ரோபோக்களிடமிருந்து மனிதர்களுக்கு பாதுகாப்பு - ஐரோப்பிய நாடாளுமன்றத்தில் வாக்கெடுப்பு

செயற்கை அறிவு தொடர்பாக ஐரோப்பிய ஒன்றிய சட்டத்திற்கான அடிப்படைகளை உருவாக்குவதற்கான வாக்கெடுப்பில் ஐரோப்பிய நாடாளுமன்றத்தின் உறுப்பினர்கள் இன்று வாக்களிக்கவுள்ளனர்.

ரோபோக்களுக்கு மின்னணு நபர்கள் என்ற சட்ட ரீதியான தகுதியை அளிப்பது மற்றும் ரோபோக்களிடம் இருந்து மனிதர்களைப் பாதுகாப்பது தொடர்பான நடவடிக்கைகளை மேற்கொள்வது போன்றவை இந்தச் சட்டத்தின் கீழ் கணக்கில் எடுத்துக் கொள்ளப்படும்.

ரோபோக்களை தயாரிப்பவர்கள், 'கில் -சுவிட்ச்' என்று சொல்லப்படும் ரோபோவை அழிக்கும் அம்சத்தைச் சேர்த்து தான் வடிவமைக்க வேண்டும் என்பதும் ஒரு திட்டத்தின் கீழ் தேவைப்படுகிறது.

இது போன்ற பல்வேறு பரிந்துரைகள் அடங்கிய ஒரு அறிக்கை ஐரோப்பிய நாடாளுமன்ற சட்ட கமிட்டியின் முன் சமர்ப்பிக்கப்பட்டுள்ளது.

நாகரீக வளர்ச்சியின் கடைசி நிகழ்வுதான் செயற்கை அறிவு வளர்ச்சி:

ஸ்டீஃபன் ஹாகிங்
கிளிக் - தொழில் நுட்ப காணொளி

English summary:

EU law on the basics of artificial intelligence to create a vote of the members of the European Parliament is set to vote today.

Read More

தீவிர மன அழுத்தம் ஏன் இருதய நோய்க்கு வழிவகுக்கிறது : மருத்துவர்கள் கண்டுபிடிப்பு

தீவிர மன அழுத்தம் ஏன் இருதய நோய் மற்றும் ஸ்ட்ரோக் ஏற்படுவதற்கான அபாயத்தை அதிகரிக்கிறது என்பதைப் புரிந்துகொள்ளும் நிலைக்கு மிகவும் நெருங்கிவிட்டதாக மருத்துவர்கள் நம்புகின்றனர்.

மூளையில் பயம், கோபம் போன்ற உணர்ச்சிகளுக்கு எதிர்வினையாற்றும் பகுதியில் அதிக செயல்பாடு இருக்கும் பட்சத்தில் அது எலும்பு மஜ்ஜை பகுதியில் கூடுதலான வெள்ளை ரத்த அணுக்கள் உற்பத்தி செய்வதை மருத்துவர்கள் கண்டறிந்துள்ளனர்.

இதன் காரணமாக இருதயத்திற்கு செல்லும் ரத்தக்குழாயில் அடைப்புகள் உருவாவதற்கான சாத்தியக்கூறு அதிகமாகிறது.

அமெரிக்காவில் உள்ள ஆராய்ச்சியாள்ரகள், சுமார் நான்கு ஆண்டுகளாக 300 பேரின் மூளைகளை ஸ்கேன் மூலம் நுட்பமாக கண்காணித்துள்ளனர்.

மருத்துவர்களின் இந்த கண்டுபிடிப்பானது தி லேன்சட் என்ற மருத்துவ சஞ்சிகையில் வெளியிடப்பட்டுள்ளது.

English summary:

Why extreme stress increases the risk of heart disease and stroke is very near to the realization that the doctors believe.

Read More

கடத்தப்பட்ட இரு வெளிநாட்டு பிரஜைகள் குறித்த காணொளியை வெளியிட்டது தாலிபான்

ஆஃப்கானிஸ்தானில் கடந்த ஆண்டு கடத்தப்பட்ட ஆஸ்திரேலிய நாட்டுப் பிரஜை மற்றும் அமெரிக்கா நாட்டுப் பிரஜை குறித்த காணொளி ஒன்றை தாலிபான் அமைப்பினர் வெளியிட்டுள்ளனர்.

அமெரிக்காவை சேர்ந்த கெவின் கிங் மற்றும் ஆஸ்திரேலியா நாட்டை சேர்ந்த டிமோத்தி வீக்கெஸ் ஆகியோர் காபூலில் உள்ள ஆஃப்கானிஸ்தானின் அமெரிக்க பல்கலைக்கழகத்தில் பேராசிரியர்களாக பணியாற்றி வந்தனர்.

கடந்த ஆகஸ்ட் மாதம் பல்கலைக்கழகத்திற்கு வெளியே தங்கள் வாகனங்களிலிருந்து பாதுகாப்பு படையினரின் சீருடைகள் அணிந்திருந்த துப்பாக்கிதாரிகளால் அவர்கள் கடத்தப்பட்டனர்.

பின்னர் அந்த மாத இறுதியில், ஆஃப்கானிஸ்தானில் உள்ள அமெரிக்க படைகள் கடத்தப்பட்ட பேராசிரியர்களை மீட்கும் முயற்சியில் தோல்வியடைந்ததாக அமெரிக்க பாதுகாப்பு அமைச்சகம் (பெண்டகன்) தெரிவித்தது.

கடந்த 1 ஆம் தேதி எடுக்கப்பட்டதாக சொல்லப்படும் இந்தக் காணொளியில், கடத்தப்பட்டவர்கள் அமெரிக்க அதிபராக தேர்ந்தெடுக்கப்பட்டுள்ள டொனால்ட் டிரம்பிடம், அவர்கள் விடுதலை செய்யப்பட சிறை கைதிகள் பறிமாற்றம் ஒன்றிற்கு கோரிக்கை விடுத்துள்ளனர்.

English Summary:

Australian folk citizen kidnapped in Afghanistan last year, and the Taliban have released footage of a US citizen who is patriotic.

Read More

சுப்ரதா ராய்க்கு ரூ.600 கோடி அபராதம்: சுப்ரீம் கோர்ட் கண்டிப்பு

புதுடில்லி : சகாரா நிறுவன தலைவர் சுப்ரதா ராய்க்கு விதிக்கப்பட்ட ரூ.600 கோடி அபராத தொகையை பிப்ரவரி 6 ம் தேதிக்குள் செலுத்த வேண்டும் என சுப்ரீம் கோர்ட் கண்டிப்புடன் தெரிவித்துள்ளது.

சகாரா நிறுவனம் மீதும், அதன் தலைவர் சுப்ரதா ராய் மீதும் 2012ம் ஆண்டு நிதி முறைகேடு வழக்கு தொடரப்பட்டது. இவ்வழக்கில், ரூ,600 கோடி அபராதத்தை டெபாசிட் செய்யும்படி சுப்ரதா ராய்க்கு சுப்ரீம் கோர்ட் உத்தரவிட்டிருந்தது. இதற்கிடையில் 2016 ம் ஆண்டு மே மாதம் தனது தாய் மரணமடைந்ததை அடுத்து, அவருக்கு இறுதி சடங்குகள் செய்வதற்காக பரோலில் வெளியே வந்தார் சுப்ரதா ராய். இவர் இப்போது வரை வெளியில் தான் உள்ளார்.

ரூ.600 கோடி அபராதம்:

இந்நிலையில், நவம்பர் மாதம் இவ்வழக்கை விசாரித்த சுப்ரீம் கோர்ட், பிப்ரவரி 6ம் தேதிக்குள் ரூ.600 கோடி அபராதத்தை செலுத்த வேண்டும். இல்லாவிட்டால் சிறைக்கு திரும்ப வேண்டி இருக்கும் என எச்சரித்தது. இருப்பினும் ரூபாய் நோட்டு வாபஸ் விவகாரம், பொருளாதார மந்தநிலை போன்ற காரணங்களை கூறி, சுப்ரதா ராய் இதுவரை அபராதத்தை செலுத்தாமல் இருந்து வருகிறார்.

இந்நிலையில் இன்று அபராதத்தை செலுத்த மேலும் அவகாசம் கேட்ட சுப்ரதா ராயின் வழக்கறிஞரான கபில் சிபிலிடம், உங்களுக்கு ஏற்கனவே நிறைய கால அவகாசம் அளிக்கப்பட்டு விட்டது. இந்த விவகாரம் 2012 ல் துவங்கியது. தற்போது 2017 ஆகி விட்டது. பல வாய்ப்புகள் அளிக்கப்பட்டு விட்டது. இதனால் மேலும் அவகாசம் வழங்கப்படாது. அபராதத்தை பிப்ரவரி 6 க்குள் செலுத்துங்கள் இல்லாவிட்டால் சிறைக்கு செல்லுங்கள் என சுப்ரீம் கோர்ட் கண்டிப்புடன் தெரிவித்தது.

English summary:

NEW DELHI: Sahara chief Subrata Roy imposed penalties of Rs 600 crore to be paid on or before February 6, the Supreme Court has strictly.

Read More

முதல்வர் ஆசையை ‛மூட்டை கட்டுங்க'... சசிகலாவுக்கு ஜோதிடர்கள் அறிவுரை

சென்னை: ஜெயலலிதா மறைவுக்குப் பின், சசிகலாவின் விருப்பம் இல்லாமலேயே முதல்வர் பதவியில் அமர்ந்திருக்கும் பன்னீர்செல்வத்தை, பதவியில் இருந்து இறங்கி, சசிகலாவுக்கு விட்டுக் கொடுக்க வேண்டும் என, கடந்த சில நாட்களுக்கு முன், கடுமையான நெருக்கடி கொடுக்கப்பட்டது. அந்த நெருக்கடிகள் தற்போது இல்லை என கூறப்படுகிறது. இது குறித்து, அ.தி.மு.க., வட்டாரங்கள் கூறியதாவது:ஜெயலலிதா மறைந்ததும், அ.தி.மு.க.,வின் பொதுச் செயலர் பதவியை எப்படியாவது பிடித்துவிட வேண்டும் என்பதில் முனைப்பாக இருந்த சசிகலா, அடுத்த கட்டமாக, முதல்வர் பதவியிலும் உடனடியாகவே அமர்ந்து விட வேண்டும் என கணக்குப் போட்டு, காய் நகர்த்தி வந்தார். ஜோதிடர்களும் அதற்கேற்ப நாள், நட்சத்திரம் குறித்துக் கொடுத்தனர். ஆனால், போயஸ் தோட்டத்துக்கு வந்திருக்கும் சில ஜோதிடர்கள், தற்போதைக்கு சசிகலாவுக்கு நேரம் சரியில்லை என்று கூறியுள்ளனர். ஒருவேளை, பன்னீர்செல்வத்தை தொந்தரவு செய்து, அவரை பதவி இறக்கம் செய்து, அப்பதவியில் அமர்ந்தாலும், சசிகலா தலைமையிலான அரசு, வெகு காலம் நீடிக்காது. கொஞ்சம் பொறுமையாக எதையும் அணுகுவதே நல்லது என கூறியுள்ளனர்.

கட்சியை வழி நடத்த எடுக்கும் முயற்சி:

இதற்கிடையில், கட்சியிலும் தொண்டர்கள் மற்றும் கீழ்மட்ட நிர்வாகிகள் மத்தியில் சசிகலாவுக்கு கடும் எதிர்ப்பு இருப்பதால், இந்த சூழ்நிலையில், முதல்வர் பதவியையும் ஏற்றுக் கொண்டு, ஒரே நேரத்தில் கூடுதல் எதிர்ப்பை சம்பாதித்துக் கொள்ள வேண்டாம் என, சசிகலா நினைக்கிறார். அதனால்தான், முதல்வர் பதவியில் உடனடியாக அமர வேண்டும் என்ற தன்னுடைய எண்ணத்தை தள்ளிப் போட்டுள்ளார். ஆனால், இதுதான் சரியான வாய்ப்பு. இந்த நேரத்தை விட்டு விட்டால், வேறு நல்ல சந்தர்ப்பம் வாய்க்காது. யார் சொன்னாலும் கேட்க வேண்டியதில்லை.

சசிகலா திடீர் தயக்கம் :

பன்னீர்செல்வத்தை நிர்ப்பந்தித்து, பதவி விலகச் சொல்லிவிட்டு, முதல்வர் பதவியில் அமருங்கள். கட்சியை வழி நடத்த நீங்கள் எடுக்கும் முயற்சிகளுக்கு, நாங்கள் ஒத்துழைப்பாக இருப்பது போல, ஆட்சி - அதிகாரத்தில் இருந்து நீங்கள் செயல்படுவதற்கும் நாங்கள் ஒத்துழைக்கிறோம் என, சசிகலாவின் உறவுகள் கூறுகின்றன. ஆனால், துணிச்சலாக முடிவெடுக்க சசிகலா திடீர் தயக்கம் காட்டி வருகிறார்.

இருந்தாலும், உறவுகளின் நெருக்கடி அதிகமாக இருப்பதால், என்ன செய்வது என்ற குழப்பத்தில் சசிகலா உள்ளார். இதை அறிந்த பன்னீர்செல்வம், சசிகலா, எதையும் நன்கு யோசித்துத்தான் செய்வார் என, சற்று ஆறுதலடைந்து கூறி வருகிறார். இருந்த போதும், இந்த நிலை எத்தனை நாட்களுக்கு நீடிக்கும் என தெரியாதாதால், பன்னீர்செல்வம் நிம்மதி இல்லாமலேயே பதவியில் தொடருகிறார். இவ்வாறு அக்கட்சி வட்டாரங்கள் கூறின.⁠⁠⁠⁠

English Summary:

Chennai: After her death, without the intention of the Chief Minister Shashikala Paneerselvam sitting in office, down from office, Shashikala to give in to the last few days before, given the severe crisis.

Read More

மனிதனை போல் இயங்கும் ரோபோ : சீனாவில் செயல்பாட்டுக்கு வந்தது

ஷாங்காய் : மனிதர்களை போன்ற தோற்றமும், முகபாவனைகளும் காட்டு ரோபோவை சீனா தயாரித்து, செயல்பாட்டிற்கு கொண்டு வந்துள்ளது.

சீனா, மனிதனை போன்ற தோற்றம் தொண்ட முதல் ரோபோவை கடந்த ஆண்டு உருவாக்க துவங்கியது. சீன அறிவியல் மற்றும் தொழில்நுட்ப பல்கலையின் சின் ஷியாபிங் தலைமையிலான இன்ஜினியர்கள் குழு உருவாக்கி உள்ள இந்த ரோபோவுக்கு 'ஜியா ஜியா' என, பெயரிடப்பட்டுள்ளது. பெண் வடிவிலான இந்த ரோபோவிற்கு செயற்கை அறிவுத்திறன் வழங்கப்பட்டுள்ளது. சோதனை அடிப்படையில் முதல்கட்டமாக சீன ரெஸ்டாரன்ட்கள், நர்சிங் ேஹாம், மருத்துவமனைகள், வீட்டு வேலைகள் உள்ளிட்ட சிறுசிறு பணிகள் வழங்கப்பட உள்ளது.

அடுத்த 5 முதல் 10 ஆண்டுகளில் சீனாவில் இந்த ரோபோக்களுக்கு மிகப் பெரிய வரவேற்பு இருக்கும் என கூறப்படுகிறது. நீண்ட கறுமையான கூந்தலுடன், சீன பாரம்பரிய உடையணிந்து காட்சி தரும் இந்த ரோபோவை உருவாக்க 2 ஆண்டுகள் எடுத்துக் கொண்டதாக கூறப்படுகிறது. இந்த ரோபோ சாதாரண கேள்விகளுக்கும், எதிரில் இருப்பவரின் பாலினத்திற்கு ஏற்க கனிவுடன் பதிலளிக்கிறது. ஆண்களிடம்,‛ நீங்கள் அழகாக இருக்கிறீர்கள்' என கூறும் இந்த ரோபோவிடம், பாய் பிரண்டாக இருக்க விரும்புவதாக யாராவது கூறினால், ‛நான் தனியாக இருக்க வேண்டும்' என, பதிலளிக்கிறது.

மனித குரல் தகவல்களை பெற்றுக் கொண்டு, அதற்கு ஏற்க வேலைகளையும் செய்கிறது. தத்ரூபமான முகபானைகளுடன் பேசும் இந்த ரோபோவிற்கு கணிதம், அறிவியல் போன்ற பாடங்களும் கற்பிக்கப்பட்டுள்ளதாக கூறுகிறார்கள் இதனை வடிவமைத்தவர்கள். எதிர்காலத்தில் இந்த ரோபோக்களுக்கு மிகப் பெரிய அளவில் வரவேற்பு இருக்கும் என கூறப்படுகிறது. அதிகரித்து வரும் மக்கள் தொகைக்கு ஏற்ப, இதன் பணிகள் மற்றும் தேவைகள் அதிகரிக்கும் என கூறப்படுகிறது.

English summary:

Shanghai: look like humans, wild robot facial expressions produced in China, has brought to the process. China, the first human-like robot appearance throat began to build last year. China University of Science and Technology to create a group of engineers, led by Sinn siyapin to the robot, "Jia Jia", as labeled. The female form is provided ropovirku AI. Chinese Restaurants in the first phase of the test, nursing eham, hospitals, small tasks, including housework is provided. 

Read More

இந்திய ஏவுகணை சோதனை அமைதிக்கு அச்சுறுத்தலாம் : பாக்., புலம்பல்

இஸ்லாமாபாத் : இந்தியாவின் ஏவுகணை சோதனைகள் மற்றும் திட்டங்கள் பிராந்திய அமைதி மற்றும் நிலைத்தன்மைக்கு அச்சுறுத்தலானவை என ஏவுகணை தொழில்நுட்ப கட்டுப்பாட்டு மையத்திடம் பாகிஸ்தான் புகார் அளித்துள்ளது.

குற்றச்சாட்டு:

ஏவுகணை தொழில்நுட்ப கட்டு
ப்பாட்டு மைய (MTCR) பிரதிநிதிகளை சமீபத்தில் சந்தித்த பாகிஸ்தான் வெளியுறவுத்துறை விவகாரங்களுக்கான கூடுதல் செயலாளர் தஸ்னிம் அஸ்லாம், இந்தியாவின் பாதுகாப்பு திட்டங்களுக்கான ஏவுகணை மற்றும் கண்டம் விட்டு கண்டம் தாவும் ஏவுகணைகள் ஆகியன தெற்காசிய பாதுகாப்பு மற்றும் நிலைத்தன்மைக்கு உதவும் நோக்குடன் உருவாக்கப்பட்டது அல்ல என குற்றம்சாட்டி உள்ளார். மேலும் பாகிஸ்தான், சர்வதேச அணுஆயுத பரவல் தடுப்பில் முக்கிய பங்காற்றி வருகிறது எனவும் தெரிவித்துள்ளார்.

எம்டிசிஆர் என்பது ஏவுகணை தொழில்நுட்பம் தொடர்பான கொள்கைகளின் அடிப்படையில் அணு ஆயுது பரவலை தடுக்கும் வகையில் வழிகாட்டுதல்களை வழங்கி வரும் அமைப்பாகும். 35 நாடுகளை உறுப்பினர்களாக கொண்ட இந்த அமைப்பில் இந்தியா, சமீபத்தில் உறுப்பினராக இணைந்தது குறிப்பிடத்தக்கது.

English summary:

Islamabad: India's missile tests and missile technology programs as a threat to regional peace and stability, Pakistan has complained to the Control Center.

Read More