நோ பார்க்கிங்கில் நிறுத்தப்பட்ட கார்களை ஃபோட்டோ எடுத்து அனுப்பினால் 100 ரூ பரிசாம்

நோ பார்க்கிங்கில் நிறுத்தப்பட்ட கார்களை ஃபோட்டோ எடுத்து அனுப்பினால் 100 ரூ பரிசாம்நோ பார்கிங்கில் பார்க் செய்யப்பட்டுள்ள கார்களை புகைப்படம் எடுத்து அனுப்பினால் 100 ரூபாய் பரிசாம்! இப்படி ஒரு வினோதமான திட்டத்தை மத்திய அரசின் போக்குவரத்து துறை அமைச்சகம் அறிவித்துள்ளது. இது குறித்துப் பேசும் போது மத்திய அமைச்சர் நிதின் கட்காரி தெரிவித்தது என்னவெனில்;

நாடு முழுதும் பெரும்பாலான இடங்களில் முறையான பார்கிங் வசதிகள் மேற்கொள்ளப் படவில்லை. அதனால் வீடுகளிலும், அபார்ட்மெண்ட்டுகளிலும், அலுவலகங்களிலும், தங்களது வாகனங்களை நிறுத்தும் வசதிகளற்றவர்கள் சாலையோரங்கள், பூங்காக்கள், மற்றுமுள்ள மக்கள் நடமாட்டம் மிகுந்த இடங்களில் எல்லாம் தங்களது வாகனங்களைப் பார்க் செய்து விடுகிறார்கள், இதனால் நடைபாதைகள் வெகுவாக ஆக்கிரமிக்கப்பட்டு விபத்துக்கள் அதிகரிக்கும் நிலை ஏற்பட்டு விடுகிறது. மக்களிடையே முறையான பார்க்கிங் வசதி குறித்த விழிப்புணர்வை ஏற்படுத்தும் பொருட்டு அரசு இம்மாதிரியான அணுகுமுறைகளைக் கையாள வேண்டியதாகி விடுகிறது. மேலும் இந்தியாவில் ஆண்டு ஒன்றுக்கு2 மில்லியன் கார்கள் நாடு முழுதும் விற்பனையாகின்றன. எனவே கார்களின் எண்ணிக்கைக்கு ஏற்ப பார்க்கிங் வசதிகளையும் மேம்படுத்தும் பொருட்டு இப்படி ஒரு நடவடிக்கை எடுக்கப் படவிருப்பதாக குறிப்பிட்டுள்ளார்.

இந்த திட்டம் வெற்றியடையுமா? எனும் கேள்விக்கு;

அரசு மற்றும் தனியார் அலுவலகங்கள், மக்கள் குடியிருப்புப் பகுதிகள் என அனைவருக்கும்; முறையான பார்க்கிங் வசதியை மேம்படுத்தும் விதமான மத்திய அரசின் புது திட்டம் குறித்து அறிவித்திருக்கிறோம். சில குடியிருப்பு பகுதிகள் மற்றும் தனியார் அலுவலக வளாகங்களில் எங்களுக்கு பார்க்கிங்க்கு என்று தனி இடம் ஒதுக்கப்படவில்லை. இது வரை கிடைத்த இடத்தில் வாகனங்களைப் பார்க் செய்து கொண்டிருந்தோம்’ எனும்படியான பதில்கள் கிடைத்தன. இனியும் அந்த நிலை நீடிக்கக் கூடாது. எனவே இனி புதிதாக கார்கள் வாங்கிப் பதிவு செய்யும் போதே; முறையான பார்க்கிங் வசதி உண்டு என்பதற்கான சான்றுகளும் சமர்பிக்கப்பட வேண்டும் எனும் கட்டுப்பாட்டை விதிக்கவிருக்கிறோம். இதற்கான விதிகள் அடங்கிய திருத்தப்பட்ட மோட்டார் வாகனச் சட்ட மசோதா 2016 விரைவில் நிறைவேற்றப்படும் என நம்புவதாகவும் அவர் தெரிவித்தார்.

English Summary:

Take a picture and send cars to the disease has been seen in parking prize 100 rupees! According to the Federal Ministry of Transport has announced such a bizarre proposal. Union Minister Nitin Gadkari said while talking about it is that;

Read More

இன்று ஏ.ஆர். ரஹ்மானின் 50-வது பிறந்தநாள். அவரது இசைக்கு என்ன வயது?

பிரபல இசையமைப்பாளர் ஏ.ஆர். ரஹ்மான் இன்று தனது 50-வது பிறந்தநாளைக் கொண்டாடுகிறார். இதையடுத்து அவருக்குச் சமூகவலைத்தளங்களில் வாழ்த்துகள் குவிகின்றன.

ஃபேஸ்புக், ட்விட்டர் முழுக்க ரஹ்மானின் பாடல்கள்தான். அவருடைய ரசிகர்கள் தனக்குப் பிடித்த பாடல்களைப் பகிர்ந்துவருகிறார்கள்.

2 ஆஸ்கர் விருதுகளைப் பெற்ற ரஹ்மான், இன்றும் இந்தியத் திரையுலகின் நெ.1 இசையமைப்பாளராக உள்ளார். தமிழ், ஹிந்தி என இரு மொழிகளிலும் முக்கியமான இசையமைப்பாளராக, பெரிய படங்களின் முதல் தேர்வாக உள்ளார். கூடவே ஹாலிவுட் படங்களிலும் கூடுதல் கவனம் செலுத்திவருகிறார்.

சமீபத்தில் வெளிவந்த அச்சம் என்பது மடமையடா படத்தின் பாடல்கள் சூப்பர் டூப்பர் ஹிட். ரஹ்மானுக்கு 50 வயதா என்று ரசிகர்கள் கொஞ்சம் யோசிக்கலாம். ஆனால், இன்றைக்கும் அவர் பாடல்களில் இளமை ததும்புகின்றன. வற்றாத இளமையைக் கொண்டவைதான் ரஹ்மானின் பாடல்கள்.

வாசகர்களே, உங்களுக்குப் பிடித்த ரஹ்மான் பாடல் என்ன? எதனால் அந்தப் பாடல் உங்களைக் கவர்ந்துள்ளது? கமெண்ட்ஸில் உங்கள் கருத்துகளை வெளிப்படுத்துங்கள்.

English summary:

Famous composer AR. Rahman today celebrates his 50th birthday. Congratulations poured in after his social media.

Read More

பெண்களை அவமரியாதை செய்வது யார்? அபு ஆஸ்மி கண்டுபிடிப்பு

லக்னோ: குறைந்தளவு உடைகளை அணிய அனுமதிக்கும் ஆண்களே, அவர்களை அவமரியாதை செய்வதாக சமாஜ்வாதி எம்.எல்.ஏ., அபுஆஸ்மி தெரிவித்த கருத்து மீண்டும் பரபரப்பை ஏற்படுத்தியுள்ளது.

பெண்களை மதிப்பவன்:

இது தொடர்பாக அவர் செய்தி நிறுவனத்திற்கு அளித்த பேட்டியில் கூறியதாவது: நான் பெண்களை எப்போதும் அவமரியாதை செய்தது கிடையாது. ஆனால், குறைந்தளவு உடைகளை அணிய அனுமதிக்கும் ஆண்களே அவர்களை அவமதிக்கின்றனர். முறையாக ஆடை அணிய சொல்பவர்களை தான், பாரம்பரிய பழக்கவழக்கங்களை கடுமையாக கடைபிடிக்கும் குடும்பத்தை சேர்ந்தவர்கள் எனக்கூறுவேன். தங்களுக்கு எதிரான குற்றங்கள் குறையாததால், பெண்கள், தங்களது பாதுகாப்பில் கவனம் செலுத்த வேண்டும் எனக்கூறுவேன். தாலி கட்டாமல் இணைந்து வாழ்வதை ஏற்க முடியாது. திருமணத்திற்கு பின்பு தான் ஆண்களுடன், பெண்கள் இணைந்து வாழ வேண்டும் எனக்கூறினார். இவரது இந்த கருத்து மீண்டும் ஒரு சர்ச்சையை ஏற்படுத்தியுள்ளது.
கடந்த சில நாட்களுக்கு முன்னர், புத்தாண்டில் பெங்களூருவில் பெண்கள் மானபங்க படுத்தப்பட்டது தொடர்பாக கருத்து தெரிவித்த அவர், பெண்கள் நிர்வாணமாக திரிவதை பேசனாக கருதுவதால் தான் பாலியல் சம்பவங்கள் அதிகரிப்பதாக தெரிவித்திருந்தார்.

English summary:

Lucknow: Men are allowed to wear fewer clothes, SP MLA to disrespect them, apuasmi comment that caused a stir again.

Read More

விருது வழங்க கோர்ட் உத்தரவிட முடியாது: ஜெ.,க்கு பாரத ரத்னா வழங்க கோரிய மனு தள்ளுபடி

சென்னை: ஜெ.,க்கு பாரத ரத்னா விருது வழங்க கோரிய மனுவை சென்னை ஐகோர்ட் தள்ளபடி செய்தது. மதுரையை சேர்ந்த ரமேஷ் என்பவர், அம்மா உணவகம், அம்மா மருந்தகம் உள்ளிட்ட பல திட்டங்களை நிறைவேற்றிய முன்னாள் முதல்வர் ஜெயலலிதாவுக்கு பாரத ரத்னா விருது வழங்க பரிசீலனை செய்ய மத்திய அரசுக்கு உத்தரவிட வேண்டும் எனக்கோரி சென்னை ஐகோர்ட்டில் மனு தாக்கல் செய்தார்.

இந்த மனு, தலைமை நீதிபதி கவுல் தலைமையிலான பெஞ்ச் முன்பு விசாரணைக்கு வந்தது. அப்போது, விருது வழங்க கோர்ட் உத்தரவிட முடியாது எனக்கூறி நீதிபதிகள் மனுவை தள்ளுபடி செய்தனர்.

English Summary:

Chennai: j., The Madras High Court petition demanding Bharat Ratna was discounted. Madurai by Ramesh, mother, restaurant, pharmacy mom accomplished several projects, including the former Chief Minister Jayalalithaa to review the Bharat Ratna, demanding that the central government must order filed in the Madras High Court. 

Read More

வறட்சி; காய்ந்த பயிர்களுடன் விவசாயிகள் கண்ணீர்

திருநெல்வேலி: நெல்லை மாவட்டத்தில் மழையின்மையால் விவசாயம் பாதித்த பகுதிகளை கலெக்டர், அரசின் முதன்மை செயலாளர். அமைச்சர் உள்ளிட்ட குழுவினர் ஆய்வு செய்தனர்.தமிழகம் முழுவதும் வடகிழக்கு பருவமழை பொய்த்துவிட்டதால் கடும் வறட்சி நிலவுகிறது. விவசாயம் மேற்கொள்ளப்படவில்லை. எனவே வறட்சி நிவாரண பணிகளை மேற்கொள்ளவேண்டும் எனவும் மத்திய அரசிடம் நிதி பெற வேண்டும் எனவும் விவசாயிகளிடையே கோரிக்கை எழுந்துள்ளது. தஞ்சை, நாகையை தொடர்ந்து தென்மாவட்டங்க
ளிலும் விவசாய பாதிப்பு இறப்புகள் துவங்கியுள்ளன.

9ம் தேதி அரசுக்கு அறிக்கை:

இந்நிலையில் நெல்லை மாவட்டத்தில் இன்று வறட்சி பாதிப்பு குறித்து அதிகாரிகள் குழு ஆய்வு மேற்கொண்டது.கலெக்டர் கருணாகரன், நெல்லை மாவட்டத்திற்கான கண்காணிப்பாளராக நியமிக்கப்பட்டுள்ள தமிழக இளைஞர் மற்றும் விளையாட்டுத்துறை முதன்மை செயலர் ராஜேந்திரகுமார், ஆதிதிராவிடதுறை அமைச்சர் ராஜலட்சுமி ஆகியோர் இன்று காலை ஆய்வு துவங்கினர். நெல்லை மானூரை அடுத்துள்ள கானார்பட்டி, வன்னிக்கோனேந்தல், ஆயாள்பட்டி, சங்கரன்கோவில் என பத்துக்கும் மேற்பட்ட கிராமங்களை பார்வையிட்டனர். மழையின்றி கருகிகிடக்கும் நெல்வயங்கள், பயிர் பயிரிடப்பட்ட நிலங்களை பார்வையிட்டனர். நெல்லை மாவட்டத்தில் 80 சதவீத விவசாயம் பாதிக்கப்பட்டுள்ளது. இதுகுறித்து வரும் 9ம் தேதி அரசுக்கு அறிக்கை சமர்ப்பிக்க உள்ளோம் என குழுவினர் தெரிவித்துள்ளனர். இதேபோல், தமிழகம் முழுவதும் வறட்சி குறித்து ஆய்வு நடந்து வருகிறது.

English Summary:

Tirunelveli, Tirunelveli District Collector in the drought affected areas of agriculture, the state's chief secretary. 

Read More

அமெரிக்காவில் தமிழக வம்சாவளியை சேர்ந்த மாணவிக்கு கவுரவம்

வாஷிங்டன்: திருநெல்வேலியில் இருந்து அமெரிக்காவில் குடியேறிய தம்பதியினரின் மகள் ஒருவரை கல்வி குறித்து பிரசார குழுவிற்கு மிச்செல் ஒபாமா தேர்வு செய்துள்ளார்.

இந்த குழுவிற்கு தேர்வான ஸ்வேதா பிரபாகரன் என்பவர், கடந்த 1998 ல் தனது பெற்றோருடன் நெல்லையிலிருந்து அமெரிக்கா வந்தவர். இவர், விர்ஜினியாவில் உள்ள தாம்சன் அறிவியல் மற்றும் தொழில்நுட்ப ஜெபர்சன் உயர் நிலை பள்ளியில் படித்து வருகிறார். இவர் வரும் தலைமுறையை சேர்ந்த இளைஞர்கள் பொறியாளர்கள், விஞ்ஞானிகள் மற்றும் கண்டுபிடிப்பாளர்களாக மாற வேண்டும் என்பதற்காக Everybody Code Now! என்ற தொண்டு நிறுவனத்தை தோற்றுவித்து சி.இ.ஓ.,வாக உள்ளார். இவரது பணியை ஊக்குவிக்கும் வகையில், கல்விதுறையில், 'better make room' என்ற கல்வித்துறையில் விழிப்புணர்வை ஏற்படுத்தும் பிரசார குழுவில் தேர்வு செய்யப்பட்டுள்ளார். இந்த குழு, மிச்செல் ஒபாமாவால் தோற்றுவிக்கப்பட்டது ஆகும். இந்த குழுவில் 12 உயர் நிலை பள்ளிமாணவர்கள் மற்றும் 5 கல்லூரி மாணவர்கள் இடம்பெறுவார்கள். இவர்கள் இன்று வெள்ளை மாளிகை சென்று அங்கு நடக்கும் நிகழ்ச்சியில் கலந்து கொள்ள உள்ளனர்.

ஆர்வத்துடன் எதிர்பார்க்கிறேன் :

இந்த குழுவில் தேர்வு செய்யப்பட்டது பெருமை அளிக்கிறது. மாணவர்கள் கல்லூரி செல்வது தொடர்பான கொள்கையை இன்னும் அதிகமானவர்களுக்கு விளக்க முடியும். இந்த குழுவில் இணைந்து செயல்படுவதை ஆர்வத்துடன் எதிர்பார்க்கிறேன் என ஸ்வேதா கூறியுள்ளார். இவர் பரதநாட்டியம் பயின்றவர். சர்வதேச கல்வியறிவு சங்கத்தின் உறுப்பினர்களில் ஒருவராக தேர்வு செய்யப்பட்டவர். இவர் கடந்த ஆண்டு வெள்ளை மாளிகையினால் கவுரவிக்கப்பட்டவர் ஆவார்.

English summary:

Washington: Tirunelveli from the couple's daughter, who settled in the US Michelle Obama has chosen the education committee of the campaign. 

Read More

பல்வேறு விருதுகளை வாங்கி குவித்தவர் ; ஹிந்தி நடிகர் ஓம் புரி காலமானார்

பிரபல ஹிந்தி நடிகர் ஓம் புரி, மாரடைப்பால் காலாமானார். அவருக்கு வயது 66. மும்பையில் அந்தேரி பகுதியில் வசித்து வந்த ஓம் புரிக்கு இன்று(ஜன., 6-ம் தேதி) காலை திடீரென கடுமையான மாரடைப்பு ஏற்பட்டதால் அவரது உயிர் பிரிந்தது.

1950-ம் ஆண்டு அக்., 18-ம் தேதி ஹரியானா மாநிலம் அம்பாலாவில் பிறந்தவர் ஓம் புரி. சினிமாவில் உள்ள ஆர்வத்தால் புனேயில் உள்ள பிலிம் அண்ட் டெலிவிஷன் இன்ஸ்டியூட்டில் சேர்ந்து சினிமா சம்பந்தப்பட்ட படிப்பை படித்தவர் அப்படியே தேசிய நாடக பள்ளியில் சேர்ந்து பயிற்சியும் பெற்றார்.

சினிமாவில் அறிமுகம்:

1976ம் ஆண்டு ‛காசிராம் கொட்வால்' என்ற மராத்தி படத்தின் மூலம் சினிமாவில் அறிமுகமானார். தொடர்ந்து ‛‛ஆக்ரோஷ், டிஸ்கோ டான்சர், அர்த் சத்யா, குப்த், சிங் இஸ் கிங், மேரே பாப் பெகலி ஆப், ரோட் டூ சங்கம், தி ஹேங்மேன், டான் 2, அக்னிபத், டர்ட்டி பாலிடிக்ஸ்'' உள்ளிட்ட பல்வேறு படங்களில் நடித்துள்ளார். ஹிந்தி தவிர்த்து பஞ்சாபி, ஆங்கிலம், மலையாளம், கன்னடம் போன்ற மொழிகளிலும் ஒரு சில படங்களில் நடித்திருக்கிறார், சினிமா மட்டுமல்லாது ‛பாரத் ஏக் கோச், செகண்ட் ஜெனரேஷன்' உள்ளிட்ட டிவி சீரியல்களிலும் நடித்திருக்கிறார்.

இந்திய அரசின் உயரிய விருதுகளில் ஒன்றான பத்மஸ்ரீ விருது, ‛ஆரோகன் மற்றும் அர்த் சத்யா' படங்களுக்காக இரண்டு முறை தேசிய விருது, பிலிம்பேர் விருது, சர்வதேச விருது என பல்வேறு விருதுகளை பெற்றுள்ளார் . ஓம் புரி 1993-ம் ஆண்டு நந்திதா என்ற பெண்ணை திருமணம் செய்தார். 20 ஆண்டுகளில் இவர்களது திருமண வாழ்வு கசந்து போக இருவரும் 2013-ம் ஆண்டு விவாகரத்து பெற்று பிரிந்தனர். ஓம் புரிக்கு இஷான் என்ற ஒரு மகன் மட்டும் உள்ளார்.

பிரதமர் மோடி இரங்கல்:

ஓம்புரியின் உடல் அஞ்சலிக்காக அந்தே
ரியில் உள்ள அவரது இல்லத்தில் வைக்கப்பட்டுள்ளது. அவரின் மறைவு பாலிவுட் திரையுலகினர் இடையே பெரும் சோகத்தை ஏற்படுத்தியிருக்கிறது.மறைந்த நடிகர் ஓம் புரிக்கு பிரதமர் நரேந்திர மோடி தனது இரங்கலை தெரிவித்திருக்கிறார். பிரதமர் தவிர்த்து ஏராளமான திரை பிரபலங்களும் டுவிட்டர், பேஸ்புக்கில் தங்களது இரங்கலை தெரிவித்து வருகின்றனர்.

English summary:

Famous Bollywood actor Om Puri, kalamanar heart attack. He was 66. Om Puri who lived in Andheri in Mumbai today (Mat., 6-th) morning, suffering a fatal heart attack suddenly split her life. 1950 Oct., On June 18 was born in Ambala, Haryana, Om Puri. Cinema at the Film and Television Institute in Pune was interested in the theater, along with the relevant studies so trained in the National School of Drama.

Read More