இந்தியாவின் முதல் சர்வதேச பங்குவர்த்தக மையம்: பிரதமர் மோடி துவக்கி வைத்தார்

காந்திநகர்: இந்தியாவின் முதல் சர்வதேச பங்குசந்தை வர்த்தக மையத்தின் துவக்க விழா நேற்று குஜராத் மாநிலம் காந்திநகரில் நடந்தது. விழாவில் பிரதமர் மோடி கலந்து கொண்டு சர்வதேச பங்குச் சந்தை மையத்தினை துவக்கி வைத்தார்.

புதிதாக தொடங்கப்பட்டுள்ள சர்வதேச பங்குசந்தை வர்த்தக மையம், மும்பை பங்குச் சந்தை வர்த்தக நிறுவனத்தின் கட்டுப்பாட்டில் இருக்கும். இந்த நிறுவனத்தில் சர்வதேச பங்குகள் கரன்சிகள், சரக்குகள் கையாளப்படும்.

விரைவான சேவை:

புதிதாக தொடங்கப்பட்டுள்ள சர்வதேச பங்குச் சந்தை மையத்தில் அதி நவீன தொழில் நுட்பத்தின் உதவியால் மிக விரைவான சேவைகளுக்கு உத்திரவாதம் அளிக்கப்பட்டுள்ளது. ஒரு நாளில் 22 மணி நேரம் வரை இயங்கும். ஒவ்வொரு நாளும் ஜப்பான் பங்கு வர்த்தகம் தொடங்கி அமெரிக்க பங்கு வர்த்தகம் முடியும் வரை இயங்கும். என்று துவக்க விழாவில் பிரதமர் மோடி பேசினார்

வெளிநாட்டு வாழ் இந்தியர்கள்:

சர்வதேச பங்கு சந்தை வர்த்தக நிறுவனத்தில் வெளி நாட்டு வாழ் இந்தியர்கள் முதலீடு செய்து வர்த்தகத்தில் ஈடுபடலாம். இதனால் இந்திய நாட்டின் பொருளாதார வளர்ச்சி மேம்படுவதோடு நாட்டின் வளர்ச்சிக்கும் உறுதுணையாக இருக்கும் என்று மும்பை பங்கு வர்த்தக நிறுவன தலைவர் சுதாகர் ராவ் தெரிவித்தார்.

English Summary:

Gandhinagar : India's First International Stock Exchange Trade Center, the opening ceremony took place yesterday at Gandhinagar in Gujarat. The ceremony was attended by Prime Minister Narendra Modi inaugurated the center of the international stock market. 

Read More

தேர்தலில் செல்லாத நோட்டு பிரச்னை எதிரொலிக்கும் : மன்மோகன் சிங் ஆரூடம்

புதுடில்லி: பஞ்சாப் சட்டசபை தேர்தலுக்கான, காங்கிரசின் தேர்தல் அறிக்கையை வெளியிட்ட, முன்னாள் பிரதமர் மன்மோகன் சிங், ''செல்லாத ரூபாய் நோட்டு விவகாரம், பஞ்சாப் உள்ளிட்ட மாநில சட்டசபை தேர்தலில், மிகப்பெரிய பிரச்னையாக இருக்கும்,'' எனக் கூறினார்.

பஞ்சாப், உத்தர பிரதேசம் உட்பட, ஐந்து மாநில சட்டசபைகளுக்கு, விரைவில் தேர்தல் நடக்க உள்ளது. இதில், முதல்வர் பிரகாஷ் சிங் பாதல் தலைமையிலான, அகாலி தளம் - பா.ஜ., கூட்டணி ஆட்சி அமைந்துள்ள, பஞ்சாப் மாநிலத்துக்கான தேர்தல் அறிக்கையை, காங்., நேற்று வெளியிட்டது.

டில்லியில் நடந்த நிகழ்ச்சியில், தேர்தல் அறிக்கையை வெளியிட்டு, முன்னாள் பிரதமர் மன்மோகன் சிங் பேசியதாவது: பஞ்சாப் தேர்தலில், பல்வேறு பிரச்னைகளை முன்னிறுத்தி பிரசாரம் செய்யப்படும். அதே நேரத்தில், பஞ்சாப் உட்பட ஐந்து மாநில சட்டசபை தேர்தலில், பா.ஜ., அரசின் செல்லாத ரூபாய் நோட்டு விவகாரம், மிகப்பெரிய பிரச்னையாக இருக்கும். இவ்வாறு அவர் பேசினார்.

போதை பொருளுக்கு எதிரான கடும் நடவடிக்கை, அதன் விற்பனையாளர்கள் சொத்து பறிமுதல்; விவசாயிகளுக்கு கடன் தள்ளுபடி; ஒரு லட்சம் பேருக்கு வேலைவாய்ப்பு உள்ளிட்டவை, தேர்தல் அறிக்கையில் இடம் பெற்றுள்ளன.

இன்று சேருகிறார் சித்து :

பா.ஜ.,வின், எம்.பி., பதவியில் இருந்து விலகிய, முன்னாள் கிரிக்கெட் வீரர் சித்து, தனிக் கட்சி துவக்கப் போவதாக அறிவித்திருந்தார். இதற்கிடையே, காங்கிரஸ், ஆம் ஆத்மி கட்சிகளில் ஏதாவது ஒன்றில் அவர் இணைவார் என, பரவலாக எதிர்பார்க்கப்பட்டது. இந்நிலையில், காங்கிரசில், அவர் இன்று முறைப்படி இணைகிறார்.

English summary:

NEW DELHI: Punjab assembly elections, the Congress's election statement, the former prime minister, Manmohan Singh, '' Invalid currency note issue, including the state assembly elections in Punjab, will be the biggest problem, '' he said. 

Read More

இடமாற்ற கோரிக்கை: சீறினார் சுஷ்மா

புதுடில்லி: ரயில்வே துறையில் பணியாற்றும் தன் மனைவிக்கு, பணி இடமாற்றம் கோரிய, தகவல் தொடர்புத்துறை நிபுணரை, வெளியுறவு அமைச்சர் சுஷ்மா, வழக்கத்திற்கு மாறாக கடிந்து கொண்டார்.

வெளியுறவு அமைச்சரும், பா.ஜ., மூத்த தலைவருமான, சுஷ்மா சுவராஜ், 'டுவிட்டர்' சமூக வலைதளத்தை பயன்படுத்தி, மக்களின் பிரச்னைகளுக்கு உடனடி தீர்வு வழங்கி வருகிறார்.

வளைகுடா நாடுகளில் இருந்து, இந்தியா திரும்ப முடியாமல் தவித்த ஏராளமான இந்தியர்களுக்கு, தக்க நேரத்தில் உதவி செய்து, பாராட்டு பெற்றவர், சுஷ்மா.

எரிச்சல்:

இந்நிலையில், ரயில்வேயில் பணிபுரியும் தன் மனைவிக்கு, பணி இடமாற்றம் பெற்றுத் தரும்படி, தகவல் தொழில்நுட்பத்துறை நிபுணராக பணியாற்றும், ஸ்மித்ராஜ் என்பவர், சுஷ்மாவுக்கு வேண்டுகோள் விடுத்தார். எப்போதும் நிதானமாக பதில் அளிக்கும் சுஷ்மா, ஸ்மித்ராஜின் வேண்டுகோளால் எரிச்சல் அடைந்தார்.

சஸ்பெண்ட் செய்திருப்பேன்:

'என் துறையில், நீங்களோ, உங்கள் மனைவியோ பணியாற்றி இருந்தால், பணி இடமாற்றம் கோரியதற்காக, இந்நேரம், 'சஸ்பெண்ட்' செய்திருப்பேன்' என, கோபமாக பதில் அளித்தார் சுஷ்மா. பின், அவரது கோரிக்கையை, ரயில்வே அமைச்சர் சுரேஷ் பிரபுவின் பார்வைக்கு, 'டேக்' செய்தார். அதை கவனித்த சுரேஷ் பிரபு, பணி இடமாற்றங்களை கவனிக்கும் பொறுப்பு, தன்னிடம் இல்லை எனக் கூறி, ரயில்வே வாரியத்திற்கு, ஸ்மித்ராஜின் கோரிக்கையை அனுப்பி வைத்தார்.

English Summary:

NEW DELHI: his wife working in the railway sector, the mission requested relocation, communications expert, Foreign Affairs Minister Sushma, unusually admonished.

Read More

தமிழகத்திற்கு கண்டலேறு அணையிலிருந்து கிருஷ்ணா நதி நீர் திறப்பு

சென்னை: தமிழகத்திற்கு கண்டலேறு அணையிலிருந்து விநாடிக்கு 1,000 கன அடி கிருஷ்ணா நதி நீர் திறக்கப்பட்டுள்ளது.

முதல்வர் கடிதம்:

'சென்னை நகர மக்களின் குடிநீர் தேவையை பூர்த்தி செய்ய, கண்டலேறு அணையில் இருந்து கிருஷ்ணா கால்வாயில் தண்ணீர் திறந்து விட வேண்டும்' என, ஆந்திர முதல்வர் சந்திரபாபு நாயுடுவுக்கு, முதல்வர் பன்னீர்செல்வம் கடிதம் எழுதினார்.

4 நாட்களில் வந்தடையும்:

இதையடுத்து, கண்டேலேறு அணையிலிருந்து இன்று விநாடிக்கு 1,000 கன அடி நீர் திறக்கப்பட்டுள்ளது. கண்டேலறு அணையிலிருந்து திறக்கப்பட்ட தண்ணீர் 4 நாட்களில் தமிழக எல்லையை வந்தடையும் என கூறப்படுகிறது.

English Summary:

Chennai: Tamil Nadu kantaleru 1,000 cubic feet per second, the Krishna river water from the dam is open.

Read More

மத்திய அரசின் கட்டாய விடுமுறை பட்டியலில் இருந்து பொங்கல் நீக்கம்

புதுடில்லி: மத்திய அரசின் கட்டாய விடுமுறை பட்டியலில் இருந்து பொங்கல் பண்டிகை நீக்கப்பட்டுள்ளது.

இதையடுத்து, மத்திய அரசு ஊழியர்களுக்கு பொங்கல் பண்டிகைக்கு கட்டாய விடுமுறை கிடையாது. பொங்கல் கொண்டாடும் நபர்கள் உயர் அதிகாரிகளின் முன் அனுமதி பெற்று விடுப்பு எடுத்து கொள்ளலாம் என மத்திய அரசு தெரிவித்துள்ளது. அதேசமயம், அலுவலக உயர் அதிகாரி நினைத்தால் விடுமுறையை ரத்து செய்யலாம்.

தலைவர்கள் கருத்து வருமாறு:

* தமிழர்களுக்கு இழைக்கப்படும் அநீதி, அறிவிப்பை மத்திய அரசு உடனடியாக திரும்ப பெற வேணடும். ம.தி.மு.,க. பொதுச்செயலர் வைகோ.

* ஜாதி மதங்களுக்கு அப்பாற்பட்டு கொண்டாப்படுவது பொங்கல் பண்டிகை. அறிவிப்பை மத்திய அரசு திரும்ப பெற வேண்டும். : தி.மு.க. எம்..பி. கனிமொழி.

* தமிழர்களை மத்திய அரசு மதிப்பதில்லை. தமிழன் கேள்வி கேட்கமாட்டான் என்பதால் இந்த அறிவிப்பை வெளியிட்டுள்ளது. ஆட்சியில் இருப்பதால் எதுவும் செய்யலாம் என மத்திய அரசு நினைக்கிறது. இதற்கு எதிராக போராட்டம் நடத்தப்படும்: கி. வீரமணி.

* பொங்கல் பண்டிகை மீது மத்திய அரசுக்கு என்ன கோபம்: தமிழக காங்.தலைவர் திருநாவுக்கரசர்.

*விவசாயிகளின் அடையாளம் பொங்கல் பண்டிகை, மத்திய அரசு தனது அறிவிப்பை திரும்ப பெறவேண்டும்., ஜி.கே. வாசன். தமிழ்மாநில காங்கிரஸ்.

* மத்திய அரசின் அறிவிப்பு மதச்சார்பற்ற தன்மையை கேள்விகுறியாக்கும் செயல்: தி.மு.க. செயல் தலைவர் ஸ்டாலின்

* பொங்கல்விடுமுறை கட்டாயம் இல்லை என்ற அறிவிப்பு ஏற்கனவே நடைமுறையில் உள்ளது தான்.இதனை மத்திய அரசு தற்போதும் பின்பற்றி வருகிறது. தமிழிசை, பா.ஜ. மாநில தலைவர்.

English summary:

New Delhi: The central government Pongal festival has been removed from the list of compulsory leave.

Read More

10, 12-ம் வகுப்பு சி.பி.எஸ்.இ. தேர்வு தேதிகள் அறிவிப்பு

சென்னை: 2017-ம் ஆண்டுக்கான 10-ம் வகுப்பு, 12-ம் வகுப்பு சி.பி.எஸ்.இ. பொது தேர்வு தேதிகள் இன்று அதிகாரப்பூர்வமாக அறிவிக்கப்பட்டன.

இது தொடர்பாக இன்று அறிவிக்கப்பட்டுள்ளதாவது, 10-ம் வகுப்பு சி.பி.எஸ்.இ. தேர்வுகள் மார்ச் 9-ம் தேதி துவங்கி, ஏப்ரல் 10-ம் தேதி முடிகிறது. இதில் 16,67,673 பேர் எழுதுகின்றனர். 12-ம் வகுப்பு சி.பி.எஸ்.இ. தேர்வுகள் மார்ச் 9-ம் தேதி துவங்கி, ஏப்ரல் 29-ம் தேதி முடிகிறது. இதனை 10, 98, 420 பேர் எழுதுகின்றனர்.

English summary:

Chennai: Class 10 for the year 2017, CBSE Class 12th Today officially announced dates for the public to choose. 

Read More

இன்னமும் இருக்கு : ரூ.1.66 லட்சம் கோடி ‛கறுப்பு'

மும்பை: ரூபாய் நோட்டு வாபஸ் அறிவிப்புக்கு பிறகு, நாட்டில் புழக்கத்தில் உள்ள கறுப்பு பணத்தின் மதிப்பு, 1.66 லட்சம் கோடி ரூபாயாக இருக்கலாம் என்ற சந்தேகம் எழுந்துள்ளது.

ரிசர்வ் வங்கி அறிக்கை: ‛பழைய, 500 மற்றும், 1,000 ரூபாய் நோட்டுகளை டிச., 30ம் தேதி வரை வங்கிகளில் டெபாசிட் செய்யலாம்' என, ரிசர்வ் வங்கி ஏற்கனவே அறிவித்து இருந்தது. இதன் பிறகு, ரிசர்வ் வங்கி, ஜன.,6ம் தேதி வாரந்திர அறிக்கையை வெளியிட்டது. அதில், ‛டிச.,30ம் தேதியில், நாட்டில் புழக்கத்தில் உள்ள கரன்சி நோட்டுகளின் மதிப்பு, 9.38 லட்சம் கோடி ரூபாய்' என, குறிப்பிட்டு இருந்தது.

நவ., 8 ம் தேதி தான் ரூபாய் நோட்டு வாபஸ் அறிப்பு வெளியானது. அதற்கு இரண்டு வேலை நாட்களுக்கு முன், அதாவது, நவ.,4ம் தேதியில், நாட்டில் புழக்கத்தில் இருந்த கரன்சி நோட்டுகளின் மதிப்பு, 17.97 லட்சம் கோடி ரூபாய். எனவே, டிச.,30ம் தேதியில், புழக்கத்தில் இருந்த கரன்சி நோட்டுகளின் மதிப்பில், 8.59 லட்சம் கோடி ரூபாய் குறைந்து விட்டது.

காரணம் என்ன?:

இப்படி, புழக்கத்தில் இருந்த கரன்சி நோட்டுகளின் மதிப்பு குறைந்ததற்கு இரண்டு காரணங்கள் இருக்கலாம்.

1.மக்கள் தங்களிடம் இருந்த பழைய, 500 மற்றும், 1,000 ரூபாய் நோட்டுகளை வங்கிகள் மற்றும் தபால் நிலையங்களில் டெபாசிட் செய்தது.

2. கூடுதல் கரன்சி நோட்டுகளை ரிசர்வ் வங்கி புழக்கத்தில் விட்டது.

மக்கள் செய்த டெபாசிட்டால், புழக்கத்தில் இருந்த கரன்சி நோட்டுகளின் எண்ணிக்கை குறைந்தது; ரிசர்வ் வங்கி கூடுதல் கரன்சி நோட்டுகளை புழக்கத்தில் விட்டதால், புழக்கத்தில் இருந்த கரன்சி நோட்டுகளின் எண்ணிக்கை ஓரளவுக்கு அதிகரித்தது. இந்த நடவடிக்கைகளால் தான், புழக்கத்தில் இருந்த கரன்சி நோட்டுகளின் மதிப்பு, டிச.,30ம் தேதியில், 50 சதவீதம் குறைந்து விட்டது.

புழக்கம்:

கூடுதல் கரன்சி நோட்டுகளை ரிசர்வ் வங்கி இரண்டு வகைகளில் புழக்கத்தில் விட்டது. அதன்படி,

1. ரிசர்வ் வங்கி தன்னிடம் ஏற்கனவே இருந்த, 10, 20, 50 ரூபாய் நோட்டுகளை புழக்கத்தில் விட்டது.

2. புதிய, 2,000 மற்றும், 500 ரூபாய் நோட்டுகளை அச்சிட்டு, நவ.,8 முதல், டிச., 30 வரை புழக்கத்தில் விட்டது.

புழக்கத்தில் விடப்பட்ட கூடுதல், 10,20, 50, 100 ரூபாய் நோட்டுகள்:

டிச.,19ல் ரிசர்வ் வங்கி ஒரு அறிக்கையை வெளியிட்டது. அதன்படி, 2,020 கோடி எண்ணிக்கையிலான, 10, 20, 50, 100 ரூபாய் நோட்டுகள் புழக்கத்தில் வெளியிடப்பட்டன. இதன் மதிப்பை, ரிசர்வ் வங்கி வெளியிடவில்லை. எனினும், 2016 மார்ச் மாதம் ரிசர்வ் வங்கி வெளியிட்ட ஆண்டு அறிக்கையின்படி, ரிசர்வ் வங்கி வசம் இருப்பில் இருந்த குறைந்த மதிப்பு கொண்ட கரன்சி நோட்டுகளின் மூலம் இதை கணக்கிட முடியும்.

அந்த ஆண்டு அறிக்கையில், 10 ரூபாய் நோட்டுகள் 56 சதவீதம்; 20 ரூபாய் நோட்டுகள், 9 சதவீதம்; 50 ரூபாய் நோட்டுகள், 7 சதவீதம்; 100 ரூபாய் நோட்டுகள், 28 சதவீதம் என்ற அளவுக்கு ரிசர்வ் வங்கியிடம் இருப்பில் இருந்தன. இந்த அளவை கொண்டு, கூடுதலாக புழக்கத்தில் விடப்பட்ட, 2,020 கோடி குறைந்த மதிப்பு கொண்ட கரன்சி நோட்டுகளின் மதிப்பை கணக்கிட்டால், 79 ஆயிரம் கோடி ரூபாய் என வரும். இந்த அளவுக்கு தான் ரிசர்வ் வங்கியால், கூடுதலாக, 10, 20, 50, 100 ரூபாய் நோட்டுகள் புழக்கத்தில் விடப்பட்டன.

கரன்சி நோட்டுகளின் மதிப்பு :

இந்த விஷயத்தை மற்றொரு தகவல் மூலமும் உறுதிப்படுத்த முடியும். தகவல் பெறும் உரிமை சட்டத்தின் கீழ் கேட்கப்பட்ட கேள்விக்கு ரிசர்வ் வங்கி பதில் அளித்து இருந்தது. அதன்படி, 2016 நவ.,8 ம் தேதியில், நாட்டில் இருக்கும், குறைந்த மதிப்பு கொண்ட கரன்சி நோட்டுகளின் மதிப்பு, 3.43 லட்சம் கோடி ரூபாய். இது, 41 ஆயிரம் கோடி ரூபாய் மதிப்புள்ள, 10 ரூபாய் நோட்டு; 19 ஆயிரம் கோடி ரூபாய் மதிப்புள்ள, 20 ரூபாய் நோட்டு;33 ஆயிரம் கோடி ரூபாய் மதிப்புள்ள, 50 ரூபாய் நோட்டு; 2.50 லட்சம் கோடி ரூபாய் மதிப்புள்ள, 100 ரூபாய் நோட்டு என்ற அளவில் இருந்தது. நவ., 8 ம் தேதிக்கு முன், 17.97 லட்சம் கோடி ரூபாய் அளவுக்கு கரன்சி நோட்டுகள் நாட்டில் புழக்கத்தில் இருந்தன.

இதில், 15.44 லட்சம் கோடி ரூபாய் மதிப்புள்ள, 500 மற்றும், 1,000 ரூபாய் நோட்டுகளை அரசு வாபஸ் பெற்றது. ஏற்கனவே புழக்கத்தில் இருந்த, 17.97 லட்சம் கோடி ரூபாயில், 15.44 லட்சம் கோடி ரூபாயை கழித்தால், 2.53 லட்சம் கோடி ரூபாய் என்ற விடை கிடைக்கும். இது தான், அப்போது நாட்டில் புழக்கத்தில் இருந்த குறைந்த மதிப்பு கொண்ட கரன்சி நோட்டுகளின் மதிப்பு.

ஏற்கனவே தகவல் பெறும் உரிமை சட்டத்தின் மூலம் கிடைத்த தகவலான, 3.43 லட்சம் கோடி ரூபாயில் இருந்து, 2.53 லட்சம் கோடி ரூபாயை கழித்தால், 90 ஆயிரம் கோடி ரூபாய் என்ற விடை கிடைக்கும். ஏற்கனவே நாம் ஒரு கணக்கு போட்டு இருப்போம். அதில், 79 ஆயிரம் கோடி ரூபாய் மதிப்புக்கு குறைந்த மதிப்பு கொண்ட கூடுதல் கரன்சி நோட்டுகளை ரிசர்வ் வங்கி புழக்கத்தில் விட்டது என கணக்கிட்டு இருப்போம். தற்போது, தகவல் பெறும் உரிமை சட்டத்தின் கீழ் கிடைத்த தகவல் மூலம், இது, 90 ஆயிரம் கோடி ரூபாய் என்ற உறுதியான விஷயமாகி உள்ளது.

புதிய கரன்சி நோட்டுகள்:

ரிசர்வ் வங்கி, டிச.,1ம் தேதி வெளியிட்ட அறிக்கையில், ‛2,200 கோடி எண்ணிக்கையிலான புதிய, 500 மற்றும், 2,000 ரூபாய் கரன்சி நோட்டுகள் புழக்கத்தில் விடப்பட்டுள்ளன' என, தெரிவிக்கப்பட்டு இருந்தது. ஆனால், அதில் புதிய கரன்சி நோட்டுகளின் மதிப்பை ரிசர்வ் வங்கி தெரிவிக்கவில்லை. இதை கணக்கிட, தகவல் பெறும் உரிமை சட்டத்தின் கீழ், ரிசர்வ் வங்கி வெளியிட்ட பதில் பெரிதும் உதவுகிறது. அந்த பதிலில், ‛2016 நவ.,8 ம் தேதியில், ரிசர்வ் வங்கியிடம் புதிய, 500 ரூபாய் கரன்சி நோட்டு ஒன்று கூட இல்லை' என, தெரிவிக்கப்பட்டு இருந்தது.

அத்துடன், நவ.8 ம் தேதியில் ரிசர்வ் வங்கியிடம், 2,473 கோடி எண்ணிக்கையிலான புதிய, 2,000 ரூபாய் நோட்டுகள் கையிருப்பாக இருந்தது எனவும், அந்த பதிலில் கூறப்பட்டு இருந்தது. எனவே, 2,200 கோடி எண்ணிக்கையிலான புதிய, 2,000 ரூபாய் நோட்டுகளை தான் ரிசர்வ் வங்கி புழக்கத்தில் விட்டு இருந்தது என, இதன் மூலம் தெரிய வருகிறது.

இதன் பிறகு டிச., 19 தேதி முதல் புதிய, 500 ரூபாய் கரன்சி நோட்டுகளை ரிசர்வ் வங்கி புழக்கத்தில் விட தொடங்கியது.

எனவே, புழக்கத்தில் இருக்கும் புதிய கரன்சி நோட்டுகளின் மதிப்பு, 90:10 என்ற விகிதாச்சாரத்தில் இருக்கும். இந்த விகிதாச்சாரப்படி, 2,200 கோடி எண்ணிக்கையிலான புதிய கரன்சி நோட்டுகளின் மதிப்பை கணக்கிட்டால், 4.07 லட்சம் கோடி ரூபாய் என வரும்.

நாட்டில் உள்ள கரன்சி நோட்டு அச்சிடும் அச்சகங்களின் உற்பத்தி திறன், ஆண்டுக்கு, 24 ஆயிரம் கோடி கரன்சி நோட்டுகள். அதாவது, மாதத்திற்கு 200 கோடி கரன்சி நோட்டுகளை மட்டுமே அச்சிட முடியும்.

எனவே, டிச., 19 முதல், டிச.,30ம் தேதி வரை, 10 நாட்களில் அனைத்து அச்சகங்களையும் பயன்படுத்தி, 34 ஆயிரம் கோடி ரூபாய் மதிப்புள்ள புதிய, 500 ரூபாய் கரன்சி நோட்டுகளை தான் அச்சிட்டு இருக்க முடியும்.

1.79 ஆயிரம் கோடி ரூபாய் மதிப்புள்ள குறைந்த மதிப்புள்ள கரன்சி நோட்டுகள்

2. 4.07 லட்சம் கோடி ரூபாய் மதிப்புள்ள புதிய, 2,000 ரூபாய் கரன்சி நோட்டுகள்

3.34 ஆயிரம் கோடி ரூபாய் மதிப்புள்ள புதிய, 500 ரூபாய் கரன்சி நோட்டுகள் ஆகிய மூன்றையும் கூட்டினால், 5.20 லட்சம் கோடி ரூபாய் என்ற விடை கிடைக்கும். இது தான், ரூபாய் நோட்டு வாபசிற்கு பிறகு ரிசர்வ் வங்கி புழக்கத்தில் விட்ட கரன்சி நோட்டுகளின் மதிப்பு.

நவ., 8ம் தேதிக்கு முன், 17.97 லட்சம் கோடி ரூபாய் அளவுக்கு கரன்சி நோட்டுகள் புழக்கத்தில் இருந்தன. இதில், 15.44 லட்சம் கோடி ரூபாய் மதிப்புள்ள, 500 மற்றும், 1,000 ரூபாய் நோட்டுகளை அரசு வாபஸ் பெற்றது. டிச.,30ம் தேதியில், 13.78 லட்சம் கோடி ரூபாய் மதிப்புள்ள பழைய, 500 மற்றும், 1,000 ரூபாய் நோட்டுகள் வங்கிகளுக்கு டெபாசிட் மூலம் வந்து விட்டன. 15.44 லட்சம் கோடி ரூபாயில், 13.78 லட்சம் கோடி ரூபாயை கழித்தால், 1.66 லட்சம் கோடி ரூபாய் வரும். இந்த தொகை தான் இன்னும் வங்கிகளுக்க வரவில்லை. எனவே, கணக்கில் வராத கறுப்பு பணத்தின் அளவு இந்த தொகையாக இருக்கலாம் என்ற சந்தேகம் எழுந்துள்ளது.

English Summary:

Mumbai: The rupee note after the announcement of the withdrawal, the value of black money in circulation in the country, 1.66 lakh crore was aroused suspicion.

Read More