அவனியாபுரம் தடியடி சம்பவம் : ஸ்டாலின் கண்டனம்

சென்னை : ஜல்லிக்கட்டுக்கு ஆதரவான போராட்டக்காரர்கள் மீது தடியடி நடத்தப்பட்டது மனிதநேயமற்ற கொடுஞ்செயல் என திமுக செயல் தலைவர் ஸ்டாலின் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில், ஜல்லிக்கட்டு நடத்த அனுமதிகோரி மதுரை மாவட்டம் அவனியாபுரத்தில் நடைபெற்ற ஆர்பாட்டத்தில் காவல்துறை தடியடி நடத்தியதற்கு கடும் கண்டனத்தை தெரிவித்துக் கொள்கிறேன். தங்களது பொங்கல் கொண்டாட்டங்களை ஒத்திவைத்துவிட்டு போராட்டக் களத்தில் தமிழ் ஆர்வலர்களும், திரையுலகினரும், பொதுமக்களும் பெருமளவில் பங்கேற்று உரிமைக்குரல் எழுப்பிய நிலையில், திரைப்பட இயக்குநர் வ.கவுதமன் உள்ளிட்ட பலர் மீது தமிழக காவல்துறை கடுமையான தடியடி நடத்தியிருப்பது மனிதநேயமற்ற கொடுஞ்செயல். காவல்துறையின் இந்த அராஜகச் செயலை தி.மு.கழகத்தின் சார்பில் வன்மையாகக் கண்டிக்கிறேன்.

தமிழர்களின் வீரவிளையாட்டை நடத்துவதற்கு சட்டரீதியான நடவடிக்கைகளை மேற்கொள்வதில் கோட்டைவிட்ட தமிழக அரசு, தனது காவல்துறையை ஏவி, தமிழர்கள் மீது தடியடி நடத்துவதும் சித்திரவதைகள் செய்வதும் தமிழினத்திற்கு செய்யும் மன்னிக்க முடியாத துரோகமாகும். ஈவு இரக்கமற்ற இத்தகைய எதேச்சதிகார நடவடிக்கைகளைக் கைவிட்டு, ஜல்லிக்கட்டுப் போட்டிகள் நடத்த உரிய நடவடிக்கைகளில் அ.தி.மு.க அரசு ஈடுபட வேண்டும் என வலியுறுத்துகிறேன். ஜல்லிக்கட்டு நடத்த அனுமதிகோரி ஜனநாயக முறையில் நடைபெறும் போராட்டங்களை அடக்கு முறையை கட்டவிழ்த்து விட்டு ஒடுக்கிவிட முடியாது என்பதை அதிமுக அரசு உணர வேண்டும். இந்த நேரத்தில் ஜல்லிக்கட்டு நடத்தக்கோரி ஜனநாயக முறையில் நடைபெறும் அனைத்து போராட்டங்களுக்கும் தி.மு.க என்றும் துணை நிற்கும் எனத் தெரிவித்துக் கொள்கிறேன். இவ்வாறு அறிக்கையில் தெரிவிக்கப்பட்டுள்ளது.

English summary:

Chennai: Jallikattu inhuman ferocity that was charged at the protesters in support of the DMK leader MK Stalin said act. 

Read More

சசிகலாவை பொதுச் செயலராக ஏற்கக் கூடாது: தேர்தல் கமிஷனுக்கு கடிதம் அனுப்பினார் சசிகலா புஷ்பா

அ.தி.மு.க., தலைமைக் கழகத்தில் வைத்து, என் கணவரை அடித்து உதைத்து விட்டால், நியாயம் கேட்டு நான் போராட மாட்டேன் என நினைத்து விட்டனர்; அது நடக்காது. எனக்கு நியாயம் கிடைக்கும் கடைசி நிமிடம் வரை போராடுவேன் என, அடித்துச் சொல்லும் சசிகலா புஷ்பா எம்.பி., சசிகலாவை, அ.தி.மு.க.,வின் பொதுச் செயலராக நியமித்ததே செல்லாது. அதை தேர்தல் கமிஷன் ஏற்கக் கூடாது என, இந்திய தேர்தல் ஆணையத்துக்கு கடிதம் அனுப்பி உள்ளார்.

இது குறித்து, சசிகலா புஷ்பா கூறியதாவது:ஜெயலலிதாவின் மரணத்தில் மர்மம் இருக்கிறது என்பதை, உலகமே அறிந்து வைத்துள்ளது. கூடவே இருந்து ஜெயலலிதாவைப் பார்த்துக் கொண்டதாக கூறும் சசிகலாதான், ஜெயலலிதா மரணத்தில் உள்ள மர்மத்தை விலக்க வேண்டும். அது வரை, அவர் மீதான சந்தேகம் இருந்து கொண்டேதான் இருக்கும்.

ஜெயலலிதா அப்பல்லோ மருத்துவமனையில் சிகிச்சைக்காக அனுமதிக்கப்பட்டு, இறந்து போன நாள் வரையிலான 75 நாட்களும், சசிகலாதான் கூடவே இருந்திருக்கிறார். அவர்தான், கவர்னர் உள்ளிட்ட யாரையுமே, ஜெயலலிதாவை சந்திக்கவே விடாமல் தவிர்த்துள்ளார். ஜெயலலிதாவின் ரத்த உறவான தீபாவையும் கூட, அவர் மருத்துவமனைக்குள்ளேயே விடவில்லை.

இப்படியெல்லாம் செய்த சசிகலாவைத்தான், ஏற்கனவே துரோகி என கூறி, போயஸ் தோட்டத்தை விட்டு வெளியேற்றினார் ஜெயலலிதா. அதனால்தான், ஜெயலலிதா மரணத்தில் உள்ள மர்மங்கள் குறித்து தமிழக அரசு வெள்ளை அறிக்கை வெளியிட வேண்டும் என்றும்; மத்திய அரசு சி.பி.ஐ., விசாரணைக்கு விட வேண்டும் என்றும் கேட்டு, நியாயத்தை நோக்கி போராடிக் கொண்டிருக்கிறேன்.

ஜெயலலிதாவாலேயே துரோகி என பட்டம் சூட்டி, போயஸ் தோட்டத்தை விட்டு வெளியேற்றப்பட்ட சசிகலாதான், இன்று, ஜனநாயகத்தை காலில் போட்டு மிதித்து விட்டு, பொதுக் குழுவால், தற்காலிகமாக அ.தி.மு.க.,வின் பொதுச் செயலராக நியமிக்கப்பட்டுள்ளார். இதில், கட்சியின் அடிப்படையான விதிகள் அனைத்தும் மீறப்பட்டுள்ளது.
அப்படி இருக்க, சசிகலாவை நிரந்தரப் பொதுச் செயலர் போல, பொதுக் குழு தீர்மானங்களையெல்லாம், தேர்தல் கமிஷனுக்கு அனுப்பி உள்ளனர். கட்சியின் செய்தி தொடர்பாளர்களில் ஒருவரான பொன்னையனும், அதையே சொல்கிறார்.

ஆக, சசிகலா, பொதுச் செயலராக தேர்ந்தெடுக்கப்பட்டதே முறையானது அல்ல என்கிற போது, தேர்தல் கமிஷன், சசிகலாவின் தேர்வை ஏற்றுக் கொண்டு அங்கீகரிக்கக் கூடாது நிரந்தர ஏற்பாடாக, நியாயமான; நேர்மையான தேர்தலை நடத்த உத்தரவிட வேண்டும். கட்சியின் அடிப்படை விதிகளின்படி, கட்சியின் உறுப்பினர்கள் அனைவரும் கூடி, ஓட்டளித்து, பொதுச் செயலரை தேர்ந்தெடுக்க, தேர்தல் கமிஷன் ஏற்பாடு செய்ய வேண்டும்.

அப்படி செய்யும் போது, சசிகலாவால், கட்டாயம், கட்சியின் பொதுச் செயலராக வர முடியாது. எதிர்த்து ஒரு மூத்த தலைவர் நின்றால், அவரே, கட்சியின் பொதுச் செயலராக முறைப்படி தேர்ந்தெடுக்கப்படுவார். இதை விட்டு விட்டு, புற வழியில், கட்சியின் பொதுச் செயலராக நியமிக்கப்பட்டு விட்ட, சசிகலாவின் நியமனத்தை, எக்காரணம் கொண்டும் தேர்தல் கமிஷன் ஏற்றுக் கொள்ளக் கூடாது.

இதற்கான சட்ட ரீதியிலான போராட்டங்களை நான் தொடர்ந்து வருகிறேன். இப்படி பொதுச் செயலர் தேர்வுக்கு, தேர்தல் நடத்தினால், அதில் போட்டியிட வேண்டும் என்பதற்காகத்தான், கட்சியின் உறுப்பினர் என்ற வகையில், என் கணவர் யோகேஸ்வர் திலகன், அ.தி.மு.க., தலைமை அலுவலத்துக்குச் சென்றார். அவரை, சுற்றிய சசிகலா ஆட்கள், அவரை கடுமையாகத் தாக்கி உள்ளனர். அராஜகத்தின் மூலம், சசிகலா வெகு நாட்களுக்கு வெற்றி பெற்றுவிட முடியாது. நியாத்துக்கான கடைசி நிமிடம் வரையில் போராடுவேன்.
இவ்வாறு, அவர் கூறினார்.

English summary:

Digg, and put at the head, beaten and kicked my husband, if you will not fight with the thought that I had a fair hearing; It will not happen. I will fight until the last minute to get justice, Sasikala Pushpa MP's assertion, Sasikala, AIADMK general secretary nominated valid. It would not be acceptable to the Election Commission, has sent a letter to the Election Commission of India. 

Read More

பன்னீரை இறக்கி விட்டு தினகரனை நியமிக்கலாம்; முதல்வர் பதவிக்கு பரிந்துரைக்கும் சசிகலா உறவுகள்

அ.தி.மு.க., பொதுச் செயலராக நியமிக்கப்பட்டிருக்கும் சசிகலா, முதல்வர் பன்னீர்செல்வத்தை, அந்தப் பொறுப்பில் இருந்து நீக்கி விட்டு, தன்னை முதல்வராக்கிக் கொள்ள வேண்டும் என, துடித்தார். இதற்காக, தனது உறவுகள் போட்டுக் கொடுத்த திட்டத்தின் படி தொடர்ந்து செயல்பட்டு வந்தார். ஆனால், அந்தத் திட்டங்கள், எதிர்பார்ப்புக்கு மாறாக செல்ல, தனது நடவடிக்கையில், வேகத்தைக் குறைத்தார் சசிகலா. இதை வாய்ப்பாக பயன்படுத்தி, தனது செயல்பாட்டு வேகத்தைக் கூட்டினார் முதல்வர் பன்னீர்செல்வம்.

கூடவே, ஜெயலலிதாவின் அண்ணன் மகள் தீபாவின், அரசியல் ரீதியிலான நடவடிக்கைகளிலும் வேகம் இருக்க, சசிகலா தரப்பு கொஞ்சம் ஆடிப் போய் உள்ளதாகக் கூறப்படுகிறது.

இதையடுத்து, பொங்கல் நாளில், சசிகலா தன் உறவினர்களுடன் கூடி, அடுத்தகட்ட அரசியல் நிகழ்வுகள் குறித்து ஆலோசனை நடத்தியதாகக் கூறப்படுகிறது. அப்போது, ஒரு சிலர், நீங்களே முதல்வராவதை தவிர்த்து விட்டு, டி.டி.வி.தினகரனை முதல்வராக்கலாம். அப்படி செய்தால், அதை பன்னீர்செல்வமே கூட எதிர்க்காமல் இருந்து விடலாம் என கூறியுள்ளனர். ஆனால், அதை சசிகலா உடனடியாக ஏற்றுக் கொள்ளவில்லை என்றும், போயஸ் தோட்டத்து நடவடிக்கைகள் குறித்து நன் கு அறிந்தவர்கள் மூலம் தகவல்கள் வெளியே கசிந்துள்ளன.

இது குறித்து, போயஸ் தோட்டத்து நடவடிக்கைகளை முழுமையாக அறிந்தவர்கள் சிலர் கூறியதாவது:

முதல்வர் பதவியை அடைய வேண்டும் என்ற சசிகலாவின் தீராத வேட்கை, அவ்வளவு எளிதாக இலக்கை அடையும் எனத் தெரியவில்லை. எந்தப் பக்கம் போனாலும், அது சசிகலாவுக்கு இடைஞ்சலாகவே நிற்கிறது. அதனால், தன்னுடைய முதல்வர் ஆசையை, சிறிது காலம் ஒத்தி வைக்க சசிகலாவே முடிவெடுத்து விட்டதாகத் தெரிகிறது.

இருந்தாலும், முதல்வர் பதவியில் பன்னீர்செல்வத்தை தொடர்ந்து இருக்க விடுவதில், சசிகலாவுக்கு விருப்பம் இல்லை. அதனால், அந்தப் பதவியில், தன் உறவுக்காரர்களில் இருந்து யாராவது ஒருவரை நியமித்துவிட வேண்டும் என நினைக்கிறார். இதை தன் உறவினர்கள் சிலரிடம் அவர் லேசுபாசாகச் சொல்ல, பொங்கல் நாளில் கூடிய உறவினர்கள், அது குறித்து பேசியுள்ளனர்.

அப்போது, டி.டி.வி.தினகரனை, புதிய முதவராக்கி விடலாம்; வரும் 27ல் அவரை பதவியேற்க வைக்கலாம் என்றெல்லாம் சிலர் ஆலோசனையாக கூறியுள்ளனர். சசிகலா முதல்வராவதை விட, இது சிறப்பானதாக இருக்கும் என்றும், கட்சிக்காரர்களும் இதை எதிர்ப்பின்றி ஏற்றுக் கொள்வர் என்றும் கூறியுள்ளனர். ஒருசிலர், நடராஜன் பெயரை, முதல்வர் பதவிக்கு உச்சரித்துள்ளனர். அதை சசிகலாவே ஏற்கவில்லை.

தினகரன் குறித்து, தானும் நிறைய யோசிப்பதாகக் கூறியுள்ள சசிகலா, இது குறித்து மேற்கொண்டும் சிலரிடம் தீவிரமாக ஆலோசித்துவிட்டு, தெளிவாக முடிவெடுக்கலாம் என கூறியுள்ளார். இது, தினகரன் தரப்பை உற்சாகப்படுத்தி இருந்தாலும், முதல்வர் பதவியில் அமர்வது குறித்து, தினகரன் குடும்பத்தினர் நிறைய யோசிக்கின்றனராம். அடுத்தடுத்த கட்ட விவாதங்களுக்குப் பின், இந்த விஷயம் மேற்கொண்டு செல்லுமா அல்லது, வேறு திசை நோக்கிப் பயணிக்குமா என்பது தெரியும்.

ஒருவேளை, தினகரன் முதல்வர் என முடிவெடுக்கப்பட்டால், பன்னீர்செல்வம், வழக்கம்போல நிதியமைச்சராகவே தொடருவார்; அவருக்கு, கட்சியில் அவைத் தலைவர் பதவி கொடுக்கப்படலாம். தினகரன், கட்சியின் பொருளாளர் பதவியையும் சேர்த்து கவனிப்பார்.

English summary:

AIADMK general secretary appointed Sasikala, Chief Paneerselvam, removing the charge from the left, and that would be chief minister himself, could not bear to. For this purpose, and also gave her relations had continued according to plan. But the plans go against expectations, in its action, slowing Shashikala. Using this opportunity, convened by Chief Minister Panneerselvam its operational speed.

Read More

செருப்பில் காந்தி படம் : அடுத்த சர்ச்சையில் அமேசான்

புதுடில்லி : தேசியக் கொடி நிறத்தில் மிதியடிகள் விற்பனை செய்து சர்ச்சையில் சிக்கிய அமேசான் நிறுவனத்தின் அமெரிக்க இணையதளத்தில் மகாத்மா காந்தியின் படத்துடன் கூடிய செருப்புக்கள் விற்பனைக்கு வைக்கப்பட்டிருந்தது அதிர்ச்சியை ஏற்படுத்தியுள்ளது.
ஆன்லைன் வர்த்தகத்தில் முன்னணியில் உள்ள அமேசான் நிறுவனத்தின் கனடா இணையத்தில் இந்திய தேசியக்கொடியின் நிறத்தில் மிதியடிகள் விற்பனைக்கு வைக்கப்பட்டது சர்ச்சையை ஏற்படுத்தியது. இந்த சம்பவத்துக்கு வெளியுறவுத்துறை அமைச்சர் சுஷ்மா சுவராஜ் கடும் கண்டமும், எச்சரிக்கையும் விடுத்தார். இதையடுத்து அந்த பொருட்களை இணையத்தில் இருந்து நீக்கிய அமேசான் நிறுவனம், அதற்காக வருத்தமும் தெரிவித்தது. இந்தநிலையில் அமேசான் நிறுவனத்தின் அமெரிக்க இணையதளத்தில் மகாத்மா கந்தியின் உருவம் அச்சிடப்பட்ட காலணிகள் விற்பனைக்கு வைக்கப்பட்ட சம்பவம் புதிய சர்ச்சையை ஏற்படுத்தியுள்ளது.
இதற்கு பல தரப்பிலும் எதிர்ப்புக்கள் கிளம்பினாலும், அமேசான் நிறுவனம் இதுவரை பதில் ஏதும் அளிக்கவில்லை.

English summary:

New Delhi: The national flag of colored sandals on Amazon's US website is shrouded in controversy with the picture of Mahatma Gandhi has been put up for sale slippers shock. 

Read More

இந்தியர்களின் உணர்வுகளுக்கு மதிப்பு அளியுங்கள்: அமேசானுக்கு மத்திய அரசு வலியுறுத்தல்

புதுடில்லி : இந்தியர்களின் உணர்வுகளுக்கு மதிப்பு அளியுங்கள் என அமேசான் நிறுவனத்திற்கு அமெரிக்காவில் உள்ள தூதரகம் மூலம் மத்திய அரசு வலியுறுத்தி உள்ளது.

ஆன்லைன் வர்த்தக நிறுவனமான அமேசான், இந்திய தேசியகொடி மாதிரியான மிதியடிகளை விற்பனை செய்து வருவதாக புகார் எழுந்தது. இது தொடர்பான புகைப்படங்களைப் பொதுமக்கள், இந்திய வெளியுறவுத்துறை அமைச்சர் சுஷ்மா சுவராஜுக்கு அனுப்பி வைத்தனர். இதுகுறித்து தன் ட்விட்டர் பக்கத்தில் பதிவிட்டிருந்த சுஷ்மா, ''அமேசான் நிறுவனம் நிபந்தனையற்ற மன்னிப்பைக் கோர வேண்டும். இந்திய தேசியக் கொடியை அவமதிக்கும் அனைத்துப் பொருட்களையும் திரும்பப் பெற வேண்டும். இல்லையெனில் அமேசான் அதிகாரிகளுக்கு இந்திய விசா அளிக்கப்பட மாட்டாது. ஏற்கெனவே அளிக்கப்பட்டிருக்கும் விசாக்களும் ரத்து செய்யப்படும்'' என்று கூறியிருந்தார்.

இதையடுத்து, மன்னிப்பு கோரியதோடு அமேசான் நிறுவனம் மூவர்ணம் கொண்ட மிதியடிகளையும் திரும்பப் பெறுவதாக அறிவித்தது. இந்த சர்ச்சை ஓய்வதற்குள் தற்போது அமேசான் நிறுவனத்தின் அமெரிக்க இணையதளத்தில் மகாத்மா காந்தியின் உருவம் அச்சிடப்பட்ட காலணிகள் விற்பனைக்கு வைக்கப்பட்ட சம்பவம் புதிய சர்ச்சையை ஏற்படுத்தியுள்ளது. இதனையடுத்து, இந்தியர்களின் உணர்வுகளுக்கு மதிப்பு அளியுங்கள் என்று அமேசான் நிறுவனத்திற்கு மத்திய அரசு வலியுறுத்தி உள்ளது. இது தொடர்பாக அமேசான் நிறுவனத்திடம் வலியுறுத்துமாறு வாஷிங்டனில் உள்ள இந்திய தூதரகத்திடம் மத்திய அரசு கேட்டுக் கொண்டுள்ளது.

English summary:

NEW DELHI: Indians of the Amazon to the sentiments of the value of the Nuggets organization is urging the federal government, through its embassy in the United States. 

Read More

தொடர்கிறது தடையை மீறிய ஜல்லிக்கட்டு : பாலமேட்டில் கறுப்பு கொடி போராட்டம்

சென்னை : கடந்த 2 நாட்களாக தமிழகத்தின் பல பகுதிகளிலும் தடையை மீறி ஜல்லிக்கட்டு நடத்தப்பட்டு வந்தது. இந்நிலையில் இன்றும் தொடர்ந்து பல மாவட்டங்களில் சுப்ரீம் கோர்ட் தடையை மீறி ஜல்லிக்கட்டு நடத்தப்பட்டு வருகிறது.

தடையை மீறி ஜல்லிக்கட்டு :

ஜல்லிக்கட்டுக்கு சுப்ரீம் கோர்ட் விதித்திருந்த தடையை இன்னும் தொடர்ந்து வருகிறது. தடையை விலக்கி, ஜல்லிக்கட்டு நடத்த அனுமதி அளிக்க வேண்டும் என தமிழகம் முழுவதும் போராட்டங்கள் வலுத்து வந்தன. இளைஞர்களும், கல்லூரி மாணவர்களும் அதிக அளவில் இந்த போராட்டங்களில் பங்கேற்றனர். இருப்பினும் ஜல்லிக்கட்டு நடத்த அனுமதி அளிக்கப்படவில்லை. இதனால் 2 நாட்களுக்கு முன் கடலூரில் தடையை மீறி ஜல்லிக்கட்டு நடத்தப்பட்டது. இதனையடுத்து பொங்கல் தினமான நேற்று மதுரை - அவனியாபுரம், தேனி - கூடலூர், வேலூர் - காட்பாடி உள்ளிட்ட பகுதிகளில் தடையை மீறி ஜல்லிக்கட்டும், ஜல்லிக்கட்டுக்கு ஆதரவாக போராட்டமும் நடத்தப்பட்டது. அவனியாபுரத்தில் ஜல்லிக்கட்டுக்கு ஆதரவாகவும், பீட்டாவிற்கு தடை விதிக்க வேண்டும் என வலியுறுத்தியும் போராட்டம் நடத்தப்பட்டது. இதில் சினிமா பிரபலங்கள் சிலர் கலந்து கொண்டனர். இந்த போராட்டத்தின் போது, போராட்டக்காரர்கள் மீது போலீசார் தடியடி நடத்தினர்.

தொடரும் ஜல்லிக்கட்டு :

இதனால் மாட்டு பொங்கல் தினமான இன்றும் பல இடங்களில் தடையை மீறி ஜல்லிக்கட்டு நடத்தப்படலாம் என எதிர்பார்க்கப்பட்டதால் பல இடங்களில் போலீசார் குவிக்கப்பட்டுள்ளனர். இருந்தும் மதுரை - முடக்கத்தான், அலங்காநல்லூர், பாலமேடு, விளாங்குடி, திண்டுக்கல் - நல்லாம்பட்டி, தஞ்சை - பொட்டுச்சாவடி உள்ளிட்ட பகுதிகளில் தடையை மீறி ஜல்லிக்கட்டு நடத்தப்பட்டுள்ளது. தடையை மீறி ஜல்லிக்கட்டு நடத்தியதாக இதுவரை ஏராளமானோர் கைது செய்யப்பட்டுள்ளனர்.

கறுப்பு கொடியுடன் கடையடைப்பு :

மதுரை - பாலமேட்டில் ஜல்லிக்கட்டு நடத்த அனுமதி அளிக்காததை கண்டித்து வீடுகளில் கறுப்பு கொடி ஏற்றி, மக்கள் போராட்டம் நடத்தி வருகின்றனர். மேலும் கடைகள் முன் கறுப்பு கொடி ஏற்றியும், கடைகளை அடைத்தும் மக்கள் எதிர்ப்புக்களை காட்டி வருகின்றனர். இதனால் ஏற்பட்டுள்ள பதற்றம் காரணமாக பாலமேட்டில் அதிக அளவில் போலீசார் குவிக்கப்பட்டுள்ளனர்.

English summary:

Chennai: In many parts of the state in the last 2 days was done in defiance jallikattu. In this case, the Supreme Court continues today despite the ban jallikattu has been held in several districts.

Read More

எனக்கு முழு பாதுகாப்பு வேண்டும்: முஷராப்

கராச்சி: நான் பாகிஸ்தான் திரும்பி வரவேண்டுமென்றால் முழு பாதுகாப்பு அளிக்க வேண்டும் என்று அந்நாட்டு அரசிடம் முன்னாள் அதிபர் பர்வேஸ் முஷராப் வலியுறுத்தியுள்ளார்.

பாகிஸ்தான் முன்னாள் அதிபர் பர்வேஸ் முஷாரப். 2007-ம் ஆண்டு பாகிஸ்தான் அதிபராக பதவி வகித்த முஷாரப் அந்நாட்டில் நெருக்கடி நிலையை பிரகடனப்படுத்தியும், நீதிபதிகளை காவலில் வைத்தும் உத்தரவிட்டார். இதனால் அவர் மீது தேசத்துரோக வழக்கு பதிவு செய்யப்பட்டது. மேலும், நீதிமன்ற விசாரணையை அவர் பாகிஸ்தானில் தங்கி எதிர்கொள்ள வேண்டும் என்றும் உத்தரவிடப்பட்டது.ஆனால் தனது உடல்நிலையைக் காரணம் காட்டி அரசிடம் அனுமதி பெற்று முஷாரப் வெளிநாடு சென்றுவிட்டார்.

உயிருக்கு அச்சுறுத்தல்:

தற்போது வெளிநாட்டில் தங்கியிருக்கும் முஷாரப், தான் பாகிஸ்தான் திரும்பி வரவேண்டுமென்றால் முழு பாதுகாப்பு அளிக்க வேண்டும் என்று அந்நாட்டு அரசிடம் முன்னாள் அதிபர் பர்வேஸ் முஷராப் வலியுறுத்தியுள்ளார்.இது தொடர்பாக, தன்னுடைய உயிருக்கு அச்சுறுத்தல் இருப்பதாக கூறி தீவிரவாத தடுப்பு நீதிமன்றத்தில் மனு ஒன்றினை அவர் தாக்கல் செய்துள்ளார்.

English summary:

KARACHI: I would come back to Pakistan would provide full security to the government of former President Pervez Musharraf has urged the country. 

Read More