போகி பண்டிகை : புகைமூட்டமான சென்னை நகரம்

சென்னை : போகி பண்டிகையை முன்னிட்டு மக்கள் குப்பைகளை அதிகளவில் எரித்து வருவதால் சென்னை நகரமே புகைமூட்டத்தால் சூழப்பட்டுள்ளது.

போகி பண்டிகையை முன்னிட்டு தமிழகத்தின் பல பகுதிகளில் பழைய பொருட்களை மக்கள் எரித்து வருகின்றனர். சென்னையில் நள்ளிரவு முதலே குப்பைகளை மக்கள் எரித்து வருகின்றனர். மேலும் சமீபத்தில் ஏற்பட்ட வர்தா புயலில் சாய்ந்த மரங்கள் ஆங்காங்கே குவிக்கப்பட்டு, காய்ந்த நிலையில் உள்ளன. இவற்றையும் மக்கள் எரித்து வருகின்றனர். ஏற்கனவே நிலவும் பனிமூட்டத்துடன், போகி பண்டிகை குப்பைகள் எரிக்கப்படுவதால் சென்னை நகரமே புகை மூட்டமாக காணப்படுகிறது.
சென்னை மட்டுமின்றி தமிழகத்தின் பிற பகுதிகளிலும் போகி கொண்டாட்டம் காரணமாக மக்கள் குப்பைகளை எரித்து வருகின்றனர். இதனால் காற்றில் மாசு அதிகரித்து, பல இடங்களும் கரும்புகையால் மூடப்பட்டுள்ளது. இதனால் வாகன ஓட்டிகள் பெரும் சிரமத்திற்கு ஆளாகி உள்ளனர்.

English Summary:

Chennai: Bogey festival people burn garbage being increasingly surrounded by smoke inhalation after the Chennai city.

Read More

சமூக வலைதளங்களில் பிரச்னையை பேசக்கூடாது : ராணுவ வீரர்களுக்கு எச்சரிக்கை

புதுடில்லி : சமூக வலைதளங்கள் மூலமாக தங்களது பிரச்சனைகளை ராணுவ வீரர்கள் பேசுவது தவறானது என்று அதிகாரிகள் தரப்பில் தெரிவிக்கப்பட்டுள்ளது.

இந்தியா - பாகிஸ்தான் எல்லையில் பணிபுரியும் எல்லைப் பாதுகாப்பு படையை சேர்ந்த ஒரு வீரரின் பேச்சு அடங்கிய வீடியோ சமூக வலைதளத்தில் பகிரப்பட்டு பரபரப்பை ஏற்படுத்தி வருகிறது. அதில் ராணுவ வீரர் ஒருவர், எல்லை பாதுகாப்பு படையில் மோசமான உணவு வழங்கப்படுவதாகவும், சில நேரங்களில் வெறும் வயிற்றோடு படுக்க செல்வதாகவும் குற்றம்சாட்டி இருந்தார். இது தொடர்பாக விசாரணை நடத்துமாறு மத்திய உள்துறை அமைச்சர் ராஜ்நாத் சிங் உத்தரவிட்டுள்ளார்.

இந்நிலையில், சமூக வலைதளங்கள் மூலமாக தங்களது பிரச்சனைகளை ராணுவ வீரர்கள் பேசுவது என்பது மிகவும் தவறானது என்று அவர்களது அதிகாரிகள் தரப்பில் தெரிவிக்கப்பட்டுள்ளது. இது தொடர்பாக துணை ராணுவத்தின் மூத்த கமாண்டே பிரசாத் கூறுகையில், சமூக வலை தளங்கள் மூலமாக பேசுவது ஆரோக்கியமானது அல்ல மற்றும் சரியானதும் அல்ல என்று தெரிவித்துள்ளார்.

English summary:

New Delhi: social networking sites to talk through their problems would be invalid soldiers, official sources said. 

Read More

மசூத் அசார் விவகாரம்: இந்தியாவுக்கு பிரான்ஸ் ஆதரவு

புதுடில்லி : பயங்கரவாதி மசூத் அசாரை ஐ.நா., சபை மூலம் சர்வதேச பயங்கரவாதியாக அறிவிக்க இந்தியா மேற்கொண்டு வரும் முயற்சிக்கு பிரான்ஸ் ஆதரவு தெரிவித்துள்ளது.

கடும் நடவடிக்கை:

நான்கு நாள் பயணமாக இந்தியா வந்துள்ள பிரான்ஸ் வெளியுறவுத் துறை அமைச்சர் ஜீன் மார்க் அய்ரால்ட் செய்தியாளர்களிடம் தெரிவித்ததாவது: யூரி தாக்குதல் நடத்தப்பட்டதையடுத்து, இந்தியா நடத்திய சர்ஜிகல் அட்டாக்கில் தவறில்லை. இந்தியாவுக்கு எதிரான பயங்கரவாத தாக்குதல்களை பிரான்ஸ் வன்மையாக கண்டிக்கிறது. பயங்கரவாத விவகாரத்தில் இந்தியாவுக்கு பிரான்ஸின் ஆதரவு எப்போதும் உண்டு. பயங்கரவாத அமைப்புகளுக்கு எதிராக சர்வதேச சட்டப்படி கடுமையான நடவடிக்கை எடுக்க
வேண்டும்.

இந்தியாவுக்கு ஆதரவு:

ஜெய்ஷ்-இ-முகமது பயங்கரவாத அமைப்பின் தலைவன் மசூத் அசாரை சர்வதேச பயங்கரவாதியாக அறிவிக்க ஐ.நா.,வில் இந்தியா மேற்கொள்ளும் முயற்சிக்கு, சீனா முட்டுக்கட்டை போடுவது வருத்தமளிக்கிறது. ஐ.நா.,வின் தடை செய்யப்பட்ட பட்டியலில் ஜெய்ஷ்-இ-முகமது அமைப்பு ஏற்கனவே இருக்கும் நிலையில், அவ்வமைப்பின் தலைவன் மசூத் அசாரையும் பயங்கரவாதி பட்டியலில் சேர்க்க வேண்டும். இவ்விவகாரத்தில் இந்தியாவின் கோரிக்கையை ஆதரிக்கும் பிரான்ஸ், இந்தியாவுடன் இணைந்தும் செயல்படும். இவ்வாறு அவர் தெரிவித்தார்.

English summary:

NEW DELHI : terrorist Masood Azhar Council to declare the international terrorist, has France's support to India's efforts.

Read More

பிரதமர் மோடியின் பயண செலவு விவரம் வெளியிட மறுப்பு

புதுடில்லி : பிரதமர் மோடியின் வெளிநாட்டுப் பயணச் செலவு உள்ளிட்ட விவரங்களை வெளியிட முடியாது என மத்திய தகவல் ஆணையம் மறுப்பு தெரிவித்துள்ளது.

மனு:

பிரதமர் நரேந்திர மோடியின் வெளிநாட்டுப் பயண விவரங்களைக் கோரி முன்னாள் கடற்படை அதிகாரி லோகேஷ் பத்ரா என்பவர் தகவலறியும் உரிமைச் சட்டத்தின் கீழ் மனு தாக்கல் செய்திருந்தார். அந்த மனுவில், மோடியின் வெளிநாட்டு பயண செலவு விவரங்கள், விமான கட்டணம் செலுத்திய விவரங்கள் மற்றும் ரசீதுகளை தெரிவிக்க வேண்டும் எனக் குறிப்பிட்டிருந்தார்.

பிரதமர் அலுவலகம் மறுப்பு:

இதற்கு பதிலளித்த பிரதமர் அலுவலகம், ‛பிரதமர் மோடியின் வெளிநாட்டுப் பயண விவரங்கள் ரகசியமானவை; பாதுகாப்பு முக்கியத்துவம் வாய்ந்தவை. எனவே, அவற்றை வெளியிட முடியாது' எனத் தெரிவித்தது. இதனை எதிர்த்து மத்திய தகவல் ஆணையத்தில் லோகேஷ் பத்ரா மேல் முறையீடு செய்தார்.

உத்தரவு:

இந்த மனுவை பரிசீலித்த மத்திய தகவல் ஆணையர் ஆர்.கே. மாத்தூர், பிறப்பித்த உத்தரவு: பிரதமரின் விமானப் பயண நடைமுறைகள் உளவுத்துறை மற்றும் பாதுகாப்புத்துறையால் திட்டமிடப்படுகின்றன. இதுதொடர்பான தகவல்களை வெளியிடத் தேவையில்லை என தகவலறியும் உரிமைச் சட்டம் 24வது பிரிவில் தெரிவிக்கப்பட்டுள்ளது. இதனைக் கருத்தில்கொண்டு, மனுதாரர் கோரியுள்ள தகவல்களை வெளியிட முடியாது. இவ்வாறு அவர் தனது உத்தரவில் தெரிவித்தார்.

English summary:

New Delhi: Prime Minister Narendra Modi's foreign travel expenses, including the Federal Communications Commission has denied that it could not release details.

Read More

இரண்டாவது ‛ஸ்கார்பியன்' ரக நீர்மூழ்கி கப்பல் அறிமுகம்

மும்பை: எதிரிகளால் எளிதில் கண்டுபிடிக்க முடியாத, அதிநவீன வசதிகள் உடைய, இரண்டாவது ஸ்கார்பியன் ரக நீர்மூழ்கி கப்பலான காந்தேரி, நேற்று(ஜன.,12) அறிமுகம் செய்யப்பட்டது.

நம் கடற்படைக்கு, பிரான்ஸ் நாட்டு தொழில்நுட்ப உதவியுடன், உள்நாட்டிலேயே, ஆறு நீர்மூழ்கி கப்பல்களை தயாரிக்க திட்டமிடப்பட்டு உள்ளது. அதன்படி, ஸ்கார்பியன் ரக முதல் நீர்மூழ்கி கப்பலான கல்வாரி, கடந்த ஆண்டு இறுதியில் அறிமுகம் செய்யப்பட்டு, தற்போது சோதனை ஓட்டம் நடந்து வருகிறது. அதைத் தொடர்ந்து, தற்போது, இரண்டாவது நீர்மூழ்கி கப்பலான காந்தேரி, தயார் நிலையில் உள்ளது.

மும்பையில் நேற்று நடந்த நிகழ்ச்சியில், ராணுவ இணையமைச்சர், சுபாஷ் பாம்ரே, இதை கொடியசைத்து துவக்கி வைத்தார். கடற்படை தளபதி, அட்மிரல் சுனில் லம்பா உள்ளிட்டோர் நிகழ்ச்சியில் பங்கேற்றனர்.

எதிரிகளால் கண்டுபிடிக்க முடியாத தொழில்நுட்பத்துடன், இந்த நீர்மூழ்கி கப்பலில் இருந்து, எந்தப் பகுதியில் உள்ள இலக்கையும் தாக்கக் கூடிய வசதிகள் உள்ளன. கடந்த, 17ம் நுாற்றாண்டில், கடல் பகுதியில் வலிமையை காட்ட, மராட்டிய மன்னர்கள் கட்டிய கோட்டையின் பெயர் காந்தேரி. அதை நினைவு கூரும் வகையிலேயே, இந்த நீர்மூழ்கி கப்பலுக்கு, 'காந்தேரி' என, பெயரிடப்பட்டு உள்ளது. அடுத்த ஒரு ஆண்டுக்கு, இது பல்வேறு பயன்பாட்டு சோதனைகளுக்கு உட்படுத்தப்பட்டு, அதன்பின்பே, கடற்படையில் சேர்க்கப்படும்.

கடற்படையின் வழக்கப்படி, ஒரு கப்பல் அல்லது நீர்மூழ்கி கப்பலுக்கு வைக்கப்படும் பெயர், அந்தக் கப்பல் அல்லது நீர்மூழ்கி கப்பலின் பயன்பாட்டு காலம் முடிந்ததும், புதிதாக சேர்க்கப்படும் கப்பலுக்கு வைக்கப்படும்.அதன்படி, காந்தேரி என்ற பெயரிலான போர்க் கப்பல், 1968ல் படையில் சேர்க்கப்பட்டு, 1989ல், படையில் இருந்து விலக்கி கொள்ளப்பட்டது.

English summary:

Mumbai : The enemies can not easily find, with sophisticated facilities, second-class submarine USS Scorpion kantheri, yesterday (Jan., 12) was introduced. 

Read More

கோவா சட்டசபை தேர்தல்: காங்., கட்சியில் 4 முன்னாள் முதல்வர்கள் போட்டி

புதுடில்லி : கோவா சட்டசபை தேர்தலில் காங்., கட்சி சார்பில் 4 முன்னாள் முதல்வர்கள் போட்டியிடுகின்றனர்.

உ.பி., கோவா, மணிப்பூர், பஞ்சாப், உத்தரகண்ட் ஆகிய ஐந்து மாநிலங்களுக்கு, பிப்ரவரி - மார்ச் மாதங்களில் சட்டசபைத் தேர்தல் நடக்கவுள்ளது. கோவா சட்டசபைத் தேர்தலில் மீண்டும் ஆட்சியை பிடிக்கும் நோக்கில், ஆளும் பா.ஜ., தீவிர பிரசாரத்தை துவக்கி உள்ளது. கோவாவில் உள்ள 40 தொகுதிகளுக்கும் ஒரே கட்டமாக பிப். 4ம் தேதி தேர்தல் நடைபெறும்.

காங்., பட்டியல் வெளியீடு:

இந்நிலையில் கோவா தேர்தலில் காங்,, கட்சி சார்பில் போட்டியிடும் முதற்கட்ட வேட்பாளர்கள் பட்டியலை அக்கட்சி நேற்று வெளியிட்டது. 27 பேர் இடம்பெற்றுள்ள முதல்பட்டியலில், முன்னாள் முதல்வர்கள் பிரதாப் சிங் ரானே, ரவிநாயக், திகம்பர் காமத் மற்றும் லுசின்கோ பிளேரியோ ஆகிய 4 பேர் இடம் பெற்றுள்ளனர்.

பா.ஜ., பட்டியில்:

கோவாவில் பா.ஜ., சார்பில் போட்டியிடும் முதல்கட்ட வேட்பாளர் பட்டியலலை அக்கட்சி நேற்று வெளியிட்டது. இதில் 18 சிட்டிங் எம்.எல்.ஏ.,க்கள் உட்பட 29 தொகுதிகளுக்கு வேட்பாளர்கள் அறிவிக்கப்பட்டுள்ளனர்.

வலுவான கூட்டணி:

கோவா தேர்தலில் மத்தியில் ஆளும் தே.ஜ., கூட்டணியில் இடம் பெற்றுள்ள சிவசேனா கட்சி, கோவாவில், முக்கியத்துவம் வாய்ந்த கட்சிகளாக திகழும், எம்.ஜி.பி., மற்றும் ஜி.எஸ்.எம்., ஆகியவற்றுடன் கூட்டணி அமைத்துள்ளது. சிவசேனா அமைத்துள்ள கூட்டணி, கோவாவில் ஆளும், பா.ஜ., கூட்டணிக்கு நெருக்கடியை அளிக்கும் எனவும் எதிர்பார்க்கப்படுகிறது.

English Summary:

New Delhi : Assembly elections in Goa Cong., 4 on behalf of former chief ministers are contesting party.

Read More

அ.தி.மு.க., எம்.பி., க்கள் எங்கே? கடைசி 10 நாள் ஆளையே காணோம்! : பொன். ராதாகிருஷ்ணன் 'சுருக்'

மதுரை : ''ஜல்லிக்கடடு குறித்து பார்லிமென்ட்டில் பேசாமல் அ.தி.மு.க., எம்.பி.,க்கள் எங்கே போனார்கள்?'' என மத்திய அமைச்சர் பொன். ராதாகிருஷ்ணன் கேள்வி எழுப்பினார்.

மதுரை விமான நிலையத்தில் அவர் கூறியதாவது: 'ஜல்லிக்கட்டு நடத்தக் கூடாது' என உச்சநீதிமன்றம் உத்தரவிட்டுள்ளது. அதை சரிசெய்யும் முயற்சிகளை கடந்த இரண்டு ஆண்டுகளாக பா.ஜ., அரசு மேற்கொண்டு வருகிறது. சாதகமான தீர்ப்பு வரும் என எதிர்பார்க்கிறோம். இப்போது சிலர், 'மத்திய அரசு ஏன் சட்டம் கொண்டு வரக்கூடாது?' என பேசுகின்றனர்.

கடந்த மாதம் பார்லிமென்ட் கூட்டம் நடந்த போது அ.தி.மு.க., எம்.பி.,க்கள் எங்கே சென்றனர்; கடைசி 10 நாட்கள் ஏன் வரவில்லை; எது அவர்களை தடுத்தது. மற்ற கட்சி உறுப்பினர்கள் என்ன செய்து கொண்டிருந்தனர்; தற்போது ஞானோதயம் பெற்றதற்கு என்ன காரணம்? தி.மு.க.,- அ.தி.மு.க.,- காங்., கட்சிகளை துடைத்தெறிந்து விட்டு, மக்கள் பொங்கல் கொண்டாடினால், 50 ஆண்டுகள் அவலநிலை மாறி ஒரு நல்ல நிலை தமிழகத்திற்கு பிறக்கும். ஜல்லிக்கட்டு கட்டாயமாக நடக்கும். இவ்வாறு அவர் கூறினார்.

English summary:

Madurai : '' jallikkatatu silent about the AIADMK in Parliament, MPs, where did it go? '' The Federal Minister for gold. Radhakrishnan asked.

Read More