பெண்ணை தாக்கிய ஊராட்சி தலைவர்; ஆந்திராவில் பரபரப்பு

விஜயவாடா: மேல்நிலை தொட்டி அமைக்க எதிர்ப்பு தெரிவித்த பெண்ணை ஊராட்சி தலைவர் தாக்கிய சம்பவம் பெரும் பரபரப்பை ஏற்படுத்தியுள்ளது.

ஆந்திர மாநிலம் ஆனந்தப்பூர் மாவட்டம் ஜல்லிப்பள்ளி கிராம ஊராட்சி தலைவராக இருப்பவர் நாகராஜ். இவர் 2 பேருடன் சேர்ந்து கணவனை இழந்த பெண் ஒருவரை கடுமையாக தாக்கியும், காலால் மித்தும் தாக்கினார். இந்த வீடியோ சமூக வலைதளங்களில் வேகமாக பரவியது.
இது தொடர்பாக கெருடு போலீஸ் நிலையத்தில் புகார் தெரிவிக்கப்பட்டது. இதனையடுத்து விசாரணையில், தாக்கப்பட்ட பெண்ணின் பெயர் சுதா எனவும், தனது வீட்டின் முன்பு மேல்நிலை தொட்டி அமைக்க எதிர்ப்பு தெரிவித்ததால் தாக்கப்பட்டதும் தெரியவந்தது. இதனையடுத்து ஊராட்சி தலைவர் உள்ளிட்ட 3 பேர் மீது போலீசார் வழக்குப்பதிவு செய்துள்ளனர்.

English Summary:

Vijayawada: woman panchayat leader opposed to the overhead tank struck an incident has caused a stir. 

Read More

உ.பி.,யை சீரழிக்க நினைக்கும் இளவரசர்கள்: அமித்ஷா பேச்சு

மீரட்: காங்கிரஸ் மற்றும் சமாஜ்வாதி கட்சி இளவரசர்கள், உ.பி.,யை சீரழிக்க நினைப்பதாக பா.ஜ., தலைவர் அமித்ஷா கூறினார்.

பிரசாரம்:

சட்டசபை தேர்தலில் பிரசாரத்தில் ஈடுபட்டுள்ள பா.ஜ., தலைவர் அமித் ஷா மீரட்டில் பேசியதாவது:
முதல்வர் அகிலேஷ் யாதவ் மற்றும் அவரது கூட்டணி கட்சியின் தலைவரும், உ.பி.,யில் சட்டம் ஒழுங்கு நிலை மோசம் பற்றி விளக்கமளிக்க வேண்டும். அவர்கள் மாநிலத்தை வளர்ச்சி பாதைக்கு எடுத்து செல்லவில்லை. இருவரும் நாட்டை கொள்ளையடித்தவர்கள்.
தற்போது அவர்கள் ஒன்று சேர்ந்து உ.பி.,யை சீரழிக்க பார்க்கின்றனர். இந்த முறை மக்கள் பா.ஜ.,வுக்கு ஆதரவு அளிக்க வேண்டும். சமாஜ்வாதி மற்றும் பகுஜன் சமாஜ் கட்சியை மாறி மாறி ஆட்சியில் அமர்த்துவதை தவிர்க்க வேண்டும். பா.ஜ., ஆட்சிக்கு வந்தால், மாநிலத்தில் சட்டம் ஒழுங்கு நிலை பாதுகாக்கப்படும். விவசாயிகள் பிரச்னை தீர்க்கப்படும் எனக்கூறினார்.

English Summary:

Meerut: Congress and Samajwadi Party princes, UP, it is looking to make inroads into the BJP leader Amit Shah said.

Read More

எண்ணூரில் விபத்துக்குள்ளான 2 கப்பல்கள் சிறைபிடிப்பு

சென்னை: சென்னை எண்ணூர் அருகே விபத்திற்குள்ளான இரண்டு கப்பல்களை, ஐகோர்ட் உத்தரவுப்படி இந்திய கடலோர காவல்படை அதிகாரிகள் சிறை பிடித்தனர்.

கடந்த 28ல், இங்கிலாந்து மேன் தீவிலிருந்து, திரவ காஸ் ஏற்றிக் கொண்டு, எண்ணுார் துறைமுகம் வந்து இறக்குமதி செய்து விட்டு திரும்பிய, எம்.டி.பி., டபிள்யூ மாப்பிள் என்ற கப்பலும், மும்பையில் இருந்து கச்சா எண்ணெய் ஏற்றி வந்த, டான் காஞ்சிபுரம் என்ற கப்பலும், துறைமுகத்தில் இருந்து, 1.8 நாட்டிகல் மைல் தொலைவில் நேருக்கு நேர் மோதிக் கொண்டன. இதில், டான் காஞ்சிபுரம் கப்பலில் துளை ஏற்பட்டு, அதிகளவில் கச்சா எண்ணெய் கசிந்தது. அதில் ஒரு பகுதி, எர்ணாவூர் பாரதியார் நகர் கடற்கரையில் ஒதுங்கியது. கடலில், 200 மீட்டர் துாரத்தில் அடர்த்தியாக, கச்சா எண்ணெய் படர்ந்தது.

இந்த நிலையில் விபத்திற்குள்ளான எம்.டி.பி.டபிள்யூ மாப்பிள் மற்றும்டான் காஞ்சிபுரம் ஆகிய கப்பல்கள் சிறைபிடிக்கப்பட்டுள்ளன. பிரச்னைக்கு தீர்வு காணப்படும் வரை கப்பல் விடுவிக்கப்பட மாட்டாது எனவும், எண்ணூர் துறைமுக எல்லைக்குள் கப்பல்களை நிறுத்திவைக்க உத்தரவு பிறப்பிக்கப்பட்டுள்ளதாகவும் அறிவிக்கப்பட்டுள்ளது.

English Summary:

Chennai: Chennai-Ennore near the accident and two ships, the Coast Guard HC-ordered prison officials hostage.

Read More

தமிழக ரயில் திட்டத்திற்கு ரூ.2,287 கோடி ஒதுக்கீடு

புதுடில்லி: மத்திய பட்ஜெட்டில், தமிழக ரயில் திட்டங்களுக்கு ரூ.2,287 கோடி ஒதுக்கீடு செய்யப்பட்டுள்ளது. இது கடந்த 2009 முதல் 14ம் ஆண்டில் ஒதுக்கப்பட்ட தொகையை விட 160 சதவீதம் அதிகமாகும்.

மாநில வாரியாக...

இது தொடர்பாக ரயில்வே அமைச்சகம் டுவிட்டரில் வெளியிட்ட செய்தி:

* மேற்கு வங்க மாநில ரயில்வே திட்டங்களுக்காக ரூ.6336 கோடி ஒதுக்கீடு செய்யப்பட்டுள்ளது. இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 295 சதவீதம் அதிமாகும்.

* தெலுங்கானா மாநில ரயில்வே திட்டங்களுக்காக 1729 கோடி ஒதுக்கீடு செய்யப்பட்டுள்ளது. இந்த மாநிலத்திற்கு 14-15 மற்றும் 16- 17 காலகட்டத்தில் 601 கோடி ஒதுக்கீடு செய்யப்பட்டது.

* ராஜஸ்தான் மாநில ரயில்வே திட்டங்களுக்காக ரூ.3495 கோடி ஒதுக்கீடு செய்யப்பட்டுள்ளது. இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 412 சதவீதம் அதிகமாகும்.

* ஒடிசா மாநில ரயில்வே திட்டத்திற்கு 5,102 கோடி ஒதுக்கீடு செய்யப்பட்டுள்ளது. இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 292 சதவீதம் அதிகமாகும்.

* அசாம் மற்றும் வடகிழக்கு மாநில ரயில்வே திட்டங்களுக்காக ரூ.5586 கோடி அதிகம் ஒதுக்கீடு செய்யப்பட்டுள்ளது. இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 151 சதவீதம் அதிகமாகும்.

* மத்தியபிரதேச மாநில ரயில்வே திட்டங்களுக்காக ரூ.5,376 கோடி ஒதுக்கீடு. இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 354 சதவீதம் அதிகமாகும்.

* கேரள மாநில ரயில்வே திட்டங்களுக்காக ரூ.1,206 கோடி ஒதுக்கீடு இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 121 சதவீதம் அதிகமாகும்.

* கர்நாடக மாநில ரயில்வே திட்டங்களுக்காக ரூ.3,174 கோடி ஒதுக்கீடு இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 163 சதவீதம் அதிகம்.

* ஜம்மு காஷ்மீர் மாநில ரயில்வே திட்டங்களுக்காக ரூ.1,880 கோடி ஒதுக்கீடு இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 68 சதவீதம் அதிகம்.

* ஜார்க்கண்ட் மாநில ரயில்வே திட்டங்களுக்காக ரூ.2,583 கோடி ஒதுக்கீடு. இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 238 சதவீதம் அதிகமாகும்.

* இமாச்சல பிரதேச மாநில ரயில்வே திட்டங்களுக்காக ரூ.375 கோடி இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 90 சதவீதம் அதிகமாகும்.

* அரியானா மாநில ரயில்வே திட்டங்களுக்காக ரூ.1,247 கோடி இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 102 சதவீதம் அதிகமுாகும்.

* குஜராத் மாநில ரயில்வே திட்டங்களுக்காக ரூ.3,994 கோடி இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 319 சதவீதம் அதிகமாகும்.

* டில்லி ரயில்வே திட்டங்களுக்காக ரூ.444 கோடி இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 47 சதவீதம் அதிகமாகும்.

* சத்தீஸகர் மாநில ரயில்வே திட்டங்களுக்காக ரூ.3,676 கோடி இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 275 சதவீதம் அதிகமாகும்.

* பீஹார் மாநில ரயில்வே திட்டங்களுக்காக ரூ.3,696 கோடி இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 97 சதவீதம் அதிகம்.

* ஆந்திரா மாநில ரயில்வே திட்டங்களுக்காக ரூ.3,406 கோடி இது கடந்த 2009-14ம் ஆண்டுகளில் ஒதுக்கீடு செய்யப்பட்ட தொகையை விட 148 சதவீதம் அதிகம்.

நடவடிக்கை:

மேலும் பட்ஜெட்டில், சரக்கு ரயில் வளர்ச்சியில் குறைவு மற்றும் சம்பள கமிஷன் இடையிலான இடைவெளி குறைக்க நடவடிக்கை எடுக்கப்பட்டுள்ளதுடன், பயணிகள்
பாதுகாப்பு, பயணிகள் வசதியை அதிகபடுத்தவும், ரயில் நிலையங்களை மேம்படுத்தவும், டிஜிட்டல் பரிமாற்றத்தை ஊக்குவிக்கவும் நடவடிக்கை எடுக்கப்பட்டுள்ளது.

English Summary:

New Delhi: In the budget, the State Railway of Rs .2,287 crore has been allocated for projects. It's 2009, 160 percent more than the amount allocated in the first year of the 14th.

Read More

தமிழக மீனவர்கள் விடுதலை: பிரதமருக்கு முதல்வர் பன்னீர் கடிதம்

சென்னை: முதல்வர் பன்னீர் செல்வம், பிரதமர் மோடிக்கு எழுதிய கடிதம்: இலங்கை கடற்படையால், நேற்று கைதான 5 தமிழக மீனவர்களை விடுவிக்க தேவையான நடவடிக்கை எடுக்க வேண்டும். ஏற்கனவே சிறையில் உள்ள தமிழக மீனவர்களையும் விடுவிக்க நடவடிக்கை எடுக்க வேண்டும். இலங்கை வசமுள்ள 119 தமிழக மீனவர்களின் படகுகளையும் மீட்க உடனடியாக நடவடிக்கை எடுக்க வேண்டும். எனக் கூறி
யுள்ளார்.

English summary:

Chennai: Chief Paneer Selvam, a letter to the Prime Minister: Sri Lanka Navy yesterday arrested 5 will have to take the action necessary to free the fishermen. To take action to free the fishermen already in jail. 119 Indian fishermen held in Sri Lanka to take immediate action to recover the boats. Said that.

Read More

இறுதிக்கட்டத்தில் புதிய ரூபாய் புழக்கப்பணி

புதுடில்லி: பழைய 500, ஆயிரம் ரூபாய் நோட்டுகள் செல்லாது என்ற அறிவிப்புக்கு பின்னர் புதிதாக அச்சடிக்கப்பட்ட 500, 2 ஆயிரம் ஆகிய நோட்டுக்கள் புழக்கத்தில் விடும் பணி இறுதிக்கட்டத்தை எட்டி விட்டதாக பொருளாதார துறை செயலர் சக்திகந்த தாஸ் கூறியுள்ளார்.அவர் மேலும் கூறுகையில்; வங்கிகளில் வாடிக்கையாளர்கள் சேமிப்பு கணக்கில் (தற்போது வாரம் 24 ஆயிரம் ) பணம் எடுப்பதற்கான கட்டுப்பாடுகள் விரைவில் முழுமையாக நீங்கும். புதிய ரூபாய் புழக்கத்தில் விடும் பணி ஏறக்குறைய இறுதிக்கட்டத்தை எட்டி விட்டது. இவ்வாறு அவர் கூறினா்.

English summary:

NEW DELHI: The old 500, thousands of newly printed banknotes and void after the announcement that the 500, 2 thousand notes in circulation had reached the conclusion that the task Economic Secretary, said Das.

Read More

6 லட்சம் பேரிடம் ரூ.3,700 கோடி மோசடி: கில்லாடி கைது

நொய்டா: இணையதளம் மூலம் வரும் லிங்கை கிளிக் செய்தால் பணம் தருவதாக கூறி 6 லட்சம் பேரிடம் சுமார் ரூ.3,700 கோடி மோசடி செய்த பொறியாளர் உள்ளிட்ட 3 பேரை போலீசார் கைது செய்தனர்.

ஒரு கிளிக்கிற்கு ரூ.5:

உத்தர பிரதேச மாநிலம் நொய்டாவில் அப்ளேஸ் இன்போ சொல்யூசன்ஸ் என்ற தனியார் நிறுவனத்தை துவக்கிய அனுபவ் மிட்டல் என்ற பிடெக் பட்டதாரி, இணையதளம் ஒன்றை துவக்கி, உறுப்பினராக வருமாறு அழைப்பு விடுத்தார். அதில் வரும் லிங்கை கிளிக் செய்தால், ஒவ்வொரு முறையும் ரூ.5 கிடைக்கும் என அவர் கூறியதை கேட்டு சுமார் 6 லட்சம் பேர் இணைந்தனர்.

இதற்காக அவர்கள் ரூ. 5 ஆயிரம் முதல் ரூ.50 ஆயிரம் வரை பணம் செலுத்தியுள்ளனர். இதற்காக தனியாக சர்வர் ஒன்றும் துவக்கப்பட்டுள்ளது. ஆன்லைன் மூலம் அவர்களுக்கு மொபைல் மூலம் அனுப்பப்பட்ட லிங்க்கை கிளிக் செய்த போது, பணம் செலுத்தியவர்களின் பேஸ்புக் மற்றும் டுவிட்டர் பக்கத்திற்கு சென்றதே தவிர பணம் எதுவும் கிடைக்கவில்லை. இதற்காக அவ்வபோது இணையதளத்தின் பெயரை மாற்றப்பட்டது.

இவ்வாறு, 6 லட்சம் பேரிடம் பணம் பெற்று சுமார் ரூ.3,700 கோடி அளவுக்கு மோசடி செய்யப்பட்டுள்ளது. இதனையடுத்து ஏமாந்தவர்கள் அளித்த புகாரின் பேரில் போலீசார் அனுபவ் மிட்டல் மற்றும் அவருடன் இருந்த எம்.பி.ஏ., பட்டதாரி உள்ளிட்ட 2 பேரையும் கைது செய்தனர். நிறுவனத்தில் சோதனை நடத்திய போலீசார், 250 பாஸ்போர்ட்களை பறிமுதல் செய்தனர். ரூ.500 கோடி அளவுக்கு வங்கிப்பணமும் முடக்கப்பட்டுள்ளது.

English Summary:

Noida: web by clicking the link for payment of about Rs 3,700 crore promising 6 lakh cases of fraud, police arrested 3 people, including the engineer.

Read More