சட்டசபையில் ரகசிய ஓட்டெடுப்பு: ஓ.பி.எஸ்., அணியினர் கோரிக்கை

சென்னை: முதல்வர் இடைப்பாடி பழனிச்சாமி அரசு மீதான நம்பிக்கை ஓட்டெடுப்பு நாளை நடைபெற உள்ள நிலையில், சபாநாயகர் தனபாலுடன், ஓ.பி.எஸ்., அணியினர் சந்தித்து ஆலோசனை நடத்தினர். இவர்களுடன் எம்.எல்.ஏ.,க்கள் சண்முகநாதன், மாணிக்கம், ஆகியோரும் சென்றனர்.ஓ.பி.எஸ்., அணியை சேர்ந்த முன்னாள் அமைச்சர்கள் மாபா. பாண்டியராஜன், பொன்னையன், செம்மலை ஆகியோர் சந்தித்தனர்.
அப்போது அவர்கள், நாளை ரகசிய நம்பிக்கை ஓட்டெடுப்பு முறையை கடைபிடிக்க வேண்டும் என அவர்கள் கோரிக்கை விடுத்தனர். அப்போது கோரிக்கை மனு ஒன்றையும் அளித்ததாக தெரிகிறது.

Read More

தமிழக வளர்ச்சிக்கு பிரதமர் உதவ வேண்டும்: முதல்வர் இடைப்பாடி

சென்னை: தமிழக முதல்வராக பதவியேற்ற இடைப்பாடி பழனிச்சாமிக்கு பிரதமர் மோடி வாழ்த்து தெரிவித்துள்ளார். இதற்கு நன்றி தெரிவித்து, முதல்வர், பிரதமர் மோடிக்கு கடிதம் அனுப்பியுள்ளார்.

முயற்சி:

அந்த கடிதத்தில், ஜெயலலிதாவின் திட்டங்களை செயல்படுத்த அரசு முயற்சி மேற்கொள்ளும். மாநில மேம்பாட்டிற்கு மேற்கொள்ளப்படும் முயற்சிகளுக்கு மத்திய அரசு ஒத்துழைப்பு வழங்க வேண்டும். வாழ்த்து தெரிவித்ததற்கு நன்றி தெரிவித்து கொள்கிறேன். இவ்வாறு அவர் கூறியுள்ளார். 

Read More

அதிமுகவிலிருந்து சசிகலா, இடப்பாடியை நீக்கினார் மதுசூதனன்

சென்னை: அதிமுக அவை தலைவராக இருந்த மதுசூதனன், பன்னீர் செல்வத்திற்கு ஆதரவு அளித்தார். இதனால் மதுசூதனனை அதிமுகவிலிருந்து நீக்குவதாக அதிமுக பொது செயலர் சசிகலா அறிவித்திருந்தார். இதனால் யாருக்கு அதிகாரம் உள்ளது என்பதில் குழப்பம் நிலவி வருகிறது.

சசிகலா நீக்கம்:

இந்நிலையில், அதிமுகவின் பொது செயலாளர் மற்றும் அடிப்படை உறுப்பினர் பதவியிலிருந்து சசிகலாவை நீக்குவதாக மதுசூதனன் அறிவித்துள்ளார். கட்சிக்கு அவப்பெயர் ஏற்படுத்தி வருவதால் நீக்கப்படுகிறார். வெங்கடேஷ், தினகரன் ஆகியோரும் கட்சியிலிருந்து நீக்கபடுகின்றனர். ஜெயலலிதாவால் நீக்கப்பட்ட தினகரன், வெங்கடேஷ் ஆகியோர் எந்த அதிகாரமும் இல்லாமல் கட்சியில் சேர்க்கப்பட்டுள்ளனர். இவ்வாறு மதுசூதனன் தெரிவித்துள்ளார்.

சொத்து குவிப்பு வழக்கில் சசிகலா சிறைக்கு செல்லும் முன்னர் தினகரனை அதிமுக துணை பொது செயலர் பதவியில் அவசர அவசரமாக நியமித்தார்.

அமைச்சர்கள் நீக்கம்:

தொடர்ந்து அதிமுகவிலிருந்து முதல்வர் இடப்பாடி பழனிச்சாமி, தம்பிதுரை, நவநீதகிருஷ்ணன, தளவாய் சுந்தரம், வளர்மதி, ஆர்.பி., உதயகுமார். சி.விசண்முகம், தங்கமணி, திண்டுக்கல் சீனிவாசன், சி. விஜயபாஸ்கர், செல்லூர் ராஜூ ஆகியோரும் அதிமுகவிலிருந்து நீக்கப்படுவதாக மதுசூதனன் அறிவித்துள்ளார்.

இது குறித்து சசிதரப்பை சேர்ந்த வைகைசெல்வன், அதிகாரம் யாருக்கு உள்ளது என மதுசூதனன் தெரியாமல் உள்ளார். இவ்வாறு அவர் கூறியுள்ளார். 

Read More

சட்டசபை செயலருடன் சபாநாயகர் ஆலோசனை

சென்னை: நாளை சட்டசபையில் நம்பிக்கை ஓட்டெடுப்பு நடக்கிறது. இந்நிலையில் சட்டசபை நிகழ்வுகள் மற்றும் சட்ட திட்டங்கள் குறித்து சபாநாயகர் தனபால், சட்டசபை செயலர் ஜமாலுதீனுடன் ஆலோசனை நடத்தினார்.

English summary:

Chennai: tomorrow's assembly poll in the faith. The Speaker of the Assembly, Mr. Dhanapal events and law programs, the assembly held consultations with Secretary Jamaluddin.

Read More

ஓ.பி.எஸ்., அணியில் மயிலை எம்.எல்.ஏ., நட்ராஜ்

சென்னை: முதல்வர் இடைப்பாடி பழனிச்சாமி அரசு மீதான நம்பிக்கை ஓட்டெடுப்பு நாளை சட்டசபையில் நடைபெற உள்ளது. அரசுக்கு எதிராக மயிலாப்பூர் எம்.எல்.ஏ., நட்ராஜ் கூறியதாக தகவல் பரவியது. ஆனால் நட்ராஜ் தரப்பில் சரியான பதில் ஏதும் கிடைக்கவில்லை.

மக்கள் விருப்பப்படி:

இது தொடர்பாக பத்திரிகையாளர்களிடம் நட்ராஜ் பேசுகையில்; இது போன்ற பிரிவினை ஓட்டெடுப்பு என்பதில் உடன்பாடு இல்லை. இரு பிரிவினரையும் இணைக்க முயற்சிப்பேன். அதிமுக ஓ.பி.ஸ்., தலைமையில் இயங்க வேண்டும் என விரும்புகின்றனர். தொகுதி மக்களின் எண்ணம் . நேர்மையும், சத்தியமும் எனது உணர்வு. மக்கள் உணர்வுகளை மதிப்பேன். நான் ஓ.பி.எஸ்சு.,க்கு ஆதரவாக ஓட்டளிப்பேன் என்பது உண்மை. இவ்வாறு அவர் கூறினார்.

English Summary:

Chennai: Chief edappadi Palanisamy state assembly will be held in confidence on polling day. Mylapore against government MLA, Natraj was reported as saying. Natraj side but could not find the right answer

Read More

கள ஆய்வு தான் நடக்கிறது: நீதிபதி ராஜேஸ்வரன்

மதுரை: ஜல்லிக்கட்டு கலவரம் தொடர்பாக அமைக்கப்பட்ட ஓய்வு பெற்ற நீதிபதி ராஜேஸ்வரன் மதுரை தல்லாகுளம் தமுக்கம் மைதானத்தில் ஆய்வு செய்தார். பின்னர் அவர் பத்திரிகையாளர்களிடம் பேசுகையில்;
தற்போது விசாரணை நடைபெறவில்லை. கள ஆய்வு மட்டுமே நடைபெறுகிறது. சென்னை, சேலம், கோவையில் கள ஆய்வுநடைபெற்றது. மதுரையில் கள ஆய்வுக்கு வந்துள்ளேன். கலவரம் நடந்த பகுதிகளை மட்டும் ஆய்வு செய்து வருகிறேன். அதிகாரிகள் சொல்வதை மட்டும் கேட்டு கொண்டு செல்ல மாட்டேன். அதிகாரிகள் சொல்வது எனக்கு வேதவாக்கு அல்ல; கலவரம் எங்கு நடந்தது என தெரியும்.

அறிவிப்பு வரும்:

விசாரணை செய்ய வரும் போது, பத்திரிகைகளில் அறிக்கை கொடுத்து விட்டு வருவேன். அப்போது அவர்கள் ஆதாரங்களை என்னிடம் கொடுக்கலாம். இன்னும் 15 நாட்களுக்கு பின் விசாரணை நடைபெற வாய்ப்பு உள்ளது. கலவரத்தின் போது சேதமடைந்த பகுதிகளை நான் பார்க்கவில்லை. விசாரணை நடக்கும் போது தான் முக்கிய கட்டத்தை எட்டும். அப்போது இரு தரப்பினரையும் விசாரிப்பேன். இவ்வாறு அவர் கூறினார்.

English summary:

Madurai: Madurai thallakulam jallikattu rajeshwaran Tamukkam retired judge appointed by the riots did research at the stadium. 

Read More

நாளைவரை நீடிப்பாரா இடைப்பாடி ? பொன்.ராதா சந்தேகம்

கோவை: மத்திய இணையமைச்சர் பொன்.ராதாகிருஷ்ணன் கூறியதாவது: தமிழக முதல்வராக பதவியேற்றுள்ள இடைப்பாடி பழனிச்சாமி எனக்கு நெருங்கிய நண்பர். அவர் முதல்வராக தேர்வு பெற்ற நிலையில், அந்த பதவியில் இருப்பாரா என்ற சந்தேகம் உள்ளது.

தி.மு.க., ஆட்சியை விரும்பவில்லை:

இதற்கு அவரது கட்சிக்காரர்களே காரணம். இருப்பினும் அவருக்கு வாழ்த்துகளை தெரிவித்து கொள்கிறேன். இந்த வாழ்த்து, அவர் நாளையும் பதவியில் தொடர வேண்டும் என்பதே, நாளை வரை அவர் தொடர்வாரா என்பது இறைவன் கையில் தான் உள்ளது. அதேநேரத்தில் தி.மு.க., ஆட்சியை யாரும் விரும்பவில்லை. ஊழலற்ற தூய்மையான ஆட்சியை பா.ஜ.,வினால் மட்டுமே கொடுக்க முடியும். இவ்வாறு அவர் கூறினார்.

Read More