போலீசார் துன்புறுத்தியதாக அமைச்சரிடம் பெண் கதறல்

சென்னை : சென்னை கோயம்பேட்டில் பொங்கல் சிறப்பு பேருந்துக்கான கணினி முன்பதிவு மையத்தை போக்குவரத்துத்துறை அமைச்சர் எம்.ஆர்.விஜயபாஸ்கர் தொடங்கி வைத்தார். அப்போது, விசாரணை என்ற பெயரில் போலீசார் தம்மை துன்புறுத்தியதாக பெண் பயணி ஒருவர் அமைச்சரிடம் புகார் அளித்ததால் அங்கு பரபரப்பு ஏற்பட்டது.
சென்னை கோயம்பேடு பேருந்து நிலையத்தில் பொங்கல் சிறப்பு பேருந்துக்கான கணினி முன்பதிவு மையத்தை போக்குவரத்து துறை அமைச்சர் எம்.ஆர்.விஜயபாஸ்கர் இன்று காலை திறந்து வைத்தார். மொத்தம் 29 கணினி மையம் திறந்து வைக்கப்பட்டது. பெண்கள் மற்றும் மாற்றுத்திறனாளிகளுக்கும், முதியோருக்கும் தனித்தனி கவுன்டர்கள் திறக்கப்பட்டன. அப்போது, அதிக கட்டணம் வசூலிக்கும் பேருந்துகள் மீது நடவடிக்கை எடுக்கப்படும் என அமைச்சர் தெரிவித்தார்.
இத்தகவலை செய்தியாளர்களிடம் கூறிக் கொண்டிருக்கும் போது, பெங்களூருவை சேர்ந்த பெண் பயணி ஒருவர், கோயம்பேடு பேருந்து நிலையத்தில், காவலர்கள் சிலர் தம்மை விசாரணை என்ற பெயரில் துன்புறுத்தியதாக அமைச்சர் விஜயபாஸ்கரிடம் புகார் அளித்ததால் பரபரப்பு ஏற்பட்டது. பின்னர் செய்தியாளர்களிடம் பேசிய பெண் பயணி, தாம் ஒரு ஆராய்ச்சி மாணவி என்றும், தம்மை துன்புறுத்திய காவல்துறையினர் மீது நடவடிக்கை எடுக்க வேண்டும் என்றும் வலியுறுத்தினார். பெண் பயணியின் புகார் குறித்து விசாரணை நடத்தி உரிய நடவடிக்கை எடுக்கப்படும் என அமைச்சர் உறுதி அளித்தார்.

English summary:

Chennai koyampet computer for the Pongal special bus M.R.vijayaBaskar booking center was inaugurated by Minister of Transport. 

Read More

டி.என்.பி.எஸ்.சி., உறுப்பினர் நியமனம் ரத்து நீடிப்பு

சென்னை: டி.என்.பி.எஸ்.சி., எனப்படும் தமிழ்நாடு அரசு பணியாளர் தேர்வாணயத்தின் 11 உறுப்பினர்கள் நியமனத்தை ரத்து செய்து, சென்னை உயர்நீதிமன்றம் பிறப்பித்த உத்தரவை ரத்துசெய்ய உச்சநீதிமன்றம் மறுத்து விட்டது.

11 உறுப்பினர்கள்:

டி.என்.பி.எஸ்.சி., எனப்படும் தமிழ்நாடு அரசு பணியாளர் தேர்வாணையத்தின் புதிய உறுப்பினர்களாக வழக்கறிஞர்கள்கள் பிரதாப்குமார், சுப்பையா, முத்துராஜ், சேதுராமன், பாலுசாமி,மாடசாமி, முன்னாள் மாவட்ட நீதிபதி வி.ராமமூர்த்தி, இன்ஜினியரிங் முதுகலை பட்டதாரி பி.கிருஷ்ணகுமார், தமிழ்நாடு மின் உற்பத்தி மற்றும் பகிர்மானக் கழகத்தின் முன்னாள் தலைமை இன்ஜினியர் சுப்பிரமணியன், முன்னாள் அரசு அதிகாரி புண்ணியமூர்த்தி, ஓய்வுபெற்ற ஐ.ஏ.எஸ்., அதிகாரி ராஜாராம் ஆகிய, 11 பேர் கடந்த ஆண்டு ஜன.,31ல் நியமிக்கப்பட்டனர்.இதை எதிர்த்து தி.மு.க. - எம்.பி., டி.கே.எஸ்.இளங்கோவன், புதிய தமிழகம் கட்சி தலைவர் கிருஷ்ணசாமி, வழக்கறிஞர் சமூக நீதிப்பேரவையின் தலைவர் பாலு உள்பட பலர் சென்னை உயர்நீதிமன்றத்தில் வழக்கு தொடர்ந்தனர்.

இந்த வழக்கை விசாரித்த தலைமை நீதிபதி சஞ்சய்கிஷன் கவுல், நீதிபதி ஆர்.மகாதேவன் ஆகியோர் அடங்கிய அமர்வு, ‛11 உறுப்பினர்கள் நியமனம் சட்டப்படி நடைபெறவில்லை.அவர்களின் நியமனம் செல்லாது. அந்த நியமனங்கள் ரத்து செய்யப்படுகின்றன' என, உத்தரவு பிறப்பித்தது. மேலும், 11 உறுப்பினர்களின் நியமனம் தொடர்பாக பிறப்பிக்கப்பட்ட அரசாணையை ரத்து செய்வதாகவும் நீதிபதிகள் தெரிவித்தனர்.

மேல்முறையீடு:

இதை எதிர்த்து, உச்சநீதிமன்றத்தில், தமிழக அரசு சார்பில் மேல்முறையீட்டு மனு தாக்கல் செய்யப்பட்டது. தமிழக அரசு வழக்கறிஞர் யோகேஷ் கண்ணா தாக்கல் செய்த மேல்முறையீட்டுமனுவில் கூறப்பட்டு உள்ளதாவது: புதிய உறுப்பினர்களின் நியமனங்கள் அனைத்தும் அரசியல் சட்டத்தின் உரிய பிரிவின் அடிப்படையில் கவர்னரால் செய்யப்பட்டவை. தமிழக அரசின் நியமனத்துக்கு எதிராக சென்னை உயர்நீதிமன்றத்தில் வழக்கு தொடுக்க மனுதாரர்களுக்கு எவ்வித முகாந்திரமும் இல்லை. தேர்ந்தெடுக்கப்பட்ட அனைவருக்கும் பொது நிர்வாகத்தில் தேவையான அனுபவம் உள்ளது. இந்த நியமனம் தொடர்பாக குறிப்பிட்ட நடைமுறைகள் எவையும் வரையறுக்கப் படவில்லை. இந்த நியமனங்களுக்கான நடைமுறைகளுக்கு தேவையான கால அவகாசம் எடுத்துக் கொள்ளப்பட்டுள்ளது. தகுதிக்குறைவின் அடிப்படையில் இவர்களின் நியமனத்தை உயர்நீதிமன்றம் ரத்து செய்யவில்லை. ஆனால் இந்த நியமனம் தொடர்பான நடைமுறைகளின் அடிப்படையில் மட்டுமே ரத்து செய்யப்பட்டுள்ளது. புதிய உறுப்பினர்கள் நியமனம் செய்யப்பட்ட தேதியில் அவர்கள் எந்த அரசியல் கட்சியிலும், எந்த பதவியையும் வகிக்காதவர்கள்.அரசியல் சட்டப்பிரிவு 316ன் கீழ், மாநிலத்தின் கீழ் வரும் பொதுப்பணியாளர்கள் ஆணையத்தில் நியமனங்கள் செய்ய மாநில அரசுக்கு உள்ள உரிமையில் அந்த உறுப்பினர்கள் மீது ஏதாவது

புகார் இருந்தால் ஒழிய நீதிமன்றம் தலையிட முடியாது. எனவே, சென்னை உயர்நீதிமன்ற உத்தரவை ரத்து செய்து உத்தரவிட வேண்டும். இவ்வாறு மனுவில் கூறப்பட்டுள்ளது.

ரத்து செய்ய மறுப்பு:

இந்த மனு, உச்சநீதிமன்றத்தில் இன்று விசாரணைக்கு வந்தது. 11 உறுப்பினர்களின் நியமனத்தை ரத்து செய்து சென்னை உயர்நீதிமன்றம் பிறப்பித்த உத்தரவை ரத்து செய்ய உச்சநீதிமன்றம்ம றுத்து விட்டது. தகுதி வெளிப்படைதன்மை உள்ளவர்களை அப்பொறுப்பில் நியமிக்க வேண்டும் எனவும் உச்சநீதிமன்றம் கூறியுள்ளது.

English summary:

Chennai: TNPSC, the Tamil Nadu government has revoked the appointment of 11 members of staff Examination, Madras High Court, the Supreme Court has refused to cancel the order.

Read More

அரசுக்கும் வங்கிகளுக்கும் ஒருங்கிணைப்பு இல்லை : ராபர்ட் வதேரா

புதுடில்லி : ரூபாய் நோட்டு வாபஸ் பெறப்பட்ட விவகாரத்தில் மத்திய அரசுக்கும் வங்கிகளுக்கும் இடையே ஒருங்கிணைப்பு இல்லை என காங்கிரஸ் தலைவர் சோனியாவின் மருமகன் ராபர்ட் வதேரா குற்றம்சாட்டி உள்ளார்.

இது குறித்து பேஸ்புக் பக்கத்தில் கருத்து பதிவிட்டுள்ள அவர், திட்டமிடப்படாமல், அரசு கொண்டு வந்துள்ள இந்த பயனற்ற திட்டத்தால் ஆரம்பத்திலேயே மத்திய அரசு மக்களின் அதிருப்தியையும், வெறுப்பையும் பெற்றுள்ளது. கிரெடிட் கார்டு அல்லத டெபிட் கார்டுகளை பயன்படுத்த மக்களை பழக்கயிருக்க வேண்டும். பணமில்லா பரிவர்த்தனையையும் பழக்கி இருக்க வேண்டும்.

அரசுக்கும் வங்கிகளுக்கும் இடையே சரியான அளவில் ஒருங்கிணைப்பு இல்லாததே இதற்கு காரணம். இவர்களின் கடுமையான நடவடிக்கைகளை ஏற்ற வேண்டும் என பெட்ரோல் பங்க் உரிமையாளர்களை வற்புறுத்தும் வகையிலேயே இவர்களின் கொள்கைகள் உள்ளது. கார்டுகளை பயன்படுத்தி பெட்ரோல் போடுபவர்களுக்கு 0.75 சதவீதம் சலுகை அளிப்பது ஏன்? வங்கிகள், பெட்ரோல் பங்குகளிடம் இருந்து எம்டிஆர் (merchant discount rate) ஒரு சதவீதம் கட்டணம் வசூலிக்கிறார்கள் என குறிப்பிட்டுள்ளார்.

English summary:

NEW DELHI: The bill was withdrawn in the case of a lack of coordination between the central government and the banks, Congress president Sonia Gandhi's son-in is accusing Robert Vadra. 

Read More

அங்கீகாரமில்லாத மனை விற்பனைக்கு தடை நீட்டிப்பு : ஐகோர்ட் அதிரடி

சென்னை : அங்கீகாரமில்லாத வீட்டு மனை விற்பனைக்கான தடையை ஜனவரி 30 ம் தேதி வரை நீட்டித்து சென்னை ஐகோர்ட் உத்தரவு பிறப்பித்துள்ளது.

பத்திரபதிவுக்கு தடை :

தமிழகத்தில், விவசாய நிலங்களை பாதுகாக்க கோரிய வழக்கை விசாரித்த சென்னை ஐகோர்ட் , அங்கீகாரமில்லா மனைகள் விற்பனைக்கு தடை விதித்து, 2016 செப்., 9ல் உத்தரவிட்டது. இதனால், தமிழகம் முழுவதும் வீடு, மனை விற்பனை முடங்கியது. வரலாறு காணாத வகையில், பத்திரப் பதிவும் வீழ்ச்சி அடைந்தது. இந்த வழக்கு, 2016 அக்., 21ல் விசாரணைக்கு வந்த போது, அக்., 20 வரை பதிவான மனைகளின், மறு விற்பனையை அனுமதிப்பதற்கான அரசாணை நகல் தாக்கல் செய்யப்பட்டது. ஆனால், நிலங்களின் வகைப்பாட்டு விபரங்களை பட்டியலிட்டு தாக்கல் செய்ய ஐகோர்ட் உத்தரவிட்டது.
பின், நவ., 16, டிச., 5ம் தேதிகளில், வழக்கு விசாரணைக்கு வந்த போது, அங்கீகாரமில்லாத மனைகளை வரன் முறை செய்ய திட்டமிட்டுள்ளதாக தமிழக அரசு தரப்பில் தெரிவிக்கப்பட்டது. திட்ட செயலாக்கம் குறித்த, முழு விபரங்களை மூன்று வாரங்களில் தாக்கல் செய்ய உத்தரவிட்டு, வழக்கு விசாரணையை, இன்றைக்கு (ஜனவரி 09) நீதிமன்றம் ஒத்திவைத்தது.

தடை நீட்டிப்பு :

அதன்படி, இந்த வழக்கு, ஐகோர்ட்டில் இன்று விசாரணைக்கு வந்தது. அப்போது, அங்கீகாரமில்லாத விளை நிலங்களை வீட்டு மனைகளாக பத்திரப்பதிவு செய்ய விதிக்கப்பட்டுள்ள தடையை ஜனவரி 30 ம் தேதி வரை நீட்டித்து உத்தரவிட்டது. நிலங்களை வகைப்படுத்துவதற்கு மேலும் 2 வார கால அவகாசம் தேவை என தமிழக அரசு சார்பில் கோரிக்கை வைக்கப்பட்டது. தமிழக அரசின் கோரிக்கையை ஏற்ற ஐகோர்ட், வழக்கு விசாரணையை ஜனவரி 30 ம் தேதிக்கு ஒத்திவைத்தது.

English summary:

Chennai: unauthorized Residential land for sale in Madras High Court ordered the ban extended to January 30.

Read More

காவிரி இழப்பீடு வழக்கில் புதிய உத்தரவு

புதுடில்லி: காவிரியில் தண்ணீரை திறந்து விடாத, கர்நாடக அரசு, 2,500 கோடி ரூபாய் இழப்பீடு வழங்க வேண்டும் எனக்கோரி, தமிழக அரசு தாக்கல் செய்ய வழக்கில், உச்சநீதிமன்றம் புதிய உத்தரவு பிறப்பித்துள்ளது.

தமிழக அரசு உச்சநீதிமன்றத்தில், 2013ம் ஆண்டு மே மாதம் தாக்கல் செய்த மனுவில், ‛21 ஆண்டுகளாக சம்பா, குறுவை பயிர்களுக்கு ஜூன், செப்டம்பர் மாதங்களில் கர்நாடகா அரசு தண்ணீரை திறந்துவிட்டது கிடையாது. காவிரி நதிநீர் பங்கீட்டு தீர்ப்பாயத்தின் உத்தரவை அந்த அரசு எப்போதும் மதிப்பதில்லை. மத்திய அரசு பிறப்பித்த இடைக்கால உத்தரவையும் கர்நாடக அரசு நிறைவேற்ற தவறிவிட்டது. இதனால் தமிழகத்தில் விவசாயிகளின் வாழ்வாதாரம் பெருமளவில் பாதிக்கப்பட்டுள்ளது. மின் உற்பத்தி தடைப்பட்டது. இதன்மூலம் தமிழகத்துக்கு ரூ.1,045.75 கோடி நஷ்டம் ஏற்பட்டுள்ளது. மேலும் தீர்ப்பாயத்தின் உத்தரவை நிறைவேற்றாததால் ஏற்பட்ட நஷ்டங்களுக்காக கர்நாடக அரசுக்கு ரூ.1,434 கோடி அபராதம் விதிக்க வேண்டும்.இந்த இழப்பீட்டை தமிழகத்துக்கு மொத்தமாக சேர்த்து ரூ.2,500 கோடி வழங்க வேண்டும்' என்று கூறியிருந்தது.

இந்த வழக்கு உச்சநீதிமன்றத்தில், இன்று விசாரணைக்கு வந்தது. அப்போது, தமிழகம் மற்றும் கர்நாடக அரசுகள், ஒரு வாரத்தில், சாட்சியங்கள் பட்டியலை தாக்கல் செய்ய வேண்டும்; அதன் பிறகு, நான்கு வாரங்களில், ஆவணங்களை தாக்கல் செய்ய வேண்டும் எனக்கூறி, விசாரணையை ஐந்து வாரங்களுக்கு ஒத்தி வைத்தது.

English summary:

NEW DELHI: dares to release water in the Cauvery, the Karnataka government, demanding compensation of Rs 2,500 crore, the State Government to file the case, the Supreme Court issued a new directive.

Read More

விரைவில் புதுச்சேரியில் முதலீட்டாளர் மாநாடு:நாராயணசாமி

புதுச்சேரி : ‛‛புதிய தொழில்கள் தொடங்க, விரைவில் புதுச்சேரியில் முதலீட்டாளர்கள் மாநாடு நடத்த உள்ளோம்,'' என புதுச்சேரி முதல்வர் நாராயணசாமி தெரிவித்துள்ளார்.

வெளிநாட்டு வாழ் இந்தியர்களின் பாதுகாப்பு, தூதரக சேவை உள்ளிட்டவை குறித்து விவாதிக்க ‛பிரவசி பாரதிய திவாஸ்' மாநாடு பெங்களூருவில் நடந்தது. இந்த மாநாட்டில் கலந்து கொண்டு நாராயணசாமி பேசியதாவது:வெளிநாட்டு வாழ் இந்தியர்கள் புதுச்சேரியில் முதலீடு செய்வதை நாங்கள் எதிர்பார்க்கிறோம். எங்கள் அரசு கடந்த ஆண்டு புதிய தொழிற் கொள்கையை அறிவித்துள்ளது. இதில் புதிதாக தொழில் தொடங்க முன் வருபவர்களுக்கு அளிக்கப்படும் சலுகைகள், குறைந்த மின்கட்டணம், தடையில்லா மின்சாரம் ஆகியவை குறித்து தெரிவித்துள்ளோம்.

தொழில் தொடங்க முன் வருபவர்கள் அனுமதி பெற ஒற்றைசாரள முறையை அறிமுகப்படுத்தி உள்ளோம். அரசின் அனைத்து துறைகளையும் ஒருங்கிணைத்து ஒரே இடத்தில் விண்ணப்பித்து அனுமதி கிடைக்கும் வகையில் செய்துள்ளோம். தொழில் தொடங்க விண்ணப்பித்த 30 நாட்களுக்குள் அனுமதி அளிக்கப்படும். அனுமதி அளிக்காத துறைகள் மீது நடவடிக்கையும் எடுக்கப்படும். மாநில அரசு, 1,425 ஏக்கர் நிலத்தை அடையாளம் கண்டுள்ளது. இந்த நிலம் தொழில் நிறுவனங்களுக்கு ஒதுக்கப்படும் மின்னணு, தகவல் தொழில்நுட்பம், அறிவுசார் அடிப்படையிலான தொழில் உள்ளிட்ட, 10 தொழில்களுக்கு முன்னுரிமை கொடுத்து உள்ளோம்.

பெரிய தொழில்களை தொடங்க முன்வரும் முதலீட்டாளர்களுக்கு சலுகை மற்றும் ஊக்கம் அளிக்கப்படும். இதன் மூலம் அதிக அளவில் வேலை வாய்ப்பு உருவாக்கப்படும். மாநிலத்தின் வருவாயும் பெருகும். எனது தலைமையிலான உயர்மட்ட குழு இந்த சலுகைகள் குறித்து முடிவு செய்யும். விரைவில் புதுச்சேரியில் முதலீட்டாளர்கள் மாநாடும் நடத்த உள்ளோம். இவ்வாறு அவர் பேசினார்.

English summary:

Pondicherry: '' to start new businesses, and soon we are going to hold a conference in Puducherry investors, '' said the Puducherry Chief Minister Narayanaswamy. 

Read More

மத்திய அரசு கணக்கு காட்டவில்லை: குடையும் எதிர்க்கட்சிகள்

புதுடில்லி : வாபஸ் பெறப்பட்ட ரூ.500, 1000 நோட்டுக்கள் வங்கிகளில் எவ்வளவு டெபாசிட் செய்யப்பட்டுள்ளன என மத்திய அரசை எதிர்க்கட்சிகள் கேள்வி கேட்ட துளைத்து வருகின்றன.
பழைய ரூ.500, 1000 நோட்டுக்களை டெபாசிட் செய்வதற்கு கொடுக்கப்பட்ட கால அவகாசம் முடிந்து விட்டது. இந்நிலையில், இதுவரை மொத்தம் எவ்வளவு பழைய ரூபாய் நோட்டுக்கள் வங்கிகளில் டெபாசிட் செய்யப்பட்டுள்ளன என மத்திய அரசை எதிர்க்கட்சிகள் கேள்வி எழுப்பி உள்ளன. இதுவரை டெபாசிட் செய்யப்பட்ட பழைய ரூபாய் நோட்டுக்கள் குறித்து மதிப்பீடு நடந்து வருவதாக ரிசர்வ் வங்கி தெரிவித்துள்ளது.
இதற்கிடையில் இந்த விவகாரம் தொடர்பாக டுவிட்டரில் கருத்து பதிவிட்டுள்ள ஐக்கிய ஜனதா தளம் கட்சியின் தலைவர் சரத் யாதவ், திரும்ப பெறப்பட்டதில் எவ்வளவு பணம் வங்கிகளில் டெபாசிட் செய்யப்பட்டுள்ளது என மத்திய அரசோ ரிசர்வ் வங்கியோ
தெரிவிக்கவில்லை. தோராயமாக ரூ.15.44 லட்சம் கோடியை தாண்டி விட்டதாக கூறுகிறார்கள் என தெரிவித்துள்ளார். மா.கம்யூனிஸ்ட் பொதுச் செயலாளர் சீதாராம் யெச்சூரி கூறுகையில், ‛‛அப்படியானால் கறுப்பு பணம் அனைத்தும் வெள்ளையாக்கப்பட்டு விட்டதா,'' என கேட்டுள்ளார்.

English summary:

NEW DELHI: withdrawn Rs 500, 1,000 bills have been deposited in the banks as much as the federal government asked the opposition parties have been gunshots. 

Read More