கல்மாடிக்கு பதவி: ஐ.ஓ.ஏ., பல்டி

சென்னை: கல்மாடி, அபய் சவுதாலாவுக்கு நிரந்தர கவுரவ தலைவர் பதவி வழங்கும் முடிவை இந்திய ஒலிம்பிக் சங்கமான ஐ.ஓ.ஏ., திரும்ப பெற்றுக்கொண்டது.

கடும் எதிர்ப்பு:

கடந்த, 2016ம் வருடம் டிசம்பர் மாதம், சென்னையில் நடந்த இந்திய ஒலிம்பிக் சங்கத்தின் பொதுக்குழு கூட்டத்தில், காமன்வெல்த் போட்டி ஊழல் வழக்கில் சிக்கிய சுரேஷ் கல்மாடி மற்றும் ஊழல் புகாரில் சிக்கிய அபய் சிங் சவுதாலாவுக்கு கவுரவ ஆயுட்கால தலைவர் பதவி அளிக்க முடிவு செய்யப்பட்டது. இதற்கு கடும் எதிர்ப்பு கிளம்பியது. மத்திய விளையாட்டு அமைச்சர், இந்த நியமனத்திற்கு கடும் எதிர்ப்பு தெரிவித்தார். ‛சங்கத்தின் அங்கீகாரத்தை ரத்து செய்வோம்' எனக்கூறி, இந்திய ஒலிம்பிக் சங்கத்திற்கு எச்சரிக்கை விடுத்திருந்தார். இவ்வாறு எதிர்ப்பு கிளம்பியதை தொடர்ந்து, ‛இந்த பதவியை ஏற்றுக்கொள்ள போவதில்லை' என, கல்மாடி அறிவித்தார்.

வாபஸ்:

மத்திய அரசு எச்சரிக்கையை தொடர்ந்து, கல்மாடி மற்றும் சவுதாலாவுக்கு பதவி வழங்கும் முடிவை இந்திய ஒலிம்பிக் சங்கம் திரும்ப பெற்றுக்கொண்டது. ‛இவர்களுக்கு கவுரவ ஆயுட்கால தலைவர் பதவி வழங்குவது குறித்து, இந்திய ஒலிம்பிக் சங்கத்தின், ஆயுட்கால கூட்டத்தில் தீர்மானம் நிறைவேற்றப்படவில்லை' என, அச்சங்கத்தின் தலைவர் ராமச்சந்திரன் கூறினார்.

English Summary:

Chennai: Kalmadi, Abhay Chautala of the Indian Olympic Association's decision to provide for the permanent post of Honorary President aioe, withdrew. 

Read More

ரூ.1,316 கோடி சொத்து: வருமான வரித்துறை கண்காணிப்பில் மாயாவதி சகோதரர்?

புதுடில்லி: குறுகிய காலத்தில் ரூ.1,316 கோடி அளவுக்கு சொத்து சேர்த்தது தொடர்பாக, பகுஜன் சமாஜ் மாயாவதியின் சகோதரர் ஆனந்த்குமார், வருமான வரித்துறை கண்காணிப்பில் உள்ளதாக செய்தி வெளியாகியுள்ளது.

பகுஜன் சமாஜ் கட்சி தலைவரும், உ.பி., முன்னாள் முதல்வராக இருந்தவர் மாயாவதி. இவரது சகோதரர் ஆனந்த் குமார். தொழிலதிபராக உள்ளார். ஆனால், இவரது பெயர் இந்திய தொழிலதிபர்கள் பட்டியலில் பிரபலமாகவில்லை. ஆனால், அவர் குறுகிய காலத்தில் ரூ.1,316 கோடி அளவுக்கு சொத்து சேர்த்துள்ளதாக கூறப்படுகிறது. குறிப்பாக மாயாவதி முதல்வராக இருந்த கால கட்டம் உட்பட 2007 முதல் 2014 காலகட்டத்தில், ரூ.7.5 கோடியாக இருந்த இவரது சொத்து மதிப்பு, ரூ.1,316 கோடியாக உயர்ந்துள்ளது. இது குறித்தும், இவர் தொடர்பான சில நிறுவனங்கள் வாங்கிய பல கோடி கடன் மற்றும் ரியல் எஸ்டேட்டில் முதலீடு குறித்தும் வருமான வரித்துறை அதிகாரிகள் விசாரணை நடத்தி வருவதாக கூறப்படுகிறது.

சந்தேகம்:

ஆனந்த் குமார், மிகப்பெரிய பங்குதாரராக உள்ள, டில்லியை சேர்ந்த ஆக்ரிதி ஓட்டல் நிறுவனங்கள் தொடர்பாகவும் வருமான வரித்துறை அதிகாரிகளுக்கு சந்தேகம் ஏற்பட்டுள்ளதாக கூறப்படுகிறது. 3 இயக்குநர்களை கொண்ட இந்த ஓட்டல் நிர்வாகத்தில், 37 பேர் பங்குதாரர்களாக உள்ளதாக தெரிகிறது. இது தொடர்பான ஆவணங்கள் சட்டவிரோதமாக உள்ளதாக கூறப்படுகிறது. பங்குதாரர்களாக உள்ளவர்களின் நிறுவனங்கள் வெறும் காகித அளவில் தான் உள்ளதாக கூறப்படுகிறது. மேலும் சில நிறுவனங்கள், இந்த ஓட்டல் நிர்வாகத்தில் முதலீடு செய்துள்ளதாக தெரிகிறது. ஆனால், இந்த மூன்று நிறுவனங்களும் கோல்கட்டாவில் உள்ள ஒரே கட்டடத்தில் செயல்படுவதும், இதற்கு ஒரே இயக்குநர்கள் உள்ளதும் தெரியவந்துள்ளதாக கூறப்படுகிறது. இது போல் பல முறைகேடுகள் உள்ளதாக கூறப்படுகிறது. இது தொடர்பாக வருமான வரித்துறை அதிகாரிகள் விசாரணை நடத்தி வருவதாக கூறப்படுகிறது.

English summary:

NEW DELHI: In the short term assets amounted to Rs .1,316 crore, Bahujan Samaj Party of Mayawati's brother Ananth Kumar, the Income Tax Department has monitored and reported on.

Read More

வெறும் வயிற்றுடன் தூங்க செல்கிறோம்: ராணுவ வீரர் பரபரப்பு புகார்

ஜம்மு : எல்லைப் பாதுகாப்பு படை வீரர் ஒருவர் தங்களுக்கு ரொட்டியும், டீயும் மட்டுமே உணவாக வழங்கப்படுவதாகவும், பெரும்பாலும் வெறும் வயிற்றுடனே தூங்க செல்வதாகவும் வீடியோ மூலம் பரபரப்பு புகார் ஒன்றை தெரிவித்துள்ளார்.

பட்டினியுடன் பணி:

எல்லைப் பாதுகாப்புப் படையின் 29வது பட்டாலியன் பிரிவை சேர்ந்த டி.பி.யாதவ் எனும் வீரர் வீடியோ ஒன்றை வெளியிட்டுள்ளார். அதில் தங்களுக்கு ரொட்டியும், பாலும் மட்டுமே உணவாக வழங்கப்படுவதாகவும், காய்கறிகளோ, தொட்டுக்கொள்ள ஊறுகாயோ வழங்கப்படுவதில்லை; வேக வைத்த பருப்பு மட்டுமே வழங்கப்படுகிறது என புகார் தெரிவித்தார். மேலும் எல்லையில் 11 மணி நேரத்துக்கும் மேல் நின்று கொண்டே, மோசமான தட்பவெப்ப நிலையில் பணி புரியும் நாங்கள், பெரும்பாலும் வெறும் வயிற்றுடன் தூங்கச் செல்வதாக வேதனையுடன் தெரிவித்துள்ளார்.

வேண்டுகோள்:

எல்லையை காக்கும் சிப்பாய்களான எங்களுக்கு வழங்கப்படும் அநீதி இது எனத் தெரிவித்த அவர், இந்த வீடியோ வெளியாகும்போது தன் மீது ஒழுங்கு நடவடிக்கை எடுக்கப்பட்டிருக்கும் எனவும் கூறியுள்ளார். முகாமில் தங்களுக்கு வழங்கப்படும் ரொட்டி, டீயை வீடியோவில் பதிவு செய்த யாதவ், இக்குறைகளை போக்க பிரதமர் நடவடிக்கை எடுக்க வேண்டும் எனவும் வேண்டுகோள் விடுத்துள்ளார்.

உத்தரவு:

இதுகுறித்து டுவிட்டரில் பதிலளித்த மத்திய உள்துறை அமைச்சர் ராஜ்நாத் சிங், இதுகுறித்து உரிய விசாரணை நடத்த உள்துறை செயலருக்கு உத்தரவிட்டுள்ளதாக தெரிவித்தார்.

English Summary:

Jammu: Border Security Force soldier for their bread, tea be given not only to feed, mostly just to sleep and video stomach complaint by the tabloid said.

Read More

அதிகார மையமாக இருந்தாரா சோனியா?: காங்., மறுப்பு

புதுடில்லி : பிரதமராக மன்மோகன் சிங் இருந்தபோது அவரை இயக்கும் அதிகார மையமாக சோனியா விளங்கினார் என்ற குற்றச்சாட்டை காங்., மறுத்துள்ளது.

முக்கியத்துவம்:

தேசிய ஆலோசனைக் குழுவின் 710 கோப்புகளை சமீபத்தில் மத்திய அரசு வெளியிட்டது. இதில் காங்., தலைமையிலான ஐ.மு., கூட்டணி ஆட்சியின் போது, பிரதமராக இருந்த மன்மோகன் சிங், தேசிய ஆலோசனைக் குழுவின் தலைவராக இருந்த சோனியாவின் பரிந்துரைகளுக்கே அதிக முக்கியத்துவம் அளித்தார் என்பது தெரியவந்தது. இதன் மூலம் பிரதமரை மறைமுகமாக இயக்கும் அதிகார மையமாக சோனியா இருந்தார் எனக் கூறப்பட்டது. இக்குற்றச்சாட்டை காங்., மறுத்துள்ளது.

மறுப்பு:

இதுகுறித்து காங்., செய்தி தொடர்பாளர் ரண்தீப் சுர்ஜேவாலா செய்தியாளர்களிடம் தெரிவித்ததாவது: மத்திய அரசு 2006 முதல் 2010ம் ஆண்டு வரையிலான கோப்புகளை மட்டுமே வெளியிட்டுள்ளது. அக்காலகட்டத்தில் தேசிய ஆலோசனைக் குழுவில் சோனியா இடம்பெறவில்லை. ஆகவே பிரதமர் மன்மோகன் சிங்கை இயக்கும் சக்தியாக சோனியா இருந்தார் என்ற குற்றச்சாட்டு முற்றிலும் தவறு.

தொலைநோக்கு சிந்தனை:

மேலும், தேசிய ஆலோசனைக்குழுவுக்கு சோனியா தலைவராக இருந்தபோதுதான் தகவல் அறியும் உரிமைச் சட்டம், உணவுப் பாதுகாப்புச் சட்டம், மற்றும் வனப் பாதுகாப்பு சட்டம் ஆகியவை நடைமுறைப்படுத்தப்பட்டன. குழு அளித்த ஆலோசனைகளை, தனது தொலை நோக்கு சிந்தனையில் ஆராய்ந்த மன்மோகன் சிங், அதன்மேல் நடவடிக்கை எடுத்தார். இவ்வாறு அவர் தெரிவித்தார்.

English Summary:

New Delhi: Prime Minister Manmohan Singh, Sonia was the power center of the accusations directed at him Cong., Refused.

Read More

மகாராஷ்டிரா உள்ளாட்சி தேர்தல்: பா.ஜ., முதலிடம்

நாக்பூர் : மகாராஷ்டிரா நகராட்சி கவுன்சில் தேர்தலில் அதிக இடங்களில் வென்று பா.ஜ., முதலிடம் பிடித்தது. இதன் மூலம் மாநில ஆளும் கட்சியான பா.ஜ., உள்ளாட்சி தேர்தலிலும் வெற்றி பெற்று தனது ஆதிக்கத்தை நிலை நாட்டியுள்ளது.

ஆதிக்கம்:

மகாராஷ்டிரா நகராட்சி கவுன்சில் தேர்தல் 4 கட்டங்களாக நடைபெற்றது. இறுதிக்கட்டமாக நாக்பூர், கேண்டியா ஆகிய மாவட்டங்களில் ஓட்டுப்பதிவு கடந்த 8ம் தேதி (ஜன.,8) நடைபெற்றது. இதில் 244 இடங்களுக்கு நடைபெற்ற இறுதிக் கட்டத் தேர்தலில் 100 இடங்களில் வெற்றி பெற்று பா.ஜ., முதலிடம் பிடித்தது. இதில் 11 மாநகராட்சி கவுன்சில் தலைவர் பதவியிடங்களில் 7 இடங்களை பா.ஜ., வென்றுள்ளது. காங்., கட்சிக்கு இரு இடங்கள் மட்டுமே கிடைத்தன.

முதலிடம்:

ஒட்டுமொத்தமாக 4 கட்டத் தேர்தல்களிலும் 1,190 கவுன்சிலர்களும், 71 நகராட்சி கவுன்சில் தலைவர்களும் பா.ஜ., சார்பில் வெற்றி பெற்றுள்ளனர். இதற்கு அடுத்த இடத்தில்
காங்., கட்சியும், மூன்றாவது இடத்தை தேசிவாத காங்., கட்சியும், 4வது இடத்தை சிவசேனா கட்சியும் பிடித்தன. மாநில ஆளும் கட்சியான பா.ஜ., உள்ளாட்சி தேர்தலிலும் வெற்றி பெற்று தனது ஆதிக்கத்தை நிலை நாட்டியுள்ளது.

English Summary:

Nagpur: Maharashtra BJP won the most seats in the municipal council elections, took first place. The state's ruling party, the BJP, has won the local elections has planted its dominant position.

Read More

நீர்மூழ்கி அணுஆயுத ஏவுகணை சோதனை: வெற்றிகரமாக பரிசோதித்தது பாக்.,

இஸ்லாமாபாத் : நீர்மூழ்கிக் கப்பலில் இருந்து பாயும் அணுஆயுத ஏவுகணையை, பாக்., வெற்றிகரமாக பரிசோதித்தது. இந்தியப் பெருங்கடலில் நடத்தப்பட்ட இந்த சோதனை எப்பகுதியில் நடத்தப்பட்டது என்ற விவரம் வெளியிடப்படவில்லை.

இலக்கை தாக்கியது:

இதுகுறித்து பாக்., ராணுவம் வெளியிட்டுள்ள செய்திக் குறிப்பு: நீர்மூழ்கி கப்பலிலிருந்து செலுத்தக்கூடிய பாக்.,ன் முதல் ஏவுகணையான ‛பாபர்-3' வெற்றிகரமாக பரிசோதிக்கப்பட்டது. வெடி பொருளை சுமந்து பாயும் இந்த ஏவுகணை சுமார் 450 கி.மீ., தொலைவிலுள்ள இலக்கை துல்லியமாக தாக்கும் திறன் படைத்தது. நிர்ணயித்த இலக்கை ‛பாபர்-3' கடலுக்கடியிலிருந்து சரியாக தாக்கி அழித்தது. இது பாக்., ராணுவத்தின் மைல்கல்லாக அமைந்தது. இவ்வாறு அந்த செய்திக்குறிப்பில் தெரிவிக்கப்பட்டுள்ளது.

வாழ்த்து:

ஏவுகணை வெற்றிகரமாக பரிசோதிக்கப்பட்டதற்காக, பாக்., பிரதமர் நவாஸ் ஷெரீப் மற்றும் முப்படைத் தளபதிகள் விஞ்ஞானிகளுக்கு வாழ்த்துகளைத் தெரிவித்துள்ளனர்.

English Summary:

ISLAMABAD: flowing from the nuclear missile submarine, Bach., Successfully tested. The test was carried out anywhere in the Indian Ocean that were never disclosed.

Read More

சசிகலாவுடன் சந்திப்பு : 'லெட்டர் பேடு' கட்சிகள் குஷி

அ.தி.மு.க., பொதுச் செயலர் சசிகலாவுக்கு, கட்சி தொண்டர்களிடம் எதிர்ப்பு அதிகம் காணப்படுகிறது. அதை மறைத்து, அவருக்கு அனைத்து தரப்பினரும், ஆதரவு தருவது போல காட்ட, 'லெட்டர் பேடு' கட்சிகளின் தலைவர்கள் சந்திப்பு, தினமும், போயஸ் கார்டனில் நடந்து வருகிறது.

கவனிப்பு :

சிறிய கட்சி தலைவர்கள், லெட்டர் பேடு அமைப்புகளின் நிர்வாகிகளை அழைத்து, சசிகலாவை பார்க்க ஏற்பாடு செய்துள்ளனர்; அப்படி வருவோர், நன்கு கவனிக்கப்படுகின்றனர். இதன் காரணமாக, லெட்டர் பேடு கட்சி நடத்துவோரும், சமுதாய அமைப்புகளை பெயரளவிற்கு நடத்துவோரும், சசிகலாவை சந்திக்க, விருப்பம் தெரிவித்து உள்ளனர். இதன்படி, சசிகலாவும், ஒவ்வொரு நாளும், 20க்கும் மேற்பட்ட அமைப்புகளின் நிர்வாகிகளை சந்திப்பதுடன், அவர்களுடன் புகைப்படம் எடுத்துக் கொள்கிறார். அந்த புகைப்படங்கள், கட்சி அலுவலகம் மூலம் வெளியிடப்படுகின்றன.

சிறிய கட்சிகள் மற்றும் அமைப்புகளின் நிர்வாகிகளை சந்தித்த பின், பெரிய கட்சிகளின் தலைவர்களை சந்திக்க, சசிகலா முடிவு செய்துள்ளார். இதன் மூலம், சசிகலாவை, அனைத்து தரப்பினரும் ஏற்றுக் கொண்டது போன்ற தோற்றத்தை உருவாக்க, அவரது குடும்பத்தினர் முடிவு செய்துள்ளனர்.

எதிர்ப்பு குறையும் :

அ.தி.மு.க., நிர்வாகிகளும், அமைச்சர்களும், சசிகலாவை புகழ்ந்து, அவர் முதல்வராக வேண்டும் என, வலியுறுத்துவது போல, மாற்று கட்சியினரும் சசிகலாவை புகழ்ந்தால், எதிர்ப்பு குறையும் என்பதால், இந்த சந்திப்புகளுக்கு ஏற்பாடுகள் செய்யப்பட்டு வருகின்றன.

English summary:

AIADMK general secretary Shashikala and party workers are more resistant. Hid it, for all sides to him, to give support to the 'Letter Pad' meeting with leaders of the parties, daily, Poes Garden is going on.

Read More