மருத்துவமனைக்கு மொபைல்போன் கொண்டு செல்லாதீர்கள் : விஞ்ஞானிகள் எச்சரிக்கை

ஐதராபாத் : மருத்துவமனையில் நோயாளிகள் இருக்கும் அறை அல்லது அவசர சிகிச்சை பிரிவுக்குள் மொபைல் போன்களை யாரும் எடுத்துச் செல்ல வேண்டாம் என விஞ்ஞானிகள் தெரிவித்துள்ளனர்.

நோயாளிகளை பாதிக்கும்:

இது தொடர்பாக ஆய்வு நடத்திய விஞ்ஞானிகள் கூறியதாவது: மொபைல் போன்களில் அதிக அளவில் தீங்கு விளைவிக்கும் பாக்டீரியாக்களும், வைரஸ்களும் காணப்படுவதால், அவைகள் எளிதில் நோய்களை பரப்பக் கூடியவை. அதனால் மருத்துவமனைகளுக்குள் மொபைல் போன் எடுத்துச் செல்பது நோயாளியை கடுமையாக பாதிக்கும் என விஞ்ஞானிகள் எச்சரித்துள்ளனர். டாக்டர்களும், நர்ஸ்களும் கூட மருத்துவமனைக்குள் மொபைல் போன்களை கொண்டு வர வேண்டாம் என கேட்டுக் கொண்டுள்ளனர். மொபைல் போன்களில் காணப்படும் பாக்டீரியாக்களும், வைரஸ்களும் ஆன்டிபயாடிக் மருந்துகளின் மீதும் கிருமியை உருவாக்கும் திறன் கொண்டவை. இவ்வாறு அவர்கள் தெரிவித்துள்ளனர்.

இது தொடர்பாக நடத்தப்பட்ட 3 ஆய்வுகளின் அறிக்கைகள் சமீபத்தில் திருப்பதியில் நடந்த அறிவியல் மாநாட்டில் வெளியிடப்பட்டன. மருத்துவமனையில் டாக்டர்கள் மற்றும் நர்ஸ்கள் பயன்படுத்தும் மொபைல் போன் கீபோர்டுகளில் இருந்து மட்டும் ஏறக்குறைய 100 பாக்டீரியா குழுக்களின் மாதிரிகள் எடுக்கப்பட்டுள்ளன. முறையாக கைகளை சுத்தம் செய்யாமல் மொபைல் போன்களை பயன்படுத்தும் போது, மொபைல் போன் டிவைஸ்களில் ஏற்கனவே உள்ள பாக்டீரியாக்களுடன், இவைகளும் இணைந்து நோய் கிருமிகளை எளிதில் ஏற்படுத்துகின்றன என தெரியவந்துள்ளது.

English summary:

Hyderabad: are patients in the hospital emergency room, or not to take anyone scientists said mobile phones segment.

Read More

விவசாயிகள் தற்கொலை 42 சதவீதம் அதிகரிப்பு

மும்பை : தேசிய குற்றப்பதிவு கழகம் சமீபத்தில் வெளியிட்டுள்ள புள்ளிவிபர கணக்கில், 2014 மற்றும் 2015 ஆகிய ஆண்டுகளில் இந்தியாவில் விவசாயிகளின் தற்கொலை விகிதம் 42 சதவீதம் அதிகரித்துள்ளதாக தெரிவிக்கப்பட்டுள்ளது.

விவசாயிகள் தற்கொலை :

2014 மற்றும் 2015 ம் ஆண்டுகளில் நாடு முழுவதும் பல்வேறு மாநிலங்கள் கடும் வறட்சியால் பாதிக்கப்பட்டன. இதன் காரணமாக நாடு முழுவதும் 94.1 சதவீதம் விவசாயிகள் தற்கொலை செய்து கொண்டுள்ளனர். 2014 ம் ஆண்டில் 5650 ஆக இருந்த விவசாயிகளின் தற்கொலை எண்ணிக்கை, 2015 ல் 8007 ஆக அதிகரித்துள்ளது. அதிகபட்சமாக மகாராஷ்டிராவில் 1261 பேரும், மத்திய பிரதேசத்தில் 709 பேரும் உயிரிழந்துள்ளனர்.

தமிழகத்திற்கு 3வது இடம் :

வறட்சி காரணமாக தமிழகத்தில் தற்கொலை செய்து கொண்டு வரும் விவசாயிகளின் எண்ணிக்கை நாளுக்கு நாள் அதிகரித்து வரும் நிலையில், தேசிய குற்றப்பதிவு கழகம் இந்த புள்ளி விபர கணக்கை வெளியிட்டுள்ளது குறிப்பிடத்தக்கது. 2014 - 15 ம் ஆண்டுகளில் மட்டும் தமிழகத்தில் 604 விவசாயிகள் தற்கொலை செய்து கொண்டுள்ளதாக புள்ளி விபர அறிக்கையில் தெரிவிக்கப்பட்டுள்ளது. அதிக அளவில் விவசாயிகள் தற்கொலை நடக்கும் மாநிலங்களில் மகாராஷ்டிரா, மத்திய பிரதேசத்திற்கு அடுத்த இடத்தில் தமிழகம் உள்ளது குறிப்பிடத்தக்கது.

English summary:

Mumbai: The National Crime Records Bureau figures released recently, in the years of 2014 and 2015, the suicide rate among farmers in India have increased 42 percent.

Read More

ஸ்மார்ட் சிட்டி திட்டத்தில் சென்னை : ஜப்பான் ஆதரவு

புதுடில்லி : சென்னை, அகமதாபாத் மற்றும் வாரணாசி ஆகிய நகரங்களை ஸ்மார் சிட்டியாக மாற்றும் மத்திய அரசின் முயற்சிக்கு ஒத்துழைப்பு அளிக்க ஜப்பான் முடிவு செய்துள்ளது.

பிரதமர் மோடியின் ஸ்மார்ட் சிட்டி திட்டத்தின் முதல் கட்டமாக 20 நகரங்கள் தேர்ந்தெடுக்கப்பட்டு, அந்த பட்டியலை மத்திய நகர்ப்புற வளர்ச்சித்துறை கடந்த ஜனவரி மாதம் 28-ந் தேதி வெளியிட்டது. அந்த பட்டியலில், தமிழகத்தில் இருந்து சென்னையும், கோவையும் இடம் பெற்றுள்ளன. இந்நிலையில், சென்னை, அகமதாபாத் மற்றும் வாரணாசி ஆகிய நகரங்களை ஸ்மார் சிட்டியாக மாற்றும் மத்திய அரசின் முயற்சிக்கு உதவ ஜப்பான் முடிவு செய்துள்ளது.

இது தொடர்பாக செய்தியாளர்களிடம் பேசிய இந்தியாவிற்கான ஜப்பான் தூதர கென்சி ஹிரமட்சு, “நகரங்களை வளர்ச்சி செய்யும் இந்திய அரசின் திட்டத்தில் எங்களது அரசு ஆர்வமாக உள்ளது” என்றார். இதுவரை 15 நகரங்களின் ஸ்மார்ட் சிட்டி திட்டத்திற்கு பிரிட்டன், அமெரிக்கா உள்ளிட்ட நாடுகள் ஒத்துழைப்பு அளிப்பதாக ஏற்கனவே அறிவித்து உள்ளன.

அதன் விவரம்:-

பிரிட்டன் - புனே, அமராவதி மற்றும் இந்தூர்
அமெரிக்கா - விசாகப்பட்டினம், அஜ்மிர் மற்றும் அலகாபாத் பிரான்ஸ் - சண்டிகர், புதுச்சேரி மற்றும் நாக்பூர்
ஜெர்மனி - புவனேஸ்வர், கோவை மற்று கொச்சி.

English summary:

New Delhi, Chennai, Ahmedabad and Varanasi Smart City will transform the cities of Japan has decided to provide support to the efforts of the central government. 

Read More

பா.ஜ., தேசிய செயற்குழு இன்று கூடுகிறது

புதுடில்லி : பா.ஜ.,வின் 2 நாள் தேசிய செயற்குழு கூட்டம் டில்லியில் இன்று மாலை 4 மணிக்கு தொடங்குகிறது. கட்சியின் தேசிய தலைவர் அமித் ஷா, கூட்டத்தை தொடங்கி வைத்து பேசுகிறார்.

தேசிய செயற்குழு :

முன்னதாக இந்த செயற்குழுவின் நிகழ்ச்சி நிரல் குறித்தும், பொருளாதார, அரசியல் தீர்மானங்கள் பற்றியும் முடிவு எடுப்பதற்காக டில்லி மாநகராட்சி கூட்ட அரங்கில் தேசிய நிர்வாகிகள் கூடி கலந்தாலோசிக்க உள்ளனர். உ.பி., உள்ளிட்ட 5 மாநில சட்டசபை தேர்தல்களுக்கு தேதிகள் அறிவிக்கப்பட்டுள்ள நிலையில், பா.ஜ., தேசிய செயற்குழு கூடுவது முக்கியத்துவம் பெற்றுள்ளது. இக்கூட்டத்தில் கறுப்பு பணம், ஊழல் பற்றி விவாதிக்கப்படும் என தகவல்கள் கூறுகின்றன.

நாளை (ஜனவரி 07) மாலை 4 மணிக்கு, கூட்டத்தின் நிறைவு நாள் நிகழ்ச்சியில் பிரதமர் நரேந்திர மோடி கலந்து கொண்டு பேசுகிறார். இதில் கட்சியின் முன்னாள் தேசிய தலைவர்கள், பா.ஜ., ஆளும் மாநில முதல்வர்கள், முக்கிய தலைவர்கள் அனைவரும் பங்கேற்பார்கள் என பொதுச்செயலாளர் அருண்சிங், செயலாளர் ஸ்ரீகாந்த் சர்மா ஆகியோர் அறிவித்துள்ளனர்.

English summary:

NEW DELHI: BJP today's 2-day national executive meeting in Delhi starts at 4pm. The party's national president Amit Shah, opened the meeting speaks.

Read More

'டிஜிட்டல்' பரிவர்த்தனைக்கு இளைஞர்களின் உதவி அவசியம்: ஜாவடேகர்

புதுடில்லி : மக்கள் 'டிஜிட்டல்' பண பரிவர்த்தனையை பயன்படுத்த, இளைஞர்கள் விழிப்புணர்வு ஏற்படுத்த வேண்டும் என மத்திய அமைச்சர் பிரகாஷ் ஜாவடேகர் தெரிவித்தார்.

'டிஜிட்டல்' பரிவர்த்தனை:

மத்திய அரசு, செல்லாத நோட்டு அறிவிப்பை வெளியிட்டு, டிஜிட்டல் பரிவர்த்தனையை மேற்கொள்ளும்படி, வலியுறுத்தி வருகிறது. இந்நிலையில் டில்லியில் நடந்த செய்தியாளர்கள் சந்திப்பில் கலந்து கொண்ட மத்திய மனிதவள மேம்பாட்டுத் துறை அமைச்சர் பிரகாஷ் ஜாவடேகர் கூறியதாவது:

பண பரிவர்த்தனைகள், ரொக்கமற்ற 'டிஜிட்டல்' மூலம் மேற்கொள்ளப்படும் போது அவை கணக்கில் கொண்டுவரப்படுவதால், ஊழல் ஒழிக்கப்படும். மத்திய பட்ஜெட் மதிப்பானது ரூ.18 லட்சம் கோடியாக இருக்கும். இதில் சுமார் ரூ.6 லட்சம் கோடி வரை 'டிஜிட்டல்' பரிவர்த்தனைக்கு ஒதுக்கப்பட்டு, அத்திட்டத்துக்கான உட்கட்டமைப்பு வசதிகளை மேம்படுத்த பயன்படுத்தப்படும்.

இளைஞர்களுக்கு அழைப்பு:

அனைவரும் வருமான வரி செலுத்தா
ததே இப்போதைய பிரச்னைக்கு காரணம், ரூபாய் நோட்டு வாபஸ் நடவடிக்கை மூலம் 'டிஜிட்டல்' பரிவர்த்தனைக்கு விழிப்புணர்வு கிடைக்கும். இதனால், கறுப்புப் பணம், ஊழல், கள்ள நோட்டுகள் ஆகியவை ஒழிக்கப்பட்டு வெளிப்படைத்தன்மை உருவாகும். 'டிஜிட்டல்' பரிவர்த்தனை என்ற இலக்கை அடைய இளைஞர்கள் முகவர்களாக செயல்பட்டு உதவ வேண்டும். இவ்வாறு அவர் தெரிவித்தார்.

English summary:

NEW DELHI : People 'digital' use of cash transactions, the Union Minister Prakash Javadekar told the youth to create awareness.

Read More

பாக்., சிறையில் வாடிய 218 இந்திய மீனவர்கள் விடுதலை

கராச்சி : நல்லெண்ண அடிப்படையில், சிறையில் அடைக்கப்பட்டிருந்த 218 இந்திய மீனவர்களை பாகிஸ்தான் அரசு விடுதலை செய்தது

விடுதலை:

எல்லை தாண்டி மீன் பிடித்ததாகக் கைது செய்யப்பட்டிருந்த இந்திய மீனவர்கள் 439 பேரை, விடுவிக்க பாக்., அரசு முடிவு செய்தது. முதற்கட்டமாக கடந்த டிச.,25ம் தேதி பாகிஸ்தானின் மலிர் சிறையில் அடைக்கப்பட்டிருந்த 220 இந்திய மீனவர்கள் விடுதலை செய்யப்பட்டனர். இந்நிலையில் நேற்று (ஜன.,5) மேலும் 218 இந்திய மீனவர்களை நல்லெண்ண அடிப்படையில் பாக்., விடுதலை செய்தது. அவர்கள் ரயில் மூலம் லாகூர் அழைத்து செல்லப்பட உள்ளனர். அங்கிருந்து வாகா எல்லையில் இந்திய அதிகாரிகளிடம் ஒப்படைக்கப்படுவார்கள்.

438 மீனவர்கள் :

கடந்த 10 நாட்களில் மட்டும் 438 இந்திய மீனவர்கள் விடுதலை செய்யப்பட்டுள்ளனர். மாரடைப்பால் மீனவர் ஒருவர் சிறையில் காலமானதாக பாக்., அரசு தெரிவித்துள்ளது. யூரி தாக்குதல் தொடர்ந்து இரு நாடுகளுக்கு இடையிலான உறவில் பதற்றம் ஏற்பட்டுள்ள நிலையில், இந்திய மீனவர்கள் விடுதலை செய்யப்பட்டுள்ளது குறிப்பிடத்தக்கது.

English summary:

KARACHI: In a goodwill gesture, Pakistan frees Indian fishermen imprisoned 218

Read More

இந்திய பொருளாதாரத்தில் மந்த நிலை தற்காலிகமே: பிரணாப்

புதுடில்லி : ரூபாய் நோட்டு வாபஸ் நடவடிக்கையால் இந்திய பொருளாதாரத்தில் தற்காலிக மந்த நிலை ஏற்படலாம் என ஜனாதிபதி பிரணாப் முகர்ஜி கூறியுள்ளார்.

கறுப்பு பண ஒழிப்பு:

இதுகுறித்து அவர் கூறியதாவது: மத்திய அரசு மேற்கொண்ட ரூபாய் நோட்டு வாபஸ் நடவடிக்கையானது, கறுப்பு பணம் மற்றும் ஊழலை ஒழிக்க பயன்படுகிறது. எனினும் இதனால் பொருளாதாரத்தில் மந்த நிலை ஏற்படலாம். இது தற்காலிகமானதே.

கூடுதல் கவனம் தேவை:

கறுப்பு பணம் மற்றும் ஊழலை எதிர்க்கும் நடவடிக்கையை வரவேற்கிறேன். எனினும் ஏழைகளுக்கு இதனால் சிரமம் ஏற்படாமல் இருக்க அரசு கூடுதல் கவனம் செலுத்த வேண்டும். இவ்வாறு அவர் தெரிவித்தார்.

காங்., வரவேற்பு:

ஜனாதிபதி பிரணாப் முகர்ஜியின் இந்த கருத்துக்கு காங்., கட்சி வரவேற்பு அளித்துள்ளது.

இதுகுறித்து காங்., செய்தி தொடர்பாளர் ரன்தீப் சுர்ஜ்வாலா கூறியதாவது: ரூபாய் நோட்டு வாபஸ் விவகாரத்தில் சோம்பேறி குழந்தையான பிரதமருக்கு, குடும்ப தலைவர் ஜனாதிபதி பாடம் கற்பித்துள்ளார். உண்மையை கூறிய ஜனாதிபதியின் பேச்சை பிரதமர் மோடி கேட்பாரா?. இவ்வாறு அவர் தெரிவித்தார்.

English summary:

NEW DELHI: The rupee note temporary slowdown in the economy may be withdrawn by the Indian President Pranab Mukherjee.

Read More