ஜன் தன் வங்கிக்கணக்கில் ரூ. 87 ஆயிரம் கோடி டிபாசிட்

புதுடில்லி: ஜன்தன் வங்கிக்கணக்கில் ரூ.87 ஆயிரம் கோடி டிபாசிட் செய்யப்பட்டுள்ளது. இது குறித்து அதிகாரிகள் விசாரணை நடத்தி வருகின்றனர்.

இது தொடர்பாக அதிகாரி ஒருவர் கூறியதாவது: ரூபாய் நோட்டு வாபஸ் திட்டத்திற்கு பின், நவம்பர் 10 முதல் டிசம்பர் 23ம் தேதி வரை 48 லட்சம் ஜன் தன் வங்கிக்கணக்கில் ரூ. 41,523 கோடி டிபாசிட் செய்யப்பட்டது. நவம்பர் 9ம் தேதி வரை ஜன்தன் வங்கிக்கணக்கில் ரூ.45,637 கோடி டிபாசிட் செய்யப்பட்டிருந்த நிலையில், ரூபாய் நோட்டு வாபசிற்கு பிறகு செய்த டிபாசிட் காரணமாக ரூ.87, 100 கோடியாக உயர்ந்தது. மேலும், இதில், நவம்பர் 30ம் தேதி வரை 4.86 லட்சம் ஜன்தன் வங்கிக்கணக்கில் ரூ.30 ஆயிரம் முதல் - ரூ.50 ஆயிரம் என ரூ. 2 ஆயிரம் கோடி டிபாசிட் செய்யப்பட்டுள்ளது.

இது குறித்து விசாரணை நடத்தப்படுகிறது. இதில் டிபாசிட் செய்யப்பட்ட பணம் வேறொருவருடையதாக இருந்தால், உரிய நடவடிக்கை எடுக்கப்படும். ரூபாய் நோட்டு வாபஸ் திட்டம் அறிவிக்கப்பட்ட பிறகு முதல் வாரத்தில் மட்டும் இந்த வங்கிக்கணக்குகளில் அதிகளவில் பணம் டிபாசிட் செய்யப்பட்டது. பின்னர் இது குறைந்தது. முதல் இரண்டு வாரங்களில் மட்டும், வாரத்திற்கு ரூ.5000 கோடி டிபாசிட் செய்யப்பட்டது. பின்னர் வாரத்திற்கு ரூ.1,000 கோடியாக குறைந்தது எனக்கூறினார்.

English Summary:

NEW DELHI: jantan bank deposits of Rs 87 crore. The authorities are investigating the matter. 

Read More

டிஜிட்டல் பொருளாதாரமே எதிர்காலம்: ஜெட்லி

புதுடில்லி: டிஜிட்டல் பொருளாதாரமே, இந்தியாவின் எதிர்காலமாக இருக்கும் என மத்திய நிதியமைச்சர் அருண் ஜெட்லி கூறியுள்ளார்.

இது தொடர்பாக அவர் அளித்த பேட்டி: கடந்த ஆண்டு, இந்தியாவிற்கு சிறந்த ஆண்டாக இருந்தது. உலகில் அதிவேகமாக பொருளாதாரம் கொண்ட நாடாக இந்தியா விளங்கியது. இனி வரும் ஆண்டிலும், இது தொடரும் என உறுதியாக கூறுகிறேன். பணவீக்கம் கட்டுக்குள் கொண்டு வரப்பட்டது. வட்டி விகிதமும் குறைய துவங்கியுள்ளது. புதிய ரூபாய் நோட்டுகள் மறு சுழற்சி வருவது என்பது சுமூகமாக நடந்து வருகிறது. இந்த ஆண்டில் ஜி.எஸ்.டி., மசோதா அமல்படுத்தப்படும். டிஜிட்டல் பொருளாதாரம் இந்தியாவின் எதிர்காலமாக இருக்கும். கறுப்பு பணம் உள்ளிட்ட ஏராளமான பணம் வங்கிக்கு திரும்பியுள்ளது. இதனால், வங்கிகள் கடன் வழங்கும் திறன் அதிகரித்துள்ளது. ரூபாய் நோட்டு வாபஸ் திட்டம் அமைதியாக நடந்து முடிந்துள்ளது. இதற்கு பொது மக்கள் அனைவரும் ஆதரவு தெரிவித்துள்ளனர். இவ்வாறு அவர் கூறினார்.

English summary:

NEW DELHI: digital economy, India's Finance Minister Arun Jaitley has said that the future will be. 

Read More

அதிபர் தேர்தலில் தலையீடு: 35 ரஷிய அதிகாரிகள் அமெரிக்காவிலிருந்து வெளியேற்றம்

அதிபர் பராக் ஒபாமாவால் வெளியேற உத்தரவிடப்பட்ட 35 ரஷிய தூதரக அதிகாரிகள் அமெரிக்காவிலிருந்து வெளியேறியதாக ரஷிய ஊடகங்கள் தெரிவிக்கின்றன.

அதிகாரிகள் மற்றும் அவர்களின் குடும்பத்தினருக்காக சிறப்பாக ரஷ்யாவிலிருந்து வந்த தனி விமானம்

அதிகாரிகள் மற்றும் அவர்களின் குடும்பத்தினருக்காக சிறப்பாக ரஷ்யாவிலிருந்து வந்த தனி விமானம் ரஷ்யாவிற்கு புறப்பட்டுச் சென்றது.

அமெரிக்க அதிபர் தேர்தலில் ரஷியா தலையிட்டதாக கூறப்படும் குற்றச்சாட்டிற்காக அவர்கள் அமெரிக்காவிலிருந்து வெளியேற வேண்டும் என்று ஒபாமா ஆணையிட்டார்.

அதிபராக தேர்ந்தெடுக்கப்பட்ட டொனால்ட் டிரம்பை வெற்றிப் பெற வைப்பதற்காக ஜனநாயக்க் கட்சி மற்றும் கிளிண்டனின் பிரசார மின்னஞ்சல்களில் சட்ட விரோதமக ஊடுருவி மின்னஞ்சல்களை வெளியிட ரஷியா ஆணையிட்டதாக அமெரிக்க உளவுத் துறை தெரிவிக்கிறது.

English Summary:

President Barack Obama ordered 35 Russian diplomats to leave by the exit from the United States, according to the Russian media.

Read More

இஸ்தான்புல்லில் 39 பேர் பலி: தாக்குதல்தாரியை தேடிவரும் போலிஸார்

இஸ்தான்புல்லில் இரவு விடுதி ஒன்றில், புத்தாண்டு கொண்டாட்டத்தில் ஈடுபட்டிருந்தவர்கள் மீது துப்பாக்கிச் சூடு நடத்திய நபரை துருக்கி போலிஸார் தேடி வருகின்றனர்.

பலியானவர்களுக்கு இறுதி அஞ்சலியை செலுத்தும் உறவினர்கள் மற்றும் நண்பர்கள்

அதில் கொல்லப்பட்ட 39 பேரில் சிலருக்கு இறுதி சடங்குகள் நடைபெற்றன.

சவுதியைச் சேர்ந்த ஐவர் உட்பட உயிரிழந்தவர்களில் பலர், அரபு நாடுகளைச் சேர்ந்தவர்கள் என்று துருக்கி ஊடகம் தெரிவித்துள்ளது.

குர்திய தீவிரவாத அமைப்பான பிகேகேவின் தலைவர் இந்த தாக்குதலில் குர்திய படைகள் ஈடுபடவில்லை என மறுத்துள்ளார்.

ஐ.நா பாதுகாப்பு கவுன்சில் இந்த தாக்குதலுக்கு கண்டனம் தெரிவித்துள்ளது; இந்த தாக்குதல் கொடிய மற்றும் காட்டுமிராண்டித்தனமான தாக்குதல் என தெரிவித்துள்ளது.

இதை விட ஒரு இழிவான குற்றத்தை நினைத்து பார்பது கடினம் என ரஷிய அதிபர் விளாடிமிர் புதின் தெரிவித்துள்ளார்.

இது ஒரு கொடூரமான செயல் என அமெரிக்கா கண்டித்துள்ளது.

பயங்கரவாதத்தின் விளைவுகளுக்கு எதிராக மக்கள் போராட வேண்டும் என்று போப் ஃபிரான்ஸிஸ் வலியுறுத்தியுள்ளார்.

English Summary:

One night accommodation in Istanbul, Turkey, New Year celebrations, police are searching for the person involved in the shooting.

Read More

உலகெங்கும் களைகட்டிய புத்தாண்டு கொண்டாட்டங்கள் (புகைப்படத் தொகுப்பு)

''அனைத்து எதிரிகளுக்கும் ''

அமெரிக்க அதிபராக தேர்ந்தெடுக்கப்பட்டுள்ள டொனால்ட் டிரம்ப், தனது ட்விட்டர் பக்கத்தில் புத்தாண்டு வாழ்த்து கூறியுள்ளார். அதில், தன்னுடைய பல எதிரிகளுக்கும் வாழ்த்து தெரிவிப்பதாக கூறியுள்ளார்.

ஜனவரி 20-ஆம் தேதி அமெரிக்க அதிபராக அதிகாரப்பூர்வமாக டிரம்ப் பொறுப்பேற்க உள்ளார்.

Read More

அலுவலக நேரத்துக்கு அப்பால் பணியாற்ற வேண்டாம்: ஃபிரான்ஸில் புதிய சட்டம்

ஃபிரான்ஸில் அலுவலக நேரங்களை தவிர, பிற நேரங்களில் பணியாளர்கள் தங்கள் அலுவலக மின்னஞ்சல்களுக்கு பதிலளிப்பதை தவிர்க்கும் உரிமை வழங்கும் புதிய சட்டம் அமலுக்கு வந்துள்ளது.

50 பணியாளர்களுக்கு மேலாக இருக்கும் நிறுவனங்கள், பணியாளர்களின் நன்னடத்தைகளை பதிவு செய்திட வேண்டும்; மேலும் பணியாளர்கள் எந்த நேரத்தில் மின்னஞ்சல்களுக்குபதில் அளிக்க வேண்டாம் என்பதையும் குறிப்பிட வேண்டும் என்றும் கேட்டுக் கொள்ளப்படும்.

இந்த புதிய சட்டத்திற்கு ஆதரவு அளிப்பவர்கள், பணி நேரங்களை தவிர்த்து பிற நேரங்களில் தங்கள் அலுவலக மின்னஞ்சல்களை பார்த்து அதற்கு பதில் அளிக்க வேண்டும் என்று எதிர்பார்க்கப்படும் பணியாளர்களுக்கு அதிக நேரத்திற்கு தகுந்த ஊதியம் வழங்கப்பட வில்லை என கூறுகின்றனர்.

அந்த பழக்கத்தால் மன அழுத்தம், அதிக சோர்வு, தூக்கமின்மை மற்றும் உறவுகளில் சிக்கல்கள் என பல ஆபத்துக்களை எதிர்கொள்ள வேண்டிய நிலை உருவாகும் என்றும் அவர்கள் தெரிவிக்கின்றனர்.

English summary:

Office hours in France who train other employees during their work email account to respond to the right to avoid a new law came into force.

Read More

இஸ்தான்புல் தாக்குதலில் 2 இந்தியர்கள் பலி: சுஷ்மா சுவராஜ்

இஸ்தான்புல்லில் உள்ள இரவு கேளிக்கை விடுதி ஒன்றில் நிகழ்ந்த தாக்குதலில் கொல்லப்பட்டவர்களில் இரண்டு பேர் இந்தியர்கள் என இந்திய வெளியுறவுத்துறை அமைச்சர் சுஷ்மா சுவராஜ் தெரிவித்துள்ளார்.

இது தொடர்பாக சுஷ்மா சுவராஜ் வெளியிட்டுள்ள டிவிட்டர் செய்தியில், ''துருக்கியில் இருந்து ஒரு மோசமான செய்தி வந்துள்ளது. இஸ்தான்புல் தாக்குதலில் கொல்லப்பட்டவர்களில் இருவர் இந்தியர்கள் எனத் தெரிய வந்துள்ளது. முன்னாள் மாநிலங்களவை உறுப்பினரின் மகனான அபிஸ் ரிஸ்வி மற்றும் குஷி ஷா என்ற பெண்ணும் இதில் பலியாகியுள்ளனர் '' என்று சுஷ்மா தெரிவித்துள்ளார்.

முன்னதாக இஸ்தான்புல்லில் உள்ள இரவு கேளிக்கையகம் ஒன்றில் நிகழ்ந்த தாக்குதலில் 16 வெளிநாட்டினர் உள்பட குறைந்தது 39 பேர் கொல்லப்பட்டுள்ளதாக துருக்கியின் உள்துறை அமைச்சர் தெரிவித்துள்ளார்.

உள்ளூர் நேரப்படி 01.30 மணிக்கு ரீய்னா இரவு கேளிக்கையகத்தில் தாக்குதல் நடத்திய பயங்கரவாதியை இன்னும் போலிசார் தேடி வருவதாக அமைச்சர் சுலேமான் சொய்லு தெரிவித்துள்ளார்.

தாக்குதல் நிகழ்ந்து பல மணி நேரங்கள் கழித்தும் தாக்குதல்தாரி எங்கு இருக்கிறார் என்பது குறித்த தகவல் எதுவும் இல்லை என்று அதிகாரிகள் தெரிவித்துள்ளனர்.

மேலும், 69 பேர் மருத்துவமனையில் சிகிச்சை பெற்று வருவதாக உள்துறை அமைச்சர் கூறியுள்ளார்.

English summary:

Nightlife in Istanbul hotel in one of two people killed in the attack, the Indian External Affairs Minister Sushma Swaraj said.

Read More