ஜனாதிபதி மாளிகையில் தீவிபத்து

புதுடில்லி: ஜனாதிபதி மாளிகையில் இன்று காலை திடீர் தீ விபத்து ஏற்பட்டது. தகவல் அறிந்த தீயணைப்பு படையினர் விரைந்து வந்து சில நிமிடங்களில் தீயை அணைத்தனர்.

ஜனாதிபதி பிரணாப் முகர்ஜியின் மாளிகையில் உள்ள அக்கவுண்ட் பிரிவு கட்டடத்தில் இருந்து தீ பற்றி எரிந்தது. உயிர்ச்சேதம் ஏதும் இல்லை. அதே நேரத்தில் பர்னிச்சர் பொருட்கள் சில எரிந்து சாம்பலாயின. மின் கசிவு காரணமாக தீ பற்றி இருக்கலாம் என பாதுகாப்பு துறை வட்டார தகவல் தெரிவிக்கிறது.

English summary:

NEW DELHI: A sudden fire broke out this morning at the President's House. Informed the firemen rushed in a few minutes and extinguish the fire. 

Read More

நான் பந்தாடப்படுகிறேன்; மல்லையா

லண்டன்: கடன் சர்ச்சையில் சிக்கி லண்டனில் வசிக்கும் விஜய் மல்லையா, தான் கால்பந்தாடப்படுவதாக கூறியுள்ளார்.

வங்கிகளில் கடன் வாங்கி மோசடி செய்தது தொடர்பான சர்ச்சையில் சிக்கியுள்ள விஜய் மல்லையா, தற்போது அவர் லண்டனில் வசித்து வருகின்றார். இந்நிலையில், வங்கியில் கடன் பெறுவதற்காக விஜய் மல்லையா, தனக்கு உள்ள முழு செல்வாக்கையும் பயன்படுத்தினார் என குற்றம்சாட்டியதாக செய்திகள் வெளியாகின.

இது தொடர்பாக டுவிட்டரில் விஜய் மல்லையா கூறுகையில், சி.பி.ஐ.,யின் குற்றச்சாட்டுகள் தனக்கு அதிர்ச்சியளிக்கிறது. அனைத்தும் தவறானவை. சிபிஐக்கு தொழில் பற்றியும் பொருளாதாரம் பற்றியும் தெரியுமா என்பது கருத வேண்டியுள்ளது. மீடியா கால்பந்தாட்ட மைதானமாக பயன்படுத்தப்பட்டு, அதில் நான் கால்பந்தாடப்படுகிறேன். இந்த மைதானத்தில் தேசிய ஜனநாயக கூட்டணி மற்றும் ஐக்கிய முற்போக்கு கூட்டணி வேகமாக விளையாடுகின்றன. ஆனால், அங்கு நடுவர்கள் யாரும் இல்லை. இவ்வாறு அவர் கூறியுள்ளார்.

English summary:

London: Stuck in debt dispute Vijay Mallya, who lives in London, has just football

Read More

எண்ணூரில் கப்பல்கள் மோதல்: டான் காஞ்சிபுரம் கப்பல் மீது வழக்கு

சென்னை: எண்ணூர் துறைமுகம் அருகே, நடந்த கப்பல் மோதல் சம்பவம் தொடர்பாக டான் காஞ்சிபுரம் என்ற கப்பல் மீது போலீசார் வழக்கு பதிவு செய்துள்ளனர்.

கடந்த, 28ல், இங்கிலாந்து மேன் தீவிலிருந்து, திரவ காஸ் ஏற்றிக் கொண்டு, எண்ணுார் துறைமுகம் வந்து இறக்குமதி செய்து விட்டு திரும்பிய, எம்.டி.பி., டபிள்யூ மாப்பிள் என்ற கப்பலும், மும்பையில் இருந்து கச்சா எண்ணெய் ஏற்றி வந்த, டான் காஞ்சிபுரம் என்ற கப்பலும், துறைமுகத்தில் இருந்து, 1.8 நாட்டிகல் மைல் தொலைவில் நேருக்கு நேர் மோதிக் கொண்டன. இதில், டான் காஞ்சிபுரம் கப்பலில் துளை ஏற்பட்டு, அதிகளவில் கச்சா எண்ணெய் கசிந்தது. அதில் ஒரு பகுதி, எர்ணாவூர் பாரதியார் நகர் கடற்கரையில் ஒதுங்கியது. கடலில், 200 மீட்டர் துாரத்தில் அடர்த்தியாக, கச்சா எண்ணெய் படர்ந்தது. கடலோர காவல் படையின், சுற்றுச்சூழல் பொறுப்பு குழுவினர், 30க்கும் மேற்பட்டோர், இதை அகற்றும் பணியில் ஈடுபட்டு வருகின்றனர். இதனை அகற்றும் பணியில் அவர்கள் திணறி வருவதாக சிக்கல் ஏற்பட்டுள்ளது. இந்த விவகாரம் நேற்று பார்லிமென்டிலும் எதிரொலித்தது.

இந்நிலையில், எண்ணூர் துறைமுகத்தின் பொதுமேலாளர் குப்தா அளித்த புகாரின் பேரில், டான் காஞ்சிபுரம் கப்பல் மீது மீஞ்சூர் போலீசார் வழக்குப்பதிவு செய்துள்ளனர். 6 பிரிவுகளின் கீழ் வழக்குப்பதிவு செய்து விசாரணை நடத்துகின்றனர். விபத்தை ஏற்படுத்தி, கடல் நீரை மாசுபடுத்தியதாக வழக்குப்பதிவு செய்யப்பட்டுள்ளது.

English Summary:

Chennai, Ennore near the harbor, on the deck of the ship collision incident Don Kancheepuram police have registered a case.

Read More

பஞ்சாபில் ஆம் ஆத்மி ஆட்சி; கோவாவில் இழுபறி நிலை: கருத்துக்கணிப்பில் தகவல்

புதுடில்லி: சிவோட்டர்ஸ் - ஹப்பிங்டன் போஸ்ட் நாளிதழும் இணைந்து நடத்திய கருத்துக்கணிப்பில், பஞ்சாபில் ஆம் ஆத்மிக்கு அதிக இடங்கள் கிடைக்கும் என தெரியவந்துள்ளது. கோவாவில் இழுபறி நிலை நீடிக்கும் எனவும் கூறப்பட்டுள்ளது. கோவாவில் ஆம் ஆத்மியால் எந்த பாதிப்பும் ஏற்படாது எனவும் தெரியவந்துள்ளது.

காங்.,கை விட அதிக ஓட்டு:

இந்த கருத்துக்கணிப்பில் கூறப்பட்டுள்ளதாவது: பஞ்சாபில் மொத்தமுள்ள 117 இடங்களில் ஆம் ஆத்மி 63 இடங்களில் வெற்றி பெறும் என தெரியவந்துள்ளது. இரண்டாவது இடத்தை காங்கிரஸ் கட்சி கைப்பற்றும் எனவும், அக்கட்சிக்கு 43 இடங்கள் கிடைக்கும் எனவும் தெரியவந்துள்ளது. தற்போது ஆளும் கட்சியாக உள்ள அகாலிதளம் - பா.ஜ., கூட்டணிக்கு வெறும் 11 இடங்களே கிடைக்கும் எனவும் கூறப்பட்டுள்ளது. மல்வா பகுதியில் ஆம் ஆத்மிக்கு அதிக இடங்கள் கிடைக்கக்கூடும் என்பதும் கருத்து கணிப்பில் தெரியவந்துள்ளது. பஞ்சாபில், ஆம் ஆத்மிக்கு 36.8 சதவீத ஓட்டுக்கள் கிடைக்கும். இது காங்கிரஸ் கட்சிக்கு கிடைக்கும் ஓட்டுக்களை விட 3.7 சதவீதம் அதிகம் ஆகும். அதேநேரத்தில் அடுத்த முதல்வராக காங்கிரஸ் கட்சியின் அம்ரீந்தர் சிங் வர வேண்டும் என அதிகம் பேர் ஆதரவு தெரிவித்துள்ளனர்.

இழுபறி:

கோவாவில் மொத்தமுள்ள 40 தொகுதிகளில் பா.ஜ.,வுக்கு 15 தொகுதிகளும், காங்கிரஸ் கட்சிக்கு 14 தொகுதிகளும், ஆம் ஆத்மிக்கு 2 தொகுதிகள் மட்டுமே கிடைக்கும் என இந்த கருத்து கணிப்பில் தெரியவந்துள்ளது. மற்றவர்கள் 9 இடங்களில் வெற்றி பெறுவார்கள் என தெரிவிக்கப்பட்டுள்ளது. அடுத்த முதல்வருக்கான ஆதரவு, தற்போது முதல்வராக இருக்கும் லஷ்மிகாந்த் பர்சேகருக்கு அதிகமாக உள்ளது.

English summary:

NEW DELHI: civoters - daily combination happintan Post poll, will get more seats in Punjab, according to the AAP. It said that in Goa lasts dilemma. Will not be affected, according to the AAP in Goa.

Read More

விரைவில் இந்தியா-பாக்., எல்லையில் நவீன வேலிகள்: கிரண் ரிஜிஜூ

புதுடில்லி : இந்தியா-பாக்., எல்லையில் பல்வேறு பாதுகாப்பு அம்சங்களுடன் விரைவில் நவீன வேலிகள் அமைக்கப்படும் என மத்திய உள்துறை இணையமைச்சர் கிரண் ரிஜிஜு தெரிவித்தார்.

நவீன வேலிகள்:

இதுகுறித்து டில்லியில் செய்தியாளர்கள் சந்திப்பில் அவர் தெரிவித்ததாவது: பாக்., பயங்கரவாதிகள் இந்திய எல்லைக்குள் ஊடுருவும் சம்பவம் அடிக்கடி நிகழ்கிறது. எல்லைகளிலுள்ள வேலியை வெட்டிவிட்டு பயங்கரவாதிகள் ஊடுருவுகின்றனர். இதனைத் தடுக்க இந்திய-பாக்., எல்லையில் ‛சென்சார்', கண்காணிப்பு கேரமாக்கள், ‛ரேடார்' உள்ளிட்ட பாதுகாப்பு அம்சங்களுடன் கூடிய நவீன வேலிகள் அமைக்கும் பணிகள் விரைவில் துவங்கப்படும். இதற்காக நவீன வேலிகள் தயாரிக்கும் பணிகள் நடைபெற்று வருகிறது. நிறைவடையும் நிலையிலுள்ள தயாரிப்பு பணிகள் முடிந்ததும், அதனை எல்லையில் பொருத்தும் பணிகள் துவங்கப்படும்.

அடுத்த ஆண்டு:

இந்தியாவின் ஜம்மு-காஷ்மீர், ராஜஸ்தான், பஞ்சாப், குஜராத் ஆகிய 4 மாநிலங்களில் பரவிக் கிடக்கும் இருநாட்டு எல்லையானது, சுமார் 3,323 கி.மீ., வரை உள்ளது. இந்த எல்லைப் பகுதிகளில் அடுத்த ஆண்டு இறுதிக்குள் நவீன வேலிகள் அமைக்கப்பட்டுவிடும். இவ்வாறு அவர் தெரிவித்தார்.

English summary:

NEW DELHI: India-Pak., On the border with various security features will be set as soon as the Union Home Minister of State for modern fences rijiju Kiran said.

Read More

விளம்பரங்களுக்கு ரூ.94 கோடி செலவு: மத்திய அரசு

புதுடில்லி: ரூபாய் நோட்டு வாபஸ் நடவடிக்கைக்கு பிறகு மக்கள் மத்தியில் டிஜிட்டல் பணபரிவர்த்தனை மற்றும் பணமில்லா வர்த்தகம் குறித்து விழிப்புணர்வு ஏற்படுத்த இதுவரை சுமார் 94 கோடி ரூபாய் செலவிப்பட்டுள்ளதாக மத்திய அரசு தெரிவித்துள்ளது.

விளம்பரங்கள்:

இதுகுறித்து ராஜ்யசபாவில் எழுப்பப்பட்ட கேள்விக்கு பதிலளித்த மத்திய தகவல் மற்றும் ஒலிபரப்புத் துறை அமைச்சர் ராஜ்யவர்தன் சிங் ரதோர் தெரிவித்ததாவது: இதுவரை டிஜிட்டல் பணபரிவர்த்தனை மற்றம் பணமில்லா வர்த்தகம் குறித்த விழிப்புணர்வு விளம்பரங்களுக்காக மொத்தம் 93 கோடியே 93 லட்சத்தி 28 ஆயிரத்து 566 ரூபாய் செலவிடப்பட்டுள்ளது.

இ-பேமண்ட்:

இதில் செய்தித் தாள்களில் விளம்பரங்கள் கொடுத்ததற்காக மட்டும் ரூ.14.95 கோடி வழங்கப்பட்டுள்ளது. சம்பந்தப்பட்ட பத்திரிகைகளுக்கு சேர வேண்டிய தொகையை இ-பேமண்ட் மூலமாக மத்திய அரசு வழங்கியது. இவ்வாறு அவர் குறிப்பிட்டார்.

English Summary:

NEW DELHI: After action withdrawal of currency note and cashless trade to create awareness among the people in the digital transaction  budget federal government so far has nearly 94 crore.

Read More

புதிய வாக்காளர்களுக்கு பிப்., 15ல் அடையாள அட்டை: ராஜேஷ் லக்கானி

சென்னை : ''புதிய வாக்காளர்களுக்கு, பிப்., 15 முதல், அடையாள அட்டை வழங்கப்படும்,'' என, தமிழக தலைமை தேர்தல் அதிகாரி, ராஜேஷ் லக்கானி கூறினார்.

இலவசம்:

அவரது பேட்டி: தமிழகம் முழுவதும், ஜன., 5ல், புதிய வாக்காளர் பட்டியல் வெளியிடப்பட்டது. இதில், புதிதாக, 15.26 லட்சம் பேர் சேர்க்கப்பட்டனர். இவர்களில், 2.32 லட்சம் பேர், தங்கள், மொபைல் போன் எண்களை கொடுத்திருந்தனர். அவர்களுக்கு, ரகசிய குறியீடு எண், எஸ்.எம்.எஸ்., மூலம் அனுப்பப்பட்டு உள்ளது. அதை, அருகில் உள்ள, இ - சேவை மையங்களில் காண்பித்து, இலவசமாக, வண்ண வாக்காளர் அடையாள அட்டை பெறலாம். அதற்குரிய பணத்தை, இ - சேவை மையங்களுக்கு, தேர்தல் கமிஷன் வழங்கும்.

மொபைல் எண்:

மொபைல் எண் கொடுக்காத வாக்காளர்களுக்கு, பிப்., 15 முதல், இலவசமாக வாக்காளர் அடையாள அட்டை வழங்கப்படும். அதற்கு முன், வாக்காளர் அடையாள அட்டை பெற விரும்பினால், இ - சேவை மையங்களில், 25 ரூபாய் கட்டணம் செலுத்தி பெற்று கொள்ளலாம். வாக்காளர்கள், '1950' என்ற, கட்டணமில்லா தொலைபேசியில் தொடர்பு கொண்டு, தங்கள் மொபைல் எண்களை கொடுக்கலாம். அவர்களுக்கும், எஸ்.எம்.எஸ்., தகவல்கள் அனுப்பப்படும். இவ்வாறு அவர் கூறினார்.

English summary:

Chennai: '' For new voters, Feb., 15, will be given identity cards, '' as Tamil Nadu Chief Electoral Officer, said Rajesh lakkani.

Read More