மே.வங்கத்தில் நிலக்கரி சுரங்கம் இடிந்து விபத்து: 4 பேர் பலி

கோல்கட்டா:மேற்குவங்க மாநிலம் பங்குரா மாவட்டத்தின் மெஹியா பிளாக்கில் உள்ள கலிகப்பூர் கிராமத்தில் நிலக்கரி சுரங்கம் ஒன்று இடிந்து விழுந்து விபத்து ஏற்பட்டது.இந்த விபத்தில் 4 பேர் பரிதாபமாக உயிரிழந்தனர். பலர் மண் சரிவில் சிக்கி மாயமாகி உள்ளனர்.

நிலக்கரி சுரங்கரத்தில் பணி புரிந்த தொழிலாளர்களில் பலர் ஜார்காண்ட் மாநிலத்தை சேர்ந்தவர்கள். விபத்துக்குள்ளான சுரங்கம் சட்டத்திற்கு புறம்பாக இயங்கி வந்ததாக அப்பகுதி மக்கள் தெரிவித்தனர்.இந்த சுரங்கம் சட்டத்திற்கு புறம்பானது என்பதால் அதற்குள் செல்ல விடாமல் அதன் நிர்வாகிகள் மற்றும் மாபியா கும்பல்கள் தடுத்து வந்ததாக அவர்கள் கூறினர்.

விசாரணை இல்லை:

அதேபோல் திரிணாமூல் காங்கிரஸ் கட்சியுடன் தொடர்புடைய மாபியா கும்பல்களின் கட்டுப்பாட்டில் உள்ள அந்த பகுதியில் இதுவரை விசாரணை ஏதும் நடைபெறவில்லை என்று கூறப்படுகிறது.விபத்து நடைபெற்ற இடத்திற்கு நேற்று இரவு வரை போலீஸ் அதிகாரிகள் யாரும் வரவில்லை கூறப்படுகிறது.

English summary:

KOLKATA: Bankura district of West Bengal state in Black mehiya kalikappur village collapsed coal mine accident in one miserable happened 4 people died in the accident. invisible others are stuck in the mud right.

Read More

அமெரிக்காவில் ஜல்லிக்கட்டு ஆதரவுப் போராட்டங்கள் தீவிரம்

ரிச்மண்ட்: ஜல்லிக்கட்டு விழிப்புணர்வு போரட்டங்கள் அமெரிக்கா முழுவதும் தீ விரமடைந்து ள்ளன. அமெரிக்க ஒருங்கிணைப்பாளர் கவிதா பாண்டியன் தமிழக எம்.பி.க்களுக்கு அவசரக் கோரிக்கை விடுத்துள்ளார். ரிச்மண்ட், நியூயார்க், பென்டன்வில் நகரங்களைத் தொடர்ந்து அமெரிக்காவின் முக்கிய நகரங்களில் தமிழர்கள் ஜல்லிக்கட்டு விழிப்புணர்வு போராட்டத்தை தீவிரப்படுத்தியுள்ளனர்.

அட்லாண்டா, வாஷிங்டன் டிசி, பால்டிமோர், நியூ ஜெர்ஸி, மினியாபோலிஸ், சியாட்டல் உள்ளிட்ட நகரங்களில் வெள்ளி சனி, ஞாயிற்றுக்கிழமைகளில் ஜல்லிக்கட்டு நடத்த அனுமதி கோரி போராட்டங்கள் நடைபெற உள்ளன. அமெரிக்கத் தூதரகங்களிலும் கோரிக்கை மனுக்கள் கொடுக்க உள்ளார்கள்.

தமிழக எம்.பி.க்களே மனம் திறங்கள்....

இந் நிலையில் ஜல்லிக்கட்டு போராட்ட அமெரிக்க ஒருங்கிணைப்பாளர் கவிதா பாண்டியன், தமிழக எம்.பி. க்களுக்கு உருக்கமான வேண்டுகோள் விடுத்துள்ளார். "சங்க காலம் தொடர்ந்தே, ஏறு தழுவுதல் என்ற பெயரில் நடைபெற்று வரும் தமிழர்களின் பாரம்பரியமிக்க விளையா
ட்டை நடத்தித் தர தமிழக எம்.பி.க்கள் முன் வரவேண்டும்.

மாட்டினத்தை அழிப்பது தான் நோக்கம்:

ஜல்லிக்கட்டுக்கு எதிர்ப்பு தெரிவிக்கும் பீட்டா அமைப்பு, அமெரிக்காவில் ஆயிரக்கணக்கான விலங்குளைக் கொன்று குவிக்கிறார்கள். அவர்கள் எப்படி விலங்குகளின் பாதுகாவலர்களாக இருக்க முடியும்? அவர்களுடைய உண்மையான நோக்கம் நமது மாட்டினத்தை அழிப்பதுதான்.என்றார்.

English Summary:

Richmond: jallikattu awareness  protests across the United States have been on fire. US Coordinator Kavita Pandya Nadu MPs demanded an emergency. Richmond, New York, in pentan jallikattu awareness of cities has intensified the struggle of the Tamils in the major cities of the US. 

Read More

பாட்னாவில் படகு கவிழ்ந்து விபத்து: 24 பேர் பலி

பாட்னா: பீகார் மாநிலம் பாட்னாவில் படகு கவிழ்ந்த விபத்தில் 24 பேர் உயிரிழந்தனர்.

பாட்னாவில் மகர சங்கராந்தி பண்டிகையையொட்டி பட்டம் பறக்கவிடும் திருவிழா நடந்தது, விழாவில் பங்கேற்றுவிட்டு கங்கை நதியில் படகில் திரும்பி கொண்டிருந்தனர். அப்போது, நதியில் படகு திடீரென கவிழ்ந்தது. படகில் சென்ற 40 பேரும் நீரில் மூழ்கினர்.

இச்சம்பவத்தில், 21 பேர் உயிரிழந்தனர். தகவல் அறிந்த தேசிய பேரிடர் மீட்பு படையினர் சம்பவ இடத்திற்கு விரைந்த வந்து மீ்ட்பு பணியில் ஈடுப்பட்டனர். மேலும், நீரில் மூழ்கியர்வர்களின் சடலங்களை தேடி வருகின்றனர். மீட்கப்பட்டவர்கள் மருத்துவமனையில் அனுமதிக்கப்பட்டுள்ளனர்.

படகில் அளவுக்கு அதிகமான நபர்களை ஏற்றியதே விபத்திற்கான காரணமாக கூறப்படுகிறது.

இச்சம்பவம் குறித்து விசாரணை நடத்த பீகார் முதல்வர் நிதிஷ் குமார் உத்தரவிட்டுள்ளார்.

இந்த விபத்திற்கு பிரதமர் மோடி, சோனியா ஆகியோர் இரங்கல் தெரிவித்துள்ளனர். பலியானவர்கள் குடும்பத்திற்கு நிவாரண உதவியாக ரூ. 2 லட்சம் வழங்க வழங்க பிரதமர் மோடி உத்தரவிட்டுள்ளார்.

English Summary:

Patna: Patna, Bihar state, 24 people were killed in an accident on the boat capsized. 

Read More

ஊழலற்ற அரசியல் கொள்கைக்காக போராடியவர் சோ: மோடி புகழாராம்

சென்னை: ‛நேர்மையான, ஊழலற்ற அரசியல் கொள்கைக்காக போராடியவர் சோ' என்று பிரதமர் மோடி புகழாராம் சூட்டினார்.

துக்ளக் இதழின் 47 வது ஆண்டு விழா சென்னையில் இன்று நடந்தது. இந்த விழாவில் பிரதமர் நரேந்திர மோடி வீடியோ கான்பரன்சிங் மூலம் உரை ஆற்றினார்.

விழாவில் பிரதமர் மோடி பேசியதாவது:

பன்முகத் தன்மை கொண்டவர்:

துக்ளக் ஆசிரியராக இருந்த சோவின் மறைவு ஈடு செய்ய முடியாத இழப்பு. எனக்கும் சோவுக்கும் இடையே தனிப்பட்ட ரீதியில் பல ஆண்டுகள் நட்பு உண்டு. என் வாழ்வில் நான் சந்தித்த பன்முகத் தன்மை கொண்ட சிலரில் சோவும் ஒருவர். பத்திரிக்கையாளர், அரசியல் விமர்சகர், நடிகர், கதாசிரியர், எழுத்தாளர் என பல திறமைகள் கொண்டவர். பல துறைகளில் சிறந்து விளங்கினாலும் துக்ளக் ஆசிரியர் என்ற பொறுப்பு அவருக்கான மணி மகுடமாகும்.

ஊழலற்ற அரசியலுக்காக போராடியவர்:

நண்பர்கள், அரசியல் பிரமுகர்கள் என அனைவரையும் விமர்ச்சித்தவர். விமர்ச்சிக்க கடினமான விசயங்களையும் ஒரே வரி, கருத்து சித்திரம் மூலம் எளிதாக புரிய வைத்தவர். விமர்ச்சிக்கப்பட்டவர்கள் கூட விரும்பும் தன்மை கொண்டவர். சோவின் விமர்சனத்தை தவிர்த்துவிட்டு இந்திய அரசியல் வரலாற்றை எழுத முடியாது. நேர்மையான, ஊழலற்ற அரசியல் கொள்கைக்காகவே போராடியவர்.

சோவின் மறைவு துக்ளக் பத்திரிக்கைக்கு மிகப்பெரும் இழப்பு. சோ காட்டிய பாதையில் துக்ளக் ஆசிரியராக குருமூர்த்தி சிறப்பாக செயல்படுவார் என்ற நம்பிக்கை எனக்கு உள்ளது. குருமூர்த்திக்கும் அவரது குழுவினருக்கும் எனது வாழ்த்துக்கள்.இவ்வாறு அவர் பேசினார்.

முன்னதாக, தமிழில் பொங்கல் வாழ்த்து கூறி பிரதமர் மோடி தன் உரையை துவக்கினார்.

English summary:

Chennai: "honest, corruption-free politics Cho fought for principles that praised Modi.
Tughlaq magazine's 47th anniversary was held in Chennai today. Prime Minister Narendra Modi's speech delivered at the ceremony by video conferencing.

Read More

சபரிமலையில் மகரஜோதி; பக்தர்கள் பரவசம்

சபரிமலை: சபரிமலையில் மகரஜோதி மற்றும் மகர நட்சத்திரத்தை கண்டு பக்தர்கள் பரசவத்துடன் சாமி கும்பிட்டு மலை இறங்கினர்.

கடந்த டிச.,30-ம் தேதி தொடங்கிய மகரவிளக்கு கால பூஜையின் முக்கிய நிகழ்ச்சியாக மகரவிளக்கு பெருவிழா நடைபெற்றது. காலை 3.15 மணிக்கு தொடங்கிய நெய்யபிஷேகம் காலை 6.30 மணிக்கு நிறுத்தப்பட்டது. பின்னர் கோயில் சுற்றுப்புறங்கள் சுத்தம் செய்யப்பட்டு 7 மணிக்கு உஷபூஜை நடைபெற்றது. தொடர்ந்து மகரசங்கரம பூஜைக்கான ஆயத்த ஏற்பாடுகள் நடைபெற்றது. 7.40-க்கு திருவிதாங்கூர் அரண்மனையில் இருந்து கொண்டு வரப்பட்ட நெய்தேங்காய்களை உடைத்து ஐயப்பனுக்கு அபிஷேகம் செய்த தந்திரி கண்டரரு ராஜீவரரு மகரசங்கரம பூஜையை நடத்தினார். எட்டு மணிக்கு மீண்டும் நெய்யபிஷேகம் தொடங்கி நடைபெற்றது. பகல் ஒரு மணிக்கு உச்சபூஜை முடிந்து நடை அடைக்கப்பட்டது.

பின்னர் மாலை ஐந்து மணிக்கு நடை திறந்ததும் திருவாபரணத்தை வரவேற்க செல்லும்

தேவசம்போர்டு அதிகாரிகள் ஸ்ரீகோயில் முன்புறம் வந்தனர். அவர்களுக்கு தந்திரி கண்டரரு ராஜீவரரு மாலை அணிவித்து வழி அனுப்பி வைத்தார். பந்தளத்தில் இருந்து கடந்த 12-ம் தேதி புறப்பட்ட திருவாபரணபவனி மாலை 5.40 மணி வாக்கில் சரங்குத்தி வந்தடைந்தது. தேவசம்போர்டு அதிகாரிகள் சென்று முறைப்படியாக வரவேற்பு கொடுத்த பின்னர் அங்கிருந்து புறப்பட்ட பவனி 6.30 மணி வாக்கில் சன்னிதானம் வந்தது. பக்தர்கள் சரணகோஷம் முழங்க 18-ம் படி வழியாக ஒரு திருவாபரண பெட்டி வந்தது. இரண்டு பெட்டகங்கள் மாளிகைப்புறம் கோயிலுக்கு கொண்டு செல்லப்பட்டது.

ஸ்ரீகோயில் முன்பு திருவாபரணபெட்டியை தந்திரியும், மேல்சாந்தியும் பெற்று நடை அடைத்தனர். தொடர்ந்து திருவாபரணங்கள் ஐயப்பனுக்கு அணிவிக்கப்பட்டு நடை திறந்து 6. 40க்கு தீபாராதனை நடைபெற்றது. இந்த நிகழ்ச்சி முடிந்ததும் சன்னிதானத்தில் குழுமியிருந்த லட்சக்கணக்கான பக்தர்களின் கண்கள் பொன்னம்பலமேட்டை நோக்கியிருந்தது. தீபாராதனை முடிந்த சில விநாடிகளில் மகர நட்சத்திரம் ஒளிவிட்டு பிரகாசிக்க தொடங்கியது. இதை கண்ட பக்தர்கள் சுவாமியே சரணம் ஐயப்பா என்று கோஷமிட்டனர். பின்னர் மூன்று முறை மகரஜோதி காட்சி தந்தது.

ஜோதியும், நட்சத்திரமும் கண்டு தரிசித்த ஆனந்தத்தில் பக்தர்கள் மலை இறங்கினர். கடந்த ஐந்து ஆண்டுகளுக்கு முன்னர் புல்மேட்டில் மகர ஜோதி தரிசனத்துக்கு பின்னர் நடைபெற்ற விபத்தில் 102 பேர் இறந்ததால் பாதுகாப்பு பல மடங்கு அதிகரிக்கப்பட்டிருந்தது. விபத்துக் கட்டுப்பாட்டு அறைகள் திறக்கப்பட்டு டாக்டர்கள் குழுவினர் தயார் நிலையில் வைக்கப்பட்டிருந்தனர். கேரள அரசு போக்குவரத்துக்கழகம் ஆயிரம் பஸ்களை தயார் நிலையில் நிறுத்தியிருந்தது.

English Summary:

Sabarimala: Sabarimala Makara Jyothi and saw Capricorn star Sami devotees praying to the mountain took glowing.

Read More

தமிழக முன்னாள் கவர்னர் பர்னாலா காலமானார்

சண்டிகர்: பஞ்சாப் முன்னாள் முதல்வரும், தமிழக முன்னாள் கவர்னருமான சுர்ஜித் சிங் பர்னாலா, உடல்நலக்குறைவால் சண்டிகர் மருத்துவமனையில் காலமானார். அவருக்கு வயது 91.

கடந்த 1925ம் வருடம் அக்டோ
பர் 21ல் பஞ்சாப் மாநிலம் அடேலியில் பிறந்த இவர் லக்னோவில் சட்டம் பயின்றார். சுதந்திர போராட்டத்திலும் ஈடுபட்டுள்ளார். 29 செப்டம்பர் 1985 முதல் 11 ஜூன் 1987 வரை பஞ்சாப் முதல்வராகவும் பதவி வகித்துள்ளார். கடந்த 1990 முதல் 91 வரையிலும், 2004 முதல் 2011 வரை தமிழக கவர்னராகவும் பதவி வகித்துள்ளார். 2000 நவம்பர் 9 முதல் 2003 ஜனவரி 7 வரை உத்தர்காண்ட் மாநில முதல் கவர்னராகவும் பதவி வகித்துள்ளார். 1998 ம் ஆண்டு வாஜ்பாய் அமைச்சரவையில், ரசாயனத்துறை அமைச்சராகவும் பதவி வகித்துள்ளார். இவருக்கு 3 மகன்களும், ஒரு மகளும் உள்ளனர். பர்னாலா, கடந்த சில நாட்களாக உடல் நலக்குறைவால் மருத்துவமனையில் சிகிச்சை பெற்று வந்தார். இன்று சிகிச்சை பலனின்றி காலமானார். அவரது மறைவுக்கு தலைவர்கள் இரங்கல் தெரிவித்துள்ளனர்.

English Summary:

Chandigarh: Former Chief Minister of Punjab, Tamil Nadu and former Governor Surjit Singh Barnala, ill and died in a Chandigarh hospital. He was 91.

Read More

ரிசர்வ் வங்கியின் தன்னாட்சி பாதிக்காது: நிதியமைச்சகம்

புதுடில்லி: ‛ரிசர்வ் வங்கியின் தன்னாட்சி மற்றும் சுதந்திரத்தன்மை பாதிக்க விட மாட்டோம்' என, நிதியமைச்சகம் தெரிவித்துள்ளது.

ரிசர்வ் வங்கி கவர்னர் உர்ஜித் படேலுக்கு, ஊழியர்கள் எழுதிய கடிதத்தில், ‛ரூபாய் நோட்டு வாபஸ் விவகாரத்தில், மோசமான நிர்வாகம் கடைப்பிடிக்கப்பட்டுள்ளது. ரிசர்வ் வங்கியில் முக்கிய பதவியில் நிதித்துறை அமைச்சக ஊழியர் நியமனம் செய்யப்பட்டுள்ளார். இதனால், தன்னாட்சி பெற்ற ரிசர்வ் வங்கியின் பெயர், சரி செய்ய முடியாத அளவுக்கு கெட்டு போயுள்ளது' எனக்கூறியிருந்தனர்.

இந்த விபரம் வெளியில் தெரிந்ததும், எதிர்க்கட்சிகள் கண்டனம் தெரிவித்தன. மத்திய அரசை எதிர்க்கட்சிகள் கடும் கண்டனத்தை தெரிவித்தன.

இதனையடுத்து இது தொடர்பாக நிதியமைச்சகம் விளக்கமளித்து அறிக்கை வெளியிட்டுள்ளது.

அந்த விளக்கத்தில், தன்னாட்சி மற்றும் சுதந்திரத்தன்மை பெற்ற ரிசர்வ் வங்கியின் பெருமையை நிதியமைச்சகம் மதிக்கிறது. பொது முக்கியத்துவம் வாய்ந்த பிரச்னைகளில், அரசு ரிசர்வ் வங்கியுடன் ஆலோசனை நடத்தியுள்ளது. இந்த ஆலோசனை சட்ட விதிகளின்படி நடந்துள்ளது. ரிசர்வ் வங்கியின் தன்னாட்சி மற்றும் சுதந்திரத்திற்கு எவ்வித பாதிப்பும் ஏற்படுத்த மாட்டோம் என தெரிவித்துள்ளது.

English Summary:

NEW DELHI: The Reserve Bank's autonomy and independence will not suffer as' the finance ministry said. 

Read More