சகாரா விவகாரம்: ஆதாரமற்ற வழக்கில் பிரதமரை விசாரிக்க முடியாது; சுப்ரீம் கோர்ட் அதிரடி

புதுடில்லி: ‛சகாரா குழுமத்திடமிருந்து லஞ்சம் பெற்றதாக தொடரப்பட்டுள்ள வழக்கில் அதை நிரூபிக்க போதிய ஆதாரம் சமர்பிக்கப்படாததால் பிரதமர் மோடியிடம் விசாரணை நடத்த முடியாது' என சுப்ரீம் கோர்ட் தீர்ப்பு அளித்துள்ளது.

பிரதமர் மீது ராகுல் குற்றச்சாட்டு:

பிரதமர் நரேந்திர மோடி குஜராத் முதல்வராக இருந்த போது சகாரா, பிர்லா குழுமங் களிடமிரு ந்து லஞ்சம் பெற்றதாக காங்கிரஸ் கட்சியின் துணை தலைவர் ராகுல் கடும் குற்றம்சாட்டை முன்வைத்தார்.

இதுதொடர்பாக, கடந்த 2013, 14 ஆகிய ஆண்டுகளில் சகாரா குழுமத்தில் நடத்தப்பட்ட வருமான வரித் துறை சோதனையில் பறிமுதல் செய்யப்பட்ட ஆவணங்கள் என கூறி சில ஆவணங்களை அவர் கடந்த மாதம் வெளியிட்டார். அதில், பிரதமர் மோடி உள்ளிட்ட சில அரசியல்வாதிகளின் பெயர் இடம்பெற்றிருப்பதாக குற்றம்சாட்டிய ராகுல் ஊழல் குற்றச்சாட்டில் பிரதமர் மோடியை விசாரிக்க வேண்டும் என்றார்.

இதுதொடர்பான வழக்கு சுப்ரீம் கோர்ட்டில் இன்று விசாரணைக்கு வந்தது. குற்றம்சாட்டியோர் தரப்பில் ஆஜரான வழக்கறிஞர் பிரசாந்த் பூஷண் கோர்ட் மேற்பார்வையில் பிரதமர் உள்ளிட்டோரிடம் விசாரணை நடத்த கோரி அபிடவிட் தாக்கல் செய்தார்.

அரசு தரப்பில் ஆஜரான அட்டர்னி ஜெனரல் முகுல் ரோதேகி, வாதிட்டதாவது 'பிரதமர் மோடிக்கு எதிரான லஞ்ச குற்றசாட்டில் அதை நிரூபிக்க போதிய ஆதாரங்கள் சமர்பிக்கப்படவில்லை. இதுபோன்ற காகித ஆவணங்களை சட்டப்பூர்வ ஆதாரமாக ஏற்றால் நாட்டில் ஒருவரும் பாதுகாப்பாக இருக்க முடியாது' என்றார்.

இருதரப்பு வாதங்களுக்கு பிறகு சுப்ரீம் கோர்ட் அளித்த தீர்ப்பு:

போதிய ஆதாரமில்லை:

குஜராத் முதல்வராக இருந்த போது, நரேந்திர மோடி உள்ளிட்ட சில அரசியல்வாதிகள் சகாரா குழுமத்திடம் இருந்து லஞ்சம் பெற்றதாக குற்றம்சாட்டி தொடரப்பட்டுள்ள இந்த வழக்கில் அதை நிரூபிக்க போதிய ஆதாரங்கள் சமர்பிக்கப்படவில்லை. ஆதாரமற்ற இந்த வழக்கில் பிரதமர் மோடியை விசாரிக்க முடியாது.

விசாரிக்க முடியாது:

இந்த வழக்கில், போதிய ஆதாரமின்றி விசாரணைக்கு உத்தரவிட்டால், அது அரசியல் அமைப்பை நடைமுறைப்படுத்துபவர்களை இயங்கவிடாமல் முடக்குவது போல் ஆகி விடும். மேலும், அது ஜனநாயகத்திற்கும் பாதுகாப்பானது அல்ல.இவ்வாறு அந்த தீர்ப்பில் கூறப்பட்டுள்ளது.

முன்னதாக, கடந்த நவ.,14 ஆம் தேதி நடந்த விசாரணையின் போதும் ஆதாரமற்ற இந்த வழக்கில் விசாரணைக்கு உத்தரவிட முடியாது என சுப்ரீம் கோர்ட் தீர்ப்பு அளித்திருந்து குறிப்பிடத்தக்கது.

வெளிநாட்டில் புத்தாண்டு கொண்டாட்டத்தை முடித்துவிட்டு நாடு திரும்பியுள்ள ராகுலுக்கு சுப்ரீம் கோர்ட்டின் இந்த தீர்ப்பு அரசியலில் மீண்டும் ஒரு சறுக்கலை தந்துள்ளது.

English summary:

NEW DELHI: Sahara Group had received bribes from distribute pursued by the Prime Minister in case of sufficient evidence to prove it can conduct an investigation, "the Supreme Court has ruled

Read More

நீட் தேர்வை மத்திய அரசு கைவிட ஜி.கே வாசன் வலியுறுத்தல்

சென்னை  - நாடு முழுவதும் ஒரே மாதிரியான சமச்சீர் கல்விக்கொள்கை இல்லாததால் நீட் தேர்வு முறையை மத்திய பாஜக அரசு கைவிட வேண்டும் என்று தமாகா தலைவர் ஜி.கே.வாசன் கூறியுள்ளார்.  இது தொடர்பாக  அவர் வெளியிட்ட அறிக்கையில் கூறியிருப்பதாவது,  ''நாடு முழுவதும் அனைத்து மருத்துவப் படிப்புகளுக்கும் நுழைவுத் தேர்வு கட்டாயம் என இந்திய மருத்துவக் கவுன்சில் அறிவித்தது. எம்பிபிஎஸ், பிடிஎஸ் படிப்பில் சேர நீட் நுழைவுத் தேர்வு எழுத வேண்டும் என்ற இந்திய மருத்துவ கவுன்சிலின் உத்தரவுக்கு, உச்ச நீதிமன்றம் 2016 ல் அனுமதி அளித்தது. இந்த நீட் தேர்வு மூலம் மருத்துவத்தில் இளம் மற்றும் முதுகலை படிப்புகளுக்கான இட ஒதுக்கீட்டில் மாணவ, மாணவிகளுக்கான சேர்க்கையில் பாதிப்பு ஏற்படும்.

நாடு முழுவதும் படிக்கின்ற மாணவர்கள் சிபிஎஸ்இ, ஐசிஎஸ்இ, மாநில பாடத்திட்டம், மெட்ரிக் பாடத்திட்டம் போன்ற பல்வேறு பாடத்திட்டங்களில் பயில்கின்றனர். ஆனால் நீட் தேர்வில் சி.பி.எஸ்.இ, என்.சி.ஆர்.டி ஆகிய பாடத்திட்டத்தின் அடிப்படையில் மட்டுமே கேள்வித்தாள் தயாரிக்கப்பட்டிருக்கும். இதனால் பெருமளவு பாதிக்கப்படுவது சி.பி.எஸ்.இ, என்.சி.ஆர்.டி ஆகிய பாடத்திட்டத்தின் கீழ் படிக்காத மாணவ, மாணவிகள் தான். குறிப்பாக கிராமப்புற ஏழை, எளிய மாணவர்கள் மருத்துவப் படிப்பில் சேர முடியாத சூழல் ஏற்படும். இத்தேர்வு முறையினால் பல மருத்துவக் கல்லூரிகளில் மருத்துவப் படிப்புக்கான இடங்களில் முழுமையாக சேர்க்கை நடைபெறாமல் இருக்கின்ற சூழல் உருவாகும்.

மாநில உரிமைகளைப் பறிப்பதா ?:

நீட் தேர்வு முறைக்கு தமிழகம் உட்பட பல மாநிலங்களில் எதிர்ப்பு எழுந்தது. காரணம் மத்திய அரசு நீட் மருத்துவ நுழைவுத் தேர்வு தொடர்பாக மாநிலங்களின் கோரிக்கைகளை புறக்கணித்து மசோதாவை நிறைவேற்றியிருப்பது மாநில உரிமைகளைப் பறிப்பதோடு, அரசியல் சாசனத்திற்கும் எதிரானது. மருத்துவப் படிப்புக்கு நீட் நுழைவுத் தேர்வை எழுத வேண்டும் என்ற கட்டாயம் அமல்படுத்தப்படுகிறது. இந்த முடிவை மத்திய அரசு கைவிட வேண்டும். மேலும் +2 வரை படிக்கின்ற மாணவர்கள் தங்களின் கடின முயற்சியால் இறுதித் தேர்வு எழுதி பெறுகின்ற மதிப்பெண் அடிப்படையிலே மேற்படிப்பை மேற்கொள்வது வழக்கமான ஒன்று. எனவே +2 முடித்த பிறகு மருத்துவ படிப்புக்கு மீண்டும் ஒரு தேர்வு முறை என்பது ஏற்புடையதல்ல. நாடு முழுவதும் ஒரே மாதிரியான சமச்சீர் கல்விக்கொள்கை இல்லாததால் இந்த நீட் தேர்வு முறையை மத்திய பா.ஜ.க அரசு கைவிட வேண்டும். மேலும் தமிழக அரசு நீட் தேர்வு முறைக்கு எதிர்ப்பினை அழுத்தமாக மத்திய அரசுக்கு தெரிவித்து தமிழக மாணவர்களின் எதிர்கால நலன் காத்திட வேண்டும்'' என்று வாசன் கூறியுள்ளார்.

English summary:

Chennai - Need to choose the method of the same symmetry around the country lack education offer  dhamaka president GK Vasan said that the BJP government should drop.

Read More

10 நாடுகளின் மக்கள் தொகையை தாண்டியது டில்லி மக்கள் தொகை

புதுடில்லி: டில்லி நகரின் மக்கள் தொகை உலகில் உள்ள 10 நாடுகளின் மக்கள் தொகையை தாண்டி விட்டது என ஐக்கிய நாடுகள் சர்வே தெரிவித்துள்ளது.

இது குறித்து சர்வேயில் தெரிவித்திருப்பதாவது:

இந்தியாவின் தலைநகர் புதுடில்லியின் மக்கள் தொகை 2014-ம் ஆண்டு கணக்கெடுப்பின் படி 2.5 (25 மில்லியன்) கோடி ஆக இருந்தது. இது 2030-ம் ஆண்டில் 3.6 (36 மில்லியன்) கோடியை நெருங்கும் என தெரிவித்துள்ளது. மேலும் உலகில் உள்ள 10 நாடுகளின் மொத்த மக்கள் தொகையை காட்டிலும்புதுடில்லி மக்கள் தொகை கூடுதலாக இருக்கிறது எனவும் தெரிவித்துள்ளது.

உலகின் சில நாடுகளில் மக்கள் தொகை:

இதன்படி நியூசிலாந்தில் 4.471 மில்லியன், நார்வேயில் 5.084 மில்லியன், பின்லாந்தில் 5.4 மில்லியன், இஸ்ரேலில் 2013-ன் கணக்கெடுப்பின் படி 8.059 மில்லியன், சுவிட்சர்லாந்தில் 8.801 மில்லியன், சிங்கப்பூரில் 9.346 மில்லியன், ஜிம்பாப்வேயில் 14.15 மில்லியன், நெதர்லாந்தில் 2013-ன் கணக்கெடுப்பின் படி 16.8 மில்லியன், இலங்கையில் 2012-ன் கணக்கெடுப்பின் படி 20 மில்லியன், தைவான் நாட்டின் மக்கள் தொகை 23.37 மில்லியன் ஆகவும்,உள்ளது. இவ்வாறு தெரிவித்துள்ளது.

English summary:

NEW DELHI: Delhi is the city's population has surpassed the population of 10 countries in the world, according to the United Nations Survey. 

Read More

அ.தி.மு.க. பொதுச் செயலாளாருடன் ராம்கி -நிரோஷா சந்திப்பு

சென்னை  - அ.தி.மு.க. பொதுச் செயலாளராக சசிகலா பொறுப்பேற்றதை யொட்டி சென்னை போயஸ் தோட்ட இல்லத்தில், அரசியல் கட்சித் தலைவர்கள், பல்வேறு அமைப்புகளின் நிர்வாகிகள், திரையுலகினர் உள்ளிட்டோர் தொடர்ந்து சந்தித்து, வாழ்த்து தெரிவித்து வருகின்றனர்.

சசிகலாவை, சென்னை போயஸ்தோட்ட இல்லத்தில்  நேற்று, நடிகர் ராம்கி, அவரது மனைவியும், நடிகையுமான நிரோஷா ஆகியோர் நேரில் சந்தித்து வாழ்த்து தெரிவித்தனர்.

அதற்கு சசிகலா தனது நன்றியை தெரிவித்துக் கொண்டார். தமிழ்நாடு ஒருங்கிணைந்த பட்டதாரி ஆசிரியர் கழகத்தின் நிறுவனத் தலைவர்  ந. தாமரைக்கண்ணன், மாநிலத் தலைவர் கா. அருண்குமார், மாநில ஒருங்கிணைப்பாளர் வை. பிரபாகரன் உள்ளிட்ட நிர்வாகிகள், சசிகலாவை  நேற்று நேரில் சந்தித்து வாழ்த்து தெரிவித்தனர். அவர்கள் அனைவருக்கும் சசிகலா தனது நன்றியைத் தெரிவித்துக் கொண்டார்.

English summary:

Chennai - Digg Poes Garden residence in Chennai Shashikala general secretary in charge of political leaders, executives of various organizations, including film personalities met regularly, are of congratulations.

Read More

‛தலாக்' சான்றிதழ் வழங்க தடை

சென்னை: தமிழகத்தில் உள்ள இஸ்லாமிய காஜிக்கள் தலாக் சான்றிதழ் வழங்க சென்னை உயர்நீதிமன்றம் இடைக்கால தடை விதித்துள்ளது.அ.தி.மு.க.,வை சேர்ந்த முன்னாள் எம்.எல்.ஏ., பதர் சயீது சென்னை உயர்நீதிமன்றத்தில் தாக்கல் செய்த மனுவில், முஸ்லிம் ஆண்கள், தங்கள் மனைவிகளை மூன்று முறை, ‛தலாக்' கூறி, விவகாரத்து செய்யும் நடைமுறையை தடுத்து நிறுத்த வேண்டும் என கோரி இருந்தார்.

இந்த மனு இன்று, தலைமை நீதிபதி எஸ்.கே.கவுல் தலைமையிலான அமர்வு முன் விசாரணைக்கு வந்தது. வழக்கை விசாரித்த நீதிபதிகள், தமிழகம் முழுவதும் உள்ள ஹாஜிக்கள் பிப்., 21 வரை, தலாக் சான்றிதழ் வழங்க தடை விதித்தனர். மேலும், இந்த சான்றிதழ் சட்ட அந்தஸ்து இல்லாதது என்ற சுற்றறிக்கையை அனுப்ப உயர்நீதிமன்ற பதிவாளருக்கு உத்தரவிட்டனர்.

இந்த வழக்கு விசாரணை பிப்.,21ம் தேதிக்கு ஒத்தி வைக்கப்பட்டது.

English Summary:

Chennai: The Madras High Court in the state to offer Islamic food interim banning divorce certificate. Digg, belonging to former MLA, filed a petition in the Madras High Court Saeed Badr, the Muslim men, three times their wives, divorce, saying the affair was demanding to stop the procedure.

Read More

தினம் ஒரு திருக்குறள் : வான்சிறப்பு : குறள் 17

குறள் பால்: அறத்துப்பால். குறள் இயல்: பாயிரவியல். அதிகாரம்: வான்சிறப்பு.

நெடுங்கடலும் தன்நீர்மை குன்றும் தடிந்தெழிலி
தான்நல்கா தாகி விடின்.

கலைஞர் மு.கருணாநிதி உரை:

ஆவியான கடல்நீர் மேகமாகி அந்தக் கடலில் மழையாகப் பெய்தால்தான் கடல்கூட வற்றாமல் இருக்கும். மனித சமுதாயத்திலிருந்து புகழுடன் உயர்ந்தவர்களும் அந்தச் சமுதாயத்திற்கே பயன்பட்டால்தான் அந்தச் சமுதாயம் வாழும்.

மு.வரதராசனார் உரை:

மேகம் கடலிலிருந்து நீரைக் கொண்டு அதனிடத்திலேயே பெய்யாமல் விடுமானால், பெரிய கடலும் தன் வளம் குன்றிப் போகும்.

சாலமன் பாப்பையா உரை:

பெய்யும் இயல்பிலிருந்து மாறி மேகம் பெய்யாது போனால், நீண்ட கடல் கூட வற்றிப் போகும்.

பரிமேலழகர் உரை:

நெடுங்கடலும் தன் நீர்மை குன்றும் - அளவில்லாத கடலும் தன் இயல்பு குறையும்; எழிலி தான் தடிந்து நல்காது ஆகி விடின் - மேகம் தான் அதனைக் குறைத்து அதன்கண் பெய்யாது விடுமாயின். (உம்மை சிறப்பு உம்மை. தன் இயல்பு குறைதலாவது நீர் வாழ் உயிர்கள் பிறவாமையும், மணி முதலாயின படாமையும் ஆம். ஈண்டுக் குறைத்தல் என்றது முகத்தலை. அது "கடல்குறை படுத்தநீர் கல் குறைபட வெறிந்து"(பரி.பா.20) என்பதனாலும் அறிக. மழைக்கு முதலாய கடற்கும் மழை வேண்டும் என்பதாம். இவை ஏழு பாட்டானும் உலகம் நடத்தற்கு ஏதுவாதல் கூறப்பட்டது.

மணக்குடவர் உரை:

நிலமேயன்றி நெடியகடலும் தனது தன்மை குறையும், மின்னி மழையானது பெய்யாவிடின். தடிந்தென்பதற்கு, கூறுபடுத்து என்று பொருளுரைப்பாரு முளர். இது நீருள் வாழ்வனவும் படுவனவுங் கெடுமென்றது. இவை நான்கினானும் பொருட்கேடு கூறினார், பொருள்கெட இன்பங்கெடு மென்பதனால் இன்பக்கேடு கூறிற்றிலர்.

திருக்குறளார் வீ. முனிசாமி உரை:

மேகம் கடல் நீரைக் குறைத்து மீண்டும் அக்கடலில் மழைபெய்யாவிட்டால் பெரிய கடலும் தன்னுடைய தன்மையில் குறைந்து விடும்.

Translation:

If clouds restrain their gifts and grant no rain, The treasures fail in ocean's wide domain.

Explanation:

Even the wealth of the wide sea will be diminished if the cloud that has drawn (its waters) up gives them not back again (in rain).

Read More

இதுவரை கணக்கில் காட்டப்படாத ரூ.4 லட்சம் கோடி வங்கி கணக்குகளில் டெபாசிட் : ஆய்வில் தகவல்

புதுடெல்லி  - உயர் மதிப்புடைய ரூபாய் நோட்டுகள் வாபஸ் பெறப்பட்டதை தொடர்ந்து வரி ஏய்ப்பு செய்யப்பட்ட ரூ. 4 லட்சம் கோடி பணம் வங்கிகளில் டெபாசிட் செய்யப்பட்டு உள்ளது என்று ஆய்வில் தெரியவந்து உள்ளது.

வங்கிகளில் டெபாசிட்:

இது தொடர்பாக ஆவணங்களை ஆய்வுசெய்யவும், ரூ. 3-4 லட்சம் கோடி டெபாசிட் செய்தவர்களுக்கு நோட்டீஸ் அனுப்பவும் வருமான வரித்துறையிடம் கேட்டுக் கொள்ளப்பட்டு உள்ளது மூத்த மத்திய அரசு அதிகாரி கூறிஉள்ளார். நவம்பர் மாதம் 8-ம் தேதி மத்திய அரசு நாட்டில் புழகத்தில் இருந்த  உயர் மதிப்புடைய 500, 1000 ரூபாய் நோட்டுகளை வாபஸ் பெறுவதாக அறிவித்தது. இதனையடுத்து பொதுமக்கள் தங்களிடம் இருந்த ரூபாய் நோட்டுகளை டெபாசிட் செய்தனர். இப்போது மத்திய அரசு இது தொடர்பான தகவல்களை பெற்று உள்ளது.

ஆய்வில் தகவல்:

தகவல்களை கொண்டு ஆய்வு செய்கையில் 60 லட்சத்திற்கும் மேலான வங்கி கணக்குகளில் ரூ. 2 லட்சத்திற்கு மேலாக டெபாசிட் செய்யப்பட்டு உள்ளது என்பது கண்டுபிடிக்கப்பட்டு உள்ளது. இதுபோன்ற வங்கி கணக்குகளில் மட்டுமே ரூ. 7.34 லட்சம் கோடிக்கு மேல் பணம் டெபாசிட் செய்யப்பட்டு உள்ளது என்று மத்திய அரசு அதிகாரி கூறிஉள்ளார்.

வடகிழக்கு மாநிலங்களில் ...:

நவம்பர் 9-ம் தேதியில் இருந்து வடகிழக்கு மாநிலங்களில் பல்வேறு வங்கி கணக்குகளில் ரூ. 10,700 கோடி டெபாசிட் செய்யப்பட்டு உள்ளது.  பல்வேறு கூட்டுறவு வங்கிகளில் ரூ. 16,000 கோடி டெபாசிட் செய்யப்பட்டு உள்ளது. இது தொடர்பாக வருமான வரித்துறை மற்றும் அமலாக்கப்பிரிவு அதிகாரிகள் விசாரணை நடத்தி வருகிறார்கள். நீண்ட நாட்களாக செயல்படாத வங்கி கணக்குகளில் ரூ. 25 ஆயிரம் கோடி டெபாசிட் செய்யப்பட்டு உள்ளது. நவம்பர் 8-ம் தேதி அறிவிப்புக்கு பின்னர் ரூ. 80 ஆயிரம் கோடி கடன் திரும்ப செலுத்தப்பட்டு உள்ளது என்று அதிகாரி கூறிஉள்ளார்.

ஆய்வு அறிக்கைகள்:

நவம்பர் 8-ம் தேதி அறிவிப்புக்கு பின்னர் பொதுமக்கள் தங்களிடம் இருந்த 500, 1000 ரூபாய் நோட்டுகளை வங்கிகளில் டெபாசிட் செய்ய டிசம்பர் 30-ம் தேதி வரையில் கால அவகாசம் வழங்கப்பட்டது. இதனையடுத்து வங்கிகளிடம் இருந்து பெறப்பட்ட அறிக்கைகள் மற்றும் ஏற்கனவே மத்திய அரசிற்கு கிடைத்த புலனாய்வு தகவல் தரவுகளை கொண்டு ஆய்வு மேற்கொள்ளப்பட்டு உள்ளது. பணம் டெபாசிட் செய்யப்பட்டது தொடர்பாக முழுமையான ஆய்வு அறிக்கைகள் கிடைத்த பின்னர் அறிக்கையானது வருமான வரித்துறை, அமலாக்கப்பிரிவு மற்றும் பிற மத்திய விசாரணை முகமைகளுக்கு தெரிவிக்கப்பட்டு உள்ளது.

விரைவில் நடவடிக்கை:

பயங்கரவாத்தினால் பாதிக்கப்பட்ட மாநிலங்களில் பணம் டெபாசிட் செய்யப்பட்டது தொடர்பான தகவல்கள் சம்பந்தப்பட்ட விசாரணை முகமைகளுக்கு அனுப்பட்டு உள்ளது. இவ்விவகாரம் தொடர்பாக சரியான நடவடிக்கை எடுக்கப்படும் என்று மத்திய அரசு அதிகாரி கூறிஉள்ளார்.

English Summary:

New Delhi - made of high-value banknotes were withdrawn following the tax evasion of Rs. 4 lakh crore has been deposited in banks that have come to study.

Read More