2017 ல் உலக பொருளாதார வளர்ச்சி 2.7 சதவீதமாக இருக்கும்

வாஷிங்டன் : 2017-ம் ஆண்டில் உலக அளவில் பொருளாதார வளர்ச்சி 2.7 சதவீதமாக இருக்கும் என உலக வங்கி தெரிவித்துள்ளது.

உலக பொருளாதார வளர்ச்சி :

2017-ம் ஆண்டில் உலக அளவில் பொருளாதார வளர்ச்சி எவ்வாறு இருக்கும்? என்பதை கணித்துள்ள உலக வங்கி, அது தொடர்பாக அறிக்கை ஒன்றை வெளியிட்டுள்ளது. வர்த்தக தேக்கம், அடக்கமான முதலீடுகள் மற்றும் உச்சபட்ச கொள்கை நிச்சயமற்ற தன்மை போன்ற காரணங்களால் உலக பொருளாதாரத்துக்கு கடினமான ஒரு ஆண்டாகவே இருக்கும் என அதில் கூறப்பட்டு உள்ளது.

எனினும் பல ஆண்டு ஏமாற்றத்துக்குப்பின் இந்த ஆண்டு உறுதியான பொருளாதார வாய்ப்புகள் தென்படுவதாக அந்த அறிக்கையில் உலக வங்கி தலைவர் ஜிங் யாங் கிம் கூறியுள்ளார். இதன்மூலம் உலக பொருளாதாரம் 2.3 சதவீதத்தில் இருந்து 2.7 சதவீதமாக உயரும் எனவும் அவர் தெரிவித்துள்ளார். எனவே உள்கட்டமைப்புகளில் முதலீடுகளை அதிகரிக்க வேண்டிய நேரமிது என்றும் அவர் தெரிவித்துள்ளார்.

இந்தியாவின் நிலை :

இதற்கிடையே உயர்மதிப்பு கொண்ட ரூபாய் நோட்டு வாபஸ் திட்டத்தை செயல்படுத்தியதால் 2016-ம் ஆண்டில் இந்திய பொருளாதார வளர்ச்சி வேகம் குறைந்துள்ளதாக உலக வங்கி கணித்துள்ளது. இதனால் 2016-17-ம் நிதியாண்டில் இந்திய பொருளாதார வளர்ச்சி 7.6 சதவீதத்தில் இருந்து 7 சதவீதமாக குறையும் எனவும், எனினும் இது வருகிற ஆண்டுகளில் 7.8 சதவீதம் வரை உயரக்கூடும் எனவும் தெரிவித்து உள்ளது.

English Summary:

Washington: In the year 2017, global economic growth will be 2.7 percent, according to the World Bank.

Read More

கிருஷ்ணா நதிநீர் பங்கீடு : தமிழக முதல்வர் இன்று ஆந்திரா பயண

சென்னை : தெலுங்கு கங்கை திட்டத்தின்படி சென்னைக்கு கிருஷ்ணா நீர் திறப்பு தொடர்பாக ஆந்திர முதல்வர் சந்திரபாபு நாயுடுவை இன்று தமிழக முதல்வர் ஓ.பன்னீர்செல்வம் சந்தித்து பேச்சுவார்த்தை நடத்துகிறார்.

குடிநீர் தேவை பற்றி விவாதிப்பதற்காகவும், தெலுங்கு கங்கை திட்டம் தொடர்பாக பேச்சுவார்த்தை நடத்துவதற்காகவும் ஆந்திர தலைநகர் அமராவதிக்கு முதல்வர் ஓ.பன்னீர்செல்வம் இன்று (ஜனவரி 12) செல்கிறார். அங்கு ஆந்திர முதல்வர் சந்திரபாபு நாயுடுவை அவர் சந்தித்துப் பேசுகிறார். இந்த சந்திப்பு வேலகபுடியில் உள்ள இடைக் கால அரசு வளாகத்தில் பிற்பகல் 1 மணிக்கு நடைபெறுவதாக கூறப்படுகிறது. சந்திரபாபு நாயுடுவின் ஆலோசனையை ஏற்று இந்த பேச்சுவார்த்தைக்கு ஓ.பன்னீர்செல்வம் செல்வதாக கூறப்படுகிறது.

தெலுங்கு கங்கை நீர் பங்கீடு தொடர்பாக ஆந்திரா சென்று, அம்மாநில முதல்வருடன் தமிழக முதல்வர் பேச்சுவார்த்தை நடத்துவது இதுவே முதல்முறையாகும். இதற்கு முன்பு இரண்டு மாநிலங்களுக்கும் இடையே கடிதப் போக்குவரத்து மட்டுமே இருந்து வந்தது. தெலுங்கு கங்கை திட்ட ஒப்பந்தத்தின்படி ஆந்திர விவசாயிகளின் பங்களிப்பாக ரூ.400 கோடி தமிழகம் கொடுக்க வேண்டும். இந்த ஒப்பந்தம் எம்.ஜி.ஆர்., - என்.டி.ராமராவ் ஆகியோரின் ஆட்சிக் காலத்தில் போடப்பட்டது.

English summary:

Chennai: Telugu Ganga project in relation to the opening of Krishna water to Madras, Andhra Pradesh Chief Minister Chandrababu Naidu today met Tamil Nadu Chief opannircelvam there. 

Read More

2016 - 'கேட்' பொது நுழைவுத் தேர்வில் குர்கானை சேர்ந்த மாற்றுத்திறனாளி மாணவர் முதலிடம்

புதுடெல்லி - இந்திய மேலாண்மை கல்வி நிறுவனங்களில் (ஐ.ஐ.எம்) மேலாண்மை படிப்புக்கான 2016 'கேட்' பொது நுழைவுத் தேர்வில் மாற்றுத்திறனாளி மாணவர் சிமர்ப்ரீத் சிங் 99.97 சதவிதம் மதிப்பெண்கள் பெற்று முதலிடம் பிடித்து சாதனை படைத்துள்ளார். மேலும், இவர் உடல் பாதிப்பு சாதனைக்கு தடை இல்லை என்பதை நிரூபித்துள்ளார்.

2016 - கேட் தேர்வு:

இந்திய மேலாண்மை கல்வி நிறுவனங்களில் (ஐ.ஐ.எம்) மேலாண்மை படிப்பதற்காக கேட் பொது நுழைவுத் தேர்வில் முதலிடம் பிடித்து காட்டிஉள்ளார் சிமர்ப்ரீத் சிங். 99.97 சதவிதம் மதிப்பெண்கள் பெற்று முதலிடம் பிடித்து உள்ளார். 22 வயதாகும் சிமர்ப்ரீத் சிங் கடந்த 2015-ம் ஆண்டு விபத்தில் சிக்கி மாற்று திறனாளியானார். சிமர்ப்ரீத் இப்போது குர்கானில் உள்ள ஒரு தனியார் நிறுவனத்தில் பணியாற்றி வருகிறார். பள்ளி படிப்பை சண்டிகாரில் உள்ள செயின்ட் ஜான்ஸ் உயர் நிலைப் பள்ளியில் முடித்தார்.

முதலிடம்:

பின்னர் தன்னுடைய என்ஜினியரிங் படிப்பை பிலானியில் உள்ள பிஐடிஎஸ்-சில் முடித்தார். 1.8 லட்சம் மாணவர்கள் எதிர்க்கொண்ட தேர்வில் முதலிடம் பிடித்து உள்ளார்.  சிமர்ப்ரீத் சிங்கின் தந்தை புஷ்பிந்தர் சிங் பேசுகையில், “என்னுடைய மகன் 2015-ம் ஆண்டு ஆகஸ்ட் மாதம் சண்டிகாரில் இருந்து திரும்பிய போது விபத்தில் சிக்கினார். அப்போது அவருடைய தண்டுவடம் பாதிக்கப்பட்டது. இடுப்பிற்கு கீழ் உள்ள பகுதி செயல் இழந்தது. பின்னர் என்னுடைய மகன் சக்கர நாற்காலியின் உதவியுடன் தான் நகர்ந்து வருகிறார்.

சிறப்பு வகுப்புக்கு செல்லவில்லை:

இதுதவிர, எந்தஒரு சிறப்பு வகுப்பிற்கும் செல்லாமல் என்னுடைய மகன் முதலிடம் பிடித்து உள்ளார்,” என்று கூறிஉள்ளார். சிமர்ப்ரீத் சிங் பேசுகையில், “பெங்களூரு மற்றும் ஆமதாபாத்தில் இருந்து எனக்கு அழைப்பு கிடைத்து உள்ளது, நான் ஆமதாபாத்தில் உள்ள ஐஐஎம்-மிற்கு செல்ல உள்ளேன். என்னுடைய துறையில் நான் முதன்மையாக இருக்க விரும்புகின்றேன்,” என்று கூறிஉள்ளார்.  குர்கானில் பணிபுரியும் மற்றொரு என்ஜினியர் பியூஸ் மிட்டால் 99.96 சதவிதம் பெற்று உள்ளார்.

English Summary:

New Delhi - Indian management institutes (IIMs) management study 2016 'Gate' Common Entrance exam tribute Singh Handicapped Students with a score of 99.97 per cent holding to the first record. Furthermore, he has proved that there is no obstacle for the achievement of physical damage.

Read More

நாடு முழுவதும் குடியரசு தினத்தையொட்டி விமான நிலையங்களில் பாதுகாப்பு அதிகரிப்பு

புதுடெல்லி  - குடியரசு தினத்தை யொட்டி உள்நாட்டில் அனைத்து விமான நிலையங்களிலும் சோதனையும், பாதுகாப்பும் அதிகரிக்கப்பட்டு உள்ளது.

குடியரசு தினம்:

வருகிற 26-ம் தேதி குடியரசு தினம் கொண்டாடப்படுகிறது. அன்றைய தினம் டெல்லியில் நடைபெறும் நிகழ்ச்சியில் ஜனாதிபதி பிரணாப் முகர்ஜி தேசிய கொடியேற்றி உரையாற்றுகிறார். நாடு முழுவதும் குடியரசு தின கொண்டாட்டங்களுக்கு ஏற்பாடு செய்யப்பட்டு வருகிறது.

தீவிர கண்காணிப்பு:

குடியரசு தினத்தை யொட்டி டெல்லி மற்றும் மாநில தலைநகரங்களில் பாதுகாப்பை பலப்படுத்த உள்துறை அமைச்சகம் உத்தரவிட்டு உள்ளது. தீவிரவாதிகள் மாவோயிஸ்டுகள், நக்சலைட்டுகள் அச்சுறுத்தல் காரணமாக விமான நிலையங்களிலும், முக்கிய இடங்களிலும், மக்கள் கூடும் இடங்களிலும் போலீசார் உஷார் நிலையில் இருந்து கண்காணிக்க உத்தரவிடப்பட்டுள்ளது.

விமான நிலையங்களில்:

இதையடுத்து நாடு முழுவதும் விமான நிலையங்களில் பாதுகாப்பு அதிகரிக்கப்பட்டு உள்ளது. விமான நிலையங்களில் பல அடுக்கு பாதுகாப்பு போடப்பட்டு விமான பயணிகளும், அவர்களது உடமைகளும் கடுமையாக சோதிக்கப்பட்ட பிறகே அனுமதிக்கப்படுகின்றனர். விமான நிலையங்களில் வாகனம் நிறுத்தும் இடங்களிலும் பாதுகாப்பு போடப்பட்டு உள்ளது.

சென்னையிலும்...:

விமான நிலையத்தைச் சுற்றிலும் பாதுகாப்பு படையினர் கண்காணிப்பு பணியில் ஈடுபட்டுள்ளனர். சென்னையில் உள்நாட்டு விமான நிலையத்திலும், வெளிநாட்டு விமான நிலையத்திலும் நேற்று முதல் பாதுகாப்பு அதிகரிக்கப்படுகிறது. தீவிர சோதனைக்கு பிறகே பயணிகள் அனுமதிக்கப்படுகிறார்கள்.

English Summary:

New Delhi - Republic Day  locally test all airports, security has been increased.

Read More

கென்யாவின் விவசாயத் துறை வளர்ச்சிக்கு இந்தியா ரூ.683 கோடி கடனுதவி

புதுடில்லி : கென்யாவின் விவசாயதுறை வளர்ச்சிக்காக சுமார் ரூ.683 கோடியை(100 மில்லியன் டாலர்) இந்தியா கடனுதவியாக அளிக்க உள்ளது. இதற்கான ஒப்பந்தம் நேற்று கையெழுத்தானது.

இந்தியா வந்துள்ள கென்ய அதிபர் உஹுரு கென்யாட்டா, பிரதமர் நரேந்திர மோடியை டில்லியில் நேற்று(ஜன.,11) சந்தித்துப் பேசினார். பேச்சுவார்த்தைக்குப் பின், இருவரும் கூட்டாக செய்தியாளர்களை சந்தித்தனர்.

அப்போது மோடி பேசியதாவது: இந்தியா - கென்யா இடையே, இரு தரப்பு பொருளாதார ஒத்துழைப்பை வலுப்படுத்துவது குறித்து விவாதிக்கப்பட்டது. குறிப்பாக ராணுவ ஒத்துழைப்பை மேம்படுத்துவது குறித்து விவாதம் நடந்தது., இரு நாடுகளிலும் தொழில் - வர்த்தக வாய்ப்புகளை உருவாக்குவது குறித்து விவாதிக்கப்பட்டது. எந்தெந்த திட்டங்களில் வர்த்தக தொடர்பை ஏற்படுத்துவது என்பது குறித்து இரு நாடுகளின் கூட்டு வர்த்தகக் கவுன்சில் குழு இன்று சந்தித்து விவாதிக்கும்.

ரூ.683 கோடி கடன்:

கென்யாவின் விவசாயத் துறை வளர்ச்சிக்காக, 100 மில்லியன் டாலர்(சுமார் ரூ.683 கோடி) கடனுதவியை இந்தியா வழங்கவுள்ளது. இதற்கான ஒப்பந்தம் தற்போது கையெழுத்தானது. கென்யாவின் விவசாயத் துறையில் உற்பத்தியை அதிகரிக்கச் செய்யும் நோக்கில் எடுக்கப்பட்ட இந்நடவடிக்கை, இரு நாடுகளுக்கிடையேயான தொடர்பில் புதிய வடிவத்தைக் கொடுக்கும். கென்யாவில் உற்பத்தியாகும் பருப்பு வகைகளை இந்தியாவுக்கு இறக்குமதி செய்வது குறித்து விவாதிக்கப்பட்டது.

நன்றி:

மேலும் இருதரப்பிலும் சுகாதாரத்துறை, எரிசக்தி துறை மற்றும் கல்வி துறையை மேம்படுத்துவது குறித்து விவாதிக்கப்பட்டது. இவ்வாறு அவர் தெரிவித்தார். இந்தியாவின் உதவிக்கு கென்ய அதிபர் உஹுரு கென்யாட்டா நன்றி தெரிவித்தார்.

English summary:

NEW DELHI: Around Rs .683 crore for the development of Agriculture in Kenya (100 million dollars) in loans to India is. The agreement was signed yesterday.

Read More

மத்திய அரசின் ஆலோசனைப்படியே பண மதிப்பு நீக்கத்திற்கு பரிந்துரை : ரிசர்வ் வங்கி அறிக்கையில் தகவல்

மும்பை  - மத்திய அரசின் ஆலோசனைப் படியே பண மதிப்பு நீக்கத்திற்கு பரிந்துரைத்ததாக ரிசர்வ் வங்கி தெரிவித்துள்ளது. கடந்த நவம்பர் மாதம் 500 மற்றும் ஆயிரம் நோட்டுகள் செல்லாது என மத்திய அரசு திடீரென அறிவித்தது. நாடுமுழுவதும் அதிகரித்து வரும் கருப்புப் பண புழகத்திற்கு எதிராக இந்த நடவடிக்கை மேற்கொள்ளப்பட்டதாக இதற்கு விளக்கம் அளிக்கப்பட்டது. இதற்கு எதிர்க்கட்சிகள் எதிர்ப்பு தெரிவித்ததால், ரிசர்வ் வங்கி தெரிவித்த கருத்தின் அடிப்படையிலேயே இந்த நடவடிக்கை மேற்கொள்ளப்பட்டதாக மத்திய அரசு கூறியது.

இந்த பண மதிப்பு நீக்க நடவடிக்கையால், நாடுமுழுவதும் பணப் பரிவர்த்தனை மிகக் கடுமையாக பாதிக்கப்பட்டிருப்பதால், பொதுமக்கள் மத்தியில் கடும் அதிருப்தி நிலவுகிறது. மேலும் இதுகுறித்து விளக்கம் அளிக்க வேண்டும் என நிதி தொடர்பான நாடாளுமன்றக் குழு மத்திய அரசை கேட்டுக் கொண்டது.

மத்திய அரசே காரணம் :

இந்த நிலையில், 7 பக்க அறிக்கையை வெளியிட்டுள்ள ரிசர்வ் வங்கி, கடந்த நவம்பர் மாதம் 7-ம் தேதி, கருப்புப் பண புழக்கம், கள்ள நோட்டு, தீவிரவாதிகள் விவகாரம் ஆகியவற்றை கருத்தில் கொண்டு, 500 மற்றும் 1000 ரூபாய் நோட்டுகளை மதிப்பிழக்கச் செய்யுமாறு, மத்திய அரசு தங்களுக்கு அறிவுரை வழங்கியதாக தெரிவித்துள்ளது. இதற்கு அடுத்த நாளே ரிசர்வ் வங்கியின் மத்திய குழு கூடி, இதுகுறித்து விவாதித்ததன் அடிப்படையில், 500 மற்றும் ஆயிரம் ரூபாய் நோட்டுகளை செல்லாது என அறிவிக்கலாம் என்று மத்திய அரசுக்கு பரிந்துரைக்க முடிவெடுத்ததாகவும் அறிக்கையில் குறிப்பிடப்பட்டுள்ளது. அடுத்த சில மணி நேரங்களில் பிரதமர் நரேந்திர மோடி தலைமையிலான மத்திய அமைச்சரவை 500 மற்றும் ஆயிரம் ரூபாய் நோட்டுகள் செல்லாது என்ற உத்தரவை பிறப்பித்ததாகவும் ரிசர்வ் வங்கியின் அறிக்கையில் குறிப்பிடப்பட்டுள்ளது.

ரிசர்வ் வங்கி பரிந்துரைத்ததன் அடிப்படையிலேயே பண மதிப்பு நீக்க நடவடிக்கை மேற்கொள்ளப்பட்டதாக மத்திய அமைச்சர்கள் தொடர்ந்து பேசிவந்த நிலையில், ரிசர்வ் வங்கி இவ்வாறு தெரிவித்திருப்பது குறிப்பிடத்தக்கது.

English summary:

Mumbai - the cash value of the decoding according to the advice of the federal government, as suggested by the Reserve Bank said. Last November, the government suddenly announced that 500 thousand banknotes invalid. Nationwide, the operation was carried out against the growing black money was given no explanation. The opposition parties, the operation was carried out based on the idea that the Reserve Bank said the central government.

Read More

பஞ்சாப் முதல்வர் மீது ‛ஷூ' வீச்சு; தோல்வி பயம் காரணமா?

முக்த்சர் : எதிரணியினரின் தோல்வி பயம் காரணமாகவே தன் மீது ‛ஷூ' வீசப்பட்டதாக பஞ்சாப் முதல்வர் பிரகாஷ் சிங் குற்றம் சாட்டினார்.

‛ஷூ' வீச்சு:

பஞ்சாபில், முதல்வர் பிரகாஷ் சிங் பாதல் தலைமையிலான, சிரோன்மணி அகாலி தளம் ஆட்சி நடைபெற்று வருகிறது. பஞ்சாப் மாநிலம் முக்த்சர் மாவட்டம், லாம்பியில் நடைபெற்ற தேர்தல் பிரசார கூட்டத்தின் போது, பஞ்சாப் முதல்வர் பாதல் மீது நேற்று ‛ஷூ' வீச்சு சம்பவம் நடைபெற்றது. இதில் அவரது மூக்குக் கண்ணாடி உடைந்தது. இதனால் அதிர்ச்சியடைந்த முதல்வர் பாதல், அங்கிருந்து வெளியேறினார். போலீசார் அந்த இளைஞரை கைது செய்தனர்.

தோல்வி பயம்:

பின்னர் ‛ஷூ' வீச்சு சம்பவம் குறித்து கருத்து தெரிவித்த பாதல் கூறியதாவது: என் மீது, 'ஷூ' எறியப்பட்ட சம்பவம், எதிரணியினர், தோல்வியை ஒப்புக் கொண்டதற்கு ஆதாரம். தோல்வி பயத்தால், இத்தகைய மோசமான செயல்பாடுகளில் அவர்கள் ஈடுபடுகின்றனர்; இருப்பினும், அமைதி, பொறுமை, மத நல்லிணக்கத்தோடு, பஞ்சாப் மாநில வளர்ச்சிக்காக பாடுபடுவேன். இவ்வாறு அவர் தெரிவித்தார்.

English summary:

Muktcar : the fear of failure because of the opposition against him, 'shoes' as the Punjab Chief Minister Parkash Singh blamed the assault.

Read More