ஜல்லிக்கட்டுக்கு அவசர சட்டம் கேட்கிறார் ஸ்டாலின்

சென்னை: ஜல்லிக்கட்டு நடத்த அவசர சட்டம் கொண்டு வர வேண்டும் என தி.மு.க., செயல் தலைவர் ஸ்டாலின் கூறினார்.

ஜல்லிக்கட்டு விவகாரத்தில் மத்திய மாநில அரசுகளை கண்டித்து சென்னை பாரிமுனையில் தி.மு.க.,வினர் ஆர்ப்பாட்டம் நடத்தினர். அக்கட்சி செயல் தலைவர் ஸ்டாலின் தலைமையில் நடந்த இந்த போராட்டத்தில், கனிமொழி, துரைமுருகன் மற்றும் பலர் கலந்து கொண்டனர்.

ஏமாற்றம்:

திமுக ஆட்சியில் இருந்தவரை ஜல்லிக்கட்டு நடந்தது. தி.மு.க., ஆட்சியில் கருணாநிதி வியூகத்தால் ஜல்லிக்கட்டு நடத்தப்பட்டது. ஜல்லிக்கட்டு நடத்த அ.தி.மு.க., அரசு முயற்சிசெய்யவில்லை. அதிமுக ஆட்சியில் ஜல்லிக்கட்டு நடந்தபோது விதிகள் மீறியதால் சிக்கல் ஏற்பட்டுள்ளது. நீதிமன்றம் அமைத்த குழு ஜல்லிக்கட்டு தொடர்பாக அளித்த அறிக்கையே ஜல்லிக்கட்டு தடைக்கு காரணம். கடந்தாண்டே ஜல்லிக்கட்டுநடக்கும் என அறிவித்தார்கள். ஆனால் நடவடிக்கை எடுக்கவில்லை. இந்த வருடம் ஜல்லிக்கட்டு மீதான தடை நீங்கும் என்ற நம்பிக்கையுடன் இருந்தோம். ஜல்லிக்கட்டு வழக்கில் உச்சநீதிமன்ற அறிவிப்பு ஏமாற்றம் அளக்கிறது.

மறுப்பு ஏன்?

இளைஞர்களின் வீரத்திற்கு எடுத்துக்காட்டாக விளங்க கூடியது ஜல்லிக்கட்டு. ஜல்லிக்கட்டுக்காக இளைஞர்கள் போராடி வருவது மகிழ்ச்சி அளிக்கிறது. ஜல்லிக்கட்டு விவகாரத்தில், சுப்ரீம் கோர்ட்டை கை காட்டும் மத்திய அரசு, காவிரி விவகாரத்தில் கோர்ட் உத்தரவை மதித்ததா? நடிகர், நடிகைகளை சந்திக்க நேரம் ஒதுக்கம் பிரதமர், தமிழக எம்.பி.,க்கைள சந்திக்க மறுப்பது ஏன்? ஜல்லிக்கட்டு நடத்த மத்திய அரசு உடனடியாக அவசர சட்டம் கொண்டு வர வேண்டும். 20க்கும் மேற்பட்ட அவசர சட்டத்தை கொண்டு வந்த மத்திய அரசு ஜல்லிக்கட்டுக்காக அவசர சட்டம் கொண்டு வராதது ஏன்? அவசர சட்டத்தை கொண்டு வர தவறினால், தமிழக மக்கள், இளைஞர்கள் மத்திய அரசை மன்னிக்க மாட்டார்கள். இவ்வாறு அவர் பேசினார்.

English Summary:

Chennai: DMK jallikattu should bring the emergency law, the executive chairman, said Stalin.
In protest against the central and state governments on the issue of jallikattu parimunai Chennai DMK demonstrated staggering. In this struggle, the executive chairman of the party, under the leadership of Stalin, Kanimozhi, duraimurukan and others were present.

Read More

ஜல்லிக்கட்டை வலியுறுத்தி தமிழகத்தில் வலுக்கும் போராட்டம்

சென்னை: ஜல்லிக்கட்டு மீதான தடையை நீக்க வலியுறுத்தி தமிழகத்தின் பெரும்பாலான இடங்களில் போராட்டம் நடந்து வருகிறது. ஜல்லிக்கட்டு மீதான தடையை நீக்க சுப்ரீம் கோர்ட்டில் தொடரப்பட்ட வழக்கில் உடனடியாக தீர்ப்பு வழங்க சுப்ரீம் கோர்ட் மறுத்து விட்டது.

இதனையடுத்து, தமிழகம் முழுவதும் ஜல்லிக்கட்டை நடத்த உடனடியாக நடவடிக்கை எடுக்கக்கோரி தமிழகத்தின் பெரும்பாலான இடங்களில் மாணவர்கள், பொது மக்கள் தாங்களாக ஒன்று கூடி போராட்டம் நடத்தி வருகின்றனர்.

மனித சங்கிலி போராட்டம்:

மதுரை கரிசல்குளம் பகுதியில் தடையை மீறி மஞ்சுவிரட்டு நடத்தப்பட்டது. சென்னை மெரினா கடற்கரையில் சமூக வலைதளங்கள் வாயிலாக ஒன்று சேர்ந்த பொது மக்கள், மாணவர்கள் உள்ளிட்டோர் ஜல்லிக்கட்டை வலியுறுத்தி சென்னை மெரினா கடற்கரையில் ஒன்று சேர்ந்து மனித சங்கிலி போராட்டம் நடத்தி வருகின்றனர். 2 கி.மீ., தூரத்திற்கு மேல் அவர்கள் வரிசையில் நின்று மனித சங்கிலி போராட்டம் நடத்தி வருகின்றனர்.

திருச்சி சோமரசன்பேட்டையில் விவசாயிகள், பொது மக்கள் ஆகியோர் ஜல்லிக்கட்டை நடத்த போராட்டம் நடத்த வருகின்றனர். ஜல்லிக்கட்டு நடத்த நடவடிக்கை எடுக்க அவர்கள் வலியுறுத்தியுள்ளனர்.

கொங்கு மண்டலத்தில் பிரபலமான ரேக்ளா போட்டிகளை நடத்த வலியுறுத்தி கோவையில் போராட்டம் நடந்து வருகிறது. ரேக்ளா வண்டிகளுடன் இந்த போராட்டம் நடத்தப்பட்டு வருகிறது. வேலூர் மாவட்டத்தில் பெரியார் திடலில் இருந்து வேலூர் கோட்டைவரை பேரணியாக சென்ற இளைஞர்கள் ஜல்லிக்கட்டை நடத்த வலியுறுத்தி போராட்டம் நடத்தி வருகின்றனர்.

சேலம் மாவட்டத்தில் பல இடங்களில் ஜல்லிக்கட்டை வலியுறுத்தி போராட்டம் நடைபெற்று வருகிறது. ஜல்லிக்கட்டை வலியுறுத்தி, தி.மு.க., சார்பில் தமிழகத்தின்பல இடங்களில் போராட்டம் நடந்து வருகிறது. சென்னை பாரிமுனை பகுதியில் நடந்த போராட்டத்தில், அக்கட்சி செயல் தலைவர் ஸ்டாலின், ராஜ்யசபா எம்.பி., கனிமொழி, துரைமுருகன் உள்ளிட்ட ஏராளமானோர் கலந்து கொண்டனர்.

மாணவர்கள், பொது மக்கள்:

திருச்சி மாவட்டம் மணப்பாறை அருகே, 100க்கும் மேற்பட்டோர் ஜல்லிக்கட்டை நடத்தி வலியுறுத்தி போராட்டம் நடத்தி வருகின்றனர். ஈரோடு மாவட்டம் கோபி செட்டி பாளையம் பேருந்து நிலையம் அருகே மாணவர்கள், பொது மக்கள் போராட்டம் நடத்தி வருகின்றனர்.

ஜல்லிக்கட்டை நடத்த வலியுறுத்தி நாளை ரயில் மறியல் போராட்டத்தில் ஈடுபடப்போவதாக ஜல்லிக்கட்டுக்கு பிரபலமான மதுரை அலங்காநல்லூர் பகுதி மக்கள் அறிவித்துள்ளனர்.

English Summary:

Chennai: Tamil Nadu urged to lift ban on jallikattu battle is going on in most places. Remove the ban on jallikattu Supreme Court to deliver judgment in the case, the Supreme Court has refused immediately.

Read More

எலிகளின் மூளையில் கொல்லும் உணர்வை கட்டுப்படுத்தும் பகுதி கண்டுபிடிப்பு

எலிகளுக்கு உள்ள கொல்லும் உள்ளுணர்வை கட்டுப்படுத்தவும், அந்த உணர்வை தூண்டிவிட்டு பின்னர் அமைதிப்படுத்தவும், எலிகளின் மூளையில் இருக்கின்ற பகுதிகளை விஞ்ஞானிகள் இனம்கண்டுள்ளனர்.

எலிகள் இரையை தேடி சென்று கொல்வதற்கு இருக்கின்ற உணர்வையும், அந்த உணவை கடிப்பதற்கு இருக்கின்ற தசைகளையும் ஒருங்கிணைக்கின்ற இரண்டு நரம்பணு இணைகளை (நியூரான்களை) அமெரிக்காவின் யேல் பல்கலைக்கழக ஆய்வாளர்கள் துல்லியமாக இனம்கண்டுள்ளனர்.

'எலி அச்சத்தால்' இடைநடுவில் திரும்பிவந்தது ஏர் இந்தியா விமானம்

எலிகள் இரைகளை கொல்வதையும், கடிப்பதையும் தூண்டுகின்ற வகையில் ஆய்வின்போது, லேசர் கதிர் விளக்கு மூலம் இந்த நரம்பணு இணைகள் தகவமைக்கப்பட்டன.

விதைகளை பரப்புவதில் எலி இனங்கள் முக்கிய பங்காற்றுகின்றன:

இரையை கொல்லுகின்ற நரம்பணுவை தூண்டியவுடன், அவற்றின் பாதைகளில், போலி பூச்சிகள், பாட்டில் மூடிகள் என எதை பார்த்தாலும் எலிகள் வெறியோடு தாக்கியதை இந்த ஆய்வாளர்கள் அறிய வந்திருக்கின்றனர்.

English summary:

Mice in the control and killer instincts, after stoking the sense of calm that is in the brain of mice, scientists identified areas.

Read More

ஜல்லிக்கட்டை ஆதரித்து மெரீனாவில் இளைஞர்கள் மனிதசங்கிலி

சென்னை : ஜல்லிக்கட்டுக்கு அனுமதி அளிக்க வலியுறுத்தி சென்னை மெரீனா கடற்கரையில் இளைஞர்கள் மனிதசங்கிலி
போராட்டம் நடத்தி வருகின்றனர்.

ஜல்லிக்கட்டுக்கு அனுமதி வழங்க கோரி கடந்த வாரம் மெரீனாவில் இளைஞர்கள் பலர் ஒன்றிணைந்து நடத்திய பேரணி மிகப் பெரிய அளவில் பேசப்பட்டது. தற்போது சுப்ரீம் கோர்ட் பொங்கலுக்கு முன், ஜல்லிக்கட்டு வழக்கில் தீர்ப்பு வழங்க வாய்ப்பில்லை என தெரிவித்ததால், ஜல்லிக்கட்டுக்கு ஆதரவான போராட்டம் தீவிரமடைந்து வருகிறது. இதனால் ஜல்லிக்கட்டுக்கு அனுமதி கேட்டு சென்னை கலங்கரைவிளக்கத்தில் இருந்து 1 கி.மீ., தொலைவிற்கு இளைஞர்கள் மனிதசங்கிலி நடத்தி வருகின்றனர்.

மனிதசங்கிலியில் பங்கேற்றுள்ள இளைஞர்கள் அனைவரும், சமூக வலைதளங்கள் மூலம் இணைந்தவர்கள் என கூறப்படுகிறது. கடந்த சில நாட்களாகவே ஜல்லிக்கட்டுக்கு ஆதரவாக சமூக வலைதளங்களில் அதிக அளவில் தகவல்கள் பகிரப்பட்டு வருவது குறிப்பிடத்தக்கது. இந்த மனிதசங்கிலி போராட்டத்தில் கல்லூரி மாணவர்களும், பொது மக்களும் அதிக அளவில் பங்கேற்றுள்ளனர்.

English Summary:

Chennai: Marina Beach in Chennai urging young people to allow Jallikattu have staged a human chain protest. 

Read More

தமிழில் பொங்கல் வாழ்த்து கூறிய மோடி

புதுடில்லி : தமிழக மக்களுக்கு பிரதமர் நரேந்திர மோடி தமிழில் பொங்கல் வாழ்த்து தெரிவித்துள்ளார்.

கன்னியாகுமரி மாவட்டத்தில் உள்ள விவேகானந்தபுரத்தில் புதிதாக அமைக்கப்பட்டுள்ள ராமாயண தரிசனம் என்ற கண்காட்சியையும், பாரத மாதா ஆலயத்தையும் பிரதமர் நரேந்தர மோடி காணொலி வாயிலாக நேற்று மாலை தொடங்கி வைத்தார்.

அப்போது உரையாற்றிய அவர், 'அன்பார்ந்த தமிழக மக்களே, உங்கள் அனைவருக்கும் எனது வணக்கம். உங்கள் அனைவருக்கும் எனது இனிய பொங்கல் நல்வாழ்த்துகள். கன்னியாகுமரியும், தமிழகமும், சுவாமி விவேகானந்தருக்கு பிடித்த இடம்' எனக்கூறினார்.

English summary:

NEW DELHI: Prime Minister Narendra Modi in Tamil Nadu Pongal greetings to the people said. 

Read More

மதுரை அருகே தடையை மீறி மஞ்சுவிரட்டு

மதுரை : மதுரை அருகே தடையை மீறி மஞ்சுவிரட்டு நடத்தப்பட்டது. ஜல்லிக்கட்டுக்கு விதிக்கப்பட்ட தடையை நீக்க வேண்டும் எனவும், இந்த ஆண்டு ஜல்லிக்கட்டு நடத்த அனுமதி அளிக்க வேண்டும் என வலியுறுத்தியும் தமிழகம் முழுவதும் பல இடங்களில் போராட்டங்கள் நடத்தப்பட்டு வருகிறது. இதில் இளைஞர்களும், கல்லூரி மாணவர்களும், பொது மக்களும் அதிக அளவில் கலந்து கொண்டு வருகின்றனர்.
இதனால் பொங்கலுக்கு முன் ஜல்லிக்கட்டு வழக்கில் தமிழகத்திற்கு சாதகமான தீர்ப்பு வரும் என எதிர்பார்க்கப்பட்டது. ஆனால், பொங்கலுக்கு முன் ஜல்லிக்கட்டு வழக்கில் தீர்ப்பு வழங்க வாய்ப்பில்லை என சுப்ரீம் கோர்ட் நேற்று அறிவித்தது. இது தமிழக மக்களிடம் கொந்தளிப்பை ஏற்படுத்தி உள்ளது. இதனால் ஜல்லிக்கட்டுக்கு அனுமதி கோரி
நடத்தப்பட்டு வரும் போராட்டங்கள் தீவிரமடைந்து வருகிறது.
இந்நிலையில், இன்று மதுரை அருகே உள்ள கரிசல்குளம் பகுதியில் தடையை மீறி மஞ்சுவிரட்டு நடத்தப்பட்டது. இதில் ஏராளமான இளைஞர்கள் கலந்து கொண்டு காளைகளை பிடித்து வருகின்றனர். சுமார் 22 காளைகளை கொண்டு இந்த மஞ்சுவிரட்டு நிகழ்ச்சி நடத்தப்பட்டு வருகிறது.

English Summary:

Madurai manju virattu defiance was near. Jallikattu will have to remove the ban, stressing that this year should be allowed to conduct jallikattu struggles has been held at several locations throughout the state. The young people, college students, and ordinary people have been part of a large scale. 

Read More

பன்னீர் பயணம் வெற்றி: தமிழக ‛தாகம் தீர்க்க' ஆந்திரா முடிவு

சென்னை: தமிழக முதல்வர் ஓ.பி.எஸ்., ஆந்திர முதல்வர் சந்திரபாபு நாயுடுவுடன் நடத்திய பேச்சு வார்த்தையில் தமிழகத்திற்கு 2. 5 டி.எம்.சி., தண்ணீர் தர ஆந்திரா சம்மதம் தெரிவிக்கப்பட்டது.

தெலுங்கு கங்கை திட்டத்தின்படி சென்னைக்கு கிருஷ்ணா நீர் திறப்பு தொடர்பாக ஆந்திர முதல்வர் சந்திரபாபு நாயுடுவை இன்று தமிழக முதல்வர் ஓ.பன்னீர்செல்வம் சந்தித்து பேச்சுவார்த்தை நடத்தினார். இது வரை யாரும் எடுக்காத முயற்சியாக முதல் முறையாக ஆந்திராவுக்கு நேரில் சென்று ஓ.பி.எஸ்., நடத்திய பேச்சுக்கு ஒரு நல்ல முன்னேற்றம் கிடைத்துள்ளது. குடிநீர் தேவை பற்றி விவாதிப்பதற்காகவும், தெலுங்கு கங்கை திட்டம் தொடர்பாக பேச்சுவார்த்தை நடத்துவதற்காகவும் ஆந்திர தலைநகர் அமராவதிக்கு முதல்வர் ஓ.பன்னீர்செல்வம் இன்று (ஜனவரி 12) காலை மூத்த அமைச்சர்களுடன் சென்றார் . அங்கு ஆந்திர முதல்வர் சந்திரபாபு நாயுடுவை அவர் சந்தித்துப் பேசினார் .

எம்.ஜி.ஆர்., - என்.டி.ராமராவ்:

தெலுங்கு கங்கை நீர் பங்கீடு தொடர்பாக ஆந்திரா சென்று, அம்மாநில முதல்வருடன் தமிழக முதல்வர் பேச்சுவார்த்தை நடத்துவது இதுவே முதல்முறையாகும். இதற்கு முன்பு இரண்டு மாநிலங்களுக்கும் இடையே கடிதப்போக்குவரத்து மட்டுமே இருந்து வந்தது. தெலுங்கு கங்கை திட்ட ஒப்பந்தத்தின்படி ஆந்திர விவசாயிகளின் பங்களிப்பாக ரூ.400 கோடி தமிழகம் கொடுக்க வேண்டும். இந்த ஒப்பந்தம் எம்.ஜி.ஆர்., - என்.டி.ராமராவ் ஆகியோரின் ஆட்சிக் காலத்தில் போடப்பட்டது.இன்று நடத்திய பேச்சில் , தமிழகத்திற்கு 2.5 டி.எம்.சி., தண்ணீர் தர ஆந்திரா சம்மதம் தெரிவித்தது. இது தொடர்பாக அடுத்த வாரம் திருப்பதியில் உயர் அதிகாரிகள் கொண்ட முக்கிய ஆலோசனை கூட்டம் நடத்துவது என்றும் முடிவு செய்யப்பட்டது. திட்டம் தொடர்பாக பராமரிப்பு செலவு ரூ. 433 கோடியை வழங்குவது தொடர்பாக பேசவும் திட்டமிடப்பட்டுள்ளது. இன்று வந்திருக்கும் முடிவால் சென்னை குடி நீர் பிரச்சனையை தீர்க்க முடியும். தமிழகத்தின் தரப்பில் 4 டி.எம்.சி., தண்ணீர் கேட்டாலும் , ஆந்திரா அரசு 2. 5 டி.எம்.சி தண்ணீராவது தர ஆந்திரா சம்மதித்திருப்பது நல்ல தகவலாக சென்னை மக்களுக்கு கிடைத்திருக்கிறது.

English summary:

Chennai: Tamil Nadu Chief Minister opannerselvam , Andhra Pradesh Chief Minister Chandrababu Naidu talks with nearly 2. 5 tmc, water quality, AP informed consent. 

Read More