மேற்கொள்ள வேண்டும் என்கிறார் ராஜேஷுக்கு சிகிச்சை அளித்த இதயவியல் நிபுணர் பிரதாப்.  புள்ளி விவரங்களின்படி இதுவரை 3 முறை மாரடைப்பு ஏற்பட்டோர் மட்டுமே காப்பாற்றப்பட்டுள்ளனர் என்பதால் ராஜீவ் காந்தி மருத்துவர்கள் செய்ததை புதிய ஆய்வுக் கட்டுரையாக வெளியிடும் முயற்சிகளில் ஈடுபட்டுள்ளதாக முதல்வர் தேரணிராஜன் கூறினார். GOLDEN HOUR என்று சொல்லப்படும் குறிப்பிட்ட நேரத்திற்குள் இதயவியல் நிபுணர்களை அணுகினால் போதும், மாரடைப்பிலிருந்து மீண்டு விடலாம் என்பதே மருத்துவர்கள் சொல்லும் அறிவுரை.
http://dlvr.it/Skns59

Read More

ரசிகரின் தலையிலேயே ஓங்கி 3 முறை அடித்த பங்களாதேஷ் கிரிக்கெட் வீரர் - மீண்டும் சர்ச்சை!

வங்கதேச அணியின் நட்சத்திர வீரரான ஷாகிப் அல் ஹசன், தன்னுடைய ரசிகர் ஒருவரை தலையிலேயே 3 முறை ஓங்கி அடித்துள்ள சம்பவம் மீண்டும் சர்ச்சையை கிளப்பியுள்ளது. இங்கிலாந்து அணியானது வங்கதேசத்திற்கு சுற்றுப்பயணம் மேற்கொண்டு 3 போட்டிகள் கொண்ட ஒருநாள் தொடர் மற்றும் டி20 தொடர்களில் விளையாடிவருகிறது. 3 போட்டிகள் கொண்ட ஒருநாள் தொடரில் முதல் இரண்டு போட்டிகளில் இங்கிலாந்து அணி வெற்றிபெற்ற நிலையில், கடைசி ஒருநாள் போட்டியை தன்னுடைய அபாரமான பந்துவீச்சின் உதவியால் காப்பாற்றி கொடுத்தார் ஷாகிப் அல் ஹசன். 3ஆவது போட்டியில் 4 விக்கெட்டுகளை கைப்பற்றிய ஷாகிப், வங்கதேச அணி ஒயிட்வாஸ் ஆவதை தடுத்து நிறுத்தி சிறப்பான பங்களிப்பை கொடுத்தார். 6000 ரன்கள்+300 விக்கெட்டுகள் எடுத்து சாதனை! மூன்றாவது ஒருநாள் போட்டியில் 4 விக்கெட்டுகளை கைப்பற்றியதற்கு பிறகு உலக கிரிக்கெட்டில் ஒருநாள் கிரிக்கெட் வடிவத்தில் 6000 ரன்கள் அடித்து, 300 விக்கெட்டுகளை கைப்பற்றிய 3ஆவது சர்வதேச வீரர் மற்றும் முதல் வங்கதேச வீரர் என்ற இமாலய சாதனையை படைத்து அசத்தினார் ஷாகிப். ஷாகித் அப்ரிடி மற்றும் சனத் ஜெயசூர்யா என்ற ஜாம்பவான் வீரர்களுக்கு பிறகு, இந்த மைல்கல்லை எட்டிய 3ஆவது வீரர் ஷகிப் அல் ஹசன் தான். அதே போல் சக கிரிக்கெட் வீரர்களில் இதை எட்டிய ஒரே வீரர் ஷாகிப் தான், 200+ விக்கெட்டுகளுடன் மிட்சல் ஸ்டார்க் அடுத்த இடத்தில் இருக்கிறார். டி20 கேப்டனாக மொஹமதுல்லாவை சமன் செய்த ஷாகிப்! ஒருநாள் தொடருக்கு பிறகு, 3 போட்டிகள் கொண்ட டி20 தொடரின் முதல் போட்டியில் இங்கிலாந்தை எதிர்கொண்டு விளையாடியது வங்கதேச அணி. டி20 அணியின் கேப்டனாக இருக்கும் ஷாகிப் அல் ஹசன், பந்துவீச்சை தேர்வு செய்ய, முதலில் பேட்டிங் செய்த இங்கிலாந்து அணி 156 ரன்கள் மட்டுமே எடுத்தது. 157 ரன்கள் எடுத்தால் வெற்றி என்ற இலக்கோடு களமிறங்கிய வங்கதேச அணி, 6 விக்கெட்டுகள் வித்தியாசத்தில் அபார வெற்றிபெற்றது. இந்த வெற்றிக்கு பிறகு வங்கதேச அணியின் டி20 வெற்றி கேப்டனாக பார்க்கப்படும் மொஹமதுல்லாவின் வெற்றியை சரி செய்துள்ளார் ஷாகிப் அல்ஹசன். கோபத்தின் உச்சியில் ரசிகரின் தலையில் ஓங்கி அடித்த ஷாகிப்! இங்கிலாந்து மற்றும் வங்கதேச அணிக்கு இடையேயான முதல் டி20 போட்டி முடிந்து சுமார் மூன்று மணி நேரம் கழித்து, வங்கதேச கேப்டன் ஷாகிப் சில வணிக விளம்பரங்களில் நடிப்பதற்காக சென்றார். அப்போது அங்கு வந்த ஏராளமான ரசிகர்கள் ஷாகிப் அல் ஹசனை சூழ்ந்துகொண்டனர். அந்த கூட்டத்தின் இடையே சிக்கிக்கொண்ட ஷாகிப், பாதுகாப்பு வீரர்களுக்கிடையே இருந்தபோதிலும், ரசிகர்களிடம் நெரிசலில் இருந்து விலகி இருப்பது கடினமாக ஒன்றாகவே இருந்தது. அப்போது அவர் நெரிசலில் இருந்து அவருடைய காருக்குள் ஏறுவதற்கு ஒருவழியாக செல்லும் போது, ரசிகர்களில் ஒருவர் மூத்த ஆல்ரவுண்டரின் தலையில் இருந்த தொப்பியை எடுத்துகொண்டார். அப்போது கோபப்பட்ட ஷாகிப், அந்த தொப்பியை அந்த ரசிகரின் கைகளில் இருந்து பிடிங்கி, அதே தொப்பியால் ஓங்கி மூன்று முறை தலையில் அடித்துவிட்டு கோபத்துடன், காருக்குள் சென்று ஏறினார். ஏற்கனவே பல சர்ச்சைகளில் மாட்டிக்கொள்ளும் ஷாகிப் அல் ஹசன், தற்போது விசயத்தாலும் வைரலாகி உள்ளார். இந்த வீடியோ தற்போது சமூக வலைதளங்களில் பகிரப்பட்டு வருகிறது. Shakib Al Hasan Loses Cool, Hits Fan #shakibalhasan ,#bangladeshi ,#fan, pic.twitter.com/YYrbgbJxgW— Mahranikhan (@Mahrani90809546) March 11, 2023 ஐசிசி பேன் செய்தது முதல், இதுவரை ஷாகிப் சிக்கிய சர்ச்சைகள்! வங்கதேசத்தின் மூத்த வீரரான ஷாகிப் அல் ஹசன், உலகின் நம்பர் 1 ஆல்ரவுண்டராக இடம்பிடித்த சிறந்த வீரர்களில் ஒருவராக இருந்தாலும், மற்றவர்களிடம் அவர் காட்டும் மோசமான அணுகுமுறைக்காக பலமுறை விமர்சனத்திற்கு ஆளாகியுள்ளார். அந்த வகையில் கடந்த இரண்டு வருடங்களாக பல சர்ச்சைகளில் முன்னணியில் இருந்த ஷாகிப், 2023ஆம் ஆண்டின் பங்களாதேஷ் பிரீமியர் லீக்கின் போது, லெக் அம்பயரிடம் ஒயிட் கொடுக்காததிற்காக ஏய் ஏய் என கத்திக்கொண்டே வந்து சண்டையிட்டதற்கு சார்ஜ் செய்யப்பட்டார். அதேபோல் 2021-ல், டாக்கா பிரீமியர் லீக்கின் போது, அவுட் கேட்டு கொடுக்காததால் நடுவர் மீது கோபமடைந்த ஷாகிப், கோபத்தில் ஸ்டம்பை உதைத்து தரையில் அடித்து நொறுக்கினார். அது பலபேரால் பலவிதாமன விமர்சனங்களுக்கு அவரை தள்ளியது. அதற்கும் மேலாக 2019 ஆம் ஆண்டில், தனக்கு வந்த ஊழல் விவகாரத்தை வெளியே சொல்லாததிற்காக, சர்வதேச கிரிக்கெட் கவுன்சிலான ஐசிசி-யின் உத்தரவின் பேரில் சர்வதேச கிரிக்கெட்டிலிருந்து 2 வருட காலம் விளையாடுவதற்கு தடைவிதிக்கப்பட்டார், ஷாகிப் அல் ஹசன்.
http://dlvr.it/Sklq1b

Read More

‘ஜவான்’ படத்திலிருந்து லீக்கானதாக வைரலாகும் அதிரடி ஆக்ஷன் காட்சி - கொண்டாடும் ரசிகர்கள்!

அட்லீ - ஷாருக்கானின் கூட்டணியில் உருவாகி வரும் ‘ஜவான்’ படத்தின் படப்பிடிப்பு தளத்திலிருந்து எடுக்கப்பட்ட அதிரடி ஆக்ஷன் காட்சி என்று சமூகவலைத்தளத்தில் ஒரு வீடியோ பரவி வரும் நிலையில், பாலிவுட்டின் எல்லா சாதனைகளையும் இந்தப் படம் முறியடிக்கும் என்று ரசிகர்கள் கொண்டாடி வருகின்றனர். ‘ராஜா ராணி’, ‘தெறி’, ‘மெர்சல்’, ‘பிகில்’ ஆகியப் படங்களைத் தொடர்ந்து இயக்குநர் அட்லீ, 5-வது படமாக ‘ஜவான்’ படத்தை இயக்கி வருகிறார். இந்தப் படத்தில் நடிகர் ஷாருக்கான் இரட்டை கதாபாத்திரத்தில் நடித்து வருவதாகக் கூறப்படுகிறது. மேலும் ‘ஜவான்’ படத்தில் நயன்தாரா, ப்ரியாமணி, கௌரவ வேடத்தில் தீபிகா படுகோனே, வில்லனாக விஜய் சேதுபதி, யோகிபாபு, சான்யா மல்ஹோத்ரா, சுனில் குரோவர் உள்ளிட்ட பலர் நடித்து வருகின்றனர். மும்பை, ஹைதரபாத், சென்னை உள்பட பல இடங்களில் படத்தின் படப்பிடிப்பு விறுவிறுப்பாக நடைபெற்று வருகிறது. இந்தப் படம் வரும் ஜூன் 2-ம் தேதி, தமிழ், தெலுங்கு, மலையாளம், கன்னடம், இந்தி ஆகிய 5 மொழிகளில் பான் இந்தியா படமாக வெளியாக உள்ளது. அனிருத் இசையமைக்கும் இந்தப் படத்தை, ஷாருக்கான் மற்றும் அவரது மனைவி கௌரிகான் ஆகியோரின் தயாரிப்பு நிறுவனமான ரெட் சில்லிஸ் எண்டெர்டெயிண்மெண்ட் தயாரிக்கிறது. இந்நிலையில், இந்தப் படத்தில் ஷாருக்கான் அதிரடியாக சண்டையிடும் காட்சிகள் என்று சமூகவலைத்தளத்தில் ஒரு வீடியோ பரவி வருகிறது. நீல நிற உடையில் தோற்றமளிக்கும் ஷாருக்கான் வெள்ளை நிற பெல்ட்டால் எதிரிகளை துவம்சம் செய்வதுபோல் அந்த வீடியோவில் உள்ளது. இதனைப் பார்த்து வரும் அவரது ரசிகர்கள் அதிகளவில் இந்த வீடியோவை ஷேர் செய்வதுடன், பாலிவுட்டில் தரமான சம்பவம் காத்திருக்கிறது என்றும், நிச்சயமாக படம் 2,000 கோடி ரூபாய் வசூலிக்கும் என்றும் ட்விட்டரில் ட்ரெண்டாக்கி வருகின்றனர். #Pathaan was just a teaser... Asli mass action picture toh #Jawan hogi... SRK in an avatar like never before! — Rahul Raut (@Rahulrautwrites) March 10, 2023 What the hell is this man .@Atlee_dir is going to blast the screen on June 2nd.@iamsrk swag and @anirudhofficial BGM #LeoFilm #Jawan @actorvijay pic.twitter.com/mwSYVjGLyy — Aash (@thenameisaash) March 10, 2023 அத்துடன், ‘பதான்’ படத்தை அடுத்து ஷாருக்கானின் ரசிகர்கள் ‘ஜவான்’ படத்தை விளம்படுத்துவதற்காக fake ஆன வீடியோவை எடிட் செய்து இவ்வாறு பதிவிட்டு வருவதாகவும், சிலர் லெஜண்ட் சரவணின் ‘தி லெஜண்ட்’ படத்தில் வரும் அதே அதிரடி காட்சி என்று இரண்டையும் ஒப்பிட்டு காப்பி அடித்துவிட்டதாக கூறிவருகின்றனர். இதனால் ‘ஜவான்’ மற்றும் அட்லீயை ரசிகர்கள் ட்விட்டரில் ட்ரெண்டாக்கி வரும் அதேவேளையில் படத்தின் தயாரிப்பு நிறுவனமான ரெட் சில்லிஸ் எண்டெர்டெயின்மெண்ட் காப்புரிமையின் கீழ், ‘ஜவான்’ படத்திலிருந்து லீக்கான புகைப்படம் மற்றும் வீடியோக்கள் சமூகவலைத்தளத்தில் நீக்கப்பட்டு வருவது குறிப்பிடத்தக்கது. Every Masterpiece has its own cheap copy. 1 : The Legend tamil movie fight scene. 2 : #Jawan Leaked fight scene. pic.twitter.com/ExliPQGAgB —  (@Sallubot) March 10, 2023
http://dlvr.it/SkjlKk

Read More

டெல்லி: சிறைசென்றவர்களுக்கு பதிலாக இரு புதிய அமைச்சர்கள் இன்று பதவியேற்பு...!

டெல்லியின் இரண்டு புதிய அமைச்சர்களாக சௌரப் பரத்வாஜ் மற்றும் அதிஷி இன்று பதவி ஏற்றுக்கொள்கின்றனர். பல்வேறு குற்றச்சாட்டுகளில் சிறையில் உள்ள ஆம் ஆத்மி அமைச்சர்கள் மணீஷ் சிசோடியா மற்றும் சத்யேந்தர் ஜெயின் ஆகியோரின் ராஜினாமாக்களை டெல்லி அரசு ஏற்றுகொண்டதையடுத்து, அக்கட்சியில் எம்எல்ஏ-க்களாக உள்ள அதிஷி மற்றும் சௌரப் பரத்வாஜ் ஆகியோரை அமைச்சர்களாக நியமிக்க குடியரசு தலைவருக்கு டெல்லி அரசு பரிந்துரைத்தது. அந்தப் பரிந்துரையை ஏற்ற குடியரசுத்தலைவர், இருவரையும் அமைச்சர்களாக நியமனம் செய்தார். குடியரசு தலைவரின் அந்த ஒப்புதலின் அடிப்படியில் இன்று இருவரும் அமைச்சர்களாக பதவி ஏற்றிக்கொள்கின்றனர். இவர்களில் சௌரப் பரத்வாஜ், கடந்த 2013-ம் ஆண்டு முதல் ஆம் ஆத்மி கட்சியின் எம்.எல்.ஏ.வாக இருந்து வருகிறார். மணீஷ் சிசோடியாவின் கல்வி குழுவிலும் முக்கிய உறுப்பினராக இருந்துள்ளார். 2019 மக்களவைத் தேர்தலில் கிழக்கு டெல்லி தொகுதியில் போட்டியிட்ட இவர், பாஜகவின் கெளதம் கம்பீரிடம் தோல்வியடைந்தார். பின் 2020 சட்டமன்ற தேர்தலின்போது கிரேட்டர் கைலாஷ்-ன் எம்.எல்.ஏ-வாக தேர்வானார். கட்சியின் தேசிய செய்தித் தொடர்பாளராகவும் உள்ள சௌரப் பரத்வாஜ், டெல்லி ஜல் போர்டின் துணைத் தலைவராக பணியாற்றியவர். ஆம் ஆத்மி அரசாங்கத்தின் முதல் ஆட்சியின் போது அமைச்சராக இருந்தவர் இவர். அதிஷி மர்லினா, 2020-ம் ஆண்டு முதல் ஆம் ஆத்மி கட்சி எம்.எல்.ஏ.வாக இருந்து வருகிறார். ஆம் ஆத்மி கட்சியின் தொடக்கம் முதலே அக்கட்சியில் இருந்து வருகிறார் இவர். இவர் சிசோடியாவின் கல்வித்துறை ஆலோசராகவும் இருந்து வந்தார். டெல்லி சட்டசபை மார்ச் 17ம் தேதி கூடும் என எதிர்பார்க்கப்படும் நிலையில், இருவரும் இன்று பதவி ஏற்றுக்கொள்கின்றனர். டெல்லி அரசும் இந்த மாதம் பட்ஜெட்டை தாக்கல் செய்யும் என எதிர்பார்க்கப்படுகிறது. ஆளும் கட்சியின் இரு அமைச்சர்கள் சிறை சென்றுள்ளது, பட்ஜெட் தாக்கலின்போது சில சலசலப்புகளுக்கு வழிவகுக்கக்கூடும் என சொல்லப்படுகிறது. தற்போது பதவியேற்கும் இருவருக்கும் எந்த துறைகள் ஒதுக்கப்படும் என்ற எதிர்பார்ப்பு நிலவும் நிலையில், அதிஷிக்கு கல்வி மற்றும் பெண்கள் மற்றும் குழந்தைகள் மேம்பாட்டுத் துறைகள் வழங்கப்படும் என்றும் பரத்வாஜ்க்கு சுகாதார துறை மற்றும் பொதுப்பணித் துறையும் வழங்கப்படலாம் என்றும் கட்சி வட்டாரங்கள் தெரிவிக்கின்றன.
http://dlvr.it/SkfwNn

Read More

"25 வருஷமா சம்பளமில்லாத வேல..."- பாலின பாகுபாட்டுக்கு அதிரடி முடிவுகட்டிய ஸ்பெயின் பெண்!

பாலின சமத்துவத்தை வலியுறுத்தும் விதமாகவும், பெண்களுக்கான தனி உரிமையை நிலைநாட்டு விதமாகவும் உலகம் முழுவதும் ஒவ்வொரு ஆண்டும் மார்ச் 8ம் நாளன்று சர்வதேச மகளிர் தினம் கடைபிடிக்கப்பட்டு வருகிறது. 21ம் நூற்றாண்டில் நாமெல்லாம் வாழ்நாளை கடத்திக் கொண்டிருக்கும் வேளையில், இப்போது எல்லா துறைகளிலும் பெண்களுக்கு சமமான உரிமை வழங்கப்பட்டிருக்கிறதா என்றால் அது இப்போதும் கேள்விக்குறியே. அதிலும் வெளியுலகில் உச்சபட்ச அதிகாரத்தில் பெண்கள் இருந்தாலும், இன்றளவும் ஏராளமானோரின் வீட்டில் அவர்களுக்கான உரிமைகள் மறுக்கப்பட்டு வருவது என்னவோ நிதர்சனமான உண்மையாக இருக்கிறது. பாலின சமத்துவம் என்பது நாட்டில் பரவ வேண்டுமென்றால் அது முதலில் வீட்டில் மலர வேண்டும் என்பதே உலகில் உள்ள எல்லா பெண்களின் அவா. இந்த அவா இன்றைய தேதிக்கு அனைவரது வீட்டிலும் நிறைவேறியுள்ளதா என்றால், அதற்கு இல்லை என்பதே ஒருமித்த பதிலாக இருக்கும். இந்திய சமுதாயத்தை பொருத்தவரையில் பெரும்பாலும் ‘பாலின சமத்துவமா அப்படினா என்ன? தூத்துக்குடி பக்கம், உசிலம்பட்டி பக்கம் இருக்கு’னு வடிவேலு காமெடி பாணியிலேயே கடந்து செல்வார்கள். ஆனால் மேற்கத்திய நாடுகளில் அப்படி இருக்காது. பெரும்பாலான வீடுகளில் உள்ள வேலைகளை ஆண் பெண் இருவரும் சமமாக பிரித்தோ அல்லது ஒன்றிணைந்து செய்வதையே கடைபிடித்து வருகிறார்கள். இருப்பினும் அங்கொன்றும் இங்கொன்றுமாக சில ஆதிக்க மனப்பான்மை உள்ளவர்கள் மத்தியில் சமமின்மையும் நிகழ்வதுண்டு. ஆனால் அதற்கான உரிய நடவடிக்கைகள் எடுக்கப்பட்டு அதனை களைய அந்தந்த நாட்டு சட்டங்கள் ஆதரவாக இருக்கின்றன. அப்படியான நிகழ்வு ஒன்றுதான் ஸ்பெயினில் நடந்திருக்கிறது. நிகழ்வு என்னவெனில், இரு குழந்தைகளுக்கு தாயான இவானா மாரல் என்ற பெண் தனது கணவர் வீட்டு வேலையையும் பார்க்கச் செய்து, அவரது உடற்பயிற்சி கூடத்தையும் கவனிக்கச் செய்ய சொல்கிறார் என வழக்குத் தொடர்ந்து விவாகரத்து பெற்றதோடு, ஜீவனாம்சமும் பெற்றிருக்கிறார். 1995ம் ஆண்டு இவானாவின் திருமணம் நடந்த நிலையில், கடந்த 2020ம் ஆண்டு விவாகரத்தோடு அது முடிந்திருக்கிறது. இவானாவின் 25 ஆண்டுகால திருமண இல்வாழ்க்கையில் முழுக்க முழுக்க அவரது இரு பெண் குழந்தைகளையும் கவனித்துக் கொண்டும், வீட்டு வேலைகள் அனைத்தையும் ஒற்றை ஆளாக செய்தும் வந்திருக்கிறார் அவர். அந்த சமயங்களில் கணவர் எந்த வகையிலும் உறுதுணையாக இல்லாத காரணத்தால் மனம் நொந்துப்போன இவானா விவாகரத்து செய்திருக்கிறார். இந்த விவாகரத்து வழக்கு தெற்கு ஸ்பெயினில் உள்ள நீதிமன்றத்தில் நடந்து வந்தது. இதற்கான தீர்ப்பில்தான், “இத்தனை ஆண்டுகளாக ஊதியமே இல்லாமல் வீட்டு வேலைகளை பார்க்கச் செய்ய வைத்தது முழுக்க முழுக்க கொடுமையானது. இதனால் 25 ஆண்டுகளுக்கான ஆண்டு ஊதியமாக கணக்கிட்டு இவானாவுக்கு 444 பவுண்டும், அவர்களது இரு குழந்தைகளுக்கு 356, 533 பவுண்டுகள் முறையே மாதாமாதம் கொடுக்க வேண்டும். இதுபோக மொத்தமாக 1,82,000 பவுண்டுகள் (1 கோடியே 76 கோடி ரூபாய்) ஜீவனாம்சம் வழங்க வேண்டும்” என இவானாவின் முன்னாள் கணவரும் தொழிலதிபருமானவருக்கு உத்தரவிடப்பட்டிருக்கிறது.
http://dlvr.it/Skbw6R

Read More

ஒன் பை டூ: “கும்மிடிப்பூண்டியைத் தாண்டாத ஸ்டாலின், தேசியத் தலைவரா?” என்ற அண்ணாமலையின் விமர்சனம்?

ஒன் பை டூ
http://dlvr.it/SkXv7R

Read More

"எனக்கு அப்படியே ஓட்டுப்போட்டு கிழிச்சிட்டீங்க" - அமைச்சர் பொன்முடி பாய்ச்சல்

மகளிர் இலவச பயணத் திட்டத்தின் மூலம், அரசுப் பேருந்துகளில் பெண்கள் இலவச பயணம் மேற்கொள்வதை அமைச்சர் பொன்முடி 'ஓசி' எனக் கூறியது சர்ச்சையை ஏற்படுத்தியது. பிறகு, பெண் மக்கள் பிரதிநிதி ஒருவரை பொது மேடையிலேயே சாதியின் பெயரைக் குறிப்பிட்டுக் கேட்டதும், கிராமசபைக் கூட்டம் ஒன்றில் பெண் ஒருவரை ஒருமையில் பேசியதும், பொதுமக்களுடனான பேச்சுவார்த்தையின்போது தடித்த வார்த்தைகளால் அவர் பேசியது என இவை யாவும் அடுத்தடுத்து சர்ச்சையை ஏற்படுத்தியது. இந்த நிலையில், நேற்றைய தினம் அரசு விழா ஒன்றில் மக்கள் தங்கள் பிரச்னை குறித்து அவரிடம் முறையிட்டபோது, அவர் பேசிய வார்த்தை பொதுமக்களை மீண்டும் முகம் சுளிக்க வைத்திருக்கிறது.பொன்முடிவிழுப்புரம்: போராடிய கிராம மக்களிடம் தடித்த வார்த்தை... மீண்டும் சர்ச்சையில் அமைச்சர் பொன்முடி! விழுப்புரம் மாவட்டம், அருங்குறுக்கை பகுதியில் நேற்றைய தினம் ஆற்றுப்பாலம் மற்றும் அரசுப் பள்ளியின் புதிய சுற்றுச்சுவர் திறப்புவிழாவில் கலந்துகொண்ட அமைச்சர் பொன்முடி... பின்னர், மாணவர்கள் மற்றும் பொதுமக்கள் மத்தியில் உரையாடினார்.  அப்போது பேசியவர், "இரண்டு மொழி படித்தால் போதாது. 3-வதாக ஒரு மொழி படிக்க வேண்டும் என்று சொல்லிக்கொண்டிருக்கிறார்கள். அந்த மொழி என்ன... படிக்கிறீர்களா... இந்த இரண்டு மொழி படிப்பதற்கே நம்ம உயிர் போகிறது. சிலரோ இந்தி படித்தால் வேலைக்குப் போகலாம் என்கிறார்கள். அதெல்லாம் ஒன்றுமில்லை.  ஆங்கிலம் என்பது சர்வதேச மொழி. எனவேதான், தமிழையும் ஆங்கிலத்தையும் படித்தால் போதும் என்றார் பேரறிஞர் அண்ணா. இந்தியாவைப் பொறுத்தவரை ஏழு மாநிலங்களில்தான் அந்த மொழி இருக்கிறது. மீதி இடங்களில் அவரவர் தாய்மொழியையே பேசுகிறார்கள். இப்படிப் பல மொழிகள் இருக்கின்றன. எல்லாவற்றையுமா நாம் கற்றுக்கொள்ள முடியும்... தேவைப்பட்டால், அந்தப் பகுதிகளுக்கு வேலைக்குப் போகும்போது கற்றுக்கொள்ளப்போகிறீர்கள். `படிக்கும்போது, தமிழ்மொழியுடன் சர்வதேச மொழியான ஆங்கிலத்தையும் படிக்க வேண்டும். இந்த இரண்டு மொழிகள் தெரிந்தாலே போதும்’ எனச் சொன்னவர்தான் பேரறிஞர் அண்ணா. அவர் முதலமைச்சராகப் பதவியேற்ற நாள்தான் இந்த நாள். மாணவர்களுக்குப் பரிசு வழங்கிய பொன்முடி எனவே, மாணவ, மாணவியர்களே நன்றாகப் படியுங்கள். பெண் கல்வி மேம்பாட்டுக்காக, மாணவிகளுக்கு மாதம் 1,000 ரூபாய் உதவித்தொகை வழங்குகிற உலகத்திலேயே ஒரே முதலமைச்சர் தளபதி ஸ்டாலின்தான். அருங்குறுக்கை, கொணரவாடி மாணவர்கள் இங்கேதானே படிக்கிறீர்கள்..." என்றார். அதற்குப் பள்ளி மாணவர்களோ, 'எஸ் சார்' என பதிலளித்தனர். அதை உள்வாங்கிக்கொண்டு தொடர்ந்து பேசிய அமைச்சர் பொன்முடி, "பாருங்கள்... எல்லாம் 'எஸ் சார்.’ `ஆமாம் எனச் சொல்ல மாட்டீர்களோ... எல்லாம் ஆங்கிலத்திலேயே போய்விட்டது காலம். தவறு இல்லை, ஆங்கிலம் நன்றாகத் தெரிய வேண்டும். நாங்கள் படிக்கும்போது, ஆங்கிலம் சரியாகத் தெரியாததால்தான் இந்த வம்பெல்லாம். நீங்கள் அதையெல்லாம் படிக்கிறீர்கள் வாழ்த்துகள்" என்றார். அப்போது, அந்தப் பகுதி மக்கள் குடிநீர் பிரச்னை குறித்து பொன்முடியிடம் கேள்வி எழுப்பினர். "எனக்கு அப்படியே ஓட்டுப்போட்டு கிழி கிழினு கிழிச்சிட்டீங்க. நீங்க வந்து கேக்குறீங்க. அதைப் பற்றி நான் கவலைப்படவில்லை. பொன்முடி பேச்சு ஓட்டுப்போட்டவர்கள், போடாதவர்களுக்கும் நல்லதைச் செய்யச் சொல்லியிருக்கிறார் முதலமைச்சர். ரோடு போட்டது நான், பஸ்விட்டது நான், குடிதண்ணீர்விட்டது நான்..! குறை இருந்தால் எழுதிக் கொடுங்கள், சொல்லுங்கள். அதை விட்டுவிட்டு கத்திக்கொண்டு இருந்தால் என்ன அர்த்தம்?" என்றார் காட்டமாக. வாக்களித்த மக்களைப் பார்த்து அமைச்சர் பொன்முடி இவ்வாறாகப் பேசியிருப்பது மீண்டுமொரு சர்ச்சையை ஏற்படுத்தியிருக்கிறது.விழுப்புரம்: இளைஞர் மர்ம மரணம்?; சாலைமறியலில் ஈடுபட முயன்ற உறவினர்கள் - விசாரணையில் போலீஸ்!
http://dlvr.it/SkTnWZ

Read More

``தமிழ்நாட்டில் குழப்பம் விளைவிக்க பாஜக, ஆர்‌.எஸ்.எஸ் சதி” - மாணிக்கம் தாகூர் எம்.பி.

விருதுநகர் மாவட்டம் அருப்புக்கோட்டை ஸ்ரீஜெயநகரில் காங்கிரஸ் நிர்வாகியின் இல்ல விழாவில் விருதுநகர் நாடாளுமன்ற உறுப்பினர் மாணிக்கம் தாகூர் கலந்துகொண்டார். அப்போது, அருப்புக்கோட்டை வழியாக வாரம் மூன்று முறை இயங்கும் எக்ஸ்பிரஸ் சிறப்பு ரயிலை தினசரி ரயிலாக மாற்ற நடவடிக்கை எடுக்க வேண்டும் என காங்கிரஸ் சார்பில் நடத்தப்பட்ட கையெழுத்து இயக்கக் கோப்பை அருப்புக்கோட்டை நகர் காங்கிரஸ் கட்சியினர், மாணிக்கம் தாகூர் எம்.பி‌-யிடம் வழங்கினர்.மாணிக்கம் தாகூர் இதைத் தொடர்ந்து மாணிக்கம் தாகூர் எம்.பி செய்தியாளர்களைச் சந்தித்துப் பேசுகையில், "மத்திய பா.ஜ.க அரசு தொடர்ந்து தமிழகத்தையும், விருதுநகரையும், அருப்புக்கோட்டையையும் புறக்கணித்துவருகிறது. அருப்புக்கோட்டையில் இ.எஸ்.ஐ மருத்துவமனை அமைக்க வேண்டும் என மத்திய தொழிலாளர்துறை அமைச்சரை சந்தித்து வலியுறுத்தி இரண்டு ஆண்டுகளாகியும் எந்தவித நடவடிக்கையும் இல்லை. வாரம் மூன்றுமுறை அருப்புக்கோட்டை வழியாக செல்லும் சிலம்பு எக்ஸ்பிரஸ் ரயிலை தினசரி ரயிலாக மாற்ற வேண்டுமென அருப்புக்கோட்டையில் காங்கிரஸ் கையெழுத்து இயக்கம் நடத்தியிருக்கிறது. அதேபோல நாடாளுமன்றத்திலும் பலமுறை கேள்வி எழுப்பியிருக்கிறேன். ஆனால், எந்த பலனும் இல்லை. மத்திய பா.ஜ.க அரசு அருப்புக்கோட்டையை வஞ்சிக்கிறது என்பதற்கு இது ஓர் எடுத்துக்காட்டு. இந்தமுறை ரயில்வே மானிய கோரிக்கையில் அதை மீண்டும் வலியுறுத்துவேன். சிலம்பு எக்ஸ்பிரஸ் ரயிலை தினசரி ரயிலாக மாற்ற காங்கிரஸ் சார்பில் நடத்தப்பட்ட கையெழுத்து இயக்கத்தில் ஐந்தாயிரம் பேர் கையெழுத்திட்டிருக்கின்றனர். அதையும் மத்திய ரயில்வே துறை அமைச்சரிடம் வழங்குவேன்.எம்.பி. அண்ணாமலை மீது அவர் செய்த குற்றத்துக்காக தமிழக காவல்துறை வழக்கு பதிவுசெய்திருப்பது வரவேற்கத்தக்கது. அண்ணாமலை மீது சட்டபூர்வமான நடவடிக்கையை காவல்துறை எடுக்கும் என முழு நம்பிக்கை இருக்கிறது. தொடர்ந்து அருந்ததியினர் சமூக மக்களை சீமான் அவதூறாகப் பேசிவருவதற்குத்தான் ஈரோடு இடைத்தேர்தலில் மக்கள் அவருக்குத் தக்கப்பாடம் புகட்டிவிட்டனர். தேர்தலில் அவர் டெபாசிட் இழந்திருக்கிறார். தமிழகத்தில் குழப்பம் விளைவிப்பதற்காக பா.ஜ.க., ஆர்.எஸ்.எஸ் இணைந்து சதிவேலை செய்கிறார்கள். அவர்களோடு சேர்ந்து நாம் தமிழர் இயக்கத்தைச் சேர்ந்தவர்களும் சதிசெய்ய விரும்புகின்றனர். அது பலிக்காது. தமிழகம் வந்தாரை வாழவைக்கும் பூமி. அதே நேரத்தில் தமிழகத்திலுள்ள இளைஞர்களுக்கு வேலைவாய்ப்பை உருவாக்குகின்ற முழு பொறுப்பும் தமிழக அரசுக்கு இருக்கிறது. தமிழக இளைஞர்களுக்கு வேலைவாய்ப்பு, வேலை தேடிவருபவர்களுக்குப் பாதுகாப்பு இரண்டையும் இந்த அரசு தருகிறது. இந்த இரண்டையும் ஒன்றாகச் சேர்த்து குழப்பிக் கொள்ளக் கூடாது. தமிழகம் வளர்ந்த மாநிலமாக முன்னேறிக்கொண்டுவருகிறது. இந்த நேரத்தில் பலரும் இங்கு வேலை தேடிவருவது வழக்கம். தமிழக இளைஞர்கள் செய்ய முடியாத வேலையை, வடமாநிலத்தவர் செய்கின்றனர். பா.ஜ.க-வினர் பீகாரில் நடைபெறவிருக்கிற நாடாளுமன்ற தொகுதிகளுக்கான தேர்தலில் வெற்றி பெறுவதற்காக தேவையில்லாத குழப்பத்தை உண்டாக்குகிறார்கள்" எனக் கூறினார்.சிவகாசி: ``ஈரோடு கிழக்குத் தொகுதியில் அதிமுக-வின் தோல்வி கண்முன்னே நிற்கிறது'' - மாணிக்கம் தாகூர்
http://dlvr.it/SkTnNd

Read More

கார்ட்டூன் - கை கொடுத்தோம்..!

http://dlvr.it/SkQn5P

Read More

வாரிசு ரிலீசுக்கு முன் ரிலீசுக்கு பின்.. விஜய்யை சீண்டினாரா தில் ராஜு? ட்ரெண்டாகும் வீடியோ

வாரிசு படத்தின் இசை வெளியீட்டின் போது தயாரிப்பாளர் தில் ராஜூ விஜய் குறித்தும், வாரிசு படம் குறித்தும், “டான்ஸ் வேணுமா டான்ஸ் இருக்கு, ஃபைட் வேணுமா ஃபைட் இருக்கு, ஃபேமிலி சென்டிமென்ட் வேணுமா அதுவும் இருக்கு” என பேசியது படத்துக்கு வந்த வரவேற்பை விட அதிகளவில் சமூக வலைதளங்களில் வைரலானது. தில் ராஜூ பேசியதை பின்னணி இசையெல்லாம் கோர்த்து அதனை ரீமிக்ஸ் செய்து இன்ஸ்டாகிராமில் ரீல்ஸாகவும் கொடிக்கட்டி பறந்தது. மேலும் தில் ராஜு பாணியை மீம் டெம்ப்ளேட்டாகவே உருவாக்கி தினந்தோறும் விதவிதமான மீம்களையும் நெட்டிசன்கள் பறக்கவிட்டு வருகிறார்கள்.ஒருகட்டத்தில் தயாரிப்பாளரை ட்ரோல் மெட்டீரியலாகவே இணையவாசிகள் மாற்றிவிட்டார்கள். Oh Hello! Do you think your Karaoke can beat this Varisu Audio Launch speech! Please watch  https://t.co/IdXBf4WEMH — Sai Siddartha Maram (@SiddarthaMaram) February 25, 2023 இருப்பினும் இதனை மிகவும் எளிதாகவே தில் ராஜூ எடுத்துக் கொண்டதால் அவருடைய பெருந்தன்மையையும் சினிமா வட்டாரத்தினர் பாராட்டியும் இருக்கிறார்கள். இப்படி இருக்கையில், புதுமுக இயக்குநரின் இயக்கத்தில் சிறிய பட்ஜெட்டில் உருவாகியுள்ள பாலகம் படத்தின் ப்ரீ ரிலீஸ் நிகழ்ச்சி ஒன்று கடந்த பிப்ரவரி 28ம் தேதி தெலங்கனாவில் நடந்தது. இந்த படத்தையும் தில் ராஜூவே தயாரித்திருக்கிறார். Post Release Speech By Dilraju About Varisu : pic.twitter.com/zTtGFPw6B9 — Kwood Gangster (@KWood_Gangster) March 3, 2023 இந்த நிகழ்ச்சியின் போது வாரிசு பட விழாவின் போது தான் பேசியதையே ஸ்பூஃப் செய்யும் வகையில் தில் ராஜூ பேசியது தற்போது வைரலாகி வருகிறது. அதில், “தமிழ்நாட்டுல என்னோட பேச்சு ரொம்ப பிரபலமாகிருக்கு. இந்த படத்துல ஃபைட்ஸ் இல்ல, இந்த படத்துல டான்ஸ் இல்ல, இந்த படத்துல விஜய் சாரோட பாடி லேங்வெஜ் இல்ல, ஆனா, இந்த படத்துல சூப்பர் என்டெர்டெயின்மென்ட் இருக்கு, சூப்பர் எமோஷன்ஸ் இருக்கு, சூப்பர் தெலங்கனா நேட்டிவிட்டி இருக்கு, இது நம்ம மனசுக்கு பிடிச்சமான சினிமா. இத மட்டும் சொல்லிக்கிறேன். நன்றி.” என தில் ராஜூ பேசியிருந்தார். இதனைக் கண்ட இணையவாசிகள், “தன்னை ட்ரோல் செய்தவர்களையும் மதிக்கும் வகையில் செல்ஃப் ட்ரோல் செய்திருக்கிறார். அருமை” நெகிழ்ச்சியாக பதிவிட்டிருக்கிறார்கள்.
http://dlvr.it/SkNf8X

Read More

`அதிமுக பாஜக-போல் பிரிந்து வாழக் கூடாது; திமுக கூட்டணிபோல் சேர்ந்து வாழணும்’ - உதயநிதியின் வாழ்த்து

திருமண நிகழ்ச்சிகள், சேந்தமங்கலத்தில் ஜல்லிக்கட்டு விழாவை தொடங்கிவைத்தல், பள்ளிகளில் ஆய்வு, மாவட்ட ஆட்சியர் அலுவலகத்தில் ஆய்வுக் கூட்டம், கட்சி நிர்வாகிகள் குடும்பத்தினருடன் புகைப்படம் எடுக்கும் நிகழ்ச்சி, நாமக்கல் நகரிலுள்ள கவிஞர் ராமலிங்கம் அரசுப் பெண்கள் கல்லூரியில், கவிஞர் ராமலிங்கம் பிள்ளை சிலையைத் திறந்துவைத்தல், மோகனூர் சர்க்கரை ஆலையைப் பார்வையிடல் என்று பல்வேறு நிகழ்ச்சிகளில் கலந்துகொள்ள, அமைச்சர் உதயநிதி நாமக்கலுக்கு வருகை தந்தார். காலையில் வெட்டுக்காட்டுப் பகுதியில் நடைபெற்ற, சேந்தமங்கலம் எம்.எல்.ஏ பொன்னுச்சாமியின் பேரன் நவஜீவன், வித்யா திருமண நிகழ்ச்சியில் கலந்துகொண்டார். திருமண நிகழ்வில் உதயநிதி அப்போது பேசிய உதயநிதி ஸ்டாலின், "மணமக்கள் ஒருவருக்கு ஒருவர் விட்டுக்கொடுத்து, தி.மு.க கூட்டணியைப்போல் ஒற்றுமையுடன் வாழ வேண்டும். அ.தி.மு.க., பா.ஜ.க கூட்டணிபோல் பிரிந்து வாழக் கூடாது. அப்படி வாழ்ந்தால், ரோட்டில் போவோர்கூட கருத்து சொல்வார்கள்" என்று பேசினார். தொடர்ந்து, ஜல்லிக்கட்டு நிகழ்ச்சி, ஆய்வுக் கூட்டங்களில் கலந்துகொண்டவர், மாலையில் நாமக்கல் கவிஞர் ராமலிங்கம் பிள்ளையின் திருவுருவச் சிலையை திறந்துவைத்தார். அதன் பிறகு, கல்லூரி வளாகத்தில் நடைபெற்ற நிகழ்ச்சியில் பேசிய உதயநிதி ஸ்டாலின், ``தனியார் இடத்திலாவது இந்தச் சிலையை நாங்கள் வைத்துக்கொள்ள அனுமதி வேண்டும் என்று கேட்டார்கள். நம்முடைய தலைவர் முதலமைச்சர் அவர்கள்தான், நாமக்கல் கவிஞருடைய சிலை தனியார் இடத்தில் அமையக் கூடாது, அது பொதுவான இடத்தில், அதுவும் ஒரு கல்லூரியில் மாணவ, மாணவிகள் பயிலும் இடத்தில் அமைய வேண்டும் என்று சொல்லி, இங்கே சிலை அமைய வழிவகை செய்தார். கவிஞருடையது, எளிமையான குடும்பப் பின்னணி. ஆனால், தன்னுடைய வலிமையான தமிழ்ப் புலமையால் கவிதைகள் எழுதி புகழ்பெற்றவர். மட்டுமல்லாமல் விடுதலைக்காக முழுமையாக தமிழ் மொழியைப் பயன்படுத்தியவர். அதேபோல், நம்முடைய கவிஞர் அவர்கள் சிறந்த பேச்சாளரும்கூட. அவருடைய மேடைப்பேச்சுகள் சாதாரண மக்களிடையே விடுதலைப் போராட்ட உணர்வை ஏற்படுத்தின. நாமக்கல் கவிஞர் சிலையைத் திறக்கும் உதயநிதி நாமக்கல் மாவட்டத்தில் காங்கிரஸ் தலைவர்களில் ஒருவராக இருந்து சுதந்திரத்துக்காகப் போராடினார். 10 வருட காலம் முழுவதும் காங்கிரஸுக்காகப் பாடுபட்டார். ஆங்கிலேயர்களுக்கு எதிராக, மகாத்மா காந்தி தலைமையில் நாடு முழுவதும் பல இடங்களில் போராட்டங்கள் நடைபெற்றன. அதில், வேதாரண்யத்தில் நடைபெற்ற உப்புச் சத்தியாகிரகப் போராட்டத்தில் ராஜாஜி அவர்களுடன் கலந்துகொண்டவர்தான் நம்முடைய நாமக்கல் கவிஞர். அப்போதுதான், `கத்தி இன்றி ரத்தம் இன்றி யுத்தம் ஒன்று வருகுது’ என்ற தேசபக்திப் பாடலை இயற்றினார். அந்தப் பாடல் ஏற்படுத்திய விடுதலைப் போராட்ட உணர்வு என்பது மிக அதிகம். பின்னர் ஒருநாள் நாமக்கல் கவிஞர் காந்தியைச் சந்தித்தபோது, அந்தப் பாடலை இயற்றித் தந்ததற்காக அவரைப் பாராட்டினார் காந்தி. அப்படிப்பட்ட சிறப்புவாய்ந்த நம்முடைய நாமக்கல் கவிஞரின் புகழை அடுத்தடுத்த தலைமுறைக்கு எடுத்துச் செல்லவேண்டியது நம்முடைய கடமை. இப்போது இருக்கிற நம்முடைய சமூகம் அனைத்தையும், அனைவரையும் மறந்துவிடக்கூடிய சமூகம். நம்முடைய முதலமைச்சர், கல்விக்கு அவ்வளவு முக்கியத்துவம் அளித்து பல முன்னோடித் திட்டங்களை தீட்டிவருகிறார் என்பது உங்கள் அத்தனை பேருக்கும் தெரியும். மாணவ, மாணவிகளைப் பள்ளிக்கு வரவழைக்க முதலமைச்சர் காலை சிற்றுண்டித் திட்டம் கொண்டுவந்தார். விழாவில் உதயநிதி அவர்கள் காலையில் ஸ்கூலுக்கு வர வேண்டுமென்றால், பசியோடு வரக் கூடாது, மாணவர்கள் வந்து படிக்கணும், மாணவ, மாணவிகளின் படிப்புக்கு முக்கியத்துவம் கொடுக்கிறோம் என்ற ஒரே நல்ல நோக்கத்தோடு தொடங்கப்பட்ட திட்டத்தில், தற்போது கிட்டத்தட்ட ஒன்றரை லட்சம் மாணவர்கள் பயன்பெற்றுவருகிறார்கள். அதேபோல், இலவச பேருந்துப் பயணம் அறிவிப்பைத் தொடர்ந்து, இந்த 20 மாதங்களில் மட்டும் தமிழகத்தில் மொத்தம் 250 கோடிப் பயணங்களை மகளிர் இலவசமாக, கட்டணமில்லாமல் மேற்கொண்டிருக்கிறார்கள். பெண்கள் முன்னேற, இருக்கும் ஒரே ஆயுதம் கல்வி மட்டுமே. அதுவும் பத்தோடு பதினொன்றோடு நிற்காமல் நாம் என்னவாக வேண்டும் என்று ஒவ்வொருவருக்கும் ஆழ்மனதில் ஓர் எண்ணம் இருக்கும். முதலில் அது என்ன என்று நீங்கள் தெரிந்துகொள்ளுங்கள். பிறகு, அதை நோக்கிப் பயணிக்கத் தொடங்குங்கள். உழைக்கத் தொடங்குங்கள். உங்களால் முடியாது என்று இந்த உலகத்தில் எதுவுமே கிடையாது. அப்படி, உங்களுடைய ஒவ்வொரு முயற்சியிலும், உங்களுடைய வளர்ச்சியிலும் ஓர் அண்ணனாகக் கூட இருந்து நான் உங்களுக்கு உதவி செய்வேன் என்பதை இந்த நேரத்தில் தெரிவித்துக்கொள்கிறேன். அதற்கான உத்தரவாதத்தைத் தரவே உங்களைச் சந்திக்க வந்திருக்கிறேன். இந்தச் சிலையைத் திறக்கும் வாய்ப்பை எனக்கு வழங்கிய உயர்கல்வித்துறை அமைச்சர் அண்ணன் பொன்முடி அவர்களுக்கும், மாவட்டச் செயலாளர் ராஜேஷ்குமார் அவர்களுக்கும், நாமக்கல் கவிஞருடைய குடும்பத்தைச் சார்ந்தவர்களுக்கும் என் அன்பையும் வாழ்த்தையும் தெரிவித்துக்கொள்கிறேன்.விழாவில் உதயநிதி இந்த நிகழ்ச்சியை முன்னெடுத்துக்கொண்டிருக்கும் அனைவருக்கும், இதில் கலந்துகொண்டவர்களுக்கும் என்னுடைய அன்பையும் வாழ்த்தையும் தெரிவித்து விடைபெறுகிறேன். உங்கள் வீட்டுப் பிள்ளையாகத்தான், உங்களுடைய அன்பு சகோதரராகத்தான் நான் எப்போதுமே இருப்பேன். சிலை திறப்பதற்காக மட்டும் என்னை இங்கே கூப்பிடவில்லை. பல்வேறு கோரிக்கைகளையும் வைத்திருக்கிறார்கள். அவற்றையும் விரைவில் நிறைவேற்றுவேன் என்று உறுதியளிக்கிறேன்" என்றார்.
http://dlvr.it/SkLWcV

Read More

மேற்குவங்கம்: இடைத்தேர்தலில் காங்கிரஸ் கொடுத்த ஷாக்... மம்தா அதிரடியால் எதிர்க்கட்சிகள் அதிர்ச்சி!

மேற்கு வங்கத்தில் நடந்த இடைத்தேர்தலில் சர்திகி தொகுதியை திரிணாமுல் காங்கிரஸ் கட்சியிடமிருந்து காங்கிரஸ் கைப்பற்றியிருக்கிறது. இது மம்தா பானர்ஜிக்குக் கடும் அதிர்ச்சியை ஏற்படுத்தியிருக்கிறது. இது குறித்து மம்தா பானர்ஜி அளித்த பேட்டியில், ``சிபிஎம், காங்கிரஸ் கட்சிகள் இடைத்தேர்தலில் பாஜக-வுடன் மறைமுகக் கூட்டணி வைத்திருந்தன. இப்போது பொருத்தமற்ற கூட்டணி வைத்திருக்கும் காங்கிரஸ், எப்படி பாஜக-வை எதிர்த்து போட்டியிடும். இடதுசாரிக் கட்சிகள் எப்படி பாஜக-வை எதிர்த்து போட்டியிடும். பாஜக-வுக்கு எதிரானவர்கள் என்று எப்படி காங்கிரஸும் இடதுசாரிகளும் கூறிக்கொள்ள முடியும்? இடைத்தேர்தலில் இடதுசாரிகள், காங்கிரஸ், பாஜக ஆகிய மூன்று கட்சிகளும் மதவாதத்தைப் பயன்படுத்தின. பாஜக வெளிப்படையாகப் பயன்படுத்தியது. காங்கிரஸும், இடதுசாரிக் கட்சிகளும் பாஜக-வைவிட அதிக அளவில் மதவாதத்தைப் பயன்படுத்தின. சிபிஎம், காங்கிரஸ் கட்சிகளின் பேச்சைக் கேட்கக் கூடாது. பாஜக-வுடன் இணைந்து செயல்படுபவர்களுடன் கூட்டணி வைக்க முடியாது என்பதற்கு இது ஒரு பாடம். 2024-ம் ஆண்டு தேர்தலில் திரிணாமுல் காங்கிரஸ் மக்களுடன்தான் கூட்டணி வைக்கும். வேறு எந்த அரசியல் கட்சியுடனும் கூட்டணி வைத்துக்கொள்ள மாட்டோம். மக்கள் ஆதரவுடன் போட்டியிடுவோம். பாஜக-வைத் தோற்கடிக்க வேண்டும் என்று விரும்புபவர்கள் எங்களுக்கு வாக்களிப்பார்கள். பாஜக, காங்கிரஸ், சிபிஎம் கட்சிகளை எதிர்த்து போட்டியிட திரிணாமுல் காங்கிரஸ் போதும்” என்று தெரிவித்தார். 2019-ம் ஆண்டு நடந்த மக்களவைத் தேர்தலில் எதிர்க்கட்சிகளை மம்தா பானர்ஜி ஒன்று சேர்க்க முயன்றார். ஆனால் அது முடியாமல்போனது. மேற்கு வங்கத்தில் பாஜக 18 தொகுதிகளில் வெற்றிபெற்றது.மம்தா பானர்ஜி இதையடுத்து இருப்பதையும் விட்டுவிடக் கூடாது என்பதற்காக மேற்கு வங்கத்தில் மட்டுமே மம்தா பானர்ஜி அதிக கவனம் செலுத்திவருகிறார். கோவாவில் சில காங்கிரஸ் தலைவர்களைத் தனது கட்சிக்கு இழுத்து, அங்கு தனது கட்சியை விரிவுபடுத்த மம்தா பானர்ஜி மேற்கொண்ட முயற்சி பலனலிக்கவில்லை. இதே போன்று வடகிழக்கு மாநிலங்களிலும் காங்கிரஸ் எம்.எல்.ஏ-க்களைத் தன் பக்கம் இழுத்துக்கொண்டு அங்கு தனது கட்சியை மம்தா பானர்ஜி வளர்க்க முயன்றார். ஆனால் தற்போது வந்திருக்கும் தேர்தல் முடிவுகள் மம்தா பானர்ஜிக்கு எதிராகவே அமைந்திருக்கின்றன. எதிர்க்கட்சிகளை கூட்டணி சேர்த்து பிரதமராகிவிடலாம் என்று மம்தா பானர்ஜி கணக்கு போட்டுப் பார்த்தார். ஆனால், அந்தப் பதவிக்கு ஏற்கெனவே நிதிஷ் குமார், அர்விந்த் கெஜ்ரிவால், சந்திரசேகர் ராவ் ஆகியோரும் போட்டியில் இருக்கின்றனர். தற்போது தனித்துப்போட்டியிடுவேன் என்று மம்தா பானர்ஜி அறிவித்திருப்பதால், எதிர்க்கட்சிகளை ஒன்றிணைக்கும் முயற்சிக்கு மிகப்பெரிய பின்னடைவு ஏற்பட்டிருக்கிறது.
http://dlvr.it/SkHhSl

Read More

``கும்மிடிப்பூண்டியைத் தாண்டாத ஸ்டாலின் நேஷனல் லீடரா... அது பகல் கனவு" - அண்ணாமலை பேச்சு

பா.ஜ.க-வின் சக்திகேந்திர பொறுப்பாளர்களுக்கான ஆலோசனைக் கூட்டம் நேற்று விழுப்புரத்தில் தனியார் மண்டபம் ஒன்றில் நடைபெற்றது. இதில் கலந்துகொண்ட அந்தக் கட்சியின் மாநிலத் தலைவர் அண்ணாமலை, பின்னர் செய்தியாளர்களைச் சந்தித்தார். அப்போது பேசிய அவர், "இந்தப் பகுதிகளில் பா.ஜ.க மிக வேகமாக வளர்ந்துகொண்டிருக்கிறது. அடுத்தகட்டத்துக்கு பா.ஜ.க சென்றிருக்கிறது. குறிப்பாக, உள்கட்டமைப்புகளை வைத்து இங்கு அரசியல் நடப்பதே கிடையாது. சாதியைச் சார்ந்துதான் இங்கு அரசியலே நடந்திருக்கிறது. அதை பா.ஜ.க உடைத்துக்கொண்டிருக்கிறது. மூன்று மாநிலத் தேர்தல் முடிவுகளும் வந்துகொண்டிருக்கின்றன.திரிபுரா, நாகாலாந்து, மேகாலயா - தேர்தல் முடிவுகள் இந்த மூன்று மாநிலங்களிலும் அரசியலில் நிரந்தரமாக யாரும் ஜெயிக்க முடியாது. ஒரு குழப்பமான தேர்தல் காலம் அது. அதை பா.ஜ.க உடைத்திருக்கிறது என்பதுதான் மக்கள் நமக்குக் கொடுத்திருக்கும் முதல் செய்தி. 1947 - 2014 வரை இந்தியப் பிரதமர்களாக இருந்த அனைவரும் சேர்ந்து எத்தனை முறை வடகிழக்கு மாநிலங்களுக்குச் சென்றார்களோ... அதைவிட அதிகமாக கடந்த ஒன்படு வருடங்களில் மோடி அவர்கள் அந்த பகுதிகளுக்குச் சென்றிருக்கிறார்.அண்ணாமலை - விழுப்புரம் ``அராஜகம், அத்துமீறல், ஜனநாயகப் படுகொலை..!" - ஈரோடு இடைத்தேர்தல் குறித்து எடப்பாடி பழனிசாமி ஈரோடு கிழக்கு இடைத்தேர்தலைப் பொறுத்தவரை, எப்போதுமே தேர்தலின் தீர்ப்பு வந்த பிறகு மக்கள் கொடுத்திருக்கக்கூடிய செய்தியை நாம் தலைவணங்கி ஏற்க வேண்டும். அது நம் அரசியலில் மிக முக்கியமானது. அப்படித்தான் அனைத்துத் தேர்தல்களையும் பா.ஜ.க பார்க்கிறது. நாடாளுமன்றத் தேர்தலுக்கு இன்னும் 13 மாதங்களே இருக்கின்றன. ஏற்கெனவே சொன்னதுபோல 2024-தான் எங்களுக்கான தேர்தல். மேலும், 'இந்த இடைத்தேர்தல் பாஜக-வுக்கானது இல்லை. அதனால் நாங்கள் தேர்தலில் நிற்கவில்லை' என்பதைத் தெளிவாக முன்பே சொல்லியிருந்தோம். கூட்டணி தர்மத்தின்படி, எங்கள் கூட்டணிக் கட்சி வேட்பாளருக்காக உயிரைக் கொடுத்து பாடுபட்டிருக்கிறோம். எனவே, வந்திருக்கும் முடிவை தலைவணங்கி ஏற்கிறோம். 2024 களம் முற்றிலும் வேறு மாதிரியாக இருக்கும். இதுவரை 87% இடைத்தேர்தல் முடிவுகள்... தமிழகம் மற்றும் இந்திய அளவிலான அரசியல் வரலாற்றிலும் ஆளுங்கட்சியை நோக்கித்தான் போயிருக்கின்றன. 2024 தேர்தலை நாங்கள் ஆர்வமாக எதிர்பார்த்து காத்துக்கொண்டிருக்கிறோம். இந்த இடைத்தேர்தல் நிலவரத்தைப் பொறுத்தமட்டில், 'தி.மு.க அரசின் செயல்பாட்டை மக்கள் ஆராய்ந்து ஓட்டுப் போட்டிருக்கின்றனர்' என்ற கருத்தை நான் ஏற்க மாட்டேன். அரசியலில், அதிகாரத்தில் இருக்கும் ஓர் ஆளுங்கட்சியை எதிர்க்கும்போது எந்த அளவுக்கு பலம் தேவைப்படுகிறது என்பதை இது உணர்த்தியிருக்கிறது.ஈரோடு கிழக்கு இடைத்தேர்தல் தி.மு.க-மீது மக்களிடம் அதிருப்தி இருக்கிறது. 2024 வரை வேறெந்த இடைத்தேர்தலும் வரக் கூடாது. அனைத்து எம்.எல்.ஏ-க்களும் உடல் ஆரோக்கியத்துடன் நன்றாக இருக்க வேண்டும். திருமாவளவன் அண்ணன், தி.மு.க கூட்டணியிலிருந்து வெளியில் வருவதற்கு ஒரு காரணத்தைத் தேடுகிறார். அவர் ஒரு புது அரசியலை ஸ்டாலின் அவர்களுக்குக் கற்றுக்கொடுக்க முயல்கிறார். கூட்டணியிலிருந்து வெளியில் வருவதாக இருந்தால் தைரியமாக வாருங்கள். வெளியில் வருவதற்குக்கூட தைரியம் இல்லாமல் பேசுவதையெல்லாம் ஏற்றுக்கொள்ள முடியாது. நாங்கள் சொல்வதெல்லாம்... சித்தாந்தத்தின் அடிப்படையில் யார் வேண்டுமானாலும், எங்கு வேண்டுமானாலும் செல்லலாம். பா.ஜ.க என்றும் தேசியத்தின் பக்கம். நரேந்திர மோடி அவர்களை எந்தக் கட்சி முழுமையாக ஏற்றுக்கொண்டு களத்தில் இருக்கிறதோ, அந்தக் கட்சியோடு பா.ஜ.க கூட்டணி தொடர்ந்துகொண்டேதான் இருக்கும். அண்ணன் திருமா அவர்கள், வெளியில் வருவதாக இருந்தால் தைரியமாக வரலாம். சாக்குப் போக்கு சொல்வது ஏன் எனத் தெரியவில்லை. திட்டுவதற்கெல்லாம் ஒரு கூட்டமா... அவர்களுடைய தோழர்களே ஒரு கடையை உடைத்துவிட்டு, மருத்துவமனையில் படுப்பதைப்போல் எல்லா கட்சிகளும் இருக்கும் என அவர்கள் நினைக்கிறார்கள்.பா.ஜ.க வித்தியாசமான கட்சி. எங்களோடு வந்து பார்த்தால்தான் திருமா அண்ணனுக்குத் தெரியும். எப்போதும் அந்தப் பக்கமே நாற்காலியைப் போட்டு அமர்ந்திருப்பதால், பா.ஜ.க-வின் மகிமை சில நேரங்களில் அவருக்குத் தெரிவதில்லை. திருமாவளவன், அண்ணாமலை நான், நேற்றுப் பேசியதைத்தான் நாளையும் பேசுவேன். ராணுவ வீரர்கள் எல்லையில் நிற்பது அத்துமீறுபவர்களைச் சுடுவதற்குத்தான். யார் வந்தாலும் எல்லையில் சுட்டு வீழ்த்த வேண்டும். அவர்களை உள்ளே விட்டுவிட்டால் அப்பாவி மக்களை குண்டு வைத்துக் கொல்வார்கள். பா.ஜ.க ஆட்சியில் அது நடக்காது. உதாரணமாக, காஷ்மீரில் மட்டும் ஆயிரத்துக்கும் மேற்பட்ட தீவிரவாதிகள் சுடப்பட்டு இறந்திருக்கிறார்கள். அதுதான் எங்களுடைய அரசு. அந்த அரசின் ஒரு தொண்டனான இந்த அண்ணாமலை, அப்படித்தான் பேசுவான். இதற்கெல்லாம் திருமாவுக்கு பயமாக இருந்தால் என்ன பண்ண முடியும்... இவர்களுடைய அரசியல் இவ்வளவுதான். இதையெல்லாம் பார்ப்பதற்கு எங்களுக்கு நேரமும் இல்லை, காலமும் இல்லை. தி.மு.க கூட்டணி வேட்பாளர் இளங்கோவன் அவர்களுக்கு எங்களுடைய வாழ்த்துகள். வரும் காலங்களில் பா.ஜ.க இன்னும் அதிகமாக உழைக்கும். அ.தி.மு.க கூட்டணி பலமாகத்தான் இருக்கிறது. இடைத்தேர்தல் முடிவை வைத்து எந்த ஒரு கருத்தையும் சொல்ல முடியாது. பட்டியல் சமூக மக்கள் பா.ஜ.க பக்கம் வர ஆரம்பித்துவிட்டதால், திருமா அவர்களுக்குக் கோபம். தடா பெரியசாமியுடன் முதலில் திருமா விவாதிக்கட்டும். ஓ.பி.எஸ்., இ.பி.எஸ் இணைவது அந்தக் கட்சிக்கான முடிவு. கூட்டணியில் இருக்கும் நாங்கள் அதைப் பற்றிச் சொல்ல முடியாது. தேசியக்கட்சி என்றால் இத்தனை இடங்களில் தேர்தலில் நின்றிருக்க வேண்டும் என்று வரைமுறை இருக்கிறது.மோடி - ஸ்டாலின் அரவிந்த் கெஜ்ரிவால்கூட, சரியோ தவறோ... வேறு மாநிலங்களின் தேர்தலில் நின்று பார்த்துவிட்டு, டெல்லியோடு இப்போது ஒதுங்குகிறார். ஆனால், "நான் ஏற்கெனவே தேசிய அரசியலில் வந்து விட்டேன்" என்று சொல்கிறார் முதலமைச்சர் ஸ்டாலின். கும்மிடிப்பூண்டியைத் தாண்டாதவர்... எப்போது தேசிய அரசியலில் வந்தீர்கள்... மம்தாவின் பதவியேற்பு விழாவுக்குச் சென்று ஒரு முறை பேசிவிட்டால் தேசிய அரசியலா... எனவே, தமிழகத்திலிருந்து யாராவது தேசிய அரசியலுக்கு வருகிறேன் என்று சொன்னால் அது பகல் கனவு. தி.மு.க., மற்ற மாநிலங்களில் தனது கிளைகளைத் தொடங்கி, அங்கு நடைபெறும் தேர்தலில் 1% ஓட்டையாவது வாங்கிவிட்டு, 'தேசிய அரசியலில் வந்துவிட்டோம்' என்று சொல்லட்டும்" என்றார்.ஈரோடு கிழக்கு: ``எடப்பாடியின் தலைமைக்கு மக்கள் அங்கீகாரம் அளிக்கவில்லை!" - ஈ.வி.கே.எஸ்.இளங்கோவன்
http://dlvr.it/SkHhD9

Read More

கடல் அலைக்கும் முகம் உண்டா? ஒரு போட்டோவுக்காக 12 மணிநேரத்தை செலவிட்ட லண்டன் கலைஞர்!

ஒரு நிகழ்வையோ, நபரையோ படம் பிடிக்க வேண்டும் என்பதற்காக புகைப்பட கலைஞர்கள் மேற்கொள்ளும் மெனக்கெடல்கள் வார்த்தைகளில் எளிதாக சொல்லிவிட முடியாது. குறிப்பாக வன விலங்குகளை, இயற்கை நிகழ்வுகள் அல்லது இயற்கையின் அழகை போட்டோவாக எடுப்பது சற்று சவால் நிறைந்த பணியாகவே இருக்கும். இதற்காக மணிக்கணக்கில் காத்திருப்பதும் முக்கியத்துவமானதாக இருக்கும். ஏனெனில் தக்க சமயம் வரும் வரை பொறுமையுடன் காத்திருந்து அதனை படம் பிடித்து சாதித்தும் காட்டுவார்கள். அந்த வகையில் இயற்கையின் ஓர் அங்கமான கடல் அலைகளை போட்டோ எடுக்க லண்டனை சேர்ந்த போட்டோகிராஃபர் ஒருவர் கிட்டத்தட்ட 12 மணிநேரம் காத்திருந்தது தெரிய வந்திருக்கிறது. வெறும் கடல் அலைகளை எடுப்பதற்காக எதற்கு இத்தனை மணிநேரம் காத்திருக்க வேண்டும் என்ற கேள்வி எழலாம். ஆனால், அந்த அதனை வெறும் கடல் அலையாக மட்டும் எடுக்காமல் அலைகள் பொங்கியெழுந்து தணியும் போது வருவதை போட்டோவாக பதிவு செய்திருக்கிறார் இயன் ஸ்ப்ரோட். இங்கிலாந்தின் சண்டெர்லேண்ட் பகுதியில் உள்ள கடற்கரையின் ரோகர் பையர் கலங்கரை விளக்கத்தில் கடல் அலைகள் சீராக பாய்ந்து வந்து செல்வதைதான் துல்லியமாக படம் பிடித்திருக்கிறார் இயன் ஸ்ப்ரோட். அதன்படி கடல் அலைகள் கலங்கரை விளக்கத்தின் உச்சி வரை பட்டு தெறித்து விழும் போது முகத்தோற்றம் போன்ற அமைப்புடன் இருப்பதைதான் இயன் போட்டோ எடுத்திருக்கிறார்கள். View this post on Instagram A post shared by Ian Sproat (@mje_photography_ne) இதற்கு 12 மணிநேரம் காத்திருந்து 4,000 போட்டோக்களை எடுத்து அந்த முகத் தோற்றம் கொண்ட அலைகளை பதிவு செய்திருக்கிறார். இதனை தனது இன்ஸ்டாகிராம் பக்கத்திலும் பகிர்ந்திருக்கும் இயன், “அலைகளில் முகங்கள். இது தண்ணீரின் கடவுளாகவும் இருக்கலாம் அல்லது நம் அன்புக்குரிய ராணி எலிசபெத்தாகவும் இருக்கலாம்” என கேப்ஷனிட்டுள்ளார். இயனின் இந்த முகத்தோற்றம் கொண்ட கடல் அலைகளின் போட்டோக்களை கண்ட இணைய வாசிகள் கமென்ட் செக்‌ஷனில் படையெடுத்து தத்தம் வாழ்த்துகளை தெரிவித்திருக்கிறார்கள். அதில் சிலர் நம்பவே முடியாத அளவுக்கு தத்ரூபமாக இருக்கிறது என்றெல்லாம் பதிவிட்டிருக்கிறார்கள். அதேவேளையில், கண்டிப்பாக எடிட் செய்யப்பட்ட போட்டோவாக இருக்கும் என்றும் கமென்ட் செய்திருக்கிறார்கள்.
http://dlvr.it/SkDbyb

Read More