பால்கன்' பறவைகளுக்கு விமான டிக்கெட் எடுத்த சவுதி இளவரசர்

துபாய் : விமான பயணத்தில் பயணிகளுக்கு இணையாக, பால்கன் பறவைகளும் பயணம் செய்ய சவுதி இளவரசர் டிக்கெட் எடுத்த விவகாரம் மற்றும் விமானத்தில் பால்கன் பறவைகள் இருக்கும் போட்டோ, சமூகவலைதளங்களில் வைரலாக பரவிவருகிறது.

இதுதொடர்பாக, துபாயில் இருந்து வெளியாகும் கலீஜ் டைம்ஸ் பத்திரிகையில் வெளியாகியுள்ள செய்தியில் தெரிவிக்கப்பட்டுள்ளதாவது:

பால்கன் பறவைகள், ஐக்கிய அரபு எமிரேட்ஸ் நாட்டின் தேசிய பறவை. சவுதி இளவரசர், இந்த பால்கன் பறவைகளை ஓரிடத்திலிருந்து வேறொரு இடத்திற்கு கொண்டு செல்லும் பொருட்டு, 80 டிக்கெட்களை புக் செய்து, அப்பறவைகளை சீட் உடன் கட்டி பாதுகாப்பான பயணம் மேற்கொள்ள வழிவகை செய்ய உத்தரவிட்டதாக அதில் தெரிவிக்கப்பட்டுள்ளது.

ஐக்கிய அரபு எமிரேட்ஸ் நாடுகளில், பால்கன் பறவைகளுக்கு என்று பிரத்யேக பசுமை பாஸ்போர்ட்கள் இருப்பதாகவும், இந்த பாஸ்போர்ட், பால்கன் பறவைகளை, பஹ்ரைன், குவைத், ஓமன், கத்தார், சவுதி அரேபியா, பாகிஸ்தான், மொனாக்கோ மற்றும் சிரியா நாடுகளின் வான்பரப்பில் பறக்க அனுமதி அளிக்கிறது.

இந்த 80 பால்கன் பறவைகளில், ஆறு பறவைகள், எகனாமி வகுப்பில் பயணம் செய்ததாக கத்தார் ஏர்வேஸ் தரப்பில் தெரிவிக்கப்பட்டுள்ளது.

English Summary:

Dubai: Flight passengers traveling parallel to the Balkans, the issue of birds and a plane ticket to travel to Saudi Prince Balkans are birds photo, social networking
as viral Spreading. 

Read More

ஜல்லிக்கட்டு: தமிழக அரசின் சட்டத்துக்கு தடை விதிக்க மறுப்பு

புதுடில்லி: ஜல்லிக்கட்டு சட்டத்திற்கு இடைக்கால தடை விதிக்க சுப்ரீம் கோர்ட் மறுப்பு தெரிவித்துள்ளது. மேலும் 6 வாரத்தில் பதிலளிக்கவும் தமிழக அரசுக்கு உத்தரவிட்டுள்ளது.

மாணவர்களின் போராட்டத்தை தொடர்ந்து, ஜல்லிக்கட்டு நடத்த தமிழக அரசு சட்டம் இயற்றியது. இந்த சட்டத்தை எதிர்த்து சட்டத்திற்கு எதிராக சுப்ரீம் கோர்ட்டில், கூபா என்ற அமைப்பு சுப்ரீம் கோர்ட்டில் வழக்கு தொடர்ந்துள்ளது.

இந்த வழக்கு நீதிபதிகள் தீபக் மிஸ்ரா, ரோஹின்டன் நாரிமன் ஆகியோர் கொண்ட பெஞ்ச் முன்பு விசாரணைக்கு வந்தது.

எதிர்ப்பு:

அப்போது விலங்குகள் நல வாரியம் சார்பில் ஆஜரான வழக்கறிஞர், 2016 உத்தரவை மத்திய அரசு திரும்ப பெற்றாலும், விசாரணை தொடர்ந்து நடத்த வேண்டும் எனக்கூறினர்.

அதிருப்தி:

பின்னர் நீதிபதிகள் கூறுகையில், தமிழக அரசின் ஜல்லிக்கட்டு சட்டம் 2014 ம் ஆண்டில் சுப்ரீம் கோர்ட் தீர்ப்புக்கு மாறாக உள்ளது. ஜல்லிக்கட்டை சட்டத்தை விலங்குகள் நல வாரியம் எதிர்ப்பது ஏன் எனக்கேள்வி எழுப்பினர்.

ஜல்லிக்கட்டு போராட்டத்தின் போது வன்முறை ஏற்பட்டதற்கு அதிருப்தி தெரிவித்த நீதிபதிகள், சட்டம் ஒழுங்கை அரசு தீவிரமாக கண்காணிக்க வேண்டும் எனக்கூறிய அவர்கள், வன்முறையை தடுக்க தவறியது ஏன் என கேள்வி எழுப்பினர்.

மேலும், 2016 வெளியிடப்பட்ட அறிவிக்கையை திரும்ப பெற்றுக்கொள்ள மத்திய அரசுக்கு அனுமதி நீதிபதிகள் அனுமதி வழங்கினர். தமிழக அரசின் சட்டத்தை எதிர்த்து வழக்கு தொடரவும் அனுமதி வழங்கிய நீதிபதிகள், ஜல்லிக்கட்டு சட்டத்திற்கு இடைக்கால தடை விதிக்க மறுத்ததுடன், 6 வாரத்தில் பதிலளிக்க வேண்டும் என நோட்டீஸ் அனுப்பவும் தமிழக அரசுக்கு உத்தரவிட்டனர்.

அரசிதழில்:

முன்னதாக, வழக்கறிஞர் மோகன் பராசரன், ஜல்லிக்கட்டு சட்டம் கொண்டு வரப்பட்டதன் வழிமுறையை எடுத்துக்கூறியதுடன், சட்டம் 2 நாளில் அரசிதழில் வெளியிடப்படும் எனக்கூறினார். . மாநில அரசு தனக்கு உள்ள அதிகாரத்தை பயன்படுத்தி சட்டத்தை இயற்றியுள்ளது எனக்கூறினார்.

மத்திய அரசின் அட்டர்னி ஜெனரல் முகுல் ரோகத்ஹி, கடந்த 2016ம் ஆண்டு அறிவிப்பாணையை திரும்ப பெற சுப்ரீம் கோர்ட் அனுமதிக்க வேண்டும் எனக்கூறினார்.

English Summary:

NEW DELHI: The Supreme Court has denied a ban jallikattu interim legislation. Also ordered the state to respond by 6 weeks. 

Read More

சமாஜ்வாதியிலிருந்து விலகி புதுக்கட்சி துவக்குகிறார் சிவ்பால்

லக்னோ: சமாஜ்வாதியிலிருந்து விலகப்போவதாக முலாயமின் தம்பி சிவ்பால் யாதவ் கூறியுள்ளார்.

சஸ்பெண்ட் ஏன்?

இது தொடர்பாக அவர் கூறியதாவது: சமாஜ்வாதியிலிருந்து விலக முடிவு செய்துள்ளேன். புதுக்கட்சி துவங்குவது குறித்து தேர்தல் முடிவுக்கு பிறகு முடிவு செய்யப்படும். அதேநேரத்தில், புதுக்கட்சி துவங்குவேன் என்பதையும் மறுக்க முடியாது. அகிலேசால் சீட் மறுக்கப்பட்டவர்களுக்கு ஆதரவாக பிரசாரம் செய்வேன். சமாஜ்வாதி தொண்டர்கள் ஏராளமானோர் என்னை ஆதரிக்கின்றனர். கட்சியில் ஊழலை தடுக்க முயன்றதால் நான் சஸ்பெண்ட் செய்யப்பட்டேன். சொந்த மகனாலேயே, முலாயம் அவமானப்படுத்தப்பட்டார். வேண்டுமென்றே நான் அனுப்பிய ஆவணங்கள் நிறுத்தி வைக்கப்பட்டன. முலாயம் மற்றும் எனக்கு எதிராக அகிலேஷ் செயல்பட்டு வருகிறார் எனக்கூறினார்.

English summary:

Lucknow: Samajwadi civp departure from Mulayam Yadav's brother said Lucknow: Samajwadi civp departure from Mulayam Yadav's brother said

Read More

நீட் நுழைவுத் தேர்வின்றி மருத்துவப்படிப்பு: சட்டப்பேரவையில் இன்று சட்டமுன்முடிவு

சென்னை: தேசிய தகுதிகாண் நுழைவுத் தேர்வு (நீட்) இல்லாத மருத்துவப் படிப்புகளுக்கு வழிவகை செய்யும் சட்டமுன்முடிவு தமிழக சட்டப்பேரவையில் இன்று தாக்கல் செய்யப்படுகிறது.
நாடு முழுவதும் மருத்துவப் பாடப் பிரிவுகளுக்கான சேர்க்கை தொடர்பாக "நீட்' தேசிய தகுதித் தேர்வை எழுத வேண்டும் என உச்சநீதிமன்றம் உத்தரவிட்டது. இதையடுத்து மத்திய அரசும் இதற்கான சட்டத்தைக் கொண்டு வந்தது.
இதன்படி, நாடு முழுவதும் உள்ள அரசு, தனியார் மருத்துவக் கல்லூரிகளில் மருத்துவப் பாடப் பிரிவுகளில் சேர கண்டிப்பாக "நீட்' தேர்வை எழுத வேண்டும்.

இந்நிலையில், இளநிலை மற்றும் முதுநிலை மருத்துவப் பாடப் பிரிவுகளில் சேர நடத்தப்படும் தேசிய தகுதிகாண் நுழைவுத் தேர்வு நீட் (NEET) நுழைவுத்தேர்வை ரத்து செய்யும் சட்ட முன்முடிவை தமிழக அரசு இன்று சட்டப்பேரவையில் தாக்கல் செய்கிறது.

கிராமப்புற மாணவர்கள் மருத்துவப் படிப்பில் சேர்வதற்கு துணைசெய்யும் வகையில் பழைய முறையையே பின்பற்றி மருத்துவப்படிப்புகளில் மாணவர் சேர்க்கையை நடத்த இந்த சட்ட மசோதா தாக்கல் செய்யப்படுவதாக கூறப்படுகிறது.

இன்று சுகாதாரத்துறை அமைச்சர் விஜயபாஸ்கர்,  இந்த சட்ட முன்முடிவை தாக்கல் செய்கிறார். பின்னர், இந்த சட்ட முன்முடிவை அரசு தாக்கல் செய்வதற்கான காரணம் விளக்கப்படும் என்றும் எதிர்ப்பார்க்கப்படுகிறது. தொடர்ந்து இது பற்றிய விவாதமும் நடைபெறும் என்று கருதப்படுகிறது.

தேசிய தகுதிகாண் நுழைவுத் தேர்வு (என்இஇடி) முறையில் இருந்து தமிழகத்துக்கு நிரந்தர விலக்கு அளிக்க வேண்டும் என்று தில்லியில் நடைபெற்ற அனைத்து கட்சிக் கூட்டத்தில் தமிழக உறுப்பினர்கள் சார்பில் வலியுறுத்தப்பட்டது.

புதுவை மாணவர்கள், தமிழகம், கேரளம், ஆந்திரம் உள்ளிட்ட பல்வேறு கல்வி வாரியப் பாடப் பிரிவுகளைப் படிப்பதால் "நீட்' தகுதித் தேர்வால் பாதிக்கப்படும் அபாயம் உள்ளது. இதனால்தான்,  "நீட்' தேர்வில் இருந்து விலக்கு அளித்து முதல்வர் வி.நாராயணசாமி தீர்மானம் கொண்டு வந்துள்ளது குறிப்பிடத்தக்கது.

Read More

பட்ஜெட் கூட்டத் தொடர் இன்று தொடக்கம்: ஒருங்கிணைந்த பட்ஜெட் நாளை தாக்கல்

நாடாளுமன்ற பட்ஜெட் கூட்டத் தொடர் செவ்வாய்க்கிழமை (ஜன.31) தொடங்குகிறது. ஒருங்கிணைந்த பட்ஜெட் (பொது பட்ஜெட்டுடன் இணைந்த ரயில்வே பட்ஜெட்) புதன்கிழமை (பிப்.1) தாக்கல் செய்யப்படுகிறது.

நாடாளுமன்ற பட்ஜெட் கூட்டத் தொடர் 2 அமர்வுகளாக நடைபெறுகிறது. இதில் முதல் அமர்வு செவ்வாய்க்கிழமை (ஜன.31) முதல் பிப்ரவரி 9-ஆம் தேதி வரை நடைபெறவுள்ளது. அதன்பிறகு இரு அவைகளும் ஒத்திவைக்கப்படும்.

பின்னர், மார்ச் மாதம் 9-ஆம் தேதி 2-ஆவது அமர்வு தொடங்குகிறது. ஏப்ரல் 12-ஆம் தேதியுடன் பட்ஜெட் கூட்டத் தொடர் நிறைவடைகிறது.

நிகழ் ஆண்டின் முதல் கூட்டத் தொடர் இது என்பதால், நாடாளுமன்ற இரு அவைகளின் கூட்டுக் கூட்டத்தில் குடியரசுத் தலைவர் பிரணாப் முகர்ஜி செவ்வாய்க்கிழமை உரை நிகழ்த்துகிறார். கூட்டத் தொடரின் முதல் நாளிலேயே பட்ஜெட்டுக்கு முந்தைய பொருளாதார ஆய்வறிக்கையை மத்திய நிதியமைச்சர் அருண் ஜேட்லி தாக்கல் செய்யவுள்ளார்.

அரை நூற்றாண்டுக்கும் மேலாக அமலில் இருந்த ரயில்வே பட்ஜெட்டை தனியாக தாக்கல் செய்யும் நடைமுறை நிகழ் ஆண்டு முதல் ரத்து செய்யப்பட்டுள்ளது. அதற்குப் பதிலாக பொது பட்ஜெட்டுடன் சேர்ந்து ரயில்வே பட்ஜெட் தாக்கல் செய்ய மத்திய அரசு முடிவு செய்துள்ளது. அதன்படி, பட்ஜெட் கூட்டத் தொடரின் 2-ஆவது நாளான புதன்கிழமை ஒருங்கிணைந்த பட்ஜெட்டை மத்திய நிதியமைச்சர் அருண் ஜேட்லி தாக்கல் செய்யவிருக்கிறார்.

சரக்கு-சேவை வரி விதிப்புச் சட்டத்தை (ஜிஎஸ்டி) ஏப்ரல் மாதம் முதல் அமல்படுத்துவதில் காலதாமதம் ஏற்பட்டுள்ளது. எனவே, அந்தச் சட்டத்தை செயல்படுத்துவது தொடர்பான அட்டவணையை பட்ஜெட்டில் ஜேட்லி வெளியிடுவார் என்று எதிர்பார்க்கப்படுகிறது. மேலும் பல்வேறு பிரிவினருக்கு வரிச் சலுகைகளையும், உயர்மதிப்பு ரூபாய் நோட்டுகள் வாபஸ் பெறப்பட்டுள்ளதால் பெரிதும் பாதிக்கப்பட்டுள்ள வேளாண் துறை, உற்பத்தி துறைகள் பயன்பெறும் வகையிலான புதிய திட்டங்களையும் பட்ஜெட்டில் அவர் வெளியிடுவார் என்று எதிர்பார்க்கப்படுகிறது. ரயில்வே துறையை பொருத்தமட்டில், அதிவேக ரயில் தொடர்பான அறிவிப்புகளும், ஏற்கெனவே செயல்படுத்தப்பட்டு வரும் திட்டங்களுக்கு நிதி ஒதுக்கீடு செய்வது தொடர்பான அறிவிப்புகளும் இடம்பெறும் எனத் தெரிகிறது. ரயில்வே கட்டண உயர்வு தொடர்பான அறிவிப்பு வெளியிடப்படுமா? என்பது குறித்து உறுதியாகத் தெரியவில்லை.

முன்னதாக, பட்ஜெட் கூட்டத் தொடரை சுமுகமாக நடத்துவது குறித்து தில்லியில் திங்கள்கிழமை 2 அனைத்து கட்சிக் கூட்டங்களுக்கு ஏற்பாடு செய்யப்பட்டிருந்தது. தில்லியில் திங்கள்கிழமை காலை நடைபெற்ற முதல் கூட்டத்துக்கு நாடாளுமன்ற விவகாரத்துறை அமைச்சர் அனந்த் குமார் தலைமை வகித்தார்.

மாலையில் நடைபெற்ற 2-ஆவது கூட்டத்துக்கு மக்களவைத் தலைவர் சுமித்ரா மகாஜன் தலைமை தாங்கினார். கூட்டத்தில் பேசிய பிரதமர் மோடி, பட்ஜெட் கூட்டத் தொடரை சுமுகமாக நடத்துவதற்கு மத்திய அரசுக்கு அனைத்து கட்சிகளும் ஒத்துழைப்புத் தர வேண்டும் என்று வேண்டுகோள் விடுத்தார்.

எனினும், உயர்மதிப்பு ரூபாய் நோட்டு விவகாரத்தை நாடாளுமன்ற கூட்டத் தொடரில் காங்கிரஸ், இடதுசாரிகள், திரிணமூல் காங்கிரஸ் உள்ளிட்ட எதிர்க்கட்சிகள் மத்திய அரசுக்கு எதிராக எழுப்பலாம் எனத் தெரிகிறது.

குறிப்பாக, நிதி நிறுவன மோசடி வழக்குகளில் திரிணமூல் காங்கிரஸ் தலைவர்கள் கைது செய்யப்பட்ட விவகாரத்தை அக்கட்சியின் உறுப்பினர்கள் பிரச்னையாக்கலாம் என்று கூறப்படுகிறது.

Read More

அடேங்கப்பா... ஜல்லிக்கட்டுல மாடு புடிக்கிறது இம்புட்டு கஷ்டமா?

ஜல்லிக்கட்டுக்காக போராடிய மாணவர்களில் பாதி பேர் இதுவரை ஜல்லிக்கட்டைப் பார்த்ததே இல்லை என்று பலரும் கூறிவந்தனர். இனி அப்படி சொல்ல முடியாது. ஜல்லிக்கட்டுக்காக போராடிய மாணவர்களுக்கு, ஜல்லிக்கட்டைப் பார்க்க வேண்டும் என்ற ஆவல் ஏற்பட்டுள்ளது. ஒருசிலர் ஒரு படி மேலே சென்று மாடுபிடி வீரராக மாற வேண்டும் என ஆசைப்படுகின்றனர். ஆசைப்பட்டால் மட்டும் போதுமா? மாடு பிடிப்பது என்ன அவ்வளவு சாதாரண விஷயமா? இதோ... ஜல்லிக்கட்டில் மாடுபிடிப்பது எப்படி என்று சொல்லித் தருகிறார் தமிழ்நாடு மாடுபிடி சங்க தலைவர் முத்தையா.

அலங்காநல்லூரில் ஜல்லிக்கட்டுக்காக குவிந்துள்ள மாடுகளை, தன்  கண்களால் அளவிட்டுக் கொண்டிருந்த முத்தையாவின்  பின்னால் பெரும் கூட்டம் சுற்றிக் கொண்டு இருக்கிறது. அவர் ஏதாவது ஒரு மாட்டின் அருகில் நின்றால்...  ‛‛ஏலேய் இந்த தடவ இந்த மாடு பிடிபடாது'' என்று  அவரின் எண்ண ஓட்டத்தை சிலர் சொல்லிக் கொண்டிருக்க, மாடு பிடிப்பது எப்படி என்ற கேள்வியுடன் முத்தையாவை ஓரம் கட்டினோம்.

''தமிழ்நாடு முழுக்க மாடு  பிடிப்பதற்கான பயிற்சியை மாணவர்களுக்கு கொடுத்துகிட்டு இருக்கேன். திண்டுக்கல், தேனி, விருதுநகர், புதுக்கோட்டை, தஞ்சாவூர், திருச்சி, வேலூர், சிவகங்கை, சேலம், ராமநாதபுரம், கரூர், மதுரை உள்பட 14 மாவட்டத்துல 1,400 மாடுபிடி வீரர்களை உருவாக்கி இருக்கேன். நம்மட்ட இருக்குற  வீரர்கள் எல்லாரும் ஜல்லிக்கட்டுல டிவி, ஃபிரிட்ஜ்  ஜெயிக்கக் கூடியவங்க. மாடு வாடி வாசல்ல இருந்து வரும்போதே அத கணிச்சுருவேன். அது எந்தப் பக்கம் பாயும், எங்க வரும்ன்னு கரெக்டா சொல்லிடுவேன். கூசாம புடிடான்னு மாடு புடிக்குறவனுக்கு தெம்பு கொடுத்துருவோம். இதுதான் பயிற்சி. ஒரு மாடு பிடி வீரனுக்கு தேவை  மனதைரியம் மட்டும்தான்.

தமிழ்நாட்டுல பல லட்சம்  மாடு இருக்கு. இதுல நல்லா பாயுறது 70 மாடுதான். நாமக்கல்ல அழகு நாச்சியார்னு ஒரு அம்மா வளக்குற மாடுதான் இப்ப வரைக்கும்  நம்பர்  ஒன்னு. இதுவர யாரும் அந்த மாட்டைப் பிடிக்க முடியல. போன  தடவ என்  தம்பி மேட்டுப்பட்டி மூர்த்திய குத்தி சரிச்சுப்புடுச்சு. அவனுக்கு கன்னத்துலயும், கம்முகூட்டுலயும் 15 தையலு. அதுக்காகவே கங்கணம் கட்டி காத்து  இருந்தோம். இப்ப தடை நீங்குனதுனால இந்த வருஷம், அலங்காநல்லூர்ல அதைப் பிடிச்சுப்புடுவோம்.

அப்புறம்... பட்டமங்கலம் செந்தில். அவரோட  மாடு ஏசி வண்டிலதான் வரும். தி.மு.க முன்னாள் அமைச்சர் ஐ.பெரியசாமி மகன் செந்தில்குமார் ஒரு மாடு வச்சிருக்காரு. முன்னாள் எம்.பி ரித்தீஷ் ஒரு மாடு வச்சிருக்காரு. சேலம் வீரபாண்டியார் மகன்  ராஜா மாடு வச்சிருக்காரு. வைத்தியலிங்கம் மகன்ட்ட மூணு மாடு இருக்கு. புதுக்கோட்டை கண்ணன், ஆலங்குடி சுரேஷ், அண்ணா பஸ் ஸ்டாண்ட் என்ஜினீயர் சபாபதி, அண்ணாநகர் பிரேம், அவனியாபுரம் ஏ.கே கண்ணன் இவங்ககிட்டதான் தமிழ்நாட்டுல, ஜல்லிக்கட்டுக்கு பாயுற சரியான மாடுகள் இருக்கு.

அரசியல்வாதிகள், தொழிலதிபர், என்ஜினீயர்கதான் மாடு அதிகமா வச்சிருக்காங்க. இந்த மாடுகளை கவனிக்க தனி ஆளு, மாட்டுக்கு ஃபேன் போட்ட ரூம், அதுக்கு பச்சரிசி, தேங்காய், சோள மாவு, கருக்க தவுடு, பருத்திக்கொட்டை, வாரத்துக்கு ஒரு நாளு  லைஃப் பாய் சோப்பு போட்டு நீச்சல்... இப்படி அம்சமா பார்த்துப்பாங்க. பிள்ளைய  கூட அப்படி வளர்க்க மாட்டாங்க. இந்த 70 மாட்டுல பணக்காரங்க வீட்டு மாடை விட சாதாரண வீட்டு மாடுதான் நல்லா பாயும். மாடு வாங்குறது மட்டும்தான் ஆம்பளையா இருக்கும். அத வளக்குறது எல்லாமே பொம்பள ஆளுக தான்.

மாடு அவங்க அவங்க ராசிக்கு தக்கதான் அமையும். தனக்கு சாப்பாட்டுக்கு இல்லைனாலும் மாட்டுக்கு எல்லாம் கொடுத்துருவாங்க. அவுக எவ்வளவு கொஞ்சி வளத்தாலும், அது யாரோட மாடா  இருந்தாலும் களத்துல அது எல்லாம் செல்லாது. எங்கிட்ட திறமை இருக்கு, உங்கிட்ட மாடு பலம் இருக்கு. மாடு நினைச்சா குத்தட்டும் அப்டின்னு தான்  இறங்குவோம்.

முதல்ல அலங்காநல்லூர்ல 2பேரு தான் மாடு புடிச்சோம். இப்போ 600 பேரு புடிக்குறாங்க. எந்த ஊருல ஜல்லிக்கட்டு நடந்தாலும் எங்களுக்கு அழைப்பு வந்துரும். நாங்க கார் புடிச்சு போயிருவோம். எத்த பெரிய அடங்காத மாட்டையும்  அலங்காநல்லூர்காரன் அடக்கிருவான். சவால் விட்டு புடிப்போம். முதல்ல மாடு புடிக்க வர்றவனுக்கு போக்கு மாடு புடிக்க கத்துக் கொடுப்போம். போக்கு மாடுன்னா ஓடுற மாடு. அத  புடிச்சுகிட்டு 150 மீட்டர் ஓடிட்டா ஜெயிச்சதா அர்த்தம். அதுக்கு பரிசா தங்க காசு, அண்டா, குண்டா, வேட்டி , வாட்ச், குத்துவிளக்கு கொடுப்பாங்க.

அப்புறம்  சுத்து மாடு. ஒரு இடத்துல  நிண்டு மாடு சுத்தும்போது, அத மூணு புடி புடிச்சா, புடிகாரனுக்கு பரிசு. ரெண்டரையில இறங்கிட்டா பரிசு மாட்டுகாரனுக்கு. இதுக்கு ஃப்ரிட்ஜ், சைக்கிள், கிரைண்டர், மிக்சி, ஸ்கூட்டர், கொடுப்பாங்க. ஜல்லிக்கட்டுல சாதி, மதம் கிடையாது. திறமை இருந்தா யாருனாலும்  மாடு புடிக்கலாம். வருஷத்துல 4 மாசம்தான் இந்த விளையாட்டு நடக்குது. அதனால இதையே முழு வேலையா பாக்க முடியாது.

படிச்ச பையங்க  நிறைய பேரு  மாடு பிடி  வீரர்களா இருக்காங்க. மாடு பிடி வீரர்கள்ல பாதி பேருபோலீஸ் வேலையில இருக்காங்க. ஜல்லிக்கட்டுனா லீவு போட்டுட்டு வந்துருவாங்க. இந்த ஜல்லிக்கட்டுத் தடைய நீக்குறதுக்கு தமிழ்நாடே போராடுனதை நினைச்சா ரொம்ப பெருமையா இருக்கு. இந்த  தடை  உடைச்சதுக்கு அப்புறம் இப்ப நிறைய பேரு ஜல்லிக்கட்டு விளையாட ஆர்வமா வாராங்க.

தமிழ்நாடு முழுக்க 14 மாவட்டங்கள்ல பயிற்சி கொடுத்துட்டு வர்றேன். காசு, பணம் எதுவும்வாங்காம ஒரு சேவையாதான் இத செய்றேன். இதுக்காக அரசாங்கத்துல கிடைச்ச விளையாட்டு வாத்தியார் வேலையையும் விட்டுட்டு வந்துட்டேன். திரும்பவும் சொல்றேன், இந்த விளையாட்டை மீட்டு கொடுத்த மாணவர்களுக்கு, பெண்களுக்கு, பொதுமக்களுக்கு நன்றி. என்ன... போராடுன பிள்ளைங்க மேல போலீஸ் தடியடி நடத்துனது தான் மனசுக்கு சங்கடமா இருக்கு'' என்று நெகிழ்கிறார் முத்தையா.

Read More

ட்ரம்ப்பின் அடுத்த அதிரடி!

ஈராக், சிரியா உள்ளிட்ட ஏழு நாடுகளைச் சேர்ந்தவர்கள் அமெரிக்காவுக்குள் நுழைய தடைவிதிக்கும் வகையில் குடியுரிமைக் கொள்கையில் அதிரடி மாற்றம் செய்து உத்தரவிட்டார், அதிபர் ட்ரம்ப்.

இதற்கு கடும் எதிர்ப்புகள் எழுந்தது. இதையடுத்து ட்ரம்ப்பின் உத்தரவுக்கு அமெரிக்க நீதிமன்றம் தற்காலிக தடை விதித்தது. இந்நிலையில் அவருக்கு எதிராக செயல்பட்டதாகக் கூறி அங்கு அரசு தலைமை வழக்கறிஞர் (பொறுப்பு) சாலியேட்ஸை பதவிநீக்கம் செய்து மீண்டும் அதிரடி காட்டியுள்ளார்.

இவர் ட்ரம்ப்பின் குடியுரிமைக் கொள்கையில் தனக்கு உடன்பாடு இல்லை என்று கூறியதால், ட்ரம்ப் இந்த நடவடிக்கையில் எடுத்துள்ளார் என்று கூறப்படுகிறது.

Read More