நடிகர் கமல் மீது கர்நாடகாவில் புகார்

பெங்களூரு: மகாபாரதத்தை இழிவுபடுத்தி பேசியதாக நடிகர் கமல்ஹாசன் மீது சென்னை போலீசில் புகார் அளிக்கப்பட்டது. நெல்லை கோர்ட்டிலும் வழக்கு தொடரப்பட்டது. இந்நிலையில், பெங்களூருவிலும் கமல் மீது புகார் அளிக்கப்பட்டது. பசவேஸ்வர மடத்தை சேர்ந்த பிரனவானந்தா என்பவர் பெங்களூரு போலீஸ் ஸ்டேசனில் கமல் மீது நடவடிக்கை எடுக்கக்கோரி புகார் அளித்தார்.

Read More

கமல் மீது வழக்கு : விசாரித்து அறிக்கை தர கோர்ட் உத்தரவு

திருநெல்வேலி: மகாபாரதம் குறித்து இழிவாக பேசியதாக நடிகர் கமல் மீது தொடரப்ட்ட வழக்கில் உரிய விசாரணை நடத்தி அறிக்கை தர போலீசாருக்கு கோர்ட் உத்தரவிட்டுள்ளது.

சமீபத்தில் ஒரு தொலைக்காட்சிக்கு அளித்த பேட்டியில் கமல், மகாபாரதத்தை இழிவுபடுத்தி பேசியதாக குற்றச்சாட்டு எழுந்துள்ளது. இது குறித்து சென்னை போலீசில் புகார் அளிக்கப்பட்டுள்ளது.
இந்நிலையில், இந்து மதத்தை அவமதிக்கும் வகையில் மகாபாரதத்தை இழிவுபடுத்தி பேசிய கமல் மீது வழக்குப்பதிவு செய்ய போலீசாருக்கு உத்தரவிட வேண்டும் எனக்கூறி நெல்லை மாவட்டம் வள்ளியூர் குற்றவியல் கோர்ட்டில் பழவூரை சேர்ந்த ஆதிநாதசுந்தரம் என்பவர் வழக்கு தொடர்ந்துள்ளார்.
வழக்கை விசாரித்த நீதிபதி பழவூர் போலீஸ் நிலைய போலீசார் விசாரித்து அறிக்கை அளிக்க உத்தரவிட்டார்.

Read More

விசுவரூபமெடுக்கும் விசுவரூப பட பிரச்னை: கமல்ஹாசனுக்கு எதிராக கொம்பு சீவப்படும் சரத்குமார்

சென்னை: ஜல்லிக்கட்டை வலியுறுத்தி சென்னை மெரினாவில் தொடர் போராட்டம் நடத்திய தமிழக மாணவர்களும், இளைஞர்களும் அவசர சட்டம் இயற்றிய பின்பும் கலைந்து செல்லாததால், அவர்களை விரட்டி அடித்தது, தமிழக போலீஸ். அப்போது, சென்னையின் பல இடங்களில் கலவரம் ஏற்பட்டு, பொதுமக்கள் கடும் அவதிக்குள்ளாகினர்.

அதிருப்தி:

இந்த பிரச்னையில், தமிழக போலீஸ் நடவடிக்கைகளை ஒரு தரப்பினரும்; மாணவர்களின் செயல்பாடுகளை ஒரு தரப்பினரும் எதிர்க்கின்றனர். மாணவர்களை ஆதரித்தும்; போலீசுக்கு எதிராகவும் கருத்து சொல்லி வருகிறார் நடிகர் கமல்ஹாசன். நடந்த சம்பவங்களுக்கு விசாரணை கமிஷன் அமைக்க வேண்டும் என்பது வரையில், அவரது கோரிக்கை அமைந்துள்ளது. இந்த பிரச்னையில், முதல்வர் பன்னீர்செல்வத்தின் செயல்பாடுகளை கடுமையாகவும் விமர்சித்துள்ளார், நடிகர் கமல்ஹாசன். இது பன்னீர்செல்வம் தரப்பினரை கடும் அதிருப்திக்கு ஆளாக்கி இருக்கிறது. இதையடுத்து, நடிகர் கமல்ஹாசனுக்கு எதிர்ப்பாக கடும் விமர்சனங்களை வைக்க வேண்டும் என முடிவெடுத்துள்ள முதல்வர் பன்னீர்செல்வம், இதற்காக, சமத்துவ மக்கள் கட்சித் தலைவர் சரத்குமாரை அழைத்து பேசி இருக்கிறார்.

இது குறித்து, பன்னீர்செல்வம் ஆதரவாளர்கள் கூறியதாவது: நடிகர் சரத்குமாரைப் பொறுத்த வரையில், அவர், நடிகர்கள் ரஜினி மற்றும் கமல்ஹாசனுக்கு எதிர்ப்பான மன நிலையில் உள்ளார். சில நாட்களுக்கு முன்பு, சென்னையில் நடந்த தனியார் நிகழ்ச்சி ஒன்றில் கலந்து கொண்டு பேசிய ரஜினி, தமிழக அரசியலில் ஒரு அசாதாரண சூழல் நிலவுவதாக தெரிவித்தார். உடனே, அதற்கு கடும் எதிர்ப்பு தெரிவித்து அறிக்கை மற்றும் பேட்டி கொடுத்த சரத்குமார்,‛ நடிகர் ரஜினி, அரசியலுக்கு வரக் கூடாது; வந்தால், அவரை நான் கடுமையாக எதிர்ப்பேன்; அவரை எதிர்ப்பதையே முழு நேரத் தொழிலாக்கிக் கொள்வேன்' என்றெல்லாம், ரஜினிக்கு எதிராக கொந்தளித்தார்.

சீண்டுகிறார்:

இந்நிலையில், ஜல்லிக்கட்டை வலியுறுத்தி மாணவர்கள் நடத்திய போராட்டம் வெற்றி பெற்ற நிலையில், கலைந்து செல்லாத அவர்களை போலீஸார் விரட்டி அடித்தனர். அதை வைத்து, தற்போது, தமிழக போலீசையும், முதல்வர் பன்னீர்செல்வத்தையும் கடுமையாக விமர்சித்து வருகிறார் நடிகர் கமல்ஹாசன். தமிழகம் தொடர்பான எந்த பிரச்னையிலும் ஆர்வம் காட்டாத நடிகர் கமல்ஹாசன், முதல்வராக ஜெயலலிதா இருந்த கால கட்டங்களில், தன் விசுவரூபம் படம் வெளியாக முடியாமல் புலம்பிய புலம்பலை மறந்துவிட்டு, தேவையில்லாமல், பன்னீர்செல்வத்தை சீண்டுகிறார்.

அதற்குக் காரணம், விசுவரூபம் படம் ரிலீஸ் ஆவதில் சிக்கல் ஏற்பட்டபோது, தமிழக அரசை அவர் கடுமையாக விமர்சிக்க, அப்போதைய முதல்வராக இருந்த ஜெயலலிதா, கமல்ஹாசனின் செயல்பாடுகளை விமர்சித்து, கடுமையான அறிக்கையை வெளியிட, தற்போதைய முதல்வர் பன்னீர்செல்வத்தை கேட்டுக் கொண்டார்.

தலைமை விருப்பம்:

ஆனால், அப்போது வெளியான அந்த அறிக்கை பன்னீர்செல்வம் தயாரித்தது அல்ல. அந்த அறிக்கையின் சாராம்சத்தில், பன்னீருக்கும் உடன்பாடும் இல்லாமல்தான் இருந்தது.ஆனால், கட்சித் தலைமையின் விருப்பத்தை மட்டுமே, பன்னீர்செல்வம் நிறைவேற்றினார். இதை பர்சனலாக எடுத்துக் கொண்ட கமல்ஹாசன், தற்போது முதல்வராக பதவியேற்றுக் கொண்ட பன்னீர்செல்வத்துக்கு எதிராக மாணவர்கள் பிரச்னையை கையில் எடுத்து, கடும் விமர்சனங்களை வைக்கிறார். தமிழக அரசுக்கு நெருக்கடி ஏற்படுத்த முயல்கிறார்.

இது, பன்னீர்செல்வத்துக்கு கடும் எரிச்சலை ஏற்படுத்தி உள்ளது. அதனால், நடிகர் சங்கப் பிரச்னையில், சரத்குமாருக்கு எதிரான மனநிலையில் இருந்து செயல்பட்ட கமல்ஹாசனை எதிர்க்க, சரத்குமார்தான் சரியான நபர் என தேர்ந்தெடுத்து, அவரை அழைத்து பேசியுள்ளார் பன்னீர்செல்வம். முதல்வர் பன்னீர்செல்வத்தை சந்தித்து திரும்பி உள்ள சரத்குமார், பன்னீரின் செயல்பாடுகளை பாராட்டி மகிழ்ந்துள்ளார். விரைவில், கமல்ஹாசனுக்கு எதிராக கச்சை கட்டுவார். அதற்கான, எல்லா விபரங்களும் பேசி முடிக்கப்பட்டுள்ளன. இவ்வாறு அவர்கள் கூறினர்.

English summary:

Chennai: Tamil Nadu protested a series of gravel Marina urging students and young people dispersed after the ordinance passed by the invalid, driving them to the Tamil Nadu police. Then, there were riots in many places in Chennai, also suffering from severe public.

Read More

'ஹாய் சாமி நான் தமிழ் வாலா': சுப்பிரமணியன்சுவாமிக்கு கமலின் செம ரிப்ளை

பொதுமக்களை முதல்வர் நேரில் பார்த்திருக்க வேண்டும் என்று கமல்ஹாசன் கூறியிருந்தார்.  கமலின் இந்த கருத்து முட்டாள்தனமானது என சுப்பிரமணியன்சுவாமி கூறியிருந்தார். இந்நிலையில் இதற்கு கமல் ட்விட்டரில், 'ஹாய் சாமி. நான் தமிழ் வாலா. முதல்வர் மக்களை சந்தித்திருக்க வேண்டும். காந்தியும், ஜூலியஸ் சீஸரும் கூட மக்களிடம் பணிவாகதான் இருந்தார்கள். அப்படியிருக்கையில் முதல்வர் ஏன் மக்களை சந்திக்க கூடாது?' என செம ரிப்ளை செய்துள்ளார்.

இந்நிலையில் மற்றொரு ட்வீட்டில் சுப்பிரமணியன் சுவாமிக்கு இனி பதில் சொல்ல விருப்பமில்லை என கமல் கூறியுள்ளார்.



Hi Samy.AmTamilwallah. CM should have met his people. Politicians includ. MKG. Ceasars humble b4 people .why not CM.Tag it2him frnds.

— Kamal Haasan (@ikamalhaasan) January 24, 2017

Read More

அமைதி காக்கும் கடமை உள்ளது: கமலஹாசன்

சென்னை : தமிழகத்தில் அமைதி காக்க வேண்டியது அனைவரின் கடமை என நடிகர் கமலஹாசன் டுவிட்டரில் கேட்டுக் கொண்டுள்ளார்.
இது தொடர்பாக டுவிட்டரில் அவர் பதிவிட்டுள்ள கருத்து, யார் ஒருவர் கண்ணியம் தவறினாலும் அது சங்கமித்திருக்கும் அனைவரையும் பாதிக்கும். வாழ்த்துக்கள் விமர்சனமாகாதிருக்க விரசக் கேலிகளை தவிர்க்கவும். அலங்காரநல்லூரை அலங்கோலமாக்கிய வன்முறை தமிழக அறபோராட்டச் சரித்திரத்தில் பெரிய ரத்தக்கறை. வன்முறை பயன்தராது. இதுவரை காத்த அறத்தை கைவிடாதீர். வன்முறை செய்வது மாணவர்களாக இருக்கக் கூடாது. மக்களாக இருக்கக் கூடாது.
இதுவரை பொதுச்சொத்திற்க்கு எச்சேதமுமில்லாமல் நடந்த இப்போராட்டம் அமைதி இழக்கக்கூடாது. இந்தியாவின் மூத்த தலைமை ஆவன செய்ய வேண்டும்.செய்யும். வீரத்தின் உச்சகட்டமே அஹிம்ஸை. அறவழிப் போராளிகள் ரத்தக் காயம் படுவது இதுவரை நிகழாததல்ல. அமைதி காக்கும் கடமையே விவேகம். இவ்வாறு அவர் குறிப்பிட்டுள்ளார்.

English summary:

Tamil Nadu was the duty of everyone to defend peace, Kamal Haasan has asked on Twitter. 

Read More

ஜல்லிக்கட்டுக்கு அவசரச் சட்டம் தேவை: பிரதமருக்கு முதல்வர் கடிதம்

தமிழகத்தில் ஜல்லிக்கட்டு நடத்துவதற்கு அவசரச் சட்டம் கொண்டுவர வேண்டும் என்று பிரதமர் மோடியை, தமிழக முதல்வர் ஓ.பன்னீர் செல்வம் வலியுறுத்திக் கேட்டுக்கொண்டுள்ளார்.

இது தொடர்பாக பிரதமருக்கு முதல்வர் எழுதிய கடிதத்தின் விவரம்:
பாரம்பரியத்துடன் இணைந்த விளையாட்டு: தமிழகத்தின் கலாசார பாரம்பரியத்துடன் இணைந்த விளையாட்டாக விளங்கும் ஜல்லிக்கட்டு பொங்கல் பண்டிகையை ஒட்டி நடத்தப்படுகிறது. சங்ககாலத்தில் இருந்தே காளைகளை அடக்கும் வீரர்களிடையே இந்தப் போட்டி மிக பிரபலமாக இருந்து வந்துள்ளது. சுமார் 2 ஆயிரம் ஆண்டுகள் மிகப் பழமையானது இந்த விளையாட்டுப் போட்டி. ஜல்லிக்கட்டு மூலமாக, காளைகள் நல்ல உடல்கட்டுடன் தயாராவதால், அவற்றின் இனம் நல்ல முறையில் காக்கப்படுகின்றன.

நீதிமன்ற உத்தரவுகள்: தமிழகத்தில் ஜல்லிக்கட்டுப் போட்டி நடத்த தடை விதித்து கடந்த 2014-ஆம் ஆண்டு மே 7-ஆம் தேதியன்று உச்ச நீதிமன்றம் தடை உத்தரவு பிறப்பித்தது. தமிழகத்திலும், மகாராஷ்டிரத்திலும் ஜல்லிக்கட்டு, எருதுப் போட்டிகள் மூலமாக விலங்குகளை காட்சிப்படுத்துவதை அனுமதிக்க முடியாது என்றும் நீதிமன்றம் தெரிவித்துள்ளது. இதனால் தமிழக மக்கள் கடும் அதிருப்தி அடைந்துள்ளனர்.
தமிழகத்தில் ஜல்லிக்கட்டுப் போட்டியை நடத்தக் கோரியும், கடந்த 2011 ஆம் ஆண்டு ஜூலை 11-ஆம் தேதி வெளியிடப்பட்ட அரசு அறிவிக்கையில் காட்சி விலங்குகள் பட்டியலில் இடம்பெற்றுள்ள காளையை அதிலிருந்து நீக்க வேண்டுமென தமிழக அரசு கடந்த இரண்டு ஆண்டுகளுக்கு முன்பு கோரிக்கை விடுத்திருந்தது.

மறைந்த முதல்வர் ஜெயலலிதா கடந்த 2015-ஆம் ஆண்டு ஆகஸ்ட்டில் தங்களிடம் அளித்த மனுவில் ஜல்லிக்கட்டுத் தடைக்கான கோரிக்கையை முன்வைத்திருந்தார். அதைத் தொடர்ந்து கடந்த 2015 டிசம்பர் 22-இல் அவர் எழுதிய கடிதத்தில், ஜல்லிக்கட்டுப் போட்டியை நடத்த உரிய சட்ட மசோதாவையோ அல்லது விலங்குகள் வதைத் தடுப்புச் சட்டத்தில் தகுந்த திருத்தங்களையோ நடப்பு நாடாளுமன்ற கூட்டத் தொடர் அல்லது சிறப்பு கூட்டத்தைக் கூட்டியோ கொண்டு வர வேண்டும் என வலியுறுத்தியிருந்தார். பொங்கலை முன்னிட்டு ஜல்லிக்கட்டுப் போட்டியை நடத்த அவசர சட்டம் கொண்டு வரவும் கோரிக்கை விடுத்திருந்தார்.

நடத்த முடியாத நிலை தொடர்கிறது: அவரது இந்தக் கோரிக்கையை ஏற்று, கடந்த ஆண்டு ஜனவரி 7-ஆம் தேதியன்று மத்திய அரசு அறிவிக்கையை வெளியிட்டது. இந்த அறிவிக்கைக்கு உச்ச நீதிமன்றம் திடீரென இடைக்கால தடை விதித்தது. இதனால், இரண்டாவது ஆண்டாக ஜல்லிக்கட்டுப் போட்டியை நடத்த முடியாத நிலை ஏற்பட்டது.

இதனிடையே, ஜல்லிக்கட்டுக்கு தடை விதித்த உச்ச நீதிமன்றத்தின் உத்தரவை சீராய்வு செய்யக் கோரி தமிழக அரசின் சார்பில் மனு தாக்கல் செய்யப்பட்டது. இந்த மனுவை கடந்த ஆண்டு நவம்பரில் விசாரித்த உச்ச நீதிமன்றம், தடையை நீக்க முடியாது எனக்கூறி தமிழக அரசின் சீராய்வு மனுவைத் தள்ளுபடி செய்து உத்தரவிட்டது.

தமிழகத்தில் ஜல்லிக்கட்டுப் போட்டியை நடத்தும் வகையில், பிரமாணப் பத்திரம் ஒன்றையும் உச்ச நீதிமன்றத்தில் மாநில அரசு தாக்கல் செய்தது. காளைகளுக்கு எந்தத் தீங்கும் ஏற்படாமல் ஜல்லிக்கட்டு நடத்துவதற்கான திட்டத்தையும் வகுத்து அளித்தது. ஆனால், அவற்றை ஏற்காமல் ஜல்லிக்கட்டுக்கான தடையை நீட்டித்து உச்ச நீதிமன்றம் உத்தரவிட்டது.
கடந்த ஆண்டு ஜூன் மாதம் மறைந்த முன்னாள் முதல்வர் ஜெயலலிதா உங்களைச் சந்தித்த போதும், நான் கடந்த 19-ஆம் தேதியன்று தங்களை நேரில் சந்தித்த போதும் கோரிக்கை மனுக்களை அளித்திருந்தோம். அதில், ஜல்லிக்கட்டுப் போட்டிகளை நடத்தத் தேவையான நடவடிக்கைகளை எடுக்க வேண்டுமென கோரிக்கை விடுத்திருந்தோம்.

இதுவரை நடவடிக்கை இல்லை: மத்திய அரசிடம் தமிழகத்தின் சார்பில் அளிக்கப்பட்ட கோரிக்கை மனுக்களின் மீது இதுவரை எந்த நடவடிக்கையும் எடுக்கப்படவில்லை.

இந்த ஆண்டு பொங்கல் பண்டிகையில் ஜல்லிக்கட்டுப் போட்டியை நடத்துவதற்குத் தடையாகவுள்ள சட்டப்பூர்வ அம்சங்களை அவசர சட்டத்தின் மூலம் அகற்ற மத்திய அரசு உடனடியாக நடவடிக்கை எடுக்க வேண்டும் என்று பிரதமருக்கு எழுதிய கடிதத்தில் முதல்வர் ஓ.பன்னீர்செல்வம் வலியுறுத்தியுள்ளார்.

ஜல்லிக்கட்டில் காளைகள் கொடுமைப்படுத்தப்படுகின்றன என்று பீட்டா அமைப்பு கூறியதன்பேரில் இதற்கு தடை விதிக்கப்பட்டுள்ளது. வெளிநாட்டு அமைப்பான பீட்டாவுக்கு தமிழர்களின் பாரம்பரியத்தை பற்றி என்ன தெரியும்? முதலில் பீட்டா அமைப்புக்கு தடை விதிக்க வேண்டும்.
கேரளத்தில் மரம் இழுப்பது உள்ளிட்ட பல்வேறு வேலைகளுக்கு யானைகளைப் பயன்படுத்துகின்றனர். யானைகளை சங்கிலியால் கட்டிதான் வேலை வாங்குகின்றனர். வடமாநிலங்களில் ஒட்டகங்களை வேலைகளுக்குப் பயன்படுத்துகின்றனர். ஜல்லிக்கட்டுக்குத் தடை விதித்தவர்கள் யானைக்கும், ஒட்டகத்துக்கும் தடை விதிக்கலாமே. திமுக ஆட்சியில்தான் ஜல்லிக்கட்டுக்கு தடை விதிக்கப்பட்டது. அதை மறைக்க இங்கு வந்து ஆர்ப்பாட்டம் நடத்துகின்றனர்.

பொங்கல் பண்டிகைக்கு இன்னும் 5 தினங்களே உள்ள நிலையில், ஜல்லிக்கட்டு தொடர்பாக மத்திய அரசு அறிவிப்பு எதையும் வெளியிடவில்லை. எனவே ஜல்லிக்கட்டு நடத்த மாநில அமைச்சரவை கூடி அவசரச் சட்டத்தை உடனடியாகக் கொண்டு வர வேண்டும். பொங்கல் தினத்தன்று ஜல்லிக்கட்டு கட்டாயம் நடத்தப்பட வேண்டும்.
- மதுரை மாவட்டம் அலங்காநல்லூர் ஆர்ப்பாட்டத்தில் தேமுதிக தலைவர் விஜயகாந்த்


ஜல்லிக்கட்டு என்பதைவிட ஏறுதழுவுதல் என்பதுதான் சரியான பெயர். மாடு பிடித்தல் என்று கூட சொல்வார்கள். ஏறுதழுவுதல் என்ற பெயரில் இருக்கும் கருணை, அந்த விளையாட்டு எப்படிப்பட்டது என்பதை விளக்குகிறது.
மேற்கத்திய நாடுகளில் நடக்கும் காளைச் சண்டையோடு ஜல்லிக்கட்டை ஒப்பிடக்கூடாது. அது இறைச்சியாகி அனைவரது தட்டிலும் போய்ச் சேரும். நம் நாட்டில் அப்படி அல்ல. இங்குள்ள மாடுகள் மறுபடியும் பரிவுடன் வளர்க்கப்படும், மறுபடியும் விளையாட்டில் கலந்து கொள்ளும்.
- நடிகர் கமல்ஹாசன்

200 வகையான காளைகள் இருந்த நம் நாட்டில், இப்போது 30 வகைகள்கூட இல்லை என்கிறார்கள். அவை அப்படியே அழிந்து கொண்டிருக்கின்றன; அவற்றை எப்படி நாம் பராமரிக்கப் போகிறோம் என்பதுதான் எனது முதல் கேள்வியாக இருக்கிறது.
ஜல்லிக்கட்டு என்பது நமது கலாசாரத்தோடு, அடையாளத்தோடு கலந்த ஒரு விஷயம். அதை தடை செய்யக்கூடாது என்பது என் கருத்து.
- நடிகர் சூர்யா

English Summary : Ordinance to bring in the state to conduct jallikattu Modi, the Chief Minister emphasized asked OPS wealth. Bulls calming players from Sangam literature has been very popular with the competition. This tournament is about 2 thousand years old. By Jallikattu, bulls with good utalkat prepares protected in the good times of their ethnicity. Court orders: Mavericks hold jallikkattu match ban on the 7th of May 2014 the Supreme Court issued a prohibition order. Tamilnadu, makarastirattilum jallikattu, displaying animals would not allow the court to perform at bullfights said. Thus the people are discontent. In August 2015, the late Chief Minister Jayalalithaa last jallikkattu their petition to ban the proposed request. Pongal jallikkattu honor to host the competition, made a request to bring the emergency law.

Read More

தந்தை கமல் இயக்கத்தில் நடிக்க பயந்து பயந்து வந்தது: ஸ்ருதி ஹாஸன்

சென்னை: தந்தை கமல் ஹாஸனின் இயக்கத்தில் நடிக்க பயமாக இருந்ததாக ஸ்ருதி ஹாஸன் தெரிவித்துள்ளார்.

 ஸ்ருதி ஹாஸன் தமிழ், தெலுங்கு, இந்தி ஆகிய மூன்று மொழி படங்களில் நடித்து வருகிறார். தமிழில் அவர் சூர்யாவுடன் எஸ் 3 படத்தில் நடித்து முடித்துள்ளார்.

தந்தை கமல் ஹாஸனின் சபாஷ் நாயுடு படத்தில் நடித்து வருகிறார். இந்தியில் ராஜ்குமார் ஜோடியாக பெஹன் ஹோகி தேரி படத்தில் நடித்துக் கொண்டிருக்கிறார். படப்பிடிப்பு லக்னோவில் நடந்து வருகிறது.

 கமல்:

 அப்பாவுடன் சேர்ந்து பணியாற்றுவது அருமையான அனுபவம். அதே சமயம் பயமானதும் கூட. காரணம் அவர் தயாரித்து இயக்குகிறார். அதனால் எனக்கு தனிப்பட்ட முறையில் மன அழுத்தம் அதிகம் என்கிறார் ஸ்ருதி.

ஸ்ருதி :

அப்பா என் நடிப்பை பாராட்டினார். அது தான் எனக்கு கிடைத்த மிகப்பெரிய கவுரவம். அவர் நமக்காக பாராட்ட மாட்டார். அவர் விரும்பியபடி நடிக்காவிட்டால் முகத்திற்கு நேராகவே கூறிவிடுவார் என்று ஸ்ருதி தெரிவித்துள்ளார்.

 நடிப்பு :

நான் இவருடன் தான் ஜோடி சேர்வேன் என்று இல்லை. என்னால் சேரை கூட ரொமான்ஸ் செய்ய முடியும் ஸ்ருதி என்று அப்பா கூறினார். அவரால் அது முடியும் என்று ஸ்ருதி கூறியுள்ளார்.

ராஜ்குமார் ராவ்:


அஜய் கே. பன்னாலால் இயக்கி வரும் பெஹன் ஹோகி தேரி படத்தில் ராஜ்குமார் ராவ் ஜோடியாக நடிக்கிறேன். அவர் திறமையான நடிகர். அவருடன் சேர்ந்து நடிப்பதில் மகிழ்ச்சி என்கிறார் ஸ்ருதி.

English summary:

Despite having been directed by the biggest names while acting in movies across several languages, actor Shruti Haasan felt scared when her father Kamal Haasan helmed their upcoming film.

Read More

மற்றொரு சகாப்தம் மறைந்தது... சோ பெயரைக் குறிப்பிடாமல் இரங்கல்.. மீண்டும் சர்ச்சையில் கமல் டிவிட்!

சென்னை: பத்திரிகை உலகின் ஜாம்பவானாக திகழ்ந்த சோ ராமசாமியின் மறைவுக்கு நடிகர் கமல் டிவிட்டர் வாயிலாக இரங்கல் தெரிவித்துள்ளார்.

நடிகர், துக்ளக் பத்திரிகையின் ஆசிரியர், அரசியல் ஆலோசகர் எனப் பன்முகத் திறமையாளர் சோ ராமசாமி(84). கடந்த சில மாதங்களாகவே உடல்நலக் குறைவால் பாதிக்கப்பட்டிருந்த அவர், சமீபத்தில் அப்பல்லோ மருத்துவமனையில் அனுமதிக்கப்பட்டார். இந்நிலையில், இன்று அதிகாலை மாரடைப்பு காரணமாக காலமானார்.

எம்.ஆர்.சி நகரில் உள்ள இல்லத்தில் வைக்கப்பட்டுள்ள சோவின் உடலுக்கு பல்வேறு அரசியல் கட்சியினர், திரையுலகினர் தொடர்ந்து அஞ்சலி செலுத்தி வருகின்றனர்.

அந்தவகையில், தற்போது அமெரிக்காவில் இருக்கும் நடிகர் கமல், டிவிட்டர் வாயிலாக தனது இரங்கலைத் தெரிவித்துள்ளார். அதில் அவர், "மற்றொரு சகாப்தம் நம்மை விட்டுப் பிரிந்தது. அவரை இழந்து வாடும் குடும்பத்தினருக்கு எனது ஆழ்ந்த இரங்கல்களை தெரிவித்துக் கொள்கிறேன்' எனத் தெரிவித்துள்ளார்.

 சோவின் பெயரை நேரடியாகக் குறிப்பிடாமல் கமல் இந்தப் பதிவை வெளியிட்டுள்ளார்.

 முன்னதாக நேற்று முன் தினம் மறைந்த தமிழக முன்னாள் முதல்வர் ஜெயலலிதாவின் மறைவுக்கும் டிவிட்டர் வாயிலாகத் தான் கமல் இரங்கல் தெரிவித்திருந்தார். அதிலும், அவர் ஜெயலலிதாவின் பெயரைக் குறிப்பிடாமல், 'சார்ந்தோர் அனைவருக்கும் ஆழ்ந்த இரங்கல்கள்' என கமல் குறிப்பிட்டிருந்தது சர்ச்சையைக் கிளப்பியது.

இது சமூகவலைதளப் பக்கங்களில் பெரும் விவாதப் பொருளாக அமைந்தது. இந்த சூழ்நிலையில் மீண்டும் அதே போன்று சோவிற்கும் பெயரைக் குறிப்பிடாமல் கமல் இரங்கல் தெரிவித்துள்ளது பரபரப்பை ஏற்படுத்தியுள்ளது.

English summary :

Actor Kamal hassan took to Twitter and condoled the demise of Thuglak founder and editor Cho Ramaswamy.

Read More