ரஜினிக்கு எதிராக பொங்கிய சரத்: பின்னணியில் என்ன கணக்கு?

சென்னை: தமிழக அரசியலில் அசாதாரண சூழல் நிலவுகிறது என, சமீபத்தில் நடந்த விழா ஒன்றில் நடிகர் ரஜினி பேசியதன் பின்னணியில், பெரும் அரசியல் இருக்கிறது என்பதை, சசிகலா தரப்பினர் கண்டறிந்துள்ளனர். அதன் பின்பே, சமத்துவ மக்கள் கட்சித் தலைவர் சரத்குமாரை அழைத்து, ரஜினிக்கு எதிராக அறி
க்கை விடவும்; பேட்டி அளிக்கவும் கேட்டுக் கொள்ளப்பட்டதாக, அ.தி.மு.க., வட்டாரங்களில் கூறப்படுகிறது.

ரஜினி கருத்து:

ஜெயலலிதா மறைவு மற்றும் அவரது மரணத்தில் உள்ள சந்தேகங்கள் குறித்தெல்லாம், சில நாட்களாகவே மிகுந்த வருத்தத்தோடு, நண்பர்களிடமும், பல அரசியல் தலைவர்களிடமும் கருத்துக்களை பகிர்ந்து கொண்டு வந்தார் ரஜினி. இந்த விவரங்கள் அனைத்தும், சசிகலா தரப்புக்கு வந்து கொண்டே இருந்தன. உடனே, ரஜினியை எப்படியாவது ‛கார்னர்' செய்ய வேண்டும் என, சசிகலா தரப்பினர் ஆலோசித்தனர். ஆனால், ரஜினி, நேரடியாக எதுவும் பேசாததால், அமைதியாக இருந்தனர்.

இந்நிலையில், சமீபத்தில் நடந்த விழா ஒன்றில், தமிழக அரசியலில் அசாதாரண சூழ்நிலை நிலவுவதாக ரஜினி பேசியது, சசிகலா தரப்பினரை கொந்தளிக்க வைத்துவிட்டது. ஜெயலலிதா மறைவுக்குப் பின், சசிகலா, அ.தி.மு.க.,வின் பொதுச் செயலர் ஆனதையும்; முதல்வர் பன்னீர்செல்வத்தை இறக்கி விட்டு, முதல்வர் பதவியில் தன்னை அமர்த்திக் கொள்ள சசிகலா எடுக்கும் நடவடிக்கைகளைத்தான், ரஜினி இப்படி விமர்சிப்பதாக கூறி கொந்தளித்தனர்.

சரத் ஆவேசம் ஏன்?

இது குறித்து, சமத்துவ மக்கள் கட்சியினர் கூறியதாவது:

எப்பவுமே ரஜினி என்றால், சரத்குமாருக்குப் பிடிக்காது. சரத்குமார், எம்.எல்.ஏ.,வாகவும்; நடிகர் சங்கத் தலைவராகவும் இருந்த போது, அவரை, ரஜினி மதித்ததில்லை. அதோடு, நடிகர் சங்கத் தேர்தலில், தன்னை ஆதரிக்காமல், ரஜினி, மறைமுகமாக விஷால் டீமை ஆதரித்தார் என்ற கோபமும் சரத்குமாருக்கு இருந்ததோடு, அதனாலேயே, தான் நடிகர் சங்கத் தேர்தலில் தோல்வி அடைந்ததாகவும் கருதுகிறார். இதெல்லாம் ரஜினி மீது சரத்குமாருக்கு உச்ச கட்ட கோபத்தை ஏற்படுத்தி இருந்தது. ரஜினியை எதிர்க்க சரியான நேரம் பார்த்துக் கொண்டிருந்தார். இந்நிலையில், தமிழக அரசியலில் அசாதாரண் சூழல் நிலவுவதாக கூறிய ரஜினி, ஜல்லிக்கட்டு முன்னோர் நடத்திய பாரம்பரிய விளையாட்டு. அதை நடத்துவதற்கு என்ன கட்டுப்பாடுகள் வேண்டுமானாலும் விதிக்கட்டும்; ஆனால், விளையாட்டை நடத்த சுப்ரீம் கோர்ட் அனுமதிக்க வேண்டும் என்றும், திடீரென ஜல்லிக்கட்டுக்கு ஆதரவாக கருத்து தெரிவித்தார்.

ரஜினி, அரசியலில் களம் இறங்க முடிவெடுத்தே இப்படியெல்லாம் பேசுகிறார் என, சசிகலா தரப்பு கருதியதோடு, இந்த பேச்சின் பின்னணியில் பா.ஜ., இருக்கிறது எனவும் கணக்குப் போட்டனர். அதனால், ரஜினிக்கு பதிலடி கொடுக்கத் தயாராயினர். ஏற்கனவே ரஜினி மீது கடும் அதிருப்தியில் இருக்கும் சரத்குமாரை அதற்கு பயன்படுத்திக் கொள்ள வேண்டும் என முடிவெடுத்து, அவரிடம் சொல்ல, அவர், ரஜினிக்கு எதிராக கொந்தளித்து விட்டார். இதற்கு ரஜினி தரப்பு பதிலளிக்க விரும்பவில்லை; ஆனால், அடுத்தடுத்து அரசியல் அரங்கில் காய் நகர்த்த, ரகசிய திட்டங்களை தீட்டி வருகின்றனர். இவ்வாறு அவர்கள் கூறினர்.

English summary:

Chennai: Tamil Nadu politics as unusual climate, actor Rajinikanth speaking at a recent ceremony in the background, that there is great political, Shashikala parties found. So after, called Equality People's Party leader Sarath Kumar, Rajini than against the statement; Are being asked to give an interview, Digg, sources said.

Read More

முதல்வர் அறிக்கை மட்டும்போதாது ; உறுதி வேண்டும் : இளைஞர்கள்

சென்னை: ஜல்லிக்கட்டு நடக்கும் வரை போராட்டம் தொடரும் என அமைச்சர்களுடனான பேச்சுவார்த்தைக்கு பின்பு போராட்டகுழு பிரதிநிதிகள் தெரிவித்துள்ளனர். அவசர சட்டம் கொண்டு வர ஜனாதிபதி, பிரதமருக்கு அழுத்தம் தரப்படும் எனவும் இதுகுறித்து முதல்வர் இன்று(ஜன.,18) அறிக்கை வெளியிடுவார் எனவும் அமைச்சர்கள் மாஃபா பாண்டியராஜன் மற்றும் ஜெயக்குமார் ஆகியோர் தெரிவித்துள்ளனர்.

தமிழர்களின் வீர விளையாட்டான ஜல்லிக்கட்டை நடத்த கோரி சென்னை மெரினா கடற்கரை உள்ளிட்ட தமிழகத்தின் பல்வேறு பகுதிகளில் ஜல்லிக்கட்டிற்கு ஆதரவாக ஆயிரக்கணக்கான இளைஞர்கள், பெண்கள் உட்பட பலர் போராட்டத்தில் ஈடுபட்டு வருகின்றனர். அவர்கள் அரசு சார்பில் பேச்சுவார்த்தை நடத்த வேண்டும் என போராட்டக்காரர்கள் கோரிக்கை வைத்தனர்.

இதையடுத்து மாநில மீன் வளத்துறை அமைச்சர் ஜெயக்குமார் சென்னை மெரினா கடற்கரையில் போராட்டத்தில் ஈடுபட்ட போராட்டகாரர்களின் பிரதிநிதிகளை பேச்சுவார்த்தை நடத்த அவரது இல்லத்திற்கு அழைப்பு விடுத்தார். இதையடுத்து போலீசார் போராட்டக்காரர்களின் பிரதிநிதிகளாக 10 பேர் கொண்டு குழுவை அழைத்து சென்றனர். அவர்களை அமைச்சர்கள் ஜெயகுமார் மற்றும் மாஃபா பாண்டியராஜன் ஆகியோர் பேச்சுவார்த்தை நடத்தினர்.

அவசர சட்டத்திற்கு அழுத்தம் தரப்படும்:

அமைச்சர்கள் ஜெயக்குமார் மற்றும் மாஃபா பாண்டியராஜன் பேசியதாவது: போராட்டக் குழு பிரதிநிதிகளின் கோரிக்கைகளை முதல்வரிடம் தொலைபேசியில் தெரிவித்தோம். தமிழகத்தில் ஜல்லிக்கட்டு நடத்த பிரதமர் மற்றும் ஜனாதிபதிக்கு அழுத்தம் கொடுப்போம். அதிமுக கட்சி எம்.பி.,க்கள் பிரதமர் அலுவலகம் மற்றும் ஜனாதிபதியை சந்தித்து அவரச சட்டம் கொண்டு வர வலியுறுத்துவார்கள். முதல்வர் இந்த விவகாரத்தில் தலையிட வேண்டும் என இளைஞர்கள் கோரிக்கை வைத்துள்ளனர். இது குறித்துமுதல்வர் 24 மணி நேரத்தில் அறிக்கையை வெளியிடுவார். இளைஞர்கள் அரசின் மீது நம்பிக்கை வைத்து போராட்டத்தை உடனடியாக கைவிட வேண்டும்.

ஜல்லிகட்டு நடக்கும் வரை போராட்டம் தொடரும்:

போராட்ட குழு பிரதிநிதிகள் கூறியதாவது: "ஜல்லிக்கட்டை நடத்திய ஆக வேண்டும். காளையை காட்சிப்படுத்தப்பட்ட விலங்குகளிலிருந்து நீக்க மத்திய அரசுக்கு தமிழக அரசு அழுத்தம் கொடுக்க வேண்டும். தமிழர்களின் பாரம்பரியம் குறித்து எதுவும் தெரியாத வெளிநாட்டு அமைப்பான பீட்டா அமைப்பை குறைந்தபட்சமாக தமிழகத்திலாவது தடை செய்ய வேண்டும். ஜல்லிக்கட்டு விசயத்தில் முதல்வர் ஆதரவு தர வேண்டும், அலங்காநல்லூரில் கைது செய்யப்பட்டவர்கள் அனைவரும் எந்தவித வழக்கு பதிவும் இன்றி விடுதலை செய்யப்பட வேண்டும்' என்பன உள்ளிட்ட கோரிக்கைகளை அமைச்சர்களிடம் தெரிவித்துள்ளோம். அமைச்சர்கள் முதல்வரிடம் பேசினார்கள். முதல்வர் இன்று அறிக்கை வெளியிடுவார். அந்த அறிக்கையை பொறுத்து அடுத்தக்கட்ட முடிவை போராட்டத்தில் ஈடுபட்டுள்ள இளைஞர்கள் தெரிவிப்பார்கள், ஜல்லிகட்டு நடக்கும் வரை எங்கள் போராட்டம் தொடரும்." என்றார்கள்.

தொடர்ந்து போராட்ட குழு பிரதிநிதிகள் போராட்டகாரர்களிடம் சென்று இது குறித்து தெரிவித்தபோது முதல்வர் பன்னீர் செல்வம் அறிக்கை அளித்தால் மட்டும் போதாது போராட்டகளத்திற்கு நேரில் வந்து ஜல்லிகட்டு நிச்சயம் நடக்கும் என்ற உறுதியை அளிக்க வேண்டும். என தெரிவித்துள்ளனர். தொடர்ந்து போலீசார் போராட்டகாரர்களை கலைந்து செல்ல வலியுறத்தியும் போராட்டகாரர்கள் கலைய மறுத்து விட்டனர். தொடர்நது போலீசாரும் அமைதியான போராட்டத்திற்கு போலீஸ் பாதுகாப்பு தொடரும் என தெரிவித்துள்ளனர்.

English Summary:

Chennai: jallikattu ministers to continue the struggle until the talks, representatives of the militiamen said. Emergency law to the President, the Prime Minister about this today would be pressure on (Mat., 18) the announcement by the Ministers mahpa Pandia and Jayakumar said

Read More

கடும் குளிரிலும் கட்டுக்கடங்காத போராட்டம்; முதல்வர் வராமல் கலையமாட்டோம்

சென்னை: மெரினா கடற்கரையில் கடும் குளிரிலும் இளைஞர்களின் அனல் தகிக்கும் போராட்டம் தீவிரமடைந்து வருகிறது.

தமிழகத்தில் வீரவிளையாட்டான ஜல்லிக்கட்டை நடத்த வேண்டும், பீட்டா அமைப்பை தடை செய்ய வேண்டும் உள்ளிட்ட கோரிக்கைகளை வலியுறுத்தி தமிழகத்தில் போராட்டம் வலுத்து வருகிறது. சென்னையில் நேற்று காலை சுமார் 7 மணிக்கு வெறும் 50 பேருடன் துவங்கிய போராட்டம் 18 மணி நேரத்ததை தாண்டி நள்ளிரவு தீவிரம் குறையாமல் உள்ளது.

அலங்காநல்லூரில் ஜல்லிக்கட்டிற்கு ஆதரவாக போராடியதற்காக கைது செய்யப்பட்டவர்களை விடுவிக்க கோரியும் ஜல்லிக்கட்டு நடத்த அனுமதிக்க கோரியும் போராட்டம் நடந்தது. முதலில் சிறியதாக துவங்கிய போராட்டம் நேரம் செல்ல செல்ல ஆதரவு பெருகியது. இத்தகவலை ஊடகங்கள் மற்றும் சமூக வலைதளங்கள் மூலம் அறிந்த சென்னை மற்றும் சுற்று வட்டார பகுதியை சேர்ந்த இளைஞர்கள் சென்னை மெரினாவை நோக்கி படையெடுக்க துவஙக்கினர். சுமார் 50 பேருடன் துவங்கிய போராட்டத்தில் தற்போது ஆண்கள், பெண்கள், குழந்தைகள் என ஆயிரக்கணக்கானோர் கூடியுள்ளனர்.

நள்ளிரவிலும் போராட்டம்:..

அலங்காநல்லூரில் துவங்கிய போராட்டம் தற்போது சென்னை மட்டுமல்லாது கோவை, மதுரை, நெல்லை உள்ளிட்ட தமிழகத்தில் பல்வேறு பகுதிகளில் போராட்டம் நடந்து வருகிறது. நள்ளிரவிலும் போராட்டம் வலுகுறையாமல் நடந்து வருகிறது. சென்னை மெரினாவில் பெரும் அளவில் போராட்டம் நடைபெற்றாலும் அப்பகுதியில் போக்குவரத்தில் பெரும் பாதிப்பு எதுவும் ஏற்படவில்லை. போராட்டகாரர்களும் சாலை மறியல் முயற்சியோ அல்லது அசம்பாவித சம்பவங்கள் நிகழ்த்த முயற்சிக்கவும் இல்லை. மேலும் இரவு நேரம் என்பதால் கடும் குளிர் நிலவி வருகிறது. கடும் குளிரையும் பொருட்படுத்தாமல் போராட்டகாரர்கள் பேராராட்டத்தில் ஈடுபட்டு வருகின்றனர்.

பெண்கள் பெரும் ஆதரவு:

ஜல்லிகட்டு ஆண்களுக்கான விளையாட்டு என்றாலும் அதன் மீதான தடை நீக்க பெண்கள் பெரும் ஆர்வம் காட்டி வருகின்றனர். தமிழகத்தில் நள்ளிரவில் நடக்கும் போராட்டங்களுக்கு பெண்களும் பெரும் ஆதரவும் அளித்து வருகின்றனர். பலர் குடும்பத்துடன் வந்து போராட்டத்தில் கலந்து கொண்டுள்ளனர்,

நாளையும் போராட்டம்:

ஜல்லிக்கட்டு போராட்டம் தீவிரமடைந்து வரும் நிலையில் தமிழகத்தில் பல்வேறு பகுதிகளில் போராட்டம் நடத்த பலர் ஒருங்கிணைப்புகளை நடத்தி வருகின்றனர். நாளை கல்லூரி மற்றும் பள்ளி மாணவ, மாணவிகள் வகுப்புகளை புறுக்கணித்து போராட்டத்தில் ஈடுபட வேண்டும் என பலர் சமூக வலைதளங்களில் அழைப்புகளை விடுத்து வருகின்றனர்.

சமூக வலைதளம்:

ஜல்லிகட்டிற்கு தமிழகம் முழவதும் நடந்து வரும் இந்த போராட்டம் பெரும்பாலும் சமூக வலைதளங்கள் மூலமே ஒன்றிணைக்கப்படுகிறது. சமீப காலத்தில் இளைஞர்கள் சமூக வலைதளங்களில் அதிக அளவு பங்கேடுத்து வரும் நிலையில் சமூக வலைதளங்கள் மூலம் ஒருங்கிணைக்கப்பட்ட இந்த போராட்டம் பலரை திருப்பி பார்க்க வைத்துள்ளது.

English Summary:

Chennai: Marina Beach extinguished the severe cold and heat of the struggle of youth is intensifying. 

Read More

தமிழகம் முழுவதும் பரவும் போராட்டம்: இளைஞர்களை இணைத்த வலைதளங்கள்

சென்னை: ஜல்லிக்கட்டு நடத்த கோரி அலங்காநல்லுாரில் போராட்டத்தில் ஈடுபட்டவர்கள் கைது செய்யப்பட்டதன் எதிரொலியாக தமிழகம் முழுவதும் இளைஞர்கள் போராட்டம் தீயாக பரவி வருகிறது.

தமிழர்களின் பாரம்பரிய விளையாட்டான ஜல்லிக்கட்டு நடத்த கோரி இளைஞர்கள், ஜல்லிக்கட்டு ஆர்வலர்கள் மற்றும் பொதுமக்கள் களத்தில் இறங்கி போராட்டத்தில் இறங்கி உள்ளனர்.

மதுரை மாவட்டம் அலங்காநல்லுாரில் நேற்று(திங்கட்கிழமை) காலை ஆயிரக்கணக்கான இளைஞர்கள் தமிழகத்தின் பல்வேறு பகுதிகளிலிருந்து குவிந்தனர். வாடிவாசல் முன் திரண்ட அவர்கள் பீட்டாவிற்கு எதிராக கோஷங்கள் எழுப்பினர். வாடிவாசலிலிருந்து காளைகள் வெளியேறாமல் கலையமாட்டோம் என உறுதியுடன் கூறினர்.

விடிய விடிய போராட்டம்:

அலங்காநல்லுாரில் இரவு முழுவதும் கலைந்து செல்லாமல் இளைஞர்கள் போராடினர். தண்ணீர், உணவு கிடைப்பதில் போலீசார் தடுத்தும் போராட்டத்தின் தீவிரம் குறையவில்லை. இன்று காலை போராட்டத்தில் ஈடுபட்ட இளைஞர்களை போலீசார் கைது செய்து வாடிப்பட்டியில் உள்ள கல்யாண மண்டபத்தில் அடைத்தனர்.

உள்ளிருப்பு போராட்டம்:

போலீசார் இளைஞர்களுடன் பேச்சுவார்த்தை நடத்தி சொந்த ஊர்களுக்கு செல்லுமாறு அறிவுறுத்தினர். அதற்கு இளைஞர்கள் மறுத்துவிட்டனர். விடுவித்தாலும் அலங்காநல்லுாருக்கு தான் செல்வோம். ஜல்லிக்கட்டு நடக்கும் வரை போராடுவோம் என உறுதியாக தெரிவித்து உள்ளிருப்பு போராட்டத்தில் ஈடுப்பட்டனர்.

தமிழகம் முழுவதும்:...

இளைஞர்கள் கைது செய்யப்பட்ட தகவல் பேஸ்புக், வாட்ஸ் அப் உள்ளிட்ட சமூக வலைதளங்களில் பரவியது. இதையடுத்து, தமிழகம் முழுவதும் மாணவர்கள், இளைஞர்கள், இளைஞிகள், பொதுமக்கள் என பல தரப்பினரும் தன்னெழுச்சியாக ஆர்ப்பாட்டம், பேரணி, சாலை மறியல், மவுன போராட்டம் என பல போராட்டங்களை நடத்தி வருகின்றனர்.

மாவட்ட வாரியாக போராட்ட கள விபரம்:

சென்னை:

அலங்காநல்லூரில் கைது செய்யப்பட்டவர்களை விடுதலை செய்ய வேண்டும், ஜல்லிக்கட்டு நடத்த வேண்டும் என்ற கோரிக்கையை வலியுறுத்தி சென்னை மெரினா கடற்கரையில் இன்று காலை முதல் இளைஞர்கள் போராட்டம் நடத்தி வருகின்றனர்.

முதல்வர் பன்னீர் செல்வம் நேரில் வர வேண்டும் அல்லது தமிழக அரசு ஜல்லிக்கட்டு நடத்தப்படும் என உறுதியளித்து அறிக்கை வெளியிட வேண்டும் என அவர்கள் கோரிக்கை முன்வைத்துள்ளனர். தங்கள் கோரிக்கை நிறைவேறாவிட்டால் இரவிலும் போராட்டம் தொடரும் என கூறுகின்றனர்.

போராட்டத்தை கட்டுபடுத்த போலீசார் மெரினா பகுதியில் மின் விநியோகத்தை துண்டித்தனர். இருப்பினும், அவர்கள் செல்போன் டார்ச் லைட் வைத்து போராடி வருகின்றனர்.

திருநெல்வேலி: ஜல்லிக்கட்டு நடத்த அனுமதி வேண்டும் என்று கோரி திருநெல்வேலியில் 500க்கும் மேற்பட்ட இளைஞர்கள் போராட்டத்தில் ஈடுபட்டனர். இவர்கள் ஜல்லிக்கட்டுக்கு எதிராக வழக்கு தொடர்ந்துள்ள பீட்டா அமைப்பை தடை செய்ய வேண்டும் என்று முழக்கமிட்டனர். வ.உ.சி. திடலில் போராட்டம் நடத்திய ஆயிரத்திற்கும் மேற்பட்டோர் கைதாகினர்.

காஞ்சிபுரம்: காஞ்சிபுரம் காமராஜர் சாலையில் ஜல்லிக்கட்டுக்கு ஆதரவாக இளைஞர்கள் ஒன்று திரண்டு போராட்டத்தில் ஈடுபட்டுள்ளனர். இதில் 500க்கும் மேற்பட்ட இளைஞர்கள் ஒன்று கூடி பீட்டா அமைப்பை தடை செய்ய வேண்டும் என்றும் ஜல்லிக்கட்டுக்கு அனுமதி அளிக்க வேண்டும் என்றும் வலியுறுத்தினார்கள். மேலும் காஞ்சிபுரம் நகராட்சி அலுவலகம் முன் இளைஞர்கள், பொதுமக்கள் சாலை மறியல் செய்தனர்.

வேலூர்: ஜல்லிக்கட்டு நடத்தப்பட வேண்டும், அதற்கான அவசர சட்டத்தை பிறப்பிக்க வேண்டும் என்று வலியுறுத்தி ஆயிரக்கணக்கானோர் தலைமை தபால் நிலையம் எதிரே உண்ணாவிரத போராட்டத்தை தொடங்கினர். அவசரமாக வந்த போலீசார் அவர்கள் அனைவரையும் கைது செய்து அழைத்துச் சென்றனர். மேலும் குடியாத்தம் நகரில், பஸ் நிலையம் எதிரே இளைஞர்கள் ஜல்லிக்கட்டுக்கு ஆதரவாக போராட்டம் நடத்தினர்.

கோவை: வ.உ.சி. மைதானத்தில் 4 ஆயிரத்துக்கும் மேற்ப்பட்டோர் திரண்டு போராட்டம் நடத்தி வருகின்றனர். ஒண்டிபுதூர் சுங்கம் பகுதியில் ஜல்லிக்கட்டு ஆதரவாளர்கள் காளைகளுடன் போராட்டத்தில் ஈடுபட்டனர்.

திண்டுக்கல்: திண்டுக்கல் மாவட்டம் ஒட்டன்சத்திரம் ரயில் நிலையம் அருகே கல்லூரி மாணவர்கள், இளைஞர்கள் நடத்திய போராட்டத்தில் பலர் கைதாகினர். கல்லறைத்தோட்டம் பகுதியில் மாணவர்கள் ஆர்ப்பாட்டம் நடத்தினர்.

நாமக்கல்: நாமக்கல் மாவட்டம், திருச்செங்கோடு, பரமத்தி வேலுார் பகுதிகளிலில் மாணவர்கள், இளைஞர்கள் ஜல்லிக்கட்டுக்கு ஆதரவாக கோஷம் எழுப்பியவாறு பேனர்களை ஏந்தி பேரணி நடத்தினர்.

புதுக்கோட்டை: புதுக்கோட்டை சின்னப்பா பூங்கா அருகே இளைஞர்கள் போராட்டம் நடத்தினர்.

பெரம்பலூர்: புதிய பேருந்து நிலையம் சிறுவர்,சிறுமியர் உள்ளிட்ட பலர் போராட்டம் நடத்தி வருகின்றனர்.

விருதுநகர்: விருதுநகர் மாவட்டம் காரியாபட்டி பகுதியில் மாணவர்கள், இளைஞர்கள் ஒன்று திரண்டு போராட்டம் நடத்தி வருகின்றனர்.

புதுச்சேரி: கடற்கரை சாலையில் ஆயிரக்கணக்கான இளைஞர்கள்,மாணவர்கள் போராட்டம் நடத்தி வருகின்றனர்.

இதுமட்டுமல்லாது, தமிழகத்தின் பிற பகுதிகளிலும் போராட்டம் நடந்து வருகிறது.

நாளை கல்லுாரிகள் புறக்கணிப்பு:

ஜல்லிக்கட்டை வலியுறுத்தி தமிழகம் முழுவதும் நாளை கல்லுாரிகளை புறக்கணிக்க கோரி வாட்ஸ் அப் மற்றும் பேஸ்புக்கில் தகவல்கள் பரவி வருகின்றன.

English Summary:

Chennai: hold jallikattu alankanalluar demanding the arrest of those involved in the struggle, as feedback has spread across the island youth.

Read More

ஜல்லிக்கட்டு போராட்டம்; சரத்குமார் விரட்டியடிப்பு

மதுரை: அலங்காநல்லூரில் நடந்து வரும் ஜல்லிக்கட்டு போராட்டத்தில் பங்கேற்க வந்த அரசியல்வாதிகளுக்கு எதிர்ப்பு தெரிவிக்கப்பட்டதால் பரபரப்பு ஏற்பட்டது. பாரம்பரிய வீர விளையாட்டான ஜல்லிக்கட்டு நடத்த வேண்டும் என வலியுறுத்தி மதுரை உள்ளிட்ட பல்வேறு மாவட்டங்களில் போராட்டம் நடந்து வருகிறது. மதுரை அலங்காநல்லூரில் கைது செய்யப்பட்டவர்கள் வாடிப்பட்டியில் ஒரு மண்டபத்தில் வைக்கப்பட்டுள்ளனர்.

அலங்காநல்லூரில் இன்று மறியல் போராட்டம் நடந்து கொண்டிருந்தது. இதற்கு ஆதரவு தெரிவிக்க திமுக. எம்.எல்ஏ., மூர்த்தி வந்தார். அப்போது போராட்டக்காரர்கள் எதிர்ப்பு தெரிவித்தனர். இதனால் கடும் வாக்குவாதம் ஏற்பட்டது. இது போல் சமத்துவமக்கள் கட்சியை சேர்ந்த நடிகர் சரத்குமார், வாடிப்பட்டி வந்தார். போராட்டத்தில் ஈடுபட்டவர்கள் மனிதச்சங்கிலி அமைத்து எதிர்ப்பு தெரிவித்தனர். இவருக்கு எதிராக கோஷங்கள் எழுப்பினர். இதனை தொடர்ந்து ஒரு பதட்ட சூழல் உருவானது. இதனை உணர்ந்த போலீசார் சரத்குமாரிடம் , திரும்பி சென்று விடுங்கள் என தெரிவித்தனர்.

சுய நலநோக்கம் அல்ல.,

இதனையடுத்து சரத்குமார் திரும்பினார். பின்னர் அவர் நிருபர்களிடம் பேசுகையில்: எனது சொந்த ஊர் பரவை அருகே உள்ளது. நாங்களும் ஜல்லிக்கட்டு காளைகள் வளர்த்து வருகிறோம். ஆதரவு தெரிவிக்கவே வந்தேன். சிலரது தூண்டுதல் காரணமாக இது போல் எதிர்ப்பு தெரிவிக்கப்படுகிறது. சுய நலநோக்கம் மற்றும் அரசியல் காரணமாக வரவில்லை. தொடர்ந்து ஜல்லிக்கட்டுக்கு எனது ஆதரவை தெரிவிப்பேன். இவ்வாறு அவர் கூறினார்.

English Summary:

Madurai: Alanganallur jallikattu in the ongoing struggle of the opposition politicians who have been reported to participate in the outrage. Insisting that the traditional heroic conduct jallikattu playful battle is going on in the various districts, including Madurai. Are being held in a hall in Madurai Palamedu Alanganallur arrested.

Read More

சீனா - அமெரிக்கா நேரடி மோதல் அபாயம்: சீன பத்திரிகை தகவல்

பெய்ஜிங்: சீனா மற்றும் அமெரிக்கா இடையே, நேரடி மோதல் ஏற்படும் என சீன அரசுக்கு சொந்தமான குளோபல் டைம்ஸ் நாளிதழ் எச்சரிக்கை விடுத்துள்ளது.

பாதிப்பு:

இது தொடர்பாக, அந்த பத்திரிகை வெளியிட்ட தலையங்கத்தில் கூறப்பட்டுள்ளதாவது:

சீனா மற்றும் அமெரிக்கா இடையே கடுமையான மோதல் ஏற்படும் சூழல் ஏற்பட்டுள்ளது. இதில், டிரம்ப் நிர்வாகத்திற்கு உரிய பதிலடி, விரைவாக கொடுக்க சீனா தயாராக இருக்க வேண்டும். எதிர்காலத்தில், இரு நாடுகளுக்கு இடையேயான பரிமாற்றம் வழக்கமாக இருக்கும் வகையில், இந்த மோதலில் சீனா வெற்றி பெற வேண்டும். நேட்டோ பயனற்றது என டிரம்ப் கூறி வருகிறார். இது பெய்ஜிங்கை அசைப்பது போல் உள்ளது. இங்கிலாந்து மற்றும் ரஷ்யாவுக்கு சாதகமான டிரம்பின் கொள்கைகள், ஐரோப்பாவை புறக்கணிப்பது போல் உள்ளது. இது உலக நாடுகளை உலுக்குவதுடன், சீனாவுக்கு கடும் பாதிப்பை ஏற்படுத்தும்.

மறுபரீசலனை:

சில நாடுகளுடன் உள்ள உறவை சீனா மறுபரிசீலனை செய்ய வேண்டும். மற்ற சில நாடுகளுடன் உள்ள உறவை சீனா வளர்க்க வேண்டும். இதன் மூலம் அமெரிக்காவின் விளையாட்டை சமாளிக்க முடியும். கடந்த 40 ஆண்டுகளாக உள்ள ஒரே சீனா கொள்கையை டிரம்ப் மறுபரீசலனை செய்ய வேண்டும் என்கிறார். இந்த கொள்கையை ரத்து செய்ய விரும்புவதுடன், அனைத்தையும்மாற்ற வேண்டும் என்கிறார். ஒரே சீனா கொள்கையை பெரும்பாலான உலக நாடுகள் ஏற்றுக்கொண்டுள்ளன என தெரிவிக்கப்பட்டுள்ளது.

English Summary:

Beijing: China and the United States, between the Chinese state-run Global Times newspaper that the direct cause of the conflict has warned.

Read More

தமிழகம் வந்தது கிருஷ்ணா நதி நீர்

திருவள்ளூர்: கிருஷ்ணா நதிநீர், தமிழக எல்லையான ஜீரோ பாயிண்டை வந்தடைந்தது.

முதல்வர் பேச்சு:

பருவ மழை பொய்த்து போனதால், சென்னையில், குடிநீர் தட்டுப்பாடு அபாயம் ஏற்பட்டுள்ளது. இதை தவிர்க்க, ஆந்திராவிடம் இருந்து, கூடுதலாக, கிருஷ்ணா நீர் பெற முடிவு செய்யப்பட்டது. அவசரம் கருதி, ஆந்திரா முதல்வர், சந்திரபாபு நாயுடுவை சந்திக்க, விஜயவாடா சென்றார். அங்கு, ஆந்திரா முதல்வர் சந்திரபாபு நாயுடு மற்றும் அதிகாரிகளை சந்தித்து, பன்னீர் செல்வம் பேச்சு நடத்தினார். 'தெலுங்கு கங்கை ஒப்பந்தப்படி, ஆண்டுதோறும், 12 டி.எம்.சி., கிருஷ்ணா நீரை, தமிழகத்திற்கு விடுவிக்க வேண்டும்.

கிருஷ்ணா நீர் கிடைத்தால் மட்டுமே, சென்னையின் குடிநீர் தேவையை சமாளிக்க முடியும். எனவே, ஏப்ரல் வரை தொடர்ச்சியாக, 4 டி.எம்.சி., தண்ணீர் வழங்க வேண்டும்' என, பன்னீர்செல்வம் வலியுறுத்தினார்.ஆந்திராவில் உள்ள கண்டலேறு அணையில், போதிய நீர் இருப்பு இல்லாததால், 2.5 டி.எம்.சி., மட்டும் உடனடியாக வழங்குவதாக, ஆந்திர முதல்வர் உறுதி அளித்தார்.

தாமதம்:

இந்நிலையில், கடந்த 9ம் தேதி கண்டலேறு அணையில் 1500 கன அடி தண்ணீர் திறந்து விடப்பட்ட கிருஷ்ணா நிதி நீர் தமிழகம் வந்த சேர்ந்தது. தமிழக எல்லையான ஜீரோ பாயிண்ட்டை 15 கன அடி நீர் வந்து கொண்டுள்ளது. ஆந்திர விவசாயிகள் மதகுகளில் நீரை தேக்கியதால், தண்ணீர் வர தாமதமாகியது. தமிழக பொதுப்பணித்துறை அதிகாரிகள் நேரில் சென்று மூட வலியுறுத்தினர்.

English Summary:

Tiruvallur: Krishna water, Tamil Nadu territory reached Zero Point.

Read More