கமலுக்கு எதிரான வழக்கு: அறிக்கை தர கோர்ட் உத்தரவு

திருநெல்வேலி: கமலுக்கு எதிரான வழக்கில் அறிக்கை தாக்கல் செய்ய வள்ளியூர் கோர்ட் உத்தரவு பிறப்பித்துள்ளது.

திருநெல்வேலி
மாவட்டம் வள்ளியூரை அடுத்துள்ள பழவூரை சேர்ந்தவர் ஆதிநாதசுந்தரம் 31.
இவர் அஞ்சுகிராமம் வியாபாரிகள் சங்க தலைவராகவும் அங்குள்ள நாறும்பூநாதர் கோயில் பக்தர்கள் பேரவை செயலாளராகவும் உள்ளார். அண்மையில் தனியார் தொலைக்காட்சி ஒன்றிற்கு நடிகர் கமலஹாசன் பேட்டியளித்தார்.

அதில் பெண்கள் குறித்து எழுந்த கேள்விக்கு, ‛மகாபாரதத்தில் பெண்ணை வைத்து சூதாடுவதை புத்தகமாக படித்துக்கொண்டிருக்கும் ஊரு இது..' எனவும் குறிப்பிட்டுள்ளார். இத்தகைய பேச்சு இந்துக்களை அவமதிக்கும் செயலாகும். எனவே அவர் மீது நடவடிக்கை எடுக்கும்படியும் அபராதம் விதிக்கும்படியும் கேட்டு மனுசெய்தார். நடிகர் கமலஹாசனுக்கு எதிரான வழக்கு என்பதால் பரபரப்பான எதிர்பார்ப்பு நிலவியது. இந்நிலையில் வள்ளியூர் நீதிமன்றம் புகாரை விசாரித்து அறிக்கை தர பழவூர் காவல் நிலையத்திற்கு வள்ளியூர் நீதிமன்றம் உத்தரவிட்டுள்ளது. 

Read More

கமல் மீது வழக்கு : விசாரித்து அறிக்கை தர கோர்ட் உத்தரவு

திருநெல்வேலி: மகாபாரதம் குறித்து இழிவாக பேசியதாக நடிகர் கமல் மீது தொடரப்ட்ட வழக்கில் உரிய விசாரணை நடத்தி அறிக்கை தர போலீசாருக்கு கோர்ட் உத்தரவிட்டுள்ளது.

சமீபத்தில் ஒரு தொலைக்காட்சிக்கு அளித்த பேட்டியில் கமல், மகாபாரதத்தை இழிவுபடுத்தி பேசியதாக குற்றச்சாட்டு எழுந்துள்ளது. இது குறித்து சென்னை போலீசில் புகார் அளிக்கப்பட்டுள்ளது.
இந்நிலையில், இந்து மதத்தை அவமதிக்கும் வகையில் மகாபாரதத்தை இழிவுபடுத்தி பேசிய கமல் மீது வழக்குப்பதிவு செய்ய போலீசாருக்கு உத்தரவிட வேண்டும் எனக்கூறி நெல்லை மாவட்டம் வள்ளியூர் குற்றவியல் கோர்ட்டில் பழவூரை சேர்ந்த ஆதிநாதசுந்தரம் என்பவர் வழக்கு தொடர்ந்துள்ளார்.
வழக்கை விசாரித்த நீதிபதி பழவூர் போலீஸ் நிலைய போலீசார் விசாரித்து அறிக்கை அளிக்க உத்தரவிட்டார்.

Read More

ஜெயலலிதா மரணம் குறித்து உயர் நீதிமன்ற நீதிபதி தலைமையில் விசாரணை மேற்கொள்ள வேண்டும்: மு.க.ஸ்டாலின்

ஜெயலலிதா மரணம் குறித்து உயர் நீதிமன்ற நீதிபதி தலைமையில் விசாரணை மேற்கொண்டு முழு உண்மைகளையும் மக்களுக்கு வெகு விரைவாகத் தெரிவிக்க வேண்டும் என்று மு.க.ஸ்டாலின் வலியுறுத்தியுள்ளார்.

இதுகுறித்து எதிர்க்கட்சி தலைவரும், திமுக பொருளாளருமான மு.க.ஸ்டாலின் வெளியிட்டுள்ள அறிக்கையில்,

முன்னாள் முதல்வர் ஜெயலலிதாவுக்கு அளிக்கப்பட்ட சிகிச்சைகள் குறித்தும், அவரது மரணம் தொடர்பான முழுமையான மருத்துவ அறிக்கையையும் எந்தத்தரப்பிலிருந்தும், எவ்வித சந்தேகமும் எழாத வகையில் அரசு வெளியிட வேண்டும் என்ற கோரிக்கையை பொதுமக்கள் பலரும் தெரிவித்து வருகிறார்கள். முன்னாள் முதல்வர் பற்றிய விவரங்களைத் தெரிந்து கொள்ள நினைப்பது பொதுமக்களின் உரிமையுமாகும். அதனால் தான் அவருக்கு அளிக்கப்பட்ட சிகிச்சைகள் தொடர்பாக வெள்ளை அறிக்கை வெளியிட வேண்டும் என்று ஏற்கனவே வலியுறுத்தி இருந்தேன்.

தமிழகத்தில் உள்ள பிற கட்சியினரும், பல்வேறு அமைப்பினரும், ஊடகத்துறையில் சிலரும், நடுநிலையாளர்களும் மறைந்த முதல்வரின் சிகிச்சைக்கும் உயிர்ப் பாதுகாப்பிற்கும் எடுக்கப்பட்ட நடவடிக்கைகள் குறித்து அதிமுகவினர் உள்ளிட்ட அனைத்து மக்களுக்கும் ஏற்பட்டுள்ள பலத்த சந்தேகங்களையும், மர்மங்களையும் களைய வேண்டும் என வலியுறுத்தி வருகின்றனர். ஆனால், தமிழகத்தை ஆளும் அதிமுக அரசு சிறிதும் அக்கறை செலுத்தாத நிலையில், ஜெயலலிதாவுடைய மரணத்தில் மர்மங்களுக்கும், பலத்த சந்தேகங்களுக்கும் இடம் இருப்பதாக, ஜோசப் என்பவர் சென்னை உயர் நீதிமன்றத்தில் மனு தாக்கல் செய்துள்ளார்.

இந்த மனுவை விசாரித்த விடுமுறைக் கால நீதிபதிகள் வைத்தியநாதன் மற்றும் பார்த்திபன் ஆகியோர் அடங்கிய அமர்வு விசாரணைக்கு எடுத்துக் கொண்ட நிலையில், நீதிபதி வைத்தியநாதன், ஜெயலலிதா  மரணத்தில் தனக்கும் சந்தேகம் இருப்பதாக  குறிப்பிட்டு இருப்பதுடன், சிகிச்சையில் இருந்த முதல்வரை நேரில் பார்க்க, உறவினர்கள் யாரையும் மருத்துவமனையில் ஏன் அனுமதிக்கவில்லை, மக்களின் அபிமானம் பெற்ற தலைவர்களின் மரணம் தொடர்பாக, நேதாஜி சுபாஷ் சந்திரபோஸின் மரணம் குறித்த வழக்கில் சுட்டிக்காட்டப்பட்டுள்ள நடைமுறைகளை மேற்கோள் காட்டி, ஜெயலலிதாவின் மரணத்தில் அத்தகைய நடைமுறைகள் பின்பற்றப்பட்டு உள்ளதா என கேள்வி எழுப்பியுள்ளதாகவும், ஜெயலலிதா உடல்நிலை குறித்து முழுத் தகவலை ஏன் வெளியிடவில்லை. மத்திய அரசு ஏன் வாயே திறக்கவில்லை ? எனக் கேள்விகள் எழுப்பியிருப்பதுடன், தானே இந்த மனுவைத் தொடர்ந்து விசாரிக்கும் வாய்ப்பு அமைந்திருந்தால், புதைக்கப்பட்ட உடலைத்தோண்டி எடுத்து உடல் கூறாய்வு நடத்த உத்தரவிடுவேன் எனத் தெரிவித்திருப்பதாக பத்திரிகைகளிலும், ஊடங்களிலும் வரும் செய்தியை கவனத்தில் கொள்ள வேண்டியது அவசியமாகிறது.

அத்தகைய ஒரு நிலைக்கு இடம்தராமல் அ.தி.மு.க. அரசு முழுமையான தகவல்களை வெளியிட வேண்டியது கட்டாயமாகும். முன்னாள் முதல்வர் அம்மையார் ஜெயலலிதா மருத்துவமனையில் அனுமதிக்கப்பட்டதிலிருந்து அரசுத்  தரப்பிலிருந்து எந்த ஒரு அறிக்கையும் வெளியிடப்படவில்லை. அவர் மரணமடைந்த அதிகாரப்பூர்வத் தகவலைக் கூட மருத்துவமனை நிர்வாகம் தான் முதலில் வெளியிட்டது. அதன் பிறகே, தலைமைச் செயலாளரிடமிருந்து அறிக்கை வந்தது.

மூடுமந்திரமான இத்தகைய செயல்பாடுகள் தான் மறைந்த முதல்வர் குறித்த மர்மங்களுக்கும், பலத்த சந்தேகங்களுக்கும் மக்கள் மத்தியில் இடமளித்துள்ளது. மருத்துவமனையில் ஜெயலலிதா சிகிச்சைப் பெற்றது தொடர்பான படங்களை வெளியிட வேண்டும் எனத்  தலைவர் கருணாநிதி கோரிக்கை விடுத்த போது, அதனை அரசியல் கண்ணோட்டத்தில் பார்க்காமல், உண்மை நிலையை ஆளுந்தரப்பினர் விளக்கியிருந்தால் இன்று பிரச்னை நீதிமன்றம் வரை சென்றிருக்க வேண்டிய நெருக்கடி ஏற்பட்டிருக்காது.

இப்போதும் கூட காலந்தாழ்த்தாமல் முழுமையான மருத்துவ அறிக்கைகள், சிகிச்சை முறைகள், மருத்துவமனையில் எடுக்கப்பட்ட வீடியோ-புகைப்பபட ஆவணங்கள் ஆகியவற்றை நீதிமன்றத்தில் சமர்ப்பிக்க வேண்டியது ஆளுந்தரப்பின் கடமையாகும். அதுமட்டுமின்றி, மத்திய அரசின் எய்ம்ஸ் மருத்துவமனை மருத்துவர்களும் சிகிச்சை அளித்ததால், அது குறித்த விவரங்களை வெளியிட வேண்டிய கடமை மத்திய அரசுக்கும் உள்ளது. மத்திய அமைச்சர் வெங்கையா நாயுடு இது குறித்து அளித்துள்ள உறுதி காப்பாற்றப்படும் என எதிர்பார்க்கிறேன். முன்னாள் முதல்வரின் மரணம் குறித்து உயர் நீதிமன்றத்தில் தற்போது பணியாற்றும் நீதிபதியைக் கொண்டு முழுஅளவில் விசாரணை நடைபெற்று முழு உண்மைகளையும் மக்களுக்கு வெகு விரைவாகத் தெரிவிக்க வேண்டும் எனக் கேட்டுக் கொள்ளும் அதேநேரத்தில் மக்களின் பக்கம் நின்று உண்மைகளை உரைக்க வேண்டிய கடமை ஊடகத்துறை நண்பர்களுக்கும் உள்ளதை அன்புடன் நினைவூட்ட விரும்புகிறேன்.

முதல்வரையும் மற்ற அமைச்சர்களையும் சந்தித்து பேட்டி எடுக்கும் நண்பர்கள் தயக்கமின்றி, மறைந்த முதல்வரின் உடல்நிலை குறித்து மக்கள் எழுப்பும் பலத்த சந்தேகங்களையும், மர்மங்களையும், உயர்நீதிமன்ற நீதிபதி கேட்டுள்ள கேள்விகளையும் தெரிவித்து, பதில்களைப் பெற்று வெளியிட வேண்டும் எனக் கேட்டுக் கொள்கிறேன். தமிழகத்தில் அரசியல்-சமூக நிலவரங்களை 24 மணி நேரமும் தொலைக்காட்சி ஊடகங்கள் வழங்கி வருகின்றன. அதுபோலவே நாளேடுகள், வார ஏடுகள் உள்ளிட்ட பத்திரிகைகளும் மக்களுக்கான செய்திகளை வழங்கி வருகின்றன. மக்களின் அவலங்கள் குறித்து ஆட்சியாளர்கள், குறிப்பாக முதல்வரின் கருத்தை நேரடியாகப் பெற்று வெளியிடும் மரபு கடந்த 5 ஆண்டுகளுக்கும் மேலாகத் தமிழகத்தில் அற்றுப் போய்விட்டது.

தலைவர் கருணாநிதி முதல்வராக இருந்த போது தலைமைச் செயலகத்திலும், அவரது இல்லத்திலும், அவர் பங்கேற்கும் நிகழ்ச்சிகள் நடைபெறும் அரங்குகளிலும் ஊடக நண்பர்கள் அவர்களிடம் கருத்துகளைக் கேட்டு வெளியிடுவார்கள். ஆனால், ஜெயலலிதா ஆட்சியில் அத்தகைய நடைமுறை அருகிப் போனது. வாரம் ஒரு முறை பத்திரிகையாளர்களை சந்திப்பேன் என 2011ல் பதவியேற்ற நாளில் ஜெயலலிதா வாக்குறுதி தந்தார். ஆனால், அதனை அவர் தனது ஆட்சிக்காலம் முழுவதும் நிறைவேற்றவில்லை. ஊடகத்துறை நண்பர்களும் அவரது வாக்குறுதி குறித்து அவரிடம் வலியுறுத்தவில்லை.

தற்போது முதல்வராக திரு ஓ.பன்னீர்செல்வம் பொறுப்பேற்றுள்ள நிலையில், ஊடக நண்பர்கள் அவரை சந்தித்து, அரசின் செயல்பாடுகள் மற்றும் மக்களின் கோரிக்கைகள் குறித்து நேரடியாகக் கருத்துகளைப் பெற வேண்டியது அவசியமாகும். அண்டை மாநிலங்களான கேரளா, ஆந்திரா, தெலங்கானா மாநில முதல்வர்கள் அடிக்கடி பத்திரிகையாளர்களை சந்தித்துக் கருத்துகளைத் தெரிவிக்கிறார்கள். பத்திரிகையாளர்களுடன் கலந்தாலோசிக்கிறார்கள். அதுபோல தமிழகத்திலும் ஆரோக்கியமான நிலை உருவாக வேண்டும். அதற்கு முதல்வர் வாய்ப்பளிப்பார் என்றே நினைக்கிறேன்.

முன்னாள் தலைமைச் செயலாளர் அளித்த பேட்டியில், மாநில அரசின் செயல்பாடுகள் குறித்து குற்றம்சாட்டும் தொனியில் கருத்துகளைத் தெரிவித்திருக்கிறார். தான் இன்னமும் தலைமைச் செயலாளர் பதவியில் நீடிப்பதாகவும் தெரிவித்துள்ளார். இதுகுறித்து விளக்க வேண்டிய கடமையும், பொறுப்பும் முதல்வருக்கு உள்ளது. அதுபோலவே மறைந்த முதல்வரின் சிகிச்சை தொடர்பான கேள்விகளுக்கும் பதிலளிக்க வேண்டிய கடமை அவருக்கு இருக்கிறது.

நேற்றைய தினம் போயஸ் தோட்டத்தில் முதல்வரை சந்தித்து பேட்டி எடுத்த ஊடக நண்பர்கள், முன்னாள் தலைமைச் செயலாளரின் குற்றச்சாட்டு குறித்தோ, முன்னாள் முதல்வரின் மரணம் குறித்தான சந்தேகம் பற்றி நீதிமன்றம் எழுப்பிய கேள்விகள் குறித்தோ எந்தக் கேள்வியும் எழுப்பாமல் இருந்தது வேதனையளிக்கிறது. இரண்டு நாட்களுக்கு முன்பாக தலைமைச் செயலாளரின் குற்றச்சாட்டு பற்றி என்னிடம் கேட்டபோது, ”தமிழக அரசு பற்றி குற்றச்சாட்டு தெரிவித்திருப்பதால் முதல்வர் பதிலளிப்பதுதான் முறையாக இருக்கும். அவரிடம் கேளுங்கள்”, எனவும் தெரிவித்தேன். தி.மு.க.வைச் சேர்ந்தவர்களிடம் சுதந்திரமாக கேள்வி கேட்கும் உரிமையுள்ள ஊடக நண்பர்கள், அதே சுதந்திரத்தையும், உரிமையையும் ஆளுங்கட்சியிடமும் வெளிப்படுத்த ஏன் தயங்குகிறார்கள் எனத் தெரியவில்லை. உண்மைகளை வெளிக்கொண்டு வரும் வகையில் ஊடக நண்பர்கள் தயக்கமின்றி செயல்பட வேண்டும் என அன்புடன் கேட்டுக் கொள்கிறேன். தமிழக மக்களின் நலன் கருதி ஊடக நண்பர்கள் இந்தக் கடமையை நிறைவேற்றுவார்கள் என எதிர்பார்க்கிறேன். இவ்வாறு அவர் குறிப்பிட்டுள்ளார்.

English Summary:

Further investigation led to the death of her High Court judge the full truth of Stalin insisted that the people should express very rapidly.

Read More

போலி அபிடவிட்: கெஜ்ரிவாலுக்கு ஜாமின்

புதுடில்லி: கடந்த 2013ம் ஆண்டு நடந்த டில்லி சட்டசபை தேர்தலில் போட்டியிட போலி அபிடவிட்தாக்கல் செய்ததாக தொடரப்பட்ட வழக்கில் முதல்வர் கெஜ்ரிவாலுக்கு ஜாமின் வழங்கி கோர்ட் உத்தரவிட்டது.

முகாந்திரம் உள்ளது:

டில்லியை சேர்ந்த தொண்டு நிறுவனம் சார்பில் நீரஜ் சக்சேனா, அனுஜ் அகர்வால் ஆகியோர் டில்லி மெட்ரோபோலிடன் மாஸ்திரேட் கோர்ட்டில் தாக்கல் செய்த மனு: 2013ம் ஆண்டு சட்டசபை தேர்தலில் கெஜ்ரிவால் தாக்கல் செய்த அபிடவிட்டில், உண்மையான முகவரியை மறைத்தார். தனது சொத்தின் உண்மையான மதிப்பை வேண்டுமென்றே குறைத்து காண்பித்தார். இதற்கான அடிப்படை முகாந்திரம் உள்ளது என தெரிவிக்கப்பட்டிருந்தது. இந்த வழக்கு தொடர்பாக கெஜ்ரிவாலுக்கு, கடந்த பிப்ரவரி மாதம் கோர்ட் சம்மன் அனுப்பியிருந்தது. முதல்வர் பொறுப்பில் உள்ளதால் அதிக பணி மற்றும் ஆலோசனைகளில் கலந்து கொள்ள உள்ளதால், கோர்ட்டில் நேரில் ஆஜராக, கெஜ்ரிவாலுக்கு கடந்த ஆகஸ்ட் மாதம், கோர்ட் விலக்கு அளித்து உத்தரவிட்டது.

ஒத்திவைப்பு:

இந்த வழக்கில் ஜாமின் கேட்டு கெஜ்ரிவால் மனு தாக்கல் செய்திருந்தார். இந்த மனு மீதான விசாரணையின் போது நேரில் ஆஜராக கோர்ட் உத்தரவிட்டது. இந்த வழக்கில், ரூ.10 ஆயிரம் சொந்த ஜாமினில் கெஜ்ரிவாலுக்கு ஜாமின் வழங்கிய கோர்ட், வழக்கு விசாரணையை, 2017 ம் ஆண்டு ஏப்ரல் 7 ம் தேதிக்கு ஒத்திவைத்தது.

English Summary:

NEW DELHI: The Delhi assembly elections held in 2013 were fake affidavits case of bail, a court ordered the Chief Minister Kejriwal.

Read More

சட்டவிரோத பணப்பரிமாற்றம்: சேகர் ரெட்டி கூட்டாளிகள் 3 பேர் கைது

சென்னை: சட்டவிரோத பணப்பரிமாற்றத்தில் ஈடுபட்டதாக, கைது செய்யப்பட்ட மணல் கான்ட்ராக்டர் சேகர் ரெட்டி தொடர்புடைய 3 பேரை சி.பி.ஐ., அதிகாரிகள் கைது செய்தனர். அவர்களை ஜனவரி 4ம் தேதி வரை நீதிமன்ற காவலில் வைக்க கோர்ட் உத்தரவிட்டது.
சென்னையை சேர்ந்த மணல் கான்டிராக்டரான சேகர் ரெட்டி, சீனிவாசலு ஆகியோர் மீது, சி.பி.ஐ., நேற்று முன்தினம் வழக்கு பதிவு செய்தது; நேற்று மாலை கைது செய்தது. உடனடியாக, சி.பி.ஐ., சிறப்பு நீதிமன்றத்தில் இருவரும் ஆஜர்படுத்தப்பட்டனர். அவர்கள் மீது, இந்திய தண்டனை சட்டம் மற்றும் ஊழல் தடுப்பு சட்டத்தில், வழக்குப் பதிவு செய்யப்பட்டது. இதையடுத்து, இருவரையும், ஜன., 3 வரை காவலில் வைக்கப்பட்டனர்.

கைது:

இந்நிலையில், சேகர் ரெட்டியுடன் தொடர்புடைய மேலும் 3 பேரை சி.பி.ஐ., அதிகாரிகள் கைது செய்தனர். சட்டவிரோத பணப்பரிமாற்றத்தில் ஈடுபட்டதாக ரத்தினம், பிரேம்குமார், ராமச்சந்திரன் ஆகியோரை கைது செய்த அதிகாரிகள், அவர்களை சி.பி.ஐ., கோர்ட்டில் ஆஜர்படுத்தினர். அவர்களை வரும் ஜனவரி 4ம் தேதி வரை நீதிமன்ற காவலில் வைக்க கோர்ட் உத்தரவிட்டது. புழல் சிறையில் அடைக்கவும் உத்தரவிட்டது. மூன்று பேரும் ஜாமின் கேட்டு சிபிஐ கோர்ட்டில் மனுதாக்கல் செய்துள்ளனர்.

முதல் வகுப்பு:

இந்நிலையில், சேகர் ரெட்டி, சீனிவாசலு ஆகியோர் புழல் சிறையில் முதல் வகுப்பு கேட்டு சி.பி.ஐ., கோர்ட்டில் மனு தாக்கல் செய்தனர். அவர்களது மனு மீதான விசாரணை இன்று நடக்க உள்ளது.

English Summary:

Chennai: engaging in illegal money remittance, sand contractor arrested 3 people associated Shekhar Reddy CBI arrested. Put them in judicial custody till January 4 Court. 

Read More

13 மாவட்டங்களிலுள்ள கருவேல மரங்களை அகற்ற ஆட்சியர்களுக்கு உயர்நீதிமன்ற மதுரை கிளை உத்தரவு

மதுரை : மதுரை, விருதுநகர், தேனி , ராமநாதபுரம் உள்ளிட்ட 13 மாவட்ட தலை நகரங்களில் உள்ள  சீமை கருவேல மரங்களை வேரோடு அகற்ற வேண்டும் என்று மாவட்ட ஆட்சியர்களுக்கு சென்னை உயர் நீதிமன்ற மதுரை கிளை உத்தரவிட்டுள்ளது. சீமை கருவேல மரங்களை அகற்ற கோரி மதிமுக பொது செயலாளர் வைகோ மற்றும் முன்னாள் மேயர் பட்டுராஜ் ஆகியோர் தொடர்ந்த வழக்கில் உயர் நீதிமன்ற கிளை இந்த உத்தரவை பிறப்பித்துள்ளது.

மேலும் சீமை கருவேல மரங்களை 20 நாட்களுக்குள் அகற்ற வேண்டும் என்றும் தெரிவி்த்துள்ளது. நீர் நிலைகள் மற்றும் தனியார் நிலங்களில் உள்ள கருவேல மரங்களையும் வேரோடு வெட்ட வேண்டும் எனவும நீதிமன்றம் கூறியுள்ளது. சீமை கருவேல மரங்களை அகற்றிவிட்டு ஜனவரி 11-ம் தேதிக்குள் அறிக்கை தாக்கல் செய்யவும் ஆட்சியர்களுக்கு சென்னை உயர்நீதிமன்ற மதுரை கிளை உத்தரவிட்டுள்ளது.

English Summary:

Madurai, Virudhunagar, Theni, Ramanathapuram district, including the head of the 13 cities that will eliminate the Ente karuvela trees Madurai branch of the Madras High Court has directed the district collectors. 

Read More

பாராளுமன்ற தீர்மானத்தை ரத்து செய்யக்கோரிய மார்க்கண்டேய கட்ஜூ மனு தள்ளுபடி

புது டெல்லி : மார்க்கண்டேய கட்ஜூவுக்கு எதிராக பாராளுமன்றத்தில் நிறைவேற்றப்பட்ட கண்டன தீர்மானத்தை ரத்து செய்ய முடியாது என சுப்ரீம் கோர்ட் அதிரடியாக தீர்ப்பு வழங்கியுள்ளது.

பலத்த எதிர்ப்பு

சுப்ரீம் கோர்ட் முன்னாள் நீதிபதி மார்க்கண்டேய கட்ஜூ தனது வலைப்பக்கத்தில், காந்தி ஒரு பிரிட்டிஷ் கைக்கூலி, பிரிட்டிஷாருடன் சேர்ந்து இந்தியாவைப் பிளவுபடுத்தினார் என்பன போன்ற கருத்துகளை எழுதியிருந்தார். மேலும், நேதாஜி சுபாஷ் சந்திர போஸ் ஜப்பானிய கைக்கூலி எனவும் கூறியிருந்தார். கட்ஜூவின் இந்தக் கருத்துக்கு நாடு முழுவதும் பலத்த எதிர்ப்பு எழுந்தது.

கண்டனத் தீர்மானம்

இதனைத் தொடர்ந்து கட்ஜூவுக்கு எதிராக கடந்த 2015-ம் ஆண்டு மார்ச் 10 மற்றும் 11-ம் தேதிகளில் பாராளுமன்றத்தின் இரு அவைகளிலும் கண்டனத் தீர்மானம் நிறைவேற்றப்பட்டது. இதனை எதிர்த்து மார்க்கண்டேய கட்ஜூ சுப்ரீம் கோர்ட்டில் வழக்குத் தொடர்ந்தார்.

மனு தள்ளுபடி

இந்த வழக்கு நேற்று சுப்ரீம் கோர்ட்டில் விசாரணைக்கு எடுத்துக் கொள்ளப்பட்டது. வழக்கை விசாரித்த சுப்ரீம் கோர்ட் "மார்க்கண்டேய கட்ஜூவுக்கு எதிராக மக்களவை, மாநிலங்களவையில் இயற்றிய கண்டன தீர்மானத்தை ரத்து செய்ய முடியாது" என அதிரடியாக தீர்ப்பு வழங்கி கட்ஜூவின் மனுவைத் தள்ளுபடி செய்தது.

Read More

ஹெலிகாப்டர் ஊழல் வழக்கு.. முன்னாள் விமானப்படை தளபதி தியாகிக்கு மேலும் 3 நாள் காவல்

டெல்லி: அக்ஸ்டா வெஸ்ட்லாண்ட் ஹெலிகாப்டர் முறைகேடு வழக்கில், முன்னாள் விமானப்படை தளபதி எஸ்.பி.தியாகியின் சிபிஐ காவல் மேலும் 3 நாட்களூக்கு நீட்டிப்பு செய்யப்பட்டுள்ளது.

காங்கிரஸ் தலைமையிலான ஐக்கிய முற்போக்கு கூட்டணி அரசு காலத்தில், வி.ஐ.பிகளுக்கு ஹெலிகாப்டர்கள் வாங்கியபோது நடந்த முறைகேட்டில் அப்போது விமானப்படை தளபதியாக இருந்த தியாகி பெயர் எப்.ஐ.ஆரில் சேர்க்கப்பட்டது. 2013ல் எப்.ஐ.ஆர் பதிவு செய்யப்பட்ட நிலையில், கடந்த சனிக்கிழமை, தியாகி, கவுதம் கைதான் மற்றும் சஞ்சிவ் தியாகி ஆகியோர் சிபிஐயால் கைது செய்யப்பட்டு சிபிஐ சிறப்பு நீதிமன்றத்தில் ஆஜர்படுத்தப்பட்டனர். டிசம்பர் 14ம்தேதியான இன்று வரை அவர்களுக்கு காவல் விதித்திருந்தது கோர்ட்.

கோர்ட் குறிப்பிட்ட தேதி முடிந்த நிலையில் இன்று மீண்டும் நீதிமன்றத்தில் ஆஜர்படுத்தப்பட்ட தியாகி உள்ளிட்டோருக்கு மேலும் 3 நாட்கள் காவல் விதித்துள்ளது நீதிமன்றம். பண மதிப்பிழப்பு பிரச்சினையை திசை திருப்ப தியாகி இப்போது கைது செய்யப்பட்டதாகவும், மூன்றாந்தர விசாரணையை நடத்த சிபிஐ திட்டமிட்டுள்ளதாகவும் தியாகி தரப்பு வழக்கறிஞர் வாதிட்டத்தை நீதிமன்றம் ஏற்கவில்லை.

English Summary:

 A special CBI court on Wednesday extended the custody of former air chief, S P Tyagi and two others till Saturday. Tyagi an accused in the AgustaWestland case along with two others will remain in CBI custody for another three days, the court ordered today

Read More

முத்தலாக் நடைமுறை அரசியல் சாசனத்திற்கே எதிரானது: அலகாபாத் ஹைகோர்ட் தடாலடி

அலகாபாத்: முஸ்லிம் சமூகத்தில் நடைமுறையிலுள்ள மூன்று தலாக் விவாகரத்து நடைமுறை சட்டத்திற்கு விரோதமானது என அலாகாபாத் ஹைகோர்ட் கூறியுள்ளது.

மும்முறை தலாக் சட்ட விரோதமானது என்று அலகாபாத் ஹைகோர்ட் கருத்து தெரிவித்துள்ளது. அரசியல் சாசனத்தை காட்டிலும் தனி நபர் சட்ட வாரியம் உயர்ந்தது இல்லை என்றும் அந்த ஹைகோர்ட் கூறியுள்ளது.

மூன்று முறை தலாக் கூறி பெண்களை விவாகரத்து செய்யும் நடைமுறையை இஸ்லாம் தனி நபர் சட்ட வாரியம் ஏற்கிறது. ஆனால் இதற்கு எதிராக முஸ்லிம் பெண்கள் சிலரும், தன்னார்வ அமைப்புகளும் அணி சேர்ந்துள்ளன.

இதுகுறித்த வழக்கு ஒன்றை இன்று விசாரித்த உ.பி.மாநிலத்தின் அலகாபாத் ஹைகோர்ட், இது முஸ்லிம் பெண்களின் உரிமையை பறிக்கும் செயல் என கண்டித்துள்ளது. மேலும் அரசியல் சாசனம் வழங்கியுள்ள அடிப்படை உரிமைகளை பறிக்கும் செயல் இது என்றும், இந்திய அரசியல் சாசனத்தைவிடவும், தனி நபர் சட்ட வாரியம் உயர்ந்தது இல்லை எனவும் அது கூறியுள்ளது.

English summary:

 Allahabad High Court calls tripletalaq unconstitutional, says it violates the rights of Muslim women.

Read More

உச்சநீதிமன்றத்தின் புதிய தலைமை நீதிபதியாக ஜே.எஸ்.கேஹர் நியமனம்

டெல்லி: உச்சநீதிமன்றத்தின் அடுத்த தலைமை நீதிபதியாக ஜே.எஸ்.கேஹர் நியமனம் செய்ய கோரி தற்போதைய தலைமை நீதிபதி டி.எஸ்.தாக்கூர் மத்திய அரசுக்கு பரிந்துரை செய்துள்ளார்.

தற்போது உச்சநீதிமன்றத்தின் தலைமை நீதிபதியாக இருக்கும் டி.எஸ்.தாக்கூரின் பதவி காலம் ஆடுத்த ஆண்டு ஜனவரி 3 ஆம் தேதியுடன் முடிவடைகிறது. இதையொட்டி உச்சநீதிமன்றத்தின் அடுத்த தலைமை நீதிபதியாக, ஜே.எஸ்.கேஹர் இருப்பார் என அறிவிக்கப்பட்டுள்ளது.

 நீதிபதி ஜே.எஸ்.கேஹர் வரும் ஆண்டு ஜனவரி 4,2017 அன்று ஜனாதிபதி பிரணாப் முகர்ஜி பதவிப்பிரமாணம் செய்து வைக்கிறார். அவர் ஜனவரி 4-ம் தேதி முதல் ஆகஸ்ட் 4ம் தேதி 2017- வரை அந்த பதவியில் நீடிப்பார்.

ஜே.எஸ்.கேஹர்:

1952 ஆம் ஆண்டு ஆகஸ்ட் 22ல் பிறந்தார் நீதிபதி கேஹர். பஞ்சாப் பல்கலைக் கழகத்தில் 1977 ஆம் சட்டப்படிப்பை முடித்தார். இவர் பஞ்சாப், சண்டீகர் நீதிமன்றங்களில் நீதிபதியாக பணியாற்றி உள்ளார். இவர் உச்சநீதிமன்றத்தின் தலைமை நீதிபதியாக பதவி ஏற்கும் முதல் சீக்கியர் ஆவார். புதிய உச்சநீதிமன்ற 44 வது தலைமை நீதிபதி ஜே.எஸ்.கெஹர் என்பது குறிப்பிடத்தக்கது.

English summary:

Justice Jagdish Singh Khehar will be sworn in as the next Chief Justice of India on January 4. Justice Khehar will be replacing Chief Justice of India Justice T.S.Thakur, who demits office on January 3.

Read More

பணத்தட்டுப்பாட்டைப் போக்க என்ன செய்தீர்கள் ? மத்திய அரசிடம் விளக்கம் கோரிய சுப்ரீம் கோர்ட்டு

புதுடெல்லி  -   பழைய ரூபாய் நோட்டு ஒழிப்பு  நடவடிக்கையினால் கிராமப்புற மக்களுக்கு ஏற்பட்ட சிரமங்களைப் போக்க என்ன நடவடிக்கைகள் எடுக்கப்பட்டன என்று மத்திய அரசிடம் சுப்ரீம் கோர்ட்டு  விளக்கம் கேட்டது. கூட்டுறவு வங்கிகளை நம்பியே இருக்கும் பெரும்பாலான கிராமப்புற மக்கள்தொகைக்கு பழைய ரூபாய் நோட்டு ஒழிப்பு  நடவடிக்கையால் ஏற்பட்டுள்ள சிரமங்களைத் தவிர்க்க எடுக்கப்பட்ட நடவடிக்கைகள்  என்ன  என்று சுப்ரீம் கோர்ட்டு மத்திய அரசிடம் விளக்கம் கோரியது.
பழைய ரூபாய் நோட்டு ஒழிப்பு   நடவடிக்கைக்கு எதிராக பல்வேறு தரப்பிலிருந்தும் செய்யப்பட்ட மனுக்கள் மீதான விசாரணை  நேற்று தலைமை நீதிபதி டி.எஸ்.தாக்குர், சந்திராசூட் ஆகியோர் அடங்கிய அமர்வின் முன் நடைபெற்றது.

 அப்போது  அட்டர்னி ஜெனரல் முகுல் ரோத்கி கூறும்போது, கூட்டுறவு வங்கிகளில் முறையான உள்கட்டமைப்பு வசதிகள் இல்லை, மற்ற தேசிய மற்றும் தனியார் வங்கிகளை ஒப்பிடும் போது இங்கு இந்த நடவடிக்கைகளைக் கையாள போதிய வலுவில்லை என்று தெரிவித்தார்.

கூட்டுறவு வங்கிகளுக்கு இல்லை :
“மத்திய அரசு சமர்ப்பித்த கூடுதல் பிராமணப்பத்திரத்தின் ஒட்டுமொத்த அத்தியாயம் கூட்டுறவு வங்கியைப் பற்றியதே. பிரச்சினை எங்களுக்கு தெரியாது என்பதல்ல, இந்த வங்கிகளில் போதிய வசதிகள் இல்லை மேலும் கள்ள நோட்டுகளைக் கண்டுபிடிக்கும் போதிய நிபுணத்துவம் கூட்டுறவு வங்கிகளுக்கு இல்லை என்பதால் இதிலிருந்து கூட்டுறவு வங்கிகளை விலக்கி வைத்தது மத்திய அரசு” என்றார்.

மேலும் பழைய ரூபாய் நோட்டு  ஒழிப்பு  நடவடிக்கைக்கு எதிராக பல்வேறு தரப்பிலிருந்தும் வழக்குகள் தொடரப்பட்டுள்ளன, கேரளா, கோல்கத்தா, ஜெய்பூர், மும்பை உள்ளிட்ட இடங்களில் இந்த மனுக்களை ஒரே சமயத்தில் விசாரிக்க முடியாது. எனவே இந்த வழக்குகளை ஒன்றிணைத்து ஏதாவது ஒரு உயர் நீதிமன்ற்த்திலோ அல்லது  உச்ச நீதிமன்றத்திலோ  விசாரணை நடத்துவதே சரியாக இருக்கும்” என்றார்.

பின்னடைவு :
கூட்டுறவு வங்கிகளுக்காக ஆஜரான மூத்த வழக்கறிஞர் சிதம்பரம், கூட்டுறவு வங்கிகளை விலக்கி வைத்ததால் கிராமப்புற பொருளாதாரம் பெரிய அளவில் பின்னடைவு கண்டுள்ளது என்றார்.மூத்த வழக்கறிஞர் கபில் சிபல் கூறும்போது, அனைவரும் ஒன்றாக அமர்ந்து என்னென்ன பிரச்சினைகள் என்று வகைப்பிரித்து திங்களன்று அளிப்பதாக கூறினார்.இதனையடுத்து டிசம்பர் 5-ம் தேதிக்கு விசாரணை ஓத்தி வைக்கப்பட்டுள்ளது.

English Summary : The old bill eradication campaign, what measures were taken to alleviate the hardships suffered by the rural population to the federal government asked the Supreme Court interpretation. The old currency note from a variety of activities to eradicate the petitions against the Chief Justice tiestakkur yesterday's trial, held before the session comprising ...

Read More

என் மகன் மீது பொய் வழக்கு போட்டுள்ளனர்: முகமது அயூப்பின் தந்தை கண்ணீர்

மதுரை: மதுரையில் அல்கொய்தா அடிப்படைவாத அமைப்பைப் சேர்ந்த 4 பேரை தேசிய புலானாய்வு அமைப்பினர் ஞாயிறன்று கைது செய்தனர்.

அதில் கண்ணநேந்தல் 7-வது குறுக்குத் தெருவைச் சேர்ந்த முகமது அயூப் என்பவரும் கைது செய்யப்பட்டார்.இன்று நால்வரும் பெங்களூரு அழைத்துச் செல்லப்பட்டுள்ளனர்.

முகமது அயூப்பின் தந்தை முகமது தஸ்லீம், மதுரை ஒருங்கிணைந்த நீதிமன்றத்தில் மனுத்தாக்கல் செய்துள்ளார். அவர் தனது மனுவில், முகமது அயூப் மதுரையில் காது கேளாதோருக்கான காதுகேட்கும் கருவி தயாரிக்கும் நிறுவனத்தில் வேலைபார்த்து வருகிறார். அவரை நேர்மையாக வளர்த்தேன்.

விசாரணைக்காக காவல்நிலையத்திற்கு அழைத்து செல்வதாக கூப்பிட்டு போனார்கள்.ஆனால் அவனை தொடர்பு கொள்ளமுடியாமல் அவனது செல்போன் அணைக்கப்பட்டுள்ளது. பின்னர், மதியம் பார்த்தால் என் மகன் தீவிரவாதி என செய்தி வருகிறது. என் மகன் மீது பொய் வழக்கு போட்டுள்ளனர். இவ்வாறு அவர் மனுவில் கூறியுள்ளார்.

 இதனைத் தொடர்ந்து செய்தியாளர்களிடம் பேசிய முகமது தஸ்லீம், என் மகனை கண்டிசனாக வளர்த்திருக்கிறேன். நிறைய கட்டுப்பாடுகளோடும் வளர்த்திருக்கிறேன். விசாரணைக்காக என்று கூப்பிட்டு போய் இப்போது தீவிரவாதி என்று கூறுகின்றனர் என்று முகமது அயூப் கண்ணீர் மல்க கூறினார்.

English summary:

 Mohammad Ayub's father has approached Madurai court and saying that NIA has slapped false charges against his son. Ayub was arrested in Madurai recently.

Read More

உயிரென்றால் விளையாட்டாப் போச்சா.. தமிழக அரசு அதிகாரிகளுக்கு ஹைகோர்ட் விளாசல்

மதுரை: சிவகாசி பட்டாசு விபத்தில் 9 பேர் பலியான வழக்கு தொடர்பான விசாரணை அறிக்கை திருப்தி அளிக்கவில்லை என உயர்நீதிமன்ற மதுரை கிளை தெரிவித்துள்ளது. மேலும் உண்மையான குற்றவாளிகளை கண்டுபிடிக்கும் வகையில் விசாரணை அமைய வேண்டும் என நீதிபதிகள் தெரிவித்தனர்.

 பட்டாசு நகரமான சிவகாசி தீபாவளி பண்டிகையை கொண்டாட தயாராகி வந்த போது, நாராணாபுரம் சாலையில் ஆனந்த்ராஜ் என்பவருக்குச் சொந்தமான பட்டாசு கிடங்கிற்கு 2 வேன்களில் கொண்டு வரப்பட்ட பட்டாசுகள் திடீரென வெடித்துச் சிதறின.

கறும்புகையில் சிக்கி மரணம்:

 பட்டாசுகள் வெடிக்கவே தீ மளமளவென பரவியது. பட்டாசு கிடங்கிற்கு அருகில் தேவகி ஸ்கேன் ஸ்கேன் மையத்துக்குள் கரும்புகை பரவியது. பயந்து போன பலரும் கதவை மூடிக்கொண்டு ஸ்கேன் சென்டருக்குள் அடைபட்டனர். புகை அதிகரிக்க அதிகரிக்க பலரும் சுவாசிக்க முடியாமல் திணறினர். இதில் 6 பெண்கள் உள்பட 9 பேர் சம்பவ இடத்திலேயே உயிரிழந்தனர். பலர் மருத்துவமனைகளில் சிகிச்சை பெற்று வருகின்றனர்.

எரிந்த வாகனங்கள்:

இந்த தீ விபத்தில் ஸ்கேன் சென்டர் வாசலில் நிறுத்தப்பட்டிருந்த வாகனங்களும் எரிந்து கரிக்கட்டையானது. விபத்து நடந்து ஒரு மாதத்திற்கு மேலாகியும் எரிந்து போன வாகனங்கள் எலும்பு கூடுகளாய் நிற்கின்றன. ஆனால் விபத்திற்கு காரணமானவர்கள் மீது என்ன நடவடிக்கை எடுக்கப்பட்டுள்ளது என்பதுதான் கேள்வியாக உள்ளது.

2 பேர் கைது:

இந்தச் சம்பவம் தொடர்பாக, பட்டாசு கடையின் கட்டட உரிமையாளர் சுதந்திரராஜன், கடை உரிமையாளர்கள் செண்பகராஜன், ஆனந்த் மற்றும் வாகனத்திலிருந்து பட்டாசுகளை இறக்கிய 3 தொழிலாளர்கள் என மொத்தம் 6 பேர் மீது, சிவகாசி கிழக்கு காவல் நிலைய போலீஸார் வழக்குப் பதிந்துள்ளனர். இந்நிலையில் பட்டாசுக் கடையை குத்தகைக்கு எடுத்த செண்பகராமன் மற்றும் ஆனந்த் ஆகிய இருவரையும் போலீசார் கைது செய்துள்ளனர்.

 உயர்நீதிமன்ற மதுரைக்கிளை :

வெடிவிபத்து ஏற்பட்டு உயிரிழப்புகள் நடைபெறும் போது பதறுவதும் அதன் பின்னர் கண்டு கொள்ளாமல் விட்டு விடுவதும் தொடர்கதையாகி வருகிறது. சிவகாசி பட்டாசு குடோன் விபத்தில் 9 பேர் உயிரிழந்த சம்பவத்தை தாமாக முன்வந்து விசாரணைக்கு எடுத்துக் கொண்டுள்ளது உயர்நீதிமன்றத்தின் மதுரை கிளை.

அறிக்கை தாக்கல் செய்ய உத்தரவு:

 இந்த வழக்கில், பட்டாசு குடோன் அமைக்கப்பட்டதில் உள்ள விதிமீறல் மற்றும் விபத்து குறித்து விருதுநகர் மாவட்ட வருவாய் அலுவலர் மற்றும் வெடிபொருள் கட்டுப்பாட்டுத்துறையின் இணை அதிகாரி ஆகியோர் அறிக்கை தாக்கல் செய்ய உயர்நீதிமன்ற மதுரை கிளை உத்தரவிட்டது. மக்களின் உயிரோடு விளையாடுவதை அரசு அதிகாரிகள் நிறுத்திக் கொள்ள வேண்டும் என்றும் நீதிபதிகள் எச்சரித்தனர்.

நீதிபதிகள் அதிருப்தி:

இதனிடையே இன்று பட்டாசு விபத்து தொடர்பாக தாக்கல் செய்யப்பட்ட அறிக்கைக்கு நீதிபதிகள் அதிருப்தி தெரிவித்தனர். விபத்தில் பாதிக்கப்பட்டவர்களுக்கு இடைக்கால நிவாரணம் வழங்குவதில் நீதிமன்றம் தோல்வியடைந்து விட்டதாகவும் நீதிபதிகள் தெரிவித்தனர். உண்மையான குற்றவாளிகளை கண்டுபிடிக்கும் வகையில் விசாரணை அமைய வேண்டும் என நீதிபதிகள் தெரிவித்துள்ளனர்.

English summary:

 Madras High Court Bench here today expressed its displeasure over the police investigation into the fire accident at Sivakasi in Virudhunagar district that claimed nine lives and the Tamil Nadu government’s failure to pay the interim compensation to the victims’ families.

Read More

டிச.31ம் தேதிக்குள் உள்ளாட்சி தேர்தலை நடத்துவது சாத்தியமில்லை - மாநில தேர்தல் ஆணையம்

சென்னை :தமிழகத்தில் டிசம்பர் 31ம் தேதிக்குள் உள்ளாட்சித் தேர்தலை நடத்தி முடிப்பது என்பது சாத்தியமில்லை என்று தமிழகதேர்தல் ஆணையம் சென்னை உயர்நீதிமன்றத்தில் இன்று தெரிவித்து விட்டது. இதனால் இப்போதைக்கு தேர்தலை நடத்த முடியாத நிலை உறுதியாகியுள்ளது.

தமிழகத்தில் 1,31,794 உள்ளாட்சி பதவியிடங்களுக்கு கடந்த அக்டோபர் மாதம் 17 மற்றும் 19ம் தேதி தேர்தல் நடைபெறும் என்று கடந்த செப்டம்பர் மாதம் மாநில தேர்தல் ஆணையம் அறிவிப்பாணை வெளியிட்டது.

உள்ளாட்சித் தேர்தலில் பழங்குடியினருக்கு முறையாக இட ஒதுக்கீடு பின்பற்றப்படவில்லை என திமுக சார்பில் ஆர்.எஸ்.பாரதி சென்னை உயர் நீதிமன்றத்தில் வழக்கு தொடர்ந்திருந்தார். இந்த வழக்கை விசாரித்த நீதிபதி கிருபாகரன் அக்டோபர் மாதம் நடைபெற இருந்த உள்ளாட்சி தேர்தலை ரத்து செய்தும், வேட்பாளர்கள் தங்களது குற்றப் பின்னணி விபரங்களை வேட்பு மனுவில் குறிப்பிட வேண்டும் என்பன உள்ளிட்ட 10 பரிந்துரைகளை தேர்தல் ஆணையத்திற்கு உத்தரவாகப் பிறப்பித்தார். டிசம்பர் 31ம் தேதிக்குள் தேர்தலை நடத்த வேண்டும் என்றும் நீதிபதி கிருபாகரன் கூறினார்.

இந்த நிலையில் இந்த ரத்து அறிவிப்புக்கு இடைக்கால தடை விதிக்கக் கோரி தேர்தல் ஆணையம் சார்பில் மேல்முறையீடு செய்யப்பட்டது. ஆனால் ரத்து அறிவிப்பு நீடிக்கும் என்று உயர்நீதிமன்ற நீதிபதிகள் உத்தரவிட்டுள்ளனர். வழக்கு நிலுவையில் உள்ளது.

 இந்த நிலையில், உள்ளாட்சி அமைப்புகளுக்கான தேர்தலில் பெண்களுக்கு உரிய பிரதிநிதித்துவம் வழங்கப்படவில்லை என உயர்நீதிமன்றத்தில் பலர் மனுத் தாக்கல் செய்துள்ளனர். இந்த மனுக்கள் அனைத்தும் நீதிபதி என்.கிருபாகரன் முன்பு கடந்த 22ம் தேதி செவ்வாய்க்கிழமை விசாரணைக்கு வந்தது. அப்போது மாநில தேர்தல் ஆணைய தரப்பு வக்கீரைப் பார்த்து பார்த்து தொடர் கேள்விகளை நீதிபதி எழுப்பினார்.

மாநில தேர்தல் ஆணைய மேல்முறையீட்டு மனுவை விசாரிக்கும் இரு நீதிபதிகள் கொண்ட அமர்வு, தேர்தல் அறிவிப்பாணையை ரத்து செய்து பிறப்பித்த உத்தரவுக்கு தடை விதிக்கவில்லை. அப்படியிருக்கும்போது, தேர்தலை டிசம்பர் 31-ஆம் தேதிக்குள் நடத்திய முடிக்க தமிழ்நாடு மாநில தேர்தல் ஆணையம் ஏன் இதுவரை நடவடிக்கை எதுவும் எடுக்கவில்லை? என்று நீதிபதி கேட்டார்.

 உள்ளாட்சி தேர்தலை ரத்து செய்த பின், டிசம்பர் மாதத்திற்குள் மீண்டும் தேர்தல் நடத்த வேண்டும் என்ற உத்தரவை அமல் படுத்த என்ன நடவடிக்கை எடுக்கப்பட்டுள்ளது என்று அரசு தரப்பு மற்றும் தேர்தல் ஆணைய வழக்கறிஞரிடம் கேட்டார். வேட்பாளரின் குற்றப்பின்னணி விபரங்களை வேட்பு மனுவில் குறிப்பிட வேண்டும் என உத்தரவை அமல்படுத்த சம்பந்தப்பட்ட அரசியல் கட்சிகளுக்கு நோட்டீஸ் அனுப்பப்பட்டுள்ளதா? என்று சரமாரியாக கேள்வி எழுப்பினார். இதற்கு பதிலளிக்க கால அவகாசம் கோரியதையடுத்து, நவம்பர் 28ம் தேதிக்கு வழக்கின் விசாரணையை ஒத்தி வைத்து நீதிபதி என்.கிருபாகரன் உத்தரவிட்டார்.

 தமிழக அரசு மேல்முறையீடு செய்யாத நிலையில் தனது உத்தரவை அமல்படுத்தாதது குறித்து, வரும் திங்கட்கிழமைக்குள் பதிலளிக்கும் படி தமிழக அரசுக்கும், மாநில தேர்தல் ஆணையத்திற்கும் உத்தரவிட்டார்.

இந்த நிலையில் இந்த வழக்கு இன்று விசாரணைக்கு வந்தது. மாநில தேர்தல் ஆணையம் சார்பில் தாக்கல் செய்யப்பட்ட மனுவில், டிசம்பர் 31க்குள் உள்ளாட்சித் தேர்தலை நடத்த இயலாது தெரிவித்துள்ளது. உள்ளாட்சி தேர்தல் தொடர்பாக வழக்கு நிலுவையில் உள்ளதால் அதற்காக அறிவிப்பாணை வெளியிட கால அவகாசம் இல்லை என்றும் தெரிவிக்கப்பட்டுள்ளது.

குற்றப்பின்னணி உள்ளவர்கள் வேட்பாளராக நிறுத்தக்கூடாது என அரசியல் கட்சிகளுக்கு தேர்தல் ஆணையம் அறிவுறுத்த வேண்டும் உத்தரவு பிறப்பித்துள்ள உயர்நீதிமன்றம் வழக்கின் விசாரணையை ஜனவரி 3ம் தேதிக்கு ஒத்திவைத்து உத்தரவு பிறப்பித்தார்.

English summary:

 Tamil Nadu state election commission has informed the Madras HC that It cannot hold the local body election by December 31st.

Read More

ஜெ. ஆட்சியை டிஸ்மிஸ் செய்யுங்கள்.. ஹைகோர்ட் நீதிபதிகளை டென்ஷனாக்கிய "டிராபிக்"!

சென்னை: முதல்வர் ஜெயலலிதா கடந்த செப்டம்பர் 22ம் தேதி அப்பல்லோ மருத்துவமனையில் அனுமதிக்கப்பட்டு சிகிச்சை பெற்று வருகிறார். அவரது உடல் நிலையில் ஏற்பட்டுள்ள முன்னேற்றம் குறித்து அப்பல்லோ மருத்துவமனை அறிக்கை வெளியிட்டு வருகிறது. மருத்துவமனை தலைவர் பிரதாப் ரெட்டியியும் அவ்வப்போது ஊடகங்களை சந்தித்து பேசி ஜெயலலிதாவின் உடல் நிலை குறித்து விளக்கி வருகிறார்.

இந்த நிலையில் முதல்வர் உடல்நிலை குறித்து அறிக்கை தாக்கல் செய்ய வேண்டும் என்று சமூக ஆர்வலர் டிராபிக் ராமசாமி வழக்கு தொடர்ந்தார். அவர் தாக்கல் செய்த மனுவை கடந்த அக்டோபர் மாதம் சென்னை உயர்நீதிமன்றம் தள்ளுபடி செய்து இருந்தது.

 இந்த நிலையில் அவர் மீண்டும் ஒரு மனு தாக்கல் செய்தார். அதில், தமிழகத்தில் ஆட்சியை கலைக்க வேண்டும், முதல்வர் உடல் நிலை குறித்து அறிக்கை தாக்கல் செய்ய உத்தரவிட வேண்டும் என குறிப்பிட்டு இருந்தார். இந்த மனு தலைமை நீதிபதி கவுல் தலைமையிலான அமர்வு முன் விசாரணைக்கு வந்தது. இதுபோன்ற மனு ஏற்கனவே தள்ளுபடி செய்யப்பட்டதை சுட்டிக் காட்டிய தலைமை நீதிபதி, புதிய மனுவையும் தள்ளுபடி செய்தார்.

 இதுபோன்ற மனுக்களை தொடர்ந்து தாக்கல் செய்த டிராபிக் ராமசாமிக்கு கடும் கண்டனமும் தெரிவித்தார். மீண்டும் மீண்டும் இதே போன்ற வழக்குகளை தொடரக்கூடாது என்று தலைமை நீதிபதி எஸ்.கே.கவுல் தலைமையிலான அமர்வு கண்டனம் தெரிவித்துள்ளது.

English summary:

The first Bench of the Madras High Court headed by Chief Justice S.K. Kaul on Thursday dismissed a public interest litigation petition seeking a direction to the authorities to come out with the real status of Tamil Nadu Chief Minister Jayalalithaa's health condition.

Read More

நீதிபதிகள் பற்றாக்குறை.. மத்திய அரசு மீது சுப்ரீம் கோர்ட் தலைமை நீதிபதி கடும் விமர்சனம்

டெல்லி: நீதித்துறையில் குறிப்பாக உயர் நீதிமன்றங்களில் 500-க்கும் மேற்பட்ட காலிப் பணியிடங்கள் நிரப்பப்படாமல் இருப்பதாக உச்ச நீதிமன்ற தலைமை நீதிபதி டிஎஸ்.தாக்கூர் கடுமையாக விமர்சித்துள்ளார்.

டெல்லியில் நிகழ்ச்சி ஒன்றில் கலந்து கொண்டு பேசிய அவர் மேலும் கூறியதாவது:

தற்போது 500 நீதிபதிகள் மட்டுமே பணியாற்றி வருவதாகவும், மேலும் 500 காலிப் பணியிடங்கள் உள்ள நிலையில் 121 பணியிடங்கள் மட்டுமே நிரப்பப் பட்டுள்ளதாகவும் அவர் குற்றம் சாட்டினார்.

இதுதொடர்பாக நிலுவையில் உள்ள கோப்புகள் மீது உரிய நடவடிக்கை எடுத்து காலிப்பணியிடங்களை நிரப்ப மத்திய அரசு முன்வர வேண்டும் என்றும் அவர் கேட்டுக் கொண்டார்.

ராணுவ மேல்முறையீட்டு தீர்ப்பாயம் மற்றும் போட்டித் தேர்வாணையம் ஆகியவற்றின் தலைவர்கள் நியமிக்கப்படாமல் இருப்பதாகவும் அவர் குறை கூறினார்.

நீதிபதி பணியிடங்கள் காலியாக இருப்பதால் பணியில் உள்ள நீதிபதிகளுக்கு அதிகளவில் பணிகளை ஒதுக்கி அவர்களை கஷ்டப்படுத்தும் நிலைக்கு தாம் தள்ளப்படுவதாகவும் அவர் வருத்தம் தெரிவித்தார்.

தற்போதுள்ள விதிமுறைகளில் திருத்தம் கொண்டுவராத நிலையில் இப்பிரச்னைக்கு தீர்வு காண இயலாது என்றும், இதற்காக மத்திய அரசுக்கு ஏற்கனவே தாம் கடிதம் எழுதியிருப்பதாகவும் அவர் குறிப்பிட்டார்.

தீர்ப்பாயங்களில் உயர் நீதிமன்ற தலைமை நீதிபதிகளை நியமிக்கலாம் அவர்கள் அந்தப் பதவிக்கு தகுதியானவர்கள் தான் என தாம் கூறியிருப்பதாகவும் அவர் சொன்னார். அந்த தீர்ப்பாயங்களுக்கு தலைமை வகிக்கும் சூழ்நிலையில் உச்ச நீதிமன்ற நீதிபதிகள் இல்லை என்றும் தாக்கூர் தெரிவித்தார்.

இதனிடையே, உச்ச நீதிமன்ற தலைமை நீதிபதி தாக்கூர் குற்றச்சாட்டுக்கு மறுப்புத் தெரிவித்துள்ள மத்திய சட்ட அமைச்சர் ரவிசங்கர் பிரசாத், நடப்பு ஆண்டில் மட்டும் 120 நீதிபதிகள் நியமிக்கப்பட்டுள்ளதாக கூறியிருக்கிறார்.

English summary :

New delhi: Chief Justice of India T S Thakur criticised the government today for not filling up the vacancies in the judiciary. He said at a function that there are around 500 vancancies in the High Court.

Read More

சென்னை உயர்நீதிமன்ற வக்கீல்கள் சங்க தேர்தல்.. தலைவராக மோகன கிருஷ்ணன் வெற்றி

சென்னை: சென்னை உயர்நீதிமன்ற வக்கீல்கள் சங்கத்துக்கு நடைபெற்ற தேர்தலில் பதிவான 3 ஆயிரத்து 784 வாக்குகளில், 2,106 வாக்குகள் பெற்று தலைவராக ஜி.மோகனகிருஷ்ணன் வெற்றி பெற்றுள்ளார்.

வக்கீல்கள் சங்கத் தேர்தல் கடந்த 2013ஆம் ஆண்டு நடைபெற்றது. அப்போது தேர்ந்தெடுக்கப்பட்ட நிர்வாகிகளின் பதவி காலம் முடிவடைந்ததையடுத்து புதிய நிர்வாகிகள் தேர்வுக்கான தேர்தல் நேற்று முன்தினம் நடைபெற்றது. கடந்த ஒரு வாரமாக உயர் நீதிமன்ற வளாகத்தில் தீவிர பிரசாரம் நடந்தது. தலைவர், துணை தலைவர், செயலாளர், பொருளாளர், நூலகர் மற்றும் செயற்குழு உறுப்பினர்கள் என மொத்தம் 16 பதவிகளுக்கு 79 பேர் போட்டியிட்டனர்.

இதையடுத்து, நேற்று முன்தினம் காலை 10 மணிக்கு வாக்குப் பதிவு தொடங்கி மாலை 5 மணிவரை நடந்தது. மொத்தமுள்ள 4,777 வாக்குகளில் 3 ஆயிரத்து 784 வாக்குகள் பதிவாகின. பின்னர், வாக்கு பெட்டிகள் சீல் வைக்கப்பட்டு பாதுகாப்பான அறைக்கு கொண்டு செல்லப்பட்டது. அங்கு பலத்த போலீஸ் பாதுகாப்பு போடப்பட்டது.

நேற்று காலை 10 மணிக்கு வாக்கு எண்ணிக்கை தொடங்கியது. முதல் சுற்றிலிருந்தே முன்னிலை வகித்த மோகன கிருஷ்ணன் 6வது சுற்றின் இறுதியில் 2,106 வாக்குகள் பெற்று வெற்றி பெற்றார்.

அவரை எதிர்த்து போட்டியிட்ட அறிவழகன் 1,102 வாக்குகள் பெற்றார். இதைதொடர்ந்து, 1014 வாக்குகள் வித்தியாசத்தில் மோகனகிருஷ்ணன் வெற்றி பெற்றார். இதையடுத்து சென்னை உயர் நீதிமன்ற வக்கீல் சங்கத்தின் புதிய தலைவராக ஜி.மோகனகிருஷ்ணன் தேர்ந்தெடுக்கப்பட்டார்.
இதை அவரது ஆதரவாளர்கள் பட்டாசு வெடித்தும், இனிப்புகள் வழங்கியும் வெற்றியை கொண்டாடினார்கள்.

English Summary:

Mogana Krishnan won for Madras High Court Advocates Association (MHAA) president election

Read More

நடப்பு ஆண்டில் 120 நீதிபதிகள் நியமனம் : மத்திய அரசு

புதுடில்லி : நடப்பு ஆண்டில் 120 நீதிபதிகள் நியமிக்கப்பட்டிருப்பதாக சுப்ரீம் கோர்ட்டில் மத்திய அரசு தெரிவித்துள்ளது.
நீதிபதிகள் நியமனம் தொடர்பான வழக்கை விசாரித்த சுப்ரீம் கோர்ட் தலைமை நீதிபதி டி.எஸ்.தாகூர், நீதிபதிகள் நியமன விவகாரத்தில் மத்திய அரசு வேண்டுமென்றே தாமதம் காட்டி வருவதாக குற்றம்சாட்டி இருந்தார். நீதிபதியின் இந்த கருத்தை மறுத்த மத்திய அரசு, நீதிபதிகள் நியமனம் பற்றிய புள்ளி விபரங்கள் அளித்துள்ளது. அதில், நடப்பு ஆண்டில் மட்டும் 120 ஐகோர்ட் நீதிபதிகள் நியமிக்கப்பட்டுள்ளனர் என குறிப்பிடப்பட்டுள்ளது.
மேலும் நவம்பர் வரை 120 நீதிபதிகள் நியமிக்கப்பட்டுள்ளதாகவும், கடந்த 25 ஆண்டுகளில் தற்போதே அதிக அளவில் நீதிபதிகள் நியமிக்கப்பட்டுள்ளதாகவும் தெரிவிக்கப்பட்டுள்ளது. கொலீஜியம் குழுவின் பரிந்துரையை மதித்து, ஐகோர்ட் நீதிபதிகள் நியமனம் வெளிப்படையாக நடந்துள்ளது. புள்ளி விபரங்கள் உண்மையான நிலவரத்தை சொல்லும் என மத்திய சட்டத்துறை அமைச்சர் ரவிசங்கர் பிரசாத் தெரிவித்துள்ளார்.

English Summary:

In the current year, the government in the Supreme Court has appointed 120 judges.

Read More

புதிய ரூபாயில் ஹிந்தி எழுத்துகளுக்கு எதிர்ப்பு: உச்ச நீதிமன்றத்தில் கம்யூனிஸ்ட் கட்சி மனு

புதிய ரூ.500, ரூ.1,000 நோட்டுகளில் தேவநாகரி வரி வடிவத்தில் ஹிந்தி எழுத்துகள் இடம்பெற்றிருப்பதற்கு எதிர்ப்பு தெரிவித்து, இந்திய கம்யூனிஸ்ட் கட்சியின் தேசிய செயற்குழு உறுப்பினர் பினோய் விஸ்வம், உச்ச நீதிமன்றத்தில் வழக்கு தொடுத்துள்ளார்.
இந்த மனுவை, பழைய ரூபாய் நோட்டுகள் செல்லாது என்ற அறிவிப்புக்கு எதிராகத் தொடுக்கப்பட்டுள்ள பல்வேறு மனுக்களுடன் சேர்த்து உச்ச நீதிமன்றம், வரும் 24-ஆம் தேதி விசாரிக்கும் என்று தெரிகிறது. அவர் தனது மனுவில் கூறியிருப்பதாவது:
ரூபாய் நோட்டு என்பது நாட்டின் பொருளாதாரத்தின் வடிவமாகும். புதிய ரூ.500, ரூ.1,000 நோட்டில் தேவநாகரி வரி வடிவத்தில் ஹிந்தி எழுத்துகள் இடம்பெறச் செய்திருப்பது அரசமைப்புச் சட்டத்தின் 343(1)-ஆவது பிரிவை மீறிய செயலாகும். இதேபோல், 1960-ஆம் ஆண்டின் ஆட்சி மொழிகள் சட்டத்தில், எண்கள் வடிவத்தை மாற்றுவற்கான எந்த அனுமதியும் வழங்கப்படவில்லை.
இதுதவிர, புதிய ரூபாய் நோட்டுகளில் தண்ணீர் பட்டால் சாயம் போவது, பல நாடுகளில் உள்ள பணத்தைப் போன்ற தோற்றத்தில் இருப்பது என்று பல்வேறு குறைபாடுகள் காணப்படுகின்றன என்று விஸ்வம் தனது மனுவில் குறிப்பிட்டுள்ளார்.

English Summary : The new Rs 500 and Rs 1,000 notes Devanagari text in the form of Hindi characters included protest, the Indian Communist Party National Committee member Binet visvam, the Supreme Court sues.
This petition, old banknotes annulled the declaration waged against the various petitions with the Supreme Court, the It seems that it will be heard on 24th. In his petition, he said, 

Read More

​2 ஆயிரம் ரூபாய் நோட்டுக்களுக்குத் தடை விதிக்க வேண்டும் - பொதுநல மனுத்தாக்கல்

மத்திய அரசு புதிதாக வெளியிட்டுள்ள 2 ஆயிரம் ரூபாய் நோட்டுக்களுக்குத் தடை விதிக்க வேண்டும் என்று கோரி உச்சநீதிமன்றத்தில் பொதுநல மனுத் தாக்கல் செய்யப்பட்டுள்ளது. 

டெல்லியைச் சேர்ந்த வழக்கறிஞர் எம்.எல். ஷர்மா இதற்கான மனுவினை தாக்கல் செய்துள்ளார். அதில், புதிய 2 ஆயிரம் ரூபாய் நோட்டுக்களை தண்ணீரில் நனைத்தால் சாயம் போவதாகக் குறிப்பிட்டுள்ளார். எனவே, அவற்றை வெளியிட தடை விதிக்க வேண்டும் எனவும் அவர் கேட்டுக்கொண்டார். 

இதற்கு பதில் அளித்த தலைமை நீதிபதி டி.எஸ். தாகூர், நீதிபதி அனில் ஆர்.தவே ஆகியோர் அடங்கிய அமர்வு, நீங்கள் ஏன் ரூபாய் நோட்டுக்களை தண்ணீரில் நனைக்கிறீர்கள் என கேள்வி எழுப்பியது.  

எனினும், இந்த மனுவை விசாரணைக்கு ஏற்பதாகவும், இதுதொடர்பான மற்ற வழக்குகள் வரும் 25ம் தேதி விசாரணைக்கு வர உள்ளதால் அன்றைய தினமே, இதனையும் விசாரிப்பதாக நீதிபதிகள் தெரிவித்தனர். 

English Summary:

2 thousand rupees notes newly issued central government demanding that the ban has been filed public interest litigation in the Supreme Court.

Read More