சசிக்கு எதிராக 1.5 லட்சம் பேர் கையெழுத்து

சென்னை : தமிழக முதல்வராக சசிகலா பதவியேற்பதற்கும் எதிராக நெட்டிசன்கள் கையெழுத்து இயக்கம் ஒன்றை ஆன்லைனில் நடத்தி வருகின்றனர்.

சசிக்கு எதிராக கையெழுத்து இயக்கம் :

சசிகலாவுக்கு எதிராக www.change.org என்ற இணையதளத்தில் ஆன்லைன் மூலம் கையெழுத்துக்கள் பெறப்பட்டு வருகிறது. பிப்ரவரி 05 (நேற்று) இந்த கையெழுத்து இயக்க தளம் உருவாக்கப்பட்டுள்ளது. இதுவரை சுமார் 1,55,447 க்கும் அதிகமான கையெழுத்துக்கள் சசிகலா முதல்வராவதற்கு எதிராக பெறப்பட்டுள்ளது. இந்த கையெழுத்து தளம் துவங்கப்பட்ட 15 நிமிடத்திற்குள் 10,000 பேர் தங்களின் கையெழுத்துக்களை பதிவு செய்துள்ளனர்.
ஆன்லைன் மூலம் பெறப்படும் இந்த கையெழுத்துக்களை ஜனாதிபதி, தமிழக கவர்னர் மற்றும் இந்திய தலைமை தேர்தல் கமிஷன் ஆகியோருக்கு அனுப்ப உள்ளதாக தெரிவிக்கப்பட்டுள்ளது.

www.change.org

Read More

சசிகலா முதல்வரானால்... டுவிட்டரில் பறக்கிறது எதிர்ப்பு

சென்னை : ‛சசிகலா முதல்வராக பொறுப்பேற்றால் நாடு தாங்காது' என, பல தரப்பினரும், தங்களின் கருத்துக்களை டுவிட்டரில் பதிவிட்டு வருகின்றனர்.

இதன் விவரம் வருமாறு:

சுப்பிரமணிய சுவாமி : இடைத்தேர்தலில் மக்கள் ஓட்டு மூலம் சசிகலாவுக்கு எதிர்ப்பை காட்டலாம்.

ப.சிதம்பரம் : அதிமுக எம்.எல்.ஏ.,க்களுக்கு எப்படி அவர்கள் தலைவரை தேர்வு செய்யும் உரிமை உள்ளதோ, அதே போல் தமிழகத்திற்கு முதல்வராக வருபவருக்கு என்ன தகுதி என கேட்கும் உரிமை மக்களுக்கு உண்டு. தமிழக மக்களும், அதிமுக.,வும் எதிர்திசையில் சென்று கொண்டிருக்கின்றன.

தமிழக கிரிக்கெட் வீரர் அஸ்வின்; ரவிச்சந்திரன் தனது டுவிட்டர் பக்கத்தில் வெளியிட்டுள்ள கருத்து பரபரப்பை ஏற்படுத்தி உள்ளது. அவர் தனது டுவிட்டர் பதிவில், " தமிழக இளைஞர்கள் அனைவரின் கவனத்திற்கு, விரைவில் தமிழகத்தில் 234 இடங்கள் காலியாக உள்ளது. வாய்ப்பு காத்திருக்கிறது"கமலஹாசன்: குறள்: பீலிபெய் சாகாடும் அச்சிறும் அப்பண்டஞ் சால மிகுத்துப் பெயின்.
இதன் அர்த்தம், மிக மெல்லிய மயிலிறகே ஆனாலும், அதை அளவுக்கு அதிகமாக வண்டியில் ஏற்றினால் அச்சு முறியும்''. என்பதாகும்.

பாமக நிறுவனர் ராமதாஸ்: சசிகலா படத்தை கிழித்த ஓபிஎஸ் ஆதரவாளரை அடித்து உதைத்த அமைச்சர் ராஜேந்திரபாலாஜி: அதிமுகவில் புதிய சகாப்தம் தொடங்குவதன் அடையாளம் தான்! சட்டமன்ற தலைவராக சசிகலா தேர்வு செய்யப்பட்டது தமிழக மக்களுக்கு இழைக்கப்பட்ட துரோகம் -

ரவீந்திரஜா: நம் சின்னம்மாக்கு அனைத்தும் ஏற்கத்தக்கதல்ல. அம்மாவுக்கே வாக்களித்தனர் மக்கள்.சசிகலா என் முதல்வர் அல்ல.

மதி அரசி : சசிகலா ஜெவுக்கு துரோகம் செய்யவில்லை… ஜெ தான் தமிழகத்திற்கு துரோகம் செய்துவிட்டார்.

தி இந்து பத்திரிக்கை குடும்பத்தாரும், அதன் இயக்குனருமான மாலினி பார்த்தசாரதி : ஓபிஎஸ்.,ஐ உடனியாக பதவி விலக செய்து, அவசரமாக ஆட்சி பொறுப்பில் அமருவது ஏன் என தமிழக மக்களுக்கு சசிகலா விளக்கம் அளிக்க வேண்டும். ஜெயலலிதா முதல்வராக இரந்த போது சசிகலாவை தனது அரசியல் வாரிசு என எப்போதாவது கூறி உள்ளாரா? தமிழகத்திற்கு வருத்தமான, ஆபத்தான காலம்.

காங்., செய்தி தொடர்பாளர் குஷ்பூ : தமிழ்நாடு சபிக்கப்பட்டுள்ளது. இது ஒரு ஜனநாயக படுகொலை. எது எப்படி நடந்து இருந்தாலும் முறைப் படி தேர்ந்து எடுக்கப் பட்டவர்கள்தான் முதல்- அமைச்சர் ஆக வேண்டும். ஜல்லிக்கட்டுக்கு ஆதரவாக மாணவர்களும், இளைஞர்களும் போராடினார்கள். அது போன்று இதற்கும் அழைப்பு விடுக்க வேண்டும்.

பஞ்சாப் அரசியல் விமர்சகர் சாத்வி கோஷ்லா : தமிழக முதல்வராக அதிகாரப்பூர்வமாக கவர்னர் மூலம் பதவியேற்பதற்கு முன் டுவிட்டரில் பதயேற்பு நடந்துள்ளது. தமிழகத்தின் இப்போதைய நிலையை கண்டு சொர்க்கத்தில் அம்மா அழுவார்.

சுரேஷ் : தமிழக மக்களுக்கு ஆழ்ந்த இரங்கல்கள். இனி மக்களாட்சி இல்லை மன்னார்குடி ஆட்சி தான். சசிகலா முதல்வராவதை எதிர்கின்ற தமிழர்கள் தமிழின துரோகி என்று அடிமை அமைச்சர்கள் கூறினாலும் ஆச்சிரிய படுவதற்க்கில்லை.

இயக்குநர் தங்கபச்சன் : தமிழனென்று சொல்லடா! தலை குனிந்து நில்லடா!

சாம்ஏசுதாஸ் : மாட்டைக் காப்பாற்றிய நம்மால் மாநிலத்தை காப்பாற்ற முடியாமல் போய்விட்டது.

கானபிரபா : சசிகலா ஆட்சியை அரவணைக்க, சப்பைக்கட்டு கட்ட தமிழ்த் தேசியம், ஈழம்னு ஒரு கூட்டம் கிளம்பும் அவர்களிடமிருந்து விலகி இருக்கணும் மக்களே ! பிரபா.
எனக்கு வாய்த்த அடிமைகள்.

பிப்ரவரி வெளியீடு
இயக்கம் : சசிகலா

கதை,வசனம் : தம்பித்துரை
இசை : நாஞ்சில் சம்பத் (சிங் சக்)

தயாரிப்பாளர் விக்ரம் கிருஷ்ணா : சுனாமி, வெள்ளம், சமீபத்திய புயல், அம்மாவின் மரணம் ஆகியவற்றை சென்னை தாங்கிக் கொண்டது. சசிகலாவை ஏற்றுக் கொள்ளாது.

இயக்குனர் ஆனந்த் குமார் : சசிகலாவை முதல்வராக்குவது பள்ளிக்கு போகாத ஒருவரை கல்லூரி முதல்வராக்குவது போன்றது.

கிரிக்கெட் வீரர் சேவாக் : சசிகலா மீது எனக்கு நம்பிக்கை. அவர் அம்மாவைப் போல் 10 சதவீதம் கூட வர முடியாது. அவரை முதல்வராக ஏற்றால், தமிழகத்திற்கு எனது அனுதாபங்கள்.

பத்திரிக்கையாளர் அர்னாப் கோசுவாமி : முதல்வராவதற்கு என்ன ஒரு சிறந்த கதை தயாரிக்கப்பட்டுள்ளது. ஜெயலலிதாவின் இறப்பு வரை அவருக்கு அளிக்கப்பட்ட சிகிச்சை பற்றி எந்த தகவலும் இல்லை. சசிகலாவை ஏற்க தமிழக மக்கள் முட்டாள் இல்லை.

டைரக்டர் ராம் கோபால் வர்மா : சசிகலா தமிழக முதல்வராக விரும்புகிறார். தமிழக இளைஞர்கள் அஜித்துக்காகவும், விஜய்க்காகவும் சண்டையிடுவதற்கு பதில் தங்களின் எதிர்காலத்திற்காக போராடலாம்.

கதாசிரியர் ரவீந்தர் சிங் : டிரம்ப்பாவது ஜனநாயக முறையில் தேர்வ செய்யப்பட்டார். ஆனால் சசிகலா...

Read More

‛சதிக்கூட்டத்தின் தலைவியே சசிகலா தான்'

கிருஷ்ணகிரி: ‛‛ போயஸ் கார்டனில் இருந்து சசிகலா உடனே வெளியேற வேண்டும். அவரை முதல்வராக தேர்ந்தெடுத்த முடிவை அ.தி.மு.க., - எம்.எல்.ஏ.,க்கள் மாற்றிக் கொள்ள வேண்டும்,'' என, முன்னாள் அமைச்சர் கே.பி.முனுசாமி கூறியுள்ளார்.

மன்னிப்பு கடிதம்:

கிருஷ்ணகிரியில், இன்று அவர் நிருபர்களிடம் கூறியதாவது:

அ.தி.மு.க., - எம்.எல்.ஏ.,க்கள், சசிகலாவை சட்டசபை குழு தலைவராக தேர்ந்தெடுத்துள்ளனர். அதை தொடர்ந்து முதல்வர் பன்னீர்செல்வம் ராஜினாமா செய்வதாக கவர்னருக்கு கடிதம் அனுப்பி உள்ளார். சசிகலாவையும் அவரது குடும்பத்தினரையும் , 2011ல் முதல்வர் ஜெயலலிதா வீட்டில் இருந்தும் கட்சியில் இருந்து வெளியேற்றினார். அப்படி வெளியேற்றியதற்கு சில பல காரணங்கள் இருந்தாலும், அந்த காரணங்களை சசிகலா கொடுத்த மன்னிப்பு கடிதம் மூலம் உணர முடிகிறது. அதில், ‛அரசியலில் ஈடுபடவோ, கட்சியில் ஈடுபடவோ, எம்.எல்.ஏ., - எம்.பி.,யாக வேண்டும் என்றோ, பொதுவாழ்க்கையில் ஈடுபடவோ விருப்பம் இல்லை. ஜெயலலிதாவிற்கு என் வாழ்க்கையை அர்ப்பணித்து விட்டேன்' என்று கூறியுள்ளார். சசிகலா குடும்பத்தினர் கட்சியில் இருந்து நீக்கப்பட்டதற்கு அரசியல் ஈடுபாடு தான் காரணம் என்பது அந்த கடிதம் மூலம் தெரிய வந்தது.

பிராயசித்தம் தேட வேண்டும்:

முதல்வர் ஜெயலலிதா டிச., 5ல் மறைகிறார். பிப்.,5ல் சசிகலாவை முதல்வராக்க எம்.எல்.ஏ.,க்கள் பரிந்துரை செய்கின்றனர். இவரும், இவரது குடும்பத்தினரும் ஜெயலலிதா வீட்டில் வேலை செய்கிறேன் என்ற போர்வையில், எப்படியாவது பதவியை கைப்பற்ற வேண்டும் என்று திட்டமிட்டுள்ளனர்; துரோகம் செய்துள்ளனர். வேலை செய்வதற்காக தான் அவரை ஜெயலலிதா வீட்டில் வைத்து இருந்தார். நடராஜன் மற்றும் குடும்பத்தினர் மீதான ஒழுங்கு நடவடிக்கை தொடரும் என ஜெயலலிதா தெரிவித்து இருந்தார். ஜெ., ஆன்மா சாந்தியடைய வேண்டும் என்றால், பிராயசித்தம் தேட வேண்டும். முதல்வர் பதவி வேண்டாம் என்று கூறி சசிகலா வெளியே வர வேண்டும். இல்லாவிடில், சதி கூட்டத்தின் தலைமை பொறுப்பை ஏற்றுள்ளீர்கள் என்று குற்றம் சாட்ட வேண்டியது இருக்கும். போயஸ் கார்டன் வீட்டில் நீங்கள் இருக்க, உங்களுக்கு தார்மீக உரிமை இல்லை. அந்த வீட்டில் இருந்து வெளியேற வேண்டும்.

எந்தவித அரசியல் தியாகம் செய்யாமல், அரசியல் பின்னணி இல்லாமல், சதி செய்து, முதல்வர் ஜெயலலிதா மறைந்த 60 நாட்களுக்குள் பின்புற கதவு வழியாக வந்து பதவி ஏற்றுள்ளார். இது கருப்பு சரித்திரமாக மாறும். அவரது கணவர் நடராஜன் அப்பல்லோ மருத்துவமனையில் சேர்க்கப்பட்டுள்ளார். அந்த மருத்துவமனை நிர்வாகம் ஜெ.,க்கு அளித்த சிகிச்சை குறித்து தகவல் வெளியிட உள்ளது. இதை கண்காணிக்கவே அவர் சென்றுள்ளா் என்ற சந்தேகம் எழுந்துள்ளது. இது குறித்து, மருத்துவமனை நிர்வாகம் விளக்கம் அளிக்க வேண்டும். இதில் தவறு நடந்தால், நடராஜனும், மருத்துவமனை நிர்வாகமும் தான் காரணம்.

அடகு வைத்தது ஏன்?

பன்னீர்செல்வத்திடம், இரண்டு முறை முதல்வர் பதவியை ஜெயலலிதா ஒப்படைத்துள்ளார். அந்த பொறுப்பை ஏன் சசிகலாவுக்கு விட்டு கொடுத்துள்ளீர்கள். என்ன நிர்பந்தம் இதற்கு உள்ளது. நீங்கள் தனிப்பட்ட மனிதர் இல்லை. இந்த மாநிலத்தின் முதல்வர். அந்த பொறுப்பை, இரண்டு மணி நேரத்தில் அடகு வைத்தது ஏன்? இது குறித்து பன்னீர்செல்வம் விளக்கம் அளிக்க வேண்டும்.

சசிகலாவை முதல்வராக தேர்ந்தெடுத்த முடிவை, அ.தி.மு.க., - எம்.எல்.ஏ.,க்கள் மாற்றிக் கொள்ள வேண்டும்.

இவ்வாறு கே.பி.முனுசாமி கூறினார்.

English Summary:

Krishnagiri: '' Poes Garden Sasikala from the need to leave immediately. Digg's decision to select him as the CM - MLAs will have to change, '' the former minister said K.P.Munisamy

Read More

மாற்று ஏற்பாடு செய்யும் வரை நீடிக்க ஓ.பி.எஸ்சுக்கு கவர்னர் வேண்டுகோள்

சென்னை: தமிழக முதல்வர் பொறுப்பில் இருந்து விலகுவதாக, ஓ.பி.எஸ்., அனுப்பிய ராஜினாமா கடித்ததை ஏற்பதாக கவர்னர் வித்தியாசாகர் ராவ் அறிவித்துள்ளார். இது தொடர்பாக கவர்னர் மாளிகை வெளியிட்டுள்ள செய்திக்குறிப்பு;

முதல்வர் ஓ.பன்னீர்செல்வம் கொடுத்த ராஜினாமா கடிதம் ஏற்கப்படுகிறது. புதிய அரசு அமையும் வரையும், மாற்று ஏற்பாடு செய்யும் வரை இவர் இடைக்கால முதல்வராக நீடிக்குமாறும், தற்போதைய அமைச்சரவையே செயல்படவும் கேட்டு கொள்ளப்படுகிறது. இவ்வாறு கூறப்பட்டுள்ளது.

English Summary:

Chennai: Tamil Nadu Chief Minister to resign from their responsibility, ops., Sent a letter accepting the resignation of the governor vidhyasakar Rao said. This press release issued by the governor's mansion;

Read More

சசிகலா தமிழக முதல்வராக காங்., உள்ளிட்ட பலர் எதிர்ப்பு

புதுடில்லி : அதிமுக பொதுச்செயலாளர் சசிகலா, தமிழக முதல்வராக பதவியேற்பதற்கு காங்கிரஸ் கட்சி கடும் எதிர்ப்பு தெரிவித்துள்ளது.

சசிகலாவுக்கு வலுக்கிறது எதிர்ப்பு :

அதிமுக சட்டசபை குழு தலைவராக சசிகலா தேர்வு செய்யப்பட்டுள்ளார். இதனையடுத்து தமிழக முதல்வராக இருந்த ஓ.பன்னீர்செல்வம் தனது பதவியை ராஜினாமா செய்வதாக பிரதமர் மோடி மற்றும் தமிழக கவர்னர் (பொறுப்பு) வித்யாசாகர் ராவ் ஆகியோருக்கு கடிதம்
எழுதினார்.இந்நிலையில் சசிகலா தமிழக முதல்வர் ஆவதற்கு பல்வேறு தரப்பினரும் எதிர்ப்பு தெரிவித்து வருகின்றனர். திமுக, பா.ஜ.,வை தொடர்ந்து காங்கிரசும் சசிகலாவுக்கு எதிர்ப்பு தெரிவித்துள்ளது. இது குறித்து காங்., தலைவர்கள் கூறியதாவது :

மல்லிகார்ஜூன கார்கே : சசிகலா நடராஜன் அந்த கட்சியின் அடிப்படை உறுப்பினர் கூட கிடையாது. இவரை போன்றவர்கள் ஆட்சிக்கு வந்தால் அது ஜனநாயகத்திற்கு நல்லதல்ல.

ப.சிதம்பரம் : அதிமுக எம்.எல்.ஏ.,க்களுக்கு எப்படி அவர்கள் தலைவரை தேர்வு செய்யும் உரிமை உள்ளதோ, அதே போல் தமிழகத்திற்கு முதல்வராக வருபவருக்கு என்ன தகுதி என கேட்கும் உரிமை மக்களுக்கு உண்டு. தமிழக மக்களும், அதிமுக.,வும் எதிர்திசையில் சென்று கொண்டிருக்கின்றன. தமிழக முதல்வர் நாற்காலி காமராஜர், அண்ணாதுரை போன்றவர்கள் அமர்ந்து பெருமை சேர்த்தது. சுப்பிரமணிய சுவாமி : இடைத்தேர்தலில் மக்கள் ஓட்டு மூலம் சசிகலாவுக்கு எதிர்ப்பை காட்டலாம்.

அதிமுக துக்கவீடு :

பொள்ளாச்சியில் நிருபர்களிடம் பேசிய தமிழக காங்., முன்னாள் தலைவர் இளங்கோவன்; அதிமுக துக்க வீடு மாதிரி உள்ளது. கொள்ளைப்புறம் வழியாக வரும் இவர்களுக்கு முதல்வராகும் தகுதி இல்லை. தொண்டர்களிடம் ஆதரவு இல்லை. உள்ளாட்சி தேர்தலிலும் திமுகவுடனான கூட்டு தொடரும். கனிமொழி எம்.பி., : மற்ற கட்சியின் உள்விவகாரத்தில் கருத்து சொல்ல ஏதும் விரும்பவில்லை. அதே நேரத்தில் திமுக ஆட்சிக்கு வர வேண்டும் என மக்கள் முடிவு செய்து விட்டனர்.

கார்த்தி சிதம்பரம் :

சொந்த காரணங்களுக்காக ராஜினாமா செய்வதாக ஓபிஎஸ் கூறி இருக்கும் முதுகெலும்பு இல்லாத தனம் வேதனை அளிக்கிறது. தமிழக சட்டசபையை கலைத்து விட்டு, புதிதாக தேர்தல் நடத்தலாம். இது தமிழகத்திற்கே அவமானம். இனி தமிழகத்தின் தலைவிதி என்ன? அரசியல் சார்பற்ற இளைஞர்கள் இதனை ஏற்றுக் கொள்ள மாட்டார்கள்.

ஆர்எஸ்எஸ் மூத்த தலைவர் குருமூர்த்தி :

சசிகலா புதிய முதல்வராக பதவியேற்க உள்ளார். ஆனால் கொண்டாட்டம், பட்டாசு வெடிப்பு, மகிழ்ச்சி எதுவும் இல்லை. மாறாக அமைதி தான் நிலவுகிறது. ஒருவர் பதவிக்கு வருவதை கட்சிக்குள் இருப்பவர்களும், கட்சிக்கு வெளியில் இருப்பவர்களும் வெறுப்பதை ஒரு போதும் பார்த்ததில்லை.

English Summary:

NEW DELHI: AIADMK General Secretary Sasikala, Tamil Nadu Chief Minister has expressed strong opposition to the inauguration of the Congress party.

Read More

ஜெ., சசிகலா சொத்துக்குவிப்பு வழக்கில் திக்., திக்.,- அடுத்த வாரத்தில் தீர்ப்பு : சுப்ரீம் கோர்ட்

புதுடில்லி: மறைந்த முதல்வர் ஜெயலலிதா மற்றும் அ.தி.மு.க., பொதுச்செயலாளர் சசிகலா ஆகியோர் மீதான சொத்துக்குவிப்பு வழக்கில் தீர்ப்பு தயாராக உள்ளது என சுப்ரீம் கோர்ட் நீதிபதிகள் தெரிவித்துள்ளனர்.
ஜெ., சசிகலா, இளவரசி , சுதாகரன் ஆகியோர் மீதான சொத்து குவிப்பு மேல் முறையீட்டு வழக்கில் கர்நாடக மாநிலம் சார்பில் வக்கீல் நேரில் ஆஜரானார். இவர், நீதிபதிகளிடம் இந்த வழக்கில் தீர்ப்பு இழுக்கப்படிக்கப்பட்டு வருகிறது. இந்த தீர்ப்பு எப்போது வழங்கப்படும் என கேட்டார். இதற்கு பதில் அளித்த நீதிபதிகள்; இந்த வழக்கில், தீர்ப்பு எழுதப்பட்டு ஏறக்குறைய தயாராகி விட்டது. அடுத்த வாரத்தில் தீர்ப்பு வெளியாகும் என்று தெரிவித்தனர்.

பாதிப்பை ஏற்படுத்தும் :

ஜெ., மறைந்த நிலையில் , சசிகலா நேற்றுதான் ( பிப்., 5 ம்தேதி) அதிமுக சட்ட சபை தலைவராக தேர்வு செய்யப்பட்டார். தமிழக முதல்வராக பதவி ஏற்க இருக்கும் நேரத்தில் இந்த தீர்ப்பு எந்த அளவுக்கு பாதிப்பை ஏற்படுத்தும் என அரசியல் வட்டாரத்தில் பரபரப்பாக பேசப்படுகிறது.

English Summary:

NEW DELHI: The late Chief Minister and AIADMK general secretary Shashikala assets on the Supreme Court judges said that the verdict in the case is ready. J., Shashikala, princess, Suthaharan behalf of the state of Karnataka in the disproportionate assets case in appellate lawyer appeared in person. 

Read More

தமிழக ராணுவ வீரர் மரணம்

சென்னை: காஷ்மீர் மாநிலத்தில், தொடர்ந்து பனிச்சரிவு ஏற்பட்டு வருகிறது. கடந்த இரண்டு வாரமாக இப்பிரச்னை நீடித்து வருகிறது. இதுவரை, 10க்கும் மேற்பட்ட ராணுவ வீரர்கள் உயிர் இழந்துள்ளனர். தமிழகத்தை சேர்ந்த நான்கு ராணுவ வீரர்கள் பனிச்சரிவில் சிக்கி இறந்துள்ளனர். இந்த சூழ்நிலையில், ராமநாதபுரம் மாவட்டம், கடலாடி அருகே உள்ள அருகு ஏ.புனவாசல் கிராமத்தை சேர்ந்த திருப்பாண்டி என்ற ராணுவ வீரர் பனிச்சரிவில் சிக்கி உயிர் இழந்துள்ளதாக தகவல் வெளியாகி உள்ளது.

English Summary:

Chennai: In Kashmir, there has been constant avalanche. The issue has been lingering for the past two weeks. So far, more than 10 soldiers lost their lives. Four soldiers died trapped in avalanche in Tamil Nadu. In this scenario, Ramanathapuram district, near the eyepiece A.Punavasal blue Tirupandi villager caught in avalanche survival of the soldier released the information is lost.

Read More