சந்திரபாபு மகனுக்கு அமைச்சர் பதவி?

அமராவதி: ஆந்திர முதல்வர் சந்திர பாபு நாயுடுவின் மகன், நர லோகேஷ், விரைவில், அம்மாநில அமைச்சராக பொறுப்பேற்க உள்ளதாக, தகவல் வெளியாகியுள்ளது.

ஆந்திராவில், தெலுங்கு தேசம் கட்சியைச் சேர்ந்த சந்திரபாபு நாயுடு, முதல்வராக உள்ளார்; 19 பேர் அமைச்சர்களாக உள்ளனர். இங்கு, மேலும், மூன்று பேரை அமைச்சர்களாக நியமிக்க முடியும்; எனினும், தெலுங்குதேச கட்சி ஆட்சி அமைத்தது முதல், அந்த இடங்களுக்கு, புதிய அமைச்சர்கள் நியமிக்கப்பட வில்லை.

இந்நிலையில், முதல்வர் சந்திரபாபு நாயுடு, அமைச்சரவையை விரிவு படுத்த முடிவு செய்துள்ளார். அதன்படி, சந்திரபாபு நாயுடுவின் மகன், நர லோகேஷ், தகவல் தொழில்நுட்பத் துறை அமைச்சராக நியமிக்கப்படலாம் என தெரிகிறது.

அவரை தவிர, எதிர்க்கட்சியான, ஒய்.எஸ்.ஆர்., காங்கிரசில் இருந்து விலகி, ஆளுங்கட்சிக்கு ஆதரவு தெரிவித்த, இரண்டு, எம்.எல்.ஏ.,க்களுக்கு அமைச்சர் பதவி வழங்கப்பட உள்ளது.

சந்திரபாபு நாயுடு, ஜனவரி 15ல், சுவிட்சர்லாந்திற்கு செல்ல உள்ளார். அதற்கு முன் அல்லது அவர் வெளிநாடு சென்று திரும்பிய பின், அமைச்சரவை விரிவாக்கம் நடைபெறும் என, தெரிகிறது.

மாநில அமைச்சர்கள் சிலர் மீது, சந்திரபாபு நாயுடு, அதிருப்தியில் உள்ளார்; அவர்கள் மாற்றப்பட்டு, புதியவர்களுக்கு அமைச்சர் பதவி வழங்கப்படலாம் என, தெரிகிறது.

அமைச்சர்கள் சிலர் மீது, சந்திரபாபு நாயுடு, அதிருப்தியில் உள்ளார்; அவர்கள் மாற்றப்பட்டு, புதியவர்களுக்கு அமைச்சர் பதவி வழங்கப்படலாம்.

English summary:

Amravati: Andhra Pradesh chief minister Chandra Babu Naidu's son Nara Lokesh, soon, will take over as Chief Minister, reported. 

Read More

சென்னை ஓபன்: போபண்ணா ஜோடி புதிய சாம்பியன்

சென்னை: சென்னை ஓபன் டென்னிஸ் இரட்டையர் பிரிவில் இந்தியாவின் ரோகன் போபண்ணா, ஜீவன் நெடுஞ்செழியன் ஜோடி சாம்பியன் பட்டம் வென்றது. பைனலில் சகநாட்டை சேர்ந்த புரஜ் ராஜா, திவிஜ் சரண் ஜோடியை தோற்கடித்தது.

சென்னை நுங்கம்பாக்கத்தில், தெற்காசியாவில் நடத்தப்படும் 'ஏ.டி.பி., வேர்ல்டு டூர்' அந்தஸ்து பெற்ற ஒரே தொடரான 22வது சென்னை ஓபன் டென்னிஸ் நடந்தது. இதன் இரட்டையர் பிரிவு பைனலில் இந்தியாவின் ரோகன் போபண்ணா, ஜீவன் நெடுஞ்செழியன் ஜோடி, சகநாட்டை சேர்ந்த புரவ் ராஜா, திவிஜ் சரண் ஜோடியை எதிர்கொண்டது.

முதல் செட்டை 6-3 எனக் கைப்பற்றிய போபண்ணா ஜோடி, இரண்டாவது செட்டை 6-4 என வென்றது. ஒரு மணி நேரம், ஐந்து நிமிடம் வரை நீடித்த பைனலின் முடிவில், போபண்ணா, ஜீவன் நெடுஞ்செழியன் ஜோடி 6-3, 6-4 என்ற நேர் செட் கணக்கில் வெற்றி பெற்று, முதன்முறையாக சாம்பியன் பட்டம் வென்றது.

English summary:

Chennai: Chennai Open tennis doubles, India's Rohan Bopanna and Jeevan nedujaliyan pair won the championship. 

Read More

பிரதமர் மோடி குஜராத்திற்கு இரண்டு நாள் பயணம்

காந்திநகர்: ‛துடிப்பான குஜராத்' இன் எட்டாவது மாநாடு உட்பட பல்வேறு நிகழ்ச்சிகளில் கலந்து கொள்வதற்காக இன்று நாள் பயணமாக பிரதமர் மோடி இன்று(ஜன.,9) குஜராத் செல்கிறார்.

துடிப்பானகுஜராத் உலக மாநாடு:

குஜராத் மாநிலம் காந்திநகரில் ஜன.,10 முதல் 13-ம் தேதி வரை ‛ துடிப்பான குஜராத்' என்ற பெயரிலான உலகளவிலான மாநாடு நடைபெற உள்ளது. இந்த மாநாட்டை பிரதமர் மோடி துவக்கி வைக்கிறார்.மேலும், காந்திநகர் ரயில் நிலைய அபிவிருத்தி பணிக்கான பூமி பூஜையிலும் கலந்து கொள்கிறார். மும்பை பங்குச்சந்தை சார்பில் அமைக்கப்பட உள்ள நாட்டின் முதலாவது சர்வதேச செலாவணி மையத்தை துவக்கி வைக்கிறார்.

நோபல் பரிசு பெற்ற இந்தியரான வெங்கட்ராமன் ராமகிருஷ்ணன் உட்பட ஒன்பது முக்கிய நபர்களுடன் பிரதமர் மோடி சந்தித்து பேச உள்ளார். மேலும் மாநாட்டின் ஒரு பகுதியாக நடைபெறும் வர்த்தக கண்காட்சியில் சுமார் 15 லட்சம் மக்கள் வருகை தருவர் என எதிர்பார்க்கப்படுகிறது.

அமைச்சர்கள் பங்கேற்பு:

விழாவில் கலந்து கொள்ள வருகை தரும் பிரதமரை வரவேற்பதற்காக குஜராத் விமான நிலையத்தில் சிறப்பான ஏற்பாடுகள் செய்யப்பட்டுள்ளதாக மாநில பா.ஜ.,வின் ஊடக செய்தி தொடர்பாளர் ஹர்சத் படேல் தெரிவித்துள்ளார். மேலும் 13-ம் தேதி வரையில் நடைபெறும் மாநாட்டில் ஆயிரத்து 500க்கும் மேற்பட்ட சிறப்பு விருந்தினர்கள், வர்த்தக பிரமுகர்கள் மற்றும் 12க்கும் மேற்பட்ட மத்திய அமைச்சர்கள், மாநில முதல்வர்கள் கலந்து கொள்கின்றனர்.

English summary:

Gandhinagar: 'Vibrant Gujarat' summit of the eighth day visit today to attend various events, including the Prime Minister today (Mat., 9) goes to Gujarat.

Read More

சென்னை ஓபன்: பவுடிஸ்டா சாம்பியன்

சென்னை: சென்னை ஓபன் டென்னிஸ் தொடரின் ஒற்றையர் பிரிவில் முதன் முறையாக சாம்பியன் பட்டம் வென்றார் ஸ்பெயினின் ராபர்டோ பவுடிஸ்டா. பைனலில் ரஷ்யாவின் டேனில் மெட்வடேவை தோற்கடித்தார்.

சென்னை நுங்கம்பாக்கத்தில், தெற்காசியாவில் நடத்தப்படும் 'ஏ.டி.பி., வேர்ல்டு டூர்' அந்தஸ்து பெற்ற ஒரே தொடரான சென்னை ஓபன் டென்னிஸ் நடக்கிறது. இதன் ஒற்றையர் பிரிவு பைனலில் ஸ்பெயினின் பவுடிஸ்டா, ரஷ்யாவின் மெட்வடேவை சந்தித்தார் . முதல் செட்டை 6-3 என கைப்பற்றிய பவுடிஸ்டா, அடுத்த செட்டையும் 6-4 என தன்வசப்படுத்தினார். ஒரு மணி நேரம் 13 நிமிடம் நீடித்த போட்டியின் முடிவில் பவுடிஸ்டா 6-3, 6-4 என்ற நேர் செட் கணக்கில் வெற்றி பெற்று, இத்தொடரில் முதல் கோப்பை கைப்பற்றினார்.

English summary:

Chennai: The Chennai Open tennis championships in singles and won for the first time in Spain's Roberto pavutista. Medvedev and defeated Russia in the final of the Dane.

Read More

நவ.,9 க்கு முன் டிபாசிட்: விளக்கம் கேட்கிறது வருமான வரித்துறை

புதுடில்லி: கடந்த 2016 ஏப்ரல் முதல் நவம்பர் 9 ம் தேதி வரை டெபாசிட் செய்யப்பட்ட பணம் தொடர்பான விபரங்களை தர வங்கிகளுக்கு வருமான வரித்துறை அதிகாரிகள் நோட்டீஸ் அனுப்பியுள்ளனர்.

நவம்பர் 9 வரை டிபாசிட்:

; இது தொடர்பாக வருமான வரித்துறை அனுப்பிய கடிதம்: வங்கிக்கணக்கு துவக்கியபோது பான் எண் அல்லது விண்ணப்பம் 60ஐ இணைக்காதவர்கள், வரும் பிப்ரவரி 28 ம் தேதிக்குள் இணைக்க வேண்டும். வங்கிகள், கூட்டுறவு வங்கிகள், தபால் அலுவலகங்கள் ஆகியவை கடந்த 2016 ஏப்ரல் 1 முதல் நவம்பர் 9 வரை டிபாசிட் குறித்த விபரங்களை அனுப்பி வைக்க வேண்டும். வங்கிக்கணக்கில் இணைக்கப்பட்ட பான் எண் விபரங்களை, வங்கி அதிகாரிகள் பராமரிக்க வேண்டும் எனக்கூறப்பட்டுள்ளது.

English summary:

New Delhi: The money was deposited until 2016 on the 9th of November to April divulge the income tax authorities issued a notice to the banks.

Read More

மீனவர்களை மீட்க வேண்டும்: பிரதமருக்கு முதல்வர் ஓ.பி.எஸ்., கடிதம்

சென்னை: இலங்கை சிறையில் உள்ள தமிழக மீனவர்களை மீட்க வேண்டும் என பிரதமர் மோடிக்கு முதல்வர் பன்னீர் செல்வம் கடிதம் எழுதியுள்ளார்.

தாயகம் வரும் முன்னர்:

இது தொடர்பாக அவர் எழுதிய கடிதத்தில் கூறியுள்ளதாவது: இலங்கை சிறையில் இருந்த 51 தமிழக மீனவர்களை விடுவிக்க நடவடிக்கை எடுத்ததற்கு நன்றி. விடுதலை செய்யப்பட்ட மீனவர்கள் தமிழகம் வந்து சேரும் முன்னர் மேலும் 10 மீனவர்கள் இலங்கை கடற்படையினரால் கைது செய்யப்பட்டுள்ளனர்.

ஆழ்கடல் மீன்பிடிப்பு:

இலங்கை சிறையில் ஏற்கனவே உள்ள 10 மீனவர்களை சேர்த்து 20 மீனவர்களை விடுதலை செய்ய நடவடிக்கை எடுக்க வேண்டும். இந்த விவகாரத்தில் பிரதமர் மோடி நேரடியாக தலையிட்டு, மீனவர்களை விடுவிக்க நடவடிக்கை எடுக்க வேண்டும். மீனவர்களுடன் 118 படகுகளையும் மீட்க நடவடிக்கை எடுக்க வேண்டும். மேலும், ஆழ்கடல் மீன்பிடிப்பை ஊக்குவிக்க போதிய நடவடிக்கை எடுக்க வேண்டும். இவ்வாறு முதல்வர் கூறியுள்ளார்.

English summary:

Chennai: Tamil Nadu fishermen in Sri Lankan custody Paneer Selvam has written a letter to Chief Minister Narendra Modi.

Read More

விவசாயிகளை இழிவுபடுத்தும் அமைச்சர்கள்: ஸ்டாலின்

சென்னை: விவசாயிகள் தற்கொலையை தடுக்க வேண்டும். அமைச்சர்கள் அவதூறு பேசுவதை முதல்வர் தடுத்து நிறுத்த வேண்டும் என தி.மு.க., செயல் தலைவர் ஸ்டாலின் கூறியுள்ளார்

கொச்சைபடுத்துகின்றனர்:

இது தொடர்பாக ஸ்டாலின் வெளியிட்ட அறிக்கை: வரலாறு காணாத வறட்சி காரணமாக ஒரு மாதத்தில் 125 விவசாயிகள் தற்கொலை செய்துள்ளனர். இதனை தடுக்க நடவடிக்கை எடுக்க வேண்டும் என முதல்வரை வலியுறுத்தினேன். அதுவரை தூங்கிவழிந்த அரசு, பின்னர் அமைத்த ஆய்வுக்குழு, பலனை தரும் என எதிர்பார்த்த நிலையில், அமைச்சர்களின் பேச்சு அதிர்ச்சியை ஏற்படுத்தியுள்ளது. விவசாயிககள் தற்கொலையை தமிழக அமைச்சர்கள் இழிவுபடுத்துகின்றனர். விவசாயிகளின் தற்கொலையை கொச்சைபடுத்துவது விவசாயிகளை வஞ்சிப்பது போல் ஆகும்,

முதல்வர் பாவம்:

விவசாயிகள் உயரிழக்கவில்லை என அமைச்சர் பேசியுள்ளது விவசாயிகளை கடும் கோபப்படுத்தியுள்ளது. கடந்த 5 ஆண்டில் 2500 விவசாயிகள் வறட்சி பாதிப்பால் மரணமடைந்துள்ளனர். ஆனால், தமிழக அரசு உண்மைகளை மறைத்து, பொய் பிரசாரம் செய்து வருகிறது. இதயத்தில் ஈரமின்றி அமைச்சர்கள் பேசி வருகின்றனர். அதிமுக அமைச்சர்கள் பேச்சை கட்டுப்படுத்த முதல்வருக்கு கடமை உள்ளது. அமைச்சரவை ஒற்றுமை குழைந்திருக்கும் நிலையில் முதல்வர் ஓபிஎஸ் என்ன செய்வார் பாவம். மரணமடைந்த விவசாயிகளுக்கு நிவாரணம் வழங்கும் நடவடிக்கையை உடனே துவக்க வேண்டும். இவ்வாறு அவர் கூறியுள்ளார்.

English summary:

Chennai: farmers need to prevent suicide. Stop talking to the Chief Ministers of defamation DMK leader MK Stalin said action

Read More