பாலாற்றில் கட்டியுள்ள தடுப்பணைகளின் உயரத்தை அதிகரிக்கும் ஆந்திர அரசின் முயற்சிகளை தமிழக அரசு தடுத்து நிறுத்த வேண்டும் என பாட்டாளி மக்கள் கட்சி நிறுவனர் ராமதாஸ் வலியுறுத்தியுள்ளார். சோமபள்ளம் அருகே சின்ன எரு என்ற பாலாற்றின் துணை ஆற்றில் தடுப்பணையின் உயரத்தை 5 அடியில் இருந்து 8 அடியாக ஆந்திர அரசு உயர்த்தியுள்ளதாக ராமதாஸ் வெளியிட்டுள்ள அறிக்கையில் சுட்டிக்காட்டியுள்ளார். இதேபோல் 5 தடுப்பணைகளின் உயரத்தை அதிகரிக்க ஆந்திர அரசு திட்டமிட்டிருப்பதாக அவர் கூறியுள்ளார். இதனால் தமிழகத்தில் பாலாற்று நீரை நம்பியுள்ள 4.25 லட்சம் ஏக்கர் விளை நிலங்கள் பாலைவனம் ஆகும் என்று கூறியுள்ள ராமதாஸ் ஆந்திர அரசின் செயலை தமிழக அரசு தடுத்து நிறுத்த வேண்டும் என வலியுறுத்தியுள்ளார். Friday 3 February 2017
பாலாற்று தடுப்பணைகளின் உயரம் அதிகரிக்கப்படுவதை தமிழக அரசு தடுத்து நிறுத்த வேண்டும்: ராமதாஸ்
பாலாற்றில் கட்டியுள்ள தடுப்பணைகளின் உயரத்தை அதிகரிக்கும் ஆந்திர அரசின் முயற்சிகளை தமிழக அரசு தடுத்து நிறுத்த வேண்டும் என பாட்டாளி மக்கள் கட்சி நிறுவனர் ராமதாஸ் வலியுறுத்தியுள்ளார். சோமபள்ளம் அருகே சின்ன எரு என்ற பாலாற்றின் துணை ஆற்றில் தடுப்பணையின் உயரத்தை 5 அடியில் இருந்து 8 அடியாக ஆந்திர அரசு உயர்த்தியுள்ளதாக ராமதாஸ் வெளியிட்டுள்ள அறிக்கையில் சுட்டிக்காட்டியுள்ளார். இதேபோல் 5 தடுப்பணைகளின் உயரத்தை அதிகரிக்க ஆந்திர அரசு திட்டமிட்டிருப்பதாக அவர் கூறியுள்ளார். இதனால் தமிழகத்தில் பாலாற்று நீரை நம்பியுள்ள 4.25 லட்சம் ஏக்கர் விளை நிலங்கள் பாலைவனம் ஆகும் என்று கூறியுள்ள ராமதாஸ் ஆந்திர அரசின் செயலை தமிழக அரசு தடுத்து நிறுத்த வேண்டும் என வலியுறுத்தியுள்ளார். ஜெ., மரணம் தொடர்பான விசாரணைக்கு தயார்: அப்பல்லோ
சென்னை: ஜெயலலிதா மரணம் தொடர்பாக எந்த விசாரணையையும் சந்திக்க தயார் என அப்பல்லோ தலைவர் பிரதாப் ரெட்டி கூறியுள்ளார்.மரணம்:
முதல்வராக இருந்த ஜெயலலிதா சென்னை அப்பல்லோ மருத்துவமனையில், கடந்த 2016 செப்டம்பர் 22ம் தேதி உடல் நலக்குறைவு காரணமாக அனுமதிக்கப்பட்டார். தொடர்ந்து 75 நாட்களாக சிகிச்சை பெற்று வந்த நிலையில், டிசம்பர் 5ம் தேதி காலமானார். அவரது உடல்நிலை குறித்து பல்வேறு வதந்திகள் கிளம்பின. ஆனால் இவை மறுக்கப்பட்டது.
திறந்த புத்தகம்...:
இந்நிலையில், சென்னை நுங்கம்பாக்கத்தில் நடந்த நிகழ்ச்சியில் பங்கேற்ற அப்பல்லோ தலைவர் பிரதாப் சி.ரெட்டி பத்திரிகையாளர்களிடம் கூறுகையில், ஜெயலலிதாவின் மரணம் தொடர்பாக எந்த விவரத்தையும் விசாரணையின் போது வழங்க தயாராக உள்ளோம். விசாரணையை பொறுத்தவரை எங்களது நிலை திறந்த புத்தகமாகவே உள்ளது. ஜெயலலிதா மரணம் தொடர்பாக எந்த விசாரணைக்கும் தயாராக உள்ளோம்.
உடல்நிலை தேறிவந்த நிலையில் மாரடைப்பு ஏற்பட்ட அந்த ஒரு நிமிடம் மட்டுமே பின்னடைவை ஏற்படுத்திவிட்டது. அவரது உடல்நிலையில், எந்த பிரச்னையுமில்லை. அவர் தெளிவாக இருந்தார். ஜெயலலிதாவின் கால்கள் எடுக்கப்பட்டதாக கூறப்படுவது தவறு. இவ்வாறு அவர் தெரிவித்தார்.
English Summary:
Chennai: Jayalalithaa in connection with the death of Apollo Chairman Pratap Reddy said that he was prepared to face any investigation.
திருவண்ணாமலை அண்ணாமலையார் கோயிலில் வரும் 6-ம் தேதி குடமுழுக்கு: வேதமந்திரங்களுடன் யாக சால பூஜைகள்
திருவண்ணாமலை: திருவண்ணாமலை அண்ணாமலையார் கோயில் குடமுழுக்கு விழாவையொட்டி யாக சால பூஜைகள் விமர்சையுடன் நடைபெற்று வருகின்றன. திருவண்ணாமலை அண்ணாமலையார் கோயிலில் கடைசியாக கடந்த 2002-ம் ஆண்டு குடமுழுக்கு நடைபெற்றது. அதற்கு பிறகு 14 ஆண்டுகள் கழித்து வரும் 6-ம் தேதி மீண்டும் குடமுழுக்கு நடக்கவுள்ளது. இதையொட்டி கோயிலின் 5-ம் பிரகாரத்தில் யாக சால பூஜைகள் விமர்சையுடன் தொடங்கி, நடைபெற்று வருகின்றன. அண்ணாமலையார், உண்ணாமலையம்மன், விநாயகர், முருகர் ஆகிய தெய்வங்களுக்கு தனித்தனியாக அமைக்கப்பட்டுள்ள யாக குண்டங்களில் 300 சிவாச்சாரியார்கள் பூஜைகள் நடத்தி வருகின்றனர்.குடமுழுக்கை காண லட்சக்கணக்கில் பக்தர்கள் வரக்கூடும் என்பதால் மாவட்ட நிர்வாகம் விரிவான ஏற்பாடுகளை செய்துவருகிறது. புனித நீர் பக்தர்கள் மீது பட வேண்டும் என்பதற்காக கோயிலில் 23 இடங்களில் நீர் தெளிப்பான்கள் அமைக்கப்பட்டுள்ளதாக மாவட்ட ஆட்சியர் தெரிவித்துள்ளார். குடமுழுக்கையொட்டி மாநிலம் முழுவதிலுமிருந்து திருவண்ணாமலைக்கு 1800 சிறப்பு பேருந்துகள் இயக்க நடவடிக்கை எடுக்கப்பட்டுள்ளது. இதேபோன்று பாதுகாப்பு பணிக்கு 3 ஐ.ஜி.க்கள் நியமிக்கப்பட்டுள்ளனர். இவர்களது தலைமையில் மொத்தம் 5000 காவலர்கள் பணிகளில் ஈடுபடவுள்ளனர்.
English Summary:
Tiruvannamalai :Tiruvannamalai temple of Lord Shiva is the excellent festival
reform is underway with the critically celebrated. Annamalayar Thiruvannamalai temple was the last reform in 2002. After that comes 14 years after the reform will take place again on the 6th. In the courtyard of the temple, the remarkable level of the 5th, beginning with the critically celebrated, are underway. Annamalayar, unnamalaiyamman, Ganesha, the ramps are set separately for the gods 300 Sivachariyar thugs are conducting pujas.
ஜி.எஸ்.டி., தாக்கல் எப்போது ?
புதுடில்லி : டில்லியில் நடந்த தொழில் முனைவோர் பிரமுகர்களுடன் நடந்த ஆலோசனை கூட்டத்தில் மத்திய நிதி அமைச்சர் அருண்ஜெட்லி பேசியதாவது: ஜி.எஸ்.டி., (சரக்கு மற்றும் சேவை வரி ) தொடர்பான வரைவு மசோதா இந்த பட்ஜெட் கூட்டத்தொடரின் இரண்டாவது அமர்வில் தாக்கல் செய்யப்படும். மார்ச் இறுதிக்குள் இது தொடர்பான சட்ட திட்டங்கள் இறுதி செய்யப்பட்டு விடும்.ரூபாய் நோட்டு வாபஸ் காரணமாக கிடைத்த வருவாய், மற்றும் ஆதாயங்கள் இந்த பட்ஜெட்டில் முழுமையாக ஏதும் வைக்கப்படவில்லை. இந்தியா முழுவதும் 20 லட்சம் மக்கள் தான் தாமாக முன்வந்து ஆண்டு வருமானம் 5 லட்சத்திற்கும் மேல் உள்ளதாக கூறியுள்ளனர். இவ்வாறு ஜெட்லி தெரிவித்தார்.
English Summary:
NEW DELHI: Delhi's entrepreneurial elite arun jaitley the consultation meeting, the Finance Minister said: GST (Goods and Service Tax) on the draft bill to be tabled in the budget session of the second session. It might be the end of the legal procedure by the end of March.
பெண்ணை தாக்கிய ஊராட்சி தலைவர்; ஆந்திராவில் பரபரப்பு
விஜயவாடா: மேல்நிலை தொட்டி அமைக்க எதிர்ப்பு தெரிவித்த பெண்ணை ஊராட்சி தலைவர் தாக்கிய சம்பவம் பெரும் பரபரப்பை ஏற்படுத்தியுள்ளது.ஆந்திர மாநிலம் ஆனந்தப்பூர் மாவட்டம் ஜல்லிப்பள்ளி கிராம ஊராட்சி தலைவராக இருப்பவர் நாகராஜ். இவர் 2 பேருடன் சேர்ந்து கணவனை இழந்த பெண் ஒருவரை கடுமையாக தாக்கியும், காலால் மித்தும் தாக்கினார். இந்த வீடியோ சமூக வலைதளங்களில் வேகமாக பரவியது.
இது தொடர்பாக கெருடு போலீஸ் நிலையத்தில் புகார் தெரிவிக்கப்பட்டது. இதனையடுத்து விசாரணையில், தாக்கப்பட்ட பெண்ணின் பெயர் சுதா எனவும், தனது வீட்டின் முன்பு மேல்நிலை தொட்டி அமைக்க எதிர்ப்பு தெரிவித்ததால் தாக்கப்பட்டதும் தெரியவந்தது. இதனையடுத்து ஊராட்சி தலைவர் உள்ளிட்ட 3 பேர் மீது போலீசார் வழக்குப்பதிவு செய்துள்ளனர்.
English Summary:
Vijayawada: woman panchayat leader opposed to the overhead tank struck an incident has caused a stir.
உ.பி.,யை சீரழிக்க நினைக்கும் இளவரசர்கள்: அமித்ஷா பேச்சு
பிரசாரம்:
சட்டசபை தேர்தலில் பிரசாரத்தில் ஈடுபட்டுள்ள பா.ஜ., தலைவர் அமித் ஷா மீரட்டில் பேசியதாவது:
முதல்வர் அகிலேஷ் யாதவ் மற்றும் அவரது கூட்டணி கட்சியின் தலைவரும், உ.பி.,யில் சட்டம் ஒழுங்கு நிலை மோசம் பற்றி விளக்கமளிக்க வேண்டும். அவர்கள் மாநிலத்தை வளர்ச்சி பாதைக்கு எடுத்து செல்லவில்லை. இருவரும் நாட்டை கொள்ளையடித்தவர்கள்.
தற்போது அவர்கள் ஒன்று சேர்ந்து உ.பி.,யை சீரழிக்க பார்க்கின்றனர். இந்த முறை மக்கள் பா.ஜ.,வுக்கு ஆதரவு அளிக்க வேண்டும். சமாஜ்வாதி மற்றும் பகுஜன் சமாஜ் கட்சியை மாறி மாறி ஆட்சியில் அமர்த்துவதை தவிர்க்க வேண்டும். பா.ஜ., ஆட்சிக்கு வந்தால், மாநிலத்தில் சட்டம் ஒழுங்கு நிலை பாதுகாக்கப்படும். விவசாயிகள் பிரச்னை தீர்க்கப்படும் எனக்கூறினார்.
English Summary:
Meerut: Congress and Samajwadi Party princes, UP, it is looking to make inroads into the BJP leader Amit Shah said.
எண்ணூரில் விபத்துக்குள்ளான 2 கப்பல்கள் சிறைபிடிப்பு
கடந்த 28ல், இங்கிலாந்து மேன் தீவிலிருந்து, திரவ காஸ் ஏற்றிக் கொண்டு, எண்ணுார் துறைமுகம் வந்து இறக்குமதி செய்து விட்டு திரும்பிய, எம்.டி.பி., டபிள்யூ மாப்பிள் என்ற கப்பலும், மும்பையில் இருந்து கச்சா எண்ணெய் ஏற்றி வந்த, டான் காஞ்சிபுரம் என்ற கப்பலும், துறைமுகத்தில் இருந்து, 1.8 நாட்டிகல் மைல் தொலைவில் நேருக்கு நேர் மோதிக் கொண்டன. இதில், டான் காஞ்சிபுரம் கப்பலில் துளை ஏற்பட்டு, அதிகளவில் கச்சா எண்ணெய் கசிந்தது. அதில் ஒரு பகுதி, எர்ணாவூர் பாரதியார் நகர் கடற்கரையில் ஒதுங்கியது. கடலில், 200 மீட்டர் துாரத்தில் அடர்த்தியாக, கச்சா எண்ணெய் படர்ந்தது.
இந்த நிலையில் விபத்திற்குள்ளான எம்.டி.பி.டபிள்யூ மாப்பிள் மற்றும்டான் காஞ்சிபுரம் ஆகிய கப்பல்கள் சிறைபிடிக்கப்பட்டுள்ளன. பிரச்னைக்கு தீர்வு காணப்படும் வரை கப்பல் விடுவிக்கப்பட மாட்டாது எனவும், எண்ணூர் துறைமுக எல்லைக்குள் கப்பல்களை நிறுத்திவைக்க உத்தரவு பிறப்பிக்கப்பட்டுள்ளதாகவும் அறிவிக்கப்பட்டுள்ளது.
English Summary:
Chennai: Chennai-Ennore near the accident and two ships, the Coast Guard HC-ordered prison officials hostage.
Posts
