அந்தமான் அருகே வங்க கடலில் காற்றழுத்த தாழ்வு நிலை: தமிழகத்தில் மழைக்கு வாய்ப்பு

சென்னை, அந்தமான் அருகே வங்கக் கடலில் காற்றழுத்த தாழ்வுநிலை உருவாகி இருப்பதால் தமிழகத்தில் மழை பெய்யும் வாய்ப்பு உள்ளது.

அரபிக்கடல் பகுதியில் மாலத்தீவு அருகே நிலவி வந்த காற்றழுத்தம் வலு இழந்து விட்டது. மேலும் தெற்கு அந்தமான் கடல் பகுதியில் ஒரு காற்றழுத்த தாழ்வு நிலை நிலவி வருகிறது.

இது காற்றழுத்த தாழ்வு பகுதியாக உருவாகிறது. இந்த காற்றழுத்த தாழ்வு பகுதியானது தென்கிழக்கு வங்ககடல் மற்றும் அதனையொட்டிய பகுதி வரை பரவியுள்ளது.இந்த காற்றழுத்த தாழ்வு பகுதிகளால் தமிழகத்தில் அடுத்த சில தினங்களுக்கு மழை எச்சரிக்கை எதுவும் விடுக்கப்படவில்லை. என்றாலும் வடகிழக்கு பருவக் காற்றின் காரணமாக அடுத்த 24 மணி நேரத்தில் தென் தமிழகத்தின் கடலோர பகுதியில் ஓரிரு இடங்களில் மழை பெய்ய வாய்ப்பு உள்ளதாக தெரிவிக்கப்பட்டு உள்ளது. வார்தா புயலுக்கு பிறகு தமிழகத்தில் குளிர்ந்த சூழல் நிலவியது. தற்போது வெப்பம் அதிகரித்துள்ளது. இரவு நேர வெப்ப நிலையும் அதிகரித்துள்ளது.

இது தொடர்பாக சென்னை வானிலை ஆய்வு மைய அதிகாரி கூறும்போது,

“வடக்கு திசையில் இருந்து காற்று வீசினால் வெப்ப நிலை குறையும். வட கிழக்கு திசையில் இருந்து வீசினால் வெப்பம் அதிகரிக்கும். தற்போது வடக்கில் இருந்து வீசும் காற்று குறைந்ததால் வெப்பம் சற்று அதிகரித்துள்ளது. இது இயல்பானது தான்” என்றார்.

English summary:

Chennai, Andaman Like depression brewing in the Bay of Bengal there is a chance of rain in the state.

Read More

புதுவை முன்னாள் சபாநாயகர் வி.எம்.சி. சிவக்குமார் படுகொலை

புதுச்சேரி  - புதுவை முன்னாள் சபாநாயகர் வி.எம்.சி. சிவக்குமார் நேற்ற மர்மகும்பலால் வெட்டி படுகொலை செய்யப்பட்டார். இந்த சம்பவம் அங்கு பெரும் பரபரப்பை ஏற்படுத்தியுள்ளது.

மர்மகும்பல் படுகொலை :

புதுவை முன்னாள் சபாநாயகர் வி.எம்.சி. சிவக்குமார் (வயது 65). புதுவை மாநிலம் காரைக்காலில் உள்ள நிரவியில்  வசித்து வந்தார். நேற்று மதியம் அவர் நிரவியில் உள்ள ஒரு திருமண மண்டபம் அருகே காரில் சென்று கொண்டிருந்தார். அப்போது மர்ம கும்பல் ஒன்று அவரது காரை வழிமறித்தது. அவர்கள் சிவக்குமாரை சரமாரியாக வெட்டினார்கள்.  இதில் அவரது கழுத்து தொங்கிய நிலையில் கீழே விழுந்தார். உடனே அந்த கும்பல் அங்கிருந்து ஓடிவிட்டது.

முன்விரோத மோதல்:

சிவக்குமாரை உடனடியாக காரைக்கால் அரசு மருத்துவமனைக்கு கொண்டு வந்தனர். ஆனால் அவர் ஏற்கனவே இறந்துவிட்டதாக டாக்டர்கள் தெரிவித்தனர். காரைக்காலில் சாராய கும்பல்களுக்கு இடையே நடந்த மோதலில் ஏற்கனவே அடுத்தடுத்து 4 பேர் கொல்லப்பட்டனர்.  இந்த சம்பவம் தொடர்பாக சிவக்குமாருக்கும் மற்றொரு தரப்பினருக்கும் மோதல் இருந்து வந்துள்ளது. இதனால்  அந்த கும்பல் தான் அவரை கொலை செய்திருக்க வேண்டும் என்று கருதப்படுகிறது.

முன்னாள் சபாநாயகர்:

வி.எம்.சி. சிவக்குமார் ஆரம்பத்தில் தி.மு.க.வில் இருந்தார். அப்போது அமைச்சராகவும், பின்னர் சபாநாயகராகவும் பதவி வகித்தார். கடந்த 2011 சட்டசபை தேர்தலில் தி.மு.க.வில் டிக்கெட் கிடைக்கவில்லை. இதனால் சுயேச்சையாக போட்டியிட்டு வெற்றி பெற்றார்.  அவர் என்.ஆர். காங்கிரஸ் ஆட்சிக்கு ஆதரவு தெரிவித்தார். இதன்பிறகு கடந்த சட்டசபை தேர்தலின்போது அ.தி.மு.க.வில் சேர்ந்தார். நிரவி தொகுதியில் போட்டியிட்டார். ஆனால் அவர் தோல்வி அடைந்தார்.

English summary:

Former Speaker of Pondicherry V.M.C Sivakumar was hacked by strangers. This incident caused a great stirFormer Speaker of Pondicherry V.M.C Sivakumar was hacked by strangers. This incident caused a great stir

Read More

தமிழகத்தில் இறுதி வாக்காளர் பட்டியல் நாளை வெளியீடு

சென்னை  - தமிழகத்தில், 5 கோடியே 93 லட்சம் வாக்காளர்களுடன் தயாரிக்கப்பட்ட இறுதி வாக்காளர் பட்டியல் நாளை வெளியிடப்படுகிறது.

வாக்காளர் பட்டியலில் திருத்தம்...:

வாக்காளர் பட்டியலில் சிறப்பு சுருக்க முறை திருத்தம் செய்யப்படுவதற்காக வரைவு வாக்காளர் பட்டியல் கடந்த செப்டம்பர் 1-ம் தேதி வெளியிடப்பட்டு, அந்த மாதம் 30-ந் தேதி வரை திருத்த விண்ணப்பங்கள் பெறப்பட்டன. அதன் மூலம் வாக்காளர் பட்டியலில் பெயர் சேர்ப்பு, நீக்கம், திருத்தம் ஆகியவற்றுக்காக 18 லட்சத்துக்கும் மேற்பட்ட விண்ணப்பங்கள் கொடுக்கப்பட்டன.

சிறப்பு முகாம்கள்:

இந்த விண்ணப்பங்களை பெறுவதற்காக சிறப்பு முகாம்கள் நடத்தப்பட்டன. இதுதவிர இணையதளம் மூலமாகவும் விண்ணப்பங்கள் பெறப்பட்டன. விண்ணப்பங்களின் உண்மை தன்மை அறிவதற்கான கள ஆய்வு மேற்கொள்ளப்பட்டது.  இதனை முடித்துக்கொண்டு விண்ணப்பங்களை இறுதிவாக்காளர் பட்டியல் தயாரிக்கும் பணியில் ஈடுபட்டுள்ள அதிகாரிகள் பரிசீலனைக்கு எடுத்து கொண்டனர். இந்த ஆய்வின் அடிப்படையில் தகுதியுள்ள விண்ணப்பங்கள் ஏற்கப்பட்டு உள்ளன.

புதிய வாக்காளர்கள் சேர்ப்பு:

அதன்படி புதிதாக 15 லட்சம் புதிய வாக்காளர்கள் சேர்க்கப்பட்டு உள்ளனர். 3 லட்சத்து 84 ஆயிரம் வாக்காளர்கள் நீக்கப்பட்டு உள்ளனர். இதன் மூலம் 5 கோடியே 93 லட்சம் வாக்காளர்கள் கொண்ட இறுதி வாக்காளர் பட்டியல் தயாரிக்கப்பட்டு உள்ளது.  இந்த இறுதி வாக்காளர் பட்டியல் ஜனவரி மாதம் வெளியிடப்படும் என்று தேர்தல் ஆணையம் அறிவித்து இருந்தது.

நாளை வெளியீடு:

அதன்படி தற்போது இறுதி வாக்காளர் பட்டியல் தயாரிக்கும் பணி நிறைவடைந்ததால் நாளை (5-ம் தேதி)இறுதிவாக்காளர் பட்டியலை தமிழக தலைமை தேர்தல் அதிகாரி ராஜேஷ் லக்கானி வெளியிடுகிறார்.  முதன் முதலாக வாக்காளராக தகுதி பெறுவோருக்கு வண்ண வாக்காளர் அடையாள அட்டை இலவசமாக தரப்படும் என்று தேர்தல் அதிகாரிகள் வட்டாரங்கள் தெரிவித்துள்ளனர்.

English Summary:

Chennai - Tamil Nadu, 5 crore 93 lakh voters made the final electoral list is released tomorrow.

Read More

சீனா-லண்டன் இடையே நேரடி சரக்கு ரயில் சேவை தொடக்கம்

சீனாவால் தொடங்கி வைக்கப்பட்டுள்ள சீனா மற்றும் லண்டன் இடையிலான நேரடி சரக்கு ரயில் சேவையின் பாதையில் முதல் ரயில் தனது பயணத்தை தொடங்கியுள்ளது.

சீனாவின் கிழக்கில் உள்ள யீ வூ நகரிலிருந்து புறப்பட்டுச் சென்ற அந்த ரயில், துணிகள், பைகள் மற்றும் பிற வீட்டு உபயோக பொருட்களை ஏற்றிச் சென்றது. இரண்டு வாரங்களில் அது லண்டன் சென்றடையும்.
தண்டவாளத்தின் பாதை மாறும் போது சரக்குகள் வேறு ரயில்களுக்கு மாற்றப்பட வேண்டும்.

தனது எல்லைகளுடன் ஐரோப்பாவை இணைக்கும் பட்டுப் பாதை திட்டத்தின் பங்காக சமீப வருடங்களில் ஐரோப்பிய நகரங்களுக்கான நேரடி ரயில் பாதைகளை சீனா விரிவுப்படுத்தி கொண்டு வருகிறது.

இந்த சேவை, ஏற்றுமதியாளர்களுக்கு மெதுவான மற்றும் விலைக்குறைந்த சரக்கு கப்பல் சேவைக்கும் மற்றும் அதி விரைவான அதே சமயத்தில் மிக அதிக செலவிலான விமான போக்குவரத்துக்கும் இடையில் ஒரு நடுத்தர வாய்ப்பாக அமைகிறது.

English Summary:

China has been launched by China and London Directly in the path of the freight train service between the train has started its journey.

Read More

வராக்கடன் வசூல்: மத்திய அரசுக்கு சுப்ரீம் கோர்ட் கிடுக்கிப்பிடி

புதுடில்லி: வராக்கடனை வசூலிக்க எடுக்கப்படும் நடவடிக்கைகள் குறித்து விளக்கமளிக்குமாறு, மத்திய அரசுக்கு சுப்ரீம் கோர்ட் உத்தரவிட்டுள்ளது.

வராக்கடன் தொடர்பாக சுப்ரீம் கோர்ட்டில் பொது நல வழக்கு தொடரப்பட்டது. இந்த வழக்கை விசாரித்த தலைமை நீதிபதி தாக்கூர் தலைமையிலான பெஞ்ச் பிறப்பித்த உத்தரவு:

வராக்கடன்களை வசூலிக்க என்னென்ன வழிமுறைகள் பின்பற்றப்படுகின்றன என்பதை மத்திய அரசு தெளிவுபடுத்த வேண்டும். வராக்கடனை வசூலிக்க உள்ள சட்டங்கள் மூலம் பணம் வசூலிக்க தேவையான உள்கட்டமைப்பு உள்ளதா? கோடிக்கணக்கான ரூபாய் வராக்கடன்கள் உள்ளன.

இதனை வசூலிக்க முடியாததற்கு, சட்டங்கள் காலத்திற்கு ஏற்ப இல்லாததே காரணம். வராக்கடன் தொடர்பாக கடன் வசூலிக்கும் தீர்ப்பாயத்தில் உள்ள வழக்குகள் குறித்தும் மத்திய அரசு விளக்கமளிக்க வேண்டும் என உத்தரவிட்டது.

English summary:

NEW DELHI: Bank loans report to measures taken charge, the federal Supreme Court. 

Read More

வறட்சி பாதித்த பகுதிக்கு போங்க: கலெக்டர்களுக்கு முதல்வர் உத்தரவு

சென்னை: தமிழகத்தில், வறட்சி பாதித்த பகுதிகளை ஆய்வு செய்ய கலெக்டர்களுக்கு முதல்வர் ஓ.பன்னீர்செல்வம் உத்தரவிட்டுள்ளார்.

கலெக்டர்களுக்கு உத்தரவு:

இது குறித்து முதல்வர் பன்னீர்செல்வம் வெளியிட்டுள்ள அறிக்கை:

வடகிழக்கு பருவமழை பொய்த்து விட்டதால், மாநிலம் முழுவதும் வறட்சி சூழ்நிலை உருவாகி உள்ளது. மத்திய அரசின் புதிய வழிகாட்டுதல் நெறிமுறைகளின்படி மாவட்டங்களில், 10 சதவீத அளவு கிராமங்களில் பயிர் நிலை நேரடி ஆய்வு செய்யப்பட வேண்டும்.

அதன் பின்னரே மாவட்டங்களை வறட்சி பாதித்தவையாக அறிவிக்க இயலும்.எனவே, சென்னை நீங்கலாக இதர மாவட்டங்களை நேரடி ஆய்வு செய்து, பயிர் நிலவரங்கள் மற்றும் வறட்சி நிலை குறித்து அரசுக்கு அறிக்கை அளிக்க, மாவட்ட கலெக்டர்கள்அறிவுறுத்தப்பட்டுள்ளனர்.

இதை மேற்பார்வையிட்டு அரசுக்கு விரைந்து அறிக்கை அளிக்க ஏதுவாக, அமைச்சர்கள், ஐ.ஏ.எஸ்., அதிகாரிகள் கொண்ட குழுக்கள் உடனடியாக அமைக்கப்படும். இந்த குழுக்கள் ஜன.,9ம் தேதி வரை மாவட்டங்களில் சுற்றுப்பயணம் செய்து, ஜன.,10ம் தேதி தங்கள் அறிக்கையை அரசுக்கு அளிக்கும்.

இவ்வாறு அறிக்கையில் கூறப்பட்டுள்ளது.

English Summary:

Chennai: Tamil Nadu Chief Minister opannircelvam instructed collectors to study the drought affected areas.

Read More

இந்தியாவில் கடும் நடவடிக்கை எதிரொலி: தனது நடவடிக்கைகளை நேபாளத்திற்கு எடுத்துச் செல்லும் ஜாகீர் நாயக் !

காத்மாண்டு  - சர்ச்சைக்குரிய மதபோதகர் ஜாகீர் நாயக்கிற்கு எதிராக இந்தியா கடும் நடவடிக்கையில் இறங்கி உள்ளநிலையில் அவர் தன்னுடைய நடவடிக்கைகளை நேபாளத்திற்கு எடுத்துச் சென்று உள்ளார்.

விசாரணை தீவிரம்:

ஜாகீர் நாயக்கின் இயக்கம் பயங்கரவாத எதிர்ப்பு சட்டத்தின் கீழ் இந்தியாவில் தடைசெய்யப்பட்டு உள்ளது. உளவுத்துறை அதிகாரிகள் விசாரணையில் ஜாகீர் நாயக்கிற்கு பாகிஸ்தான் தொடர்பு இருப்பதும் தெரியவந்தது. இதுதொடர்பான விசாரணையை தேசிய புலனாய்வு பிரிவு தீவிரமாக மேற்கொண்டு வருகிறது.

நேபாளத்திற்கு சென்றார்:

இந்நிலையில் ஜாகீர் நாயக் தீவிரமைய நடவடிக்கைகளை நேபாளத்திற்கு எடுத்துச் செல்கிறார் என தகவல்கள் வெளியாகி உள்ளது. ஜாகீர் நாயக் ஆதரவாளர்கள் சமீபத்தில் காத்மண்டு, கிருஷ்ணாநகர் மற்றும் சிராகா மற்றும் பிர்காஞ் மாவட்டத்திற்கு சென்று உள்ளனர். அவர்கள் அவர்கள் ஆட்சேர்ப்பு நடவடிக்கையில் ஈடுபட்டனர் மற்றும் இஸ்லாமியம் குறித்து தவறான போதனைகளை வழங்கிஉள்ளனர்.

தீவிரவாத அமைப்புகளுடன்...:

நேபாளத்தில் தடைசெய்யப்பட்ட அல் பைய்யான் இஸ்லாமிக் மையம் மற்றும் இஸ்லாமிக் அமைதி ஆய்வு மையத்திற்கு ஜாகீர் நாயக் நிதிஉதவி வழங்கிஉள்ளார் என்றும் தெரியவந்து உள்ளது. இவை அனைத்தும் பாகிஸ்தானின் சார்கோதாவில் உள்ள சர்வதேச இஸ்லாமிய மையத்துடன் தொடர்புடையது, இவ்வியக்கங்கள் அனைத்தும் சமூக வலைதளங்கள் மூலமாக பிரசாரம் செய்து வருகின்றனர். பர்கத் ஹாஷ்மியின் சர்வதேச இஸ்லாமிய மையத்தினால் முன்னெடுக்கப்பட்டு வருகிறது, ஹாஷ்மி கனடாவில் அல்-ஹுடா சர்வதேச இயக்கத்தை நடத்தி வருகிறார், இவ்வியக்கம் கிறிஸ்தவர்களை இஸ்லாமியர்களாக மதமாற்றம் செய்கிறது.

ஜாகீர் நாயக் மீது குற்றச்சாட்டு:

வங்காளதேச தலைநகரான டாக்காவில் வெளிநாட்டினர் தங்கியிருந்த ஓட்டலில் கடந்த ஜூலை 1–ந் தேதி தீவிரவாதிகள் நடத்திய பயங்கர தாக்குதலில் இந்திய மாணவி தருஷி ஜெயின் உள்பட 22 பேர் கொல்லப்பட்டனர். மும்பையை சேர்ந்த மத போதகர் ஜாகீர் நாயக்கின் பேச்சு இந்த தாக்குதலில் ஈடுபட்ட தீவிரவாதிகளுக்கு தூண்டுதலாக அமைந்ததாக குற்றச்சாட்டு எழுந்தது. எனவே ஜாகீர் நாயக்கின் பேச்சை ஆய்வு செய்யுமாறு இந்திய அரசை வங்காளதேச அரசு கேட்டுக்கொண்டது. அந்நாட்டு அரசும் நடவடிக்கையை தொடங்கியது. இந்தியாவும் பிடியை இறுக்கியது, இதனால் ஜாகீர் நாயக் இந்தியாவிற்கு திரும்பவில்லை.

English summary:

Kathmandu - The controversial cleric Dr. Zakir Naik ullanilai down in a crackdown against the country, he has to take up its activities in Nepal

Read More