மத்தியக்குழு இன்றும் - நாளையும் ஆய்வு செய்யும் இட விவரங்கள்

தமிழகத்தில் இந்த மாதம் ஏற்பட்ட புயல் சேத விவரங்களை ஆய்வு செய்வற்காக மத்திய குழு  நேற்று சென்னை வந்தது.

மத்தியக்குழு இன்று (28-12-2016) செல்லும் விவரங்கள்:

காலை 10.30 தாஜ் கிளப் ஹவுஸ் - முதல்வருடன் ஆலோசனை.
காலை 10.30-11.30 மாநில அதிகாரிகளுடன் ஆலோசனை.
காலை 11.30 தலைமைச்செயலகத்தில் இருந்து புறப்பட்டு கிரேட்டர் சென்னைக்கு செல்லுதல். அந்த குழு சென்னை பனகல் பூங்கா மற்றும்  அண்ணா வளைவு, திருமங்கலம் ஆகிய இடங்களில் ஆய்வு இந்த ஆய்வு காலை 11.30 முதல் 1 மணி வரை நடக்கிறது. பின்னர் மதியம் 1 மணி முதல் 1.30 வரை போட்டோ கண்காட்சி  மதியம் 1.30-2 மணி வரை மதிய உணவு.

மதியம் 2 மணிக்கு கிரேட்டர் சென்னை கார்ப்பரேஷனில் இருந்து புறப்பட்டு கிண்டிக்கு ஆய்வு குழு செல்கிறது. அங்கு மாலை 3 மணி முதல்  4மணிவரை மின் உள்கட்டமைப்பு சேதம் குறித்த விவரங்களை பார்த்தல்.மாலை 4 மணிக்கு கிண்டியில் இருந்து புறப்பட்டு வண்டலூர் பூங்கா செல்லுதல் அங்கு பூங்காவில் பாதிக்கப்பட்ட பகுதிகளை பார்வையிடுதல். அந்த குழு மாலை 4.45 மணி முதல் மாலை 5.15 வரை பார்வையிடுகிறது.

வண்டலூர் பூங்காவில் இருந்து புறப்பட்டு  பல்லாவரம் பகுதிக்கு ஆய்வு குழு பயணம். அங்கு  மாலை 5.45 மணிமுதல் மாலை 6.30 வரை போட்டோ கண்காட்சி பதிவு.மாலை 6.30 மணிக்கு பல்லாவரத்தில் இருந்து புறப்பட்டு தாஜ் கிளப் ஹவுசில் தங்குதல்.நாளை

(29-12-2016) மத்திய ஆய்வு பயண விவரம் : 

 காலை 9 மணிக்கு தாஜ் கிளப் ஹவுசில் புறப்பட்டு ராய புரம் செல்லுதல் , அங்கு  பாதிக்கப்பட்ட மீன் பிடி உள்கட்டமைப்பு பகுதிகளை பார்வையிடுதலி (காலை9.30- 10 வரை).ராயபுரத்தில் காலை 10 மணிக்கு புறப்பட்டு கல்லுக்கடை மேடு செல்லுதல் , அங்கு பாதிக்கப்பட்ட பகுதிகளை காலை 11.30 முதல் மதியம் 12 வரை பார்வையிடுதல்.

 மதியம் 12 மணிக்கு கல்லுக்கடை மேட்டு பகுதியில் இருந்து புறப்பட்டு வெள்ளோடை செல்லுதல். அங்கு மதியம் 12 முதல் 12.30 வரை பாதிக்கப்பட்ட கிராமங்களை பார்த்தல்.மதியம்   12.30மணிக்கு வெள்ளோடையில் இருந்து புறப்பட்டு சின்னம் பேட்டிற்கு செல்லுதல். அங்கு வாழை , மா, மற்றும் தோட்டக்கலைபயிர்கள் பாதிப்பை பார்வையிடுதல். மதியம் 12.45 முதல் மதியம் 1.15 வரை ஆய்வு குழு அங்கு ஆய்வு செய்கிறது.

மதியம் 1.15மணிக்கு சின்னம்பேடு பகுதியில் இருந்து புறப்பட்டு  சோழவரம் பி.டி.ஓ. அலுவலகம் செல்லுதல். அங்கு மதியம் 1.30 முதல் மதியம் 2 வரை மதிய உணவு.மதியம் 2 மணிமுதல் 2.15 வரை கண்காட்சியினை பார்வையிடுதல்.மதியம் 2.15 க்கு சோழவரம் பி.டி.ஓ அலுவலகத்தில் இருந்து புறப்பட்டு சோத்துபெரும் பேடு மற்றும் ஒரக்காடு செல்லுதல். அங்கு பாதிக்கப்பட்ட வேளாண் விளை நிலங்களை பார்வையிடுதல். குறிப்பாக நெற்பயிர்சேதத்தை ஆய்வு குழு பார்வையிடுகிறது. மதியம் 2.15 முதல் மதியம் 2.30 வரை ஆய்வு குழு அதனை பார்வையிடுகிறது.

மதியம் 2.30க்கு ஒரக்காடு பகுதியில் இருந்து புறப்பட்டு அருமனைக்கு செல்லுதல். அங்கு மதிய ம2.45 முதல் மாலை 3.330 வரை பாதிக்கப்பட்ட விவசாய நிலங்களை பார்வையிடுதல்.பின்னர் அருமனையில் இருந்து புறப்பட்டு சீமவரம், பெரிய முல்லைவாயல், வாழுகைமேடு, மடியூர் ஆகிய இடங்களுக்கு சென்று மாலை 3.45 முதல் 4.30 வரை பாதிக்கப்பட்ட விவசாய நிலங்களை பார்வையிடுதல்.மாலை 4.30க்கு சீம வரத்தில் இருந்து புறப்பட்டு தலைமைச்செயலகம் செல்லுதல். அங்கு மாலை 5.30 மணிமுதல் 6.30வரை தலைமைச்செயலாளருடன் ஆலோசனை நடத்துதல்.

மத்திய ஆய்வு குழு ஆய்வு செல்லும் இடங்கள் விவரம் குறித்து, தமிழக அரசின் முதன்மைச்செயலாளர் சத்யகோபால் நேற்று வெளியிட்ட செய்திக்குறிப்பில் தெரிவித்துள்ளார்.

English Summary:

The storm damage in the state this month, the Central Committee, probing the visting came to Chennai yesterday.

Read More

புயல் பாதிப்புகளை பார்வையிட மத்திய குழு இன்று வருகை

புதுடில்லி : வர்தா புயலால் ஏற்பட்ட பாதிப்புகளை பார்வையிட, மத்திய குழு, இன்று தமிழகம் வருகிறது.

'வர்தா' புயல்:

சென்னை, காஞ்சிபுரம், திருவள்ளூர் மாவட்டங்களில், டிச., 12ல், 'வர்தா' புயல், பெரும் பாதிப்பை ஏற்படுத்தியது. மரங்கள், மின் கம்பங்கள், மின் கோபுரங்கள் சரிந்து விழுந்தன. உடனே, தமிழக அரசு மீட்பு நடவடிக்கைகளை மேற்கொண்டது. மீட்பு பணிகளுக்கு, முதல்வர் பன்னீர்செல்வம், 500 கோடி ரூபாய் ஒதுக்கினார். டில்லி சென்று, பிரதமர் நரேந்திர மோடியை சந்தித்த, பன்னீர்செல்வம், 'புயலில், 22 ஆயிரத்து, 573 கோடி ரூபாய்க்கு பாதிப்பு ஏற்பட்டுள்ளது. பாதிப்பை மதிப்பீடு செய்ய, மத்திய குழுவை அனுப்ப வேண்டும். நிவாரண பணிக்கு, உடனே, 1,000 கோடி ரூபாய் ஒதுக்க வேண்டும்' என, கோரினார்.

மத்திய குழு :

அதைத் தொடர்ந்து, மத்திய அரசு, புயல் பாதிப்பை பார்வையிட, மத்திய குழுவை அனுப்புகிறது. மத்திய குழுவில், உள்துறை இணை செயலர் பிரவீன் வசிஸ்டா தலைமையில், ஒன்பது பேர் இடம் பெற்றுள்ளனர். இக்குழு, இன்று மாலை, சென்னை வருகிறது. நாளை காலை, தலைமை செயலகத்தில், முதல்வரை சந்தித்து பேசுகிறது. அதன்பின், சென்னை மாநகராட்சி அலுவலகம் சென்று, புயல் பாதிப்பு குறித்த புகைப்பட கண்காட்சியை பார்வையிடுகிறது.

ஆய்வு:

பாதிப்பு விபரங்களை, தமிழக அதிகாரிகள் விவரிப்பர். பின், அக்குழு, சென்னையில் புயலால் பாதிக்கப்பட்ட பகுதிகளை, நேரில் சென்று பார்வையிட உள்ளது. மாலை, காஞ்சிபுரம் மாவட்டத்தில், வண்டலுார் உயிரியல் பூங்கா, களவேந்தபட்டு கிராமத்தில், சாயந்து கிடக்கும் மின் கோபுரங்கள் ஆகியவற்றை பார்வையிடுகிறது. நாளை மறுநாள், திருவள்ளூர் மாவட்டத்தில் ஆய்வை முடித்து, இக்குழு, 30ம் தேதி, டில்லி புறப்பட்டு செல்கிறது. இந்த தகவலை, தமிழக வருவாய் துறை நிர்வாக கமிஷனர், சத்யகோபால் தெரிவித்தார்.

English summary:

NEW DELHI : varta view the damage caused by the storm, the Central Committee, is the state today.

Read More

மேலடுக்கு சுழற்சி வலுப்பெற்றது : ஒரு சில இடங்களில் கனமழை

சென்னை: மத்திய மேற்கு வங்கக் கடலில் நிலை கொண்டுள்ள மேலடுக்கு சுழற்சி வலுவடைந்துள்ளதால் தமிழகத்தில் இன்று ஒருசில இடங்களில் கனமழை பெய்யும் என்று சென்னை வானிலை ஆய்வு மையம் தெரிவித்துள்ளது. மத்திய வங்கக் கடலில் அந்தமானை ஒட்டிய மத்திய கடல்பகுதியில் நிலை கொண்டு  இருந்த காற்று சுழற்சி மேற்கு நோக்கி நகர்ந்து வருகிறது. இது மேலும் வலுப்பெற்று தமிழக கடலோரப் பகுதியை நெருங்கும் என்று எதிர்பார்க்கப்படுகிறது.

 இதையடுத்து, இன்று தமிழகத்தில் கடலோரப் பகுதியில் ஒரு சில இடங்களில் கனமழை பெய்யும். சில இடங்களில் லேசான மழை பெய்யும். இந்நிலையில் கடல் காற்றில் அதிக அளவு ஈரப்பதம் உள்ளதால் மலைகள்சூழ்ந்த பகுதிகளில் கடும் குளிர் காற்று வீசும். உறை பனியும் ஏற்படும். தமிழகத்தின் உள் மாவட்டங்களில் அதிகாலை நேரங்களில் மூடுபனி காணப்படும். இரவில் கடுமையாக குளிர் காற்று வீசும்.

English Summary:

Chennai: varta the impact of the storm coming in person to inspect the state of the team is the 27th state. 

Read More

28,000 ஹெக்டேர் பயிர்கள் சேதம்

சென்னை: ‛வர்தா' புயல் வீசியதால், மூன்று மாவட்டங்களில், 28 ஆயிரம் ஹெக்டேர் பயிர்கள் சேதம் அடைந்துள்ளன. சென்னை, எழிலகத்தில் இன்று வருவாய் துறை அமைச்சர் உதயகுமார் கூறியதாவது:

‛வர்தா' புயல் வீசிய போது, மூன்று மாவட்டங்களில், 24 பேர் உயிர் இழந்தனர். பாதிக்கப்பட்ட மக்களுக்காக, 300 நிவாரண முகாம்கள் அமைக்கப்பட்டன. அதில், 104 முகாம்களில் மக்கள் தங்க வைக்கப்பட்டு, தேவையான உதவிகள் செய்யப்பட்டன. புயலினால், 28 ஆயிரம் ஹெக்டேர் பயிர்கள் சேதம் அடைந்துள்ளன. 5,500 ஹெக்டேர் தோட்ட பயிர்கள் சேதம் அடைந்துள்ளன. 529 மாடுகள், 299 ஆடுகள், 33 ஆயிரம் கோழிகள் இறந்துள்ளன. 70 ஆயிரம் குடிசைகள் சேதம் அடைந்துள்ளன. பாதிக்கப்பட்ட மக்களுக்கு பேரிடர் நிவாரண நிதியில் இருந்து உதவிகள் வழங்க ஏற்பாடுகள் செய்யப்பட்டுள்ளன.

English Summary:

Chennai: "varta" storm, the three districts, 28 thousand hectares of crops suffered damage. Chennai, Uthayakumar today the revenue minister, said:

Read More

வர்தா புயலால் பாதிக்கப்பட்ட மாவட்டங்களில் குடிநீர் -மின்விநியோகம் வழங்க நடவடிக்கை - நிவாரணப் பணிகளை அமைச்சர்கள் நேரில் ஆய்வு

சென்னை : வர்தா புயல் பாதிக்கப்பட்ட சென்னை, திருவள்ளூர், காஞ்சிபுரம் மாவட்டங்களில், தங்குதடையின்றி குடிநீர் மற்றும் மின்விநியோகம் வழங்கும் வகையில், அமைச்சர்கள் முன்னிலையில் சீரமைப்பு மற்றும் நிவாரணப் பணிகள் மேற்கொள்ளப்பட்டுள்ளதால், வேகமாக இயல்பு நிலை திரும்பி வருகிறது.

சென்னையில் கடந்த 12-ம் தேதி வீசிய வர்தா புயலால், நகரின் பல்வேறு பகுதிகளில் மரங்களும், மின்கம்பங்களும் அடியோடு சாய்ந்தன. போக்குவரத்து பாதிக்கப்பட்டு, மின் விநியோகமும் முடங்கியது. இதையடுத்து மீட்புப் பணிகளை தமிழக அரசு துரிதகதியில் முடுக்கிவிட்டுள்ளது.

சாலையோரம் விழுந்துகிடந்த மரங்களை அகற்றும் பணிக்கு முக்கியத்துவம் அளிக்கப்பட்டு, இடையூரற்ற போக்குவரத்துக்கு உறுதி செய்யப்பட்டது. மாநகராட்சி ஊழியர்களின் துரித செயல்பாட்டால், புயல் தாக்கிய மறுநாளே சென்னையில் போக்குவரத்து சீரடையத் தொடங்கியது. சென்னையில் அனைத்துப் பகுதிகளுக்கும் மின்விநியோகமும் உடனடியாக வழங்கப்பட்டது. பல்வேறு பகுதிகளில் சாலை ஓரங்களிலும், கழிவுநீர் கால்வாய் பகுதிகளிலும் மரக்கழிவுகள் அகற்றப்பட்டு தொற்றுநோய்கள் பரவாத வண்ணம் பிளீச்சிங் பவுடர்கள் தெளிக்கப்பட்டன.

அமைச்சர்கள்  ஆலோசனை கூட்டம் :

திருவள்ளூர் மாவட்டத்தில் சீரமைப்பு பணிகளை விரைந்து மேற்கொள்வது தொடர்பாக அனைத்துத்துறை அதிகாரிகள் பங்கேற்ற ஆலோசனைக்கூட்டம், பொன்னேரி சார் ஆட்சியர் அலுவலகத்தில் நடைபெற்றது. இதில் அமைச்சர்கள்  பி.தங்கமணி, எஸ்.பி .வேலுமணி, கே.பி. அன்பழகன், ஆர். காமராஜ், டாக்டர் சி.விஜயபாஸ்கர்,. பா.பெஞ்ஜமின், . க. பாண்டியராஜன், .வெல்லமண்டி என். நடராஜன், உள்ளிட்டோர் கலந்துகொண்டனர். திருவள்ளூர் மாவட்டத்தில் போர்க்கால அடிப்படையில் சீரமைப்பு பணிகள் நடைபெற்று வருவதாக, கூட்டத்திற்குப் பின்னர் பேட்டியளித்த அமைச்சர்கள் தெரிவித்தனர்.

திருவள்ளூர் மாவட்டம் கும்மிடிப்பூண்டி சட்டமன்றத் தொகுதிக்கு உட்பட்ட பெதிபாளையம் மீனவக் கிராமத்தில், வர்தா புயலால் பாதிக்கப்பட்ட மக்களுக்கு வேட்டி, சேலை, அரிசி, பால் பவுடர், தண்ணீர் பாட்டில்கள் உள்ளிட்டவற்றை அமைச்சர்கள் . எஸ்.பி. வேலுமணி, . பா.பெஞ்ஜமின், ஆகியோர் வழங்கினர். அங்கு அமைக்கப்பட்ட மருத்துவ முகாமையும் அமைச்சர்கள் பார்வையிட்டனர். மேலும், சேதமடைந்த படகுகள், கட்டுமரங்களையும் பார்வையிட்டு, பொதுமக்களுக்கு ஆறுதல் கூறினர்.

மீனவர்களுக்கு ஆறுதல்:

வர்தா புயலால் பாதிக்கப்பட்ட திருவொற்றியூர் குப்பம், எண்ணூர் குப்பம், எர்ணாவூர் குப்பம், காசிகோவில் குப்பம் உள்ளிட்ட 18 மீனவக் குப்பங்களைச் சேர்ந்த மீனவர்களை அமைச்சர்  டி.ஜெயக்குமார் சந்தித்து ஆறுதல் கூறினார். மேலும், புயலால் சேதமடைந்த விசைப்படகுகள், ஃபைபர் படகுகள், கட்டுமரங்கள் ஆகியவற்றை கணக்கிட்டு, நிவாரண உதவிகளை விரைந்து வழங்குவதற்கு தேவையான ஆலோசனைகளையும் அமைச்சர் வழங்கினார். இதில், மீன்வளத்துறை அதிகாரிகள் கலந்துகொண்டனர்.

வர்தா புயலால் பாதிக்கப்பட்ட பெரியபாளையம், மஞ்சங்கரணை, தண்டலம் உள்ளிட்ட கிராமங்களில் நெற்பயிர்கள், சேதமடைந்த வீடுகளை அமைச்சர் பா.பெஞ்ஜமின் நேரில் பார்வையிட்டு விவசாயிகளுக்கு ஆறுதல் கூறினார்.

பூந்தமல்லி சட்டமன்றத் தொகுதிக்கு உட்பட்ட ராமதண்டலம், வெள்ளியூர் பகுதிகளில் விவசாயப் பயிர்கள் மற்றும் சேதமடைந்த வீடுகளை, கழக நாடாளுமன்றக்குழு தலைவர் டாக்டர் பி.வேணுகோபால் எம்.பி., சட்டமன்ற உறுப்பினர்கள் மற்றும் மாவட்ட ஆட்சியர் பார்வையிட்டு, விவசாயிகளுக்கு ஆறுதல் கூறினர்.

விலையில்லா வேட்டி, சேலை :

வர்தா புயலால் பாதிக்கப்பட்ட தாம்பரம் மற்றும் அதனைச் சுற்றியுள்ள பகுதிகளைச் சேர்ந்த 50 பேருக்கு, தலா 5 ஆயிரம் ரூபாய் வீதம், 2 லட்சத்து 50 ஆயிரம் ரூபாய் நிவாரண உதவி, விலையில்லா வேட்டி, சேலை மற்றும் அரிசி உள்ளிட்டவற்றை அமைச்சர் டாக்டர் வி. சரோஜா வழங்கினார். இதனைத்தொடர்ந்து, திரிசூலம் பகுதியில் மேற்கொள்ளப்பட்டு வரும் மின் இணைப்புசீரமைப்பு பணிகளை அமைச்சர் பார்வையிட்டார்.

வர்தா புயலால் பாதிக்கப்பட்ட பரங்கிமலை பல்லாவரம் கண்டோன்மென்ட் பகுதிகளைச் சேர்ந்த 64 பழங்குடியின குடும்பங்களுக்கு, தலா 5 ஆயிரம் ரூபாய் வீதம், 2 லட்சத்து 30 ஆயிரம் ரூபாய் மதிப்பிலான நிதியுதவி, விலையில்லா வேட்டி, சேலை, அரிசி உள்ளிட்ட நிவாரண உதவிகளை அமைச்சர்  உடுமலை கே. ராதாகிருஷ்ணன் வழங்கினார்.

காஞ்சிபுரம் மாவட்டத்தில், வர்தா புயல் மற்றும் மழையினால் பாதிக்கப்பட்டவர்களுக்கு வழங்கப்படும் நிவாரண உதவிகள் தொடர்பாக, மாவட்ட ஆட்சியர் அலுவலகத்தில் அனைத்து துறை அலுவலர்களுடனான ஆய்வுக்கூட்டம் நடைபெற்றது.

English summary:

Varta affected by the storm, Chennai, Tiruvallur, Kancheepuram districts, in order to provide uninterrupted water and power, conditioning and relief works carried out in the presence of ministers, the faster it comes back to the normal level.

Read More

தமிழக அரசின் துரித நடவடிக்கையால் இயல்புநிலைக்கு திரும்பும் சென்னை, திருவள்ளூர், காஞ்சி மாவட்டங்கள்

சென்னை   - வர்தா புயலால் பாதிக்கப்பட்ட சென்னை, திருவள்ளூர், காஞ்சிபுரம் மாவட்டங்களில், தங்குதடையின்றி குடிநீர் மற்றும் மின்விநியோகம் வழங்கும் வகையில், போர்க்கால அடிப்படையில் சீரமைப்பு மற்றும் நிவாரணப் பணிகள் மேற்கொள்ளப்பட்டுள்ளன. இப்பணிகளை, அமைச்சர்கள் நேரில் ஆய்வு செய்து மென்மேலும் துரிதப்படுத்தி வருகின்றனர். இதனால், புயலினால் பாதிக்கப்பட்ட பகுதிகளில் வேகமாக இயல்பு நிலை திரும்பி வருகிறது.

புயல்தாக்கியது :

சென்னையை கடந்த 12-ம் தேதியன்று வர்தா புயல் கடுமையாக தாக்கியது. சுமார் 190 கிலோ மீட்டர் வேகத்தில் வீசிய பலத்த காற்று காரணமாக, நகரின் பல்வேறு பகுதிகளில் மரங்களும், மின்கம்பங்களும் அடியோடு சாய்ந்தன. இதனால், போக்குவரத்து பாதிக்கப்பட்டு, மின் விநியோகமும் முடங்கியது. இதையடுத்து மீட்புப் பணிகளை தமிழக அரசு துரிதகதியில் முடுக்கிவிட்டுள்ளது.

மரங்களை அகற்றும் பணிகள் :

சாலையோரம் விழுந்துகிடந்த மரங்களை அகற்றும் பணிக்கு முக்கியத்துவம் அளிக்கப்பட்டு, இடையூரற்ற போக்குவரத்துக்கு உறுதி செய்யப்பட்டது. மாநகராட்சி ஊழியர்களின் துரித செயல்பாட்டால், புயல் தாக்கிய மறுநாளே சென்னையில் போக்குவரத்து சீரடையத் தொடங்கியது. சென்னையில் அனைத்துப் பகுதிகளுக்கும் மின்விநியோகமும் உடனடியாக வழங்கப்பட்டது. பல்வேறு பகுதிகளில் இரவு  பகலாக சாலை ஓரங்களிலும், கழிவுநீர் கால்வாய் பகுதிகளிலும் மரக்கழிவுகள் அகற்றப்பட்டு தொற்றுநோய்கள் பரவாத வண்ணம் பிளீச்சிங் பவுடர்கள் தெளிக்கப்பட்டு வருகின்றன.

மின் சீரமைப்பு பணிகள் :

வர்தா புயலால் பாதிக்கப்பட்ட திருவள்ளூர் மாவட்டத்தில், மின்வாரிய அலுவலர்களைக் கொண்டு மாவட்டம் முழுவதும் மின் சீரமைப்புப் பணிகள் மேற்கொள்ளப்பட்டுள்ளன. இதற்காக, கரூர், சேலம், நாமக்கல் உள்ளிட்ட மாவட்டங்களில் இருந்து சுமார் 4 ஆயிரம் மின்வாரியப் பணியாளர்கள் வரவழைக்கப்பட்டுள்ளனர். 144 ஜெ.சி.பி. இயந்திரங்கள் உள்ளிட்டவற்றைக் கொண்டு மின்சார மறுசீரமைப்புப் பணிகள் விரைவாக நடைபெற்று வருகின்றன. இதனால், ஆவடி, திருவள்ளூர், திருத்தணி உள்ளிட்ட நகராட்சிகளில் 90 சதவீதம் மின்விநியோகம் வழங்கப்பட்டுள்ளது.

கங்கு தடையின்றி குடிநீர் :

மேலும், நூற்றுக்கணக்கான ஜெனரேட்டர்கள் மற்றும் டேங்கர் லாரிகளைக் கொண்டு தங்குதடையின்றி குடிநீர் வழங்கப்பட்டு வருகிறது. மாவட்டத்தின் அனைத்துப் பகுதிகளிலும் கொசுமருந்து அடிக்கப்பட்டு வருவதுடன், நிலவேம்பு குடிநீரும் வழங்கப்பட்டு வருகிறது. வர்தா புயலினால் பாதிக்கப்பட்ட பழவேற்காடு, பொன்னேரி, கும்மிடிப்பூண்டி ஆகிய இடங்களில் உள்ள மக்களுக்கு,  75 ஆயிரம் உணவுப் பொட்டலங்கள், 200 கிலோ பால் பவுடர்கள் உள்ளிட்டவை வழங்கப்பட்டன.

இதனிடையே திருவள்ளூர் மாவட்டத்தில் மேற்கொள்ளப்பட்டு வரும் சீரமைப்புப் பணிகளை விரைந்து முடிக்கும் வகையில், பொன்னேரியில் அனைத்து துறை அதிகாரிகளின் ஆலோசனைக் கூட்டம் நடைபெற்றது. இதில், அமைச்சர்கள் . ஆர். காமராஜ்,  ஜெயக்குமார்,  கே.பி.  அன்பழகன், வெல்லமண்டி நடராஜன்,   பா. பென்ஜமின் உள்ளிட்டோர் கலந்து கொண்டு ஆலோசனை வழங்கினர். பின்னர் செய்தியாளர்களிடம் பேசிய அமைச்சர்கள், திருவள்ளூர் மாவட்டத்தில் போர்க்கால அடிப்படையில் சீரமைப்புப் பணிகள் நடைபெற்று வருவதாகவும், புயலால் சேதமடைந்த மீனவர்களின் படகுகள், மீன்பிடி வலை உள்ளிட்டவைகளுக்கு உரிய நிவாரணம் வழங்க நடவடிக்கை எடுக்கப்பட்டு வருவதாகவும் தெரிவித்தனர்.

அமைச்சர்கள் ஆறுதல் :

புயலால் பாதிக்கப்பட்டுள்ள ஆரம்பாக்கம், பாட்டை குப்பம், நொச்சி குப்பம், சுண்ணாம்பு குளம் உள்ளிட்ட கடலோரப் பகுதி மீனவர்களை, அமைச்சர்கள்  ஜெயக்குமார்,  பா. பென்ஜமின் உள்ளிட்டோர் சந்தித்து ஆறுதல் கூறினர். மேலும், சீரமைப்புப் பணிகளை விரைந்து முடிக்க அதிகாரிகளுக்கு அமைச்சர்கள் ஆலோசனை வழங்கினர்.

காஞ்சிபுரம் மாவட்டத்தில், வர்தா புயலினால் பாதிக்கப்பட்ட பகுதிகளில் முழுவீச்சில் சீரமைப்புப் பணிகள் நடைபெற்று வருகின்றன. மின்விநியோகத்தை சீரமைக்கும் பணியில் 6 ஆயிரம் பணியாளர்கள் ஈடுபடுத்தப்பட்டுள்ளனர். பாதிக்கப்பட்ட பகுதிகளில் குடிநீர் லாரிகள் மற்றும் ஜெனரேட்டர் உதவியுடன் தங்குதடையின்றி குடிநீர் வழங்கப்பட்டு வருகிறது.

அமைச்சர் செல்லூர் கே. ராஜு  :

காஞ்சிபுரம் மாவட்டம், திருப்போரூர் சட்டமன்றத் தொகுதிக்கு உட்பட்ட பல்வேறு பகுதிகளில் மேற்கொள்ளப்பட்டுவரும் புயல் நிவாரணப் பணிகள் குறித்து, திருப்போரூரில் ஆலோசனைக் கூட்டம் நடைபெற்றது. அமைச்சர் செல்லூர் கே. ராஜு தலைமையில் நடைபெற்ற இக்கூட்டத்தில், நிவாரணப் பணிகளை விரைந்து முடிக்க அனைத்து துறை அதிகாரிகளுக்கும் ஆலோசனை வழங்கப்பட்டது. இதனைத் தொடர்ந்து, மழை வெள்ளத்தால் பாதிக்கப்பட்ட மக்களை நேரில் சந்தித்து அமைச்சர் ஆறுதல் கூறினார்.

புயலால் பாதிப்புக்கு உள்ளான தாம்பரம் நகராட்சிக்கு உட்பட்ட மாடம்பாக்கம், எம்.சி.இ. நகர் உள்ளிட்ட பல்வேறு பகுதிகளில் தடையற்ற மின்சாரம் கிடைக்கும் வகையில், சேதமடைந்த மின்கம்பங்கள் சீரமைக்கப்பட்டு வருகின்றன. இப்பணிகளை அமைச்சர் டாக்டர் வி. சரோஜா பார்வையிட்டு துரிதப்படுத்தினார்.

தொடர்ந்து, தாம்பரம், ஆலந்தூர் மற்றும் பல்லாவரம் உள்ளிட்ட பகுதிகளில் தங்குதடையின்றி குடிநீர் மற்றும் மின்சார விநியோகம் வழங்க மேற்கொள்ளப்பட்டு வரும் பணிகள் குறித்து, அனைத்து துறை அதிகாரிகளுடனான ஆலோசனைக் கூட்டம், தாம்பரத்தில் நடைபெற்றது. இதில், அமைச்சர் கலந்துகொண்டு அதிகாரிகளுக்கு ஆலோசனை வழங்கினார்.

வர்தா புயலால் பாதிக்கப்பட்ட காட்டாங்கொளத்தூர் ஊராட்சி ஒன்றியத்துக்கு உட்பட்ட பேரமநல்லூர் பகுதியில், தமிழக அரசு மேற்கொண்ட போர்க்கால நடவடிக்கையினால் தங்குதடையின்றி குடிநீர் விநியோகம் வழங்கப்படுகிறது. இதனை அமைச்சர்   துரைக்கண்ணு நேரில் பார்வையிட்டார். பின்னர்,காட்டாங்கொளத்தூரில் நடைபெற்ற ஆலோசனைக் கூட்டத்தில் பங்கேற்ற அமைச்சர், மறைமலைநகர், வண்டலூர் மற்றும் சிங்கப்பெருமாள் கோயில் உள்ளிட்ட பகுதிகளில் மேற்கொள்ளப்பட்டு வரும் சீரமைப்பு மற்றும் நிவாரணப் பணிகளை விரைந்து முடிக்க அதிகாரிகளுக்கு ஆலோசனை வழங்கினார்.

சென்னை, காஞ்சிபுரம், திருவள்ளூர் மாவட்டங்களில் தமிழக அரசு, புயல்வேகத்தை விட மிக விரைவாக சீரமைப்பு மற்றும் நிவாரணப் பணிகளை மேற்கொண்டுள்ளதால், அங்கு இயல்பு நிலை திரும்பி வருகிறது.

English summary:

Chennai - varta storm victims Chennai, Tiruvallur, Kancheepuram districts, in order to provide uninterrupted water and power supplies, reconstruction and relief efforts have been on a war footing. Tasks, to further accelerate the ministers are doing research in person. Thus, in the areas affected by the storm is fast returning to normalcy.

Read More

புயல் பாதிப்புகளை சீரமைக்கும் பணி மந்தம் : சாலையோரம் மரக்குவியல்

சென்னை: `வர்தா’ புயல் சென்னையை தாக்கி 4 நாட்கள் ஆகியும், மரங்கள் மற்றும் கிளைகள் அகற்றப்படாமல் சாலை ஓரங்களில் குவியல் குவியல்களாக காட்சி அளிக்கின்றன. வர்தா புயலில் மரங்கள் வேரோடு சாய்ந்தன. மின்கம்பங்கள் விழுந்தன. டிரான்ஸ்பார்மர்கள் நொறுங்கின. பஸ், ரயில் நிலையங்களின் மேற்கூரைகள் பறந்தன. இதனால் திரும்பிய பக்கம் எல்லாம் சாலைகளில் மரங்கள், மின்கம்பங்கள், விளம்பர பலகைகள், குப்பைகள் ஆக்கிரமித்து கிடக்கின்றன. சென்னை முழுவதும் 1 லட்சத்திற்கும் மேற்பட்ட மரங்கள் விழுந்ததால் போக்குவரத்தில் கடும் பாதிப்பு ஏற்பட்டுள்ளது. சாலைகளில் 10 அடிக்கு ஒரு மரம் என்ற எண்ணிக்கையில் விழுந்து கிடப்பதால் கார், இருசக்கர வாகன ஓட்டிகள் கடும் அவதிக்குள்ளாகியுள்ளனர்.

விஐபி வசிக்கும் இடங்களில் மட்டும் விழுந்த மரங்களை அப்புறப்படுத்தும் பணியில் மாநகராட்சி நிர்வாகம் தீவிரம் காட்டி வருகிறது. ஆனால், சாதாரண மக்கள் வசிக்கும் பகுதியில் மரங்களை அப்புறப்படுத்துவதில் மாநகராட்சி தொடர்ந்து அலட்சியம் காட்டி வருகிறது. குறிப்பாக, மரங்கள் வெட்டி சாலையின் இருபுறங்களிலும் குவியல் குவியலாக போடப்பட்டுள்ளது. அந்த மரங்கள், 3 நாட்களாக அப்புறப்படுத்தப்படவில்லை. இதனால், சாலையோரங்களில் பொதுமக்கள் நடந்து செல்ல முடியாத நிலை ஏற்பட்டுள்ளது. அதுமட்டுமின்றி மரக்கழிவுகளால் துர்நாற்றம் வீசி வருகிறது. இதனால், நோய் பரவும் அபாயமும் ஏற்பட்டுள்ளது. சீரமைப்பு பணிக்கு பணியாளர்கள் பற்றாக்குறை காரணமாக நிலைமை சீராக இன்னும் 2 வாரங்கள் ஆகலாம் என மக்கள் வேதனை தெரிவித்தனர்.

 4 நாட்களாக மின்சாரம் இல்லாததால் தண்ணீர் கூட எடுக்க முடியாத நிலை மக்களுக்கு ஏற்பட்டுள்ளது. மிக்சி, கிரைண்டர் இயக்க முடியாததால் மக்கள் தற்போது கற்காலத்திற்கே திரும்பும் நிலைக்கு தள்ளப்பட்டுள்ளனர்.  சென்னை புறநகர் பகுதிகளில் குடிதண்ணீர் மற்றும் அத்தியாவசிய தேவைகளுக்காக பொதுமக்கள் பிளாஸ்டிக் குடத்துடன் கிணறுகளை தேடி அலையும் நிலை ஏற்பட்டுள்ளது. மின்சார பிரச்னை எப்போது முடிவுக்கு வரும் என்பதே அனைவரின் ஒரே கேள்வியாக உள்ளது. செல்போனும் பயன்படுத்த முடியவில்லை. இதனால், கடந்த 4 நாட்களாக சென்னை, திருவள்ளூர், காஞ்சிபுரம் மாவட்டங்களில் உள்ள பொதுமக்கள் வீட்டுக்குள்ளேயே முடங்கி கிடக்கின்றனர்.

English Summary:

Chennai: `varta '4 days after the storm struck the city of Chennai, in the sides of the road cleared of trees and branches to provide easy display of heaps

Read More

அந்தமானுக்கு கிழக்கே மீண்டும் காற்றழுத்தம் : வானிலை ஆய்வு மையம் அறிவிப்பு

சென்னை: அந்தமானுக்கு கிழக்கே மீண்டும் காற்றழுத்தம் ஏற்பட்டுள்ளது. இது புயலாக மாறி தமிழகத்தில் கரையை கடக்கலாம் என்று கூறப்படுகிறது. தென்கிழக்கு வங்கக் கடலில் தெற்கு அந்தமான் மற்றும் வடக்கு சுமத்ரா தீவுக்கு இடையே வளி மண்டல மேலடுக்கில் உருவான காற்று சுழற்சி வர்தா புயலாக மாறி, சென்னையில் கரையை கடந்தது. இதன், தொடர்ச்சியாக வளி மண்டல மேலடுக்கில் நிலவும் காற்று சுழற்சியால் தமிழகத்தில் பரவலாக மழை பெய்து வருகிறது. அதிகபட்சமாக குன்னூரில் நேற்று 100 மிமீ மழை பெய்துள்ளது.

நீலகிரி 70 மிமீ, தாராபுரம் 50 மிமீ,  பீளமேடு, போளூர், கோவை 10மிமீ மழை பெய்துள்ளது. இந்நிலையில், வளி மண்டல மேலடுக்கு காற்று சுழற்சி காரணமாக தமிழகத்தில் இன்றும் மழை பெய்யும். மேலும், அந்தமானுக்கு கிழக்கே மீண்டும் ஒரு காற்றழுத்தம் நேற்று மாலை உருவாகியுள்ளது. இது வடக்கு மற்றும் வட மேற்கு திசையில் நகர்ந்து அடுத்த நான்கு நாட்களில் தமிழக கடலோரப்பகுதிக்கு வரும் என்று எதிர்பார்க்கப்படுகிறது.  இந்த காற்றழுத்தம் வலுப்பெற்று புயலாக மாறும் பட்சத்தில் ‘அஸ்ரி’ (Asiri) என்று அழைக்கப்படும். இந்த பெயரை இலங்கை நாடு சூட்டியுள்ளது

English Summary:

Chennai Andaman pressure was back east. It is said that the storm may cross the border in the state variable. In the south of the Bay of Bengal to the south and north of the island of Sumatra Andaman overlay formed between the atmospheric air circulation becomes varta storm, Chennai crossed the border. Thus, a series of atmospheric air circulation in the overlay by the rains in the state is widespread. Coonoor to a maximum of 100 mm in the rain yesterday. 

Read More

வர்தா'வால் மின் வாரியத்திற்கு ரூ.1,000 கோடி இழப்பு

சென்னை : சென்னையை புரட்டி எடுத்த, 'வர்தா' புயலால், மின் வாரியத்திற்கு, 1,000 கோடி ரூபாய் இழப்பு ஏற்பட்டுள்ளது.

சென்னையில், குறிப்பிட்ட பகுதிகளில், 'கேபிள்' மூலமாகவும், மற்ற இடங்களில், மின் கம்பம் மூலமாகவும், மின் வினியோகம் செய்யப்படுகிறது. கடந்த திங்களன்று, சென்னை மற்றும் புறநகரை, வர்தா புயல் புரட்டி எடுத்தது.

பெருத்த சேதம்:

இதனால், மரங்கள் வேரோடு சாய்ந்ததால், அருகில் இருந்த டிரான்ஸ்பார்மர்கள், மின் வினியோக பெட்டிகள், பெருத்த சேதமடைந்து உள்ளன; மின் கம்பம், மின் கோபுரங்களும் சாய்ந்தன. இதனால், மின் வாரியத்திற்கு, 1,000 கோடி ரூபாய் அளவுக்கு இழப்பு ஏற்பட்டுள்ளது.

1,000 கோடி ரூபாய் அளவுக்கு இழப்பு:

இது குறித்து, மின் வாரிய அதிகாரி ஒருவர் கூறியதாவது:தொலைத் தொடர்பு துண்டிக்கப்பட்டதால், மின் சாதனங்கள் சேதம் குறித்த விபரத்தை கணக்கிடுவதில் தாமதம் ஏற்பட்டுள்ளது. தற்போதைய நிலவரப்படி, சேதமடைந்ததாக கணக்கிடப்பட்டுள்ள சாதனங்களின் மதிப்பு, 1,000 கோடி ரூபாயை தாண்டுகிறது.

கடந்த, 2015 இறுதியில் பெய்த, கனமழையை போல், நடப்பாண்டிலும் ஏற்பட வாய்ப்புள்ளது என்பதை முன்கூட்டியே அறிந்து, அனைத்து சாதனங்களும் இருப்பு வைக்கப்பட்டன. எனவே, தற்போது சேதமடைந்த சாதனங்களுக்கு பதில், அவை உடனடியாக மாற்றப்பட்டு வருகின்றன. இவ்வாறு அவர் கூறினார்.

English summary:

Chennai: Chennai to rattle, "varta" storm, the electrical board, a loss of Rs 1,000 crore.
In Chennai, in certain areas, "cable", through other places, by the power pole, power is distributed. Last Monday, Chennai and suburbs, varta storm took inverter.

Read More

வர்தா புயல்: 10 ஆயிரம் பேரை காப்பாற்றிய இஸ்ரோ செயற்கைக்கோள்

மும்பை: வர்தா புயல் சென்னையை சின்னாபின்னாமாக்குவதற்கு முன்னர், இஸ்ரோ செயற்கைகோள் அளித்த தகவல் மூலம் 10 ஆயிரம் பேர் காப்பாற்றப்பட்டுள்ளனர்.

வங்கக்கடலில் உருவான வர்தா புயல் கடந்த திங்கட்கிழமை சென்னை, காஞ்சிபுரம், திருவள்ளூர் மாவட்டங்களை சின்னாபின்னமாக்கி விட்டு கரையை கடந்தது. இந்த மாவட்டங்களில் பெரும்பாலான மரங்கள் வேறோடு சாய்ந்து விட்டன. மின்சார கம்பங்கள் சேதமடைந்துள்ளன. சில பகுதிகளுக்கு இன்னும் மின்சாரம் கிடைக்கவில்லை. தொடர்ந்து நிவாரண பணிகள் நடந்து வருகிறது.

மீட்பு:

இந்நிலையில், மழை வெள்ளத்திற்கு முன்னர் 10 ஆயிரத்திற்கும் மேற்பட்ட மக்கள் பத்திரமாக மீட்கப்பட்டனர். மக்கள் மீட்கப்பட்டதற்கு, இஸ்ரோ ஏவிய இன்சாட் 3 டிஆர் ஸ்காட்சேட் -1 செயற்கை கோள்கள் அளித்த தகவலே காரணம் என தெரிய வந்துள்ளது. இந்த செயற்கைகோள்கள், புயல் நகர்ந்து சென்ற திசை குறித்து தகவல் அளித்தது. இதன் அடிப்படையில் அதிகாரிகள், புயல் தாக்கக்கூடிய பகுதிகளில் வசித்த மக்களை மீட்டு பத்திரமான இடங்களில் தங்க வைக்கப்பட்டனர். ஆந்திர கடற்கரை பகுதியிலும் மக்கள் மீட்கப்பட்டதாக அதிகாரிகள் தெரிவித்தனர்.

நவீன செயற்கைக்கோள்:

நவீன பருவநிலையை கணிக்கும் செயற்கை கோளான இன்சாட் 3 டிஆர், கடந்த செப்டம்பர் 8ம் தேதி ஏவப்பட்டது. ஸ்காட்சாட் -1 செயற்கைக் கோள் கடந்த செப்டம்பர் 26ம் தேதி ஏவப்பட்டது. வர்தா புயல் காரணமாக ஸ்ரீஹரிகோட்டா ஏவுதளம் சேதம் அடையும் என கூறப்பட்டது. ஆனால், இஸ்ரோ அதிகாரிகள் எடுத்த முன்னெச்சரிக்கை நடவடிக்கை காரணமாக சேதம் ஏற்படவில்லை.

English Summary:

MUMBAI: Chennai affected from varta before the storm, he saved 10 thousand people, through information provided by the ISRO satellite. 

Read More

தமிழகத்தில் தொலைத்தொடர்பு சேவை விரைவில் சீரடையும்

சென்னை : தமிழகத்தில் வர்தா புயலால் தடைபட்ட தொலைத்தொடர்பு சேவை விரைவில் சீரடையும் என தொலைத்தொடர்பு துறை நிறுவனங்கள் அறிவித்து உள்ளன.

விரைவில் சீரடையும் :

வோடோபோன் செல்போன் நிறுவனத்தின் தமிழ்நாடு வணிக மேலாளர் எஸ்.முரளி இது குறித்து கூறுகையில், தமிழகத்தில் வர்தா புயல் காற்றால் மொபைல்போன் டவர்கள் சேதமடைந்தன. இதனால் தொலைத்தொடர்பு சேவைகளுக்கு இடையூறு ஏற்பட்டது. பாதிக்கப்பட்ட மாவட்டங்களில் முழுமையாக சேவையை தொடர்வதற்காக போர்க்கால அடிப்படையில் நடவடிக்கை எடுத்து வருகிறோம். அதிகமாக பாதிக்கப்பட்ட சென்னை, திருவள்ளூர் மற்றும் காஞ்சிபுரம் மாவட்டங்களில் அதிக கவனம் செலுத்தி சீரமைக்கும் பணியில் ஈடுபட்டு வருகிறோம். குறிப்பாக சென்னைக்கு அருகே புயல் கரையை கடந்த பகுதியில் அதிக சேதம் ஏற்பட்டது. இந்தப்பகுதியில் எங்களுடைய பொறியாளர்கள் தீவிரமாக பணியாற்றி விரைவாக சேவையை தொடர நடவடிக்கை எடுத்து வருகின்றனர். குறிப்பிட்ட சில பகுதிகளில் எங்கள் சேவை தொடங்கப்பட்டுள்ளது. மீதம் உள்ள பகுதிகளிலும் விரைவாக சேவையை கொண்டு வருவோம். சென்னையில் 21 அலுவலகங்கள் மூலம் வாடிக்கையாளர்களுக்கு உதவும் வகையில் பணியில் ஈடுபட்டு வருகிறோம் என தெரிவித்துள்ளார்.

ஏர்டெல் நிறுவன அதிகாரிகள் கூறுகையில், 'வர்தா புயல் காரணமாக கடலுக்கு அடியில் அமைக்கப்பட்டிருந்த கண்ணாடி இழைத்தொடர்புகளும் சேதமடைந்தன. இதனால் இணையதளம் செயல்படும் வேகம் குறைந்துவிட்டது. வாடிக்கையாளர்களின் சிரமத்திற்கு வருந்துகிறோம். விரைவாக சீரமைத்து முழுமையான சேவையை வழங்க நடவடிக்கை எடுத்து வருகிறோம்' என்றனர். ஏர்செல் நிறுவன அதிகாரிகள் கூறும் போது, 'புயலால் எங்கள் நிறுவனத்தின் தொலைத்தொடர்பு சேவை முற்றிலும் பாதிக்கப்பட்டு உள்ளது. இதனை விரைவாக சீர்செய்யும் பணியில் எங்கள் குழுவினர் ஈடுபட்டு உள்ளனர்' என்றனர்.

English Summary:

Chennai: Tamil Nadu varta storm cramped Telecommunications service as soon as the Telecommunications sector companies have announced thawing.

Read More

‘வர்தா’ புயலால் பாதிக்கப்பட்ட 43 பேருக்கு ரூ.14 லட்சம் நிதியுதவி - முதல்வர் ஒ.பன்னீர்செல்வம் வழங்கி ஆறுதல்

சென்னை : மாமல்லபுரம் பேரூராட்சி அலுவலகத்தில் ‘வர்தா’ புயலால் பாதிக்கப்பட்ட 43 பேருக்கு நிவாரணத் தொகையாக 13,94,200 ரூபாய்க்கான காசோலைகளை வழங்கி அவர்களுக்கு முதல்வர் ஒ.பன்னீர்செல்வம் ஆறுதல் கூறினார்.

முதல்வர் ஆய்வு

வண்டலூரில் உள்ள அறிஞர் அண்ணா உயிரியல் பூங்காவில் ‘வர்தா’ புயல் காரணமாக ஏற்பட்ட சேதங்களை  முதல்வர் ஒ.பன்னீர்செல்வம் பார்வையிட்டார். இந்த ஆய்வுகளின் போது முதல்வருடன், மூத்த அமைச்சர்களும் உடனிருந்தனர். 'வர்தா' புயல் சென்னையில் கரையைக் கடக்கும் என்ற அறிவிப்பு வந்தவுடன், தமிழக அரசு விரைந்து மேற்கொண்ட முன்னெச்சரிக்கை நடவடிக்கைகளின் காரணமாக, விலங்குகள் அனைத்தும் பாதுகாப்பாக வைத்து பராமரிக்கப்பட்டதன் விளைவாக, விலங்குகளுக்கு எந்த வித பாதிப்பும் ஏற்படவில்லை. எனினும், புயலின் காரணமாக அடித்த சூறாவளிக் காற்றில் 10,000-க்கும் மேற்பட்ட மரங்கள் வேரோடு சாய்ந்துள்ளன. 950 மீட்டர் நீளத்திற்கு பூங்காவின் வெளிப்புறப் பாதுகாப்புச் சுற்றுச் சுவர் விழுந்து விட்டது.

அதிகாரிகளுக்கு அறிவுறுத்தல்

விலங்குகள் இருப்பிட நிழற்கூரைகள், பார்வையாளர் ஓய்விடங்கள், இருக்கைகள் போன்றவை சேதமடைந்துள்ளன.  குடிநீர்க் குழாய்கள், இணைப்புக் குழாய்கள் ஆகியவையும் சேதமடைந்துள்ளன.  மின் கம்பங்கள், மின் கம்பிகள், மின் விநியோக அறைகள், இணைப்புச் சாலைகள், குடியிருப்புக் கட்டிடங்கள், அலுவலகக் கட்டிடங்கள் ஆகியவையும் சேதமடைந்துள்ளன.  இவற்றை நேரில் பார்வையிட்டு, ஆய்வு மேற்கொண்ட முதல்வர் ஒ.பன்னீர்செல்வம் உடனடியாக சீரமைப்புப் பணிகளை விரைந்து செய்திட வனத் துறை அதிகாரிகளுக்கு அறிவுரை வழங்கினார்.

ஊழியர்களுக்கு பாராட்டு

அடுத்து, வண்டலூர் கேளம்பாக்கம் சாலையில் மாம்பாக்கம் என்னுமிடத்தில் 250 கிலோ வாட்ஸ் மின்மாற்றி கீழே விழுந்து சேதமடைந்துள்ளதை முதல்வர் ஒ.பன்னீர் செல்வம் பார்வையிட்டார்.  மாம்பாக்கத்திலிருந்து கேளம்பாக்கத்திற்கு 33 கிலோ வாட்ஸ் மின்பாதையில் விழுந்து விட்ட மின்கம்பங்களை மின்சார வாரிய ஊழியர்கள் சீர் செய்வதை பார்வையிட்டு மின்சார வாரிய ஊழியர்களின் பணியை பாராட்டி அவர்களை ஊக்கப்படுத்தினார்.

43 பேருக்கு நிதியுதவி

மேலும், மாமல்லபுரம் பேரூராட்சி அலுவலகத்தில் ‘வர்தா’ புயலால் பாதிக்கப்பட்ட 43 பேர்களுக்கு நிவாரணத் தொகையாக 13,94,200 ரூபாய்க்கான காசோலைகளை வழங்கி அவர்களுக்கு ஆறுதல் கூறினார்.  அதனைத் தொடர்ந்து, அமைச்சர்கள், மாவட்ட ஆட்சியர் மற்றும் உயரதிகாரிகள் ஆகியோருடன் காஞ்சிபுரம் மாவட்டத்தில் மேற்கொள்ளப்பட்டு வரும் சீரமைப்புப் பணிகள் குறித்து விரிவான ஆய்வினை நடத்தி பணிகளை விரைந்து முடிக்க முதல்வர் ஒ.பன்னீர்செல்வம் அறிவுரை வழங்கினார்.

English Summary: "Varta" Rs 14 lakh to 43 people affected by the storm - a comfort CM O.Panneer Selvam

Read More

மின் விநியோகத்தைச் சீரமைக்க தேவையான ஊழியர்களை களமிறக்குக - ஜி.ராமகிருஷ்ணன் வலியுறுத்தல்

சென்னை: சென்னை, காஞ்சிபுரம், திருவள்ளூர் உள்ளிட்ட பல மாவட்டங்களில் மின் விநியோகத்தை விரைந்து சீர்படுத்த வேண்டும் என மார்க்சிஸ்ட் கம்யூனிஸ்ட் கட்சி மாநிலச் செயலாளர் ஜி.ராமகிருஷ்ணன் வலியுறுத்தியுள்ளார்.

 புயல் பாதித்த பகுதிகளில் தமிழக மின்சார வாரியம் உடனடியாக காரியத்தில் இறங்கி நடவடிக்கை எடுக்க வேண்டும் என மார்க்சிஸ்ட் கம்யூனிஸ்ட் கட்சி வலியுறுத்தியுள்ளது.

ஊழியர்களுக்கு பாராட்டு:

டிசம்பர் 12 ஆம் தேதி சென்னை, திருவள்ளூர், காஞ்சிபுரம் மாவட்டங்களைத் தாக்கிய வார்தா புயலின் காரணமாக ஏராளமான பாதிப்புகளும் இழப்புகளும் ஏற்பட்டுள்ளன. குறிப்பாக, மின்சார விநியோகம் இதுவரை கண்டிராத அளவுக்கு மிகக் கடுமையாக பாதிக்கப்பட்டுள்ளது. மின்சாரத் துறை ஊழியர்களும் நிர்வாகமும் இதுவரையிலும் மிகக் கடுமையாக, அர்ப்பணிப்புணர்வுடன் செயல்பட்டுவருகிறார்கள் என்பது பாராட்டத்தக்கது.

10,000 மின்கம்பங்கள்:

ஆனால், மின் விநியோக பாதிப்புகள் குறித்து தமிழக மின் துறை அமைச்சர் ஊடகங்கள் மூலமாக வெளியிட்டுள்ள செய்திகள், பாதிப்பின் அளவை உணராததாகவும், உண்மைக்குப் புறம்பானதாகவும் உள்ளன. மின் துறை அமைச்சர் 3 ஆயிரம் மின் கம்பங்கள் மட்டுமே பழுதாகியுள்ளதாக குறிப்பிட்டுள்ளார். சென்னை, காஞ்சிபுரம், திருவள்ளூர் மாவட்டங்களில் மட்டும் முற்றிலுமாக பாதிப்படைந்த கம்பங்களின் எண்ணிக்கை சுமார் 10 ஆயிரம் இருக்கும். மேலும், நூற்றுக்கும் மேற்பட்ட டிரான்ஸ்பார்மர்கள் சேதமடைந்தோ, கீழே விழுந்தோ கிடக்கின்றன.

மின்சாரம் பாதிப்பு :

பல இடங்களில் மரங்கள் சாய்ந்ததன் காரணமாக, மின் கம்பிகள் அறுந்துகிடக்கின்றன. இதே போன்று வீடுகளுக்கான இணைப்பு மின் கம்பிகளும் பாதிப்படைந்துள்ளன. இவற்றையெல்லாம் சரி செய்ய வேண்டுமெனில் சென்னையில் உள்ள ஊழியர்கள் மட்டுமோ, மின்துறை அமைச்சர் கூறியிருக்கும், தற்போது வந்துள்ள 2 ஆயிரம் பேர், வரவழைக்கத் திட்டமிடப்பட்டுள்ள ஆயிரம் பேர் ஆகியோரால் மட்டுமோ சரி செய்துவிட முடியாது. ஏற்பட்டுள்ள பாதிப்புகளின் அளவை வைத்து பார்க்கும்போது இந்த 3 மாவட்டங்களில் உள்ள 350க்கும் மேற்பட்ட பிரிவுகளில் ஒவ்வொரு பிரிவிலும் குறைந்தபட்சம் 50 ஊழியர்களாவது கூடுதலாகப் பணி புரிந்தால் மட்டுமே ஒரு வார காலத்திற்குள்ளாவது, ஓரளவாவது இயல்பு நிலைமை ஏற்பட வாய்ப்புள்ளது.

 உடனடி நடவடிக்கை தேவை:

ஊழியர்கள் மட்டுமின்றி, போதுமான அளவிற்கு மேற்பார்வைப் பணியாளர்கள் மற்றும் அதிகாரிகளையும் பிற மாவட்டங்களில் இருந்து உரிய எண்ணிக்கையில் உடனடியாக அழைத்து வரவும், இப்பணிகளில் ஈடுபடுத்தவும் தமிழக மின்சார வாரியம் உடனடியாக காரியத்தில் இறங்கவேண்டுமென, மார்க்சிஸ்ட் கம்யூனிஸ்ட் கட்சியின் மாநில செயற்குழு தமிழக மின்சார வாரியத்தையும், தமிழக அரசையும் வலியுறுத்துகிறது.

மேலும், இந்த ஊழியர்களை முழுமையாக ஈடுபடுத்தத் தேவையான அளவில் உபகரணங்களையும், தளவாட சாமான்களையும் குறைவின்றி, உடனடியாக வழங்குவதுடன், கடந்தகால அனுபவங்களைப் பாடமாகக் கொண்டு வெளிமாவட்டங்களில் இருந்து வரும் ஊழியர்களுக்கு உணவு, தங்குமிடம், தற்காலிக கழிவறைகள், பாதுகாப்பு சாதனங்கள் ஏற்பாடு செய்திடவும் வேண்டுமென மின்சார வாரியத்தை, மார்க்சிஸ்ட் கம்யூனிஸ்ட் கட்சியின் மாநில செயற்குழு வலியுறுத்துகிறது. இவ்வாறு ஜி.ராமகிருஷ்ணன் அறிக்கையில் கூறியுள்ளார்.

English Summary:

 CPI (M) state secretary G. Ramakrishnan urges state government to Regulated power supply for cyclone affected districts inculding chennai.

Read More

#வர்தா: அம்மா பெயர் வைத்த புலிகள் இருக்கும் வண்டலூர் பூங்காவை பார்வையிட்ட ஓ.பி.எஸ்

சென்னை: வர்தா புயலால் முற்றிலும் சேதம் அடைந்துள்ள வண்டலூர் உயிரியல் பூங்காவை முதலவர் ஓ. பன்னீர்செல்வம் பார்வையிட்டார்.

வர்தா புயலால் பாதிக்கப்பட்டுள்ள பகுதிகளில் நிவாரண பணிகளை துரிதமாக மேற்கொள்ள அமைச்சர்களுக்கும், அரசு அதிகாரிகளுக்கும் முதல்வர் ஓ. பன்னீர்செல்வம் உத்தரவிட்டுள்ளார்.

 செவ்வாய்க்கிழமை பாடி, மாத்தூர் பகுதிகளை பார்வையிட்டார் பன்னீர்செல்வம். வர்தா புயல் கரையை கடந்த பழவேற்காட்டுக்கும் சென்று பாதிக்கப்பட்ட இடங்களை பார்வையிட்ட அவர் மக்களிடம் குறைகளை கேட்டறிந்தார். பொன்னேரியில் திருமண மண்டபத்தில் தங்க வைக்கப்பட்டிருந்த மக்களை சந்தித்த பன்னீர்செல்வம் அவர்களுக்கு நிவாரண உதவிகளை வழங்கினார்.

 இதையடுத்து அவர் இன்று காலை தலைமைச் செயலகத்தில் அதிகாரிகளுடன் ஆலோசனை நடத்தினார். புயலால் பாதிக்கப்பட்டுள்ள சென்னை, திருவள்ளூர், காஞ்சிபுரம் மாவட்டங்களில் மேற்கொள்ளப்பட்டு வரும் சீரமைப்பு பணிகள் குறித்து கூட்டத்தில் ஆலோசிக்கப்பட்டது.

 அதன் பிறகு அவர் வண்டலூர், கேளம்பாக்கம், மகாபலிபுரம், காஞ்சிபுரம் பகுதிகளில் வர்தா புயலால் பாதிக்கப்பட்ட இடங்களை பார்வையிட்டு மக்களுக்கு ஆறுதல் கூறினார்.

வர்தா புயலால் வண்டலூர் உயிரியல் பூங்கா முற்றிலும் சேதம் அடைந்துள்ளது. அங்குள்ள மிருகங்களுக்கு என்ன ஆனது என்று தெரியவில்லை. ஏராளமான மரங்கள் விழுந்து கிடப்பதால் அதிகாரிகளால் பூங்காவிற்குள் செல்ல முடியவில்லை. இதையடுத்து பூங்கா மூடப்பட்டுள்ளது. இந்நிலையில் வண்டலூர் பூங்காவையும் பன்னீர்செல்வம் பார்வையிட்டார்.

English summary: 

TN CM O. Panneerselvam visited Vandalur zoo which has got badly affected by Vardah cyclone

Read More

வர்தா புயலால் பாதிக்கப்பட்ட தமிழகத்திற்கு உதவ பார்லிமென்டில் கோரிக்கை

புதுடில்லி: வர்தா புயலால் பாதிக்கப்பட்ட தமிழகத்திற்கு உதவ வேண்டும் என ராஜ்யசபாவில், காங்கிரஸ், இடதுசாரி மற்றும் தி.மு.க., கோரிக்கை விடுத்தன. இதற்கு மத்திய அரசு பரிசீலனை செய்யும் என மத்திய நிதியமைச்சர் அருண் ஜெட்லி கூறினார்.

எதிரொலிப்பு:

வங்கக்கடலில் உருவான வர்தா புயல் சென்னை, காஞ்சிபுரம், திருவள்ளூர் மாவட்டங்களை புரட்டிப்போட்டது. இதனால் மக்களின் இயல்பு வாழ்க்கை பாதிக்கப்பட்டுள்ளது. 24 பேர் புயலுக்கு பலியாகி உள்ளனர். மீட்பு பணிகள் தொடர்ந்து நடந்து வருகிறது. இந்நிலையில், வர்தா புயலின் பாதிப்பு பார்லிமென்டில் எதிரொலித்தது. இன்று ராஜ்யசபா கூடியதும் தமிழகத்திற்கு உதவ வேண்டும் என கோரிக்கை விடப்பட்டது.

இன்றே சொல்லுங்க...:

காங்கிரஸ் மூத்த தலைவர் சிதம்பரம் பேசுகையில், நிதியுதவி அளிக்க வேண்டும் என்ற தமிழக அரசின் கோரிக்கைக்கு மத்திய அரசு உடனடியாக பதிலளிக்க வேண்டும். மத்திய அரசிடம், மாநில அரசு அதிக நிதியை எதிர்பார்க்கும். மத்திய அரசு இன்றே, நிதியுதவி வழங்கவது குறித்து அறிவிக்க வேண்டும். மக்கள் பணம் எடுக்கும் வகையில், ஏடிஎம்கள் மற்றும் வங்கிகள் செயல்பட வேண்டும் எனக்கூறினார்.

ரூ.1000 கோடி:

இந்திய கம்யூனிஸ்ட் கட்சியின் பொதுச்செயலாளர் டி.ராஜா கூறியதாவது: புயல், சென்னை உள்ளிட்ட பல மாவட்டங்களை பாதித்துள்ளது. பலர் பலியாகியுள்ளனர். ஆயிரகணக்கான மரங்கள் வேறோடு சாய்ந்துள்ளன. தொலை தொடர்பு துண்டிக்கப்பட்டுள்ளது. நகரின் பெரும்பாலான நகரங்கள் இருளில் மூழ்கியுள்ளன ரூபாய் நோட்டு வாபசால் மக்கள் பணம் எடுக்க பெரிதும் பாதிக்கப்பட்டுள்ளனர். மத்திய அரசு உடனடியாக, தேசிய பேரிடர் நிவாரண நிதியிலிருந்து தமிழகத்திற்கு ரூ.1,000 கோடி அளிக்க வேண்டும் எனக்கூறினார்.

குழு:

தி.மு.க., எம்.பி., திருச்சி சிவா பேசுகையில், புயல் மற்றும் மழைக்கு 24 பேர் இறந்துள்ளனர். ரூபாய் நோட்டு வாபசால் மக்கள் பணம் எடுக்க முடியவில்லை. இதனால் மக்கள் பணம் இல்லாமல் அவதிப்படுகின்றனர். ஒரு சில இடங்களில் ஒரு லிட்டர் பால் ரூ.200க்கு விற்கப்படுகிறது. தமிழகத்திற்கு ரூ.8 ஆயிரம் கோடி இழப்பு ஏற்பட்டுள்ளது. சேதத்தை ஆராய மத்திய அரசு உடனடியாக குழுவை அமைக்க வேண்டும் என்றார்.

இந்திய கம்யூனிஸ்ட் கட்சி எம்.பி.,ரங்கராஜன் மற்றும் பா.ஜ., எம்.பி., சுப்ரமணியன்சாமி ஆகியோர், புயலால் ஏற்பட்ட சேதத்தை அறிய மத்திய அரசு குழுவை விரைவாக அனுப்ப வேண்டும் என கோரிக்கை விடுத்தனர்.

கவலை:

இதற்கு பதிலளித்த மத்திய நிதியமைச்சர் அருண் ஜெட்லி பேசுகையில், உறுப்பினர்களின் கவலையை மத்திய அரசு பகிர்ந்து கொள்கிறது. இது மிகவும் தீவிரமான பிரச்னை. புயலை சமாளிக்க முன்னேற்பாடுகள் செய்யப்பட்டன. தேசிய பேரிடர் குழுக்கள் அனுப்பி வைக்கப்பட்டன. ராணுவ குழுக்கள் அனுப்பப்பட்டன. நிவாரண பணிகளுக்கு தேவையான உதவியை மத்திய அரசு நிச்சயம் செய்யும். உறுப்பினர்களின் கருத்துகள் எடுத்து கொள்ளப்பட்டன. இவை அனைத்தும் பரிசீலனை செய்யப்படும். அதிகாரிகளுடன் ஆலோசனை செய்து விரைவில் முடிவு அறிவிக்கப்படும் என்றார்.

English Summary:

NEW DELHI: varta to help storm victims in Tamil Nadu in the Rajya Sabha, the Congress, the Left and the DMK demanded. Finance Minister Arun Jaitley said the government would consider it.

Read More

தமிழகம், ஆந்திராவை அதிக புயல்கள் தாக்கும்

புதுடில்லி : இனி வரும் காலங்களில் வங்கக்கடலில் அதிக அளவில் புயல்கள் உருவாகி ஆந்திரா மற்றும் தமிழகத்தை தாக்கும் என்று விஞ்ஞானிகள் நடத்திய ஆய்வில் தெரிய வந்துள்ளது.

அதிக புயல்கள் உருவாகும் :

வங்கக்கடலில் அடுத்தடுத்து 3 புயல்கள் உருவாகின. இதில், 2 புயல்களும் வலுவிழந்து விட்ட நிலையில் வர்தா புயல் நேற்று முன்தினம் சென்னையை தாக்கி பெரும் சேதத்தை ஏற்படுத்தியது. இனி வரும் காலங்களில் வங்கக்கடலில் அதிக அளவில் புயல்கள் உருவாகி ஆந்திரா, தமிழகத்தை தாக்கும் என விஞ்ஞானிகள் ஆய்வில் தெரிய வந்துள்ளது. அலகாபாத் பல்கலைக் கழகத்தை சேர்ந்த அசுதோஸ் மிஸ்ரா தலைமையிலான குழுவினர் 2014-ம் ஆண்டு இது தொடர்பான ஆய்வு நடத்தி எர்த் சயின்ஸ் அறிவியல் பத்திரிகையில் கட்டுரை ஒன்று வெளியிட்டுள்ளனர். 1891-ம் ஆண்டில் இருந்து 2013-ம் ஆண்டு வரை 122 ஆண்டுகளுக்கு இந்திய கடல் பகுதியில் ஏற்பட்ட புயல்களை ஆய்வு செய்து அதன்படி இந்த கட்டுரையை எழுதி இருக்கிறார்கள்.

தமிழகம், ஆந்திராவுக்கு ஆபத்து :

அதில், தொழிற்சாலைகளால் கடல் வெப்பநிலை தொடர்ந்து அதிகரித்து வருவதால் வங்கக்கடல் பகுதியில் இனி வெப்ப மண்டல புயல்கள் அதிக அளவில் உருவாகும். கடந்த காலங்களை ஒப்பிடும்போது, இந்த புயல்களின் சக்தியும் அதிகரிக்கும் என்று கூறி உள்ளனர். மத்திய எர்த் சயின்ஸ்துறை செயலாளர் மாதவன் ராஜீவன் கூறும்போது, கடந்த 25 ஆண்டுகளை ஒப்பிடும் போது, இந்திய கடல் பகுதியில் ஏற்படும் புயலின் வேகம் தீவிர புயலில் இருந்து அதிதீவிர புயலாக மாறி வருகிறது என்று கூறி இருக்கிறார். கடந்த ஆண்டு வெளியிட்டுள்ள ஒரு ஆய்வு கட்டுரையில் கடந்த 30 ஆண்டுகளில் இல்லாத அளவுக்கு கடலின் வெப்பநிலை அதிகரித்து இருப்பதால் புயல் உருவாவதும் இனி அதிகரிக்கும் என்று கூறப்பட்டுள்ளது. அடுத்தடுத்து உருவாகும் புயல்கள் வர்தா போன்று தமிழகம் மற்றும் ஆந்திராவை பெரிய அளவில் தாக்கக் கூடும் என தெரிவிக்கப்பட்டுள்ளது.

English Summary:

NEW DELHI: In future Bay of Bengal storms brewing in Andhra Pradesh and Tamil Nadu, which will hit the highest level in the study conducted by scientists have revealed.

Read More

சென்னையில் குப்பைகளை அகற்றும் பணி தீவிரம்

சென்னை : சென்னையில் வர்தா புயல் காரணமாக சாலைகளில் தேங்கிய குப்பைகளை அகற்றும் பணி முழுவீச்சில் நடந்து வருகிறது. நோய் பாதிப்பு ஏற்படாமல் இருக்கு துப்புரவு தொழிலாளர்களுக்கு தடுப்பு ஊசிகளும் போடப்பட்டு வருகிறது. பிற நோய் தடுப்பு நடவடிக்கைகளும் துரிதமாக மேற்கொள்ளப்பட்டு வருகிறது.

வார்தா புயல் காரணமாக சென்னை நகரில் தேங்கியுள்ள குப்பைகளை அகற்றுவதற்கு வெளி மாவட்டங்களில் உள்ள மாநகராட்சி மற்றும் நகராட்சிகளில் பணிபுரியும் 1,300 துப்புரவு பணியாளர்கள் சென்னைக்கு வரவழைக்கப்பட்டு துப்புரவுப் பணியில் ஈடுபடுத்தப்பட்டுள்ளனர். மேலும், 500 பேர் வெளி மாவட்டங்களில் இருந்து வரவழைக்கப்பட்டு இப்பணியில் ஈடுபடுத்தப்படுவர். சென்னை, காஞ்சிபுரம் மற்றும் திருவள்ளூர் மாவட்டங்களில் 119 ஆம்புலன்ஸ் வாகனங்கள் அவசர தேவைக்காக ஈடுபடுத்தப்பட்டுள்ளன. இந்த மாவட்டங்களில் 100 நடமாடும் மருத்துவக் குழுக்கள் பணியில் ஈடுபடுத்தப்பட்டுள்ளன. சுகாதாரத் துறை மற்றும் உள்ளாட்சி அமைப்புகளுடன் இணைந்து நிவாரண முகாம்களில் மருத்துவ உதவி முகாம்கள் தொடங்கப்பட்டுள்ளன.

ஆரம்ப சுகாதார நிலையங்கள், அரசு மருத்துவக் கல்லூரி மருத்துவமனைகள் மற்றும் அரசு மருத்துவமனைகளில் போதிய மருத்துவக் குழுக்கள் செயல்பட்டு வருகின்றன. உணவு பாதுகாப்பு, குடிநீர் பாதுகாப்பு மற்றும் பூச்சிகளால் ஏற்படும் தொற்று நோய்கள் மற்றும் பாதுகாக்கப்படாத அசுத்த நீரினால் ஏற்படும் தொற்றுநோய்களுக்கென மருத்துவ சிகிக்சை வழங்க தலா 50 குழுக்கள் அமைக்கப்பட்டு செயல்பட்டு வருகின்றன.

English Summary:

Chennai varta residual debris removal work on the roads due to the storm is going on in full swing. Cleanup workers to be vaccinated against the disease prevalence is placed in syringes. And other disease prevention measures are carried out rapidly. 

Read More

மீனவர்கள் கடலுக்கு செல்லலாம் : வானிலை ஆய்வு மையம்

சென்னை : புயல் காரணமாக விடுக்கப்பட்டிருந்த எச்சரிக்கை விலக்கிக் கொள்ளப்பட்டுள்ளதால், மீனவர்கள் கடலுக்கு செல்லலாம் என சென்னை வானிலை ஆய்வு மையம் தெரிவித்துள்ளது.

வர்தா புயலின் தாக்கம் காரணமாக புயல் காற்று, அதிவேகமாக வீசும் என்பதால் மறு உத்தரவு வரும் வரை மீனவர்கள் யாரும் கடலுக்கு செல்ல வேண்டாம் என வானிலை ஆய்வு மையம் எச்சரித்திருந்தது. புயலின் தீவிரத்தை உணர்த்த சென்னை துறைமுகத்தில் 10 ம் எண் புயல் எச்சரிக்கை கூண்டும், கடலூரில் 8 ம் எண் புயல் எச்சரிக்கை கூடும் ஏற்றப்பட்டது. இந்நிலையில் வர்தா புயல் நேற்று முன்தினம் கரையை கடந்தது. புயல் கரையை கடந்த பின்னும் நேற்று வரை தொடர்ந்து மழை பெய்து வந்தது.

தற்போது வர்தா புயல் சின்னமானது பெங்களூரு அருகே நிலை கொண்டுள்ளது. காற்றின் வேகம் சீரடைந்துள்ளது. இதனால் புயல் காரணமாக விடுக்கப்பட்டிருந்த எச்சரிக்கை விலக்கிக் கொள்ளப்படுவதாகவும், மீனவர்கள் இனி வழக்கம் போல் கடலுக்கு செல்லலாம் எனவும் வானிலை ஆய்வு மையம் தெரிவித்துள்ளது.

English summary:

Chennai: Storm withdrew due to  warned fishermen to go to sea Chennai Meteorological Bureau said. 

Read More

முழுவீச்சில் சீரமைப்புப் பணிகள்: முதல்வர் நேரில் ஆய்வு

தமிழகத்தில் வர்தா புயலால் பாதிக்கப்பட்ட சென்னை, காஞ்சிபுரம், திருவள்ளூர் ஆகிய மூன்று மாவட்டங்களிலும் முழுவீச்சில் சீரமைப்புப் பணிகள் மேற்கொள்ளப்பட்டு வருகின்றன. இந்த மூன்று மாவட்டங்களிலும் புயலில் சிக்கி பலியானவர்களின் எண்ணிக்கை 16 ஆக உயர்ந்துள்ளது.

இதனிடையே புயலால் பாதிக்கப்பட்ட பகுதிகளில் நேரில் ஆய்வு மேற்கொண்ட முதல்வர் ஓ.பன்னீர்செல்வம் தலைமைச் செயலகத்தில் அமைச்சர்கள், அதிகாரிகளுடன் ஆலோசனை நடத்தினார். இதைத் தொடர்ந்து, மீட்பு மற்றும் நிவாரணப் பணிகளை மேற்கொள்ள உடனடியாக ரூ.1,000 கோடி தேவை என்று பிரதமர் நரேந்திர மோடியை வலியுறுத்திக் கடிதம் எழுதியுள்ளார்.

இதுதொடர்பாக முதல்வர் ஓ.பன்னீர் செல்வம் வெளியிட்டுள்ள அறிக்கையில் கூறியிருப்பதாவது:

7,127 குடிசைகள் சேதம்: வர்தா புயலில் சிக்கி 16 பேர் உயிரிழந்துள்ளனர். 1,388 குடிசைகள் முழுமையாகவும், 5,739 குடிசைகள் பகுதியாகவும் என மொத்தம் 7,127 குடிசைகள் சேதமடைந்துள்ளன. உயிரிழந்த 16 பேரின் குடும்பங்களுக்கு தலா ரூ.4 லட்சம் பேரிடர் நிவாரண நிதியில் இருந்து வழங்க உத்தரவிடப்பட்டுள்ளது.
நிவாரண முகாம்களில் 13,000 பேர்: சென்னை துறைமுகம் அருகே 130 கி.மீ. வேகத்தில் திங்கள்கிழமை மாலை கரையைக் கடந்த வர்தா புயலால் பாதிக்கப்பட்ட 13 ஆயிரம் பேர் நிவாரண முகாம்களில் தங்க வைக்கப்பட்டுள்ளனர்.

ஓரிரு நாள்களில் மின்சாரம்: புயல் காரணமாக, மூன்று மாவட்டங்களின் மின் விநியோகம் பாதிக்கப்பட்டுள்ளது. 450 மின் மாற்றிகளும், மூன்று மின் கடத்தி கோபுரங்களும் (230 கேவிஏ) சேதமடைந்துள்ளன.
10 ஆயிரம் மின் கம்பங்கள் சாய்ந்துள்ளன. மின்மாற்றிகள், மின் கம்பங்களை மாற்றியமைக்கும் பணிகளில் 9 ஆயிரம் பணியாளர்கள் ஈடுபடுத்தப்பட்டுள்ளனர்.

சென்னையில் பெரும்பாலான இடங்களில் செவ்வாய்க்கிழமை இரவுக்குள் மின் விநியோகம் சீர் செய்யப்பட்டு விடும். ஆனாலும், சென்னை புறநகர்ப் பகுதிகள், காஞ்சிபுரம், திருவள்ளூர் மாவட்டங்களில் புதிய மின் கம்பங்கள் நிறுவப்பட்டு அதன் பிறகே மின் விநியோகம் செய்ய முடியும். இதற்கு ஓரிரு நாள்கள் ஆகும்.

சென்னை, திருவள்ளூர், காஞ்சிபுரம் மாவட்டங்களில் உள்ள மாநகர-நகர சாலைப் பகுதிகளுக்குள் 12 ஆயிரத்துக்கும் மேற்பட்ட மரங்கள் வேருடன் சாய்ந்து விழுந்துள்ளன. மரங்களை வெட்டி அப்புறப்படுத்தும் பணியில் 275 மின் அறுவை இயந்திரங்களும், 100-க்கும் மேற்பட்ட ஜேசிபி இயந்திரங்களும் பயன்படுத்தப்பட்டு வருகின்றன. மேலும், 8 ஆயிரத்து 400 பணியாளர்கள் தொடர்ந்து பணியில் ஈடுபடுத்தப்பட்டு வருகின்றனர்.
ரயில் சேவை நிறுத்தப்பட்டதால் பாதிக்கப்பட்ட 18 ஆயிரம் பயணிகள் 150 பேருந்துகள் மூலம் பல்வேறு ஊர்களுக்கு அனுப்பி வைக்கப்பட்டனர். மேலும், அத்தியாவசியமாகத் தேவைப்படும் ஆவின் பால் விநியோகம் தங்கு தடையின்றி விநியோகிக்கப்படுகிறது என்று முதல்வர் ஓ.பன்னீர்செல்வம் தெரிவித்துள்ளார்.

சரக்கு பெட்டகம் அடங்கிய லாரிகளை மீட்கும் பணியில் ஈடுபட்டுள்ள பொக்லைன் இயந்திரங்கள், திருமுல்லைவாயில் வைஷ்ணவி நகர் முதல் பிரதான சாலையில் சாய்ந்த பிரமாண்டமான மின்மாற்றி.  உருக்குலைந்துள்ள அகில இந்திய வானொலியின் கோபுரம். சென்னை ஆலப்பாக்கம் பிரதான சாலை லட்சுமி நகரில் வர்தா புயலில் உருக்குலைந்த பெட்ரோல் நிலையம். சென்னை அம்பத்தூர் தொழிற்பேட்டை காவலர் குடியிருப்பு காவல் நிலையம் அருகில் வேருடன் சாய்ந்த மரம். நாள்.

English Summary : Overhauls in full swing: in the first instance review. Varta storm victims in Tamil Nadu, Chennai, Kanchipuram and Thiruvallur districts in three overhauls are being carried out in full swing. These three districts increased to 16 the number of victims trapped in the storm.

Read More

புயலில் சாய்ந்த மரங்களை அகற்றும் பணி : தமிழக அரசுக்கு அன்புமணி பாராட்டு

சென்னை  - புயலால் சாய்ந்த மரங்களை அகற்றும் பணியில் சென்னை மாநகராட்சி உள்ளிட்ட பல்வேறு துறை பணியாளர்களும், சாய்ந்து விழுந்த மின்கம்பிகளை சீரமைத்து மின்சார வினியோகத்தை தொடங்கும் நடவடிக்கைகளில் மின்வாரிய தொழிலாளர்களும் ஈடுபட்டிருகின்றனர். கடுமையான நெருக்கடியிலும் அவர்கள் மேற்கொண்டு வரும் பணி பாராட்டத்தக்கதாகும்" என்று பாமக இளைஞரணித் தலைவர் அன்புமணி ராமதாஸ் கூறியுள்ளார். இது தொடர்பாக அவர் வெளியிட்ட அறிக்கையில் கூறியிருப்பதாவது
 , "சென்னையை 22 ஆண்டுகளுக்குப் பிறகு தாக்கிய புயல் மிகவும் மோசமான பாதிப்புகளையும், சேதங்களையும் ஏற்படுத்திச் சென்றுள்ளது. வார்தா புயல் பாதிப்புகளில் இருந்து மீண்டெழுந்து வரும் சென்னை மற்றும் புறநகர் மாவட்டங்கள், சேதங்களில் இருந்து மீள இன்னும் அதிக காலம் ஆகும்.

தமிழக அரசும், உள்ளாட்சிகள் உள்ளிட்ட பிற அமைப்புகளும் இம்முறை போதிய முன்னெச்சரிக்கை நடவடிக்கைகளை மேற்கொண்டிருந்தன. இது பாராட்டப்பட வேண்டியதாகும். ஆனால், பெரும்பாலான இடங்களில் 120 கி.மீ. வேகத்திலும், சில இடங்களில் 182 கி.மீ. வேகத்திலும் தாக்கிய புயலால் சென்னை மாநகரமும், திருவள்ளூர் மற்றும் காஞ்சிபுரம் மாவட்டங்களில் பெரும்பாலான பகுதிகளும் மிகக்கடுமையாக பாதிக்கப்பட்டுள்ளன.

இந்த மாவட்டங்களில் சாலை, தொடர்வண்டி, விமானம் உள்ளிட்ட அனைத்து போக்குவரத்து சேவைகளும் முற்றிலுமாக முடங்கின. பெருநகர தொடர்வண்டி சேவை மட்டும் தான் குறிப்பிட்ட பகுதிகளில் உள்ள மக்களுக்கு உதவியாக இருந்தது. சென்னையில் 4000-க்கும் அதிகமான மரங்கள் வேரோடு சாய்ந்தன. 3500-க்கும் அதிகமான மின் கம்பங்கள் சாய்ந்துள்ளன. சென்னையின் பல பகுதிகளில் சரக்குப் பெட்டகங்கள் (கண்டெய்னர்கள்), மகிழுந்துகள் காற்றில் அடித்துச் செல்லப்பட்டன என்பதிலிருந்தே புயலின் தாக்கத்தை புரிந்து கொள்ள முடியும்.

புயலின் பாதிப்பு காரணமாக சென்னையில் பல பகுதிகளில் இன்னும் போக்குவரத்து சீரடையவில்லை. புயலால் சாய்ந்த மரங்களை அகற்றும் பணியில் சென்னை மாநகராட்சி உள்ளிட்ட பல்வேறு துறை பணியாளர்களும், சாய்ந்து விழுந்த மின்கம்பிகளை சீரமைத்து மின்சார வினியோகத்தை தொடங்கும் நடவடிக்கைகளில் மின்வாரிய தொழிலாளர்களும் ஈடுபட்டிருகின்றனர். கடுமையான நெருக்கடியிலும் அவர்கள் மேற்கொண்டு வரும் பணி பாராட்டத்தக்கதாகும். இதற்காக அவர்களுக்கு ஊக்கப்பரிசுகள் வழங்கப்பட வேண்டும்  என்று அன்புமணி ராமதாஸ் கூறியுள்ளார்.

English Summary : Leaning trees in storm removal work: Anbumani appreciation to Government of Tamil Nadu.Storm in the Chennai Corporation to remove the leaning trees, including field staff and restructure the electric power supply wiring and start to lean in the Electricity Board workers itupattirukinranar fallen. Who are doing their work parattattakkatakum serious crisis "Anbumani Ramadoss said that the PMK leader ilainaranit. In this connection, he said in a statement

Read More