சட்டசபை கூட்டத்தில் பங்கேற்க காங்., எம்.எல்.ஏ.,க்களுக்கு கொறடா உத்தரவு

சென்னை: முதல்வர் இடைப்பாடி பழனிச்சாமி அரசு மீதான நம்பிக்கை ஓட்டெடுப்பு நாளை நடைபெற உள்ளது. இதனையடுத்து நாளைய கூட்டத்தில் அனைத்து எம்.எல்.ஏ.,க்களும் பங்கேற்க வேண்டும் என கொறடா உத்தரவை அக்கட்சியின் கொறடா விஜயதாரணி பிறப்பித்துள்ளார். அக்கட்சியின் எம்.எல்.ஏ.,க்கள் கூட்டம் சத்தியமூர்த்தி பவனில் இன்று மாலை 4 மணிக்கு நடைபெற உள்ளது. சட்டசபையில் காங்கிரஸ் கட்சிக்கு 8 எம்.எல்.ஏ.,க்கள் உள்ளனர்.
அதிமுக எங்களிடம் ஆதரவு கேட்கவில்லை என விஜயதாரணி கூறினார்.

English summary:

Chennai: Chief Minister of the state of confidence in edappadi Palanisamy poll is to be held tomorrow. Following tomorrow's meeting of all MLA's, to participate in the party's Whip Whip vijayadarani issued orders. The party's MLAs Sathya Bhavan meeting is scheduled for 4 pm today. 8 assembly to the Congress MLAs said.

Read More

சட்டசபையில் நாளை ஓட்டெடுப்பு எப்படி?

சென்னை : தமிழக சட்டசபையில், 'எண்ணி கழித்தல்' என்ற முறையில், நாளை நம்பிக்கை ஓட்டெடுப்பு நடைபெற உள்ளது.

நம்பிக்கை ஓட்டெடுப்பு முறை :

நம்பிக்கை ஓட்டெடுப்பு எவ்வாறு நடைபெறும் என, சட்டசபை செயலக அதிகாரிகள் கூறியதாவது: சட்டசபை கூடியதும், முதல்வர் இடைப்பாடி பழனிச்சாமி, தன் அரசு மீதான நம்பிக்கை தீர்மானத்தை முன்மொழிவார். அதன் மீது, சட்டசபை கட்சி தலைவர்கள் பேச வாய்ப்பு கேட்டால், வாய்ப்பு அளிக்கப்படும். பின், ஓட்டெடுப்பு துவங்கும்.

சபையில், ஆறு பிளாக்குகள் உள்ளன. ஒவ்வொரு பிளாக் வாரியாக, ஓட்டெடுப்பு நடக்கும். அந்த பிளாக்கில் உள்ள, எம்.எல்.ஏ.,க்களில், தீர்மானத்தை ஆதரிப்போரை எழுந்து நிற்கும்படி, சபாநாயகர் உத்தரவிடுவார். அவ்வாறு எழுந்து நிற்கும், எம்.எல்.ஏ.,க்கள் எண்ணிக்கை கணக்கிடப்படும். பின் எதிர்ப்பு தெரிவிக்கும்; நடுநிலை வகிக்கும் எம்.எல்.ஏ.,க்கள் எண்ணிக்கை கணக்கிடப்படும். இவ்வாறு, ஆறு பிளாக்கிலும், ஓட்டெடுப்பு நடத்தப்படும்.

தற்போது, 233 எம்.எல்.ஏ.,க்கள் உள்ளனர். இவர்களில், சபாநாயகர் தவிர, மீதமுள்ள, 232 எம்.எல்.ஏ.,க்களில், 117 எம்.எல்.ஏ.,க்கள் தீர்மானத்தை ஆதரித்தால், அரசு பெரும்பான்மையை நிரூபித்ததாக அறிவிக்கப்படும். அந்த எண்ணிக்கைக்கு குறைந்தால், ஆட்சி கவிழும். இவ்வாறு அவர்கள் கூறினர்.

English summary:

Chennai: Tamil Nadu Assembly, 'counter-minus "in the system, trust in polling is to be held tomorrowChennai: Tamil Nadu Assembly, 'counter-minus "in the system, trust in polling is to be held tomorrow

Read More

இன்று மாலை திமுக எம்.எல்.ஏ.,க்கள் கூட்டம்

சென்னை : எடப்பாடி பழனிச்சாமி தலைமையிலான புதிய அரசு நேற்று பொறுப்பேற்றுள்ளது. புதிய அரசின் மீது நம்பிக்கை கோருவதற்கான ஓட்டெடுப்பு நாளை நடக்க உள்ளது. இதற்காக தமிழக சட்டசபை கூட்டம் நாளை (பிப்ரவரி 18) கூட உள்ளது. இந்நிலையில் திமுக எம்.எல்.ஏ.,க்கள் கூட்டம், இன்று மாலை 4 மணிக்கு, கட்சி தலைமையகமான அண்ணா அறிவாலயத்தில் நடக்க உள்ளது. சட்டசபை நடக்க உள்ளதை தொடர்பாக இந்த கூட்டத்தில் ஆலோசிக்கப்பட உள்ளதாக கூறப்படுகிறது. நம்பிக்கை ஓட்டெடுப்பின் போது திமுக யாருக்கும் ஆதரவு அளிக்காது என அக்கட்சியின் பொதுச் செயலாளர் அன்பழகன் நேற்று கூறி இருந்தது குறிப்பிடத்தக்கது.

English Summary:

Chennai: The new government yesterday committed Edappadi Palanisamy. Confidence on the government to request a new poll is to be held tomorrow. The Tamil Nadu Assembly meeting tomorrow (February 18) is even.

Read More

பெங்களூருலிருந்து ரிமோட் கன்ட்ரோலால் இயக்கப்படாதீர்கள் : முதல்வருக்கு ஸ்டாலின் அட்வைஸ்

சென்னை : புதிய முதல்வராக எடப்பாடி பழனிச்சாமி பதவியேற்றது குறித்து தனது பேஸ்புக் பக்கத்தில் திமுக செயல் தலைவர் ஸ்டாலின் நேற்று அறிக்கை வெளியிட்டிருந்தார். அதில் ரிமோட் கன்ட்ரோலால் இயக்கப்படாமல் இருங்கள் என கேட்டுக் கொண்டுள்ளார்.

ஸ்டாலின் அறிக்கை :

2016-ல் நடைபெற்ற சட்டமன்ற தேர்தலுக்குப் பிறகான ஒன்பது மாதங்களுக்குள் இதுவரை தமிழகம் காணாத வகையில் மூன்றாவது முதலமைச்சரை அதிமுக சட்டமன்றக் கட்சி தேர்வு செய்து ஒரு விநோதமான “ஹேட்ரிக்” சாதனை செய்திருக்கிறது. அப்படி தேர்வு செய்யப்பட்ட சட்டமன்ற கட்சி தலைவரை பதவியேற்றுக் கொள்ள இன்றைய தினம் ஆளுநர் அவர்கள் அழைத்திருக்கிறார்.தமிழகத்தில் நிலையான ஆட்சி அமைய வேண்டும் என்பது மட்டுமே திராவிட முன்னேற்றக் கழகத்தின் ஒரே நோக்கமாக இருந்தது. பதவிக்காக அதிமுகவிற்குள் நடக்கும் அடிதடிகளோ, உள்கட்சி குழப்பங்களோ, அதிகாரப் போட்டியின் விளைவான கூவத்தூர் ரிசார்ட் கொண்டாட்டங்களோ, க்ரீம்ஸ் சாலை பட்டாசு வெடிக்கும் காட்சிகளோ, மாநிலத்தின் நலனுக்கு எவ்விதத்திலும் ஆபத்தாக முடிந்து விடக்கூடாது என்பதில் மட்டுமே திராவிட முன்னேற்றக் கழகம் அக்கறை காட்டியது.

அவசர கோலம் :

பதினைந்து தினங்களுக்குள் மெஜாரிட்டியை நிரூபிக்க வேண்டும் என்று ஆளுநர் அளித்திருக்கும் காலக்கெடு குதிரை பேரத்திற்கு வித்திடும் என்பது ஒரு புறமிருக்க, அவசர அவசரமாக அள்ளித் தெளித்த கோலத்தில் அமைச்சரவை பதவியேற்பு விழா நடப்பது தமிழக நலனுக்கு உகந்ததாகவோ, தமிழக மக்களின் நல்வாழ்வுக்கு வித்திடும் வகையிலோ எவ்விதத்திலும் இருக்கப் போவதில்லை என்பது உறுதியாகத் தெரிகிறது.
இந்நிலையில் ஆட்சி அமைக்க அழைக்கப்பட்டுள்ள அ.தி.மு.க.வின் சட்டமன்ற கட்சி தலைவர் திரு எடப்பாடி பழனிச்சாமி இன்று மாலையே பதவியேற்றுக் கொள்கிறார் என்றும், அதற்கான அழைப்பிதழ் வந்திருக்கிறது என்றும், நான் முன்பே ஒப்புக்கொண்ட நிகழ்ச்சிக்காக சேலம் புறப்பட்டு சென்று கொண்டிருக்கும் வழியில் எனது உதவியாளர் செல்போனில் தொடர்பு கொண்டு தெரிவித்தார். ஆகவே அவசர கோலத்தில் நடைபெறும் இந்த அமைச்சரவை பதவியேற்பு நிகழ்ச்சியில் பங்கேற்க இயலவில்லை என்பதை தெரிவித்துக் கொள்கிறேன்.

ரிமோட் கன்ட்ரோலால் இயக்கப்படாதீர்கள் :

புதிய முதலமைச்சராக பொறுப்பேற்றுக் கொள்ளவிருக்கும் மாண்புமிகு எடப்பாடி பழனிச்சாமி அவர்களுக்கு திராவிட முன்னேற்றக் கழகத்தின் சார்பில் எனது வாழ்த்துக்களை தெரிவித்துக் கொள்ளும் அதே நேரத்தில், “பெங்களூர் ஜெயிலுக்கு” சென்று ஆலோசனைகள் கேட்டு ரிமோட் கன்ட்ரோலால் இயக்கப் பட்டுக் கொண்டு இருக்காமல், அரசியல் சட்டப்படி எடுத்துக் கொள்ளும் உறுதி மொழிக்கும் ரகசிய காப்பு பிரமாணத்திற்கும் பாதகம் வராமல், பெங்களூரிலும், இங்கேயும் உள்ள அதிகார மையங்களின் ஆசைக்கேற்ற “ஆட்டுவித்தலுக்கு” ஏற்றார் போல் ஆட்சியை நடத்தாமல், முதலமைச்சருக்குரிய பொறுப்புகளையும், கடமைகளையும் முழுதும் உணர்ந்து தமிழக மக்களின் நலனுக்காகவும் மேம்பாட்டுக்காகவும் ஆட்சி நடத்திட வேண்டும் என்று கேட்டுக் கொள்கிறேன்.

English summary:

Chennai: As the new Chief Executive Edappadi Palanichany DMK leader MK Stalin on his Facebook page that took to the statement yesterday. He also asked to be turned on by remote control.

Read More

நாளை(பிப்.,18) சட்டசபை கூட்டம்: இடைப்பாடி அரசு தப்பிக்குமா?

சென்னை : முதல்வர் இடைப்பாடி பழனிச்சாமி தலைமையிலான ஆட்சிக்கு, பெரும்பான்மையை ஆதரவு உள்ளதா என்பதை நிருபிக்க, நாளை, 18ம் தேதி, சட்டசபை கூடுகிறது.

முதல்வராக இருந்த பன்னீர்செல்வத்தை, கட்டாயப்படுத்தி ராஜினாமா செய்ய வைத்து, அந்தப் பதவியை பிடிக்க முற்பட்ட சசிகலா, சொத்து குவிப்பு வழக்கில் தண்டனை உறுதியானதால் சிறை சென்றார். இதையடுத்து, அ.தி.மு.க., சட்டசபை கட்சி தலைவராக தேர்வு செய்யப்பட்ட இடைப்பாடி பழனிச்சாமி, நேற்று முதல்வராக பதவியேற்றார். அவர், 15 நாட்களுக்குள் பெரும்பான்மையை நிரூபிக்க வேண்டும் என, கவர்னர் உத்தரவிட்டுள்ளார்.

கூவத்தூரில் சிறை வைத்துள்ள, எம்.எல்.ஏ.,க்களை, அதிக நாட்கள் தங்கள் பிடியில் வைத்திருக்க முடியாது என்பதால், உடனடியாக சட்டசபையை கூட்டி, பெரும்பான்மையை நிரூபிக்க ஏற்பாடு செய்வது என, சசிகலா குடும்பத்தினர் முடிவு செய்தனர். அதன்படி, சட்டசபை கூட்டம் நாளை நடைபெறும் என, அறிவிக்கப்பட்டுள்ளது. நாளை காலை, 11:00 மணிக்கு, சட்டசபை கூடுகிறது; அதில், புதிய அமைச்சரவை மீது, நம்பிக்கை தெரிவிக்கும் தீர்மானம் எடுத்துக் கொள்ளப்படும் என, சட்டசபை செயலர் ஜமாலுதீன் நேற்று அறிவித்தார்.

சட்டசபையில், ஒரு காலியிடம் தவிர, அ.தி.மு.க.,விற்கு, 135; தி.மு.க.,விற்கு, 89; காங்கிரசுக்கு, எட்டு; முஸ்லிம் லீக்கிற்கு ஒன்று என, மொத்தம், 233 எம்.எல்.ஏ.,க்கள் உள்ளனர். அ.தி.மு.க., - எம்.எல்.ஏ.,க்களில், பன்னீர்செல்வம் உட்பட, 10 எம்.எல்.ஏ.,க்கள், தனி அணியாக உள்ளனர். மீதம், 124 எம்.எல்.ஏ.,க்கள் உள்ளனர். இவர்கள் அனைவரும் ஆதரவு அளித்தால் மட்டுமே, இடைப்பாடி பழனிச்சாமி ஆட்சி நிலைக்கும்.

English summary:

Chennai: Chief Edappadi Palanisamy led regime, demonstrating that there is majority support, tomorrow, on the 18th, the Assembly meets. 

Read More

சிறையில் சசிகலாவுக்கு முதல் வகுப்பு கிடைக்க வாய்ப்பு

பெங்களூரு: பெங்களூரு சிறையில் உள்ள சசிகலா, வருமான வரி கட்டுவதற்கான ஆவணங்களை காட்டினால், அவருக்கு முதல் வகுப்பு கிடைக்க வாய்ப்புள்ளது.

பெங்களூரு சிறையில்..

சொத்துக்குவிப்பு வழக்கில் 4 ஆண்டுகள் தண்டனை பெற்றிருக்கும் சசிகலா பெங்களூரு பரப்பன அக்ரஹார சிறையில் அடைக்கப்பட்டுள்ளார். சாதாரண அறையில் அடைக்கப்பட்டிருக்கும் அவர், வருமான வரி கட்டுவதற்கான ஆவணங்களை காட்டினால் முதல் வகுப்பு அறைக்கு மாற வாய்ப்பு உள்ளது.

வசதிகள்:

முதல் வகுப்பு அறையில் மின்விசிறி, படுக்கை, தனிக்கழிவறை வசதி உண்டு. தினமும் 2 செய்தித்தாள்கள் வழங்கப்படும். வாரத்துக்கு இரு முறை அசைவ உணவு உண்டு. காலை உணவாக சப்பாத்தியும், அரை லிட்டர் சாம்பார் மற்றும் கால் லிட்டர் தயிர் கிடைக்கும். மதிய உணவாக சாதம், சப்பாத்தி, ராகி கிடைக்கும். இதில் பிடித்தமான ஒன்றை அவர் தேர்வு செய்து சாப்பிட்டுக் கொள்ளலாம். இரவு உணவாக சப்பாத்தி வழங்கப்படும்.

English Summary:

Bangalore: Bangalore Sasikala in prison, to build an income tax documents show, he is likely to be available in first class.

Read More

'அ.தி.மு.க.,வுக்கு இனி அழிவு தான்!': கட்ஜூ

புதுடில்லி: 'சசிகலாவின் கைப்பாவையை முதல்வராக நியமிக்க, எப்போது, அ.தி.மு.க., முடிவு செய்ததோ, அப்போதே அக்கட்சியின் கதை முடிந்து விட்டது' என, உச்ச நீதிமன்ற முன்னாள் நீதிபதி மார்கண்டேய கட்ஜு கருத்து தெரிவித்துள்ளார்.

அ.தி.மு.க., அழியும்:

அவர் தன், 'பேஸ்புக்' பக்கத்தில் கூறியுள்ளதாவது: சசிகலாவின் கைப்பாவையை, சட்டசபை கட்சி தலைவராக தேர்ந்தெடுத்ததன் மூலம், அ.தி.மு.க., தன் மரணத்துக்கு குழி தோண்டி விட்டது. தமிழக சட்டசபைக்கு இப்போது தேர்தல் நடந்தால், சந்தேகமே இல்லாமல், தி.மு.க., தான் பெரும் வெற்றி பெறும். அ.தி.மு.க., மாபெரும் தோல்வியைத் தழுவி அழிந்தே போகும். இவ்வாறு அவர் கூறியுள்ளார்.

English summary:

NEW DELHI: 'Sasikala appoint the puppet Chief Minister, anytime, Digg, made the decision, then the party is over the story', as former Supreme Court Justice Katju commented firs.

Read More