பொங்கல் திருநாளை பொது விடுமுறை பட்டியலில் சேர்க்க வேண்டும்: அன்புமணி வலியுறுத்தல்

சென்னை: பொங்கல் திருநாளை பொது விடுமுறை பட்டியலில் சேர்க்க பிரதமர் நரேந்திர மோடியிடம் நேரில் வற்புறுத்துவேன் என்று அன்புமணி ராமதாஸ் தெரிவித்துள்ளார்.

இதுகுறித்து பாமக இளைஞர் அணி தலைவரும் தருமபுரி மக்களவை உறுப்பினருமான அன்புமணி ராமதாஸ் வெளியிட்டுள்ள அறிக்கையில் கூறியிருப்பதாவது:

தமிழர் திருநாளான பொங்கல் திருநாள் மத்திய அரசின் கட்டாய விடுமுறைப் பட்டியலில் இருந்தது போலவும், நடப்பாண்டில் அது கட்டாய விடுமுறைப் பட்டியலில் இருந்து நீக்கப்பட்டு, விருப்ப விடுமுறை பட்டியலில் சேர்க்கப்பட்டது போலவும் ஊடகங்களில் இன்று மாலை செய்திகள் வெளியாயின. அதன் அடிப்படையில் மத்திய அரசின் நடவடிக்கையை கண்டித்து பல கட்சிகள் அறிக்கை வெளியிட்டுள்ளன.

கட்டாய தேசிய விடுமுறைப் பட்டியலில் இருந்து பொங்கல் திருநாள் நீக்கப்பட்டதைக் கண்டிப்பதாகக் கூறியுள்ள தி.மு.க., மத்திய அரசைக் கண்டித்து நாளை மறுநாள் போராட்டம் நடத்தப்போவதாகவும் அறிவித்துள்ளது.

அ.தி.மு.க. தலைமையும் மத்திய அரசின் நடவடிக்கையை விமர்சித்திருக்கிறது. இந்த செய்திகள் தொடர்பாக எனக்குத் தெரிந்த சில உண்மைகளை பகிர்ந்து கொள்ள விரும்புகிறேன். எனக்கு விபரம் தெரிந்தவரை கடந்த 15 ஆண்டுகளுக்கும் மேலாகவே மத்திய அரசின் கட்டாய விடுமுறை பட்டியலில் பொங்கல் திருநாள் இல்லை. விருப்ப விடுமுறைப் பட்டியலில் தான் இடம்பெற்றுள்ளது.

மத்திய அரசு அலுவலகங்களைப் பொறுத்தவரை ஆண்டுக்கு 14 நாட்கள் கட்டாய தேசிய விடுமுறை நாட்களாகவும், 12 நாட்கள் விருப்ப விடுமுறை நாட்களாகவும் அறிவிக்கப்படுகின்றன. கட்டாய தேசிய விடுமுறை நாட்களில் விடுதலை நாள், குடியரசு நாள், காந்தியடிகள் பிறந்த நாள் மற்றும் அனைத்து மத திருவிழாக்கள், முகரம் ஆகியவை தவிர தமிழகத்தில் கொண்டாடப்படும் தீப ஒளித் திருநாளும் இடம் பெற்றுள்ளது.

விருப்ப விடுமுறை நாட்களில் 10ஆவது இடத்தில் பொங்கல் திருநாள் இடம் பெற்றிருக்கிறது. இதே நடைமுறை தான் பல ஆண்டுகளாக தொடர்கிறது. ஆனால், தவறுதலாக யாரோ பரப்பிய தகவலை நம்பி ஊடகங்கள் செய்தி வெளியிட்டதும், அதன் அடிப்படையில் அரசியல் கட்சிகள் கண்டனம் மற்றும் போராட்ட அறிவிப்பை வெளியிட்டதும் நடந்திருப்பதாக கருதுகிறேன்.

அதேநேரத்தில் தேசிய இனமான தமிழர்களின் முதன்மைத் திருநாளான பொங்கல் திருநாளுக்கு கட்டாய தேசிய விடுமுறை நாளில் இடம் பெறுவதற்கான அனைத்து சிறப்புகளும், தகுதிகளும் உள்ளன. அவற்றின் அடிப்படையில் பல ஆண்டுகளுக்கு முன்பே பொங்கல் திருநாள் கட்டாய தேசிய விடுமுறைப் பட்டியலில் சேர்க்கப்பட்டிருக்க வேண்டும். ஆனால், ஏனோ அவ்வாறு செய்யப்படவில்லை.

இந்தியாவின் சில பகுதிகளில் மட்டும் கொண்டாடப்படும் புத்த பவுர்ணமி, குருநானக் பிறந்த நாள், மகாவீரர் ஜெயந்தி ஆகியவை கட்டாய தேசிய விடுமுறை நாட்களில் இடம் பெற்றுள்ள நிலையில், பொங்கல் திருநாளையும் அந்த பட்டியலில் சேர்க்க வேண்டும் என்று கேட்டுக் கொள்கிறேன். விரைவில் பிரதமர் நரேந்திர மோடி அவர்களை தில்லியில் சந்தித்து இந்த கோரிக்கையை வலியுறுத்த உள்ளேன் என்று கூறியுள்ளார்.

English Summary:

Tamil Pongal festival as at the federal list of the mandatory holiday, mandatory holiday in the current year it is removed from the list, such as those included in the list of optional holidays was reported in the media this evening. So in terms of the central government issued a statement condemning the many parties.

Read More

25-ஆம் தேதிக்குள் தடையை மீறி சபரிமலைக்கு செல்வது உறுதி: திருப்தி தேசாய் அறிவிப்பு

தடையை மீறி, வரும் 25-ஆம் தேதிக்குள் சபரிமலைக்கு செல்வது உறுதி என பெண்ணிய செயல்பாட்டாளர் திருப்தி தேசாய் தெரிவித்துள்ளார்.

மகளிர் நல ஆர்வலரான திருப்தி தேசாய், மகாராஷ்டிர மாநிலம், சனிசிங்னாபூர் கோயில் கருவறை, மும்பையில் உள்ள ஹாஜி அலி தர்காவின் கருவறைக்குள் பெண்கள் நுழைய அனுமதிக்கக் கோரி சட்ட ரீதியில் போராட்டம் நடத்தி வெற்றி பெற்றார். தற்போது, சபரிமலை கோயிலுக்குள் அனைத்து வயதுடைய பெண்களையும் அனுமதிக்க வேண்டும் என்று கூறி போராட்டத்தை முன்னெடுத்துள்ளார்.

யார் தடுத்தாலும் வரும் 25-ஆம் தேதிக்குள் சபரிமலை ஸ்ரீஐயப்பன் கோயிலுக்குள் செல்வது உறுதி என்றும் யாருக்கும் அஞ்சப் போவதில்லை என்றும் திருப்தி தேசாய் கூறியுள்ளார். தன்னுடன் மும்பை மற்றும் கேரளாவை சேர்ந்த 100 ஆதரவாளர்களும் இருப்பார்கள் என்றும் அவர் கூறியுள்ளார். சபரிமலைக்கு அஹிம்சை வழியில் செல்ல தீர்மானித்துள்ளதாகவும், தான் செல்வதால் சட்டம் ஒழுங்கில் எந்த பாதிப்பும் ஏற்படாது என்றும் திருப்தி தேசாய் தெரிவித்துள்ளார்.

இந்நிலையில் திருப்தி தேசாயை சபரிமலைக்குள் அனுமதிக்க முடியாது என்று திருவிதாங்கூர் தேவஸ்தானமும் கேரள அரசும் தெரிவித்துள்ளது.

சபரிமலையில், பெண்களை அனுமதிக்கும் விவகாரம் தொடர்பான வழக்கு உச்சநீதிமன்றத்தில் நிலுவையில் உள்ளது. இந்த வழக்கு விசாரணை பிப்ரவரி 20-ஆம் தேதிக்கு ஒத்திவைக்கப்பட்டுள்ளது குறிப்பிடத்தக்கது.

English summary:

Women activist satisfied Desai, Maharashtra shani shingnapur temple sanctum, Haji Ali Dargah in Mumbai allowed to enter the sanctum sanctorum of women seeking legal strikes had won. Currently, Sabarimala temple, saying that would allow the fight to all-aged women advanced.

Read More

பெண் ஆணவக்கொலை: இருவருக்கு தூக்கு; தமிழகத்தில் முதல் வழக்கில் தீர்ப்பு

திருநெல்வேலி; ஜாதி மாறி திருமணம் செய்த தலித் வாலிபரின் சகோதரியை வெட்டிக்கொலை செய்த தலையாரிக்கும் அவரது மனைவிக்கும் தூக்கு தண்டனை விதித்து கோர்ட் தீர்ப்பளித்தது. ஆணவக்கொலை வழக்கில் தமிழகத்தில் வழங்கப்பட்ட முதல் தீர்ப்பு இதுவாகும்.

திருநெல்வேலி, வண்ணார்பேட்டை, இளங்கோநகரை சேர்ந்தவர் விஸ்வநாதன் 27. ரயில்வே ஊழியர். இவரும் நெல்லை தச்சநல்லூர், சங்கரநாராயணன் மகள் காவேரியும் காதலித்தனர். 2016 மே மாதம் 3ம் தேதி வெளியூர் சென்று திருமணம் செய்துகொண்டனர்.

காதலரின் அக்காள் கொலை :

மகளை தேடிய சங்கரநாராயணன் அவரது மனைவி செல்லம்மாள் ஆகியோர், வண்ணார்பேட்டையில் உள்ள விஸ்வநாதன் வீட்டில் விசாரித்தனர். வீட்டில் இருந்த விஸ்வநாதனின் அக்காள் கல்பனா, தெரியவில்லை என்றார். ஆத்திரமுற்ற சங்கரநாராயணனும், அவரது மனைவி செல்லம்மாளும், கல்பனாவை வீட்டுக்குள் வைத்து வெட்டிக்கொலை செய்து விட்டு தப்பினர். இறந்த கல்பனா கர்ப்பிணியாவார். கொலையாளி சங்கரநாராயணன், தச்சநல்லூர், கிராம தலையாரி. வேறு ஜாதியை சேர்ந்தவர். அவரது மகள் காவேரியை தலித் வகுப்பை சேர்ந்த விஸ்வநாதன் திருமணம் செய்துகொண்டதால் ஏற்பட்ட ஆத்திரத்தில் நடந்த ஆணவக்கொலையாகும்.

கணவன் மனைவிக்கு தண்டனை :


சம்பவம் குறித்து போலீசார் வழக்குப்பதிவு செய்து சங்கரநாராயணன், மனைவி செல்லம்மாள் ஆகியோரை கைது செய்தனர். வழக்கு நெல்லை இரண்டாவது கூடுதல் செஷன்ஸ் கோர்ட் நீதிபதி அப்துல்காதர் இருவருக்கும் தூக்கு தண்டனை விதித்து தீர்ப்பளித்தார்.கடந்த மே மாதத்தில் நடந்த ஆணவக்கொலைக்கு எட்டு மாதங்களில் தீர்ப்பு வழங்கப்பட்டிருப்பது குறிப்பிடத்தக்கதாகும். இன்று தீர்ப்பு வழங்கப்பட்ட நெல்லை கோர்ட் வளாகத்தில் பாதுகாப்பு கருதி போலீசார் குவிக்கப்பட்டிருந்தனர்.

பாராட்டுக்குரிய தீர்ப்பு:

தமிழகத்தில் சமீபத்திய ஆணவக்கொலை வழக்குகளில் முதன் முதலாக தண்டனை அறிவிக்கப்பட்ட வழக்கு என்பது குறிப்பிடத்தக்கது. 8 மாதத்தில் விரைவில் இந்த வழக்கில் தீர்ப்பளிக்கப்பட்டுள்ளதும் பாராட்டுக்குரியது.

English summary:

Tirunelveli; Variable Dalit caste, who married the sister of the young men of the guard who intersect court ruled that his wife was sentenced to death. This is the first judgment in the case murderer  in Tamil Nadu state.

Read More

கணக்கில் வராத ரூ.4 லட்சம் கோடி வங்கிகளில் டிபாசிட்

புதுடில்லி: ரூபாய் நோட்டு வாபசிற்கு பிறகு, கணக்கில் வராத 3 - 4 லட்சம் கோடி ரூபாய் வங்கிகளில் டிபாசிட் செய்யப்பட்டுள்ளது.

விசாரணை:

இது தொடர்பாக, வருமான வரித்துறை அதிகாரிகள் கூறியதாவது: கடந்த நவ. 8ம் தேதி ரூ.500 மற்றும் ரூ.1000 நோட்டுகள் வாபஸ் பெறப்பட்டது. இதன் பிறகு வங்கிகளில் மட்டும் கணக்கில் வராத 3 - 4 லட்சம் கோடி டிபாசிட் செய்யப்பட்டுள்ளது. இது தொடர்பாக வருமான வரித்துறை அதிகாரிகள் தீவிர விசாரணை நடத்தி வருகின்றனர். ரூபாய் நோட்டு வாபசிற்கு பிறகு 60 லட்சம் வங்கிக்கணக்குகளில் தலா ரூ. 2 லட்சம் டிபாசிட் செய்யப்பட்டுள்ளது.

செயல்படாத கணக்கில்...

நவம்பர் 9 ம் தேதி முதல், வடகிழக்கு மாநிலங்களில் பல்வேறு வங்கிக்கணக்குகளில் ரூ.10,700 கோடி டிபாசிட் செய்யப்பட்டுள்ளது. கூட்டுறவு வங்கிகளில் பல கணக்குகளில் ரூ.16 ஆயிரம் கோடி டிபாசிட் செய்யப்பட்டுள்ளது. இது தொடர்பாக விசாரணை நடந்து வருகிறது. செயல்படாத வங்கி கணக்கில் மட்டும் ரூ.25 ஆயிரம் கோடி டிபாசிட் செய்யப்பட்டுள்ளது எனக்கூறினர்.

English Summary:

NEW DELHI: After vapase bill, unaccountable 3 - 4 lakh crore and deposits in banks.

Read More

பொங்கல் விடுமுறை: பொன் ராதாகிருஷ்ணன் விளக்கம்

சென்னை: ‛‛பொங்கல் பண்டிகைக்கு கட்டாய விடுமுறை இல்லை என்பது, 2008 முதல் நடைமுறையில் உள்ளது. இதற்கு அப்போது மத்தியில் ஆட்சியில் இருந்த காங்., மற்றும் தி.மு.க., தான் காரணம்,'' என, மத்திய இணை அமைச்சர் பொன் ராதாகிருஷ்ணன் கூறினார்.

சென்னையில், பொன் ராதாகிருஷ்ணன் கூறியதாவது: பொங்கல் பண்டிகைக்கு கட்டாய விடுமுறை இல்லை என்பது ஊழியர் நலக்குழு எடுத்த முடிவு. கட்டாய விடுமுறை பட்டியலில் இருந்து பொங்கல் பண்டிகையை நீக்கி, 2008 ல் முதலில் அறிவிப்பு வெளியானது. அப்போது மத்தியில் காங்., மற்றும் தி.மு.க., தான் ஆட்சியில் இருந்தன.அப்போது இப்பிரச்னை குறித்து யாரும் குரல் எழுப்பவில்லை.இந்த விஷயத்தில் தமிழர்களுக்கு துரோகம் இழைத்தது தி.மு.க., தான்.

பொய் தகவல்கள்:

இதேபோன்று, 2012ல் பொங்கலுக்கு கட்டாய விடுமுறை இல்லை என்ற சூழல் உருவானது. அப்போதும் மத்தியில் ஆட்சியில் இருந்ததது காங்., மற்றும் தி.மு.க., தான். அப்போது தமிழகத்தில் ஆட்சியில் இருந்த அ.தி.மு.க., கூட, இது குறித்து எதிர்ப்பு தெரிவிக்கவில்லை. தமிழகத்தில் பா.ஜ., வேகமாக வளர்ச்சி அடைந்து வருகிறது. அதை தடுக்க பார்க்கவே, இது போன்று பொய் தகவல்களை வெளியிட்டு வருகின்றனர்.

இவ்வாறு பொன் ராதாகிருஷ்ணன் கூறினார்.

English Summary:

Chennai: '' Pongal festival holiday is not mandatory, has been practiced since 2008. The Congress was in power in the middle., And the DMK, just because ', Union Minister Pon Radhakrishnan said co. 

Read More

எப்.எம்.,ரேடியோவை மூடுகிறது நார்வே; இனி டிஜிட்டல் ரேடியோ தான் ஒலிக்கும்

ஓஸ்லோ: உலகிலேயே எப்.எம்.,ரேடியோவை மூடும் முதல் நாடு என்ற பெயரை நார்வே தட்டிச்செல்கிறது. இதற்கு பதிலாக அந்நாட்டு அரசாங்கம் (Digital Audio Broadcasting) கொண்டு வரும் இனி டிஜிட்டல் ரேடியோ ஓசை தான் ஒலிக்கும். இந்த நாட்டில் இதற்கு எதிர்ப்பு இருந்தாலும், குறைவான ஆதரவுடன் இந்த மசோதா அந்நாட்டு பார்லியி.,ல் ( 2011 ல்)நிறைவேற்றப்பட்டதால் தற்போது தான் இது நடைமுறைக்கு கொண்டு வரமுடிந்தது என்கின்றனர் அந்நாட்டு பார்லி., உறுப்பினர்கள்.

தரமாக:

இந்த எப்.எம்., ரேடியோ
மூடல் முதன் முதலாக நாளை 11 ம் தேதி முதல் போடோ நகரத்தில் துவங்குகிறது. 1933 முதல் துவங்கிய எப்.எம்., ரேடியோ ஒலிபரப்பானது 87.5 - 108.0 அலைவரிசையில் ரேடியோ ஒலித்து கொடி கட்டி பறந்தது. இந்த மூடல் என்பது நார்வேயில் ரேடியோ ஓசை கேட்காது என்பதல்ல., இன்னும் தரமான ஒலி ஓசையுடன் இசை வழங்குவதே டிஜிட்டல் ஆடியோ பிராட்காஸ்ட்டின் நோக்கம் என இந்த அமைப்பு கூறியுள்ளது.

English summary:

Oslo: FM world., The first country in the name of the radio got it  Norway. In return, the government (Digital Audio Broadcasting) digital radio sound with the sound will no longer come. Despite some opposition in the country, with less support for this bill parli DRC., In (2011), adopted by the DRC say just barley able to bring it to fruition., Members.

Read More

கரப்பான் பூச்சிக்காக ஆபரேசனை நிறுத்திய டாக்டர்

தானே: தானேவில் உள்ள மிகப்பெரிய மருத்துவமனையில், நடந்த கால் அறுவை சிகிச்சையின் போது, அங்கு கரப்பான் பூச்சி வந்ததால் சிகிச்சை பாதியில் நிறுத்தப்பட்டது.

தானே மாநகராட்சி சார்பில் சத்ரபதி சிவாஜி மகாராஜ் மருத்துவமனை செயல்பட்டு வருகிறது. 500 படுக்கை வசதிகளுடன் கூடிய இந்த மருத்துவமனை ராஜிவ் காந்தி மருத்துவ கல்லூரியுடன் இணைக்கப்பட்டது. கடந்த 2013ல் துவங்கப்பட்ட இந்த மருத்துவமனையில் தற்போது ஊழியர் பற்றாக்குறை உள்ளது. இங்கு பல இடங்களில் கரப்பான் பூச்சி தொல்லை இருந்து வந்துள்ளது. இது பற்றி புகார் அளித்தும் எவ்வித நடவடிக்கையும் எடுக்கப்படவில்லை. கடந்த சில நாட்களுக்கு முன்னர், அறுவை சிகிச்சை வளாகத்தில் கரப்பான் பூச்சியை பார்த்த மருத்துவர் ஒருவர் புகார் அளிக்கும் முன்னர் அதனை கொன்று விட்டார்.

இந்நிலையில் கடந்த 6ம் தேதி 45 வயது மதிக்கத்தக்க நபர் ஒருவருக்கு கால் அறுவை சிகிச்சை நடந்து கொண்டிருந்தது. சுத்தமாக இருக்க வேண்டிய அந்த அறையில், கரப்பான்பூச்சி வந்துள்ளது. இதனை பார்த்த டாக்டர், அறுவை சிகிச்சையை நிறுத்திவிட்டு, ஆதாரத்துடன் நிரூ பிப்பதற்காக அதனை படம் பிடித்தார். பின்னர் அறுவை சிகிச்சையை வெற்றிகரமாக செய்து முடித்தார். தொடர்ந்து அந்த வீடியோவை டீனுக்கு அனுப்பி வைத்த அவர், இது தொடர்பாக கருத்து தெரிவிக்க மறுத்து விட்டார்.

English summary:

Thane: Thane in the largest hospital in the leg during the operation, but there were roach Withdrawn treatment.

Read More