தலைமை செயலகத்தில் உயரதிகாரிகள் ஆலோசனை

சென்னை: இடைப்பாடி பழனிச்சாமி அரசு மீதான நம்பிக்கை ஓட்டெடுப்பு நாளை(பிப்.,18) நடைபெற உள்ள நிலையில், தலைமை செயலகத்தில் தலைமை செயலாளர் கிரிஜா வைத்தியநாதன், டி.ஜி.பி., உள்துறை செயலாளர், சென்னை போலீஸ் கமிஷனர், உளவுத்துறை ஐ.ஜி., ஆலோசனை நடத்தி வருகின்றனர். தமிழகத்தின் சட்டம் ஒழுங்கு பற்றி ஆலோசனை நடப்பதாக தெரிகிறது.

பாதுகாப்பு:

இந்நிலையில், தலைமை செயலகத்தில் நாளை(பிப்.,18) ஆயிரத்திற்கும் மேற்பட்ட போலீசார் பாதுகாப்பு பணியில் ஈடுபட உள்ளனர். எம்.எல்.ஏ.,க்கள் வாகனங்கள் மட்டுமே நாளை அனுமதிக்கப்படும். நுழைவு வாயிலில் வாகனங்கள் தீவிர பரிசோதனைக்கு பிறகே அனுமதிக்கப்படும். பார்வையாளர்களுக்கு நாளை தடை விதிக்க முடிவு செய்யப்பட்டுள்ளது. சென்னையிலும் பாதுகாப்பை பலப்படுத்த முடிவு செய்யப்பட்டுள்ளது.

English summary:

Chennai: Edappadi Palanisamy Government poll of confidence tomorrow (Feb., 18) to be held in the state, Chief Secretariat, Chief Secretary Girija Vaidyanathan, DGP, Home Secretary, Chennai police commissioner, intelligence IGP, have been in consultation. Advice about the state of the law and order seems to take place.

Read More

உ.பி.,க்கு தத்து பிள்ளைகள் வேண்டாம்: பிரியங்கா

ரேபரேலி: உ.பி.,க்கு சொந்த மகன்கள் உள்ள நிலையில் தத்தெடுத்த பிள்ளைகள் வேண்டாம் என காங்கிரஸ் தலைவர் சோனியா மகள் பிரியங்கா கூறினார்

ரேபரேலியில் நடந்த தேர்தல் பிரசார கூட்டத்தில் அவர் பேசியதாவது: தன்னை மகனாக உ.பி., தத்தெடுத்து கொண்டதாக மோடி கூறுகிறார். ஆனால், வளர்ச்சிக்காக உ.பி.,யை யாராவது தத்தெடுக்க வேண்டுமா? உ.பி.,க்கு சொந்த மகன்கள் (ராகுல், அகிலேஷ்) உள்ள போது, தத்தெடுத்த மகன்கள் தேவையா? உங்களுக்காக உழைப்பவர்களுக்காக ஓட்டு போடுங்கள். தவறான வாக்குறுதி அளிப்பவர்களுக்கு வேண்டாம். வளர்ச்சி பற்றி அமேதி மக்களிடம் கேட்க வேண்டும். உ.பி., இளைஞர்கள் தலைவராகவும், அமைச்சர்களாகவும், மாநில வளர்ச்சிக்காகவும் உழைக்கும் திறன் உள்ளது. இவ்வாறு அவர் பேசினார்.


வெற்று வாக்குறுதி:

முன்னதாக இந்த கூட்டத்தில் ராகுல் பேசியதாவது: உ.பி.,யில் மின்சார கட்டணம் பாதியாக குறைக்க வேண்டும். விவசாய கடன்தள்ளுபடி செய்ய வேண்டும். பயிர்களுக்கு உரியவிலை கிடைக்க வேண்டும் என்பது எங்களது கோரிக்கை. மோடி நினைத்தால், 15 நிமிடத்தில் விவசாய கடன் தள்ளுபடி செய்ய வேண்டும். ஆனால் அதை செய்ய அவர் மறுப்பது ஏன்? மோடி வெற்று வாக்குறுதிகள் மட்டுமே அளிக்கிறார். ஆனால் எதையும் செய்யவில்லை. மத்தியில் காங்கிரஸ் ஆட்சியில் இருந்த போது விவசாயிகளின் ரூ.70 ஆயிரம் கடன் தள்ளுபடி செய்யப்பட்டது. பீஹாருக்கு சிறப்பு நிதி வழங்கப்படும் என மோடி கூறினார். ஆனால் வழங்கவில்லை. விவசாயிகளுக்கு மோடி எதையும் செய்யவில்லை. இவ்வாறு அவர் பேசினார்.

English summary:

Rae Bareli, UP, to the children's own sons have not adopted the state Congress chief Sonia Gandhi's daughter Priyanka Gandhi told

Read More

தேர்தலை விரும்பும் மக்கள்: ஆனந்த்ராஜ்

சென்னை: தமிழக மக்கள் தேர்தலை விரும்புவதாகவும், ஜனாதிபதி ஆட்சியை கொண்டு வரவேண்டும் என்றும் பிரபல நடிகரான ஆனந்த் ராஜ் கூறியுள்ளார்.
இது தொடர்பாக சென்னையில்அவர் அளித்த பேட்டி: தமிழகத்தில் ஜனாதிபதி ஆட்சி அமல்படுத்த வேண்டும் என முன்னர் நான் கூறியதற்கு தற்போது அனைவரிடமும் ஆதரவு கிடைத்து வருகிறது. எம்.எல்.ஏ.,க்கள் ஓட்டளிக்கும் முன்னர் முதலில் மனசாட்சியிடம் கருத்து கேட்க வேண்டும். அடுத்து உறவினர்களிடமும் பின்னர் தொகுதி மக்களிடமும் கருத்து கேட்க வேண்டும். ஜெயலலிதா தான் வேட்பாளர் என்ற கருதிஓட்டு போடுங்கள் என நான் கூறினேன். நாளை நீங்கள் அளிக்க போகும் வாக்கும் மக்களின் நம்பிக்கை பெற்றதாக இருக்க வேண்டும். நாளைக்கு நீங்கள் ஓட்டு போட்டு தொகுதிக்கு தான் செல்ல வேண்டுமே தவிர கூவத்தூர் செல்ல முடியாது. எம்.எல்.ஏ.,க்கள் மனசாட்சிப்படி வாக்களிக்க வேண்டும். ஒரு சிலர் போடுகின்ற பிச்சைக்காக எம்.எல்.ஏ.,க்கள் செயல்படக்கூடாது.

ஆதரவு கிடைக்காது:

நிரந்தர அரசியல்வாதியாக இருக்க வேண்டுமா அல்லது இடைப்பட்ட காலத்தில் அரசியல்வாதியாக இருந்துவிட்டு போய்விட வேண்டுமா என்பதை சிந்தித்து பார்க்க வேண்டும். தன்னிச்சையாக முடிவெடுத்தால், இந்த காலத்தை கடந்தால், மக்களின் ஆதரவு கிடைக்காது. எங்களுக்கு பதவி கிடைத்தால், இரண்டு நல்ல காரியத்தை செய்து விட்டு தப்பித்துவிடுவோம் மக்கள் மறந்துவிடுவார்கள் என எம்.எல்.ஏ.,க்கள் கருதுகிறார்கள். ஆனால் முன்னர் போல் மக்கள் கிடையாது. இளைஞர்கள் வீறு கொண்டு நடக்கிறார்கள். சமூக வலை தளத்தில் அனைத்து செய்திகளும் பரவுகினறன. இன்று உள்ள கொதிப்பு அனைவருக்கும் தெரிகிறது. செய்யக்கூடாத வற்றை அதிமு.க எம்.எல்.ஏ.,க்கள் செய்கிறார்கள்

உண்மையான அதிமுக யார் என மக்கள் தான் கூற வேண்டும். அதிக பெண்களுக்கு ஜெ., வாய்ப்பு கொடுத்தார்கள். அமைச்சர் வளர்மதி தைரியம் இருந்தால் ஸ்ரீரங்கம் தொகுதியில் இடைத்தேர்தல் சந்திக்க தயாரா? அவரை எதிர்த்து நானும் நிற்கிறேன். அவர் வெற்றி பெற்றால், பதவியில் நீடிக்கட்டும். நானும் ஓட்டளித்தவன் என்ற முறையில், உங்களை ஒரு தினம் சிந்தித்து உங்கள் மனசாட்சிக்கு கேட்டு பொது மக்களைவாக்களித்த மக்களை கேட்டு வாக்களிக்க வேண்டும் என அன்புடன் கோருகிறேன் . நீங்கள் நல்ல அரசியல்வாதி என மக்கள் முடிவெடுக்கும் வகையில், நீங்கள் நல்ல முடிவெடுக்க வேண்டும்.

ஜனாதிபதி ஆட்சி:

இன்று அதிகாரத்தை யார் அனுபவிக்கிறார்கள் என்பதை தெரிந்து கொள்ள வேண்டும். சட்டசபையை கலைத்துவிட வேண்டும். சட்டம் ஒழுங்கு கெடும் சூழ்நிலை வந்து கொண்டுள்ளது. ஜனாதிபதி ஆட்சியை அமல்படுத்த வேண்டும். ஜனாதிபதி ஆட்சி அமல்படுத்தப்பட்டால் மக்களுக்கு அமைதி கிடைக்கும். இவ்வாறு அவர் கூறினார்.

Read More

மெரினாவில் போலீஸ் குவிப்பு

சென்னை: சென்னை மெரினா கடற்கரையில் இன்று (பிப்.17 ம் தேதி ) போலீசார் குவிக்கப்பட்டனர். நேற்று முதல்வராக இடைப்பாடி பழனிச்சாமி பதவியேற்ற நிலையில் மெரினாவில் சிலர் போராட்டம் நடத்தவுள்ளதாக சமூக வலைதளங்களில் தகவல் பரவி வருகிறது.
இதனையடுத்து அங்கு 500 போலீசார் குவிக்கப்பட்டுள்ளனர். கோவையிலும் இது போன்ற தகவல் பரவியதால் போலீசார் குவிக்கப்பட்டுள்ளனர்.

Read More

சட்டசபை அதிமுக அவை முன்னவராக செங்கோட்டையன் நியமனம்

சென்னை: தமிழக சட்டசபையின் அவை முன்னவராக பள்ளி கல்வி அமைச்சர் செங்கோட்டையன் நியமிக்கப்பட்டுள்ளார். இதனை சட்டசபை செயலாளர் ஜமாலுதீன் அறிவித்துள்ளார். முன்னர், இந்த பதவியில் ஓ. பன்னீர் செல்வம் இருந்தார். 

Read More

எப்போதுமே செயல்படாத அதிமுக அரசு: கனிமொழி குற்றச்சாட்டு

சென்னை:தமழக அரசியல் சூழ்நிலை குறித்து தி.மு.க., ராஜ்யசபா எம்.பி., கனிமொழி ஆலோசனை நடத்தினார். இதன் பின்னர் பத்திரிகையாளர்களுக்கு அவர் அளித்த பேட்டி: நம்பிக்கை ஓட்டெடுப்பில் திமுக தலையிடாது.

சரியில்லை:

தமிழகத்தில் சட்டம் ஒழுங்கு இல்லை. இது பற்றி பேசவில்லை. ஜெ.,ஆட்சியில் கூட பெரிய திட்டங்கள் கொண்டு வரவில்லை. அரசு செயல்படவில்லை. அரசு செயலிழந்த நிலையில் உள்ளது. அது பற்றி யாரும் பேசவில்லை. எப்போதும் அதிமுக அரசு செயல்படாத அரசு தான். நீட் தேர்வு பற்றி தமிழகத்தின் நிலை பற்றி என்னவென்றே தெரியவில்லை. ஸ்டாலின் மட்டும் தான் இதுபற்றி பேசி வருகிறார்.

மக்கள் தெளிவு:

மீண்டும் தேர்தல் வந்தால், யார் வேண்டாம் என்பதில் மக்கள் தெளிவாக உள்ளனர். யார் வந்தால் வாழ்க்கை மாறும் என தெளிவாக உள்ளனர். அது திமுக என்பதை புரிந்து கொண்டுள்ளார். மக்கள் திமுகவை ஆதரிப்பார்கள். இவ்வாறு அவர் கூறினார்.

Read More

அதிமுக எம்எ.ல்.ஏ.,க்களுக்கு கொறடா உத்தரவு

சென்னை: அதிமுக எம்.எல்.ஏ.,க்கள் 134 பேருக்கும் கொறடா உத்தரவு பிறப்பிக்கப்பட்டுள்ளது. அக்கட்சி கொறடா ராஜேந்திரன் பிறப்பித்துள்ள உத்தரவில், எம்.எல்.ஏ.,க்கள் அனைவரும் நாளை(18 ம் தேதி) சட்டசபைக்கு வர வேண்டும்.

இடைப்பாடி பழனிச்சாமி அரசு மீதான நம்பிக்கை ஓட்டெடுப்பில் கலந்து கொண்டு ஆதரவாக ஓட்டளிக்க வேண்டும் தவறும்பட்சத்தில் தகுதி நீக்கம் செய்யப்படுவார்கள் என கூறப்பட்டுள்ளது. இதனிடையே இன்று (வெள்ளி) மதியம் 3 மணிக்கு கூவத்தூரில் அதிமுக எம்.எல்.ஏ.,க்கள் கூட்டம் நடைபெற உள்ளது. முதல்வர் எடப்பாடி பழனிச்சாமி பங்கேற்கிறார்.

Read More