நம்பர் இல்லாத நோட்டு; ம.பி., மக்கள் கலக்கம்

போபால்: மத்திய பிரதேசத்தில் உள்ள, ஏ.டி.எம்.,ல் இருந்து எடுக்கப்பட்ட ரூபாய் நோட்டுகளில், வரிசை எண் இல்லாமல் இருந்தது, பரபரப்பை ஏற்படுத்தி உள்ளது.

கறுப்புப் பணம், கள்ள நோட்டுகளை ஒழிக்கும் வகையில், செல்லாத ரூபாய் நோட்டு அறிவிப்பு வெளியானது. இந்த நிலையில், புதிதாக அறிமுகம் செய்யப்பட்ட, 2,000 ரூபாய் கள்ள நோட்டுகள், பல்வேறு இடங்களில் சிக்கின. இதற்கிடையில், டில்லியில் உள்ள, ஏ.டி.எம்.,ல், பணம் எடுத்தவர்களுக்கு 2,000 ரூபாய்க்கு பதிலாக, அதே நிறத்தில், வடிவத்தில் இருக்கும் குழந்தைகள் விளையாடும் ரூபாய் நோட்டுகள் கிடைத்தன.

இந்த பரபரப்பு அடங்குவதற்குள், முதல்வர், சிவராஜ் சிங் சவுகான் தலைமையிலான, பா.ஜ., ஆட்சி அமைந்துள்ள மத்திய பிரதேசத்தின் தாமோ பகுதியில் உள்ள எஸ்.பி.ஐ., - ஏ.டி.எம்., சென்ற பள்ளி ஆசிரியர், 1,000 ரூபாயை எடுத்துள்ளார். தனக்கு கிடைத்த, இரண்டு, 500 ரூபாய் நோட்டுகளை பார்த்தபோது, அதில், வரிசை எண்கள் இல்லாமல் இருந்ததை பார்த்து அதிர்ச்சி அடைந்தார். வரிசையில் காத்திருந்தவர்களிடம் இது குறித்து விவாதித்து கொண்டிருந்தார்.

இதனிடையில், அவருக்கு பின்னால் நின்றிருந்தவருக்கு கிடைத்த பணத்திலும், வரிசை எண்கள் இல்லாமல் இருந்தது. இது தொடர்பாக வங்கியில் புகார் கொடுத்துள்ளார். ஆனால், உடனடியாக பணத்தை மாற்றித் தர முடியாதென, வங்கி கூறியுள்ளது.

என்ன செய்யலாம்?

இது குறித்து வங்கி அதிகாரிகள் கூறியதாவது: இதுபோன்று ஏ.டி.எம்.,களில் பணம் எடுக்கும்போது, கள்ள நோட்டுகள், வரிசை எண் இல்லாத நோட்டு போன்ற பிரச்னைக்குரிய நோட்டுகள் கிடைத்தால், உடனடியாக அந்த ஏ.டி.எம்.,க்கு சொந்தமான வங்கிக் கிளையை அணுகி, எழுத்து மூலம் புகார் அளிக்க வேண்டும்.வங்கி அதிகாரிகள் சரியான பதில் அளிக்காவிட்டால், அருகில் உள்ள போலீஸ் ஸ்டேஷனில் புகார் அளிக்கலாம். அதனடிப்படையில் விசாரணை நடக்கும். இவ்வாறு அதிகாரிகள் கூறினர்.

Read More

நடைமேடைகளில் ஏ.டி.எம்.,: ரயில்வே துறை திட்டம்

புதுடில்லி: நாடு முழுவதும், ரயில்வே ஸ்டேஷன் நடைமேடைகளில், 2,400 ஏ.டிஎம்.,களை நிறுவ, ரயில்வே துறை முடிவு செய்துள்ளது.

இலக்கு:

ரயில் கட்டணம் தவிர, விளம்பரம் உள்ளிட்ட மற்ற வழிகளில், வருவாயை பெருக்குவது தொடர்பாக, ரயில்வே துறை ஆலோசனை நடத்தி வருகிறது. இதன் மூலம், 2,000 கோடி ரூபாய் வரை, நிதி திரட்ட ரயில்வே இலக்கு நிர்ணயித்துள்ளது. இதன் ஒரு பகுதியாக, ரயில்வே ஸ்டேஷன் நடைமேடைகளில், ஏ.டி.எம்.,களை நிறுவ, வங்கிகளுக்கு இடமளிக்கும் திட்டமும் உள்ளது.

விளம்பர வசதி:

இது குறித்து ரயில்வே வட்டாரங்கள் கூறியதாவது:ரயில்வே துறையின் மொத்த வருவாயில், 5 சதவீதம் மட்டுமே, தற்போது, விளம்பரங்கள் மூலம் திரட்டப்படுகிறது; இதை அதிகரிக்க வாய்ப்புள்ளது. அதன்படி, ரயில்வே ஸ்டேஷன் நடைமேடை, பாலங்கள் உள்ளிட்ட இடங்களில், விளம்பரங்களுக்கு இடமளிக்கப்படும். குறிப்பாக, எல்.இ.டி., திரை மூலம், விளம்பரங்கள் செய்ய வசதி செய்யப்படும். ரயில் பெட்டிகளிலும் விளம்பரங்களுக்கு இடம் ஒதுக்கப்படும்.

ஏ.டி.எம்.,கள்:

நாடு முழுவதும், ரயில்வே ஸ்டேஷன் நடைமேடைகளில், 2,400 ஏ.டி.எம்.,களை நிறுவுவதற்கு, வங்கிகளுக்கு இடம் வழங்கப்படும். இவ்வாறு அந்த வட்டாரங்கள் தெரிவித்தன.

English summary:

NEW DELHI : The country railway station platforms, at 2,400 ATM, Installed on Railways has decided.

Read More

ஏடிஎம்மில் பணமெடுக்கும் முன் சிந்தியுங்கள்

சென்னை : ஏடிஎம்களில் பணம் எடுக்கும் முன்பு, இது இந்த மாதத்தில் எத்தனையாவது முறை கணக்கில் வைத்துக் கொள்ளுங்கள்.

ஏன் என்றால், ஏடிஎம்மில் பணம் எடுப்பதற்கான கட்டுப்பாடுகள் ஜனவரி 1ம் தேதி முதல் மீண்டும் நடைமுறைக்கு வந்து விட்டது. அதாவது, 500 மற்றும் 1000 ரூபாய் நோட்டுகள் செல்லாது என்று அறிவிக்கப்பட்ட பிறகு, வங்கிகளில் ஒரு வங்கிக் கணக்கில் இருந்து ஒரு நாளைக்கு 2500 ரூபாய் (தற்போது இது 4,500 ரூபாயாக உயர்த்தப்பட்டுள்ளது) மட்டுமே எடுக்கலாம் என்ற கட்டுப்பாடு விதிக்கப்பட்டது.

அதே சமயம், பொது மக்களின் நலனுக்காக, ஏடிஎம்களில் பணம் எடுப்பதற்கான கட்டுப்பாடுகள் தளர்த்தப்பட்டன. இந்த தளர்வு, டிசம்பர் 31ம் தேதியோடு முடிவுக்கு வந்துள்ளது. எனவே, ஜனவரி 1ம் தேதியில் இருந்து கணக்கு வைத்துள்ள வங்கியன் ஏடிஎம்கள் மூலம் மாதத்துக்கு 5 முறையும், பிற வங்கி ஏடிஎம்மில் 3 முறையும் மடடுமே பணம் எடுக்கலாம்.

அதற்கு மேல் பணம் எடுத்தால், ஒவ்வொரு முறையும் ரூ.20 உங்கள் வங்கிக் கணக்கில் இருந்து பிடித்தம் செய்யப்படும். எனவே, அதிக அளவில் பணம் எடுக்க வேண்டிய அவசியம் இருப்பவர்கள், டிஜிட்டல் முறையில் பணப்பரிமற்றம் செய்யவும், மின்சார கட்டணம், எல்பிஜி சிலிண்டருக்கான் கட்டணங்களை இணையதளம் வாயிலாகக் கட்டுவதை வழக்கமாக்கிக் கொள்ளுங்கள்.

அல்லது, நீங்கள் வங்கிக் கணக்கு வைத்திருக்கும் வங்கிக்குச் சென்று பணம் எடுப்பதுவும் சிறந்தது.

English summary:

Chennai: Taking back money from ATMs, which take into account the second time this month 

Read More

50 நாட்களை கடந்தும் தீராத பணப்பிரச்சனை: வங்கிகளில் பணம் எடுக்க முடியாத அவலநிலை

சென்னை: வங்கி ஏடிஎம்களில் நாள் ஒன்றுக்கு ரூ.2500 எடுக்கலாம் என்ற உச்சவரம்பு தளர்த்தப்பட்டு ரூ.4500 வரை எடுக்கலாம் என்று மத்திய அரசு அறிவித்தது. ஆனாலும் அறிவித்த தினம் சனி மற்றும் ஞாயிறு என்பதால் அந்த வசதியை யாராலும் பெற முடியவில்லை. இந்நிலையில் வேலை நாளான இன்று வண்ணாராப்பேட்டையில் வங்கியின் முன்னாள் நூற்றுக்கணக்கான மக்கள் பணம் எடுக்க காத்து கொணடுள்ளனர். ரூ.500 மற்றும்1000 செல்லாது என்று அறிவித்த பிரதமர் மோடி 50 நாட்களுக்குள் பணப்பிரச்சனை தீர்ந்து விடும் என்று கூறினார். ஆனால் 50 நாட்களை கடந்து இன்று வங்கிகளில் பணம் எடுக்க நூற்றுக்கணக்கான மக்கள் இன்று அதிகாலை 4 மணி முதல் காத்துக்கொண்டு இருக்கின்றனர். அவர்களுக்கு டோக்கன் வழங்கப்பட்டுள்ளது.

ஆனாலும் இன்னும் வங்கி திறக்கப்பட்டவில்லை. 50 நாளை கடந்து தங்களுடைய சம்பளத்தை எடுக்க முடியாமல் நீண்டவரிசையில் காத்துகொண்டு இருக்கின்றனர். இவ்வளவு நாட்களாக பொருத்திருந்தும் இன்னும் பணப் பிரச்சனை தீரவில்லை என்று பொதுமக்கள் வேதனை தெரிவித்துள்ளனர். மேலும் தங்களது முழுபணத்தை எடுக்க முடியவில்லை என்று தொடர்ந்து பொதுமக்கள் வேதனை தெரிவித்துள்ளனர். இதை தொடர்ந்து வயதானவர்கள் முதியவர்கள் அவர்களுக்கு வழங்கும் பென்சன் பணத்தை எடுக்கமுடியவில்லை என்று வருத்தத்தை தெரிவித்துள்ளனர். தங்களது சம்பளப்பணதை கூட எடுக்க முடியாமல் மக்கள் தொடர்ந்து அவதிக்கு ஆளாகி வருகின்றனர். 50 நாட்களில் பணப்பிரச்சனை தீரும் என்று பிரதமர் அறிவித்தாலும் இன்னும் தீராமல் இருக்கிறது. இந்த பிரச்சனை எப்போது தான் தீரும் என்று தெரியாமல் மக்களின் அவதி நிலை நீடித்துகொணடே இருக்கின்றது.

English Summary:

Chennai: Bank ATMs per day in 2500 to take the federal government announced that it may take up to the ceiling and relaxed Rs .4500. Since announcing the day on Saturday and Sunday, but could not get none of that feature

Read More

தெலங்கானா மாநிலத்தில் ரொக்க பணமில்லா வர்த்தகம் செய்யும் கிராமம்

ஐதாராபாத்  - பழைய 500, 1000 ரூபாய் நோட்டுகள் செல்லாது என மத்திய அரசு அறிவித்தது. இதனால், நாடு முழுவதும் உள்ள பொதுமக்கள் பணத்துக்காக வங்கிகள், ஏடிஎம் கள் முன்பு மணிக்கணக்கில் தவம் கிடக்கின்றனர். இந்தப் பிரச்சினையை சமாளிக்க ரொக்கப் பண மில்லா வர்த்தக முறையை செயல் படுத்துவதற்காக, ஆந்திர முதல்வர் சந்திரபாபு நாயுடு தலைமையில் ஒரு குழு அமைக்கப்பட்டுள்ளது. டெபிட், கிரடிட் கார்டுகள், இணையதள பணப்பரிவர்த் தனையை மக்களிடம் கொண்டு செல்வது எப்படி என்பது குறித்து இக்குழு ஆய்வு செய்து வருகிறது.

இதனிடையே, தெலங்கானா மாநிலம், சித்திப்பேட்டை தொகுதியில் உள்ள இப்ரஹிம்பூர் கிராமத் தில் முற்றிலும் ரொக்கப் பணமில்லா வர்த்தகம் நடைபெற்று வருகிறது. முதல்வர்  சந்திரசேகர ராவின் உறவினரான ஹரீஷ் ராவ்தான் இந்தத் தொகுதியின் சட்டப்பேரவை உறுப்பினராக உள்ளார்.  மாநில நீர்வளத்துறை அமைச்ச ராக உள்ள இவர் இப்ரஹிம்பூர் கிராமத்தை தத்தெடுத்துள்ளார்.  இந்தக் கிராமத்தில் மொத்தம் 370 குடும்பங்களைச் சேர்ந்த 1,200 பேர் வசிக்கின்றனர். இதில் 70 சதவீத குடும்பத்தினருக்கு ஏற்கனவே வங்கி கணக்கு இருந்து. அமைச்சர் ஹரீஷ் ராவ் தத்தெடுத்த பிறகு மீதமிருந்த அனைவருக்கும் அப்பகுதியில் உள்ள ஆந்திரா வங்கியில் சேமிப்பு கணக்கு தொடங்கப்பட்டது.

டெபிட் கார்டு மூலமாக :

பின்னர் சலவை தொழிலாளி முதல் பெட்டிக் கடை, மளிகைக் கடை ஆகிய அனைத்து கடைகளுக்கும் பாயிண்ட் ஆப் சேல் (பிஓஎஸ்) இயந்திரங்கள் வழங்கப்பட்டன. இதன்மூலம் பொதுமக்கள் தங் களுக்கு தேவையான அனைத்து பொருட்களையும் டெபிட் கார்டு மூலமே வாங்கிக் கொள்கின்றனர். இதனால் பணத்துக்கு அவசியமே இல்லாமல் போய்விட்டது. அடுத்தபடியாக சித்திபேட்டை தொகுதி முழுவதும் இந்த முறையை அமல்படுத்த அமைச்சர் திட்டமிட்டுள்ளார். அதன் பின்னர் படிப்படியாக மாநிலம் முழுவதும் ரொக்கப் பணமில்லா வர்த்தக முறையை அமல்படுத்த முதல்வர்  சந்திரசேகர் ராவ் திட்டமிட்டுள்ள தாகக் கூறப்படுகிறது.

English summary:

hyderbad- older than 500, the federal government announced in 1000 is not valid banknotes. Thus, public money across the country, banks, ATMs, tend penance hours ago. To deal with this problem is cash Milla trading system, set up a committee headed by Andhra Pradesh Chief Minister Chandrababu Naidu. Debit, credit cards, web transaction to people about how to go with the committee is investigation.

Read More

கார்டு பரிவர்த்தனை செய்தால் ரூ.1 கோடி பரிசு வெல்லலாம்: நிதி ஆயோக் தகவல்

புதுடெல்லி: டெபிட் மற்றும் கிரெடிட் கார்டு மூலம் பணப் பரிவர்த்தனை மேற்கொள்பவர்களுக்கு அரசு ரூ.1 கோடி அதிர்ஷ்டப் பரிசு  அறிவித்துள்ளது. ரொக்க பரிவர்த்தனைகளை குறைத்துக்கொண்டு கிரெடிட் மற்றும் டெபிட் கார்டு, இ-வாலட் மற்றும் மொபைல் ஆப் மூலமான  மின்னணு பரிவர்த்தனைகளுக்கு பொதுமக்கள் மாற வேண்டும் என மத்திய அரசு வலியுறுத்தி வருகிறது. இதனை ஊக்குவிக்கும் வகையில்  ரொக்கமில்லா பணப் பரிவர்த்தனை செய்யும் நுகர்வோர்களை குலுக்கல் முறையில் தேர்வு செய்து ரொக்கப்பரிசு வழங்கும் 2 புதிய  திட்டங்களை அரசு அறிமுகப்படுத்தியுள்ளது. 

இது தொடர்பாக நிதி ஆயோக் சிஇஒ அமிதாப் கான்ட் கூறியதாவது; மின்னணு பரிவர்த்தனையை ஊக்குவிக்கும் ‘லக்கி கிராக் யோஜனா’  மற்றும் ‘டிஜி தன் வியாபாரி யோஜனா’ என்னும் 2 புதிய திட்டங்கள் வருகிற 25ம் தேதி கிறிஸ்துமஸ் தினம் முதல்  நடைமுறைப்படுத்தப்படுகிறது. லக்கி கிராக் யோஜனா திட்டத்தின் கீழ் தொடர்ந்து தினந்தோறும் 15 ஆயிரம் நுகர்வோர் தேர்வு செய்யப்பட்டு  தலா ரூ.1000 பரிசு வழங்கப்படும். இத்திட்டம் வரும் 25ம் தேதி முதல் தொடர்ந்து 100 நாட்களுக்கு செயல்படுத்தப்படும். இதுமட்டுமன்றி பம்பர்  பரிசாக, வாரத்திற்கு ஒரு முறை குலுக்கல் முறையில் 7 பேர் தேர்வு செய்யப்பட்டு அதிகபட்சமாக ரூ.1 லட்சம் பரிசு வழங்கப்படும். 

இதேபோல் டிஜி தன் யோஜனா திட்டத்தின் கீழ் வாரந்தோறும் 7 ஆயிரம் வியாபாரிகள் தேர்வு செய்யப்பட்டு தலா ரூ.50 ஆயிரம் பரிசாக  அளிக்கப்படும்.

இதுமட்டுன்றி மெகா பரிசாக ஏப்ரல் 14ம் தேதி ரூ.ஒரு கோடி பரிசுத்தொகை அறிவிக்கப்பட்டுள்ளது. இதன்படி நவம்பர் 8ம் தேதி முதல் ஏப்ரல்  13ம் தேதி வரை நுகர்வோர் மேற்கொள்ளும் அனைத்து மின்னணு பரிவர்த்தனைகளும் கணக்கில் எடுத்துக்கொள்ளப்பட்டு அதிர்ஷ்டசாலிகள்  தேர்ந்தெடுக்கப்படுவார்கள். முதல் பரிசாக ரூ.1 கோடி, 2வது பரிசாக ரூ.50 லட்சம் மற்றும் 3வது பரிசாக ரூ.25 லட்சம் வழங்கப்படும். 

இதேபோல் வியாபாரிகளுக்கும் மெகா பரிசாக ரூ.50 லட்சம், ரூ.25 லட்சம் வழங்கப்படும். ரூ.50 முதல் ரூ.3000 வரையிலான டிஜிட்டல்  பரிவர்த்தனைகள் பரிசு வெல்வதற்கான திட்டத்தில் கணக்கில் கொள்ளப்படும். மேலும் அனைத்து நுகர்வோரும் வியாபாரிகளுக்கு  செலுத்துவது, வியாபாரிகள் அரசுக்கு செலுத்துவது மற்றும் அனைத்து ஆதார் அட்டை மூலமான பரிவர்த்தனைகள் இந்த திட்டத்தின்கீழ்  அடங்கும். இதன் மூலம் அரசுக்கு ரூ.340 கோடி செலவாகும்.இவ்வாறு அவர் கூறியுள்ளார்

English Summary:

New Delhi: debit and credit card transactions during the cash prize to the government has announced Rs 1 crore of chance.

Read More

உ.பி.: வங்கி வரிசையில் காத்திருந்த பெண்ணுக்கு பிரசவம்

உத்தரப் பிரதேச மாநிலம், கான்பூர் தேஹாத் மாவட்டத்தில் உள்ள ஜீஞ்சக் நகரில், இரண்டாம் நாளாக வெள்ளிக்கிழமையும் வங்கியில் வரிசையில் காத்திருந்த சர்வேஷா(30) என்ற பெண்ணுக்கு நிகழ்ந்த பிரசவத்தில், பெண் குழந்தை பிறந்தது.
இதுகுறித்து அந்தப் பெண்ணின் மாமியார், தனியார் செய்தி நிறுவனத்திடம் தெரிவித்ததாவது:
எனது மகன் கடந்த ஜனவரி மாதம் நிகழ்ந்த ஒரு விபத்தில் இறந்து விட்டார். அவரது உயிரிழப்புக்கு மாநில அரசு இழப்பீடு அறிவித்திருந்தது. அதன் முதல் தவணையாக ரூ.2.75 லட்சத்தைப் பெறுவதற்காக, கடந்த வியாழக்கிழமை (டிச.1) வங்கியின் முன்னால் வரிசையில் நின்றோம்.
அன்று கூட்டம் அதிகமாக இருந்ததால், பணத்தைப் பெற முடியவில்லை. அதனால், இரண்டாம் நாளாக வெள்ளிக்கிழமையும் வரிசையில் காத்திருந்தோம். அப்போது, மாலை 4 மணி அளவில், என் மருமகள் சர்வேஷாவுக்குப் பிரசவ வலி எடுத்தது. அதையடுத்து அவருக்கு பெண் குழந்தை பிறந்தது.
எனினும், சர்வேஷாவின் அலறல் காரணமாக, அவர் இறந்து விடுவார் என்று பயந்தேன். வங்கி இருந்த இடத்துக்கு அவசரக்கால ஊர்தியால் வர முடியாததால், அங்கு போலீஸார் வந்து, சர்வேஷாவை மருத்துவமனைக்கு அழைத்துச் சென்றனர்.
குழந்தை ஆரோக்கியமாக உள்ளது. சர்வேஷாவின் உடல்நிலை முதலில் சற்று நலிவடைந்தாலும், மருத்துவமனையில் அவர் குணமடைந்து விட்டார் என்று அவரது மாமியார் தெரிவித்தார்.

English Summary : UP : Bank in line waiting for a woman in childbirth. Uttar Pradesh, Kanpur tehat jincak city in the district, waiting in line at the bank for a second day Friday carvesa (30), a woman on the birth of a baby girl was born.

Read More

மோடி புயலும்.. நாடா மழையும்.. ஏடிஎம் மையங்களில் குடையுடன் பணம் எடுக்கக் காத்திருக்கும் மக்கள்!

சென்னை: ரூபாய் நோட்டு ஒழிப்பால் மக்கள் ஏற்கனவே பெரும் அவதிக்குள்ளாகியுள்ள நிலையில் தற்போது வந்துள்ள நாடா புயல் மக்களின் துயரத்தை மேலும் இரட்டிப்பாக்கியுள்ளது.

 ஏடிஎம் மையங்களில் காத்திருப்போருக்கு மழை பெரும் சிரமத்தைக் கொடுத்துள்ளது. கையில் குடையுடன் பணத்துக்காக காத்திருக்கும் மக்களின் நிலை பரிதாபமாக உள்ளது.

மோடியின் ரூபாய் நோட்டு அறிவிப்பு வெளியான நவம்பர் 8ம் தேதியிலிருந்து மக்கள் பணத்துக்காக தொடர்ந்து அலைந்து வருகிந்றனர். ஏடிஎம் மையங்களில் மக்களின் காத்திருப்பு இன்னும் குறையவில்லை.

அவசரத்திற்கு பணமில்லை :

அவசரத்திற்குக் கூட பணம் எடுக்க முடியாத நிலை. அதிகபட்சமாக 2500 மட்டுமே ஏடிஎம்களில் கிடைக்கிறது. வங்கிக் கிளைகளிலோ நிலைமை அதை விட மோசம்.

 2000ர ரூபாய் நோட்டு:

2000 ரூபாய் நோட்டுக்களைத்தான் அதிகம் தருகிறார்கள். புதிய 500 ரூபாய் நோட்டை மக்கள் இன்னும் முழுசாகப் பார்க்க முடியவில்லை. ஏடிஎம் மையங்களில் பணம் போடப் போடத் தீருவதால் மக்களுக்கு பற்றாக்குறை தீரவில்லை.

 மோடி புயலும் நாடா மழையும் :

இந்த நிலையில் தற்போது நாடா புயலால் கன மழை கொட்டி வருகிறது. சென்னையில் காலை முதலே மழை பெய்து வருகிறது. அதேபோல கடலோரப் பகுதிகளிலும், டெல்டா மாவட்டங்களிலும் மழை பெய்கிறது.

 குடையுடன் அவஸ்தை:

 இதனால் ஏடிஎம் மையங்களில் பணம் எடுக்கச் செல்வோர் மழையில் நனையும் அவல நிலை ஏற்பட்டுள்ளது. கையில் குடையுடன் மக்கள் பணம் எடுக்கக் காத்துள்ளனர். பலர் நனைந்த நிலையிலும் வேறு வழியில்லாமல் பணம் எடுக்கக் காத்துக் கிடப்பதைக் காண முடிந்தது.

புயல் அபாயப் பகுதிகளில் :

புயல் தாக்கக் கூடும் என்று எதிர்பார்க்கப்படும் பகுதிகளில் பெரும் மழை பெய்து வருவதால் அப்பகுதியில் நிலைமை இன்னும் மோசமாக உள்ளது. பல இடங்களில் மின்சாரம் இல்லாமல் ஏடிஎம் மையங்கள் இயங்குவதில் சிக்கல் ஏற்பட்டுள்ளதாக தகவல்கள் கூறுகின்றன.

English summary:

 Cyclone NADA and the heavy rain have doubled the woes of the Bank thronging people in Tamil Nadu and people are standing in the Ques to draw cash from ATMs.

Read More

ரூபாய் நோட்டு தட்டுப்பாடு : இன்று சம்பள நாள்... பணம் கிடைக்குமா? - அரசு ஊழியர்கள் கவலை

சென்னை: பல ஆண்டு காலமாக சம்பள நாளை சந்தோஷமாக எதிர்பார்த்துக் காத்திருந்த மாத சம்பளதாரர்கள், ரூபாய் நோட்டு செல்லாத அறிவிப்பினால் ஐயோ சம்பள நாள் வந்திருச்சே எப்படி பணம் எடுக்கப் போகிறோம் என்ற கவலை மனதில் குடியேறி விட்டது. என்னதான் டெபிட் கார்ட் வைத்து பெரும்பாலானவற்றை செலவு செய்தாலும் சில அத்தியாவசிய தேவைகளுக்கு பணத்தை வங்கியில் இருந்து எடுத்துதான் ஆகவேண்டும் என்பதால் இன்று ஏடிஎம்களிலோ, வங்கியில் இருந்தோ பணத்தை எடுக்க முடியுமா என்ற கவலை ஏற்பட்டுள்ளது.

 கடந்த 8ம் தேதி அன்று 500, 1000 நோட்டுகள் செல்லாது என்று அறிவிக்கப்பட்ட பிறகு பணப்புழகத்திலும் வங்கியின் நடைமுறைகளிலும் ஏராளமான கட்டுப்பாடுகள் வந்துள்ளது. இதனால் ஏழை, நடுத்தர மக்களும், சிறு வணிகர்கள், குறு தொழில் நிறுவனங்கள், கட்டிட ஒப்பந்தாரர்கள் கடும் சிரமத்திற்கு ஆளாகியுள்ளனர். நாள்தோறும் கூலி கொடுக்க பணம் எடுக்க முடியாமல் சிரமத்திற்கு ஆளாகியுள்ளனர்.

ரொக்கமாக கொடுங்கள்:

 நவம்பர் மாத சம்பளத்தை ரொக்கமாக கையில் வழங்க வேண்டும் என்று அரசு ஊழியர், ஆசிரியர்கள் தமிழக அரசுக்கு கோரிக்கை விடுத்தனர். இதை அரசு ஏற்க மறுத்துவிட்டது. இன்று 14 லட்சம் அரசு ஊழியர் மற்றும் ஆசிரியர்கள், 7 லட்சம் ஓய்வூதியர்களுக்கு சம்பளம் அவர்களது வங்கி கணக்கில் வரவு வைக்கப்படும். அதே நேரத்தில் போக்குவரத்து துறையில் 1.40 லட்சம் ஊழியர்களுக்கு சம்பள முன்பணம் ரூ. 3ஆயிரம் ரொக்கமாக இன்று வழங்கப்படுகிறது.  

 தப்பிவிட்ட அரசு ஊழியர்கள் :

இத்தனை நாட்களாக அரசு ஊழியர்கள், மாத சம்பளதாரர்கள் பெரும் சிக்கலை எதிர்கொள்ளவில்லை. காரணம் 8ம் தேதிதான் மோடி பணம் செல்லாது என்று அறிவித்தார். எனவே அரசு ஊழியர்கள் பெரும் பாதிப்பை எதிர்கொள்ளவில்லை. இன்று சம்பள நாள் என்பதால் ரூபாய் நோட்டு செல்லாது என்று அறிவித்ததன் தாக்கத்தை அரசு ஊழியர்கள் இன்றுதான் உணருவார்கள் என்று கூறப்படுகிறது.

   லட்சக்கணக்கான ஊழியர்கள் :

தமிழகம் முழுவதும் 14 லட்சம் அரசு ஊழியர்கள், ஆசிரியர்கள் மற்றும் ஓய்வூதியதாரர்களுக்கு மாதந்தோறும் அவர்களது சம்பள பணம் வங்கியில் டெபாசிட் செய்யப்படுகிறது. அதேபோன்று, தமிழகம் முழுவதும் தனியார் கம்பெனிகள் மற்றும் வணிக நிறுவனங்களில் வேலை செய்யும் கோடிக்கணக்கான ஊழியர்கள் மற்றும் தொழிலாளர்களுக்கு சம்பளம், 1ம் தேதியே வங்கிகளில் டெபாசிட் செய்யப்படுகிறது.இந்த சம்பள பணத்தை ஏடிஎம் மிஷின்கள் மூலமே பெரும்பாலான அரசு ஊழியர்கள் மற்றும் தனியார் ஊழியர்கள் கடந்த மாதம் வரை எடுத்து வந்தனர்.

 சம்பளத்தை எடுப்பதில் சிக்கல்:

 வங்கிகளில் போதிய பணம் இல்லாத நிலையில் 90 சதவீத ஏடிஎம் மிஷின்கள் வேலை செய்யாததால், இவர்கள் அனைவரும் ஒரே நாளில் சம்பள பணத்தை எடுப்பதற்கு வங்கிகளுக்கு செல்ல வேண்டிய நிலை ஏற்பட்டுள்ளது. இந்த பிரச்னையை வங்கிகள் எப்படி கையாளப்போகிறது என்பது மிகப்பெரிய கேள்விக்குறியாக உள்ளது.

வங்கிகளில் கடும் ரூபாய் நோட்டு தட்டுப்பாடு காரணமாக அரசு மற்றும் தனியார் ஊழியர்களின் வங்கி கணக்கில் இருக்கும் சம்பள பணத்தை எடுப்பதில் திடீர் சிக்கல் எழுந்துள்ளது.

 அத்தியாவசிய செலவுகள் :

மாதச் சம்பள ஊழியர்களை பொருத்தவரையில், வீட்டு வாடகை, மளிகை சாமான்கள், பால், அரிசி வாங்குவது, மின்சார கட்டணம் போன்ற பல்வேறு தேவைகளுக்காக தங்களின் சம்பள தினத்தை எதிர்பார்த்து காத்திருப்பார்கள். சம்பளம் போடப்பட்ட மறு கணமே, ஏடிஎம்களில் இருந்து அத்தியாவசிய தேவைகளுக்காக எடுத்துக்கொள்வார்கள்.

முடங்கிய ஏடிஎம்கள் :

தற்போது புதிய ரூபாய் நோட்டுகள் வைப்பதற்கான மாற்றங்கள் செய்யப்பட்டு இருந்தாலும், போதுமான அளவு பணம் ரிசர்வ் வங்கியிடம் இருந்து வங்கிகளுக்கு வராததால், குறைந்த எண்ணிக்கையிலான ஏடிஎம்களில் குறைந்த அளவு பணமே நிரப்பப்படுகிறது. இதனால் பெரும்பாலான ஏடிஎம்கள் மூடப்பட்டு காணப்படுவதுடன், ஏடிஎம் சேவை பாதிக்கப்பட்டுள்ளது.

 அரசு ஊழியர்களின் கோரிக்கை:

வங்கிகளில் பணம் எடுப்பதற்கான உச்ச வரம்பு தொகையை 24 ஆயிரத்தில் இருந்து தளர்த்தி ரிசர்வ் வங்கி உத்தரவிட்டுள்ளது. வங்கிகளுக்கு போதுமான பணம் வரத்து இல்லாததால், மேலே குறிப்பிட்டபடி உச்சவரம்பு உயர்த்தப்பட்டாலும் குறைந்த அளவே பணம் பட்டுவாடா செய்யப்பட்டு வருகிறது. இன்று அரசு ஊழியர்களுக்கு சம்பள பணம் வங்கிகளில் டெபாசிட் செய்யப்பட்டு விடும் என்பதால் ரிசர்வ் வங்கி சார்பில், அனைத்து வங்கிகளுக்கும் கூடுதல் பணம் அனுப்பி வைக்க வேண்டும் என்றும் முடங்கியுள்ள ஏடிஎம் இயந்திரங்களை விரைவில் செயல்பாட்டுக்கு கொண்டுவர நடவடிக்கை எடுக்க வேண்டும் என்பது அரசு மற்றும் தனியார் துறை ஊழியர்களின் கோரிக்கையாகும்.

ஆன்லைன் கட்டணங்கள்:


வாகனங்களுக்கு பெட்ரோல், டீசல், நிரப்புவதற்கு, கிரெடிட், டெபிட் கார்டுகளை பயன்படுத்தலாம். ஆவின் நிறுவனத்தில், பாலுக்கான மாதாந்திர கட்டணத்தை, ஆன்லைனில் செலுத்தும் வசதி உள்ளது. மின் கட்டணங்களை ஆன்லைனில் செலுத்தலாம். சமையல் எரிவாயு நிறுவனத்தின் இணையதளங்களில் சென்று, ஆன்லைன் மூலம் கட்டணம் செலுத்தலாம். மொபைல் போன் கட்டணம் செலுத்த, ரீசார்ஜ் செய்ய, டெபிட் கார்டு, கிரெடிட் கார்டுகள் கொடுக்கலாம். மளிகைக்கடைகளில் டெபிட் கார்டுகள் மூலம் பொருட்களை மொத்தமாக வாங்கிக் கொள்ளலாம் என்றாலும் சில அத்தியாவசிய தேவைகளுக்கு கைகளில் தினசரி 200 ரூபாயாவது வேண்டும் என்பதால் ஒரு வாரத்திற்கு 2000 ரூபாயாவது ஏடிஎம்மில் இருந்து எடுக்க வேண்டும் என்பதே ஊழிர்களின் கவலையாக உள்ளது. பணப்பிரச்சினை எப்போது தீரும் என்பதே பெரும்பாலானோரின் கேள்வியாகும்

English summary:

 Govt staffs all over the nation are worried over the cash withdrawal from banks and ATMs as salary day today.

Read More

அட பக்கிகளா.. எந்த நேரத்தில் இதைச் செய்வது... வாடகை பாக்கிக்காக 7 ஏடிஎம். மையங்களுக்கு சீல் வைப்பு!!

சென்னை: எந்த ஏடிஎம் மையத்தில் பணம் இருக்கும் என்று மக்கள் தேடித் திரியும் இந்த நேரம் பார்த்து வாடகை தொகை நிலுவையாக உள்ளது என்று கூறி ரயில் நிலையங்களில் உள்ள ஸ்டேட் பேங்க் ஆப் இந்தியாவின் 7 ஏடிஎம் மையங்களுக்கு சீல் வைக்கப்பட்டுள்ளன. இதனால் பயணிகள் கடும் அவதிக்கு ஆளாகி உள்ளனர்.

சென்னை சென்ட்ரல், எழும்பூர், பெரம்பூர், மாம்பலம், வில்லிவாக்கம், திருவள்ளூர், அரக்கோணம் ஆகிய 7 ரயில் நிலையங்களில் ஸ்டேட் பேங்க் ஆப் இந்தியாவின் ஏடிஎம் மையங்கள் செயல்பட்டு வருகின்றன.

கடந்த 15ம் தேதி, சென்ட்ரல் ரயில் நிலைய வளாகத்தில் இருந்து ஐசிஐசிஐ, ஆக்சிஸ், யூகோ வங்கிகளின் ஏடிஎம் மையங்களுக்கு சீல் வைக்கப்பட்ட நிலையில், இந்த 7 ஏடிஎம் மையங்களுக்கும் சீல் வைக்கப்பட்டுள்ளன.

 ஏன் ஏடிஎம் மையங்களுக்கு ரயில்வே துறை சீல் வைத்துள்ளது என்று விசாரித்த போது, சென்னை சென்ட்ரல், எழும்பூர் ஏடிஎம் மையங்களுக்கு தலா 3.5 லட்சமும், பெரம்பூர் மாம்பலம், வில்லிவாக்கம், திருவள்ளூர், அரக்கோணம் என 5 ஏடிஎம் மையங்களுக்கு தலை 3 லட்சமும் என 22 லட்ச ரூபாய் வாடகைத் தொகையை ஸ்டேட் பேங்க் ஆப் இந்தியா செலுத்தாமல் உள்ளது தெரிய வந்தது.

 மேலும், ஸ்டேட் பேங்க் ஆப் இந்தியாவின் 7 ஏடிஎம் மையங்களை அமைக்க 2007 முதல் 2012ம் ஆண்டு வரை 5 ஆண்டுகளுக்கு மட்டுமே ஒப்பந்தம் போடப்பட்டுள்ளது என்றும், அது மீண்டும் புதுப்பிக்கப்பட வில்லை என்றும் வாடகைத் தொகையும் செலுத்தாத நிலையிலேயே ரயில்வே நிர்வாகம் ஏடிஎம் மையங்களை மூடும் நிலை ஏற்பட்டது என்றும் ரயில்வே நிர்வாகம் தெரிவித்துள்ளது.

 ஏற்கனவே சாதாரண பொதுமக்கள் தேடித் திரிந்து ஏடிஎம் மையங்களை கண்டு பிடித்து பணத்தை எடுத்து வரும் நிலையில், ஒரே நேரத்தில் 7 ஏடிஎம் மையங்கள் மூடப்பட்டுள்ளதால் பொதுமக்கள், ரயில் பயணிகள் என அனைவரும் பணம் எடுக்க முடியாமல் பாதிக்கப்பட்டுள்ளனர்.

English summary:

7 ATM Centers of State Bank of Indian in Railway Stations have been closed due the no-rent payment by Railway board.

Read More

சம்பளம் போடப்போகிறார்கள்.. ஏ.டி.எம்.களில் பணத்தை ரெடியாக வையுங்கள்: ராமதாஸ்

சென்னை: மாத இறுதியில் அரசு ஊழியர்கள், பொதுத் துறை நிறுவனங்களின் ஊழியர்கள் என அனைத்து தரப்பினரும் ஊதியம் பெறவுள்ள நிலையில் அனைத்து ஏடிஎம்களிலும் தாராளமாக பணம் கிடைப்பதை உறுதி செய்ய வேண்டும் என்று பாமக நிறுவனர் ராமதாஸ் கேட்டுக்கொண்டுள்ளார்.

இதுதொடர்பாக அவர் வெளியிட்டுள்ள அறிக்கையில் கூறியிருப்பதாவது: 

மத்திய, மாநில அரசு மற்றும் பொதுத்துறை நிறுவனங்களும் தங்கள் ஊழியர்களின் ஊதியத்தில் இயன்ற அளவு தொகையை ரொக்கமாக வழங்க நடவடிக்கை மேற்கொள்ள வேண்டும் என்றும் ராமதாஸ் கூறியுள்ளார்.

 கருப்புப் பண ஒழிப்பு நடவடிக்கைகளின் ஒரு கட்டமாக ரூ.500, ரூ.1000 தாள்கள் செல்லாது என்று அறிவிக்கப்பட்டதால் பணப் புழக்கம் இல்லாமல் மக்கள் அவதிப்பட்டு வருகின்றனர். மக்களின் இந்த பாதிப்பும், அவதியும் அடுத்து வரும் நாட்களில் உச்சக்கட்டத்தை எட்டுவதற்கான வாய்ப்புகள் உள்ளன.

 இந்தியாவில் கருப்புப் பணத்தை ஒழிக்கும் நோக்கத்துடன் ரூ.500, ரூ.1000 தாள்கள் செல்லாது என்று கடந்த 8- ஆம் தேதி பிரதமர் நரேந்திர மோடி அறிவித்தார். அன்றிரவு முதலே இந்த அறிவிப்பு நடைமுறைக்கு வந்ததால் பணப்புழக்கம் அடியோடு நின்று போனது. இதனால் பொது மக்கள் தங்களின் அடிப்படைத் தேவைகளுக்குக் கூட பணம் எடுக்க முடியாமல் தடுமாறி வந்தனர்.

 கடந்த 8- ஆம் தேதி முதல் வங்கிக் கிளைகளில் வாரத்திற்கு அதிகபட்சமாக ரூ.20 ஆயிரமும், ஏ.டி.எம்.களில் அதிகபட்சமாக ஒரு நாளைக்கு ரூ.2000 மட்டுமே எடுக்க முடியும் என அறிவிக்கப்பட்டிருந்தது. கடந்த 14- ஆம் தேதி முதல் இந்த உச்சவரம்பு முறையே ரூ.24000 ரூ.2500 என அதிகரிக்கப்பட்டது. ஆனால் வங்கிகளிலும் ஏ.டி.எம்.களிலும் போதிய பணம் இல்லாததால் இந்த அளவு பணத்தை மக்களால் எடுக்க முடியவில்லை.

ரூ.500 ரூ.1000 தாள்கள் செல்லாது என அறிவிக்கப்பட்டது முதல் இன்று வரையிலான காலத்திற்கும் இனி வரும் காலத்திற்கும் இடையில் ஏராளமான வித்தியாசங்கள் உள்ளன.

இம்மாதம் 8-ஆம் தேதி தான் ரூபாய் தாள்களுக்கு தடை விதிக்கப்பட்டது. ஆனால், அதற்கு முன்பே அம்மாதத்திற்கான ஊதியத்தைப் பெற்று வீட்டு வாடகை செலுத்துதல், வீட்டுக்குத் தேவையான மளிகை உள்ளிட்ட அத்தியாவசியப் பொருட்களை வாங்குதல் போன்ற பணிகளை முடித்து விட்டனர். இவற்றை செய்வதற்கு தேவையான பணம் அவர்களிடம் போதிய அளவில் இருந்தது.

ஆனால், இப்போது அரசு, பொதுத்துறை மற்றும் தனியார் நிறுவனங்களில் பணியாற்றும் மாத ஊதியதாரர்களிடம் அன்றாட செலவுக்கு கூட பணம் இல்லை. ஒன்றாம் தேதி பிறந்தவுடன் மாத வாடகை, பள்ளிக் கட்டணம், தனிப்பயிற்சி கட்டணம், போக்குவரத்துச் செலவு, மளிகைச் செலவு என ஏராளமான செலவுகள் அணிவகுத்துக் காத்திருக்கின்றன. அதற்கான பணத்தை அவர்கள் மாத ஊதியத்திலிருந்து தான் எடுத்தாக வேண்டும்.

அமைப்பு சார்ந்த பணிகளில் உள்ளவர்களில் 75 விழுக்காட்டினரின் ஊதியம் வங்கிகளில் வரவு வைக்கப்படும் நிலையில், அவர்களால் வழக்கம் போல பணம் எடுக்க முடியுமா? என்பது தான் பெரிய கேள்விக்குறியாகும். இப்பிரச்சினைக்குத் தீர்வு காணும் வகையில் அரசு மற்றும் தனியார் நிறுவனங்கள் மாத ஊதியத்தை ரொக்கமாக வழங்க வேண்டும் என்று விடுக்கப்பட்ட கோரிக்கையையும் இந்திய ரிசர்வ் வங்கி நிராகரித்து விட்டது.

இத்தகைய சூழலில் தமிழகத்தில் மத்திய, மாநில அரசு ஊழியர்கள், ஓய்வூதியதாரர்கள், தனியார் நிறுவனப் பணியாளர்கள் என குறைந்து ஒன்றரை கோடி முதல் இரண்டு கோடிப் பேர் வரை தங்களின் அத்தியாவசியச் செலவுகளுக்கு பணம் எடுப்பதற்காக வங்கிகளிலும், ஏ.டி.எம் மையங்களிலும் குவியும் நிலை அடுத்த இரண்டு நாட்களில் ஏற்படப் போவது உறுதி ஆகும்.

வங்கிகளில் பணம் எடுப்பதற்கான உச்சவரம்பு நீக்கப்பட்டிருப்பதாகவும், சில நிபந்தனைகளுக்கு உட்பட்டு இன்னும் அதிக பணத்தை எடுத்துக் கொள்ளலாம் என்றும் ரிசர்வ் வங்கி அறிவித்திருக்கிறது. ஆனால், அதன் உத்தரவு தெளிவாக இல்லை.

 அதுமட்டுமின்றி, வாரத்துக்கு ரூ.24000 வரை பணம் எடுக்கலாம் என்று உச்சவரம்பு நிர்ணயிக்கப்பட்டிருந்த காலத்திலேயே அதை வழங்க வங்கிகளில் போதிய பணம் இல்லை.

வாடிக்கையாளர்களுக்கு சராசரியாக ரூ.4000 மட்டுமே வழங்கப்பட்டதாக இந்திய ரிசர்வ் வங்கிக்கு எழுதியக் கடிதத்தில் வங்கி ஊழியர் சங்கம் தெரிவித்திருந்தது.

வங்கிகளுக்கு கூடுதல் பணம் வழங்கப்படாத நிலையில், ஒன்றாம் தேதி முதல் அதிகரிக்கவுள்ள வாடிக்கையாளர்களின் பணத் தேவையை வங்கிகள் எவ்வாறு சமாளிக்கப் போகின்றன? என்ற வினாவுக்கு விடையில்லை.

வங்கிகளிலும், ஏ.டி.எம். மையங்களிலும் பணம் இல்லாததால் தமிழகத்தின் பல இடங்களிலும் சாலை மறியல், வங்கி அதிகாரிகளுடன் மோதல், ஏ.டி.எம். எந்திரங்கள் மீது தாக்குதல் என வன்முறைகள் நடந்துள்ளன. ஒன்றாம் தேதிக்கு பிறகும் பணப் பஞ்சம் நீடித்தால் இந்த வன்முறைகள் அதிகரித்து சட்டம்- ஒழுங்கு பிரச்சினை ஏற்படுவதற்கான வாய்ப்புகள் உள்ளன.

 இதைக் கருத்தில் கொண்டு வங்கிகள் மற்றும் ஏ.டி.எம்களில் ஒன்றாம் தேதி முதல் தாராளமாக பணம் வழங்கப்படுவதை இந்திய ரிசர்வ் வங்கியும், மத்திய- மாநில அரசுகளும் உறுதி செய்ய வேண்டும்.

அரசுப் போக்குவரத்துக்கழக ஊழியர்களுக்கு ஊதியத்தில் ரூ.3000 ரொக்கமாக வழங்க முடிவு செய்யப்பட்டிருக்கிறது. இதேபோல், பணம் வசூலிக்கும் மத்திய- மாநில அரசு மற்றும் பொதுத்துறை நிறுவனங்களும் தங்கள் ஊழியர்களின் ஊதியத்தில் இயன்ற அளவு தொகையை ரொக்கமாக வழங்க நடவடிக்கை மேற்கொள்ள வேண்டும். இவ்வாறு மருத்துவர் ராமதாஸ் அந்த அறிக்கையில் கேட்டுக்கொண்டுள்ளார்.

English summary:

chennai: ATM must ensure the availability of generous amounts PMK founder Ramadoss demanded in a statement issued today.

Read More

20 நாட்களாக "மெஷின் மெஷினாக" பணத்தைத் தேடி அலையும் மக்கள்.. என்று தீரும் கரன்சி பஞ்சம்?

சென்னை: 500, 1000 ரூபாய் நோட்டுகளுக்கு தடை விதிக்கப்பட்டதால் நாடு முழுவதும் பணத்தட்டுப்பாடு பிரச்சனை பெரிய அளவில் பாதிப்பை ஏற்படுத்தி வருகிறது. கருப்பு பணத்தை ஒழிக்கும் நோக்கில் புழக்கத்தில் இருந்த 500, 1000 ரூபாய் நோட்டுகள் கடந்த 8ம் தேதி நள்ளிரவு முதல் செல்லாது என அறிவிக்கப்பட்டது.

பணப்புழக்கம் குறைந்து பொதுமக்கள் கடும் அவதி அடைந்தனர். இதனால் சந்தை பகுதிகள், கடற்கரைகள், பொழுதுபோக்கு இடங்கள், வணிக வளாகங்கள், தியேட்டர்கள் வெறிச்சோடின.

ரூ.500 மற்றும் ரூ.1000 நோட்டுகள் செல்லாது என்ற அறிவிப்பால், நாடு முழுவதும் பொதுமக்கள் ரூபாய் நோட்டுகளை மாற்றவும், டெபாசிட் செய்யவும் வங்கிகளில் அலைமோதினர். இதற்காக, விடுமுறை ஏதுமின்றி தொடர்ச்சியாக, வங்கிகள் இயங்கிவந்தன.

ஏடிஎம்கள் பல இடங்களில் மூடியே கிடக்கின்றன. திறந்திருக்கும் ஏடிஎம்களிலும் பணம் நிரப்பட்ட சில மணி நேரங்களிலேயே காலியாகி விடுகிறது. மக்களிடையே பணத்தட்டுப்பாடு ஏற்பட்டதால் பல ஆயிரம் கோடிக்கு வர்த்தகம் பாதிக்கப்பட்டது.

பணத்தட்டுப்பாடு:

 ரூபாய் நோட்டுகளை மாற்றுவதற்கு அடுத்தடுத்து பல்வேறு தட்டுப்பாடுகளும் விதிக்கப்படுவதால் ஏழை மற்றும் நடுத்தர மக்கள் பெரும் பாதிப்பை சந்தித்து வருகின்றனர். சில்லறை தட்டுப்பாட்டால் உணவு விடுதிகள், காய்கறி மற்றும் மளிகை கடைகளில் விற்பனை கடுமையாக சரிந்துள்ளது. இந்த நிலையில் வங்கிகளுக்கு 2 நாள் விடுமுறை விடப்பட்டதால் பணத்தை எடுக்கவும், டெபாசிட் செய்யவும் முடியாத நிலை ஏற்பட்டது.

மீனவர்கள் பாதிப்பு :

சில்லறை தட்டுப்பாடு காரணமாக மீன்கள் விற்பனை பாதிக்கப்பட்டுள்ளதால் 80 சதவீத படகுகள், மீன் பிடிக்கச் செல்லாமல் துறைமுகத்திலேயே நிறுத்தி வைக்கப்பட்டுள்ளன. இதனால் மீனவர்கள் பெரிய அளவில் வருவாய் இழந்துள்ளனர். சில்லறை விற்பனையில் ஈடுபடும் மீனவர்களின் நிலை கடும் சிரமமாக உள்ளது. கடந்த 20 நாட்களில் அவர்களுக்கு ரூ.1 கோடிக்கு மேல் வியாபாரம் பாதிக்கப்பட்டுள்ளது.

சில்லறை இல்லையே:

 ஞாயிற்றுக்கிழமைகளில் ரூ.10 ஆயிரம் வரை வியாபாரம் நடக்கும். தற்போது சில்லறை தட்டுப்பாடு ஏற்பட்டுள்ளதால், மீன் வாங்க வரும் மக்கள் குறைந்துவிட்டனர். அப்படியே வந்தாலும் பழைய ரூ.500 நோட்டு அல்லது புதிய ரூ.2 ஆயிரம் நோட்டை தான் கொண்டு வருகின்றனர். அதை நாங்கள் வாங்குவதில்லை இதனால் தினமும் ரூ.2 ஆயிரத்துக்கு கூட மீன் விற்க முடியவில்லை என்பது மீனவர்களின் கவலை.

சிறு கடைகள் மூடல்:

பணத்தட்டுப்பாடு காரணமாக சிறு கடைகள், காய்கறி கடைகள் மூடப்பட்டுள்ளன. திறந்திருக்கும் ஒரு சில கடைகளிலும் 2000 ரூபாய் நோட்டுடன் மக்கள் வருவதால் சில்லறை தர முடியாத நிலை ஏற்பட்டுள்ளதாக கூறி வருகின்றனர். பலர் கடைகளை மூடிவிட்டு சொந்த ஊருக்கு சென்று விட்டதாக கோயம்பேடு சந்தையில் தெரிவித்தனர்.

வங்கிகள் திறப்பு:

 நவம்பர் 26,27 சனி மற்றும் ஞாயிறன்று வங்கிகளுக்கு விடுமுறை அளிக்கப்பட்டது. 2 நாள் விடுமுறை முடிந்து, இன்று நாடு முழுவதும் தனியார் மற்றும் பொதுத்துறை வங்கிகள் இயங்க தொடங்கியுள்ளன. இன்று எதிர்கட்சியினர் நாடு தழுவிய முழு அடைப்புப் போராட்டம் நடத்தினாலும் வங்கிகள் சேவையில் எந்த பாதிப்பும் ஏற்படவில்லை.

புதிய 500 ரூபாய் நோட்டுக்கள்:

 சென்னை உள்ளிட்ட முக்கிய நகரங்களில் விநியோகிப்பதற்காக, 14 டன் மதிப்பிலான புதிய ரூ.500 நோட்டுகள் ரிசர்வ் வங்கிக்குக் கொண்டுவரப்பட்டுள்ளது. இவற்றை, சென்னை மண்டலத்தில் உள்ள அனைத்து வங்கிகளுக்கும் விநியோகிக்கும் பணிகள் நடைபெற்று வருகிறது. இதன்மூலமாக, கடந்த 2 வாரத்திற்கும் மேலாக, பொதுமக்களிடையே நிலவி வந்த சில்லறை தட்டுப்பாடு இந்த வாரத்திற்குள் ஓரளவு சீராகும் என எதிர்பார்க்கப்படுகிறது.

பிரச்சினை எப்போது தீரும்:

 ஏடிஎம் இயந்திரங்களிலும் புதிய ரூபாய் நோட்டுகள் பொருத்தப்படும் என்பதால், பொதுமக்களுக்கு ஓரளவு பண தட்டுப்பாடு குறையும் எனவும் ரிசர்வ் வங்கி வட்டாரங்கள் தெரிவிக்கின்றன. எனினும் புதிதாக அச்சிடப்பட்ட ரூபாய் நோட்டுகள் வங்கிகளுக்கு இன்னும் முழுமையாக வந்து சேராததால், பணத்தட்டுப்பாடு பெரும் தலைவலியாக உருவெடுத்துள்ளது. பிரச்சனை எப்போது தீரும் என்பதே அனைவரது எதிர்பார்ப்பாக உள்ளது.

English summary:

20 days after Prime Minister Narendra Modi government announced the demonetisation of Rs500 and Rs1,000 currency notes to fight black money, no cash in ATM people suffer in Tamil Nadu.

Read More

கருப்பு பணத்துக்கு எதிரான நடவடிக்கைக்கு மக்கள் ஆதரவு

கருப்புப் பணத்துக்கு எதிராக தாம் மேற்கொண்ட நடவடிக்கைக்கு பொது மக்களின் ஆதரவு உள்ளதாக பிரதமர் மோடி சனிக்கிழமை தெரிவித்தார்.
உயர் மதிப்புடைய ரூபாய் நோட்டுகள் செல்லாதவையாக அறிவிக்கப்பட்ட விவகாரத்தில், மத்திய அரசை எதிர்க்கட்சிகள் விமர்சித்து வரும் நிலையில் மேற்கண்ட கருத்தை அவர் தெரிவித்துள்ளார்.
இதுதொடர்பாக, மும்பையில் சனிக்கிழமை நடைபெற்ற "உலக குடிமக்கள் திருவிழா'வில் காணொலி காட்சி மூலம் பிரதமர் மோடி பேசியதாவது:
நாட்டில் சுத்தத்தை பராமரிப்பதற்காக தொடங்கப்பட்ட "தூய்மை இந்தியா' திட்டம் மிகப் பெரிய வெற்றி பெற்றது. அதேபோல, கருப்புப் பணத்தை துடைத்தெறிவதற்காக நான் மேற்கொண்ட நடவடிக்கைக்கு பொதுமக்களின் ஏகோபித்த ஆதரவு உள்ளது.
கருப்புப் பணம், ஊழல் மற்றும் பயங்கரவாதிகளுக்கு நிதி கிடைப்பதை தடுப்பதற்காகவே, உயர் மதிப்புடைய ரூபாய் நோட்டுகளை திரும்பப் பெற முடிவு செய்தோம். இந்த நோக்கம் நிறைவேறுவதற்காக, எங்களுடன் தோளோடு தோள் கொடுத்து உதவி வரும் பொதுமக்களுக்கு நன்றிக்கடன்பட்டுள்ளேன் என்றார் மோடி.

English Summary : Popular support for action against black money.Black money stand against the action of public support to be prime minister, Modi said Saturday.High-value banknotes invalidating the declaration on the issue, the federal government, the opposition criticized the conditions in which the above comment, he said.

Read More

காசோலை இன்றி வங்கியில் பணம் எடுக்க முடியுமா?

வங்கி சேமிப்புக் கணக்கு உள்பட எந்த வகையான கணக்கு வைத்திருந்தாலும் காசோலை உள்ள நிலையில் பணம் எடுப்பதற்கு வாடிக்கையாளர்கள் அதைப் பயன்படுத்துவது அவசியம் என்று அதிகாரிகள் தெரிவித்தனர்.இதுதொடர்பாக வங்கி அதிகாரிகள் அளித்த விளக்கம்: பழைய ரூ.500, ரூ.1,000 நோட்டுகளை மாற்றிக் கொள்ளவும் புதிய கட்டுப்பாடுகளை மத்திய அரசு விதித்துள்ளது. அதாவது, பழைய ரூ.500, ரூ.1,000 நோட்டுகளுக்கு ரூ.2,000 மட்டுமே ஒரே ஒரு முறை மாற்றிக் கொள்ளும் நிலை ஏற்பட்டுள்ளது; எனினும் பழைய நோட்டுகளை சேமிப்புக் கணக்கில் டெபாசிட் செய்வதற்கு தடை ஏதும் இல்லை. இதனால் தங்களது தேவைக்கு வங்கிக்குச் சென்று பணம் எடுக்கும் நிலைக்கு வாடிக்கையாளர்கள் தள்ளப்பட்டுள்ளனர்.
வரம்பு காரணமாக...: வாடிக்கையாளர்கள் தங்களது சேமிப்புக் கணக்கிலிருந்து நாள் ஒன்றுக்கு அதிகபட்சம் ரூ.24,000 வரை எடுக்கலாம்; எனினும் முதல் தடவையிலேயே அதிகபட்ச தொகை ரூ.24,000-த்தை வங்கிக் கணக்கிலிருந்து எடுத்து விட்டால், மீண்டும் கணக்கிலிருந்து தொகை எடுக்க ஒரு வாரம் காத்திருக்க வேண்டும்.
காசோலை புத்தகம் பெற்றிருந்தால்...: இந்த நிலையில் வங்கிக் கணக்கு தொடங்கியதிலிருந்து காசோலை இல்லாமல் வங்கிப் படிவம் மூலம் பணம் எடுப்பவராக இருந்தால் பிரச்னை ஏதும் இன்றி அதிகபட்ச தொகை ரூ.24,000 அளிக்கப்படும். மாறாக, வங்கிக் கணக்கை தொடங்கிய பிறகு காசோலை புத்தகம் பெற்று விட்டு, அதைத் தொடர்ந்து, பயன்படுத்தாமல் இருப்போருக்கு பணம் அளிக்கப்பட மாட்டாது. ஏனெனில் வாடிக்கையாளரின் வங்கிக் கணக்குப் பதிவில் காசோலை வழங்கப்பட்டிருப்பது ஏற்கெனவே பதிவாகியிருக்கும் என்பதால், பணம் அளிப்பதை வங்கியின் கம்ப்யூட்டர் அனுமதிக்காது.
இத்தகைய தருணத்தில் வங்கி மேலாளரை அணுகி கடிதம் கொடுத்தால், காசோலை அற்ற கணக்காக வாடிக்கையாளரின் கணக்கை மாற்றி விட்டு, படிவத்துக்குப் பணம் அளிக்க முடியும். எனவே தங்களது சேமிப்புக் கணக்கு உள்பட அனைத்து வகையான கணக்கு வைத்துள்ளோரும் காசோலை புத்தகத்தைப் பெற்று பண பரிவர்த்தனை செய்வதே சிறந்தது என்று அதிகாரிகள் தெரிவித்தனர்.

Summary:Bank officials explained that in this regard: the old Rs 500 and Rs 1,000 notes to change the new regulations imposed by the Central Government. I mean, the old Rs 500, Rs 1,000 and Rs 2,000 notes were to switch only one time; However, the old banknotes to be deposited in a savings account is not prohibited. If you go to the bank to demand the money their customers have been forced to take the position.

Read More

பணம் செல்லாது என்ற அறிவிப்பை 3 நாட்களில் திரும்பப் பெற மாநில முதல்வர்கள் கெடு

புது தில்லி: 500 மற்றும் 1000 ரூபாய் நோட்டுகள் செல்லாது என்ற அறிவிப்பை திரும்பப் பெறுமாறு மேற்கு வங்க முதல்வர் மம்தா பானர்ஜியும் தில்லி முதல்வர் அரவிந்த் கேஜ்ரிவாலும் கெடு விதித்துள்ளனர்.

தில்லியில் உள்ள அசத்புர் மண்டி பகுதியில் நடந்த பேரணியில் பேசிய மம்தா பானர்ஜி, மத்திய அரசு அறிவித்த இந்த ரூபாய் நோட்டு செல்லாது என்ற அறிவிப்பினை 3 நாட்களுக்குள் திரும்பப் பெற்றுக் கொள்ள வேண்டும். இந்த திட்டத்தின் மூலம் நாடு 100 ஆண்டுகளுக்கு பின்னோக்கிச் சென்றுவிடும். இதுபோன்றதொரு அசாதாரண சூழ்நிலையை நெருக்கடிக் காலத்திலும் பார்த்ததில்லை என்று தெரிவித்துள்ளார்.

வங்கியின் வரிசையில் நிற்கும் மக்களுடன், பிரதமர் மோடியும் நின்று பார்த்தால்தான் மக்களின் வலி என்னவென்று புரியும் என்று தெரிவித்துள்ளார்.

தில்லியில் இன்று ரிசர்வ் வங்கிக்கு எதிரே நடைபெற்ற போராட்டத்தில், தில்லி முதல்வர் அரவிந்த் கேஜ்ரிவாலும் கலந்து கொண்டார். ரூபாய் நோட்டுகளை செல்லாது என்று அறிவித்தது ஜனநாயக இந்தியாவில் நடந்த மிகப்பெரிய ஊழல் என்று குற்றம்சாட்டிய கேஜ்ரிவால், மக்கள் தங்களது சேமிப்புகளை வங்கியில் செலுத்தி அதில் கிடைக்கும் ரூ.10 லட்சம் கோடியை, மோடி, தன்னுடைய கார்ப்பரேட் நண்பர்களுக்கு முதலீடாகக் கொடுத்துவிடுவார் என்றும் மோடியை தாக்கிப் பேசினார்.

இந்த அதிரடித் திட்டத்தை எதிர்த்து நடந்த போராட்டத்துக்குப் பிறகு, இரு தலைவர்களும் ஆர்பிஐ ஆளுநரை சந்தித்துப் பேசினர்.

Summary: 500 and 1000 banknotes, and they will not withdraw the notification deadline imposed by West Bengal Chief Minister Mamata Banerjee and Delhi Chief Minister Arvind Kejriwal.

Read More

கறுப்பு பணத்தை மாற்ற உதவும் கூட்டுறவு வங்கிகள்?

மும்பை: கறுப்பு பணத்தை வெளிக்கொண்டு வருவதற்காக, அதிக பண மதிப்பு கொண்ட ரூபாய் நோட்டுக்கள் வாபஸ் பெறப்பட்ட நிலையில், கூட்டுறவு வங்கிகள் அந்த பணத்தை மாற்ற உதவி செய்வதாக புகார் எழுந்துள்ளது.

அதிகாரிகள் உடந்தை:

கடந்த 8 ம் தேதி முதல் கறுப்பு பணத்தை வெளிக்கொண்டு வரவும் கள்ள நோட்டுக்களை ஒழிக்கவும் ரூ. 500 மற்றும் ரூ. 1000 நோட்டுக்கள் வாபஸ் பெறப்படுவதாக பிரதமர் மோடி அறிவித்தார். இதனையடுத்து மக்கள் வங்கியில் வரிசையில் நின்று பணத்தை மாற்றி வருகின்றனர். ஏடிஎம் மூலம் பணம் எடுத்து வருகின்றனர். இந்நிலையில், பல கூட்டுறவு வங்கிகள் கறுப்பு பணத்தை மாற்ற உதவுவதாக புகார்கள் எழுந்துள்ளன. கணிணி மயமாகாத கூட்டுறவு வங்கிகளில், நோட்டு புத்தகங்கள் மூலமாகவே கணக்குகள் பராமரிக்கப்பட்டு வருகின்றன. டிடி மற்றும் பே ஆர்டரையும் இந்த வங்கிகள் முக்கியமாக அரசியல்வாதிகளுக்கு வழங்குவதாக புகார்கள் எழுந்துள்ளன. கூட்டுறவு வங்கிகளில் அரசியல்வாதிகள் தங்களிடமுள்ள கறுப்பு பணத்தை பிக்சட் டெபாசிட்டாக முதலீடு செய்வதாகவும், முன்தேதியிட்ட காசோலையாக வாங்கி கொள்வதாக புகார் எழுந்துள்ளது. இதற்கு அதிகாரிகள் உடந்தையாக இருப்பதாக கூறப்படுகிறது.

எச்சரிக்கை:

இது தொடர்பாக வங்கி அதிகாரிகள் கூறியதாவது: விதிமுறைகளில் உள்ள ஓட்டைகளை பயன்படுத்தி, டிடி மற்றும் பே ஆர்டர்கள் மூலம் கிடைக்கும் பணம், மொத்த வங்கிக்கணக்கிற்கு செல்கிறது. அனைத்து வங்கிகளும், பணத்தை மாற்றவும், முதலீடு செய்யவும் அனுமதிக்கின்றன. ஆனால், இந்த வங்கிகள் கணக்கில் வராத பணத்தை மாற்ற உதவி செய்கின்றன என்றனர். மேலும், கூட்டுறவுவங்கிகளில் டிடி மற்றும் பேர் ஆர்டர்களை வாங்கும் நபர்கள், அதனை மற்ற வங்கிகளில் கொடுத்து பணமாக மாற்ற மாட்டார்கள். பின்னர் அந்த டிடி மற்றும் பே ஆர்டர்களை மார்ச் 31க்கு பிறகு ரத்து செய்துவிட்டு, புதிய நோட்டுக்களாக வழங்க திட்டமிட்டுள்ளதாகவும் அவர்கள் தெரிவித்தனர்.

இது குறித்து தகவலறிந்த ரிசர்வ் வங்கி, விதிமுறைகளை பின்பற்ற வேண்டும் என கூட்டுறவு வங்கிகளுக்கு எச்சரிக்கை விடுத்துள்ளது.

English Summary :

 In order to uncover black money, have a high monetary value notes were withdrawn, the cooperative banks to transfer the money to help alleged. 

Read More

ஏடிஎம்.,க்கு மம்தா அளித்த புது விளக்கம்

புதுடில்லி: ரூ.500, 1000 நோட்டுக்களை மத்திய அரசு வாபஸ் பெற்ற உத்தரவை திரும்பப் பெற வேண்டும் என கோரி எதிர்க்கட்சிகள் பேரணியாக சென்று ஜனாதிபதியை சந்தித்து மனு அளித்தன.

பேரணி:

ஜனாதிபதி பிரணாப் முகர்ஜியை சந்தித்து கோரிக்கை விடுப்பதற்காக மேற்குவங்க முதல்வரும் திரிணாமுல் காங்கிரஸ் கட்சியின் தலைவருமான மம்தா பானர்ஜி தலைமையில் பேரணி நடந்தது. இதில், மகாராஷ்டிராவில் ஆளும் பா.ஜ.,வின் முக்கிய கூட்டணி கட்சியாக இருக்கும் சிவசேனாவும் கலந்து கொண்டுள்ளது. தேசியவாத கட்சி, உமர் அப்துல்லாவின் காஷ்மீர் தேசிய மாநாட்டு கட்சி உள்ளிட்ட பல்வேறு எதிர்க்கட்சிகளும் கலந்து கொண்டன. அனைத்து எதிர்க்கட்சிகளின் தலைவர்களும் இந்த பேரணியில் பங்கேற்றனர். பார்லி., கட்டடம் முன் துவங்கிய இந்த பேரணி, ஜனாதிபதி மாளிகை வரை சென்றது.

ஜனாதிபதியை சந்தித்த பிறகு செய்தியாளர்களிடம் பேசிய மம்தா, அரசு இயல்பு நிலையை மீண்டும் கொண்ட வர வேண்டும். விவசாயிகளிடம் பணம் இல்லை. மக்கள் செத்துக் கொண்டிருக்கிறார்கள். நாங்கள் கறுப்பு பணத்திற்கு எதிரானவர்கள். அரசு ஏற்படுத்திய இந்த பதற்ற நிலையால் 20 முதல் 25 பேர் உயிரிழந்துள்ளனர். சாமானிய மக்களை ஏன் கஷ்டப்படுத்துகிறீர்கள்? ஒரு திட்டத்தை கொண்டு வருவதற்கு முன் மத்திய அரசு அனைத்து ஏற்பாடுகளையும் செய்திருக்க வேண்டும். அரசு கறுப்பு பண பாதிப்பிலிருந்து மக்களை காக்க வேண்டும். முன்பெல்லாம் ஏடிஎம் என்றால் எந்நேரமும் பணம். ஆனால் தற்போது எப்போது பணம் வரும் என்ற நிலை ஏற்பட்டுள்ளது. ரூபாய் நோட்டு தடை என்பது ஏழைகளுக்கு எதிராக நடத்தப்படும் அச்சுறுத்தல். திட்டமிடாமல் அரசு இந்த தடையை கொண்டு வந்துள்ளது.

ஜனாதிபதியிடம் மனு:

 
இதில் தலையிடும் படி ஜனாதிபதியிடம் கேட்டுள்ளோம். எங்களின் குறைகள் அடங்கிய மனுவையும் அவரிடம் அளித்துள்ளோம். அவர் தலையிட்டு நல்ல முடிவை எடுப்பார் என நம்புகிறோம். பிளாஸ்டிக் பொருளாதார இந்தியாவில் சாத்தியமற்றது. அதற்கு முறையான ஏற்பாடுகளை செய்ய வேண்டும் . இயல்பு நிலையை கொண்டு வர மத்திய அரசை வலியுறுத்துமாறு ஜனாதிபதியிடம் கேட்டுள்ளோம். ரூபாய் நோட்டுக்களை தடை செய்ததன் மூலம் நிதி நெருக்கடி ஏற்பட்டதை தவிர வேறு என்ன நடந்தது என்றார்.

Read More

பணத்துக்குப் பதில் சில்லறை! பொதுமக்கள் கடும் அவதி

 

சென்னை ரிசர்வ் வங்கி அலுவலகத்தில் செல்லாத ரூபாய் நோட்டுகளுக்குப் பதிலாக சில்லறை மூட்டைகள் கொடுக்கப்படுகின்றன.
பாக்கெட், பாக்கெட்டாக 5, 10 ரூபாய் நாணயங்கள் அளிக்கப்படுவதால், அதனை வேறுவழியின்றி பொது மக்கள் வாங்கிச் செல்கின்றனர்.
செல்லாத ரூ.500, ரூ.1,000 நோட்டுகளை மாற்றும் பணியில் பொதுமக்கள் தீவிரமாக ஈடுபட்டுள்ளனர். கடந்த புதன்கிழமை முதல் இந்த ரூபாய் நோட்டுகளை அவர்கள் மாற்றி வருகின்றனர். சென்னை ராஜாஜி சாலையில் உள்ள ரிசர்வ் வங்கி அலுவலகத்துக்கு தினமும் 500-க்கும் மேற்பட்டோர் வருகின்றனர்.
செல்லாத ரூபாய் நோட்டுகளைக் கொடுத்து அதற்குப் பதிலாக புதிய 2 ஆயிரம், நூறு, 20, 10 ரூபாய் நோட்டு கட்டுகளை வாங்கிச் சென்று கொண்டிருந்தனர். நாளொன்றுக்கு சுமார் 500 பேர் வரை வரிசையில் நின்று இவ்வாறு சில்லறை பணம் வாங்கிச் சென்றனர்.
திடீர் முடிவு: ரிசர்வ் வங்கியில் யார் வேண்டுமானாலும் செல்லாத ரூ.500, ரூ.1,000 நோட்டுகளைக் கொண்டு வந்து மாற்றிக் கொள்ளலாம் என அறிவிக்கப்பட்டிருந்தது. ஆகவே, பலரும் நோட்டுகளை மாற்றி சென்றுவந்தனர்.
இந்த நிலையில், செல்லாத ரூபாய் நோட்டுகளை செவ்வாய்க்கிழமை எடுத்து வந்த பொது மக்களுக்கு அதிர்ச்சி காத்திருந்தது. ஒருவர் ரூ.4,500 வரை செல்லாத நோட்டுகளை மாற்றிக் கொள்ளலாம். அந்த வகையில், செவ்வாய்க்கிழமையன்று செல்லாத ரூபாய் நோட்டுகளைக் கொண்டு வந்த பொது மக்களுக்கு ஒரு புதிய 2 ஆயிரம் ரூபாய் நோட்டும், மீதமுள்ள 2 ஆயிரத்து 500 ரூபாய்க்கு 5 அல்லது 10 ரூபாய் நாணயங்கள் அடங்கிய பாக்கெட்டுகளும் அளிக்கப்பட்டன.
நாணயங்கள் அடங்கிய பாக்கெட்டுகளை பெற்றுக் கொண்ட பொது மக்கள் கடும் அதிருப்தி அடைந்தனர். அதுகுறித்து அவர்கள் கூறியதாவது:-
கடைகளில் பொருள்களை வாங்கும் போது அதற்கான உரிய தொகையை பணமாகத்தான் செலுத்த முடியும். ஆனால், சில்லறை பாக்கெட்டுகளை எப்படிப் பயன்படுத்த முடியும்? ஒவ்வொரு பணப் பரிவர்த்தனைக்கும் எப்படி நாணயங்களாக எண்ணி எண்ணி கொடுக்க முடியும் என்று தெரியவில்லை என்றனர்.
நீண்ட வரிசை: செல்லாத ரூபாய் நோட்டுகளுடன் பொது மக்கள் ஒருபுறம் ரிசர்வ் வங்கிக்குச் செல்கின்றனர். மேலும், புதிய 2 ஆயிரம் ரூபாய் நோட்டுகளுடனும் மக்கள் படையெடுக்கின்றனர். வேறு எங்கும் சில்லறை இல்லாத சூழ்நிலையில், நாணயங்களாவது கிடைக்குமா என்ற எதிர்பார்ப்பில் மக்கள் செல்லத் தொடங்கியுள்ளனர். இதனால், ரிசர்வ் வங்கி அலுவலகத்தில் கடந்த ஒரு வாரமாக பொது மக்களின் கூட்டம் அலைமோதுகிறது.

Read More

பழைய நோட்டுகளை மாற்றினால் விரலில் மை: மோடி அரசின் அடுத்த அதிரடி

 

பழைய ரூ.500, ரூ.1000 நோட்டுகளை வங்கிகளில் அளித்து புதிய நோட்டுகளை மாற்றுவோரின் கை விரலில் அழிக்க முடியாத மை வைக்க மத்திய அரசு முடிவு செய்துள்ளது.
கருப்புப் பணத்தை பதுக்கி வைத்திருப்போர் குழுக்களாக சில நபர்களை நியமித்து தங்கள் பணத்தை பல்வேறு வங்கிகளில் தொடர்ந்து மாற்றி வருவதாகக் கிடைத்த தகவலை அடுத்து மத்திய அரசு இந்த நடவடிக்கையை எடுத்துள்ளது.
குறையாத கூட்டம்: பழைய ரூ.500, ரூ.1000 நோட்டுகளை மாற்றி புதிய நோட்டுகள் கொடுக்கும் பணி தொடங்கி ஒருவார காலமாகிவிட்ட நிலையில் வங்கிகள், அஞ்சலகங்களில் காத்திருக்கும் மக்களின் எண்ணிக்கை எதிர்பார்த்த அளவு குறையவில்லை. சில இடங்களில் பணத்தை மாற்றுவோரின் எண்ணிக்கை நாளுக்கு நாள் அதிகரித்தும் உள்ளது. இந்நிலையில், பிரதமர் மோடி தலைமையில் மத்திய அமைச்சர்கள், அதிகாரிகள் பங்கேற்ற உயர்நிலை ஆலோசனைக் கூட்டத்தில் இது தொடர்பாக ஆலோசிக்கப்பட்டது.
சிறப்புப் படைகள்: அப்போது, பணப்புழக்கம் குறைந்துள்ளதால் மக்களுக்கு அத்தியாவசியப் பொருள்கள் கிடைப்பதில் எவ்விதத் தட்டுப்பாடும் ஏற்பட்டு விடக்கூடாது என்பதை உறுதி செய்ய அமைச்சரவைச் செயலாளர் தலைமையில் ஒரு குழு அமைக்கப்பட்டது. இது தவிர கள்ள நோட்டுகள் புழக்கத்தை கண்காணித்து நடவடிக்கை எடுக்கவும், கருப்புப் பணம் வங்கியில் டெபாசிட் செய்யப்படாமல் இருப்பதைத் தடுக்கவும் சிறப்புத் தனிப் படைகள் அமைக்க முடிவு செய்யப்பட்டது.

அழியாத மை
தில்லியில் செய்தியாளர்களை செவ்வாய்க்கிழமை சந்தித்த மத்திய அரசின் பொருளாதார விவகாரங்களுக்கான செயலாளர் சக்திகாந்த தாஸ் கூறியதாவது:
சில வங்கிகள் பல நபர்கள் மீண்டும் மீண்டும் வந்து பழைய பணத்தை மாற்றிச் செல்வதாகவும், ஒரே நபர் வெவ்வேறு வங்கிகளுக்குச் சென்று பணத்தை மாற்றி வருவதாகவும் மத்திய அரசுக்கு தகவல் வந்துள்ளது.
கருப்புப் பணம் வைத்திருப்போர், குழுக்களாக நபர்களை நியமித்து இந்த முறையில் தங்கள் கருப்புப் பணத்தை மாற்றி வருவதாகத் தெரிகிறது. இதனைத் தடுக்கும் வகையில் பழைய நோட்டுகளுக்கு புதிய நோட்டுகளை மாற்றும்போது பணத்தை மாற்றும் நபரின் விரலில் அழிக்க முடியாத மையால் அடையாளம் இட முடிவு செய்யப்பட்டுள்ளது. இதன் மூலம் ஒரே நபர் மீண்டும், மீண்டும் வெவ்வேறு வங்கிகளுக்குச் சென்று பணத்தை மாற்றுவது தடுக்கப்படும்.
மை வைக்கும் திட்டத்தை எவ்வாறு நடைமுறைப்படுத்துவது என்ற விதிகளை வங்கிகள் முடிவு செய்யும். உண்மையிலேயே பணம் தேவைப்படும் மக்களுக்கு ரொக்கம் கிடைப்பதை உறுதி செய்யவும், கருப்புப் பணம் மாற்றுவதைத் தடுக்கவுமே இந்த நடவடிக்கை எடுக்கப்பட்டுள்ளது.
வங்கிகளின் பண இருப்பு: பொதுமக்கள் யாரும் வேறு நபர்களின் பணத்தை வாங்கி தங்கள் வங்கிக் கணக்கில் செலுத்தி கருப்புப் பணத்தை மாற்ற உதவக் கூடாது என்று மீண்டும் ஒருமுறை கேட்டுக் கொள்கிறோம். பொதுமக்களுக்குத் தட்டுப்பாடு இன்றி வழங்குவதற்காக வங்கிகளுக்கு போதுமான அளவு ரொக்கம் அனுப்பப்பட்டுள்ளது. எனவே, பணம் கிடைக்காது என்று பொதுமக்கள் யாரும் பீதியடைய வேண்டாம் என்றார் அவர்.

வலது கை விரலில்...
வங்கிகளில் பணம் மாற்றும்போது வலது கை விரலில் மை வைக்கப்படும் என்று அறிவிப்பு வெளியாகியுள்ளது. வழக்கமாக தேர்தலின்போது வாக்காளர்களின் இடது கை விரலில் மை வைக்கப்படுவது வழக்கம். அதற்கு மாற்றாக வங்கிகளில் வலது கை விரலில் மை வைக்க முடிவெடுக்கப்பட்டுள்ளது. தமிழகம் உள்பட பல்வேறு மாநிலங்களில் விரைவில் இடைத்தேர்தல் நடைபெறவுள்ளது. அப்போது வங்கிகளில் வைக்கப்படும் மையால் குழப்பம் ஏற்பட்டு விடக்கூடாது என்பதைத் தவிர்ப்பதற்காக வங்கியில் பணத்தை மாற்றுவோருக்கு வலது கை விரலில் மை வைக்க முடிவெடுக்கப்பட்டுள்ளது.

 

மை வழங்கும் நிறுவனம்
பெரு நகரங்களில் சில வங்கிகளில் செவ்வாய்க்கிழமை முதலே பணத்தை மாற்றுவோரின் விரலில் மைவைக்கும் திட்டம் செயல்படுத்தப்பட்டுள்ளதாகவும் தகவல் வெளியாகியுள்ளது. இத்திட்டத்துக்கான கர்நாடக அரசுக்கு சொந்தமான மை மைசூர் பெயிண்ட் மற்றும் வார்னீஷ் நிறுவனத்திடம் இருந்து வாங்கப்படுகிறது. தேர்தலின் போது வாக்காளர்களின் விரலில் வைக்கும் மையை, கடந்த 1962-ஆம் ஆண்டில் இருந்து இந்த நிறுவனம்தான் வழங்கி வருகிறது. மை பாட்டில்களை போதுமான அளவுக்கு இருப்பு வைக்குமாறு அந்த நிறுவனத்திடம் மத்திய அரசு கூறியுள்ளது.

"ஜன் தன்' கண்காணிப்பு
அனைவருக்கும் வங்கிக் கணக்கு இருப்பதை உறுதிசெய்யும் ஜன் தன் திட்டத்தின்கீழ் தொடங்கப்பட்ட கணக்குகளில் திடீரென அதிக அளவு பணம் டெபாசிட் செய்யப்படுவது கண்காணிக்கப்பட்டு வருகிறது. ஏனெனில் அதன் மூலம் கருப்புப் பணத்தை மாற்றும் முயற்சி நடைபெற அதிகம் வாய்ப்பு உள்ளது. ஜன்தன் திட்டத்தில் தொடங்கப்பட்ட வங்கிக் கணக்குகளில் அதிகபட்சமாக ரூ.50,000 வரைதான் டெபாசிட் செய்ய முடியும். இப்போது அந்த வகை வங்கிக் கணக்குகள் பலவற்றில் ரூ.49,000 வரை டெபாசிட் செய்யப்பட்டுள்ளதாக தகவல் வெளியாகியுள்ளது.

வங்கிகளில் பழைய ரூ.500, ரூ.1000 நோட்டுகளை மாற்றி வேறு நோட்டுகள் பெற்றுக் கொள்பவர்களுக்கு மை வைக்கப்படும் என்ற அறிவிப்பு தொடர்பாக பல்வேறு சந்தேகங்களும், கேள்விகளும் எழுந்துள்ளன.

* தேர்தலின்போது பயன்படுத்தப்படும் அதே வகை மைதான் வங்கிகளில் பயன்படுத்தப்பட உள்ளது. அது, சுமார் 2 மாதங்கள் வரை அழியாது. ஒரே நபர் தனது தேவைக்காக தினசரி வங்கிக்கு வந்து பணத்தை மாற்றினால் அவருக்கு எத்தனை முறை மை வைக்கப்படும்?

* ஒருவரது விரலில் ஒரு முறை மை வைத்தபிறகு, அவர் சில நாள்களுக்குப் பிறகு அவசரத் தேவைக்காக மீண்டும் பணத்தை மாற்ற வந்தால் அவருக்கு பணம் தர வங்கிகள் மறுக்குமா? அப்போது எழும் சிக்கல்கள் எவ்வாறு தீர்க்கப்படும்?

* பல்வேறு வங்கிகளில் கணக்கு வைத்துள்ள ஒரு நபர், ஒரே நாளில் ஒரு வங்கியில் பணத்தை மாற்றிய பிறகு, தான் கணக்கு வைத்துள்ள வேறு வங்கியில் சென்று பணத்தை எடுக்கவோ அல்லது மாற்றவோ அனுமதி உண்டா?

* நீண்ட வரிசையில் காத்திருக்க முடியாத முதியவர்கள், தங்களிடம் உள்ள பணத்தை மாற்றித் தருமாறு பிறரிடம் உதவி பெற்று வருகின்றனர். இப்போது பணத்தை ஏற்கெனவே மாற்றிய நபரின் விரலில் மை வைக்கப்படுவதால் முதியவர்களுக்கு உதவ முடியாத சூழல் ஏற்பட்டுள்ளது. இது எப்படி கையாளப்படும்?

* மருத்துவச் செலவு, திருமணம் போன்றவற்றுக்காக சாமானிய மக்களுக்கும் அதிக அளவில் பணம் தேவைப்படும். அப்போது, வங்கிகளுக்கு மீண்டும், மீண்டும் சென்று பணத்தை மாற்றுவதையும், எடுப்பதையும் தவிர வேறு என்ன வழி உள்ளது?

செல்லாததாக அறிவிக்கப்பட்ட 500, 1000 ரூபாய் நோட்டுகளைக் கொடுத்து வங்கிகளில் பணம் மாற்றுபவர்களின் விரல்களில் அழியாத அடையாள மை வைப்பதற்கான முயற்சியில் மத்திய அரசு இறங்கியுள்ளது. இது, பொதுமக்கள் மீது அரசு வைத்துள்ள அவநம்பிக்கையை வெளிப்படுத்துகிறது. வரும் நவம்பர் மாதம் இடைத்தேர்தல் நடைபெறவுள்ள நிலையில், மத்திய அரசின் இந்த முடிவுக்கு தேர்தல் ஆணையம் என்ன பதில் சொல்லப் போகிறது?
- திரிணமூல் காங்கிரஸ் கட்சித் தலைவர் மம்தா

ரூ.500, ரூ.1000 ஆகிய பழைய நோட்டுகளை மாற்ற வேண்டும் என்று மத்திய அரசு திடீரென அறிவித்தது பொதுமக்களுக்கு பல்வேறு பிரச்னைகளை ஏற்படுத்தியுள்ளது. ரூபாய் நோட்டுகளை அச்சடிக்க பாகிஸ்தானுக்கு மை, பாதுகாப்பு நூலிழை ஆகியவற்றை அளிக்கும் நிறுவனத்திடம் இருந்துதான் இந்தியாவும் அவற்றை வாங்கி வருகிறது. இந்த விஷயத்தில் மத்திய அரசு என்ன நடவடிக்கையை மேற்கொள்ளப்போகிறது?
அகில இந்திய மஜ்லீஸ்-ஏ-தேஹாதுல் முஸ்லிமீன் (ஏஐஎம்ஐஎம்) கட்சித் தலைவரும், ஹைதராபாத் மக்களவைத் தொகுதி எம்.பி.யுமான அசாதுதீன் ஒவைசி

Read More

விரைவில் இந்தியன் வங்கியில் புதிய ரூ.500

சென்னை: இந்தியன் வங்கியில், கடந்த சில நாட்களில், 10 ஆயிரம் கோடி ரூபாய் அளவுக்கு டெபாசிட் செய்யப்பட்டுள்ளதாகவும் விரைவில் இந்த வங்கிகளில் புதிய ரூ.500 நோட்டு கிடைக்கும் எனவும் அந்த வங்கியின் அதிகாரி தெரிவித்தார்.
சென்னையில், இந்தியன் வங்கியின் பொது மேலாளர் மணிமாறன் கூறியதாவது:

ஏ.டி.எம்.,களில், முன்பு 1,000 மற்றும் 500 ரூபாய் நோட்டுகளும், 100 ரூபாய் நோட்டுகளும் வைக்கப்பட்டன. அப்போது, 10 லட்சம் ரூபாய் அளவுக்கு ரூபாய் நோட்டுகள் வைக்கப்பட்டன.தற்போது, 100 ரூபாய் நோட்டுகள் வைக்கப்படுவதால், 2 லட்சம் ரூபாய் அளவுக்கு தான் வைக்க முடிகிறது. புதிய, 2,000 ரூபாய் நோட்டுகளை வைக்கும் போது, 20 லட்சம் ரூபாய் அளவுக்கு கரன்சி நோட்டுகளை வைக்க முடியும். எங்கள் வங்கி கிளைகளில் விரைவில் புதிய ரூ.500 நோட்டு கிடைக்கும்.

இந்தியன் வங்கியில் சில நாட்களில், 10 ஆயிரம் கோடி ரூபாய் அளவுக்கு மக்கள் டெபாசிட் செய்துள்ளனர்.

இந்தியன் வங்கி மூலம், மொபைல் போன் ‛ஆப்' அறிமுகப்படுத்தப்பட்டுள்ளது. இதன் மூலம், சிறிய கடைகள் மற்றும் வர்த்தக நிறுவனங்களில் எளிதில் பொருட்களை வாங்கி பணம் செலுத்த முடியும்.

இவ்வாறு அவர் கூறினார்.

Read More