ஜூன் மாதம் ரஷ்யா செல்கிறார் பிரதமர் மோடி

புதுடில்லி : ரஷ்யாவில் ஜூன் மாதம் நடைபெறவுள்ள சர்வதேசப் பொருளாதார மாநாட்டில் சிறப்பு விருந்தினராக கலந்து கொள்வதற்காக பிரதமர் மோடி ரஷ்யா செல்ல உள்ளார்.

சிறப்பு விருந்தினராக..

இதுதொடர்பாக இந்திய வெளியுறவு துறை செய்தித் தொடர்பாளர் விகாஸ் ஸ்வரூப் தெரிவித்ததாவது: வரும் ஜூன் மாதம் ரஷ்யாவில் சர்வதேசப் பொருளாதார மாநாடு நடைபெறவுள்ளது. இதில் சிறப்பு விருந்தினராக பிரதமர் நரேந்திர மோடி கலந்து கொள்ளவுள்ளார். மோடியின் ரஷ்யப் பயணம் குறித்த மற்ற விவரங்கள் தயார் செய்யப்பட்டு வருகின்றன. அவை இறுதி செய்யப்பட்டவுடன் அறிவிக்கப்படும். இவ்வாறு அவர் தெரிவித்தார்.

English summary:

NEW DELHI : The international economic conference to be held in Russia in June, as a special guest to attend Modi will visit Russia.

Read More

மத்திய பட்ஜெட்டில் இலக்கு இல்லை; ராகுல் தாக்கு

புதுடில்லி : மத்திய பட்ஜெட்டில் தெளிவான இலக்கு இல்லை என்றும், விவசாயிகளுக்கு எந்த அறிவிப்பும் இல்லை என்றும் காங்., துணைத் தலைவர் ராகுல் குறை கூறினார்.

வரவேற்பும், எதிரப்பும்:

பிரதமர் மோடி தலைமையிலான பா.ஜ., அரசு அமைந்த பின், அதன், நான்காவது பட்ஜெட்டை, மத்திய நிதியமைச்சர் அருண் ஜெட்லி, பார்லிமென்டில் நேற்று தாக்கல் செய்தார். இதனை பா.ஜ., வை சேர்ந்த அமித் ஷா, சுரேஷ் பிரபு, நிதின் கட்காரி உள்ளிட்ட மத்திய அமைச்சர்கள் வரவேற்ற போதும், காங்., உள்ளிட்ட எதிர்கட்சிகள் எதிர்ப்பு தெரிவித்துள்ளன.

இலக்கு இல்லை:

மத்திய பட்ஜெட் குறித்து காங்., துணை தலைவர் ராகுல் தெரிவித்ததாவது: விவசாயிகள், இளைஞர்கள் என, யாருக்கும் நன்மை தராத பட்ஜெட்; இலக்கு இல்லாதது. வேலையில்லா திண்டாட்டம் அதிகரித்து வருகிறது; அதற்கு எந்த தீர்வுமில்லை. இரண்டு கோடி வேலைவாய்ப்புகள் உருவாக்கப்படும் என, இரு ஆண்டுகளாக, மத்திய அரசு பொய் சொல்லி வருகிறது. புல்லட் ரயில் இயக்கப்படும் என, பிரதமர் மோடி கூறினார்; அதுபற்றிய அறிவிப்பு ஏதுமில்லை. இவ்வாறு அவர் கூறினார்.

வார்த்தை ஜாலம்:

மத்திய பட்ஜெட் குறித்து திரிணமுல் காங்., தலைவரும், மேற்கு வங்க முதல்வருமான, மம்தா பானர்ஜி தெரிவித்ததாவது: மத்திய பட்ஜெட், எந்த இலக்கும் இன்றி, வெற்று வார்த்தைகளாக உள்ளது; உபயோகமற்ற, அடிப்படை இல்லாத, செயல்பாடற்ற பட்ஜெட். சொந்த பணத்தை வங்கிகளில் இருந்து எடுக்க, இன்னமும் கட்டுப்பாடு நீடிக்கிறது. மத்திய அரசுக்கு எதிரான எங்கள் எதிர்ப்பு தொடரும்; அதனால் தான், முதல் இரண்டு நாட்கள், பார்லி., கூட்டத்தொடரில், எங்கள், எம்.பி.,க்கள் கலந்து கொள்ளவில்லை. இவ்வாறு அவர் கூறினார்.

ஏழை மக்களை பாதிக்கும்:

மத்திய பட்ஜெட் குறித்து திரிணமுல் மார்க்.கம்யூ., பொதுச் செயலர் சீத்தாராம் யெச்சூரி தெரிவித்ததாவது: மத்திய பட்ஜெட், முன்னுக்கு பின் முரணாக உள்ளது; மாயா ஜாலம் காட்டும் வெறும் அறிவிப்புகள் மட்டுமே உள்ளன. மறைமுக வரிகள் மூலம், வருவாயை கூட்ட திட்டமிடப்பட்டு உள்ளது; இதனால், பாதிக்கப்படுவது ஏழை, எளிய, நடுத்தர மக்கள் தான். விலைவாசி உயரும் ஆபத்துள்ளது. முக்கிய திட்டங்கள் எதற்கும் போதிய நிதி ஒதுக்கீடு செய்ய வில்லை. இவ்வாறு அவர் தெரிவித்தார்.

தெளிவில்லை:

மத்திய பட்ஜெட் குறித்து பிகார் முதல்வர் நிதீஷ்குமார் தெரிவித்ததாவது: மத்திய பட்ஜெட்டில், ரூபாய் நோட்டு வாபஸ் நடவடிக்கைக்குபின் எவ்வளவு கறுப்புப் பணம் பிடிபட்டது என்பதை பட்ஜெட் தெளிவாகக் கூறவில்லை. ரூபாய் நோட்டு வாபஸ் நடவடிக்கையால் அமைப்பு சாரா துறையில் ஏராளமானோர் வேலைவாய்ப்புகளை இழந்தனர். அவர்களுக்கு இழப்பீடு தருவது தொடர்பாக எதுவும் கூறப்படவில்லை. ரயில்வே பட்ஜெட்டை பொது பட்ஜெட்டுடன் இணைத்ததால், ரயில்வே துறையை அரசு சீரழித்து விட்டது.

பதவி எதற்கு?

பட்ஜெட் குறித்து ராஷ்டிரிய ஜனதாதள தலைவர் லாலு பிரசாத் யாதவ் தெரிவித்தாவது: பட்ஜெட்டில் இளைஞர்களுக்கு வேலை வாய்ப்பு குறித்து அறிவிப்பில்லை. ரயில்வே பட்ஜெட்டை தனியாக தாக்கல் செய்வது என்ற மரபை மத்திய அரசு சிதைத்து விட்டது. ரயில்வே பட்ஜெட்டை அத்துறை அமைச்சர் தாக்கல் செய்ய முடியாத நிலையில், அவர் பதவியில் நீடிப்பதில் அர்த்தம் இல்லை. இவ்வாறு அவர் தெரிவித்தார்.

English Summary:

NEW DELHI: The target was not clear in the federal budget, and that the farmers did not have any notice Cong., Rahul said Lo.

Read More

'ஜல்லிக்கட்டு நாயகன்'; பன்னீருக்கு பட்டம் தந்த எம்.எல்.ஏ.,

சென்னை: முதல்வர் பன்னீர்செல்வத்தை, 'ஜல்லிக்கட்டு நாயகன்' என, அ.தி.மு.க., - எம்.எல்.ஏ., பாராட்டினார்.

புகழ்ச்சி:

சட்டசபையில், அ.தி.மு.க., - எம்.எல்.ஏ.,க்கள் பேசும் போது, முன்னாள் முதல்வர் ஜெயலலிதா, அ.தி.மு.க., பொதுச்செயலர் சசிகலா ஆகியோரை புகழ்ந்து பேசுகின்றனர். சிலர், அவர்கள் இருவரை புகழ்வதுடன், முதல்வர் பன்னீர்செல்வத்தையும் புகழ்கின்றனர்.

'ஜல்லிக்கட்டு நாயகன்':

நேற்றைய கேள்வி நேரத்தின் போது, அ.தி.மு.க., - தென்னரசு பேசும் போது, ஜெயலலிதா, சசிகலா ஆகியோரை புகழ்ந்து விட்டு, 'ஜல்லிக்கட்டு நாயகன் முதல்வரை வணங்கி, பேச்சை துவக்குகிறேன்' என்றார். முதல்வரும் சிரித்தபடி, அவரை திரும்பி பார்த்தார்.

12 சட்ட மசோதாக்கள் நிறைவேற்றம்:

தமிழக சட்டசபை கூட்டத்தின் கடைசி நாளான நேற்று, சென்னை மாநகராட்சி பகுதியில், தெருவில் கழிவுநீரை விடுவோருக்கு, இரண்டு லட்சம் ரூபாய் வரை அபராதம் விதிக்கும் சட்ட மசோதா, வேளாண் விளைபொருள் விற்பனை திருத்த சட்ட முன்வடிவு உட்பட 12 சட்ட மசோதாக்கள் நிறைவேற்றப்பட்டன.

English summary:

Chennai: Chief Minister Paneerselvam, 'jallikattu as "hero, Digg - MLA praised.

Read More

நடப்பு ஆண்டில் 28 தேர்வுகள்: டி.என்.பி.எஸ்.சி., அறிவிப்பு

சென்னை: 'தமிழக அரசு துறைகளில் காலியாக உள்ள, 3,781 பணியிடங்களை நிரப்ப, இந்தாண்டு, 28 தேர்வுகள் நடத்தப்படும்' என, தமிழ்நாடு அரசு பணியாளர் தேர்வாணையமான, டி.என்.பி.எஸ்.சி., அறிவித்துள்ளது.

28 தேர்வுகள்:

நடப்பு கல்வி ஆண்டுக்கான, தோராய தேர்வு அட்டவணை பட்டியலை, டி.என்.பி.எஸ்.சி., வெளியிட்டுள்ளது. இந்த ஆண்டில், 28 தேர்வுகள் நடத்தப்பட உள்ளன. இதில், எட்டு தேர்வுகள் ஏற்கனவே அறிவிக்கப்பட்டவை; 20 தேர்வுகள் புதியவை. இதன் மூலம், 28 வகை பணிகளில், 3,781 காலியிடங்கள் நிரப்பப்பட உள்ளன. 494 வி.ஏ.ஓ., பணியிடங்கள் மற்றும் குரூப் 2 தேர்வு ஆகியவற்றின் தேர்வு கால அட்டவணை வெளியிடப்பட்டுள்ளது.

English Summary:

Chennai: The Tamil Nadu government sectors vacant, 3,781 posts, this year, 28 examinations conducted as Tamil Nadu Government Employee Examination, TNSPC, announced.

Read More

சமையல் காஸ் விலை உயர்வு; ரூ.66 அதிகரிப்பு

சென்னை: சென்னையில், வீட்டு சமையல் காஸ் சிலிண்டர் விலை, 66.50 ரூபாய் உயர்ந்து உள்ளது.

மாற்றம்:

பொதுத் துறையை சேர்ந்த இந்தியன் ஆயில், பாரத், இந்துஸ்தான் பெட்ரோலியம் நிறுவனங்கள், வீடு, வணிக பயன்பாட்டு சமையல் காஸ் சிலிண்டர்களை, வினியோகம் செய்கின்றன. சர்வதேச சந்தையில், கச்சா எண்ணெய் விலை நிலவரத்துக்கு ஏற்ப, மாதம்தோறும், காஸ் சிலிண்டர் விலையில் மாற்றம் செய்யப்படுகிறது.

ரூ.66 உயர்வு:

சென்னையில், ஜன., மாதம், வீட்டு சிலிண்டர், 594.50 ரூபாய்க்கு விற்பனையானது. தற்போது, அதன் விலை, 66.50 ரூபாய் உயர்ந்து, 661 ரூபாயாக அதிகரித்துள்ளது. கடந்த மாதம், சென்னையில், 19 கிலோ, வணிக பயன்பாட்டு சிலிண்டர், 1,233.50 ரூபாய்க்கு விற்பனையானது. இம்மாதம், அதன் விலை, 104.50 ரூபாய் அதிகரிக்கப்பட்டு, 1,338 ரூபாயாக நிர்ணயிக்கப்பட்டு உள்ளது.

இது குறித்து, எண்ணெய் நிறுவன அதிகாரி ஒருவர் கூறுகையில், 'சர்வதேச சந்தையில், கச்சா எண்ணெய் விலை உயர்ந்துள்ளதால், இரு மாதங்களாக, காஸ் சிலிண்டர் விலை அதிகரித்து வருகிறது' என்றார்.

English Summary:

Chennai: Chennai, Home cooking gas cylinder price, rose 66.50 rupees.

Read More

5 ஆண்டுகள் பன்னீருக்கு ஆதரவு; துரைமுருகன் அறிவிப்பால் பரபரப்பு

சென்னை: ''ஐந்து ஆண்டுகளுக்கு, பன்னீர்செல்வமே முதல்வராக இருக்க வேண்டும்; தேவைப்பட்டால், நாங்கள் ஆதரவு தருகிறோம்,'' என, சட்டசபையில், தி.மு.க., துணைத் தலைவர் துரைமுருகன் தெரிவித்தார். இதை, தி.மு.க.,வினர் மேஜையை தட்டி வரவேற்றனர்; அ.தி.மு.க., - எம்.எல்.ஏ.,க்கள் முழித்தனர்.

மனமில்லை:

சட்டசபையில், நேற்று முதல்வர் பன்னீர்செல்வம் பேசும்போது, ''அரசு எத்தனையோ சாதனைகளை செய்துள்ளது. ஆனால், எதிர்க்கட்சி தலைவருக்கு பாராட்ட மனமில்லை,'' என்றார்.

ஆதரவு:

அப்போது, துரைமுருகன் எழுந்து, ''நான் மனதார உங்களை பாராட்டுகிறேன். ஐந்து ஆண்டுகளுக்கு, நீங்களே முதல்வராக இருக்க வேண்டும். உங்கள் பின்னால் உள்ள சக்தியை பார்த்துக் கொள்ளுங்கள். தேவைப்பட்டால், நாங்கள் ஆதரவு தருகிறோம்,'' என்றார். உடனே, தி.மு.க., - எம்.எல்.ஏ.,க்கள், மேஜையை தட்டி, மகிழ்ச்சி தெரிவித்தனர். அ.தி.மு.க.,வினர், என்ன செய்வது எனத் தெரியாமல் தவித்தனர்.

மகிழ்ச்சி:

பின், காங்கிரஸ் - எம்.எல்.ஏ., விஜயதாரணி பேசியதாவது: முன்னாள் முதல்வர் ஜெயலலிதா இல்லாத நிலையை, நினைத்து பார்க்கவே கடினமாக உள்ளது. அவரது பிரம்மாண்டம், பேச்சு, எதையும் மறக்க முடியவில்லை. தற்போது, எளிமையான முதல்வரை பெற்றுள்ளோம். அவர் பேசும்போது, பலர் குறுக்கீடு செய்தனர். அதற்கு, முதல்வர் பதில் அளித்தார். ஜனநாயகம் இருக்க வேண்டும் என எதிர்பார்த்த, என்னை போன்றவர்களுக்கு, இது மகிழ்ச்சியாக உள்ளது. இவ்வாறு விஜயதாரணி பேசினார்.

English Summary:

Chennai: '' For five years, must be pannirselvam CM; If necessary, we offer support, '' as the assembly, the DMK, the vice president said duraimurgan The DMK, greeted by a staggering tap table; 

Read More

'பணிவு காட்டுவதில் என்னை மிஞ்சி விட்டார்!' ; சட்டசபையில் சிரிப்பலை

சென்னை: ''பணிவு காட்டுவதில், பணிவுக்கு பணிவு காட்டும் என்னையும் மிஞ்சி விட்டார், தி.மு.க., - எம்.எல்.ஏ., புகழேந்தி,'' என, முதல்வர் பன்னீர்செல்வம் கூறியதால், சட்டசபையில் சிரிப்பலை எழுந்தது.

சட்டசபையில் நேற்று, கவர்னர் உரைக்கு நன்றி தெரிவிக்கும் தீர்மானத்தை நிறைவேற்றும் முன், எம்.எல்.ஏ.,க்கள், தாங்கள் கொடுத்த, தீர்மானங்களை முன்மொழிந்தனர்.

அப்போது, மதுராந்தகம் தி.மு.க., - எம்.எல்.ஏ., புகழேந்தி, பள்ளியில் ஆசிரியர் முன், மாணவர்கள் கைகட்டி நிற்பது போல் நின்று, தான் கொடுத்த திருத்தங்களை, முன்மொழிவதாக கூறினார்.
அவரது செய்கையால், சபையில் சிரிப்பலை எழுந்தது. இறுதியாக, முதல்வர் பன்னீர்செல்வம், பதிலுரை துவங்கிய போது, ''எம்.எல்.ஏ., புகழேந்தி, பாலர் பள்ளியில் மாணவர்கள் கைகட்டி, பவ்யம் காட்டுவது போல், இங்கு பணிவு காட்டினார். பணிவுக்கு பணிவு காட்டும் என்னையும், மிஞ்சி விட்டார். இதை, அவர் தொடர வேண்டும்,'' என்றார்.
இதனால், சட்டசபையில் மீண்டும் சிரிப்பலை எழுந்தது.

English Summary:

Chennai: '' in showing humility, a humility that task was beyond me, DMK - MLA, EDITORIAL, '' the chief minister said Panneerselvam, and laughter arose in the assembly. 

Read More