ரூபாய் நோட்டு வாபஸ் நடவடிக்கை: நிதி அமைச்சகம் விளக்கம்

புதுடில்லி : ரூபாய் நோட்டு வாபஸ் நடவடிக்கையில், ரிசர்வ் வங்கியின் செயல்பாட்டில் மத்திய அரசு தலையீடா நடைபெற்றதா என்ற கேள்விக்கு நிதி அமைச்சகம் விளக்கம் அளித்துள்ளது.

குற்றச்சாட்டு:

ரூபாய் நோட்டு வாபஸ் நடவடிக்கைக்குப் பின், ஒருங்கிணைப்புக்காக அதிகாரி ஒருவரை மத்திய அரசு நியமித்தது. இதற்கு எதிர்ப்பு தெரிவித்து ரிசர்வ் வங்கி அதிகாரிகள், ஊழியர்கள் அமைப்பு, ரிசர்வ் வங்கி கவர்னர் உர்ஜித் பட்டேலுக்கு கடிதம் எழுதியது. அக்கடிதத்தில் மத்திய அரசு ரிசர்வ் வங்கியின் தன்னாட்சியில் தலையிடுவதாக தெரிவித்திருந்தனர்.

நிதி அமைச்சகத்தின் விளக்கம்:

இந்நிலையில் இதுகுறித்து நிதி அமைச்சகம் வெளியிட்டுள்ள அறிக்கை: ரிசர்வ் வங்கியின் சுதந்திரத்திற்கும், தன்னாட்சிக்கும் மத்திய அரசு முழு மதிப்பளிக்கிறது. மத்திய அரசுக்கும், ரிசர்வ் வங்கிக்கும் இடையே பல கட்டங்களாக ஆலோசனை கூட்டங்கள் நடைபெற்றன. இந்த கூட்டங்கள் ரிசர்வ் வங்கியின் தன்னாட்சியின் மீது, மத்திய அரசின் வரம்புமீறல் எனக்கொள்ளக்கூடாது. இவ்வாறு குறிப்பிட்டுள்ளது.

English summary:

NEW DELHI : In a move to withdraw currency note, central government intervention in the functioning of the Reserve Bank, were given to the question of interpretation of the Ministry of Finance.

Read More

இழுபறிக்கு தீர்வு கிடைக்குமா? ஜி.எஸ்.டி., கவுன்சில் இன்று ஆலோசனை

புதுடில்லி : ஜி.எஸ்.டி., எனப்படும், சரக்கு மற்றும் சேவை வரி விஷயத்தில், மத்திய, மாநில அரசுகள் இடையிலான பிரச்னைகளுக்கு தீர்வு காணும் நோக்கில், ஒன்பதாவது முறையாக, இன்று, ஜி.எஸ்.டி., கவுன்சில் கூட்டம், டில்லியில் நடைபெறுகிறது.

நிறைவேற்றம்:

நாடு முழுவதும், சரக்கு மற்றும் சேவைகளுக்கு, ஒரே சீரான வரி விதிப்பை அமல்படுத்தும் நோக்கில், ஜி.எஸ்.டி., மசோதா, பார்லிமென்டின் இரு சபைகளிலும் நிறைவேற்றப்பட்டது. ஜி.எஸ்.டி.,யை, இந்தாண்டு ஏப்ரலில் அமல்படுத்த, மத்திய அரசு திட்டமிட்டுள்ளது. ஆனால், ஜி.எஸ்.டி., வரி விதிப்பு அதிகார வரம்பு தொடர்பாக, மத்திய, மாநில அரசுகள் இடையே ஒருமித்த கருத்து ஏற்படவில்லை.

எட்டு முறை:

பிரச்னைக்கு தீர்வு காணும் நோக்கில், ஜி.எஸ்.டி., கவுன்சில் கூட்டம், எட்டு முறை நடந்துள்ளது. இதில், பல பிரச்னைகள் குறித்து விவாதிக்கப்பட்டது; இருப்பினும் இறுதி முடிவு எட்டப்படவில்லை.

இன்று கூட்டம்:

இந்நிலையில் ஒன்பதாவது முறையாக, இந்த கூட்டம், டில்லியில், இன்று நடைபெறுகிறது. மத்திய நிதியமைச்சர், அருண் ஜெட்லி தலைமையில் நடைபெறும் இக்கூட்டத்தில், மாநில அரசுகளின் பிரதிநிதிகள் பங்கேற்கின்றனர். வரி செலுத்துவோர் மீதான அதிகார வரம்பு பிரச்னை மட்டுமின்றி, வரி விதிப்பு குறித்தும் இக்கூட்டத்தில் விவாதிக்கப்படுகிறது.

நீடிக்கும் சிக்கல்:

* ஜி.எஸ்.டி.,யை அமல்படுத்துவதால், மாநில அரசுகளுக்கு ஏற்படும் இழப்பை ஈடுகட்டுவது தொடர்பாக மத்திய அரசு உறுதியளிக்கவில்லை
* மத்திய, மாநில அரசுகள் இடையே, சில பிரிவு களில், வரி பகிர்வு தொடர்பாக முடிவு செய்வதில் சிக்கல் நீடிக்கிறது
* வரி செலுத்துபவர்களின் கணக்குகளை, மாநில அரசுகளும் தணிக்கை செய்வதை, மத்திய அரசு ஏற்கவில்லை
* மாநில அரசுகள், வேறு சில வரிகள் வசூலிப்பதற்கு, மத்திய அரசு எதிர்ப்பு தெரிவிக்கிறது.

English summary:

NEW DELHI: The GST, which, in the case of goods and service tax, the federal and state governments in order to solve the problems, for the ninth time, today, GST, Council meeting, held in New Delhi.

Read More

காங்.,கில் இணைந்தார் சித்து; முடிவுக்கு வந்தது இழுபறி

புதுடில்லி : கிரிக்கெட் வீரரும், பா.ஜ., முன்னாள், எம்.பி.,யுமான நவ்ஜோத் சிங் சித்து, 53, நீண்ட இழுபறிக்கு பின், நேற்று(ஜன.,15), முறைப்படி காங்கிரசில் இணைந்தார்.

விலகல்:

கிரிக்கெட் வீரரும், பா.ஜ., முன்னாள், எம்.பி.,யுமான, நவ்ஜோத்சிங் சித்து, அந்த கட்சியிலிருந்து விலகி, பரபரப்பை ஏற்படுத்தினார். அவர், ஆம் ஆத்மியில் சேரப் போவதாக தகவல் வெளியானது. டில்லி முதல்வர், அரவிந்த் கெஜ்ரிவால் உட்பட, மூத்த தலைவர்கள் பலருடன், பல கட்ட பேச்சு நடத்தியும், அந்த முயற்சி நிறைவேறவில்லை.

குழப்பம்:

இதன்பின், புதிய அமைப்பை துவங்கினார்; அதுவும் போணியாகவில்லை. இதையடுத்து, சித்துவின் கவனம், காங்., பக்கம் திரும்பியது. அக்கட்சி யில் சேருவதற்கு முன்னோட்டமாக, சித்துவின் மனைவி, நவ்ஜோத் கவுர், காங்.,கில் சேர்ந்தார்; ஆனாலும், அதிகாரபூர்வமாக காங்கிரசில் சேராமல் இருந்தார், சித்து. இதனால், அவரது நிலைப்பாடு குறித்து குழப்பம் நீடித்து வந்தது. இந்த நிலையில், காங்., துணைத் தலைவர், ராகுலை, நேற்று சித்து சந்தித்து, முறைப்படி காங்கிரசில் இணைந்தார்.

வருகை பலம்:

இதுகுறித்து, காங்., செய்தித் தொடர்பாளர் ரண்தீப் சுர்ஜேவாலா கூறியதாவது: பஞ்சாப் மாநிலத்தில், ஆளும் அகாலி தளம் - பா.ஜ., கூட்டணி ஆட்சியை முடிவுக்கு கொண்டு வர வேண்டும் என்ற எண்ணம் உள்ள அனைவரும், ஒன்று சேர்ந்துள்ளோம். சித்துவின் வரவால், காங்., வலிமையடைந்துள்ளது. தேசிய சிந்தனையும், மனம் திறந்து பேசும் தன்மையும் உடைய சித்து, காங்., ஆட்சி மீண்டும் மலர பணியாற்றுவார். இவ்வாறு அவர் கூறினார்.

தேர்தலில் போட்டி?

பஞ்சாபில், காங்., சார்பில், மூத்த தலைவர், அமரிந்தர் சிங், முதல்வர் பதவிக்கு முன்னிறுத்தப்பட்டுள்ளார். தற்போது, அமிர்தசரஸ் தொகுதி, எம்.பி.,யாக இருக்கும் அவர், முதல்வரானால், காலியாகும் அந்த இடத்தில் போட்டியிட, சித்து விருப்பினார். ஆனால், அதற்கான வாக்குறுதியை, காங்., அளிக்கவில்லை. பஞ்சாபில், 117 சட்டசபை தொகுதிகளில், 100 இடங்களுக்கு, காங்., ஏற்கனவே வேட்பாளர்களை அறிவித்து விட்டது. அமிர்தசரஸ் கிழக்கு உட்பட, 17 சட்டசபை தொகுதிகளுக்கு வேட்பாளர் அறிவிக்கப்படவில்லை. எனவே, சித்து, சட்டசபை தேர்தலில் போட்டியிட வாய்ப்பு இருப்பதாக கூறப்படுகிறது.

English Summary:

New Delhi : Cricketer-turned-BJP, former MP Navjot Singh Sidhu, 53, after a long tug, yesterday (Jan., 15), formally joined the Congress.

Read More

115 ஆண்டுகளில் அதிக வெயில்; 2016ல் 700 பேர் பலி

புதுடில்லி : கடந்த, 115 ஆண்டுகளில் இல்லாத வகையில், 2016ல், வெயில் வறுத்தெடுத்துள்ளது. அந்த ஆண்டில், பல்வேறு தட்ப, வெப்பநிலை காரணமாக உயிரிழந்த, 1,600 பேரில், வெயில் காரணமாக மட்டும், 700 பேர் பலியாகி உள்ளனர்.

இந்திய வானிலை ஆய்வு மையம், 2016ம் ஆண்டுக்கான அறிக்கையை சமீபத்தில் வெளியிட்டுள்ளது. அதில் கூறப்பட்டுள்ளது:

* கடந்த, 1901ம் ஆண்டில் இருந்து, பதிவான வெப்ப நிலைகளுடன் ஒப்பிடுகையில், 2016ல், வெப்பம் அதிகம். ஆண்டு சராசரியைவிட, 0.91 டிகிரி செல்சியஸ் கூடுதலாக வெயில் பதிவானது

* மிகவும் அதிகமாக, ராஜஸ்தான் மாநிலம், பலோடியில், 51 டிகிரி செல்சியஸ் வெயில் பதிவானது

* கடந்த, 2016ல், கடும் மழை, அதிக வெயில் என பல்வேறு தட்ப, வெப்பநிலை காரணங்களால், 1,600க்கும் மேற்பட்டோர் உயிரிழந்துள்ளனர்

* இதில், 40 சதவீதம் பேர், மழை, வெள்ளத்தால் இறந்தவர்கள்; 40 சதவீதம் பேர், கடும் வெயிலுக்கு பலியாகினர்

* வெயிலுக்கு, 700க்கும் மேற்பட்டோர் பலியாகினர். இதில், ஆந்திரா, தெலுங்கானாவில் மட்டும், 400க்கும் மேற்பட்டோர் உயிரிழந்தனர்

* கடும் குளிருக்கு, 53 பேரும், மின்னல் தாக்கி, 415 பேரும் பலியாகினர். ஒடிசாவில், 132 பேர் மின்னல் தாக்கி உயிரிழந்து உள்ளனர்

* பீஹாரில், 146 பேர் உட்பட, கடும் மழை, வெள்ளத்துக்கு, 475 பேர் உயிரிழந்துள்ளனர்

* கடந்த ஆண்டில், தமிழகத்தை தாக்கி, 18 பேரை பலி வாங்கிய, வர்தா புயல் உட்பட, வங்கக் கடலில், நான்கு புயல்கள் ஏற்பட்டன

* கடந்த ஆண்டு, வடகிழக்கு பருவ மழை காலத்தில், இயல்பைவிட, 55 சதவீதம் குறைவான அளவு மழை பெய்தது. கடந்த, 1901ல் இருந்து பதிவான, மிகவும் குறைவான மழையளவுகளில், இது 5வது இடமாகும். இவ்வாறு அந்த அறிக்கையில் கூறப்பட்டுள்ளது.

English summary:

New Delhi: In the past, the absence of 115 years, in 2016, sunlight . In that year, different climates, the temperature due to the death of 1,600 people, and not only because of the sun, 700 people have died. 

Read More

கழிவு அகற்றுவது கட்டாயம்! பசுமை தீர்ப்பாயம் அதிரடி

புதுடில்லி: 'கழிவுகளை சேகரிப்பது, தரம் பிரிப்பது, அவற்றை அகற்றுவது போன்றவற்றுக்கான, விரிவான அறிக்கையை தாக்கல் செய்யும் கட்டுமான திட்டங்களுக்கே அனுமதி அளிக்க வேண்டும்' என, அனைத்து மாநிலங்களுக்கும், தேசிய பசுமை தீர்ப்பாயம் உத்தரவு பிறப்பித்துள்ளது.

விரிவான அறிக்கை:

இது தொடர்பான வழக்கில், தேசிய பசுமை தீர்ப்பாயத் தலைவர், சுதந்திர குமார் தலைமையிலான அமர்வு அளித்துள்ள உத்தரவு: வீடு, அலுவலகம், தொழிற்சாலை உள்ளிட்ட எந்த கட்டுமான திட்டப் பணிகளாக இருந்தாலும், அதில், குப்பையும், கழிவு நீரும் சேரும். இந்த திட்டங்களில், குப்பை மற்றும் கழிவுகளை
சேகரிக்க, தரம் பிரிக்க மற்றும் அகற்றுவதற்கான விரிவான அறிக்கை தாக்கல் செய்யப்பட வேண்டும்.

உத்தரவு:

ஏற்கனவே உள்ள முனிசிபல் திடக்கழிவு மேலாண்மை சட்டங்களின்படி, இந்த திட்ட அறிக்கை இருந்தால் மட்டும், அவற்றுக்கு அனுமதி அளிக்க வேண்டும். அதேபோல், முறையான அனுமதியில்லாமல் துவங்கப்படும் கட்டுமானங்களை நிறுத்த வேண்டும். இதை அனைத்து மாநிலங்களும், யூனியன் பிரதேசங்களும் உறுதி செய்ய வேண்டும். இவ்வாறு பசுமை தீர்ப்பாயம் உத்தரவிட்டுள்ளது.

English summary:

NEW DELHI: The 'waste collection, the quality of the separation, such as removing them, the construction plans should be allowed to submit a comprehensive report that, of all the states and ordered the National Green Tribunal.

Read More

பெட்ரோல், டீசல் விலை உயர்வு: நள்ளிரவு முதல் அமல்

புதுடில்லி: பெட்ரோல் மற்றும் டீசல் விலை உயர்வை எண்ணெய் நிறுவனங்கள் அறிவித்துள்ளன.

பெட்ரோல் 0.42 பைசா, டீசல் ரூ.1.03 உயர்வு:

பெட்ரோல் மற்றும் டீசல் விலை உயர்வை 15 தினங்களுக்கு ஒரு முறையாக எண்ணெய் நிறுவனங்கள் அறிவித்து வருகின்றன. இதன்படி தற்போது பெட்ரோல் விலை லிட்டருக்கு 0.42 பைசாவும் , டீசல் லிட்டருக்கு ரூ.1.03 ம் உயர்த்தியுள்ளன. இந்த விலை உயர்வு இன்று(15-01-17) நள்ளிரவு முதல் அமலுக்கு வருவதாகவும் எண்ணெய் நிறுவனங்கள் தெரிவித்துள்ளன.

English summary:

New Delhi: Petrol and diesel price hike, oil companies announced.

Read More

கோஹ்லி, கேதர் ஜாதவ் சதம்: இந்தியா அசத்தல் வெற்றி

புனே: இங்கிலாந்துக்கு எதிரான முதல் ஒருநாள் போட்டியில் கேப்டன் விராத் கோஹ்லி, கேதர் ஜாதவ் சதமடித்து கைகொடுக்க, இந்திய அணி 3 விக்கெட் வித்தியாசத்தில் வெற்றி பெற்றது.

இந்தியா வந்துள்ள இங்கிலாந்து அணி, மூன்று போட்டிகள் கொண்ட ஒருநாள் தொடரில் பங்கேற்கிறது. முதல் போட்டி புனேயில் உள்ள மகராஷ்டிரா கிரிக்கெட் சங்க மைதானத்தில் இன்ற நடந்தது.

யுவராஜ் சிங் லெவன் அணியில் இடம் பிடித்தார். ரகானே, அமித் மிஸ்ரா, புவனேஷ்வர் குமார், மணிஷ் பாண்டே தேர்வாகவில்லை. 'டாஸ்' வென்ற இந்திய அணி கேப்டன் விராத் கோஹ்லி, 'பீல்டிங்' தேர்வு செய்தார்.

350 ரன் குவித்த இங்கிலாந்து:

இங்கிலாந்து அணிக்கு அலெக்ஸ் ஹேல்ஸ் (9), 'ரன்-அவுட்டாகி' ஏமாற்றினார். அபாரமாக ஆடிய ஜேசன் ராய் அரைசதம் கடந்தார். இவர், 73 ரன்கள் எடுத்து அவுட்டானார். கேப்டன் இயான் மார்கன் (28), பட்லர் (31) நிலைக்கவில்லை. பொறுப்பாக ஆடிய ஜோ ரூட் (78), பென் ஸ்டோக்ஸ் (62) அரைசதமடித்தனர். மொயீன் அலி (28) பெரிய அளவில் சோபிக்கவில்லை.இங்கிலாந்து அணி 50 ஓவரில் 7 விக்கெட்டுக்கு 350 ரன்கள் குவித்தது. வோக்ஸ் (9), வில்லே (10) அவுட்டாகாமல் இருந்தனர். இந்தியா சார்பில் பும்ரா, பாண்ட்யா தலா 2 விக்கெட் வீழ்த்தினர்.

கோஹ்லி, ஜாதவ் சதம்:

கடின இலக்கை விரட்டும் இந்திய அணிக்கு ஷிகர் தவான், லோகேஷ் ராகுல் மோசமான துவக்கம் தந்தனர். டேவிட் வில்லே 'வேகத்தில்' தவான் (1), ராகுல் (8) அவுட்டாகினர். அடுத்து வந்த யுவராஜ் சிங் (15), தோனி (6) அணியை கைவிட்டனர். பொறுப்பாக ஆடிய கோஹ்லி, வில்லே, ஜாக் பால் பந்தில் தலா ஒரு சிக்சர் விளாசினார்.

இங்கிலாந்து பந்துவீச்சை எளிதாக சமாளித்த இவர் சதமடித்தார் . மறுமுனையில் ஒத்துழைப்பு தந்த கேதர் ஜாதவ், தன்பங்கிற்கு சதமடித்தார். ஐந்தாவது விக்கெட்டுக்கு 200 ரன்கள் சேர்த்த போது கோஹ்லி (122) அவுட்டானார். சிறிது நேரத்தில் கேதர் ஜாதவ் (120) வெளியேறினார். அடுத்து வந்த ரவிந்திர ஜடேஜா (13) ஏமாற்றினார்.

3 விக்கெட் வித்தியாசத்தில் வெற்றி:

கடைசி நேரத்தில் பொறுப்பாக ஆடிய ஹர்த்திக் பாண்ட்யா, அஷ்வின் தலா ஒரு சிக்சர் அடித்து வெற்றியை உறுதி செய்தனர்.இந்திய அணி 48.1 ஓவரில் 7 விக்கெட்டுக்கு 356 ரன்கள் எடுத்து வெற்றி பெற்றது. பாண்ட்யா (40), அஷ்வின் (15) அவுட்டாகாமல் இருந்தனர். இங்கிலாந்து சார்பில் ஜாக் பால் 3 விக்கெட் வீழ்த்தினார்.இந்த வெற்றியின்மூலம் இந்திய அணி 1-0 என முன்னிலை பெற்றது. இரண்டாவது போட்டி கட்டாக் நகரில் வரும் 19ல் நடக்கவுள்ளது.

English summary:

PUNE: The first one-day match against England captain Virat Kohli, Kedar Jadhav hundred helpers, the Indian team won by 3 wickets. 

Read More