``செந்தில் பாலாஜியை நீக்கும் அதிகாரம் ஆளுநருக்கு இல்லை!" - சட்டத்துறை அமைச்சர் ரகுபதி

புதுக்கோட்டையில் பல்வேறு நிகழ்வுகளில் கலந்துகொண்ட தமிழக சட்டத்துறை அமைச்சர் ரகுபதி செய்தியாளர்களுக்குப் பேட்டியளித்தார். அப்போது அவர், ``ஒருவரை அமைச்சரவையில் வைத்துக்கொள்வதும் அவரை நீக்குவதும் தமிழக முதலமைச்சரின் விருப்பம். ஆளுநர், செந்தில் பாலாஜியை அமைச்சரவையிலிருந்து நீக்கியது தொடர்பாக தமிழ்நாடு முதலமைச்சர் தெளிவான விளக்கங்களைத் தருவார்கள். நாட்டில் ஜனநாயகம் இருக்கிறதா, இல்லையா... என்று 2024 தேர்தலுக்குப் பிறகுதான் தெரியும். அந்த அளவுக்கு ஒரு மோசமான சூழ்நிலை தமிழகத்தில் நிலவுகிறது. நாங்கள் சொல்லும் விதிமுறைகளின்படிதான் ஆளுநர் நடந்துகொள்ள வேண்டும். அமைச்சரவையில் ஒருவரை நீக்குவதற்கு அவருக்கு உரிமை இருக்கா என்றால், கிடையாது. அவர் யாருக்கு ரப்பர் ஸ்டாம்ப்பாக இருக்கிறார் என்று தெரியவில்லை. செந்தில் பாலாஜி - ஆளுநர் ஆர்.என்.ரவி ஒருவரை அமைச்சரவையில் வைத்துக்கொள்வதும் வைத்துக்கொள்ளாததும் முதலமைச்சரின் விருப்பமே, தவிர அது ஆளுநரின் விருப்பம் அல்ல. ஒவ்வொரு மாநிலத்திலும் உள்ள ஆளுநர்கள் ஒவ்வொருத்தரையும் விலக்கிக்கொண்டு போகிறேன் என்று சொன்னால்... அப்படிச் செய்ய முடியுமா, முடியாது. இது ஜனநாயக நாடு, ஆளுநரின் சர்வாதிகார நாடு இல்லை. அ.தி.மு.க போன்ற பா.ஜ.க-வுக்கு அடிமைகளாக இருக்கும் கட்சியினர்மீது அமலாக்கத்துறை வேண்டுமென்றே நடவடிக்கை எடுத்து மிரட்டி பணியவைக்க செய்யும். அவர்களின் ஏவல் துறையாக அமலாக்கத்துறை இருக்குமே தவிர காவல்துறையாகவோ பாதுகாப்புத் துறையாகவோ இருக்காது. அமலாக்கத்துறை வழக்குகளின் நிலைமைகளை நாட்டு மக்கள் இன்று நன்றாகக் கவனித்து வருகின்றனர். அமலாக்கத்துறைக்காக நாங்கள் பயப்படப்போவது கிடையாது. நீதிமன்றம் இருக்கிறது, இன்னும் ஜனநாயகம் இருக்கிறது. நீதிமன்றத்தில் நீதி இருக்கின்றது என்ற நம்பிக்கையோடுதான் மக்கள் இருக்கிறார்கள். அமலாக்கத்துறையைப் பொறுத்தவரை ஆளுங்கட்சிக்கு அடிமையாக இருக்கக்கூடியவர்களைக் கைவைக்காது. ஐந்தாண்டுகள் மட்டுமல்ல. எத்தனை ஆண்டுகள் ஆனாலும் இதே நிலைதான். முன்னாள் சுகாதாரத்துறை அமைச்சராக இருந்த விஜயபாஸ்கர் வீட்டில் சோதனை நடைபெற்றது. அப்போது சில ஆவணங்களைத் தூக்கி வெளியே எறிந்தார்கள். அன்றைக்கு ஆளுநர் என்ன செய்துகொண்டிருந்தார். ஆவணத்தை வெளியே வீசுவதும், அப்படி வீசும்போது ஒருவர் எடுத்துக்கொண்டு ஓடும் வீடியோவும் வைரலானது. அதையே சாட்சியமாக வைத்து அப்போது விஜயபாஸ்கரைக் கைதுசெய்ய நடவடிக்கை எடுத்திருக்க வேண்டும். ஆனால், நடவடிக்கை எடுக்கவில்லை. நாட்டில் ஜனநாயகம் இருக்கிறதா இல்லையா.. என்பதை 2024-ல் மக்கள் முடிவுசெய்வார்கள்" என்றார்.
http://dlvr.it/SrSBJ6

Read More

``தமிழகத்தில் ​அனைவருக்கும் வீடு கட்டும் திட்டத்தில் ஊழல்!" - மத்திய இணை அமைச்சர்​​ குற்றச்சாட்டு

​திண்டுக்கல் மாவட்டத்தில் பல்வேறு இடங்களில் மேற்கொள்ளப்பட்டு வரும் மத்திய அரசின் திட்டப் பணிகளை, மாநிலங்களுக்கான சமூகநீதி மற்றும் அதிகாரம் அளித்தல்துறை இணையமைச்சர் ​​நா​ரா​​யணசாமி ஆய்வுமேற்கொண்டார். ​அப்போது செய்தியாளர்களைச் சந்தித்த ​நாராயணசாமி​, ​``மதுரையில் பிரதமரின் வீடு கட்டும் திட்டத்தை நேற்று முன்தினம் ஆய்வுசெய்தேன். குடிசைப் பகுதியில் வாழ்ந்த மக்களுக்காகக் கட்டப்பட்டிருக்கும் வீடுகளுக்கு சாலை வசதி, குடிநீர் வசதி, தெருவிளக்கு உள்ளிட்ட எவ்வித அடிப்படை வசதிகளும் செய்து கொடுக்கப்படவில்லை.  ஆய்வு ​பெங்களூருவில் முதல் தரமான கட்டடத்தைக் கட்டுவதற்கு சதுர​ அ​டிக்கு 2,​000 ​ரூபாய்​ முதல்​ ​2,100 ​ரூபாய் ​வரை செலவு ஏற்படுகிறது. ஆனால், ​​தமிழகத்தில் அனைவருக்கும் வீடு கட்டும் திட்டத்தில் தரமற்ற கட்டுமானப் பொருள்கள், மின் சாதனப் பொருள்கள் பயன்படுத்தப்படுகின்றன. வீடு கட்டுவதற்கு தமிழக அரசு 13​​ லட்ச​ம் ரூபாய் நிர்ணயித்திருக்கிறது. இதனால் கட்டடத்தின் மதிப்பு 2 மடங்கு உயர்த்த​ப்பட்டு மிகப்பெரிய ஊழல் நடைபெறுகிறது. ​தமிழகத்தைப் பொறுத்தவரை மத்திய அரசின் திட்டங்களைச் செயல்படுத்துவதற்கு மாநில அரசு முக்கியத்துவம் அளிப்பதில்லை. மத்திய அரசின் திட்டங்கள் குறித்து மக்களுக்கு விழிப்புணர்வு இல்லை. கடனுதவி திட்டங்கள் குறித்து வங்கியாளர்களிடம் புள்ளிவிவரங்கள் இல்லை. மதிப்பாய்வுக் கூட்டம் இதனால் மத்திய அரசின் திட்டங்கள் குறித்து திண்டுக்கல் மாவட்டத்தில் துணை ஆட்சியரைக் கொண்டு மூன்று மாதங்களுக்கு ஒருமுறை ஆய்வுக்கூட்டம் நடத்த அறிவுறுத்தினேன்"​ என்றார். ​கம்யூனிஸ்ட் கவுன்சிலருடன் மல்லுக்கட்டிய திமுக கவுன்சிலர்கள்- திண்டுக்கல் மாநகராட்சிக் கூட்ட சலசலப்பு
http://dlvr.it/SrPQ6H

Read More

புதுச்சேரி: ``ஒவ்வொரு பத்திரப்பதிவுக்கும் முதல்வர் அலுவலகத்துக்குப் பணம் செல்கிறது!” – நாராயணசாமி

புதுச்சேரியில் நேற்று செய்தியாளர்களைச் சந்தித்த முன்னாள் முதல்வர் நாராயணசாமி, ``மாநில அரசின் அதிகாரத்தை மத்திய அரசு தனது கட்டுப்பாட்டில் வைக்க நினைக்கிறது. அனைத்து மருத்துவ இடங்களையும் தங்கள் கட்டுப்பாட்டில் கொண்டுவர முயல்கின்றனர். செவிலியர் படிப்புக்கும் பொதுத் தேர்வு நடத்தப்படும் என அறிவித்திருக்கின்றனர். மாநிலங்களை டம்மியாக்கிவிட்டு மத்திய அரசு அனைத்து அதிகாரத்தையும் பறித்துக்கொள்ளும் வேலையைச் செய்கிறது. புதுவை முதலமைச்சர் ரங்கசாமி அதை வேடிக்கை பார்த்துக்கொண்டு இருக்கிறாரே தவிர, எதிர்த்துக் குரல் கொடுக்கவில்லை. பா.ஜ.க கூட்டணியில் இருப்பதால், வாய்மூடி  மவுனியாக இருக்கிறார். அதை எதிர்த்துப் போராட ரங்கசாமிக்குத் தெம்பும், திராணியும் இருக்கிறதா... மத்திய மோடி அரசு தொடர்ந்து புதுவையைப் புறக்கணித்து வருகிறது. மாநிலத்துக்கு நிதி வழங்கவில்லை. தன்னிச்சையாக அதிகாரிகளை மாற்றுகின்றனர். மத்திய பா.ஜ.க அரசு இருக்கிறது. அதனால், புதுவை மாநிலத்தில் என்.ஆர் காங்கிரஸ் – பா.ஜ.க கூட்டணி அரசு அமைந்தால் பாலாறும், தேனாறும் ஓடும் என்றார் முதல்வர் ரங்கசாமி.புதுச்சேரி முதல்வர் ரங்கசாமி மாநில அந்தஸ்து பெறுவதற்காகவே மத்திய பா.ஜ.க அரசுடன் கூட்டணி வைத்திருக்கிறேன் என்று கூறி மக்களை ஏமாற்றி வாக்குகளை வாங்கி ஆட்சி அமைத்தார். தற்போது என்னால் ஒன்றும் செய்ய முடியவில்லை என்றும், ஏன் முதலமைச்சராக இருக்கிறேன் என்றும் ரங்கசாமி கூறுவது கபட நாடகம். அனைத்துக் கூட்டங்களையும் கவர்னர் நடத்துகிறார். முதலமைச்சரோ, அமைச்சர்களோ அந்தக் கூட்டங்களில் இல்லை. சர்வாதிகாரிபோல கவர்னர் செயல்பட்டு நிர்வாகத்தை சீர்குலைக்கிறார், நீதிமன்றத்தை அவமதிக்கிறார். முதலமைச்சரும், அமைச்சர்களும் கைகட்டிக்கொண்டு கவர்னருக்குச் சேவகம் பார்க்கின்றனர். இவர்கள் ஆளத் தகுதியற்றவர்கள் என்பதையே நிரூபித்திருக்கின்றனர். மோடி பிரதமராக வந்து ஒன்பது ஆண்டுகளில் புதுவைக்குப் புதிதாக எந்த ரயிலும் விடவில்லை. காங்கிரஸ் ஆட்சியில் 17 ரயில்களைக் கொண்டுவந்தோம். ஆனால், பா.ஜ.க ஆட்சியில் புதுவை புறக்கணிக்கப்படுகிறது. வந்தே பாரத் ரயிலை புதுவையில் ஏன் மோடி இயக்கவில்லை... புதுவை மாநில அரசைக் கூட்டணியிலுள்ள பா.ஜ.க புறக்கணிக்கிறது. என்.ஆர்.காங்கிரஸ் அரசு வாய்மூடி மௌனமாக இருக்கிறது. கலால் துறையில் ஊழல், உள்ளாட்சித்துறையில் குப்பையை வார டெண்டர் விடுவதில் ஊழல் நடந்தது. இந்தக் குற்றச்சாட்டை கூறியவுடன் அதிகாரிகளை இடமாற்றம் செய்தனர், டெண்டர் ரத்துசெய்யப்பட்டது. பத்திரப்பதிவுத்துறையில் பணிபுரியும் பதிவாளர், சார் பதிவாளர்கள் ஒவ்வொரு வாரமும் ஆட்சியாளர்களுக்கு கப்பம் கட்ட  வேண்டும். உயர் பதவியில் உள்ளவர்களுக்கு அவர்கள் பணம் கொடுக்க வேண்டும். ஏழை மக்கள் பத்திரம் பதியச் சென்றால் அவர்களிடம் பணம் பறிக்கப்படுகிறது. வில்லியனுரில் விளைநிலத்தை மனைகள் என்ற போர்வையில் விற்பனை செய்கின்றனர். நகர அமைப்பின் அனுமதியின்றி பத்திரம் பதியப்படுகிறது. இதில் தொடர்புடைய ஒருவர் தற்போது அமைச்சராக இருக்கிறார். அவரின் இடத்தில் 300 பிளாட்டுகள் விற்கப்பட்டிருக்கிறது. புதுவையில் ஒவ்வொரு பத்திரத்துக்கும் பணம் வாங்கி முதலமைச்சர் அலுவலகத்துக்குக் கொடுக்கப்படுகிறது. தற்போது கோயில் நிலங்கள் அபகரிக்கப்படுகின்றன. காமாட்சியம்மன் கோயில் நிலம் அபகரிப்பு தொடர்பாக புகார் அளித்தபோது காவல்துறையும், அரசும் நடவடிக்கை எடுக்கவில்லை.தமிழிசை சௌந்தரராஜன் உள்துறை அமைச்சகத்துக்குக் கடிதம் எழுதிய பிறகு வழக்கு பதிவுசெய்து சி.பி.சி.ஐ.டி விசாரணை நடந்திருக்கிறது. சென்னையைச் சேர்ந்தவர்கள் உட்பட 13 பேர் கைதுசெய்யப்பட்டிருக்கின்றனர். இந்த இடம் இரண்டு பகுதிகளாக இருக்கின்றன. ஒரு பகுதி போலிப் பத்திரம் தயாரிக்கப்பட்டு, சென்னையைச் சேர்ந்த நிறுவனத்தினர் வாங்கி 21 பேருக்கு விற்றிருக்கின்றனர். இதில் 20 பேர் சென்னையைச் சேர்ந்தவர்கள், ஒருவர் புதுவையைச் சேர்ந்தவர். மீதமுள்ள பாதி இடத்தில் புதுவையைச் சேர்ந்த முக்கியப்புள்ளிகள், அரசியல்வாதிகளின் குடும்பத்தைச் சேர்ந்தவர்கள், எம்.எல்.ஏ குடும்பத்தைச் சேர்ந்தவர்கள் போலிப் பத்திரம் மூலம் வாங்கி பட்டா மாற்றம் செய்திருக்கின்றனர். இது குறித்து புதுவை சி.பி.சி.ஐ.டி விசாரணை நடக்கிறது. போலிப் பத்திரப்பதிவு விவகாரத்தில் யார் சம்பந்தப்பட்டிருந்தாலும் கடுமையான நடவடிக்கை எடுக்க வேண்டும். அதேபோல விற்றவர்கள் மீதும், போலிப் பத்திரம் தயாரித்தவர்கள் மீதும் நடவடிக்கை எடுக்கப்பட்டிருக்கிறது. நிலத்தை வாங்கியவர்கள்மீது ஏன் நடவடிக்கை எடுக்கவில்லை... புதுவையில் அரசியல்வாதிகள், எம்.எல்.ஏ குடும்பம், மற்ற கட்சியைச் சேர்ந்த முக்கியப்புள்ளிகள் இந்த இடத்தை வாங்கியிருக்கின்றனர். இதை மூடிமறைக்கும் வேலை நடக்கிறது.``புதுச்சேரி அமைச்சர்கள் 30% கமிஷன் வாங்குகிறார்கள்!” – முன்னாள் முதல்வர் நாராயணசாமி குற்றச்சாட்டு சம்பந்தப்பட்ட அதிகாரிகள் தலைமறைவாகி சென்னை உயர் நீதிமன்றத்தில் முன்ஜாமீன் கோரி வருகின்றனர். ஊழல் பேர்வழிகளைக் காப்பாற்றும் வேலையை முதலமைச்சர் ரங்கசாமி செய்கிறார். இதில் நடவடிக்கை எடுக்காவிட்டால், முதலமைச்சர் ரங்கசாமி வழக்கை சி.பி.ஐ விசாரணைக்கு மாற்ற வேண்டும். போலிப் பத்திரத்தை அரசு ரத்துசெய்ய வேண்டும். அதற்கான அதிகாரம் புதுவை அரசுக்கு இருக்கிறது. இதில் ஆளும்கட்சியைச் சேர்ந்த ஒரு எம்.எல்.ஏ-வுக்கு தொடர்பிருக்கிறது. இது குறித்து சி.பி.சி.ஐ.டி விசாரணையை தீவிரப்படுத்த வேண்டும் எனக் கோரிக்கை வைக்கப்பட்டிருக்கிறது. இல்லாவிட்டால் சி.பி.ஐ விசாரணை நடத்த வேண்டும் என்று கோரிக்கை வைக்கவிருக்கின்றனர். இதில் பதிவுசெய்யப்பட்ட அனைத்துப் பத்திரங்களையும் ரத்துசெய்ய வேண்டும். கோயில் நிலங்களுக்கு பூஜ்ய மதிப்பு அளிக்க வேண்டும். மணக்குள விநாயகர் கோயில் நிலமும் அபகரிப்பு செய்யப்பட்டிருப்பதாகப் புகார்கள் வந்திருக்கின்றன.புதுச்சேரி முதல்வர் ரங்கசாமி கோயில் நிலத்தை விற்பவர்களுக்கும், வாங்குபவர்களுக்கும் ஆட்சியாளர்கள் சாதகமாக இருக்கின்றனர். இந்த வழக்கை சி.பி.ஐ விசாரித்தால்தான் உண்மை நிலவரம் தெரியும். அரசியல்வாதிகளின் அழுத்தம் காரணமாக சி.பி.சி.ஐ.டி விசாரணை நடத்த மாட்டார்கள். முதலியார்பேட்டையில் அடுத்தடுத்து இரண்டு படுகொலைகள் நடந்திருக்கின்றன. ஆனால், காவல்துறை எந்த நடவடிக்கையும் எடுக்கவில்லை. வெடிகுண்டு வீசி எதிரிகளைக் கொலைசெய்யும் வேலை தொடர்ந்து நடந்துவருகிறது. ரங்கசாமி முதலமைச்சராக வரும்போதெல்லாம் புதுவை கொலை நகரமாகிவிடும். கஞ்சா, அபின் போன்ற போதைப்பொருளும் தாராளமாக புழக்கத்தில் இருப்பதால்தான் கொலை, கொள்ளை நடக்கிறது. புதுவையில் சட்டம்-ஒழுங்கு சீர்குலைந்திருக்கிறது. காவல்துறை நிர்வாகம் மிக மோசமான நிலையில் இருக்கிறது. ரங்கசாமி டம்மி முதலமைச்சர் என்பதை நாங்கள் தொடர்ந்து கூறி வந்தோம். தற்போது முதலமைச்சர் தன்னுடைய புலம்பல் மூலம் அதை நிருபித்திருக்கிறார்” என்றார்.
http://dlvr.it/SrLcW9

Read More

"விற்பனையே இல்லாத டாஸ்மாக் கடைகளைத்தான் மூடியிருக்கின்றனர்!” - ஆர்.பி.உதயகுமார் தாக்கு

தமிழ்நாட்டில் போதைப்பொருள் பாதிப்புகள் குறித்து முன்னாள் அமைச்சர் ஆர்.பி.உதயகுமார், "போதைப்பொருளை ஒழிக்க தமிழகத்தில் காவல்துறை மூலம் பல திட்டங்கள் வகுக்கப்பட்டாலும் செயல்முறையில் பயனளிக்கவில்லை. ராமேஸ்வரத்தில் ஆளும்கட்சிப் பிரமுகர் போதைப்பொருள் கடத்தலில் ஈடுபட்டதை மத்திய போதைப்பொருள் கண்காணிப்புப் பிரிவு கண்டுபிடித்தது. ஆனால், அந்த உண்மை வெளியே வரவில்லை.போதைப்பொருள் உலக வர்த்தகத்தில் சட்ட விரோத போதைப்பொருள்கள் விற்பனை ஆண்டுக்கு ஐந்து லட்சம் கோடி என்ற அதிர்ச்சித் தகவல் நமக்கு கிடைக்கிறது. இதனால் புற்றுநோய், பொருளாதர சீரழிவு, குடும்பப் பிரச்னை என சர்வதேச அளவில் பிரச்னைகள் ஏற்பட்டு வருகிறது. தமிழகத்தில் போதைப்பொருள் விழிப்புணர்வில் 100 சதவிகிதம் அரசு தோல்வி அடைந்திருக்கிறது. கடந்த இரண்டு ஆண்டுகளில் மட்டும் 47,248 கிலோ கஞ்சா பறிமுதல் செய்யப்பட்டிருக்கிறது. 20,014 வழக்குகள் பதிவுசெய்யப்பட்டு, 25,721 நபர்கள் கைதுசெய்யப்பட்டிருக்கின்றனர். இரண்டு ஆண்டுகளில் போதைப்பொருள் நடமாட்டம் அதிகரித்திருக்கிறது என்பதற்கு இந்தத் தகவல் சாட்சியாக இருக்கிறது.ஆர்.பி.உதயகுமார் போதைப்பொருள் நடமாட்டத்தைக் கட்டுப்படுத்த தவறிய நிர்வாகத் திறனற்ற, திறமையற்றதாக இந்த அரசு இருக்கிறது. 500 டாஸ்மாக் கடைகளை மூடியிருக்கிறோம் என்று அரசு கூறுகிறது. எடப்பாடியார் தொடர் போராட்டம் நடத்தியதன் விளைவால்தான் மூடப்பட்டிருக்கின்றன. அதுவும், விற்பனை இல்லாத கடைகளைத்தான் மூடியிருக்கின்றனர். சர்வதேச அளவில் தமிழகத்திலிருந்து இலங்கைக்குப் போதைப்பொருள் கடத்தல் நடந்திருப்பது தமிழகத்துக்கு தலைகுனிவாகும். தமிழகத்தில் 50 லட்சம் இளைஞர்கள் போதைப்பொருளால் பாதிப்படைந்திருக்கின்றனர். போதை ஒழிப்பு நடவடிக்கையில் தமிழகம் பூஜ்ஜியமாக இருக்கிறது. அதுமட்டுமல்ல, தமிழகத்தில் டாஸ்மாக் கடைகளில் பாட்டிலுக்கு கூடுதலாக பத்து ரூபாய் மூலம் ஆண்டுக்கு 3,600 கோடி அரசின் கஜானாவுக்குச் செல்லாமல் குறிப்பிட்ட நபர்களுக்கு மடைமாற்றம் செய்யப்படுகிறது.போதைப்பொருள் தமிழக வரலாற்றில் இதுவரை இல்லாத வகையில் அமைச்சர் ஒருவர் கைதுசெய்யப்பட்டிருக்கிறார். இலாகா இல்லாத அமைச்சர் கைதியாக இருப்பது வரலாற்றில் புதிதாக இருக்கிறது.   இளைய சமுதாயத்தை அரசு காப்பாற்றாது, இளைஞர்கள் தங்களைத் தாங்களே பாதுகாத்துக்கொள்ள வேண்டும். தமிழகத்தில் போதைப்பொருள் நடமாட்டம் சுனாமி பேரலையாக எழுந்திருக்கிறது. இதற்கு சமீபத்திய உதாரணம் 25 பேர் கள்ளச்சாராயத்தால் பலியானதுதான். தமிழகத்தில் போதைப்பொருள்கள் அதிகரிக்கும் நிலையில், மக்களைப் பற்றி கவலைப்படாமல் முதலமைச்சர் பீகார் சென்றார். இனிமேலாவது மக்களைப் பாதுகாக்கும்  நடவடிக்கையில் முதலமைச்சர்  ஈடுபட வேண்டும். அப்படி இல்லையென்றால் எடப்பாடியார் மீண்டும் ஆட்சிக்கு வந்து போதைப்பொருள் இல்லாத தமிழகத்தை உருவாக்கி இளைஞர்களைப் பாதுகாப்பார்" என்று தெரிவித்திருக்கிறார்.
http://dlvr.it/SrHlrX

Read More

செல்ஃபி எடுத்த டிஜிபி |பிரமாண்ட கடல் ஆமை சிற்பம்|எவரெஸ்ட் ஏறிய மாணவிக்குப் பாராட்டு - News in Photos

கன்னியாகுமரி: குமரி காவல்துறை சார்பில் நடைபெற்ற பல்வேறு நிகழ்ச்சிகளில் கலந்துகொண்ட தமிழக டி.ஜி.பி சைலேந்திர பாபு, என்.சி.சி மாணவர்களுடன் செல்ஃபி எடுத்துக்கொண்டார்.கன்னியாகுமரி: உலக போதை தடுப்பு விழிப்புணர்வு தினத்தை முன்னிட்டு கன்னியாகுமரி ஆட்சியர் ஸ்ரீதர், காவல் கண்காணிப்பாளர் ஹரி கிரண் பிரசாத் ஆகியோர் தலைமையில் அதிகாரிகள் மற்றும் பொதுமக்கள் போதைப்பொருள் பயன்பாட்டுக்கு எதிராக உறுதிமொழி எடுத்துக்கொண்டனர்.சென்னை: கடல் ஆமை பாதுகாப்பு மற்றும் பிளாஸ்டிக் குறித்த விழிப்புணர்வுக்காக பெசன்ட் நகர் எலியட்ஸ் கடற்கரையில் முப்பதாயிரம் பிளாஸ்டிக் பாட்டில்களைக் கொண்டு உருவாக்கப்பட்டிருக்கும் பிரமாண்ட கடல் ஆமை சிற்பம்.சென்னை: காசிமேடு கடற்கரையில் காவல்துறை சார்பில் போதைப்பொருள் குறித்து விழிப்புணர்வு ஏற்படுத்தும் வகையில் நடைபெற்ற தலா தாவும் படகுப் போட்டி.ராமேஸ்வரம்: பாம்பன் பாலத்தில் அதிவேகமாக வந்த இரண்டு அரசுப் பேருந்துகள் நேருக்கு நேர் மோதி விபத்து.சென்னை: சேப்பாக்கத்தில் பல்வேறு கோரிக்கைகளை வலியுறுத்தி தமிழ்நாடு சத்துணவு ஊழியர் சங்கம் சார்பில் நடைபெற்ற பட்டினிப் போராட்டம்.சென்னை: மணிப்பூர் மாநிலத்தில் நடக்கும் மனிதப் படுகொலையைக் கண்டித்து வள்ளுவர்கோட்டத்தில் கிறிஸ்துவ நல்லெண்ண இயக்கம் சார்பில் நடைபெற்ற ஆர்ப்பாட்டம்.விழுப்புரம்: ஆபத்தான முறையில் பேருந்து படிக்கட்டுகளில் தொங்கியபடி பயணம் செய்யும் பள்ளி மாணவர்கள்.தஞ்சாவூர்: ராஜராஜன் நகரில் மாநகராட்சி சார்பில் புதிதாக அமைக்கப்பட்டு வரும் தார் சாலை தரமற்ற முறையில் இருப்பதாக, அந்தப் பகுதியினர் சாலையில் போடப்பட்ட ஜல்லிக் கற்களைக் கையில் பெயர்த்தெடுத்து சாலை அமைக்கும் பணியைத் தடுத்து நிறுத்தினர்.ஈரோடு: கஸ்தூரி அரங்கநாதர் கோயிலில் ஸ்ரீமஹா சுதர்ஸன யாகம் நடைபெற்றது.ஈரோடு: நான்காவது நாளாகத் தொடரும் தூய்மைப் பணியாளர்கள் வேலைநிறுத்தப் போராட்டத்துக்கு ஆதரவு தெரிவித்து, திருப்பூர் நாளுமன்ற உறுப்பினர் சுப்பராயன் போராட்டத்தில் கலந்துகொண்டார்.ஈரோடு: தமிழக நகர்ப்புற வளர்ச்சி மற்றும் வீட்டு வசதித்துறை அமைச்சர் சு.முத்துசாமி ஆட்சியர் அலுவலகத்தில் நடைபெற்ற நிகழ்ச்சியில் பயனாளிகளுக்கு பல்வேறு நலத்திட்ட உதவிகளை வழங்கினார். ராமநாதபுரம்: சர்வதேச மது ஒழிப்பு தினத்தை முன்னிட்டு தங்கச்சிமடத்தில் நடைபெற்ற, அன்னை ஸ்கொலஸ்டிகா கல்லூரி மாணவிகளின் பேரணி.கோயம்புத்தூர்: போதைப்பொருள்களுக்கு எதிரான விழிப்புணர்வு மாராத்தானில் கலந்துகொண்ட ஆட்சியர், காவல் ஆணையர் மற்றும் பொதுமக்கள்.கோவையில் நடைபெற்ற நிகழ்ச்சியில் தமிழக பள்ளிக் கல்வித்துறை அமைச்சர் அன்பில் மகேஸ் பொய்யாமொழி கலந்துகொண்டு, தனியார் பள்ளிகளுக்கு ஆணைகள் வழங்கினார்.வேலூர்: காவல்துறை சார்பில் நடைபெற்ற போதைப்பொருள் ஒழிப்பு விழிப்புணர்வுப் பேரணி.வேலூர்: பாதுகாப்பு கேட்டு மாவட்டக் காவல் கண்காணிப்பாளர் அலுவலகத்தில் தஞ்சமடைந்த காதல் ஜோடி.விழுப்புரம்: சர்வதேச போதைப்பொருள் ஒழிப்பு விழிப்புணர்வுப் பேரணியில் கலந்துகொண்ட கல்லூரி மாணவிகள்.புதுச்சேரி: எவரெஸ்ட் சிகரத்தை அடைந்து சாதனை படைத்த தமிழக மாணவி முத்தமிழ் செல்வியை புதுவை முன்னாள் முதல்வர் நாராயணசாமி பாராட்டினார்.புதுச்சேரி, காரைக்கால் பிராந்தியத்தில் பணியாற்றும் அரசுப் பள்ளி ஆசிரியர்கள், தங்களுக்கு புதுச்சேரி பிராந்தியத்தில் பணியிட மாற்றம் வேண்டி முதல்வர் ரங்கசாமி இல்லத்தை முற்றுகையிட்டனர்.புதுச்சேரியில் நடைபெறுகிற பாரம்பர்ய மற்றும் மரபுசார் மருத்துவ மாநாட்டில் நடைபெற்ற கண்காட்சியைப் பார்வையிட்ட துணைநிலை ஆளுநர் தமிழிசை.புதுச்சேரி: மத்திய அரசு 2022-ம் ஆண்டுக்கான சிறந்த காவல் நிலையமாகத் தேர்வு செய்திருக்கும் புதுச்சேரி நிரவி காவல் நிலையத்துக்கான சான்றிதழை ஏ.டி.ஜி.பி., ஆனந்த மோகனிடமிருந்து இன்ஸ்பெக்டர் லெனின் பாரதி பெற்றுக்கொண்டார்.புதுச்சேரி: அரசு வருவாய் மற்றும் பேரிடர் மேலாண்மைத்துறையில் பணிபுரிகிற 13 வருவாய் ஆய்வாளர்களுக்கு துணை தாசில்தார்களாக பதவி உயர்வு ஆணையை முதல்வர் ரங்கசாமி வழங்கினார்.புதுச்சேரி: புதிதாகத் தேர்வான காவலர்களின் சான்றிதழ் சரிபார்க்கும் பணிகள் நடைபெற்றன.மதுரை: மாநகராட்சி அலுவலகத்தில் நடைபெற்ற மாமன்றக் கூட்டத்தில் மேயருக்கு எதிராக, தெற்குத் தொகுதி சட்டமன்ற உறுப்பினர் தன்னுடைய தொகுதியில் சரிவர பணிகள் நடைபெறாதது குறித்து கண்டனம் தெரிவித்தார்.விருதுநகர்: மரம் ஒன்றில் அழகிய கூடுகள் கட்டிவரும் தூக்கணாங்குருவிகள்.
http://dlvr.it/SrHlbT

Read More

எமர்ஜென்சி: ``நமது வரலாற்றில் மறக்க முடியாத காலம்!" - பிரதமர் மோடி

இந்திரா காந்தி தலைமையிலான காங்கிரஸ் ஆட்சியில் 1975-ம் ஆண்டு எமர்ஜென்சி கொண்டு வரப்பட்டது. அரசுக்கு எதிரான அனைத்து அரசியல் கட்சித் தலைவர்கள், நிர்வாகிகள் கைது செய்யப்பட்டு நாடு முழுவதும் சிறைகளில் அடைக்கப்பட்டனர். தமிழ்நாட்டில் அப்போது ஆட்சியில் இருந்த தி.மு.க அரசு கலைக்கப்பட்டது. தற்போதைய முதல்வர் மு.க.ஸ்டாலின் உள்ளிட்டோர் எமர்ஜென்சி காலத்தில் சிறைவாசம் அனுபவித்தனர். சிறையில் கொடுமைகளை எதிர்கொண்டனர். எமர்ஜென்சி அறிவித்த தினத்தை உத்தரபிரதேச மாநில பா.ஜ.க அரசு கறுப்பு தினமாக கடைபிடிக்கிறது.பிரதமர் மோடி இந்த நிலையில், எமர்ஜென்சி காலத்தில் நடந்தவைகளை நினைவு கூர்ந்த பிரதமர் மோடி, "அந்தக் காலத்தை மறக்கவே முடியாது” என தெரிவித்திருக்கிறார். இது குறித்தது தனது ட்வீட்டர் பக்கத்தில், "எமர்ஜென்சியை எதிர்த்து நமது ஜனநாயக உணர்வை வலுப்படுத்த உழைத்த துணிச்சல் மிக்க அனைவருக்கும் நான் தலை வணங்குகிறேன். எமர்ஜென்சியின் இருண்ட நாள்கள் நமது வரலாற்றில் மறக்க முடியாத காலகட்டமாக உள்ளது. எமர்ஜென்சி நமது அரசியலமைப்பு சட்டம் கொண்டாடும் மதிப்புகளுக்கு முற்றிலும் எதிரானதாக அமைந்துள்ளது" எனக் குறிப்பிட்டிருக்கிறார். மெடிக்கல் எமர்ஜென்சி தெரியும்... செக்ஸ் எமர்ஜென்சி தெரியுமா? காமத்துக்கு மரியாதை | S3 E 46
http://dlvr.it/SrDsZv

Read More

Tamil News Today Live: மேற்கு வங்க மாநிலத்தில் இரு சரக்கு ரயில்கள் மோதி விபத்து!

மேற்கு வங்கம் மாநிலத்தில் இரு சரக்கு ரயில்கள் மோதி விபத்து! #WATCH | West Bengal: Two goods trains collided at Onda railway station in Bankura. Rail operation on Kharagpur–Bankura–Adra line has been halted. More details awaited. pic.twitter.com/T4sL5rn7Rp— ANI (@ANI) June 25, 2023 மேற்கு வங்கம் மாநிலத்தில் பாங்குராவில் உள்ள ஓண்டா ரயில் நிலையத்தில், இரண்டு சரக்கு ரயில்கள் மோதி விபத்துக்குள்ளானது. இந்த விபத்தில் 12 பெட்டிகள் வரை தடம் புரண்டதாக சொல்லப்படுகிறது. கரக்பூர்-பாங்குரா-ஆத்ரா வழித்தடத்தில் ரயில் போக்குவரத்து நிறுத்தப்பட்டுள்ளது. இந்த விபத்தில் ரயில் ஓட்டுநர் காயமடைந்து மருத்துவமனையில் அனுமதிக்கப்பட்டுள்ளார். விபத்துக்கான காரணம் குறித்து விசாரணை நடைபெற்று வருகிறது.
http://dlvr.it/SrBnGj

Read More

கேரளா: காங்கிரஸ் மாநிலத் தலைவர் கைது... 2 நாள்கள் கறுப்பு தினம் என அறிவித்த தலைவர்கள்!

கேரள மாநிலம், ஆலப்புழா மாவட்டம், சேர்த்தலாவைச் சேர்ந்தவர் மோன்சன் மாவுங்கல். போலியான பழங்காலப் பொருள்களை வைத்துக்கொண்டு பல மோசடி செய்திருப்பதாகக் கைதுசெய்யப்பட்டு இப்போது சிறையில் இருக்கிறார். வட்டி இல்லாமல் நூறு கோடி ரூபாய் கடன் வாங்கித் தருவதாக 6.27 கோடி ரூபாய் மோசடி செய்ததாக சேர்த்தலாவைச் சேர்ந்த ஷாஜி என்பவர் அளித்த புகாரில் 2021-ம் ஆண்டு செப்டம்பர் மாதம் 25-ம் தேதி கைதுசெய்யப்பட்டார்.மோன்சன் மாவுங்கல் மோன்சன் மாவுங்கல் தன்னிடம் 2018-ம் ஆண்டு மோசடியாக 25 லட்சம் ரூபாய் பெற்றதாகவும். அதில், 10 லட்சம் ரூபாயை கேரள மாநில காங்கிரஸ் தலைவர் கே.சுதாகரன் வாங்கிச் சென்றதாகவும் அனூப் என்பவர் க்ரைம் பிராஞ்ச் போலீஸில் புகாரளித்தார். அந்த வழக்கில் காங்கிரஸ் மாநிலத் தலைவர் கே.சுதாகரன் மீது வழக்கு பதிவுசெய்யப்பட்டது. இந்த வழக்கு சம்பந்தமாக கொச்சி களமசேரி க்ரைம் பிராஞ்ச் அலுவலகத்தில் வைத்து கே.சுதாகரனிடம் போலீஸார் நேற்று காலை 11 மணி முதல் விசாரணை நடத்தினர். சுமார் 8 மணி நேரம் நடந்த விசாரணை நேற்று இரவு 7 மணியளவில் முடிவுக்கு வந்தது. விசாரணை முடிந்த பிறகு க்ரைம் பிராஞ்ச் போலீஸார் அவரைக் கைதுசெய்தனர். ஏற்கெனவே நீதிமன்ற அறிவுறுத்தல் இருப்பதால் கைதுசெய்யப்பட்ட பின்னர் கே.சுதாகரன், இரவே ஜாமீனில் விடுவிக்கப்பட்டார். மாநிலத் தலைவர் கைதுசெய்யப்பட்டதைக் கண்டித்து சனி, ஞாயிறு (இன்றும், நாளையும்) இரண்டு தினங்கள் கறுப்பு தினமாக அறிவித்திருக்கிறது காங்கிரஸ் கட்சி. மாநிலத் தலைவர் கே.சுதாகரன் கைதுசெய்யப்பட்ட சம்பவத்துக்கு எதிர்ப்பு தெரிவித்து நாளை மாநிலம் முழுவதும் காங்கிரஸ் கட்சியினர் தீப்பந்தம் ஏந்திப் போராட்டங்களில் ஈடுபடவிருப்பதாக மாநிலப் பொதுச்செயலாளர் ராதாகிருஷ்ணன் தெரிவித்திருக்கிறார்.கைதுசெய்யப்பட்ட பிறகு செய்தியாளர்களிடம் பேசிய கே.சுதாகரன் ஜாமீனில் விடுவிக்கப்பட்ட கே.சுதாகரன் செய்தியாளர்களிடம், "எனக்கு நீதிமன்றம்மீது நம்பிக்கை இருக்கிறது. இந்த வழக்கு தகுதியானதா, தகுதியற்றதா என நீதிமன்றம் தீர்மானிக்கட்டும். எதுவாக இருந்தாலும் அதை ஏற்றுக்கொள்ள நான் தயாராக இருக்கிறேன். இந்த வழக்கில் என்னைத் தண்டிக்க எந்த ஆதாரமும் போலீஸ் வசம் இல்லை என்பதை விசாரணையின்போதே தெரிந்துகொண்டேன். எனக்கு பயமோ, கவலையோ இல்லை. எதையும் எதிர்கொள்ளத் தயாராக இருக்கிறேன்" என்றார்.
http://dlvr.it/Sr8nfM

Read More

Manipur Violence : இறங்கி வரும் மத்திய அரசு... தோல்வியை ஒப்புக்கொள்கிறாரா அமித் ஷா?

மணிப்பூரில் ஒன்றரை மாதங்களுக்கு மேலாக நீடித்துவரும் இன வன்முறை, தேசத்தின் துயரமாக மாறியிருக்கிறது. மணிப்பூர் மாநிலம் தொடர்ந்து பற்றியெரிந்துகொண்டிருக்கும் நிலையில், அங்கு அமைதியை நிலைநாட்ட உருப்படியான நடவடிக்கை எதுவும் எடுக்கவில்லை என்கிற குற்றச்சாட்டு பரவலாக எழுந்திருக்கிறது. இந்த நிலையில், மணிப்பூர் பற்றி ஒரு வார்த்தைகூடச் சொல்லாமல், அமெரிக்காவுக்குப் போய்விட்டார் பிரதமர் மோடி.மோடி - ஜோ பைடன், ஜில் பைடன் `அமெரிக்காவில் அதிபர் ஜோ பைடன், ஜில் பைடன் ஆகியோருடன் பிரதமர் மோடி சிரித்துக்கொண்டிருக்கும் புகைப்படங்களைக் கண்டு மணிப்பூர் மக்கள் கொந்தளிப்பில் இருக்கிறார்கள்' என எதிர்க்கட்சியினர் கூறிவருகின்றனர். ஏற்கெனவே, ‘பிரதமர் மோடியைக் காணவில்லை’ என்று சுவரொட்டிகளை ஒட்டி தங்கள் கோபத்தை வெளிப்படுத்திய மணிப்பூர் மக்கள் மத்தியில், பிரதமர் மோடி மீதான கோபம் மேலும் அதிகரித்திருக்கிறது. காங்கிரஸ் மூத்த தலைவர் ராகுல் காந்தி, “பா.ஜ.க-வின் வெறுப்பு அரசியல் மணிப்பூரை எரித்து, 100-க்கும் மேற்பட்ட மக்களைக் கொன்று குவித்திருக்கிறது. இந்தியாவை தோல்வியுறச் செய்து முற்றிலும் அமைதியாக இருக்கிறார் பிரதமர். மணிப்பூரில் ஒவ்வோர் இதயத்திலும் வெறுப்பின் சந்தையை மூடிவிட்டு, அன்பின் கடையைத் திறப்போம்” என்று சமீபத்தில் ட்வீட் செய்தார். மேலும், `மணிப்பூரில் அமைதியை ஏற்படுத்த அனைத்துக் கட்சிக் குழு ஒன்றை அங்கு அனுப்பிவைக்க வேண்டும்’ என்றும் ராகுல் காந்தி வலியுறுத்தினார்.ராகுல் காந்தி. மணிப்பூரிலும் காங்கிரஸ் கட்சியின் தலைமையில் ஒருங்கிணைந்த பத்து அரசியல் கட்சிகள், மணிப்பூர் வன்முறை தொடர்பாக விவாதிக்க சட்டமன்றக் கூட்டத்தை உடனடியாகக் கூட்ட வேண்டும் என்று வலியுறுத்தின. மேலும், நாடாளுமன்றக் கூட்டத்தைக் கூட்ட வேண்டும் என்றும் அந்தக் கட்சிகள் கோரிக்கை விடுத்தன. ஆனால், எதிர்க்கட்சிகளின் கோரிக்கைகளையோ, மணிப்பூர் மக்களின் வேண்டுகோள்களையோ மத்திய அரசு மதிக்காமலேயே இருந்தது. மணிப்பூர் வன்முறை தொடர்பாக பிரதமர் மோடியைச் சந்திக்க வேண்டுமென்று மணிப்பூர் முன்னாள் முதல்வர் இபோபி சிங், ஜக்கிய ஜனதா தளம், திரிணமுல் காங்கிரஸ், தேசியவாத காங்கிரஸ், இந்திய கம்யூனிஸ்ட் கட்சி ஆகியவற்றின் தலைவர்கள் நேரம் கேட்டனர். பிரதமர் அலுவலகத்தில் கோரிக்கை மனு ஒன்றை கடந்த ஜூன் 10-ம் தேதி அளித்த எதிர்க்கட்சிகளின் தலைவர்கள், அமெரிக்காவுக்குப் புறப்படுவதற்கு முன்பாக பிரதமர் மோடியைச் சந்திப்பதற்கு முயன்றனர். ஆனால், அவர்களைச் சந்திக்காமலேயே மோடி அமெரிக்காவுக்குப் போய்விட்டார். இபோபி சிங் - மோடி இந்த நிலையில், மத்திய அரசின் அணுகுமுறையில் திடீர் மாற்றம் ஏற்பட்டிருக்கிறது. மணிப்பூர் விவகாரம் குறித்து விவாதிப்பதற்கு அனைத்துக் கட்சிகளின் கூட்டத்தை ஜூன் 24-ம் தேதி கூட்டவிருக்கிறார் மத்திய உள்துறை அமைச்சர் அமித் ஷா. மத்திய உள்துறை அமைச்சகத்தின் ட்விட்டர் பக்கத்தில், “மணிப்பூர் நிலைமை குறித்து விவாதிக்க ஜூன் 24-ம் தேதி மாலை 3 மணிக்கு அனைத்துக் கட்சிக் கூட்டத்தை அமித் ஷா கூட்டியிருக்கிறார்” என்று தெரிவிக்கப்பட்டிருக்கிறது. பா.ஜ.க-வைச் சேர்ந்த அஸ்ஸாம் முதல்வர் ஹிமந்தா பிஸ்வா சர்மா, அமித் ஷா சந்திப்புக்குப் பிறகு இந்த அறிவிப்பு வெளியாகியிருக்கிறது. வரும் நாடாளுமன்றத் தேர்தலில் பா.ஜ.க-வைத் தோற்கடிக்க வேண்டும் என்ற நோக்கத்துடன் ஜூன் 23-ம் தேதி (இன்று) பாட்னாவில் எதிர்க்கட்சித் தலைவர்கள் சந்திக்கிறார்கள். அதற்கு மறுநாள் அனைத்துக் கட்சிக் கூட்டத்தை அமித் ஷா கூட்டியிருக்கிறார். பிரேன் சிங் - மோடி உரிய நேரத்தில், உரிய நடவடிக்கையை மத்திய, மாநில பா.ஜ.க அரசுகள் எடுக்காத காரணத்தால் மணிப்பூரில் நிலைமை கைமீறிப்போய்விட்டதாக மணிப்பூர் அரசியலை உற்றுநோக்கம் அரசியல் பார்வையாளர்கள் விமர்சித்தனர். எவருடைய உயிருக்கும் உடைமைகளுக்கும் உத்தரவாதம் இல்லாத லிபியா, சிரியா போன்ற நாடுகளைப்போல, மணிப்பூர் மாறிவிட்டதாக ஓய்வுபெற்ற ராணுவ அதிகாரி நிஷிகாந்தா சிங் ட்வீட் செய்திருந்தார். ‘இனி குடியரசுத் தலைவர் ஆட்சியை அமல்படுத்துவதைத் தவிர வேறு வழியே இல்லை’ என்ற கருத்தும் சில தரப்பினரிடம் மேலோங்கியது. எதிர்க்கட்சிகளை ஒன்றிணைக்க கார்கேவை பிரதமர் வேட்பாளர் ஆக்குகிறதா காங்கிரஸ்?! `மணிப்பூரில் சட்டம்-ஒழுங்கை நிலைநாட்டுவதில் டபுள் இன்ஜின் சர்கார் தோல்வியடைந்துவிட்டது' என்ற வெளிப்படை விமர்சனம் எழத் தொடங்கியிருக்கிறது. ‘இரும்பு மனிதர்’ என்றெல்லாம் பா.ஜ.க-வினரால் பெருமையுடன் குறிப்பிடப்படும் அமித் ஷாவால்கூட, மணிப்பூரில் வன்முறையை முடிவுக்குக் கொண்டுவர முடியவில்லை. இத்தகைய சூழலில்தான், மணிப்பூரில் குடியரசுத் தலைவர் ஆட்சியை அமல்படுத்த வேண்டும் என்ற கோரிக்கை சில தரப்பினரிடமிருந்து எழுந்தது. மோடி - அமித் ஷா ஆனால், `மணிப்பூரில் பிரேன் சிங் தலைமையிலான பா.ஜ.க அரசைக் கலைத்துவிட்டு, அங்கு குடியரசுத் தலைவர் ஆட்சியை அமைப்பது சரியானதல்ல’ என்றும், `அது பா.ஜ.க-வுக்கு பின்னடைவை ஏற்படுத்தும்’ என்றும் பா.ஜ.க தலைவர்கள் கருதுகிறார்கள். எனவேதான், மத்திய அரசுக்கு நெருக்கடி அதிகரித்த சூழலில், அனைத்துக் கட்சிக் கூட்டம் என்ற முடிவுக்கு அமித் ஷா இறங்கிவந்திருக்கிறார். மணிப்பூரில் விரைவில் `வன்முறை' தீ அணைக்கப்பட்டால் சரி..!
http://dlvr.it/Sr683P

Read More

``அரசாங்கத்திடம் ஸ்மார்ட் சிட்டி திட்டம்தான் இருக்கிறது; ஸ்மார்ட் வில்லேஜ் திட்டம் எங்கே?!" - சீமான்

கட்சி சார்ந்து பல்வேறு நிகழ்ச்சிகளில் கலந்துகொள்வதற்காக நாம் தமிழர் கட்சியின் தலைமை ஒருங்கிணைப்பாளர் சீமான் விருதுநகர் மாவட்டத்தில் இரண்டு நாள் சுற்றுப்பயணம் மேற்கொண்டிருக்கிறார். அதன்படி, விருதுநகருக்கு நீராதாரமாக விளங்கும் ஆனைக்குட்டம் நீர்த்தேக்கத்தைப் பார்வையிட்ட அவர், அதைத் தொடர்ந்து திருத்தங்கலில் கட்சி நிர்வாகிகளுடன் கலந்துரையாடல் நடத்தினார். இதையடுத்து, மாலையில் விருதுநகர் தேசபந்து மைதானத்தில் பொதுக்கூட்டம் நடைபெற்றது.நினைவு பரிசு கூட்டத்துக்கு தலைமை தாங்கிய நாம் தமிழர் கட்சி ஒருங்கிணைப்பாளர் சீமான், `தமிழகத்தில் எதற்காக நாம் தமிழர் கட்சி ஆட்சி அமைய வேண்டும்' எனும் தலைப்பில் சிறப்புரையாற்றினார். மேடையில் அவர் பேசும்போது, "அரசியல் என்பது முழுக்க முழுக்க மக்களுக்கான சேவை எனச் சொல்லிச் சென்றவர்கள் என் தாத்தன்மார்கள் பெருந்தலைவர் காமராஜரும், தியாகி சங்கரலிங்கனாரும். அவர்களுடைய வழித்தோன்றலான நாங்கள் புரட்சிகர அரசியலை முன்னெடுத்துவருகிறோம். `துணிவும், நேர்மையுமுடைய 150 இளைஞர்களைக் கொடுத்தால் இந்த நாட்டையே மாற்றிக் காட்டுகிறேன்' என சூளுரைத்தவர் சுவாமி விவேகானந்தர். ஆனால், அதே துணிவும், நேர்மையும், புரட்சிகர எண்ணமும்கொண்ட பெரும்படை நாம் தமிழரிடம் இருக்கிறது. எனவே, ஒருமுறை எங்களிடம் நாட்டைக் கொடுத்துப் பாருங்கள் மாபெரும் மாற்றத்தை நிகழ்த்திக் காட்டுகிறோம்.பேச்சு இன்று தமிழ்நாட்டில் வேளாண்மையை விட்டுவிட்டு விவசாயிகள் வெளியேறும் காலம் வந்துவிட்டது. நமது அத்தியாவசியத் தேவைகள் அனைத்தும் பூர்த்தியாவது கிராமங்களில் இருந்துதான். அப்படியிருக்க கிராமங்கள் காலியாகி, நகரங்கள் பிதுங்கி வழியும் நிலை இருக்கிறது. இது பேராபத்துப் பயணமாகும். தற்போதிருக்கும் அரசாங்கத்திடம் ஸ்மார்ட் சிட்டிக்கான திட்டம் மட்டுமே இருக்கிறது. ஸ்மார்ட் வில்லேஜுக்கான திட்டம் எதுவும் இல்லை. அதேபோல் முதல்தர வகுப்பு ஆசிரியர்கள் அனைவரும் நகரங்களில் பணியமர்த்தப்படுகிறார்கள். அடுத்தடுத்த தரநிலையிலுள்ள ஆசிரியர்களே கிராமங்களில் பணியமர்த்தப்படுகிறார்கள். முதலில் இதை மாற்ற வேண்டும். ஒரு நாட்டுக்கு ஆகப் பெரும் வளம் சேர்ப்பது அறிவுதான். அந்த அறிவை வளர்ப்பதற்குத் துணை நிற்பது கல்வி. எனவே, கல்வியைச் சரியாக, தரமாக, சமமாக வழங்க நாம் தமிழர் கட்சி உறுதிகொண்டிருக்கிறது. அதன்படி, நாம் தமிழர் கட்சி ஆட்சிக்கு வந்தால் முதல்தர ஆசிரியர்கள் அனைவரும் கிராமப் பள்ளிக்கூடங்களில்தான் பணியமர்த்தப்படுவார்கள். தற்போது இருக்கும் கல்விமுறை ஒழித்துக் கட்டப்பட்டு தலைகீழ் மாற்றம் கொண்டுவரப்படும். மாணவர்களின் விருப்பத்துக்கு ஏற்றவாறு பாடங்கள் கற்பிக்கப்படும். பேச்சு அரசு ஆசிரியர்களின் பிள்ளைகள் அரசுப் பள்ளியில் பயில சட்டம் இயற்றப்படும். அரசு ஊழியர்கள், அரசு மருத்துவமனையிலேயே சிகிச்சை பெற வேண்டும். வேளாண்மை, அரசு வேலையாக்கப்படும். நீர் பெருக்கம், சுற்றுச்சூழல் மாசில்லா எரிவாயு உற்பத்தி ஆகியவை திட்டமிட்டு கட்டமைக்கப்படும். மக்களுக்கு இலவச மருத்துவம், தூய்மையான குடிநீர், வழங்குவதற்கு நடவடிக்கை எடுப்போம். ரேஷனில் சீனி வழங்கப்படுவதை ஒழித்துக்கட்டி, பனை பொருள்களான வெல்லம், கருப்பட்டியை வழங்குவதற்கு நடவடிக்கை எடுப்போம். தமிழ் மீட்சியே, தமிழரின் எழுச்சியாகும். எனவே, தமிழ் மொழியில் பயின்றவருக்கே அரசு வேலையில் முன்னுரிமை அளிக்கப்படும். இங்கிருக்கும் மாவட்ட அமைச்சர் கே.கே.எஸ்.எஸ்.ஆர். ராமச்சந்திரன், அவர் சார்ந்த சமூகக் கூட்டத்தில் பேசுகையில், தன் தாய்மொழி உடையோருக்கு அரசு காரியங்களிலும், அரசு வேலைகளிலும் சலுகை அளிப்பேன் எனப் பேசியிருக்கிறார். அவர் தாய்மொழிக்காரர்களுக்கே சலுகை வழங்குவேன் எனச் சொல்லும்போது, என் தமிழ் கற்றவனுக்கு நான் சலுகை அளிக்கக் கூடாதா... தமிழ் என்பது வெறும் மொழி அல்ல, அது நமது அடையாளம். எனவே, நாடு நல்லபடியாக மாற வேண்டுமென்றால் அதற்கு நாம் தமிழர் கட்சி தேர்தலில் வெற்றிபெற வேண்டும்" எனப் பேசினார்.Vijay : `திரைப்படத்தில் நடிப்பது மட்டுமே நாட்டை ஆளத் தகுதியாகி விடாது!' - சீமான் சொல்வதென்ன?
http://dlvr.it/Sr3Dzt

Read More

Tamil News Today Live: `நாளை முதல் 500 டாஸ்மாக் கடைகள் மூடப்படும்' - டாஸ்மாக் நிர்வாகம் அறிவிப்பு

நாளை முதல் 500 டாஸ்மாக் கடைகள் மூடப்படும்! நாளை முதல் 500 டாஸ்மாக் கடைகள் மூடப்படும் என டாஸ்மாக் நிர்வாகம் அறிவித்திருக்கிறது. செந்தில் பாலாஜியின் உடல்நிலை சீராக இருக்கிறது! அமைச்சர் செந்தில் பாலாஜிக்கு அறுவை சிகிச்சை நிறைவடைந்த நிலையில், மருத்துவமனை நிர்வாகம் அறிக்கை வெளியிட்டிருக்கிறது. அதில், ``பைபாஸ் அறுவை சிகிச்சைக்குப் பின்னர் அமைச்சர் செந்தில் பாலாஜியின் உடல்நிலை சீராக இருக்கிறது. இதயத்துக்குச் செல்லும் ரத்த நாளங்களில் இருந்த நான்கு அடைப்புகள் அகற்றப்பட்டிருக்கின்றன. தற்போது அவர் சிறப்பு இதய தீவிர சிகிச்சைப் பிரிவில் அனுமதிக்கப்பட்டிருக்கிறார். அமைச்சரின் உடல்நிலை தொடர்ந்து கண்காணிக்கப்பட்டு வருகிறது'' எனக் குறிப்பிடப்பட்டிருக்கிறது. அமைச்சர் செந்தில் பாலாஜிக்கு அறுவை சிகிச்சை நிறைவு..! செந்தில் பாலாஜி அமலாக்கத்துறையால் கைதுசெய்யப்பட்டிருக்கும் அமைச்சர் செந்தில் பாலாஜி, நெஞ்சுவலி காரணமாக மருத்துவமனையில் அனுமதிக்கப்பட்டார். காவேரி மருத்துவமனையில் அவருக்கு பைபாஸ் அறுவை சிகிச்சை அதிகாலை 5.30 மணியளவில் தொடங்கி நடைபெற்றுவந்தது. இந்த நிலையில், தற்போது அறுவை சிகிச்சை முடிந்ததாக மருத்துவமனை வட்டாரங்கள் தெரிவித்திருக்கின்றன. கிட்டத்தட்ட 5 மணி நேரம் இந்த சிகிச்சை நடைபெற்றதாகக் கூறப்பட்டிருக்கிறது. சர்வதேச யோகா தினத்தை முன்னிட்டு, கடலூர் மாவட்டத்திலுள்ள சிதம்பரம் அண்ணாமலை பல்கலைக்கழகத்தில் நடந்த யோகாசன நிகழ்ச்சியில் கவர்னர் ஆர்.என்.ரவி கலந்துகொண்டார். அமைச்சர் செந்தில் பாலாஜிக்கு அறுவை சிகிச்சை! செந்தில் பாலாஜி அமலாக்கத்துறையால் கைதுசெய்யப்பட்டிருக்கும் அமைச்சர் செந்தில் பாலாஜி, நெஞ்சுவலி காரணமாக மருத்துவமனையில் அனுமதிக்கப்பட்டார். இந்த நிலையில், காவேரி மருத்துவமனையில் அவருக்கு பைபாஸ் அறுவை சிகிச்சை தொடங்கி நடைபெற்றுவருகிறது. செந்தில் பாலாஜியின் இதயத்துக்குச் செல்லும் ரத்தக்குழாயில் மூன்று அடைப்புகள் இருப்பதைக் கண்டறிந்த மருத்துவர்கள் குழு, மூத்த மருத்துவர் ரகுராமன் தலைமையில் அறுவை சிகிச்சை மேற்கொண்டுவருவதாகத் தகவல் வெளியாகியிருக்கிறது. இதற்கிடையே அமைச்சர் செந்தில் பாலாஜியை தனியார் மருத்துவமனைக்கு மாற்றப்பட்டதை எதிர்த்து அமலாக்கத்துறை மேல்முறையீடு செய்த மனு உச்ச நீதிமன்றத்தில் இன்று விசாரணைக்கு வருவது குறிப்பிடத்தக்கது. பிரதமர் மோடி - எலான் மஸ்க் சந்திப்பு..! பிரதமர் நரேந்திர மோடி அரசுமுறைப் பயணமாக அமெரிக்கா சென்றிருக்கிறார். இந்த நிலையில், இன்று நியூயார்க்கில் டெஸ்லா, ஸ்பேஸ் எக்ஸ் நிறுவனங்களின் சிஇஓ எலான் மஸ்க்கைச் சந்தித்தார். இந்தச் சந்திப்பு சிறப்பாக இருந்ததாகத் தெரிவித்திருக்கும் மஸ்க், பிரதமர் மோடி, இந்தியாவில் முதலீடு செய்ய வருமாறு அழைப்பு விடுத்ததாகத் தெரிவித்தார். மேலும், அடுத்த ஆண்டில் தான் இந்தியாவுக்கு வரத் திட்டமிட்டிருப்பதாகவும் தெரிவித்திருக்கிறார் மஸ்க்.
http://dlvr.it/Sr0LR4

Read More

Tamil News Today Live: `நாளை செந்தில் பாலாஜிக்கு அறுவை சிகிச்சை நடைபெறவிருக்கிறது' - மா.சுப்பிரமணியன்

அமைச்சர் செந்தில் பாலாஜிக்கு நாளை அறுவை சிகிச்சை! அமைச்சர் செந்தில் பாலாஜிக்கு நாளை இதய பைபாஸ் அறுவை சிகிச்சை நடைபெறவிருப்பதாக அமைச்சர் மா.சுப்பிரமணியன் தெரிவித்திருக்கிறார். திருவாரூரில் கலைஞர் கோட்டம்... இன்று திறந்துவைக்கிறார் நிதிஷ் குமார்! திருவாரூர் மாவட்டம் காட்டூரில், தயாளு அம்மாள் அறக்கட்டளை சார்பில் ரூ.12 கோடியில் 7,000 சதுரஅடி பரப்பில் கட்டப்பட்டிருக்கும் `கலைஞர் கோட்டம்’ திறப்பு விழா இன்று நடைபெறுகிறது. முன்னாள் முதல்வர் கருணாநிதியின் நூற்றாண்டு விழா கொண்டாட்டத்தின் ஒரு பகுதியாக இது நடைபெறுகிறது. விழாவுக்கு முதல்வர் ஸ்டாலின் தலைமை வகிக்கிறார். கலைஞர் கோட்டத்தை பீகார் முதல்வர் நிதிஷ் குமாரும், முத்துவேலர் நூலகத்தை பீகார் துணை முதல்வர் தேஜஸ்வி யாதவும் திறந்துவைக்கின்றனர். விழாவில் பங்கேற்பதற்காக சிறப்பு விமானம் மூலம் திருச்சி வரும் நிதிஷ் குமார், தேஜஸ்வி யாதவ் ஆகியோர், அங்கிருந்து ஹெலிகாப்டர் மூலம் திருவாரூர் வருவதாகவும், பின்னர் அங்கிருந்து கார் மூலம் காட்டூர் வந்து, விழாவில் பங்கேற்கின்றனர் என்றும் தெரிவிக்கப்பட்டிருக்கிறது. `அப்பாவுக்கு மகன் ஆற்றும் கடமை’ - திருவாரூர் `கலைஞர் கோட்டத்தில்’ நெகிழ்ந்த ஸ்டாலின் முதல்வர் ஸ்டாலின் நேற்று முன்தினம் இரவே திருவாரூர் வந்து, சன்னதி தெருவிலுள்ள இல்லத்தில் தங்கியிருக்கிறார். மேலும், நேற்று கலைஞர் கோட்டம் வந்து ஆய்வுமேற்கொண்டார். விழா ஏற்பாடுகள் குறித்தும் கேட்டு தெரிந்துகொண்டார்.
http://dlvr.it/SqxNYS

Read More

சாவர்க்கர், ஹெட்கேவர் பாடங்கள், பள்ளிப் புத்தகங்களிலிருந்து ‘கட்’ - கர்நாடகா காங்கிரஸ் அரசு உத்தரவு

கர்நாடக காங்கிரஸ் அரசு, பள்ளிப்பாடத் திட்டங்களில் பா.ஜ.க சேர்த்த, சாவர்க்கர் தொடர்பான கவிதை, ஆர்.எஸ்.எஸ் நிறுவனர் தொடர்பான பாடம் என, பல பாடங்களை நீக்கியிருக்கிறது. கர்நாடகத்தில் சமீபத்தில் தேர்தல் நடந்து முடிந்த நிலையில், காங்கிரஸ் வெற்றிபெற்று முதல்வராக சித்தராமையா பொறுப்பேற்றிருக்கிறார். காங்கிரஸ் ஆட்சி அமைந்த பிறகு, பா.ஜ.க கொண்டுவந்த மதமாற்ற தடைச் சட்டம் திரும்பப் பெறுதல், பல்வேறு திட்டங்கள் டெண்டர்களை மறுபரிசீலனை செய்தல் என, பல்வேறு நடவடிக்கைகளில் ஈடுபட்டுவருகிறது. தேர்தலின்போது பள்ளிப் பாடத்திட்டத்தில் மாற்றம் செய்யப்படுமெனவும், சமூகநீதி நிலைநாட்டப்படுமெனவும் காங்கிரஸ் அறிவித்திருந்தது. இந்த நிலையில், பள்ளிப் பாடப்புத்தகங்களில் பா.ஜ.க சேர்த்த, வலதுசாரி தொடர்பான பாடங்களை நீக்கி உத்தரவிட்டிருப்பதால், பா.ஜ.க-வினர் அதிருப்தியில் இருக்கின்றனர்.கர்நாடகா பள்ளிக் கல்வி. இரு நாள்களுக்கு முன்பு, கர்நாடக பள்ளிப் பாடப்புத்தகங்களில் மாற்றம் கொண்டுவர கேபினட் கூட்டத்தில் ஒப்புதல் பெறப்பட்டது. அதன் பிறகு, 6 முதல் 10-ம் வகுப்பு வரையிலான கன்னடா மற்றும் சமூக அறிவியல் பாடப்புத்தகங்களில், 18 மாற்றங்கள் கொண்டுவர அரசு உத்தரவிட்டிருக்கிறது. பா.ஜ.க சேர்த்தது என்னென்ன? பா.ஜ.க ஆட்சியின்போது, பாடநூல் திருத்தக்குழுவிலிருந்த வலதுசாரி சிந்தாந்தத்தைப் பின்பற்றும் ரோஹித் சக்ரதீர்த்தா தலைமையிலான குழுவினர், பள்ளிப் பாடத்திட்டத்தில், ஆர்.எஸ்.எஸ் நிறுவனர் கேசவ் பலிராம் ஹெட்கேவர் தொடர்பான பாடம், சாவர்க்கர் தொடர்பான கவிதையைச் சேர்த்தனர்.ஹெட்கேவர், சாவர்க்கர். மேலும், நாட்டின் முதல் பிரதமரான ஜவஹர்லால் நேரு தன் மகளுக்கு எழுதிய, ‘என் மகளுக்குக் கடிதம்’ என்ற பாடத்தை நீக்கிவிட்டு, ‘Bhoo Kailasa’ என்ற பாடத்தைச் சேர்த்தனர். இந்த மாற்றங்கள் குறித்து அப்போதைய எதிர்க்கட்சியான காங்கிரஸ், ‘பா.ஜ.க., பள்ளி மாணவர்களிடம் இந்துத்துவத்தை வளர்க்க நினைக்கிறது’ என, கடுமையான கண்டனத்தைப் பதிவுசெய்திருந்தது.பா.ஜ.க Vs காங்கிரஸ். ஆட்சியைக் கைப்பற்றியிருக்கும் காங்கிரஸ் தற்போது, ஆர்.எஸ்.எஸ் நிறுவனர் கேசவ் பலிராம் ஹெட்கேவரின் ‘யார் ஒரு சிறந்த மனிதராக இருக்க வேண்டும்’ என்ற பாடத்தை நீக்கிவிட்டு, இதற்கு பதிலாக, சிவகோட்டாச்சார்யா எழுதிய ‘சுகுமார சுவாமியின் கதை’ என்ற பாடத்தைச் சேர்த்திருக்கிறது. மேலும், சாவர்க்கர் தொடர்பான கவிதைகள், ‘Bhoo Kailasa’ ஆகிய பாடங்களை நீக்கிவிட்டு, நேருவின் ‘என் மகளுக்குக் கடிதம்’ பாடத்தைச் சேர்த்திருக்கிறது. புதிய பாடத்திட்டங்கள் அறிமுகம்! ஒட்டுமொத்தமாக, இந்துத்துவா பின்னணிகொண்ட, அனைத்துப் பாடங்களையும், வலதுசாரி எழுத்தாளர்களின் கவிதைகளையும் காங்கிரஸ் அரசு நீக்கியிருக்கிறது. மேலும், புதிய பாடத்திட்டங்களான, வேத கலாசாரம், புதிய மதங்களின் எழுச்சி, பெண் சுதந்திரப் போராட்ட வீரர்கள், பெண் சமூக சீர்திருத்தவாதிகள் உள்ளிட்ட பாடங்களைப் புதிதாக அறிமுகம் செய்திருக்கிறது.மத்திய அமைச்சர் நிதின் கட்கரி ‘துரதிஷ்டவசமானது’ இது தொடர்பாக நிருபர்களிடம் பேசிய, போக்குவரத்துத்துறை மத்திய அமைச்சர் நிதின் கட்கரி, ‘‘டாக்டர் ஹெட்கேவர், சுதந்திரப் போராட்ட வீரர் சாவர்க்கரின் பாடத்திட்டங்களை, கர்நாடக அரசு அகற்றியிருப்பது துரதிஷ்டவசமானது. இதைவிட வேதனையானது எதுவுமில்லை’’ எனத் தெரிவித்திருக்கிறார். பாடத்திட்டத்தில் மாற்றம் செய்திருப்பதை பலதரப்பினர் வரவேற்றிருக்கும் நிலையில், ஒட்டுமொத்தமாக வலதுசாரி மற்றும் இந்துத்துவா பாடத்திட்டங்கள் அகற்றப்பட்டிருப்பதால், பா.ஜ.க தலைவர்கள் அதிருப்தியடைந்து, காங்கிரஸைச் சாடிவருகின்றனர்.சம்ஸ்கிருத ஒலிபரப்பு... இந்துத்துவ பிரசார மேடையா?
http://dlvr.it/Sqtbf5

Read More

Tamil News Today Live: கடலூரில் இரண்டு தனியார் பேருந்துகள் மோதி கோர விபத்து! - 3 பேர் பலி; 80 பேர் படுகாயம்!

கடலூரில் இரண்டு தனியார் பேருந்துகள் மோதி கோர விபத்து! கடலூர் மாவட்டம் நெல்லிக்குப்பம் அடுத்த மேல்பட்டாம் அருகே இரண்டு தனியார் பேருந்துகள் நேருக்கு நேர் மோதி விபத்துள்ளானது. இந்தக் கோர விபத்தில் 80-க்கும் மேற்பட்டோர் படுகாயங்களுடன் கடலூர் அரசு மருத்துவமனையில் அனுமதிக்கப்பட்டிருக்கின்றனர். தற்போது வரை மூன்று பேர் பலியாகியிருக்கின்றனர். மருத்துவமனையில் பலர் அனுமதிக்கப்பட்டிருப்பதால் பலி எண்ணிக்கை மேலும் உயரக்கூடும் என அஞ்சப்படுகிறது. கடலூர் மாவட்ட ஆட்சியர் அருண் தம்புராஜ், காவல் கண்காணிப்பாளர் ராஜாராமன் உள்ளிட்டோர் கடலூர் அரசு மருத்துவமனையில் சிகிச்சைப் பணிகளைக் கண்காணித்து வருகின்றனர். செந்தில் பாலாஜி விவகாரத்தில் அமலாக்கத்துறை மேல்முறையீடு! செந்தில் பாலாஜி செந்தில் பாலாஜி விவகாரத்தில் அமலாக்கத்துறை சார்பில் உச்ச நீதிமன்றத்தில் மேல்முறையீடு செய்யப்பட்டிருக்கிறது. தனியார் மருத்துவமனைக்குச் சிகிச்சைக்காக மாற்றப்பட்டது உள்ளிட்ட விவகாரங்கள் குறித்து அமலாக்கத்துறை மேல்முறையீடு செய்திருப்பதாகத் தகவல் வெளியாகியிருக்கிறது. இந்த மனுவை நாளை விசாரிக்கிறது உச்ச நீதிமன்றம்.! சென்னை உள்ளிட்ட நான்கு மாவட்டங்களில் பள்ளிகளுக்கு விடுமுறை! வங்கக்கடலில் நிலவும் மேலடுக்கு சுழற்சி காரணமாக சென்னை உள்ளிட்ட தமிழகத்தின் பல்வேறு மாவட்டங்களில் மழை பெய்துவருகிறது. சென்னையில் நேற்று தொடங்கி தற்போது வரையில் மழை நீடித்துவருகிறது. இன்றும் 13 மாவட்டங்களில் கனமழை பெய்யும் என வானிலை ஆய்வு மையம் தெரிவித்திருக்கிறது.மழை இந்த நிலையில் கனமழை காரணமாக, சென்னை, திருவள்ளூர், செங்கல்பட்டு, காஞ்சிபுரம் ஆகிய நான்கு மாவட்டங்களில் பள்ளிகளுக்கு விடுமுறை அறிவிக்கப்பட்டிருக்கிறது. சென்னையில் இரவு முழுவதும் நீடித்த மழை! வங்கக்கடலில் நிலவும் மேலடுக்கு சுழற்சி காரணமாக சென்னை உள்ளிட்ட தமிழகத்தின் பல்வேறு மாவட்டங்களில் மழை பெய்துவருகிறது. சென்னையில் நேற்று பகல்பொழுதில் மிதமான மழை பெய்த நிலையில், நகரின் பல்வேறு பகுதிகளில் இரவில் இடி மின்னலுடன் கூடிய கனமழை பெய்துவருகிறது. இதன் தொடர்ச்சியாக இன்று தமிழ்நாடு, புதுச்சேரி மற்றும் காரைக்கால் பகுதிகளில் இடி மின்னலுடன் கூடிய லேசான முதல் மிதமான மழை பெய்யக்கூடும் என அறிவிக்கப்பட்டிருக்கிறது. மழை காஞ்சிபுரம், செங்கல்பட்டு, திருவண்ணாமலை, கள்ளக்குறிச்சி, விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், திருச்சி, அரியலூர், பெரம்பலூர் ஆகிய 13 மாவட்டங்கள் மற்றும் புதுச்சேரி பகுதிகளில் கனமழை பெய்யக்கூடும் என வானிலை ஆய்வு மையம் தெரிவித்திருக்கிறது. கடந்த சில நாள்களாகவே கோடை வெயில் காரணமாக மக்கள் பல்வேறு இன்னல்களைச் சந்தித்து வந்த நிலையில், இந்தத் திடீர் மழை சென்னை உள்ளிட்ட பல பகுதிகளைக் குளிர்வித்திருக்கிறது.
http://dlvr.it/SqtbMD

Read More

மாணவர்களிடம் விஜய் பேசிய 'அரசியல்'- சீனியர் அமைச்சர் கப்சிப் ஏன்?-விமர்சனம்: பொம்மை - ஷாப்பிங் Tips

ஓட்டுக்குப் பணம்: மாணவர்களிடம் விஜய் பேசிய 'அரசியல்'!  Vijay Education Awards | விஜய் கல்வி விருதுகள் நடிகர் விஜய் அரசியலுக்கு வரக்கூடும் எனப் பேச்சுகள் எழுந்துள்ள நிலையில், இன்று நடந்த கல்வி விருதுகள் வழங்கும் விழாவில் அவர் பேசிய 'அரசியல்' பேச்சு கவனத்தை ஈர்த்துள்ளது. 2023-ம் ஆண்டு நடந்து முடிந்த 10 மற்றும் 12-ம் வகுப்பு பொதுத் தேர்வில் தமிழ்நாடு முழுவதும் தொகுதி வாரியாக முதல் மூன்று இடங்களைப் பெற்றுச் சாதித்த மாணவ, மாணவிகளுக்கு நடிகர் விஜய் சான்றிதழ்கள் மற்றும் ஊக்கத் தொகை வழங்கி கௌரவித்திருக்கிறார். மாணவர்களின் பெற்றோர்கள் முன்னிலையில் மேடையில் அவர்களைப் பாராட்டிக் கௌரவித்த விஜய், இந்நிகழ்வில் பல விஷயங்கள் குறித்தும் பேசினார். கல்வி தொடர்பாகவும் மட்டுமல்லாது, பணம் வாங்கிக் கொண்டு ஓட்டுப்போடுவதற்கு எதிராகவும் பேசி அரசியல் உள்ளிட்ட பல தளங்களைத் தொட்டுச் சென்றார். சமூக வலைதளங்கள் மற்றும் இணையதளங்களில் வைரலான விஜயின் பேச்சை படிக்க இங்கே க்ளிக் செய்யவும்... கிசுகிசு: கைது விவகாரம் - சீனியர் அமைச்சர் கப்சிப் ஏன்? கிசுகிசு "ஷாக் அமைச்சர் கைது விவகாரத்தில் மொத்த அமைச்சர்களும் மீடியாக்களில் பொங்கிய நிலையில், சீனியர் அமைச்சர் வீட்டிலேயே தங்கிவிட்டாராம். சீனியர் அமைச்சர் கப்சிப் ஆனதன் பின்னணி காரணம் இன்று வெளியான ஜூனியர் விகடன் இதழில் இடம்பெற்றிருக்கும் கிசுகிசு பகுதியில்... மேலும், * இலைக் கட்சியின் மாஜிக்களின் திகிலுக்கு காரணம் * ஆளும் அரசின்டெல்லி பிரதிநிதி பதவியைக் கைப்பற்ற நடந்த போட்டி... என கிறுகிறுக்க வைக்கும் தகவல்கள்... அனைத்தையும் படிக்க இங்கே க்ளிக் செய்க... ----------- முதல்வருக்கு பதில் என அதிமுக-வைச் சாடினாரா அண்ணாமலை?! படிக்க இங்கே க்ளிக் செய்க... கசிந்த 'கோவின்' தரவுகள்... மக்களுக்கு என்ன பாதிப்பு ? மோடி கொரோனா தடுப்பூசி செலுத்திக்கொண்டவர்களின் தனிப்பட்ட தரவுகள் 'கோவின்' வலைதளத்திலிருந்து வெளியே கசிந்திருப்பது நாடு முழுவதும் அதிர்ச்சியை ஏற்படுத்தியிருக்கிறது. ஏற்கெனவே கிரிக்கெட் வீரர் தோனி உட்பட பலரின் ஆதார் விவரங்கள் வெளியே கசிந்து பெரும் சர்ச்சையை ஏற்படுத்தியது. ஆனால், இப்போது நடந்திருப்பது இதற்கு முன்பு இல்லாத அளவுக்கு மிகப்பெரிய கசிவு என்கிறார்கள். மக்களின் தனிப்பட்ட தரவுகளைப் பாதுகாக்க மத்திய பா.ஜ.க அரசு தவறிவிட்டதா..? இதனால் மக்களுக்கு எத்தகைய பாதிப்புகள் ஏற்படும்? படிக்க இங்கே க்ளிக் செய்யவும்... WTC Finals: 'இடம் கிடைத்திருந்தால்..!' - அஷ்வின் ஓபன் டாக்! அஷ்வின் உலக டெஸ்ட் சாம்பியன்ஷிப் இறுதிப் போட்டியில் ஆஸ்திரேலியாவிடம் இந்திய அணி 209 ரன்கள் வித்தியாசத்தில் தோல்வியைத் தழுவியிருந்தது. இந்தப் போட்டியில் அஷ்வினைத் தேர்ந்தெடுக்காதது பல முன்னாள் கிரிக்கெட் வீரர்கள் மற்றும் ரசிகர்கள் மத்தியில் அதிருப்தியையும் ஏற்படுத்தி இருந்தது. இந்நிலையில் தற்போது அஷ்வின் உலக டெஸ்ட் சாம்பியன்ஷிப் போட்டியில் இடம் பெறாதது குறித்துப் பேசியிருக்கிறார். படிக்க இங்கே க்ளிக் செய்க... ----- TNPL 2023: அஜிதேஷ் சதம்; கடைசி பந்தில் த்ரில் வெற்றி பெற்ற நெல்லை ராயல் கிங்ஸ்! படிக்க இங்கே க்ளிக் செய்க... ஷாப்பிங்: ஆன்லைன்  Vs ஆஃப்லைன்... எது லாபம்? ஆன்லைன் ஷாப்பிங் இன்றைக்குப் பலரும் ஆன்லைனில் ஷாப்பிங் செய்வதுடன், வீட்டுக்குத் தேவையான மளிகைச் சாமான்களையும் வாங்குகிறார்கள். ஆன்லைனில் பொருள்களை வாங்குவதற்கும் மளிகைக் கடைகளில் நேரில் சென்று பொருள்களை வாங்குவதற்கும் என்ன வித்தியாசம்..? எது லாபம்..? படிக்க இங்கே க்ளிக் செய்க... சினிமா விமர்சனம்: 'பொம்மை' பொம்மை விமர்சனம் பால்ய வயதில் காணாமல் போன தோழி, மீண்டும் பொம்மையாக, காதலியாக நாயகன் வாழ்வில் வருகிறாள். அதன் பிறகு அவன் வாழ்வில் என்ன நடக்கிறது என்பதே படத்தின் கதை! பொம்மையைக் காதலிக்கும் கதாபாத்திரத்தில் இஷ்டத்துக்கு நடித்துத் தள்ளியிருக்கிறார் எஸ்.ஜே.சூர்யா. க்ளைமாக்ஸுக்கு முந்தைய காட்சியில் கதாபாத்திரத்தின் அழுத்தமான உணர்வினை மட்டும் அற்புதமாக வெளிப்படுத்தி இருக்கிறார். பொம்மையாக நடித்துள்ள பிரியா பவானிசங்கரிடமும் அதே குறைதான் வெளிப்படுகிறது. விமர்சனத்தை விரிவாக படிக்க இங்கே க்ளிக் செய்க... ---------- சினிமா விமர்சனம்: 'ஆதிபுருஷ் சுமாரான நடிப்பு, படு சுமாரான கிராபிக்ஸ்; பழைய ராமாயணப் படைப்புகளே தரமாக இருக்குமே! விமர்சனத்தை முழுமையாக படிக்க இங்கே க்ளிக் செய்க... பாலியல் உறவு வயது: ஜப்பான் அரசு புதிய சட்ட திருத்தம்! பாலியல் தொல்லை பாலியல் வன்கொடுமை மற்றும் குழந்தைகளுக்கு எதிரான பாலியல் குற்றங்களை குறைக்கும் நோக்கில் ஜப்பான் அரசு புதிய சட்டத்திருத்தத்தைக் கொண்டு வந்துள்ளது. அந்நாட்டில், முந்தைய சட்டம் ஒப்புதல் இல்லாத உடலுறவுக்கு வழிவகுத்தது, ஆனால் தற்போது அது மாற்றப்பட்டுள்ளது. இது தொடர்பான சட்ட மசோதா, ஜப்பான் பாராளுமன்றத்தில் நிறைவேற்றப்பட்டுள்ளது. மேலும் படிக்க இங்கே க்ளிக் செய்க...
http://dlvr.it/SqrWSL

Read More

``செந்தில் பாலாஜியுடன் ஒன்றாகப் பயணித்தவன்; அவரின் சித்து விளையாட்டுகளை அறிவேன்!" - ஆர்.பி.உதயகுமார்

``செந்தில் பாலாஜியோடு மாணவர் அணியில் ஒன்றாக பயணித்தவன் என்ற அடிப்படையில், அவரின் அரசியல் சித்து விளையாட்டுகளை ஆரம்பத்திலேயே அறிந்தவன் நான்." என அதிமுக முன்னாள் அமைச்சர் ஆர்.பி.உதயகுமார் தெரிவித்திருக்கிறார். இது தொடர்பாக அவர் வெளியிட்டிருக்கும் அறிக்கையில், ``முதலமைச்சர் ஸ்டாலின், `எங்களுக்கு எல்லா அரசியலும் தெரியும். உருட்டல், மிரட்டல்களுக்குப் பயப்பட மாட்டோம்' என்று கூறிவிட்டு, செந்தில் பாலாஜியின் அரசியலைப் பற்றி தெரியாமல் விழிபிதுங்கி நிற்கிறார்.ஆர்.பி.உதயகுமார் செந்தில் பாலாஜியோடு மாணவர் அணியில் ஒன்றாகப் பயணித்தவன் என்ற அடிப்படையில், அவரின் அரசியல் சித்து விளையாட்டுகளை ஆரம்பத்திலேயே அறிந்தவன். நான் கழக மாணவரணிச் செயலாளராக பொறுப்பேற்றபோது, கரூர் மாவட்ட அம்மா பேரவைச் செயலாளராக செந்தில் பாலாஜி இருந்தார். கரூர் மாவட்டத்தில் நுணுக்கமான அரசியலையும், பல்வேறு விஷயங்களையும் கையாண்டு சித்து வேலைகள் செய்து கைதேர்ந்த அரசியல்வாதி ஆனார். கரூர் மாவட்டத்தில் கே.சி.பழனிசாமியின் மணல் கொள்ளையை வைத்து ஒரு போராட்டம் நடத்தினார். அவரிடமே பணத்தைப் பெற்று அவரை எதிர்த்துப் போராட்டம் செய்தார். அதன் மூலம் பல பதவிகளைப் பெற்று கரூர் மாவட்டத்தில் அசுர வேகத்தில் வளர்ந்தார். செந்தில் பாலாஜி அம்மாவின் இல்லத்திலுள்ள சுவரிடம் பேசும் கலையைக் கற்றவர் செந்தில் பாலாஜி. அவருக்கு ஏற்பட்ட அவப்பெயர் காரணமாக அமைச்சர் மற்றும் கரூர் மாவட்டச் செயலாளர் பதவியை அம்மா ரத்துசெய்தார்.  தற்போது செந்தில் பாலாஜியின் கைதை, மொழி போராட்டம், மிசா அடக்குமுறையுடன் ஒப்பீட்டு ஸ்டாலின் கூறியிருக்கிறார். தன்மீதான விசாரணையை மொழிப்போருக்கு இணையாக ஒப்பிடுகிற அளவுக்கு கருணாநிதியின் குடும்பத்திலும், திராவிட முன்னேற்றக் கழகத்திலும் தன் சித்து வேலையை செந்தில் பாலாஜி காண்பித்துவிட்டார். செந்தில் பாலாஜி ஆரம்பத்தில் அ.தி.மு.க-வில் குழப்பத்தை விளைவித்தார். கடந்த எடப்பாடியார் ஆட்சிக்காலத்தில், தனக்கு பதவி கிடைக்கவில்லை என்றவுடன் கொள்ளையடித்தப் பணத்தின் மூலம் கட்சித் தலைமைக்கு எதிராக புதிய தலைமையை உருவாக்கி சதித் திட்டம் தீட்டி, டி.டி.வி.தினகரன் முதலமைச்சராக வாய்ப்பிருப்பதாக ஆசைக்காட்டி, கடைசியில் அவரை நடுத்தெருவில் விட்டார்.ஆர்.பி.உதயகுமார் மீண்டும் தன்னை கட்சியில் சேர்த்துக் கொள்ளுங்கள் என்று எடப்பாடியாரிடம் தூதுவிட்டார். செந்தில் பாலாஜியின் அரசியல் சித்து விளையாட்டு தெளிவாக தெரிந்த காரணத்தினால், எடப்பாடியார் சேர்க்க மறுத்துவிட உடனே ஸ்டாலினிடம் அடைக்கலமாகிவிட்டார். புரட்சித் தலைவர், புரட்சித் தலைவியை எதிர்த்து அரசியல் செய்த தி.மு.க, இன்று செந்தில் பாலாஜியிடம் கட்சியை அடமானம் வைத்திருக்கிறது. இந்த தலைகுனிவை ஏற்படுத்திய செந்தில் பாலாஜிக்கு வக்காலத்து வாங்குவதற்கு, எங்கள் பொதுச்செயலாளர் எடப்பாடியாரைப் பற்றி நீங்கள் தரக்குறைவாகப் பேசுவதற்கு கடும் கண்டனத்தைத் தெரிவிக்கிறோம். ஏழு கோடி தமிழர்களின் எதிர்காலமாக உள்ள எடப்பாடியாரை `பாதம் தாங்கி' என்றும், `அடிமை' என்றும் இன்றைக்கு வாய்க்கு வந்தபடி பேசியிருப்பது ஒரு முதலமைச்சருக்கு அழகா? முதல்வர் ஸ்டாலின் - செந்தில் பாலாஜி எடப்பாடியார் தமிழ்நாட்டு மக்களின் உயிரைக் காப்பாற்றுவதற்காக 11 அரசு மருத்துவமனைகளை ஒரே ஆண்டில் பெற்றுக்கொடுத்த அரசியல் சாணக்கியர். ராஜதந்திரம், நிர்வாகத்திறன், வெற்றியின் ஒட்டுமொத்த அடையாளம். இரண்டு ஆண்டுகளில் மத்திய அரசிடம் விதண்டாவாதம் பேசி தமிழத்துக்கு வந்த நிதியை தடுத்துவிட்டனர். இதற்காகவா மக்கள் அதிகாரத்தைக் கொடுத்தார்கள். நாங்கள் எதற்கும் அஞ்சவில்லை, ஏனென்றால் எங்கள் மடியில் கனமில்லை. செந்தில் பாலாஜியிடம் விசாரணை செய்தால் உங்களுக்கு ஏன் தொடை நடுங்குகிறது... அவர் ஒன்றும் தி.மு.க-வின் கொள்கை வீரன் அல்ல, இதேபோல் சாதாரண தி.மு.க தொண்டருக்கும் பேசுவீர்களா... செந்தில் பாலாஜியை ஏன் சொக்கத்தங்கம்போல் காட்டுகிறீர்கள்? என்ன தியாகம் செய்தார்... இதுதான் மக்களின் கேள்வியாக இருக்கிறது.   இனிமேல் கழகப் பொதுச்செயளாலர் எடப்பாடியாரை நீங்கள் விமர்சித்தால், அதற்காக விளைவுகளை நீங்கள் சந்திக்கவேண்டியதிருக்கும்" என்று தெரிவித்திருக்கிறார்.இலாகா மாற்றத்துக்கு ஓகே... செந்தில் பாலாஜி அமைச்சராகத் தொடர `நோ' - ஆளுநர் அறிக்கை சொல்வதென்ன?
http://dlvr.it/SqpYvZ

Read More

அதிமுக-வினரைக் கொந்தளிக்கச் செய்த அண்ணாமலையின் பேச்சு; என்னவாகும் கூட்டணி? | விகடன் கருத்துக்கணிப்பு

தமிழ்நாடு பா.ஜ.க தலைவர் அண்ணாமலை சமீபத்தில் ஆங்கில ஊடகத்துக்கு அளித்த பேட்டியொன்றில், முன்னாள் முதல்வர் ஒருவர் ஊழல் வழக்கில் நீதிமன்றத்தால் தண்டிக்கப்பட்டார் என அ.தி.மு.க-வின் மறைந்த முன்னாள் முதல்வர் ஜெயலலிதாவை மறைமுகமாகக் குறிப்பிட்டது அ.தி.மு.க-வினரிடையே பெரும் எதிர்ப்பைக் கிளப்பியிருக்கிறது. அதைத் தொடர்ந்து அண்ணாமலைக்கு எதிராகக் கண்டனத் தீர்மானம் அ.தி.மு.க மாவட்டச் செயலாளர்கள் கூட்டத்தில் நிறைவேற்றப்பட்டது.எடப்பாடி பழனிசாமி, அண்ணாமலை அதையடுத்து அ.தி.மு.க-வுக்கு பா.ஜ.க-வும் கண்டனம் தெரிவித்தது. இத்தகைய மோதல் போக்கு காரணமாக அ.தி.மு.க - பா.ஜ.க கூட்டணி உடைகிறதா என்றெல்லாம் பேச்சுகள் எழுந்தன. அதன் தொடர்ச்சியாக அ.தி.மு.க - பா.ஜ.க கூட்டணி குறித்து விகடன் வலைதளப் பக்கத்தில் வாசகர்களிடம் கருத்துக்கணிப்பு நடத்தப்பட்டது.விகடன் கருத்துக்கணிப்பு அதில், `ஜெயலலிதா குறித்த அண்ணாமலையின் பேச்சு அ.தி.மு.க-வினரைக் கொந்தளிக்கச் செய்திருக்கிறது. இனி அ.தி.மு.க., பா.ஜ.க கூட்டணி என்னவாகும்?' எனக் கேள்வி கேட்கப்பட்டு, `தொடரும், முறியும், தேர்தல் நேரத்தில் தெரியவரும்' என்று மூன்று விருப்பங்கள் தரப்பட்டிருந்தன.விகடன் கருத்துக்கணிப்பு இந்த நிலையில் கருத்துக்கணிப்பு முடிவுகளின்படி, அதிகபட்சமாக `46 சதவிகிதம் பேர்' அ.தி.மு.க., பா.ஜ.க கூட்டணி தொடரும் என்று தெரிவித்திருக்கின்றனர். அதற்கடுத்தபடியாக, `36 சதவிகிதம் பேர்' தேர்தல் நேரத்தில் தெரியவரும் என்றும், `18 சதவிகிதம் பேர்' கூட்டணி முறியும் என்று தெரிவித்திருக்கின்றனர்.விகடன் கருத்துக்கணிப்பு இதே போன்று விகடன் வலைதளப் பக்கத்தில், `செந்தில் பாலாஜியை அமலாக்கத்துறை கைதுசெய்திருப்பது அப்பட்டமான அரசியல் பழிவாங்கும் செயல்' என முதல்வர் ஸ்டாலின் கூறியிருப்பது குறித்து கருத்துக்கணிப்பு நடந்துவருகிறது. இதில் கலந்துகொள்ள பின்வரும் லிங்க்கை க்ளிக் செய்யவும்... https://www.vikatan.com/அண்ணாமலை விவகாரம்; அதிமுக-வின் `Plan - B' ஐடியா | The Imperfect Show
http://dlvr.it/SqltHz

Read More

நாடாளுமன்றத் தேர்தல் முன்கூட்டியே நடக்க வாய்ப்பு உண்டா... பாஜக திட்டம்தான் என்ன?!

தற்போதைய நாடாளுமன்ற மக்களவையின் பதவிக்காலம் 2024-ம் ஆண்டு ஜூன் 16-ம் தேதி முடிவடைகிறது. எனவே, அதற்கு முன்பாக மக்களவைப் பொதுத்தேர்தலை நடத்தி முடிக்க வேண்டும். அந்த வகையில், 2024-ம் ஆண்டு ஏப்ரல் - மே மாதங்களில் மக்களவைத் தேர்தல் நடைபெற வேண்டும். ஆனால், அதற்கு முன்பாகவே மக்களவைத் தேர்தல் வந்துவிடும் என்கிற பேச்சு அரசியல் வட்டாரத்தில் அடிபட்டுவருகிறது. நாடாளுமன்றம் இந்த ஆண்டின் இறுதியில், சத்தீஸ்கர், மத்தியப் பிரதேசம், மிசோரம், ராஜஸ்தான், தெலங்கானா ஆகிய ஐந்து மாநிலங்களில் சட்டமன்றத் தேர்தல் நடைபெறவிருக்கிறது. இந்தத் தேர்தலுடன் சேர்த்து நாடாளுமன்ற மக்களவைத் தேர்தலை நடத்த மத்திய அரசு திட்டமிடுவதாக அதிகாரப்பூர்வமற்ற தகவல்கள் தெரிவிக்கின்றன. 2024, 2019-ல் அடுத்தடுத்து இரண்டு முறை வெற்றிபெற்ற பா.ஜ.க., வரும் நாடாளுமன்றத் தேர்தலில் ஹாட்ரிக் வெற்றியைப் பெற்றுவிட வேண்டும் என்று நினைக்கிறது. ஆனால், மூன்றாவது முறையாக பா.ஜ.க வெற்றிபெறுவது மிகவும் கடினம் என்று அரசியல் நோக்கர்கள் கூறுகிறார்கள். காரணம், நாடாளுமன்றத் தேர்தலுக்கான முன்னோட்டம் போல கர்நாடகா சட்டமன்றத் தேர்தல் பார்க்கப்பட்டது. ஆனால், கர்நாடகாவில் பா.ஜ.க-வுக்கு படுதோல்வியே கிடைத்தது.மோடி கர்நாடகா தேர்தல் முடிவுகள் காங்கிரஸ் கட்சிக்கும், பா.ஜ.க அல்லாத மற்ற கட்சிகளுக்கும் உற்சாகத்தையும் நம்பிக்கையையும் கொடுத்திருக்கிறது. இந்தச் சூழலில்தான், இந்த ஆண்டின் இறுதியில் ஐந்து மாநில சட்டமன்றத் தேர்தலுடன் சேர்த்தே மக்களவைத் தேர்தலை நடத்திவிடலாம் என்று மத்திய அரசு யோசிக்கிறது என்கிறார்கள் அரசியல் நோக்கர்கள். கடந்த வாரம், சேலத்தில் பேசிய முதல்வர் ஸ்டாலினும், ``நாடாளுமன்ற தேர்தலுக்கு ஓராண்டு இருக்கிறது என நினைக்க வேண்டாம். தேர்தல் முன்கூட்டியே வரலாம் என்ற தகவல்கள் வருகிறது” என தொண்டர்களை எச்சரிக்கும் விதமாக பேசினார். இது குறித்து மூத்த பத்திரிகையாளர் ப்ரியனிடம் பேசினோம். “அடுத்த ஆண்டு ஜனவரி மாதம், அயோத்தியில் ராமர் கோவில் திறக்கப்படவிருக்கிறது. ராமர் கோவிலைத் திறந்துவிட்டு, அதன் பிறகு மக்களவைத் தேர்தலை நடத்தலாமா, அல்லது அதற்கு முன்பாகவே மக்களவைத் தேர்தலை நடத்தலாமா என்று பா.ஜ.க யோசித்துவருகிறது. ராமர் கோவிலை திறந்த பிறகு, மக்களவைத் தேர்தலை நடத்தினால், அந்த சாதனையைச் சொல்லி வாக்கு கேட்பதற்கு பா.ஜ.க-வுக்கு வசதியாக இருக்கும். ஆனால், கர்நாடகாவில் ஏற்பட்ட தோல்வி, பா.ஜ.க-வை மிகவும் யோசிக்க வைத்திருக்கிறது. தன்னுடைய முழு பலத்தையும் பயன்படுத்தியும், பிரதமர் மோடியே வீதி வீதியாகச் சென்று பிரசாரம் செய்தும், கர்நாடகாவில் பா.ஜ.க தோற்றுப்போயிருக்கிறது. ப்ரியன் நாடாளுமன்றத் தேர்தலுக்கு முன்பாகவே தெலங்கானா உட்பட ஐந்து மாநிலங்களில் சட்டமன்றத் தேர்தல் நடைபெறவிருக்கிறது. அந்தத் தேர்தல்களிலும் கர்நாடகாவைப் போல தோல்வியடைந்தால், அது தங்களுக்கு மிகப்பெரிய பலவீனத்தை ஏற்படுத்திவிடும் என்று பா.ஜ.க தலைவர்கள் நினைக்கிறார்கள். களத்தைப் பொறுத்தளவில் பா.ஜ.க சற்று பலவீனமாகத்தான் இருக்கிறது. குறிப்பாக, தென் இந்தியாவில் பா.ஜ.க-வின் நிலைமை மோசமாகத்தான் இருக்கிறது. தமிழ்நாட்டில் தி.மு.க - காங்கிரஸ் கூட்டணி பலமாக இருக்கிறது. கேரளாவில் மார்க்சிஸ்ட் கம்யூனிஸ்ட் கட்சியும், காங்கிரஸ் கட்சியும் பலமாக இருக்கின்றன. தெலங்கானாவில் பி.ஆர்.எஸ் பலமாக இருக்கிறது. ஆந்திராவில் பா.ஜ.க-வுடன் கூட்டணி இல்லை என்ற நிலைப்பாட்டில் முதல்வர் ஜெகன்மோகன் ரெட்டி இருக்கிறார். எனவேதான், பா.ஜ.க-வும் தெலுங்கு தேசமும் கைகோத்துவிட்டார்கள்.`டார்கெட் 25' - அமித் ஷா விசிட்... முற்றும் வார்தைப்போர்; அதிமுக - பாஜக உறவில் விரிசலா?! மகாராஷ்டிரா, மத்தியப் பிரதேசம், சத்தீஸ்கர், ஜார்க்கண்ட், டெல்லி போன்ற மாநிலங்களில் பா.ஜ.க-வுக்கு கடுமையான சவால் காத்திருக்கிறது. சுருக்கமாகச் சொல்ல வேண்டுமென்றால், உ.பி., குஜராத் ஆகிய இரண்டு மாநிலங்களில் மட்டுமே பா.ஜ.க-வுக்கு சாதகமான சூழல் இருக்கிறது. இப்படியான சூழலில், ஐந்து மாநில சட்டமன்றத் தேர்தலில் பா.ஜ.க-வுக்கு தோல்வி ஏற்படுமானால், அதன் பிறகு நாடாளுமன்றத் தேர்தலை எதிர்கொள்வது பா.ஜ.க-வுக்கு மிகவும் சவாலாக இருக்கும். தற்போது, பா.ஜ.க-வைத் தோற்கடிக்க வேண்டுமென்று எதிர்க் கட்சிகள் கூட்டணி சேரும் முயற்சியில் இருக்கின்றன. அவர்கள் ஒன்றுசேருவதற்குள் தேர்தலை நடத்திவிட வேண்டும் என்று பா.ஜ.க நினைப்பது போலத் தெரிகிறது. மாநிலங்களுக்கும் மக்களவைக்கும் ஒரே நேரத்தில் தேர்தலை நடத்திவிட்டால், இரண்டிலும் வெற்றிபெற்றுவிடலாம் என்று பா.ஜ.க நினைக்கலாம்.மோடி இத்தனை நாள்களாக கூட்டணிக் கட்சிகளை அமித் ஷா அலட்சியம் செய்துகொண்டிருந்தார். இப்போது அவர், மாநிலம் மாநிலமாகச் சென்று கூட்டணி பேசுகிறார். முன்பு பா.ஜ.க என்று பேசிக்கொண்டிருந்த அவர், தற்போது என்.டி.ஏ என்று பேசுகிறார். கூட்டணிக் கட்சிகளின் தேவை மிகவும் அவசியம் என்று அவர் கருதுகிறார். இவற்றையெல்லாம் வைத்துப் பார்க்கும்போது, மக்களவைத் தேர்தல் முன்கூட்டியே வர வாய்ப்பு இருக்கிறது என்றுதான் தெரிகிறது” என்கிறார் ப்ரியன். பத்தாண்டுகளில் ஆட்சிக்கு எதிரான மனநிலை மக்களிடம் மேலோங்கியிருக்கும். எனவே, எந்தக் கட்சியின் ஆட்சியாக இருந்தாலும், மூன்றாவது முறையாக தேர்தலில் வெற்றிபெறுவது அவ்வளவு எளிதானது கிடையாது.
http://dlvr.it/Sqj1qS

Read More

கேரளா: மாநிலத் தலைவர்மீது மோசடி வழக்கு... `பினராயி அரசின் பழிவாங்கும் நடவடிக்கை’ - சாடும் காங்கிரஸ்

கேரள மாநிலம், ஆலப்புழா மாவட்டம், சேர்த்தலாவைச் சேர்ந்தவர் மோன்சன் மாவுங்கல். தன்னை ஸ்கின் டாக்டர் என்றும், பழைமையான பொருள்களின் சேகரிப்பாளர், மோட்டிவேசன் ஸ்பீக்கர், தெலுங்கு சினிமா நடிகர் என பெருமையோடு அறிமுகப்படுத்திக்கொண்டு சுமார் 24 ஆண்டுகளாக மக்களை ஏமாற்றிவந்திருக்கிறாராம். இந்த நிலையில், `புருனே சுல்தானின் கிரீடத்தை விற்பனை செய்ததில் 70,000 கோடி ரூபாய் தனக்கு வரவேண்டியிருக்கிறது. அதற்கு வரி செலுத்த பணம் கொடுத்தால் வட்டி இல்லாமல் நூறு கோடி ரூபாய் லோன் வாங்கித் தருகிறேன்’ என சேர்த்தலாவைச் சேர்ந்த ஷாஜி என்பவரிடம் 6.27 கோடி ரூபாய் வாங்கியிருக்கிறார் மோன்சன் மாவுங்கல். அந்தப் பணத்தைத் திருப்பிக் கொடுக்காததால் ஷாஜி கொடுத்த புகாரின் பேரில் கேரள க்ரைம் பிராஞ்ச் போலீஸார் 2021-ம் ஆண்டு, செப்டம்பர் மாதம் 25-ம் தேதி மோன்சன் மாவுங்கல்லைக் கைதுசெய்தனர்.மோசடி வழக்கில் சிக்கிய மோன்சன் மாவுங்கல் மோன்சன் மாவுங்கல்லைக் கைதுசெய்து விசாரித்தபோதுதான் அவரின் மோசடிகள் ஒவ்வொன்றாக வெளிவந்தன. கொச்சியில் வீடு ஒன்றை வாடகைக்கு எடுத்து வசித்ததுடன், அதில் ஒரு பகுதியை மியூசியமாக்கி, பழங்காலப் பொருள்கள் எனப் பலவற்றைக் காட்சிக்கு வைத்திருந்தார். அதில் பெரும்பாலான பொருள்கள் போலியானவை எனக் கண்டறியப்பட்டன. கேரள முன்னாள் டி.ஜி.பி லோக்நாத் பெகரா உள்ளிட்ட பல வி.ஐ.பி-க்கள் மோன்சன் மாவுங்கல்லின் மியூசியத்துக்குச் சென்றுவந்தது தெரியவந்தது. அது போன்று கேரள மாநில காங்கிரஸ் தலைவராக இருக்கும் கே.சுதாகரனும் மோன்சன் மாவுங்கல்லிடம் சிகிச்சை எடுத்துக்கொண்டதாக அப்போது சர்ச்சை எழுந்தது. இந்த நிலையில், மோன்சன் மாவுங்கல்லின் மோசடி வழக்கில் முன்னாள் ஐ.ஜி லட்சுமணன், முன்னாள் டி.ஜி.பி சுரேந்திரன், கேரள மாநில காங்கிரஸ் தலைவராக இருக்கும் கே.சுதாகரன் ஆகியோர் குற்றவாளிகளாகச் சேர்க்கப்பட்டிருக்கின்றனர். அனூப் என்பவர் கிரைம் பிராஞ்ச் போலீஸில் அளித்த புகாரில், மோன்சன் மாவுங்கல் தன்னிடம் 2018-ம் ஆண்டு மோசடியாகப் பெற்ற 25 லட்சம் ரூபாயில், 10 லட்சம் ரூபாயை கே.சுதாகரன் வாங்கிச் சென்றதாகக் குறிப்பிட்டிருக்கிறார். இதையடுத்தே காங்கிரஸ் மாநிலத் தலைவர் கே.சுதாகரன் மீது வழக்கு பதிவுசெய்யப்பட்டிருக்கிறது. அவரை கொச்சியில் வைத்து விசாரணை நடத்த கிரைம் பிராஞ்ச் போலீஸார் முடிவுசெய்திருப்பதாகத் தகவல் வெளியாகியிருக்கிறது.கேரள மாநில காங்கிரஸ் தலைவர் கே.சுதாகரன் இந்த வழக்கில் கேரள மாநில காங்கிரஸ் தலைவர் கே.சுதாகரன் கைதுசெய்யப்பட வாய்ப்பிருப்பதாகத் தகவல் வெளியாகியிருக்கிறது. இது குறித்து கே.சுதாகரன், "எனக்கும் மோன்சன் மாவுங்கல்லின் மோசடிகளுக்கும் எந்தவித சம்பந்தமும் இல்லை. என்னை எப்படிக் குற்றவாளியாக்கினார்கள் என்பது குறித்து விசாரித்துவருகிறேன்" என்றார். கே.சுதாகரன் மீது வழக்கு பதிவுசெய்யப்பட்டதற்கு காங்கிரஸ் நிர்வாகிகள் கண்டனம் தெரிவித்திருக்கின்றனர். பினராயி விஜயன் அரசு பழிவாங்கும் நடவடிக்கையில் ஈடுபட்டிருப்பதாக காங்கிரஸ் கட்சி குற்றம்சாட்டியிருக்கிறது. இது ஒருபக்கம் இருக்க, `கே.சுதாகரனுக்கும் எனது வழக்குக்கும் சம்பந்தம் இல்லை' என மோன்சன் மாவுங்கல் தெரிவித்திருக்கிறார்.
http://dlvr.it/Sqf7zQ

Read More

``அண்ணாமலை எப்போதும் உண்மையைத்தான் பேசுவார்!" - அதிமுக விவகாரத்தில் குஷ்பு

பா.ஜ.க மாநிலத் தலைவர் அண்ணாமலை அண்மையில் ஆங்கில நாளிதழ் ஒன்றுக்குப் பேட்டியளித்திருந்தார். அப்போது ஊழல் தொடர்பாகக் கருத்து தெரிவித்திருந்த அண்ணாமலை, `தமிழ்நாட்டில் முன்னாள் முதல்வர்கள், ஊழல் வழக்கில் நீதிமன்றத்தால் தண்டிக்கப்பட்டிருக்கின்றனர்.' என்று குறிப்பிட்டிருந்தார். அண்ணாமலை, முன்னாள் முதல்வர் ஜெயலலிதாவைக் குறிப்பிட்டு விமர்சித்திருப்பதாக அ.தி.மு.க தரப்பிலிருந்து அவருக்குக் கடும் கண்டனங்கள் எழுந்துவருகின்றன. அ.தி.மு.க முன்னாள் அமைச்சர் ஜெயக்குமார், ``தன்னை முன்னிலைப்படுத்தும் அண்ணாமலை அரசியலில் கத்துக்குட்டி. அவருக்கு வரலாறு, பாரம்பர்யம் என எதுவும் தெரியாது. ஜெயலலிதா குறித்த விமர்சனம் வன்மையாகக் கண்டிக்கக்கூடியது. கூட்டணி தர்மத்தை மீறியிருக்கிறார். அமித் ஷாவும் நட்டாவும் உரியவகையில் அண்ணாமலையைக் கண்டிக்க வேண்டும். மாநிலத் தலைமைக்குத் தகுதி இல்லாதவர். அ.தி.மு.க., பா.ஜ.க கூட்டணி தொடரக் கூடாது என்பதாகத்தான் அவரின் பயணம் இருக்கிறது. அண்ணாமலையின் இந்தப் போக்கு தொடர்ந்தால், கூட்டணி குறித்து அ.தி.மு.க உரிய நேரத்தில் முடிவுசெய்யும்" எனக் காட்டமாகத் தெரிவித்திருந்தார்.ஜெயக்குமார் - அண்ணாமலை - பாஜக - அதிமுக ஜெயக்குமாரின் பேச்சுக்கு பா.ஜ.க முகாமிலிருந்து அந்தக் கட்சியின் மாநிலத் துணைத் தலைவர் கரு.நாகராஜன் எதிர்வினையாற்றியிருந்தார்.Tamil News Live Today: ``எங்கள் தலைவரைப் பற்றிப் பேசுவதற்கு, ஜெயக்குமாருக்கு எந்தத் தகுதியும் கிடையாது!"- கரு.நாகராஜன் இந்த நிலையில், இன்று மாலை செய்தியாளர்களைச் சந்தித்துப் பேசிய பா.ஜ.க பிரமுகரும், தேசிய மகளிர் ஆணைய உறுப்பினருமான குஷ்பு, ``முதல்வர் ஸ்டாலின் எதையும் படிப்பதில்லை. அரைகுறையாகப் பிறர் சொல்வதைக் கேட்டு அதை நம்புகிறார். அண்ணாமலை குறித்து ஜெயக்குமார் பேசியதற்கு என்னால் பதில் சொல்ல முடியாது. அவர் நேரடியாக அண்ணாமலையைப் பார்த்துக் கேள்வி கேட்கிறார். ஜெயக்குமாரின் கேள்விக்கு அண்ணாமலைதான் பதில் சொல்ல முடியும். அ.தி.மு.க-வுடனான பா.ஜ.க கூட்டணி தொடரும் என அமித் ஷா சொல்லியிருக்கிறார்.குஷ்பு - அமித் ஷா அ.தி.மு.க-வுடன் பா.ஜ.க-வுக்கு மோதல் போக்கெல்லாம் ஒன்றுமில்லை. ஜெயலலிதா ஊழல்வாதி என்ற அண்ணாமலை எப்போதும், அரசியல் தெரிந்து உண்மையைத்தான் பேசுவார். சட்டம் தெரிந்தவர். மாநிலத் தலைவராக இருப்பதால் அவருக்கு எந்த நேரத்தில் என்ன பேச வேண்டும் எனத் தெரியும். நாம் சொல்லிக் கொடுக்கவேண்டிய அவசியமில்லை. ஜெயலலிதா ஆட்சிக்கு வந்ததும் சிறைக்குச் சென்றார். எவ்வளவு குற்றச்சாட்டுகள் வந்தன என்று நமக்குத் தெரியும். அவர் சிறைக்குச் சென்ற பிறகு இ.பி.எஸ் முதலமைச்சராக இருந்தார். அவருடனான எங்கள் நட்பு அப்படியேதான் இருக்கிறது. அதில் மாற்றமில்லை. கூட்டணி என்று இருந்தால் சில வார்த்தைகள் வரத்தான் செய்யும். ஜெயலலிதா ஊழல்வாதி என்றால், `ஊழல் கட்சியுடன் ஏன் கூட்டணி வைக்கிறீர்கள்?’ என்று கேட்கிறீர்கள்... கூட்டணி எங்களுக்கு இருக்கிறது, ஏன் வைக்கிறீர்கள் என்பதற்கு பதில் கிடையாது.குஷ்பு அண்ணாமலை எந்தரீதியில் அவ்வாறு சொன்னார் என்பதை முதலில் புரிந்துகொள்ள வேண்டும். பா.ஜ.க-வின் செய்தித் தொடர்பாளர் நான் இல்லை. அண்ணாமலையின் பேச்சுக்கு அவர்கள் பதில் கொடுப்பார்கள். தமிழ்நாட்டில் தேசியத் தலைவர்களை ஏன் யாரும் உருவாக்கவில்லை என்ற வருத்தத்தைத்தான் `தமிழ்நாட்டிலிருந்து ஒரு பிரதமர் வர வேண்டும்' என அமித் ஷா பேசியிருக்கிறார்" எனத் தெரிவித்தார்.``எட்டு வயதில் என் அப்பாவால் பாலியல் துன்புறுத்தலுக்கு ஆளானேன்!’’ - நடிகை குஷ்பூ
http://dlvr.it/SqbFG6

Read More

’ரொம்ப சீன் போடாதே தம்பி!’ - கனிமொழியிடம் மனு கொடுக்க வந்த பாஜக கவுன்சிலர்... கடுகடுத்த கீதா ஜீவன்!

தூத்துக்குடி மாவட்டம், கோவில்பட்டி அருகேயுள்ள கரிசல்குளம், துறையூர் ஆகிய கிராமங்களில் தலா ஆறு லட்சம் ரூபாய் மதிப்பீட்டில் கட்டப்பட்டிருக்கும் புதிய பயணிகள் நிழற்குடை திறப்பு விழா மற்றும் கிழவிபட்டி, துறையூரில் மக்கள் குறைகள் கேட்கும் கூட்டம், நலத்திட்ட உதவிகள் வழங்கும் நிகழ்ச்சி நடைபெற்றது. இந்த நிகழ்ச்சிகளில் தூத்துக்குடி நாடாளுமன்ற உறுப்பினர் கனிமொழி, சமூக நலன் மற்றும் மகளிர் உரிமைத்துறை அமைச்சர் கீதா ஜீவன் ஆகியோர் கலந்துகொண்டு பணிகளைத் தொடங்கிவைத்தனர். மேலும் மக்களின் குறைகள், கோரிக்கைகள் குறித்து கேட்டறிந்தது மட்டுமின்றி, நலத்திட்ட உதவிகளையும் வழங்கினர். மனு அளித்த விஜயகுமார் இதைத் தொடர்ந்து கோவில்பட்டியில் புதிதாகக் கட்டப்பட்ட வருவாய் ஆய்வாளர் அலுவலகத்தை கனிமொழி திறந்துவைத்தார். அப்போது, கோவில்பட்டி நகராட்சியின் 20-வது வார்டு உறுப்பினரான பா.ஜ.க-வைச் சேர்ந்த விஜயகுமார், தனது வார்டு பகுதியில் குடிநீர்ப் பிரச்னை குறித்து கனிமொழியிடம் கோரிக்கை மனு அளித்தார். மனுவைப் பெற்றுக்கொண்ட கனிமொழி, `உரிய நடவடிக்கை எடுக்கப்படும்' என்றார். இருந்தபோதிலும் விஜயகுமார், தொடர்ந்து தன்னுடைய வார்டு பிரச்னை குறித்து பேசிக்கொண்டேயிருந்தார்.   “என்னோட வார்டுல 1,532 வாக்குகள், போன எம்.பி எலக்‌ஷன்ல  விழுந்திருக்கு. எனவே, குடிநீர்ப் பிரச்னை தீர நடவடிக்கை எடுக்க வேண்டும்” என்று தொடர்ந்து பேசியதால் அங்கு சிறிது நேரம் சலசலப்பு ஏற்பட்டது. இதையடுத்து, தி.மு.க-வினர் விஜயகுமாருடன் வாக்குவாதம் செய்ய முற்படவே அதுவரை வேடிக்கை பார்த்துக்கொண்டிருந்த போலீஸார், விஜயகுமாரை அங்கிருந்து அப்புறப்படுத்தும் முயற்சியில் ஈடுபட்டனர். வாக்குவாதத்தில் ஈடுபட்ட விஜயகுமார் இருந்தபோதிலும் விஜயகுமார் தொடர்ந்து பேசிக்கொண்டிருந்ததால் அமைச்சர் கீதா ஜீவன், “ரொம்ப சீன்  போடதே தம்பி” என்று கோபத்தில் பேசினார். இந்த நிலையில், சம்பவம் குறித்து பா.ஜ.க-வின் மாநிலத் தலைவர் அண்ணாமலை தனது ட்விட்டர் பக்கத்தில், ”கோவில்பட்டி நகராட்சி 20-வது வார்டு உறுப்பினராக இருப்பவர் பா.ஜ.க-வின் திரு.விஜயகுமார் அவர்கள். கடந்த நான்கரை வருடங்களாக அவரது பகுதியில் குடிநீர்ப் பிரச்னை இருக்கிறது என்றும், அவர் நகராட்சி உறுப்பினராகத் தேர்ந்தெடுக்கப்பட்ட பின்னர், கடந்த ஒன்றரை வருடங்களாக பல மனுக்கள் கொடுத்தும் இன்னும் தீர்வு கிடைக்கவில்லை என்றும், தூத்துக்குடி தொகுதி தி.மு.க நாடாளுமன்ற உறுப்பினர் திருமதி கனிமொழி அவர்களிடம் மனு கொடுக்க முயன்றிருக்கிறார். தேர்ந்தெடுக்கப்பட்ட மக்கள் பிரதிநிதியான சகோதரர் விஜயகுமார் அவர்களை, தி.மு.க அமைச்சர் கீதா ஜீவன் தகாத வார்த்தைகள் கூறி அவமானப்படுத்தியிருக்கிறார். தி.மு.க உட்கட்சி அரசியலில், தன்னை கட்சி மேலிடத்துக்கு நெருக்கமானவராகக் காட்டிக்கொள்ள வேண்டிய கட்டாயத்திலுள்ள அமைச்சர், இந்த ஆணவத்தையெல்லாம் அவரின் அடிப்பொடிகளிடம் வைத்துக்கொள்ள வேண்டும். பொதுமக்கள் பிரச்னைக்காக, நாடாளுமன்ற உறுப்பினரிடம் மனு கொடுப்பதைத் தடுக்க நீங்கள் யார்... ஒரு வார காலத்துக்குள் அந்தப் பகுதியின் குடிநீர்ப் பிரச்னை தீர்க்கப்படவில்லையென்றால், பா.ஜ.க-வின் தூத்துக்குடி வடக்கு மாவட்டத் தலைவர் தலைமையில் மாபெரும் போராட்டம் நடைபெறும் என்பதைத் தெரிவித்துக்கொள்கிறேன்" எனப் பதிவிட்டிருக்கிறார்.கீதா ஜீவன், தம்பி மோதல் முதல் ஆபீஸ் பிடிக்கும் முயற்சியைக் கைவிட்ட ஓ.பி.எஸ் வரை... கழுகார் அப்டேட்ஸ்
http://dlvr.it/SqXPNh

Read More

``மல்யுத்த வீராங்கனையிடம் பிரிஜ் பூஷண் தவறாக நடந்துகொண்டதைப் பார்த்தோம்!" - சர்வதேச மல்யுத்த நடுவர்

பா.ஜ.க எம்.பி-யும், இந்திய மல்யுத்த சம்மேளனத்தின் தலைவருமான பிரிஜ் பூஷண் மீதான மல்யுத்த வீராங்கனைகளின் பாலியல் குற்றச்சாட்டு விவகாரத்தில் ஜூன் 15-க்குள் விசாரணை அறிக்கை தாக்கல் செய்யப்படும் என இந்த வார தொடக்கத்தில் அரசு தெரிவித்திருந்தது. ஆனால், இன்னொருபக்கம் பிரிஜ் பூஷண் மீது சிறுமி அளித்த பாலியல் புகாரில் திடீர் திருப்பமாக, `பிரிஜ் பூஷண் என் மகளிடம் பாரபட்சமாக நடந்துகொண்டதால் பாலியல் புகாரளித்தோம். அதேசமயம் மல்யுத்த வீராங்கனைகளிடம் அவர் நடந்துகொண்டது தவறு' என்று சிறுமியின் தந்தை கூறினார்.பிரிஜ் பூஷண் சரண் சிங் - மல்யுத்த வீரர், வீராங்கனைகள் இந்த நிலையில், 2007-ம் ஆண்டு முதல் சர்வதேச மல்யுத்த நடுவராக இருக்கும் ஜக்பீர் சிங், 2022-ம் ஆண்டு மார்ச் 25-ம் தேதியன்று லக்னோவில் நடந்த ஆசிய சாம்பியன்ஷிப் மல்யுத்தப் போட்டியின்போது மல்யுத்த வீராங்கனையிடம் பிரிஜ் பூஷண் தகாத முறையில் நடந்துகொண்டதைப் பார்த்ததாகத் தற்போது தெரிவித்திருக்கிறார். தனியார் ஊடக நிகழ்ச்சியொன்றில் இது குறித்து பேசிய ஜக்பீர் சிங், ``அன்றைய தினம் புகைப்பட அமர்வின்போது, மல்யுத்த வீராங்கனை ஒருவர் பிரிஜ் பூஷண் அருகில் நின்றுகொண்டிருந்தார். அப்போது அந்த வீராங்கனை ஒருவிதமான அசௌகரியத்தை வெளிப்படுத்தினார். அனைவரின் கவனமும் வீராங்கனையின் பக்கம் திரும்பியது. பின்னர் வீராங்கனை முணுமுணுத்துக்கொண்டே நகர்ந்தார்.பிரிஜ் பூஷண் சரண் சிங் அங்கு என்ன நடக்கிறது என்று பார்த்தபோது, பிரிஜ் பூஷண் அந்த வீராங்கனையின் மேல் தகாத முறையில் கை வைத்ததைக் கண்டோம். உடனடியாக வீராங்கனை அந்த இடத்தை விட்டு வேறு இடத்துக்குச் சென்றுவிட்டார்" என்று கூறினார். இதுமட்டுமல்லாமல், ஜக்பீர் சிங், டெல்லி காவல்துறையிடம் அளித்த தனது வாக்குமூலத்தில் மல்யுத்த வீராங்கனைகளின் குற்றச்சாட்டுகளை உறுதிப்படுத்தியிருக்கிறார். ஜூன் 15-ம் தேதிக்குள் டெல்லி போலீஸ் விசாரணை அறிக்கையை சமர்ப்பிக்கத் தவறினால் போராட்டத்தை மீண்டும் தொடர்வோம் என மல்யுத்த வீரர், வீராங்கனைகள் முன்னதாக தெரிவித்திருந்தனர் என்பது குறிப்பிடத்தக்கது.`இந்திய மகள்களை' பலவந்தப்படுத்திய பாஜக எம்.பி பிரிஜ் பூஷண் - என்ன சொல்கிறது FIR?!
http://dlvr.it/SqVKYF

Read More

``நாங்க பெத்தப் பிள்ளைக்கு, ஸ்டாலின் பெயர் வைக்க வர்றாரு..! - சேலத்தில் இ.பி.எஸ் பேச்சு

சேலம் மாவட்டம், எடப்பாடி சட்டமன்றத் தொகுதிக்குட்பட்ட, கல்லபாளையம் பிரிவு சாலையில், எடப்பாடி நகர அதிமுக சார்பில் அமைக்கப்பட்ட கழகக் கொடியை அ.தி.மு.க பொதுச்செயலாளர் எடப்பாடி பழனிசாமி ஏற்றி வைத்தார். பின்னர் பேசிய அவர், “சாதாரண தொண்டனும் ஒரு கட்சியின் உயர்மட்ட பதவிக்கு வரமுடியும் என்பதற்கு அ.தி.மு.க-வே ஒரு முன் உதாரணம். காரணம் நாங்கள் தி.மு.க-வைப்போன்று அடிமைகளுக்கான கட்சி நடத்தவில்லை. இந்த விடியா தி.மு.க-வின் இரண்டாண்டுக்கால ஆட்சியில் ஏதாவது மக்களுக்கு நல்லது நடந்துள்ளதா என்றால் ஒன்றுமே இல்லை. மக்களின் பணத்தை எவ்வாறு பதுக்குவது, வீணடிப்பது என்பதிலேயே கவனம் செலுத்தி வருகின்றனர். நானும் பல மேடைகளின் மூலம் தமிழக முதல்வரிடம் கேட்டுவிட்டேன். அமைச்சர் பி.டி.ஆர் சொன்ன 30 ஆயிரம் கோடி எங்கே போனது என்று, ஆனால் இதுவரை தி.மு.க சார்பில் எந்தவித விளக்கமோ, பதிலோ தரவில்லை. இந்த முதல்வர் ஒரு பொம்மை முதல்வர் என்பதை அடிக்கடி நிரூபித்துவருகிறார். காரணம் இவருக்குக் கீழ் என்ன நடக்கிறது என்று தெரியாது. என்ன நடவடிக்கை எடுப்பது என்பதுகூட தெரியாமல் இருந்து வருகிறார். எடப்பாடி பழனிசாமி அதன் விளைவுதான் தமிழகத்தில் ஆங்காங்கே, கொலை, கொள்ளை, போதை என்று குற்றச் சம்பவங்கள் பெருகி வருகின்றன. முதல்வர் காவல்துறை என்னும் துறையைக் கையில் வைத்திருந்தால் மட்டும் போதாது, அதனை செயல்படுத்தவும் தெரிந்திருக்க வேண்டும். மாட்டுவண்டி ஓட்டுபவன் ஒழுங்காக ஓட்டினால்தான் மாடு ஒழுங்காகச் செல்லும். குற்றத்தைத் தடுக்க வேண்டிய காவலர்களே கடைகளில் சென்று அடித்துப் பிடுங்கி திண்கிறார்கள். இதிலிருந்தே தெரிந்துகொள்ள வேண்டியதுதான் நாம் இந்த ஆட்சியின் சிறப்பை. சேலத்திற்கு முதல்வர் வருகிறார் என்று கேள்விப்பட்டேன். எதற்கு வருகிறார் அவர், சேலத்திற்காக எதாவது திட்டங்களை அறிவித்து செயல்படுத்தி உள்ளாரா என்றால், ஒன்றுமே இல்லை. நாங்கள் எங்களது ஆட்சியில் கட்டத் தொடங்கிய பாலத்தையும், பஸ் ஸ்டாண்டையும் திறந்து வைக்க வருகிறார். இது எப்படி இருக்கிறது என்றால், நாங்க பெத்த புள்ளைக்கு ஸ்டாலின் பெயர் வைப்பதா... எங்களது ஆட்சியிலாவது மக்களுக்கான திட்டங்கள் அத்தனை ஏற்படுத்தியிருந்தோம். ஆனால் இந்த ஆட்சியில் மக்களுக்கான திட்டங்களைத் தவிர்த்துவிட்டு, தங்கள் குடும்பத்துக்கான திட்டத்தை மட்டும்தான் வகுத்து வருகிறார்கள். எழுதாத பேனாவுக்கு எதற்கு சிலை அமைக்க வேண்டும். இதெல்லாம் யாருடைய பணம், முதல்வருடையதா அல்லது முதல்வரின் குடும்பத்தினருடையதா... மக்களின் வரிப்பணத்தில் செய்ய எப்படி முதல்வருக்கு தைரியம் வந்தது. இன்று லோக்கல் சரக்கு உருவானதற்கு தி.மு.க-தான் காரணம். ஒரு குவாட்டர் பாட்டில் வாங்கினால்கூட அதற்கு கூடுதலாக 10 ரூபாய் லஞ்சம் கொடுக்கவேண்டியுள்ளது. அப்புறம் குடிமகன்கள் என்ன செய்வார்கள்... அவர்களே காய்ச்சிக் குடிச்சுக்கலாம், இல்லன்னா காய்ச்சுரவங்ககிட்ட போய் குடிச்சுகலாம்னுதான் நினைப்பாங்க. தமிழ்நாட்டில் மட்டும் 6 ஆயிரம் பிராந்தி கடைகள் இருக்கு. 5,008 பார்கள் இருக்கு. இதில் 4,000 பார்கள் அனுமதியே இல்லாத பார்கள். ஏன் இதெல்லாம் முதல்வர் கண்ணுக்குத் தெரியலையா. இந்தக் கேள்விய எதிர்க்கட்சியா இருந்து நாங்க கேட்க ஆரம்பித்தபோதுதான், சும்மா கண் துடைப்பு வேலைக்காக சேலத்தில் 27 பார்கள் மூடியுள்ளதாக கணக்கு காட்டியுள்ளனர்” என்றார். சேலம்: முன்விரோதத்தில் கொலைசெய்ய வந்த ரெளடி... அடித்துக் கொன்ற தந்தை - மகன்கள்!
http://dlvr.it/SqSBNx

Read More

``ஆவினில் சிறார்கள்... உண்மையை மறைக்க முயல்கிறார் பால்வளத்துறை அமைச்சர்!" - சாடும் அண்ணாமலை

சென்னை, அம்பத்தூரில் இயங்கிவரும் ஆவின் பால் பண்ணையில், கடந்த இரண்டு மாதங்களாகப் பணியாற்றிய குழந்தைத் தொழிலாளர்களுக்கு ஒப்பந்த நிறுவனம் உரிய ஊதியம் வழங்கவில்லை எனக் கூறி, பாதிக்கப்பட்டதாகக் கூறப்பட்ட சிறார்கள் ஆவின் நுழைவு வாயில் முன்பாக ஆர்ப்பாட்டத்தில் ஈடுபட்டதாகக் கூறப்படுகிறது. இதனால் அந்தப் பகுதியில் சிறிது பரபரப்பு ஏற்பட்டது. பின்னர் போலீஸார் சம்பவ இடத்துக்கு வந்து அவர்களைச் சமாதானம் செய்து அனுப்பிவைத்தனர்.பால் வளத்துறை அமைச்சர் மனோ தங்கராஜ் அதைத் தொடர்ந்து, இந்த விவகாரம் தொடர்பாக எதிர்க்கட்சியினர் தி.மு.க அரசுக்குக் கண்டனம் தெரிவித்தனர். இதற்கு பால் வளத்துறை அமைச்சர் மனோ தங்கராஜ், ``சிறார்கள் பணியமர்த்தப்பட்டதாக வெளியான தகவல் முற்றிலும் உண்மைக்குப் புறம்பான ஒரு சித்திரிக்கப்பட்ட செய்தி" என விளக்கமளித்திருந்தார். இந்த நிலையில், பா.ஜ.க மாநிலத் தலைவர் அண்ணாமலை தனது ட்விட்டர் பக்கத்தில், இந்த விவகாரத்தில் அமைச்சரைச் சாடி ட்வீட் செய்திருக்கிறார். அதில், ``ஆவின் நிறுவனத்தில், சிறார்களைப் பணியமர்த்தியதாக செய்திகள் வெளியானதும், ஆரம்பம் முதல் அதை மழுப்பி மறைக்கும் முயற்சியில்தான் ஈடுபட்டிருக்கிறார் தமிழக பால் வளத்துறை அமைச்சர். அரசு நிறுவனத்தில் சிறார்களைப் பணியமர்த்தி, அதற்கான ஊதியத்தையும் வழங்காமல், அவர்கள் போராட்டம் நடத்தும் அளவுக்கு அவலநிலைக்குத் தள்ளப்பட்டிருப்பதற்கு தமிழக பால் வளத்துறை அமைச்சரே பொறுப்பு. பால் வளத்துறை அமைச்சர், சிறார்கள் ஆவின் அலுவலகத்தில் பணியமர்த்தப்படவில்லை என்று கூறுகிறார். ஆனால், உண்மைநிலை நேரெதிராக இருக்கிறது.அண்ணாமலை சிறார்கள் ஆவின் நிறுவனத்தில் பணி செய்திருப்பதற்கான காணொளி ஆதாரங்கள் வெளியாகி அதிர்ச்சியளிக்கின்றன. ஆனாலும் அமைச்சர் இன்னும் உண்மையை மறைக்கும் முயற்சியிலேயே ஈடுபட்டுவருகிறார். ஊடகங்களில் வெளியாகியிருக்கும் காணொளிகள், அவர் சொல்வது பொய் என்பதை நிரூபிக்கின்றன. பள்ளி மாணவர்களுக்கான தேசிய விளையாட்டுப் போட்டிகளுக்கு, தமிழகம் சார்பாக மாணவர்களைத் தேர்வு செய்யாமல் அவர்கள் எதிர்காலத்தை வீணடித்திருக்கும் திறனற்ற தி.மு.க அரசு, தற்போது, குழந்தைத் தொழிலாளர்களை ஊக்குவிக்கிறது.முதல்வர் ஸ்டாலின் உடனடியாக, சிறார்களைப் பணியில் அமர்த்தியவர்கள் அத்தனை பேர்மீதும் கடுமையான நடவடிக்கை எடுக்க வேண்டும் என்றும், குறிப்பிட்ட ஒப்பந்ததாரரை மேற்கொண்டு அரசுப் பணிகளில் இடம்பெறாத வண்ணம், கறுப்புப் பட்டியலில் வைக்க வேண்டும் என்றும் தமிழக பா.ஜ.க சார்பாக வலியுறுத்துகிறேன்" எனக் குறிப்பிட்டிருக்கிறார்.ஆளுநர் விமர்சனங்கள்... 'நமக்கு ஓர் எழுச்சி' - அணுகுமுறையை மாற்றுகிறாரா முதல்வர் ஸ்டாலின்?!
http://dlvr.it/SqPKyJ

Read More

தற்காலிகமாக நிறுத்தப்பட்ட போராட்டம்... மல்யுத்த வீரர்கள் முன்வைத்த 5 முக்கிய நிபந்தனைகள் என்னென்ன?

இந்திய மல்யுத்த சம்மேளனத்தின் தலைவர் பிரிஜ் பூஷண் சரண் சிங் மீதான பாலியல் குற்றச்சாட்டு விவகாரத்தில் அவரைக் கைதுசெய்ய வேண்டுமென்ற மல்யுத்த வீரர், வீராங்கனைகளின் குரல் நாளுக்கு நாள் வலுத்துக்கொண்டே வருகிறது. இப்படியான சூழலில் பஜ்ரங் புனியாவும், சாக்ஷி மாலிக்கும் கடந்த சனிக்கிழமை நள்ளிரவில் மத்திய உள்துறை அமைச்சர் அமித் ஷாவுடன் பேச்சுவார்த்தை மேற்கொண்டனர். அந்தப் பேச்சுவார்த்தைக்குப் பின்னர் போராட்டம் கைவிடப்பட்டதாகச் செய்திகள் வெளிவர, மல்யுத்த வீரர், வீராங்கனைகள் அதற்கு மறுப்பு தெரிவித்தனர்.பிரிஜ் பூஷண் சரண் சிங் - மல்யுத்த வீராங்கனை இந்த நிலையில், மத்திய விளையாட்டுத்துறை அமைச்சர் அனுராக் தாக்கூர், `மல்யுத்த வீரர், வீராங்கனைகளின் பிரச்னைகள் குறித்து விவாதிக்க அரசு தயாராக இருக்கிறது' என நேற்றிரவு ட்வீட் செய்து பேச்சுவார்த்தைக்கு அழைப்பு விடுத்திருந்தார். அதன் பேரில் பஜ்ரங் புனியாவும், சாக்ஷி மாலிக்கும் மத்திய அமைச்சர் அனுராக் தாக்கூரை இன்று நேரில் சந்தித்தனர். இந்தச் சந்திப்பில் அனுராக் தாக்கூரிடம் ஐந்து முக்கிய நிபந்தனைகள் முன்வைக்கப்பட்டிருப்பதாகக் கூறப்படுகிறது. ஐந்து முக்கிய நிபந்தனைகள்: 1. இந்திய மல்யுத்த சம்மேளனத்தின் (WFI) தலைவராகப் பெண் ஒருவர் பொறுப்பேற்க வேண்டும். 2. பிரிஜ் பூஷண் சரண் சிங் உட்பட அவரின் குடும்பத்தினர் யாரும் மல்யுத்த சம்மேளனத்தில் அங்கம் வகிக்கக் கூடாது. 3. இந்திய மல்யுத்த சம்மேளனத்துக்கு நேர்மையான, வெளிப்படையான தேர்தல் நடத்தப்பட வேண்டும்.மல்யுத்த வீரர்கள், வீராங்கனைகள் - அனுராக் தாக்கூர் 4. கடந்த 28-ம் தேதி நடந்த போராட்டத்தின்போது மல்யுத்த வீரர்கள், வீராங்கனைகள்மீது போடப்பட்ட எஃப்.ஐ.ஆர்களை ரத்துசெய்ய வேண்டும். 5. முக்கியமாக பிரிஜ் பூஷண் கைதுசெய்யப்பட வேண்டும். இந்தப் பேச்சுவார்த்தை முடிந்த பிறகு செய்தியாளர்களைச் சந்தித்த பஜ்ரங் புனியா, ``அனுராக் தாக்கூரின் கோரிக்கையின் பேரில் ஜூன் 15 வரை போராட்டம் தற்காலிகமாக நிறுத்தப்படுகிறது" எனத் தெரிவித்தார் என்பது குறிப்பிடத்தக்கது.`போராட்டத்தை தற்காலிகமாக நிறுத்துகிறோம், ஆனால்..!' - மல்யுத்த வீரர் பஜ்ரங் புனியா சொல்வதென்ன?
http://dlvr.it/SqLJDH

Read More

RTI மூலம் தெரியவந்த அதிர்ச்சித் தகவல்; விழுப்புரம் ஆட்சியரை நாடிய சாமானியர்; நடந்தது என்ன?!

விழுப்புரம் மாவட்டம், கொடுக்கூர் கிராமத்தைச் சேர்ந்தவர் சுபாஷ். தனியார் நிறுவனம் ஒன்றில் ஊழியராகப் பணியாற்றிவந்திருக்கிறார். இவர், நேற்று விழுப்புரம் மாவட்ட ஆட்சியரிடம் புகார் மனு ஒன்றை அளித்தார். அதில் கூறியிருப்பதாவது, "என்னுடைய அப்பா மோகன், எங்கள் ஊராட்சி செயலாளர் லட்சுமணனிடம் `ஆவாஸ் யோஜனா' திட்டத்தின் கீழ் வீடு வேண்டுமென்று கேட்டதற்குச் சரியான தகவல் வழங்கவில்லை. அதனால், நான் தகவல் பெறும் உரிமைச் சட்டத்தின் கீழ் தகவலைக் கேட்டிருந்தேன். அதில், "திரு.மோகன் த/பெ பூங்கான் என்பவர் பெயரில் 2017-2018-ம் ஆண்டில் `ஆவாஸ் யோஜனா' திட்டத்தின் கீழ் வீடு ( TN2254633 ) வழங்கப்பட்டது" என்று தகவலைக் கொடுத்தார்கள். இந்தத் தகவலை நான் பார்த்தவுடன் பெரும் அதிர்ச்சியடைந்தேன். புகார் அளிக்க வந்த சுபாஷ் நாங்கள் கண்டமங்கலம் வட்டார வளர்ச்சி அலுவலர் அவர்களிடம் பலமுறை நேரில் சென்று கேட்டோம். அப்போது, அங்கு பணிபுரிந்த மேனேஜர், முன்னாள் ஊராட்சி செயலாளர் லட்சுமணன் ஆகியோர், "நீங்கள் காலி இடத்தில் கடைக்கால் எடுங்கள். நாங்கள் உங்களுக்கான நிதியை ஒதுக்கீடு செய்து தருகிறோம்" என்று கூறினார்கள். இதை நம்பி நாங்கள் எங்களுடைய நகைகளை வைத்து கடைக்கால் போட்ட பிறகும் எங்களுக்கான நிதி ஒதுக்கீடு செய்யவில்லை. எனவே, ஐயா அவர்கள் இவர்கள்மீது நடவடிக்கை எடுக்குமாறும், எங்களுக்கு வீடு கட்டுவதற்கு நிதி ஒதுக்கீடு செய்து தருமாறும் மிகவும் பணிவன்புடன் கேட்டுக்கொள்கிறேன்" என்று தெரிவித்திருக்கிறார்.  மேலும் சுபாஷிடம் பேசியபோது, "அந்த வீட்டைக் கட்டுவதற்கான ஆணையை என் அப்பாவின் பெயரையே கொண்ட, அவ்வூரில் அரசு ஆவணங்களே இல்லாத ஒரு நபருக்கு லஞ்சம் பெற்றுக்கொண்டு கொடுத்திருக்கிறார். ஆனால், என் தாத்தா பெயர் வேறு, அந்த நபரின் அப்பா பெயர் வேறு. இது குறித்து புகார் தெரிவித்தும், பல வருடங்களாக உரிய நடவடிக்கை இல்லாததால் இன்று மாவட்ட ஆட்சியரைச் சந்தித்துப் புகாரளித்தோம். மாவட்ட ஆட்சியர் அவர்களும், துறை சார்ந்த அதிகாரிக்கு அனுப்பி விசாரித்து நடவடிக்கை எடுப்பதாக தெரிவித்திருக்கிறார்" என்றார்.மாவட்ட ஆட்சியரிடம் புகார் அளிக்க வந்த சுபாஷ் இந்தப் புகார் குறித்து கண்டமங்கலம் வட்டார வளர்ச்சி அலுவலர் சிவகுமாரிடம் விளக்கம் கேட்டோம். "இது குறித்த புகார் எங்களுக்கு வந்தது. வங்கிக் கணக்கு எண் மட்டும் மாறி, வேறொருவர் பெயருக்கு தொகை சென்றிருக்கிறது. உடனே சம்பந்தப்பட்ட கிராமச் செயலாளரை அழைத்துப் பேசினோம். 'உங்கள்மீது புகார் வந்திருக்கிறது. உடனே சம்பந்தப்பட்ட நபருக்கு உரிய பணத்தைச் சேருங்கள். இல்லையேல் நடவடிக்கை எடுக்கப்படும்' என்று தெரிவித்திருக்கிறோம். அவரும், உடனே பணத்தைத் தந்துவிடுவதாகக் கூறியிருக்கிறார். எனவே, அவரிடமிருந்து புகார்தாருக்கு உரிய பணத்தைச் சேர்த்துவிட்டு, வீடு கட்டும் பணியைத் தொடங்க ஏற்பாடு செய்திடலாம்" என்றார்.
http://dlvr.it/SqH9lk

Read More

"தமிழகத்தில் காலத்துக்கேற்ப கல்விமுறைகளை மாற்ற வேண்டும்!" - துணைவேந்தர்கள் மாநாட்டில் ஆளுநர் ரவி

உயர்கல்வி நிறுவனங்களில் பாடப் புத்தகங்களை தமிழாக்கம் செய்வது தொடர்பான பல்கலைக்கழக துணைவேந்தர்கள் மாநாடு நீலகிரி மாவட்டம், ஊட்டியிலுள்ள ராஜ் பவனில் இன்று நடைபெற்றது. தமிழகத்திலுள்ள அரசு, தனியார் பல்கலைக்கழக துணைவேந்தர்கள் மாநாட்டை தமிழக ஆளுநர் ஆர்.என்.ரவி தலைமையேற்றுத் தொடங்கிவைத்தார். துணைவேந்தர்கள் மாநாட்டில் பேசிய ஆளுநர் ஆர்.என்.ரவி, ``இரண்டாம் உலகப் போருக்குப் பின்னர் தொழில்நுட்பம் வளர்ந்து வந்தது. இதனால் கணினியின் தேவை அதிகரித்தது. இதன் மூலம் கணினி கல்வி கற்க வேண்டிய அவசியம் ஏற்பட்டது. இந்தியாவில் தொலைத்தொடர்பு தொழில்நுட்பம் வளர்ந்ததால், பன்னாட்டு நிறுவனங்கள் இந்தியாவுக்குப் படையெடுத்தன. காலமாற்றத்துக்கு ஏற்ப கல்வியிலும் மாற்றம் ஏற்பட்டுவருகிறது. நவீன காலத்தில் செயற்கை நுண்ணறிவு போன்ற தொழில்நுட்பங்கள் வளர்ந்து வருவதால், அதற்கு ஏற்ப கல்வி முறைகளை மாற்றி அமைக்க வேண்டும். தமிழகம் கல்வியில் சிறந்து விளங்குகிறது. தற்போது வளரும் மாநிலங்களில் ஒன்றாக தமிழகம் இருக்கிறது. இன்றைய காலகட்டத்தில் இளைஞர்களுக்கு படிப்புக்கு ஏற்ற வேலை கிடைப்பதில்லை. அடிப்படை கல்விக்கு மட்டுமின்றி உயர்கல்விக்கும் தமிழகத்தில் முக்கியத்துவம் அளிக்க வேண்டும். பாலிடெக்னிக், ஐ.டி.ஐ மாணவர்கள், பொறியியல் பட்டதாரிகளைவிட கூடுதல் ஊதியம் பெறுகின்றனர். இன்றைய காலகட்டத்தில் இளைஞர்களுக்கு காலத்துக்கு ஏற்ற கல்வி கிடைக்காததால் அவர்கள் திறன் பாதிக்கப்பட்டிருக்கிறது. இதனால் மாநில மற்றும் தேசிய வளர்ச்சியும் பாதிக்கப்படுகிறது. இதனால் கல்வியில் மாற்றம் அவசியம் செய்ய வேண்டும். தேசிய கல்விக் கொள்கையில், இளைஞர்களுக்கு அவர்களின் திறனுக்கு ஏற்ற கல்வி வழங்க நடவடிக்கை எடுக்கப்பட்டிருக்கிறது. இன்றைய இளைஞர்கள் பெரும்பாலானோருக்கு ஆங்கில திறன் குறைபாடு இருக்கிறது. பள்ளிப்பாட அறிவியல் தொழில்நுட்ப நூல்கள் தாய்மொழியில் மொழிபெயர்க்கப்பட்டால், மாணவர்கள் பயன் பெறுவார்கள். பொறியியல், அறிவியல் பாடங்களை ஆங்கிலத்தில் மட்டுமே படிக்க வேண்டும் என்ற சிந்தனையை மாற்ற வேண்டும். இந்தப் பாடங்களை தமிழில் படிக்க நடவடிக்கை மேற்கொள்ள வேண்டும். சீனா, ஜப்பானில் தாய்மொழியில்தான் படிக்கிறார்கள். இந்தியாவில் இளைஞர்களிடையே ஆங்கில மோகம் அதிகரித்திருப்பதால் அதற்கு முக்கியத்துவம் அளித்து வருகின்றனர். மாணவர்கள், இளைஞர்கள் ஆங்கில மோகத்திலிருந்து விடுபட வேண்டும். தாய்மொழியில் கற்பதை அதிகரித்துக்கொள்ள வேண்டும். சர்வதேச அளவில் நடைபெறும் புவிசார் அரசியல் மாற்றங்களால் பன்னாட்டு நிறுவனங்கள் சீனாவிலிருந்து இந்தியாவை நோக்கி படையெடுத்து வருகின்றன. ஆளுநர் ஆர்.என். ரவி கடந்த 10 ஆண்டுகளில் இந்தியாவில் உள்கட்டமைப்பு மேம்பட்டிருக்கிறது. இதனால் ஸ்டார்ட்-அப் நிறுவனங்களின் வளர்ச்சி அதிகரித்திருக்கிறது. உலக அளவில் ஸ்டார்ட்- அப் நிறுவனங்களின் வளர்ச்சியில் 3-வது இடத்துக்கு இந்தியா வளர்ந்திருக்கிறது. இந்தியா முழுவதும் டிஜிட்டல் மயமாகிவிட்டது. திறன் வாய்ந்த மனித வளத்தை உருவாக்கினால் மட்டுமே அன்னிய முதலீடுகளைக் கவர முடியும். இந்தியாவிலுள்ள பிற மாநிலங்கள் தமிழகத்துடன் போட்டிப் போடும் அளவுக்கு முன்னேறியிருக்கின்றன. இதனால் தமிழ்நாட்டு கல்விமுறை காலத்துக்கு ஏற்ப மாற்றம் பெற்று இளைஞர்கள் திறன் மேம்பாடு அடையும் வகையில் மாற்றம் செய்ய வேண்டும். எனவே, தமிழகத்திலுள்ள மாநில அரசு, தனியார் பல்கலைக்கழகங்களின் துணைவேந்தர்கள் சிறந்த கல்வி மற்றும் திறன் வாய்ந்த இளைஞர்களை உருவாக்க ஒன்றிணைந்து செயல்பட வேண்டும்" என்றார்.சித்தா பல்கலைக்கழக மசோதாவுக்கு ஆளுநர் ஆர்.என்.ரவி ஒப்புதல் அளிக்காதது ஏன்?!
http://dlvr.it/SqD21L

Read More

டாஸ்மாக்:``இன்னும் எத்தனை மரணங்களுக்கு திராவிட அரசுகள் காரணமாகப்போகின்றன?'' - சீமான் கேள்வி

வேலூர் மாவட்டத்தின் சின்னராஜாகுப்பம் என்ற கிராமத்தைச் சேர்ந்த கூலித்தொழிலாளி பிரபுவின் மகள் விஷ்ணுபிரியா (16) சமீபத்தில் நடந்து முடிந்த 10-ம் வகுப்பு பொதுத்தேர்வில் 410 மதிப்பெண்கள் பெற்றிருந்தார். இருப்பினும், குடிப்பழக்கமுள்ள தன்னுடைய தந்தையால் மன உளைச்சலுக்கு ஆளான விஷ்ணுபிரியா நேற்று முன்தினம், தன்னுடைய அப்பா குடிப்பதை நிறுத்த வேண்டும் எனக் கடிதம் எழுதிவைத்துவிட்டு, வீட்டில் தூக்குப் போட்டு தற்கொலை செய்துகொண்டார். இந்தச் சம்பவம் பலரிடையே பெரும் சோகத்தை ஏற்படுத்தியது.சிறுமி விஷ்ணுபிரியா இந்த நிலையில் நாம் தமிழர் கட்சியின் ஒருங்கிணைப்பாளர் சீமான், `தமிழிளம் தலைமுறையை முழுவதுமாகப் பலி கொடுக்கும் முன்பாக, தமிழ்நாடு அரசு மதுக்கடைகளை நிரந்தரமாக மூட வேண்டும்' என வலியுறுத்தியிருக்கிறார். இது குறித்து சீமான் வெளியிட்டிருக்கும் அறிக்கையில், ``வேலூரைச் சேர்ந்த பதினாறே வயதான விஷ்ணுபிரியா தனது தந்தையின் குடிப்பழக்கத்தால் சீரழியும் குடும்பத்தின் நிலை கண்டு, மனம் வெறுத்து தற்கொலை செய்துகொண்டிருக்கும் நிகழ்வு பெரும் அதிர்ச்சியளிக்கிறது. மலிவு விலை மதுக்கடை என்ற பெயரில் தமிழ்க் குடும்பங்களைச் சிறுகச் சிறுகச் சீரழிக்கும் தமிழ்நாடு அரசின் மனச்சான்றற்ற கொடுஞ்செயல் வன்மையான கண்டனத்துக்குரியது. கடந்த அ.தி.மு.க ஆட்சியின்போது தமிழ்நாட்டில் பூரண மதுவிலக்கை நடைமுறைப்படுத்த வேண்டும் என்று போராடிய தி.மு.க., ஆட்சிக்கு வந்தவுடன் மதுவிலக்கை நடைமுறைப்படுத்தாமல் தொடர்ந்து ஏமாற்றிவருவது தமிழிளம் தலைமுறைக்குச் செய்கின்ற பச்சைத் துரோகம். பெண்களுக்கு இலவசப் பேருந்து, குடும்பத் தலைவிகளுக்கு உதவித்தொகை என்று பெண்களின் மேம்பாட்டுக்குப் பல திட்டங்களை நடைமுறைப்படுத்துவதாகக் கூறும் தி.மு.க அரசு, பல லட்சக்கணக்கான தமிழ்ப் பெண்களின் வாழ்க்கையை நாசப்படுத்தி, அவர்களின் கண்ணீருக்குக் காரணமான மதுக்கடைகளையும் தொடர்ந்து நடத்துவது ஏன்?சீமான் விஷ்ணுபிரியா போன்று லட்சக்கணக்கான பெண் குழந்தைகளின் குடும்பங்களைச் சீரழிக்கும் டாஸ்மாக் மூலம் கிடைக்கும் வருமானத்தைக்கொண்டு, பெண் குழந்தைகளுக்கு கல்வி உதவித்தொகை வழங்குவதாக தி.மு.க அரசு பெருமைகொள்வது எவ்வகையில் அறமாகும்... 2018-ம் ஆண்டு அ.தி.மு.க ஆட்சிக்காலத்தின்போது சங்கரன்கோயிலைச் சேர்ந்த 17 வயதான தினேஷ் தந்தையின் குடிப்பழக்கத்தால் தினம் தினம் சீரழியும் குடும்பத்தின் நிலை கண்டு மதுக்கடைகளை மூட வலியுறுத்தி தற்கொலை செய்துகொண்டார். ஆனால் சிறிதும் இரக்கமற்ற அ.தி.மு.க அரசு மரணத்தை அன்றைக்கு அலட்சியப்படுத்தி மதுக்கடைகளை மூட மறுத்தது. அதன் பிறகு 2021-ம் ஆண்டு தமிழ்நாட்டில் ஆட்சி மாற்றம் ஏற்பட்ட பிறகும் மதுவினால் தமிழ்க் குடும்பங்கள் சீரழியும் கோரக் காட்சிகள் மட்டும் இன்றுவரை நின்றபாடில்லை. இந்த ஆண்டு, ஜனவரி மாதம் ஈரோடு கிழக்குத் தொகுதியைச் சேர்ந்த நாம் தமிழர் கட்சியின் கார்த்தி, கௌதம் ஆகிய இரு சகோதரர்களும், குடிபோதையிலிருந்த தன் சொந்த தாய்மாமனாலேயே குத்திக் கொடூரமாகக் கொலைசெய்யப்பட்டனர்.ஸ்டாலின் மதுக்கடைகளை மூட மறுத்து தினேஷ், கார்த்தி, கௌதம் தற்போது விஷ்ணுபிரியா போன்று இன்னும் எத்தனை இளம்பிள்ளைகளின் மரணத்துக்கு திராவிட அரசுகள் காரணமாகப்போகின்றன... கஞ்சா, குட்கா போன்ற போதைப்பொருள்களை முற்றிலுமாக ஒழிப்பதாகக் கூறிக்கொண்டு, கொடிய போதைப்பொருளான மதுவை அரசே விற்பது எவ்வகையில் நியாயமாகும்... கள்ளச்சாராயத்தால் உயிரிழந்தவர்களின் உறவினர்களை ஓடோடி நேரில் சென்று பார்த்து, 10 லட்ச ரூபாய் நிதியுதவி வழங்கிய தி.மு.க அரசு, தான் விற்கும் மதுவால் நிகழ்ந்திருக்கும் குழந்தைகளின் மரணங்கள் குறித்து வாய் திறவாமல் அமைதி காப்பது ஏன்? மதுபோதையால் நடைபெறும் கொலைகளாலும், சாலை விபத்துகளாலும் நாள்தோறும் பறிபோகும் உயிர்களுக்கு தி.மு.க அரசு என்ன பதில் கூறப்போகிறது... அல்லது இதுவும் இந்தியாவே வியக்கும் திராவிட மாடல் அரசின் சாதனைகளா என்பதை தி.மு.க அரசுதான் தமிழ்நாட்டு மக்களுக்கு விளக்க வேண்டும். ஆகவே, தி.மு.க அரசு விஷ்ணுபிரியா போன்று இனியும் தமிழிளம் தலைமுறைப் பிள்ளைகளை பலிகொள்வதைக் கைவிட்டு, உடனடியாக அனைத்து மதுக்கடைகளையும் நிரந்தரமாக மூடி, தமிழ்நாட்டில் பூரண மதுவிலக்கை நடைமுறைப்படுத்த வேண்டுமென்று நாம் தமிழர் கட்சி சார்பாக வலியுறுத்துகிறேன்.டாஸ்மாக் விஷ்ணுபிரியாவை இழந்து தவிக்கும் அவரின் தாய், தந்தையருக்கு என்னுடைய ஆறுதலைத் தெரிவித்து, இந்தப் பெருந்துயரத்தில் பங்கெடுப்பதோடு, விஷ்ணுபிரியாவின் தந்தை இனியேனும் குடிப்பழக்கத்தைக் கைவிட்டு, தங்களுடைய மகளின் இறுதி ஆசையை நிறைவேற்ற வேண்டுமெனவும் கேட்டுக்கொள்கிறேன்" என்று கூறப்பட்டிருக்கிறது.‘‘இனிமேலாவது குடிக்காத அப்பா...‘‘ - விபரீத முடிவெடுத்த சிறுமி; உருக்குலைந்த குடும்பம்!
http://dlvr.it/Sq8xYk

Read More

அமித் ஷாவை மல்யுத்த வீரர், வீராங்கனைகள் சந்தித்ததாகத் தகவல் - விவாதித்தது என்ன?!

மல்யுத்த வீராங்கனைகளின் பாலியல் குற்றச்சாட்டின் பேரில், இந்திய மல்யுத்த சம்மேளனத்தின் தலைவர் பிரிஜ் பூஷண் மீது போக்சோ உட்பட இரண்டு பிரிவுகளில் டெல்லி போலீஸ் வழக்கு பதிவுசெய்து விசாரித்துவருகிறது. இதற்கிடையில், கடந்த வாரம் புதிய நாடாளுமன்றம் நோக்கி பேரணி செல்ல முயன்ற மல்யுத்த வீராங்கனைகளை டெல்லி போலீஸார் கைதுசெய்து பின்னர் விடுவித்தனர்.மல்யுத்த வீரர், வீராங்கனைகள் அதைத் தொடர்ந்து, டெல்லியின் ஜந்தர் மந்தர், இந்தியா கேட் பகுதியில் மல்யுத்த வீரர், வீராங்கனைகள் போராட்டம் நடத்த அனுமதி தரப்படாது என்று டெல்லி போலீஸ் அறிவித்தது. பின்னர் மத்திய விளையாட்டுத்துறை அமைச்சர் அனுராக் தாக்கூர், இந்த விவகாரத்தில் டெல்லி போலீஸின் விசாரணை முடியும்வரை காத்திருக்குமாறு மல்யுத்த வீராங்கனைகளுக்கு வேண்டுகோள் விடுத்தார். இந்த நிலையில் மத்திய உள்துறை அமைச்சர் அமித் ஷா, மல்யுத்த வீரர், வீராங்கனைகளுடன் தனது அலுவலகத்தில் நேற்று நள்ளிரவு பேச்சுவார்த்தை நடத்தியிருப்பதாகத் தகவல் வெளியாகியிருக்கிறது. இது குறித்து உள்துறை அமைச்சக அலுவலக தரப்பிலிருந்து வெளியான தகவலின்படி வினேஷ் போகத், சாக் ஷி மாலிக், பஜ்ரங் புனியா ஆகியோர் அமித் ஷாவைச் சந்தித்ததாகக் கூறப்படுகிறது.அமித் ஷா சுமார் 2 மணிநேரம் நடந்ததாகக் கூறப்படும் இந்தச் சந்திப்பில், பிரிஜ் பூஷண் மீதான விசாரணையைத் துரிதப்படுத்தி, கூடிய சீக்கிரம் குற்றப்பத்திரிகை தாக்கல்செய்யுமாறும், அவரைக் கைதுசெய்யுமாறும் மல்யுத்த வீரர், வீராங்கனைகள் வலியுறுத்தியதாகச் சொல்லப்படுகிறது. ஆனாலும், அமித் ஷா தரப்பிலிருந்து இதற்கு என்ன பதில் அளிக்கப்பட்டது என்பது குறித்த தகவல் எதுவும் வெளியாகவில்லை. இருப்பினும், இன்றைக்குள் மல்யுத்த வீரர், வீராங்கனைகள் அல்லது அமித் ஷா தரப்பிலிருந்து இந்தச் சந்திப்பு குறித்த கருத்துகள் வெளிப்படும் என்று எதிர்பார்க்கப்படுகிறது."யாரையும் நாங்கள் காப்பாற்ற நினைக்கவில்லை!" - பிரிஜ் பூஷன் வழக்கில் மத்திய அமைச்சர் அனுராக் தாக்கூர்
http://dlvr.it/Sq8xPM

Read More

45 பைகளில் மனித உறுப்புகள் கண்டெடுப்பு|ஒடிசா ரயில் விபத்துக்குத் தலைவர்கள் இரங்கல் - உலகச் செய்திகள்

கனடா நாட்டில் விரைவில் சிகரெட் பாக்கெட்டுகளில் `Cigarettes cause cancer and Poison in every puff’ உள்ளிட்ட எச்சரிக்கை வாசகங்களை அச்சிட கனடாவின் சுகாதாரத்துறை திட்டமிட்டிருப்பதாகத் தகவல் வெளியாகியிருக்கிறது. ரஷ்ய அதிபர் புதின் தன்னுடைய அமைச்சரவை உறுப்பினர்களிடம்,``சில விரும்பத்தகாதவர்கள் ரஷ்யாவைச் சீர்குலைக்கும் முயற்சியில் ஈடுபட்டுவருகின்றனர். எந்தச் சூழ்நிலையிலும், இதை அனுமதிக்க வேண்டாம்'' என்று தெரிவித்திருக்கிறார். கான்ஃபெடரேஷன் ஆஃப் பிரிட்டிஷ் இண்டஸ்ட்ரீஸ் (Confederation of British Industry) நிறுவனத்தின் மீது பல்வேறு பாலியல் குற்றச்சாட்டுப் புகார்கள் எழுந்திருப்பதால், அதன் வருவாய் சரிந்தது. இதனால் ஊழியர்களைப் பணிநீக்கம் செய்ய அந்த நிறுவனம் திட்டமிட்டிருக்கிறது. பாகிஸ்தானில் பணவீக்கம் தொடர்ந்து அதிகரிப்பதால், அந்த நாடு பொருளாதார நெருக்கடியில் தவித்துவருகிறது. இலங்கையைவிட (25.2) தெற்காசியாவில் அதிகமாக பாகிஸ்தானில்தான் பணவீக்கம் 37.97-ஆக உயர்ந்திருக்கிறது. சட்டத்துக்குப் புறம்பாக நடந்துகொண்டதாக ஒரு செய்தித்தாள் குழுவுக்கு எதிரான வழக்கின் விசாரணை, அடுத்த வாரம் வரவிருக்கிறது. இது தொடர்பாக ஹாரி, நீதிமன்றத்தில் ஆஜராகி சாட்சியமளிக்கவிருக்கிறார். 130 ஆண்டுகளுக்குப் பிறகு நீதிமன்றத்தில் சாட்சியமளிக்கும், முதல் மூத்த பிரிட்டிஷ் அரச குடும்பத்தைச் சேர்ந்தவர் ஹாரி என்பது குறிப்பிடத்தக்கது. ரஷ்யாவின் முக்கிய அலுவலர்கள் மற்றும் தூதரக அதிகாரிகளின் பல ஆயிரக்கணக்கான ஐபோன்களை அமெரிக்க உளவுத்துறை ஹேக் செய்திருப்பதாக ரஷ்யா குற்றம்சாட்டியிருக்கிறது. மெக்ஸிகோவில் பல்வேறு இடங்களில், 45 பைகளில் மனித உறுப்புகள் கண்டெடுக்கப்பட்டிருப்பது அதிர்ச்சியை ஏற்படுத்தியிருக்கிறது. ஐந்து இளைஞர்கள் காணாமல்போனதைத் தேடும் பணியில் இந்த உறுப்புகள் கிடைத்தது குறிப்பிடத்தக்கது. வாடிகனிலுள்ள பீட்டர்ஸ் பசிலிக்காவில், உக்ரைனில் நடைபெறும் போரைக் கண்டித்து, ஒரு நபர் தன் ஆடைகளைக் களைந்து நிர்வாணமாக நின்றதாகச் செய்திகள் வெளியாகியிருக்கின்றன. அவர் உடலில், உக்ரைன் குழந்தைகள் காப்பாற்ற பட வேண்டும் என்பதைக் குறிக்கும் படங்கள் வரையப்பட்டிருந்தன. மனிதாபிமான அடிப்படையில் 200 இந்திய மீனவர்கள் மற்றும் மூன்ரு சிவில் கைதிகளை விடுவிப்பதாக பாகிஸ்தான் வெளியுறவு அமைச்சர் பிலாவல் பூட்டோ சர்தாரி தெரிவித்திருக்கிறார். ஒடிசாவில் நிகழ்ந்த பயங்கர ரயில் விபத்துக்கு கனடா பிரதமர் முதல் ரஷ்ய அதிபர் வரை உலகத் தலைவர்கள் பலரும் வருத்தம் தெரிவித்திருக்கின்றனர். தங்களால் முடிந்த உதவிகளைச் செய்யவிருப்பதாகவும் தெரிவித்திருக்கின்றனர்.
http://dlvr.it/Sq6jws

Read More

கருணாநிதி 100: `பராசக்தி’ வசனம் முதல் வள்ளுவர் புகழ் வரை... கருணாநிதியும் தமிழும்!

கலைஞரின் பேனா கலைஞர் மு.கருணாநிதி அதிகாலை எழுந்ததும்  கையிலெடுக்கும் பொருள்களில் முதன்மையானது அவரின் பேனா. இளம் வயதில் நடத்திய 'மாணவ நேசன்' இதழ் தொட்டு, 1942-ல் அவர் தொடங்கிய 'முரசொலி' இதழ் எனத் தொடர்ந்து, ஆட்சி அதிகாரத்தில் இருந்தாலும் இல்லாவிட்டாலும் தமிழுக்காகவும் தமிழக மக்களுக்காகவும் தீராமல் எழுதிக்கொண்டே இருந்தது கலைஞரின் பேனா. கருணாநிதி இயல், இசை, நாடகம் மட்டுமில்லாமல் சுவைத்தமிழ், வீணைத்தமிழ், கவித்தமிழ், பொங்குதமிழ், பொன்தமிழ் என 92 அடையாளங்களால் தமிழை உருவகப்படுத்தினார். தமிழை மட்டுமல்லாமல் தமிழ் இலக்கியங்களையும், தமிழ் ஆளுமைகளையும் கொண்டாடத் தவறவில்லை அவர். ஆட்சிப் பொறுப்பேற்றபோது தமிழில் உறுதிமொழி எடுத்துக்கொண்டவர். 1940-கள் வரை 'M' என ஆங்கிலத்தில் தன் முதலெழுத்தை எழுதிய கருணநிதி, பின்னர் அதை தமிழில் 'மு' என எழுதத் தொடங்கினார். பெரும்பாலும் கறுப்பு மையையே பயன்படுத்தினார். இந்தி எதிர்ப்புப் போராட்டத்தில் `தமிழ்’ 1930-களின் பிற்பகுதியில் திருவாரூரில் பள்ளி மாணவனாக இருந்தபோதே கருணாநிதியின் தமிழ்ப்பணி தொடங்கியது என்கிறார்கள். 1938-ல் ராஜாஜி இந்தியைக் கட்டாயப் பாடமாக்க வேண்டுமென முடிவெடுத்ததை பெரியார், அண்ணாதுரை போன்றோருடன் தமிழறிஞர்கள் பலரும் எதிர்த்தனர். அப்போது, 14 வயது சிறுவனான கருணாநிதி, பள்ளி மாணவர்களுடன் இந்தியை எதிர்த்து, கையில் தமிழ்க்கொடியுடன் திருவாரூர் தெருக்களில் ஊர்வலம் வந்தார். ‘வாருங்கள் எல்லோரும் போருக்குச் சென்றிடுவோம் /வந்திருக்கும் இந்திப் பேயை விரட்டித் திருப்பிடுவோம்’ என அவர் எழுதிய வார்த்தைகள், ஊர்வலத்தில் முழக்கமாக எதிரொலித்தது. இந்தக் காலகட்டத்தில் வீதி பிரசார ஊர்வலம் ஒன்றைத் தலைமை ஏற்று நடத்திக்கொண்டிருந்தபோது, கருணாநிதியின் இந்தி ஆசிரியர் சாலையில் நடந்து சென்றார். தன்னுடைய மாணவர்கள் இந்தி எதிர்ப்பு பதாகைகளையும், சுவரொட்டிகளையும் வைத்திருந்ததை அவர் பார்த்தார். கருணாநிதி தன்னுடைய ஆசிரியருக்கும் ஒரு துண்டறிக்கையை வழங்கினார். இதைப் பற்றி அவர் எழுதியிருக்கும் சுயசரிதையான 'நெஞ்சுக்கு நீதி' எனும் நூலில் கருணாநிதி குறிப்பிட்டிருக்கிறார். தனது இந்தி ஆசிரியரை நேருக்கு நேர் சந்தித்ததில் தனக்கு அச்சம் ஏதும் இல்லை என்றும் குறிப்பிட்டிருக்கிறார். "இந்தி ஒழிக! தமிழ் வாழ்க! என்னும் என்னுடைய முழக்கம் என் நரம்புகளில் ஓடிக்கொண்டிருந்த உணர்வு. சிலர் இதை வெறி என்றுகூட சொல்லலாம். ஒருவர் காட்டும் அன்பை வெறி என்று கூறினால் அத்தகைய வரையறையை ஏற்றுக்கொள்வதில் எனக்கு எந்தப் பிரச்னையும் இல்லை" என்றும் அவர் எழுதியிருக்கிறார் "இந்தி என்பது உணவு விடுதியிலிருந்து எடுத்துச் செல்லும் உணவு, ஆங்கிலம் என்பது ஒருவர் சொல்ல அதன்படி சமைக்கப்பட்ட உணவு, தமிழ் என்பது குடும்பத் தேவையறிந்து, விருப்பமறிந்து, ஊட்டமளிக்கும் தாயிடமிருந்து பெறப்பட்ட உணவு" என்று அக்டோபர் 13, 1957-ம் ஆண்டு நடந்த இந்தி எதிர்ப்புப் போராட்டத்தில் பேசினார் கருணாநிதி. முதல் கவிதை - சிதம்பரத்தில் நுழையத் தடை "பரணி பலபாடிப் பாங்குடன் வாழ்ந்த பைந்தமிழ் நாட்டில் சொரணை சிறிதுமில்லாச் சுயநலத்துச் சோதரர்கள் சிலர்கூடி வருணத்தை நிலைநாட்ட வகையின்றிக் கரணங்கல் போட்டாலும் மரணத்தின் உச்சியிலே மானங்காக்க மறத்தமிழா! போராடு! வருணாசிரமம் வீழ்க!" சிதம்பரத்தில் நடந்த தீட்சிதர் மாநாட்டைக் கண்டித்து எழுதப்பட்ட இந்தக் கவிதை முரசொலி துண்டுப் பிரசுரத்தில் அச்சாகி இருந்தது. முதல் மனைவி பத்மாவதியுடனான திருமணம் முடிந்ததும் இந்தக் காலத்தில்தான். திருமணம் முடிந்து இந்தத் துண்டுப் பிரசுரத்துடன் சிதம்பரத்துக்குள் நுழைய அவருக்கு காவல்துறை தடை விதித்தது. கருணாநிதி 100: `கார் விபத்து; கண்ணில் பாதிப்பு; கறுப்புக் கண்ணாடி’ - கருணாநிதியே பகிர்ந்த அந்தக் கதை வள்ளுவனும் கருணாநிதியும்... ஒரு சமூகம் தன்னெழுச்சியோடு, சுயமானத்தோடு நிற்க வேண்டும் என்றால் அது பற்றிக்கொள்ள அடையாளம் ஒன்று வேண்டும். தமிழ்நாடு இன்றைக்கும் இந்துத்துவவாதிகளுக்கும், சனாதன தர்மத்தைத் தூக்கிப் பிடிப்பவர்களுக்கும் சிம்ம சொப்பனமாக விளங்குகிறது என்றால் தமிழ் என்கிற அடையாளத்தைப் பற்றிக்கொண்டதுதான். இப்படித்  தமிழர்களுக்கான மிக முக்கியமான அடையாளம் ஒன்றை, கலைஞர் கருணாநிதி உருவாக்கித் தந்திருக்கிறார். அதுதான் திருவள்ளுவர்.திருவள்ளுவர் 1963-ம் ஆண்டு தி.மு.க எதிர்க்கட்சியாக இருந்தபோது சட்டமன்றத்தில் திருவள்ளுவரின் படத்தை வைக்க வேண்டும் என்று கோரிக்கை வைத்தார் கருணாநிதி. கருணாநிதி திருவள்ளுவர் படத்தை வாங்கித் தருவதாக இருந்தால் சட்டமன்றத்தில் வைக்க ஆட்சேபனை இல்லை என்று கிண்டலாக தெரிவித்தார் அப்போதைய சபாநாயகர் கிருஷ்ணராவ்.  கிருஷ்ணராவ் கிண்டலுக்குச் சொன்னதை தனக்குச்  சாதகமாக்கிக் கொண்டு ஓவியர் வேணுகோபால் சர்மாவைக் கொண்டு திருவள்ளுவர் படத்தை வரையச் செய்தார். அதற்கு முன்பு வரையப்பட்ட திருவள்ளுவர் படங்களில் எல்லாம் திருவள்ளுவர் மத அடையாளங்களுடன் அமர்ந்திருப்பார். திருவள்ளுவரை முன்வைப்பதே இந்து சனாதனத்துக்கு எதிராகத்தான் என்பதால், எந்த மத அடையாளங்களும் இருக்கக் கூடாது என்று முடிவுசெய்தார் கருணாநிதி. அந்த ஓவியத்தை காமராஜர், அண்ணா என இருவரிடமும் காட்டி ஒப்புதலும் பெற்றார். திராவிட இயக்கங்களுக்கும் திருக்குறளுக்குமான பந்தம் நீண்ட நெடியது. திருக்குறள் மாநாடு என்று பெரியார் நடத்திய மாநாடு அந்தக் காலகட்டத்தில் முக்கிய விவாதத்தை ஏற்படுத்தியது. பின் நாளில் ஆட்சிக்கு வந்த தி.மு.க-வும் திருக்குறளைக் கொண்டாடியது. அண்ணாவின் ஆட்சிக்காலத்தில் போக்குவரத்துத்துறை அமைச்சராக இருந்த கருணாநிதி, பேருந்துகளில் திருக்குறள் திட்டத்தை முழு வேகத்தில் அமல்படுத்தினார். இது மக்கள் மத்தியில் திருக்குறள் ஒரு முக்கிய பேசுபொருளாக மாற அடித்தளமிட்டதுடன், பட்டிதொட்டியெல்லாம் திருக்குறளைக் கொண்டுசேர்த்தது. 1969-ம் ஆண்டு தமிழ்நாட்டின் முதல்வரானபோது திருவள்ளுவரின் பிறந்தநாளைத் தமிழர்கள் அனைவரும் கொண்டாட வேண்டும் என்று கருதினார். 1923-ம் ஆண்டு மறைமலை அடிகள் தலைமையில் நடந்த தமிழறிஞர் ஆய்வுக்கூட்டத்தில் கிறிஸ்து பிறப்பதற்கு 31 ஆண்டுகள் முன்பு பிறந்தவர் திருவள்ளுவர் என்று முடிவுசெய்யப்பட்டிருந்தது. இதை மையமாக வைத்து , திருவள்ளுவர் பிறந்தநாளை பொங்கலுக்கு அடுத்த நாள் என நிர்ணயம் செய்தார் கலைஞர் கருணாநிதி. பொங்கல் என்பது தமிழர் திருநாள், விவசாயிகளின் பண்டிகை. எனினும் பொங்கல் திருநாளை சிலர் இந்துக்களின் திருநாளாக மட்டும் கட்டமைக்க முயற்சிகள் நடந்துவந்தன. இந்தச் சூழலில்தான் பொங்கல் என்பது அனைத்து மதத்தினருக்குமானது என்பதைக் குறிக்க பொங்கல் கொண்டாட்டத்துக்குள் திருவள்ளுவர் தினத்தையும் சேர்த்தார் கலைஞர் கருணாநிதி என்கிறார்கள் அரசியல் பார்வையாளர்கள்.வள்ளுவர் சிலை அதோடு நில்லாமல் 1974-ம் ஆண்டு செப்டம்பர் 18-ம் தேதி சென்னை நுங்கம்பாக்கத்தில் வள்ளுவர் கோட்டம் கட்டுவதற்காக அடிக்கல் நாட்டினார். திராவிடக் கட்டடக் கலையை மையமாகக்கொண்ட வள்ளுவர் கோட்டத்துக்கு பல சிறப்புகள் இருக்கின்றன. 1975-ம் ஆண்டு டிசம்பர் 31-ம் தேதி நடந்த அமைச்சரவைக் கூட்டத்தில், `கன்னியாகுமரியில் திருவள்ளுவர் சிலை நிறுவப்படும்' என முடிவெடுக்கப்பட்டது. இதற்கு முக்கியக் காரணம், தமிழகத்தின் தெற்கு எல்லையான கன்னியாகுமரியின் அடையாளமாக விவேகானந்தர் பாறைதான் இருந்தது. வடநாட்டவர், அதுவும் ஓர் இந்து மதத் துறவியின் பெயரில் ஒரு பாறையை, தமிழ்நாட்டின் தென்கோடியின் அடையாளமாக வைத்திருந்தனர். இதை முறியடிப்பதற்காகவே பிரமாண்டமான வள்ளுவர் சிலையை அமைக்க முடிவெடுத்தார் கலைஞர். 1976-ம் ஆண்டு தி.மு.க ஆட்சி கலைக்கப்பட்ட பிறகு, அந்தப் பணியும் அப்படியே முடங்கிப்போனது. மீண்டும் 1989-ம் ஆண்டு ஆட்சிப் பொறுப்பேற்றதும் வள்ளுவர் சிலை அமைக்கும் பணியை தீவிரப்படுத்தினார் கலைஞர் கருணாநிதி. 1990 செப்டம்பர் 6-ம் தேதி வள்ளுவர் சிலை அமைக்கும் பணி தொடங்கப்பட்டது. மீண்டும் ஆட்சிக்கலைப்பு, பிறகு ஆட்சி மாற்றம் என்று பலதடைகள் வந்தன. இறுதியாக கலைஞர் ஆட்சியில், 2000-ம் ஆண்டு ஜனவரி 1-ம் தேதி கன்னியாகுமரியில் திருவள்ளுவர் சிலை நிறுவப்பட்டது. 133 அடி உயரத்தில் 7,000 டன் எடையுடன் உருவாக்கப்பட்டதை இந்தியாவே திரும்பிப் பார்த்தது.  சுனாமிக்குக்கூட தாக்குப்பிடித்த திருவள்ளுவர் சிலை, இன்று கன்னியாகுமரிக்கு மட்டுமல்ல தமிழ்நாட்டுக்கே அடையாளமாகத் திகழ்கிறது. பட்டேல் உள்ளிட்ட தலைவர்களை அடையாளமாக நிலைநிறுத்த பெரும் சிலைகள் நிறுவப்படும் இந்தக் காலத்துக்கெல்லாம் முன்பாகவே திருவள்ளுவரை அடையாளமாக்கினார் கருணாநிதி.உலகத் தமிழ்ச் செம்மொழி மாநாடு தமிழ்த்தாய்க்கு கோயில், தமிழ் வளர்ச்சிக்கென்று தனி துறை, தமிழறிஞர்களின் நூல்கள் நாட்டுடமை ஆக்கம், கட்டாயப் பாடமாக தமிழ், உலகத் தமிழ் செம்மொழி மாநாடு இவையெல்லாம் தமிழையும் தமிழ்நாட்டின் முன்னாள் முதல்வர் கலைஞர் கருணாநிதியையும் இணைக்கும் கூற்றுகளில் சில. அடுக்குமொழி தமிழும் குறும்பு வசனங்களும் கருணாநிதியையும் தமிழையும் பிரிக்க முடியாது என்பதற்கான சிறந்த எடுத்துக்காட்டு. கடவுள் எதிர்ப்பும் ராமானுஜரும்! "அம்பாள் என்றைக்கடா பேசினாள்? அறிவு கெட்டவனே" என தன் காத்திரமான வசனங்களால் திராவிட சினிமா என்ற வகைமைக்குத் தனித்துவ அடித்தளமிட்டவர் கருணாநிதி. 2018-ம் ஆண்டு நடந்த கோவா திரைப்பட விழாவில் பா.ஜ.க இந்தத் திரைப்படத்தைத் திரையிட தடை விதித்ததில் இருந்தே இந்தப் படம் இன்றளவும் சமகால அரசியலுடன் பொருந்திப் போவதை உணர முடியும். "ஏய்..., பூசாரி.., முதலில் உன் ஜாதகத்தைக் கணித்துக்கொள்" எனக் கொந்தளித்த அதே கருணாநிதிதான் ராமானுஜரின் வாழ்க்கை வரலாற்றை தொலைக்காட்சித் தொடராக எழுதினார். இது குறித்து பேராசிரியர் ராஜன் குறை கிருஷ்ணன், " கலைஞருடைய தொலைக்காட்சித் தொடரைப் பாராட்டி திருப்பதி தேவஸ்தானத்திலிருந்து அர்ச்சகர்கள் வந்து சக்கர நாற்காலியில் அமர்ந்திருந்த அவருக்கு மரியாதை செய்த புகைப்படம் ஊடகங்களில் வெளியானது. சுற்றிலும் வைணவ சின்னங்களுடன், பூணூலுடன் பிராமணர்கள் சூழ்ந்திருக்க கலைஞர் நடுவில் வீற்றிருக்கும் காட்சி வரலாற்றின் சுவாரஸ்யமான முரண்களில் ஒன்று எனப் பலரும் கருதலாம். திராவிட இயக்கத்தின் இலக்கு, லட்சியம் எல்லாம் சமூகநீதி என்பதற்கும், ஏற்றத்தாழ்வு நீக்கம் என்பதற்கும் அந்தப் புகைப்படத்தைவிட வேறென்ன சான்றாதாரங்கள் தர முடியும்" என்றார். `தென்பாண்டிச் சிங்கம்', `ரோமாபுரி பாண்டியன்', 'பொன்னர் சங்கர்' எல்லாவற்றிலும் வெளிப்படுவது கலைஞரின் போர்க்குணம்தான். கலைஞரின் நாடகங்கள் "ஒரு நாடகம் 100 பொதுக்கூட்டங்களுக்குச் சமம்" என்பார் பெரியார். அதை மெய்ப்பிப்பது போலவே கலைஞர் கருணாநிதியின் நாடகங்கள் அமைந்தன. `நச்சுக்கோப்பை' முதல் `உன்னைத்தான் தம்பி' வரை கலைஞர் எழுதிய 19 நாடகங்களும் அவருடைய தீவிர திராவிட எழுச்சிக்கான செயல்பாட்டின் ஒரு பகுதிதான். படிப்பறிவற்ற மக்களிடம் கலைஞரின் நாடகங்கள் ஏற்படுத்திய தாக்கமே தமிழர்களை திராவிட உணர்வாளர்களாக மாற்றி இயக்கத்தையும், தி.மு.க-வையும் நோக்கிப் படையெடுக்க வைத்தன. `நச்சுக்கோப்பை' நாடகத்தை எழுதியபோது அவருக்கு வயது 18. செல்வ சந்திரா என்ற முதல் கதையை எழுதும்போது அவருக்கு 15 வயது. மாமன்னன் ராஜராஜசோழன் கலைஞரும் ராஜ ராஜ சோழனும் தஞ்சை பெருவுடையார் கோயிலின் ஆயிரமாவது ஆண்டு விழாவைக்கொண்டாடிய கருணாநிதி, கோயிலின் உள்ளே ராஜ ராஜ சோழனின் சிலையை வைக்கப் போராடி, கடைசியில் கோயிலின் வாயிலில் அதை நிறுவினார். ராஜ ராஜ சோழன் போன்ற பேரரசர்களை தன் கதையின் நாயகர்களாக ஆக்கவில்லை என்பதை உற்றுக் கவனிக்க வேண்டியதிருக்கிறது என்கின்றனர் தமிழறிஞர்கள். ஒரு முறை கவிஞர் இளையபாரதி கலைஞர் கருணாநிதியிடம் அவரின் `பச்சைக்கிளி' என்ற கவிதை குறித்து வியந்து பேசியிருக்கிறார். உடனே அறையிலுள்ள கவிதை நூலை எடுத்து வரச் சொல்லி அந்தக் கவிதையை இளையபாரதியை வாசிக்கச் சொல்லியிருக்கிறார். வாசித்து முடித்த பிறகு சிறிது நேர மௌனத்துக்குப் பிறகு, "நான் செத்த பிறகுதான்யா பாராட்டுவாங்க. அதுவரைக்கும் யாரும் பேசமாட்டாங்க" என்று கூறியிருக்கிறார்.கலைஞர் இந்த வார்த்தைகள் கலைஞரின் தமிழுக்கு மட்டுமல்ல அவரது அரசியல் வாழ்க்கைக்கும் பொருந்தும். சாவுக்குப் பிறகும் தன் தமிழால், தான் பேசிய அரசியலால் சண்டை செய்து கொண்டிருப்பவர்தான் கலைஞர் கருணாநிதி.!
http://dlvr.it/Sq4W3m

Read More