வரும் 24-ம் தேதி 29-வது ஆண்டு நினைவு நாள்: எம்.ஜி.ஆர் நினைவிடத்தில் அ.தி.மு.க. சார்பில் மலர் அஞ்சலி

சென்னை : அ.தி.மு.க. நிறுவனத் தலைவர்  எம்.ஜி.ஆரின் 29-வது ஆண்டு நினைவு நாளை முன்னிட்டு, வரும் 24-ம் தேதி, சென்னை மெரினா கடற்கரையில் அமைந்துள்ள எம்.ஜி.ஆர். நினைவிடத்தில், அவைத் தலைவர்  இ.மதுசூதனன் தலைமையில், கழக நிர்வாகிகளும், அமைச்சர்களும், மலர் வளையம் வைத்து அஞ்சலி செலுத்தவுள்ளனர் தொடர்ந்து, உறுதிமொழி ஏற்பு நிகழ்ச்சியும் நடைபெறவுள்ளது.

29-வது நினைவு நாள்:

அ.தி.மு.க.  நிறுவனத் தலைவர் எம்.ஜி.ஆர். நம்மை ஆற்றொணாத் துயரத்தில் ஆழ்த்திவிட்டு, அமரர் ஆகிய நாள், 1987-ம் ஆண்டு டிசம்பர் மாதம் 24-ம் தேதியாகும்.அவரது, 29-வது ஆண்டு நினைவு நாளான, வரும் 24-ம் தேதி சனிக்கிழமை காலை 10.45 மணிக்கு, சென்னை மெரினா கடற்கரையில் அமைந்துள்ள எம்.ஜி.ஆர் நினைவிடத்தில், கழக அவைத்தலைவர்  இ.மதுசூதனன் தலைமையில், தலைமைக் கழக நிர்வாகிகளும், அமைச்சர்களும் மலர்வளையம் வைத்து அஞ்சலி செலுத்த உள்ளனர் - அதனைத் தொடர்ந்து, எம்.ஜி.ஆர் நினைவிட வளாகத்தில், உறுதிமொழி ஏற்பு நிகழ்ச்சியும் நடைபெறவுள்ளது என அ.தி.மு.க. தலைமைக் கழகம்,  நேற்று வெளியிட்டுள்ள அறிக்கையில் தெரிவிக்கப்பட்டுள்ளது.

அனைத்து பிரிவினர் பங்கேற்பு:

இந்த நிகழ்ச்சியில், கழக நாடாளுமன்ற, சட்டமன்ற உறுப்பினர்களும், கழகம், எம்.ஜி.ஆர். மன்றம்,  ஜெ ஜெயலலிதா பேரவை, எம்.ஜி.ஆர். இளைஞர் அணி, மகளிர் அணி, மாணவர் அணி, அண்ணா தொழிற்சங்கம், வழக்கறிஞர் பிரிவு, சிறுபான்மையினர் நலப்பிரிவு, விவசாயப் பிரிவு, மீனவர் பிரிவு, மருத்துவ அணி, இலக்கிய அணி, அமைப்புசாரா ஓட்டுநர்கள் அணி, இளைஞர் பாசறை, இளம்பெண்கள் பாசறை மற்றும் தகவல் தொழில்நுட்பப் பிரிவு உட்பட கழகத்தின் பல்வேறு அமைப்புகளைச் சேர்ந்த நிர்வாகிகளும், கூட்டுறவு சங்கங்களின் பிரதிநிதிகளும், கழகத் தொண்டர்களும் பெருந்திரளாகக் கலந்து கொள்வார்கள் என்றும் அ.தி.மு.க. தலைமைக் கழகம் தெரிவித்துள்ளது.

English Summary:

Chennai: AIADMK The head of the 29-th anniversary of the company MGR anniversary, the 24th, located in the Marina beach in Chennai MGR. Memorial, led by President E.madusuthanan, university administrators, ministers, floral tributes continued to ring, promising recognition program will be held.

Read More

அ.தி.மு.க. தலைமைப் பொறுப்பை ஏற்க வேண்டும்: அமைச்சர்கள், நிர்வாகிகள், தொண்டர்கள் சசிகலாவை நேரில் சந்தித்து வலியுறுத்தல்

சென்னை : திரையுலகப் பிரமுகர்கள், அரசியல் கட்சித் தலைவர்கள், பல்வேறு அமைப்பினர்,  முதல்வர் ஜெயலலிதாவுக்கு மறைவுக்கு, சசிகலாவை நேரில் சந்தித்து ஆறுதல் தெரிவித்தனர். மேலும், அ.இ.அ.தி.மு.க. தலைமைப் பொறுப்பை ஏற்க அமைச்சர்கள், கழக நிர்வாகிகள், தொண்டர்கள் என ஆயிரக்கணக்கானோர், சின்னம்மாவை நேரில் சந்தித்து வலியுறுத்தினர்.

பாரதிராஜா சந்திப்பு:

திரைப்பட இயக்குநர் பாரதிராஜா, சசிகலாவை போயஸ் தோட்ட இல்லத்தில் நேரில் சந்தித்து, ஜெயலலிதாவின் மறைவுக்கு ஆறுதல் தெரிவித்தார். தமிழக பாரதிய ஜனதா கட்சியின் மாநிலப் பொதுச் செயலாளர் மோகன்ராஜூலு, சின்னம்மாவை போயஸ் தோட்ட இல்லத்தில் நேரில் சந்தித்து, ஜெயலலிதாவின் மறைவுக்கு ஆறுதல் தெரிவித்தார்.

தமிழ்மாநில முஸ்லீம் லீக் தலைவர் ஷேக்தாவூத், சசிகலாவை போயஸ் தோட்ட இல்லத்தில் நேரில் சந்தித்து, ஜெயலலிதாவின் மறைவுக்கு ஆறுதல் தெரிவித்ததோடு, அ.தி.மு.க.வின் தலைமைப்பொறுப்பை ஏற்கவேண்டும் என்றும் வலியுறுத்தினார். கொங்குநாடு முன்னேற்றக் கழக தலைவர் பெஸ்ட் ராமசாமி, சசிகலாவை போயஸ் தோட்ட இல்லத்தில் நேரில் சந்தித்து, ஆறுதல் தெரிவித்தார்.

அமைச்சர் தங்கமணி:

நாமக்கல் மாவட்டச் செயலாளரும், அமைச்சருமான தங்கமணி தலைமையில் மாவட்டச் சேர்ந்த நிர்வாகிகளும், தொண்டர்களும், சசிகலாவை நேரில் சந்தித்து, கழக பொதுச் செயலாளராக பொறுப்பேற்க வேண்டி வலியுறுத்தினர்.  அனைத்துலக எம்.ஜி.ஆர். மன்ற செயலாளர் தமிழ்மகன் உசேன், தலைமையில் ஏராளமானோர் சசிகலாவை நேரில் சந்தித்து, கழகத்தின் பொதுச் செயலாளர் பொறுப்பை ஏற்று வழிநடத்த வேண்டும் எனவும் கேட்டுக்கொண்டனர்.

அமைச்சர் விஜயபாஸ்கர்:

அ.தி.மு.க. இலக்கிய அணி செயலளர் வளர்மதி தலைமையில் பெருந்திரளானோர், சசிகலாவை நேரில் சந்தித்து ஆதரவு தெரிவித்ததோடு, கழகத்தின் தலைமைப் பொறுப்பை ஏற்கவேண்டும் எனக் கேட்டுக்கொண்டனர். புதுக்கோட்டை மாவட்டக் கழகம் சார்பில், மாவட்டச் செயலாளர் வைரமுத்து மற்றும் அமைச்சர் டாக்டர் விஜயாஸ்கர் உள்ளிட்டோர் சசிகலாவை நேரில் சந்தித்து ஆதரவு தெரிவித்ததோடு, கழகத்தை வழிநடத்த வேண்டும் எனவும் வலியுறுத்தினர்.

அமைச்சர் மணிகண்டன்

ராமநாதபுரம் மாவட்டக் கழகம் சார்பில், அமைச்சர் மணிகண்டன், மாவட்டக் கழகச் செயலாளர் முனியசாமி உள்ளிட்ட நிர்வாகிகள், போயஸ் தோட்ட இல்லத்திற்கு நேரில் வந்து, கழகத்தின் தலைமை பொறுப்பை ஏற்க வேண்டும் என சசிகலாவை வலியுறுத்திக் கேட்டுக்கொண்டனர்.

தஞ்சை தெற்கு மாவட்டச் செயலாளரும், நாடாளுமன்ற உறுப்பினருமான ஆர். வைத்திலிங்கம், ஏராளமான கழக நிர்வாகிகள் மற்றும் தொண்டர்களோடு, சசிகலாவை நேரில் சந்தித்து, ஆதரவைத் தெரிவித்ததோடு, கழகத்தின் தலைமை பொறுப்பை ஏற்கவேண்டும் என்றும் வலியுறுத்தினர்.

அமைச்சர் எஸ்.பி.வேலுமணி:

கோவை புறநகர் மாவட்டக் கழகச் செயலாளரும், அமைச்சருமான எஸ்.பி. வேலுமணி தலைமையில் ஆயிரக்கணக்கானோர் சசிகலாவை நேரில் சந்தித்து, கழகத்தின் பொதுச் செயலாளராக பொறுப்பேற்கவேண்டும் என வலியுறுத்தினர்.  கோவை மாநகர் மாவட்டச் செயலாளரும், சட்டமன்ற உறுப்பினருமான அருண்குமார்தலைமையில் ஏராளமானோர், சசிகலாவை நேரில் சந்தித்து கழகத்தின் தலைமைப் பொறுப்பை ஏற்கவேண்டும் என வலியுறுத்தினர்.

அமைச்சர் செல்லூர் ராஜூ:

மதுரை மாநகர் மாவட்ட கழகச் செயலாளரும், அமைச்சருமான செல்லூர் ராஜூ தலைமையில், பல்வேறு அணி நிர்வாகிகள், சசிகலாவை நேரில் சந்தித்து ஆதரவு தெரிவித்தனர்.

English summary:

Chennai: prominent film personalities, political leaders of various organizations, the death of Chief Minister Jayalalithaa, Sasikala met expressed comfort. Also, AIADMK To take over the leadership of ministers, functionaries, as the thousands of volunteers, younger, met emphasized.

Read More

பொதுச்செயலாளர் பொறுப்பை சசிகலா ஏற்று அ.தி.மு.க.வை சிறப்பாக வழிநடத்த வேண்டும் - பல்வேறு தரப்பினரும் தொடர்ந்து வலியுறுத்தல்

சென்னை : அ.தி.மு.க. பொதுச்செயலாளர் பொறுப்பை சசிகலா ஏற்று, மறைந்த முதல்வர் ஜெயலலிதாவின் வழியில், கட்சியை சிறப்பாக வழிநடத்துமாறு அ.தி.மு.க.வின் பல்வேறு அமைப்புகளைச் சேர்ந்த நிர்வாகிகள், மாவட்டக் கழக நிர்வாகிகள், கழகத் தொண்டர்கள், தொழிலதிபர்கள், பொதுமக்கள் உள்ளிட்ட பல்வேறு தரப்பினரும் தொடர்ந்து வலியுறுத்தி வருகின்றனர்.

அமைச்சர் வேண்டுகோள்

சென்னை போயஸ் தோட்ட இல்லத்தில், மறைந்த  முதல்வர் ஜெயலலிதாவுக்கு அஞ்சலி செலுத்திய பின்னர், அ.தி.மு.க. பொதுச் செயலாளர் பொறுப்பை சசிகலா ஏற்று கட்சியை வழிநடத்த வேண்டும் என அமைச்சர் கே.சி. வீரமணி உள்ளிட்டோர் வலியுறுத்தி கேட்டுக்கொண்டனர்.

சிவகங்கை மாவட்டம்

மறைந்த  முதல்வர் ஜெயலலிதாவுடன், 30 ஆண்டுகளுக்கும் மேலாக உடனிருந்து, அரசியல் நெளிவுசுளிவுகளை நன்கு அறிந்து வைத்துள்ள சசிகலாவால் மட்டுமே ராணுவ கட்டுப்பாட்டுடன் கழகத்தை நடத்த முடியும் என்பதால், கட்சியின் பொதுச் செயலாளர் பொறுப்பினை அவர் ஏற்று, அதிமுகவை வழிநடத்த வேண்டும் என சிவகங்கை மாவட்டத்தைச் சேர்ந்த பல்வேறு தரப்பினரும் வேண்டுகோள் விடுத்துள்ளனர்.

திண்டுக்கல் மாவட்டம்

தமிழகத்தையும், கழகத்தையும் வழிநடத்திச் செல்லும் வல்லமையும், ஆளுமையும் சசிகலா ஒருவருக்கு மட்டுமே உள்ளது என திண்டுக்கல் மாவட்ட பொதுமக்களும், கழக நிர்வாகிகளும் குறிப்பிட்டுள்ளனர்.

குமரி மாவட்டம்

தமிழக மக்களின் நலனுக்காக தவவாழ்க்கை வாழ்ந்து மறைந்த  முதல்வர் ஜெயலலிதா விட்டுச்சென்றப் பணிகளை, அவருக்கு உறுதுணையாக இருந்த சசிகலா தொடர வேண்டும் என கன்னியாகுமரி மாவட்ட அரசு அங்கீகாரம் பெற்ற சித்த மருத்துவர்கள் கேட்டுக்கொண்டுள்ளனர். மறைந்த  முதல்வர் ஜெயலலிதாவின் எண்ணத்தை நிறைவேற்றும் வகையில், கழகத்தைக் கட்டிக்காக்க சசிகலா பொதுச் செயலாளர் பதவி ஏற்க வேண்டி, மதுரை புறநகர் மாவட்டம் சார்பில், கழகத்தினர், மகளிர் அணியினர் உள்ளிட்ட ஏராளமானோர் உறுதிமொழி எடுத்துக்கொண்டனர்.

அண்ணா தொழிற்சங்கப் பேரவை தீர்மானம்

கழகப் பொதுச் செயலாளராக சசிகலா பொறுப்பேற்க வேண்டும் என்று தமிழகத்தில் மறைந்த  முதல்வர் ஜெயலலிதா விட்டுச் சென்ற பணிகளை சசிகலா உடனே தொடர வேண்டும் என்றும், திருநெல்வேலி, தூத்துக்குடி மண்டல அரசு போக்குவரத்துக் கழக அண்ணா தொழிற்சங்கப் பேரவை சார்பில் நடைபெற்ற ஆலோசனைக் கூட்டத்தில் தீர்மானம் நிறைவேற்றப்பட்டது.

Read More

போயஸ் கார்டன் கேட் மூடப்பட்டதால் அதிமுகவினர் போராட்டம்

சென்னை: பார்வையாளர்களை அனுமதிக்காமல் போயஸ்கார்டன் கதவு மூடப்பட்டதால், அங்கு வந்த அதிமுகவினர் ஆர்ப்பாட்டம் நடத்தினர்.

யூகங்கள்:

தமிழக முதல்வரும், அதிமுக பொதுசெயலருமான ஜெயலலிதா மறைவுக்கு பின்னர் பொதுச்செயலர் பதவியை யார் வகிப்பார் என்ற பேச்சு பரவலாக எழுந்தது.

இது தொடர்பாக, மீடியாக்களில் பல்வேறு யூகங்கள் கிளம்பின. இந்நிலையில் அதிமுகவின் மூத்த நிர்வாகிகளான முன்னாள் அமைச்சர்கள் செங்கோட்டையன், வளர்மதி, கோகுல இந்திரா , மதுசூதனன், சென்னை முன்னாள் மேயர் சைதை துரைசாமி, சி.ஆர். சரஸ்வதி உள்ளிட்டவர்கள் போயஸ்கார்டனில் சசிகலாவை நேரில் சென்று சந்தித்தனர். இந்த சந்திப்பின்போது சசிகலா அதிமுகவுக்கு தலைமை பொறுப்பேற்க வேண்டும் என கேட்டு கொண்டனர். செங்கோட்டையன் கை எடுத்து கும்பிட்டு கெஞ்சினார்.

ஆரம்பமே இப்படியா ?

இந்நிலையில் போயஸ்கார்டனில் குவிந்த அதிமுக தொண்டர்கள், உள்ளே சென்று பார்வையிட விரும்பினர். ஆனால் போயஸ் கதவு மூடப்பட்டது இதையடுத்து அதிமுகவினர் போராட்டத்தில் ஈடுபட்டனர். சிலர் போலீசாரால் அப்புறப்படுத்தப்பட்டனர். பின்னர் போராட்டத்தில் ஈடுபட்டவர்கள் கலைந்து சென்றனர்.இது குறித்து அதிமுக வட்டாரத்தில் போயஸ் கதவு மூடப்பட்டதால் அதிமுகவினர் போராட்டம் நடத்தியதாக கூறினர். சிலர், சசிகலாவுக்கு எதிர்ப்பு தெரிவித்து போராட்டம் நடந்தது என்றனர்.

English Summary:

Chennai: poes gardern allowing the audience closed the door, came in and demonstrated ADMK people.

Read More

செங்கோட்டையனை உசுப்பிய சசிகலா புஷ்பா: மடக்கிப் போட்ட சசிகலா உறவுகள்

சென்னை: புதிய பொது செயலராக போட்டியின்றி தன்னை அ.தி.மு.க., தேர்ந்தெடுக்க வேண்டும் என்பதற்கான தீவிர முயற்சியில், ஜெயலிதாவின் தோழி சசிகலா இறங்கி உள்ளார். அதற்கு உறுதுணையாக இருந்து, அவரது குடும்பத்தினர்களும் பாடுபட ஆரம்பித்துள்ளனர்.

கொம்பு சீவப்பட்ட செங்கோட்டையன்:

அந்த வகையில், எதிர்ப்பு கோஷ்டியினரால் கொம்பு சீவப்பட்ட முன்னாள் அமைச்சர் செங்கோட்டையனை முதல் கட்டமாக சரி செய்துள்ளது, சசிகலா தரப்பு. செங்கோட்டையன், சசிகலாவுக்கு எதிராக பொதுச் செயலர் பதவிக்கு போட்டியிடக்கூடும் என தகவல் கிளம்பியதையடுத்து, அவரை, சிலர் மிரட்டிப் பார்த்துள்ளனர். அதற்கு மடங்கவில்லை என்றதும், சமாதானம் பேசியுள்ளனர், சசிகலா உறவினர்கள். சமாதானம் பேசச் சென்றவர்கள், உங்களுடைய பலம் எல்லோரும் அறிந்ததுதான். இடையில் உங்கள் குடும்பத்தில் ஏற்பட்ட பிரச்னையைத் தொடர்ந்துதான், ஜெயலலிதா அம்மா உங்களை, அமைச்சரவையில் இருந்து ஒதுக்கி வைத்தார். இருந்தபோதும் உங்களுக்குள்ள மக்கள் செல்வாக்கை அம்மா என்றைக்கும் மறந்தது இல்லை; அதற்காக, உங்களுக்கான வாய்ப்பை மறுத்ததும் இல்லை. அப்படித்தான், கடந்த சட்டசபை தேர்தலின் போதும் அம்மா, உங்களுக்கான வாய்ப்பை வழங்கினார். ஆக, கட்சியில் நீங்கள் எப்போதும் ஆசிர்வதிக்கப்பட்ட நபராகத்தான் இருந்துள்ளீர்கள். அம்மாவும், உடல் நிலை மோசமாவதற்கு முன், மீண்டும் உங்களை அமைச்சராக்கத்தான் திட்டம் வைத்திருந்தார். அதற்குள், அவருக்கு உடல்நிலை மோசமாகி விட்டது. அம்மாவின் கனவுகளை; லட்சியங்களை எல்லாவிதங்களிலும் நிறைவேற்றி வரும் சசிகலா, உங்களுக்கு கட்சியிலும்; ஆட்சியிலும் முக்கியப் பொறுப்பை வழங்கத் திட்டமிட்டுள்ளார். அதற்கு முன்னதாக, ஒரு காரியத்தை நீங்கள் செய்துவிட்டு சசிகலாவை சந்தியுங்கள் என்று சொல்லி, ஏற்கனவே தயார் செய்யப்பட்ட ஒரு அறிக்கையை அவரிடம் கொடுத்து, அதில் கையெழுத்திட்டு, அதை வெளியிட வைத்துள்ளனர்.

அறிக்கை ஏன்:

அந்த அறிக்கையின் சாராம்சமாக, ஜெயலலிதாவின் எண்ணங்களுக்கு விரோதமாக தான் செயல்பட மாட்டேன் என்பது போல இருந்தாலும், மறைமுகமாக, சசிகலாவுக்கு எதிர்ப்பாக நான் இருக்க மாட்டேன் என்பதுதான். இப்படி அறிக்கை வெளியிட வைத்தவர்கள், அடுத்த சில மணிகளிலேயே, செங்கோட்டையனை, போயஸ் கார்டனுக்கு அழைத்துச் சென்றுள்ளனர். அங்கு, செங்கோட்டையனை சசிகலாவும், அவரது உறவினர்கள் சிலரும் சந்தித்துள்ளனர். அவர்கள், செங்கோட்டையன் புகழ் பாடி உள்ளனர். சசிகலாவும், முடிந்த அளவுக்கு செங்கோட்டையன் புகழ் பாடி உள்ளார். போயஸ் தோட்டத்துக்கு போய் வந்த பின், செங்கோட்டையன், சசிகலா புகழ் பாட ஆரம்பித்து விட்டதாகக் கூறுகின்றனர்.

செங்கோட்டையன் எதையும் செய்யாமல், விரக்தியில் ஒதுங்கித்தான் இருந்தார். ஆனால், செங்கோட்டையன் பெயரை குறிப்பிட்டு, அவரைப் போன்ற சீனியர்கள்தான், கட்சியின் அடுத்த பொது செயலராக வர வேண்டும் என, கட்சியில் இருந்து நீக்கப்பட்டுள்ள சசிகலா புஷ்பா கூறியதோடு, பொது செயலர் தேர்வுக்காக, கட்சியில் முறையான தேர்தல் நடத்தப்பட வேண்டும்; அதை தேர்தல் கமிஷன் கண்காணிக்க வேண்டும் என, தேர்தல் கமிஷனுக்கு கடிதம் எழுதினார். சீனியர் தலைவர்கள் ஆதரித்தால், தானே சசிகலாவை எதிர்த்து போட்டியிடுவேன் எனவும் கூறியிருந்தார். இதையடுத்துத்தான், சசிகலா புஷ்பா பெயர் குறிப்பிட்டு கூறிய சீனியர் தலைவர்கள், தனக்கு எதிராக திரண்டு விடக்கூடாது என, ஒவ்வொருவராக, சமாதானப்படுத்தி, அவர்களை அணி திரளாமல் பார்த்துக் கொள்ளும் பணியில் படு தீவிரமாக களம் இறங்கி பாடுபட்டு வருகிறார் சசிகலா.

சசிகலா புஷ்பா கடித விபரம்:

தலைமைத் தேர்தல் கமிஷனுக்கு சசிகலா புஷ்பா எழுதிய கடித விவரம்;
அ.தி.மு.கவில் வலிமை வாய்ந்த பொதுச் செயலர் பதவிக்கான தேர்வு விரைவில் நடக்க இருக்கிறது. கட்சியின் விதிகளுக்குட்பட்டு தேர்தல் நடத்தப்படுகிறதா என்பதை, தேர்தல் ஆணையம் கண்காணிக்க வேண்டும். பொதுக்குழு உறுப்பினர்களுக்கு அழுத்தம் கொடுத்து, சிலர் பதவிக்கு வர நினைக்கின்றனர். தேர்தல் கமிஷனின் முழுக் கண்காணிப்பில் தேர்தல் நடத்தப்பட வேண்டும். தேர்தலில் போட்டியிட விரும்புகின்றவர்களுக்கு உரிய வாய்ப்பு வழங்கப்பட வேண்டும்.இவ்வாறு அந்தக் கடிதத்தில் குறிப்பிடப்பட்டுள்ளது.

சசிகலாவுக்கு எதிரான மனநிலையில் உள்ளவர்களைத் திரட்டி, பொதுக் குழு உறுப்பினர்களுக்கு முழு சுதந்திரம் தரும் வகையில் இந்தக் கடிதத்தை எழுதியிருந்தார்.சசிகலாவுக்கு எதிராக கிளம்பிய செங்கோட்டையனை மடக்கிப் போட்டதைப் போல, எதிர் கோஷ்டியைச் சேர்ந்த தலைவர்கள் பலரையும் வரிசையாக மடக்கவும், சசிகலா தரப்பினர் திட்டமிட்டு செயல்படுகின்றனர். ஆனால், சசிகலாவின் இத்தனை முயற்சிகளுக்கும் எதிராக கட்சித் தொண்டர்களின் மனநிலை இருப்பதால், அவர்களையும் சமாதானப்படுத்தும் வகையில், சில திட்டங்களையும் சசிகலா உறவினர்கள் தீட்டி, அதை செயல்படுத்த தயாராக இருப்பதாகக் கூறப்படுகிறது.

சசிகலாவுக்கு எதிராக சசிகலா:

கட்சியில் இருந்து நீக்கப்பட்டிருந்தாலும், சசிகலா புஷ்பா இன்றளவிலும், கட்சியின் ராஜ்யசபா உறுப்பினராக உள்ளதால், பொதுக் குழு உறுப்பினராக பொதுக் குழு கூட்டம் நடத்தினால், போலீஸ் பாதுகாப்போடு கூட்டத்திற்கு வர திட்டமிட்டுள்ளார். கூடவே, சசிகலா பொதுச் செயலர் பதவிக்கு போட்டியிட்டால், அவரை எதிர்த்து போட்டியிடவும், கட்சியினரிடம் ஆதரவு திரட்டி வருவதால், பொதுக் குழு கூட்டத்தை சச்சரவுகள் இல்லாமல் பாதுகாப்பாக நடத்தவும், சசிகலாவும் உறவினர்களும் யோசித்து வருகின்றனர்.

English Summary:

Chennai: The new general secretary unopposed Digg itself, a serious effort to choose, jayalalithaa Shashikala's girlfriend is down. From thereto, have started to work with his family.

Read More

மறைந்த முதல்வர் ஜெயலலிதாவுக்கு ரூ.15 கோடியில் நினைவு மண்டபம் - முதல்வர் பன்னீர்செல்வம் தலைமையில் நடந்த தமிழக அமைச்சரவை கூட்டத்தில் தீர்மானம்

சென்னை : எம்.ஜி.ஆர். நினைவிட வளாகத்தில், நல்லடக்கம் செய்யப்பட்ட இடத்தில் மறைந்த முதல்வர் ஜெயலலிதாவுக்கு ரூ.15 கோடியில் நினைவு மண்டபம் கட்ட முதல்வர் பன்னீர்செல்வம் தலைமையில் நடந்த தமிழக அமைச்சரவை கூட்டத்தில் நேற்று தீர்மானம் நிறைவேற்றப்பட்டது. ஜெயலலிதாவுக்கு பாரத ரத்னா விருது வழங்கவும் மத்திய அரசுக்கு பரிந்துரைக்கப்பட்டது.

அமைச்சரவைக் கூட்டம்:

தமிழக அமைச்சரவைக் கூட்டம் தலைமை செயலகத்தில் முதல்வர் ஒ.பன்னீர்செல்வம் தலைமையில் நேற்று பகல் 11-30 மணிக்கு தொடங்கியது. இந்த கூட்டத்தில் அமைச்சர்கள் திண்டுக்கல் சீனிவாசன், எடப்பாடி பழனிச்சாமி, செல்லூர் கே.ராஜூ. தங்கமணி, எஸ்.பி. வேலுமணி, உதயகுமார், டாக்டர் விஜயபாஸ்கர், எம்.சி.சம்பத், பெஞ்ஜமின் உள்ளிட்டவர்கள் கலந்து கொண்டனர். இந்த கூட்டத்தில் முதல்வர் ஜெயலலிதாவின் மறைவிற்கு அமைச்சரவை ஆழ்ந்த இரங்கலை கீழ்க்கண்டவாறு தெரிவித்துக் கொள்கிறது.

இரங்கல்:

"தமிழகத்தின் முதன்மைக்கும், தமிழ் இனத்தின் மேன்மைக்கும், தமிழகமே முன்மாதிரி மாநிலம் என்கிற பெருமைக்கும், தன் வாழ்நாளெல்லாம் உழைத்து, உழைத்து, தன் வாழ்வையே அர்ப்பணம் செய்து தியாக தீபமான தமிழக முதல்வர் ஜெயலலிதா சமூகநலம், கல்வி, அமைதி, வளம், வளர்ச்சி இவை யாவிலும் தலைசிறந்த மாநிலமாக தமிழ்நாடு விளங்க வேண்டும் என்ற லட்சியத்தை மட்டுமே இலக்காகக் கொண்டு, தம் வாழ்நாள் முழுவதையும் மக்கள் நலனுக்காகவே அர்ப்பணித்து உழைத்த ஓர் ஒப்பில்லாத் தாய். அனைத்து மக்களாலும் ‘அம்மா’ என்று மனம் உருக அழைக்கப்பட்ட தன்னலமில்லா ஈடு இணையற்ற மாபெரும் தலைவியின் வாழ்க்கைப் புனிதத்தை இந்நாளில் நெகிழ்ச்சியோடு நினைவு கூர்கிறோம்.

கற்கும் காலத்திலேயே முதலிடம் :

தமிழ்நாட்டிலுள்ள அனைத்து தரப்பு மக்களும் எதற்காகவும், எப்போதும், எவரிடத்திலும், கையேந்தி நிற்காத காலத்தை உருவாக்குவதே தம் வாழ்வின் இலட்சிய நோக்கமாகக் கொண்டு உழைத்த தங்கத் தாரகையின் தூய துறவுமனத் தொண்டுகளை இந்நாளில் நினைவலைகளில் நிறுத்தி, நெஞ்சார நன்றி கூறுகிறோம்.

அன்புக்கு இலக்கணமான அன்னை சந்தியா - ஜெயராம் தம்பதியரின் அன்பு மகளாக, அழகும், அறிவும், கருணையும், கம்பீரமும் கலந்து வடிவெடுத்து, 1948-ஆம் ஆண்டு பிப்ரவரில 24 ஆம் நாள் இப்பூமிப் பந்தில் பாதம் பதித்தார். இன்று குழந்தை, நாளை இந்த குவலயத்தையே ஆளப் போகும் குலமாதா என்பதை பிள்ளைப் பிராயத்திலேயே பிறருக்கு உணர்த்தும் விதத்தில், பள்ளி வளாகம் அனைத்திலும் முதலிடத்தை ஜெயலலிதாவே பிடித்தார் ! கற்கும் காலத்திலேயே கற்பிக்கும் அளவுக்கு அறிவும், ஆற்றலும் மிளிர்ந்தோங்கி நின்றார். இசையும், நடனமும் இயல்பாகவே அவரிடம் வெளிப்பட்டன.

`இரக்கப்படும் இதயத்தைவிட உதவுகிற கரங்களே உன்னதமானது’ என்னும் கருணை உணர்வையும், வள்ளல் மனதையும் தன்னுள் கொண்ட அம்மா, பரிவு, பாசம், தைரியம், நாணயம், பணிவு, நம்பகத்தன்மை, அடக்கம், அறிவாற்றல், அச்சமின்மை என சான்றோர்களுக்கான அத்தனை உயர் பண்புகளையும், குணங்களையும் தன்னுள் இயல்பாகக் கொண்டு வளர்ந்தார்.

நடமாடும் நூலகம் ஜெயலலிதா :

இளம் வயதினிலேயே திரைப்படத் துறையில் கால் பதித்த முதல்வர் ஜெயலலிதா, தனது திரை வாழ்வில் அனைவரும் நினைவு கொள்ளும் விதமான பாத்திரங்களை மட்டுமே ஏற்று நடித்து, அனைவரது மனதிலும் திடமாக இடம் பிடித்தார். படப்பிடிப்பின்போது அவர் நடிப்புக்கு இலக்கணமானார். இடையே ஓய்வு கிடைக்கும் ஒவ்வொரு வினாடியிலும் தானே ஒரு நடமாடும் நூலகமானார். இன்பத் தமிழில் ஏற்றம்பெற்ற முதல்வர் அம்மா, ஆங்கிலம், கன்னடம், தெலுங்கு, மலையாளம், இந்தி என எண்ணற்ற மொழிகளிலும் புலமை பெற்றவர் ஆவார். எனவே, பன்மொழியிலான புத்தகங்களைப் படித்து, அனைத்து தளங்களிலும் அறிவாற்றலை வளர்த்துகொண்டது மட்டுமல்லாமல் இந்திய நாட்டு மக்கள் மற்றும் வெளிநாட்டவரும் வியப்படையும் வகையில் தனது பொது அறிவை உலகுக்குப் புலப்படுத்தினார்.

தனது திரை உலக வாழ்வில் சிறந்த நடிகையாகவும், பாடகியாகவும், புகழ்பெற்று, பலப்பல விருதுகளை பெற்று, கலை உலகத் தங்கத் தாரகையாய் மின்னிக்கொண்டிருந்த முதல்வர் ஜெயலலிதாவை, எம்.ஜி.ஆர்., 1982 ஜூன் மாதம் 4-ம் தேதி, அ.தி.மு.க அடிப்படை உறுப்பினராக்கி, அரசியல் பயணத்திற்கு அடிகோலினார். அதைத் தொடர்ந்து, கடல்போல் கூடியிருந்த கடலூர் பொதுக்கூட்டத்தில், ‘பெண்ணின் பெருமை’ என்னும் தலைப்பில் முதல்வர் ஜெயலலிதா உரையாற்றியதை உற்றுக் கேட்ட தமிழ் உலகம், இனி திராவிட அரசியலை வழி நடத்தப்போகும் திருவிளக்கு இவர்தான் என்பதை அன்றைக்கே குறித்துக்கொண்டது.

அண்ணா பெயரிலான இயக்கத்தை வழிநடத்தியவர்: 

1983-ம் ஆண்டு அ.தி.மு.க கொள்கை முழக்கங்களை தமிழ்நாடு முழுவதும் பறைசாற்றிட, எம்.ஜி.ஆர்., முதல்வர் ஜெயலலிதாவை, கொள்கை பரப்புச் செயலாளராக்கியதோடு, தனது உலகம் வியந்த உன்னதத் திட்டமான சத்துணவுத் திட்டத்தின் உயர்மட்டக் குழு உறுப்பினராகவும் நியமித்தார். அதைத் தொடர்ந்து, 1984-ம் ஆண்டு முதல் 1989-ம் ஆண்டு வரை, பாராளுமன்றத்தின் மாநிலங்களவை உறுப்பினராக பணியாற்றும் வாய்ப்பைப் பெற்ற, ஜெயலலிதாவுக்கு பேரறிஞர் அண்ணா அமர்ந்த இருக்கை ஒதுக்கப்பட, அதன்மூலம், அண்ணாவின் பெயரிலான இயக்கத்தை, நாளை, உலகமே அன்னாந்து பார்க்கும் வண்ணம் வழிநடத்தப்போவது முதல்வர் ஜெயலலிதா தான் என்பதை காலமும் குறிப்பால் உணர்த்தியது.

நெருப்பாற்றில் நீந்தியவர் :

அன்றைய மாநிலங்களவை விவாதங்களில், மாநில உரிமை மற்றும் உள்நாட்டுப் பாதுகாப்பு குறித்தெல்லாம் ஜெயலலிதாவின் சொற்சிலம்பம் கண்டு அப்போதைய பிரதமர் இந்திரா காந்தி உச்சிமோந்து பாராட்டினார். இவ்வாறாக தெள்ளிய நீரோடையாக சென்று கொண்டிருந்த, முதல்வர் அம்மாவின் பொதுவாழ்க்கைப் பயணம், எம்.ஜி.ஆரின் மறைவுக்குப் பிறகு, நெருப்பு ஆற்றில் நீந்துகிற நெருக்கடி ஆயிற்று. ஆனாலும் திரண்டுவந்த சோதனைகளையெல்லாம் எதிர்கொண்டு, தடைகளை எல்லாம் தகர்த்தெறிந்து, இடர்கள் யாவையும் வெற்றிகண்டு, அ.தி.மு.க பொதுச்செயலாளராக முடி சூடினார் முதல்வர் ஜெயலலிதா.

தலைவர்களுக்கு மத்தியில்...:

தொடக்கம், வளர்ச்சி, உச்சநிலை, வீழ்ச்சி - இவைதான் ஒவ்வொருவர் வாழ்வின் சாராம்சங்களாக இருக்கும் நிலையில், தமது பொது வாழ்க்கை தொடங்கி, அரசியல் போர்க்களங்களை படிப்படியான புகழ் களங்களாக மாற்றி, ஒப்பில்லா உச்ச நிலையை தமதாக்கிக் கொண்டு, அந்த உச்சத்திலேயே பல வெற்றிச் சரித்திரங்களை அடுக்கடுக்காய் பதித்து விட்டு, இன்று பிரியா விடை பெற்றிருக்கும் நமது பேரறிவுத் தாய் முதல்வர் ஜெயலலிதா, ஆறறிவுத் தலைவர்களுக்கு மத்தியில் அவதரித்த நூறறிவு அதிசயமென்றால் அது மிகையல்ல.

ஒப்பில்லாப் பெருந்தலைவி:

1982 முதல் 2016 வரை முப்பத்தி ஐந்து வருட பொதுவாழ்வு, அதில் இருபத்தெட்டு வருடங்கள் கழகத்தின் பொதுச்செயலாளர்! ஆறாண்டு காலம் மாநிலங்களவை உறுப்பினர், ஏழு முறை சட்டமன்ற உறுப்பினர், போட்டியிட்ட முதல் தேர்தலிலேயே எதிர்க்கட்சித் தலைவர், ஆறு முறை முதலமைச்சர், 50 நாடாளுமன்ற உறுப்பினர்களோடு, பாராளுமன்றத்தின் தரைதளத்தில் திராவிட இயக்கத்திற்கென முதல் அலுவலகம் அமைக்கும் உரிமையோடு, கழகத்தை முக்கடல் சூழ்ந்த பாரதத்தின் மூன்றாம் பெரும் இயக்கம் ஆக்கிய ஒப்பில்லாப் பெருந்தலைவி.

தேர்தல்களில் இமாலய வெற்றி:

உள்ளாட்சி, மாநகராட்சித் தேர்தல்களில் தமிழக அரசியல் வரலாறு காணாத வெற்றி, இடைத் தேர்தல்கள் யாவிலும் இமாலய வெற்றி, 1991, 2001, 2011, 2016 என சட்டமன்றப் பொதுத் தேர்தல்களில் அபார வெற்றி, இவற்றோடு, 32 ஆண்டுகளுக்குப் பிறகு தமது அரசியல் ஆசானின் வழியிலேயே ஆட்சியில் இருந்துகொண்டு, ஆட்சியைத் தொடரும் விதமாக, 2016-ன் சட்டமன்ற பொதுத் தேர்தலில் சரித்திர வெற்றி பெற்று, வாகைப் பூக்களால் தோரணம் கட்டி வரலாற்றினைப் படைத்த வெற்றித் திருமகள் அம்மா அவர்கள் .

எத்தனையோ துன்பங்களை எதிரிகள் ஏவினாலும், அத்தனையும் எதிர்கொண்டு, புத்தனைப் போல் நின்று பொறுமை காத்து, சத்தியமே வெல்லும் என்பதை சரித்திரமாய் சொன்ன போதி மரத்துப் பூங்கொத்து அம்மா. தன்னலத்தை மறந்து, தமிழர் நலம் ஒன்றையே நினைந்து, தன் உடல்நலத்தை பொருட்டாகக் கருதாது, உருகும் மெழுகாக ஒளிவீசிக் கரைந்தவர்,

தங்கம் தந்த "தங்கத்தாரகை":


1965-ல் இந்திய - பாகிஸ்தான் யுத்தத்தின்போது, அன்னைத் திருநாட்டுக்கு ஆபத்து என்றதுமே, தான் அணிந்திருந்த பொன் நகைகளை அன்றைய பிரதமர் லால்பகதூர் சாஸ்திரியிடம் அள்ளிக் கொடுத்த வள்ளல் தங்கம்! தங்கம் தருகிற கை எங்கள் ‘தங்கத் தாரகை’ என்று தரணி போற்றும் தாய்க் குலத்தின் காவலர்! இந்திய நாட்டின் இரும்புப் பெண்மணி என்னும் அவதாரம் எடுத்தவர். சளைக்காத சட்டப் போராட்டங்களால் காவேரி, முல்லை பெரியாற்று உரிமைகளை வென்றெடுத்த சாதனையாளர். அலைமீது வலைகொண்டு வாழும் மீனவர் துயர்துடைக்க, கச்சத்தீவு மீட்புக்கு களமிறங்கிய போராளி.

கருணை தாய்:

ஈழத்தில் நடந்த இன அழிப்புக் கொடூரங்களுக்காக போர்க்குற்ற விசாரிப்பும், பொருளாதாரத் தடையும் வேண்டும் என சட்டப் பேரவையில் புரட்சிகர தீர்மானம் இயற்றி, அனைத்துக் கட்சிகளையும் ஓர் குரலாய் ஒலிக்க வைத்த ஆளுமைத் திலகம். அடிப்படையில் தீவிரவாதத்திற்கு எதிரான நிலைப்பாட்டையே தன் அரசியல் வாழ்வெல்லாம் தீர்க்கமாகக் கொண்டிருந்தவர். ஈழத் தமிழர் பிரச்சனையில் இலங்கை அரசின் இனவாதத்தை கருத்தில்கொண்டு, தனி ஈழம் ஒன்றே தீர்வு என திடமாக முடிவெடுத்து, அதனை சட்டமன்றத்தின் தீர்மானமாக ஒலித்ததும், தமிழக முகாம்களில் தஞ்சம் புகுந்திருந்த இலங்கைத் தமிழ் அகதிகளுக்கு, தமிழக மக்களுக்கு வழங்கப்படும் அனைத்து மக்கள்நலத் திட்டங்களின் சலுகைகளையும் இம்மி குறையாது வழங்கியதோடு, உதவித் தொகையையும் சேர்த்தே வழங்கி, அவர்கள் மறுவாழ்வுக்கு வழிவகுத்த ஈகையின் இருப்பிடமும் முதல்வர் ஜெயலலிதா தான். இவை யாவிற்கும் மேலாக, ராஜீவ் காந்தி கொலை வழக்கில் பலகாலமாய் சிறையிருப்பவர்களை மனிதாபிமானத்தோடு விடுதலை செய்ய மத்திய அரசை வலியுறுத்தி, சட்டப் பேரவையில் சரித்திரப் புகழ்மிக்கத் தீர்மானத்தை இயற்றியதும் கனிவுள்ளத் தாயின் கருணை தான்.

பெண்களை விஞ்ஞான யுகத்திற்கு அழைத்து வந்தவர்:

பெண்சிசுக் கொலைக்கு முடிவு கட்டி குப்பையிலே வீசப்பட்ட கொத்துப் பூவை, தொட்டில் குழந்தையென தூக்கி வளர்த்து, மட்டில்லா மகிழ்ச்சியினை மாதர்குலத்திற்குத் தந்திட்ட மகராசி. வருங்காலத் தலைமுறைக்கு வழிகாட்ட உலகத் தரக் கல்வி ஒன்றே உயர்வு தரும் என்று, மாணவர்க்கு மடிக்கணினி வழங்கிய மகராசி. இடைநிற்றல் இன்றி கல்வி பயில உதவித் தொகை, தூரம் கடக்க மிதிவண்டி, பேதம் மறைக்க சீருடைகள், இன்னும், வண்ண பென்சில்கள், வரலாறு, புவியியல் வரைபடங்கள், காலணிகள், கணித உபகரணங்கள் என அள்ளிக் கொடுத்த வள்ளல்.

விலையில்லா அரிசி, அம்மா உணவகம் என்று திட்டங்கள் தந்து, பசிப்பிணி என்பதே பாசத் தாய் ஆளும் எல்லைக்குள் இல்லை என உறுபசி துடைத்திட்ட ஒப்பில்லா அன்னை. இல்லத்தரசிகளின் இன்னல் களைய, மிக்ஸி, கிரைண்டர், மின்விசிறி வீடுதோறும் வழங்கி, அம்மி குழவிகளோடு மல்லுக்கட்டிய கற்காலத்திலிருந்து, ஏழை எளியோரின் இல்லங்களை விஞ்ஞான யுகத்திற்கு அழைத்து வந்த வெற்றித் திருமகள்.

வறுமைக் கோட்டிற்குக் கீழே வாடும் மக்களுக்கு, கறவை மாடு, ஆடுகள் வழங்கி வெண்மை புரட்சிக்கு வித்திட்ட விவேகத் தாய். குருவிக்கும் கூடுண்டு, எனக்கென வீடு இல்லையே! எனும் ஏக்கத்தில் தவித்த எளியோர்க்கு, சூரிய மின் வசதியோடு, பசுமை வீடு வழங்கிய பொன்மனத் தாய்.

தொலைநோக்கு திட்டம் தந்தவர்: 

உலகத் தரத்திலான உட்கட்டமைப்பு, சிறந்த மனிதவள மேம்பாடு இவற்றால் ஒரகடத்தில் கார் உதிரிபாகத் தொழிற்சாலை, காட்டுப்பள்ளியில் கப்பல் கட்டும் தளம், திருவரங்கத்தில் புதிய காகித அட்டை தயாரிக்கும் ஆலை, தேசிய சட்டப்பள்ளி என்றெல்லாம் வளர்ச்சியைப் பெருக்கி, வாழ்க்கைத் தரத்தை உயர்த்தி, வறுமையை அடியோடு துடைப்பதையே லட்சியமாக்கி, "தொலைநோக்கு 2023" என்ற திட்டத்தினால், வீறுதமிழ் பூமிக்கு வெற்றிப் பாதை அமைத்திட்ட வேதா இல்லம் தந்த வீரத் துறவி முதல்வர் ஜெயலலிதா .

முதியோருக்கு உதவித்தொகை:

ஆதரவற்றோர், முதியோர் மற்றும் கணவனை இழந்தோரை கருணையோடு அரவணைக்கும் விதமாக மாதம் ரூ.1000/- உதவித் தொகை வழங்கிய ஒப்பில்லா உயர்வுள்ளம். அன்னைத் தமிழ் மொழி, அது விண்ணைத் தொடும் வண்ணத் தமிழ்மொழி என்று அரிதாள் அறுக்கையில் மறுதாள் வளரும் தஞ்சைத் தரணியில் எட்டாம் உலகத் தமிழ் மாநாடு கண்ட எட்டாம் அதிசயம்.ஆட்சி பீடத்தில் அமர்ந்த முதன்முறையிலேயே 69 சதவீத இடஒதுக்கீட்டை சட்டப்பூர்வமாக்கி, சமூக நீதி காத்த வீராங்கனை. அரசியல் வானில் அச்சம் அறியா சிம்மம், ஆற்றல்களின் பிரம்மம், அதிசயங்களால் வடிவெடுத்து வந்த அரசியல் மையம், சாதிமதப் பூசல்களுக்கு சவுக்கடி கொடுத்து, சமத்துவத்திற்கு அடையாளமாய் சபாநாயகர் இருக்கையில் தாழ்த்தப்பட்ட சமூகத்திற்கும் தலைப்பாகை சூட்டிய சமதர்மச் சுடரொளி.

வாடிய பயிர் கண்டு வாடிய நவீன வள்ளலார்:

மகளிர் காவல் நிலையம், பெண் கமாண்டோ படை அமைத்து ஆணுக்குப் பெண் சளைத்தவர் இல்லை என்று எடுத்துக்காட்டிய வீரச் சுடர் ஒளி, குடிமகனுக்கு இணையாக குடிமகள் என்னும் சொல்லை பயன்படுத்த ஆணையிட்டு, தாயின் முதலெழுத்தை குழந்தையின் தலைப்பெழுத்தாய் பயன்படுத்த அனுமதி அளித்து, மகளிர் நீதிமன்றங்கள் அமைத்து, ஏனையோர்க்கு வழிகாட்டி, தீரமிகு மங்கையர்க்கு கல்பனா சாவ்லா விருது தந்து, பெண்ணினத்திற்கே பெருமை சூட்டிய பேரறிவுத் தாய். பணிபுரியும் பெண் அரசு ஊழியர்க்கு பேறுகால விடுப்பை ஒன்பது மாதமாக உயர்த்தி, உலகுக்கே வழிகாட்டிய தனிப் பெரும் கருணை. மண்ணுக்கும் மழைநீர் வார்த்து, புவி வெப்பமாவதைத் தடுக்க, மழைநீர் சேகரிப்புத் திட்டம் தந்து, முன்கூட்டியே முதலில் சிந்தித்த இயற்கை ஆர்வலர். யானைகளுக்குப் புத்துணர்வு முகாம்கள் அமைத்து, "வாடிய உயிர் கண்டு வாடினேன்" என்ற நற்றமிழ் பூமியின் நவீன வள்ளலார். முறைசெய்து காப்பாற்றும் மன்னவன், மக்கட்கு இறையென்று வைக்கப் படும்" என்ற ஈரடிக் குறளுக்கு வடிவம் கொடுத்த இலக்கண முதல்வர். இந்திய தேசத்தின் இன்ன பிற மாநிலங்கள் மட்டுமல்ல, உலகின் எண்ணில்லா நாடுகளுக்கும் தம் ஆட்சியே முன்மாதிரி என்னும் இலக்கணத்தை வகுத்துச் சென்றிருக்கும் ஈடு இணையில்லா முதல்வர்.

அன்னை தெரசா வாழ்த்திய தியாகங்களின் சிகரம்!:

‘மக்களால் நான், மக்களுக்காகவே நான்’ என்னும் மாதவத்தில் வாழ்ந்து, மண்ணுலகிலிருந்து விடைபெற்றிருக்கும் முதலமைச்சர் இதய தீர்க்கம் நிறைந்த தியாகத்தின் வழியில் இம்மி அளவும் விலகாது சத்தியத்தில் பயணிப்போம்.
"எனக்காக ஏதுமில்லை, எல்லாமும் என் மக்களுக்கே" என்று உரக்கச் சொன்ன உத்தமத் தாயின் லட்சிய தீபத்தை உயிராகக் காப்போம்.வங்கக் கடலோரம் உறங்குகிற வாஞ்சைத் தாய், தன் சுட்டுவிரல் நீட்டிய பாதையில் அரசு சுழன்று பணி செய்கிறதா என்று கண்கொண்டு கவனித்துக் கொண்டிருக்கிறார் என்பதையே எங்கள் நெஞ்சத்தில் நிறுத்தி, அம்மா காட்டிய வழியில் அயராது உழைப்போம் என உளமாரச் சத்தியம் செய்கிறோம்!

தாய்மையின் வடிவமாய், தமிழினத்தின் வரைபடமாய்,தனிமனித ராணுவமாய், தாயுருவத் தெய்வமாய், புரட்சிகளின் புகலிடமாய், பொன்மனத்தின் முதலிடமாய், வீரமே சுவாசமாய், வெற்றிகளின் விலாசமாய் தான் வடித்திட்ட சரித்திரத்தை வருங்காலத் தலைமுறை படித்திங்கே பண்படட்டும், பயன்பெறட்டும் என்றே வங்கக் கடலோரம் துயில் கொண்டிருக்கும் தமிழ்நாட்டின் தங்க சரித்திரமே! வணங்கி நடப்போம் உன் வழித்தடமே! என்று இந்நாளில் உறுதிமொழி ஏற்று, இந்த அமைச்சரவை முதலமைச்சர் ஜெயலலிதாவிந் மறைவிற்கு தனது நெஞ்சார்ந்த இரங்கலை தெரிவித்துக் கொள்கிறது.

பாரத ரத்னா வழங்க தீர்மானம்:

நம் அனைவரின் நெஞ்சில் நிறைந்திருக்கும் ஜெயலலிதாவின் திருவுருவப்படத்தை தமிழக சட்டமன்ற பேரவையில் வைப்பதற்கும், மறைந்த முதல்வர் ஜெயலலிதாவுக்கு பாரத ரத்னா விருது அளிப்பதற்கு மைய அரசுக்கு பரிந்துரைப்பதற்கும், முதல்வர் ஜெயலலிதாவுக்கு நாடாளுமன்ற வளாகத்தில் முழு உருவ வெண்கலச்சிலை அமைப்பதற்கு மைய அரசிடம் கோருவதற்கும், முதல்வர் ஜெயலலிதா நல்லடக்கம் செய்யப்பட்ட இடத்தில் ரூ.15 கோடியில் நினைவு மண்டபம் அமைப்பதற்கும், பாரத ரத்னா டாக்டர் புரட்சித்தலைவர் எம்.ஜி.ஆர் நினைவிடம் என்பதை பாரத ரத்னா புரட்சித்தலைவர் எம்.ஜி.ஆர் மற்றும் புரட்சித்தலைவி அம்மா செல்வி ஜெ. ஜெயலலிதா நினைவிடம் என பெயர்மாற்றம் செய்யவும் அமைச்சரவையில் நேற்று தீர்மானம் நிறைவேற்றப்பட்டது.

English Summary:

Chennai: MGR. Memorial campus, were buried at the memorial to the late Chief Minister Jayalalithaa in the Rs 15 crore in Tamil Nadu at a Cabinet meeting chaired by Chief Minister Panneerselvam resolution passed yesterday. She was nominated for the Bharat Ratna to the central government.

Read More

கட்சியை வழிநடத்த சின்னம்மா சசிகலாவே தகுதியானவராம்... சொல்வது செங்கோட்டையன், துரைசாமி, வளர்மதி

சென்னை : அதிமுக பொதுச்செயலாளர் ஜெயலலிதாவின் மறைவுக்குப் பின்னர் அடுத்த பொதுச்செயலாளர் யார் என்ற கேள்வி எழுந்துள்ளது.

இந்த நிலையில் சென்னையில் போயஸ் தோட்டத்தில் உள்ள ஜெயலலிதா வீட்டில் அதிமுக மூத்த நிர்வாகிகள் செங்கோட்டையன், மதுசூதனன், வளர்மதி, கோகுல இந்திரா, சைதை துரைசாமி, சி.ஆர்.சரஸ்வதி உள்ளிட்டோர் சசிகலாவை சந்தித்தனர்.

வதந்திகளுக்கு முற்று புள்ளி வைக்கும் விதமாக பொதுச்செயலாளரை ஏற்க வேண்டும் என சசிகலாவிடம் மூத்த நிர்வாகிகள் வலியுறுத்தினர். முன்னாள் முதல்வர் ஜெயலலிதா வழியில் கட்சியை கட்டுக்கோப்புடன் வழிநடத்த சசிகலா பொறுப்பேற்க வேண்டும் என அதிமுக நிர்வாகிகள் வலியுறுத்தியதாக கூறப்படுகிறது.

சைதை துரைசாமி :

இதனைத் தொடர்ந்து ஜெயா டிவியில் செய்தியாளர்களிடம் பேசிய சைதை துரைசாமி, அம்மாவிற்கு செவிலித்தாயாகவும், பாதுகாவலராகவும் விளங்கியவர் சசிகலா அம்மையார். கட்சியை வழி நடத்தும் தகுதி அவர்களுக்குத்தான் இருக்கிறது என்று கூறினார்.

கட்டுப்பாடான தலைவர்:

செங்கோட்டையன் பேசிய போது, அதிமுகவை வழிநடத்தும் தகுதி சின்னம்மாவிற்கு மட்டுமே உள்ளது என்றார். புரட்சித்தலைவர் எம்ஜிஆருக்குப் பின்னர், அம்மா எப்படி கட்சியை வழி நடத்தினாரோ அதே போல அம்மாவிற்குப் பிறகு சின்னம்மாதான் முழு முதல் தகுதியானவர் என்றார் செங்கோட்டையன்.

முழு தகுதி உண்டு:

முன்னாள் அமைச்சர்கள் கோகுல இந்திரா, வளர்மதி ஆகியோர், கட்டுக்கோப்பான அதிமுக கட்சியை வழி நடத்தும் முழு தகுதியும் சின்னம்மாவிற்கே உண்டு என்றார். ராணுவக்கட்டுப்பாட்டுடன் கூடிய கட்சிக்கு சின்னம்மதான் தகுதியானவர் என்றனர்.

காப்பாற்றுங்கள் தாயே :

அம்மாவிற்காக தனது வாழ்க்கையை தியாகம் செய்து. அம்மாவிற்காகவே வாழ்க்கையை அர்ப்பணித்த சின்னம்மாவிற்கு மட்டுமே கட்சியை வழி நடத்தும் தகுதி உள்ளது என்றும், காப்பாற்றுங்கள் தாயே என்று காலில் விழுந்து கேட்கிறோம் என்றும் ஏராளமான அதிமுக நிர்வாகிகள் ஜெயாடிவியில் பேசினர்.

ஜெயலலிதா :



நேற்று வரை மூச்சுக்கு மூச்சு அம்மா அம்மா என்று பேசிய வாய்கள் இன்று அதை விட இரு மடங்காக சின்னம்மா சின்னம்மா என்று பேசுவதை தூணின் ஓரத்தில் படமாக வைக்கப்பட்டுள்ள ஜெயலலிதா அமைதியாக பார்த்துக்கொண்டுதான் இருந்தார்.

English summary:

 ADMK spokespersons have defended Sasikala, and now the party has firmly stated its view on her as their next leader. Since Saturday, AIADMK’s Twitter handle has also been promoting news and photos of Sasikala. It now only seems like a matter of time for the general secretary of the party to be elected and the choice is obvious.

Read More

அமைச்சரவை கூட்டத்திற்கு முன் அம்மாவுக்கு அஞ்சலி செலுத்திய ஓ.பி.எஸ்..!

சென்னை : மறைந்த முன்னாள் முதல்வர் ஜெயலலிதா வாழ்ந்து மறைந்த போயஸ் தோட்டத்திற்கு சென்று முதல்வர் ஓ.பன்னீர் செல்வம், ஜெயலலிதா படத்திற்கு அஞ்சலி செலுத்திய பின்னர் அமைச்சரவைக் கூட்டத்திற்கு சென்றார்.

தமிழ்நாட்டின் முதல்வராக இருந்த ஜெயலலிதா, கடந்த 5ஆம் தேதியன்று காலமானார். இதையடுத்து புதிய முதலமைச்சராக ஓ.பன்னீர்செல்வம் பதவியேற்றார். இந்நிலையில், சென்னை தலைமைச் செயலகத்தில் இன்று காலை 11.30 மணிக்கு ஓ.பன்னீர்செல்வம் தலைமையில் முதல் அமைச்சரவைக் கூட்டம் நடைபெறவுள்ளதாக அறிவிக்கப்பட்டது.

 இந்நிலையில் அமைச்சரவைக் கூட்டத்திற்கு செல்வதற்கு முன்னர் போயஸ் கார்டன் சென்ற ஓபிஎஸ் அங்கு சசிகலாவுடன் ஒரு மணி நேரம் ஆலோசனை நடத்தினார்.பின்னர் மெரினா கடற்கரையில் அமைந்துள்ள மறைந்த முதல்வர் ஜெயலலிதாவின் நினைவிடத்திற்கு நேராக சென்ற அவர்,அங்கு மலர்தூவி அஞ்சலி செலுத்தினார். பின்னர் அமைச்சர்கள் புடைசூழ தலைமைச் செயலகம் சென்று,அமைச்சரவைக் கூட்டத்தில் கலந்து கொண்டார். முதல்வர் நாற்காலியில் அமர்ந்து ஜெயலலிதாவிற்கு இரங்கல் செய்தி வாசித்தார் ஓ.பன்னீர் செல்வம்.

English summary:

 Chief Minister Jayalalitaa and O.Paneerselvam paid homage to Jayalalithaa.

Read More

அதிமுகவின் அடுத்த பொதுச்செயலர் எங்கள் சின்னம்மா நீங்கதான்-தீபா ஃபேஸ்புக் பக்கத்தில் பரபர அழைப்பு

சென்னை: அரசியலுக்கு நானும் வரத் தயார் என ஜெயலலிதாவின் அண்ணன் மகள் தீபா அறிவித்துள்ள நிலையில் அவரது அதிகாரப்பூர்வ ஃபேஸ்புக் பக்கத்தில் 'எங்க சின்னம்மா நீங்கதான்... அதிமுகவின் அடுத்த பொதுச்செயலர் நீங்கதான் என்றெல்லாம் அதிமுகவினர் பதிவிட்டு வருவது பரபரப்பை ஏற்படுத்தியுள்ளது.
ஜெயலலிதாவின் அண்ணன் ஜெயக்குமாரின் மகள் தீபா. ஜெயலலிதா மருத்துவமனையில் இருந்த போது தீபாவை உள்ளேயே அனுமதிக்கவில்லை.

சசிகலா கஸ்டடியில் தீபக்:

ஆனால் தீபாவின் சகோதரர் தீபக்கைதான் சசிகலா தரப்பு தங்கள் பக்கம் வைத்துக் கொண்டது. இதை முதன் முதலாக ஒன் இந்தியா தமிழ் இணையதளம் செய்தியாக வெளியிட்டது.

தீபாவுக்கு அனுமதி மறுப்பு:

ஜெயலலிதா மறைந்தபோதும் தீபாவை அப்பல்லோ மருத்துவமனைக்குள் அனுமதிக்கவில்லை. ராஜாஜி ஹாலில் கடும் கெடுபிடிகளுக்கு இடையே தீபா சில நிமிடங்கள் மட்டுமே அனுமதிக்கப்பட்டார்.

தனியாக இறுதி சடங்கு...:

ஜெயலலிதாவுக்கு இறுதிச் சட்டங்குகளை சசிகலாவுடன் இணைந்து தீபக் மட்டுமே செய்தார். பின்னர் தீபா தனியாக சென்று ஜெயலலிதா நினைவிடத்தில் அஞ்சலி செலுத்தியிருந்தார்.

அதிமுக பொதுச்செயலர் யார்?:

இந்த நிலையில் அதிமுகவின் புதிய பொதுச்செயலர் யார் என்ற கேள்வி எழுந்துள்ளது. சசிகலா உட்பட பலரது பெயர்களும் அடிபடும் நிலையில் தீபாதான் அதிமுகவுக்கு தலைமை ஏற்க வேண்டும்; சசிகலாவை ஏற்க முடியாது என்ற குரல்களும் எழுந்துள்ளன.

அரசியலுக்கு வர ரெடி...:

தீபாவும் தாம் அரசியலுக்கு வர தயாராக இருப்பதாகவும் ஜெயலலிதா உடல்நிலை மோசமானதற்கு சசிகலாவே காரணம் எனவும் ஆங்கில டிவி சேனலுக்கு அளித்த பேட்டியில் தீபா குற்றம்சாட்டியுள்ளார்.

ஃபேஸ்புக்கில் அழைப்புகள்:

பேஸ்புக்கில் Deepa Jayakumar என்ற ஐடியை நீண்டகாலமாக தீபா பயன்படுத்தி வருகிறார். அதில் நிலா டிவியில் பயிற்சி பத்திரிகையாளராக தொடங்கியது; இந்தியன் எக்ஸ்பிரஸில் சப் எடிட்டாராக பணியாற்றியது உள்ளிட்ட விவரங்களைக் குறிப்பிட்டிருக்கிறார். அந்த பேஸ்புக் பக்கத்திலும் புதியதாக உருவாக்கப்பட்டுள்ள Official.DeepaJayaKumar என்ற பக்கத்திலும் அதிமுகவினர், நீங்க அரசியலுக்கு வரவேண்டும் என அழைப்பு விடுத்து வருகின்றனர்.

English summary:

Some section of ADMK Cadres invite Jayalalithaa's niece Deepa Jayakumar to join the Politics and lead the Party.

Read More

வதந்திகளை நம்ப வேண்டாம்' - பொன்னையன்

சென்னை:‛அ.தி.மு.க., பொதுச்செயலாளர் யார் என்ற விவகாரத்தில் வதந்திகள் பரப்பப்படுகின்றன. அவற்றை நம்ப வேண்டாம்' என அ.தி.மு.க., முன்னாள் அமைச்சர் பொன்னையன் கூறியுள்ளார். சென்னையில் அ.தி.மு.க., தலைமை அலுவலகத்தில், பொன்னையன் கூறியதாவது:

அ.தி.மு.க.,வின் புதிய பொதுச்செயலாளர் யார் என பல்வேறு தகவல்கள், வதந்திகள் பரபரப்பப்படுகின்றன. அவற்றை நம்ப வேண்டாம். அ.தி.மு.க., என்பது எம்.ஜி.ஆரால் உருவாக்கப்பட்டு, ஜெயலலிதாவால் வளர்க்கப்பட்ட ஆலமரம். ஒன்றரை கோடி தொண்டர்கள் உள்ள கட்சி. தொண்டர்களை காக்கும், மக்களை காக்கும் ஒருவர் பொதுச்செயலாளராக தேர்ந்தெடுக்கப்படுவார். கட்சியில் சூன்யமான சூழ்நிலை இல்லை. பொதுச்செயலாளராக இவர் வருவார், அவர் வருவார் என்று கூறப்படுவதை நம்ப வேண்டாம். விரைவில் ஒருவர் தேர்ந்தெடுக்கப்படுவார். இவ்வாறு பொன்னையன் கூறினார்.

English summary:

Chennai: AIADMK., Who is general secretary of the affair rumors. Do not believe them, "the AIADMK, the former minister said ponnaiyan. 

Read More

ஜெயலலிதாவின் இடத்தை யாராலும் நிரப்ப முடியாது: மதுரை ஆதீனம்

சென்னை, மறைந்த முதல்வர் ஜெயலலிதாவின் இடத்தை யாராலும் நிரப்ப முடியாது என்று மதுரை ஆதீனம் கூறினார்.

மதுரை ஆதீனம் பேட்டி:

சென்னையை அடுத்த கூடுவாஞ்சேரிக்கு மதுரை ஆதீனம்  வந்தார். அப்போது அவர் நிருபர்களுக்கு அளித்த பேட்டியில் கூறியதாவது:-

ஜெயலலிதாவின் கொள்கைகள், எண்ணங்கள், திட்டங்களை புதிதாக பொறுப்பேற்று உள்ள முதல்வர் பன்னீர்செல்வத்தின் அரசு செயல்படுத்தும். பன்னீர்செல்வத்தின் ஆட்சி முழுமையாக நீடிக்கும். அ.தி.மு.க.வுக்கு மத்திய அரசு உறுதுணையாக இருக்கும். யார் பொறுப்புக்கு வர வேண்டும் என்று ஜெயலலிதா நினைத்தாரோ?, யாரால் அ.தி.மு.க.வை வழிநடத்திட முடியும் என்று தீர்மானித்தாரோ அவர் கட்சி பொறுப்புக்கு வருவார். அ.தி.மு.க. உடையாது. காரணம் ஜெயலலிதாவின் பாசறையில் வளர்ந்தவர்கள், உடன் இருந்தவர்கள் அந்த பக்குவத்தை பெற்று உள்ளனர்.

யாராலும் நிரப்ப முடியாது:

ஜெயலலிதாவின் இடத்தை யாராலும் நிரப்ப முடியாது. அவர் கோடியில் ஒருவர். அவருடைய இடத்தை நிரப்ப ஆயிரம் ஆண்டு காலம் ஆகலாம். என் உடலில் உயிர் இருக்கும்வரை அ.தி.மு.க.வில் யார் பொறுப்புக்கு வந்தாலும், அவர்களுக்கு என் முழு ஆதரவும், ஆசீர்வாதமும் உண்டு.ஜெயலலிதா, சாதி, மத, இன வேறுபாடு இன்றி பல்வேறு நலத்திட்டங்களை ஏற்படுத்தினார். அந்த திட்டங்களை தொடர்ந்து செயல்படுத்த வேண்டும். அ.தி.மு.க.வின் எதிர்காலம் நிச்சயமாக சிறப்பாக இருக்கும். முதல்-அமைச்சர் பன்னீர்செல்வம் அனைவரையும் சமாளித்து ஜெயலலிதாவின் திட்டங்களை நிறைவேற்றுவார்.எதிர்க்கட்சியான தி.மு.க. நிச்சயமாக அ.தி.மு.க அரசுக்கு எந்தவித தொந்தரவும் கொடுக்கமாட்டார்கள். அ.தி.மு.க தொண்டர்கள், நிர்வாகிகள் அ.தி.மு.க. வளர்ச்சிக்காக ஒற்றுமையாக இருக்க வேண்டும்.

இவ்வாறு அவர் கூறினார்.

English Summary:

Atinam next Guduvancheri came to Chennai and Madurai. In an interview with reporters, he said: -Jayalalithaa's policies, intentions, plans, taking responsibility for the new government in the implementation of the CM panneerselvam. Panneerselvam's regime will fully extend. Digg will be supported by the Central Government. Who ?, Who thought she'd have to come up to the trust that Digg can jayaalalithaa decided he will come to a responsible party. Digg Does not break. Cause of the camp grew, gaining a position that has been played.

Read More

ஜெயலலிதா நினைவிடத்தில் கட்டுமான பணி தொடங்கியது

சென்னை, ஜெயலலிதா நினைவிடத்தில் கட்டுமான பணி தொடங்கியது. ஜெயலலிதாவுக்கு அஞ்சலி செலுத்த வருபவர்களை தடுக்காமல் நினைவிட கட்டுமான பணிகளை தொடர்ந்து செய்ய அதிகாரிகள் திட்டமிட்டுள்ளனர்.

மறைந்த முதல்-அமைச்சர் ஜெயலலிதாவின் உடல் சென்னை மெரீனா கடற்கரையில் எம்.ஜி.ஆர். நினைவிட வளாகத்தில் நல்லடக்கம் செய்யப்பட்டுள்ளது. எம்.ஜி.ஆர். சமாதிக்கு நேர் பின்புறத்தில் ஜெயலலிதா சமாதி அமைந்துள்ளது. அந்த சமாதி இடத்துக்கு நேற்று    4-வது நாளாக தமிழகம் முழுவதும் இருந்து பல்லாயிரக்கணக்கான மக்கள் வந்து மலர் தூவி அஞ்சலி செலுத்தினார்கள்.ஜெயலலிதா சமாதி இடத்தில் மிகப்பெரிய நினைவிடம் கட்ட முடிவு செய்யப்பட்டுள்ளது. தற்போது இந்த நினைவிட வளாகம் தமிழக அரசின் பொதுப்பணித்துறை வசம் உள்ளது.

எனவே ஜெயலலிதா நினைவிடத்தை கட்டும் பொறுப்பு பொதுப்பணித் துறையிடம் ஒப்படைக்கப்பட்டுள்ளது. இதைத் தொடர்ந்து பொதுப் பணித்துறையைச் சேர்ந்த கட்டிடக் கலை வல்லுனர்கள், வடிவமைப்பாளர்கள் ஜெயலலிதா அடக்கம் செய்யப்பட்டுள்ள இடத்துக்கு பல தடவை வந்து ஆய்வு செய்து சென்றுள்ளனர். அவர்கள் ஜெயலலிதா நினைவிடத்துக்கான மாதிரி படங்களை வரைந்து கொடுப்பார்கள். அதில் ஒரு கட்டிட அமைப்பு தேர்வு செய்யப்படும். பிறகு கட்டுமான பணிகள் தொடங்கும். இதற்கிடையே ஜெயலலிதா அடக்கம் செய்யப்பட்ட இடத்தில் சிறு சமாதி கட்டும் பணி நேற்று தொடங்கியது.

இதற்காக நிறைய கிரானைட் கற்கள் கொண்டு வரப்பட்டன. அந்த கிரானைட் கற்களை சிறு, சிறு துண்டுகளாக அறுத்து எடுக்கும் பணியில் 6 வட மாநில தொழிலாளர்கள் ஈடுபட்டுள்ளனர். இந்த கிரானைட் கற்கள் மூலம் ஜெயலலிதா சமாதி இடம் அழகுப்படுத்தப்படும். அதை சுற்றி நினைவிடம் அமைக்கப்படும்.இதற்கிடையே ஜெயலலிதா அடக்கம் செய்யப்பட்டுள்ள இடத்தில் அஞ்சலி செலுத்த தமிழ்நாடு முழுவதும் இருந்து சென்னை வரும் அ.தி.மு.க. தொண்டர்கள் பொதுமக்கள் எண்ணிக்கை அதிகரித்தப்படி உள்ளது. நேற்று மட்டும் சுமார் 5 லட்சம் பேர் ஜெயலலிதா சமாதியில் அஞ்சலி செலுத்தியதாக கணக்கிடப்பட்டுள்ளது. இன்றும்,  நாளையும்  விடுமுறை தினம் என்பதால் ஜெயலலிதா சமாதியைப் பார்க்க வருபவர்கள் எண்ணிக்கை மேலும் உயரும் என்று தெரிகிறது. ஜெயலலிதாவுக்கு அஞ்சலி செலுத்த வருபவர்களை தடுக்காமல் நினைவிட கட்டுமான பணிகளை தொடர்ந்து செய்ய அதிகாரிகள் திட்டமிட்டுள்ளனர்.

English Summary:

Chennai, Jayalalithaa has started construction work on the memorial. Memorial to prevent people from coming to pay homage to her officials plan to continue construction work.

Read More

முதல்வர் - அமைச்சர்கள்- அ.தி.மு.க.வினருடன் ஜெயலலிதா நினைவிடத்தில் சசிகலா அஞ்சலி

சென்னை,
மறைந்த முன்னாள் முதல்வர் ஜெயலலிதா நினைவிடத்தில் அவரது உயிர்த்தோழி சசிகலா, முதல்வர் ஒ.பன்னீர்செல்வம், அமைச்சர்களுடன் மலர்தூவி அஞ்சலி செலுத்தினார்,
மக்கள் அஞ்சலி:

முதல்வர் ஜெயலலிதா கடந்த 5-ம் தேதி இரவு 11-30 மணிக்கு காலமானார். இந்த அதிர்ச்சி செய்தியால் தமிழகமே சோகத்தில் மூழ்கியது. இதைத்தொடர்ந்து அவரது உடல் சென்னை அப்பல்லோ மருத்துவமனையில் இருந்து போயஸ்கார்டன் கொண்டு செல்லப்பட்டு இறுதிச்சடங்குகள் மேற்கொள்ளப்பட்டன. இதனையடுத்து ராஜாஜி மண்டபத்தில் பொதுமக்கள் அஞ்சலிக்காக வைக்கப்பட்ட மறைந்த முதல்வர் ஜெயலலிதா உடலுக்கு தலைவர்கள், லட்சக்கணக்கான மக்கள் இறுதி அஞ்சலி செலுத்தினர்.

இதைத்தொடர்ந்து ஜெயலலிதாவின் உடல், எம்,.ஜி.ஆர் நினைவிடத்தின் அருகே நல்லடக்கம் செய்யப்பட்டது. இந்த நிகழ்ச்சிகளில் பத்துலட்சத்திற்கும் மேற்பட்ட மக்கள் கலந்து கொண்டு மறைந்த முன்னாள் முதல்வருக்கு மரியாதை செலுத்தினர், இந்த நிலையில் ஜெயலலிதாவின் மறைவால் பேருந்து போக்குவரத்து முற்றிலுமாக முடங்கியது. இதன் காரணமாக தலைநகருக்கு வரமுடியாமல் தவித்த மக்கள், மறுநாள் முதல் ஜெயலலிதா நல்லடக்கம் செய்யப்பட்ட இடத்தில் குவியத்தொடங்கினர். ஒவ்வொரு நாளும் விடிய, விடிய மறைந்த ஜெயலலிதாவுக்கு மாநிலத்தின் பல்வேறு பகுதிகளில் இருந்து மக்கள் அஞ்சலி செலுத்தினர், கற்பூர ஆராதனை செய்தும் தேங்காய் உடைத்தும் பொதுமக்கள் குழந்தைகளுடன் கண்ணீர் அஞ்சலி செலுத்தினர்,

சசிகலா - முதல்வர் அஞ்சலி:

இந்த நிலையில், மறைந்த முதல்வர் ஜெயலலிதாவின் உயிர்த்தோழி சசிகலா நேற்று மாலை 6 மணிக்கு கடற்கரையில் உள்ள எம்,.ஜி.ஆர் நினைவிடத்தில் அமைக்கப்பட்ட ஜெயலலிதா நினைவிடத்திற்கு வந்தார். அங்கு கண்ணீருடன் மலர்தூவி அஞ்சலி செலுத்தினார். முதல்வர் ஜெயலலிதா நல்லடக்கம் செய்யப்பட்ட இடத்தை சுற்றி வந்து சுமார் 45 நிமிடம் அஞ்சலி செலுத்தினார். உடன் முதல்வர் ஒ.பன்னீர்செல்வம், அமைச்சர்கள் திண்டுக்கல் சீனிவாசன், எடப்பாடி பழனிச்சாமி, தங்கமணி, எஸ்.பி.வேலுமணி, செல்லூர் கே.ராஜூ உள்ளிட்டவர்களும் அ.தி.மு.க நிர்வாகிகளும் அஞ்சலி  அஞ்சலி செலுத்திய பின்னர் அமைச்சர்களுடன் முதல்வர் பன்னீர்செல்வம், பொதுப்பணித்துறை அதிகாரிகளுடன் ஆலோசனை நடத்தினர். மறைந்த ஜெயலலிதாவுக்கு நினைவிடம் அமைக்கும் பணிகள் குறித்து அவர்கள் கேட்டறிந்தனர்.

English Summary:

The memorial of the late former Chief Minister Jayalalithaa on his dear friend Sasikala, Chief O.Panneerselvam, ministers paid tribute to the jayalalithaa with flower boutique.

Read More

கச்சத்தீவு புனித அந்தோணியார் ஆலயத் திருவிழா: தமிழக மீனவர்கள் விழாவுக்கு சென்று பிரார்த்தனை செய்ய அனுமதிக்க வேண்டும் - பிரதமருக்கு, முதல்வர் ஒ.பன்னீர்செல்வும் கடிதம்

சென்னை : கச்சத்தீவு புனித அந்தோணியார் தேவாலய பிரதிஷ்டை விழாவில், தமிழக மீனவ யாத்ரீகர்கள் அனைவரும் எந்தவித எண்ணிக்கை கட்டுப்பாடின்றி கலந்து கொள்ள உரிய அனுமதி பெற வெளியுறவுத்துறை அமைச்சகம் நடவடிக்கை எடுக்க அறிவுறுத்த வேண்டும் என பிரதமர் மோடிக்கு, தமிழக முதல்வர் ஒ.பன்னீர்செல்வம் எழுதியுள்ள கடிதத்தில் வலியுறுத்தியுள்ளார்.

இதுகுறித்து, முதல்வர் ஒ.பன்னீர்செல்வம் பிரதமர் மோடிக்கு நேற்று எழுதியுள்ள கடிதத்தில் கூறியிருப்பதாவது:-

ஆலய திறப்பு விழா:

கச்சத்தீவில் புனித அந்தோணியார் தேவாலய கட்டிடம்  புதிதாக கட்டப்பட்டுள்ளது. இந்த தேவாலயத்தின் பிரதிஷ்டை விழா தள்ளிபோய் உள்ளது. இந்த தேவாலயத்தின் திறப்பு விழாவில் தமிழக மீனவ சமூகத்தைச்சேர்ந்த பக்தர்கள் கலந்து கொள்வதற்கு உரிய அனுமதியை பெற்றுத்தர வெளியுறவுத்துறை அமைச்சகத்திற்கு தாங்கள் அறிவுறுத்த வேண்டி இந்த கடிதம் எழுதுகிறேன்.

20 பேருக்கு மட்டும் அனுமதி:

கச்சத்தீவு புனித அந்தோணியார் தேவாலய புதிய கட்டிட திறப்பு விழா 7-12-2016 அன்று நடத்த திட்டமிடப்பட்டிருந்தது. இது தொடர்பாக தமிழக அரசு தலைமைச்செயலாளர், வெளியுறவுத்துறை செயலாளருக்கு எழுதிய கடிதத்தில் தமிழக மீனவர்கள்  கச்சத்தீவு புனித அந்தோணியார் பிரதிஷ்டை விழாவில் பங்கேற்க அனுமதி பெற நடவடிக்கை எடுக்க வேண்டும் எனக்கோரி இருந்தார். ராமேஸ்வரம் வேர்கோடு புனித ஜோசப் தேவாலய பாதிரியார் வேண்டுகோள் படி, தமிழகத்தை சேர்ந்த 100 யாத்ரீகர்கள் கச்சத்தீவு புனித அந்தோணியார் தேவாலய விழாவிற்கு செல்ல விருப்பம் கொண்டிருந்தது தெரிய வந்தது. இருப்பினும், தமிழகத்தில் இருந்து 20 பக்தர்கள் மட்டுமே தடையில்லாமல் கச்சத்தீவு ஆலய பிரதிஷ்டை விழாவுக்கு செல்ல முடியும் என வெளியுறவுத்துறை அமைச்சகம் 5-12-2016 அன்று எழுதிய கடிதத்தில் குறிப்பிட்டு இருந்தது.

இந்தநிலையில் தான், மாண்புமிகு தமிழக முதல்வர், நமது போற்றுதலுக்குரிய தலைவர் புரட்சித்தலைவி அம்மா மரணம் அடைந்த துரதிர்ஷ்ட நிகழ்வு ஏற்பட்டது. அவரது மறைவு செய்தி தெரிவிக்கப்பட்ட நிலையில், இலங்கை அரசு புனித அந்தோணியார் ஆலய பிரதிஷ்டை விழாவை தள்ளி வைத்தது. இந்த ஆலயத்தின் மறு பிரதிஷ்டை விழா தேதி அறிவிக்கப்படவில்லை.

பாரம்பரிய தொடர்பு:

கச்சத்தீவு புனித அந்தோணியார் தேவாலயம் தமிழகத்தின் லட்சக்கணக்கான மீனவ பக்தர்களின் கலாச்சார, மத உணர்வுகளுடன் தொடர்பு கொண்டது.  அவர்களில் அதிக அளவில்  கச்சத்தீவு புனித அந்தோணியார் ஆலய விழாவில் பங்கேற்க ஆர்வம் கொண்டவர்களாக உள்ளனர். இந்த நிலையில், 20 பேர் மட்டுமே தமிழகத்தில் இருந்து பங்கேற்க அனுமதிக்கப்பட்டுள்ளனர் என்பது ஏமாற்றத்தை அளிப்பதாக உள்ளது. தமிழக மீனவர்களின் கலாச்சாரம், மத பாரம்பரியத்துடன் ஒரு அங்கமாகவே கச்சத்தீவு புனித அந்தோணியார் ஆலயம் உள்ளது.

ஜெயலலிதா கடிதம்:

எங்களது போற்றுதலுக்குரிய தலைவர் புரட்சி தலைவி அம்மாவும் கடந்த 14-5-2016 அன்று தங்களுக்கு (பிரதமர்) எழுதிய கடிதத்தில் புனித அந்தோணியார் தேவாலயத்தை இந்தியா, இலங்கை கூட்டாக கட்ட வேண்டும். இந்த ஆலயம் இரு நாடுகளின் மீனவர்களின் கூட்டு பாரம்பரியமாக இருப்பதால் கூட்டாக இணைந்து கட்ட வேண்டும் என கூறியிருந்தார். பிரார்த்தனைக்கு மிக முக்கிய தலமாக உள்ள கச்சத்தீவு புனித அந்தோணியார் தேவாலயத்திற்கு செல்லும் பாரம்பரிய, சம்பிரதாய முறையை பாதுகாப்பதிலும் தமிழக மீனவர்கள்  மிகுந்த கவனம் கொண்டிருக்கிறார்கள்.

கட்டுபாட்டை தளர்த்த வேண்டும்:

உணர்வுகளுடன் தொடர்புடைய இந்த தேவாலய விழாவில், தமிழக மீனவர்களின் உரிமையையை கருத்தில் கொண்டு புனித அந்தோணியார் தேவாலய பிரதிஷ்டை விழாவில் தமிழக மீனவ பக்தர்கள் எண்ணிக்கையில் எந்த வித கட்டுப்பாடும் இல்லாமல்   கலந்து கொள்ள வெளியுறவுத்துறை அமைச்சகம் உரிய நடவடிக்கை எடுக்க, தாங்கள் (பிரதமர் ) அறிவுறுத்த வேண்டுகிறேன். இவ்விவகாரம் தொடர்பாக உடனடி நடவடிக்கை எடுக்க வேண்டுகிறேன்.

இவ்வாறு பிரதமர் மோடிக்கு, தமிழக முதல்வர் ஒ.பன்னீர்செல்வம் நேற்று எழுதிய கடிதத்தில் கூறியுள்ளார்.

English Summary:

At the dedication ceremony of St. Antony church fellowship, the number of fishermen and pilgrims without any limitation due to attend the Foreign Ministry to get permission to instruct the Prime Minister to take action, insisted in a letter to Chief Minister O. Panneerselvam.
However, the Chief Minister O.panneerselvam said in a letter yesterday to Prime Minister

Read More

ஆட்டத்தை தொடங்கினார் சசிகலா... போயஸ் கார்டனில் அமைச்சர்கள், நிர்வாகிகளுடன் அதிரடி ஆலோசனை!

சென்னை: ஜெயலலிதா மறைவைத் தொடர்ந்து அதிமுகவை கையில் எடுத்திருக்கும் சசிகலா அமைச்சர்கள், கட்சி நிர்வாகிகளுடன் நேற்று முக்கிய ஆலோசனை நடத்தினார்.

 ஜெயலலிதாவுக்குப் பின்னர் அதிமுகவின் எதிர்காலம் என்ன? என்ற கேள்வி எழுந்துள்ளது. அதிமுகவையும் ஆட்சியையும் தமது கட்டுப்பாட்டில் வைக்க சசிகலா வெளிப்படையாக அரசியல் களத்துக்கு வர வேண்டிய நெருக்கடி ஏற்பட்டுள்ளது.

 நேரடி அரசியல் இல்லை? 

ஆனால் உடனடியாக நேரடி அரசியலுக்கு வருவதை சசிகலா விரும்பவில்லை எனவும் கூறப்படுகிறது. இதனால் தமது ஆதரவாளர்களை கட்சியின் பொதுச்செயலர் உள்ளிட்ட முக்கிய பொறுப்புகளுக்கு கொண்டு வந்தாக வேண்டிய நிலையில் சசிகலா இருக்கிறார்.

 அதிரடி ஆலோசனை:

இனியும் தாமதிக்காமல் கட்சிப் பணிகளை உடனே தொடங்க வேண்டும் என்ற நிலையில் உள்ள சசிகலா நேற்று மூத்த அமைச்சர்கள் சிலர் மற்றும் அதிமுக நிர்வாகிகளை போயஸ் கார்டனுக்கு வரவழைத்து ஆலோசனை நடத்தினார். அப்போது புதிய பொதுச்செயலர் நியமனம் குறித்து விவாதிக்கப்பட்டதாக தெரிகிறது.

 சோ உடலுக்கு அஞ்சலி:

இதனைத் தொடர்ந்து தமக்கு ஆகாதவராக இருந்தபோதும் பத்திரிகையாளர் சோவின் உடலுக்கு நேரில் சென்று அஞ்சலி செலுத்தினார் சசிகலா.

இனிதான் இருக்கு...

இதேபோல் அடுத்தடுத்து கட்சிப் பணிகளில் தீவிர கவனத்தையும் ஆட்சியின் லகானை இறுகவும் பிடிப்பதில் சசிகலா முனைப்பு காட்டுவார் என்றே கூறப்படுகிறது.

English summary:

 Sasikala met Senior Ministers and ADMK functionaries at the Poes Garden bungalow on Wednesday.

Read More

ரைட்டு.. பாஜகவும்-அதிமுகவும் ஒன்னு.. வெங்கையா நாயுடு சொல்லிட்டாரு

டெல்லி: பாஜகவும், அதிமுகவும் கொள்கை அளவில் ஒருமித்த கருத்துள்ள கட்சிகள் என கூறியுள்ள மத்திய அமைச்சர் வெங்கையா நாயுடு, அதிமுக தனது ஆதரவை பாஜகவுக்கு தொடர்ந்து அளிக்கும் என்றும் நம்பிக்கை தெரிவித்தார்.

ஜெயலலிதாவின் மறைவு செய்தி வெளியாகும் சில மணி நேரங்கள் முன்பிருந்தே சென்னையில் முகாமிட்டவர் வெங்கையா நாயுடு. ஜெயலலிதா உடல் நல்லடக்கம் செய்யப்படும்வரை ராஜாஜி ஹாலில் நாள் முழுக்க காத்திருந்தார் அவர்.

இந்த நிலையில், பாஜகவின் கைப்பாவையாக தமிழக அரசை மாற்ற மத்திய அரசு திட்டமிட்டுள்ளதாகவும், சசிகலாவின் தலை மீது மோடி கைவைத்து ஆறுதல் கூறியது, அவரை தங்களது திட்டத்திற்கான பகடை காயாக பயன்படுத்துவதற்காகத்தான் என்றும், தகவல்கள் வெளியாகியுள்ளன.

பன்னீருக்கும் ஆறுதல் :

இதுகுறித்து ஆங்கில பத்திரிகையொன்றுக்கு வெங்கையா நாயுடு அளித்த பேட்டியில், "சசிகலா தலையில் மோடி கை வைத்து ஆறுதல் கூறியதை இஷ்டத்திற்கு விமர்சனம் செய்கிறார்கள். ஆனால், அதே நேரத்தில், பன்னீர்செல்வத்திடம், உங்களுக்கு என்ன பிரச்சினை, எந்த நேரத்தில் எழுந்தாலும் என்னை அழையுங்கள் என மோடி கூறிச் சென்றதையும் கவனிக்க வேண்டும்" என்று கூறியுள்ளார்.

எதிர்க்காத அதிமுக :

மேலும், ஜெயலலிதாவுக்கு, பாஜக மீது என்றுமே வெறுப்பு இருந்தது கிடையாது என கூறும் வெங்கையா, ஜிஎஸ்டி மசோதாவுக்கு அதிமுக எதிர்ப்பு தெரிவித்தாலும்கூட, அது நிறைவேறுவதை தடுக்கவில்லை. வெளிநடப்பு செய்தது அவ்வளவுதான். பல சந்தர்ப்பங்களில் பாஜகவுக்கு அதிமுக ஆதரவும் தெரிவித்துள்ளது என்றார்.

 கொள்கை ஒன்றே :

விஷயங்களின் அடிப்படையில் பாஜகவுக்கு அதிமுக சப்போர்ட் செய்து வந்ததாகவும், கொள்கை ரீதியாக பாஜக மற்றும் அதிமுக ஆகிய கட்சிகள் இரண்டுமே ஒன்றுபட்டவைதான் எனவும், அவர் கூறியுள்ளார். இப்போதைக்கு தமிழகத்தில் தேர்தல் நடைபெறப்போவதில்லை என்பதால், கூட்டணி குறித்த பேச்சுக்கு அவசியம் இல்லை எனவும் அவர் கூறியுள்ளார்.

ஆதரவு தொடரும்:


ஜெயலலிதா காலத்தை போலவே பாஜகவுக்கு அதிமுகவின் ஆதரவு இனி வரும் காலங்களிலும் தொடரும் என்று தான் நம்புவதாகவும் நாயுடு தனது பேட்டியில் முத்தாய்ப்பாய் தெரிவித்துள்ளார்.

English summary:

AIADMK ideologically near to BJP, says Venkaiah Naidu in an interview the English news paper.

Read More

சசி ஏற்க மாட்டோம்: அண்ணன் மகள் தீபாவை தலைவராக்குவோம்- அதிமுக வழக்கறிஞரின் பரபரப்பு ஆடியோ

சென்னை: சசிகலாவுக்கு எதிராக ஜெ. அதிமுகவைத் தொடங்குவோம் என்று அதிமுகவின் உச்சநீதிமன்ற வழக்கறிஞர் கிருஷ்ணமூர்த்தி பெயரில் ஒரு மிரட்டல் ஆடியோ வெளியாகி பரபரப்பை ஏற்படுத்தியுள்ளது.

அதிமுகவின் புதிய அதிகார மையம் சசிகலாவா? ஓ பன்னீர்செல்வமா? என்பதுதான் தற்போதைய ஹாட் டாபி. யார் தலைமையை ஏற்பது என்பதில்தான் அதிமுகவினர் மண்டையை பிய்த்து கொண்டிருக்கின்றனர்.

அதிமுகவின் பொதுச்செயலராகிறார் சசிகலா என்ற செய்திகள் ரெக்கை கட்டி பறக்கின்றன.. இதற்கு ஆதரவும் எதிர்ப்புமாக குரல்கள் எழுகின்றன.
இந்த நிலையில் உச்சநீதிமன்ற அதிமுக வழக்கறிஞர் கிருஷ்ணமூர்த்தி என்பவர் பெயரில் ஒரு ஆடியோ சமூக வலைதளங்களில் வெளியாகி பரபரப்பை ஏற்படுத்தியுள்ளது.

அந்த ஆடியோ விவரம்:

இந்த ஆடியோ கிருஷ்ணமூர்த்தியினுடையதா என்பதை உறுதி செய்ய இயலவில்லை. தொடந்து முயற்சித்துக் கொண்டிருக்கிறோம்.

English summary:

In the name of ADMK's leagl wing Supreme Court lawyer Krishnamoorthiy's audio strongly opposed to Sasikala as ADMK General Secretary.

Read More

பெங்களூருவில் இருக்கும் ஜெயலலிதாவின் 10,500 புடவைகள், 750 செருப்புகள் இனி யாருக்கு சொந்தமாகும்?

பெங்களூரு: ஜெயலலிதா, சசிகலா, இளவரசி, சுதாகரன் உள்ளிட்டோர் மீதான சொத்துக்குவிப்பு வழக்கில் கர்நாடக உயர்நீதிமன்றம் விடுதலை செய்ததை எதிர்த்து கர்நாடக அரசு, திமுக செய்த மேல்முறையீட்டு மனு உச்சநீதிமன்றத்தில் விசாரிக்கப்பட்டு, தீர்ப்பு தேதி குறிப்பிடப்படாமல் ஒத்தி வைக்கப்பட்டுள்ளது.

முதல் குற்றவாளியாக சேர்க்கப்பட்டிருந்த ஜெயலலிதா மரணமடைந்து விட்டார். இந்த வழக்கு இப்போது என்னவாகும் என்ற கேள்வி எழுந்துள்ளது. ஒருவேளை இந்த வழக்கில் ஜெயலலிதா உள்ளிட்டோர் விடுதலை செய்யப்பட்டால் அத்தோடு அந்த பிரச்சினை ஓயும். பெங்களூர் சிறப்பு நீதிமன்ற தீர்ப்பை உச்சநீதிமன்றம் உறுதி செய்யும் பட்சத்தில் ஜெயலலிதாவின் வீடுகளில் இருந்து எடுக்கப்பட்டுள்ள அவரது பொருட்கள், சொத்துக்கள் பறிமுதல் செய்யப்பட்டு மாநில அரசிடம் ஒப்படைக்கப்படும். மேலும், சொத்துக்குவிப்பு வழக்கில் சம்மந்தப்பட்ட பிற குற்றவாளிகளுக்கு தண்டனை வழங்கப்படும்.

 1991-1996ல் ஜெயலலிதா ஆட்சியில் இருந்த போது, வருமானத்திற்கு அதிகமாக சுமார் 66.65 கோடி ரூபாய் மதிப்பிலான சொத்தை குவித்தார் என்பது ஜெயலலிதாவின் மீதான குற்றச்சாட்டாகும். 800 கி.கி வெள்ளி, 750 ஜோடி செருப்புகள், 10,500 புடவைகள் மற்றும் 91 கைக்கடிகாரங்கள் போன்ற பொருட்களை வழக்கிற்காக இணைத்துள்ளனர். பறிமுதல் செய்யப்பட்ட இந்த பொருட்கள் அனைத்தும் உச்சநீதிமன்ற உத்தரவுப்படி தமிழகத்தில் இருந்து கர்நாடகாவிற்கு கொண்டு செல்லப்பட்டது.

இந்த பொருட்கள் கர்நாடகாவில் பெங்களூரு சிவில் கோர்ட் வளாகத்தில் முதல் மாடியில் பாதுகாப்பாக வைக்கப்பட்டுள்ளது. இந்த பொருட்களை இரவு பகலாக ஆயுதப்படை போலீசார் பாதுகாத்து வருகின்றனர்.

 நான்கு காவலர்கள்:

 750 செருப்புகள், 10,500 விலை உயர்ந்த புடவைகள் தங்க நகைகள் போன்றவைகள் இரவு பகலாக காவலர்கள் பாதுகாத்து வருகின்றனர். இதில் தங்க நகைகளின் மதிப்பு ரூ. 3.5 கோடி என மதிப்பிடப்பட்டுள்ளது. ஜெயலலிதா தனது அபிடவிட்டில் இதே சொத்துக்களை தெரிவித்துள்ளார்.

2001-2006 இல் அதிமுக ஆட்சிக்கு வந்த பிறகு, திமுகவின் முயற்சியால் ஜெயலலிதா மீதான சொத்துக்குவிப்பு வழக்கு பெங்களூருக்கு மாற்றப்பட்டது. ஜெயலலிதாவிடம் இருந்த புத்திசாலி வழக்கறிஞர்களால் இந்த வழக்கு 18 வருடங்கள் நீட்டிக்கப்பட்டது. செப்டம்பர் 27, 2014 அன்று இந்த வழக்கின் தீர்ப்பை சிறப்பு நீதிமன்றத்தில் அறிவித்தார் சிறப்பு நீதிபதி ஜான் மைக்கேல் குன்ஹா. ஜெயலலிதா, சசிகலா நடராஜன், இளவரசி மற்றும் வி.என்.சுதாகரன் ஆகியோர் குற்றவாளிகள் என்று தீர்ப்பளிக்கப்பட்டு நான்கு வருடங்கள் எளிய சிறையில் அடைக்க உத்தரவிட்டார். மேலும், ஜெயலலிதாவிற்கு 100கோடி ரூபாயும், மற்றவர்களுக்கு 10கோடி ரூபாயும் அபராதமாக விதிக்கப்பட்டது.

குமாரசாமி விடுதலை:

பரப்பன அக்ரஹாரா சிறையில் அடைக்கப்பட்ட ஜெயலலிதாவின் முதல்வர் பதவி பறிக்கப்பட்டது. மேல்முறையீடு வழக்கில் கர்நாடகா உயர்நீதிமன்ற நீதிபதி குமாரசாமி, சொத்துக்குவிப்பு வழக்கில் இருந்து விடுதலை செய்தார். இதனையடுத்து இடைத்தேர்தலில் வெற்றி பெற்று மீண்டும் முதல்வரானார் ஜெயலலிதா. ஜெயலலிதா விடுதலையை எதிர்த்து தொடரப்பட்ட வழக்கு தற்போது உச்சநீதிமன்றத்தில் தீர்ப்பை எதிர்நோக்கியுள்ளது.

20 ஆண்டுகால வழக்கு:

சொத்துக்குவிப்பு வழக்கு1996ம் ஆண்டு தொடரப்பட்டது. 1997ம் ஆண்டு ஜெயலலிதா வீட்டில் இருந்து புடவைகள், நகைகள், தங்க வளையல்கள், ஒட்டியானம், வைர நகைகள், வெள்ளி பொருட்கள், வெள்ளி வாள் என பல கோடி மதிப்புள்ள பொருட்கள் பறிமுதல் செய்யப்பட்டன. இந்த பொருட்கள் அனைத்தும் தற்போது ஜெயலலிதாவின் நினைவுகளை சுமந்து கொண்டு இருக்கின்றன.

English summary:

There are four cops who are on duty 24/7 in Bengaluru guarding 750 pairs of footwear that belonged to J Jayalalithaa. The 750 pairs of footwear had been seized in connection with the disproporationate

Read More

ஜெயலலிதாவின் வாரிசு அஜீத்: புரளியை கிளப்பும் பிற மாநில ஊடகங்கள்

சென்னை: அதிமுகவின் அடுத்த தலைவர் அஜீத் குமார் என தெலுங்கு, மலையாளம், கன்னடம் மற்றும் இந்தி ஊடகங்கள் புரளியை கிளப்பிவிட்டுள்ளன.

முன்னாள் முதல்வர் ஜெயலலிதா உடல் நலக்குறைவு காரணமாக சென்னை அப்பல்லோ மருத்துவமனையில் கடந்த செப்டம்பர் மாதம் 22ம் தேதி அனுமதிக்கப்பட்டார். 75 நாட்களாக மருத்துவமனையில் இருந்த அவர் கடந்த 5ம் தேதி காலமானார்.

அவருக்கு பிறகு அதிமுகவுக்கு தலைமை தாங்கி வழிநடத்தப் போவது யார் என்ற கேள்வி எழுந்துள்ளது.

அஜீத் :

தனக்கு பிறகு அஜீத் தான் அதிமுகவை தலைமை தாங்கி வழி நடத்த வேண்டும் என்றும், அடுத்த முதல்வராக அவர் தான் இருக்க வேண்டும் என்றும் ஜெயலலிதா தெரிவித்ததாக கடந்த அக்டோபர் மாதம் கன்னட ஊடகங்கள் புரளியை கிளப்பிவிட்டன.

ஜெயலலிதா:

 ஜெயலலிதா மரணம் அடைந்துவிட்டதால் அதிமுகவின் அடுத்த தலைவர் அஜீத் தான். அம்மாவின் ஆசியோடு கட்சிப் பொறுப்பை அவர் ஏற்பார் என கன்னடம், மலையாளம், இந்தி, தெலுங்கு ஊடகங்கள் தற்போது புரளியை கிளப்பிவிட்டுள்ளன

 விளக்கம் வேறு:

அதிமுகவின் அடுத்த தலைவர் அஜீத். அவர் பற்றி நீங்கள் தெரிந்து கொள்ள வேண்டியவை என்று அவரது திரையுலக பயணம் குறித்து விரிவான செய்தி வெளியிட்டுள்ளன கன்னடம், மலையாளம், இந்தி, தெலுங்கு ஊடகங்கள்.

  அரசியலா?

ரசிகர் மன்றமே வேண்டாம் என்று கலைத்துவிட்டு ஓரமாக ஒதுங்கி இருக்கிறார் அஜீத். சூப்பர் ஸ்டார் கோதாவுக்கும் தனக்கும் சம்பந்தமே இல்லை என்று அவர் பாட்டிற்கு இருக்கிறார். இந்நிலையில் அரசியலாவது அஜீத் வருவதாவது என்று அவரை பற்றி நன்கு தெரிந்தவர்கள் கூறுகிறார்கள்.

English summary:

Telugu, Kannada, Malayalam and Hindi medias have spread the rumour that Ajith is going to be the next head of ADMK.

Read More

ஜெயலலிதா நினைவிடத்தில் அஞ்சலி செலுத்த போலீசார் கெடுபிடி... கடுப்பான அதிமுக தொண்டர்கள்

சென்னை: மெரினா கடற்கரையில் எம்.ஜி.ஆர் நினைவிடத்திற்கு அருகில் மறைந்த ஜெயலலிதாவின் உடல் அடக்கம் செய்யப்பட்ட இடத்திற்கு அதிமுக தொண்டர்கள் சென்று அஞ்சலி செலுத்தி வருகின்றனர். மாலை 6 மணிக்கு மேல் இருட்டத் தொடங்கிய உடன் போலீசார் ஜெயலலிதாவின் நினைவிடத்தின் அருகில் செல்ல கெடுபிடிக் காட்டினர்.

உடல் நலமில்லாமல் அப்போலோ மருத்துவமனையில் அனுமதிக்கப்பட்டிருந்த ஜெயலலிதா, சிகிச்சைப் பலனின்றி கடந்த 5ம் தேதி காலமானார். அவரது உடல் எம்.ஜி.ஆர். நினைவிடத்தின் அருகில் நல்லடக்கம் செய்யப்பட்டது. அந்த இடத்தைப் பார்ப்பதற்காக தமிழகம் முழுவதும் இருந்தும் அதிமுக தொண்டர் சென்ற வண்ணம் உள்ளனர்.

இதனால் எம்.ஜி.ஆர். நினைவிடமே கூட்டத்தால் நிரம்பி வழிகிறது. அதிமுக தொண்டர்கள் பலர் அங்கு வந்து மொட்டை அடித்து துக்கத்தை அனுசரிப்பது, கற்பூரம் ஏற்றுவது, மலர் தூவி மரியாதை செய்வது என ஒவ்வொருவரும் ஒவ்வொரு விதத்தில் அஞ்சலி செலுத்தி வருகின்றனர்.

இந்நிலையில், நேற்று 6 மணிக்கு மேல் இருட்டத் தொடங்கிய உடன் போலீசார் அதிமுக தொண்டர்களை ஜெயலலிதாவின் உடலடக்கம் செய்யப்பட்ட இடத்திற்கு அருகில் செல்ல அனுமதிக்கவில்லை. இதனால் வெளியூர்களில் இருந்து வந்த அதிமுக தொண்டர்கள் ஆத்திரமடைந்தனர். தங்கள் தலைவிக்கு அஞ்சலி செலுத்த அனுமதி மறுத்த போலீசாரிடம் கடும் வாக்குவாதத்தில் ஈடுபட்டனர். இதனால் அங்கு பரபரப்பு ஏற்பட்டது.

English summary:

 Police refused permission to AIADMK cadres to pay homage in Jayalalitha’s burial place by police after 6 pm in Chennai.

Read More