சசியிடம் அபாரத தொகை வசூலிப்பு: கர்நாடகா மனு

பெங்களூரு: சொத்து குவிப்பு வழக்கில் ரூ.100 கோடி அபராத தொகையை எப்படி வசூலிப்பது என்பது குறித்து கர்நாடக அரசு சுப்ரீம் கோர்ட்டில் மனு தாக்கல் செய்துள்ளது.

சசிகலா உள்ளிட்டோரிடம் அபராதத்தை வசூலிக்கும் முறைக்கு தெளிவுபடுத்த கோரி சுப்ரீம் கோர்ட்டில் மனு தாக்கல் செய்யப்பட்டுள்ளது. 

Read More

சசிக்கு எதிராக சுப்ரீம் கோர்ட்டில் மனு

புதுடில்லி: சுப்ரீம் கோர்ட்டில் சட்டப்பஞ்சாயத்து இயக்கம் சார்பில் தாக்கல் செய்யப்பட்ட மனு: சசிகலா அதிமுக பொது செயலாளர் பதவியில் நீடிக்கக்கூடாது. குற்றவாளி என அறிவிக்கப்பட்டவர் ஆளும் கட்சியில் முக்கிய பொறுப்பில் உள்ளார். அவரை அப்பொறுப்பிலிருந்து நீக்க வேண்டும். இவ்வாறு அவர் கூறியுள்ளார்.

Read More

சசிகலாவை சந்தித்த அமைச்சர்களின் பதவியை பறிக்க ஐகோர்ட்டில் வழக்கு

பெங்களூரு : 'பரப்பன அக்ரஹாரா சிறையில் அடைக்கப்பட்டுள்ள சசிகலாவை, துமகூரு மகளிர் மத்திய சிறைக்கு மாற்ற வேண்டும்; அவரை பார்த்த நான்கு அமைச்சர்களையும் பதவி நீக்கம் செய்ய வேண்டும்' என, கர்நாடக ஐகோர்ட்டில், 'டிராபிக்' ராமசாமி வழக்கு தொடர்ந்து உள்ளார்.

சொத்து குவிப்பு வழக்கில் தண்டனை பெற்று, பெங்களூரு பரப்பன அக்ரஹாரா மத்திய சிறையில், சசிகலா அடைக்கப்பட்டு உள்ளார்.

அவரை, தமிழகத்தின் பள்ளிக்கல்வித் துறை அமைச்சர் செங்கோட்டையன், வனத்துறை அமைச்சர் திண்டுக்கல் சீனிவாசன், சுகாதாரத் துறை அமைச்சர் காமராஜ், கூட்டுறவுத் துறை அமைச்சர் செல்லுார் கே.ராஜு ஆகியோர், சமீபத்தில், சந்தித்து ஆலோசனை நடத்தினர்.

'வழக்கில் தண்டனை பெற்று, சிறையில் அடைக்கப்பட்டுள்ள சசிகலாவை நான்கு அமைச்சர்கள் சந்தித்து பேசியது, சட்டப்படி தவறு' என, பலரும் கருத்து தெரிவித்து இருந்தனர்.இந்நிலையில், சென்னையைச் சேர்ந்த, சமூக ஆர்வலர், 'டிராபிக்' ராமசாமி சார்பில், கர்நாடக ஐகோர்ட்டில், பொதுநல மனு ஒன்றை, அவரது வழக்கறிஞர்கள் அரவிந்தன், சாஜி ஆகியோர் தாக்கல் செய்தனர்.

மனுவில் குறிப் பிட்டுள்ளதாவது:

● சிறையில் அடைக்கப்பட்டுள்ள சசிகலாவை, சட்டத்தை மீறி சந்தித்த நான்கு அமைச்சர்களையும் பதவி நீக்கம் செய்ய வேண்டும்

● தமிழகம் உட்பட, எந்த மாநிலத்திலிருந்தும் அவரை சந்திக்க தடை விதிக்க வேண்டும்

● பரப்பன அக்ரஹாரா சிறையிலிருந்து, துமகூரு மகளிர் மத்திய சிறைக்கு அவரை மாற்ற வேண்டும்.

இவ்வாறு அதில் கூறப்பட்டுள்ளது.

இம்மனு மீதான விசாரணை, 9ம் தேதி, கர்நாடக தலைமை நீதிபதி முன்னிலையில் வரலாம் என, எதிர்ப்பார்க்கப்படுகிறது.

English Summary:

'Parappana akrahara jailed Sasikala, Thumakuru want to change federal prison for women; I saw him to be sacked four ministers, "the Karnataka High Court, 'Traffic' Ramasamy is following suit. akrahara jailed Sasikala, tumakuru want to change federal prison for women; I saw him to be sacked four ministers, "the Karnataka High Court, 'Traffic' Ramasamy is following suit.

Read More

ஓபிஎஸ் ஆதரவு எம்எல்ஏ.,வுக்கு எதிர்ப்பு : சசி ஆதரவாளர்கள் கைது

அலங்காநல்லூர் : ஓபிஎஸ் ஆதரவு எம்எல்ஏ.,வான மாணிக்கத்தை தொகுதிக்குள் வர விடாமல் தடுத்த, சசிகலாவின் ஆதரவாளர்கள் நூற்றுக் கணக்கானோரை போலீசார் கைது செய்துள்ளனர்.

எம்எல்ஏ.,வுக்கு எதிர்ப்பு :

சோழவந்தான் தொகுதி எம்எல்ஏ.,வாக இருப்பவர் மாணிக்கம். இவர் முன்னாள் முதல்வர் ஓ.பன்னீர்செல்வத்தின் ஆதரவாளராக இருந்து வருகிறார். இவர் இன்று அலங்காநல்லூர் ஒன்றிய யூனியன் அலுவலகத்திற்கு வருவதாக இருந்தது. இந்த தகவல் அறிந்த சசிகலாவின் ஆதரவாளர்கள் சிலர், எம்எல்ஏ., மாணிக்கத்திற்கு எதிர்ப்பு தெரிவித்து கறுப்புக்கொடி காட்டுவதற்காக சாலையில் அமர்ந்து மறியலில் ஈடுபட்டனர். இதனால் அங்கு பதற்றம் ஏற்பட்டது.
எம்எல்ஏ., வருகைக்கு எதிர்ப்பு தெரிவித்த அலங்காநல்லூர் ஒன்றிய யூனியன் செயலாளர் ரவிச்சந்திரன் உள்ளிட்ட 50 க்கும் மேற்பட்ட ஆண்கள், 50 க்கும் மேற்பட்ட பெண்கள் என நூற்றுக் கணக்கானோரை போலீசார் கைது செய்தனர்.

Read More

சசிகலாவுக்கு எதிராக போலீஸ் கான்ஸ்டபிள்; முதல்வரிடம் தினகரன் கொந்தளிப்பும்; நடவடிக்கையும்

ஒரு சாதாரண கான்ஸ்டபிள், அவர், தொடர்ந்து சசிகலாவுக்கு எதிராக கருத்துச் சொல்லி, போராடிக் கொண்டிருக்கிறார். லேட்டஸ்ட்டாக, பன்னீர்செல்வம் தரப்பினர் கூறி வருவது போல, ஜெயலலிதாவின் மரணத்தில் மர்மம் இருக்கிறது; அதை தீவிரமாக விசாரிக்க வேண்டும் என்றும் கூறி வருகிறார். இதனால், சசிகலாவுக்கு பொதுமக்கள் மத்தியில் எவ்வளவு கெட்டப் பெயர் தெரியுமா? இவரைக் கூட ஒன்றும் செய்ய முடியாமல், நாம் என்ன ஆட்சி-அதிகாரத்தில் இருக்கிறோம் என, அ.தி.மு.க., துணைப் பொதுச் செயலர், தினகரன், தேனி மாவட்டம், ஓடைப்பட்டி காவல் நிலையத்தில் பணிபுரிந்து வந்த கான்ஸ்டபிள் வேல்முருகனுக்கு எதிராக கொந்தளிக்க, அவரை பணி நீக்கம் செய்து உத்தரவிட்டிருக்கிறது, தமிழக காவல்துறை.

தேனி மாவட்டத்தைச் சேர்ந்த காவலர் வேல்முருகன், முன்னாள் முதல்வர் ஜெயலலிதாவின் தீவிர பற்றாளர். 2014ல், ஜெயலலிதா, குற்ற வழக்கில் தண்டிக்கப்பட்டபோது, அதற்கு எதிர்ப்பு தெரிவித்து, சீருடையிலேயே மொட்டை அடித்துக் கொண்டார். அப்போதே, ஒரு கிரிமினலுக்காக காவலர் ஒருவர் மொட்டை அடித்துக் கொண்டு, அதை வெளிப்படையாக தெரிவிக்கலாமா என பலரும் கேள்வி எழுப்பினர். உயர் அதிகாரிகள், இது தொடர்பாக விசாரணை மட்டும் மேற்கொண்டு விட்டு, அமைதியாகி விட்டனர்.

இந்நிலையில் கடந்த டிச., 5ல், ஜெயலலிதா இறந்து விட, அதுமுதல், சசிகலாவை கடுமையாக விமர்சிப்பதிலும், திட்டி பேசுவதிலும், அதீத ஆர்வம் காட்டினார் வேல்முருகன். தேனி, நேரு சிலை அருகில் சில நாட்களுக்கு முன் வந்த வேல்முருகன், சசிகலாதான், ஜெயலலிதா மர்மமான முறையில் இறந்து போனதற்கு காரணம் என பேசினார். இதையடுத்து, உயர் அதிகாரிகள் அவரை, ஓடைப்பட்டியில் இருந்து, தேனி ஆயுதப் படை பிரிவுக்கு டிரான்ஸ்பர் செய்தனர். அதன் பின்பும், வேல்முருகன் அமைதியாகவில்லை. மீண்டும் மீண்டும் சசிகலாவை கடுமையாக விமர்சிக்க, உயரதிகாரிகள், அவரை எச்சரித்தனர். இதற்கிடையில், அவரை சஸ்பெண்ட் செய்தனர்.

அதன் பின்னும், வேல்முருகன், தனது செயல்பாட்டை நிறுத்திக் கொள்ளவில்லை. ஒரு கட்டத்தில், தனக்கு நியாயம் கேட்டும்; ஜெயலலிதாவின் மரணத்துக்கு நீதி விசாரணை அமைக்கக் கேட்டும், பென்னிகுக் சிலை முன்பாக, சீருடையிலேயே உண்ணாவிரதப் போராட்டத்தில் ஈடுபட்டார். அதைத் தொடர்ந்து, அவரை போலீசார் வலுக்கட்டயமாக கைது செய்தனர்; பின், விடுவித்தனர்.
இதனால், வேல்முருகன் மீது கடும் அதிருப்தி அடைந்த, அ.தி.மு.க., துணை பொதுச் செயலர் தினகரன், போலீஸ் டி.ஜி.பி.,யிடம், வேல்முருகன் மீது புகார் சொல்லி, நடவடிக்கைக்குக் கோரினார். பின், முதல்வர் எடப்பாடி பழனிச்சாமியிடமும் கொந்தளிக்க, வேல்முருகனை போலீசார் நீக்கி அறிவித்துள்ளனர்.
பணி நீக்க உத்தரவு, வேல்முருகன் இல்ல வாசலில், போலீசாரால் ஒட்டப்பட்டுள்ளதாக தெரிகிறது.

Read More

தினகரன் டில்லி சிறப்பு பிரதிநிதியா? கொந்தளிக்கும் அ.தி.மு.க., தலைகள்

சென்னை: சசிகலா ஜெயிலுக்குப் போனதால், அ.தி.மு.க.,வை நிர்வகிக்கும் பொறுப்பை, அவரது அக்கா மகன் தினகரன் வசம் ஒப்படைத்தார். கட்சியில் இருந்து ஜெயலலிதா அவரை நீக்கியிருந்த நிலையில், அவரை உடனடியாக கட்சியில் சேர்த்து, அவருக்கு, துணைப் பொதுச் செயலர் பதவியையும் வழங்கினார்.

இதையடுத்து, முதல்வர் பழனிச்சாமி முதல் கொண்டு, எல்லோரையும் நிர்வகித்து, கட்சியை நடத்தி வருகிறார் தினகரன். சசிகலா, நியமன பொதுச் செயலரானதற்கு எதிர்ப்பு தெரிவித்து, பன்னீர்செல்வம் தரப்பினர் தேர்தல் கமிஷனில் கொடுத்த புகாருக்கு, தேர்தல் கமிஷன், சசிகலாவிடம் விளக்கம் கேட்டது. சசிகலாவின் விளக்கத்தை, தேர்தல் கமிஷனுக்கு எடுத்துச் சென்று கொடுத்தது, தினகரன் தான்.

போயஸ் கார்டனில் இருந்தபடி ‛நாட்டாண்மை':போயஸ் தோட்டத்திலேயே தங்கியிருந்து, இப்படி கட்சி வேலைகளை பார்த்து வரும் தினகரனுக்கு, அமைச்சர் அந்தஸ்து அளிக்க சசிகலா ஆசைப்படுகிறார். அதற்காக, அவரை, டில்லியில் தமிழக அரசின் சிறப்புப் பிரதிநிதியாக நியமிக்க திட்டமிட்டுள்ளார். அதற்கான அறிவிப்பை விரைவில் வெளியிட ஏற்பாடுகள் நடக்கின்றன.

இது தொடர்பாக, கட்சியின் மூத்த தலைவர் ஒருவர் கூறியதாவது:கட்சியில் இருந்து, ஜெயலலிதாவால், நிரந்தரமாக நீக்கப்பட்ட தினகரனை, ஒரே நாளில் கட்சியில் சேர்த்து, துணைப் பொதுச் செயலர் பதவியையும், சசிகலா வழங்கியதை ஏற்காத கட்சியின் மூத்த தலைவர்கள் பலரும், பன்னீர்செல்வம் அணிக்கு சென்றுள்ளனர்.
இந்நிலையில், அவருக்கு, கூடுதலாக தமிழக அரசின் டில்லி சிறப்பு பிரதிநிதி பதவியையும் வழங்க சசிகலா முன்வந்திருப்பது, ஏற்க முடியாதது. இந்தப் பதவியை, கட்சியில் நீண்ட காலமாக விசுவாசமாக இருப்பவர்களுக்கு மட்டும், ஜெயலலிதா வழங்கினார். அந்த வகையில் கடைசியாக ஜக்கையனுக்கு, அந்தப் பதவி வழங்கப்பட்டது.அவர், பதவி விலகியதும், அந்தப் பதவி காலியாக உள்ளது. டில்லியில், அந்த பதவிக்காக, சிறப்பான அலுவலகம் இருக்கிறது. சென்னை, தலைமைச் செயலகத்திலும், தனியாக அலுவலகம் இருக்கிறது. அலுவலக உதவியாளர், கார், பாதுகாப்பு என, ஒரு அமைச்சருக்குரிய எல்லா வசதிகளும், அந்த பதவிக்கு இருப்பதால், அதையும், தனது குடும்பத்தைச் சேர்ந்த தினகரனுக்கே வழங்க சசிகலா முடிவெடுத்திருப்பது, ஏற்கத்தக்கதல்ல.

கட்சியில் எத்தனையோ பேர், நீண்ட காலம் உழைத்து விசுவாசியாக இருந்து, சிறு அந்தஸ்தையும் அனுபவிக்காமல் தவித்து வருகின்றனர். அவர்களுக்கெல்லாம் அந்த வாய்ப்பை கொடுக்காமல், தினகரனுக்கு மட்டும், மேலும் மேலும் பொறுப்புகளை கொடுப்பது நியாயமல்ல.ஏற்கனவே திவாகரன் உள்பட சசிகலா குடும்பத்துக்குள்ளும், நிறைய பேர், பொறுப்பு இல்லாமல் தவித்து வருகின்றனர்.

இத்தனையையும் மீறி, சசிகலா, தினகரனை, டில்லி சிறப்பு பிரதிநிதியாக அறிவித்தால், கட்சியில் இருந்து ஒரு பெரும் படை, பன்னீர்செல்வம் பக்கம் செல்லும். இவ்வாறு, அவர் கூறினார்.

Read More

லாலு மாதிரி தான் சசிகலா: எம்.பி., விளக்கம்

சென்னை: ‛‛ தண்டனை பெற்றவர்கள், ஒரு கட்சியின் தலைவராகவோ, பொதுச்செயலாளராகவோ நீடிக்க தடை ஏதுமில்லை. பீகாரில், லாலு பிரசாத் யாதவ், ராஷ்ட்ரிய ஜனதா தள தலைவராக உள்ளார். அதுபோல், அ.தி.மு.க.,வின் பொதுச்செயலாளராக சசிகலா நீடிக்கிறார்,'' என, அ.தி.மு.,வின் ராஜ்யசபா எம்.பி., நவநீதகிருஷ்ணன் கூறியுள்ளார்.

என்ன தவறு உள்ளது:

சென்னையில், இன்று(மார்ச் 2) நவநீதகிருஷ்ணன் கூறியதாவது: மருத்துவமனையில் ஜெயலலிதா சிகிச்சை பெற்று வந்த போது, நேரில் சென்று பார்த்ததாக அமைச்சர்கள் செங்கோட்டையன், திண்டுக்கல் சீனிவாசன் எப்படி கூறலாம் என, ஓ.பி.எஸ்., அணியினர் கேட்கின்றனர். இதில் என்ன தவறு உள்ளது. அமைச்சர்களுக்கு பேச்சு சுதந்திரம் உள்ளது. ஜெ., மரணத்தில் ஓ.பன்னீர்செல்வம் அரசியல் ஆதாயம் தேட பார்க்கிறார். தண்டனை பெற்றவர்கள் ஒரு கட்சியின் தலைவராகவோ, பொதுச்செயலாளராகவோ இருக்க கூடாது என சட்டம் ஏதும் இல்லை. பீகாரில் ராஷ்ட்ரிய ஜனதா தள தலைவராக லாலு உள்ளார். அவர் தண்டனை பெற்றவர் தான். அது போலதான் அ.தி.மு.க.,வின் பொதுச் செயலாளராக சசிகலா நீடிக்கிறார். அவரது நியமனம் குறித்து தேர்தல் ஆணையத்திற்கு விளக்கம் கொடுக்கப்பட்டுள்ளது. இது ஒரு உட்கட்சி விவகாரம். இதில் தலையிட நீதிமன்றத்திற்கோ, தேர்தல் ஆணையத்திற்கோ எந்த அதிகாரமும் இல்லை. இவ்வாறு நவநீதகிருஷ்ணன் கூறினார்.

Read More

'சசி எனது வீட்டு வேலையாள்': ஜெயலலிதா சொன்ன ரகசியம்: தோல் உரிக்கிறார் 'நத்தம்'

திண்டுக்கல்: ''சசிகலா எனது வீட்டு வேலையாள்... ஆட்சிக்கு ஓ.பி.எஸ்., தான் என, ஜெயலலிதா எங்களிடம் கூறினார்,'' என, அ.தி.மு.க., மாஜி அமைச்சர் அமைச்சர் நத்தம் விஸ்வநாதன் பேசினார்.

பன்னீர்செல்வம் அணி சார்பில் திண்டுக்கல்லில் நடந்த ஊழியர் கூட்டத்தில் அவர் பேசியதாவது: ஆளுங்கட்சியின் மிரட்டலுக்கு பயப்படாத எம்.ஜி.ஆர்., ஜெயலலிதாவின் தொண்டர்கள் பன்னீர்செல்வம் பக்கம் உள்ளனர். 'கான்ட்ராக்ட்' கிடைக்கும், 'மில்'கள் நடத்தலாம் என, காரியம் சாதிக்க நினைப்போர், சசிகலா 'பினாமி'களிடம் உள்ளனர். எம்.எல்.ஏ., க்களை ஆடுகளைப் போல அடைத்து, தலா 3 கோடி ரூபாய், 3 கிலோ தங்கத்தை காட்டி விலை பேசி விட்டனர். அந்த எம்.எல்.ஏ.,க்கள் மக்களிடம் பதில் கூறித்தான் ஆக வேண்டும்.

சசிகலா கும்பலுக்கு கப்பம் கட்ட முடியாமல் அனைத்து எம்.எல்.ஏ.,க்களும் விரைவில் ஓ.பி.எஸ்., பக்கம் வருவர். ஜெ.,யின் சொத்துக்களையும், கட்சியையும் கைப்பற்ற, கடந்த சட்டசபை தேர்தலில் இருந்தே 'மாபியா கும்பல்' திட்டம் தீட்டியது. எம்.ஜி.ஆர்., கட்டிய அ.தி.மு.க., என்ற 'பூமாலை'க்கு, ஜெயலலிதா அழகு சேர்த்தார். அந்த 'பூ மாலை' இன்று குரங்குகள் கையில் சிக்கி சின்ன பின்னமாகி வருகிறது. சசிகலாவால் தான் ஜெ.,க்கு அவப்பெயர் வந்தது.

சசிகலாவை வீட்டை விட்டு வெளியேற்றிய ஜெயலலிதா எங்களிடம், ''அவர் எனது வீட்டு வேலையாள்... அவ்வளவுதான். ஆட்சிக்கு ஓ.பி.எஸ்., தான்,'' என்றார்.

மருத்துவமனையில் அவரை யாராவது பார்த்தால், அவர்களிடம் உண்மையை சொல்லி விடுவார் என்பதற்காகவே, யாரையும் சந்திக்க விடாமல் சசிகலா தடுத்தார்.அ.தி.மு.க., பொதுச் செயலரை தொண்டர்கள் தேர்ந்தெடுக்க வேண்டும். ஆனால், காலையில் மன்னிப்பு கடிதம் கொடுத்து, மாலையில் துணை பொது செயலர் ஆகியுள்ளார் தினகரன்; இவர்களின் தேர்வு செல்லாது. சசிகலா படத்துடன் அமைச்சர்கள் ஓட்டுக் கேட்டு சென்றால், அவர்களின் மனைவி கூட ஓட்டு போட மாட்டார்.

'ஜெ., மருத்துவமனையில் இருந்தபோது மூன்றுவித சுவீட் கொடுத்து பேசினார்' என, அமைச்சர் திண்டுக்கல் சீனிவாசன் பேசியுள்ளார். அவர், அரசியலில் காமெடி நடிகராக வலம் வருகிறார்; பல அமைச்சர்கள் 'மகா நடிகர்கள்'. அமைச்சர் சீனிவாசன் தேர்தலில் நின்றால், மாநகராட்சி கவுன்சிலராக கூட வரமுடியாது. இவ்வாறு அவர் பேசினார்.

14 தியேட்டர்கள் எப்படி?

முன்னாள் எம்.எல்.ஏ., குப்புசாமி பேசுகையில், ''மாபியா கும்பல் நாடு கடத்தப்பட வேண்டும். சென்னையில் சசிகலாவுக்கு 14 தியேட்டர்கள், தினகரனுக்கு சிங்கப்பூர், துபாயில் ஓட்டல்கள் எப்படி வந்தன? இந்த 'மாபியா கும்பல்' தொடர்ந்தால் தமிழகம் காணாமல் போகும்,'' என்றார்.

Read More

‛சசிகலாவை கடுமையாக விமர்சியுங்கள்'; ஸ்டாலின் உத்தரவு

'ஜெயலலிதாவை விமர்சிப்பதை தவிர்த்து, சசிகலாவை கடுமையாக விமர்சியுங்கள்' என, தி.மு.க., பேச்சாளர்களுக்கு, அக்கட்சியின் செயல் தலைவர் ஸ்டாலின் ஆலோசனை கூறியுள்ளார்.

இதுகுறித்து, தி.மு.க., வட்டாரம் கூறியதாவது:உச்ச நீதிமன்றத்தால் குற்றவாளி என அறிவிக்கப்பட்ட, ஜெயலலிதாவின் படத்தை, தலைமைச் செயலகத்திலிருந்து அகற்ற வேண்டும் என, ஸ்டாலின் வலியுறுத்தினார். இது, பொது மக்களிடத்தில் அதிருப்தியை ஏற்படுத்துவதாக, மாவட்ட செயலர்கள், ஸ்டாலினிடம் தெரிவித்தனர். அதையடுத்து, தன் நிலைப்பாட்டை மாற்றிக் கொண்ட ஸ்டாலின், நேற்று முன்தினம் நடந்த பேச்சாளர்கள் கூட்டத்தில், சசிகலாவை கடுமையாக விமர்சிக்கும்படி கூறினார்.

'ஜெயலலிதாவை விமர்சிப்பதை தவிர்த்து, குற்றவாளி சசிகலாவையும், அவரது குடும்பத்தினரையும் பற்றி, காட்டமாக விமர்சனம் செய்யுங்கள். தி.மு.க., மேடைகளில், சசிகலா எதிர்ப்பு குரல் ஓங்கி ஒலிக்க வேண்டும்' என, பேச்சாளர்களிடம் ஸ்டாலின் தெரிவித்துள்ளார். இவ்வாறு கட்சி வட்டாரம் கூறியது.

Read More

அரசுப் பணியை ‛அப்படியே' போட்டுவிட்டு சசியை சந்தித்த அமைச்சர்கள்

பெங்களூரு: சிறையில் இருக்கும் சசிகலாவை தமிழக அமைச்சர்கள் இன்று சந்தித்து பேசினர். சென்னையில் ஏராளமான அரசுப் பணிகள் இருக்கும்போது, அவற்றை விட்டுவிட்டு, அரசு பொறுப்பில் இல்லாத சசிகலாவை அமைச்சர்கள் சந்தித்தது விமர்சனத்தை ஏற்படுத்தியிருக்கிறது.சொத்துக்குவிப்பு வழக்கில் பரப்பன அக்ரஹார சிறையில் சசி அடைக்கப்பட்டுள்ளார். இவரை சமீபத்தில் தினகரன் சந்தித்து வந்தார். இந்நிலையில் அமைச்சர்கள் செங்கோட்டையன், திண்டுக்கல் சீனிவாசன், செல்லூர் ராஜூ, காமராஜ் உள்ளிட்டோர் பெங்களூரு சென்றனர். அனுமதி பெற்று அமைச்சர்கள் சசியை சந்தித்து பேசினர். பொது செயலர் பதவிக்கு ஆபத்து வந்தால் ., அமைச்சர்கள் சசிகலாவுக்கு ஆப்பிள், திராட்சை, ஆரஞ்சு மற்றும் பாதாம், முந்திரி , பருப்புகள் வாங்கி சென்று கொடுத்தனர். அமைச்சர்கள் மதியம் 1.23 க்கு சிறைக்குள் சென்றனர். தொடர்ந்து 2.36க்கு வெளியே வந்தனர். பொது செயலர் பதவி செல்லாது என ஓ.பி.எஸ்., தரப்பில் தேர்தல் கமிஷனிடம் தாக்கல் செய்த மனுவில் சசிக்கு எதிராக தீர்ப்பு வந்தால் அடுத்து என்ன நடவடிக்கை எடுக்கலாம் என ஆலோசிக்கப்பட்டது. பொது செயலராக யாரை நியமிப்பது என்பதும் குறித்தும் விவாதிக்கப்பட்டது.

சிறை மாற்றும் முயற்சி : 90

சில நாட்கள் கழித்தே சிறை மாற்றம் குறித்து எந்த முயற்சியும் மேற்கொள்ளப்படும். அப்போது தமிழகத்திற்கு மாற்றுவது தொடர்பாக நடவடிக்கை எடுக்கலாம் எனவும் சசியிடம் அமைச்சர்கள் எடுத்துக்கூறியதாகவும் தெரிகிறது.

Read More

தீபக் போர்க்கொடி: சசிகலா அதிர்ச்சி

சென்னை: சசிகலாவுக்கு எதிராக, மறைந்த முதல்வர் ஜெயலலிதாவின் அண்ணன் மகன் தீபக் போர்கொடி தூக்கியுள்ளதாக தகவல் வெளியாகி உள்ளது. இதனால், பெங்களூரு சிறையில் உள்ள சசிகலா அதிர்ச்சி அடைந்துள்ளதாகவும் கூறப்படுகிறது.

ஒரு ஆங்கில சேனலில் வெளிவந்த தகவல்: 

சசிகலா வாரிசு அரசியலில் ஈடுபட்டுள்ளது ஜெ., அண்ணன் மகன் தீபக்கிற்கு அதிர்ச்சியை ஏற்படுத்தி உள்ளது. அ.தி.மு.க.,வின் துணை பொதுச் செயலாளராக தினகரன் நியமனம் செய்யப்பட்டது எப்படி என அவர் கேள்வி எழுப்பி உள்ளார். மேலும் இது தொடர்பாக அவர் கூறியிருப்பதாவது:

சென்னை, போயஸ் கார்டன் பகுதியில் உள்ள வேதா இல்லம் தனக்கும் தனது சகோதரி தீபாவிற்கும் சொந்தமானது. முன்னாள் முதல்வர் ஓ.பன்னீர்செல்வம் மிகவும் நல்லவர்; முதல்வராக அவர் சிறப்பாக செயல்பட்டார் . துணை பொதுசெயலாளராக தினகரன் நியமிக்கப்பட்டதை ஏற்க முடியாது. ஆனால் சசிகலாவுக்கு எனது ஆதரவு உண்டு இவ்வாறு அவர் கூறியுள்ளார்.

Read More

து.பொ.செ., ஆனார் தினகரன்

சென்னை: மறைந்த முதல்வர் ஜெயலலிதாவால் கட்சியில் இருந்து நீக்கப்பட்ட சசிகலாவின் அக்கா மகன் தினகரன் அ.தி.மு.க., துணை பொதுச் செயலாளராக, இன்று பொறுப்பேற்றுக் கொண்டார்.ஜெயலலிதாவால் கட்சி பொறுப்பில் நியமிக்கப்பட்டவர் தினகரன். ஆனால், ஒரு கட்டத்தில் ஓரம் கட்டப்பட்டார். 2011ம் ஆண்டு இறுதியில், சசிகலா, தினகரன் உட்பட அவர்களின் குடும்பத்தை சேர்ந்த, 14 பேர் கட்சியில் இருந்து நீக்கப்பட்டனர். சில மாதங்களுக்கு பிறகு சசிகலா மட்டும் மன்னிப்பு கடிதம் கொடுத்த பிறகு கட்சிக்குள், போயஸ் தோட்ட வீட்டுக்குள்ளும் சேர்க்கப்பட்டார்.

அந்த கடிதத்தில், ‛ என் குடும்பத்தினருக்கும் எனக்கும் எந்த தொடர்பும் இல்லை' என, கூறியிருந்தார். ஆனால், ஜெயலலிதா மறைவுக்கு பிறகு நிலைமை தலைகீழாக மாறியது. கட்சியின் தற்காலிக பொதுச் செயலாளராக சசிகலாவே பொறுப்பேற்றுக் கொண்டார். முதல்வர் பதவியை அவர் கைப்பற்ற முயற்சித்த போது, சுப்ரீம் கோர்ட் தீர்ப்பால், சிறைக்கு செல்ல வேண்டியதாயிற்று. ஆனால், சிறைக்கு செல்லும் முன் தன் உறவினர்கள் தினகரன் மற்றும் டாக்டர் வெங்கடேசை கட்சியில் சேர்த்தார். அடுத்த நாளே, துணை பொதுச் செயலாளர் பொறுப்பில் தினகரன் நியமிக்கப்பட்டார்.

இன்று கட்சியின் தலைமை அலுவலகத்திற்கு வந்த அவர், துணை பொதுச் செயலாளராக பொறுப்பேற்றுக் கொண்டார்.

Read More

நடராஜன் மீதான வெளிநாட்டு கார் இறக்குமதி முறைகேடு வழக்கு: பிப்.27 ல் இறுதி விசாரணை

சென்னை: சசிகலா கணவர் நடராஜன் மீதான வெளிநாட்டு கார் இறக்குமதி முறைகேடு வழக்கின் இறுதி விசாரணை பிப்.,27 ல் துவங்குகிறது.நடராஜன், லண்டனில் இருந்து, ‛லெக்சஸ்' என்ற சொகுசு காரை, 1994ல் இறக்குமதி செய்தார். ஏற்கனவே பயன்படுத்தப்பட்ட பழைய கார் எனக்கூறி இறக்குமதி செய்ததில், வரி ஏய்ப்பு செய்யப்பட்டுள்ளதாக புகார் கூறப்பட்டது. சுங்கத்துறை அதிகாரிகள் விசாரணை நடத்தியதில், 1994ல் வெளியான புதிய ரக கார் தான் அது என, தெரிய வந்தது. வரி ஏய்ப்பு மூலம், 1.06 கோடி ரூபாய் இழப்பு ஏற்படுத்தியதாக, நடராஜன், அவரது உறவினர் வி.என்.பாஸ்கரன், காரை அனுப்பிய லண்டன் தொழில் அதிபர் பாலகிருஷ்ணன், அவரது மகன் யோகேஷ், இந்தியன் வங்கியின், சென்னை அபிராமபுரம் கிளை மேலாளர் சுசரிதா ஆகியோர் மீது வழக்கு பதிவு செய்யப்பட்டது.

இரண்டு ஆண்டு சிறை தண்டனை :

இந்த வழக்கை சி.பி.ஐ., விசாரித்தது. தொழில் அதிபர் பாலகிருஷ்ணன் தலைமறைவாகி விட்டார். அதனால், நடராஜன் உள்ளிட்ட நான்கு பேர் மீதும் சென்னை, எழும்பூரில் உள்ள பொருளாதார குற்ற வழக்குகளை விசாரிக்கும் நீதிமன்றத்தில் விசாரணை நடந்தது. நான்கு பேருக்கும், இரண்டு ஆண்டு சிறை தண்டனை விதித்து, 2010ல் உத்தரவு பிறப்பிக்கப்பட்டது. தண்டனையை நிறுத்தி, உயர்நீதிமன்றம் உத்தரவிட்டது. மேல்முறையீட்டு மனு மீதான விசாரணை நிலுவையில் உள்ளது.
இதற்கிடையே, கார் இறக்குமதி தொடர்பாக, அன்னிய செலாவணி ஒழுங்குமுறை சட்டத்தின் கீழ், மத்திய அமலாக்க துறையும் தனியாக வழக்கு பதிவு செய்தது. இந்த வழக்கு, எழும்பூர் நீதிமன்ற விசாரணையில் இருந்தது. இந்த வழக்கில் இருந்து விடுவிக்கும்படி, நடராஜன் உள்ளிட்ட, நான்கு பேரும் தாக்கல் செய்த மனுவை எழும்பூர் நீதிமன்றம் தள்ளுபடி செய்து, 2016 டிச.., 22ல் உத்தரவிட்டது. இந்த வழக்கின் இறுதி விசாரணை பிப்.27 ல் துவங்குகிறது என தற்போது அறிவிக்கப்பட்டுள்ளது.

Read More

நடுங்கும் முன்னாள் அமைச்சர்கள் சசிகலா எடுத்த சபதம் ஏற்படுத்தும் கிலி

சொத்துக் குவிப்பு வழக்கில் தண்டனை அடைந்து, பெங்களூரு பரப்பன அக்ரஹாரா சிறையில் அடைக்கப்பட்டிருக்கிறார், அ.தி.மு.க., பொதுச் செயலர் சசிகலா. அங்கு செல்வதற்கு முன், சென்னையில் இருந்து பெங்களூருக்கு காரில் புறப்பட்ட சசிகலா, சென்னை, மெரினா கடற்கரையில் உள்ள ஜெயலலிதா சமாதிக்குச் சென்று வணங்கினார். அப்போது, மூன்று முறை சமாதியில் குனிந்து குனிந்து கையால் ஓங்கி ஓங்கி அறைந்து, சபதம் எடுத்தார்.

அந்த காட்சிகளை அவருக்கு பின்னாலேயே நின்று பார்த்தவர்கள் முன்னாள் அமைச்சர்கள் கோகுல இந்திராவும், வளர்மதியும். சற்று தள்ளி நின்றவர், தலைமைக் கழக நிர்வாகியான மகாலிங்கம்.

இவர்கள் மூவருக்கு மட்டுமே, சசிகலா எடுத்த சபதங்கள் குறித்து முழுமையாக தெரியும் என்பதால், அவர்கள் எங்கு போனாலும், சசிகலா சபதம் குறித்தே கேட்கின்றனராம். அடிக்கடி செல்போனில் தொடர்பு கொள்ளும் பொது மக்களும், கட்சிக்காரர்களும், சசிகலா சபதம் குறித்து கேட்பதால், பல சமயங்களில் வளர்மதியும், கோகுல இந்திராவும் செல்போனை ஆப் செய்து விடுவதாகவும் கூறப்படுகிறது.

இவர்கள் தங்களுக்கு சபதம் குறித்து எதுவும் தெரியாது என்று சொல்லி வருவதால், அவர்கள் வாயிலிருந்து வார்த்தைகளை பெற நினைக்கும் பொதுமக்கள், இப்படித்தானே சசிகலா சபதம் எடுத்தார் என, சம்பந்தமில்லாமல் பலவற்றையும் கூறி, அவர்கள் வாயால், சபதங்களை அறிய முயல்கின்றனராம்.

விட்டால் போதும் என்று, அவர்கள் சொல்லும் தகவலுக்கு ஆமாம் என்று சொல்லி, அது மறுமுனையில் டேப் செய்யப்பட்டு, வாட்ஸ் ஆப்பில் வெளியானாலோ, கட்சித் தலைமையாக இருக்கும் டி.டி.வி.தினகரனுக்குச் சென்றாலோ, கட்சியில் தங்களுக்கு சிக்கல் ஏற்படலாம் என அஞ்சி நடுங்குகின்றனர். அதனால், தற்போது எந்த போன் வந்தாலும், அவர்கள் நடுங்குவதாகக் கூறப்படுகிறது.

Read More

வெறிச்சோடி கிடக்கும் பெங்களூரு பரப்பன அக்ரஹார சிறை வளாகம்

பெங்களூரு: சசிகலா அடைபட்டிருக்கும் பெங்களூரு பரப்பன அக்ரஹார சிறை வளாகம் அ.தி.மு.க., தொண்டர்கள், பொதுமக்கள் கூட்டமின்றி வெறிச்சோடி காணப்படுகிறது.

சசிக்கு சிறை:

கடந்த 21 ஆண்டு காலமாக நடந்த சொத்து குவிப்பு வழக்கில் பிப்ரவரி 14 ம் தேதி சுப்ரீம் கோர்ட் வழங்கிய தீர்ப்பில் முன்னாள் முதல்வர் ஜெயலலிதா அ.தி.மு.க., பொதுச் செயலாளர் சசிகலா, இளவரசி, சுதாகரன் உள்ளிட்டோருக்கு நானகு ஆண்டுகள் சிறை தண்டனை மற்றும் அபராதம் உறுதிசெய்யப்பட்டது. ஜெயலலிதா இறந்து விட்டதால் அவர் வழக்கிலிருந்து விடுவிக்கப்பட்டார். சுப்ரீம் கோட்டின் தீர்ப்பையடுத்து சசிகலா பெங்களூரு பரப்பன அக்ரஹார சிறையில் அடைக்கப்பட்டார்.

பாதுகாப்பு:

இதே வழக்கில் கடந்த 2014ல் ஜெயலலிதா, சசிகலா, இளவரசி, சுதாகரன் உள்ளிட்டோருக்கு பெங்களூரு சிறப்பு நீதிமன்றம் 4 பேருக்கும் சிறை தண்டனை மற்றும் அபராதம் விதித்து தீர்ப்பளித்தது. ஜெயலலிதா சிறையில் அடைக்கப்பட்டபோது சிறை வளாகமே மிகுந்த பரபரப்புக்குள்ளானது. சிறைவளாகம் முன்பு ஆயிரக்கணக்கில் தொண்டர்கள் திரண்டிருந்தனர். அப்போது நிலவிய பரபரப்பான சூழ்நிலையை சமாளிக்க கர்நாடகா அரசு நூற்றுக்கணக்கான போலீசாரை பாதுகாப்பு பணியில் அமர்த்தியது.

நாதி இல்லை:

ஜெயலலிதா சிறையில் இருந்த போது இருந்த நிலை மாறி, தற்போது சசிகலா சிறையில் வைக்கப்பட்ட பிறகு சிறைவளாகத்தில் விரல் விட்டு எண்ணக் கூடிய அளவிற்கு தான் மக்கள் உள்ளனர். அ.தி.மு.,க., வைச் சேர்ந்த தொண்டர்கள் யாரும் எட்டிப்பார்க்காத சூழ்நிலையில் பொதுமக்கள் யாரும் சசியை தேடி வரவில்லை.

கூடுதல் பாதுகாப்பு:

சசி சிறையில் அடைக்கப்பட்டதும், பொதுமக்கள் அதிக எண்ணிக்கையில் கூடுவார்கள் என்று எண்ணிய கர்நாடகா போலீசார் பாதுகாப்பை அதிகபடுத்தியிருந்தனர். ஆனால், தற்போது சிறை பக்கம் மக்கள் யாரும் வராமல் இருந்தாலும் போலீசார் பாதுகாப்பு மட்டும் தொடர்ந்த வண்ணம் உள்ளது. 

Read More

சொத்து குவிப்பு வழக்கு செலவு ரூ.12 கோடி: கர்நாடக அரசு கடிதம்

பெங்களூரு: சொத்துக்குவிப்பு வழக்கு நடத்தியதற்காக, கர்நாடக அரசுக்கு ரூ.12.04 கோடி வழங்க வேண்டும் என அம்மாநில அரசு தமிழக அரசுக்கு கடிதம் அனுப்பியுள்ளது.

சொத்து குவிப்பு வழக்கு:

மறைந்த முதல்வர் ஜெயலலிதா, சசிகலா, இளவரசி மற்றும் சுதாகரன் ஆகியோர் மீதான வருமானத்துக்கு அதிகமாக சொத்து சேர்க்கப்பட்ட வழக்கு சென்னை முதன்மை அமர்வு நீதிமன்றத்தில் நடந்து வந்தது. திமுக பொதுச்செயலாளர் அன்பழகன், இந்த வழக்கை வேறு மாநிலத்துக்கு மாற்ற சுப்ரீம் கோர்ட்டில் வழக்கு தொடர்ந்ததையடுத்து, இந்த வழக்கு கடந்த 2003-ம் ஆண்டு கர்நாடகாவுக்கு மாற்றப்பட்டது.

செலவு ரூ.12.04 கோடி:

இந்நிலையில் இந்த வழக்கு செலவு குறித்து தமிழக அரசுக்கு கர்நாடக அரசு கடிதம் அனுப்பியுள்ளது. அக்கடிதத்தில் குறிப்பிடப்பட்டுள்ளதாவது: சொத்துக்குவிப்பு வழக்கு நடத்தியதற்காக, கர்நாடக அரசுக்கு ரூ.12.04 கோடி வழங்க வேண்டும். இது கடந்த 2004-ம் ஆண்டு முதல் 2016 வரை செய்யப்பட்ட செலவு. இதில் நீதிமன்ற கட்டணம், நீதிபதி, வழக்கறிஞர்கள் ஊதியம், பாதுகாப்புக்காக எடுக்கப்பட்ட நடவடிக்கைகள் உள்ளிட்டவைகள் அடக்கம். இவ்வாறு அக்கடிதத்தில் தெரிவிக்கப்பட்டுள்ளது. 

Read More

சசிகலா மேல்முறையீடு செய்ய முடியாது: கட்ஜு

திருச்சி: ''சிறை தண்டனை பெற்ற சசிகலா, மேல்முறையீடு செய்ய முடியாது.'' என, உச்ச நீதிமன்ற முன்னாள் நீதிபதி, மார்கண்டேய கட்ஜு கூறினார்.

முடிவுகள் சரியே..

திருச்சி, என்.ஐ.டி.,யில் நடந்த ஒரு கருத்தரங்கில் பங்கேற்க வந்த கட்ஜு, விமான நிலையத்தில் நேற்று அளித்த பேட்டி: சிறை தண்டனை பெற்ற சசிகலா, மேல்முறையீடு செய்ய முடியாது. சீராய்வு மனு வேண்டுமானால் தாக்கல் செய்யலாம். ஆனால், பெரும்பாலான சீராய்வு மனுக்கள், தள்ளுபடி தான் செய்யப்பட்டுள்ளன. இடைப்பாடி பழனிசாமி ஆட்சி குறித்து, ஆறு மாதம் கழித்து தான், விமர்சனம் செய்ய முடியும். தமிழக அரசியல் விவகாரத்தில், கவர்னர் வித்யாசாகரின் முடிவுகள் அனைத்தும் சரியானதே.

ஏராளமான பிரச்னைகள்:

'உ.பி.,யில் ராமர் கோவில் கட்டப்படும்' என, பா.ஜ., தெரிவித்துள்ளது. நாட்டில் வேலையின்மை, வறுமை என ஏராளமான முக்கிய பிரச்னைகள் உள்ளன. ராமர் கோவில் கட்டுவதால் இந்த பிரச்னைகள் முடிந்து விடாது,இவ்வாறு அவர் கூறினார். 

Read More

அதிமுகவிலிருந்து சசிகலா, இடப்பாடியை நீக்கினார் மதுசூதனன்

சென்னை: அதிமுக அவை தலைவராக இருந்த மதுசூதனன், பன்னீர் செல்வத்திற்கு ஆதரவு அளித்தார். இதனால் மதுசூதனனை அதிமுகவிலிருந்து நீக்குவதாக அதிமுக பொது செயலர் சசிகலா அறிவித்திருந்தார். இதனால் யாருக்கு அதிகாரம் உள்ளது என்பதில் குழப்பம் நிலவி வருகிறது.

சசிகலா நீக்கம்:

இந்நிலையில், அதிமுகவின் பொது செயலாளர் மற்றும் அடிப்படை உறுப்பினர் பதவியிலிருந்து சசிகலாவை நீக்குவதாக மதுசூதனன் அறிவித்துள்ளார். கட்சிக்கு அவப்பெயர் ஏற்படுத்தி வருவதால் நீக்கப்படுகிறார். வெங்கடேஷ், தினகரன் ஆகியோரும் கட்சியிலிருந்து நீக்கபடுகின்றனர். ஜெயலலிதாவால் நீக்கப்பட்ட தினகரன், வெங்கடேஷ் ஆகியோர் எந்த அதிகாரமும் இல்லாமல் கட்சியில் சேர்க்கப்பட்டுள்ளனர். இவ்வாறு மதுசூதனன் தெரிவித்துள்ளார்.

சொத்து குவிப்பு வழக்கில் சசிகலா சிறைக்கு செல்லும் முன்னர் தினகரனை அதிமுக துணை பொது செயலர் பதவியில் அவசர அவசரமாக நியமித்தார்.

அமைச்சர்கள் நீக்கம்:

தொடர்ந்து அதிமுகவிலிருந்து முதல்வர் இடப்பாடி பழனிச்சாமி, தம்பிதுரை, நவநீதகிருஷ்ணன, தளவாய் சுந்தரம், வளர்மதி, ஆர்.பி., உதயகுமார். சி.விசண்முகம், தங்கமணி, திண்டுக்கல் சீனிவாசன், சி. விஜயபாஸ்கர், செல்லூர் ராஜூ ஆகியோரும் அதிமுகவிலிருந்து நீக்கப்படுவதாக மதுசூதனன் அறிவித்துள்ளார்.

இது குறித்து சசிதரப்பை சேர்ந்த வைகைசெல்வன், அதிகாரம் யாருக்கு உள்ளது என மதுசூதனன் தெரியாமல் உள்ளார். இவ்வாறு அவர் கூறியுள்ளார். 

Read More

சிறையில் சசிகலாவுக்கு முதல் வகுப்பு கிடைக்க வாய்ப்பு

பெங்களூரு: பெங்களூரு சிறையில் உள்ள சசிகலா, வருமான வரி கட்டுவதற்கான ஆவணங்களை காட்டினால், அவருக்கு முதல் வகுப்பு கிடைக்க வாய்ப்புள்ளது.

பெங்களூரு சிறையில்..

சொத்துக்குவிப்பு வழக்கில் 4 ஆண்டுகள் தண்டனை பெற்றிருக்கும் சசிகலா பெங்களூரு பரப்பன அக்ரஹார சிறையில் அடைக்கப்பட்டுள்ளார். சாதாரண அறையில் அடைக்கப்பட்டிருக்கும் அவர், வருமான வரி கட்டுவதற்கான ஆவணங்களை காட்டினால் முதல் வகுப்பு அறைக்கு மாற வாய்ப்பு உள்ளது.

வசதிகள்:

முதல் வகுப்பு அறையில் மின்விசிறி, படுக்கை, தனிக்கழிவறை வசதி உண்டு. தினமும் 2 செய்தித்தாள்கள் வழங்கப்படும். வாரத்துக்கு இரு முறை அசைவ உணவு உண்டு. காலை உணவாக சப்பாத்தியும், அரை லிட்டர் சாம்பார் மற்றும் கால் லிட்டர் தயிர் கிடைக்கும். மதிய உணவாக சாதம், சப்பாத்தி, ராகி கிடைக்கும். இதில் பிடித்தமான ஒன்றை அவர் தேர்வு செய்து சாப்பிட்டுக் கொள்ளலாம். இரவு உணவாக சப்பாத்தி வழங்கப்படும்.

English Summary:

Bangalore: Bangalore Sasikala in prison, to build an income tax documents show, he is likely to be available in first class.

Read More

'அ.தி.மு.க.,வுக்கு இனி அழிவு தான்!': கட்ஜூ

புதுடில்லி: 'சசிகலாவின் கைப்பாவையை முதல்வராக நியமிக்க, எப்போது, அ.தி.மு.க., முடிவு செய்ததோ, அப்போதே அக்கட்சியின் கதை முடிந்து விட்டது' என, உச்ச நீதிமன்ற முன்னாள் நீதிபதி மார்கண்டேய கட்ஜு கருத்து தெரிவித்துள்ளார்.

அ.தி.மு.க., அழியும்:

அவர் தன், 'பேஸ்புக்' பக்கத்தில் கூறியுள்ளதாவது: சசிகலாவின் கைப்பாவையை, சட்டசபை கட்சி தலைவராக தேர்ந்தெடுத்ததன் மூலம், அ.தி.மு.க., தன் மரணத்துக்கு குழி தோண்டி விட்டது. தமிழக சட்டசபைக்கு இப்போது தேர்தல் நடந்தால், சந்தேகமே இல்லாமல், தி.மு.க., தான் பெரும் வெற்றி பெறும். அ.தி.மு.க., மாபெரும் தோல்வியைத் தழுவி அழிந்தே போகும். இவ்வாறு அவர் கூறியுள்ளார்.

English summary:

NEW DELHI: 'Sasikala appoint the puppet Chief Minister, anytime, Digg, made the decision, then the party is over the story', as former Supreme Court Justice Katju commented firs.

Read More