காங்கிரஸுடன் ஒருபோதும் கூட்டணி இல்லை: ஒடிஷா முதல்வர் நவீன் பட்நாயக் திட்டவட்டம்

காங்கிரஸ் கட்சியுடன் ஒருபோதும் கூட்டணி அமைக்கமாட்டோம் என்று பிஜூ ஜனதா தளத் தலைவரும் ஒடிஷா முதல்வருமான நவீன்பட்நாயக் திட்டவட்டமாகத் தெரிவித்துள்ளார்.

பாரதிய ஜனதா கட்சிக்கு எதிரான மெகா கூட்டணியில் பிஜூ ஜனதா தளமும் சேரக் கூடும் என்று அக்கட்சியின் நாடாளுமன்ற குழுத் தலைவர் மகதாப் தெரிவித்திருந்தார். இதனால் காங்கிரஸுடன் பிஜூ ஜனதா தளம் கூட்டணி அமைக்க வாய்ப்பிருப்பதாக செய்திகள் வெளியாகின.

இது குறித்து பாலசோர் மாவட்டத்தில் நிகழ்ச்சி ஒன்றில் பங்கேற்ற ஒடிஷா முதல்வர் நவீன்பட்நாயக்கிடம் செய்தியாளர்கள் கேள்வி எழுப்பினர். இதற்கு பதிலளித்த அவர், காங்கிரஸுடன் கூட்டணி என்ற பேச்சுக்கே இடம் இல்லை.

ஒடிஷா மக்களை காங்கிரஸ் கட்சியை ஒடிஷா மக்கள் நிராகரித்துவிட்டனர் என்றார். இருப்பினும் பிஜூ ஜனதா தளத்தின் மூத்த தலைவர்கள் சிலர், காங்கிரஸுடன் கூட்டணி அமைக்க வேண்டும் என விரும்புகின்றனர். இதனால் கட்சி தலைமை தமது நிலைப்பாட்டை மறுபரிசீலனை செய்ய வேண்டும் எனவும் வலியுறுத்தி வருகின்றனர்.

Read More

ஹிந்தி 'டிவி' ஒளிபரப்புக்கு ஒரு நாள் தடை விதிப்பு

பஞ்சாப் மாநிலம் பதன்கோட்டில், பயங்கரவாதிகள் தாக்குதல் நடத்தியபோது, அங்குள்ள ஆயுதங்கள் உள்ளிட்டவை குறித்த தகவல்களை வெளியிட்ட, தனியார் ஹிந்தி, 'டிவி'யின், ஒரு நாள் ஒளிபரப்புக்கு, மத்திய அரசு தடை விதித்துள்ளது.

தகவல்கள் வெளியீடு:


பாகிஸ்தான் பயங்கரவாதிகள், இந்த ஆண்டு துவக்கத்தில், பஞ்சாப் மாநிலம் பதன்கோட்டில் உள்ள விமானப்படை விமான தளத்தில் புகுந்து தாக்குதல் நடத்தினர். அப்போது, 'என்.டி.டி.வி., இந்தியா' என்ற ஹிந்தி, 'டிவி' சேனலில், பதன்கோட் விமானப்படை தளத்தில், பயங்கரவாதிகள் எங்கு பதுங்கியுள்ளனர்; எங்கு ஆயுதங்கள், போர் விமானங்கள் வைக்கப்பட்டுள்ளன உள்ளிட்ட தகவல்கள் வெளியிடப்பட்டன.

ஆய்வு:


இது குறித்து, செய்தி மற்றும் ஒலிபரப்பு துறையின், பல்வேறு அமைச்சகங்கள் அடங்கிய குழு ஆய்வு செய்தது. அதைத் தொடர்ந்து, அந்த, 'டிவி' சேனலுக்கு, 'நோட்டீஸ்' அனுப்பப்பட்டு, அதன் பதிலும் பெறப்பட்டது.

ஓரு நாள் தடை:


இது குறித்து, மத்திய செய்தி மற்றும் ஒலிபரப்பு துறை வெளியிட்டுள்ள அறிக்கை: பயங்கரவாதிகள் தாக்குதல் நடத்தும்போது, இதுபோன்ற பாதுகாப்பு தொடர்பான தகவல்களை வெளியிடுவது, நாட்டின் பாதுகாப்புக்கு பாதகத்தை ஏற்படுத்திவிடும் அபாயம் உள்ளது. புதிதாக ஏற்படுத்தப்பட்டுள்ள சட்டங்களின்படி, இந்த குற்றத்துக்கு, 30 நாட்களுக்கு ஒளிபரப்பு செய்ய தடை விதிக்கலாம்; இருப்பினும், இதுதான் முதல் புகார் என்பதால், வரும், 9ம் தேதி ஒருநாள் முழுவதும், இந்த, 'டிவி'யின் ஒளிபரப்புக்கு தடை விதிக்கப்படுகிறது. இவ்வாறு அதில் கூறப்பட்டு உள்ளது.

Read More

தமிழகத்தை பின்பற்ற முடிவு: மத்திய அமைச்சர்

தமிழகத்தில் மேற்கொள்ளப்படும் திடக்கழிவு மேலாண்மைத் திட்டத்தை நாடு முழுவதும் கிராமப்புறங்களில் பின்பற்றச் செய்ய நடவடிக்கை எடுக்கப்படும் என மத்திய அமைச்சர் நரேந்திர சிங் தோமர் தெரிவித்தார்.

சிறப்பான செயல்பாடு :


கொச்சியில் செய்தியாளர்களை சந்தித்த மத்திய ஊரக வளர்ச்சி மற்றும் பஞ்சாயத்து ராஜ் துறை அமைச்சர் நரேந்திர சிங் தோமர் தெரிவித்ததாவது: திடக் கழிவு மேலாண்மையில், தமிழக அரசு மிக சிறப்பாக செயல்படுகிறது. வருவாய் ஈட்டும் இத்திட்டமானது கிராமப் பஞ்சாயத்துகளுக்கு கூடுதல் வருவாய் ஈட்ட உதவும். தமிழகத்தில், 9,000 கிராமங்களில், திடக் கழிவு மேலாண்மை திட்டம், மிக சிறப்பாக செயல்படுத்தப்படுகிறது.

தமிழகம் முன்மாதிரி:


தமிழக அரசு செயல்படுத்தும் இத்திட்டத்தின் மாதிரியை, நாடு முழுவதும் அமல்படுத்த, மத்திய அரசு முடிவு செய்துள்ளது. நாடு முழுவதும் திட மற்றும் திரவக் கழிவு மேலாண்மைத் திட்டத்தை திறம்பட அமல்படுத்துவது என்பது பிரதமர் நரேந்திர மோடியின் தூய்மை இந்தியா திட்டம் வெற்றி பெறுவதற்கு அவசியம். இவ்வாறு அவர் தெரிவித்தார்.

Read More

காஷ்மீரில் பள்ளிகள் எரிக்கப்பட்டதை ஏற்க முடியாது: கைலாஷ் சத்யார்த்தி

 ஜம்மு-காஷ்மீரில் சமூக விரோதிகளால் பள்ளிகள் எரிக்கப்படுவதை ஏற்றுக்கொள்ள முடியாது எனறு நோபல் பரிசு பெற்றவரும் சமூக ஆர்வலருமான கைலாஷ் சத்யார்த்தி தெரிவித்துள்ளார்.

பிரிவினைவாதிகளின் விருப்பம்:


அமைதிக்கான நோபல் பரிசு பெற்ற சமூக ஆர்வலரான கைலாஷ் சத்யார்த்தி டில்லியில் நடைபெற்ற நிகழ்ச்சி ஒன்றில் கலந்து கொண்டு பேசியதாவது: காஷ்மீரில் கல்வி நிலையங்கள் எரிக்கப்பட்டுள்ளது கண்டிக்கத்தக்கது. குழந்தைகள் கல்வியறிவு பெற்றால் தொழில்நுட்பம், குடியுரிமை, மரியாதை, வரலாறு, கலாசாரம் மற்றும் அதன் மதிப்புகளை கற்றுக் கொள்வார்கள். அவ்வாறு கற்றுக் கொண்டால், அவர்களை மூளைச் சலவை செய்து பயன்படுத்த முடியாது. எனவே குழந்தைகளுக்கு கல்வி கிடைக்காத நிலையை ஏற்படுத்துவதே பிரிவினைவாதிகளின் விருப்பம். அதனால்தான் பள்ளிகளை தீவைத்துக் கொளுத்தியுள்ளனர். இவ்வாறு அவர் தெரிவித்தார்.

டில்லியில் மாநாடு:


மேலும் அவர் தெரிவிக்கையில், டில்லியில் டிச., 10 மற்றும் 11ம் தேதியில், நோபல் பரிசு பெற்றவர்கள் மற்றும் குழந்தைகள் நலனுக்காக தங்கள் வாழ்வை அர்ப்பணித்த தலைவர்கள் கலந்து கொள்ளும் மாநாடு ஜனாதிபதி மாளிகையில் நடைபெறவுள்ளது எனத் தெரிவித்தார்.

Read More

ஒடிசாவில் ரூ.685 கோடியில் ஆபரண தொழில் பூங்கா

புவனேஸ்வர் : 685 கோடி ரூபாய் மதிப்பீட்டில் மிகப்பெரிய ஆபரண தொழில் பூங்கா ஒடிசா மாநிலத்தில் அமையவிருக்கிறது.

ஆபரண தொழில் பூங்கா :

ஒடிசா மாநிலம் கட்டாக் மாவட்டத்தில் உள்ள ராம்தாஸ்பூரில் 685 கோடி ரூபாய் மதிப்பில் கற்கள் மற்றும் ஆபரண உற்பத்தி செய்யும் பூங்காவை அமைத்திட அம்மாநில அரசு அனுமதி வழங்கியுள்ளது. நேற்று நடைபெற்ற மாநில உயர்மட்டக்குழு ஆலோசனையில் இந்த திட்டத்திற்கான அனுமதி வழங்கப்பட்டதாக மாநில தலைமை செயலாளர் ஏ.பி.பாதி தெரிவித்துள்ளார்.
இந்த ஆபரண பூங்கா குறித்து ஏ.பி.பாதி கூறுகையில் "இந்த பூங்காவினால் ஏராளமான பேர் வேலைவாய்ப்பை பெறுவர். குறிப்பாக பெண்கள் மற்றும் மாற்றுத்திறனாளிகள் பயன் பெறுவர். 100 ஏக்கரில் அமையவிருக்கும் இந்த பூங்காவினால் சுமார் 16,000 பேருக்கு வேலைவாய்ப்பு கிடைக்கும். வைரங்கள் வெட்டுதல், தங்கம், வெள்ளி, பிளாட்டினம், வைர நகைகளை உருவாக்குதல் மற்றும் சில்லறை விற்பனை நிலையங்கள், ஏற்றுமதி நிலையங்கள் ஆகியவை இந்த பூங்காவில் அமையவிருக்கிறது" என்றார்.

Read More

சீனப்பொருட்கள் இறக்குமதியை கட்டுபடுத்த இந்தியா நடவடிக்கை

 இந்தியாவில் அபரிமிதமாக பெருகிவரும் சீனப் பொருட்கள் இறக்குமதியை கட்டுப்படுத்த இந்தியா நடவடிக்கைகளை மேற்கொண்டு வருகிறது.

சீனப் பொருட்களின் இறக்குமதி இந்தியாவில் அதிகரித்து வரும் வேளையில் அவற்றின் தரம் சிறப்பாக இல்லை என்பது ஊரறிந்த விஷயமாகி விட்டது. ஒரு சில சீன தயாரிப்பு பொருட்கள் தரமானவையாக இருந்தாலும் ஒட்டு மொத்தத்தில் இந்தியர்களிடையே தற்போது அதிருப்தியை மட்டுமே சம்பாதித்துள்ளது.

பிராந்திய பொருளாதார உடன்படிக்கை

RCEP எனும் பிராந்திய விரிவான பொருளாதார உடன்படிக்கையில் இந்தியா, ஆஸ்திரேலியா, சீனா, ஜப்பான், கொரியா நியூசிலாந்து நாடுகள் கையெழுத்திட்டன. இதன்படி மேற்கண்ட ஆறு நாடுகளும் தங்களுடைய பொருளாதார வளர்ச்சியை மேம்படுத்தும் வகையில், ஏற்றுமதி, இறக்குமதி, முதலீடு , தொழில் நுட்ப பரிமாற்றம் போன்றவற்றில் ஒத்துழைக்க முடிவு செய்தன.

அதிகரித்த சீனப் பொருட்கள்

ஒப்பந்தத்தின் படி இந்தியா மற்றும் சீன இடையேயான வர்த்தகம் அதிகரித்தாலும். சீனாமிக அதிக அளவில் தன்னுடைய உற்பத்திப் பொருட்களை இந்தியாவில் இறக்குமதி செய்துவருகிறது. சென்ற 2015 - 2016 ஆண்டில் மட்டும் சீனாவிலிருந்து 62 பில்லியன் அமெரிக்க டாலர்கள் அளவுக்கு பொருட்கள் இறக்குமதி ஆகின. ஆனால் இந்தியாவிலிருந்து வெறும் 9 பில்லியன் அமெரிக்க டாலர்கள் மதிப்பிலான பொருட்கள் மட்டுமே சீனாவுக்கு ஏற்றுமதி செய்யப்பட்டன. இதனால் இந்தியா சீனா இடையேயான ஏற்றுமதி இறக்குமதி வர்த்தகத்தில் 53 பில்லியன் டாலர்கள் அளவுக்கு வித்தியாசம் நிலவி வருகிறது.

இறக்குமதியை கட்டுப்படுத்த

இந்தியாவில் சீனப் பொருட்களின் இறக்குமதியை கட்டுப்படுத்த இறக்குமதியாகும் சீனப் பொருட்கள் மீதான வரிச் சலுகைகளை அடியோடு ரத்து செய்ய முடிவு செய்யப்பட்டுள்ளது. எனவே தற்போது சீனப்பொருட்களுக்கு அளிக்கப்பட்டு வரும் மூன்றடுக்கு இறக்குமதி வரிச் சலுகைகளை அடியோடு ரத்து செய்வதன் மூலம் இந்தியா சீன இடையே நிலவும் வர்த்தக பின்னடைவு சரியாக வாய்ப்பு உள்ளதாக சம்பந்தப்பட்ட அதிகாரிகள் தெரிவிக்கின்றனர்.

Read More

புதிய ரூ.1 கரன்சி நோட்டை வெளியிடுகிறது ரிசர்வ் வங்கி

புதிய ரூ.1 கரன்சி நோட்டை மத்திய ரிசர்வ் வங்கி வெளியிடவுள்ளது.

புதிய நோட்டு:


இது தொடர்பாக மத்திய அரசு வெளியிட்ட செய்திக்குறிப்பில் தெரிவிக்கப்பட்டுள்ளதாவது: ரிசர்வ் வங்கி புதிய ரூ.1 கரன்சி நோட்டுகளை புழக்கத்தில் விட உள்ளது. புதிய நோட்டில் H சின்னத்துடன் உட்பொதிந்த L எழுத்துடன், நோட்டின் முன்புறம் ரோஜா நிறத்துடன் இணைந்த பச்சையிலும் பின்புறம் மற்ற நிற கலவையிலும் இருக்கும்.

கையெழுத்து:


இது 9.7x 6.3 செ.மீ., அளவிலான இந்த நோட்டின் முன்புறத்தில் பாரத் சர்க்கார் என்ற வார்த்தைகள் இருக்கும். இதில் நிதித்துறை செயலர் ரத்தன் பி வட்டலின் இரு மொழி கையெழுத்தும் இடம்பெற்றிருக்கும்.

சர்வதேச எண்ணில் ஆண்டு:


எண்களானது நோட்டின் வலது கீழ்ப்புறம் கருப்பு வண்ணத்தில் அச்சடிக்கப்பட்டிருக்கும். இவற்றோடு ரூபாயின் மதிப்பானது 15 இந்திய மொழிகளில், மொழிகளுக்கான முகப்பிலும், நோட்டின் மையப்பகுதியின் கீழ்ப்புறம் சர்வதேச எண்ணில் ஆண்டும் அச்சிடப்பட்டிருக்கும்.

நாணயங்களும் செல்லத்தக்கது:


புதிய நோட்டு புழக்கத்திற்கு வந்த பின்னும், ஏற்கெனவே புழக்கத்தில் உள்ள நாணயங்களும் தொடர்ந்து சட்டப்படி செல்லுபடியாகும். இவ்வாறு தெரிவிக்கப்பட்டுள்ளது.

Read More