நைஜீரியா ராணுவ முகாம் மீது போக்கோஹரம் தீவிரவாதிகள் தாக்குதலில் 20 பேர் பலி

நைஜர்  - நைஜீரியாவின் யோபே மாநிலத்தில் உள்ள ராணுவ முகாமின் மீது போக்கோஹரம் தீவிரவாதிகள் நடத்திய தாக்குதலில் 5 ராணுவ வீரர்கள் உள்பட 20 பேர் உயிரிழந்தனர்.

போக்கோஹரம் தீவிரவாதிகள்:

கிறிஸ்துவர்களும், முஸ்லிம்களும் சமஅளவில் வாழ்ந்து வரும் நைஜீரியா நாட்டில் இஸ்லாமிய சட்டதிட்டங்களுக்கு உட்பட்ட ஆட்சியை கொண்டு வர வேண்டும் என்று போக்கோஹரம் அமைப்பை சேர்ந்த தீவிரவாதிகள் ஆயுதமேந்திய போராட்டத்தில் ஈடுபட்டு வருகின்றனர்.

திடீர் தாக்குதல்:

கிறிஸ்தவர்கள் பெரும்பான்மையாக வாழும் கிராமங்களுக்குள் கும்பலாக நுழையும் இவர்கள், அங்குள்ள மக்களை ஈவிரக்கமின்றி கொன்று குவிக்கின்றனர். வடக்கு நைஜீரியாவில் உள்ள சில சிறிய நகரங்களை கைப்பற்றியுள்ள போக்கோஹரம் தீவிரவாதிகள், தற்போது, வடகிழக்கு மாநிலங்களின் தலைநகரான மைடுகுரியை கைப்பற்றும் நோக்கத்தில் அவ்வப்போது இப்பகுதியில் அதிரடி தாக்குதல்களை நடத்தி வருகின்றனர்.

15 ஆயிரம் பேர் பலி:

இவர்களின் ஈவுஇரக்கமற்ற தாக்குதல்களுக்கு இதுவரை 15 ஆயிரம் பேர் பலியாகியுள்ளனர். 20 லட்சத்துக்கும் அதிகமான மக்கள் உயிர் பயத்தில் தங்களது வசிப்பிடங்களை விட்டு வெளியேறி, வெளி மாநிலங்களிலும், வெளிநாடுகளிலும் அகதிகளாக தஞ்சம் அடைந்துள்ளனர்.

ராணுவ முகாம் மீது தாக்குதல்:

இந்நிலையில், நைஜீரியாவின் வடகிழக்கு பகுதியில் உள்ள யோபே மாநிலத்தில் உள்ள ராணுவ முகாமின் மீது போக்கோஹரம் தீவிரவாதிகள் நேற்று முன்தினம் நடத்திய தாக்குதலில் 5 பேர் உயிரிழந்தனர். யோபே மாநிலத்தில் உள்ள புனியாடி ராணுவ முகாமுக்குள் நேற்று முன்தினம் பின்னிரவு புகுந்த போக்கோஹரம் தீவிரவாதிகள் ஐந்து ராணுவ வீரர்களை சுட்டுக்கொன்றதாகவும், ராணுவம் நடத்திய எதிர் தாக்குதலில் 15 தீவிரவாதிகள் சுட்டுக் கொல்லப்பட்டதாகவும் அந்நாட்டு ஊடகங்கள் செய்தி வெளியிட்டுள்ளன.

English Summary:

Niger - Nigeria's yope world war attack by militants on a military camp in the state 5, killing 20 people, including soldiers.

Read More

ஜெருசலேம் லாரி தாக்குதலை நடத்தியவர் ஐ.எஸ் ஆதரவாளர்: இஸ்ரேல் பிரதமர் குற்றச்சாட்டு

ஜெருசலேம்  - ஜெருசலேம் லாரி தாக்குதலை நடத்தியவர் ஐ.எஸ் தீவிரவாத அமைப்பின் ஆதரவாளர் என்று இஸ்ரேல் பிரதமர் பெஞ்சமின் நேதன்யாகு தெரிவித்துள்ளார்.

3 பேர் உயிரிழப்பு:

இஸ்ரேல் நாட்டின் தலைநகரான ஜெருசலேத்தில் ராணுவப்படையைச் சேர்ந்த ஏராளமான வீரர்கள் பஸ்சில் ஏறுவதற்கு தயாராக இருந்த போது திடீரென அவர்களுக்கு மத்தியில் லாரி ஒன்று புகுந்தது. இதில் 3 பெண் வீரர்கள் உட்பட நான்கு பேர் பரிதாபமாக உயிரிழந்தனர். உயிரிழந்த அனைவரும் 20 வயது மிக்கவர்கள். மேலும் இந்த தாக்குதலில் 14 பேர் காயம் அடைந்தனர்.

திட்டமிட்ட தாக்குதல்:

அப்போது ராணுவ வீரர்கள் தாக்குதல் நடத்திய அந்த லாரியை நோக்கி துப்பாக்கியால் சுட்டனர். இதில் லாரி டிரைவர் உயிரிழந்தார். அவர் பாலஸ்தீனத்தை சேர்ந்தவர் என சந்தேகிக்கப்படுகிறது. மேலும், இது ஒரு திட்டமிட்ட தாக்குதல் எனக்கூறப்படுகிறது.

ஐ.எஸ் ஆதரவாளர்:

இந்நிலையில், ஜெருசலேம் லாரி தாக்குதலை நடத்தியவர் ஒரு ஐ.எஸ் தீவிரவாத அமைப்பின் ஆதரவாளர் என்று இஸ்ரேல் பிரதமர் பெஞ்சமின் நேதன்யாகு தெரிவித்துள்ளார்.  முன்னதாக, தாக்குதல் நடந்த இடத்தை பாதுகாப்பு துறை அமைச்சர் அவிக்டோர் லிபெர்மேனுடன் பிரதமர் நெதன்யாகு பார்வையிட்டார்.  இதனையடுத்து அவரது அலுவலகத்தில் இருந்து வெளியிடப்பட்ட அறிக்கையில், குற்றவாளி ஐ.எஸ் அமைப்பின் ஆதரவாளர் என்பதற்கான அறிகுறிகளே தெரிகிறது” என்று தெரிவிக்கப்பட்டு இருந்தது.

English Summary:

Jerusalem - Jerusalem truck attacked a terrorist organization is a supporter of PCs, said Israeli Prime Minister Benjamin Netanyahu.

Read More

தைரியமான முடிவுகளை எடுக்க வேண்டும்: ஜெட்லி

ஆமதாபாத்: பொருளாதாரத்தை மாற்றியமைக்க இந்தியா தைரியமான முடிவுகளை எடுக்க வேண்டும் என மத்திய நிதியமைச்சர் அருண் ஜெட்லி பேசினார்.

'வைப்ரன்ட் குஜராத்' எனப்படும், நான்கு நாட்கள் முதலீட்டாளர்கள் மாநாடு, குஜராத்தின் காந்தி நகரில் நடந்து வருகிறது. இந்த மாநாட்டில் மத்திய நிதியமைச்சர் அருண் ஜெட்லி கலந்து கொண்டார்.

அவர் பேசியதாவது: அரசு நிர்வாகத்தில் வெளிப்படை தன்மை கொண்டு வருவதில் தீவிரமாக உள்ளோம். மறைமுக பொருளாதாரம் வளர்வதை அனுமதிக்க முடியாது. பொருளாதாரத்தை மாற்றியமைக்க தைரியமான முடிவுகள் தேவை. கடினமான கட்டங்களை, கடினமான முடிவுகள் மூலம் கடந்து விட்டோம். தற்போது அனைத்தையும் சுத்தப்படுத்த வேண்டிய நேரம். இதற்கான தைரியமான முடிவுகள் தேவைப்படுகிறது.

ஜி.எஸ்.டி., மசோதா நிறைவேறிய பின்னர், நாடு முழுவதும் சரக்குகளை எளிதில் கையாள முடியும். இந்த மசோதாவில் கடந்த 2 வருடங்களில், வேறுபாடுகள் மாற்றப்பட்டன. ஜிஎஸ்டி மசோதா நிறைவேற்ற தேவையான அளவு முயற்சி செய்யப்பட்டது. ஜிஎஸ்டி தொடர்பான பிரச்னைகள் தீர்க்கப்பட்டுள்ளது. சில முக்கிய பிரச்னைகள் மட்டுமே உள்ளது. அது விரைவில் தீர்க்கப்படும் எனக்கூறினார்.

English Summary:

Ahmedabad: India's economy to revert to take bold decisions, Finance Minister Arun Jaitley said. 

Read More

ஜல்லிக்கட்டு: தீர்ப்புக்காக காத்திருக்கும் மத்திய அரசு

புதுடில்லி : ஜல்லிக்கட்டு நடத்த மத்திய அரசு தயாராக உள்ளது. அதே சமயம் சுப்ரீம் கோர்ட்டின் உத்தரவிற்காக காத்திருக்கிறோம் என மத்திய சுற்றுச்சூழல் துறை அமைச்சர் அனில் மாதவ் தவே தெரிவித்துள்ளார்.

மத்திய அமைச்சர் உறுதி :

ஜல்லிக்கட்டுக்கு அனுமதி அளிக்க வேண்டும் என வலியுறுத்தி லோக்சபா துணை சபாநாயகர் தம்பிதுரை தலைமையில் அதிமுக எம்.பி.,க்கள் இன்று மத்திய சுற்றுச்சூழல் துறை அமைச்சர் அனில் மாதவ் தவேவை சந்தித்து கோரிக்கை வைத்தனர். அதிமுக எம்.பி.,க்களை சந்தித்த பிறகு செய்தியாளர்கள் முன்னிலையில் பேசிய அனில் மாதவ் தவே, ஜல்லிக்கட்டு நடத்த அனுமதி கோரி சென்னையில் இளைஞர்கள் நடத்திய போராட்டத்தை அறிவேன். ஜல்லிக்கட்டு தொடர்பான வழக்கு சுப்ரீம் கோர்ட்டில் உள்ளதால் தீர்ப்புக்காக காத்திருக்கிறோம். தமிழர்களின் கலாச்சார உணர்வுகளுக்கு உரிய மரியாதை அளிக்கிறோம். ஜல்லிக்கட்டு நடத்த மத்திய அரசு தயாராக உள்ளது. சுப்ரீம் கோர்ட் உத்தரவு வந்த பிறகு முடிவு செய்யப்படும்.

அதிமுக எம்.பி.,க்கள் வலியுறுத்தல் :

ஜல்லிக்கட்டு நடத்துவது தொடர்பாக அவசர சட்டம் கொண்டு வர அதிமுக எம்.பி.,க்கள் கோரிக்கை விடுத்துள்ளனர். ஒரு வாரத்திற்குள் நடத்த அனுமதி அளிக்க வேண்டும் என கேட்டுள்ளனர். அவசர சட்டம் கொண்டு வருவது தொடர்பாக பிரதமர் மோடியுடன் பேசிய பிறகு, துறை சார்ந்த அதிகாரிகளுடனும், அமைச்சர்களுடனும் விவாதிக்கப்படும். ஜல்லிக்கட்டு நடத்த சாத்தியக்கூறுகள் உள்ளதா என்பது குறித்து இன்று பிரதமருடன் ஆலோசிக்கப்படும். விலங்குகளிடம் கருணை காட்டுவதை நம் கலாச்சாரத்திலிருந்து கற்றுக்கொண்டுள்ளோம். சட்டங்கள் மூலமாக அல்ல. உச்சநீதிமன்றம் நல்ல தீர்ப்பை வழங்கும் என்று நம்பிக்கை இருக்கிறது. தீர்ப்பு வரும் வரை நாம் காத்திருக்க வேண்டும். அவசர சட்டம் வேண்டுமா இல்லையா என்பது முக்கியம் இல்லை. ஜல்லிக்கட்டு நடத்த வேண்டும் என்பது தான் முக்கியம்.என தெரிவித்துள்ளார்.

தொடர்ந்து செய்தியாளர்களிடம் பேசிய அதிமுக எம்.பி., தம்பிதுரை, ஜல்லிக்கட்டு நடத்துவதன் மூலம் தமிழர்களின் கலாச்சாரம் தொடரும். ஜல்லிக்கட்டு நடத்த அனுமதி அளித்தால் இளைஞர்களும், தமிழக மக்களும் மகிழ்வார்கள் என்றார்.

English Summary:

NEW DELHI: The government is ready to hold jallikattu. While waiting for the Supreme Court's orders, Federal Environment Minister Anil Madhav Dave said.

Read More

ஜல்லிக்கட்டு : தமிழகம் முழுவதும் தீவிரமடையும் போராட்டம்

சென்னை : பொங்கல் பண்டிகைக்கு இன்னும் சில நாட்களே உள்ளதால் ஜல்லிக்கட்டு நடத்த அனுமதி வழங்க வலியுறுத்தி தமிழகத்தின் பல பகுதிகளிலும் போராட்டம் நடத்தப்பட்டு வருகிறது.

60 கிராமங்களில் கடையடைப்பு :

ஜல்லிக்கட்டு நடத்துவதற்கு இருக்கும் தடையை நீக்கி, ஜல்லிக்கட்டு நடத்த அனுமதி அளிக்கும்படி வலியுறுத்தி மதுரை மாவட்டம் மேலூரை அடுத்த வெள்ளலூர் பகுதியில் கடையடைப்பு போராட்டம் நடந்து வருகிறது. வெள்ளலூரை சுற்றி உள்ள 60 கிராமங்களிலும் கடைகள் அடைக்கப்பட்டுள்ளன. ஜல்லிக்கட்டுக்கு ஆதரவாக வணிகர்களும், பொது மக்களும் போராட்டத்தில் ஈடுபட்டுள்ளனர்.

மாணவர்கள் சாலை மறியல் :

ஜல்லிக்கட்டுக்கு ஆதரவாக நடந்து வரும் போராட்டங்களில் கல்லூரி மாணவர்கள் அதிக அளவில் பங்கேற்று வருகின்றனர். புதுக்கோட்டை, மதுரை மாவட்டம் அலங்காநல்லூர், தனிச்சியம் ஆகிய பகுதிகளில் ஜல்லிக்கட்டுக்கு அனுமதி அளிக்கும்படி வலியுறுத்தி கல்லூரி மாணவர்கள் பலர் சாலை மறியலில் ஈடுபட்டு வருகின்றனர். இதேபோல், திருச்சி, திருப்பூர், மதுரை மாவட்டம் அவனியாபுரம் பகுதிகளில் ஜல்லிக்கட்டை வலியுறுத்தி ஆர்ப்பாட்டம் நடந்து வருகிறது.

English Summary:

Chennai: Pongal festival has a few days to allow jallikattu emphasizing the struggle has been waged in many parts of the state.

Read More

தமிழகத்தில் மாற்றத்தை கொண்டு வருவோம் : தமிழிசை

சென்னை : தமிழகத்தில் இருதுருவ அரசியலில் இருந்து பா.ஜ., மாற்றத்தை கொண்டு வரும் என தமிழக பா.ஜ., தலைவர் தமிழிசை சவுந்தரராஜன் தெரிவித்துள்ளார்.

சென்னையில் செய்தியாளர்களிடம் பேசிய தமிழிசை கூறுகையில், தமிழகத்தில் மாற்று சக்தியாக பா.ஜ., உருவெடுக்கும். இருதுருவ அரசியலில் இருந்து தமிழகத்தில் பா.ஜ., மாற்றத்தை கொண்டு வரும். கட்சியை அடிப்படையில் பலம் மிகுந்த கட்சியாக மாற்றும் முயற்சியில் ஈடுபட்டுள்ளோம். பொங்கலுக்கு முன் தமிழகத்தில் வறட்சியால் பாதிக்கப்பட்ட குடும்பங்களுக்கு நிவாரணம் வழங்க வேண்டும். இவ்வாறு அவர் தெரிவித்துள்ளார்.

English Summary:

Chennai: Tamil Nadu BJP from bipolar politics, would bring change to the Tamil Nadu BJP leader said Tamilisai Soundarajan. 

Read More

பஞ்சாப் தேர்தலில் கெஜ்ரிவால் போட்டி: சிசோடியா சூசகம்

மொஹாலி : பஞ்சாப் சட்டசபை தேர்தலில் டில்லி முதல்வர் அரவிந்த் கெஜ்ரிவால் முதல்வர் வேட்பாளராக நிறுத்தப்படலாம் என துணை முதல்வர் மனிஷ் சிசோடியா மறைமுகமாக கூறியுள்ளார்.

அடுத்த மாதம் நடக்க இருக்கும் 5 மாநில சட்டசபை தேர்தலில் உ.பி., தவிர மற்ற மாநிலங்களில் போட்டியிட உள்ளதாக ஆம்ஆத்மி அறிவித்துள்ளது. பஞ்சாபில் மொத்தம் உள்ள 117 சட்டசபை தொகுதிகளுக்கு வரும் பிப்ரவரி 4-ல் ஒரே கட்டமாக தேர்தல் நடைபெற உள்ளது. இதில், பாஜக, காங்கிரஸ் மற்றும் ஆம் ஆத்மி கட்சிகளுக்கு இடையே மும்முனைப்போட்டி நிலவுகிறது. இதற்காக, ஆம் ஆத்மி கட்சியின் தலைவர்கள் அனைவரும் பஞ்சாபில் தீவிரப் பிரச்சாரம் செய்து வருகின்றனர்.

இந்நிலையில் நேற்று, பஞ்சாபின் மொஹலியில் தேர்தல் பிரச்சாரக் கூட்டத்தில் டில்லியின் துணை முதல்வர் மணிஷ் சிசோடியா பேசினார். அப்போது, பஞ்சாப் சட்டசபை தேர்தலில் கெஜ்ரிவாலை முதல்வராக கருதி வாக்களிக்குமாறு கேட்டுக் கொண்டார். இதன் மூலம் பஞ்சாப் தேர்தலில் கெஜ்ரிவால் முதல்வர் வேட்பாளராக அறிவிக்கப்படுவது கிட்டத்தட்ட உறுதியாகி விட்டது. மேலும் சிசோடியா பேசுகையில், 'ஆம் ஆத்மி சார்பில் முதல்வர் வேட்பாளர் யார் என பஞ்சாப்வாசிகள் என்னிடம் கேள்வி எழுப்புகின்றனர். அவர்களுக்கு நான் சொல்லும் பதில், பஞ்சாப் முதல்வராக கெஜ்ரிவாலை அமர்த்த வாக்களியுங்கள் என்பது தான். முதல்வராக யார் அமருவார்கள் என்பது முக்கியமல்ல. உங்கள் பிரச்னைகளை ஆம் ஆத்மி கட்சி சார்பில் கெஜ்ரிவால் தீர்த்து வைப்பார். அவரே அடுத்த முதல்வர் என எண்ணி கெஜ்ரிவாலுக்கு வாக்களியுங்கள். கெஜ்ரிவாலை முதல்ராக ஆக்க விரும்புவர்கள் இங்கு குரல் கொடுங்கள்.' எனத் தெரிவித்தார்.

மனிஷ் சிசோடியாவின் இந்த பேச்சு பஞ்சாப் மற்றும் டில்லி அரசியல் வட்டாரத்தில் பெரும் பரபரப்பை ஏற்படுத்தி உள்ளது.

English summary:

Mohali: Punjab Assembly elections, Chief Minister of Delhi Chief Minister Arvind Kejriwal, Manish Sisodia, indirectly, said Deputy Chief Minister candidate would be discontinued. 

Read More