தினம் ஒரு திருக்குறள் : வான்சிறப்பு : குறள் 19

குறள் பால்: அறத்துப்பால். குறள் இயல்: பாயிரவியல். அதிகாரம்: வான்சிறப்பு.

தானம் தவம்இரண்டும் தங்கா வியன்உலகம்
வானம் வழங்கா தெனின்.

கலைஞர் மு.கருணாநிதி உரை:

இப்பேருலகில் மழை பொய்த்து விடுமானால் அது, பிறர் பொருட்டுச் செய்யும் தானத்திற்கும், தன்பொருட்டு மேற்கொள்ளும் நோன்புக்கும் தடங்கலாகும்.

மு.வரதராசனார் உரை:

மழை பெய்யவில்லையானால், இந்த பெரிய உலகத்தில் பிறர் பொருட்டு செய்யும் தானமும், தம் பொருட்டு செய்யும் தவமும் இல்லையாகும்.

சாலமன் பாப்பையா உரை:

மழை பொய்த்துப் போனால், விரிந்த இவ்வுலகத்தில் பிறர்க்குத் தரும் தானம் இராது; தன்னை உயர்த்தும் தவமும் இராது.

பரிமேலழகர் உரை:

வியன் உலகம் தானம் தவம் இரண்டும் தங்கா - அகன்ற உலகின்கண் தானமும் தவமும் ஆகிய இரண்டு அறமும் உளவாகா; வானம் வழங்காது எனின் - மழை பெய்யாது ஆயின். (தானமாவது அறநெறியான் வந்த பொருள்களைத் தக்கார்க்கு உவகையோடும் கொடுத்தல்; தவம் ஆவது மனம் பொறிவழி போகாது நிற்றற் பொருட்டு விரதங்களான் உண்டி சுருக்கல் முதலாயின. பெரும்பான்மை பற்றித் தானம் இல்லறத்தின் மேலும், தவம் துறவறத்தின் மேலும் நின்றன.).

மணக்குடவர் உரை:

தானமும் தவமுமாகிய விரண்டறமு முளவாகா; அகன்ற வுலகத்துக்கண் மழை பெய்யாதாயின். இது தானமும் தவமுங் கெடுமென்றது.

திருக்குறளார் வீ. முனிசாமி உரை:

மழை பெய்யாவிட்டால் அகன்ற இவ்வுலகில் தானம் செய்வதும் தவம் செய்வதும் ஆகிய இரண்டு அறங்களும் நடைபெறா.

Translation:

If heaven its watery treasures cease to dispense, Through the wide world cease gifts and deeds of 'penitence'.

Explanation:

If rainfall not, penance and alms-deeds will not dwell within this spacious world.

Read More

தென்மாநிலங்களிலும் பரவும் ஜல்லிக்கட்டு ‛டென்ஷன்'

சென்னை : தமிழகம் மட்டுமின்றி ஆந்திராவிலும் தடையை தாண்டி ஜல்லிக்கட்டு நடத்தப்பட்டுள்ளது. ஒரு சில இடங்களில் போலீசாருக்கு எதிராகவும் தாக்குதல்கள் நடத்தப்பட்டுள்ளன.

ஜல்லிக்கட்டுக்கு பெருகும் ஆதரவு :

ஜல்லிக்கட்டு நடத்துவதற்கு அனுமதி வழங்கக் கோரியும், ஜல்லிக்கட்டுக்கு எதிரான பீட்டா அமைப்பை தடை செய்ய வேண்டும் என வலியுறுத்தியும் தமிழகம் முழுவதும் போராட்டங்கள் நடந்து வருகின்றன. போராட்டங்கள் ஒருபுறம் நடந்த போதிலும் பொங்கல் கொண்டாட்டங்கள் துவங்கியதால், கடந்த 2 நாட்களாக கோர்ட் தடையை மீறி பல இடங்களிலும் ஜல்லிக்கட்டு நடத்தப்பட்டு வருகிறது. மதுரை, திண்டுக்கல், தேனி, சிவகங்கை, தஞ்சை, புதுக்கோட்டை, திருச்சி உள்ளிட்ட மாவட்டங்களில் உள்ள பல இடங்களில் தடையை மீறி ஜல்லிக்கட்டு நடத்தப்பட்டுள்ளது. இது தொடர்பாக இதுவரை ஏராளமானோர் கைது செய்யப்பட்டுள்ளனர்.

கல்வீச்சு ; போலீசார் வீரட்டியடிப்பு :

சிகவங்கை மாவட்டம் சிங்கம்புணரியில் தடையை மீறி மஞ்சுவிரட்டு நடந்தது. இதில் 10,000 பேர் கலந்து கொண்டனர். போலீசார் அவர்களை தடுக்க முயன்ற போது, போலீசாரை சுற்றி வளைத்த பொதுமக்கள், அவர்களின் வாகனங்கள் மீது கல்வீசி, விரட்டி அடித்தனர். பின்னர் தொடர்ந்து மஞ்சுவிரட்டு நடத்தப்பட்டது. இதே போன்று மதுரை பாலமேட்டில் போலீசார் அத்துமீறி நடந்து வருவதாக குற்றம்சாட்டிய பொது மக்கள், போலீசார் வாகனங்கள் மற்றும் மினிபஸ்களின் கண்ணாடிகளை கல்வீசி உடைத்தனர். இதனால் போலீசார் தடியடி நடத்தினர். பாலமேட்டில் ஜல்லிக்கட்டு நடத்த அனுமதி அளிக்காததை எதிர்த்து தொடர்ந்து போராட்டம் நடத்தப்பட்டு வருவதால், அங்கு பதற்றம் காணப்படுகிறது.

பிற மாநிலங்களிலும் ஜல்லிக்கட்டு :

தமிழகம் முழுவதும் தமிழர்களின் பாரம்பரிய விளையாட்டான ஜல்லிக்கட்டு நடத்த அனுமதி கேட்டு போராட்டம் நடத்தப்பட்டு வரும் நிலையில், ஆந்திராவிலும் தடையை மீறி ஜல்லிக்கட்டு நடத்தப்பட்டுள்ளது. ஆந்திர மாநிலம் நாரவாரிபள்ளி பகுதியில் தடையை மீறி ஜல்லிக்கட்டு நடத்தப்பட்டது. இதில் சுமார் 100 காளைகள் அவிழ்த்து விடப்பட்டன. ஜல்லிக்கட்டை தடுக்க வந்த போலீசாரை, ஜல்லிக்கட்டு ஆர்வலர்கள் விரட்டியடித்துள்ளனர். தமிழகத்தை கடந்து தென் மாநிலங்களிலும் ஜல்லிக்கட்டுக்கு ஆதரவு பெருகி வருவது குறிப்பிடத்தக்கது.

அதே சமயம் கர்நாடக மாநிலம் பெங்களூருவில், பொங்கலை முன்னிட்டு மாடுகளுடன், கொளுந்து விட்டு எரியும் தீயில் இளைஞர்கள் இறங்கும் நிகழ்ச்சி அமோகமாக நடந்தது. இதில் ஏராளமான இளைஞர்கள் தாங்கள் வளர்க்கும் மாடுகளுடன் கலந்து கொண்டனர்.

English summary:

Chennai: Tamil Nadu and Andhra Pradesh also been jallikattu hurdle. In a few places, and attacks against the police.

Read More

தமிழில் பொங்கல் வாழ்த்து தெரிவித்த கனடா பிரதமர்

ஒட்டாவா: பொங்கல் பண்டிகையை முன்னிட்டு, தமிழ் மக்களுக்கு கனடா பிரதமர் ஜஸ்டின் திரிதேயு தமிழில் வாழ்த்து தெரிவித்துள்ளார்.

இது தொடர்பாக அவர் டுவிட்டரில், வணக்கம் என தனது வாழ்த்து செய்தியை துவங்கினார். தொடர்ந்து அவர் கூறியதாவது: கனடாவில் வசிக்கும் தமிழர்கள் மற்றும் உலகம் முழுவதும் உள்ள தமிழ் மக்கள் தை பொங்கல் பண்டிகையை கொண்டாட உள்ளனர். இந்த பண்டிகையின் ஒவ்வொரு நாளும், சிறப்பு அர்த்தங்கள் பாரம்பரியத்தை கொண்டவை. இவை அமைதி, மகிழ்ச்சி ஆகியவற்றை குறிக்கும். ஜனவரி மாதத்தை தமிழ் பாரம்பரியமாதமாக கொண்டாட கனடா பார்லிமென்டில் சட்டம் இயற்றப்பட்டுள்ளது. கனடா வாழ் தமிழர்களின் வலிமையான பாரம்பரியத்தை நாம் அனைவரும் பிரதிபலிக்க வேண்டும் என அனைவரையும் வேண்டுகிறேன்.

கனடா வாழ் தமிழர்களால் நமது நாடு வலிமையானதாகவும் பணக்கார நாடாகவும் மாறியுள்ளது. இந்த வருடம் கனடா உருவாகி 150வது ஆண்டை குறிக்கிறது. இந்த சந்தர்ப்பத்தில் நாம் பல கலாசாரங்கள், மொழிகள் மற்றும் நம்பிக்கைகள் ஆகியவற்றை கடைபிடித்து, நமது நாட்டை அன்புடனும், அமைதியுடனும் வாழும் நாடாக மாற்ற வேண்டும். அனைவருக்கும் இனிய பொங்கல் நல்வாழ்த்துக்கள் எனக்கூறி தனது உரையை நிறைவு செய்துள்ளார்.

English summary:

Ottawa: the festival of Pongal, the Tamil people in Tamil congratulates Canadian PM Justin said that

Read More

தமிழகம், புதச்சேரியில் மழைக்கு வாய்ப்பு

சென்னை : தமிழகம் மற்றும் புதுச்சேரியில் அடத்த 24 மணிநேரத்திற்கு மழை பெய்ய வாய்ப்பு இருப்பதாக வானிலை ஆய்வு மையம் தெரிவித்துள்ளது.

இது குறித்து வானிலை ஆய்வு மையம் வெளியிட்டுள்ள அறிவிப்பில், குமரி கடல் பகுதியில் உருவாகி உள்ள மேலடுக்கு சுழற்சி தொடர்ந்து அதே இடத்தில் நிலை கொண்டுள்ளதால் அடுத்த 24 மணிநேரத்தில் தமிழகம் மற்றும் புதுச்சேரியில் மழை பெய்ய வாய்ப்பு உள்ளது என தெரிவிக்கப்பட்டுள்ளது.

English summary:

Chennai: Tamil Nadu and Puducherry next Meteorological Center said 24 hours is likely to rain.

Read More

சிங்கம்புணரியில் தடையை மீறி மஞ்சுவிரட்டு : போலீசார் விரட்டியடிப்பு

சிங்கம்புணரி : சிவகங்கை மாவட்டம் சிங்கம்புணரியில் தடையை மீறி மஞ்சுவிரட்டு நடத்தப்பட்டது. இதை தடுக்க வந்த போலீசாரை பொதுமக்கள் விரட்டி அடி
த்துள்ளனர்.

சிவகங்கை மாவட்டம் சிங்கம்புணரியில் சுப்ரீம் கோர்ட் தடையை மீறி மஞ்சுவிரட்டு நடத்தப்பட்டது. இதனை வேடிக்கை பார்ப்பதற்கும், மஞ்சுவிரட்டில் காளைகளை பிடிப்பதற்கும் சுமார் 10,000 பேர் திரண்டிருந்தனர். தடையை மீறிய மஞ்சுவிரட்டு நடத்த முயன்றவர்களை போலீசார் விரட்டி அடிக்க முயன்றனர். அப்போது போலீசாரை சுற்றி வளைத்த ஜல்லிக்கட்டு ஆர்வலர்கள் மற்றும் பொது மக்கள், போலீசாரின் வாகனங்கள் மீது கற்களை வீசி தாக்குதல் நடத்தியதுடன், போலீசாரையும் விரட்டி அடித்தனர். போலீசாரை விரட்டிய பிறகு, தொடர்ந்து மஞ்சுவிரட்டு நடத்தப்பட்டது.

English Summary:

Singampunari: Sivaganga district manjuvirattu singampunari conducted in defiance of the ban. To prevent this, the police chased the public. 

Read More

பிரேசில் சிறையில் கலவரம்: 10 கைதிகள் தலை துண்டிப்பு

ரியோ டி ஜெனிரோ : பிரேசில் சிறையில் ஏற்பட்ட கலவரத்தில் 10 கைதிகள் தலை துண்டித்து படுகொலை செய்யப்பட்டனர்.

பிரேசில் நாட்டின் வட கிழக்கு நகரமான நடாலில் அல்காகஷ் என்ற மிகப்பெரிய சிறைச் சாலை உள்ளது. இங்கு ஏராளமான கைதிகள் அடைக்கப்பட்டுள்ளனர். இந்நிலையில் நேற்று அங்கு அடைக்கப்பட்டிருக்கும் கைதிகளுக்கு இடையே மோதல் ஏற்பட்டது. இரு தரப்பினரும் வெடி குண்டுகள் வீசியும், துப்பாக்கியால் சுட்டும் தாக்கிக் கொண்டனர். இதனால் அங்கு கலவரம் மூண்டது.தகவல் அறிந்ததும் சிறைக்காவலர்களும், போலீசாரும் விரைந்து சென்று கலவரத்தை அடக்கினர். அதில் 10 கைதிகள் உயிரிழந்தனர். அவர்களில் பெரும்பாலானோர் தலை துண்டிக்கப்பட்ட நிலையில் பிணமாக கிடந்தனர். கைதிகள் யாரும் தப்பி ஓடவில்லை என போலீசார் தெரிவித்தனர். ஆனால் சிறைக்குள் தொடர்ந்து துப்பாக்கி மற்றும் வெடி குண்டு சத்தம் கேட்டு வருவதாக கூறப்படுகிறது. எனவே பலியானோர் எண்ணிக்கை அதிகரிக்கலாம் என்ற தகவலும் வெளியாகி உள்ளது.

English summary:

Rio de Janeiro: Brazil beheaded in prison 10 inmates were killed in riots

Read More

ராணுவத்திற்கு சல்யூட்: பிரதமர் மோடி பெருமிதம்

புதுடில்லி: இந்திய ராணுவ தினத்தை முன்னிட்டு, பிரதமர் மோடி வாழ்த்து தெரிவித்துள்ளார்.

இது தொடர்பாக அவர் வெளியிட்ட அறிக்கையில் ராணுவ தினத்தில், வீரர்கள், முன்னாள் வீரர்கள் மற்றும் அவர்களது குடும்பத்திற்கு வாழ்த்துகளை தெரிவித்து கொள்கிறேன். அவர்களின் வீரம், துணிச்சல் மற்றும் மதிப்பிட முடியாத பணிக்காக இந்திய ராணுவத்தை சல்யூட் செய்கிறோம். நாட்டின் இறையாண்மையை காக்கவும், பேரிடர் காலங்களில் மக்களுக்கு உதவவும் ராணுவத்தினர் எப்போதும் முன் நிற்பார்கள். நமது ராணுவத்தின் தியாகத்தை நாம் எப்போதும் பெருமையுடன் நினைவு கூற வேண்டும். 125 கோடி மக்கள் நிம்மதியாக வாழ, ராணுவ வீரர்கள், கடினமான பணியை செய்கின்றனர் என தெரிவித்துள்ளார்.

English Summary:

NEW DELHI: The Indian Army Day, congratulates Modi. 

Read More