கூவத்தூரிலிருந்து சென்னை திரும்பினார் முதல்வர்

சென்னை: முதல்வராக பொறுப்பேற்ற பழனிச்சாமி ஜெ., நினைவிடம் சென்று மரியாதை செய்த பின்னர் காஞ்சிபுரம் மாவட்டம் கூவத்தூர் சென்று அங்கு தங்கியுள்ள எம்.எல்.ஏ.க்களுடன் ஆலோசனை நடத்தினார் . பிப். 18-ல் சட்டசபை சிறப்பு கூட்டத் தொடர் நடக்க உள்ள நிலையில் எம்.எல்.ஏ.க்களுடன் தீவிர ஆலோசனை நடத்திய பின்னர் அங்கிருந்து இரவு 11 மணியளவில் சென்னை புறப்பட்டார்.

English summary:

Chennai : Chief Minister J. Palanisamy charge. Remember, the honor went to stay there after visiting Kancheepuram kuvattur held consultations with the legislators. Feb.

Read More

மகனுடன் கவர்னரை சந்தித்த திவாகரன் பின்னணி குறித்து பரபரப்பான தகவல்கள்

ஜெயிலுக்குப் போவதற்கு முன், அ.தி.மு.க.,வில் இருந்து ஜெயலலிதாவால் நீக்கப்பட்ட தன் உறவுக்காரர்களான தினகரனையும், டாக்டர் வெங்கடேஷையும் கட்சியில் மீண்டும் இணைத்திருக்கிறார் கட்சியின் பொதுச் செயலரான சசிகலா. தினகரனை, கட்சியின் துணைப் பொதுச் செயலராகவும் அறிவித்திருக்கிறார். இதன் மூலம், பொதுச் செயலரான தான் இல்லாத நிலையில், தினகரனே கட்சியை நடத்துவார் என்பதுதான், சொல்லாமல் அவர் சொல்லியிருப்பது.

அதைப் போல, கட்சியின் எல்லா நடவடிக்கைகளிலும், தினகரன் முன்னின்று செய்து வருகிறார். ஆனால், இவர்களைப் போலவே கட்சியில் இருந்து நீக்கப்பட்ட சசிகலாவின் சகோதரர் திவாகரனை, அவர் மீண்டும் கட்சியில் இணைக்கவும் இல்லை; கட்சிப் பதவி கொடுக்கவும் இல்லை. அதேபோல, மகாதேவன், தங்கமணி, ராவணன் பலரையும் மீண்டும் கட்சியில் இணைக்கவில்லை. இதனால், அவர்களெல்லாம் சசிகலா மீது கடும் வருத்தத்தில் இருப்பதாகக் கூறப்படுகிறது.

முதல் வரிசையில்:

இதனால், எடப்பாடி பழனிச்சாமி தலைமையிலான அ.தி.மு.க., அமைச்சரவை பதவி ஏற்றுக் கொண்ட நிகழ்ச்சிக்கு, முதலாவதாக வந்தார் திவாகரன். அவரது மகன் ஜெய் ஆனந்த திவாகரும் வந்திருந்தார். பதவியேற்பு விழாவிற்காகப் போடப்பட்ட சேர்களில் முதல் வரிசையில் அமர்ந்து கொண்டார். அவரை, வளைத்து வளைத்து ஊடகங்கள் பதிவு செய்ததோடு, அதை பொதுமக்களுக்கும் கொண்டு சென்றனர்.

வாட்ஸ் - ஆப் மூலம் தகவல்:

இதை எதிர்பார்த்துத்தான், அவர்கள் இருவரும் விழாவுக்கு வந்து, தங்களை முக்கியத்துவப்படுத்திக் கொண்டு, முதல் வரிசையில் அமர்ந்தனர். அதன் தொடர்ச்சியாக, திவாகரனும்; அவரது மகன் ஜெய் ஆனந்த் திவாகரும், கவர்னர் வித்யாசாகர் ராவை சந்தித்து, பூங்கொத்து வழங்கி, அ.தி.மு.க.,வின் எடப்பாடி பழனிச்சாமியை பதவி ஏற்க அழைத்ததற்காக நன்றி தெரிவித்துக் கொண்டனர்.

இந்த நிகழ்ச்சியை படம் எடுத்து வந்த இருவரும், அதை, உடனடியாக, வாட்ஸ் - ஆப் மூலம் தகவலாக உலகம் முழுக்கப் பரப்பினர். இதன் பின்னணியில், தாங்கள் அ.தி.மு.க.,வில் முக்கியத்துவத்தோடு இருப்பதாகக் காட்டிக் கொள்வதோடு, அமைச்சரவையிலும் தங்கள் முக்கியத்துவம் உள்ளதை ஊருக்கு காட்டிக் கொள்வதற்காகத்தான் என்று, இந்த நிகழ்வுகளுக்கான பின்னணி பற்றி, அ.தி.மு.க.,வில் பரபரப்பாக பேசுகின்றனர்.

English summary:

AIADMK, Jayalalitha sacked from his relatives dinakaran Dr. venkateshwar party includes the party's general secretary Shashikala again. dinkaran, assistant general secretary of the party said. Thus, in the absence of the General Secretary, the party will conduct dinkaran that, he said to himself. 

Read More

முதல்வர் பழனிச்சாமிக்கு தொலை பேசியில் பிரதமர் மோடி வாழ்த்து

சென்னை: முதல்வர் இடைப்பாடி பழனிச்சாமிக்கு பிரதமர் மோடி வாழ்த்து தெரிவித்தார். முதல்வராக இடைப்பாடி பழனிச்சாமி இன்று(16-02-17) பதவியேற்றார். அவருக்கு கவர்னர் வித்யசாகர் ராவ் பதவி பிரமாணம் செய்து வைத்தார். இதையடுத்து பிரதமர் தொலை பேசி வாயிலாக முதல்வர் பழனிச்சாமிக்கு வாழ்த்து தெரிவித்தார். வாழ்த்து தெரிவித்த பிரதமர் மோடிக்கு முதல்வர் பழனிச்சாமி நன்றி தெரிவித்தார்.

English summary:

Chennai: Chief Minister Narendra Modi to congratulate edappadi Palanisamy said. CM edappadi Palanichany today (16-02-17) succeeded. He was sworn governor vidyasagar Rao. The Prime Minister Palaniamy greeting by telephone said. Congratulating Prime Minister Modi thanked Palanisamy.

Read More

எம்எல்ஏக்களுடன் முதல்வர் ஆலோசனை

சென்னை: கூவத்தூரில் எம்.எல்.ஏக்களுடன் முதல்வர் பழனிச்சாமி இன்று இரவு ஆலோசனை நடத்துகிறார்.

முதல்வராக பதவியேற்ற பழனிச்சாமி மெரினாவில் உள்ள ஜெ. நினைவிடத்தில் அஞ்சலி செலுத்தினார். அவருடன் எம்.எல்.ஏக்கள், கட்சி மூத்த நிர்வாகிகள் அஞ்சலி செலுத்தினர். தொடர்ந்து எம்.எல்.ஏக்கள் அனைவரும் கூவத்தூர் சென்றனர். தொடர்ந்து முதல்வரும் கூவத்தூர் சென்றுள்ளார். இன்று 16-ம்தேதிஇரவு 9 மணிக்கு எம். எல்.ஏக்களுடன் ஆலோசனை நடத்த உள்ளார்.

English Summary:

Chennai: kuvattur MLAs in consultation with the Chief Minister Palanisamy runs tonight.

Read More

மக்கள் விரும்பாத ஆட்சி விரைவில் தூக்கி எறியப்படும்; ஓ.பி.எஸ். சபதம்

சென்னை: மக்கள் விரும்பாத சசிகலாவின் குடும்ப ஆட்சி தூக்கி எறியப்படும் என ஜெயலலிதா நினைவிடத்தில் முன்னாள் முதல்வர் ஓ.பி.எஸ். கூறினார்

சென்னை மெரினாவில் ஜெ., நினைவிடத்தில் முன்னாள் முதல்வர் ஓ.பன்னீர்செல்வம் மரியாதை செலுத்தினார். சசிகலா ஆதரவாளரான அமைச்சர் இடைப்பாடி பழனிச்சாமி இன்று முதல்வராக பதவியேற்றார். அவர் தனது அமைச்சர்கள் மற்றும் அ.தி.மு.க. நிர்வாகிகளுடன் மெரினா சென்று ஜெயலலிதா நினைவிடத்தில் மலரஞ்சலி செலுத்தினார்.
இதையடுத்து இன்று இரவு 7.45 மணியளவில் முன்னாள் முதல்வர் ஓ.பன்னீர்செல்வம் தனது ஆதரவாளர்களுடன் ஜெ., நினனவிடம் சென்று மலர் தூவி மரியாதை செலுத்தினார். அவருடன் பொன்னையன், செம்மலை, மதுசூதனன், பாண்டியராஜன், முனுசாமி, பி.எச்.பாண்டியன் உள்ளிட்டோர் சென்றனர்.

பின்னர் செய்தியாளர்களுக்கு பன்னீர் செல்வம் அளித்த பேட்டி,

பதவி ஏற்றுள்ள ஆட்சி ஜெ., யின் உண்மையான விசுவாசிகளுடைய ஆட்சி அல்ல. இன்னும் சொல்லப்போனால் சசிகலாவின் குடும்ப ஆட்சிதான் இன்று பதவியேற்றுள்ளது. இதனை மக்கள் ஒரு போதும் ஏற்றுக்கொள்ளவில்லை. இன்னும் சிறிது காலத்தில் இந்த ஆட்சி தூக்கி ஏறியப்படும். மக்கள்விரும்பாத ஆட்சி தான் பதவி ஏற்று்ள்ளது. மக்கள் விரோத ஆட்சியை விலக்கும் வரை நாங்கள் ஓயமாட்டோம். மீண்டும் ஜெ., ஆட்சியை அமைப்போம். எம்.எல்.ஏ.க்கள் நியாயமான முடிவு எடுக்க வேண்டும்.

English Summary:

Chennai: Sasikala unpopular regime of the family at the memorial of the former Chief Minister Jayalalithaa ops to be thrown out. Said 

Read More

பிப்., 18-ம் தேதி- கூடுகிறது சட்டசபை

சென்னை: தமிழக சட்டசபை நாளை மறுநாள் பிப் (18-ம் தேதி) கூடுகிறது. என சட்டசபை செயலாளர் ஜமாலுதீன் தெரிவித்துள்ளார்.

புதிய முதல்வராக இ.பி.எஸ் (இடைப்பாடி பழனிச்சாமி) இன்று(16-ம் தேதி) பதவியேற்றார். இதனையடுத்து பெரும்பான்மையை நிருபிக்க வரும் 18-ம் தேதி சிறப்பு சட்டசபை, காலை 11 மணிக்கு கூடுகிறது. முன்னதாக 15 நாளில் பெரும்பான்மையை நிருபி்க்க இ.பி.எஸ்க்கு கவர்னர் அவகாசம் அளித்திருந்தார் என்பது குறிப்பிடத்தக்கது.

English summary:

Chennai: Tamil Nadu assembly after tomorrow Feb (on June 18) meet. Jamaluddin said the Secretary of the Assembly. 

Read More

கவர்னருக்கு கொடுத்த நெருக்கடி: சாமிக்கு நன்றி சொல்லும் அ.தி.மு.க.

சென்னை:அ.தி.மு.க., பொதுச் செயலர் சசிகலாவையும், முன்னாள் முதல்வர் ஜெயலலிதாவையும் எதிர்ப்பதையே முழு நேரத் தொழிலாக வைத்திருந்த பா.ஜ., மூத்த தலைவர் சுப்பிரமணியன்சாமி, ஜெயலலிதா மறைவுக்குப் பின், அப்படியே மாறியிருக்கிறார்.

குறிப்பாக, சசிகலா, அ.தி.மு.க.,வின் பொதுச் செயலராக பதவி ஏற்றுக் கொண்ட பின், பன்னீர்செல்வம் தனது முதல்வர் பதவியை ராஜினாமா செய்ததும், சசிகலாவின் தீவிர ஆதரவாளராக மாறி விட்டார்.

சொத்துக் குவிப்பு வழக்கில் கட்டாயம் தண்டனை பெறுவார் என்று சொல்லிக் கொண்டிருந்த சுப்பிரமணியன் சாமி, தற்போது, சசிகலாவை பெங்களூரு சிறையில் இருந்து, தமிழக சிறைக்கு மாற்ற வேண்டும் என்றும், உச்ச நீதிமன்ற தீர்ப்புக்கு சீராய்வு மனு போட்டு, அவரை, வழக்கில் இருந்து விடுவிக்க வேண்டும் என்றும் கூறி வருகிறார். அதற்கான யோசனைகளையும், சட்ட நுணுக்கங்களையும் தான் அறிந்து வைத்திருப்பதாகவும் கூறினார்.

நெருக்கடி:

கூடவே, சட்டசபை குழு தலைவராக தேர்ந்தெடுக்கப்பட்ட சசிகலாவை உடனடியாக கவர்னர் அழைத்து, முதல்வராக பதவியேற்க அனுமதிக்க வேண்டும் என்று கூறி வந்த சுப்பிரமணியன் சாமி, சொத்துக் குவிப்பு வழக்கில் சசிகலா தண்டனை அடைந்து, பெங்களூரு சிறையில் அடைக்கப்பட்டதும், பழனிச்சாமியை, கவர்னர் பதவியேற்க அழைக்க வேண்டும் என்று கூறி வந்தார்.

அவர் கொடுத்த நெருக்கடிக்குப் பின் தான், கவர்னர் வித்யாசாகர் ராவ், எடப்பாடி பழனிச்சாமியை ஆட்சி அமைக்க அழைத்ததாக, அ.தி.மு.க.,வினர் நம்புகின்றனர். இதனால், எடப்பாடியை கவர்னர் ஆட்சி அமைக்க அழைத்தப் பின், அ.தி.மு.க.,வினர் பலரும் சாமிக்கு போன் போட்டு வாழ்த்து தெரிவித்து வருகின்றனராம்.

English summary:

Chennai: AIADMK., General Secretary Shashikala, former Chief Minister Jayalalithaa to oppose the full-time job that kept the senior BJP leader subramaniyan samy, after her death, just changed.

Read More