முதல்வர் என்னைப் பார்த்து சிரிக்காமல் இருக்க வேண்டும்: ஸ்டாலின்

சென்னை: ‛சட்டப்பேரவையில் முதல்வர் என்னைப் பார்த்து சிரிக்காமல் இருக்க வேண்டும்' என எதிர்கட்சி தலைவர் ஸ்டாலின் தெரிவித்தார்.

மக்கள் விரோத ஆட்சி:

சென்னை சென்ட்ரல் ரயில் நிலையத்தில் செய்தியாளர்களிடம் இதுகுறித்து அவர் தெரிவித்ததாவது: தற்போது அமைந்துள்ள ஆட்சி மக்கள் விரோத ஆட்சி. நாளை சட்டப்பேரவையில் முதல்வர் இடைப்பாடி பழனிச்சாமி என்னைப் பார்த்து சிரிக்காமல் இருக்க வேண்டும். இவ்வாறு அவர் தெரிவித்தார்.

முன்னதாக, முன்னாள் முதல்வர் பன்னீர் செல்வம் சட்டபேரவையில் எதிர்கட்சி தலைவர் ஸ்டாலினை பார்த்து சிரித்ததாக சசிகலா விமர்சனம் செய்திருந்தது குறிப்பிடத்தக்கது.

English Summary:

Chennai: "The Chief of the Assembly must be laughing at me," the opposition leader said Stalin.

Read More

'ஜெ., உயிரோடு இருந்த போது எப்படி அடி வாங்கியிருப்பார்?': இளங்கோவன்

ஈரோடு: ''கல்லறைக்குள் இருக்கும் போதே, இப்படி அடி விழுந்தால், ஜெ., உயிரோடு இருந்த போது, எப்படி அடி வாங்கி இருப்பார் என்று சிந்திக்க வேண்டும்,'' என, தமிழக காங்., முன்னாள் தலைவர் இளங்கோவன் பேசினார்.

தப்ப முடியாது:

ஈரோட்டில் நடந்த, திருமண விழா ஒன்றில், அவர் பேசியதாவது: தேசிய அளவில், தி.மு.க., பொதுச் செயலர் அன்பழகன், ஒரு வழக்கை தொடுத்து, மிகப்பெரிய தண்டனையை பெற்றுத் தந்துள்ளார். அயோக்கியத்தனம் செய்தால், தப்பிக்க முடியாது என்பதை உணரச் செய்துள்ளார்.
தவறு செய்தவர்கள், மக்களை ஏமாற்றியவர்கள் கல்லறை செல்ல வேண்டும் அல்லது சிறை செல்ல வேண்டும். இதை விடுத்து தப்ப முடியாது என, நிரூபிக்கப்பட்டுள்ளது.

எப்படி அடி வாங்கியிருப்பார்?

எல்லாவற்றுக்கும் ஒரு அளவு உண்டு. தமிழகத்தை முந்தானையில் முடிந்து கொள்ளலாம் என நினைத்தால், சிறைக்குத்தான் போக வேண்டும். கல்லறைக்குள் இருக்கும் போதே, இப்படி அடி விழுந்தால், அவர் உயிரோடு இருந்த போது எப்படி அடி வாங்கி இருப்பார் என, சிந்திக்க வேண்டும். கிராமத்தில் உள்ள மக்கள் சொல்கின்றனர், 'அடித்து கொன்று விட்டனர்' என்று.

சிறையில் நிம்மதி:

கல்லறையில் ஜெயலலிதாவுக்கு விழுந்த அடியை பார்த்தால், உண்மையிலேயே அடி வாங்கியவர், உயிரோடு இருக்க வாய்ப்பில்லை. நாட்டை குட்டிச்சுவராக்கினால் போதும் என நினைத்தால், சிறையில் போய் தான் நிம்மதியாக இருக்க முடியும். இவ்வாறு அவர் பேசினார்.

English summary:

Erode: '' while the tomb, the blow falls, J., When he was alive, that she will have to think how to blow, '' and, TN Cong., Former chairman Mr spoke.

Read More

அரசு பங்களாவை காலி செய்யுங்க!: பன்னீருக்கு பறந்தது 'நோட்டீஸ்'

புதிய முதல்வராக, இடைப்பாடி பழனிச்சாமி பொறுப்பேற்ற சிறிது நேரத்தில், 'அரசு பங்களாவை உடனே காலி செய்ய வேண்டும்' என, 'நோட்டீஸ்' அனுப்பி, முன்னாள் முதல்வர் பன்னீர்செல்வத்திற்கு, நெருக்கடி தரப்பட்டுள்ளது.

தமிழக முதல்வராக, நேற்று(பிப்.,16) வரை இருந்த, பன்னீர்செல்வம், 2011 முதல், சென்னை கிரீன்வேஸ் சாலையில் உள்ள அரசு பங்களாவில் வசித்து வருகிறார். இங்கு இருந்தபடியே, சசிகலாவுக்கு எதிரான நடவடிக்கைகளை, மேற்கொண்டார்.

நெருக்கடி:

தமிழகத்தின் புதிய முதல்வராக, இடைப்பாடி பழனிச்சாமி நேற்று பொறுப்பேற்றார். இதனால், முதல்வர் பதவி பறிபோய், பன்னீர்செல்வம், எம்.எல்.ஏ.,வாக மட்டுமே உள்ளார். இடைப்பாடி பழனிச்சாமி பொறுப்பேற்ற சிறிது நேரத்தில், பொதுப்பணித்துறை மூலம், பன்னீர்செல்வத்திற்கு திடீர் நெருக்கடி தரப்பட்டுள்ளது.

பொதுப்பணித் துறை அதிகாரி ஒருவர் கூறியதாவது: பொதுப்பணித்துறை செயலர் அலுவலகம் தான், அமைச்சர்களுக்கு பங்களாக்களை ஒதுக்குகிறது. பன்னீர்செல்வம், தற்போது, எம்.எல்.ஏ.,வாக மட்டுமே உள்ளார். இதனால், அரசு பங்களாவை காலி செய்ய வைக்க ஏற்பாடுகள் நடந்து வருகிறது. துறை செயலர் அலுவலகத்தில் இருந்து, தபால் மூலம், 'நோட்டீஸ்' அனுப்பப்பட்டுள்ளது. இன்று, அவருக்கு நோட்டீஸ் கிடைக்கும். நோட்டீஸ் கிடைத்தபின், எவ்வளவு சீக்கிரம் முடியுமோ, அவ்வளவு சீக்கிரம், அரசு பங்களாவை அவர் காலி செய்ய வேண்டும்.

இல்லை என்றால், மின் இணைப்பு, குடிநீர் இணைப்பு, கழிவுநீர் குழாய் இணைப்புகளை துண்டிக்க வாய்ப்புள்ளது. இந்த பங்களா, புதிதாக அமைச்சரான செங்கோட்டையனுக்கு வழங்கப்படலாம்; அது, இன்னும் முடிவாகவில்லை. பன்னீர்செல்வத்திற்கு, ஓமந்தூரார் அரசினர் தோட்டத்தில் உள்ள எம்.எல்.ஏ.,க்கள் விடுதியில், அறை ஒதுக்கப்படும். இவ்வாறு அவர் கூறினார்.

English summary:

The new chief minister, took Palanisamy edappadi momentarily, the state will have to vacate the bungalow immediately as' notice to the former Chief pannirselvam, given the crisis.

Read More

சிறையில் சசி பரோல் குறித்து ஆலோசனை

பெங்களூரு: சிறையில் அடைக்கப்பட்டுள்ள சசிகலாவை பரோலில் எடுப்பது குறித்து வக்கீல்கள் சிறையில் சசியை சந்தித்து ஆலோசனை நடத்தியதாக கூறப்படுகிறது.

ஜாமீன்:

சொத்து குவிப்பு வழக்கில் பெங்களூர் சிறப்பு நீதி மன்ற உத்தரவை உறுதி செய்து உச்சநீதிமன்றம் உத்தரவிட்ட நிலையில் சசிகலா பெங்களூர் பரப்பன அக்ரஹார சிறையில் அடைக்கப்பட்டுள்ளார். அவரை சசியின் வக்கீல்கள் செந்தில், மற்றும் அசோகன் ஆகியோர் சந்தித்ததாக கூறப்படுகிறது. இந்த சந்திப்பின் போது சசியின் பரோல் குறித்து பேசப்பட்டதாகவும் தெரிகிறது.

English summary:

Bangalore is languishing in jail on parole to consider Shashikala lawyers said he had consulted with  in prison.

Read More

சசிகலாவின் மூன்று நிபந்தனைகள்; முதல்வர் பழனிச்சாமி கலக்கம்

சென்னை: தமிழகத்தின் புதிய முதல்வராக எடப்பாடி பழனிச்சாமி பதவி ஏற்றுக் கொண்டிருக்கிறார். அவருக்கு, உள்துறை, போலீஸ், ஐ.ஏ.எஸ்., அதிகாரிகள், நிதி நிர்வாகம், பொதுப் பணி, நெடுஞ்சாலை என, முக்கியமான துறைகள் ஒதுக்கப்பட்டுள்ளன.

ஆலோசனை:

எடப்பாடி பழனிச்சாமியை கவர்னர் பதவியேற்க அழைப்பு விடுத்ததும், அவர், அ.தி.மு.க., துணை பொதுச் செயலர் தினகரனுடன், அமைச்சரவையில் இடம் பெற வேண்டியவர்கள் குறித்து, ஆலோசனை நடத்தினார்.

அப்போது, கட்சியின் பொதுச் செயலர் கொடுத்திருக்கும் பட்டியல் இதுதான். இதில் மாற்றம் செய்ய வேண்டும் என்றால், பெங்களூருவில் உள்ள, பொதுச் செயலர் சசிகலாவின் ஒப்புதல் பெற வேண்டும் என்றும் சொல்லி, அந்தப் பட்டியலைக் கொடுத்தார் தினகரன்.

அந்தப் பட்டியலில் இடம்பெற்றவர்கள்தான், தற்போது, அமைச்சர்களாகி உள்ளனர். பட்டியலைப் படித்துப் பார்த்த பழனிச்சாமி, எனக்கு மட்டும் இத்தனை துறைகள் எதற்கு, அதை வேறு சிலருக்கு பிரித்துக் கொடுக்கலாமே என்று சொல்லியிருக்கிறார்.

தனித்து செயல்பட வேண்டாம்:

முக்கியமான பொறுப்புகள் அனைத்தையும் உங்களிமே கொடுக்க வேண்டும் என்பதால்தான், சசிகலா, இப்படி செய்திருக்கிறார் என்று கூறிய தினகரன், பொதுச் செயலர், ஆட்சி நிர்வாகத்தை கவனிப்பதற்கு உங்களை நியமித்திருந்தாலும், அதை நீங்கள் மட்டுமே தனித்து செய்ய வேண்டாம் என்று சொல்லியிருக்கிறார்.

ஆட்சி நிர்வாகத்தில் எடுக்க வேண்டிய எந்த முக்கிய முடிவானாலும், என்னிடமும், திவாகரனிடமும், நடராஜனிடமும் தெரிவித்து ஒப்புதல் பெற்றே, அதை செயல்படுத்த அறிவுறுத்தி இருக்கிறார்.

அதனால், ஆட்சி நிர்வாகத்தில் உள்ள அனைத்து விவரங்களையும் மூவரிடமும் அப்டேட் செய்து, மூவரின் வழிகாட்டுதலோடு ஆட்சியை நடத்துங்கள். இதற்கு யார் இடையூறாக இருந்தாலும், அவர்களை நாங்கள் பார்த்துக் கொள்கிறோம்.

ஒப்புதலுக்கு உத்தரவு:

இதற்கிடையில், இன்னொரு விஷயத்தையும் நீங்கள் கட்டாயம் செயல்படுத்த வேண்டும் என்று சொல்லி, மேலும் ஒரு நிபந்தனையை சொல்லியிருக்கிறார். நீங்கள் முதல்வராக இருந்தாலும், வாரத்தில் ஒரு நாள், பெங்களூரு பரப்பன அக்ரஹாராவில் உள்ள சசிகலாவை கட்டாயம் சந்தித்தாக வேண்டும். ஆட்சி நிர்வாகத்தில் நடக்கும் அத்தனை முக்கிய விஷயங்களையும் அவரிடமும் சொல்லி, ஒப்புதல் பெற வேண்டும் என்றும் சொல்லியிருக்கிறார்.

இப்படி நிபந்தனை மேல் நிபந்தனை விதித்து, ஆட்சி நிர்வாகப் பொறுப்பை கொடுத்திருப்பதால், முதல்வராக பதவியேற்ற சந்தோஷத்தைக் காட்டிலும், நிபந்தனைகளை நினைத்து அச்சப்பட்டுக் கொண்டிருக்கிறார் முதல்வர் பழனிச்சாமி என கட்சி வட்டாரங்கள் தெரிவிக்கின்றன.

English summary:

Chennai: Tamil Nadu's new Chief Minister was sworn Edappadi Palanichany. For him, interior, police, IAS., Authorities, financial administration, public services, such as highway, reserved for important sectors.

Read More

எம்.எல்.ஏ.,க்களுக்கு வெளி மாநில குண்டர்கள் பாதுகாப்பு?

கூவத்தூர்: கூவத்தூர் சொகுசு விடுதியில் தங்கியுள்ள எம்.எல்.ஏ.,க்கள் பன்னீர் அணிக்கு தப்பி செல்வதை தடுக்க சசி தரப்பில் இருந்து வெளி மாநில குண்டர்கள் பாதுகாப்பு போடப்பட்டுள்ளதாக கூறப்படுகிறது.

தமிழகத்தில் கடந்த 10 நாட்களாக ஏற்பட்ட அரசியல் பரபரப்பு சூழ்நிலையில் முக்கிய திருப்பமாக நேற்று மாலை சசிகலா தரப்பு அ.தி.மு.க., சார்பில் இடைப்பாடி பழனிச்சாமி தமிழக முதல்வராக பதவியேற்றார். கவர்னர் வித்யாசாகர் ராவ் அவருக்கு பதவி பிரமாணம் செய்து வைத்தார்.

நிகழ்ச்சியில் சசிகலா ஆதரவு எம்.எல்.ஏ.,க்கள் கலந்து கொண்டனர். நிகழ்ச்சி முடிந்ததும் இரவு 7 மணிக்கு அவர்கள் மீண்டும் கூவத்தூர் சொகுசு விடுதியிலேயே அடைக்கப்பட்டுள்ளனர்.

இதற்கிடையில் சட்டசபையில் பெரும்பான்மையை நிருப்பிக்க இடைப்பாடி பழனிச்சாமிக்கு 15 நாட்கள் அவகாசம் அளிக்கப்பட்டிருந்தது. இந்நிலையில் நாளை (18 ம்தேதி) சட்டசபையை கூட்டி பெரும்பான்மையை முதல்வர் பழனிச்சாமி நிருபிக்க உள்ளார்.

இதற்கிடையில் கூவத்தூரில் உள்ள எம்.எல்.ஏ.,க்கள் ஓ.பி.எஸ்., அணிக்கு தப்பி செல்வதை தடுக்க எம்.எல்.ஏ.,க்கள் தங்கியுள்ள ரிசார்ட்டில் சசிகலா தரப்பு சார்பில் வெளிமாநிலங்களில் இருந்து தனியார் பாதுகாப்பு படையினர் குவிக்கப்பட்டுள்ளதாக கூறப்படுகிறது.

English Summary:

Kuvattur: kuvattur luxury hotel, which lies on MLAs rose water to prevent escape to the peace-keeping on the part of the team from the bench of the state security thugs reportedly provided

Read More

ரூ.10 கோடி கட்டாமல் சசி தப்ப முடியாது'

கோவை : 'சசிகலா உள்ளிட்ட மூவரும், தலா, 10 கோடி ரூபாய் அபராதம் செலுத்த தவறினால், வழக்கில் காட்டப்படாத சொத்துக்களை ஜப்தி செய்வதற்கு, நீதிமன்றம் நடவடிக்கை எடுக்கும்' என, சீனியர் வக்கீல்கள் கூறினர்.

சொத்து குவிப்பு வழக்கில், சசிகலா, இளவரசி, சுதாகரனுக்கு, நான்காண்டு சிறை, 10 கோடி ரூபாய் அபராதம் விதித்து, பெங்களூரு சிறப்பு நீதிமன்றம் அளித்த தீர்ப்பை, உச்ச நீதிமன்றம் உறுதி செய்தது. இதையடுத்து, மூவரும் பெங்களூரு பரப்பன அக்ரஹாரா சிறையில் அடைக்கப்பட்டனர். தண்டனை விதிக்கப்பட்ட மூவரும், 10 கோடி ரூபாய் அபராத தொகையை, கோர்ட்டில் உடனடியாக செலுத்தவில்லை.

இது குறித்து, வக்கீல் விவேகானந்தன் கூறியதாவது: கோர்ட்டில் தண்டனை அளிக்கப்பட்டவருக்கு அபராதம் விதிக்கப்பட்டால், உடனடியாக செலுத்த வேண்டும். தவறும் பட்சத்தில், அவர்கள் சொத்துக்களை ஜப்தி செய்ய, கோர்ட் உத்தரவு பிறப்பிக்கும். சொத்துக் குவிப்பு வழக்கில், சசிகலா உள்ளிட்ட மூவருக்கு, 10 கோடி அபராதம் கட்ட உத்தரவிடப்பட்டுள்ளது.

அபராதம் கட்ட தவறும் பட்சத்தில், வருவாய் துறை மூலமாக, அபராதம் வசூலிக்க நடவடிக்கை எடுக்கப்படும். அவர்களது பெயரில் உள்ள, வழக்கில் சேர்க்கப்படாத சொத்துக்களை, பொது ஏலத்தில் விடுவதற்கு கோர்ட் உத்தரவிடும்.

வக்கீல் ஞானபாரதி:

தண்டனை விதிக்கப்பட்ட வழக்குகளில், அப்பீல் இருந்தால் உடனடியாக அபராதம் செலுத்த தேவையில்லை. ஆனால், சசிகலா உள்ளிட்ட மூவருக்கும், உச்ச நீதிமன்றத்தால் இறுதி தீர்ப்பு அளிக்கப்பட்டுள்ளதால், அபராத தொகையை செலுத்த வேண்டும்.

அபராதம் கட்ட தவறினால், வருவாய் துறை மூலமாக, வழக்கில் சேர்க்கப்படாத சொத்தை ஏலத்தில் விட்டு, அரசுக்கு செலுத்த, மாவட்ட கலெக்டருக்கு உத்தரவிடப்படும்.

அபராதம் கட்ட தவறினால், வழக்கில் சேர்க்கப்பட்ட சொத்துக்கள் தவிர, வேறு சொத்துக்கள் இல்லை என, நீதிமன்றத்தில் மனு தாக்கல் செய்ய வேண்டும். அவை உறுதி செய்யப்பட்டால் மட்டுமே, கூடுதல் தண்டனையை அனுபவித்து, அபராத தொகைக்கு ஈடு கட்ட முடியும்.

English Summary:

Coimbatore: 'Shashikala trio entered, each, fail to pay a fine of 10 million rupees, which are not displayed in the case of confiscation of assets, the court will take action as' senior prosecutors said.

Read More