காங்., நிர்வாகிகளுடன் ராகுல் தேர்தல் வியூகம்

புதுடில்லி: வெளிநாட்டு பயணத்தை முடித்து நாடு திரும்பிய, காங்., துணைத் தலைவர் ராகுல், பஞ்சாப் சட்டசபை தேர்தல் ஆயத்தப் பணிகள் குறித்து, கட்சியின் முக்கிய நிர்வாகிகளுடன் ஆலோசனை நடத்தினார்.

வெளிநாட்டு பயணம்:

பஞ்சாப்பில், அகாலிதளத்தை சேர்ந்த, முதல்வர் பிரகாஷ் சிங் பாதல் தலைமையிலான, அகாலிதளம் - பா.ஜ., கூட்டணி ஆட்சி நடக்கிறது. அடுத்த மாதம், மாநில சட்டசபை தேர்தல் நடக்கவுள்ளது. இந்நிலையில், வெளிநாட்டு பயணத்தை முடித்து, நாடு திரும்பிய, காங்., துணைத் தலைவர் ராகுல், நேற்று, பஞ்சாப் மாநில காங்., தலைவர்களை சந்தித்தார். அப்போது, மாநில சட்டசபை தேர்தல் ஏற்பாடுகள் குறித்து கலந்தாலோசித்தார். அதில், காங்., மூத்த தலைவர் அமரீந்தர் சிங் உள்ளிட்ட முக்கிய நிர்வாகிகள் பங்கேற்றனர்.

காங்., கட்சியில் சித்து:

ஆலோசனைக்குப் பின், செய்தியாளர்களை சந்தித்த அமரீந்தர் சிங், இந்திய கிரிக்கெட் அணியின் முன்னாள் வீரர் சித்து, விரைவில் காங்கிரசில் இணையவுள்ளதாகவும், அவர் அல்லது அவரது மனைவிக்கு, தேர்தலில் போட்டியிட சீட் வழங்கப்படும் எனவும் தெரிவித்தார்.

English Summary:

New Delhi, returned to finish off an overseas trip, Cong., Rahul, preparatory work with regard to the Punjab assembly elections, the party held consultations with key executives.

Read More

இன்று பார்லி.,யில் எதிர்க்கட்சிகளுக்கு பதிலளிக்கிறார் மோடி ?

புதுடில்லி : பார்லி., கூட்டத்தொடரின் இன்றைய அமர்வில், ரூபாய் நோட்டு விவகாரத்தில் எதிர்க்கட்சிகள் தொடர்ந்து எழுப்பி வரும் குற்றச்சாட்டுக்களுக்கு பிரதமர் மோடி இன்று (டிசம்பர் 14 ) பதிலளிப்பார் என எதிர்பார்க்கப்படுகிறது. ஆனால், லோக்சபா துவங்கிய 5 நிமிடத்தில் அமளி காரணமாக நன்பகல் 12 மணி வரை ஒத்திவைக்கப்பட்டது.

பிரதமர் பதிலளிக்க திட்டம் :

பார்லி., குளிர்கால கூட்டத்தொடர் டிசம்பர் 16ம் தேதியுடன் நிறைவடைகிறது. கூட்டத்தொடர் நிறைவடைய இன்னும் 3 நாட்களே உள்ளது. இந்த கூட்டத்தொடர் துவங்கியது முதல் ரூபாய் நோட்டு விவகாரத்தை எழுப்பி, இரு அவைகளிலும் எதிர்க்கட்சிகள் அமளியில் ஈடுபட்டு வந்தன. விவாதம் ஏதும் நடைபெறாமல் இதுவரை கூச்சல் குழப்பம் மட்டுமே நடந்து வருகிறது. இதனால் பார்லி., கூட்டத்தொடரே முடங்கும் நிலை ஏற்பட்டுள்ளது. எதிர்க்கட்சிகள் இதுவரை எழுப்பி வந்த கேள்விகள், குற்றச்சாட்டுக்களுக்கு கூட்டத்தொடரின் 19 வது நாளான இன்று பிரதமர் பதிலளிப்பார் என எதிர்பார்க்கப்படுகிறது. கூட்டத்தின் கடைசி 3 நாட்களில் நடக்கும் விவாதங்களில் பிரதமர் மோடி நிச்சயம் பங்கேற்பார் என மத்திய அரசு தகவல்கள் தெரிவிக்கின்றன. இது தொடர்பாக இன்று, அவை துவங்குவதற்கு முன் முக்கிய அமைச்சர்களும் பிரதமர் மோடி ஆலோசனை நடத்தினார்.
அதே சமயம், இந்த 3 நாட்களில் அரசை எப்படி எல்லாம் எதிர்க்கலாம் என எதிர்க்கட்சிகளும் கூடி ஆலோசித்துள்ளன. பல மாநிலங்களில் வருமான வரித்துறை அதிகாரிகள் சோதனையில் கோடி கோடியாக புதிய ரூபாய் நோட்டுகள் சிக்கி வருகின்றன. இது தொடர்பாக பிரச்னை கிளப்ப எதிர்க்கட்சிகள் திட்டமிட்டுள்ளன. ஆளும் பா.ஜ.,வும், எதிர்கட்சிகளும் தங்கள் கட்சி எம்.பி.,க்களை இந்த 3 நாட்களும் கண்டிப்பாக அவை நடவடிக்கைகளில் பங்கேற்க வேண்டும் என உத்தரவு பிறப்பித்துள்ளன.

English Summary:

Barley., At today's session of the session, the opposition repeatedly raised the issue of bill charges the Prime Minister today (December 14) is expected to answer. But the onset of the Lok Sabha was adjourned till 12 noon due to disruption in 5 minutes.

Read More

சமஜ்வாதி கட்சியின் கூட்டணி ஆசையே அதன் மோசமான நிலையை காட்டுகிறது:மாயாவதி

லக்னோ:உத்தரப் பிரதேச மாநில சட்டமன்ற தேர்தலில் கூட்டணி அமைத்து போட்டியிட சமஜ்வாதி கட்சி விரும்புவது, அதன் மோசமான நிலையை வெளிப்படுத்துவதாக பகுஜன் சமாஜ் கட்சித் தலைவர் மாயாவதி தெரிவித்தார்.
மாநில சட்டமன்ற தேர்தல் இன்னும் ஓரிரு மாதங்களில் நடக்கவுள்ளது.ஆட்சியைப் பிடிப்பதற்காக மாநிலத்தின் மிகப் பெரிய கட்சிகளான சமஜ்வாதி மற்றும் பகுஜன் சமாஜ், பாஜக, காங்கிரஸ் ஆகியவற்றுக்கு இடையே நான்கு முனைப் போட்டி நிலவுகிறது. இந்நிலையில், தற்போதைய ஆட்சியைத் தக்க வைத்து வரலாற்றுச் சாதனை படைக்க முயலும் முதல்வர் அகிலேஷ் யாதவ், கூட்டணி அமைத்து தேர்தலைச் சந்திக்க தயார் என்று தொடர்ந்து வலியுறுத்தி வருகிறார்.

மோசமான நிலை:

இதுகுறித்து மாயாவதி தனது அறிக்கையில் கூறியிருப்பதாவது:கடந்த 2012இல் நடைபெற்ற சட்டமன்த் தேர்தலில் தனித்து நின்று ஆட்சியைப் பிடித்த சமஜ்வாதி கட்சி, தற்போது நடைபெறவுள்ள தேர்தலில் கூட்டணி அமைத்துப் போட்டியிட விரும்புகிறது.இதனால் மாநிலத்தில் அக்கட்சியின் நிலை மோசமடைந்துள்ளது கண்கூடாகத் தெரிகிறது.
கடந்த லோக்சபா தேர்தலில் சமஜ்வாதி வேட்பாளர்களுக்கு அளிக்கப்பட வேண்டிய ஓட்டுக்கள் பா.ஜ.க.,வுக்கு சென்றடைந்தது.சமஜ்வாதி கட்சியின் வேட்பாளர்கள் பட்டியலால் அகிலேஷ் யாதவ் அதிருப்தியில் உள்ளதாக செய்திகள் வெளியாகியுள்ளன. இதன் மூலம் அக்கட்சியில் தற்போது நிலவும் குடும்பப் பிரச்னை ஓய்வதற்கு நீண்ட நாள்கள் ஆகும் என்று தெரிகிறது.என்று அந்த அறிக்கையில் மாயாவதி குறிப்பிட்டுள்ளார்.

English Summary;

Lucknow: The Uttar Pradesh state assembly elections in alliance would compete samajvati Party, Bahujan Samaj Party leader Mayawati said that shows its worst. 

Read More

ஏழைகளுக்கு எதிராக ஒரு யுத்தத்தை முன்னெடுத்துள்ளார் பிரதமர் மோடி: ராகுல்காந்தி குற்றச்சாட்டு

தாத்ரி: 500 மற்றும் 1000 ரூபாய் செல்லாது என அறிவித்து ஏழைகள் மீது பிரதமர் நரேந்திர மோடி போர் தொடுத்துள்ளார் என்று காங்கிரஸ் துணைத் தலைவர் ராகுல்காந்தி குற்றம் சாட்டியுள்ளார். உத்திரபிரதேசத்தில் தாத்ரி என்ற இடத்தில் பொதுமக்களை ராகுல்காந்தி சந்தித்தார். அப்போது பேசிய ராகுல்காந்தி, அவ்வப்போது மாறி மாறி பிரதமர் மோடி பேசி வருவதாக குற்றம் சாட்டினார். கருப்பு பணத்தை ஒழிக்கவே 500, 1000 ரூபாய் நோட்டை செல்லாது என அறிவித்ததாக கூறிய மோடி, தற்போது பணம் இல்லாத சமுதாயத்தை உருவாக்கவே ரூபாய் நோட்டை ஒழித்ததாக கூறி வருவதாக ராகுல்காந்தி குற்றம் சாட்டினார்.

ஏற்கனவே மக்களுக்கு ரூபாய் நோட்டு கிடைக்காமல் பணமில்லாத சமுதாயம் உருவாகிவிட்டதாக ராகுல் தெரிவித்தார். வங்கி வாசலில் மக்களை மணிக்கணக்கில் பிரதமர் மோடி நிறுத்திவிட்டார் என்று குற்றம் சாட்டிய ராகுல், ஒரு சில தொழிலதிபர்கள் ரூ.8 லட்சம் கோடி வங்கி கடன் வாங்கி திருப்பி செலுத்தவில்லை என்று சாடினார்.

English summary:

Tatri: 500 and 1000 rupees for the poor Narendra Modi to be declared invalid, and that the war has even accused the Congress vice-president Rahul Gandhi. Tatri met Rahul Gandhi in Uttar Pradesh at civilians. Rahul spoke during the occasion, talking alternately accused the Prime Minister.

Read More

ரூபாய் நோட்டு பாதிப்பு படிப்படியாக குறைந்து 50 நாட்களுக்கு பிறகு நிலைமை சீராகும்: குஜராத்தில் பிரதமர் மோடி நம்பிக்கை

தீஷா: ‘‘உயர் மதிப்பிலான ரூபாய் நோட்டு தடையால் ஏற்பட்ட சிரமங்கள் படிப்படியாக குறைந்து, 50 நாட்களுக்கு பிறகு நிலைமை சீராகும்’’ என குஜராத்தில் நடந்த விழாவில் பிரதமர் நரேந்திர மோடி நம்பிக்கை தெரிவித்துள்ளார். ரூ.500, ரூ.1000 நோட்டுகள் செல்லாது என பிரதமர் மோடி கடந்த மாதம் 8ம் தேதி அறிவித்தார். அதைத் தொடர்ந்து, செல்லாத பழைய நோட்டுகளை மாற்ற, நாடு முழுவதும் மக்கள் வங்கியில் வரிசை கட்டி நின்றனர். ஒரு மாதமாகியும் இன்னும் ஏடிஎம்களில் நிலை சீராகவில்லை. இந்நிலையில், குஜராத்தின் பனஸ்கந்தா மாவட்டத்தில் நேற்று நடந்த ரூ.350 கோடி பாலாடை உற்பத்தி ஆலை தொடக்க விழாவில் பங்கேற்ற பிரதமர் மோடி பேசியதாவது: ரூபாய் நோட்டு தடை என்பது சாதாரண ஒரு முடிவல்ல என, முதல் நாளில் இருந்தே நான் கூறிக் கொண்டிருக்கிறேன். இது முற்றிலும் மாறுபட்ட முடிவு. இத்தகைய மாறுபட்ட முடிவால், பல கஷ்டங்களையும், பிரச்னைகளையும் எதிர்கொள்ள வேண்டியிருக்கும் என கூறியிருக்கிறேன்.

50 நாட்களுக்கு இந்த கஷ்டங்களும், சிரமங்களும் இருக்கத்தான் செய்யும். வரும் நாட்களில் இவை இன்னும் அதிகரிக்கவும் செய்யலாம். ஆனால், 50 நாட்களுக்கு பிறகு, எனது கணக்குப்படி, நிலைமை படிப்படியாக சரியாகி சீராகும். 50 நாட்களுக்கு பிறகு நிலைமை சீராவதை நீங்களே உங்கள் கண்முன் பார்ப்பீர்கள்.

ரூபாய் நோட்டு விவகாரம் தொடர்பாக மக்களவையில் என்னை பேச விடாமல் எதிர்க்கட்சிகள் தடுக்கின்றன. அதனால்தான், மக்கள் மன்றத்தில் பேச முடிவு செய்தேன். ஆனாலும், மக்களவையில் எனக்கு எப்போது வாய்ப்பு கிடைத்தாலும், நாட்டின் 125 கோடி மக்களின் குரலை அங்கு பதிவு செய்வேன். நாடாளுமன்றத்தை நடத்த விடாமல் எதிர்க்கட்சிகள் முடக்குகின்றன.

இந்த விவகாரம் தொடர்பாக பிரதமர் பேசுவார் என அரசு உத்தரவாதம் அளித்தும் நிலைமை சீராகாமல் இருப்பது ஆச்சர்யமாக இருக்கிறது. அதே நேரத்தில், நாடாளுமன்றத்தை முடக்கும் செயலால் ஜனாதிபதி கூட தனது அதிருப்தியை வெளிப்படுத்தி உள்ளார். ரூபாய் நோட்டு விஷயத்தில் விவாதம் நடத்த அரசு தயாராகத்தான் இருக்கிறது. ஆனால் எதிர்க்கட்சிகள் தான் பயந்து ஓடுகின்றன. ஏனென்றால் பெரும்பாலான மக்கள் அரசின் முடிவுக்கு ஆதரவாக இருப்பதை அவர்கள் அறிவார்கள். ரூபாய் நோட்டு தடை உத்தரவானது முறையாக செயல்படுத்தப் பட்டிருப்பதாகவே மக்கள் அனைவரும் கூறுகின்றனர்.

முதுகெலும்பை உடைத்துள்ளது: ரூபாய் நோட்டு தடை உத்தரவால், தீவிரவாதம், ஊழல், கருப்பு பணம் வேரறுக்கப்படும். இந்த உத்தரவானது, தீவிரவாதத்தின் முதுகெலும்பை உடைத்தெறிந்துள்ளது. கள்ள நோட்டுதான் தீவிரவாதத்துக்கு தீனி போட்டு வந்துள்ளது. மேலும், இது அடித்தட்டு மக்களுக்கும், நேர்மையானவர்களுக்கும் அதிகாரம் அளிக்க கூடியது. ரூபாய் நோட்டு தடையை எதிர்ப்பவர்கள் என்னை விமர்சியுங்கள், மக்கள் பிரச்னையை முன்வையுங்கள், அதே நேரத்தில், ’வங்கிமுன் நிற்க வேண்டாம், மொபைல் பேங்கிங்கை பயன்படுத்துங்கள்’ என அறிவுரையும் வழங்குங்கள். மக்கள் ரொக்கமில்லா பரிவர்த்தனைக்கு மாற வேண்டும்.

புதிய தொழில்நுட்ப வசதிகளை பயன்படுத்த பழகிக் கொள்ள வேண்டும். இன்று, பணம் எடுப்பதற்காக கூட்டம் கூட்டமாக வங்கி வரிசை முன் மக்கள் நிற்கிறார்கள். இதே நீங்கள், ரொக்கமில்லா சமூகத்தை உருவாக்க எனக்கு ஆதரவளித்தால், உங்கள் மொபைல் போனில் வசதிகளை ஏற்படுத்தி தர வங்கிகள் வரிசையில் நிற்கும். ரூபாய் நோட்டு தடைக்கு பிறகும், கருப்பு பணம் பதுக்குபவர்களும், ஊழல்வாதிகளும் ஒருபோதும் மன்னிக்கப்பட மாட்டார்கள். எந்த வகையிலும் அவர்கள் தப்பி விட முடியாது. இவ்வாறு பிரதமர் மோடி பேசினார்.

‘வாங்க, வந்து பதில் சொல்லுங்க’:

நாடாளுமன்றத்தில் பேச எதிர்க்கட்சிகள் விடுவதில்லை என பிரதமர் மோடி குற்றம்சாட்டிய நிலையில், அதற்கு காங்கிரஸ் துணைத்தலைவர் ராகுல் காந்தி டிவிட்டரில் பதிலடி கொடுத்துள்ளார். ‘‘உங்கள் (மோடி) உரையாடல்களை கேட்டு, கேட்டு மக்கள் சோர்ந்துவிட்டார்கள். நாடாளுமன்றத்தை நேர்மையுடன் எதிர்க்கொள்ளுங்கள், எங்கள் கேள்விகளுக்கு பதில் கொடுங்கள்’’ என டிவிட்டர் பதிவில் கூறியுள்ளார்.

English summary:

Tisa: '' high-value currency note of the difficulties caused by the ban gradually declining, the situation will get better after 50 days '' at the ceremony, Prime Minister Narendra Modi expressed confidence that Gujarat. 

Read More

400-க்கும் மேற்பட்ட கட்சிகள், எந்த தேர்தலிலும் போட்டியிட்டதில்லை : தலைமை தேர்தல் ஆணையர் சந்தேகம்

 புதுடெல்லி :

- நமது நாட்டில் 400-க்கும் மேற்பட்ட கட்சிகள், எந்தவொரு தேர்தலிலும் போட்டியிட்டதில்லை எனவும், கருப்பு பணத்தை வெள்ளையாக்கவே இக்கட்சிகள் தொடங்கப்பட்டிருக்கலாம் எனவும் இந்திய தலைமை தேர்தல் ஆணையர் சந்தேகம் தெரிவித்துள்ளார்.

கருப்பு பணத்தை வெள்ளையாக்க ...? உலகிலேயே நமது நாட்டில்தான் ஆயிரத்து 900-க்கும் மேற்பட்ட கட்சிகள் இருப்பதாக இந்திய தலைமைத் தேர்தல் ஆணையர்  நஜீம் ஜைதி தெரிவித்துள்ளார். அவற்றில், 400-க்கும் மேற்பட்ட கட்சிகள் எந்தவொரு தேர்தலிலும் போட்டியிட்டதில்லை எனவும், இக்கட்சிகள் கருப்பு பணத்தை வெள்ளையாக்கவே தொடங்கப்பட்டிருக்கலாம் என சந்தேகிப்பதாகவும் அவர் குறிப்பிட்டுள்ளார்.

எனினும் அக்கட்சிகளை பட்டியலில் இருந்து நீக்குவதற்கான பணிகளை தேர்தல் ஆணையம் தொடங்கியுள்ளதாகவும், அக்கட்சிகளின் நன்கொடைகளுக்கு அளிக்கப்படும் வருமான வரிவிலக்கை நீக்க வேண்டும் எனவும்  நஜீம் ஜைதி தெரிவித்துள்ளார். தேர்தலில் பங்கேற்காத கட்சிகளின் பட்டியல் தொடர்பான விவரங்களை அறிக்கையாக அனுப்பும்படி, ஒவ்வொரு மாநில தலைமை தேர்தல் அதிகாரிகளை கேட்டுக்கொண்டுள்ளதாகவும்  நஜீம் ஜைதி கூறியுள்ளார்.

English Summary:

In our country, more than 400 parties, as not nominated  any election, the Chief Election Commissioner of India as black money to makes white money these parties have expressed their doubts.

Read More

ரொக்கப் பண புழக்கம் இனி முன்புபோல் இருக்காது : அருண்ஜெட்லி சொல்கிறார்

புதுடெல்லி  -   முன்னர் இருந்ததுபோல் இனி நாட்டில் ரொக்கப் பணப் புழக்கம் அதிகளவில் இருக்காது என மத்திய அமைச்சர் அருண் ஜேட்லி தெரிவித்துள்ளார்.  ரூ.500, 1000 செல்லாது என கடந்த மாதம் 8-ம் தேதி பிரதமர் நரேந்திர மோடி அறிவித்தார். மத்திய அரசின் இந்த  நடவடிக்கை பல்வேறு விமர்சனங்களுக்கும் உள்ளான நிலையில், கறுப்புப் பண ஒழிப் பைத்  தாண்டியும் ரொக்கப்பணமில்லா பரிவர்த்தனையை நோக்கி முன்னேறவே இந்த நடவடிக்கை எடுக்கப்பட்டுள்ளதாக அரசு தற்போது விளக்கங்கள் கொடுத்து வருகிறது.

ரொக்கப் பண புழக்கம் குறையும்: இந்நிலையில், "நவம்பர் 8-ம் தேதி பிரதமர் நரேந்திர மோடி அறிவித்த பழைய 500, 1000 ரூபாய் நோட்டுகள் செல்லாது நடவடிக்கையால், அந்த நோட்டுகளுக்கு பதிலாக புதிய 500, 2000 ரூபாய் நோட்டுகள் அறிமுகப்படுத்தப்பட்டன.

ஆனால், ரொக்கப் பண புழக்கம் இனி நவம்பர் 8-ம் தேதிக்கு முன்பு இருந்ததுபோல் இருக்காது. அதேவேளையில் வர்த்தகத்தில் எவ்வித பாதிப்பும் இருக்காது. மத்திய அரசின் நடவடிக்கையால் வர்த்தகம் வளரும், ரொக்கப் பண புழக்கம் குறையும்" என்றார் மத்திய அமைச்சர் அருண் ஜெட்லி . தற்போது நிலவிவரும் பணத் தட்டுப்பாடு வரும் 31-ம் தேதிக்குள் சீராகிவிடும் என்றும் அவர் தெரிவித்தார்.

English Summary : Cash flow will be used to: arun jetli says.As was previously the cash flow is no longer the highest in the country, the Union Minister Arun Jaitley said there. 500, 1000, annulled the last month that Prime Minister Narendra Modi announced on 8.

Read More

'மேற்கு வங்கத்தில் ராணுவப் புரட்சியா ?' மம்தா ஆவேசத்தால் பார்லியில் சலசலப்பு

புதுடெல்லி    - மேற்கு வங்கத்தின் பல பகுதிகளில் உள்ள சுங்கச் சாவடிகளில் ராணுவத்தினர் ஆங்காங்கே வலம் வருவதைச் சுட்டிக் காட்டிய அம்மாநில முதல்வர் மம்தா பானர்ஜி, "இது ராணுவப் புரட்சியா?" என்று கேள்வி எழுப்பியுள்ளார். மேலும், ராணுவத்தினர் அவ்வாறு வலம் வருவதை எதிர்த்துப் போராடும் விதமாக, மேற்கு வங்க தலைமைச் செயலகத்திலேயே அவர் தங்கியதும் கவனத்தை ஈர்த்துள்ளது.  இந்த விவகாரம்  நேற்று  நாடாளுமன்றத்தின் இரு அவைகளிலும் எதிரொலித்ததால் பெரும் சலசலப்பு ஏற்பட்டது.

 பல மாவட்டங்களில் ராணுவத்தினர்:மேற்கு வங்க முதல்வர் மம்தா பானர்ஜி நேற்றிரவு செய்தியாளர்களிடம் பேசும்போது, "முர்ஷிதாபாத், ஜல்பாய்குரி, டார்ஜிலிங், பர்த்வான், ஹவுரா, ஹூக்ளி உள்ளிட்ட பல்வேறு மாவட்டங்களிலும் ராணுவத்தினர் காணப்படுகின்றனர். மாநில அரசுக்கு எந்த தகவலையும் முன்கூட்டியே அளிக்காமல் இவ்வாறு நடந்துகொள்வதை சாதாரணமாக எடுத்துக்கொள்ள முடியாது. இது ராணுவப் புரட்சியா? இது தொடர்பாக அரசியல் கட்சிகளிடமும் ஆலோசிக்க இருக்கிறோம்" என்றார்

மம்தா. மம்தா பானர்ஜி ஆவேசமாக பேசிய நிலையில், தலைமைச் செயலகத்துக்கு அருகில் இருந்த சுங்கச்சாவடியில் இருந்து ராணுவத்தினர் புறப்பட்டுவிட்டனர்.

 கடும் அமளி:இந்த நிலையில், நாடாளுமன்றத்தின் இரு அவைகளும்  நேற்று கூடியதும், திரிணாமூல் காங்கிரஸ் உறுப்பினர்கள் இப்பிரச்சினையை எழுப்பி கடும் அமளியில் ஈடுபட்டனர். மத்திய அரசுக்கு எதிராக கடுமையான குற்றச்சாட்டுகளை முன்வைத்து கோஷமிட்டனர். இதன் தொடர்ச்சியாக, மக்களவையில் விளக்கம் அளித்த பாதுகாப்பு அமைச்சர் மனோகர் பாரிக்கர், "மேற்கு வங்கம், வடகிழக்கு மாநிலங்களில் ராணுவத்தினர் பணியில் ஈடுபட்டிருப்பது வழக்கமான ஒன்றுதான்.

தேவையற்ற சர்ச்சையில் ராணுவத்தை இழுப்பது துரதிர்ஷ்டவசமானது. உண்மை நிலையை உணராமல் அரசியல் ரீதியில் இதைப் பார்க்கக் கூடாது" என்றார். இதனிடையே, "சுங்கச் சாவடிகளில் சரக்கு ஏற்றிச் செல்லும் வாகனங்கள் குறித்த விவரங்களைத் திரட்டுவது என்பது ராணுவம் ஆறு மாதங்களுக்கு ஒருமுறை பரிசோதிக்கும் வழக்கமான நடவடிக்கைதான். மேற்கு வங்க காவல் துறையின் ஒத்துழைப்புடன் தான் இதைச் செய்கிறோம்" என்று ராணுவ செய்தித் தொடர்பாளர் ஒருவர் தெரிவித்தார்.

English Summary : "Armed revolution in West Bengal? ' Mamata angry buzzing of barley.West Bengal army scattered in many parts of the right to direct the turnpike Chief Minister Mamata Banerjee pointed out, "The Military Revolution?" That raised the question. Moreover, the arrival of the army, fighting the right way to do so, he stayed in West Bengal Chief Secretariat drew attention. Echo in this case by both the Houses of Parliament yesterday was buzzing.

Read More

கருப்பு பண ஒழிப்பு.. மோடியின் முயற்சிக்கு வைகோ ஆதரவு

கோவை: கறுப்புப் பணத்தை ஒழிப்பதற்கான பிரதமர் நரேந்திர மோடியின் முயற்சி நாட்டு மக்களிடையே பெரும் வரவேற்பை பெற்றுள்ளது என்று மதிமுக பொதுச்செயலாளர் வைகோ தெரிவித்துள்ளார்.

விடுதலைப் புலிகள் தலைவர் பிரபாகரன் பிறந்தநாளை முன்னிட்டு ஈரோட்டில் புத்தக வெளியீட்டு விழாவில் கலந்துகொள்வதற்காக விமானம் மூலம் கோவை வந்த மதிமுக பொதுச் செயலாளர் வைகோ, விமானநிலையத்தில் செய்தியாளர்களை சந்தித்த போது கூறியதாவது: நாடெங்கும் மிகப்பெரிய அளவில் சர்ச்சைக்குள்ளாகி உள்ள 500, 1000 ரூபாய் நோட்டு செல்லாது என பிரதமர் மோடி அறிவித்தது பெரும் பரபரப்பை ஏற்படுத்தியுள்ளது. போராட்டங்கள் நடக்கின்றன.

நாடாளுமன்றத்தில் அமளி ஏற்படுகிறது. மக்கள்கியூவில் நிற்கிறார்கள் என்றெல்லாம் பெரும் பரபரப்பை கிளப்புகிறார்கள். ஆனால் ம.தி.மு.க., சரியானது என வரவேற்கிறோம். அழுத்தமாக ஒரு கருத்தை பதிவு செய்ய விரும்புகிறேன். நரேந்திரமோடி பதவி ஏற்கும் போது நாங்கள் கூட்டணியில் இருந்தோம். அவர் ராஜபக்சேவை பதவி ஏற்புக்கு அழைத்த போது எந்த ஒரு தலைவரும் கண்டு கொள்ளாத நிலையில் நம் தமிழ் மக்களை கொன்று குவித்த ராஜபக்சேவுக்கு எதிர்ப்பு தெரிவிக்கும் வகையில் குஜராத் பவனுக்கு சென்று போராட்டம் நடத்தி கைதாகி சிறையில் அடைக்கப்பட்டோம்.

நியாயம் என்றால் வரவேற்பேன். தற்போது நரேந்திர மோடி வரவேற்பு முயற்சியில் ஈடுபட்டுள்ளார். இருப்பினும் 500 மற்றும் 1000 ரூபாய் நோட்டுகள் செல்லாது என்ற திடீர் அறிவிப்பால் மக்களுக்கு சிரமம் இருப்பது உண்மைதான் என்றாலும், பெரும்பாலான மக்கள் இந்த முயற்சியை வரவேற்பதாகத் கூறினார். 500, 1,000 ரூபாய் நோட்டு விவகாரத்தில், மக்கள் நலக் கூட்டணியில் உள்ள விடுதலை சிறுத்தைகள் கட்சி, கம்யூனிஸ்ட் கட்சிகள் எதிர்ப்புத் தெரிவித்து வரும் நிலையில், வைகோ பிரதமர் மோடியின் முயற்சிக்கு ஆதரவு தெரிவித்துள்ளது குறிப்பிடத்தக்கது

English summary:

MDMK chief vaiko has support of prime minister Narendra Modi's Demonesition action

Read More

இந்தியா சிறந்த நண்பரை இழந்துவிட்டது.. பிடல் காஸ்ட்ரோ மறைவுக்கு பிரணாப், மோடி, சோனியா இரங்கல்

டெல்லி: கியூபா நாட்டின் முன்னாள் அதிபர் பிடல் காஸ்ட்ரோ 90 வயதில் உடல் நலக்குறைவால் இன்று மரணமடைந்தார். இந்தியாவின் மிகச்சிறந்த நண்பரை இழந்து விட்டோம் என்று பிரதமர் மோடி, குடியரசுத்தலைவர் பிரணாப் முகர்ஜி, காங்கிரஸ் கட்சித்தலைவர் சோனியாகாந்தி ஆகியோர் இரங்கல் தெரிவித்துள்ளனர்.

பிரணாப் முகர்ஜி:

புரட்சியாளர் பிடல் காஸ்ட்ரோ மறைவுக்கு குடியரத்சு தலைவர் பிரணாப் முகர்ஜி இரங்கல் தெரிவித்துள்ளார். இந்தியாவின் சிறந்த நண்பராக பிடல் காஸ்ட்ரோ விளங்கினார் என பிரணாப் புகழாரம் சூட்டியுள்ளார்.

மோடி இரங்கல்:

பிடல் காஸ்ட்ரோவின் மறைவுக்கு உலகம் முழுவதும் உள்ள தலைவரக்ள் இரங்கல் தெரிவித்து வருகின்றனர். இந்திய பிரதமர் நரேந்திர மோடியும் பிடல் காஸ்டோர மறைவுக்கு தனது டுவிட்டரில் இரங்கல் செய்தி வெளியிட்டுள்ளார்.

பிடல் காஸ்ட்ரோவை இழந்து வாடும் கியூபா அரசுக்கும் அந்நாட்டு மக்களுக்கும் ஆழ்ந்த இரங்கலை தெரிவித்துக்கொள்கிறேன் தனது டுவிட்டரில் பிரதமர் மோடி கூறியுள்ளார். அவரது ஆன்மா சாந்தி அடைய பிரார்த்திக்கிறேன்.

இந்த துக்கமான நேரத்தில் கியூபா அரசுக்கும் அந்நாட்டு மக்களுக்கும் இந்தியா துணை நிற்கும். 20 ஆம் நூற்றாண்டின் மாமனிதர்களில் பிடல் காஸ்ட்ரோவும் ஒருவர். இந்தியா தனது உற்ற நண்பனை இழந்து தவிக்கிறது என்றும் பிரதமர் மோடி தெரிவித்துள்ளார்.

சோனியாகாந்தி இரங்கல்:

பிடல் காஸ்ட்ரோவின் மறைவு கியூபாவுக்கு மட்டும் ஏற்பட்ட இழப்பு அல்ல, இந்திய மக்களின் இதயங்களில் பிடல் காஸ்ட்ரோ என்றும் உயிர்ப்புடன் இருப்பார் என சோனியா காந்தி தெரிவித்துள்ளார்.

சீதாராம் யெச்சூரி:

ஒரு சகாப்தம் முடிவுக்கு வந்துள்ளது என சீதாராம் யெச்சூரி தெரிவித்துள்ளார். மேலும் சமூகத்தின் தூண்டுகோலாக விளங்கியவர் பிடல் காஸ்ட்ரோ என சீதாராம் யெச்சூரி புகழாரம் சூட்டியுள்ளார்.

English summary :

President Pranb Mukherjee on Saturday, condoled the death of Cubas revolutionary leader and former President Fidel Castro, who died on Saturday at the age of 90. Fidel Castro was one of the most iconic personalities of the 20th century. India mourns the loss of a great friend Modi said.

Read More

இதையாவது விட்டு வச்சாங்களே.. தனிநபர் வைத்திருக்கும் தங்கத்துக்கு கட்டுப்பாடு இல்லையாம்

டெல்லி: கருப்பு பணத்தை ஒழிக்க தனிநபர் வைத்திருக்கும் தங்கத்துக்கு கட்டுப்பாடு விதிக்கும் திட்டம் எதுவும் இல்லை என்று மத்திய நிதியமைச்சக வட்டாரங்கள் தெரிவித்துள்ளன. 500, 1000 ரூபாய் நோட்டுகளை செல்லாது என மத்திய அரசு அறிவித்ததையடுத்து, கருப்பு பணத்தை அதிக அளவில் முதலீடு செய்ததாக புகார் எழுந்தது.

இதையடுத்து, கருப்பு பணத்தை ஒழிக்கும் அடுத்த நடவடிக்கையாக தனிநபர்களிடம் உள்ள தங்கம் மற்றும் தங்க நகைகளுக்கு கட்டுப்பாடு விதிக்க மத்திய அரசு திட்டமிட்டிருப்பதாக தகவல் வெளியாகி பரபரப்பை ஏற்படுத்தியுள்ளது. ஆனால் அப்படி ஒரு திட்டம் ஏதும் இல்லை என மத்திய நிதியமைச்சக வட்டாரங்கள் தெரிவித்துள்ளன.

வங்கிகளில் தனிநபர் டிஜிட்டல் லாக்கரை வருவாய்த்துறை அதிகாரி முன்னிலையில் தான் திறக்க முடியும் என்று புதிய முறை உருவாக்கப்பட்டுள்ளதாக வெளியான தகவலுக்கும் மத்திய அரசு மறுப்பு தெரிவித்துள்ளது.

தங்கத்தை அதிகம் இறக்குமதி செய்யும் நாடுகளின் பட்டியலில் இந்தியா இப்போது 2ஆவது இடத்தில் உள்ளது. நம்நாட்டில் ஆண்டுதோறும் 1000 டன் தங்கம் இறக்குமதி செய்யப்படுகிறது. இது உலகின் ஒட்டுமொத்த தங்க இறக்குமதியில் மூன்றில் ஒருபகுதியாகும்.

தங்கம் விற்பனை:

ரூபாய் நோட்டு தடை தொடர்பான அறிவிப்பு வெளியான நவம்பர் 8ம் தேதியன்று நகைக்கடைகளில் குவிந்த கூட்டமும், நாட்டின் தங்க இறக்குமதி இந்த வாரத்தில் கடந்த இரு ஆண்டுகளுக்கு இல்லாத உச்சத்தைத் தொட்டது. எனவே, மத்திய அரசின் அடுத்த நடவடிக்கை உள்நாட்டு தங்க இருப்பைக் கட்டுப்படுத்துவதாக இருக்கும் என்று நிதியமைச்சக அதிகாரி ஒருவர் தெரிவித்துள்ளார். ஆனால், எந்த வகையிலான நடவடிக்கைகளை மத்திய அரசு மேற்கொள்ளும் என்பது தெரியவில்லை.
 
வீடுகளில் தங்கம்:

அதேவேளையில், தனிநபர்கள் வீடுகளில் வைத்திருக்கும் தங்கத்துக்கு கட்டுப்பாடு விதிக்கும் திட்டம் எதுவும் இல்லை என்று மத்திய அரசு வட்டாரங்கள் தெரிவித்தன.
நமது நாட்டில் இப்போது நகைகளாக மட்டும் 20 ஆயிரம் டன் தங்கம், வங்கி லாக்கர்களிலும், வீடுகளிலும் பயன்படுத்தப்படாமலேயே உள்ளது.

தங்க டெபாசிட்:

இந்த தங்கத்தை உள்நாட்டிலேயே மறுசுழற்சிக்கு விடும் வகையில் வட்டியுடன் கூடிய தங்க டெபாசிட் திட்டத்தை மத்திய அரசு இந்த ஆண்டு தொடக்கத்தில் அறிவித்தது.

இது தவிர, தங்கத்தை பத்திர வடிவில் அளிக்கும் தங்கப் பத்திரத் திட்டமும் அறிமுகப்படுத்தப்பட்டது. ஆனால், எதிர்பார்த்த அளவில் இத்திட்டங்களில் பொதுமக்கள் ஆர்வம் காட்டவில்லை. தங்கத்தை நகைகளாகவும், கட்டிகளாகவும் வாங்கிக் குவிக்கும் ஆர்வம்தான் தொடர்ந்து வருகிறது.

தங்கத்தின் மீது நடவடிக்கை:

பழைய ரூ.500, ரூ.1,000 நோட்டுகள் செல்லாது என்று அறிவித்து கருப்புப் பணத்தை ஒழிக்கத் தீவிரமாக நடவடிக்கை மேற்கொண்டுள்ள மத்திய அரசு அடுத்ததாக, தங்கம் அதிக அளவில் இறக்குமதி செய்யப்படுவதைத் தடுக்க நடவடிக்கை எடுக்கும் என்று தெரிகிறது. ஏனெனில், தங்க இறக்குமதியால் பெருமளவில் அன்னியச் செலாவணி வீணாகிறது. மேலும், தற்போது ரூபாய் நோட்டு செல்லாது என்று மத்திய அரசு அறிவித்ததை அடுத்து கருப்புப் பணம் பெருமளவில் தங்கத்தில் முதலீடு செய்யப்பட்டுள்ளது.

English summary:

The Indian government may impose curbs on domestic holdings of gold as Prime Minister Narendra Modi intensifies a fight against black money, citing an unnamed finance ministry official.A finance ministry spokesman declined to comment on the report.

Read More

இந்தியாவில் தாக்குதல் நடத்த திட்டமிட்ட ஐ.எஸ்.ஆதரவாளர்கள் 67 பேர் கைது: ராஜ்நாத் சிங்

ஹைதராபாத்: இந்தியாவில் தாக்குதல் நடத்த திட்டமிட்டிருந்த ஐ.எஸ். ஆதரவாளர்கள் 67 பேர் இதுவரை கைது செய்யப்பட்டுள்ளதாக மத்திய உள்துறை அமைச்சர் ராஜ்நாத் சிங் கூறியுள்ளார்.

மாநில போலீஸ் டி.ஜி.பி.க்களின் 3 நாள் மாநாடு தெலுங்கானா மாநில தலைநகர் ஹைதராபாத்தில் இன்று மாலை தொடங்கியது. இந்த மாநாட்டில் எல்லை தாண்டிய பயங்கரவாதம், ஊடுருவல், பிரிவினைவாதம் உள்ளிட்ட பல்வேறு அம்சங்கள் குறித்து விவாதிக்கப்படுகிறது.

இந்த மாநாட்டை உள்துறை அமைச்சர் ராஜ்நாத் சிங் தொடங்கி வைத்தார். அப்போது அவர் பேசியதாவது: ஐஎஸ் தீவிரவாத இயக்கம் உலகை அச்சுறுத்தி வருகிறது. இந்தியாவிற்கும் அவர்கள் பெரும் சவாலாக உள்ளனர். நாம் அனைவரும் ஒருங்கிணைந்தால் தீவிரவாதிகளின் சவாலை முறியடிக்க முடியும் என்று நான் உறுதியாக நம்புகிறேன். இந்தியாவில் தாக்குதல் நடத்த திட்டமிட்ட ஐ.எஸ்.ஆதரவாளர்கள் 67 பேர் கைது செய்யப்பட்டுள்ளனர். இவர்களில் பெரும்பாலானவர்கள் இளைஞர்கள் என்பது தெரியவந்துள்ளது.

நாட்டின் பாதுகாப்பை பலப்படுத்த மத்திய அரசுடன் மாநில அரசுகள் முழு ஒத்துழைப்பு கொடுக்க வேண்டும். பிரதமர் மோடி தொலைக்காட்சியில் ரூ 500 ,1000 நோட்டுகள் செல்லாது என அறிவித்ததால் தீவிரவாதிகள் முடங்கி போயுள்ளனர். நக்சலைட்டுகள் அதனைச் சார்ந்த சில அமைப்புகள் பழைய நோட்டுகளை கொடுத்து புதிய நோட்டுகளை மாற்ற முயற்சி செய்கின்றனர். நாம் அதனை தடுக்க வேண்டும். இவ்வாறு அவர் பேசினார்.

English summary:

So far, 67 youths, who were influenced by the ISIS, have been arrested while planning to carry out terror attack, says home minister rajnath singh.

Read More

பணப் பிரச்னைக்கு பதில் சொல்ல பிரதமர் மோடி தயங்குவதாக ஜி.கே.வாசன் குற்றச்சாட்டு

சென்னை: 500, 1000 ரூபாய் நோட்டுகள் செல்லாது என்று அறிவிக்கப்பட்டுள்ள நிலையில் நாட்டில் நிலவும் பணப் பிரச்னைக்கு பிரதமர் மோடி நாடாளுமன்றத்தில் மக்கள் பிரதிநிதிகள் மத்தியில் தகுந்த விளக்கம் அளிக்க வேண்டியது அவரது ஜனநாயகக் கடமை என்று தமாகா தலைவர் ஜி.கே.வாசன் கூறியுள்ளார்.

இது தொடர்பாக இன்று அவர் வெளியிட்ட அறிக்கையில்,''இந்தியாவை வல்லரசு நாடாக உருவாக்குவதற்கு நாட்டை ஆளுகின்ற மத்திய அரசு அனைத்து நல்ல முயற்சிகளிலும் ஈடுபட வேண்டும். அதே நேரத்தில் நாட்டில் அமைதியை நிலைநாட்டி, எல்லையோரப் பாதுகாப்பை தீவிரப்படுத்தி, நாட்டு மக்களைப் பாதுகாப்பதோடு, வறுமையைப் போக்கி நாட்டு மக்களின் முன்னேற்றத்திற்கும், நாட்டின் வளர்ச்சிக்கும் திட்டங்களை வகுத்து செயல்படுத்த வேண்டியது மத்திய அரசின் கடமை.

ஆனால், நம் நாட்டில் பாகிஸ்தானின் அத்துமீறலால் தீவிரவாதமும், பயங்கரவாதமும், பிரிவினைவாதமும் அதிகரித்திருக்கிறது. இதனால் ஜம்மு - காஷ்மீர் எல்லையோரப் பகுதியில் வாழும் மக்கள் பதற்றத்தோடும், அச்சத்தோடும் வாழும் நிலையே தற்போது உள்ளது. கடந்த 22-ம் தேதி அன்று பாகிஸ்தான் படையினர் நம் நாட்டிற்குள் அத்துமீறி நுழைந்து 3 இந்திய ராணுவ வீரர்களை சுட்டுக் கொன்றனர். இது மிகவும் கண்டிக்கத்தக்கது.

 நம் நாட்டில் விவசாயத் தொழிலில் பெரும் பாதிப்பு, விலைவாசி ஏற்றம், வேலை வாய்ப்பின்மை, தொழில் துறையில் சுணக்கம் போன்றவற்றால் பொருளாதாரப் பின்னடைவு ஏற்பட்டு பொது மக்கள் குறிப்பாக ஏழை, எளிய மக்கள் பாதிப்படைந்துள்ளனர். இவற்றையெல்லாம் மத்திய பாஜக அரசு கவனத்தில் கொண்டு, அதற்கு நல்ல தீர்வு காண தேவையான நடவடிக்கைகளை எடுத்திருக்க வேண்டும்.

ஆனால் அத்தகைய முயற்சிகளில் ஈடுபடாமல் பொது மக்களை திசை திருப்புவதற்காக தற்போது கறுப்புப் பணம் மீட்பு, கள்ள நோட்டு ஒழிப்பு ஆகியவற்றிற்காக முன்னேற்பாடு நடவடிக்கை எடுக்காமல் திடீரென்று ஒரு திட்டத்தை அறிவித்தார்கள். இத்திட்டத்தினால் பொது மக்கள் குறிப்பாக சாதாரண ஏழை, எளிய, நடுத்தர மக்கள் தங்கள் பணத்தை வங்கிகளிலும், ஏ.டி.எம்.களிலும் பெறுவதற்கும், பழைய பணத்தை மாற்றுவதற்கும் நீண்ட நேரம் காத்திருக்க வேண்டிய சூழல் ஏற்பட்டுள்ளது. மேலும் மத்திய அரசு சரியாக திட்டமிடாத காரணத்தினால் பல இடங்களில் பணம் எடுப்பதற்காக காத்திருந்த பொது மக்களில் 65 பேர் உயிரிழந்திருப்பது மிகவும் வேதனைக்குரியது.

 பாஜக ஆட்சிக்கு வருவதற்கு முன்பு அளித்த வாக்குறுதியின் படி வெளிநாட்டு வங்கிகளில் இருக்கும் கறுப்புப் பணத்தை மீட்க ஆக்கபூர்வமான நடவடிக்கை எடுக்காதது ஏன். அதே போல உள்நாட்டில் உள்ள பெரும் தொழில் அதிபர்கள் வங்கியில் வாங்கி திருப்பிச் செலுத்தாமல் இருக்கும் வராக் கடனை வசூல் செய்ய முன்வராதது ஏன்?

வானொலி மற்றும் வாட்ஸ் அப் மூலமாக தன்னை முன்னிலைப்படுத்தும் பிரதமர் மோடி நாட்டு மக்களால் தேர்ந்தெடுக்கப்பட்ட நாடாளுமன்றத்தின் அனைத்து எதிர் கட்சி உறுப்பினர்கள், அரசியல் பாகுபாடின்றி எழுப்பும் இந்த பணப்பிரச்சினை தொடர்பான நியாயமான கேள்விகளுக்கு பதில் சொல்ல தயங்குவது ஏன்?

 மத்திய அரசு அறிவித்த 500, 1000 ரூபாய் நோட்டுகள் செல்லாது என்பது ஏற்கெனவே பாஜகவினருக்கும், பெரும் தொழில் அதிபர்களுக்கும் தெரிந்திருக்குமோ என்ற சந்தேகம் எழுந்துள்ளது. எனவே நாடாளுமன்ற உறுப்பினர்களின் நியாயமான உணர்வுகளைப் புரிந்து கொண்டு நாடாளுமன்ற கூட்டுக் குழு விசாரணைக்கு மத்திய அரசு உத்தரவிட வேண்டும்.

மேலும் பிரதமர் நாடாளுமன்றத்தில் மக்கள் பிரதிநிதிகள் மத்தியில் பணப்பிரச்சினைக்கு தகுந்த விளக்கம் அளிக்க வேண்டியது ஜனநாயகக் கடமையாகும். மத்திய அரசின் மக்கள் விரோதப் போக்கை கண்டித்து தமாகா தொடர்ந்து போராடும்''  என்று வாசன் கூறியுள்ளார்.

English summary:

Chennai: Money issue why modi hesitate to answer the question of peoples representative in parliament? TMC president G.k.vasan said In a statement issued today here

Read More

ரூபாய் நோட்டு செல்லாது.. மத்திய அரசு அலுவலகங்கள் முன்பு நவ. 28ல் இடதுசாரிகள் போராட்டம்

சென்னை: மோடி அரசு கொண்டு வந்த 500 மற்றும் 1000 ரூபாய் நோட்டு செல்லாது என்ற அறிவிப்பை கண்டித்து வரும் 28ம் தேதி தமிழகத்தில் உள்ள மத்திய அரசு அலுவலகங்கள் முன்பு போராட்டம் நடத்தப்படும் என்று மார்க்சிஸ்ட் கம்யூனிஸ்ட் கட்சியின் மாநில செயலாளர் ஜி. ராமகிருஷ்ணன் அறிவித்துள்ளார்.

500 மற்றும் 1000 ரூபாய் நோட்டு செல்லாது என்ற அறிவிப்பால் இந்தியா முழுவதும் மக்கள் கடும் அவதிக்கு ஆளாகி உள்ளனர். பழைய நோட்டுக்களை மாற்றுவதற்காக வங்கி வாசல் முன்பு நீண்ட வரிசையில் காத்திருந்ததில் இதுவரை 65 பேர் உயிரிழந்துள்ளனர்.

சிறு, குறு நிறுவனங்கள், தொழில்கள், பெரும் வர்த்தகங்கள் என அனைத்தும் பாதிக்கப்பட்டுள்ளன.

இதுபோன்ற அசாதாரண சூழல் நிலவக் காரணமாக இருந்த மத்திய அரசையும் பாஜகவையும் கண்டித்து நாடு முழுவதும் எதிர்க்கட்சிகள் போராட்டம் நடத்தி வருகின்றன. மேலும், வரும் 28ம் தேதி அன்று கண்டன நாள் அனுசரிப்பு தினமாக எதிர்க்கட்சிகள் பல்வேறு வகையான போராட்டங்களை நடத்த முடிவு செய்யப்பட்டுள்ளது.

இந்த வகையில் தமிழகத்தில் உள்ள இடதுசாரி கட்சிகள் தமிழகத்தில் உள்ள மத்திய அரசு அலுவலகங்கள் முன்பு போராட்டங்கள் நடத்த முடிவு செய்யப்பட்டுள்ளதாக மார்க்சிஸ்ட் கம்யூனிஸ்ட் கட்சியின் மாநில செயலாளர் ஜி ராமகிருஷ்ணன் தெரிவித்தார்.

English Summary:

Left parties decided to stage a protest in front of the central government offices on the centre’s demonetization issue.

Read More

பிரதமர் மோடிக்கு கஞ்சி பானைகள் அனுப்ப முயன்ற 20 பேர் கைது

சென்னை: பழைய 500 மற்றும் 1,000 ரூபாய் நோட்டுக்கள் செல்லாது என அறிவித்த பிரதமர் மோடிக்கு கண்டனம் தெரிவிக்கும் விதமாக கஞ்சி பானைகள் அனுப்பும் போராட்டம் சென்னையில் நடைபெற்றது.

மக்களிடையே புழக்கத்தில் இருந்த 1,000, 500 ரூபாய் நோட்டுகள் செல்லாது என்று பிரதமர் நரேந்திர மோடி அறிவித்தார். அன்றாடம் பயன்பாட்டில் இருந்த ரூபாய் நோட்டுக்கள் செல்லாததால் பொதுமக்கள், ஆட்டோ ஓட்டுநர்கள், சிறு வணிகர்கள் உள்பட பலர் பெரும் சிரமத்திற்கு ஆளாகியுள்ளனர்.

இதனிடையே அவரது அறிவிப்புக்கு நாடு முழுவதும் எதிர்ப்பும், ஆதரவும் எழுந்து வருகிறது. அந்த வகையில் மத்திய அரசுக்கு எதிர்ப்புத் தெரிவிக்கும் விதமாக சென்னை அண்ணா சாலையில் உள்ள தபால் அலுவலகத்தில் இருந்து பிரதமர் நரேந்திரமோடி, ஜனாதிபதி பிரணாப் முகர்ஜிக்கு, கஞ்சி பானைகள் அனுப்பி வைக்கப்படும் என்று அனைத்து இந்திய காங்கிரஸ் தொழிலாளர் முன்னணி அறிவித்து இருந்தது.

 இதைத்தொடர்ந்து தபால் நிலையம் முன்பு போலீஸ் பாதுகாப்பு போடப்பட்டு இருந்தது. அனைத்து இந்திய காங்கிரஸ் தொழிலாளர் முன்னணி தலைவர் சத்தியசீலன் தலைமையில் 20 பேர் கஞ்சி பானைகளுடன் தபால் நிலையம் நோக்கி வந்தனர். போலீசார் அவர்களை தடுத்து நிறுத்தி கைது செய்தனர். பின்னர் அவர்கள் மாலையில் விடுவிக்கப்பட்டனர்.

English Summary:

Congress Workers Alliance protest against of demonetisation at anna salai, chennai

Read More

ரூபாய் நோட்டு செல்லாது நடவடிக்கை.. சரியான பாதையில்தான் அரசு செல்கிறதாம்.. அருண் ஜெட்லி உறுதி

டெல்லி: ரூபாய் நோட்டு செல்லாது என்ற அறிவிப்பு மற்றும் அது தொடர்பான நடவடிக்கைகள் அனைத்தும் சரியான வழிகளில் சென்று கொண்டிருப்பதாக நிதியமைச்சர் அருண் ஜெட்லி உறுதிபடத் தெரிவித்துள்ளார்.

500 மற்றும் 1000 ரூபாய் நோட்டுக்கள் செல்லாது என்ற அறிவிப்பை வெளியிட்டதில் இருந்து மத்திய அரசுக்கு தலைவலி தொடங்கியது. நாடு முழுவதும் மக்கள் கடும் பணத்தட்டுப்பாட்டால் அவதிக்கு ஆளாகியுள்ளனர். மேலும், வங்கியில் பணத்தை மாற்றுவதற்காக நீண்ட வரிசையில் நின்ற போது சுமார் 65 பேர் இதுவரை மரணம் அடைந்துள்ளனர்.

இந்நிலையில், நாடாளுமன்றத்தில் குளிர்காலக் கூட்டத் தொடர் 16ம் தேதி தொடங்கியது. நாடாளுமன்றத்தில் ரூபாய் நோட்டு செல்லாது தொடர்பாக விவாதிக்க வேண்டும் என்று கோரி எதிர்க்கட்சியினர் போராட்டத்தில் ஈடுபட்டனர். இதனால் நாடாளுமன்றத்தின் இரு அவைகளும் கடந்த 6 நாட்களாக முடக்கப்பட்டன. இதனைத் தொடர்ந்து இன்று ராஜ்ய சபாவில் நடைபெற்ற கூட்டத்தில் பிரதமர் மோடி கலந்து கொண்டார். அப்போது ரூபாய் நோட்டு குறித்த விவாதம் நடைபெற்றது. என்றாலும் லோக் சபா 7வது நாளாக இன்றும் ஒத்தி வைக்கப்பட்டது.

இதனிடையே, இதுகுறித்து கருத்து தெரிவித்துள்ள நிதியமைச்சர் அருண் ஜெட்லி, ரூபாய் நோட்டு செல்லாது நடவடிக்கையில் மத்திய அரசு சரியான பாதையில் பயணித்து கொண்டிருக்கிறது என்று உறுதிபட தெரிவித்துள்ளார். மேலும், ரூபாய் நோட்டு செல்லாது என்ற அறிவிப்பை முட்டாள் தனம் என்று எதிர்க்கட்சிகள் நினைக்கிறதா என்றும் 2ஜி பிரச்சனையும் இதுவும் ஒன்று என்று எதிர்க்கட்சியினர் கருதுகிறார்களா என்றும் அருண் ஜெட்லி கேள்வி எழுப்பியுள்ளார்.

மேலும், ரூபாய் நோட்டு செல்லாது விவகாரம் குறித்து நாடாளுமன்றத்தில் விவாதிக்கப்படக் கூடாது என்பதற்காகவே எதிர்க்கட்சிகள் அமளியில் ஈடுபட்டு வருவதாகவும் ஜெட்லி குற்றம் சாட்டினார்.

English Summary:

Government confident that the demonetisation move was in the right direction said Finance Minister Arun Jaitley today.

Read More

என் கனவில் ராகுல் வந்தார்.. மணப்பதாக சொன்னார்.. உ.பி. பெண் கிளப்பும் பீதி!

லக்னோ: காங்கிரஸ் துணைத் தலைவர் ராகுல் காந்தி தனது கனவில் வந்ததாகவும், தன்னை மணந்து கொள்வதாக கூறியதாகவும் அவரை நான் நிச்சயம் மணப்பேன் என்றும் உத்தரப் பிரதேசத்தைச் சேர்ந்த காங்கிரஸ் பெண் தொண்டர் ஒருவர் கூறியுள்ளது பரபரப்பைக் கிளப்பியுள்ளது.

மேலும் அவர் கூறுகையில் ராகுல் காந்தி நல்லவர், நல்ல தலைவர், அவரைத் திருமணம் செய்து கொண்டால் எனது துயரமெல்லாம் பறந்து போய் விடும் என்றும் கூறியுள்ளார்.

இதுதொடர்பாக அந்தப் பெண் அளித்த பேட்டி அடங்கிய வீடியோ யூடியூபில் வேகமாக வலம் வந்து கொண்டுள்ளது. அப்பெண் அலகாபாத்தைச் சேர்ந்தவர். பெயர் விவரம் தெரியவில்லை. தன்னை தீவிர ராகுல் ரசிகையாக கூறிக் கொள்ளும் அவர் ராகுலைக் காதலிப்பதாகவும் கூறுகிறார்.

ராகுல் காந்தி தலித் மக்களுடன் அமர்ந்து சாப்பிடுவதும், அவர்களுக்கு உதவுவதும் தன்னை மகிழ்ச்சிக்குள்ளாக்கியிருப்பதாகவும், அதேபோல ஒரு தலித் பெண்ணையே அவர் மணக்கலாம். அதேசமயம், நான் "ஓபிசி"யாக இருந்தாலும் கூட என்னை தாராளமாக ராகுல் காந்தி மணக்கலாம். அதற்கு எனக்கு முழுத் தகுதி உள்ளதாக கூறுகிறார் அப்பெண்.

 இப்பெண்ணின் கனவில் அடிக்கடி ராகுல் வருவாராம். அப்படி ஒருமுறை வந்தபோது உன்னை மணப்பேன் என்று ராகுல் உறுதியளித்தாராம். இவர் 2014ம் ஆண்டு காங்கிரஸ் கட்சியில் சேர்ந்தாராம். சேர்ந்தது முதல் ராகுல் மீது பிரியமாக இருக்கிறாராம். அமேதியில் வைத்து பலமுறை ராகுலை சந்தித்துள்ளாராம்.

 இவருக்கும், ராகுலுக்கும் ஒரே மாதிரி மன ஓட்டம் இருக்கிறதாம். அதையும் இவரே சொல்கிறார். அவரிடம் பலமுறை நேரில் பேசியுள்ள போதிலும் கூட கனவில்தான் அதிக முறை அவருடன் இருப்பதாக கூறுகிறார் இப்பெண்.

கனவில் வந்த ராகுல் காந்தி தன்னையே மணப்பதாக உறுதியளித்துள்ளதாகவும், திருமணம் செய்து கொண்டு நிறைய குழந்தை பெற்றுக் கொள்ளலாம் என்று உறுதியளித்துள்ளதாகவும் சீரியஸாகவே கூறுகிறார் இப்பெண்!

English Summary:

An UP based girl wants to marry Congress VP Rahul Gandhi and she says that she has met the leader in dreams and promised to marry her and have children too!

Read More

பணத்தட்டுப்பாடு தெரிந்தும் ஏன் ரூ.100 நோட்டை அதிகம் அச்சடிக்கவில்லை.. திரிணாமுல் கேள்வி

டெல்லி: பணத் தட்டுப்பாடு வரும் என்று தெரிந்தும் ஏன் 100 ரூபாய் நோட்டுக்களை அதிக அளவில் அச்சிடப்படவில்லை என்று திரிணாமுல் காங்கிரஸ் எம்பி டெரிக் ஓ பிரெய்ன் இன்று ராஜ்ய சபாவில் கேள்வி எழுப்பினார்.

 கடந்த 16ம் தேதி நாடாளுமன்றத்தின் குளிர்காலக் கூட்டத் தொடர் தொடங்கியது. தொடக்க நாளில் இருந்தே ராஜ்ய சபாவில் ரூபாய் நோட்டுக்கள் செல்லாது தொடர்பாக அமளியில் எதிர்க்கட்சியினர் ஈடுபட்டு வந்தனர். ராஜ்ய சபாவில் பிரதமர் மோடி நேரில் வந்து பதில் அளிக்க வேண்டும், இது குறித்து தொடர்பாக விவாதம் நடத்தப்பட வேண்டும் என்று கோரியும் கடந்த 6 நாட்களாக ராஜ்ய சபா முடக்கப்பட்டது.

இந்நிலையில் இன்று காலை 11 மணிக்கு ராஜ்ய சபா கூடியது. எதிர்க்கட்சிகள் தொடர் அமளியில் ஈடுபட்டதால் 12 மணி வரை அவை ஒத்தி வைக்கப்பட்டு மீண்டும் கூடிய போது பிரதமர் மோடி அவைக்கு வந்தார். இதனையடுத்து ராஜ்ய சபாவில் ரூபாய் நோட்டு செல்லாது என்ற விவகாரம் குறித்த விவாதத்தை முன்னாள் பிரதமர் மன்மோகன் சிங் தொடங்கி வைத்து பேசினார்.

இதனைத் தொடர்ந்து திரிணாமுல் காங்கிரஸ் கட்சி எம்பி டெரிக் ஓ பிரெய்ன் பேசியதாவது:

ரூபாய் நோட்டு செல்லாது என்று மோடி அறிவித்துள்ளது இந்தியாவில் உள்ள ஒவ்வொருவரையும் பாதித்துள்ளது. ரூபாய் நோட்டுக்கள் செல்லாது என்ற அறிவிப்பால் ரூபாய் நோட்டு தட்டுப்பாடு ஏற்படும் என்று தெரிந்தும் ஏன் 100 ரூபாய் நோட்டை அதிக அளவில் அச்சடிக்கவில்லை. பழைய 500 ரூபாய் நோட்டு செல்லுப்படியாகும் என்று மீண்டும் மத்திய அரசு அறிவிக்க வேண்டும்.

ரூபாய் நோட்டு செல்லாது என்ற அறிவிப்பால் 92 சதவீத மக்கள் மகிழ்ச்சியாக இருப்பதாக பிரதமர் மோடி கூறியுள்ளதை கேட்டு மக்கள் பெரும் அதிர்ச்சி அடைந்துள்ளனர். மக்கள் கடுமையாக பாதிக்கப்பட்டிருப்பதால் ரூபாய் நோட்டு செல்லாது என்ற அறிவிப்பை பிரதமர் மோடி திரும்பப் பெற வேண்டும் என்று டெரிக் ஓ பிரெய்ன் கேட்டுக் கொண்டார்.

English Summary:

Trinamool Congress MP Derek o'brien spoke in Rajya sabha over demonetization.

Read More

பந்த் நடத்தும் மம்தா; எதிர்த்து கூடுதல் பணியாற்ற பலர் முடிவு

புதுடில்லி: சமீபத்திய மத்திய அரசின் புதிய ரூபாய் நோட்டு விவகாரம் தொடர்பாக மோடி அரசை கண்டித்து மம்தா, எதிர்கட்சியினர் ஆதரவுடன் வரும் 28 ம் தேதி பந்த் நடத்த திட்டமிட்டுள்ளார். ஆனால் மோடிக்கு ஆதரவாக இருப்பதை காட்டும் விதமாக பொதுமக்கள் பலரும் அன்று கூடுதலாக 2 மணி நேரம் பணியாற்ற வேண்டும் என சமூக வலை தளங்களில் அழைப்பு விடுக்கப்பட்டுள்ளது. இந்த அழைப்பு வைரலாக பரவி வருகிறது.

கடந்த 8 ம் பிரதமர் மோடி , ரூ. 500, 1000 செல்லாது என அதிரடி அறிவிப்பை வெளியிட்டார். இதனால் கருப்பு பணம் ஒழிக்க அனைவரும் ஒத்துழைப்பு அளிக்க வேண்டும் என கேட்டு கொண்டார். ஆனால் பல்வேறு எதிர்கட்சியினர் தங்களின் எதிர்ப்பை தெரிவித்தனர். பார்லி.,யில் கடும் அமளியில் ஈடுபட்டு வருகின்றனர்.

இந்நிலையில் வரும் 28ம் தேதி மேற்குவங்க முதல்வர் மம்தா நாடு தழுவிய பந்த் நடத்த எதிர்கட்சியினரை ஒன்று சேர கேட்டுள்ளார். ஜனாதிபதியை சந்தித்து, இது தொடர்பான மனுவை அளி்க்கவுள்ளார்.

பந்துக்கு எதிர்ப்பு:

ஆனால் கருப்பு பணம் ஒழிப்பில் ஆர்வம் காட்டுபவர்கள், நாட்டின் நலனில் அக்கறை கொண்டவர்கள் இந்த பந்தை முறியடிக்க வேண்டும் என சமூக வலை தளங்களில் அழைப்பு விடுத்து வருகின்றனர். வரும் 28 ம் தேதி திங்கட்கிழமை கூடுதலாக 2 மணி நேரம் பணியாற்றி மம்தாவுக்கு எதிர்ப்பு தெரிவிக்க வேண்டும் என்றும் கோரியுள்ளனர்.

இது போன்ற தகவல் தற்போது வாட்ஸ்அப், மற்றும் பேஸ்புக் உள்ளிட்ட சமூக வலைதளங்களில் வைரலாக பரவி வருகிறது.

English Summary:

The latest issue of the federal government's new bill condemning Modi Mamata government, with the support of the opposition is planning to hold the ball on the 28. The viral spread of the call.

Read More

அமளியை தடுக்க ராஜ்யசபாவில் இன்று மோடி உரை

புதுடில்லி : ரூபாய் நோட்டு வாபஸ் பெற்ற விவகாரம் குறித்து ராஜ்யசபாவில் இன்று ( நவம்பர் 24) பிரதமர் மோடி உரையாற்றுவார் என எதிர்பார்க்கப்படுகிறது.

எதிர்க்கட்சிகள் அமளி :

ரூ.500, 1000 நோட்டுக்களை வாபஸ் பெறுவதாக நவம்பர் 8 ம் தேதி பிரதமர் மோடி அறிவித்தார். இதற்கு பல்வேறு அரசியல் கட்சிகள் எதிர்ப்பு தெரிவித்து வந்தன. இந்த பரபரப்பான சூழ்நிலையில் நவம்பர் 16ம் தேதி பார்லி., குளிர்கால கூட்டத் தொடர் துவங்கியது. கூட்டத் தொடர் துவங்கிய நாள் முதல், காங்கிரஸ் உள்ளிட்ட எதிர்க்கட்சிகள் ரூபாய் நோட்டு விவகாரத்தை கையில் எடுத்து, அமளியில் ஈடுபட்டு வருகின்றன. ரூபாய் நோட்டுக்கள் வாபஸ் உத்தரவை திரும்பப் பெற வேண்டும் எனவும், பிரதமர் பார்லி.,யில் இது பற்றி பதிலளிக்க வேண்டும் எனவும் எதிர்க்கட்சிகள் வலியுறுத்தி வருகின்றன. எதிர்க்கட்சிகளில் தொடர் கூச்சல் குழப்பத்தால் பார்லி.,யின் இருஅவைகளும் அடுத்தடுத்து ஒத்திவைக்கப்பட்டு வருகின்றன.

இது ஒருபுறம் இருக்க, பார்லி., வளாகத்தில் உள்ள காந்தி சிலை முன் நேற்று (நவம்பர் 23) 12 எதிர்க்கட்சிகளைச் சேர்ந்த 200 எம்.பி.,க்கள் தர்ணா போராட்டம் நடத்தினர். பின்னர் நவம்பர் 28 ம் தேதி நாடு முழுவதும் போராட்டம் நடத்தப்படும் எனவும் அறிவித்தனர். தொடர்ந்து அவைக்கு வந்த அவர்கள், மீண்டும் அமளியில் ஈடுபட்டனர். அரசு தரப்பில் இருந்து பலமுறை விளக்கம் அளிக்கப்பட்டும் எதிர்க்கட்சிகள் ஏற்க மறுத்து வருகின்றன. இதனால் 7 வது நாளாக இன்றும் பார்லி., செயல்பாடுகள் முடங்கும் நிலை ஏற்பட்டுள்ளது.

மோடி உரை :

எதிர்க்கட்சிகளில் அமளியை சமாளித்து, கூட்டத் தொடரை சுமூகமாகவும், ஆக்கப்பூர்வமாகவும் நடத்துவது குறித்து முக்கிய அமைச்சர்களுடன் பிரதமர் மோடி ஆலோசனை நடத்தினார். இந்த ஆலோசனை கூட்டத்திற்கு பிறகு, எதிர்க்கட்சிகளின் அமளியை தடுப்பதற்காக இன்று ராஜ்யசபாவில், ரூபாய் நோட்டு வாபஸ் விவகாரம் குறித்து உரையாற்ற பிரதமர் மோடி முடிவு செய்திருப்பதாக தெரிவிக்கிறது.

English Summary:

Regarding the issue of the withdrawal of bill in the Rajya Sabha today (November 24) The Prime Minister is expected to speak.

Read More