சிரிய கிளர்ச்சியாளர்களுடன் பேச்சுவார்த்தைக்கு தயார் : அதிபர் ஆசாத் தகவல்

டமஸ்கஸ்  - கிளர்ச்சியாளர்களுடன் எல்லாவற்றை குறித்தும் விவாதிக்க தயாராக உள்ளதாக சிரிய அதிபர் பஷார் அல் ஆசாத் தெரிவித்துள்ளார்.

உள்நாட்டுப்போர் :

சிரியாவில் அதிபர் பஷார் அல் ஆசாத் ஆதரவு படைகளுக்கும், கிளர்ச்சியாளர்களின் படைகளுக்கும் இடையே கடந்த 2011-ம் ஆண்டு, மார்ச் 15-ந் தேதி உள்நாட்டுப்போர் தொடங்கியது. தொடர்ந்து 6-வது ஆண்டாக நடைபெற்றுவரும் இந்த உள்நாட்டுப் போரில் 3 லட்சத்துக்கும் அதிகமானோர் கொல்லப்பட்டனர்.

ரஷ்யா படைகள் தாக்குதல்:

இதில் அதிபர் ஆசாத் தலைமையிலான அரசு படைக்கு ஆதரவாக ரஷ்யா ராணுவப் படைகள் வான்வெளி தாக்குதலில் ஈடுபட்டு வருகின்றது. ரஷ்யாவின் இந்த நடவடிக்கைக்கு அமெரிக்காவும் அவ்வவ்போது எதிர்ப்பு தெரிவித்து வருகிறது. இந்த நிலையில் ரஷ்யா, துருக்கி ஆதரவுடன் இரு தரப்புக்கும் இடையே கடந்த டிசம்பர் மாதம் 30-ம் தேதி சண்டை நிறுத்த ஒப்பந்தம் ஏற்பட்டது. போராளி குழுக்கள் மற்றும் சிரியா அரசு பிரதிநிதிகளிடையே இந்த மாதம் கஜகஸ்தான் நாட்டில் சமாதான பேச்சுவார்த்தை நடத்தவும் ஏற்பாடுகள் நடந்து வருகின்றன.

விவாதிக்க தயார்:

இந்நிலையில், கிளர்ச்சியாளர்களுடன் எல்லாவற்றை குறித்தும் விவாதிக்க தயாராக உள்ளதாக சிரிய அதிபர் பஷார் அல் ஆசாத் தெரிவித்துள்ளார்.  இது குறித்து ஆசாத் கூறுகையில், ”கஜகஸ்தானில் நடைபெறும் பேச்சுவார்த்தையில் எதிர்த்தரப்பினர் சார்பில் யார் பிரதிநிதியாக வருகிறார்கள் என்பது இன்னும் தெளிவாகவில்லை. அதேபோல் பேச்சுவார்த்தையை எப்போது நடத்துவது என்பதும் முடிவு செய்யப்படவில்லை. தேதி முடிவான உடன் அஸ்டானா செல்வதற்கு அரசு தரப்பு குழு தயாராக உள்ளது” என்றார்.

English Summary:

DAMASCUS - Syrian rebels are prepared to discuss all this with President Bashar al-Assad said.

Read More

சிரியாவில் பிணைக்கைதிகளை சுட்டுக்கொல்லும் சிறுவர்கள் ! வீடியோவை வெளியிட்ட ஐ.எஸ் தீவிரவாதிகள்

லண்டன், ஜன. 11- பிணைக்கைதிகளை சிறுவர்கள் சுட்டுக் கொல்லும் வீடியோவை ஐ.எஸ்.தீவிரவாதிகள் வெளியிட்டுள்ளனர். வீடியோ வெளியீடு பிணைக்கைதிகளை தலைதுண்டித்து படுகொலை செய்யும் வீடியோக்களை ஐ.எஸ்.தீவிரவாதிகள் வெளியிட்டு பரபரப்பை ஏற்படுத்தி வந்தனர். தற்போது இளம் சிறுவர்கள் கையில் துப்பாக்கி கொடுத்து பிணைக் கைதிகளை கொலை செய்து வருகின்றனர். அது குறித்த வீடியோவை சமீபத்தில் ஐ.எஸ். தீவிரவாதிகள் வெளியிட்டுள்ளனர். பிணைக் கைதிகள் சிரியாவின் வடகிழக்கில் உள்ள டெர்-யெஸ்-சார் நகரத்தில் 3 பிணைக் கைதிகள் 3 சிறுவர்களால் சுட்டுக்கொல்லப்பட்டுள்ளனர்.

இவர்கள் முன்பு பிணைக்கைதிகள் கறுப்பு துணியால் முகம் மூடப்பட்ட நிலையில் மண்டியிட்டுள்ளனர். அவர்கள் முன்பு நிற்கும் 4 வயது சிறுவர்கள் 3 பேர் அவர்களை குறிபார்த்து சுட்டு வீழ்த்தும் காட்சி படமாக்கப்பட்டுள்ளது. வீடியோவின் அடுத்த பகுதியில் 7 வயது சிறுவன் ஒருவன் தீவிரவாதிகள் மத்தியில் தோன்றி உணர்ச்சி மிகுதியுடன் பேசும் காட்சி ஒளிபரப்பாகிறது. குழந்தை வீரர்கள் பிரிவு அச்சிறுவன் மிக நீண்ட கத்தியை சுழற்றியபடி முழங்காலிட்டு இருக்கும் பிணைக்கைதியின் குரல் வளையை அறுத்து கொலை செய்யும் காட்சியும் அந்த வீடியோவில் பதிவாகியுள்ளது. இத்தகைய வீடியோ காட்சிகள் மூலம் ஐ.எஸ்.தீவிரவாத இயக்கத்தில் குழந்தைகளும் ஈடுபடுத்தப்படுவது தெரியவந்துள்ளது. அதற்கு குழந்தை வீரர்கள் பிரிவு என பெயரிட்டுள்ளனர் என்ற தகவலும் வெளியாகி உள்ளது.

English Summary:

London, Jan. IS terrorist  video released 11 hostages boys firing. Video output had caused a stir by releasing hostages IS terrorist videos cut their heads assassination. Currently, gun in hand, giving young children hostages have been killed. ISIs video about it recently. They released terrorists. 

Read More

அமெரிக்காவின் கலிபோர்னியாவில் வெள்ளம் - பொதுமக்கள் அவதி

சான்பிரான்சிஸ்கோ- அமெரிக்காவின் கலிபோர்னியாவில் மலை பிரதேசங்களில் வெள்ளமும், ஐரோப்பிய நாடுகளில் கடும் பனியும் நிலவுவதால் பொதுமக்கள் கடும் அவதிக்குள்ளாகியுள்ளனர். வெள்ளப்பெருக்கு அமெரிக்காவின் கலிபோர்னியாவில் வடக்கு பகுதி, சியர்ரா நவேடா பகுதிகளில் உள்ள மலை பிரதேசங்களில் நேற்று முன்தினம் பலத்த காற்றுடன் மழை பெய்தது. இதனால் பனி உறைந்து கிடந்த ஆறுகளில் கடும் வெள்ளப்பெருக்கு ஏற்பட்டது. ரோடுகள் வெள்ளத்தில் அடித்துச் செல்லப்பட்டன.

கலிபோர்னியா மாகாணத்தில் பல இடங்களில் நிலச்சரிவுகள் ஏற்பட்டது. வடக்கு கலிபோர்னியா மற்றும் மேற்கு நிவேடாவில் 40 ஆறுகளில் வெள்ளப் பெருக்கு ஏற்பட்டுள்ளது. அங்கு கரைகளுக்கு மேல் வெள்ளம் பாய்ந்து ஓடுகிறது. இதனால் அப்பகுதியில் பலத்த சேதம் ஏற்பட்டுள்ளது. கடும் பனி அதே நேரம் ஐரோப்பாவில் கடும் பனி கொட்டுகிறது. போலந்தில் 10 பேர் பலியாகி உள்ளனர்.

துருக்கியில் ஆயிரக்கணக்கான மக்கள் பனியால் சிக்கி தவிக்கின்றனர். ஐரோப்பிய நாடுகளில் கடந்த சில நாட்களில் பலியானோர் எண்ணிக்கை 30 ஆக உயர்ந்துள்ளது. குடிபெயர்ந்தோர் மற்றும் வீடுகள் இல்லாதோர் பனிக்குள் உறைந்து இறந்து கிடக்கின்றனர். கடுமையான உறைபனி காரணமாக இஸ்தான்புல் நகரில் போக்குவரத்து பாதிக்கப்பட்டுள்ளது.

English Summary:

San Francisco in the mountainous regions of the United States in California, floods, heavy snow in Europe, amid heavy struggle public. Floods in the northern part of California, in the mountainous regions of the Sierra naveda areas downpour with strong winds yesterday. There was heavy flooding in the rivers of ice that had been frozen. The floods washed away roads.

Read More

அமெரிக்க புதிய அதிபருக்கான ஆலோசகர்கள் பட்டியலில் டிரம்ப் மருமகன்

வாஷிங்டன் - அமெரிக்க புதிய அதிபருக்கான ஆலோசகர்கள் பட்டியலில் டிரம்ப் மருமகன் ஜாரெட் குஷ்னெர் இடம்பெற்றுள்ளார்.

புதிய அதிபர்:

அமெரிக்காவின் புதிய அதிபராக டொனால்டு டிரம்ப் தேர்ந்தெடுக்கப்பட் டுள்ளார். அவர் வருகிற 20-ந் தேதி அதிபராக பதவி ஏற்கிறார். இதற்கு முன்னதாக அவரது அரசில் பதவி வகிப்பவர்கள் நியமிக்கப்பட்டு வருகின்றனர். அந்த வகையில் டிரம்பின் ஆலோசகர்கள் நியமனம் செய்யப்படுகின்றனர். அதற்கான பட்டியல் தயாரிக்கும் பணியில் வெள்ளை மாளிகை ஈடுபட்டுள்ளது.

ஆலோசகர்கள் பட்டியல்:

அப்பட்டியலில் ஜாரெட் குஷ்னெர் பெயர் (35) முதலிடத்தில் உள்ளது. இவர் டொனால்டு டிரம்பின் மருமகன் ஆவார். இவர் டிரம்பின் மகள் இவாங்காவை திருமணம் செய்துள்ளார். இவர் டிரம்ப் தேர்தல் பிரசாரத்தின் போது முக்கிய பங்கு வகித்தார். ரியல் எஸ்டேட் வர்த்தகர் ஆவார். குஷ்னரின் நியமனத்துக்கு ஜனநாயக கட்சியினர் கடும் எதிர்ப்பு தெரிவித்துள்ளனர். உயர்பதவிகளில் உறவினர் களை நியமிக்க கூடாது. முடிவை மறுபரீசலனை செய்ய வேண்டும் என கோரிக்கை விடுத்துள்ளனர்.

English Summary:

Washington - The US new president's advisers Trump nephew Jared Kouchner is also on the list.

Read More

7.3 ரிக்டர் அளவில் பிலிப்பைன்ஸ் நாட்டில் பயங்கர நிலநடுக்கம்

மணிலா  - பிலிப்பைன்ஸ் நாட்டின் தென்கிழக்கில் உள்ள ஜோலோ தீவு மற்றும் தபியாவான் பகுதிகளில் நேற்று 7.3 ரிக்டர் அளவில் சக்திவாய்ந்த நிலநடுக்கம் ஏற்பட்டது.

நிலநடுக்கம்:

பிலிப்பைன்ஸ் நாட்டின் தென்கிழக்கில் உள்ள ஜோலோ தீவு மற்றும் தபியாவான் பகுதிகளில் நேற்று சக்திவாய்ந்த நிலநடுக்கம் ஏற்பட்டதாக அமெரிக்க புவியியல் மையம் அறிவித்துள்ளது. செலபஸ் கடல் பகுதியில் பூமியின் அடியில் சுமார் 617 கிலோமீட்டர் ஆழத்தில் ஏற்பட்ட நேற்றைய நிலநடுக்கம் ரிக்டர் அளவுக்கோலில் 7.3 அலகுகளாக பதிவாகியுள்ளது. சுனாமி எச்சரிக்கை ஏதும் விடுக்கப்படாத நிலையில் இந்த நிலநடுக்கத்தால் உண்டான சேத விபரங்கள் ஏதும் உடனடியாக வெளியாகவில்லை.

எச்சரிக்கை:

இந்நிலையில் இந்தியப் பெருங்கடலின் அடிப்பகுதியில் புதிதாக ஏற்பட்டுள்ள பாறை அடுக்கால் தெற்காசிய பகுதிகளில் பெருமளவு நிலநடுக்கம் ஏற்பட வாய்ப்பிருப்பதாக ஆய்வாளர்கள் எச்சரிக்கை விடுத்திருந்தது குறிப்பிடத்தக்கது.

English Summary:

Manila - Philippine island of Jolo, in the southeast of the country and in areas escape  7.3 magnitude earthquake yesterday.

Read More

ஜப்பான் நாட்டை சேர்ந்த நாய் ஸ்கிப்பிங்கில் புதிய கின்னஸ் சாதனை

டோக்கியோ  - ஜப்பான் நாட்டை சேர்ந்த நாய் ஒன்று ஸ்கிப்பிங்கில் புதிய உலக சாதனை படைத்துள்ளது.

பீகில் இன நாய்:

ஜப்பான் நாட்டை சேர்ந்த 11 வயது பீகில் இன நாய் ஒன்று தனது உரிமையாளர் மகோடா குமாகையுடன் சேர்ந்து 1 நிமிடத்தில் 58 முறை ஸ்கிப்பிங் செய்து கின்னஸ் சாதனை படைத்துள்ளது. இதற்கு முன் இருவரும் சேர்ந்து 1 நிமிடத்தில் 51 முறை ஸ்கிப்பிங் செய்து சாதனை படைத்திருந்தனர். தற்போது அந்த சாதனையை இருவரும் முறியடித்துள்ளனர்.

பல்வேறு சாதனைகள்:

'புரின்' என பெயரிடப்பட்டிருக்கும் இந்த நாய் உரிமையாளர் மகோடா வீசிய 14 மினி புட்பால்களை கோல் விழாமல் தடுத்தது, ஒரு பந்தின் மீது நின்று 10 மீட்டர் தூரத்தை 10.39 விநாடிகளில் கடந்தது என இதற்கு முன் பல்வேறு உலக சாதனைகளைப் படைத்திருக்கிறது.  ''புரின் அடுத்து செய்யப்போகும் சாதனையைக் காண நாங்கள் ஆவலுடன் காத்திருக்கிறோம்" என இது குறித்து கின்னஸ் நிறுவனம் தெரிவித்துள்ளது.

English Summary:

Tokyo - Japan skipping new world record of one of the dog.

Read More

மாற்றுத்திறனாளியை கேலி செய்ததாக ஹாலிவுட் நடிகை ஸ்ட்ரீப் குற்றச்சாட்டு - டிரம்ப் மறுப்பு

வாஷிங்டன்  - மாற்றுத்திறனாளியை கேலி செய்ததாக ஹாலிவுட் நடிகை மெரில் ஸ்ட்ரீப் கூறிய குற்றச்சாட்டுக்கு அமெரிக்காவின் வருங்கால அதிபர் டொனால்டு டிரம்ப் மறுப்பு தெரிவித்துள்ளார்.

கோல்டன் குளோப்:

அமெரிக்காவின் லாஸ் ஏஞ்சலஸ் நகரில் உள்ள பெவர்லி ஹில்ஸ் பகுதியில் நடைபெற்ற 2017-ம் ஆண்டுக்கான 74-வது கோல்டன் குளோப் விருது விழாவை ஜிம்மி பாலோன் துவக்கி வைத்தார். இதில் சிறந்த படமாக தேர்வு  செய்யப்பட்ட `லா லா லாண்ட்' படம் 7 விருதுகளை வென்றது.

குற்றச்சாட்டு:

இந்த விழாவில் வாழ்நாள் சாதனையாளர் விருது பிரபல ஹாலிவுட் நடிகையும் மூன்றுமுறை ஆஸ்கர் விருதினையும்,  திரைப்படத்துறை தொடர்பான சுமார் நூறு உயர் விருதுகளையும் பெற்ற மெரில் ஸ்ட்ரீப்-க்கு வழங்கப்பட்டது. இந்த விருதுக்கு நன்றி தெரிவித்து பேசிய மெரில் ஸ்ட்ரீப், அமெரிக்க அதிபராக தேர்ந்தெடுக்கப்பட்ட டொனால்ட் டிரம்ப்,  பிரசாரம் ஒன்றின் போது மாற்றுத்திறனாளி செய்தியாளர் ஒருவரை வெளிப்படையாக கேலி செய்ததை பார்த்து தான் அதிர்ச்சி அடைந்ததாக கூறினார்.

வேண்டுகோள்:

மேலும், அதிகாரத்தில் இருப்பவர்கள் தங்களது பதவி, அந்தஸ்தைப் பயன்படுத்தி மக்களை அவமானப்படுத்தும்போது பலரும் பாதிக்கப்படுவார்கள் என்றார். இத்தகைய அவமதிப்புகளை ஊடகங்கள் சரியான வகையில் மக்கள் மத்தியில் கொண்டு சேர்க்க வேண்டும். அதை செய்ய ஊடகவியலாளர்கள் தவறிவிட்டதால், அமெரிக்க ஊடகங்கள் மட்டுமின்றி, சர்வதேச ஊடகவியலாளர்களின் கவனத்தை ஈர்த்துள்ள இந்த கோல்டன் குளோப் விழாவில் இதுதொடர்பாக பேச நேரிட்டுள்ளது என கண்கலங்கியபடி அவர் குறிப்பிட்டார்.

டிரம்ப் மறுப்பு:

இந்நிலையில், மெரில் ஸ்ட்ரீப்புக்கு தனது டுவிட்டர் பக்கத்தில் பதிலளித்துள்ள டிரம்ப், ஹாலிவுட்டில் தன்னைத்தானே அதிகமாக சுயமதிப்பீடு செய்துகொள்ளும் நடிகைகளில் ஸ்ட்ரீப்பும் ஒருவர் என்று சீறிப் பாய்ந்துள்ளார். பிரசாரத்தின்போது செய்தியாளரை நான் கேலி செய்யவில்லை எனவும், அவர் செய்தியை மாற்றி எழுதியதை நடித்து காட்டியதாகவும் டிரம்ப் தெரிவித்துள்ளார். என்னை யாரென்றே தெரியாமல் இதுபோன்ற கருத்தை உதிர்த்துள்ள அவருக்கு எனது மனதில் உள்ளது என்ன? என்பதை அதிகம் தெரிந்திருக்க வாய்ப்பில்லை எனவும் டிரம்ப் குறிப்பிட்டுள்ளார்.

English Summary:

WASHINGTON - Hollywood actress Meryl Streep disabilities jest future president of the United States, Donald Trump has disputed the allegations.

Read More