ராணிப்பேட்டை: 40 ஆண்டுக்கால கோரிக்கை; ஆரம்ப சுகாதார நிலையத்துக்கு அடிக்கல் - கிராம மக்கள் மகிழ்ச்சி

ராணிப்பேட்டை மாவட்டம், ஆற்காடு தாலுகா திமிரி ஒன்றியத்துக்கு உட்பட்ட பகுதியில் இருக்கிறது காவனூர் கிராமம். இது, சுற்றியுள்ள குக்கிரமங்களுக்கு ஊராட்சி நிர்வாக இடமாகவும் செயல்பட்டுவருகிறது. இந்த ஊராட்சிக்கு உட்பட்ட கிராமங்களில் சுமார் 1,500-க்கும் மேற்பட்ட குடும்பங்கள் இருக்கின்றன. இந்தக் கிராம மக்களின் நீண்ட நாள் கோரிக்கையாக இருப்பது, ஊராட்சிக்கு உட்பட்ட பகுதியில் அரசு ஆரம்ப சுகாதார நிலையம் வேண்டும் என்பது. இங்கிருக்கும் மக்கள் மருத்துவத் தேவைகளுக்காக விளாப்பாக்கம், திமிரி, ஆற்காடு போன்ற இடங்களிலுள்ள அரசு ஆரம்ப சுகாதார நிலையங்களுக்குச் செல்வார்கள்.

இந்தக் கிராமத்தில் இரவு நேரங்களில் பேருந்து வசதியில்லாததால், சிகிச்சைக்காகச் செல்பவர்கள் சிரமப்பட்டுவந்தனர். இந்த நிலையில் இவர்களின் 40 ஆண்டுக்கால கோரிக்கையை ஏற்று, காவனூர் ஊராட்சிக்குட்பட்ட பகுதியில் அரசு ஆரம்ப சுகாதார நிலையம் அமைக்க இடம் வாங்கப்பட்டு, பூமி பூஜை நடைபெற்றது.

இந்த நிகழ்ச்சியில் கைத்தறி மற்றும் துணி நூல்துறை அமைச்சர் ஆர்.காந்தி, ராணிப்பேட்டை மாவட்ட ஆட்சியர் வளர்மதி, ஆற்காடு சட்டமன்ற உறுப்பினர் ஜே.எல்.ஈஸ்வரப்பன் மற்றும் பொதுமக்கள் கலந்துகொண்டனர். நிகழ்ச்சியில் பேசிய அமைச்சர், ``ராணிப்பேட்டை மாவட்டத்துக்காக ஓர் ஆரம்ப சுகாதார நிலையம் ஒதுக்கீடு செய்யப்பட்டது. அதை எந்தத் தொகுதிக்கு வழங்குவது என்பது குறித்த மாவட்டக் கூட்டத்தில் பல்வேறு இடங்களுக்கான கோரிக்கைகள் வந்தன, எனது தொகுதி உட்பட. இருப்பினும், இந்த முறை ஆற்காடு தொகுதிக்குட்பட்ட காவனூர் ஊராட்சிக்குத்தான் தேவை அதிகம் இருப்பதால், இது அவர்களுக்குத்தான் வழங்க வேண்டும் என முடிவுசெய்யப்பட்டது.

மருத்துவமனை கட்ட போதிய இடம் இல்லாததால், 21 லட்சம் ரூபாய் மதிப்பீட்டில் நிதி திரட்டப்பட்டு,ஒரு ஏக்கர் பரப்பளவு இடம் வாங்கப்பட்டு, ஒரு கோடி ரூபாய் செலவில் ஆரம்ப சுகாதார நிலையம் அமையவிருக்கிறது. இதில் காவனூர் ஊராட்சி மட்டுமல்லாமல், சுற்றியிருக்கும் நான்கு ஊராட்சிகளைச் சேர்ந்த இருபதாயிரத்துக்கும் மேற்பட்ட மக்களும் பயனடைவார்கள்” எனத் தெரிவித்தார். பல ஆண்டுகளாக வைக்கப்பட்டு வந்த கோரிக்கையை ஏற்று, அரசு ஆரம்ப சுகாதார நிலையம் அமைப்பது குறித்து மக்கள் மகிழ்ச்சியடைந்திருக்கின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />

http://dlvr.it/Swp6mT

Read More

`இது முடியாவிட்டால், மோடி தனது பதவியை ராஜினாமா செய்யத் தயாரா?!' - சவால் விடுக்கும் கெஜ்ரிவால்

டெல்லி ஆம் ஆத்மி அரசில் அமைச்சர்களாகப் பதவி வகித்த சத்யேந்தர் ஜெயின் பண மோசடி வழக்கிலும், மணீஷ் சிசோடியா மதுபானக் கொள்கை ஊழல் வழக்கிலும் கைதுசெய்யப்பட்டு சிறையிலடைக்கப்பட்ட பிறகு, முதல்வர் அரவிந்த் கெஜ்ரிவாலின் சொகுசு பங்களா பராமரிப்பில் ரூ.48 கோடி ரூபாய் முறைகேடு நடந்திருப்பதாக பா.ஜ.க குற்றம்சாட்டியது.அரவிந்த் கெஜ்ரிவால்

பின்னர் இந்த விவகாரத்தை விசாரிக்குமாறு சி.பி.ஐ-க்கு துணைநிலை ஆளுநர் உத்தரவிட்டார். அதன்படி நேற்றைய தினம் சி.பி.ஐ தனது விசாரணையைத் தொடங்கியது. சி.பி.ஐ இன்று தனது விசாரணையின் முதற்கட்ட அறிக்கையைப் பதிவுசெய்திருக்கும் நிலையில், `சி.பி.ஐ விசாரணையில் எதுவும் கிடைக்கவில்லையென்றால், பிரதமர் மோடி தனது பதவியை ராஜினாமா செய்வாரா?' என அரவிந்த் கெஜ்ரிவால் சவால் விட்டிருக்கிறார்.

டெல்லியில் இன்று செய்தியாளர்களிடம் பேசிய கெஜ்ரிவால், ``பிரதமர் மன உளைச்சலில் இருக்கிறார் என்பதையே இது காட்டுகிறது. இதுவரை 50-க்கும் மேற்பட்ட விசாரணைகளை அவர் நடத்தியிருக்கிறார். என்மீது மட்டும் 33-க்கும் மேற்பட்ட வழக்குகளை அவர் பதிவுசெய்திருக்கிறார். அனைத்தையுமே அவர் விசாரித்தார். ஆனால், ஒன்றுகூட வெளிவரவில்லை. டெல்லி முதல்வராக நான் பொறுப்பேற்ற நாள் முதல் இது போன்று என்னிடம் விசாரணை நடத்திவருகிறார்கள்.கெஜ்ரிவால் - மோடி

எனவே, இந்த விசாரணையில் சி.பி.ஐ எதையும் கண்டுபிடிக்காது. அவர்களின் முன்பு நான் அடிபணிய வேண்டும் என்று அவர்கள் விரும்புகிறார்கள். ஆனால், ஒருபோதும் நான் அடிபணிய மாட்டேன். எனவே, பிரதமர் மோடிக்கு நான் ஒரு சவால் விடுக்கிறேன். இந்த விசாரணையில் நீங்கள் எதையும் கண்டுபிடிக்கவில்லையென்றால், தவறான விசாரணை நடத்தியதற்காக மோடி தனது பதவியை ராஜினாமா செய்யத் தயாரா?" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
`எனக்குச் சொந்தமாக, எனது பெயரில் ஒரு வீடுகூட கிடையாது, ஆனால்..!'- குஜராத்தில் பிரதமர் மோடி பெருமிதம்


http://dlvr.it/SwlgZ2

Read More

`` `டெல்டாகாரன்' எனக் கூறிக்கொள்ளும் ஸ்டாலின், இதைச் செய்ய வேண்டும்!" - பிரேமலதா சொல்வதென்ன?

தஞ்சாவூர், பனகல் கட்டடம் முன்பு ஒருங்கிணைந்த தஞ்சை மாவட்ட தே.மு.தி.க சார்பில், அந்தக் கட்சியின் பொருளாளர் பிரேமலதா விஜயகாந்த் தலைமையில் உண்ணாவிரதப் போராட்டம் நடைபெற்றது. தமிழக விவசாயிகளை வஞ்சிக்கும், காவிரி நதிநீரை தர மறுக்கும் கர்நாடக அரசையும், பெற்றுத் தராத மத்திய அரசையும், தமிழக அரசையும் கண்டித்து இந்தப் போராட்டம் நடைபெற்றது. அப்போது பிரேமலதா செய்தியாளர்களிடம் பேசுகையில், 1968-ம் ஆண்டிலிருந்து காவிரி நதிநீர் பிரச்னை போய்க்கொண்டிருக்கிறது. இந்தப் பிரச்னை நடந்துகொண்டிருக்கிறதே ஒழிய, இதுவரைக்கும் எந்தத் தீர்வும் கிடைக்கவில்லை. தஞ்சாவூரில் நடைபெற்ற உண்ணாவிரதப் போராட்டம்

விவசாயிகள் கடனாளிகளாக மாறியிருக்கும் நிலையைக் காணும்போது, மிகவும் வேதனையாக இருக்கிறது. இத்தனை காலம் ஆட்சி செய்தவர்கள், செய்துகொண்டிருப்பவர்கள் தமிழகத்துக்கும் மக்களுக்கும் என்ன செய்தார்கள்... காவிரி நதிநீர்ப் பிரச்னையை அரசியலாக்கிக்கொண்டிருக்கிறார்கள். கர்நாடகாவில் ஒற்றுமையாகப் போராட்டம் நடத்துகிறார்கள். அந்த ஒற்றுமை தமிழக அரசிடம் ஏன் இல்லை?

எத்தனையோ பிரதமர்கள், முதல்வர்கள் வந்தாலும் ஆட்சி மாறியதே தவிர, காட்சி மாறவில்லை. இந்தப் பிரச்னைக்கு நிரந்தரத் தீர்வுகாண தமிழக முதல்வரும், பிரதமரும் நடவடிக்கை எடுக்க வேண்டும். தமிழக முதல்வர் அனைத்துக் கட்சித் தலைவர்களையும் அழைத்துச் சென்று, பிரதமரைச் சந்திக்க வைத்து காவிரி நீரை பெற்றுத்தர வேண்டும்.தே.மு.தி.க சார்பில் நடைபெற்ற உண்ணாவிரதப் போராட்டம்

காவிரி பிரச்னை தொடர்பாக தமிழக ஆளுநரிடம் தே.மு.தி.க சார்பில் கோரிக்கை மனு அளிக்கவிருக்கிறோம். இந்தியாவிலுள்ள அனைத்து நதிகளையும் இணைக்க நடவடிக்கை எடுக்கப்பட வேண்டும். `டெல்டாகாரன்’ எனக் கூறிக்கொள்ளும் தமிழக முதல்வர் ஸ்டாலின், சோனியா காந்தியைச் சந்தித்து கர்நாடகாவை வலியுறுத்தி, தமிழகத்துக்கு உரிய தண்ணீரைப் பெற்றுத் தர நடவடிக்கை எடுக்க வேண்டும். மணல் கொள்ளை, கனிம வளக் கொள்ளை போன்ற காரணங்களால் தமிழகம் பாலைவனமாக மாறிவருகிறது. டெல்டாவில் தண்ணீரைச் சேர்த்து வைப்பதற்கு நடவடிக்கை இல்லை.

பா.ஜ.க-வும், அ.தி.மு.க-வும் பிரிந்து இரண்டு நாள்கள்தான் ஆகின்றன. எனவே பொறுத்திருந்து பார்ப்போம். அரசியலில் நிரந்தர எதிரியும் இல்லை, நிரந்தர நண்பரும் கிடையாது. இரண்டு கட்சிகளுக்கும் இடையே பிரச்னை கிடையாது. இரண்டு தலைவர்களுக்கிடையேதான் பிரச்னை. தேர்தலுக்கு இன்னும் ஆறு மாதங்கள் இருப்பதால், யார் தலைமையில் கூட்டணி அமையும் என்பதைப் பொறுத்திருந்து பார்க்கலாம். கூட்டணி தொடர்பான விஷயத்தில் தே.மு.தி.க உரிய நேரத்தில் நல்ல முடிவை எடுக்கும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk

`கர்நாடகம் நீலிக்கண்ணீர் வடிப்பதை ஏற்க முடியாது' கர்நாடக காவிரி போராட்டத்தின் பின்னணி என்ன?


http://dlvr.it/Swj30y

Read More

”அதிமுக நெல்லிக்காய் மூட்டைபோல் சிதறும்; பழனிசாமியால் தடுக்க முடியாது!” - டி.டி.வி.தினகரன்

அ.ம.மு.க பொதுச்செயலாளர் டி.டி.வி.தினகரன் தஞ்சாவூரில் செய்தியாளர்களைச் சந்தித்துப் பேசினார். அப்போது அவர், ``அ.தி.மு.க-வும் பா.ஜ.க-வும் கூட்டணியிலிருந்து பிரிந்திருக்கின்றன, அதில் பேசுவதற்கு ஒன்றுமில்லை. ஜெயலலிதாவைப் பற்றிப் பேசும்போது அமைதியாக இருந்தவர்கள், அதன் பிறகு டெல்லிக்குப் போய் கூட்டணி பேசினார்கள். முன்னாள் அமைச்சர்கள், யாரையோ சந்திப்பதற்காக டெல்லிக்குச் சென்று காத்திருந்துவிட்டு, சந்திக்க முடியாமல் திரும்பினர். அதில் ஏற்பட்ட ஏமாற்றம்தான் `அண்ணாவைப் பற்றி பேசினார்கள், அதனால் கூட்டணியிலிருந்து விலகுகிறோம்' எனச் சொல்கிற மாதிரி தெரிகிறது. பிரிவுக்கு இதைத் தாண்டிய காரணம் இருக்கிறது.டி.டி.வி.தினகரன்

எம்.ஜி.ஆரும் ஜெயலலிதாவும் இருந்ததுதான் உண்மையான அ.தி.மு.க. தற்போது கையகப்படுத்தப்பட்ட, களவாடப்பட்ட அ.தி.மு.க பொதுச்செயலாளராக எடப்பாடி பழனிசாமி இருக்கிறார். மக்கள் மத்தியில் தி.மு.க-மீது கடுமையான அதிருப்தி இருக்கிறது. 2019-ல் கூட்டணி பலத்தை வைத்து பா.ஜ.க வந்துவிடக் கூடாது என மக்களை பயமுறுத்தி, தி.மு.க வெற்றிபெற்றது. தி.மு.க., காங்கிரஸ் கூட்டணியில் இருந்தால் தமிழ்நாட்டுக்கு என்ன கிடைத்துவிடும்... காங்கிரஸ் ஆட்சிக்கு வந்தால், தமிழ்நாட்டுக்குத் தேவையான திட்டங்களைப் பெற முடியும் என முதல்வர் சொல்கிறார்.

தமிழ்நாட்டின் ஜீவாதாரப் பிரச்னை பயிர்கள் கருகி, விவசாயிகள் இறக்கின்ற நிலையில் இருக்கின்ற இந்த நேரத்தில்கூட கூட்டணியிலுள்ள கர்நாடகா காங்கிரஸ் அரசிடம் கேட்டு உரிமையைப் பெற்றுத் தரமுடியவில்லை. காவிரியில் தண்ணீரைப் பெற முடியவில்லை. வருகின்ற தேர்தலில் கூட்டணியைக் காரணம் காட்டி, தி.மு.க மக்களை ஏமாற்ற முடியாது. பா.ஜ.க-வுடன் கூட்டணி என்ற யூகத்துக்கெல்லாம் பதில் சொல்ல முடியாது. மகளிர் உதவித்தொகை கிடைக்காத குடும்பத்தில் பிரச்னை இருப்பதைப் பார்க்கிறோம். விடியலைத் தருகின்ற ஆட்சியாக இல்லாமல் காமெடி ஆட்சியாக, மக்கள் விரோத ஆட்சியாக தி.மு.க ஆட்சி செயல்பட்டுக்கொண்டிருக்கிறது.தஞ்சாவூரில் செய்தியாளர்களிடம் பேசிய டி.டி.வி.தினகரன்

ஆட்சியைக் கொடுத்த சசிகலாவுக்கும், தொடர்வதற்குக் காரணமாக இருந்த ஓ.பி.எஸ்-ஸையும் ஏமாற்றிவிட்டு, மத்தியில் ஆள்கின்ற பா.ஜ.க அரசு துணையுடன் கட்சியை எடப்பாடி பழனிசாமி கையகப்படுத்தி வைத்திருந்தார். நிறைய பேர்மீது வழக்கு பாய்வதற்கு வாய்ப்பிருக்கிறது என்று பயமுறுத்தி, பலரை பழனிசாமி தன்னுடன் இருக்கவைத்தார்.

துரோகம் என்பது பழனிசாமியின் ரத்தத்தில் இருக்கிறது. அவர் ஏமாற்றுக்காரர். நாளை யாரை வேண்டுமானாலும் ஏமாற்றுவார். அதை பா.ஜ.க புரிந்துகொள்ளும். தமிழ்நாட்டுக்குத் தண்ணீர் தரக் கூடாது என கர்நாடகாவில் பா.ஜ.க போராட்டம் நடத்தியிருப்பது குறித்து அண்ணாமலையிடம் கேட்க வேண்டும். தேசியக் கட்சிகள் மத்தியில் ஆட்சி அமைத்தாலும், மாநிலக் கட்சிகள்தான் அந்த மாநில உரிமைகளுக்காகப் போராட முடியும் என்பதுதான் உண்மை.

அ.தி.மு.க-வை நெல்லிக்காய் மூட்டை என்று ஹெச்.ராஜா உண்மையைச் சொல்லியிருக்கிறார். இரட்டை இலையை, ஆட்சி அதிகாரத்தைக் காட்டி அ.தி.மு.க தொண்டர்களை பழனிசாமி ஏமாற்றிவந்தார். தற்போதும் இரட்டை இலையைக் காட்டி கபளீகரம் செய்துவைத்திருக்கிறார். இரட்டை இலை மட்டும் இல்லையென்றால், அ.தி.மு.க நெல்லிக்காய் மூட்டைபோல் சிதறும். அதை, பழனிசாமியால் தடுக்க முடியாது.

உள் இட ஒதுக்கீடுகளை நடைமுறைப்படுத்த சாதிவாரி கணக்கெடுப்பு அவசியம். மகளிருக்கு 33 சதவிகித இட ஒதுக்கீடு ஜெயலலிதா வலியுறுத்தியது. அதை நான் வரவேற்கிறேன். ஸ்டாலினின் விளம்பர வெளிச்சத்தில்தான் இந்த ஆட்சி நடந்துகொண்டிருக்கிறது. இரண்டரை வருடங்களில் உண்மையான சாதனை எதையும் செய்யவில்லை. இதுதான் யதார்த்தம். மக்கள் மிகவும் கோபமாக இருக்கிறார்கள். தி.மு.க திருந்தாது என்பதை திரும்பத் திரும்ப நிரூபித்துவருகிறார்கள். டி.டி.வி.தினகரன்

பழனிசாமி ஆட்சிமீது மக்கள் கோபப்பட்ட காரணத்தால், தி.மு.க ஆட்சிக்கு வந்துவிட்டது. 2026-ல் சட்டமன்றத் தேர்தலில் பழனிசாமிக்கும், தி.மு.க-வுக்கும் மாற்றாக மக்கள் அ.ம.மு.க-வுக்கு வாக்களித்து தேர்ந்தெடுப்பார்கள். முதல்வர் டெல்டாகாரன் என்கிறார். ஜீவாதாரப் பிரச்னையில் கூட்டணிக் கட்சி ஆட்சி செய்கிற கர்நாடக அரசிடம் பேசி, நியாயமான முறையில் தண்ணீர் பெற்றுத்தருவதில் தோல்வியடைந்துவிட்டார். தமிழ்நாட்டு மக்கள் ஒன்று திரண்டு போராடினால்தான் காவிரிப் பிரச்னைக்குத் தீர்வு கிடைக்கும். எடப்பாடி பழனிசாமி

கொடநாடு வழக்கில் யார் உண்மையான குற்றவாளிகள் என்பதைக் கண்டுபிடிக்கவேண்டியது அரசின் கடமை. ஜெயக்குமார், பழனிசாமி, முனுசாமி என அவர்களுக்குள்ளாகவே சேர்ந்து கையைக் கோத்துக்கொண்டு, மெகா கூட்டணி அமைப்பார்கள். அ.ம.மு.க., பிரதமரைத் தேர்ந்தெடுக்கக்கூடிய கூட்டணியில் இருக்கும், அதற்கு வாய்ப்பு இல்லையென்றால் தனித்துப் போட்டியிடும்" என்றார்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
``ஸ்டாலினுக்குக் கோபம் வருகிறதோ இல்லையோ, எனக்கு வருகிறது!” - சொல்கிறார் சீமான்


http://dlvr.it/SwfbhM

Read More

'As Useless As Rusted Iron' - காங்கிரஸை சாடித் தள்ளிய பிரதமர் மோடி!

மத்தியப் பிரதேச மாநிலத்தில் விரைவில் சட்டமன்றத் தேர்தல் நடைபெறும் என எதிர்பார்க்கப்படும் நிலையில், இன்று மத்தியப் பிரதேச தலைநகர் போபாலில் பா.ஜ.க தேர்தல் களப் பணியாளர்கள் மத்தியில் பிரதமர் மோடி உரையாற்றினார். அப்போது பேசிய அவர், ``மத்தியப் பிரதேசத்தில் 20 ஆண்டுகளுக்கும் மேலாக பா.ஜ.க ஆட்சி செய்து வந்தது. தற்போதைய மத்தியப் பிரதேச இளைஞர்கள், காங்கிரஸ் அரசின் மோசமான ஆட்சியைக் காணாதது அதிர்ஷ்டம். சுதந்திரத்துக்குப் பிறகு மத்தியப் பிரதேசத்தில் காங்கிரஸ் ஆட்சி நோய் ஆட்சியாக இருக்கிறது.பிரதமர் மோடி

இதை மீண்டும் கொண்டுவரக் கூடாது என்றால், காங்கிரஸுக்கு வாக்களிக்கக் கூடாது. காங்கிரஸ் கட்சி ஆட்சி செய்த ஒவ்வொரு மாநிலத்தையும் அழித்துவிட்டது. மத்தியப் பிரதேசத்திலும் அதையே செய்யும். காங்கிரஸ் முதலில் திவாலானது, பின்னர் அழிந்து, இப்போது அது வேறு ஒருவரால் கட்டுப்படுத்தப்படுகிறது. அவர்களை யார் கட்டுப்படுத்துகிறார்கள்... உங்களுக்குத் தெரியும்! அவர்கள் நகர்ப்புற நக்சல்கள். தற்போது பா.ஜ.க-வின் இரட்டை இயந்திர அரசு அயராது உழைத்து வருகிறது. எனவே மத்தியப் பிரதேச மக்கள் மீண்டும் துரதிஷ்ட நாள்களைச் சந்திக்க வேண்டியதில்லை.

மத்தியப் பிரதேசத்தைப் பொறுத்தவரை, வரவிருக்கும் ஆண்டுகள் மிக முக்கியமானவை... குடும்ப ஆட்சி, ஊழல் நிறைந்த கட்சியான காங்கிரஸுக்கு வாய்ப்பு கிடைத்தால், அது இந்த மாநிலத்திற்கு மிகப்பெரிய இழப்பு. காங்கிரஸுக்கு எதிர்காலத்தைப் பற்றிய தொலைநோக்குப் பார்வை இல்லை. அந்தக் கட்சி `துருப்பிடித்த இரும்பு' போன்றது. அவர்களால் நாட்டுக்கு நல்லது நினைக்க முடியாது, நாட்டுக்கு நல்லது என நாம் அறிமுகப்படுத்திய அனைத்தையும் எதிர்த்தார்கள்.பிரதமர் மோடி

பா.ஜ.க 13.5 கோடி மக்களை வறுமையிலிருந்து விடுவித்திருக்கிறது. இது மத்தியப் பிரதேசத்தின் மக்கள்தொகையைவிட அதிகம். எனவே, இந்த மோடியின் உத்தரவாதங்கள் ஒருபோதும் பொய்த்துப் போகாது. பா.ஜ.க அரசான நாங்கள் மக்களவையில் பெண்களுக்கான மகளிர் இட ஒதுக்கீடு மசோதாவை நிறைவேற்றினோம், இதுவும் எங்கள் வாக்குறுதியின் ஒரு பகுதி. இந்த மசோதா மூலம், இந்தியா புதிய வரலாற்றை உருவாக்கியிருக்கிறது" என்றார்.சாதிவாரி கணக்கெடுப்பு நடத்த மோடி அரசு அஞ்சுகிறதா?! - காரணமும் பின்னணியும்!


http://dlvr.it/SwcCS0

Read More

கூட்டணி முறிவு; இனிப்பு வழங்கி, பட்டாசு வெடித்துக் கொண்டாடிய அதிமுக-வினர்! - Spot Visit Photo Album

http://dlvr.it/SwcCDC

Read More

``பாஜக-வுடன் கூட்டணி முறிவு; நிலைப்பாட்டில் மாற்றம் இல்லை!" - ஜெயக்குமார் திட்டவட்டம்

சனாதன விவகாரம் தொடர்பாக பா.ஜ.க சார்பில் நடத்தப்பட்ட ஆர்ப்பாட்டம் ஒன்றில், மறைந்த முன்னாள் முதல்வர் பேரறிஞர் அண்ணாவைப் பற்றி, தமிழக பா.ஜ.க தலைவர் அண்ணாமலை பேசிய கருத்து, அ.தி.மு.க-வினரிடையே பெரும் எதிர்ப்பை உண்டாக்கியது. அண்ணாமலையின் தொடர்ச்சியான கருத்துகளால் பலமுறை அவரை அ.தி.மு.க கண்டித்து வந்த நிலையில், அ.தி.மு.க முன்னாள் அமைச்சர் ஜெயக்குமார், ``பா.ஜ.க-வுடன் கூட்டணி இல்லை. இதுவே கட்சியின் நிலைப்பாடு. அண்ணாமலைக்கு தலைமைக்கான தகுதியே இல்லை" என்று செப்டம்பர் 18-ம் தேதி கூறியிருந்தார்.ஜெயக்குமார் - அண்ணாமலை - பாஜக - அதிமுக அதன் பிறகு கூட்டணியில் எந்தப் பிரச்னையும் இல்லை என இரு தரப்பிலிருந்தும் பேச்சுகள் வந்தன. அதைத் தொடர்ந்து, அ.தி.மு.க-வைச் சேர்ந்த வேலுமணி, தங்கமணி, நத்தம் விசுவநாதன் உள்ளிட்டோர் டெல்லிக்கு விரைந்து, இந்த விவகாரம் தொடர்பாக பா.ஜ.க தலைவர்களிடம் பேசியதாகக் கூறப்படுகிறது. இந்த நிலையில், பா.ஜ.கவுடன் கூட்டணி இல்லை என்று கூறியதில் எந்த மாற்றமும் இல்லை என ஜெயக்குமார் தற்போது தெரிவித்திருக்கிறார். சென்னையில் இன்று செய்தியாளர்களிடம் ஜெயக்குமார், ``18-ம் தேதி எடுத்த முடிவில் எந்த மாற்றமும் இல்லை.அ.தி.மு.க முன்னாள் அமைச்சர் ஜெயக்குமார் நாளை கட்சிக் கூட்டம் நடைபெற இருப்பதால் இதற்கு மேல் கூறுவது சரியாக இருக்காது" என்று கூறினார். மேலும், வேலுமணி, தங்கமணி, நத்தம் விஸ்வநாதன் ஆகியோர் டெல்லிக்குச் சென்றது குறித்த கேள்விக்கு, ``நாட்டு நலன் குறித்து பேச டெல்லிக்குச் சென்றனர்" என ஜெயக்குமார் தெரிவித்தார்.`மோதல்... முறிவு?' - அனல் கிளப்பிய அண்ணாமலை... `திடீர்' மா.செ கூட்டம்... எடப்பாடியின் அடுத்த மூவ்!
http://dlvr.it/SwYrNW

Read More

"மனுக்களை தள்ளுபடி செய்துகொண்டே போனால், திமுக-வை மக்கள் தள்ளுபடி செய்வார்கள்!" - ஆர்.பி.உதயகுமார்

மதுரை மாவட்டம், செல்லம்பட்டியில் ஒன்றிய பூத் கமிட்டி ஆலோசனைக் கூட்டத்தில் கலந்துகொண்டு பேசிய அதிமுக முன்னாள் அமைச்சர் ஆர்.பி.உதயக்குமார், "மகளிருக்காக எத்தனை திட்டங்களை திமுக அரசு கொண்டுவந்தாலும், மறைந்த முதல்வர் ஜெயலலிதா கொண்டுவந்த `தொட்டில் குழந்தை’ திட்டம், `தாலிக்கு தங்கம் வழங்கும் திட்டம்’போல எந்தத் திட்டமும் இல்லை.கலைஞர் மகளிர் உரிமைத்தொகை அன்று கருணாநிதி அறிவித்த 2 ஏக்கர் நிலம்போல, இன்று மு.க.ஸ்டாலின் மகளிர் உரிமைத்தொகை திட்டத்தைக் கொண்டுவந்திருக்கிறார். தினசரி வரும் செய்திகளைப் பார்த்தால், தமிழ்நாடு முழுவதும் ஆட்சியர் அலுவலகங்களில் கடந்த ஐந்து நாள்களாக மகளிர் அலைவதும், இணையதளம் வேலை செய்யவில்லை என்பதும்தான் செய்தியாக இருக்கிறது.ஆர்.பி.உதயகுமார் முட்டாள்தனமாக 60 லட்சம் மனுக்களைத் தள்ளுபடி செய்திருக்கின்றனர். வருமான வரம்பு அதிகம் என தள்ளுபடி செய்திருக்கின்றனர். மகளிர் உரிமைத்தொகை திட்டத்திலுள்ள விதிமுறைகளில் தளர்வுகளைக் கொண்டுவர வேண்டும். அதை விடுத்து புதிய மனுக்களைக் கொடுக்கச் சொல்கின்றனர். ஆனால், ஏற்கெனவே தள்ளுபடி செய்யப்பட்ட மனுக்களின் நிலை என்ன எனத் தெரியவில்லை. இப்படியே தள்ளுபடி செய்துகொண்டே போனால் விரைவில் திமுக-வை இந்த மக்கள் தள்ளுபடி செய்துவிடுவார்கள்.கலைஞர் மகளிர் உரிமைத்தொகை திட்டம் தகுதி உள்ளவர்களை அடையாளம் கண்டு, உச்சவரம்பை நிர்ணயம் செய்ய வேண்டும். அதை விடுத்து உச்சவரம்பை நிர்ணயம் செய்துவிட்டு, தகுதி உள்ளவர்களைத் தேடுகின்றனர். பூத் கமிட்டி உறுப்பினர்களைச் சந்திக்க எடப்பாடியார் ஒவ்வொரு மாவட்டத்திலும் நேரடி ஆய்வுசெய்யவிருக்கிறார். அவர் வரும்போது அனைவரும் தயாராக இருக்க வேண்டும்" என்றார்.
http://dlvr.it/SwX7xy

Read More

``எந்த நிபந்தனையும் இல்லை" - அமித் ஷாவை நேரில் சந்தித்து NDA கூட்டணியில் இணைந்த குமாரசாமி!

கர்நாடகாவில் நடந்து முடிந்த சட்டமன்றத் தேர்தலில் தனித்துக் களமிறங்கிய மதச்சார்பற்ற ஜனதா தளம் படுதோல்வியைச் சந்திக்கவே, 2024 தேர்தலிலும் தனித்துத்தான் களமிறங்குவோம் என்று கூறிவந்தது. ஆனால், சட்டமன்றத் தேர்தல் முடிவடைந்த நான்கு மாதங்களிலேயே, மதச்சார்பற்ற ஜனதா தளம், பா.ஜ.க-வின் தேசிய ஜனநாயகக் கூட்டணியில் இணையப்போவதாகப் பேச்சுகள் அடிபட்டன. அதற்கேற்றாற்போலவே, மதச்சார்பற்ற ஜனதா தளத்தின் மூத்த தலைவர் தேவகவுடா, பா.ஜ.க தேசியத் தலைவர் ஜே.பி.நட்டா, பிரதமர் மோடி, அமித் ஷா ஆகியோரை நேரில் சந்தித்துவந்தார்.பாஜக - குமாரசாமி - காங்கிரஸ் - கர்நாடகா இருப்பினும், அதிகாரபூர்வ செய்திகள் எதுவும் வெளிவராத நிலையில், கர்நாடக முன்னாள் முதல்வரும், பா.ஜ.க-வின் மூத்த தலைவருமான எடியூரப்பா, கூட்டணியை உறுதிப்படுத்தும்விதமாக, ``தேவகவுடா மோடியைச் சந்தித்தது மகிழ்ச்சியளிக்கிறது. அவர்களுக்கு நான்கு சீட் என்பது ஏற்கெனவே முடிவாகிவிட்டது" என்று இந்த மாத தொடக்கத்தில் கூறியிருந்தார். ஆனால், மதச்சார்பற்ற ஜனதா தளத்தைச் சேர்ந்த முன்னாள் முதல்வர் ஹெச்.டி.குமாரசாமி, எடியூரப்பா கூறியது அவரின் தனிப்பட்ட கருத்து என்று கூறினார். இப்படியிருக்க, தேவகவுடாவும், அவரின் மகன் குமாரசாமியும், நட்டாவையும் அமித் ஷாவையும் நேற்று முன்தினம் நாடாளுமன்றத்தில் சந்தித்தாகப் பேச்சுகள் கசிந்தன. இந்த நிலையில், குமாரசாமி நேற்று டெல்லியில் அமித் ஷாவை நேரில் சந்தித்து கூட்டணியை உறுதிப்படுத்தியிருக்கிறார். இந்த சந்திப்பின்போது, நட்டா, கோவா முதலமைச்சர் பிரமோத் சாவந்த் ஆகியோர் உடனிருந்தனர்.குமாரசாமி, ஜே.பி.நட்டா, அமித் ஷா சந்திப்புக்குப் பிறகு ஊடகங்களிடம் பேசிய குமாரசாமி, ``பா.ஜ.க-வுடன் கூட்டணியமைப்பது குறித்து இன்று முறைப்படி விவாதித்தோம். எங்கள் தரப்பிலிருந்து இதில் எந்த நிபந்தனையும் இல்லை" என்று கூறினார். மேலும், நட்டா தனது ட்விட்டர் பக்கத்தில், ``அமித் ஷாவை, குமாரசாமி சந்தித்தார். தேசிய ஜனநாயகக் கூட்டணியில் மதச்சார்பற்ற ஜனதா தளம் அங்கம் வகிக்க முடிவு செய்திருப்பது மகிழ்ச்சியளிக்கிறது. முழு மனதுடன் நாங்கள் வரவேற்கிறோம்" என்று ட்வீட் செய்திருந்தார்.`இரட்டை இலக்கத்தில் தொகுதி கேட்கும் அமித் ஷா?’ - விடாப்பிடி எடப்பாடி | டெல்லி விசிட் டீடெயில்ஸ்
http://dlvr.it/SwVW37

Read More

ஒன் பை டூ

ஒன் பை டூ
http://dlvr.it/SwVVv9

Read More

``நீதிமன்றத்தைவிட தான் `பெரிய ஆள்' என நினைக்க வேண்டாம்!" - நடிகர் விஷாலைக் கண்டித்த நீதிமன்றம்

நடிகர் விஷால், தனது `விஷால் ஃபிலிம் ஃபேக்டரி' நிறுவனத்துக்காக சினிமா ஃபைனான்ஸியர் அன்புச்செழியனின் `கோபுரம் ஃபிலிம்ஸ்' நிறுவனத்திடம் பெற்ற 21.29 கோடி ரூபாய் கடனை, லைகா நிறுவனம் ஏற்றுக்கொண்டு செலுத்தியது. அந்தத் தொகை முழுவதையும் திருப்பிச் செலுத்தும்வரை, விஷால் பட நிறுவனத்தின் அனைத்துப் படங்களின் உரிமைகளையும் லைகா நிறுவனத்துக்கு வழங்க வேண்டுமென்ற ஒப்பந்தம் போடப்பட்டிருக்கிறது. ஆனால் அதை மீறி, `வீரமே வாகை சூடும்' என்ற படத்தை வெளியிட்டதாக, விஷால் நிறுவனத்துக்கு எதிராக லைகா நிறுவனம் சென்னை உயர் நீதிமன்றத்தில் வழக்கு தொடர்ந்தது.வீரமே வாகை சூடும் இந்த வழக்கை விசாரித்த தனி நீதிபதி, 15 கோடி ரூபாயை டெபாசிட் செய்ய உத்தரவிட்டிருந்தார். இந்த உத்தரவை உறுதிசெய்த இரு நீதிபதிகள் அமர்வு, ``தொகையைச் செலுத்தாவிட்டால், தனி நீதிபதி முன்பிருக்கும் வழக்கில் தீர்ப்பு வரும்வரை, விஷால் தயாரிக்கும் படங்களைத் திரையரங்கங்கள் அல்லது ஓடிடி தளத்தில் வெளியிடக் கூடாது" எனத் தடைவிதித்து உத்தரவிட்டிருந்தது. இந்த வழக்கு விசாரணைக்கு வந்தபோது, நடிகர் விஷால் நேரில் ஆஜராகியிருந்த நிலையில், அவரது நான்கு வங்கிக் கணக்குகளின் 2021-ம் ஆண்டு ஜனவரி முதல் இதுவரைக்குமான கணக்கு விவரங்களையும், விஷாலுக்குச் சொந்தமான அசையும், அசையா சொத்து விவரங்கள் மற்றும் ஆவணங்கள், அவை எப்போது வாங்கப்பட்டன உள்ளிட்ட விவரங்களுடன் செப்டம்பர் 19-ம் தேதி தாக்கல் செய்ய வேண்டும் என உத்தரவிடப்பட்டு, விஷால் ஆஜராக விலக்கு அளிக்கப்பட்டிருந்தது.விஷால் அதைத் தொடர்ந்து அன்றைய தினம் (செப்டம்பர் 19) இந்த வழக்கு நீதிபதி பி.டி.ஆஷா முன்பு விசாரணைக்கு வந்தபோது, ஆவணங்கள் தாக்கல் செய்யப்படாததால், நடிகர் விஷால் இன்று (செப்டம்பர் 22) நேரில் ஆஜராக நீதிபதி உத்தரவிட்டார். அதன்படி இன்று விஷால் நேரில் ஆஜரான நிலையில், ``நீதிமன்றம் உத்தரவிட்டபடி ஆவணங்களைத் தாக்கல் செய்யாததால், விஷால் மீது நீதிமன்ற அவமதிப்பு நடவடிக்கையை ஏன் எடுக்கக் கூடாது?" என நீதிபதி கேள்வி எழுப்பினார். மேலும், ``நீதிமன்றத்தைவிட பெரிய ஆள் என எண்ண வேண்டாம்" என அதிருப்தி தெரிவித்த நீதிபதி, ``நீதிமன்றத்தில் அனைவரும் எப்படி கருதப்படுகின்றனரோ, அவ்வாறுதான் நீங்களும் கருதப்படுவீர்கள்" என விஷால் தரப்பிடம் அறிவுறுத்தினார். நீதிபதி பி.டி.ஆஷா தொடர்ந்து பேசியவர், ``நடவடிக்கை எதுவும் எடுக்கவில்லை என்றால், வழக்கறிஞர் மூலம் உத்தரவைப் பெற்றுவிடலாம் என ஒவ்வொரு மனுதாரரும் நினைக்கத் தொடங்கிவிடுவார்கள்" என்றார். அதையடுத்து விஷால் தரப்பில், ``வங்கியிலிருந்து ஆவணங்களைப் பெற தாமதம் ஆகிவிட்டது. அதனால் நீதிமன்றம் கேட்ட ஆவணங்கள் நேற்று ஆன்லைன் வாயிலாகத் தாக்கல் செய்யப்பட்டிருக்கின்றன" என்று தெரிவிக்கப்பட்டது. அப்போது பேசிய நீதிபதி, ``நேற்று ஆன்லைனில் தாக்கல் செய்தது உறுதியாகாவிட்டால், கடுமையான விளைவுகளைச் சந்திக்க நேரிடும்" என எச்சரித்தார். விஷால் தரப்பில், ``விஷாலிடம் 3 கார்கள், 1 பைக் ஆகியவை இருக்கின்றன. இரண்டு வங்கிக் கணக்குகளின் ஆவணங்கள் தாக்கல் செய்யப்பட்டிருக்கின்றன. விஷாலுக்குச் சொந்தமான வீட்டின் கடன் தொடர்பான விவரங்களும் தாக்கல் செய்யப்பட்டன. 75 வயதான தந்தையின் கிரானைட் தொழிலில் ஏற்பட்டிருக்கும் நஷ்டத்தின் காரணமாக அவரது வீட்டுக்கடனையும் விஷால்தான் செலுத்திக்கொண்டிருக்கிறார். அவருக்கென இருக்கும் ஒரு வீடும் அடமானத்தில் இருக்கிறது" எனக் கூறப்பட்டது. அதைத் தொடர்ந்து, ``அண்ணா நகரில் இருக்கும் வீடு, விஷாலின் சொத்து விவரத்தில் சேர்க்கப்படவில்லை" என லைகா தரப்பில் குற்றம்சாட்டப்பட்டது.விஷால் அப்போது நீதிபதி, "இவ்வளவு வருடங்களாக நடிக்கிறார். இன்னும் அவருக்கு லோன் இருப்பதாகக் கூறுகிறீர்களே?" எனக் கேள்வி எழுப்பியபோது, ``ஆம் வீட்டுக்கடன் இருக்கிறது. அண்ணா நகர் வீடு அவருடையது அல்ல, அவரின் தந்தையுடையது. அவரது கிரானைட் தொழில் நட்டம் காரணமாக, விஷால் அந்தக் கடனைச் செலுத்துகிறார்" என விஷால் தரப்பில் தெரிவிக்கப்பட்டது. மேலும், அடுத்த 28 நாள்களுக்குப் படப்பிடிப்புகளில் கலந்துகொள்ளவிருப்பதால், அடுத்த விசாரணையின்போது ஆஜராக விலக்கு அளிக்கவும் விஷால் தரப்பில் கோரிக்கை வைக்கப்பட்டது. பதிவேற்றம் செய்யப்பட்டதற்கான விவரங்களைத் தாக்கல் செய்ய ஆறு நாள்கள் அவகாசமும் கேட்கப்பட்டது. அதை ஏற்றுக்கொண்ட நீதிபதி, வங்கிகளிலிருந்து கூடுதல் ஆவணங்களைப் பெறவும், நீதிமன்றம் கேட்ட ஆவணங்களைப் பதிவேற்றம் செய்த விவரங்களைத் தாக்கல் செய்ய அவகாசம் வழங்கியும், விஷால் ஆஜராக விலக்கு அளித்தும் உத்தரவிட்டு, வழக்கின் விசாரணையை செப்டம்பர் 25-ம் தேதிக்குத் தள்ளிவைத்தார்."முடிஞ்சா கோயிலைத் தொட்டு பாருங்க.. நான் வந்து நிப்பேன்.." - நடிகர் விஷால் பேச்சு
http://dlvr.it/SwVVmb

Read More

மகளிர் இட ஒதுக்கீடு: "பெண்கள் என்ன பசுக்களைவிட குறைந்தவர்களா?" - பாஜக-வுக்கு மஹுவா மொய்த்ரா கேள்வி!

புதிய நாடாளுமன்றத்தில் கடந்த 19-ம் தேதி மத்திய பா.ஜ.க அரசு தாக்கல் செய்த, `மகளிர் இட ஒதுக்கீடு மசோதா' நேற்று மக்களவையில் நிறைவேற்றப்பட்டது. கிட்டத்தட்ட அனைத்து எதிர்க்கட்சிகளும் இதை ஆதரித்தாலும்கூட, புதிய மக்கள்தொகை கணக்கெடுப்பு, தொகுதி வரையறை முடிந்த பிறகு 2029-ம் ஆண்டுவாக்கில்தான் இந்த மசோதா நடைமுறைக்கு வரும் என்று கூறப்படுவதால், இது பா.ஜ.க-வின் தேர்தல் நேர கண்துடைப்பு செயல், 2029-வரை காத்திருக்காமல் உடனடியாக நடைமுறைக்குக் கொண்டுவர வேண்டும் என எதிர்க்கட்சிகள் வலியுறுத்துகின்றன.இடஒதுக்கீடு இந்த நிலையில், மகளிர் இட ஒதுக்கீடு மசோதாவுக்கு ஆதரவு தெரிவித்திருக்கும் திரிணாமுல் காங்கிரஸ் எம்.பி மஹுவா மொய்த்ரா, மக்கள்தொகை கணக்கெடுப்பு, தொகுதி வரையறை போன்றவற்றால் மசோதா நடைமுறைக்கு வருவது தள்ளிப் போவதைக் குறிப்பிட்டு, பெண்கள் என்ன பசுக்களை விடவும் குறைந்தவர்களா என்று பா.ஜ.க அரசைச் சாடியிருக்கிறார். நேற்று மக்களவையில் இந்த மசோதா குறித்து உரையாற்றிய மஹுவா மொய்த்ரா, ``இந்த அரசு கொண்டுவந்திருப்பது மகளிர் இட ஒதுக்கீடு மசோதா அல்ல, மகளிர் இட ஒதுக்கீடு மறுசீரமைப்பு மசோதா. இந்த மசோதாவின் அஜண்டா பெண்களுக்கு இட ஒதுக்கீடு வழங்குவது அல்ல, அதைத் தாமதப்படுத்துவது. அடுத்த மக்கள்தொகை கணக்கெடுப்பு எப்போது, தொகுதி வரையறை எப்போது என்று தொடர்ந்து குழப்பம் ஏற்படுவது, பெண்களுக்கான இட ஒதுக்கீடு காலவரையின்றி தாமதமாகிறது என்று அர்த்தம்.மஹுவா மொய்த்ரா இது வரலாற்றுச் சிறப்பு மிக்க மசோதா அல்ல, வெறும் போலித்தனம். மகளிர் இட ஒதுக்கீடு குறித்த கேள்விக்கு நடவடிக்கைதான் தேவையே தவிர, சட்டப்படி கட்டாயமான ஒத்திவைப்பு அல்ல. இந்த மசோதாவை ஆதரிக்கிறோம் என்பதை நாங்கள் பதிவுசெய்ய வேண்டிய எந்த அவசியமில்லை. ஏனெனில், ஏற்கெனவே 37 சதவிகித எம்.பி-க்களை பெண்களாக நாங்கள் அனுப்புகிறோம். உண்மையில் இந்த மசோதாவை நீங்கள் ஆதரிக்கிறீர்களா என்பதை நீங்கள்தான் பதிவுசெய்ய வேண்டும். மக்களவைக்கு 33 சதவிகித பெண்களை அனுப்ப முடியும் என்பதை நீங்கள்தான் காட்ட வேண்டும். இந்த அரசு பசுக்களைப் பாதுகாக்க விரும்பியது. அதை நான் ஆதரிக்கிறேன். அதில் தவறு ஒன்றுமில்லை. ஆனால், பசுக்கள் எத்தனை இருக்கின்றன என்று எண்ணுவதற்கு நீங்கள் காத்திருக்கவில்லை. அந்தப் பசுக்கள், ஜெர்சியா, கிர் பசுவா அல்லது சாஹிவாலாவா என்று பார்க்க நீங்கள் காத்திருக்கவில்லை. அப்படியே சென்று பசுக் கூடங்களை கட்டினீர்கள். ஆனால், நாங்கள் காத்திருக்க பெண்கள் என்ன பசுக்களை விடவும் குறைந்தவர்களா?மோடி எங்களுக்கு எந்த வணக்கங்களும் தேவையில்லை, நேரடி நடவடிக்கை எங்களுக்குத் தேவை. பிரதமரே, `மோடி இருந்தால் சாத்தியம் என்பதற்கான தருணம் இது'. எனவே, இட ஒதுக்கீட்டை உடனே அமல்படுத்துங்கள். இன்றைய வாக்காளர் பட்டியலின் அடிப்படையில், 33 சதவிகித பெண்களை மக்களவைக்கு அனுப்புங்கள். இந்த அரசுக்கு ஒன்றைச் சொல்கிறேன், `இன்று எங்களுக்குச் சம உரிமைகளை வழங்குங்கள், அதை வானளவுக்கு உயர்த்துகிறோம். குறைந்தபட்சம் எங்கள் மண்ணில் மூன்றில் ஒரு பங்கையாவது தாருங்கள்'.மஹுவா மொய்த்ரா பா.ஜ.க-வின் உண்மையான இரட்டைப் பேச்சு பாணியைப் பார்க்கையில், மக்களவையில் 33 சதவிகித பெண்களை அமர வைப்பது எப்போது என்பது எங்களுக்குத் தெரியாது. அடுத்த மக்கள்தொகை கணக்கெடுப்பின் தேதி இன்னும் தீர்மானிக்கப்படவில்லை. அதற்கு ஒருபடி மேலாக தொகுதி வரையறை எப்போது என்பதும் தீர்மானிக்கப்படவில்லை. கனிமொழி (தி.மு.க எம்.பி) கூறியதுபோல, தரவுகளின்படி கேரளாவுக்கு 0 சதவிகித இடங்களும், தமிழ்நாட்டுக்கு 26 சதவிகித இடங்களும் மட்டுமே. ஆனால், மத்தியப் பிரதேசம், உத்தரப்பிரதேசம் ஆகிய இரண்டு மாநிலங்களிலும் 79 சதவிகித இடங்கள் அதிகரிக்கும். இதைவிட பெரிய ஜும்லா இருக்க முடியுமா... 2024-ஐ மறந்துவிடுங்கள், 2029-ல் கூட இது சாத்தியமில்லை" என்று கூறினார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY"மகளிர் இட ஒதுக்கீடு மசோதா முழுமையடையாமல் இருப்பது வருந்தத்தக்கது!" - ராகுல் காந்தி காட்டம்
http://dlvr.it/SwSFHF

Read More

``பிரதமர் எங்கே சென்றாலும் என்னைப் பற்றியும், முதல்வர் குறித்தும்தான் பேசிவருகிறார்'' - உதயநிதி

``மலைவாழ் சமுதாயம் மற்றும் கணவனை இழந்தவர் (Widow) என்பதால், புதிய நாடாளுமன்ற திறப்பு விழாவில் குடியரசுத் தலைவர் திரௌபதி முர்முவை அழைக்கவில்லை. இதுதான் சனாதனம்" என்று அமைச்சர் உதயநிதி ஸ்டாலின் பேசியிருப்பது பரபரப்பை ஏற்படுத்தியிருக்கிறது.வெள்ளி செங்கோல் வழங்கிய பி.மூர்த்தி மதுரை வடக்கு மாவட்ட தி.மு.க சார்பில் மேலூரில் நடந்த கட்சியின் மூத்த முன்னோடிகளுக்கு பொற்கிழி வழங்கும் விழாவில் கலந்துகொண்ட அமைச்சர் உதயநிதி ஸ்டாலின் பேசும்போது, ``திராவிட மாடல் தி.மு.க அரசு மக்கள் நலனில் அக்கறை கொண்டு பல்வேறு திட்டங்களைச் சிறப்பாகச் செயல்படுத்தி வருகிறது. கடந்த மாதம் மதுரையில் ஒரு மாநாடு நடந்தது. அது என்ன மாநாடு என்று உங்களுக்குத் தெரியும். அதில் புளியோதரை நன்றாக இருந்ததா... பொங்கல் நன்றாக இருந்ததா என்று பேசியிருக்கிறார்கள். ஆடல் பாடல் நிகழ்ச்சிகளுடன் 32 தீர்மானங்கள் நிறைவேற்றியிருக்கின்றனர். ஆனால், நீட் தேர்வு ரத்து குதித்து தீர்மானம் ஏதும் நிறைவேற்றவில்லை. ஆனால், அதே நாளில் நீட் தேர்வுக்கு எதிராக தி.மு.க சார்பில் மாநிலம் முழுவதும் உண்ணாவிரதப் போராட்டம் நடந்தது. ஒரு மாநாடு எப்படி இருக்கக் கூடாது என்பதற்கு எடுத்துக்காட்டாக இருந்தது அ.தி.மு.க மாநாடு. ஒரு மாநாடு எப்படி இருக்க வேண்டும் என்பதற்கு டிசம்பரில் நடத்தவிருக்கும் தி.மு.க இளைஞர் அணியின் இரண்டாவது மாநில மாநாடு இருக்கும்.உதயநிதி ஸ்டாலின் மதுரை மக்கள் அன்புக்கும், வீரத்துக்கும் பெயர் போனவர்கள். மதுரையில்தான் தி.மு.க-வின் இளைஞரணி தொடங்கப்பட்டது. தி.மு.க மூத்த உறுப்பினர்களுக்கு பொற்கிழியை வழங்க விதை விதைத்தவர் அமைச்சர் மூர்த்தி. மதுரைக்கு உயர் நீதிமன்றம், சர்வதேச விமான நிலையம் எனப் பல்வேறு திட்டங்களைக் கொண்டுவந்தவர் கலைஞர். அதேபோல் மதுரைக்கு கலைஞர் நூற்றாண்டு நூலகம், ஜல்லிக்கட்டு மைதானத்தைக் கொண்டுவந்தவர் முதல்வர் ஸ்டாலின். தி.மு.க இளைஞரணி 2-ம் மாநாடு மதுரையில் நடத்த வேண்டும் என அமைச்சர் மூர்த்தி கோரிக்கை விடுத்தார். ஆனால், முதல்வர் சேலத்தில் நடத்த உத்தரவிட்டார். உண்மையான பாசத்துடன் அண்ணன் என அமைச்சர் மூர்த்தியை அழைக்கிறேன். எனக்கு உடன்பிறந்த அண்ணன் இருந்தால் என்னை எப்படிக் கவனித்துக்கொள்வாரோ, அதைப்போல அமைச்சர் மூர்த்தி என்னைக் கவனித்துக்கொள்கிறார். (உதயநிதி பேசியதைக் கேட்டு அமைச்சர் மூர்த்தியின் கண்களில் கண்ணீர்).உதயநிதி ஸ்டாலின் `நீட் தேர்வு ரத்து குறித்த ரகசியத்தை என்னிடம் கேளுங்கள்' என முன்னாள் அமைச்சர் ஆர்.பி.உதயகுமார் பேசியிருக்கிறார். எய்ம்ஸ் மருத்துவமனை எப்போது வரும் எனும் ரகசியத்தை முன்னாள் அமைச்சர் ஆர்.பி.உதயகுமார் கூறுவாரா? நீட் தேர்வை ரத்துசெய்ய வலியுறுத்தி ஒரு கோடி கையெழுத்து பெறும் நிகழ்ச்சியை ஒரு வாரத்தில் தொடங்கவிருக்கிறோம். இந்த இயக்கத்துக்கு ஆர்.பி.உதயகுமார் ஆதரவு தெரிவித்து கையெழுத்து போடுவாரா... அ.தி.மு.க - பா.ஜ.க கூட்டணி குறித்து மாறி மாறி பேசிக்கொள்வது அவர்களுடைய உட்கட்சி பிரச்னை. தற்போது பா.ஜ.க - அ.தி.மு.க கூட்டணி பற்றி அ.தி.மு.க மூத்த நிர்வாகிகள் யாரும் பேசவில்லை, மாறாக தேர்தல் நேரத்தில் முடிவெடுப்பதாகக் கூறி மக்களை ஏமாற்றி வருகின்றனர். வெள்ளி செங்கோல் வழங்கிய பி.மூர்த்தி நான் சனாதனம் குறித்து பேசிய கருத்து திரித்து வெளியிட்டப்பட்டிருக்கிறது. தற்போது சாமியார்கள் என் தலைக்கு 10 கோடி, 50 கோடி என விலை வைக்கின்றனர். நான் கலைஞர் வழியிலிருந்து வந்தவன், தி.மு.க-க்காரன், இதற்கெல்லாம் பயப்பட மாட்டேன். சனாதானத்துக்கு எதிராக தொடங்கப்பட்ட இயக்கம்தான் தி.மு.க. சனாதனத்தை ஒழிக்கும் வரை நாம் போராட வேண்டும். புதிய நாடாளுமன்ற திறப்பு விழாவில், மலைவாழ் சமுதாயம் மற்றும் கணவனை இழந்தவர் (Widow) என்பதால்தான் குடியரசுத் தலைவர் திரௌபதி முர்முவை அவர்கள் அழைக்கவில்லை. இதுதான் சனாதானம். இதைத்தான் நாம் ஒழிக்க வேண்டும். 2024 நாடாளுமன்றத் தேர்தலுக்காக தி.மு.க-வினர் கடுமையாக உழைக்க வேண்டும். பிரதமர் மோடி எங்கே சென்றாலும் என்னைப் பற்றியும், முதல்வர் குறித்தும் பேசிவருகிறார். மோடி ஒன்பதரை ஆண்டுகளில் என்னத்தைக் கிழித்திருக்கிறார் எனத் தெரியவில்லை. சாலை, காப்பீடு என அனைத்திலும் பா.ஜ.க அரசு பல கோடி ரூபாய் ஊழல் செய்திருக்கிறது. பா.ஜ.க அரசால் வாழும் ஒரே குடும்பம் அதானி குடும்பம் மட்டுமே. அதானிக்காக பொதுத்துறை நிறுவனங்கள் விற்பனை செய்யப்பட்டு வருகிறது. நாடாளுமன்றத் தேர்தலில் தி.மு.க கூட்டணி வெற்றிபெற தி.மு.க-வினர் மக்களுடன் தொடர்பில் இருக்க வேண்டும். தமிழகத்திலிருந்து பா.ஜ.க எனும் பாம்பை ஒழிக்க வேண்டும் என்றால், அ.தி.மு.க எனும் குப்பையை அகற்ற வேண்டும்" என்றார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY``அதிமுக-போல் பல அணிகளாக இல்லாமல், `இந்தியா' கூட்டணிபோல வாழுங்கள்!" - மணமக்களை வாழ்த்திய உதயநிதி
http://dlvr.it/SwQCBf

Read More

``இந்தியா நிலவை அடைந்துவிட்டது; பாகிஸ்தானோ கையேந்திக்கொண்டிருக்கிறது!" - நவாஸ் ஷெரீப் தாக்கு

கொரோனா காலகட்டத்துக்குப் பிறகு பொருளாதார நெருக்கடிக்குள்ளான பாகிஸ்தான், கடந்த ஆண்டு ஷெபாஷ் ஷெரீப் பிரதமராகப் பதவியேற்க ஆட்சி மாற்றத்தைக் கண்டபோதும், இன்றுவரை சீரான பொருளாதார நிலையை எட்டவில்லை. இந்த நிலையில், பாகிஸ்தான் முன்னாள் பிரதமர் நவாஸ் ஷெரீப், இந்தியா நிலவை அடைந்துவிட்ட சூழலில், உலக நாடுகளிடம் பாகிஸ்தான் கையேந்திக்கொண்டிருப்பதாகக் கூறியிருக்கிறார்.பாகிஸ்தான் முன்னாள் பிரதமர் நவாஸ் ஷெரீப் நேற்று மாலை லாகூரில் நடைபெற்ற கட்சிக் கூட்டத்தில், லண்டனில் இருந்தபடி வீடியோ கான்ஃபரன்ஸ் மூலம் கலந்துகொண்டு பேசிய நவாஸ் ஷெரீப், ``இந்தியா நிலவை அடைந்துவிட்டது, ஜி20 கூட்டங்களை நடத்திக்கொண்டிருக்கிறது. ஆனால் இதே வேளையில், பாகிஸ்தான் பிரதமர் நிதிக்காக நாடு, நாடாகச் சென்று கையேந்திக்கொண்டிருக்கிறார். இந்தியா செய்த சாதனைகளைப் பாகிஸ்தானால் ஏன் செய்ய முடியவில்லை... இதற்கெல்லாம் இங்கு யார் பொறுப்பு... அடல் பிஹாரி வாஜ்பாய் இந்தியாவின் பிரதமரானபோது, இந்தியாவிடம் பில்லியன் டாலர் மட்டுமே இருந்தது. தற்போது இந்தியாவின் அந்நியச் செலாவணி கையிருப்பு 600 பில்லியன் டாலராக உயர்ந்திருக்கிறது. இந்தியா இன்றைக்கு எங்கேயோ சென்றுவிட்டது. ஆனால், நிதிக்காக உலக நாடுகளிடம் பாகிஸ்தான் கையேந்திக்கொண்டிருக்கிறது" என்று கூறினார்.பாகிஸ்தான் முன்னாள் பிரதமர் நவாஸ் ஷெரீப் 2019-ல், அல்அஜிசியா மில் ஊழல் வழக்கில் ஏழு ஆண்டுகள் சிறைத் தண்டனைக்குள்ளான பிறகு, மருத்துவக் காரணங்களுக்காக லண்டனுக்குச் சென்ற நவாஸ் ஷெரீப், தேர்தல் வேலைகளில் கட்சிக்குத் தலைமை தாங்குவதற்காக வரும் அக்டோபர் 21-ம் தேதி நாடு திரும்புவதாக அறிவித்திருக்கிறார். பாகிஸ்தான் குடியரசுத் தலைவர் ஆரிப் அல்வி கடந்த வாரம் புதன்கிழமை, நவம்பர் 6-ம் தேதியை பொதுத் தேர்தலுக்கான தேதியாக முன்மொழிந்து, தலைமைத் தேர்தல் ஆணையருக்கு கடிதம் எழுதியிருந்தார் என்பது குறிப்பிடத்தக்கது.சந்திரயான்-3: அன்று இஸ்ரோமீது சாடல், இன்று புகழாரம்... பாகிஸ்தான் முன்னாள் அமைச்சர் கூறியதென்ன?!
http://dlvr.it/SwMgtG

Read More

மகளிர் உரிமைத் தொகை: மினிமம் பேலன்ஸ் இல்லாததால் வங்கிகள் பணம் எடுத்தால்..?! - தீர்வு என்ன?

இரண்டு ஆண்டுகள் இழுபறிக்குப் பிறகு, மகளிர் உரிமைத்தொகை திட்டத்தை நிறைவேற்றியிருக்கிறது தி.மு.க அரசு. பேரறிஞர் அண்ணாவின் பிறந்தநாளான செப்டம்பர் 15-ம் தேதி காஞ்சிபுரம், பச்சையப்பன் ஆடவர் கல்லூரி வளாகத்தில் நடைபெற்ற விழாவில், 1,06,50,000 மகளிர் பயன்பெறும் வகையில் மகளிருக்கு மாதம்தோறும் ரூ.1,000 வழங்கிடும் கலைஞர் மகளிர் உரிமைத்தொகைத் திட்டத்தை முதலமைச்சர் மு.க.ஸ்டாலின் தொடங்கிவைத்தார். அதற்கு முந்தைய நாளே கலைஞர் மகளிர் உரிமைத்தொகை திட்டத்தின் ரூ.1,000 தொகை பலருக்கும் வங்கிக் கணக்கில் வரவுவைக்கப்பட்டு, அதற்கான குறுஞ்செய்திகளும் வந்தவண்ணம் இருந்தன. தமிழ்நாட்டின் அனைத்து மாவட்டங்களிலும் இருக்கும் தகுதிவாய்ந்த குடும்பத்தலைவிகளுக்கு வங்கிகள் மூலமும், வங்கிக் கணக்கு இல்லாதவர்களுக்கு மணி ஆர்டர் மூலமும் வரவுவைக்கப்பட்டது. கலைஞர் மகளிர் உரிமைத்தொகை `மோடி... ஏழை மக்கள் பணத்தை எடுத்துடாதீங்க!' - சபாநாயகர் அப்பாவு அதேபோல திருநெல்வேலி மாவட்டத்தில் இந்தத் திட்டத்தைத் தொடங்கிவைத்த சபாநாயகர் அப்பாவு, ``கிராமப்புரத்தில் 500 முதல் 1,000 வரையும், நகரங்களில் 2,000 முதல் 5,000 வரையிலும் , மெட்ரோபாலிடன் சிட்டிகளில் 3000 முதல் 10,000 வரை என வங்கிக்கு வங்கி குறைந்தப்பட்ச வைப்புத்தொகையாக மினிமம் பேலன்ஸ்களில் வேறுபாடுகள் இருக்கும். அதைக் கட்டாயம் வைத்திருக்க வேண்டும். அப்படி குறைவாக வைப்புத்தொகை வைக்கப்பட்டிருந்தால் அபராதம் விதிக்கப்படும். இது குறித்து கடந்த 08.08.23-ல் நாடாளுமன்றத்தில் நிதி இணையமைச்சர் கூறும்போது 21 ஆயிரம் கோடி ரூபாய் இந்த வகையில் அபராதமாக வசூலிக்கப்பட்டிருக்கிறது என்றார். அதேபோல ஏ.டி.எம்-ஐ அதிகமான முறை பயன்படுத்தியதற்காக 8 ஆயிரம் கோடி ரூபாய் அபராதமாக இந்தியா முழுவதும் அபராதத்தொகை வசூல் செய்யப்பட்டிருக்கிறது. அதேபோல, குறுஞ்செய்தி அனுப்பியதற்காக 6 ஆயிரத்தும் 500 கோடி ரூபாய் வசூல் செய்யப்பட்டிருக்கிறது. மகளிர் உரிமைத் தொகை ரூ.1000: ஆன்லைன் மோசடி; போனில் விவரங்களை பகிர வேண்டாம் ! பெண்களே உஷார்..! ஆக மொத்தம் 35 ஆயிரத்து 500 கோடி ரூபாயை மினிமம் பேலன்ஸ் இல்லாதது, ஏ.டி.எம்-ஐ அதிக முறை பயன்படுத்தியத் உள்ளிட்ட காரணங்களால் அரசு அபராதத் தொகையாக வங்கிகள் மூலம் உங்கள் கணக்கிலிருந்து, உங்கள் அனுமதியில்லாமல் எடுத்திருக்கிறோம் என நாடாளுமன்றத்தில் இணையமைச்சர் கூறியிருக்கிறார். நம்முடைய முதல்வர், 1 கோடியே 6 லட்சத்து 50 ஆயிரம் பேருக்கு 1,000 ரூபாயை வங்கிக் கணக்கில் செலுத்தியிருக்கிறார். எனவே, பாரதப் பிரதமரையும், நிதியமைச்சரையும் அன்போடு கேட்டுக்கொள்கிறேன். இந்த ஏழைகளுக்கு வழங்கும் 1,000 ரூபாயில் மினிமம் பேலன்ஸ் இல்லை என்ற பெயரில் தயவுசெய்து அபராதத் தொகையை எடுத்துவிடாதீர்கள் என்பதையும் அன்போடு கேட்டுக்கொள்கிறேன்" எனத் தெரிவித்தார்.அப்பாவு `மினிமம் பேலன்ஸ்... பணத்தை எடுத்துக்கொண்ட வங்கிகள்!' இந்த நிலையில், வங்கிக் கணக்குகள் மூலம் பணம் பெறப்பட்டவர்களின் கைகளுக்குப் பணம் வந்துசேரும் முன்னரே, சம்பந்தபட்ட சிலரின் வங்கிக் கணக்குகளில் `மினிமம் பேலன்ஸ் இல்லை, மைனஸ் பேலன்ஸாக இருக்கிறது' எனக் கூறி அந்தத் தொகையை வங்கிகள் பிடித்தம் செய்துகொண்டன. அதேபோல, வாங்கிய கடனுக்கான தொகையையும் கழித்துக்கொண்டன. மேலும் சிலரின் வங்கிக் கணக்குகளில் ஆதார்-பான் இணைக்காததாலும், நீண்டகாலமாகப் பயன்படுத்தப்படாமல் இருந்துவந்து டீஆக்டிவேட் ஆனதாலும் பணம் எடுக்க முடியாத சூழல் ஏற்பட்டது. இந்தச் சிக்கல்கள் குறித்து பாதிக்கப்பட்ட மக்கள் பொதுவெளியில் தங்கள் குமுறலை வெளிப்படுத்தினர். அதேபோல தி.மு.க கூட்டணிக் கட்சிகளும் இந்தப் பிரச்னையை அரசு உடனடியாகச் சரிசெய்ய வேண்டுமெனக் கோரிக்கை வைத்தன. மகளிர் உரிமைத்தொகை ரூ.1000: கைக்கு எட்டியது வாய்க்கு எட்டவில்லை... வங்கிகள் அபராதம் விதித்தது ஏன்?வங்கிகள் `ஸ்டாலின் நடவடிக்கை வேண்டும்!' - கூட்டணிக் கட்சிகள் குறிப்பாக முதலமைச்சருக்குக் கடிதம் அனுப்பிய மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன், ``வங்கிகள், சேமிப்புக் கணக்கு அல்லது நடப்பு வங்கிக் கணக்கு வைத்திருக்கும் குடும்பத்தலைவிகளுக்கு அவர்களது வங்கி கணக்கில் குறைந்தபட்ச தொகை (Minimum Balance) இல்லாவிட்டால் தற்போது தமிழக அரசு அவர்களது வங்கிக் கணக்குக்கு அனுப்பியிருக்கும் ரூபாய் 1,000-லிருந்து குறைந்தபட்ச தொகை இல்லாததற்கான தண்டத் தொகையையும், குறுஞ்செய்தி அனுப்பியதற்கான தொகையையும் வங்கிகள் அவர்களது கணக்கிலிருந்து எடுத்துக்கொள்கின்றன. கலைஞர் மகளிர் உரிமைத் தொகை திட்டம்: இன்று முதல் ரூ,1,000 வங்கியில் செலுத்தும் பணி தொடக்கம்! இதனால், சம்பந்தப்பட்ட குடும்பத்தலைவிகள் ஆயிரம் ரூபாயை முழுமையாக பெற முடியாத நிலை ஏற்பட்டிருக்கிறது. இது அவர்களுக்கு வேதனையை ஏற்படுத்தியிருக்கிறது. தங்களது வங்கிக் கணக்குகளில் குறைந்தபட்ச தொகையை வைக்க முடியாதவர்கள் ஒவ்வொரு மாதமும் இந்தச் சிரமத்துக்கு உள்ளாகும் நிலை ஏற்படும். இதனால், அரசு வழங்கும் மகளிர் உரிமைத்தொகை முழுமையாக அவர்களுக்குக் கிடைக்காமல் போய்விடும். எனவே, தமிழக அரசு வங்கித் துறை அதிகாரிகளுடன் பேசி குறைந்தபட்ச தொகை (Minimum Balance) இல்லை என்கிற காரணத்தால் எந்தத் தொகையையும் பிடித்தம் செய்யாமல் மகளிர் உரிமைத்தொகை ரூ.1,000 முழுமையாகச் சம்பந்தப்பட்ட குடும்பத்தலைவிகளுக்கு கிடைக்கச் செய்திட உடனடியாக நடவடிக்கை எடுத்திட வேண்டும்" எனக் கேட்டுக்கொண்டார். வங்கிகளுக்கு எச்சரிக்கை... அமைச்சர் தங்கம் தென்னரசு! இந்தச் சர்ச்சை பூதாகரமாக, தமிழ்நாடு நிதியமைச்சர் தங்கம் தென்னரசு அபராதத் தொகை வசூலிக்கும் வங்கிகளுக்குக் கடும் எச்சரிக்கை விடுத்திருக்கிறார். இது குறித்து அறிக்கை வெளியிட்டுப் பேசியிருக்கும் அமைச்சர் தங்கம் தென்னரசு, ``மகளிர் உரிமைத்தொகை பெறுவது தொடர்பாக, ஆங்காங்கே சில குறைகள் அரசின் கவனத்துக்கு வந்திருக்கின்றன. மகளிரின் வங்கிக் கணக்கில் வரவுவைக்கப்பட்ட உரிமைத்தொகையை வங்கிக்கான சேவைக் கட்டணம், ஏற்கெனவே வாங்கிய கடன் ஆகியவற்றுக்கு சில வங்கிகள் நேர் செய்துகொள்வதாகப் புகார்கள் வந்திருக்கின்றன. இது மிகவும் வருந்தத்தக்க நிகழ்வாகும். இது குறித்து மாநில வங்கிகள் குழுமத்தின் கூட்டத்தில் தமிழக அரசின் சார்பில் வழங்கப்படும் உரிமைத்தொகையை வங்கிகள் பிடித்தம் செய்யக் கூடாது என்று அறிவுறுத்தப்பட்டிருக்கிறது. இருப்பினும், சில வங்கிகளில் இந்த அறிவுறுத்தல் பின்பற்றப்படவில்லை என்பது ஏற்கத்தக்கதல்ல.அமைச்சர் தங்கம் தென்னரசு தமிழக அரசு வழங்கும் மகளிர் உரிமைத்தொகையை வங்கிகள் தங்களது நிர்வாகச் செலவினங்களுக்கு நேர்செய்யக் கூடாது என்று மாநில அரசுக்கும் வங்கிகளுக்கும் புரிந்துணர்வு ஒப்பந்தங்கள் செய்யப்பட்டிருக்கின்றன. ஒப்பந்தங்களை மீறும் வங்கிகளின் பரிவர்த்தனைகள் வேறு வங்கிகளுக்கு மாற்றப்பட்டு மேல் நடவடிக்கை எடுக்கப்படும். மகளிரின் நல்வாழ்வுக்காக தமிழக அரசு வழங்கும் மகளிர் உரிமைத்தொகையை, வங்கிகள் தங்களது நிர்வாகக் காரணங்களுக்காகப் பிடித்தம் செய்யக் கூடாது என்பது குறித்து ஒன்றிய நிதியமைச்சருக்குக் கடிதம் எழுதப்படும். மகளிர் உரிமைத்தொகையில் பிடித்தம் செய்யப்பட்டிருந்தால், அது குறித்துப் புகார் அளிப்பதற்கு முதல்வரின் முகவரி உதவி மைய தொலைபேசி எண் 1100- ஐ அழைத்து புகார் அளிக்கலாம். மகளிர் அளிக்கும் இந்தப் புகார்கள் குறித்து விசாரித்து, உரிய நடவடிக்கை எடுக்கப்படும்" எனத் தெரிவித்திருக்கிறார்.`மகிழ்ச்சி’, `உற்சாகம்’... தொடங்கியது கலைஞர் மகளிர் உரிமைத் திட்டம்! | புகைப்படத் தொகுப்புமகளிர் உரிமைத் தொகை `விடுபட்டவர்களும் விண்ணப்பிக்கலாம்! - கே.என்.நேரு அதேபோல நகர்ப்புற வளர்ச்சித்துறை அமைச்சர் கே.என்.நேரு, ``தகுதி இருந்தும் மகளிர் உரிமைத்தொகை கிடைக்கப் பெறாதவர்கள் மனு கொடுக்கலாம், மீண்டும் விண்ணப்பிக்கலாம் என்று முதலமைச்சர் கூறியிருக்கிறார். அவர்களுக்கு மூன்று மாத காலம் அவகாசம் கொடுக்கப்பட்டிருக்கிறது. அவர்களை மீண்டும் சேர்ப்பதற்கான நடவடிக்கைகள் மேற்கொள்ளப்படும்" என்றிருக்கிறார். கலைஞர் மகளிர் உரிமைத்தொகை திட்டம்: அண்ணா பிறந்தநாளில் தொடங்கிவைத்தார் முதல்வர் ஸ்டாலின்!
http://dlvr.it/SwJnQ4

Read More

``வாழும் பெரியார் `இபிஎஸ்'... சுயமரியாதை சுடரை அணைத்த ஸ்டாலின்!" - ஆர்.பி.உதயகுமார் சொல்வதென்ன?

"மொழி போராட்டத்திற்காக கைக்குழந்தையுடன் தாயும் சிறைக்கு செல்லும் வரலாற்றை தந்தை பெரியார் உருவாக்கினார்" என்று முன்னாள் அமைச்சர் ஆர்.பி.உதயகுமார் தெரிவித்துள்ளார்.ஆர்.பி. உதயகுமார் தந்தை பெரியாரின் பிறந்தநாளை முன்னிட்டு அவர் விடுத்துள்ள அறிக்கையில், "தந்தை பெரியார் தமிழகத்திற்கு மறுமலர்ச்சி, புதிய பாதை, சுயமரியாதையை ஏற்படுத்தினார். பெண்களுக்கு கல்வி உரிமை, சொத்தில் உரிமை, இளம்பெண் திருமணம் எதிர்ப்பு, தேவதாசி முறை ஒழிப்பு என பல்வேறு புரட்சிகளை செய்தார். கல்விதான் பெண்களின் விடுதலைக்கு திறவுகோல் என கூறினார். பெண்களும் அரசியலுக்கு வரலாம் என்ற உணர்வுக்கு வித்திட்டார். இந்தி எதிர்ப்பு போராட்டத்தில் பெரியார் பேச்சைக் கேட்டு பெண்களும் போராடினர்கள். இதன் மூலம் 75 பெண்களும், கைக்குழந்தைகளுடன் 32 பேரும் கைதுசெய்யப்பட்டனர். பெண்களை போராட தூண்டியதற்காக 5 மாதங்கள் சிறையில் அடைக்கப்பட்டார் பெரியார்.பெரியார் மொழி போராட்டத்திற்காக கைக்குழந்தையுடன் தாயும் சிறைக்குச் சென்ற வரலாற்றை தந்தை பெரியார் உருவாக்கினார். பெரியாரின் கருத்துகளை பேறிஞர் அண்ணா, எம்.ஜி.ஆர், ஜெயலலிதா, எடப்பாடியார் ஆகியோர் மக்களிடம் எடுத்துச் சென்றார்கள் . ஜெயலலிதா தொட்டில் குழந்தை திட்டத்தை கொண்டு வந்தார். அதனை அன்னை தெரசா பாராட்டினார், அதேபோல் பெண் கல்வியை ஊக்குவிக்க பல திட்டங்களை கொண்டு வந்தார். குடும்ப பிரச்னைகளை தீர்க்க மகளிர் காவல் நிலையங்களை உருவாக்கினார். தந்தையின் பெயரைப்போல தாயின் பெயரையும் இனிஷியலாக போடலாம் என்ற நடைமுறையை கொண்டுவந்தார். கிராமப்புறங்களில் கறவை மாடுகளை வழங்கி கிராமப் பெண்களின் பொருளாதாரத்தை உயர்த்தினார். அதன் வழியே இன்றைக்கு எடப்பாடியாரும் பெண்களுக்காக பல்வேறு திட்டங்களை கொண்டு வந்தார்.ஆர்.பி.உதயகுமார் குறிப்பாக மூன்று லட்சம் பெண்களுக்கு இருசக்கர வாகனம் வழங்கும் திட்டம் கொண்டு வந்தார். உள்ளாட்சியில் 50 சதவிகித பெண்களுக்கு இட ஒதுக்கீட்டை வழங்கி, ஜெயலலிதாவின் திட்டத்தை செயல்படுத்தினார். தி.மு.க-வின் மகளிர் உரிமைத்தொகை என்பது ஏமாற்று திட்டம். அனைத்து குடும்பங்களுக்கும் கொடுக்காமல் பாரபட்சம் காட்டப்பட்டு வருகிறது. உரிமைத்தொகையில் பல்வேறு குளறுபடிகள் இருக்கிறது. இத்திட்டத்துக்கு தனது தந்தை பெயரை சூட்டுவதை மட்டும் நோக்கமாக கொண்டுள்ள ஸ்டாலின், பெரியாரின் சுயமரியாதை சுடரை அணைத்து விட்டார். தமிழகத்தில் வீரமங்கை வேலு நாச்சியார், குயிலி, ராணிமங்கம்மாள், அன்னிபெசன்ட் அம்மையார் ஆகிய வீர மங்கையருக்கு எந்த கௌரவமும் வழங்க மனம் வரவில்லை. பெரியார் காத்திட்ட பெண் உரிமையை ஸ்டாலின் குழி தோண்டி புதைத்து விட்டார். இன்றைக்கு பெண் உரிமையை நிலைநாட்டி வாழும் பெரியாராக எடப்பாடியார் உள்ளார்" எனத் தெரிவித்துள்ளார்."ஆர்.பி. உதயகுமார் செய்த ஊழல் குறித்து பேச நேரம் போதாது!" - நிதி அமைச்சர் பி.டி.ஆர் காட்டம்
http://dlvr.it/SwFyGk

Read More

மகளிர் உரிமைத்தொகை: ``2024 -ல் மகளிர் வாக்குகளைப் பெற்றுவிடலாம் என ஸ்டாலினுக்கு நப்பாசை!" - இபிஎஸ்

`ஆட்சிக்கு வந்தால் குடும்பத்தலைவிகளுக்கு மாதம் 1,000 ரூபாய் வழங்கப்படும்’ என்று 2021-ல் நடைபெற்ற சட்டமன்றத் தேர்தலில் கொடுத்த வாக்குறுதியை, `கலைஞர் மகளிர் உரிமைத்தொகை திட்டம்' என்ற பெயரில் இரண்டரை ஆண்டுகளுக்குப் பிறகு, பேரறிஞர் அண்ணா பிறந்தநாளான (செப்டம்பர் 15) நேற்று தி.மு.க அரசு நடைமுறைக்கு கொண்டுவந்தது. இதற்குப் பல்வேறு தரப்பிலிருந்து திமுக-வுக்கு வாழ்த்துகள் வந்தபோதும், எதிர்க்கட்சிகள் தொடர்ந்து தி.மு.க-வை விமர்சித்துவருகின்றன.கலைஞர் மகளிர் உரிமைத்தொகை திட்டம் இந்த நிலையில் அ.தி.மு.க பொதுச்செயலாளர் எடப்பாடி பழனிசாமி, ``மகளிர்‌ உரிமைத்‌தொகை 1,000 ரூபாயைக்‌ கொடுத்து வாக்குகளைப்‌ பெற்றுவிடலாம்‌ என்ற தி.மு.க-வின்‌ பகல்‌ கனவு பலிக்காது" என விமர்சித்திருக்கிறார். இது குறித்து எடப்பாடி பழனிசாமி வெளியிட்டிருக்கும் அறிக்கையில், ``2021-ல்‌ நடைபெற்ற சட்டமன்றத் தேர்தல்‌ நேரத்தில்‌ அளிக்கப்பட்ட 520-க்கும்‌ மேற்பட்ட வாக்குறுதிகளில்‌, 99 சதவிகித வாக்குறுதிகளை நிறைவேற்றிவிட்டதாகவும்‌, மகளிர்‌ உரிமைத்‌தொகை 1,000 ரூபாய்‌ வழங்குவதன்‌ மூலம்‌ நூற்றுக்கு நூறு சதவிகிதம் வாக்குறுதிகள்‌ நிறைவேற்றப்பட்டதாகவும்‌ முதலமைச்சர்‌ ஸ்டாலின்‌ வாய்‌ப்பந்தல்‌ போட்டிருக்கிறார்‌. தமிழகத்திலுள்ள குடும்பத்‌தலைவிகள்‌ அனைவருக்கும்‌ மாதம்தோறும்‌ 1,000 ரூபாய்‌ உரிமைத்‌தொகை வழங்குவோம்‌ என்று 2021 தேர்தல்‌ அறிக்கையில்‌ கூறிவிட்டு, ஆட்சிக்கு வந்து 28 மாதங்களாக தாய்மார்களை ஏங்கவைத்துவிட்டு, இப்போது, பாதிக்கும்‌ குறைவான மகளிருக்கு மட்டும்‌ மாதம்‌ 1,000 ரூபாயை வழங்கி, நாக்கில்‌ தேன்‌ தடவும்‌ வேலையில்‌ இந்த விடியா திமுக அரசு ஈடுபட்டிருப்பதை வன்மையாகக்‌ கண்டிக்கிறேன்‌. எனவே, தி.மு.க தனது தேர்தல்‌ வாக்குறுதியில்‌ கூறியவாறு, தமிழகத்திலுள்ள அனைத்துக் குடும்பத்‌தலைவிகளுக்கும்‌ மாதம்‌ 1,000 ரூபாய்‌ உரிமைத்‌தொகை வழங்க வேண்டும்‌ என்று இந்த விடியா தி.மு.க அரசை வலியுறுத்துகிறேன்‌.எடப்பாடி பழனிசாமி ஆட்சிக்கு வந்து 28 மாதங்களாக மகளிர்‌ உரிமைத்‌தொகையை வழங்காமல்‌ காலம்‌ தாழ்த்திவிட்டு, தற்போது குறிப்பிட்ட மகளிருக்கு மட்டும்‌ உரிமைத்‌தொகை வழங்குவதன்‌ நோக்கம்‌, விரைவில்‌ நாடாளுமன்றப்‌ பொதுத்‌தேர்தல்‌ நடைபெறவிருக்கிறது. தேர்தலில்‌ மகளிர்‌ வாக்குகளைப்‌ பெற்றுவிடலாம்‌ என்று நினைப்பது, நிர்வாகத்‌ திறனற்ற விடியா தி.மு.க அரசின்‌ முதலமைச்சருடைய நப்பாசை எண்ணம்தான்‌. விடியா அரசு பெண்கள்‌மீது அக்கறைகொண்டு இந்த உரிமைத்‌தொகையை வழங்கவில்லை என்பதும்‌, நாடாளுமன்றப்‌ பொதுத்‌தேர்தலில்‌ மகளிரின்‌ வாக்குகளைப்‌ பெறுவதற்காகத்தான்‌ உரிமைத்‌தொகை வழங்கப்படுகிறது என்பதும்‌ மக்களுக்கு நன்றாகவே தெரியும்‌. விடியா தி.மு.க அரசு பதவியேற்ற 28 மாத காலத்தில்‌, இரண்டு முறை உயர்த்தப்பட்ட மின்‌கட்டணம்‌, சொத்து வரி, குடிநீர்‌க் கட்டணம்‌, பலமுறை உயர்த்தப்பட்ட பால்‌ மற்றும்‌ பால்‌ பொருள்களின்‌ விலை, அனைத்து அத்தியாவசியப்‌ பொருள்களின்‌ கடுமையான விலையேற்றம்‌; குறிப்பாக, கடந்த இரண்டு மாதங்களில்‌ ஒரு கிலோ அரிசியின்‌ விலை ரூ.20 வரை உயர்ந்திருக்கிறது. காய்கறிகளின்‌ விலை உயர்வு போன்றவற்றால்‌, அன்றாட வாழ்வில்‌ ஒவ்வொரு குடும்பத்தினரின்‌ மாதச்‌ செலவும்‌ குறைந்தபட்சம்‌ 10,000 ரூபாய்‌ வரை கூடியிருக்கிறது.ஸ்டாலின் - எடப்பாடி பழனிசாமி இந்த நிலையில்‌, பல சிரமங்களை அனுபவித்துவரும்‌ தாய்மார்களில்‌, பாதிக்கும்‌ குறைவான மகளிருக்கு உரிமைத்‌தொகையை வழங்குவது திட்டமிட்ட ஏமாற்று வேலை. சிலரை சில நாள்‌ ஏமாற்றலாம்‌, பலரை பல நாள்‌ ஏமாற்றலாம்‌; எல்லோரையும்‌ எல்லாக் காலங்களிலும்‌ ஏமாற்ற முடியாது என்பதை இந்த பொம்மை முதலமைச்சருக்கு மக்கள்‌ உணர்த்தும்‌ காலம்‌ வெகு தொலைவில்‌ இல்லை" என்று குறிப்பிடப்பட்டிருக்கிறது. Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY`இரட்டை இலக்கத்தில் தொகுதி கேட்கும் அமித் ஷா?’ - விடாப்பிடி எடப்பாடி | டெல்லி விசிட் டீடெயில்ஸ்
http://dlvr.it/SwCtwP

Read More

Tamil News Today Live: காவிரி விவகாரம் - மத்திய அமைச்சரை சந்திக்கும் தமிழக எம்.பிக்கள்!

காவிரி விவகாரம் - மத்திய அமைச்சரை சந்திக்கும் தமிழக எம்.பிக்கள்! காவிரியிலிருந்து தமிழ்நாட்டுக்கு நீர் திறந்துவிட கர்நாடகாவுக்கு உத்தரவிட வலியுறுத்தி, மத்திய நீர்வளத்துறை அமைச்சர் கஜேந்திர சிங் செகாவத்திடம், தமிழ்நாட்டின் அனைத்துக் கட்சி மக்களவை, மாநிலங்களவை எம்.பிக்கள் மனு அளிக்க இருக்கின்றனர் என முதல்வர் ஸ்டாலின் தெரிவித்திருக்கிறார். திமுக எம்.பி-க்கள் ஆலோசனைக் கூட்டம்! சென்னை அண்ணா அறிவாலயத்தில் முதலமைச்சர் மு.க.ஸ்டாலின் தலைமையில் திமுக எம்.பி-க்கள் ஆலோசனைக் கூட்டம் தொடங்கியது. நாடாளுமன்ற சிறப்புக் கூட்டத்தொடர் நாளை மறுநாள் தொடங்கவிருக்கும் நிலையில், கூட்டத்தில் எவ்வாறு செயல்பட வேண்டும் என்பது தொடர்பாக ஆலோசிக்கப்படவிருப்பதாகத் தகவல் வெளியாகியிருக்கிறது!சீமான் மீது கொடுத்த புகாரை நள்ளிரவில் திரும்பப் பெற்றார் நடிகை விஜயலட்சுமி! நாம் தமிழர் கட்சியின் தலைமை ஒருங்கிணைப்பாளர் சீமான் மீது நடிகை விஜயலட்சுமி காவல் ஆணையர் அலுவலகத்தில் புகார் அளித்திருந்தார். அதில், தன்னைத் திருமணம் செய்து சீமான் ஏமாற்றிவிட்டதாகவும், அவர்மீது நடவடிக்கை எடுக்க வேண்டுமென்றும் தெரிவித்திருந்தார். இதையடுத்து நடிகை விஜயலட்சுமியிடம் போலீசார் விசாரணை நடத்தினர். இதைத் தொடர்ந்து சீமான் நேரில் ஆஜராகி விளக்கமளிக்கும்படி போலீஸார் இரு முறை சம்மன் அனுப்பியிருந்தனர். ஆனால், சீமான் ஆஜராகாமல் இருந்துவந்தார். இந்த நிலையில் விஜயலட்சுமி வளசரவாக்கம் காவல் நிலையத்துக்கு வந்து, புகார் மனுவைத் திரும்பப் பெறுவதாக  எழுத்துபூர்வமாக எழுதிக்கொடுத்தார். அப்போது பேட்டி அளித்த அவர் ``இந்த வழக்கை வாபஸ்  பெற்றுவிட்டு பெங்களூருக்குச் செல்கிறேன். யாருடைய வற்புறுத்தலினாலும் வாபஸ் பெறவில்லை. சீமானிடம் பேசினேன். வழக்கை வாபஸ் பெற்று விட்டேன்’’ எனக் கூறினார். தமிழகம் முழுவதும் 30 இடங்களில் என்.ஐ.ஏ அதிகாரிகள் சோதனை! என்.ஐ.ஏ தமிழகம் முழுவதும் 30 இடங்களில் என்.ஐ.ஏ அதிகாரிகள் இன்று காலை முதல் சோதனை மேற்கொண்டுவருகிறார்கள். குறிப்பாக உக்கடம் கார் வெடிப்பு தொடர்பாக இந்தச் சோதனை நடைபெற்றுவருவதாக முதற்கட்ட தகவல்கள் வெளியாகியிருக்கின்றன. சென்னையில் திரு.வி.க நகரிலுள்ள முஜ்பீர் ரகுமான் என்பவரின் வீட்டில் என்.ஐ.ஏ சோதனை நடைபெற்றுவருகிறது. கோவையில் மட்டும் 20 இடங்களில் என்.ஐ.ஏ அதிகாரிகள் சோதனை மேற்கொண்டுவருகிறார்கள். குறிப்பாக, உக்கடம், போத்தனூர், கரும்புக்கடை, ஜி.எம்.நகர் உள்ளிட்ட பகுதிகளில் சோதனை நடைபெற்றுவருகிறது.
http://dlvr.it/Sw9whj

Read More

Tamil News Today Live: ``என்னுடைய மிகப்பெரும் சக்தி என் மனைவி துர்காதான்!'' - காஞ்சிபுரத்தில் முதல்வர் ஸ்டாலின் பேச்சு

``என்னுடைய மிகப்பெரும் சக்தி என் மனைவி துர்கா!'' - ஸ்டாலின் தமிழக மக்கள் அனைவரும் பெரிதும் எதிர்பார்த்துக்கொண்டிருந்த கலைஞர் மகளிர் உரிமைத்தொகை திட்டத்தை காஞ்சிபுரத்தில் தொடங்கிவைத்தார் முதலமைச்சர் மு.க.ஸ்டாலின். இதைத் தொடர்ந்து செய்தியாளர்களிடத்தில் பேசிய அவர், ``என்னுடைய சரிபாதி என் மனைவி துர்கா அவர்கள். என் வாழ்வில் எத்தனையோ மேடு பள்ளங்கள் இருந்திருக்கின்றன. எல்லா நேரங்களிலும் எனக்கு உற்ற துணையாக, என்னுடைய மிகப்பெரும் சக்தியாக இருப்பது என் மனைவிதான். கருணை மிகுந்த தாய். தூணாக விளங்கும் மனைவி. தன்னம்பிக்கை கொண்ட மகள். இந்த மூன்றும் எனக்கு கிடைத்திருக்கிறது. நான் மிகவும் கொடுத்து வைத்தவன். இதே போன்ற பேருள்ளம் கொண்டவர்கள்தான் மகளிர் அனைவரும்'' என்றார். கலைஞர் மகளிர் உரிமைத்தொகை திட்டம்: கடந்த சட்டப்பேரவைத் தேர்தலின்போது தி.மு.க தேர்தல் அறிக்கையில், மகளிருக்கு மாதம் ரூ.1,000 வழங்கும் மகளிர் உரிமைத்தொகை திட்டத்தை முதல்வர் ஸ்டாலின் அறிவித்தார். தி.மு.க ஆட்சிப் பொறுப்புக்கு வந்தது முதல், இந்தத் திட்டம் குறித்த எதிர்பார்ப்பு அதிகரித்தது. தமிழ்நாட்டில் இந்தத் திட்டம் அறிவிக்கப்பட்டதற்குப் பின்னர் அறிவிக்கப்பட்ட, புதுச்சேரியிலும், கர்நாடகாவிலும் இந்தத் திட்டம் அமல்படுத்தப்பட, தமிழ்நாட்டில் இந்தத் திட்டம் எப்போது அறிமுகம் செய்யப்படும் என்ற எதிர்பார்ப்பு மேலும் அதிகரித்தது. கலைஞர் மகளிர் உரிமைத் தொகை இந்த நிலையில்தான் இந்தத் திட்டத்துக்கு இந்த ஆண்டு ரூ.7,000 கோடி ஒதுக்கப்பட்டிருக்கிறது. பின்னர், `தகுதியான பெண்கள் என கணக்கெடுக்கப்பட்டு, இந்தத் திட்டம் செப்டம்பர் 15 முதல் செயல்படுத்தப்படும்' என அறிவிக்கப்பட்டது. அதன்படி காஞ்சிபுரத்தில் கலைஞர் மகளிர் உரிமைத்தொகை திட்டத்தை முதல்வர் மு.க.ஸ்டாலின் இன்று தொடங்கிவைக்கிறார்.முதலமைச்சர் ஸ்டாலின் காஞ்சிபுரம் பச்சையப்பன் ஆடவர் கல்லூரி வளாகத்தில் இன்று நடைபெறும் விழாவில் முதல்வர் ஸ்டாலின் இந்தத் திட்டத்தைத் தொடங்கிவைக்கிறார். இந்த நிகழ்ச்சிக்காக 10,000 பயனாளிகள் அழைக்கப்பட்டிருக்கின்றனர். அமைச்சர்கள், எம்.எல்.ஏ-க்களும் விழாவில் பங்கேற்கின்றனர். சென்னையில், இளைஞர் நலன் மற்றும் விளையாட்டு மேம்பாட்டுத்துறை அமைச்சர் உதயநிதி ஸ்டாலின் சேப்பாக்கம்-திருவல்லிக்கேணி சட்டமன்றத் தொகுதிக்குட்பட்ட தேனாம்பேட்டை மண்டலம், ராயப்பேட்டை, ஒய்.எம்.சி.ஏ மைதானத்தில் தொடங்கிவைக்கிறார். மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் கோடம்பாக்கத்திலும், இந்து சமயம் மற்றும் அறநிலையத்துறை அமைச்சர் பி.கே.சேகர் பாபு கொளத்தூரிலும் இந்தத் திட்டத்தைத் தொடங்கிவைக்கிறார்கள். மாவட்டங்களில் நடக்கும் நிகழ்ச்சிகளில் எம்.எல்.ஏ-க்கள் அமைச்சர்கள் கலந்துகொள்ளவிருக்கிறார்கள்.
http://dlvr.it/Sw7K55

Read More

கரூர்: 'மழைக்காலத்தில் 10 கிலோமீட்டர் சுத்தி பயணிக்கிறோம்!' - மக்களை வதைக்கும் 25 வருடப் பிரச்னை

"ஒரு வருஷம், இரண்டு வருஷம் இல்லை. கடந்த 35 வருஷங்களாக சாலை வசதி கேட்டு, நூற்றுக்கணக்கான மனுக்களை அரசுக்குக் கொடுத்துப் பார்த்துவிட்டோம். எல்லா மக்கள் பிரதிநிதிகள்கிட்டயும் மன்றாடிப் பார்த்துவிட்டோம். ஆனால், எங்க ஊர்ல சாலை வசதி செய்து தரவில்லை. இதனால், மழைக்காலத்தில் 10 கிலோமீட்டர் சுத்திப் போக வேண்டியிருக்கிறது. இதனால் பள்ளி, கல்லூரி மாணவர்கள் பாதிக்கப்படுகின்றனர். எங்கள் பிரச்னைக்கு எப்போதுதான் தீர்வு வரும்?" என்று வெடிக்கிறார்கள் மக்கள்.மண்சாலை ஒரே வாரத்தில் பெயர்ந்து வந்த சாலை; ஆக்‌ஷன் எடுத்த ஆட்சியர்- சாலையைப் பெயர்த்து புதிதாகப் போடும் நிலை கரூர் மாவட்டம், கிருஷ்ணராயபுரம் சட்டமன்றத் தொகுதிக்குட்பட்ட பழைய ஜெயங்கொண்டம் பேரூராட்சியில் உடையகுளத்துப்பட்டியிலிருந்து மலப்பட்டி வரை சுமார் 600 மீட்டர் மண் சாலை அமைந்திருக்கிறது. இந்தச் சாலை அமைந்திருக்கும் பகுதியில் சுமார் 30-க்கும் மேற்பட்ட குடும்பங்கள் வசித்துவருகின்றன. இவர்கள் அனைவரும் வாழ்வாதாரத்துக்காக காய்கறி வியாபாரம் செய்தும், அருகிலுள்ள ஊர்களுக்கு கூலி வேலைக்குச் சென்றும் வருகின்றனர். மண்சாலை இந்த நிலையில், கடந்த 25 வருடங்களுக்கு மேலாக இந்தச் சாலையானது மண்பாதையாகவே பயன்படுத்தப்பட்டு வருகிறது. மேலும், இந்தச் சாலை உடையகுளத்தப்பட்டியிலிருந்து மலப்பட்டி வரை குறுகியதாக 600 மீட்டர் தூரத்தில் அமைந்திருக்கிறது. இதனால், வேலைக்குச் சென்று வருபவர்கள், மலப்பட்டி அரசுப் பள்ளிக்குச் செல்லும் மாணவ, மாணவிகள் விரைவாக சென்று வர இந்தப் பாதையைப் பயன்படுத்தி வருகின்றனர். இது பற்றி, நம்மிடம் பேசிய அந்தப் பகுதியைச் சேர்ந்த பெண்கள் சிலர், "மழைக்காலத்தில் இந்தச் சாலைகளில் மண்ணரிப்பு ஏற்பட்டும், மழைநீர் தேங்கியும் காணப்படுவதால் இந்தச் சாலையைப் பயன்படுத்த முடியாத நிலையில் நாங்கள் இருக்கிறோம். மாணவ, மாணவிகள் பள்ளி, கல்லூரிகளுக்குச் செல்ல சிரமப்படுகின்றனர். மழைக்காலத்தில் நாங்கள் முனையனூர், தாராபுரத்துனூர், சேங்கல் உள்ளிட்ட ஊர்களின் வழியாக சுமார் 10 கிலோமீட்டர் தூரம் வரை சுற்றிச் செல்ல வேண்டிய சூழ்நிலையில் இருக்கிறோம். ஆனால், இந்தச் சாலையைச் சீரமைத்து தார் சாலை அமைத்தால் மலப்பட்டி, மாயனூர், கரூர் ஆகிய பகுதிகளுக்குச் செல்பவர்கள் இந்த வழியாக சீக்கிரம் செல்ல முடியும். ஆனால், மழைக்காலத்தில் கூடுதலாக 10 கிலோமீட்டர் சுற்றி செல்ல வேண்டியிருக்கிறது. மக்கள் மழைக்காலத்தில் இந்தப் பாதையில் பள்ளி மாணவ, மாணவிகள் செல்லும்போது மண்ணரிப்பு ஏற்பட்ட பள்ளங்களில் கீழே விழுந்து வருகின்றனர். அதோடு, இடையில் குறுக்கிடும் சிறு வாய்க்காலில் தண்ணீர் வரும்போது, இந்தப் பாதையைக் கடக்க முடியாது. அதனால், இது குறித்து கடந்த 25 ஆண்டுகளாக பேரூராட்சி நிர்வாகம், மாவட்ட நிர்வாகம் ஆகியவற்றுக்கு கோரிக்கை மனு அளித்தும் எந்தவித நடவடிக்கையும் மேற்கொள்ளவில்லை. தற்போது மழைக்காலம் தொடங்கவிருக்கிறது. அதனால், வரும் மழைக்காலத்துக்குள் சாலை அமைக்க நடவடிக்கை எடுக்க வேண்டும். இல்லையெனில், நாங்கள் அனைவரும் எங்களது குடும்ப அட்டை, வாக்காளர் அடையாள அட்டை, ஆதார் அட்டையை தமிழக அரசிடம் திரும்ப ஒப்படைப்போம். எனவே, கரூர் மாவட்ட நிர்வாகம், பேரூராட்சி நிர்வாகம் விரைந்து நடவடிக்கை எடுக்க தமிழக அரசு உத்தரவிட வேண்டும்" என்று கோரிக்கை விடுத்தனர்.
http://dlvr.it/Sw7Js4

Read More

`இந்தியாவின் பெயரை `பாரத்' என மாற்ற திட்டமிடுவது சரியா?' - விகடன் கருத்துக்கணிப்பு முடிவு

டெல்லியில் கடந்த 9,10 ஆகிய தேதிகளில் `G20' மாநாடு நடைபெற்றது. இதில் உலக நாடுகளின் தலைவர்கள், பிரதிநிதிகள் பங்கேற்றனர். இந்த மாநாட்டில் கலந்துகொள்ள வந்த உலகத் தலைவர்களுக்கு இரவு விருந்து ஏற்பாடு செய்யப்பட்டது. அது தொடர்பான அழைப்பிதழில் இந்திய குடியரசுத் தலைவர் என்பதற்கு பதிலாக `பாரதத்தின் குடியரசுத் தலைவர்' எனக் குறிப்பிடப்பட்டது. அதைத் தொடர்ந்து, பிரதமர் வெளிநாட்டுப் பயண அறிவிப்பிலும், G20 மாநாட்டில் பிரதமர் இருக்கையிலும் `பாரத்' என்றே குறிப்பிடப்பட்டது.விகடன் கருத்துக்கணிப்பு மத்திய அரசின் இந்த நடவடிக்கைக்கு காங்கிரஸ் உள்ளிட்ட பல்வேறு கட்சிகள் கடும் எதிர்ப்பு தெரிவித்தன. இது குறித்து காங்கிரஸ் கட்சியின் அமைப்பு பொதுச்செயலாளர் கே.சி.வேணுகோபால், ``பா.ஜ.க-வின் நாசகார புத்தியால் மக்களை எப்படிப் பிரிப்பது என்றுதான் சிந்திக்க முடியும். இந்தியர்களுக்கும் பாரதியர்களுக்கும் இடையே மீண்டும் பிளவை உருவாக்குகிறார்கள். நாம் தெளிவாக இருப்போம்... நாம் ஒருவரே. அரசியல் சாசனத்தின் பிரிவு-1, இந்தியா, அதாவது பாரதம், மாநிலங்களின் ஒன்றியமாக இருக்கும் எனக் கூறுகிறது. இந்தியா கூட்டணியைக் கண்டு அவர்கள் அச்சப்படுவதால், இது போன்ற அற்ப அரசியலைச் செய்கிறார்கள். பிரதமர் மோடி, உங்களால் என்ன முடியுமோ, அதைச் செய்யுங்கள். ஆனாலும், பாரதம் இணையும்... இந்தியா வெல்லும்" எனத் தெரிவித்தார். இந்த நிலையில், நமது விகடன் வலைதளப் பக்கத்தில் இந்தியாவின் பெயரை பாரத் என மாற்ற மத்திய அரசு திட்டமிடுவது குறித்து கருத்துக்கணிப்பு நடத்தினோம். அதில் சரி என்றும், தவறு என்றும், கருத்து இல்லை என்றும் மூன்று விருப்பத் தேர்வுகளையும் கொடுத்திருந்தோம்.விகடன் கருத்துக்கணிப்பு முடிவு அதன் முடிவில் இந்தியாவின் பெயரை `பாரத்' என மாற்ற மத்திய அரசு திட்டமிடுவது.... சரி என 25 சதவிகித வாசகர்களும், தவறு என 68 சதவிகித வாசகர்களும், கருத்து இல்லை என 7 சதவிகித வாசகர்களும் வாக்களித்திருக்கிறார்கள். இதேபோல் விகடன் வலைதளப் பக்கத்தில் தற்போது நடந்துவரும் கருத்துக்கணிப்பில், ``தி.மு.க ஆட்சியில் போதைப்பொருள்கள் பயன்பாடு, கொலை, கொள்ளை, வழிப்பறி, பாலியல் வன்கொடுமை, அதிகரித்திருப்பாக எடப்பாடி பழனிசாமி முன்வைக்கும் குற்றச்சாட்டு" குறித்த உங்களின் கருத்தை தெரிவிக்க
https://www.vikatan.com/ இந்த லிங்க்கை க்ளிக் செய்யவும்.`ஒரே நாடு, ஒரே தேர்தல்': `தேவையா... தேவையில்லையா?' - மக்கள் கூறுவதென்ன? | விகடன் கருத்துக்கணிப்பு
http://dlvr.it/Sw4Zvg

Read More

மேற்கு வங்கம்: மத்திய அமைச்சரை அலுவலகத்துக்குள் வைத்துப் பூட்டிய தொண்டர்கள் - காரணம் என்ன?!

மேற்கு வங்க மாநிலம், பங்குரா தொகுதியிலிருந்து மத்திய அமைச்சராகத் தேர்ந்தெடுக்கப்பட்டவர் சுபாஸ் சர்க்கார். மத்திய கல்வி அமைச்சகத்தில் இணை அமைச்சராக இருக்கிறார். இந்த நிலையில், பங்குராவில் இருக்கும் பா.ஜ.க அலுவலகத்தில், நேற்று மதியம் ஒரு மணியளவில் நடந்த ஒரு கூட்டத்தில் கலந்துகொண்டார். அவர் அலுவலகத்துக்குள் தொண்டர்களுடன் உரையாடிக்கொண்டிருந்தபோது, தொண்டர்களின் ஒரு குழு அலுவலகத்தைவிட்டு வெளியேறி, மத்திய அமைச்சர் சுபாஸ் சர்க்காரை உள்ளே வைத்து அலுவலகத்தைப் பூட்டிவிட்டார்கள். With each passing day, @BJP4Bengal is crumbling as infighting is reaching its peak! In Bankura, vehement clashes erupted, & BJP workers locked Union Minister Subhas Sarkar in the party office. While unity within the party is a myth, BJP is truly a shining example of a weak… pic.twitter.com/Tu90BpQSZ7— All India Trinamool Congress (@AITCofficial) September 12, 2023 மேலும், அவருக்கு எதிராக கோஷம் எழுப்பினர். இதற்கான காரணம் குறித்து மத்திய அமைச்சருக்கு எதிரானவர்களின் குழுவில் இருந்தவரான மோஹித் ஷர்மா, "கட்சியில் அர்ப்பணிப்புடன் வேலை செய்யும் தொண்டர்களுக்கு முக்கியத்துவம் கொடுக்கப்படுவதில்லை. எங்களில் சிலர் தீவிரமாக வேலை செய்துவருகிறோம். கட்சியைக் காப்பாற்ற போராட்டம் நடத்துகிறோம். ஆனால், மத்திய அமைச்சரின் திறமையின்மையால் இந்த முறை, பா.ஜ.க-வுக்கு பங்குரா நகராட்சியில் எந்த இடத்திலும் வெற்றி கிடைக்கவில்லை. முந்தைய தேர்தலில் பா.ஜ.க இரண்டு வார்டுகளை வென்றது. தனக்கு நெருக்கமானவர்களை மாவட்டக் குழு உறுப்பினர்களாக ஆக்குகிறார். அவர்களாலும் எந்தப் பயனும் இல்லை" என்றும் குற்றம்சாட்டினார். இதற்கிடையில், மற்றொரு குழு பா.ஜ.க தொண்டர்கள் அந்த இடத்துக்கு வந்தனர். இதில் இரு தரப்பினருக்குமிடையே கைகலப்பு ஏற்பட்டது. காவல்துறை அதிகாரிகள் பா.ஜ.க அலுவலகத்துக்குச் சென்று அமைச்சரை மீட்டிருக்கிறார்கள். இந்த சம்பவம் குறித்துப் பேசிய பா.ஜ.க மாநிலச் செய்தித் தொடர்பாளர் சாமிக் பட்டாச்சார்யா, "பா.ஜ.க போன்ற ஒழுக்கமான கட்சியில் இது போன்ற சம்பவங்கள் ஏற்றுக்கொள்ள முடியாதவை. சுபாஸ் சர்க்கார் ஏதேனும் குறைகள் இருந்தால், அவற்றை சரியான இடத்தில் முறையிட வேண்டும். இந்தச் சம்பவம் குறித்து விசாரித்து, சம்பந்தப்பட்டவர்கள் மீது நடவடிக்கை எடுக்கப்படும். மேலும், மத்திய அமைச்சர் சுபாஷ் சர்க்காருக்கு மாவட்ட அமைப்பில் எந்தத் தொடர்பும் கிடையாது. இந்தக் குழப்பமும், அவர் மீதான குற்றச்சாட்டும் தவறான புரிதலால் வந்தவை" என விளக்கமளித்திருக்கிறார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiYG20: ``நாட்டின் 60% மக்களின் தலைவரை பாஜக மதிக்கவில்லை" - அழைக்கப்படாத கார்கே... சாடிய ராகுல்!
http://dlvr.it/Sw1pGZ

Read More

`உங்க ஆட்சியில் கஞ்சா, பாலியல் தொழில் கொடிகட்டிப் பறக்குது’ - புதுச்சேரி முதல்வரிடமே திமுக புகார்

புதுச்சேரி தி.மு.க எம்.எல்.ஏ சிவா முதல்வர் ரங்கசாமியை சந்தித்து மனு ஒன்றை அளித்தார். அதில், புதுச்சேரியில் தற்போது கஞ்சா, பாலியல் தொழில் அதிகரித்துவிட்டதாகக் குற்றம்சாட்டியிருக்கிறார். அவர் தனது புகார் மனுவில், ``ஆன்மிகம், சுற்றுலாவுக்குப் புகழ்பெற்ற புதுச்சேரி மாநிலத்தில் என்.ஆர்.காங்கிரஸ் - பா.ஜ.க கூட்டணி அரசு பொறுப்பேற்றதிலிருந்து தாராளமாக கஞ்சா தடையின்றி விற்கப்படுவதும், கஞ்சா பழக்கத்துக்கு இளைஞர்கள், மாணவர்கள் அடிமையாகி, போதையிலிருந்து மீள முடியாமல், சமூக விரோதிகளாக மாறுவதும் நாளுக்கு நாள் அதிகரித்தபடி இருக்கின்றன. இதில் சிறார்கள் பெருமளவு அடிமையாகி தங்கள் வாழ்க்கையை சீரழித்து வருகின்றனர் என்பதும், தினம்தோறும் நாளிதழ்களில் அது குறித்து வரும் செய்திகளுமே அதற்குச் சான்றாக இருக்கிறது. அதேபோல் ரெஸ்டோ பார்கள், மசாஜ், ஸ்பா சென்டர்களின் எண்ணிக்கையும் நாளுக்கு நாள் அதிகரிப்பதால், வார இறுதி நாள்களில் சுற்றுலாப் பயணிகளைக் குறிவைத்து இணையதளங்கள் மூலமாகவும், புரோக்கர்கள் மூலமாகவும் பாலியல் தொழிலும் கொடிகட்டிப் பறக்கிறது. புதுச்சேரி அரசு புதுச்சேரிக்குச் சென்றால் மதுபானம் குடித்துவிட்டு, மசாஜ் சென்டரில் மஜாவாக இருக்கலாம் என்ற நிலை ஏற்பட்டிருக்கிறது. இதன் காரணமாக வார இறுதி நாள்களில் உள்ளூர் மக்கள் குறிப்பாக, குடும்பப் பெண்கள் வீட்டைவிட்டு வெளியே வர முடியாத நிலை ஏற்பட்டிருக்கிறது. வெளிநாடு மற்றும் வெளிமாநில சுற்றுலாப் பயணிகள் அச்சமடைந்திருக்கின்றனர். புதுச்சேரியை இவையெல்லாம் சீரழிப்பது போதாது என்று, பல்வேறு பகுதிகளில் சூதாட்ட கிளப்புகள் அமைக்கும் பணியில் ஆளும் கட்சியின் துணையுடன் பெருமுதலாளிகள் களத்தில் இறங்கியிருப்பதாகத் தகவல்கள் வருகின்றன. ஏற்கெனவே ஏனாம் பிராந்தியத்தில் சட்டத்துக்கு விரோதமாக ’ராயல் ஏனாம் ரெக்ரேஷன் கிளப்’ மற்றும் ’விட்டல் ஏனாம் ஸ்போர்ட்ஸ் கிளப்’ என 10–க்கும் மேற்பட்ட கிளப்புகள் பொதுமக்கள், தொழில் நிறுவனங்கள் மிகுந்த பகுதியில் செயல்படுகின்றன. அதனால் கர்நாடகா, ஆந்திரா, கேரளா, ஒடிசா, தமிழ்நாடு போன்ற மாநிலங்களைச் சேர்ந்த சமூக குற்றவாளிகள் ஏனாமுக்கு தினம்தோறும் படையெடுப்பதாகவும், நாளொன்றுக்கு ரூ.100 கோடி அளவுக்கு சூதாட்டம் நடப்பதாகவும் தகவல்கள் வருகின்றன. இந்த கிளப்புகள் மூலம் சட்டம்-ஒழுங்கு பிரச்னை ஏற்படுவதாகக் கூறி அந்தத் தொகுதி சட்டமன்ற உறுப்பினர், முன்னாள் அமைச்சர் ஆகியோர் துணைநிலை ஆளுநர், முதல்வர் ஆகியோரிடம் மனு அளித்திருக்கின்றனர். ஆனால், இதுவரை அவற்றின்மீது எந்தவித நடவடிக்கையும் எடுக்கப்படவில்லை. காவல்துறை ஆய்வு நடத்த உயர்நீதி மன்றம் தடை பெற்றிருப்பதால், சூதாட்ட உரிமையாளர்கள் தைரியமாக நடத்துகின்றனர். மாவட்ட நிர்வாகமும் அமைதியாக இருப்பதைப் பார்த்தால், உயர் பதவியில் இருப்பவர்களுக்கு மாதம்தோறும் கையூட்டு வழங்கப்படுவது உறுதியாகத் தெரிகிறது. சூதாட்ட கிளப் மூலம் பெரும் பணத்தைப் பார்த்த உயரதிகாரிகள்தான், புதுச்சேரியிலும் சூதாட்ட கிளப்புகளை அமைக்கும் பணிகளில் ஆர்வமாக இருக்கின்றனர்.`கஞ்சா - போதை - கொலை’ - திமுக ஆட்சியில் கேள்விக்குறியாகிறதா சட்டம்-ஒழுங்கு! - ஒர் அலசல் ஏற்கெனவே நெருக்கடியில் சிக்கித் தவிக்கும் புதுச்சேரியில் கஞ்சா, பாலியல் தொழில் போன்ற சமூக விரோதச் செயல்களுடன் சூதாட்டமும் சேர்ந்தால், கறுப்பு மாநிலமாக மாறிவிடுமோ என்று அச்சம் எழுந்திருக்கிறது. எனவே புதுச்சேரி மாநில மக்களின் நலன்கருதி, இது போன்ற சமூக விரோதச் செயல்களைச் சட்டம் இயற்றி அடக்கி ஒடுக்க வேண்டும். அப்போதுதான் மக்களுக்கு இந்த அரசுமீது நம்பிக்கை ஏற்படும். வெளிநாடு மற்றும் வெளி மாநிலங்களைச் சேர்ந்த சுற்றுலாப் பயணிகள் அச்சம் களைந்து புதுச்சேரிக்கு வருவார்கள். இந்தச் சட்டம் இயற்றுவதற்கு ஒன்றிய உள்துறையிடம் அனுமதிபெறத் தேவையில்லை என நினைக்கிறேன். எனவே, இந்தச் சட்டம் இயற்றுவதற்கு தலைமைச் செயலர், உள்ளாட்சித் துறைச் செயலர், நகராட்சி ஆணையர்களைக்கொண்ட சிறப்பு அமைச்சரவையை எதிர்வரும் சட்டமன்ற கூட்டத் தொடருக்குள் கூட்டி, அறிவிப்பு செய்ய வேண்டும் என புதுச்சேரி அரசை கேட்டுக்கொள்கிறேன்” என்று குறிப்பிட்டிருக்கிறார்.
http://dlvr.it/Svz3Zx

Read More

நமக்குள்ளே... காலை உணவுத் திட்டம்... நாளைய தலைமுறைக்கான முதலீடு!

நமக்குள்ளே
http://dlvr.it/Svz3QX

Read More

மாற்றுத்திறனாளியின் கோரிக்கையை நிறைவேற்ற கால அவகாசம் கேட்ட அதிகாரி; நூதன முறையில் கண்டித்த ஆட்சியர்!

விருதுநகர் மாவட்ட ஆட்சியர் அலுவலகத்தில் திங்கள்கிழமைதோறும், மாவட்ட ஆட்சியர் ஜெயசீலன் தலைமையில் மக்கள் குறைதீர் கூட்டம் நடைபெற்று வருகிறது. இதில் கலந்துகொண்டு ஏராளமான மக்கள் தங்களது கோரிக்கைகளை வலியுறுத்தி, மாவட்ட ஆட்சியரிடம் மனு அளித்து வருகின்றனர். இவ்வாறு பெறப்படும் மனுக்கள்மீது அதிகபட்சம் ஏழு நாள்களுக்குள் நடவடிக்கை எடுத்து அறிக்கை அளிக்குமாறு மாவட்ட ஆட்சியர் ஜெயசீலன் அதிகாரிகளுக்கு உத்தரவிட்டிருக்கிறார். அதன்படி கடந்த வாரம் திங்கள்கிழமை நடந்த மக்கள் குறைதீர் கூட்டத்தில் சாத்தூர் சுற்றுவட்டாரத்தைச் சேர்ந்த மாற்றுத்திறனாளி ஒருவர் கலந்துகொண்டு, மாவட்ட ஆட்சியர் ஜெயசீலனிடம் மனு அளித்திருந்தார். இந்த மனுவை பரிசீலித்த ஆட்சியர், மாற்றுத்திறனாளி நபர் அளித்த மனுமீது உடனடி நடவடிக்கை எடுக்குமாறு சாத்தூர் வட்டார வளர்ச்சி அலுவலருக்கு உத்தரவிட்டிருக்கிறார். அதன்படி மனுமீது விசாரணை நடத்திய அதிகாரி, கோரிக்கைகளை நிறைவேற்றுவதற்கான முதற்கட்ட பணிகளைத் தொடங்கியிருப்பதாகக் கூறப்படுகிறது. ஒரு வாரம் கடந்த நிலையில், மாவட்ட ஆட்சியர் அலுவலகத்தில் இன்று மீண்டும் மக்கள் குறைதீர் கூட்டம் நடைபெற்றது. இதில் கலந்துகொண்ட சாத்தூர் வட்டார வளர்ச்சி அலுவலரிடம், கடந்த வாரம் அளித்த மனுவின்மீதான நிலை குறித்து மாவட்ட ஆட்சியர் ஜெயசீலன் கேட்டிருக்கிறார். அதற்கு விளக்கமளித்த அதிகாரி, `கோரிக்கையை நிறைவேற்றிட இன்னும் ஏழு நாள்கள் மட்டும் அவகாசம் தாருங்கள்' என மாவட்ட ஆட்சியர் ஜெயசீலனிடம் கோரிக்கை வைத்தார்.ஆட்சியர் ஜெயசீலன் பதிலைக்கேட்டு சிரித்துக்கொண்ட மாவட்ட ஆட்சியர், மனுமீதான தாமத நடவடிக்கையைக் கண்டிக்கும்விதமாக அதிகாரிக்கு நூதன முறையில் நினைவூட்டல் வழங்கி உத்தரவிட்டிருக்கிறார். அதன்படி, விருதுநகர் மாவட்ட ஆட்சியர் அலுவலகத்தில் திங்கள்கிழமைதோறும் மக்கள் குறைதீர் கூட்டத்தில் கலந்துகொள்ள வரும் மாற்றுத்திறனாளிகள் மற்றும் முதியவர்களுக்கு வழங்கப்படும் உணவுக்கான மொத்த செலவையும் சொந்தப் பணத்தில் ஏற்றுக்கொள்ள வேண்டும். கோரிக்கைகளை நிறைவேற்றிக் கொடுக்கும்வரை இதைப் பின்பற்ற வேண்டும் என வட்டார வளர்ச்சி அலுவலருக்கு நூதன முறையில் நினைவூட்டல் வழங்கி உத்தரவிட்டிருக்கிறார்.ஆட்சியர் அலுவலகம் இது குறித்து மாவட்ட ஆட்சியர் அலுவலக அதிகாரிகளிடம் விசாரித்தபோது, "ஒவ்வொரு வாரமும் மாற்றுத்திறனாளிகள் மற்றும் முதியவர்களுக்காக சமூக பொறுப்பு நிதியின்கீழ் அன்னதானம் வழங்கப்படுகிறது. இதற்காக ஆட்சியர் அலுவலக வளாகத்திலேயே சிறப்பு இடவசதியும் ஏற்பாடு செய்யப்பட்டிருக்கிறது. ஒருவேளை, அன்னதானத்தில் கலந்துகொண்டு உணவருந்த முடியாதவர்கள் யாரேனும் இருப்பின் அவர்களுக்கு, ஆட்சியர் அலுவலக வளாகத்தில் செயல்படும் ஹோட்டலில் சென்று சாப்பிட 'சாப்பாடு டோக்கன்' வழங்கப்படுகிறது. சுமார் 6 வாரங்களுக்கு முன்பிருந்தே இந்தத் திட்டம் நடைமுறையில் இருக்கிறது" என்றனர்.'இது ஆஸ்பத்திரியா.. நானே மருத்துவர், என்கிட்டேயே கதைவிடுறீங்க?'- அரசு மருத்துவர்களை விளாசிய ஆட்சியர்
http://dlvr.it/Svz3P4

Read More

``அது அதிமுக மாவட்டச் செயலாளர்கள் கூட்டம் அல்ல; அது ஒரு கும்பல்!" - ஓ.பி.எஸ் விமர்சனம்

மதுரையில், தனது ஆதரவாளர் இல்லத் திருமண விழாவில் கலந்துகொண்ட முன்னாள் முதல்வர் ஓ.பன்னீர்செல்வம் செய்தியாளர்களிடம் பேசினார். அப்போது அவர், "காஞ்சிபுரத்தில் தொடங்குவதாக இருந்த ரத்தான புரட்சிப் பயணத்தை தொண்டர்களின் விருப்பத்தின்படி விரைவில் தொடங்கவிருக்கிறேன்" என்றவர், ஓ.பன்னீர்செல்வம் "சனாதனம் குறித்த பிரச்னைக்கு ஏற்கெனவே முழுமையான அறிக்கை கொடுக்கப்பட்டிருக்கிறது" என்றார். "எடப்பாடி பழனிசாமி தலைமையில் அ.தி.மு.க மாவட்டச் செயலாளர்கள் கூட்டம் நடைபெறுகிறதே" என்ற கேள்விக்கு, "இன்று நடைபெறுவது அ.தி.மு.க மாவட்டச் செயலாளர்கள் கூட்டம் அல்ல. அது ஒரு கும்பல்" என்றவர், "இறையாண்மை போற்றும் ஒரே ஆட்சி, தி.மு.க ஆட்சி என்ற மு.க.ஸ்டாலின் கூறுவதையெல்லாம் ஒரு கருத்தாகவே எடுத்துக்கொள்ளக் கூடாது" என்றார்.ஓ.பி.எஸ் "இந்தியாவுக்கு பாரத் என்ற பெயர் மாற்றத்துக்கு தாங்கள் ஆதரவா?" என்ற கேள்விக்கு "பெயர் மாற்றம் குறித்து இன்னும் முறையான அரசாணை வெளியிடப்படவில்லை. முழுமையான அறிவிப்பு வந்த பிறகு அது குறித்துப் பேசலாம்" என்றார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY">
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiY">
https://bit.ly/3PaAEiY
http://dlvr.it/SvwPCx

Read More

கார்ட்டூன்

கார்ட்டூன்
http://dlvr.it/SvwP4m

Read More

நெல்லை: குடிநீர் கிடைப்பதில் சிக்கல்; காலிக் குடங்களை மரத்தில் தொங்கவிட்ட கிராம மக்கள்!

நெல்லை மாவட்டம், பருத்திப்பாடு பஞ்சாயத்துக்கு உட்பட்டது ஆணைபுரம் கிராமம். விவசாயம் மற்றும் கூலி வேலை செய்யும் மக்கள் வசிக்கும் இந்த கிராமத்தில், 500-க்கும் அதிகமான மக்கள் வசிக்கிறார்கள். இந்த கிராமத்துக்கு குடிநீர் கிடைப்பதில் சிக்கல் இருப்பதாகக் கூறப்படுகிறது. அதாவது, 15 நாள்கள் முதல் 20 நாள்களுக்கு ஒரு முறை மட்டுமே குடிநீர் வருவதாக பொதுமக்கள் தெரிவிக்கிறார்கள். எப்போதாவது கிடைக்கும் குடிநீரும் போதுமான அளவில் கிடைப்பதில்லை என ஆணைகுளம் கிராம மக்கள் குற்றம்சாட்டுகிறார்கள். குடிநீருக்காக பொதுமக்கள் காத்துக்கிடக்கும் நிலை இருப்பதாகத் தெரிவிக்கும் கிராமத்தினர், இது தொடர்பாக பலமுறை அதிகாரிகளிடம் முறையிட்டும் குடிநீர் விநியோகத்தை முறைப்படுத்த எந்த நடவடிக்கையும் எடுக்கப்படவில்லை என புகார் தெரிவிக்கிறார்கள். அதிகாரிகளை நேரில் சந்தித்து பலமுறை வலியுறுத்தியும் சீரான குடிநீர் விநியோகம் செய்யப்படாததால் அதிருப்தியடைந்த பொதுமக்கள், இன்று தங்கள் கிராமத்தின் நடுவில் ஊருக்குப் பொதுவான இடத்தில் உள்ள ஆலமரத்தில் காலிக் குடங்களை தூக்கில் தொங்கவிடுவதுபோல கட்டித் தொங்க வைத்தனர். சாலையோரத்தில் இருந்த சாலையில் பல வண்ணங்களில் காலிக் குடங்கள் தொங்கவிடப்பட்டு இருந்ததால், அந்த வழியாகச் சென்றவர்கள் ஆச்சர்யத்துடன் பார்த்தபடி பயணித்தனர். பொதுமக்களின் இந்த போராட்டம் அப்பகுதியில் பரபரப்பை ஏற்படுத்திய போதிலும், அரசு அதிகாரிகள் ஒருவரும் எட்டிக்கூட பார்க்கவில்லை என கிராம மக்கள் அதிருப்தி தெரிவித்தனர். இது குறித்து பேசிய கிராமத்து பெண்கள், "எங்கள் கிராமத்துக்கு குடிநீர் விநியோகம் 15 அல்லது 20 நாள்களுக்கு ஒருமுறை மட்டுமே கிடைக்கிறது. குடிநீர் கோரி ஆட்சியரிடமும் யூனியன் அலுவலகத்திலும் அதிகாரிகளை நேரில் சந்தித்து பலமுறை மனு அளித்தும், இதுவரை எந்த நடவடிக்கையும் எடுக்கப்படவில்லை. எந்த அதிகாரியும் எங்களுக்கு குடிநீர் கிடைக்க நடவடிக்கை எடுக்கவில்லை. அதனால் சில வாரங்களுக்கு முன்பு கிராம மக்கள் அனைவரும் திரண்டு சாலைமறியலில் ஈடுபட்டனர். நாங்கள் போராட்டம் நடத்தியபோது நாங்குநேரி வட்டார வளர்ச்சி அலுவலர்கள் மற்றும் போலீஸார் நேரில் வந்து பேச்சுவார்த்தை நடத்தினார்கள். ஆணைபுரம் கிராமத்துக்கு சீரான குடிநீர் கிடைக்க உடனடியாக நடவடிக்கை எடுப்பதாக அதிகாரிகள் உறுதி அளித்ததால் போராட்டத்தைக் கைவிட்டோம். ஆனாலும் இரண்டு மாதங்கள் ஆகியும் இதுவரை எங்களுக்கு குடிநீர் கிடைக்கவில்லை. நாங்கள் எத்தனையோ முறை அதிகாரிகளிடம் மன்றாடிப் பார்த்துவிட்டோம். ஆனால் எங்களின் குடிநீர் பற்றாக்குறையைத் தீர்க்க அதிகாரிகள் எதுவும் செய்யவில்லை. அதனால்தான் எங்களின் எதிர்ப்பைத் தெரிவிப்பதற்காக காலிக் குடங்களை மரத்தில் கயிறு கட்டி தொங்கவிட்டோம். எங்கள் கிராமத்தில் ஜல்ஜீவன் மிஷன் திட்டத்தில் கடந்த ஒரு வருடத்திற்கு முன்பு வீடுகள் தோறும் குடிநீர் இணைப்பு வழங்கப்பட்டது. ஆனாலும் இன்று வரை குடிதண்ணீர் கிடைக்கவில்லை. குடிநீர் கிடைக்காமல் நாங்கள்படும் சிரமம் சொல்லி முடியாது. எப்போதாவது வரக்கூடிய தண்ணீரும் 10 முதல் 15 குடங்கள் மட்டுமே கிடைக்கிறது. கடந்த சில ஆண்டுகளுக்கு முன்பு வரையிலும் எங்கள் ஊரில் இருந்த ஆழ்துளைக் கிணறு மூலம் குடிநீர் கிடைத்து வந்தது. தற்போது அதுவும் பழுது ஏற்பட்டு விட்டதால் அதை சரிசெய்யவும் அதிகாரிகள் முன்வரவில்லை. அதனால் கடும் குடிநீர் தட்டுப்பாடு நிலவி வருகிறது. இரண்டு மாதங்கள் ஆகியும் குடிநீர் விநியோகம் செய்யப்படவில்லை. அதிகாரிகளிடம் பல்முறை வலியுறுத்தியும் நடவடிக்கை இல்லாததால் போராடும் நிலைக்குத் தள்ளப்பட்டோம். இனியாவது எங்களின் அடிப்படை வசதி கிடைக்க அதிகாரிகள் நடவடிக்கை எடுப்பார்கள் என நம்புகிறோம்" என்றார்கள். `கே.கே.எஸ்.எஸ்.ஆர்-ஐ கேளுங்க!' - குடிநீர் பிரச்னையில் அமைச்சரைக் கைநீட்டும் அருப்புக்கோட்டை ஆணையர்
http://dlvr.it/SvwP1X

Read More

``சனாதனம் குறித்து 200 ஆண்டுகளாகப் பேசுகிறோம்... இனியும் பேசுவோம்!” – அமைச்சர் உதயநிதி

கடலூர் மாவட்டம், நெய்வேலி தொகுதி தி.மு.க எம்.எல்.ஏ சபா. ராஜேந்திரன் இல்லத் திருமண விழாவில் கலந்துகொண்டு பேசிய விளையாட்டு மற்றும் இளைஞர் நலன் மேம்பாட்டுத்துறை அமைச்சர் உதயநிதி ஸ்டாலின், ``நெய்வேலி சட்டமன்ற உறுப்பினர் சபா.ராஜேந்திரனின் இல்லத் திருமண விழா ஒரு சுயமரியாதை திருமணமாகும். ஒரு மாநாட்டைப்போல திருமணம் நடந்து கொண்டிருக்கிறது. அ.தி.மு.க-வில் ஓ.பி.எஸ் அணி, இ.பி.எஸ் அணி, சசிகலா அணி, தீபா அணி, தீபா டிரைவர் அணி என பல அணிகள் இருக்கின்றன. அதுபோல் குடும்ப வாழ்க்கையில் மாமியார் அணி, நாத்தனார் அணி என பல அணிகளாகப் பிரிந்து இருக்கக்கூடிய வாய்ப்புகள் வரும். ஆனால் அதையெல்லாம் சமாளித்து மதச்சார்பற்ற முற்போக்குக் கூட்டணி மற்றும் இந்தியா கூட்டணி போன்று, மணமக்கள் இருவரும் ஒருவரை ஒருவர் புரிந்து கொண்டு சுய மரியாதையுடன் வாழ வேண்டும்.அமித் ஷா - நரேந்திர மோடி ஆணுக்கு பெண் சமம் என்று சொன்னதுதான் நம் திராவிட இயக்கம். பெண்களுக்கு சொத்தில் சம பங்கு, உள்ளாட்சித் தேர்தலில் 33 சதவிகிதம் இட ஒதுக்கீடு, கல்வி உதவித்தொகை, மகளிர் உரிமைத்தொகை, பணியில் இட ஒதுக்கீடு என பல திட்டங்களை தந்தது தி.மு.க-தான். சனாதன ஒழிப்பு மாநாட்டில் நான் கலந்துகொண்டு பேசியது ஒருநாள் செய்திதான். அதை பொய்யாக திரித்து பிரதமர் மோடியும், ஒன்றிய அமைச்சர் அமித் ஷாவும் இந்திய அளவில் பேச வைத்துவிட்டார்கள். நூறு ஆண்டுகளுக்கு முன் பெண்கள் யாரும் வெளியில் வர முடியாத சூழ்நிலை இருந்தது. மருத்துவம் படிக்க முடியாத சூழல் நிலவியது. அதனையும் மீறி படிக்க வேண்டும் என்றால் சம்ஸ்கிருதம் தெரிந்திருக்க வேண்டும். கணவன் இறந்தவுடன் உடன்கட்டை ஏறும் பழக்கமும் இருந்தது.  அவற்றையெல்லாம் உடைத்து எறிந்தது தி.மு.க-தான். அதைப்பற்றியெல்லாம் அம்பேத்கர், பெரியார், அண்ணா, கலைஞர் ஆகிய தலைவர்கள் நிறைய கருத்துகளை கூறியுள்ளனர். அவர்கள் பேசாத எதையும் நான் பேசவில்லை. ஒன்பது ஆண்டுக்கால பா.ஜ.க ஆட்சியில் இதுவரை என்ன சாதித்தீர்கள் என்று கேட்டதற்கு, இந்தியாவை மாற்றிக் காட்டுகிறேன் என்றார் பிரதமர் மோடி.  தற்போது இந்தியாவின் பெயரை பாரத் என மாற்றியுள்ளார். இதைத் தவிர வேறு எந்த திட்டங்களையும் செய்யவில்லை. சனாதனத்தை பற்றி நாங்கள் இப்போது பேசவில்லை. 200 ஆண்டுகளாகப் பேசி வருகிறோம்,சனாதன விவகாரம்: ``ஆட்சியைப் பற்றியெல்லாம் கவலையில்லை; கொள்கையின் பக்கமே நிற்போம்" - அமைச்சர் உதயநிதிதி.மு.க அமைச்சர் உதயநிதி இனியும் தொடர்ந்து பேசுவோம். திராவிடர் கழகம் ஆரம்பிக்கப்பட்டதே சனாதனத்தை ஒழித்து சமூகநீதியை நிலை நாட்டத்தான். இன்னும் நூறு ஆண்டுகள் ஆனாலும் தொடர்ந்து சனாதனத்தை ஒழிப்பதற்காக குரல் கொடுப்போம். ஜி20  மாநாடு நடைபெறும் இடத்தில் இருந்த குடிசைகளை திரைபோட்டு மூடியதுதான் மத்திய அரசின் சாதனை. ஒரு கிலோமீட்டர் சாலை போடுவதற்கு ரூ.250 கோடி செலவு செய்யப்பட்டுள்ளது. மருத்துவ காப்பீடு திட்டத்தை அறிவித்து, ரமணா திரைப்படத்தில் வருவதைப்போல இறந்தவர்களுக்கு வைத்தியம் பார்த்து பணத்தை பிடுங்கியுள்ளனர். பா.ஜ.க-வின் ஊழல்கள் ஒவ்வொன்றாக வெளிப்பட்டு வருகின்றன. அவற்றை மறைக்கவே சனாதனம் குறித்து தவறாகப் பேசி வருவதாக என்மீது அவதூறு பரப்புகின்றனர்” என்றார்.
http://dlvr.it/SvwNq4

Read More

டெங்கு காய்ச்சலால் சிறுவன் இறப்பு; `சுகாதார சீர்கேட்டை சரிசெய்யாத திமுக அரசுக்கு கண்டனம்!' - இபிஎஸ்

சென்னை மதுரவாயல் பிள்ளையார் கோயில் தெருவைச் சேர்ந்த தம்பதி அய்யனார் - சோனியா. இவர்களுக்கு ரக்‌ஷன் என்ற நான்கு வயது மகன் இருந்தார். இந்த நிலையில், கடந்த சில நாள்களாக ரக்‌ஷன் காய்ச்சலால் பாதிக்கப்பட்டு அவதிக்குள்ளாகியிருக்கிறார். இதனால், ரக்‌ஷனின் பெற்றோர் அருகிலுள்ள மருத்துவமனைக்கு அழைத்துச் சென்று, ரத்தப் பரிசோதனை செய்தனர். பரிசோதனை முடிவில், சிறுவனுக்கு டெங்கு காய்ச்சல் பாதிப்பு இருப்பது தெரியவந்தது.டெங்கு அதைத் தொடர்ந்து, மேல்சிகிச்சைக்காகக் கடந்த 6-ம் தேதி எழும்பூரில் உள்ள குழந்தைகள் நல மருத்துவமனையில் அனுமதித்தனர். அங்குத் தொடர்ந்து தீவிர சிகிச்சைப் பிரிவில் சிகிச்சை அளிக்கப்பட்டு வந்த நிலையில், சிறுவன் ரக்‌ஷன் சிகிச்சை பலனின்றி பரிதாபமாக உயிரிழந்தார். இந்த நிலையில் அவர்கள் வசிக்கும் பகுதியில் மழை நீர் தேங்கியிருப்பதால் ஏற்பட்ட சுகாதார சீர்கேடு காரணமாகவே சிறுவன் உயிரிழந்ததாக, அவன் பெற்றோர் குற்றம்சாட்டியிருக்கின்றனர். சுகாதாரத்துறை அதிகாரிகள் அந்த குடியிருப்பு பகுதியில் ஆய்வு மேற்கொண்டு வருகின்றனர். தமிழகத்தின் பல்வேறு பகுதிகளிலும் மழை பெய்து வருவதால், டெங்கு காய்ச்சல் பரவலைத் தடுக்க நடவடிக்கை எடுக்குமாறு பொதுமக்களும் கோரிக்கை வைத்து வருகின்றனர். இதற்கிடையில், அ.தி.மு.க பொதுச்செயலாளரும், எதிர்க்கட்சித் தலைவருமான எடப்பாடி பழனிசாமி தனது ட்விட்டர் எக்ஸ் பக்கத்தில், ``சென்னை மதுரவாயல் பிள்ளையார் கோவில் தெருவைச் சேர்ந்த அய்யனார் - சோனியா தம்பதியின் நான்கு வயது மகன் ரக்‌ஷன் கடந்த சில நாட்களாக டெங்குகாய்ச்சலால் அவதிப்பட்டு வந்த நிலையில் இன்று உயிரிழந்தார் என்ற செய்தியறிந்து மிகுந்த வருத்தமுற்றேன்.எடப்பாடி பழனிசாமி - ஸ்டாலின் குழந்தையை இழந்து வாடும் அவரது பெற்றோருக்கும் குடும்பத்தினருக்கும் எனது ஆழ்ந்த இரங்கலைத் தெரிவித்துக் கொள்கிறேன். அவர்கள் வசிக்கும் பகுதியில் மழை நீர் தேங்கி உள்ளதாகவும், சுகாதார சீர்கேடு காரணமாகவே சிறுவன் உயிரிழந்ததாகவும் செய்திகள் வருகின்றன. சென்னை உட்பட தமிழகம் முழுவதும் சுகாதார சீர்கேட்டைச் சரி செய்யாத இந்த விடியா தி.மு.க அரசை வன்மையாகக் கண்டிப்பதுடன், டெங்கு பரவலை முற்றிலும் தடுக்க உடனடியாக உரிய நடவடிக்கை எடுக்க வேண்டுமெனவும் இந்த அரசை வலியுறுத்துகிறேன்" எனக் குறிப்பிட்டிருக்கிறார்.சனாதனத்துக்கு எதிர்ப்பா, ஆதரவா... எடப்பாடி பதில் சொல்வாரா? - கேள்வி கேட்கிறார் பரந்தாமன் எம்.எல்.ஏ
http://dlvr.it/SvwNm7

Read More

Exclusive: "கொடநாடு வழக்கில் தொடர்புடைய 45 பேரின் லிஸ்ட் என்னிடம் இருக்கிறது"- கனகராஜ் அண்ணன் தனபால்

கொடநாடு கொலை, கொள்ளை வழக்கு சமீபகாலமாக சூடுபிடித்துக்கொண்டிருக்கிறது. அமைதியாக இருந்த வழக்கை, மீண்டும் பரபரப்பாக்கும் வகையில் முன்னாள் முதல்வர் ஜெயலலிதாவின் கார் டிரைவரான கனகராஜின் அண்ணன் தனபால் பேட்டி அளித்து வருகிறார். இந்த நிலையில்தான், ``கொடநாடு வழக்கு தொடர்பாக சி.பி.சி.ஐ.டி முக்கியக் குற்றவாளிகளான எடப்பாடி பழனிசாமியையும், அவரின் ஆதரவாளரான ஆத்தூர் இளங்கோவனையும் விசாரிக்காமல் இருந்துவருகிறது. இதனால் சி.பி.சி.ஐ.டி விசாரணையில் எனக்கு நம்பிக்கை இல்லை. என்னை சி.பி.சி.ஐ.டி அழைத்து விசாரித்தால் கொடநாடு கொலை, கொள்ளை வழக்கு தொடர்பாக பல தகவல்களை வழங்கத் தயாராக இருக்கிறேன்” என்று கூறி வந்தார். இந்த நிலையில்தான் கடந்த 06.09.2023 அன்று கோவை சி.பி.சி.ஐ.டி கனகராஜின் அண்ணன் தனபாலுக்கு வருகின்ற 14.09.2023 அன்று நேரில் ஆஜராக சம்மன் அனுப்பியிருக்கிறது. தனபால் இதற்கிடையே, தனபாலின் மனைவி செந்தாமரைச் செல்வி சேலம் மாவட்ட எஸ்.பி-யிடம் புகார் ஒன்று அளித்திருக்கிறார். புகார் அளித்துவிட்டு வெளியே வந்த அவர் ஜூனியர் விகடனுக்கு ஒரு பிரத்யேக பேட்டி கொடுத்தார். அதில், "தன்னுடைய கணவரால் தனது உயிருக்கும், பிள்ளைகள் உயிருக்கும் பாதிப்பு இருக்கிறது. இவர் சிறையிலிருந்து வெளியில் வந்ததிலிருந்து பலரின் தூண்டுதலின் பேரில் செய்தியாளர்களைச் சந்தித்துவருகிறார். இதனால் அவருக்கு லாபமாக இருந்தாலும்கூட இதனால் பல பிரச்னைகள் மீண்டும் எங்களை வந்து சேரும். ஆகையால் அவரை கொடநாடு தொடர்பாக எதுவும் பேச வேண்டாம் என்று கூறியிருந்தேன். ஆனால், தேவையில்லாத பொய்களைக் கூட்டியும் குறைத்தும் பேசி வருகிறார். இவர் சிறையில் இருந்தபோது ஓ.பி.எஸ் தரப்பிலிருந்து குருமூர்த்தி என்பவர் நேரில் சந்திக்க வந்திருந்தார். அவர், அண்ணனிடம் எல்லாம் பேசி விட்டேன் உங்களுக்கு எல்லா உதவியும் செய்து கொடுக்க கூறியிருக்கிறார்” என்று மேலும் கொளுத்திப் போட்டார். கொடநாடு விவகாரம்: `சிறையில் நடந்த சந்திப்பு; என் கணவரால் உயிருக்கு ஆபத்து!' - தனபால் மனைவி `பகீர்' மேலும் ``அவர் ஒரு மன நோயாளி. அவர் சொல்வதெல்லாம் பொய் மட்டுமே அதில் உண்மை கொஞ்சம்கூட இல்லை’' என்று போட்டுடைத்தார். தன்னுடைய மனைவி புகார் கொடுத்தது தெரியவந்த உடனே தனபால் மீண்டும் பத்திரிகையாளர்களைச் சந்தித்தார். அதன் பின்னர் ஜூனியர் விகடனுக்கு அளித்த பிரத்யேக பேட்டியில், ``என்னுடைய மனைவியை எடப்பாடி பழனிசாமி பின்னிருந்து இயக்கிவருகிறார். இதற்கெல்லாம் நான் பயப்பட மாட்டேன். எடப்பாடி பழனிசாமிக்கு பயம் வந்துவிட்டது. எங்கடா சி.பி.சி.ஐ.டி-யில் எல்லா உண்மைகளையும் சொல்லிவிடுவானோ என்ற பயத்தில் என்னை எப்படி ஆஃப் செய்வது என்று தெரியாமல், தற்போது என் மனைவியைத் தூண்டிவிட்டு இதுபோலெல்லாம் பேசவைத்துவருகிறார். கொடநாடு கொலை, கொள்ளை வழக்கில் நேரடியாகத் தொடர்புடைய 45 பேரின் லிஸ்ட் எனது கையில் இருக்கிறது. இதைதான் சி.பி.சி.ஐ.டி-யில் ஒப்படைக்கப்போகிறேன்.எடப்பாடி பழனிசாமி இதில் என் தம்பி கனகராஜின் இறப்புக்குக் காரணமாக இருந்த எனது உறவினர்களின் பெயர்களும் இருக்கிறது" என்றார். இந்த நிலையில், இன்று சேலம் மாவட்டக் காவல் கண்காணிப்பாளரிடம் எடப்பாடி பழனிசாமியின் ஆதரவாளரும், அ.தி.மு.க சேலம் புறநகர் மாவட்டச் செயலாளருமான இளங்கோவன் புகார் ஒன்று அளித்திருந்தார். அந்த மனுவில், `கடந்த சில நாள்களுக்கு முன்பு கொடநாடு கொலை, கொள்ளைச் சம்பவத்தில் ஈடுபட்ட கனகராஜின் அண்ணன் தனபால் தன்மீது பொய்யான குற்றச்சாட்டுகளை முன்வைத்து வருகிறார். அவர் ஏற்கெனவே மனநலம் பாதிக்கப்பட்டவர் என நீதிமன்றமும் பதிவுசெய்திருக்கிறது. அதேபோல அரசு மருத்துவர்களும் இவர் மனநலம் பாதிக்கப்பட்டவர் எனத் தெரிவித்திருக்கிறார்கள். இந்த நிலையில், அவர் என்மீது பொய்யான குற்றச்சாட்டுகளைக் கூறி வருவது ஏற்றுக்கொள்ள முடியாது, கண்டிக்கத்தக்கது. எனவே, அவர்மீது நடவடிக்கை எடுக்க வேண்டும்’ எனக் குறிப்பிடப்பட்டிருக்கிறது.தனபால் பின்னர் செய்தியாளர்களைச் சந்தித்த இளங்கோவன், "கொடநாடு கொலை வழக்கு சம்பந்தமான ஆவணங்கள் எடப்பாடி பழனிசாமியின் ஆதரவாளர் இளங்கோவனிடம் கொடுக்கப்பட்டதாக கொடநாடு கொலை வழக்கில் சம்பந்தப்பட்ட கனகராஜின் அண்ணன் தனபால் கடந்த சில நாள்களுக்கு முன்பு குற்றம்சாட்டியிருந்தார். என்மீது பொய்யான குற்றச்சாட்டுகளைக் கூறிவரும் தனபாலை தி.மு.க-வும் ஓ.பி.எஸ் அணியும் பின்புறம் இருந்து இயக்குகிறது. ஏற்கெனவே அவர் மனநிலை பாதிக்கப்பட்டவர்தான் என அவரின் மனைவி கூறியிருப்பதோடு, தங்கள் உயிருக்குப் பாதுகாப்பு கேட்டு காவல் நிலையத்தில் புகாரும் அளித்திருக்கிறார்” என்றார். மேலும், கொடநாடு கொலை, கொள்ளைச் சம்பவம் குறித்து நீதிமன்றத்தில் வழக்கு நடைபெற்று வருவதால், இது குறித்து தான் மேலும் பேச முடியாத நிலையில் இருப்பதாகவும் அவர் தெரிவித்தார். Junior Vikatan-ன் பிரத்யேக Whatsapp Group... இணைவதற்கு இங்கே க்ளிக் செய்யவும்...
https://bit.ly/3PaAEiY வணக்கம், BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள். ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/3PaAEiYகொடநாடு: `என் மனைவியைத் தூண்டிவிடுகிறார் எடப்பாடி; பேரம் பேச ஆள்கள் அனுப்புகிறார்’ - தனபால்
http://dlvr.it/SvtTbq

Read More