எல்லாம் ரெடி... மவுலிவாக்கம் 11 மாடிக் கட்டடம் 3.30 மணிக்கு தரைமட்டமாகும்- சிஎம்டிஏ தகவல்

சென்னை மவுலிவாக்கத்தில் 11 மாடி கட்டடம் இடிக்கப்படும் நேரம் மாற்றப்பட்டுள்ளது என காவல்துறை அறிவித்துள்ளது. ஒரு மணி நேரம் தாமதாக பிற்பகல் 3.30 மணிக்கு கட்டிடம் தகர்க்கப்படும் என காவல்துறை தகவல் தெரிவித்துள்ளது. கட்டடத்தை தகர்ப்பதற்கான வெடி பொருட்கள் பிற்பகல் 2.30 மணிக்கு கட்டிடம் இடிக்கப்படும் என தெரிவிக்கப்பட்டிருந்தது. தற்போது கட்டடம் ஒரு மணி நேரம் தாமதமாக இடிக்கப்படுகிறது.

கடந்த 2014 ஜூன் 28ம் தேதி மாலையில் சென்னை‌யை அடுத்த மவுலிவாக்கத்தில் கட்டப்பட்டுக்கொண்டிருந்த 11 மாடிக் கட்டடங்களில் ஒன்று இடிந்து தரைமட்டமானது. இந்த விபத்தில் இடிபாடுகளில் சிக்கிய 61 பேர் உயிரிழந்தனர். இதன் அருகில் இருந்த மற்றொரு 11 மாடிக் கட்டடமும் பாதுகாப்பற்ற முறையில் இருப்பது தெரியவந்ததால், அதனை இடிக்க உச்சநீதிமன்றம் உத்தரவிட்டது.

இதன்படி, இந்தக் கட்டடம் பலத்த பாதுகாப்புடன் இன்று ‌பிற்பகலில் இடிக்கப்படுகிறது. கட்டடம் அதே இடத்தில் உள்நோக்கி விழும் வகையில், வெடிமருந்துகள் மூலம் நவீன தொழில்நுட்பத்துடன் இடிக்கப்படவுள்ள‌து. ‌

இதற்காக கட்டடத்தின் உள்ளே 150 இடங்களில் தூண்களில் துளையிடப்பட்டு 75 கிலோ அளவிற்கு வெடி பொருட்கள் நிரப்பப்பட்டுள்ளன. வெடிமருந்துகள் ஒன்றுடன் ஒன்றாக வயர்கள் மூலம் இணைக்கப்பட்டுள்ளன. ரிமோட்கள் மூலம் வெடிபொருட்களை வெடிக்கச் செய்வார்கள். முதலில் தரை தளத்தில் தொடங்கி 5 வது தளம் வரை நிரப்பப்பட்டுள்ள வெடி பொருட்கள் வெடித்து கட்டடம் தரை மட்டமாகும்.

முன்னெச்சரிக்கை நடவடிக்கையாக மவுலிவாக்கம் பகுதி பள்ளிகளுக்கு ‌செவ்வாய் மற்றும் புதன்கிழமைகளில் விடுமுறை விடப்பட்டுள்ளது. கட்டடத்தின் அருகே இருக்கும் தனியார் நிறுவனங்களுக்கு இன்று விடுமுறை அளிக்கப்பட்டுள்ளது.

இடிக்கப்படும் கட்டடங்களுக்கு அருகில் முன்னெச்சரிக்கையாக 10 தீயணைப்பு வாகனங்கள், ஆம்புலன்ஸ் வாகனங்கள் தயார்நிலையில் நிறுத்த‌வைக்கப்படவுள்ளன. இதற்காக மவுலிவாக்கம் மற்றும் அதனைச் சுற்றியுள்ள பகுதிகளில் இன்று நண்பகல் 12 மணி முதல் கட்டடத்தை இடித்து முடிக்கும் வரை மி‌ன்தடை அறிக்கப்பட்டுள்ளது.

கட்டடம் 3.30 மணியளவில் இடித்து தரைமட்டமாக்கப்படும் என்றும், இடிபாடுகள் உள் நோக்கியே விழும் என்பதால் அருகில் உள்ள கட்டடங்களுக்கு பாதிப்பு வர வாய்ப்பு இல்லை என்றும் அதிகாரிகள் தெரிவித்துள்ளனர். கட்டடம் 10 நொடிகளில் தரைமட்டமாகும் என்றும் அப்போது எழும் புகை மண்டலத்தை கட்டுப்படுத்தவும், தண்ணீர் பீய்ச்சியடிக்கவும் தீயணைப்பு வாகனங்கள் தயார் நிலையில் உள்ளன. கட்டடத்தை சுற்றியும் 200 மீட்டர் தொலைவிற்கு ஆபத்தான பகுதி என்று அறிவிக்கப்பட்டுள்ளது.

கட்டடம் இடிக்க தயார் நிலையில் உள்ளது. ஆட்டோக்கள் மூலம் அறிவிப்பு செய்யப்பட்டு வருகிறது. இடிக்கப்படும் கட்டடத்தின் அருகில் உள்ள வீடுகளில் யாரேனும் வசிக்கிறார்களாக என்பதை அறிய வீடு வீடாக சென்று அதிகாரிகள் சோதனை நடத்தி வருகின்றனர். அந்த பகுதியில் 50க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர்.

ஆபத்தான பகுதிகள் என்று அறிவிக்கப்பட்ட இடங்களில் சிகப்பு கொடிகள் கட்டப்பட்டுள்ளன. போரூரில் இருந்து குன்றத்தூர் செல்லும் வாகனங்கள் குமணன் சாவடி, மாங்காடு வழியாக செல்ல அறிவுறுத்தப்பட்டுள்ளன. குன்றத்தூர்-போரூர் செல்லும் வாகனங்கள் பாய்கடையில் இருந்து பட்கூட்ரோடு வழியாக செல்லவும் கேட்டுக்கொள்ளப்பட்டுள்ளனர்.

Read More

இந்திய அணி அறிவிப்பு: மீண்டும் காம்பிருக்கு வாய்ப்பு

இங்கிலாந்துக்கு எதிரான முதலிரண்டு டெஸ்ட் போட்டிக்கான இந்திய அணியில் காம்பிர், பாண்ட்யா, இஷாந்த் உள்ளிட்டோர் இடம்பிடித்துள்ளனர்.
இந்தியா வரும் இங்கிலாந்து அணி ஐந்து போட்டிகள் கொண்ட டெஸ்ட் தொடரில் பங்கேற்கிறது. முதல் போட்டி ராஜ்கோட்டில் வரும் 9ல் துவங்குகிறது. இத்தொடரின் முதலிரண்டு போட்டிக்கான 15 பேர் கொண்ட இந்திய அணியை எம்.எஸ்.கே.பிரசாத் தலைமையிலான தேர்வுக்குழு மும்பையில் இன்று தேர்வு செய்தது.

மீண்டும் காம்பிர்:
இதில், நியூசிலாந்து டெஸ்ட் தொடரின் கடைசி போட்டியில் விளையாடிய 'சீனியர்' வீரர் காம்பிர் மீண்டும் இடம் பிடித்துள்ளார். 'ஆல்-ரவுண்டர்' ஹர்திக் பாண்ட்யா வாய்ப்பு பெற்றுள்ளனர். துவக்க வீரர் ஷிகர் தவான், ரோகித் சர்மா காயம் காரணமாக இடம்பெறவில்லை. சிக்குன் குனியா காய்ச்சலில் இருந்து மீண்டுள்ள வேகப்பந்துவீச்சாளர் இஷாந்த் அணிக்கு திரும்பியுள்ளார். மற்றபடி, சுழற்பந்துவீச்சாளர் அஷ்வின், ஜடேஜா, அமித் மிஸ்ரா, முரளி விஜய் உள்ளிட்டோர் இடம் பெற்றுள்ளனர்.

அணி விவரம்:
விராத் கோஹ்லி (கேப்டன்), அஷ்வின், காம்பிர், ஜடேஜா, மிஸ்ரா, ஷமி, புஜாரா, ரகானே, சகா, கருண் நாயர், முரளி விஜய், உமேஷ், ஹர்திக் பாண்ட்யா, இஷாந்த், ஜெயந்த் யாதவ்.

Read More

ஐகோர்ட்களில் 43 சதவீதம் நீதிபதி பணியிடங்கள் காலி

நாடு முழுவதிலும் உள்ள 24 ஐகோர்ட்களில் 43 சதவீதம் நீதிபதிகள் பணியிடங்கள் காலியாக உள்ளதாக சட்டத்துறை அமைச்சக புள்ளி விபர கணக்கு தெரிவிக்கிறது.

சட்ட அமைச்சகம் தகவல் :

நீதிபதிகள் நியமன விவகாரத்தில் வகுக்கப்பட வேண்டிய விதிகள் தொடர்பாக மத்திய அரசுக்கும், சுப்ரீம் கோர்ட்டிற்கும் இடையே குழப்பம் நிலவி வருகிறது. இந்நிலையில் நாடு முழுவதிலும் உள்ள ஐகோர்ட்களில் காலியாக உள்ள நீதிபதிகள் பணியிடங்கள் குறித்த விபரங்கள் வெளியிடப்பட்டுள்ளது. 24 ஐகோர்ட்களில், மொத்தமுள்ள 1079 நீதிபதி பணியிடங்களில் 464 காலியாக உள்ளது.

காலி பணியிடங்கள் விபரம் :

அதிகபட்சமாக ஆந்திராவில் அதிகமாக நீதிபதி பணியிடங்கள் காலியாக உள்ளன. இதற்கு அடுத்தபடியாக அலகாபாத்தில் 83 நீதிபதி பணியிடங்களும், பஞ்சாப் மற்றும் அரியானா ஐகோர்ட்களில் 39 நீதிபதி பணியிடங்களும், கர்நாடகாவில் 36 நீதிபதி பணியிடங்களும் காலியாக உள்ளன. கடந்த வாரம் நடந்த வழக்கு விசாரணையின் போது நீதிபதி காலியிடங்களை, சுப்ரீம் கோர்ட் தலைமை நீதிபதி டி.எஸ்.தாகூர் தலைமையிலான பெஞ்ச் சுட்டிக்காட்டி மத்திய அரசுக்கு தனது கண்டனத்தை தெரிவித்தது.

Read More

எம்.பி.,க்களின் சம்பளம் 100 சதவீதம் உயர்கிறது

புதுடில்லி: எம்.பி.,க்களின் சம்பளத்தை ரூ.1 லட்சமாக உயர்த்த மத்திய அரசு முடிவு செய்துள்ளது.

எம்.பி.,க்களின் சம்பளம் தொடர்பாக பா.ஜ., எம்.பி., யோகி ஆதித்யநாத் தலைமையில் குழு அமைக்கப்பட்டது. இந்த குழு பல ஆய்வுக்கு பின்னர், எம்.பி.,க்களின் சம்பளம், படிகளை உயர்த்த பரிந்துரை செய்துள்ளது. இந்த குழு அறிக்கையை மத்திய அரசு ஆய்வு செய்த பின்னர் ஒப்புதலுக்காக பிரதமர் அலுவலகம் அனுப்பி வைக்கப்பட்டது.

இந்நிலையில், தற்போது எம்.பி.,க்களின் சம்பளத்தை ரூ.50 ஆயிரத்திலிருந்து ரூ.1 லட்சமாக உயர்த்த வேண்டும் என்ற குழு அறிக்கையை ஏற்க பிரதமர் அலுவலகம் முடிவு செய்துள்ளது. மேலும் எம்.பி.,க்களுக்கு வழங்கப்படும் படிகளையும் உயர்த்தவும் ஒப்புதல் வழங்கப்பட்டுள்ளது.
தற்போது, ஜனாதிபதியின் சம்பளத்தையும் ரூ.1.5 லட்சத்திலிருந்து ரூ.5 லட்சமாகவும், கவர்னரின் சம்பளத்தை ரூ.1.10 லட்சத்திலிருந்து ரூ.2.5 லட்சமாகவும் உயர்த்த மத்திய அரசு திட்டமிட்டு வருகிறது.

Read More

இங்கிலாந்து டெஸ்ட் தொடருக்கான இந்திய அணி இன்று தேர்வு.. கம்பீருக்கு கிடைக்குமா வாய்ப்பு?

இங்கிலாந்துக்கு எதிரான டெஸ்ட் போட்டிக்கான இந்திய அணி இன்று அறிவிக்கப்படுகிறது. எம்.எஸ்.கே.பிரசாத் தலைமையிலான தேர்வு குழுவினர் மும்பையில் கூடி அணியை தேர்வு செய்கிறார்கள். 

5 போட்டிகள் கொண்ட டெஸ்ட் தொடரில் பங்கேற்பதற்காக அலஸ்டயர் குக் தலைமையிலான இங்கிலாந்து கிரிக்கெட் அணி, இந்தியாவில் சுற்றுப் பயணம் மேற்கொள்கிறது. 

5ம் தேதி மும்பையில் உள்ள சி.சி.ஐ கிளப்பில் பயிற்சி மேற்கொள்ளும் இங்கிலாந்து அணியினர், பிறகு முதலாவது டெஸ்ட் நடக்கும் ராஜ்கோட்டுக்கு செல்வார்கள்.

ராஜ்கோட்டில் நவம்பர் 9 முதல் 13ம் தேதிவரை முதலாவது டெஸ்ட் நடைபெறுகிறது. விசாகப்பட்டினத்தில் நவம்பர் 17-21 வரை 2வது டெஸ்ட் போட்டியும், மொகாலியில் நவம்பர் 26-30 வரை 3வது டெஸ்ட் போட்டியும், மும்பையில் டிசம்பர் 8-12 வரை 4வது டெஸ்ட் போட்டியும் நடைபெறுகிறது. ஐந்தாவது டெஸ்ட் போட்டி சென்னையில் டிசம்பர் 16ம் தேதி முதல் 20வரை நடைபெறுகிறது.

இந்நிலையில், இங்கிலாந்துக்கு எதிரான டெஸ்ட் போட்டிக்கான இந்திய அணி இன்று அறிவிக்கப்படுகிறது. எம்.எஸ்.கே.பிரசாத் தலைமையிலான தேர்வு குழுவினர் மும்பையில் கூடி அணியை தேர்வு செய்கிறார்கள். 

நியூசிலாந்துக்கு எதிரான தொடரின் போது காயமடைந்த ஓப்பனிங் பேட்ஸ்மேன் லோகேஷ் ராகுல், வேகப்பந்து வீச்சாளர் புவனேஷ்வர் குமார் ஆகியோர் இன்னும் குணமடையாததால் அவர்களுக்கு வாய்ப்பு கிடைப்பது சந்தேகம். 

விரலில் ஏற்பட்ட காயத்தால் அவதிப்படும் ஷிகர் தவானுக்கும் இடம் கிடைப்பது சந்தேகம் தான். எனவே ஓப்பனிங் இடத்துக்கு முரளி விஜயுடன் கம்பீரை களமிறக்க வாய்ப்பாக அவரை அணிக்கு தேர்ந்தெடுக்க வாய்ப்புள்ளது. 

2 ஆண்டுகள் இடைவெளிக்கு பிறகு இந்தூரில் நடந்த நியூசிலாந்துக்கு எதிரான கடைசி டெஸ்டில் கம்பீருக்கு களம் காண வாய்ப்பு கிடைத்தது. கம்பீர் 2வது இன்னிங்சில் அரைசதம் அடித்து நம்பிக்கையை காப்பாற்றினார். சில தினங்களுக்கு முன்பு ரஞ்சி கிரிக்கெட்டில் ஒடிசாவுக்கு எதிராக 147 ரன்கள் விளாசி மீண்டும் தனது ஃபார்மை பறைசாற்றியுள்ளார். 

சிக்குன் குனியா காய்ச்சலால் நியூசிலாந்து தொடரில் ஆட முடியாத இஷாந்த் ஷர்மா ,அதில் இருந்து குணமடைந்து ரஞ்சி போட்டியில் விளையாடினார். இதனால் அவருக்கு அணியில் வாய்ப்பு கிடைப்பது உறுதியாகிவிட்டது. அநேகமாக நியூசிலாந்து தொடரில் விளையாடிய இந்திய அணியில் எந்த மாற்றமும் இருக்காது.

Read More

எல்லையில் பாகிஸ்தான் அத்துமீறல்.. மோடி தலைமையில் உயர்மட்ட குழு அவசர ஆலோசனை

டெல்லி: காஷ்மீரில் எல்லைப்பகுதியில் போர் நிறுத்த ஒப்பந்தத்தை மீறி பாகிஸ்தான் தொடர்ந்து இந்திய நிலைகள் மீதும், அப்பாவி மக்களை குறி வைத்தும் தாக்குதல் நடத்தி வருகிறது. 

ஆனால், நிகியால், ஜாண்ட்ராட் பகுதிகளில் 31ம் தேதி இந்தியா அத்துமீறி தாக்குதல் நடத்தியதாகவும், இதில் பாகிஸ்தானை சேர்ந்த ஒரு பெண் உள்பட 6 பேர் பலியானதாகவும், 8 பேர் காயம் அடைந்துள்ளதாகவும் பாகிஸ்தான் கூறுகிறது.

கடந்த 3 நாட்களில் பாகிஸ்தானின் அத்துமீறிய தாக்குதலால், இந்திய எல்லையில் 7 பொதுமக்கள் உயிரிழந்துள்ளதாக இந்தியா குற்றம்சாட்டுகிறது. இதனிடையே, இந்தியாவுக்கான துணைத்தூதர் ஜே.பி.சிங்கை பாகிஸ்தான் தெற்காசியா மற்றும் சார்க் பிரிவின் தலைமை இயக்குனர் முகமது பைசல் நேற்று அழைத்து, கடும் கண்டனத்தை பதிவு செய்துள்ளார். 

இதுபோன்ற பரபரப்பான சூழலில், டெல்லியில் பிரதமர் மோடி தலைமையில் உயர்மட்ட குழு அவசர ஆலோசனை தொடங்கியுள்ளது. 

ஜம்மு காஷ்மீரில் பள்ளிகள் தொடர்ந்து தீக்கிரையாக்கப்பட்டு வருவது, எல்லையில் பாகிஸ்தானின் அத்துமீறல் போன்ற விவகாரங்கள் குறித்து இதில் ஆலோசிக்கப்படுகிறது. பாதுகாப்புத்துறை அமைச்சர் மனோகர் பாரிக்கர், உள்துறை அமைச்சர் ராஜ்நாத்சிங், தேசிய பாதுகாப்பு ஆலோசகர் அஜித் தோவல் உள்ளிட்ட உயர் அதிகாரிகள் இதில் பங்கேற்றுள்ளனர்.

Read More

இந்த விஷயத்தில் கவுதமியும், நானும் ஒன்னு: நடிகர் கார்த்திக் குமார்

நடிகை கவுதமியும், தானும் ஒரே நாளில் வெவ்வேறு விஷயங்கள் தொடர்பாக ஆனால் ஒரே முடிவு எடுத்ததாக நடிகர் கார்த்திக் குமார் தெரிவித்துள்ளார்.

நடிகை கவுதமி உலக நாயகன் கமல் ஹாஸனை பிரிவதாக நேற்று ட்விட்டரில் அறிவித்தார். 13 ஆண்டு கால உறவை முறித்துக் கொள்ளும் முடிவு தனது இதயத்தை நொறுக்குவதாக உள்ளது என்றார்.

இந்நிலையில் அலைபாயுதே, யாரடி நீ மோகினி, பசங்க 2 உள்ளிட்ட படங்களில் நடித்த கார்த்திக் குமார் நடிப்புக்கு முழுக்கு போடுவதாக ஃபேஸ்புக்கில் அறிவித்துள்ளார். கவுதமி வெளியிட்ட அறிவிப்பை பார்த்த கார்த்திக் ட்விட்டரில் கருத்து தெரிவித்துள்ளார்.

இது குறித்த அவரது ட்வீட்,

நானும் கவுதமியும் ஒரே நாளில் வெவ்வேறு விஷயங்கள் பற்றி ஒரே முடிவை கூறியதை நினைத்தால் வித்தியாசமாக உள்ளது என தெரிவித்துள்ளார்.

நல்ல கதாபாத்திரங்கள் கிடைக்கும் என நம்பி நம்பி காலங்கள் ஓடியதை அடுத்து கார்த்திக் இந்த முடிவை எடுத்துள்ளார்.

Read More