கவர்னர் உரை இல்லாமல் கூடும் புதுச்சேரி சட்டசபை

புதுச்சேரி : ஜனவரி 24ம் தேதி கூடும் புதுச்சேரி சட்டசபை, கவர்னரின் உரை இல்லாமலேயே துவங்க உள்ளதாக கூறப்படுகிறது.

நாராயணசாமி முதல்வராக பதவியேற்ற பிறகு முதல் முறையாக ஜனவரி 24ம் தேதி காலை 11 மணிக்கு புதுச்சேரி சட்டசபை கூடுகிறது என சட்டசபை செயலாளர் வின்சென்ட் ராயர் நேற்று அறிவித்தார். வழக்கமாக புதுவை சட்டசபையில் ஆண்டின் முதல் கூட்டம் கவர்னரின் உரையுடனே தொடங்கும். ஆனால், தற்போது புதுவை அமைச்சர்களுக்கும், கவர்னருக்கும் இடையே மோதல் நிலவி வருகிறது. இந்த மோதல் காரணமாக கவர்னரின் உரை இல்லாமலேயே சட்டசபை கூட்டப்பட உள்ளது. அதோடு 2 நாட்கள் சட்டமன்ற கூட்டம் நடைபெறும் என தெரிகிறது.

முதல் நாளான 24-ந் தேதி மறைந்த தமிழக முதல்வர் ஜெயலலிதா, புதுவை முன்னாள் அமைச்சர் வி.எம்.சி. சிவக்குமார் ஆகியோருக்கு இரங்கல் குறிப்புகள் வாசிக்கப்பட்டு அஞ்சலி செலுத்தப்பட உள்ளது. தொடர்ந்து மறுநாள் 25-ந்தேதி பருவ மழை பொய்த்ததால் வறட்சியால் பாதிக்கப்பட்ட புதுவை மற்றும் காரைக்காலுக்கு மத்திய அரசு நிவாரண நிதி அளிக்க வலியுறுத்தி விவாதம் நடத்தி தீர்மானம் நிறைவேற்றப்பட உள்ளது.

English Summary:

Puducherry: Puducherry Assembly on January 24 th May, it said to start without the governor's speech. 

Read More

இங்கிலாந்துக்கு எதிரான முதல் பயிற்சி ஆட்டம்: கேப்டனாக சிறப்பாக செயல்பட்ட டோனிக்கு சக வீரர்கள் புகழாரம்

மும்பை : இங்கிலாந்துக்கு எதிரான முதல் பயிற்சி ஆட்டத்தில்  கேப்டனாக சிறப்பாக செயல்பட்ட டோனிக்கு, யுவ்ராஜ் சிங் உள்ளிட்ட சக வீரர்கள் புகழாரம் சூட்டியுள்ளனர்.

அணி வீரராக...:

இந்திய அணியின் கேப்டன் பதவியில்  இருந்து விலகி ஒரு வீரராக நீண்ட கால இடைவெளிக்கு பின் டோனி வரும் இங்கிலாந்து தொடரில் விளையாடுகிறார். டோனி, இந்திய அணிக்கு அறிமுகமான புதிதில் யுவராஜ் சிங்குடன் இணைந்து பல போட்டிகளில் அபார ஆட்டத்தை வெளிப்படுத்தி இருக்கிறார்.

டோனிக்கு பாராட்டு:

இங்கிலாந்துக்கு எதிரான ஒருநாள் போட்டியில் யுவராஜ்சிங் சேர்க்கப்பட்டு இருப்பதால், நீண்ட இடைவெளிக்கு பிறகு இந்த ஜோடி மீண்டும் களம் காண்கிறது. இதற்கிடையே, யுவராஜ்- டோனி இடையேயான நட்பில் விரிசல் உள்ளதாக அவ்வப்போது செய்திகளும் வெளியாகி வந்த நிலையில், இதை பொய்யாக்கும் வகையில் யுவராஜ் சிங் தனது ட்விட்டர் பக்கத்தில் ஒரு வீடியோ ஒன்றை வெளியிட்டுள்ளார்.

டோனி பெருமிதம்:

டோனியின் தோள் மீது கைபோட்ட படி, அவரை கேப்டனாக நீங்கள் சிறப்பாக செயல்பட்டீர்கள். 3 பெரிய வெற்றிகள், 2 உலக கோப்பை ஆகியவற்றை வென்று கொடுத்து உள்ளீர்கள். பழைய டோனியை பார்ப்பதற்காக தருணம் இது” என்று தெரிவித்துள்ளார்.  மேலும் அந்த வீடியோவில், டோனியிடம் கேப்டனாக உங்கள் பயணம் எப்படி என்று கேள்வி எழுப்புகிறார். இதற்கு பதிலளித்த டோனி, இந்த பயணம் சிறப்பாக இருந்தது. உங்களைப்போல சிறப்பான வீரர்கள் இருந்தனர். இதனால், எனது பணி எளிதாக இருந்தது. எனது 10 ஆண்டு காலத்தை அனுபவித்து விளையாடினேன். மீதமிருக்கும் காலத்திலும் இது தொடரும் என்று நம்பிக்கை உள்ளது” இவ்வாறு தெரிவித்துள்ளார். டோனியுடனான தனது நட்பு குறித்து யுவராஜ் அதில் பகிர்ந்து கொண்டுள்ளார். இதே போல் சிறப்பாக செயல்பட்டதற்காக மற்ற வீரர்களும் டோனிக்கு பாராட்டு தெரிவித்துள்ளது குறிப்பிடத்தக்கது.

English Summary:

Mumbai: The first warm-up match against England at the best performing skipper Dhoni, Yuvraj Singh and gushing tribute to fellow soldiers. 

Read More

ஜன.,23ல் சட்டசபை கூடுகிறது

சென்னை: தமிழக சட்டசபை, வரும் 23ம் தேதி கவர்னர் உரையுடன் கூடுகிறது. தமிழக சட்டசபை கூட்டம் ஜன.,23ம் தேதி துவங்கும் என ஏற்கனவே தகவல் வெளியாகி இருந்தது. இதை உறுதிப்படுத்தி சட்டசபை செயலர் ஜமாலுதீன் இன்று ( 12 ம் தேதி ) காலை அறிவிப்பை வெளியிட்டார்.

ஜெயலலிதா மறைவுக்கு பிறகு.,

கவர்னர் உரையுடன் சபை துவங்குகிறது. மறு நாள் 24 ம் தேதி மறைந்த முதல்வர் ஜெயலலிதாவுக்கு சபையில் இரங்கல் தீர்மானம் நிறைவேற்றப்படும். பின், கவர்னர் உரை மீது விவாதம் நடக்கும். சபை ஐந்து நாட்கள் நடைபெறும். இறுதியில் முதல்வர் ஓ.பன்னீர்செல்வம் பதில் அளிப்பார். ஜெயலலிதா மறைவுக்கு பிறகு கூடும் முதல் சட்டசபை கூட்டம் ஆகும்.

English Summary:

Chennai: Tamil Nadu Assembly, on April 23 to meet with the governor's speech. Tamil Nadu Assembly Meeting Mat., Is expected to commence on 23 was already released information. The assembly secretary Jamaluddin confirmed today (12th) morning announced.

Read More

ஐ.நா. சபையின் முன்னாள் பொதுச்செயலாளர் பான் கி மூன் உறவினர்கள் மீது லஞ்ச வழக்கு

சியோல்  - ஐ.நா. சபையின் முன்னாள் பொதுச்செயலாளர் பான் கீ மூனின் உறவினர்கள் மீது அமெரிக்காவில் லஞ்ச குற்றச்சாட்டு எழுந்துள்ளது.

பணியிலிருந்து ஓய்வு:

ஐக்கிய நாடுகள் சபையின் முன்னாள் பொதுச்செயலாளராகப் பணியாற்றி வந்த பான் கீ மூன்(72) கடந்த டிசம்பர் மாதத்துடன் அப்பதவியிலிருந்து ஓய்வு பெற்றார். ஓய்வுக்குப் பிறகு தனது சொந்த நாடான தென் கொரியா சென்று ஓய்வு காலத்தை கழிக்கவிருப்பதாக பான் கீ மூன் தெரிவித்திருந்தார். இதனால் தென் கொரியாவில் நடைபெறும் அதிபர் தேர்தலில் அவர் போட்டியிடுவார் என தெரிகிறது.

அதிபர் தேர்தலில்:...

இந்த வார இறுதியில் அமெரிக்காவிலிருந்து பான் கீ மூன் தென் கொரியா செல்லவிருக்கிறார். அதன்பின்னர் தென் கொரிய அதிபர் தேர்தலில் போட்டியிட பான் கீ மூன் விண்ணப்பம் செய்வார் என எதிர்பார்க்கப்படுகிறது. அதிபர் தேர்தலில் போட்டியிடுவது குறித்து அவர் இன்னமும் உறுதி செய்யவில்லை.

லஞ்ச வழக்கு: 

இந்நிலையில் பான் கீ மூனின் சகோதரர் மற்றும் உறவினர் மீது மன்ஹாட்டன் நீதிமன்றத்தில் லஞ்ச வழக்கு பதிவு செய்யப்பட்டுள்ளது. இதுகுறித்து பானின் செய்தியாளர் கூறுகையில் "இதுகுறித்து பான்க்கு ஒன்றும் தெரியாது. இந்த குற்றச்சாட்டினை செய்திகள் வழியாகவே அவர் தெரிந்து கொண்டார்" என்று கூறியிருக்கிறார்.

பின்னடைவு:

உறவினர்கள் மீதான லஞ்சப் புகாரால் தென்கொரிய அதிபர் தேர்தலில் நின்றாலும் பான் வெற்றி பெறுவது சந்தேகம் தான் என கூறப்படுகிறது. மேலும், நீண்ட காலமாக தென் கொரியாவை விட்டு வெளிநாடுகளில் பான் தங்கியிருந்தது, எந்த அரசியல் கட்சியிலும் பான் இல்லாதது ஆகியவை அவருக்கு பெரும் பின்னடைவாக இருக்கும் என எதிர்பார்க்கப்படுகிறது.

English summary:

Seoul - UN Former Secretary-General Ban Ki-moon on the relatives of the church is accused of bribery in the United States.

Read More

2090 ல் கூட காங்., ஆட்சிக்கு வர முடியாது : வெங்கையா தாக்கு

புதுடில்லி : ‛‛2019 ம் ஆண்டில் இல்லை, 2090 ம் ஆண்டு ஆனாலும் காங்கிரஸ் கட்சியால் இனி ஆட்சிக்கு வர முடியாது,'' என, மத்திய அமைச்சர் வெங்கையா நாயுடு தெரிவித்துள்ளார்.

டில்லியில், நேற்று நடந்த காங்., தேசிய மாநாட்டில் பேசிய அக்கட்சியின் துணைத் தலைவர் ராகுல், ‛2019 ம் ஆண்டு மத்தியில் மீண்டும் காங்., ஆட்சிக்கு வரும் போது தான் நாட்டிற்கு நல்ல காலம் பிறக்கும்' என்றார். ராகுலின் இந்த கருத்திற்கு மத்திய அமைச்சர் வெங்ககையா நாயுடு பதிலடி கொடுத்துள்ளார்.

இது தொடர்பாக செய்தியாளர்களிடம் பேசிய வெங்கையா,‛‛, ராகுல் பகல் கனவு காண்கிறார். 2019 ம் ஆண்டு நல்ல காலம் பிறக்கும் என்ற ராகுலின் கருத்து என்னை ஆச்சரியத்தில் ஆழ்த்துகிறது. காங்கிரசிற்கு இனி ஏது நல்ல காலம்? ஊழல், முறைகேடுகள், கொள்கை முடக்கம், செயல்பாடற்ற தன்மை, விலைவாசி உயர்வு உள்ளிட்ட பல விஷயங்கள் தான் காங்., ஆட்சி இழக்க காரணம். இதெல்லாம் நல்ல காலமா? 2019 ல் மீண்டும் ஆட்சிக்கு வந்து விடலாம் என காங்., பகல் கனவு காண்கிறது. 2019 அல்ல 2090 ம் ஆண்டு ஆனால் கூட காங்கிரசால் இனி மீண்டும் ஆட்சிக்கு வர முடியாது,‛‛ என, தெரிவித்துள்ளார்.

English summary:

NEW DELHI: '' In the year 2019, not in 2090, but Congress can not come to power again, '', Union Minister Venkaiah Naidu said. 

Read More

15 மாத தடைக்கு பிறகு களம் இறங்குகிறார் ஷரபோவா

மாஸ்கோ : 15 மாத தடை காலத்திற்கு பிறகு ஏப்ரல் மாதம் ஜெர்மனியில் நடக்கும் ஸ்டட்கர்ட் கிராண்ட்பிரி டென்னிஸ் போட்டியின் மூலம் ஷரபோவா மறுபிரவேசம் செய்ய முடிவு செய்திருக்கிறார்.

ஊக்கமருந்தால் தடை:

கடந்த ஆண்டு ஜனவரி மாதம் ஊக்கமருந்து சோதனையில் சிக்கிய ரஷிய டென்னிஸ் வீராங்கனை மரிய ஷரபோவாவுக்கு 15 மாதங்கள் தடை விதிக்கப்பட்டது. தடை காலம் ஏப்ரல் மாதம் முடிவுக்கு வருகிறது. மீண்டும் டென்னிஸ் போட்டிக்கு திரும்ப தன்னை ஆயத்தப்படுத்தி வரும் ஷரபோவா, தடை காலத்திற்கு பிறகு ஏப்ரல் மாதம் ஜெர்மனியில் நடக்கும் ஸ்டட்கர்ட் கிராண்ட்பிரி டென்னிஸ் போட்டியின் மூலம் மறுபிரவேசம் செய்ய முடிவு செய்திருக்கிறார்.
இந்த போட்டியில் அவர் மூன்று முறை பட்டம் வென்றிருப்பது குறிப்பிடத்தக்கது.

English summary:

Moscow banned for 15 months after the month of April will be held in Stuttgart, Germany kirantpiri tennis match Sharapova has decided to make a comeback.

Read More

வெளிநாட்டு நிதி உதவி பெறும் தொண்டு நிறுவனங்களுக்கு மத்திய அரசு எச்சரிக்கை

புதுடில்லி : வெளிநாட்டு நிதி உதவி பெறும் அனைத்து தொண்டு நிறுவனங்க
ளும் தங்களின் வருடாந்திர கணக்கை ஆன்லைனில் சமர்ப்பிக்க வேண்டும். தவறினால் கடும் நடவடிக்கை எடுக்கப்படும் என மத்திய உள்துறை அமைச்சகம் எச்சரிக்கை விடுத்துள்ளது.
32 லட்சத்துக்கும் மேற்பட்ட தொண்டு நிறுவனங்கள் பெறும் ஆயிரக்கணக்கான கோடி ரூபாய் நிதியை கண்காணிக்க எந்த வழிமுறையையும் உருவாக்காதது ஏன் என்று மத்திய அரசுக்கு சுப்ரீம் கோர்ட் நேற்று முன்தினம் கேள்வி எழுப்பியது. இதையடுத்து, வெளிநாட்டு நிதி உதவி பெறும் அனைத்து தொண்டு நிறுவனங்களுக்கும் மத்திய உள்துறை அமைச்சகம் நேற்று எச்சரிக்கை விடுத்தது.
அதில், அந்த நிறுவனங்கள், 2014-2015 ம் நிதி ஆண்டில் இருந்து தங்களது வருடாந்திர கணக்கை ஆன்லைனில் சமர்ப்பிக்க வேண்டும் என்றும், இல்லாவிட்டால் கடும் நடவடிக்கை எடுக்கப்படும் என்றும் கூறியுள்ளது. மேலும், முந்தைய வழக்கப்படி, காகித வடிவில் தாக்கல் செய்யப்படும் கணக்குகள் ஏற்றுக்கொள்ளப்படாது என்றும் தெரிவித்துள்ளது.

English Summary:

NEW DELHI: All the NGOs receiving foreign financial aid must submit their annual account online. Failure by the Federal Interior Ministry has warned of a crackdown.

Read More