பிலிப்பைன்ஸ் சிறையில் தீவிரவாதிகள் தாக்குதல் 150 கைதிகள் தப்பி ஓட்டம்

மணிலா  - பிலிப்பைன்ஸ் சிறையில் தீவிரவாதிகள் நடத்திய திடீர் தாக்குதலை அடுத்து, அங்கிருந்த கைதிகள் 150 பேர் தப்பி ஓடினர்.

போராளிகள் தாக்குதல்:

பிலிப்பைனசின் வடக்கு கொட்டோபாட்டோ பகுதியில் உள்ள இந்த சிறையை, நேற்று 10க்கும் மேற்பட்ட  இஸ்லாமிய போராளிகள் என்று சந்தேகிக்கப்படுபவர்கள் தாக்கியதில்  ஒரு சிறை அதிகாரியும், ஒரு கைதியும் கொல்லபட்டார்கள். என தகவல்கள் வெளீயாகி உள்லது.

கைதிகள் தப்பி ஓட்டம்:

சிறையில் இருந்து 150  கைதிகள் தப்பி உள்ளனர். சிறையில் இருந்து தப்பிச் சென்ற கைதிகளை பிலிப்பைன்ஸ் நாட்டின் படையினரும், போலீசாரும் தேடி வருகின்றனர். பிலிப்பைன்சின் மின்டனாவ் தீவில் உள்ள கிடாபவான் நகரில் இஸ்லாமிய கிளர்ச்சியாளர்கள் மிகவும் தீவிரமாக செயல்பட்டு வருவது குறிப்பிடத்தக்கது.

English summary:

Manila - Philippines sudden attack by militants in jail, the 150 inmates fled.

Read More

வறட்சியால் பாதித்த கர்நாடகாவிற்கு ரூ.1,782 கோடி

புதுடில்லி: வறட்சியால் பாதிக்கப்பட்ட கர்நாடகாவிற்கு ரூ.1,782.44 கோடி ஒதுக்கீடு செய்ய மத்திய அமைச்சரவை குழு ஒப்புதல் வழங்கியுள்ளது.

வறட்சி:

கர்நாடகாவில் பருவ மழை பொய்த்ததால், 40 வருடங்களில் இல்லாத அளவிற்கு மாநிலம் முழுவதும் வறட்சி நிலவுவதாக அம்மாநில அரசு கூறியுள்ளது. இதனால் அணைகளில் போதிய தண்ணீர் இல்லை எனவும், விவசாயம் பாதிக்கப்பட்டுள்ளதாகவும் கூறியுள்ளது. கடந்த அக்டோபர் 19ம் தேதி கர்நாடகாவை வறட்சி பாதித்த மாநிலமாக மாநில அரசு அறிவித்தது. மொத்தமுள்ள 176 தாலுகாக்களில் 139 தாலுகாக்கள் வறட்சி பாதித்தவை எனவும் அறிவிக்கப்பட்டது.

கோரிக்கை:

முதல்வர் சித்தராமையா தலைமையில் அனைத்து கட்சி குழுவினர் டில்லி சென்று பிரதமர் மோடியை சந்தித்து உதவி செய்ய வேண்டும் என கோரிக்கை விடுத்தனர். கர்நாடகாவிற்கு ரூ.4,702 கோடி நிதி ஒதுக்க வேண்டும் என கோரிக்கை விடுக்கப்பட்டது. மத்திய குழு கர்நாடகா வந்து மாநிலம் முழுவதும் ஆய்வு செய்து மத்திய அரசிடம் அறிக்கை சமர்ப்பித்தது.

நிதி ஒதுக்கீடு:

இந்நிலையில், டில்லியில் ராஜ்நாத் தலைமையில் மத்திய அமைச்சரவை குழு ஆலோசனை செய்தது. இந்த கூட்டத்தில் கர்நாடகாவிற்கு ரூ.1,782.44 கோடி ஒதுக்கப்படுவது என முடிவு செய்யப்பட்டது. மேலும், கர்நாடகா மற்றும் உத்தர்கண்ட் மாநிலங்களில் தேசிய ஊரக குடிநீர் திட்டத்தின் கீழ் ரூ.208.91 கோடி ஒதுக்குவது எனவும், இதில் கர்நாடகாவிற்கு ரூ.188.91 கோடியும், உத்தர்கண்ட் மாநிலத்திற்கு ரூ.20 கோடியும் ஒதுக்குவது என முடிவு செய்யப்பட்டது.

English summary:

NEW DELHI: Drought-hit Karnataka Cabinet Committee approved an allocation of Rs .1,782.44 crore.

Read More

அமெரிக்க பாராளுமன்ற பிரதிநிதிகள் அவை சபாநாயகராக பால் ரியான் மீண்டும் தேர்வு

வாஷிங்டன், அமெரிக்க பாராளுமன்றத்தின் பிரதிநிதிகள் அவைக்கான சபாநாயகராக பால் ரியான் மீண்டும் தேர்வு செய்யப்பட்டுள்ளார்.

டிரம்ப் வெற்றி:

அமெரிக்க ஜனாதிபதி பதவிக்கு கடந்த நவம்பர் மாதம் நடைபெற்ற தேர்தலில் ஜனநாயக கட்சி வேட்பாளராக போட்டியிட்ட டொனால்ட் டிரம்ப் வெற்றி பெற்றார். அமெரிக்க பாராளுமன்றத்துக்கு நடைபெற்ற தேர்தலிலும் குடியரசு கட்சி வேட்பாளர்களே பெருமளவில் வெற்றி பெற்றுள்ளனர்.

புதிய சபாநாயகர் தேர்வு:

இந்நிலையில், புதிதாக தேர்வு செய்யப்பட்ட உறுப்பினர்கள் நேற்று முன்தினம் பதவி ஏற்று கொண்டனர். பாராளுமன்ற பிரதிநிதிகள் அவைக்கான புதிய சபாநாயகரை தேர்ந்தெடுக்க நடைபெற்ற தேர்தலில் தற்போதைய சபாநாயகரான ஜனநாயக கட்சியை சேர்ந்த பால் ரியான் மற்றும் முன்னாள் சபாநாயகர் நான்சி பெலோசி ஆகியோர் போட்டியிட்டனர்.

மீண்டும் பால் ரியான்:

இவர்களில் புதிய சபாநாயகரை தேர்வு செய்வதற்காக நடைபெற்ற வாக்கெடுப்பில் பால் ரியான் 249 வாக்குகளையும், நான்சி பெலோசி 189 வாக்குகளையும் பெற்றனர். இதையடுத்து, பால் ரியான் மீண்டும் சபாநாயகரானார்.

English summary:

Washington, for the US House of Representatives Speaker of Parliament Paul Ryan re-elected.

Read More

பெங்களூருவில் பெண்ணுக்கு பாலியல் தொந்தரவு: 4 பேர் கைது

பெங்களூரு: பெங்களூருவில் பெண்ணுக்கு பாலியல் தொந்தரவு கொடுத்த 4 பேர் கைது செய்யப்பட்டனர்.

தொந்தரவு:

பெங்களூரு கம்மனஹள்ளி பகுதியில், ஜனவரி 1 ம் தேதி புத்தாண்டு கொண்டாட்டத்தை முடித்து விட்டு, அதிகாலை 2:30 மணியளவில், ஆட்டோவில் இளம்பெண் ஒருவர் வந்திறங்கினார்.

அப்போது பைக்கில் வந்த இருவர், அப்பெண்ணை வழிமறித்து, பாலியல் தொந்தரவு அளித்து, பைக்கில் ஏற்ற முயற்சி செய்தனர். ஆனால் அவர் ஏறாததால், கீழே தள்ளி விட்டு, ஓடிவிட்டனர். இந்த காட்சி, இப்பகுதியிலுள்ள வீடு ஒன்றில் வைக்கப்பட்டிருந்த சி.சி.டி.வி., கேமராவில் பதிவாகியிருந்தது. சம்பவம் நடந்த மறுநாள் இரண்டாம் தேதியன்று இதை பார்த்த, வீட்டு உரிமையாளர் பிரசாந்த், உடனடியாக போலீசுக்கு தகவல் அளித்தார்.

கைது:

போலீசார் கூறுகையில், சம்பவம் தொடர்பாக பெண் எங்களை அணுகவில்லை. இருப்பினும் நாங்கள் வழக்குப்பதிவு செய்து விசாரணை நடத்தி கிரிமினல் பிரிவுகளின் கீழ் வழக்கு பதிவு செய்து விசாரணை நடத்தி வந்தோம். குற்றவாளிகளில் ஒருவன், அந்த பெண் வழக்கமாக சென்று வரும் இடத்தை சேர்ந்தவன் என்றனர்.இது தொடர்பாக போலீசார் தீவிர விசாரணை நடத்தி வந்தனர். இது தொடர்பாக 4 பேர் கைது செய்யப்பட்டனர். அவர்கள் மீது பாலியல் தொந்தரவு, தவறாக நடக்க முயற்சி, தாக்குதல் உள்ளிட்ட பிரிவுகளின் கீழ் வழக்குப்பதிவு செய்யப்பட்டுள்ளது.

அவர்களிடம் நடத்தப்பட்ட விசாரணையில் இந்த சம்பவத்தில் ஈடுபட்ட முக்கிய குற்றவாளியின் பெயர் லெனோ என தெரியவந்துள்ளது. அவரை போலீசார் தீவிரமாக தேடி வருகின்றனர்.

பெயர் கெடாது:

சம்பவம் தொடர்பாக கர்நாடக உள்துறை அமைச்சர் பரமேஸ்வரா பத்திரிகையாளர்களிடம் கூறுகையில், இந்த சம்பவம் எதிர்பாராதது. பெண்களின் பாதுகாப்பை உறுதி செய்ய வேண்டியது அரசின் கடமையாகும். பாதுகாப்பில் நாங்கள் ஒரு போதும் சமரசம் செய்து கொண்டதில்லை. 70 சிசிடிவி கேமராக்கள், பொருத்தப்பட்டுள்ளன. புத்தாண்டில் மட்டும் ஒரு சம்பவத்தால் மட்டும் பெங்களூருவுக்கு கெட்ட பெயர் ஏற்படாது எனக்கூறினார்.

English Summary:

Bangalore: Bangalore 4 people were arrested in the woman's sexual harassment.

Read More

அணு ஆயுத ஏவுகணைகளை செலுத்தும் திறன் வடகொரியாவுக்கு இல்லை : அமெரிக்கா கருத்து

வாஷிங்டன் - ஏவுகணைகளில் அணு ஆயுதங்களை பொருத்தி தாக்குதல் நடத்தும் அளவுக்கு வடகொரியா வளர்ச்சி அடையவில்லை என அமெரிக்க அரசின் உள்துறை செய்தி தொடர்பாளர் ஜான் கிர்பி தெரிவித்துள்ளார்.

அணு ஆயுத சோதனை:

கிழக்காசிய கண்டத்தின் கொரிய தீபகற்பத்தில் அமைந்துள்ள முக்கிய நாடான வடகொரியா, கடுமையான பொருளாதார நெருக்கடியில் தத்தளித்து வருகிறது. இருப்பினும், கடந்த 2006-ம் ஆண்டு முதல் உலக நாடுகளின் எதிர்ப்பினை பொருட்படுத்தாமலும், சர்வதேச ஒப்பந்தங்களை புறக்கணித்தும் அணு ஆயுத சோதனைகளை வடகொரியா தொடர்ந்து நடத்தி வருகிறது.

இதுவரை 4 முறை...:

அந்த நாடு தொடர்ந்து 3 முறை அணுகுண்டு சோதனைகளை நடத்தி உள்ளது. அதைத் தொடர்ந்து கடந்த ஜனவரி மாதம் 6-ந் தேதி, அதிரடியாக அணுகுண்டை விட பல மடங்கு சக்திமிக்க ஹைட்ரஜன் குண்டை வெடித்து சோதித்தது. இதுவும் அணுகுண்டு வகையில்தான் கணக்கில் கொள்ளப்படுகிறது. அதன்படி அந்த நாடு கடந்த ஆண்டுவரை 4 முறை அணுகுண்டு சோதனைகளை நடத்தி உள்ளதாக சர்வதேச நாடுகள் பதிவு செய்துள்ளன.

பொருளாதார தடை:

இதன்காரணமாக, வடகொரியாமீது ஐ.நா. பாதுகாப்பு கவுன்சிலும், அமெரிக்காவும் மிகக்கடுமையான பொருளாதார தடைகளை விதித்துள்ளன. எனினும், தற்காப்பு என்ற பெயரில் வடகொரியா தொடர்ந்து ஏவுகணை சோதனைகளை விடாமல் நடத்தி வருகிறது.

டிரம்ப் சவால்:

இந்நிலையில், புத்தாண்டு தினத்தையொட்டி நாட்டு மக்களுக்கு வாழ்த்து தெரிவித்து உரையாற்றிய வடகொரியா அதிபர் கிம் ஜாங் உன், தடை செய்யப்பட்ட நெடுந்தூர ஏவுகணைகளை தயாரிக்கும் பணிகள் நிறைவுகட்டத்தை எட்டியுள்ளதாக குறிப்பிட்டார். மெரிக்காவை தாக்கும் நோக்கத்தில்தான் இதைப்போன்ற நெடுந்தூர ஏவுகணைகளை வடகொரியா தயாரித்து வருகிறது என்ற நிலையில், வடகொரியா அமெரிக்கா மீது அணு ஆயுத தாக்குதல் நடத்துவது என்பது ஒருபோதும் நடக்கப் போவதில்லை என அமெரிக்க வருங்கால அதிபர் டொனால்ட் டிரம்ப் ‘ட்வீட்’ செய்திருந்தார்.

செலுத்தும் திறன் இல்லை:

இந்நிலையில், அணு ஆயுத ஏவுகணைகளை செலுத்தும் திறன் வடகொரியாவுக்கு இல்லை என அமெரிக்க அரசின் வெளியுறவுத்துறை செய்தி தொடர்பாளர் ஜான் கிர்பி தெரிவித்துள்ளார். தலைநகர் வாஷிங்டனில் செய்தியாளர்களுக்கு பேட்டியளித்த ஜான் கிர்பி, ‘கண்டம்விட்டு கண்டம் பாய்ந்து சென்று தாக்கும் அதிநவீன ஏவுகணைகள், அணு ஆயுதங்களை சுமந்து சென்று தாக்குதல் நடத்தும் ஏவுகணைகளை தயாரிப்பதில் வடகொரிய அதிபர் கிம் ஜாங் உன் தீவிரம் காட்டி வருவதை நாங்கள் அறிந்துள்ளோம்.ஆனால், அணு ஆயுதங்களை சுமந்து சென்று தாக்குதல் நடத்தும் ஏவுகணைகளை தயாரிக்கும் திறனை அந்நாடு பெற்றுள்ளது என்பதை தற்போதைய நிலவரப்படி ஏற்றுக் கொள்வதற்கில்லை’ என்று கூறியுள்ளார். வடகொரியாவின் இத்தகைய அத்துமீறலை தட்டிக்கேட்க சீனா தவறி விட்டதாக கருதுகிறீர்களா? என்ற கேள்விக்கு பதிலளித்த அவர், ‘இதைப்போன்ற மதிப்பீடு எங்களுக்கு ஏற்புடையதல்ல’ என்று தெரிவித்தார்.

English summary:

Washington - North Korea's development of missiles and nuclear weapons to attack the fitting does not reach the interior of the US government, said spokesman John Kirby.

Read More

போரின்போது சரணடைந்த தமிழர்களின் பட்டியலை தாக்கல் செய்ய இலங்கை ராணுவத்துக்கு கோர்ட் உத்தரவு

கொழும்பு, இலங்கையில் கடந்த 2009-ம் ஆண்டு விடுதலைப் புலிகளுடன் நடைபெற்ற உச்சகட்ட போரின்போது சரணடைந்தவர்களின் பட்டியலை வரும் 30-ம் தேதிக்குள் தாக்கல் செய்யுமாறு இலங்கை ராணுவத்துக்கு முல்லைத்தீவு கோர்ட் உத்தரவிட்டுள்ளது.

உச்சகட்ட போர்;

இலங்கையில் கடந்த 2009-ம் ஆண்டு விடுதலைப் புலிகளுடன் நடைபெற்ற உச்சகட்ட போரின்போது ஆயிரக்கணக்கான தமிழர்கள் ராணுவத்திடம் சரண் அடைந்தனர். இவர்களில் பலர் உரிய விசாரணையின்றி சிறைகளில் அடைக்கப்பட்டுள்ளனர். விடுதலைப்புலிகள் அமைப்பில் உறுப்பினர்களாக இருந்து பின்னர் சரண் அடைந்த 8 ஆயிரத்துக்கும் மேற்பட்டோர் மீது சட்ட நடவடிக்கைகள் நடைபெற்று வருகின்றன. இவர்களில் சுமார் 6 ஆயிரம் பேர் சீர்திருத்த முகாம்களில் வைக்கப்பட்டு பின்னர் விடுவிக்கப்பட்டதாக அரசு கூறி வருகிறது.

கொடுமையின் உச்சம்:

இவர்களை தவிர மேலும் சில ஆயிரம் பேர் மாயமானதாக குற்றச்சாட்டுகள் பெருகி வருகின்றன. இலங்கையில் ’உச்சக்கட்ட போர்’ என்ற பெயரில் அப்பாவி தமிழ் பெண்களையும், குழந்தைகளையும் கொன்று குவித்து சர்வதேச போர் நெறிமுறைகளை காற்றில் பறக்கவிட்ட ராஜபக்சே அரசு, முள்ளிவாய்க்கால் முகாம் என்ற அடையாளத்துடன் ஆயிரக்கணக்கான தமிழர் குடும்பங்களை ஆடு, மாடுகளை அடைத்து வைப்பது போல் குறுகிய முள்வேலிகளுக்கு இடையில் அடைத்து வைத்து மனித உரிமைகளை மீறிய வகையில் அவர்களை சொல்லொண்ணா துன்பத்துக்கும், துயரத்துக்கும் உள்ளாக்கியது.

இளைஞர்கள் கொன்று குவிப்பு:

இங்கு தங்கியிருந்த கன்னிப்பெண்களின் கற்பினை சூறையாடிய சிங்கள ராணுவ வீரர்கள், தமிழ் இளைஞர்கர் பலரை முகாமில் இருந்து வெளியேற்றினர். ராணுவத்தின் ரகசிய விசாரணை முகாம்களில் அடைத்து வைக்கப்பட்டிருந்த இளைஞர்களில் சரிபாதி பேர் கொல்லப்பட்டதாகவும், ஆயிரக்கணக்கான இளைஞர்கள் மாயமாகி விட்டதாகவும் சில இலங்கை ஊடகங்களே கூட குற்றம் சாட்டுகின்றன. ’தங்களின் குலக்கொழுந்துகளை குடும்பத்தாரிடம் ஒப்படைக்க வேண்டும்’ என வயது முதிர்ந்த தமிழ்த் தாய்மார்கள் எழுப்பிய கூக்குரலுக்கும், வடித்த சோகக் கண்ணீருக்கும் ராஜபக்சே தலைமையிலான இலங்கை மசியவில்லை.

ராணுவத்திற்கு உத்தரவு;

இந்நிலையில், உச்சகட்ட போரின்போது சரணடைந்து காணாமல் போனவர்களின் நிலை என்னவானது? அவர்களை உடனடியாக ஆஜர்படுத்த வேண்டும் என முல்லைத்தீவு மாஜிஸ்திரேட் கோர்ட்டில் ஆள்கொணர்வு மனு தாக்கல் செய்யப்பட்டது. இந்த மனுவின்மீது இரண்டாவது முறையாக நேற்று முன்தினம் விசாரணை நடத்திய மாஜிஸ்திரேட் எம்.எஸ்.எம். சம்சுதீன், உச்சகட்ட போரின்போது சரணடைந்தவர்களின் பட்டியலை வரும் 30-ம் தேதிக்குள் தாக்கல் செய்யுமாறு தாக்கல் செய்ய இலங்கை ராணுவத்துக்கு உத்தரவிட்டுள்ளார்.

இம்மனு மீதான முந்தைய விசாரணையின்போது, சரணடைந்த விடுதலைப் புலிகள் என்றொரு பெயர் பட்டியலை இலங்கை ராணுவம் அளித்திருந்தது. அந்தப் பட்டியலில் சீர்திருத்த முகாம்களில் பயிற்சி பெற்ற தமிழர்களின் பெயர்கள் மட்டுமே இடம் பெற்றிருந்தது. காணாமல் போனதாக குடும்பத்தினரால் தேடப்படும் நபர்களின் பெயர் விபரங்கள் அந்தப் பட்டியலில் இல்லாமல் போனதால், ஒட்டுமொத்தமாக இலங்கை ராணுவத்திடம் சரண் அடைந்தவர்களின் பட்டியலை கோர்ட் கேட்டுள்ளது, குறிப்பிடத்தக்கது.

English summary:

Colombo, Sri Lanka, the last peak in 2009 during the war with the LTTE to file a list of surrendered before the 30th Court of Sri Lanka mullai places army.

Read More

பேஸ்புக் இணைய தளத்தில் நெப்டியூன் சிலை படம் நீக்கம்

லண்டன்  - ஆபாசமாக இருப்பதாக கருத்தப்பட்டதால், பேஸ்புக் இணைய தளத்தில் உள்ள நெப்டியூன் சிலை படம் நீக்கம் செய்யப்பட்டுள்ளது.

ரோமானியர்களின் கடவுள்:

ரோமானியர்களின் கடல் கடவுளாக ‘நெப்டியூன்’ சித்தரிக்கப்பட்டுள்ளார். இவரது உருவ படமும் உருவாக்கப்பட்டுள்ளது. இத்தாலியில் பொலோக்னாவில் அவரது சிலை வைக்கப்பட்டுள்ளது. வெண்கலத்தினால் ஆன இச்சிலை 3.2 மீட்டர் உயரத்தில் உடையது. அந்த சிலையின் படத்தை இத்தாலியை சேர்ந்த கலை வரலாற்று ஆசிரியர் எலிகா பற்பரி என்ற பெண் ‘பேஸ் புக்’ இணைய தளத்தில் வெளியிட்டுள்ளார்.

ஆபாசமாக உள்ளது:

பலோக்னாவின் பாரம்பரிய கதைகள், புதுமைகள் என்ற தலைப்பில் கட்டுரைகள் எழுதியுள்ளார். அதில் நெப்டியூன் சிலை படத்தையும் பதிவேற்றம் செய்துள்ளார். ஆனால் நெப்டியூன் உருவசிலை படத்தை நீக்கும் படி அவருக்கு ‘பேஸ்புக்’ இணைய தள நிர்வாகம் தெரிவித்தது. நெப்டியூனின் உருவ சிலையின் படம் ஆபாசமாக உள்ளது. அது ‘பேஸ்புக்’கின் வழிகாட்டு நெறிமுறைகளுக்கு எதிராக உள்ளது என கருத்து தெரிவித்துள்ளது.

சிலை படம் நீக்கம்:

மேலும், இந்த படத்தை பயன்படுத்த ‘பேஸ்புக்’ கில் ஒப்புதல் அளிக்கப்படவில்லை. இந்த சிலையின் படம் ஆபாசமாகவும் உடலின் பெரும்பாலான தேவையற்ற பாகங்களை வெளிப்படுத்துவதாகவும் உள்ளது என தெரிவித்துள்ளது.இதை தொடர்ந்து பேஸ் புக் இணைய தளத்தில் நெப்டியூன் கடவுள் சிலை படம் நீக்கப்பட்டது. இது குறித்து எலிசா பார்பரி ‘பேஸ்புக்’ இணையதளத்தில் தனது கருத்தை வெளியிட்டுள்ளார். அதில் “ஆடையுடன் கூடிய நெப்டியூன் சிலையை பேஸ்புக் மறு படியும் உருவாக்கட்டும்“ என கூறியுள்ளார்.

English Summary:

London - was considered to be obscene, and the Neptune statue of the film have been laid on the Facebook Web site.

Read More